تسلمووون عالمروور .. والسمووحة عالتاخير يالغاليين ^.^

بنزل كم جزئين ..
الجــــــــــ 15 ــــــــــزء

خالي : شفيــج انتي جنيتي .. شلون جي تكلميـن الريال .. هذا يزاه ياي يسلم عليـج ..
صحت : بس خلااااص .. ودوني البيت .. ما ابي اسمع شــي ..
ومشينا وطول الطريج انا اصيـح وهم ساكتيـن .. ومن طريقه سواقه خالي عرفت انه معصب .. بس هو ما يعرف شي .. والي قلته انا ولا شي .. انا ما اخذت حقي منه للحيــن .. انا ضعيـفه وما اقدر عليه .. بس الله فوق ..
نزلت من السياره رايحه غرفتي على طول .. قفلت الباب وطحت على السرير وانا ميته من الصايح ..
كلهم يحسبوني انا الغلطانه .. لو شنو صار انا الغلطانه .. ربي ينتقم منك يا ذياب .. الله يحاسبك ان شالله .. غسلت ويهي وخذت المصحف وتميت اقرى وعقب نمت بملابسي ..
وعيت وانا متضايقه على اللي علي .. كنت نايمه بملابس امـس .. بتنورتي وبديي .. اووف .. قمت تسبحت ولبست لي بجامه ورديه .. ومشطت شعري وخليته مفتوح عشان ينشف .. وحطيت كريم مرطب على ويهي .. وشخطت الكحل على عيني .. و طلعت .. لقيت امي نايمه في الصاله وجنبها فاطمه وناصر نايمين .. وميمي قاعده تدور وريم وخالد في المدرسه للحيـن ..
قلت : يمــه ..
امي : هممم ..
قلت : روحي رقدي في غرفتج ..
امي قامت : لا مب راقده .. ما جو خوانج من المدرسه .؟.
قلت : لا ..
طالعت الساعه كانت 1 .. يعني الحين بيجون .. شوي الا خالي داش ومعاه اليهال ..
خالي : يلا حطو الغدى ميــت من اليوع ..
امي : يلا دقيقه ويكون جاهز ..
لاعت جبدي .. رحت الغرفه وفتحت الكمبيوتر وقعدت اكمل باقي القصه .. تميت اقراها لين خلصتها ..
عيووني عورتني .. صار لي ساعه مجابله الكمبيوتر ..
رن جوالي .. رحت اركض .. شفت المتصل لطوف ..
رديت : هلا والله ..
لطوف : اهليـن .. شخبارج ؟
قلت: تمام . وانتي ؟
لطوف : الحمدلله طيبه .. بكره دوام هاا ..
قلت : ايه اوف سكتي ..
لطوف : والله انج وحشتيني .. بكره اللقاء ..
قلت : ايه والله . انتي بعد لج وحشقه فديتج ..
وتمينا نسولف عن الجامعه وعقب تذكرت سالفه خالي ..
قلت: ايــــــــــه لطوووووووف ..
لطوف : هااا هاا ؟؟
قلت : خالي .
لطوف : شفيــه ؟
قلت : لقينا له عروس .
لطوف: صـــــج والله .. مبرووك يستاهل .. منو ؟؟
قلت : وحده انا اموووت عليها ..
لطوف : منــو ؟؟ هاجر ؟؟
قلت: لا لا . هاجر تعتبر مخطوبه ..
لطوف : عيــل منــو ؟؟
قلت : جيرانا .
لطوف : من سلمى ؟
قلت : لا سلمى ياهل .. جيرانا .. بيتهم لازق في بيتنا .. وعندها اخو واحد .. وامها لبنانيه .. وابوها متوفي الله يرحمه .. عرفتيها ..
تمت سااكته ..
قلت : عرفتيــها .ههههههههه ؟
لطوف: انـــا ؟
قلت : ايه انتي فديتج .. ابيج تقولين لي رايج قبل لا يخطبج خالي رسمي ..
لطوف : شلون جي .. من مرشحني له ؟
قلت : والله العظيـم مب انا .. هو يه وسألني عنج .. من جي طرشت لج ذيج الرساله ..
لطوف : اهاا .. انا اقول ليش مهتمه هالبنت ..
قلت : عرفتي ليش مهتمه ..
لطوف: ايه مب حباَ فيني ..
قلت : والله اني اموت عليـج .. بس بعد احب خالي ..
لطوف : بفكر وبرد عليـج..
قلت : فكري على راحتج حبيبني .. ترى خالي مستعيل ..
لطوف : هههههههه مشتعيل وافكر على راحتي ؟؟
قلت : ايه عشاان اذله.. ههههههههههههههههه ..
لطوف : حرام عليـج ..
قلت : هااااااا .. بدا القلب يحن ..
لطوف : لا يحن ولا شي .. يلا يلا بااي ..
ضحكت : هههههههههههههه اعرفج لين تنحرجيـن ..
لطوف : قلت بااااااااي ..
وسكرت وانا ميته من الضحك .. من زمان ما شفتها انحرجت .. يحليلج يا لطوف. . اسميج بتموتين من الحيا اذا خذتي خالي .. بيغرقج بالكلام العسل .. مادري من وين يجيبه ..
الله يهنيهم ويكتب اللي فيه الخيــر ..
طلعت من الغرفه لقيت خالتي زينب ونجوى ..
قلت : خااااااالتي عندنا ومحد قااالي ..
خالتي : ايه اندسي في الغرفه .. بتجيج العصفوره بتقول لج ..
ضحكت وسلمت عليها .. وسلمت على نجوى ..
قلت : الا وين نور .. ليش ما جات ..
نجوى : الله يسلمج نور بكره عندها جامعه ..وراحت السوق تكمل اغراضها .. بعد ما تخلص بتجي ..
قلت : اهاا ..
تمينا نسولف وشوي الا جات غايوه ومعاها نور ..
وكلمت سوالفنا وضحكنا ..


جا رمضـان وصمنا .. وبعده العيـد وعيدنا .. وكان هالشهر من اورع الشهر اللي مرت علي .. ما كان في مشاكل ولا عوار راس .. الحمدلله .. يارب تدوم هالسعاده علينا ..مرت 4 شهور .. وامتحنت وخذت في كل المواد جيد جدا .. لان ما وراي شي غيـر دراستي ..وفهد الي تقدم لي رفضته .. انا صج صليت صلاه الاستخاره ومارتحت ..ولقيتها حجه ورفضته ... وغايوه بطنها شــــوي انتفخ .. وانا ونور ولطوف كنا نتنافس من يجيب اعلى في الجامعه .. وتقريبا طلعنا كلنا نفس المستوى .. وخالي خطب لطوف .. وبعد فتره وافقت وخالي طار من الوناسه .. وسوو ملجه بس ما سوو خطوبه .. احسن .. لان عرسها قريـب .. وعبدالله ملج على هاجر.. طبعا عمتي مب موافقه .. بس بو غيث قال انها راح تتزوجه .. وعمتي ما دري شلون سمعت كلامه .. والحمدلله الله تمم على خيـر ..


وعيت على رنه تلفون .. شفت المتصل هاجر ..
رديت بكسـل : الووه ..
هاجر : بل للحين راقده ..؟
قلت : اجازه كيــفي ..
هاجر : انزين صحصحي .. انا في مهمه ..
قلت : شنو ؟
هاجر : بدون لف ودوران .. راكان يبي يخطبـج .. وقال لي كلميها شوفي رايها ..
قلت : شـــــــنوووووو ؟؟
هاجر : ها صحصحتي ؟
قلت : راكان بيخطبني انا .؟
هاجر : ايه حبيبتي .. ليش انتي شفيــج .؟
قلت : مافيني شي .. بس من غاصبه ؟
هاجر : يمه ساره حبيبتي .. من متى الرجاجيل ينغصبون على الزواج ..؟ هو اختارج انتي ..
لا ماايصيــر .. وبدوووووور ..؟ حبيبته .. معقوووله نساهاااا .؟ لا هذا خبر ما يتصدق ..
هاجر : الوووووو .. شفيج .؟
قلت : انتي متأكده ان راكان اللي تلكم مب ذياب ..
هاجر: الله يهداج يعني بخربط بين خواني .. اصلا ذياب من ذيك السالفه وانا ما اكلمه ولا هو يكلمني .. اصلا ما يكلم حد في البيت .. كله برع .. وصاير يرقد في الملحق .. يعني محد يشوفه ولا حد يدري عنه ..
تنهدت : مادري والله .
هاجر : ليش يعني .. انتي ما تبين راكان .؟
قلت : لا مب جي السالفه .. بس ما خطر على بالي ..
هاجر : حبيبتي فكري بالموضوع زيـن .. وردي علي ..
قلت : ان شالله ..
هاجر: لا تطوليـن ..
قلت : زيــن ..
هاجر : يلا باايو ..
سكرت منها وانا مب مصدقه .. راكان يخطبني .. شلوون .. هو يحب بدوور .. شلون يفكر يتزوج .. يااربي .. كل شي في الدنيا يحيـر ..
قممت واغتسلت وصليت الظهر ورحت الصاله ..
امي : صباااح الظهر .
ضحكت : ههههههههههههه صبارح النور ..
مشاعل : انا كنت بقعدج بس هونت ..
قلت : جان قعدتيني .. من متى انتي قاعده .؟
مشاعل : من 9 الصبح ..
قلت : انا عندي اجازه . . خلوني ارتاح ..
خذت الجهاز (| الريموت ) وفرت على الدوحه وقعدت اطالع الطبخ ..
امي : ايه تعودي على الطبخ.. بكره اذا تزوجتي شبتطبخيـن حق زوجج ..
مشاعل : مكرونه .. هههههههههههههههه
ضحكت : ههههههههههههه بيموت ..
امي : ههههههههه لا تعلمي ..
قلت : يمه على طار الزواج ..
امي : خيـر.؟
قلت : هاجر اليوم متصله لي وقالت ان راكان يبي يخطبني ..
امي : رااكاان .. هذا الي زفيته من كم يوم ..
قلت : انا زفيــته ؟؟
امي : ايه في السياره ..
قلت : بـــــــــااال .. اولا هذا ذياب .. ثانيا هذا مب من كم يوم .. هذا من شهوور .
امي : ايه صـح .. والله راكان خوش ريال .. انتي فكرتي .؟
قلت : لا توها هاجر قالت لي ..
امي : فكري حبيبتي زين ما زين هاا .. هذا زواج يمه ..
قلت : ان شالله ..
انا اللي مب داش مزاجي ان راكان هو اللي خطبني .. ياربي شلون وهو يحب بدور الله يرحمها .. بهالسرعه نساها .. على قولته يمووت عليها .. والا يمكن يبيني انا انسيه اياها .. ياربي شلون .. شاسوي .. لا ما راح اوافق .. بتوهق معاه .. واذا تزوجنا .. يعني بشوف ذياب كل يوم .. لا لا لا .. ماابيه ..
التفت على امي وقلت : يمه ما ابيه ..
امي : بسم الله .. من .؟
قلت : ما ابي راكان .
امي : ليــش يا حافظ ..؟
قلت : خلاص ما ابيه .. ما يصلح لي ..
وقمت بروح غرفتي .. سمعت امي تقول : شوفيها مشاعل .. ليكون البنت صار فيها شي .. توها شزينها ..
ما سمعت الباقي لاني وصلت غرفتي وسكرت الباب ..
ياربي الي سويته صح والا خطأ .. بس ما اقدر اتزوجه .. شلون وانا بعيش معاه ومع ذياب في نفس البيت .. ما اقدر .. انا اذا شفت ذياب اموت .. شلون اذا بجابله كل يوم .. في الروحه والجيه ..
سمعت طقة باب ..
قلت : الباب مفتوح ..
دخلت مشاعل : عادي ادخل ..
قلت : حياج افا عليج ..
مشاعل : بقول لج بصراحه .. امج تضايقت من اسلوبج ..
قلت : اي اسلوب ؟
مشاعل : كنتي تتكلمين عادي .. وسكتي ..وفجأه صدميتها بقرارج ..
قلت : لاني فكرت عدل .
مشاعل : ما يسمونه تفكيـر هذا اللي سويته .. التفكيـر هو انج تجمعيـن افاكر وتستقرين على قرار .. مب اي فكره جاتك قلتيها وتعتبرينها قرارج ..
قلت : بس انا فكرت زين .,. ما اعتقد اني راح اتراجع في قراري .
مشاعل : حبيبتي لا تخلين مشاكلج مع هاجر والا اريج بنات عمتج تكون سبب الرفض ..
قلت بتردد : انا .. انـ .. اناا اللي مضايقني ومخليني ارفض شيـين ..
مشاعل : قولي ..
قلت : بس ما تقولين حق حد ..
مشاعل : اوعدج ما اقول ..
قلت : ذياب اخوه .. انا ما احبه .. ويضايقني وايد .. واريج اخته ما تستحملني ولا انا استحملها .. يعني اذا تزونا بتصيـر مشاكل مع عايلته ..
مشاعل : والشي الثاني ..
قلت : اممم .. راكان ..
مشاعل : شفيـه ؟
قلت : كان يحب وحده .. واعترف لي .. بس ماتت من 7 شهور على ما اعتقد ..
مشاعل : وهذا الي مخليج ترفضيــن ..
قلت : لا بس هوز كان يحبها .. يحبها وايد .. شلون قدر ينساها ..
مشاعل : المشكله الاولى سهله .. انتي قلتي ان ذياب واريج يضايقونج صح .
قلت : ايه ..
مشاعل : طلبي بيت بروحج .. وان شالله راح تتعدل امورج كلها .. والمشكله الثانيه .. انا ما اعتبرها مشكله .. لان كل انسان يحب .. وفيه الي يلتقي بحبيبه .. وفيه اللي يفترق .. وراكان ما كان له نصيـب فيها .. ويمكن راكان يدور الحنان والحب .. من جي راح وراها .. ويوم فقدها يبي وحده تسد مكانها .. يبي وحده يتعلق فيها ويحبها .. وراح يتكون الحب في الحياه الزوجيه ..
كلام مشاعل دخل راسي .. و تميت افكر فيه ..
يمكن يكون راكان احسن من ذياب .. بس لازم اشرط عليه بيت بروحي .. والا بقعد اجابل ذياب واريـج ..
والي قطع افكاري صوت خالي ..
خالي : هــوووود ..
مشاعل عدلت شيلتها ..
قلت : اقلط ..
خالي : ساره تعالي ابيج بسرعه ..
قلت : خيـر ان شاءالله ..
الله يستر .. ليكون في مصيبه ثانيه ..
رحت وراه ودخل غرفته ولحقته ..
قلت : خيــر .؟ لطوف فيها شي ..
خالي : لا لطيـفه بخيـر ..
قلت : عيل شالسالفه .؟
خالي : ابـوج .
تخرعت : شفيــــــه ؟
خالي : مافيه شي .. بس كلمني في موضوع .. وما اقدر افتح هالموضوع الا معاج ..
قلت : خالي تراك خرعتني .. ثواني وبتصيدني جلطه .. تكلم .
خالي : ههههههه ليش جي خايفه .. تفائلي ..
قلت : خالي ارجووك ..
خالي : ابوج اليوم جا عشان يشوف عياله .. وانا طبعا كالعاده اقول حق امج ان رفيجي يه يبي يشوف عياله .. وابوج كلمني .. وقال لي انه يبي يرد فاطمه ..
قلت : شـــــنوو ؟؟
خالي : ابوج يبي يرد امج .. ودورنا انا وانتي ان نفاتح امج في الموضوع ..
قلت : اللـــــه .. ابوي بيرد امي .. يعني بنصيـر عايله من جديد .. واكيـد المشاكل بتخف ..
خالي : ايه وان شالله امج توافق ..
قلت : ما اعتقد انها راح ترفض .. لانها تحب فطوم ونصور ووايد متعلقه فيهم .. ويوم بتدري انهم عيال ابوي بتحبهم اكثــر .. والا انت شرايـك ؟
خالي : والله مادري ..
قلت : الحين نقول لها .؟
خالي : لا شوفي مزاجها اول ..
قلت : اوكي .. بس اقول لها ان فاطمه وناصر مب عيال رفيـجك ..
خالي : ايه شي طبيعي لازم بتقوليـن لها ..
قلت : اوكي ..
طلعت من غرفة خالي ورحت الصاله .. لقيت امي تتكلم في التلفون ..
امي : الله يسلمج .. يوصل .. مع السـلامه ..
قلت وانا مبتسمه : منـــــــــو تكلميــــــــن .
امي : عمتج نهله .. اتحمد لها بالسـلامه .. سلم عليـج ..
قلت :الله يسلمج و الله يسلمها ..
امم . ابتدي الحيــن ..
قلت : يمه ..
امي : خيـر .؟
قلت : شوراج الحيـن ..
امي : ما وراي شي .. فاضيه .. ليش .؟
قلت : لا ابي اكلمج في موضوع .
امي : بخصوص راكان ..؟
قلت : لا راكان خليه بعديـن ..
امي : عيـل منــو ؟
قلت : بخصوص ابوي ..
تغيـر ملامح امي : ابــوج ..؟؟
قلت : ايه يمه ..
امي : شفيــه ؟
قلت : يبيــج ..!
امي: شنـــــوو ؟؟ يبيني .. من قال لج انتي .. من اللي قاص عليــج ..
قلت : يمه ابوي هو اللي كلم خالي .. يمه ارجعي له ..
امي : لا مب راجعه له .. انا جي مرتاحه في حياتي ..
قلت : يمـــــه بس احنــا مب مرتاحيــن ..
امي : شنو اللي مضااايقكم اذا انا صرت لكم الام والابو ..؟
قلت : يمه ناقصنا جو العائله .. ابي احس فيه .. اذا يمكن كبرت وقريب اتزوج .. بس خالد وريم وميمي .. وناصر وفاطمه ..
شفت على وجه امي علامه التعجب : وفااطمه وناصــر شدخلهم في الموضووع ..؟
نزلت راسي .. لان شكلي توهقت ..
امي: شدخـــل فاطمه وناصر بعيالي .؟.
قلت : يمه فاطمه وناصر اخواني ..
امي وشكلها فهمت الموضوع على طوول : شـــــــــنوووووووو ؟؟ اخوانج .. يعني ابوووج ما خذ وحده علي ..؟؟ ولا تبيني ارد له بعــد ..
قلت : يمـــه انتي كبرتــي .. بسج من هالكلام الفاضي .. يمه لا تفكريـن في نفسج بس .. فكري في اليهال .. فكري فيهم .. صدقيـــــــــني يا يمه بيتشتتون .. انا وغايوه بنكون محد .. بنكون في بيت ازواجنا .. وتركي وخالي تزوجو وقريب بيطلعون من البيت .. يمه محد بيتم عندج يربي هاليهال غـيرج انتي وابوي .. يمه ارجووووووو ج لا تحرميـــنهم من جو الاسره ..
امي نزلت دمعها وانا ما قدرت اقاوم .. صحت ..
قلت : يمه فكر بالموضوع زيـن .. احنا محتاجين هالجو رغم كبرنا .. بس محد يشبع من الحنان ومن الدفا .. نبي نعيـش حالنا حال غيـرنا .. ما ناقصنا شي ..
امي : يعني شنو اللي ناقصكم وما جبته لكم ..
قلت : يمه اللي ناقصنا مب ملابس ولا فلوس ولا اكل .. احنا اللي ناقصنا بيت .. بيت فيه الام اللي تخاف على عيالها وتراعيـهم .. فيه الاب اللي يحافظ على عياله ويلبي طلباتهم .. فيه الاخوان اللي يحبون بعض ..
شفت امي منزله راسها ..
رحت غرفتي على طول وطحت على السرير اصيـح .. انا ما كنت ابي اسوي السالفه جي .. كنت بتكلم معاها ببرود .. ليــش صحت ياربي ليــش .. ليش دموعي ما تخلص .. خدي شبع من هالدموع اللي تنزل عليه كل يوم .. بسبب وبدون سبب .. آآآآآه ياربي ارحمني وارأف بحالي ..
سمعت طقة الباب .. مسحت دموعي وعدلت قعدتي ..
خالي : ادخل ..
قلت : حياك ..
خالي دخل : هااا شسويــتي .؟ ما اشوفها في الصاله .. وينها .؟ انتي كلمتيها والا لا ..
قلت : خالي شوي شوي علي ..
خالي : انزين كلمتيها .؟
قلت : ايه كلمتها .. مادري شنو رايها ..
خالي : يـــاسلااام .. عيل انا مطرشج لها ليـش ..
قلت : رفضت .. بس انا عطيتها من الكلام الزين وسكتت .. يمكن بتفكر بالموضوع ..
خالي تنهد : يالله تنحــل الامور على خيـر ..
طلع خالي من الغرفه وانا فرشت السياده وصليــت العصــر ودعيــت ربي في صلاتي ييسر الامور ..
بعد ما خلصت صلاه رن جوالي .. رحت شفت هاجر المتصله ..
رديـت : هلا هاجر ..
هاجر تقلد صوتي : هلا ساره ..
ضحكت : هههههههههههههه شخبارج .؟
هاجر : بخيـر .. انتي شخباارج .؟ شمسويه ..
قلت : والله تمام ..
هاجر : حددنا عرسنا انا وعبدالله ..
قلت : صــــــج ؟؟ متـى .؟
هاجر : يعني بعد شهر ..
قلت : شــــنو .؟. بعد شهــر ..
هاجر : ايه ليش .؟
قلت : قريــب ..
هاجر : الناس يخلون فترة الملجه طويله عشان يتعرفون على بعض .. اما انا اعرف عبدالله زين ما زين ..
قلت : الله يهنيكم ..
هاجر: آآآميــن ..
قلت : شكانت ردة فعل امـج .؟؟
هاجر : الله يسلمج اول شي انا قلت حق ابوي .. وابوي قال حق غيـث اخوي يسأل عنهم .. والحمدلله طلعو خوش ناس .. وبعدها بيوميـن جو الريايل يخطبون رسمي ..
قلت : مب المفروض اول شي يجون الحريـم ..
هاجر : ايه .. بس امي كانت مسافره .. راجعه من كم يوم .. واهلها شافوني ذاك اليوم ..
قلت : انزين كملي ..
هاجر : و بعد ما خطبوني وخلصوا خذت فتره افكر يابلفيـت عشان ما يشكون بشي .. وصليت الاستخاره للمره المليون .. والحمدلله ارتحت وقلت لهم رايي ..
قلت : ويوم امج درت .؟
هاجر : يوم امي درت جد انا ملجت .. ويوم رجعت ابوي ناداها وكلمها بهالسالفه ..ويوم سألت ابوي شصار قال لي انها صاحت.. بس انا ماادري شصار بالضبط .. لان كان الحوار في غرفه ابوي ..
قلت : والحيـن تكلمج ..؟
هاجر : لا بينا حوار بسيـط .. روحي نادي وروحي سوي وجي بس .. واصلا انا من متى اسولف معاها والا اكلمها ..
قلت : هجوور مب زيــن .. هذي امج .. والجنه تحت اقدامها ..
هاجر : يــــــه .. اللي يقول بتدخل الجنه الحيـن ..
عاتبتها : هجوووووووووووووووووووور !!
هاجر : هههه ايه صـج .. ما تدل الجبله .. انا الحمدلله من قلتيلي ذاك اليوم عن الصلاه وانا ما اتركها فرض .. و هي لا تعامل زوجها ولا عيالها معامله عدله .. بالله عليـج شلون بتدخل عيالها الجنه وهي لا ..
قلت : حتى ولوووووو .. ما تقوليــن عن امج جي .. بدال ما تكلميـنها وتنبهينها تشمتيـن الناس فيها ..
هاجر: ما راح تسمعنـي .. وبتطلعني انا الغلطانه ..
قلت : عادي كلميـها مره مرتيـن .. الدق يفج اللحام ..
هاجر : بحاول ..
قلت : ايه حاولي ..
هاجر : ساروه ساروه .. اكلمج بعديـن .. عبود اتصل لي .
قلت : لحظه زيـن ..
هاجر: شنو ؟
قلت : الحين صار زوجج وللحيـن تقوليـن له عبود .. استحي ..
هاجر : هههههه ايه هو بعد يهاوشني .. يقول قبل غيـر والحيـن انتي زوجتي .. ياااااااي ساروه مب مصدقه ..
ضحكت : هههههه اعقلي بسج خبال ..
هاجر : زين يلا بررررررب ..
قلت : تت .
هاجر : عنز شايفتني ..؟ لج حساب عسـير بعديـن .. يلا تيك كيـر ..
وسكرت .. يحليلها هاجر .. رغم المشاكل اللي تمر فيها تظل قويــه .. اما انا من اقل مشكله انهار .. ابي اصيـر قويه نفسها ياربي ..
خرعني صوت رنه موبايلي ..
رديـت : هلا ..
لطوف : اهلــين .. شخباارج .؟ شمسويـه .؟
قلت : تمام .. وانتي شخباارج .؟
لطوف : الحمدلله .. اوف الاجازه قربت تخلـــــص ..
قلت : ايه والله .. اوف ما ابي اروح الجامعه ..
لطوف : بعد الاجازه قصيـره .. كلها شهر وكم يوم ..
قلت : ايه الحمدلله عطونا اجازه ..
لطوف : لازم يعطونا .. هذي اجازه الربيـع ..
قلت : ايه وانتي الصاجه .. الا ما سافرتو هالاجازه .. ليـش ؟؟
لطوف : والله انا مب متفيقه .. وحمد مشغول مع زوجته .. وييي نسيــت اقول لج .. حمد ملج من فتـره .. وكانت ملجه عاديه .. ما سوو خطوبه .. مع ان بنت خالتي ميته تبي تسوي .. بس حمد رفض ..
قلت من قلبي : الله يهنيهم ..
لطوف : يارب ..
قلت : ايه صـج ..
لطوف : شنو ؟
قلت : قلت لج ان راكان ولد عمتي خطبني ..
لطوف : صـــج ؟؟ وافقتي والا للحيـن ..
قمت رحت الصاله وانا اكلمها لاني تمللت في الغرفه ..
قلت : لا للحيـن .. بس مرتاحه شوي ..
لطوف : الله يهنيــكم ويسعدكم ..
شفت خالي قاعد .. اشر لي من تكلميـن ..
قلت : لحظه لطووف ..
سديت السماعه وهمست : لطـوف ..
خالي : اهاا .. سلمي عليها ..
قلت : لطوف خالي يسلم عليـج ..
لطوف : الله يسلمه ..
قعدت : انزيـن ..
لطوف : انتو ما تبون تسافرون .؟
قلت : لا والله .. محد تكلم .. من بعد بيتفرغ يسفرنا الله يهداج ..
لطوف : لا قلت يمكن تتغيـر الامور ..
قلت : لا مابتتغيـر ..
لطوف : وي فديــت مشـاري انا .. متصل لي ..
رفعت عيني اطالع خالي .. لقيته ماسك الجوال ومبتسم لي ..
قلت : يالنحيـــــــــــــــــــس .. ما تخليــني اتهنى معاها ..
خالي : هههههههههه خلص وقتج يلااا ..
قلت : عيل اخليـج مع قيـس ..
لطوف : هههههههههههههههههه اوكي حبي .. سلمي على خالج ..
قلت : حلفـــــي عااااااااد ..؟
لطوف : هههههههههههه خلاص ااناا بسلم عليه ..
قلت : قلبو ويهكم انتو الاثنيـن ..
وسكرت عنها وخليتهم هالثنائي ورحت ادور امي بشوفها وين ..
لقيـتها تسقي الزرع .. امي كل ما تضايق تسقي الزرع ..
رحت عندها وبست راسها ..
قلت : اســفه يمه .. قسيـت عليـج بالكـلام ..
امي : بس كان كلامج صـح .. وبعد ما خلصتـي كلامج حسـيت اني انانيـه ..
قلت : يعني افهم من كلامج انـج موافقه ..
امي : لا ابي افكر ..
قلت : اخذي راحتج ..
ورحت الصاله لقيـت خالي شاق الحلج ويكلم لطوف .. ابتسمت ورحت غرفتي .. فتحت الكمبيوتر وقعدت على المنتديات .. وسجلت في منتدى (................) وكان حلووو .. من الستايل ومن الاعضاء .. استانست فيه واايد .. وشوي الا يدخل علي خالي ..
خالي : شتسووووووووووووويـــــــن ..؟
قلت : ليش جيـت .. رووح كلم لطوف .. مخليها تسكر من عندي عشان تكلمها انت .. رووح كلمها روح خلها تنفعك .
خالي : بل بل بل .. شوي شوي .. كلتيني بقشووري ..
ابتسم : انزين اسـف ..
قلت : شوراك انت ..؟
خالي : لطوف كلمتني وقال لي انها تبيج تجيـن بيتهم ..
طرت من الوناسه : صـــــــــــــج ؟؟
خالي : ايه ايه صـج .. مشاري بن فيصل ما يكذب ..
قلت : ومنو يكون مشاري بن فيـصل ؟..
خالي : تاااج فوق راسـج يالعنز ..
ضحكت : ههههههههه اسفيــن .. غلطنا عليك ..
خالي : ها بتروحيـن ؟؟
قلت : وانت شفيـك جي مشتط وشاد حيـلك ؟
خالي : عشان قالت لي " ويقلد صوتها " عشان خاتري مشاري ..
ضحكت : هههههههههههه وهذا كله عشان خاطرها .. عيل مب رايحه ..
خالي : سااروه لا تصـيرين بايخه .. البنت تبيج تجيـنها .. حمدي ربج انتي ..
قلت : الف والحمدلله والشكر لك يارب .. بس بعد مب رايحه ..
طبعا هالكلام من ورى قلبي .. والا انا بموت عشان اروح لها فديتها ..
خالي : اوكي لا تروحيـن .. وعرسي لا تحظريـنه .. وبقول لها ما تعزمج .. وبشووف شلون بتدخلـين ..
قلت : مب على كيفك .. بدخل مع الطبالات ..
خالي : هههههههههههههه خلهم ينفعونج ..واصلا انا ماراح اجيب طبالات في عرسي .. بجيب فرقه تغني ورى حاجز .. جي احسـن .
وي ليكون من صجه ..
قلت بدلع : خــــــــــــااااااااالييييييي ..!!
خالي يصد عني اونه زعلان ..
خالي : بتروحيـن ..
قلت : وانا مينونه عشان ما اروح .. تجيني الفرصه لعندي وارفض .. ليش انا هبله ..
خالي : ومن قال العكـس ..؟
ضحكت : ههههههههه طالعه على اخو امي ..
خالي : الحمدلله مب انا ..
ضحكت : هههههههه انزين ممكن تطلع عشان ابدل .. والا مب رايحه ..
خالي : لا بروح شدعوه ..
وطلع خالي يحليله .. والله لطوف هبلته .. جي الحب يسوي ..
تنهدت وفتحت الكبت .. وتميت اطالع اللي فيه .. غمضت عيوني وطلعت لي بدله ..
لبست تنوره ورديـه فااااتحه .. وعليها بدي ابيـض وفيه حركات بالوردي .. حطيت لي بودره وزيدتها شوي .. وحطيـت كحل بطريقه غجريه .. وقلوس وردي .. واستشورت غرتي اللي توصل لنص خدي .. وفتحت شعر الكستنائي الطويـل ومشطته ..
ما يحتاج استشوار لانه سيـده مافيه كسرات وايد .. طالعه على امي فديتها ..
وحطيـت لي بتر فلاي صغيـــره على طرف شعري .. ومسكت عباتي وشيلتي وشنطتي ..
دخلت الصاله شفت خالي كاشخ قاعد في الصاله ..
قلت : يـلا ..
خالي : يه يه يه .. شهالزيــــن ..
ابتسمت بخجل : ايه طالعه على امي ..
امي ابتسمت : فديـتج .. الله يحفظج ويحرسج من عين الحسود ..
خالي : يــــــه .. شوفوا هذي " ويأشر علي "
قلت : شنو ؟
خالي : الحيـن انا اللي امدح وتقوليـن طالعه على امي ..
قلت : ما قلت شي غلط .. طالعه على حلوه اللبن ..
خالي : امشي امشي لا اهون ..
قلت : لحظه انت ليـش كاشخ ..؟ خيـر ؟
خالي : بروح ..
قلت :وين ؟
خالي : معاج ,.
قلت : شتبي ..
خالي : خطيبتي هناك بعد شنو ..
قلت : اااهاااااااااااا .. يعني صار لك ساعه تحن علي عشان اروح بيتهم .. بالاخيـر طلعت انا الواسطه اللي بينكم ..
خالي : بعد شاسوي .. قلت لها ابي اجي بيتكم .. قالت جيب ساروه وياك .. شاسوي انا ..
قلت : اوكي ..
مشيت ..
قلت : يلا وراي ..
خالي مسكني من يدي وسحبني وراه ..
خالي : ورااي ..
سمعت امي تضحك : الله يهديـكم ..
وركب السياره ..
قلت : شحقه راكب السياره ؟ بيتهم كاهو ..
خالي : رزه شفيـج ..
قلت : رزه الفيـس من طبايع الشسمه هاااا ..
خالي نزل بسرعه : شـــــنوووووو .؟
رحت بسرعه عند باب بيت لطوف وانا اضحك ..
خالي : يالغجريه يطقون الجرس ما يوقفون عند الباب ..
رن خالي الجرس والخدامه فتحت لنا الباب ..
خالي : مدام لطيـفه هنيه ..؟
الخدامه : يس ..
قلت : توها مسكره من عندك وتسأل اذا هي في البيت والا لا .؟
خالي : لازم نرز ويهنا شوي ..
قلت : انا قلت رزه الفـيــ ...
قاطعني ودخلني داخل بسرعه ..
طقيت باب المجلس وانفتح الباب .. وشفت حمد كان كاشخ بالغتره والعقال والثوب .. من طالعته نزلت راسي بسرعه وقلبي يدق بقوه .. وقمت ارتجف .. للحظه فكرت ان ارجع البيت ..
حمد : هلا مشاري هلا ..
خالي : هلا فيـك ..
وسلموا على بعض ..
حمد : حيااكم .. لطيف داخل ..
دخل خالي وانا وراه وماسكه ثوبه كأني ياهل ..
خالي يهمس لي : هدي ثوبي عفستيه (كرمشـتيه ) .. بتخترب الكشخه الحيـن ..
هديت ثوبه .. وشوي الا تدخل لطوف ..
كانت لابسه فستان قصيـر يوصل لنص الساق احمر وفاتحه شعرها القصيـر وحاطه ميك اب احمر خفيف وطالعه تحفه .. شفت خالي لقيته مفتح شفايفه ويطالعها ..
لطوف بابتسامه خجل : السـلام عليـكم ..
خالي وقف وانا وقفت معاه : وعليـكم الســــلام والرحمه ..
سلمت على خالي بيدها وشكلها منحرررررررررجه ..
وسلمت عليها وقعدت جنب اخوها ..
وانا طول الوقت منزله راسي واهز ريلي .. مرتبكه وخايفه .. اما خالي معتبر البيت بيته .. يسولف ويضحك مع لطوف وحمد ..
رفعت عيني شفت حمد يطالعني .. صادتني رجفه .. وجسيت بالبرد .. وحسـيت بالشوق لايام الحب اللي كانت بينا .. للحيـن يا حمد سوالفك ما تغـير .. ولا ضحكتك .. مافيك شي تغيـر .. الكل تمر عليه ظروف ومشاكل وتعدى وينساها .. الا انا .. ما ادري ليش المشاكل والهموم تنحبس فيني .. في كل دقيقه اتذكرها واتألم وكأن توني عايشتها .. آآآه ياعذابي آه ..
قلت : لطوف ..
لطوف : هلا .
قلت : ابيج شوي ..
وقفت ورحت اخر الميلس .. وشفت حمد وخالي يطالعوني ..
لطوف تهمس : خيـر خرعتيـني ..
قلت بهمس : لطوف ابي اطلع من الميلس .. ما ابي اقعد معاه ...
لطوف : بس انتي مب معاه بروحكم ..
قلت : لطووووووووف طلعيييييييييني من الميلس الحيـــن ..
لطوف : زين خلاص .. يلا امشي الصاله ..
ومشيـنا شوي ..
حمد : على ويـن ..؟
لطوف : بنروح الصاله وبنخليكم على راحتكم ..
حمد : اوكي .. مع ان كنا مرتاحيـن معاكم .. مو جي مشاري ..
خالي يطالع لطوف : ايه وااااااااايد ..
لطوف استحت مسكت يدي وودتني الصاله ..
ما اقدر اوصف لكم شنو شعوري في هاللحظه .. حسيـــــت برااحه مو معقوله .. في الميلس كنت قاعده باعصاابي .. وكنت مرتبكه .. والحيـن حسيت براحه فضيـعه ..




انا الحيـن في بيت لطوف ..
ومعانا حمد ..
شتتوقعون حمد يسوي ..؟
والا شتتوقعون يصيــر في هالبيت ..
والا ما راح يصيـر شي دام ان خالي موجود ..؟
وانا هل بوافق على راكان والا بحن حق حمد وبرفض راكان ؟؟
كل هذا في جـزء الـ 16 ..

الجــــــــــ 16 ــــزء ..

لطوف : ساروه حمد ضايقج بشي ؟؟
قلت : لا ..
لطوف : عيـل ليش جي خليتينا نقوم ؟
قلت : ما قدرت استحمل القعده معاه ..
لطوف : ساروه انســي .. انســي ..
قلت : ما اقدر .. لا تطلبين مني شي مب بيدي ..
لطوف : للحيـن تحبيـنه ؟؟
قلت : لا تسأليـني ؟
لطوف : بس انا ابي جواب .
قلت : شيهمج اذا انا احبه والا لا .. هو تزوج خلاص ..
لطوف : لا يهمني ..قووولي .. انتي تحبيــنه ..؟
قلت : هذا كان حبي الاول .. ولازم بتأثر اذا شفته ..
لطوف : تحسبيـن هالجواب كافي .؟
قلت بملل: ايه كافي ..
لطوف : شفيـج عصبتي ؟
قلت : ما عصبت.. بس انتي تسأليـني اسألـه انا ما اعرف جوابها ..
لطوف : لازم تعرفيـن جوابها .. لانج راح ترتبطـن ما واحد ..
قلت : منـو ؟
لطوف : انتي غبيه والا تسغبيـن .. راكان ما قلتي انه خطبج ..
قلت : امبلا بس انا للحيـن ما قلت رايي ..
لطوف : يعني بترفضيــن ؟
قلت : ليـش لا ..؟
لطوف : لان لازم يكون عندج سبب مقنع .. وانا اللي عرفته عن راكان منج انه ولد حبوب وحليـو ..
قلت : بس اذا رفضته تكون لي عذاري الخاصه .. مب الكل لازم يعرفها ..
لطوف تنهدت : بروح اجيـب لج شي يبرد اعصابج ويهديـج ..
تنهدت وتسندت على الكرسي .. صج انا ما ادري شفيـني اليوم .. وبالذات يوم شفت حمد ..
ذكرت ربي عشان اهدأ شوي .. مب وقته قاعده في بيت ناس ومعصبه ..
يات لطوف ومعاها عصيـر ..
لطوف : تفضلي .
قلت : دام فضلج ..
حطيـت العصيـر على الطاوله ..
قلت : اسفه لطوف .. كنت معصبه شوي ..
لطوف : عادي فديتج .. مراعيه شعورج ..
سكت وانا منزله راسي ..
لطوف : المهـــــم .. ما قلتيــــــلي .. شراااااايج في كشختــــي ؟؟
فصخت شيلتي : تجنــــنيــــن .. اسميه خالي انهبل ..
لطوف انحرجت : مشكوره ..
ضحكت : ههههههههههههههه يحليـلج ..
قلت : ما قررتو متى العرس ؟
لطوف : توه من سكر من عندي من شوي قال لي شرايج بعد شهر ..
قلت : لااااااا .. قريـــــب .. عرس هجور بعد شهر ..
لطوف : شاسوي .. قلت له قريـب .. هو يبي جي ..
قلت : عيل اذا حجر الفندق روحي جهزي عمرج ..
لطوف: ايه اكيـد .. انا من امس ابتدت رحلتي ..
قلت: الله يوفقج فديتـج ..
لطوف : ويوفقج انتي حبيبتي
رن جوالي .. شفت المتصل خالي ..
رديـت : هلا خالي ..
خالي : اهليـن .. وينج ؟
قلت : في الصاله مع لطوف ..
خالي : انا طلعت من بيتهم ها .. بروح مع الربع .. اذا بترجعيـن البيت قولي حق تركي والا خالد يجيبونج .
قلت : انزيــن ليش ما خذتني معااك .؟
خالي : مادري .. ما قلتي .. اذا تبين تروحي اتصلي لهم ..
قلت : اوكي ..
خالي : يلا مع السلامه ..
قلت : في امان الله ..
قلت : راح ..
لطوف : راح مشاري ؟
قلت : ايه راح .. ما خذاني معاه .
لطوف : يااسلاااام .. وتبين تروحيـن بدون عشا ..
قلت : كاهو خالي راح ..
لطوف : خالج برويـه شغله .. بس خلني اكلمه ..
ضحكت : ههههه .. زين بقعد ..
وتمسكنا نسولف ونضحك .. وجابت لي صور رحلتهم .. وتمت تعلق وتقول مغامراتها في المكان .. والله وناسه فرنسا ..وشوي اسمع صوت حمد ..
حمد من ورى الباب : هوووود ..
لطوف : حمد بيدخل ..
قلت : شيبي ؟
لطوف : مادري ..
عدلت قعدتي ولبست شيلتي ..
لطوف: تعااااال ..
نزلت راسي نطرته يروح غرفته ..
حمد : شخبارج ساره ..
رفعت راسي لقيته قاعد مجابلني وجنبي لطوف ..
طالعت لطوف وقلت : بخيـر ..
حمد : شمويه ؟
قلت : ما شي ..
حمد كأنه يتطنز : حبيتي غيـري ..
طالعته باحتقار : لا مخطوبه اخوي ..
شفته وكأنه انصدم ..
حمد : مـــــن صجج ؟
قلت : ليـش انت مب متوقع اني اتزوج والا شلون ؟
حمد : لا توقعت للحيـن حبي في قلبج ..
قلت : وشلون احبك وانت تزوجت غيـري بعد ما وعدتني بالزواج ؟
حمد : بس انتي تدريـن ان السالفه مب بيدي ..
قلت : حمد ارجوك ما ابي اتكلم في هالسالفه .. لو ما انخطبت وتزوجت شبتسوي انت يعني .؟
حمد : بتزوجج ..
قلت : لااااااا والله ..
حمد : ساره انا للحيـن احـ ,,
قاطعته : لا تقـص على روحك وتقـص علي .. اي حب اللي تتكلم عنه وانت متزوج حاظرتك .. دام انك تحبني على قولتك ليـش تزوجت ..؟
حمد : انتي تدريـــن يا ساره ومافي داعي اعيد هالسالفه ..
قلت : وانا مب مستعده اخذ واحد يبيع حبه عشان ناس قالوا له اترك حبيبتك وتزوج غيـرها .. هذا اصلا عذر ما يقنع احد ..
حمد : بس امي مب اي احد .. امي هي اللي قالت لي ..
وقفت : على العموم آسفه اذا ازعجتكم .. انا رايحه .
لطوف وقفت ومسكت يدي : لا سااروه . الحيـن حمد بيروح ..
قلت : لا لطوف مره ثانيه .. الوقت تأخر ..
حمد : من اللي خطبــــج ؟
التفت عليه : هذا ما يخصـــــك ..
حمد : يعني ما يصيـر اعرف ..
لطوف : بـــــــس حمد بــــس .. البنت في بيتك احترمـــها عاااد ..
خذت شنطتي وطلعت برع .. ولطوف وراي ..
لطوف : سوري ساروه .. ارجوووج مسحيـها في ويهي .
قلت : ما صار شي ..
مسكت قبضه الباب ..
قلت : مع السلامه ..
ورحت بسرعه ما ابي حد يشوفني امشي بروحي .. وصلت البيت ودخلت الصاله ..
قلت : السـلام عليـكم ..
تركي : من وين يايه ..؟
طنشته ورحت غرفتي بسرعه وطحت على السرير وانا اصيــح ..
ليــش شفته ياربي ليـــش .؟؟ ليش رحت بيتهم .. آه ياربي .. ابي انساه .. ابي انســـــــــى ..
سمعت طقه باب ..
رحت الحمام بسرعه .. وغسلت ويهي وطلعت .. لقيت تركي واقف عند باب الغرفه .. طالعته ..
تركي : من وين يايه ؟
قلت : من بيت لطوف ..
تركي : يــا ســلااام ..؟ وبأذن منو رحتي ؟
قلت : خالي كان معاي ..
تركي : وينه الحيـن .؟
قلت : راح مع ربعه ..
تركي : تدريـن لو جايه بروحج البيت ما بيحصل لج خيـر ..
قلت : ليــش يعني .. انا يايه من باار ؟
تركي صرخ علي : لاا تطـــوليـــن لسااااانج ..
قلت : وانت كله مكبـر السالفه وبس ..
تركي : يعني انتي يايه من بيت بوحمد بروووحج ..
قلت : ايه بروحي ..
تركي : ومشاري ؟
قلت : خالي طلع قبلي وراح مع ربعه .. وانا جيت بروحي .. ما اعتقد ان البيت بعيـد .. كلها خطوتيـن ..
تركي صرخ : بــــــس انتـــي تدريــن السالعه كم الحيــــن ؟؟
طالعت السعه لقيتها11 ..
تركي : شوفـــي سويــر .. انا طلعتي مكان حتى لو مع مشاري .. بدون علمي ما تلوميـن الا نفسـج ..
صرخت : لااااا يـكون زوجـــي وانا مادري ..
ما وعيت الا انا على الارض .. لانه صفعني صفعه فرت راسي ..
تركي هدى شوي: شوفي ساروه .. انتي الطيـب ما نفع ولا العنف .. شتبيني اسوي فيـج ..
صحت : يعني انا شسويت الحيـن ..
تركي : شلون تطلعيـن في نص الليل بروحج .. ترى كله هذا خوف عليـج .. بس انتي ما تفهميـن ..
غطيت وجهي بيدي وتميـت اصـيح .. جا تركي وضمني لسدره .. ما صدقت خبـر .. على وزاد صياحي ..
تركي : بس خلاص زين .. انا آسف .. واذا ما كررتي اللي سويتيه ما راح امد يدي مره ثانيه ..
ما صدقت ان هذا تركي .. بس نفس الصوت .. نفس الشكل .. نفس العنف .. بس هالحنيـه ما مرت علي ..
قام تركي عني ..
تركي : قومي غسلي ويهج يلا ..
قمت وانا حاسه ان جسمي مكسـر .. رحت غسلت ويهي وانسدحت على السرير بملابسي ونمت ..
حسيت بضيـق .. فتحت عيوني لقيت نفسي نايمه بملابسي .. اوووف .. قمت رحت الحمام وبدلت ولبست لي بيجامه .. وصليـت الظهر وطلعت .. لقيت امي توها نازله من فوق السـطح .. اكيـد تنشر الملابس ..
قلت : السلام عليكم ..
امي : وعليكم السلام ..
قلت : وانتي للحيـن تنشرين الملابس فوق السطح .. ما تطورتي ..
امي : بعد شلون اتطور .. انتشرهم في غرفتي .؟
قلت : ههههه لا اشتري لج نشافه .. وهي بتنشف كل الملابس ..
امي : يصير خيـر ..
رحت قعد في الصاله وحطيت على برنامج مال الفن والرسم ومادري شنو وقعدت اطالعه ..
خالي دخل : الســــــلام عليـكم ..
قلت : وعليكم السلام ..
خالي : شخبار ؟
قلت :زينه ..
خالي قرب صوبي وهمس لي : ما ردت امج جواب ..
قلت بنفس النبره : على شنو ..؟
خالي : على ابووج ؟؟
قلت : لا والله ما ردت ..
خالي يصوت : فاااااااطمــــه..
قلت : شنو بتقول لها ؟
خالي : بتسمعيـن الحيـن ..
امي : هلا مشاري .. خيـر .؟
خالي : شنو ردج على راشد .؟
امي : اي رد ؟
خالي يطالعني ويطالع امي : شفيــكم انتو اليوم .. يوميـن ونسيـتو السالفه .. ردج على راشد موافقه انه يرجع لج والا لا .. لانه مللني. . كل يوم يتصل لي ..
قلت : امبلا امي موافقه ..
امي : من قال لج ..
قلت : عيـل ؟
خالي : مب موافقه ..؟
امي : من قال لك ..؟
خالي : ياااااااااااااااااااااااااااااااا .. حيرتيــني معاج ..؟
امي ابتسمت : موافقه ..
نطيـت عليها وبوستها تبويس ..
قلت : فديـــــــــتج يمه والله ..
خالي : مبرووووك يالعروووس ..
امي شكلها انحرجت وراحت ..
وانا وخالي تميـنا نضحك .. وشوي ويدخل تركي..
تركي : السـلام عليـكم ..
انا وخالي : وعليـكم السـلام ..
تركي : ويـن مشاعل عنكم ؟
قلت : مادري انا من قمت ما لقيـتها ..
راح غرفته وخالي بعد .. وانا رحت المطبخ اساعد امي ..
حطيـنا الغدى في طاوله الطعام الجديده ويا خالي وتركي ومشاعل .. وكلنا ..
تركي قام: ساره بعد الغدا ابي اكلمج ..
بعد لقمتي : خيـر ,,
تركي : خير ان شالله ..
انسدت نفسي .. مادري حسيـت ان في مشكله يايه في الطريـج ..
غسلت يدي ورحت الصاله .. ما شفت تركي .. رحت غرفته ولقيته قاعد على السرير يقرى جريده ..
قلت : خيـر ..؟
تركي : تعالي قعدي ..
قعدت جنبه وانا انتفض ..
تركي : ما سمعنا رايـج ..
قلت : في شنو ؟
تركي : في راكان ..
قلت : بس انا للحيـن ما فكرت ..
تركي : والريال ينتظر الرد منج ..
قلت : بفكر ..
تركي : انا ما راح اجبرج نفس ما جبرتج على ماجد .. بس كل ما تكبريـن اكثر فرصه الزواج تقل ..
قلت : انا مب ملتقعه على الزواج .. الزواج اصلا من اخر خصوصياتي .. وانا بعد مب من كبري .. توني ياهل .. الا غايوه اللي مزوجيـنها وهي بزر ..
تركي : يعني شنو ؟
قلت : مادري ..
تركي: ابي جواب الحيــــن .. موافقه على راكان والا ..
حطيت يدي على قلبي .. ما عرفت شاسوي .. اخاف اقول قراري واندم ..
تركي: السكوت علامه الرضا .. بس ويهج ما يدل على جي ..
قلت : مادري يا اخوي مادري ..
تركي تربع : شوفي .. راكان غيـر عن ذياب ..
بطلت عيني وطالعته ..
تركي : ايه غيـر .. ذياب حركاته طايشه وللحيـن ياهل .. يركض ورى البنات وورى الموضه في كل شي .. يعني ما يصلح كزوج .. اما راكان ماشالله عليه عين الرزانه .. رجال والنعم فيه .. محامي عود ويعتمد عليه ..وهو قد الزواج ..
نزلت راسي .. محتاره ..خايفه اظلمه اذا خذته .. واخاف هو يظلمني ..
تركي : ما قلتي شي ..
سكت ..
تركي : اذا مب موافقه عطيني خبـر .. ترى الرجال ينتظر .. بيني وبينج هو امس كلمني يستعجلج في الرد .. بس انا قلت لج اليوم ..
قلت : اوكي خلاص ..
تركي : شـنو خلاص .؟
نزلت راسي : موافقه ..
تركي ابتسم وباسني على راسي : مبــــرووووك .. مبروك مقدما ..
قلت : الله يبارك فيـك ..
طلعت من غرفته ورحت غرفتي على طول .. انسدحت على السرير افكر ..
آه .. ان شالله ما اندم على هذا القرار .. هذا مصيــري ياربي ..القرار اللي اتخذته صـحيح والا لا .. آآه ياربي انا متحاره ..
دخلت علي امي : الف الف الف مبـروك ياحبيبتي ..
باستني وبستها : الله يبارك في حياتج ..
قلت : يمه ..
امي : نعم ؟
قلت : متى بترجعيـن حق ابوي .؟
امي : مادري .. مشاري يكلمه .. انا مادري ..
قلت : اوه عيـل عرسي وعرسج مع بعض .. هههههههههههههه
امي : هههههههههه .. الله يسندر بليسج .. انا مب مسويه شي ..
قلت : لا يمه لازم نسوي حفله صـغيــره .. وعقب تروحون فندق ..
امي : ههههههههه شدعوه تونا معاريس .. اذا رجعنا بيكون يوم عادي .. ما بسوي حفله ولا شي .. وبنام في بيتي ..
قلت : يه شدعوه ..
امي : ايه حبيبتي .. كيفي ..
قلت : اوكي كيفج ..
طلعت امي ودخلت مشاعل : مبرووووك حبيبتي ..
ابتسمت : الله يبارك فيج ..
مشاعل : واخيـرا باحظر عرس ..
قلت : انتي ما سويتي عرس صـح ..
مشاعل : ايه ما سويت .. لان ابوي كان متوفي من سنه .. وما حبيت اسوي عروس ودوشه .. سوينا حفله بسيطه وخلاص ..
قلت : مشاعل ودي اسألج سؤال .. بس ابيج تجوابيني بصراحه ..
مشاعل : قولي حبيبتي .. اسمعج ..
قلت : بتجوابيني بصراحه ..
مشاعل : امممممم ايه بجوابج ..
قلت : انتي كانت لج علاقه مع تركي قبل لا تتزوجون ؟؟
مشاعل بلعت برجها : تبين الصـج ..
قلت: ايه ..
مشاعل : ايه كانت لنا علاقه ..
قلت : من متى ؟
مشاعل: والله من زمان .. كلمته بالصدفه .. حسبالي اخوي . لان يختلف على اخر رقم .. وانا بدال ما اضرب 6 .. ضربت 5 واتصلت حق تركي .. وطلع نفس الصوت .. هههههههه لا تذكريني ترى افتشل ..
قلت : ليـش ؟ شقلتي له ..
مشاعل : هههههه كنت متهاوشه مع اخوي الصغيـر وجر شعري .. وانا اتصلت حق مشعل اخوي على اساس يكلمه ويهاوشه ..
قلت : انزيـن ..
مشاعل : اتصلت حق تركي وانا مادري وقلت : مشـعل تعال بسرعه شوف عزوز ..
تركي : من ؟
مشاعل : شووف عزوز طقني ..
تركي: طقيـه ..
مشاعل : لا انت تعال هاوشه ..
تركي : انا بعيـد ..
مشاعل : انزي هاك كلمه على التلفون .
تركي : لا ما ابي اكلمه .. انتي منو ؟
مشاعل : انا شعول ما تعرفني يعني .. والا رقمي مب مسجل في جوالك ..
تركي : لا مسجل بس انا ما شفت منو ..
مشاعل : انزييييييييييين هاوشه .. انا هددته فيـك ..
تركي : انزين تأكدي انتي حق منو داقه تلفون وساعتها تكلمي ..
مشاعل تكلمني : عاد انا هنيه صخيــــــــــــت ..
ضحكت : هههههههههههه وتركي كمل معاج في البدايه ..
مشاعل : ايه كمل .. وهذا اللي خلاني ما اشك فيه .. لانه يتكلم نفس برود مشعل ..
قلت : وبعديـن ..
مشاعل : وبس حفظ رقمي وتم يتصل لي ويقول : هااا عزوز طقج والا لا ..
ضحكت: هههههههههههههه ويتطنز بعد ..
مشاعل : ايه وانا كل ما يجيب لي السالفه اضحك وانحرج ..
قلت : والله خوش تعرف ..
مشاعل : اي بس لا تقوليـن حق تركي ..
قلت : ايه افا عليـج .. ما راح ابطل حلجي ..
عقب ناديت : تــــــركــــــــــي ..!!
مشاعل : يااااااااماااااااااااال العافيه .. انطمي ..
ضحكت : هههههههههههههههه ..
عقب تذكرت .
قلت : لحظه لحظه ..
مشاعل :شنو ؟
قلت : بس انا سمعت محادثه بينكم .. ان تركي كان يبي يبات عندج ..
مشاعل تغيـرت ملامحها ..
قلت : شفيـج ..
مشاعل : لانا تزوجنا بالسر وعقب اعلنا زواجنا ..
قلت : وليـش تزوجتو بالسـر ..؟
مشاعل: مادري .. تركي شار علي .. وانا كنت اموت فيه . ما قدرت ارفض ..
قلت : امج واخوج يدرون ..
مشاعل : امي تدري .. بس اخوي لا .
قلت : انزيـن شلون ما حــس ؟؟
مشاعل : مشعل دووم يسافر .. وما يقعد في البلاد ابد .. اذا بيطول في الدوحه يقعد شهر .. وهو مب داري عنا ..
قلت : وشلون تزوجتي .؟
مشاعل: امي قالت حق عمي الوحيـد وعمي وقف معاي وساعدني ..
قلت : ما خفتي ؟
مشاعل : امبلا خفت .. بس تركي كان يشجعني .
قلت : وليـش تزوجتو بالسر ..؟ ليـش ما قلتو حق احد ..
مشاعل : انا ما كنت ابي اتزوج بالسـر .. بس تركي اللي لزم علي ..
قلت : ليــش ؟
مشاعل : اقول لج مادري .. وهذا الشي الوحيـد اللي محيـرني لليـوم ..
قلت : ما سألتي تركي .؟
مشاعل : سألته .. سألته وايد .. بس دوم يضيـع السالفه والا يقول السالفه طويله .. والا يقول مب مهم .. ما عرفت منه الجواب ..
قلت : انتي شنو تتوقعيـن ..
مشاعل : ممممادري .. بس انا شاكه في شي ..
قلت بلقافه : شــــنو ؟؟
مشاعل : كان هذا اول مشاورنا انا وتركي عشان نتزوج ..
قلت : ليـش زواجكم كان له مشاويـر ..
مشاعل : ايه ..
قلت : انزيـن ..
مشاعل : تركي قال لي بروح اخطبـج من اهلج .. وانا قلت له الباب مفتوح حياك الله في اي وقت .. وبعد كم يوم تقدم لي من اخوي .. وقال لي تركي بعد ما طلع من بيتنا وكان معصـب ..
تركي معصب : انتـــــــــي ليـش مــاقلتيـلي ان اخووج مشعل ؟؟
مشاعل : وانا شدراااني انك تبي تعرفه منو .. شسوى فيـك .؟
تركي : انصدمت يوم عرفت ان هو اخوووج .. ويوم قلت له اني ابي اتزوجج رفضـــني ..
مشاعل : ليــش انزيــــن ..؟
تركي : تسأليــــني انااا .. بس انا ما راح اخليـه .. ما راااح اخليــه .. بتزوجج يعني بتزوجج ..
وسكر التلفون في ويهي .. وما اتصل لي الا بعد يوميـن ..
قلت : وما عرفتي منه السالفه ..
مشاعل : لا .. كان يقول ان مشعل كان يعرفه قبل .. يعني كانوا ربع ..
قلت : وهاي اللي مضايق تركي ..؟
مشاعل : مادري عنه ..
قلت : انزيـن شلون عقب تزوجتو .؟
مشاعل : كلمني تركي وقال لي إنا نتزوج بالسـر .. انا قلت لا على طول .. بس هو قال انه يحبني وما قدري يستغنى عني .. وعقب لان راسي ووافقت .. وقلت له اني بقول حق امي .. وقلت لها وامي طبعا رفضت .. بس انا بكيـت في حظنها وقلت لها ان مشعل ما راح يزوجني .. وانا بكبر ومشعل مب دراي عني .. وامي من النوع اللي بسرعه ينقص عليها لانها طيـبه .. فقالت لي سوي اللي تبينه بس انتي اللي بتتحملـين اللي بيصيـر .. وانا كنت واثقه من تركي كل الثقه .. وكنت متطمنه .. وقلت حق تركي وتزوجنا الحمدلله ..
قلت : شلون عقب اخوج وافق ؟
مشاعل : من قال لج انه وافق ..
قلت : عيل شلون اعلنتو زواجكم .؟
مشاعل : انا اقول لج .. رجع مشعل من السفر بعد ما صار لنا متزوجيـن شهريـن .. وياني مشعل وقال لي ان في واحد خطبـج مني ..وانا رفضته .. ومشعل يبي يغصبني عليه .. ورحت على طول اتصل حق تركي .. وقلت له .. وتركي عصب ويا البيت .. اللي هو بيتنا .. وتهاوش مع مشعل .. وانا في هالحزه كنت في غرفتي مع امي اصيـح .. خايفه تركي يطلع من البيت ومشعل يذبحني ..
قلت بندماج : انزززززززززين ..
مشاعل : عقب تركي اتصل لي ..
تركي : شعول تعالي الميلس بسرعه ..
مشاعل :رحت الميلس مع امي .. ما قدر اروح بروحي .. واول ما دخلت الميلس لقيـت مشعل وتركي واقفيـن جدام الباب وشكلهم معصبيـن ..
مشاعل : خيـر ؟
مشعل معصب: الكـــلام اللـــــي يقـــووووله هذي صــــــــــح ؟؟
مشاعل بخوف : اي كلام ؟
مشعل : زواااااااجج منه ..
مشاعل قربت من تركي : ايه صـح .. انت رفضته .. وانا احبه وهو يحبني . وتزوجنا على سنه الله ورسوله ..
تركي : سمعت الكلام بنفسـك .. اظن الحيـن لي الحق اني اخذها بيتي ..
مشعل : لا حبيـــبي .. بتطلقها الحيـن ..
مشاعل شهقت ..
تركي يضحك ضحكه استهزاء : اطلقها .. ليـش انا تزوجتها عشان اطلقها ..؟
مشعل : انت خذتها بدون شوري ولا راي رجال ..
تركي : بس الحيـن القرار قرارها .. وانا ما انتظرك تقبل والا ترفض .. والحيـن انتهى الكلام اللي بيني وبينك .. ومشاعل بتجي معاي الحيــن ..
مشعل : سويتها .. سويتها ياتركي ..
تركي : انت اللي ما رضـيت من البدايه .. وانا قلت لك اني بتزوجها ..
مشعل يطالع مشاعل : لا انتي اختي ولا انا اعرفج .. برررررررررررع ..
امي : مشعل استهدي بالله ..
مشعل : يمه انتي لا تتدخلـين .. بنتج نجسه .. نجسسسسسسسه ..
تركي صرخ : احتـــــــرم نفسـك .. هذي زوجتي صارت .. وهي الحيـن بتاخذ اعراضها وبتجي معاي .. من زين القعده معاااااك ..
مشاعل تكلمني : وخذت اغراضي وانا اصـيح وودعت امي .. ومن طلعت من البيت ما شفتها ..
قلت : ومن طلعتي من بيتكم جيتي بيتنا ..؟
مشاعل : لا سكنت في فندق مع تركي .. وقال لي انه بيجهز كل شي وبيرتب الامور وبياخذني بيتكم ..
قلت : وشلون كانت امي تستقبلج ؟
مشاعل : عادي .. رحبت وهلت .. اصلا امج عسـل ..
تفتح الباب بسرعه خرعني .. شفت تركي واقف ..
تركي : انتي هنيه وانا ادورج ..
مشاعل : خيـر ؟
تركي : ليش مندسه هنيه .. تعالي ..
مشاعل قامت : ان شالله ..
رحت صاله شفت امي تسولف وهي منفعله ..
امي : لااااا انا مب طالعه من البيت يعني مب طالعه ..
خالي : فاطمه الله يهداج .. ما بيحذفج في مزبله .. بيوديـج فله احسن من هالبيت ..
امي : بيتي وتعوت عليه .. ما اقدر افارجه ..
قلت : خيــر خيـر .. شصااير ..؟
امي : سمعي رمسة خالج .. يقول ابوج يبي يشتري بيت ثاني ويسكنا فيه ..
قلت : ايه يا زين ما قرر ابوي ..
امي : وانتي موااافقه .؟
قلت : ايه .. عادي ..
خالي : شفتي .. هذا البيت يا فاطمه قديـم .. اذا انتي ما تبين تطلعيـن منه .. الحكومه بتطلعج بالغصـب ..
امي : شخانتها الحكومه فيني وفي بيتي ..
خالي : خلاص هالمنطقه بياخذونها كلها .. وبيعطونكم بيوت يديده .. يعني روحي البيت اللي قال عنه راشد احسن لج ..
امي سكتت ..
قلت : واخيـر بنروح بيت ثاني ..
خالي : ايــــه صـح .. مبروووك انتي..
ابتسمت : الله يبارك فيـك ..
خالي : بكره الملجه هاا ..
قلت : بل بل .. بهالسرعه تبون تفتكون مني ..
خالي : ايه خلاص .. ياج نصيبـج وروحي مع زوجج ..
رحت عند امي ولميـتها : لا حبيبي .. انا بتم مع امي شوي .. ما ابي اروح بسرعه ..
خالي : انتي بتروحيـن بيتروحيـن .. بسرعه والا شوي شوي ..
قلت : لااااا خالي .. ابي اشوف البيت اليديد وابي احجز لي غرفه ..
خالي : ههههههههههههه قولي جي من البدايه ..
امي : هههههههههههه .
تركي : عيل يلا .. خلنا نرتب اغراضنا عشان نطس ..
ورحت غرفتي وفتحت الكبت وطلعت كل اللي فيه وحطيـته على السرير .. فتحت الشنطه وقمت ارتب ملابسي .. وشوي الا دخلت علي مشاعل .. تخرعت .. دخلتها علي غريبه .. هي بالعاده تطق الباب .. شصاير ..
طالعتها مستغربه ..
مشاعل منزله راسها : ممكن ادخل ..
قلت : حياج مشاعل .. شفيــج ..؟
مشاعل : طلع زواجي منه تحدي .. تحدي يا ساره تحدي ..
قلت : مشـــاعل شفيـج ..؟ فهميني شصاير ..؟
مشاعل تصـيح : طلع متزوجني عشانه متحدي مع مشعل ..
قلت : مشاعل اهدي وفهميني شصار.. شلون تحدي ..
يات وقعدت على السرير .. وانا قعدت جنبها ..
مشاعل مسحت دموعها : انا سألته .. سألته عن كل شي محيـرني.. سألته ليـش تزوجنا بالسر .. قلت له ابي اعرف كل شي الحيـن .. تم ساكت وشكله مستغرب من اللي اقوله .. صرخت عليه وقلت له يقول لي الصـج .. وقال لي كل شي وياريته ما قال ..
قلت : انزيـن شقال ..؟
مشاعل : قال ان كانت له علاقه مع بنت .. وكان يحبها .. واكتشف ان مشعل اخوي اللي هو رفيـجه يحبها بعد .. وتصادفو وصارت هوشه كبيـره .. وراحت البنت حق اخوي مشعل .. وطلعت خاينه له ولتركي .. يعني طلعت تلعب عليهم هم الاثنيـن .. وتركي كان يبي يقهر مشعل .. وحلف انه يتزوج اخته .. وهو كان له علاقه معاي .. يوم عرف اني اخته تزوجني عشان يقهره ..
قلت : بس هو كان يعرفج قبل لا تصيـر هالسالفه ..
مشاعل : لا هالسالفه استوت قبل لا يعرفني .. يوم عرفني ما كان يعرف اني اخت مشعل .. ويوم خطبني عرف ان اخوي مشعل .. من جي عصـب ..ورفضه اخوي .. يـعني كان مصـر على زواجي عشان يحر مشعل .. مو حب فيني ..
قلت : يعني تركي يكرهـــج ؟
مشاعل : ما اعرف عن مشاعره الحيـن .. انا اللي كنت اعرفه انه يحبني وانا احبه .. بس الحين ما ادري ..
انفتح الباب بسرعه .. التفت لقيـت تركي ..
تركي : ويــــــــنج انتــي ..؟ رايحه تتشكيـن لها ..
مشاعل : اتشكى حق منوو ؟؟ يعني ما يصير اقعد مع اختك شوي اذا كنت متضايقه ..
تركي : وشنو اللي مضايقـج .. عشان قلت الصـج .. انتو يالبنات ما تحبون تسمعون الا كلام الغزل بـس ..
قلت : شفيــك تركي الله يهداك .. مشاعل ما سوت شـي ..
تركي : انت سكتي .. " ويأشر على مشاعل " وانتي مشي يلاا ..
وراحت مشاعل مع تركي .. الله يستر شبيصـر معاهم .. ان شالله ما يتهاوشون .. اوووف ياربي ..
رحت وحطيت في الشنطه كم لبسه وعقب انسدت نفسـي .. رحت الصاله ما لقيـت حد غيـر فطوم وميمي ..
قلت : ويـن ماما ..
ميمي : ماما داحل عفتها ( ماما داخل غرفتها )
امحق لغه ..
دخلت داخل لقيت امي ترتب اغراضها واغراض اليهال ..
قلت : متى بنطلع .؟
امي : ليش مستعجله .؟
قلت : لا بس اسأل ..
امي : مادري ..
تنهدت وطلعت .. تميت ادور في البيت .. تمللت ورحت انام ..
فتحت جوالي لقيـت مسج ومكالمه .. فتحته لقيـته من حمد ..
" انا اكلمج لازم ترديـن علي .. مب تطنشيني .. على فكره انا كنت محترمج عشانج كنتي في بيتنا .. والا كنت بطلع كل اللي في قلبي "
وي هذا شفيــــه .. انا اشهد انه مب صاحي .. الحيـن على ذمته مره .. وانا قايله له اني مخطوبه ويسوي جي ..
شفت المكالمه بعد منه .. يوم رحت حق التفاصيـل طلع هالكلام من يوم رجعت من بيتهم ..
بل ما شيكت على موبايلي طول هالفتره ..
حطيت الجوال على الطاوله اللي عند راسي وقمت البس بجامتي ..وانسدحت على السرير وانا افكر بحمد .. شسالفته .؟ شيبي مني .. خلاص انا ما ابيه ..على ذمته مره .. اووف .. ارقد احسن لي من هالتفكيـر .,
غمضت عيوني ونمت ..
حسيت باصابع يدي تعورني .. فتحت عيوني لقيـت نصور وفطوم مشبصين على اصابعي ..
صرخت : آآآآآآآآآآآآآآآآآآآآآآآآآآآآآآآآآآآآآآآآآآآآي .. قوووووموووووووووووووووووا ..
قاموا عني وهم متخرعيـن .. مسكت اصابعي اهمزهم ..
قلت : شفيـــكم .. هديـتوا اكل البيت وجيـتو على اصابعي .. متووووحشـين ..,
رحت الحمام وتسبحت وطلعت .. نشفت شعري وكششته واستشورت غرتي وصليت الظهر وطلعت .. لقيـت خالي وتركي ومشاعل وامي في الصاله ..
قلت : صباااااح الخيــــــــر ..
امي : اي صباح .. الحيـن الظهر قريب العصـر ..
قلت : عاد انا عندي صبـح ..
وقعدت جنبها ..
قلت : شلونج ..؟
امي: وي شطاري عليـج ؟؟
قلت : ولا شي .. بس مالكم بالعاده متجمعيـن في الصاله .. شالسالفه .؟
خالي : ماما اليوم اليمعه ..
قلت : ااهاااا ..
امي : ما حددتو الملجه ..
خالي : لا ما كلمت راكان بالموضوع ..
تركي :انا كلمته ..
طالعته بسرعه ..
تركي طالعني ..
خالي : متى حددتوها ..
تركي : بكره ..
شهقت : شـــــنوووووو ؟؟
تركي : شوي شوي على احبالج .. بكره ملجه عاديه .. وعلى ما اعتقد مافي خطوبه .. لان العرس راح يكون قريـب ..
امي : شلون يعني .؟
تركي : يعني بكره بيملجون و بيجيها ويلبسها الشبكه بدون معازم بدون حس .. وخلاص ..
قلت : بــــــــس ؟
تركي : وشتبيـن يعني .. اذا عرسج قريـب شتبيـن في الخطوبه .؟
قلت : انا ما اابي خطوبه .. بس من قال لك ان عرسي قريـب .. شنو انتو تحددون كل شي من وراي ..
تركي : لا مب من وراج هذا احنا قلنا لج ..
طالعت امي ابيها تتكلم .. بس ساكته ..
قلت : بس انتو تعطوني الخبـر بصيغه امر .. مب خبـر ..
تركي طفر: يـــــــــــــــه .. امر والا خبـر شفرقت يعني .. بينقص من عمرج يوم ..؟ بكره الملجه وانتو حددو العرس .. بس على فكره .. راكان الي قال لي ان يبي العرس قريـب ..
قام وراح غرفته .. طالعت امي بحيـره ..
قلت : راضيــــه عن اللي يصيـر ..
امي : شصار .. اخوج قال الكلام الي قاله راكان ..
قلت : وهم يحددون كل شي وانا ما ادري .. ما بقى الا يحددون العرس وقبله بيوم يقلون لي ..
خالي : الحيـن شصار ..؟ خلاص الحيـن دريـتي .. لا تكبريـن السالفه ..
طالعتهم وفي قلبي حره قلت :الحيـن انا مكبـره السالفه ؟؟ يجيني خبر ان بكره ملجتي وانا مادري .. وعرسي يقلون انه قريـب وانا ما عندي خبـر .. وبعد ما تبوني اتكلم .. شنو انا مب من البشر .. شنو جنسكم انتووو ..
وقمت رحت غرفتي ورقعت الباب وقفلته .. ما عرفت شاسوي من العصبيه .. مسكت المخده وقعدت اضربها في السرير انا اصيـح .. اصيـح على حالي .. مادري حالي بيتطور يوم بتزوج الا لا ..
هديت المخده لان حسيـت ان يدي تكسرت .. طحت على السرير وضميـت روحي .. رن جوالي .. ما شفت من المتصل .. حذفت على الارض وتفتح .. سمعت طقه باب ..
قلت : منـــــــــو ؟
مادري كان صوت منو .. يا خالي يا تركي ..
رحت وفتحت الباب .. وانصدمت بوجود ابوي.. ايه ايه ابوي ..
صرخت : يــــــــــــــــــــــــــــبه ..
ابوي ابتسم .. وطحت في حظنه وانا اصيـح .. وتم يمسح على شعري ..
ابوي : شفيـج حبيبتي ..؟ من زعلـج ..
قلت : ويـنك يبه .. ليـش ما جيـب من زماان ..
ابوي : كاني جيـت حبيبتي خلاص ..
قمت عن حظنه وانا امسح دموعي ..
قلت : رجعت امي .؟
ابوي ابتسم : ايه ..
ما عرفت شاسوي من الفرحه .. نقزت عليه وحظنته ..
ابوي : هههههههههههه شوي شوي ..
خالي : وانا اقووووول وين راح راشد ..
ابوي ابتسم : يلا بكره بننقل البيت الجديد ..
قلت : صـــــج ؟؟
ابوي يقلد صوتي : ايــــــه .. الا وين غايوه .. ما تجيـكم ..؟
خالي : امبلا تجي .. بس اليوم ما جات ..
غايوه من ورى خالي : ومــــــــــنوووو قااااااااال ..؟
ابوي : هـــــلا هــــلاااا والله .. هلا بغايتي هلا والله ..
وضمها وسلموا على بعضو ورحنا الصاله ..
وتجمعنا كلنا .. امي وابوي .. واختي واخوي .. وخالي ومشاعل .. واليهال يلعبون .. والله فرحتـي ما تتصــور ..

راح احط لكم مقاطع من الاحداث اللي راح تصـير في الجـزء الـ 17

ابوي : بكره ان شالله بجي وباخذكم البيت اليديد .. الحيـن اخليـكم ترتبون اغراضكم ..

تركي : يعني اذا حاطه في بالج ان بتأجليـن الملجه فماراح تأجليـن ..

امي : ليـش يعني ...؟ عشان تشتريـن لج شي تلبسيـنه حق ملجتج .. والا نسـيتي ان اليوم ملجتج يا ست الحسـن ..

قلت : يوعانه .. مقعديـني من النوم على لحم بطني وبعد ما تبوني اكل .. معدتني تهاوشني من مساعه ..

تركي : المستشفى ..

هاجر : مب اليوم ملجتج ..؟!

هاجر تغني : ززززي العســل على البي هوااه ..

كتمت الصيــحه : غـايووووووه ..

قلت بروع : مــــــــنــــو ..؟

.....: يــعني شدعوووه ما تبيــن تنزليـن لنا آآآآآآآآنسه ســاره ..

اماراتية كشخة .. ربي يسلمجـ خيتوو ^^

وخليجـ متابعة .. في احداث اروع و اروع ان شاء الله ..

da1a3 ربي يعـآفيجـ تعبكم راحة خيتوو ^^ ,,
واتمنى تستانسون في هالجزئيــــــــــــــن,,,

الجــــــ 17 ـــزء

شفت ابوي يمسك بطن غايوه .. ومستانس عليه .. وغايوه شكلها منحرجه .. هههههههه والله شكلها يضحك ..
ابوي : مبـــــــرووووووك ساره .. نسيـت اقول لج من البدايه ..
ابتسمت : الله يبارك فيــك ..
تمينا نسولف ونضحك وعقب امي حطت العشا وتعشينا ..
غايوه : يلا عيل انا بروح .. مع الســلامه يا جماعه ..
ابوي : وين ..؟
غايوه : ماجد عند الباب ..
امي : الله يحفظج .. وسلمي عليه ..
غايوه : الله يسلمج .. ان شالله يوصل ..
وطلعت .. وشفت ابوي قام ..
ابوي : يلا عيل انا بعد بروح ..
قلت : ويــن .؟
ابوي : بكره ان شالله بجي وباخذكم البيت اليديد .. الحيـن اخليـكم ترتبون اغراضكم ..
امي قامت وطلعوا في الحوش .. وانا رحت غرفتي وقمت ارتب بعض اغراضي .. وعقب تركي دخل علي ..
تركي : ادخل .؟
قلت : حياك ..
تركي: للحيـن ترتبيـن ..
قلت : ايه انت شعليـك .. قاعد ومشاعل المسكيـنه اللي ترتب اغراضك ...
تركي : لا انا رتبت معاها ..
قلت : انزين هالبيت شبتسوون فيه .؟؟
تركي : مادري عن ابوي .. يبي يبيعه والا يأجره ..
قلت : اهاا ..
تركي : انا قلت حق راكان ان بنغيـر البيت ..
قلت : وانزيـن ؟
تركي : يعني اذا حاطه في بالج ان بتأجليـن الملجه فماراح تأجليـن ..
اووف الله يسندره انا كنت ناسيه ..
قلت : وانت ليـش جي مشتط وشاد حيـلك .. ليش تبيني اتزوج بسرعه ..
تركي : انا مالي خص فيـج .. بس راكان هو اللي يقولي ان الملجه في هاليوم .. وعقب انتي راح تسمعيـن منه كل شي .. لانه راح يكون زوجج ..
سكت وتميت ارتب اغراضي وانا ساكته .. وكاتمه حرتي .. بااط جبدي .. يتحكم فيني على كيفه ولا يقول لي ان راكان الي قالي .. يبي يكرهني فيه .. اوووف شهالحاله ..
حطيت اغراضي كلها في شناط ووديتهم الصاله ..
امي : هذول كل اغراضج .؟
قلت وانا اتنهد : ايه كلهم ..
ورحت غرفتي وطحت على الفراش ونمت .. حسيـت براحه مب طبيعيه ..
انزعجت من صوت امي اللي صار لها ساعه تصارخ ..
امي : قووووومي ما فــــــي وقــــــت ساااروه ..
قمت معصبه : يمــــــــاااااااااه .. شتبيـن قومتني الساعه 9 .. شفيـــــــج ؟؟
امي: ليـش قمتي حبيبتي .. جان كملتي نومج وخليتيني اصاارخ عليـج لين ما اموت .. وعقب بكل برود فلعي علي نعالج >> عزكم الله << وقوليلي طـــلعـي بـرع ..
ضحكت .. اول مره اشوف امي جي معصبـه ..
قلت : هههههه شفيـج يمه الله يهداج .. انزيـن ليـش تقعديـني الحيـن .؟
امي : قووومي رووحي السوق بروح معاج ..
قلت :ليــــش ؟؟
امي : ليـش يعني ...؟ عشان تشتريـن لج شي تلبسيـنه حق ملجتج .. والا نسـيتي ان اليوم ملجتج يا ست الحسـن ..
قلت : ويي .. ايه صـح بروح .. زين فكرتو عني .. يلا بسبح وبطلع ..
امي : عقب تسبـحي .. يلااا قومي ..
قمت وسمعت امي تتحرطم ..
امي : يعني الواحد ما يبي يصارخ ويعصب .. بس ناس ما يساعدونه ..
ابتسمت ورحت الحمام اغتسل .. وطلعت حطيـت لي بودره خفيفه وحكل بني .. ومشطت شعري ولبست كليـب بني .. وفتحت كبتي ولبست تنوره سكريه وبدي بني .. ولبست عباتي وشيلتي .. ورحت الصاله سمت ( بسرعه ) ..
خالي وتركي : تو النــااس ..
ابتسمت : صبااح الخيـر ..
خالي : صباح النور .. يلا تأخرنا ..
قلت : انزيـن ليـش مستعجليـن ..؟ السوق مابيخلص ..
خالي : وانتي تحسبيـن احنا ما ورانا غيـرج ..؟ ورانا شغل وعفسه .. هه ليـش مستعجليـن قالت ..
قلت : انزين يلاا ..
قاموا واستغربت يوم مشاعل وتركي جاو معانا .. واستغربت اكثر يوم ما شفت اليهال ..
سألت امي وانا اركب السياره: وين اليهال .؟
امي : خليتهم في بيت خالتج .. بعد مالي بارض اجابلهم في السوق ..
قلت : وانزيـن ليـش تركي ومشاعل جايـن معانا ..؟
امي : يعني ما يطلعون ..؟
قلت : امبلا بس مالهم بالعاده يطلعون ..
امي : ساروه لا تجننيني .. اليوم ملجتج .. ولازم مشاعل تكشخ وتلبس وتتعدل ..
قلت : هذي ملجه .. وبعدين هاذي ملجتي يعني انا الي أكشخ مو مشاعل
امي : يااااااربييييييي هالبنت بتجننييييييييي ..
خالي : هههههههههههههههههههه .. ماما ساره .. خلاص ..
امي : وبالمره نشتري حق عرس خالج ..
خالي : احم احم .. عاد كشخووو في عرسي هااا ..
قلت : ايــــه افااا عليـك .. اذا بيضت الوجه في ملجتي .. بكشخ لك كشخه بنت ....
امي : بنت شنو ..
قلت : كشخه بنت امي .. ههههههههي ..
امي ابتسمت : ايه حسبالي ..
وتمينا طول الوقت واحنا نسولف عن عرس خالي .. ووصلنا الستي ..
نزلت من السياره : يــمه .. انا يوعانه ..
امي : بنتغذى داخل .. بس سكتي ..
استانست وسكت ..
دخلنا وعلى طول محل الفساتيـن ..
هم قالوا لي ان هم بيسون حفله صغيـره .. الفستان ليـش ؟
قلت : يــمه ..
امي : شنو ؟
قلت : بشتري فستان ؟؟؟
امي : ليـش ما تبيـن ..؟
قلت : امبلا بس ليـش .؟ انتو قلتو ان بسوي ملجه صغيـره .. يعني مافي داعي حق الفستان ..
امي مسكت راسها : ساروه انتي بتجننيني .. شفيـــــج اليوم ..؟؟
قلت : شــنووو ؟؟
امي : وفي السياره صار لنا نرطن ساعه عن اي موضوع ..؟
قلت : مادري ..!!
امي : اشتري الفستان وانتي سااكته ..
قلت : انزين ابي اعرف حق اي مناسبه عشان احدد فخامه الفستان ..
امي تنفخ : حق عرس خالج حبيبتي .. حق عرس خالج .. ارجووج حفظي الكلام هااا ثبتيه في مخــج ...
ضحكت : ههههه زين ..
دخلنا المحل وتميـت اختار .. بس ما لقيـت شي يعجبني ..
قلت : يمه مافي شي عجبني .. ابي افصـل ..
امي : مافي وقت .. و عرس خالج بعد شهر .. يمديـج تختاريـن القطعه وتختاريـن الموديـل وتفصليـن .. وبعد اي مصصم واي خياط بخيط لج ؟؟؟
قلت : اوووووه .. يمه في هالساعه بيحلها الف حلال ..
امي : انزيـن اختاري حق ملجتج شي ناعم ..
ودرت في المحل ورحت محل ثاني .. وشفت فستاان عجبــــــــــــني ..
قلت : يمه يمه يمه ..
امي : خيـر ..؟
قلت : هالفستان عجبني .. ناعم مافيه شي ..
امي : ايه حلو .. قايسيه يلاااا ..
دخلت غرفه القياس اللي دلتني عليها صاحبه المحل وقسته .. طلع على جسمي .. عجبنــــــي ..
طلعت : يمه ابيه ..
امي : اكيــد تبينه .. مب نوصل البيت تغيـرين رايـج ..
قلت : لا تطمني عاجبني ..
شريته.. ورحت محل ثاني حق الاكسسورارات .. وشريت ..
قلت : يـــــــمـاااااااه ..!!
امي : وصمه ..
قلت بدلع : يمه انتي وايد صايره قاسيه علي .. " ومديـت البوز "
امي : شتبيـن الحيـن ..
قلت : يوعانه .. مقعديـني من النوم على لحم بطني وبعد ما تبوني اكل .. معدتني تهاوشني من مساعه ..
امي : زين باتصل حق خالج ..
قلت : ليـش هو وينه ..؟
امي : يعني وينه .. تلاقيـنه راح منيه والا منيه ..
اتصلت امي حق خالي وكان قريـب منا .. ورحا مطعم ناندوز الموجود في الستي .. المطعم المفضل عند خالي .. مع اني اشوفه عادي وبعد ما قعدنا جا تركي ومشاعل .. وشكلهم جايـن من برع .. يعني طلعوا من المركز وردو ..
امي : وين رحتوا ..؟
تركي : المستشفى ..
امي حطت يدها على قلبها : حـــــق منـــــــو ؟؟
تركي : وانتي كله متخرعه وبس .. تطمني .. احنا رايحيـن المستشفى حق مشاعل ..
امي تطالع مشاعل : شفيـج ..؟ عسى ماشر ..
مشاعل : ما شر يمه .. بس رحت اشيـك ..
امي : ايه على شنو .. قولوا غثيـتوني ..
تركي : مبرووك بتصيـريـن يده ..
امي استانست : ويه .. مشاعل حااااااامل ..؟
مشاعل انرجت ونزلت راسها ..
تركي : ايه حامل ..
امي : مبـــــروووووك مبروووك ..
تركي : الله يبارك فيـج ويخليـج .. يلا الفال تشوفيـن عيال مشاري ..
خالي : شوي شوي علي.. انا عرس للحيـن ما عرست ..
تركي : بعـد لازم عرس .. ملجه وخلاص ..
قلت : ايــــه ايــه لا تقعد تخرب مخ خالي ..
مسكت يد خالي ..
قلت: خالي ما عليـك منه .. بشتري فستان فضيـع حق عرسـك .. بخلي المصمم زهيـر مراد يصمم لي اياه ..
خالي شق الحلج ..
طلبنا وكلنا وكان المكان محتشر من سوالفنا وضحكنا ..
امي : وي وعليّــــــــا اليهاااااااااال .. ( وعليّـا يعني مساكيـن ^.^ )
قلت : ليـش شفيـهم بعد ؟
امي : من مساعه مخليـتهم في بيت زينب .. حرام بروحهم قاعديـن ..
خالي : هاا جبتو سيره القط جانا ينط .. كاهو شوفوهم ..
التفتنا صوب ما خالي أشر .. لقيـنا فطوم وميمي ماسكيـن يد بعض ويمشون خطوه وينقزون (يقفزون ) وناصر وراهم اللي يقول محرم هع .. وخالتي ونور ونجوى وجاسم وراهم ..
قمنا عشان نسلم عليهم ..
نور وتفتح يدها لي : ســـااروووه .
قلت بنفس النبره : نووروووووه ..
وضمينا بعض واحنا نضحك ..
نور : وحشـتيني وينج يالخايسه ..
قلت : والله موجوده في بيتنا بعد وين بكون .. انتي ليـش ما تجيـن ..؟
نور : والله عندنا حوسه ..
قلت : حوسة شنو ؟
نور : رفيـجتي هنادي بتعرس قريـب .. وانا وياها دوم .. هذي اللي بتاخذ حمد جاركم..
قلت : ايه عرفتها .. تطلع رفيـجتج ..؟
نور: ايه ..
قلت : عيـل تعرفيـن هجور بنت عمتي ..؟
نور: ايه هجور .. اعرفها بس مب وياها دوم ..
قلت : صـج الدنيا صغيــره ..
وشوي الا احس بشي ظرب ظهري بقوه .. التفت لقيـت نجوى متكتفه وتطالعني ..
نجوى : لا كملي سالفتج .. كملي سالفتج حبيبتي وطنشيـني واعتبريني انا والطوفه واحد ..
ضحكت ورحت اسلم عليها : هههههههههههه والله مادري وين كنتي ..
نجوى : وين غايوه فديـتها .. هي اللي تجي تركض لي تسلم .. مب انتي .. مطنشتني انا والطوفه واحد ..
نور : خلاااااااص درت عارفت .. حفظت .
ضحكت : ههههههههههههه ..
والله سوالفهم تجنن .. الله يخليهم لبعض .. شفت تركي يأشر لي ..
رحت صوبه : خيـر .؟
تركي : لا تقعدون تتكركرون جدام الله وخلقه ..
قلت : ليـش .. شي ضحكني وضحكت يعني ما يصيـر ..
تركي : ضحكي بس مب لازم المركز كله يعرف انج ضحكتي ..
قلت : ان شالله اخوي .. تامرني بشي ثاني ..؟
تركي ابتسم : سـلامتج الغاليه ..
رحت صوب نور ونجوى اللي من هديـتهم وهم يتهاوشون ..
قلت : بس انتي وياها ويلا خلنا نتشرى ..
وتميـنا ندور في المحلات وشفت فستــان عجبــــــــــــــــــــــــني .. اخضر عشبي واحمر واصفر ومن هالدرجات .. بس ما لقيـت سايزي .. كنت بموت من القهر .. انا بالزور يعجبني شي .. بعد ما القى قياسي ..
امي: خيـرها في غيـرها .. امشي كاهو فستان حلو ..
دخلت المحل وهو ثاني محل ادخله للفساتيـن .. لان الستي مافيه وايد محلات للفساتيـن .. المهم .. دخلت وشفت فستان اسود ناااااعم .. وكلاسك .. عجبـني ..
امي: بس وايد ناعم .. خليه حق ملجتج ..
قلت : لا انا خذت حق ملجتي ..
امي : عيـل هذا وايد ناعم حق عرس خالج ..
قلت : احسـن ناعم ..
رحت عنها وقايسته وطلع اوكـي ..
وبعد الحوسه واللمه رجعتنا البيت .. وكنت اتمنى ان نجوى ونور يجون معانا البيت .. بس احنا بننقل الحيـن ..
نزلت من السياره وانا حاسه ان ظهري بينكســـر ..
شليت لي كيـسيـن ورحت على طول الغرفه وانسدحت على السرير ..
امي دخلت علي : قومي قومي .. مافي وقت .. كاهو ابوج اتصل وقال لنا يلا البيت جاهز .. وبنروح الصالون عشان تتحنيـن ..
قلت : يــمه ..
امي : هاا ..
قلت : ابوي شبيسوي في هالبيـت ..؟
امي : بيعطيـه تركي ..
قلت : بس تركي شل ثيابه واغراضه ..
امي : لان بيعدله قبل لا يسكنه ..
قلت : اهاااا ..
امي : يلا قومي ..
يا خالي وتركي وتموا يشيلون الاغراض .. وخالد يساعدهم شوي ..
( مادري ليـش احسكم ماتعرفون منو خالد ..تعرفونه ..؟ هههههههه خالد اخوي عمره 10 سنوات ^.^)
ركبت السياره بعد ما ركبوا الاغراض في سياره تركي .. وفي الطريـج .. مسكت جوالي واتصلت حق لطوف .. ما ردت .. حطيت جوالي في الشنطه ..وطالعت الطريـج ..
10 دقايق ووصلنا الصالون .. ما كان في زحمه لان الحيـن الظهر .. محد يجي وايـد .. قلت لهم ابي اتحنى .. وجاو ثنتيـن هنديـات وبدوا يشتغلون .. وانا اشوفهم ومندمجه .. وحنوني ليـن الكوع .. من ظهر اليـد ومن بطنها .. خلصـت وانتظرت الحنه تنشـف .. شوي ونشفت بس امي ماخلتني اغسلها .. قالت لي في البيـت .. المهم طلعنا من الصالون متوجهيـن للبيـت .. عشـر دقايق ووصلنا البيت .. طالعته من الدريشه قبل لا انزل .. كان شكله حلو وكبيـر .. اابوي من وين له كل هالفلوس عشان يشتري هالبيــت ..؟ وشلون شراه بهالسرعه .. سؤااال يحيـر ..
خرعني تركي يوم طق علي الدريشه ..
تركي : مــب نازله ..؟
قلت : امبلا بنزل ..
ونزلت ودخلت .. شفت امي واقفه في وسط الحوش ..
ضميـتها من ورى وقلت : عجبــج البيــت ..
امي : ايـه. . حلو من برع ..
كملنا لين وصلنا داخل البيت ,.,
أول مافحنا الباب كان أبوي بأستقبالنا ..
رحنا سلمنا عليه ..^_^
ابوي : شحالكم ..
امي : بخيـر كلنا الحمدلله ..
ابوي : وين الباقي ..
امي : ينزلون الاغراض ..
ابوي : بروح اشوفهم عيـل .. وانتو شوفوا البيت .. اخذووا راحت راحتكم ..
ابتسمت وطرت يميـن ويسار وفوق وتحت اشوف البيت .. كان مكون من 6 غرف .. وحده لي ^.^ ووحده حق امي وابوي ووحده حق تركي وزوجته ووحده حق خالي ووحده حق خالد وناصر ووحده حق ميمي وفاطمه .. والمطبخ فخم وحلو .. وفي مجلس بس برع ..
نزلت من فوق ..
امي : عجبـج ..؟
قلت : ايــه يمه فضيــع .. روحي فوق شوفيـه ..
امي : عيـزانه .. اذا رحت فوق ارقد بروح اشوفه ..
ضحكت : ههههههههه يمه ما اخبرج كسوله جي ..
امي : انا مب كسوله .. لكن انتي عيزتيني .. تدوريـن في السوق دوراة اليهد .. وين ما اتعب ..
ضحكت :هههههههههه عيل تبوني اشتري من محل واحد ..
امي : سكتي بس .. وروحي ودي شنطتج غرفتـج ..
قلت : بس انا ما اعرف اي وحده غرفتي .. انا اللي اعرفه ان لي غرفه .. بس اي وحده ما ادري ..
سمعت حس حد من وراي : غرفتـج مجابله الدري ( السلـم )
التفت الا ابوي يطالعني وهو مبتسم : وانت محدد لي في اي غرفه اقعد ..؟
ابوي : ايه ..
قلت : اوكي .. الحيـن بودي اغراضي .. شليت شنطتي الصغيـره لاني ما اقدر على الكبيـره .. وشليت شنطه في اغراضي من العطور والمكياج .. ورحت غرفتي فوق .. واول ما وصلت غرفتي رن جوالي .. رحت بسرعه صوب شنطتي وفتحها وشفت هاجر المتصله ..
رديـت : هــلا والله هلا ..
هاجر : اهليـــن بمرت اخوي ..
ضحكت بخجل : ههههههه هلا فيـج .. شخبااارج ..؟
هاجر : طيبه الحمدلله .. انتي شحالج .؟
هاجر : اليــوم بالذااات بخيـر .
قلت : دوووم ان شالله مب يوم ... بس شالسبب .؟
هاجر : مب اليوم ملجتج ..
تذكرررررررررت .. ايه صح اليوم ملجتي .. شلون جي انا نسيـت .. مع ان امي الصـبح مذكرتني ورايـحيـن السوق عشان هالسبب ..
قلت : ايه امبلا ..
هاجر: ايه هاي المونسني ..
قلت : هجووور ابيج تقوليـن لي الصــج ..
هاجر : خيـر قولي .. بقول لج كل اللي اعرفه ..
قلت : من قال حق راكان يتزوجني ..
هاجر شكلها مستغربه من سؤالي : هــااا ..؟
قلت : جاوبي ..
هاجر : محد قال له .. هو اللي جا وقالي عشان اقول لج..
قلت : يعني محد قال له روح تزوجها والا شار عليـه ..
هاجر : يعني من بيقول له .؟ محد قال له عنـج ..
قلت : مادري .. خلاص زين انسي السالفه .. شخبار عبدالله ..
هاجر تغني : ززززي العســل على البي هوااه ..
ضحكت : ههههههههههه دوووم ياربي دوووم ..
وتميـنا نسولف ونضحك وعقب سكرت وانا نمـت على طول ..
قمت بسرعه متخرعه من صوت امي ..
قلت : شفيــــــج ؟؟
امي : قووومي شوفي الساعه كــم الحيـن .. وانتي للحيـن ما جهزتي ولا سويتي شــي ..
قلت : ليـش وين بنرووح .؟
امي : ياربي هالبــنت بتذبحنــــــــــي .. بتذبحني ..
قمت ومسحت ويهي بيدي : اسم الله عليـج يمه .. اسم الله عليــج .. بس ليش البـس ^.^
امي تنهدت : ملجتـج اليوم على راكان ولد عمتـج .. والا انتي نسيـتي بعـد ..
قلت : لا ما نسيـت .. بس انتي دودهتيني .. تصرخيـن علي وانا نايمه ..
امي : آسفـه الشيـخه سـاره .. قومي يلاا. .
ابتسمت ورحت الحمام اتسبـح .. وطلعت شفت الساعه 6 ونـص .. بسرعه رحت حق امي تحت ..
قلت : يــمه شاسوي الحيــن ..
امي : الحيـن بتجي مره طلبتها لـج مشاعل .. بالزور رضت تجي اليوم ..
قلت : شتسوي لي المـره ..؟
امي : حق الشعـر تسوي شعرج ..
قلت : والمكيـاج ..؟
امي: المكيـاج ..مشاعل بتمكيـجج .. ماشالله عليـها تعرف ..
قلت : صــج ..؟
امي : ايه يلا بسرعه الحيـن بتجي المره ..
قلت : اووووكي ..
ورحت غرفتي وعلقت فستاني الذهبـي الناعم البسيـط .. وما كان معفـس (مكرمش ) مع ان القطعه حريـر .. ورحت المطبـخ وشفت وحده مستمته قاعده على الكرسي .. وشكلها اندونيسيه ..
قلت : منـو انتــي ؟؟..
.....: انا سونيـتا ..
قلت : منـو سونيـتا .؟
سونيـتا : كداما ..
اهاااا .. خداااامه .. والله خوش فله .. يايبيـن عندنا خدامه .. زين سوا ابوي ..
قلت : انزيـن سوي بخور .. تعرفيـن ..
سونيـتا : ايه انا يعرف .. انا يشتقل في سوديا اول ..
اهااا .. مشتغله في السعوديـه ..
قلت : يلا سوي بخور بسرعه زيـن ..
سونيـتا : شنو اسمك ..؟
قلت : سـاره ..
ورحت عنها عند امي. . لقيـتها كاشخه بجلابيتـها الكشخه ومتعطره ومنسله الشعـر ..
قلت : يه يه يه .. شهالحلاااااه ..
امي مبتسمه : عيونج الاحلى .. بس يلا روحي .. المره في الصاله الثانيه .. روحي لها مافي وقت ..
قلت : زيـن ..
رحت عندها ..
قلت : هااي ..
قالت : هاااي .. انتي العرووس. .
ابتسمت : ايه انا العروس ..
قالت : اقعدي هنيه .. " اشرت على الكرسي اللي جدامها "
قعدت وبدت تسوي شعري .. وانا طبعا قلت لها اني ابي حركه بسيـطه .. ما احب الدفـش ..
بعد نص ساعه يمكن خلصت شعري ورحت على طول صوب المنظره .. وطالعت نفسي .. عجبتني التسريـحه .. تناسب ويهي .. مسويه شعري بـاف ( يعني مرفوع او منفوخ على فوق بس مو كله ) وحاطه سلسله جابتها بطريـقه حلوه .. المهم عجبتني التسريـحه وخاصه انها مخليـه شعري على طوله .. وخاصه انه طولان ..
الكوافيـرا : ما عجبـتج التسريـحه ؟
قلت : لااااا بالعكــس .. واايد حلوه .. مشكووره تسلم يدج ..
قالت : العفو حبيبتي ..
جات امي حاسبتها وراحت و جات وراها مشاعل ومعاها عدة المكيـاج ..
مشاعل : طلبااتج ..؟
ضحكت : هههههههه شنو بتخطبيـني حق اخوج..
مشاعل : ههههه لا شدعوه .. بس يعني طلباتج للمكيـاج .. تبينه سموك تبينه قصـه والا تبيـنه وحشـي والا شلـووون ؟؟
قلت : والله مادري .. ابيه لبناني ..
مشاعل : اووكي .. واللبناني لايق عليـج اكثر من اي مكيـاج ثاني .. لان ملامح ويـهج حلوه وناعمه ..
ابتسمت وجات عندي وحطت عدتها على الطاوله الموجوده في نصف الصاله و بدت تمكيـجني ..
بعد فتره امي جات : مــا خلصــتوا ..؟ ترى مافي وقـت.. توه راكان متصـل حق ابوج وقال له ان هم في فريـجنا ( الحي , الحاره ) ..
خفت : شــــنــو ..؟
امي : ايه هم قراااب .. يلا جهزي ..
قلت وانا شوي واصـيح: يــمااا وين غاااايووووووه .. ؟
امي : قالت لي عند الباب وطرشت خلود يفتح لها الباب ..
خلصت مشاعل من المكيـاج وراحت هي تتعدل .. وشفت نفسي في المنظره وعجبني المكيـاج .. ما شالله عليـها مشاعل تعرف تمكيـج ..
وشوي الا دخلت غايوه ..
غايوه : السـلام عليـــكم .. هلا بالعرووووووس ..
كتمت الصيــحه : غـايووووووه ..
ورحت لها وضميــها ..
غايوه : هههههههههه شفيــج حبيبتي .. لا تقلبيـنها مناحه وصيـاح .
قلت : الحيـن بيجوون ..
غايوه : انزيـن يلا روحي لبـسي ..
مسكتني من يدي وودتني الغرفه فوق ..
قلت : انتي شفتي البيت ..
غايوه : ايـه صباح النور. . شفته ويوم سألت عنج قالوا لي راقده ..
قلت : ليـش انتي جيتي العصـر ؟؟
غايوه : ايه .. كنا انا وماجد برع ومريـنا صوب بيتكم ونزلنا نشوف ..
قلت : اهااا ..
غايوه : يلا لبسـي ..
قلت : وانتي بتقعديـن تتفرجيـن علـي ..
غايوه : ههههههههههههه عادي الا اختـج ..
قلت : يلا عاد . انا استحـي .. خلـج عند الباب عشان ما ادورج ..
غايوه : زين بتم هنيه .. بس لا تطوليـن ..
قلت : زيـن .. بس ويـن لطوف ..؟
غايوه : لطوف برع عند امي .. يلا تنتظرج هي ..
قلت : اوكي ..
سكرت الباب وتميـت اطالع الفستان مده .. عقب لبسـته .. وحاولت اسكـر السـحاب لكنه صعب .. ورى في الظهر .. ما قدر له .. فتحت الباب شوي شوي وناديـت غايوه ..
غايوه : شتبيـن .. خلصتي .؟
قلت : لا تعالي سكري لي الفستان ..
غايوه : زيـن ..
ودخلت وسكرت لي الفستان .. وطلع يجنن علي .. مع اني ضعفاانه وايد عن قبـل .. بس مو ذاك الضعف الشـيـن ..
غايوه : ســاروه الفستــان خبـااال عليـج ..
قلت بتوتر : صــج .؟ حـلو ..؟ .. انزيـن شوفي مكيـاجي مب مخترب ..شعـري ..؟
غايوه : هههه شفيـج .. كلج على بعضـج قمـر .. يلا روحي خلي امي تشووفـج .. وعلى فكـره .. ترى وصـلو ..
قلت بروع : مــــــــنــــو ..؟
غايوه : راكان واهله ..
قلت : من اهله ..
غايوه : يعني بعلمج منو عيال عمتج ..؟
قلت : لا يعني اقصـد من اللي جا معـاه .؟.
غايوه : هجور واريـجوه العنـز وامهم الي هي عمتـي نهله ..
ضحكت على تعليـقها : ههههههههه وليـش تقوليـن العنـز .. ؟ حرام عليـج ..
غايوه : ايه الحيـن صارت اخت راكان حبيب القـلب ما نقدر نتكلم ..
قلت : هههههه قومي زيـن .. بس كاسره خاطري مسكيـنه ..
غايوه : ليـش مسكيـنه ..؟
قلت : انفصلـت هي وخطيـبها الله يكافيـنا ..
غايوه :صــج والله ..؟ ليــش ؟
قلت : مادري والله .. ما عرفت السـبب .. الي عرفته ان سوء تفاهم صار بيـنهم ..
غايوه : الله يسـتر عليـنا .. يلا يلا قووومي نزللي .. ترى هم ينتظرونج ..
قلت : وخالتي زينت ما جات ..
غايوه : امـبلا تحت كلهم .. يــلا نزلللللي عاااااااد ..
سمعت حس من ورى غايوه ..
.....: يــعني شدعوووه ما تبيــن تنزليـن لنا آآآآآآآآنسه ســاره ..
طليـت من ورى غايوه ابي اشوف منـو .. الا لقيـت هجور ..
فتحت يدي : هجوووووووووووووور ..
هاجر : فديـــــــــتج سااااروووه طالعه تجننيـــــن .. يابخت اخوووووووي فيــج .
ابتسمت باخجل : عيونج الاحلى حبيبتي ..
هاجر : يلا نزلـي من مساعه امي تسال عنج ..
خفت وحسـيت نفضه في جسمـي ..
قلت : لا مب نازله .. ابي امــــي ..
هاجر : وي وي وي .. شرايـج بعد نجيــب لـج مرضاعه وحلـيب ونعطيـج حليـب قبل لا تناعميـن ..
قلت وانا شوي واصيــح : ابــي امي مالي شغــل ..
غايوه : بروح اناديـها لـج ..
هاجر : قعدي انتي ودبـتج .. انا بناديـها ..
غايوه : هههههههههههه بتشوفيـن يالدبه .. بيجونج يهال ..
هاجر وهي رايحه : ههههههههههههههه لا ان شالله ..
قعدت على في الصاله اللي فوق .. وكل شوي التفت اشوف المنظره .. وشوي الا جات امي ..
قلت : يــــماااااااه ..
امي : وي شفيــج ..
قلت : ما ابي انزل .. يمه يصيـر تكنسلون الموضووع ..
امي : ويه حسبي الله على عدوج .. قومي يلا اهووه .. الحريـم نتظرونج تحت .. وعمتج كل دقيقه سألت عنـج .
قلت : شهالحب اللي نزل مره وحده عليـها ..
امي : عيب يلا عيـب .. وعمتج ترى مستويه حليـوه .. مادري عشان بتصيـريـن جنتها والا شي مستوي عندهم ..
قلت : قبل لا استوي جنتها كنت بنت اخوها ..
امي: الله اعلم شفيـها .. بس يلااا قومي بلا دلع .. والحيـن بيجيـبون لـج العقد توقعيـن عليـه ..
لطوف ياتني : هلااااا ساااروه ..
فتحت يدي لها : لطووووووووف ..
ياتني وسلمت علي : يلاا يلا نزلي .. الكل متحمـس يشوفـج ..
قلت : صـج ..؟
لطوف : ايه يلا .. تراج طالعه قمــر ..
ابتسمت ..
لطوف : يلا انا بنزل اول وعقب انتي نزلي .. عشان اشوفج وانتي نازله .. هههه

نزلت وشغلوا غنيه "الف الصـلاه والسـلام" والكل كان يطالعني وعيونهم علي .. نزلت بنعوومه ودلع تصنعته عشـان أكون نعووومه .. وفي نفس الوقت كان يتراودني شعور الخوف والرجفه ..
وأول مانزلت سلمت على عمتي ..
عمتي : مبرووك حبيبــــتي مبــــــروووووك ..
قلت بخجل : الله يبارك فيج عمـــتي ..
وجوا كلهم يباركون لي ..
ويوم جات أريج تسلم علي قالت : مبروك ..
وكانت طالعه منها بجفاااا ..
قلت : الله يبارك فيج ..
وسلمت على نور ونجوى اللي كانوا بيطيرون من الفـرح .. وهالشي كان بايـن من عيونهم ..
نور : مبــــــرووووك فديـتج مبرووك ..
قلت : الله يبارك فيـج .. الفال لـج .. ^.*
نور : لا واللي يسلمج .. الفال حق نجوى ههههههه .. انا ما ابي اتزوج ..
نجوى: ايه وين الجبله .. الله يســـمع منــج قولي آآآآميــــن ..
ضحكت : ههههههههههههههههه الله يسندركم ..
امي سكت يدي ..
امي : يلا تعالي ..
قلت : ويـن .؟
امي : بتقعديـن مكانـج بعد وين.. والا عاجبتـج الوقفه هنيه ..
قلت بدلع : يمه اليوم ملجتي وانتي تزفيـني ..؟
امي باستني : وي اســفه يا نظر عيني .. يلا حبيبتي ..
ابتسمت رغم الخوف اللي سكنـي ..
وقعدت مكاني وانا ماسكه باقه ورد صغيـــره واهز ريلي من التوتر .. شفت غايوه وامي يضيفون الحريـم والخدامه وخدامه غايوه بعد .. والكل يدور وكأنهم نسوني .. حسيـت روحي وحيـده رغم ان الكل متجمع صوبي .. ونور شكلـها تأقلمت زيـاده مع هاجر رغم معرفتـهم السطحيـه ببعض .. ونجوى مع غايوه تروح وتجـي .. واريـج تطالعني وكأني خطفت اخوها منها .. وعمتي نهله ولا التفتت صوبي .. وخالتي كل شوي طالعتني وابتسمت .. حسـيت بالملل مع ان ما صار لي وقت من قعدت .. بس ما احب اكون انا صاحبه الحفل .. الكل يخدمني وانا قاعده .. احب اكون معاهم .. اسوي اللي يسوونه .. ما تعودت اقعد جي .. خنقتني العبـره ونزلت دمعه تحرق من عيـوني ..
امي طلت في ويهي : يــمه سـاره .. شفيـج ..
صحت زيـاده .. كأني انتظرها تكلمني ..
امي : شفيـج بسم الله عليــج ..
قلت : ليــش خليــتوني ورحتــو ..؟
امي : ويـن خليــنااج .. احنا معاج يمه ..
قلت : لا مب معاي .. كنتوا مشغوليـن وخليـني انا العروس بروحي .. ما ابي استوي عرووس خلااص ..
امي : ويه ساروه .. شفيـج يمه مستوي عقلـج عقل ميمي .. حبيبتي كنا نشتغل حق المعازيـم .. والحيــن بيجيج راكان بينسيـج هالزعـل .. " قالتها وهي مبتسمه "
يات خالتي ووقفت جنبي : يمه ساره شفيــج ..؟
قلت : لا خالتي سلامتـج ..
امي : يلا زيـنب الحيـن بيجي راشد .. قولي حق بناتج يتغطـن ..
قلت : ليـش ابوي يجي .؟
امي : عشان توقعيـن على العقـد ..
قلت : واذا ما وقعت على العقــد شبيصيـر ..؟
امي : اذا ما وقعتي على العقد ما راح تتزوجيـنه .. ساره لا تصغريـن مخج يمه .. خلاص ..
سكت وشوي الا ابوي يايني وهو كــاشخ فديـته ..
ابوي : يلا يلا وقعـي نبي نباارك ..
ابتسمت ومسكت القلم وانا ارجف ..
قلت : وين اوقـع ..؟
ابوي : تحت هنيــه .." واشر لي وين اوقع "
في هاللحظه خفت اني اندم على هالخطوه .. خفت هالتوقيـع يكلفني حيـاتي ..
ابوي : سـاره ..؟
صحت .. ما قدرت اكتم اكـثر ..
ابوي : سـاره ..؟ انتي موافقه والا لا ..؟
قلت : مــادري ..
ابوي : يــه ..؟ شلون بعد ما تدريـن .. الملاج والشهود وراكان وابوه والكل في الميلس ينطرون توقيـعج .. وانتي قلتي انـج موفقه .. والا انا ما راح اغصبـج على شي ما تبيـنه ..
سكت ..
ابوي : ليـكون تركي غصبـج ؟
قلت : لا ما غصبـني .. خلاص بوقـع ..
ابوي مسك القلم وبعده عنـي ..
ابوي : انتي تبيـنه ..؟
تصدقون .. ما سألت نفسي هالسـؤال .. والله مادري اذا ابيه والا ما ابيه يا يبه .. ما تفرق عندي ..
قلت بتردد : امـبلا ..
ابوي: عيـل ليـش ما توقعيـن ..؟
خذت القلم من عنده ووقعت .. وابتسم لي وباسني فوق راسي ..
ابوي : مبـــروك .. الف الف مبــروووك ..
قلت بصوت ما ينسمع : الله يبارك فيـك ..
وراح عني .. ويات امي وسلمت علي وباركت لي .. ومن بعدها عمتي وخالتي والبنات وغايوه ومشاعل ..
قلت : الله يبارك فيــكم .. الفال لـكم يابنات .,’
وشوي تميـت قاعده مع نور ونجوى .. واضحكت على سوالفهم اللي ما تخلـص .. وشوي الا جاتني عمـتي ..
عمتـي : يـلا حبيبتي .. راكان اتصـل لي وقال لي انه يبي يدخـل ..
شهقت : شـــنو ..؟
عمـتي : هههههه شفيـج ..؟
قلت : ليـش يدخل ..؟
عمتي : عشان الكرسي اللي جنبـج فاضـي ..
طالعت الكرسي وانا احـس برجفه .. وييي فشيــله جي يشوفني راكان .. لبسـي عاري .. فستاني مافيه اكمام ..
قاموا البنات من عندي وراحوا لبسوا شيلاتهم وتغطـوا ويات هاجر عندي ..
هاجر : يـلا من قدج .. بتاخذيــن اخووووي ..^.^
قلت : لا والله .. سكتـي هجوور تراني ميته من الروع ..
هاجر : ليــش حبيبتي .. الا بيجي يسولف معاج بـس ..
سمعت وقفوا الاغنيـه وحطـوا اغنيـه ثانيـه .. وكانت اغنيـه نـوال ( تفـضـل )
وقامت يدي ترجف وماعرفت شاسوي .. يات امي جنبي..
امي : وقفـي ..
قلت : ليـش داخل علي الشـيـخ وانا مادري ..
امي : ســــاروه ؟!!؟!
قمت وانا مب مقتنعه .. وشوي الا اشوف عمتي دخلت .. لانها طلعت برع عشان تدخل راكان .. وراكان وراها .. وانا اول ما شفته نزلت راسـي .. ورفعت عيني ابي اشوف وين وصـل .. شفته راح حق امي وباسها على راسها .. ويوم شفته ياي صوبي نزلت راسـي ..

بحط لكم مقـاطع من الجـ 18 ــزء

راكان : انزيـن ليـش تصارخيــن ..؟
هاجر : لا لا مب ماسكه لسااني .. خليــني اعبـر عن فرحتــي ..
قلت : خـايف تمـل ..؟
مشاعل : وليـش تقوليـنها وكأنج مفتكه منـه ..؟
جاسم :كنت ناوي اتزوج .. بس هونت ..
تركي : على كيـفج ..! بدت حبيبتي ..
راكان : عيـل نبتدي بالهواش ..
قلت : احنا في السيـاره .. بنروح المستشفى ..
تركي : غرفه الدكتـور ..كملت : ويمكن تمـوت ..!

الجـــــ 18ـــــزء

راكان : مبــروك ..
قلت بحـيا : الله يبارك فيـك ..
كنت ميـته ابي اشوفه .. كأن شكـله متغيـر .. بس ما قدرت ارفـع عيـني .. حسـيت انه قـعد وقعدت ..
قرب وجهه صوبي : شخــباارج ..؟
حسـيت بالخجل وقلت بصوت واطي : بخيـر ..
راكان : ما اســمع ..!
عليـت صوتي شوي : بخيــــر ..
راكان : انزيـن ليـش تصارخيــن ..؟
افتشلــــــــــــت ..
عقب شفت امي ياتنا ..
امي نزلت مستواي : تبون اجيـب لكم عصيـر تشربون بعـض ..
قلت بسرعه : لا لا لا لا .. ما ابي ..
امي : لا حلــو .. حركه حلــوه ..
قلت : لا يمه لا تحرجيـني .. مابي ..
امي : مب ويه رزه ..
وراحت عنـي وجات هاجر وسلمت علي ..
هاجر : واااي واااي ما اصدق .. مبــروك سااروه ..
ابتسمت : الله يبارك فيـج ..
راكان : ما باركتيلها قبل .. والا رزه فيـس ..؟!
هاجر : امبـلا باركت .. بس من الوناسه خلني ..
وباستني وانا منحررررررجه ..
راكان : بـــــس خـــلاااااص .. خلي حــق غيــرج ..
هاجر : مـــنووو غيــري يعني .. من تقصــد ..؟
راكان : احم احم ..
هاجر : لاحق حبيبي لاحق ..
وي وي وي الله يخــسج يا هجووور .. حسبي الله على بليـــسج من بنت ..
سحبتها من ثيـباها ونزلت لعندي ..
قلت : هجور لو تمسكيــن لســانـج تسويــــــن خيـــر ..
هاجر : لا لا مب ماسكه لسااني .. خليــني اعبـر عن فرحتــي ..
راكان : لا خلااااص وااضـح .. معبـره بما فيـه الكفايـه ..
وجات عمتـي وسحبـتها ومادري شقالت لها ..
وياتنا عمتي ومعاها امـي ..
اعمتـي : يـلا .. ما تبون تلبسـون بعـض الدبل والشبكه ..
راكان وقف : ايـه يلا ..
وقفت وانا مب فاهمه شـي ..
ويابت هاجر الطاوله اللي فيها الشبكه ..
خذت عمتـي العقـد وفتحته وعطتـه راكان .. بدا راكان يلبـسني وانا قلبي يدف .. وخذ الاسواره ولبسـني اياها .. طبعا كل هذا بمساعدة هاجر وعمتـي .. واريـج كانت تطالعنا من بعـيد لبعيـد .. ومسـك يدي اللي صار لها ترجف ساعه .. ولبسـني خاتم الشبـكه .. وبعدها خاتم الدبلـه .. وانا خذت الخاتم اللي عطتني اياه عمـتي عشان البـس راكان .. ومسكت يده الدافيـه ولبسته وانا ارجف ..
بعد ما خلـصت من هالمرحله الصعــبه .. ابتسمت حق الكيـمرا لان نجوى ما وقفت تصـويـر ..
ويات هاجر : مبــرووووك " وسلمت علي وعلى راكان "
قلت : الله يبارك فيـج ..
قعدنا شوي وانا اشوف امي رايـحه ويايه .. ما عرفت شاسوي .. تمـيت قاعده اطالع باقه الورد اللي في يدي ..
وشوي الا يايتنا هاجر ..
هاجر : يــلا سـاروه وراكان ..
راكان : وين ؟؟
هاجر : مادري .. روحوا ورى خالتي فاطمه ..
قلت : شـنو ..؟
امي يات : تعالوا ..
قلت : ويـن ..
امي : بتروحون الميـلس بروحكم بعد ليـش ..
قلت : لا انا مرتاحه هنيـه ..
راكان وقف ووقفني : ايه يلا بنروح ..
واااي احرجنــي .. ما قدرت اتكلـم .. وامي مشت وراكان وراها وهو للحيـن ماسك يدي .. ووصلنا الميلس .. وكانت ريـحته بخـور وعود ..
سحبت يدي بشويش من حظـن يده الدافيـه .. وطالعني وابتسم وقـعد .. وانا قعدت بالكرسـي اللي جنبـه ..
راكان : مبـروك عليـج رجعه ابـوج لامـج ..
قلت : الله يـبارك فيـك ..
تمـينا ساكتـين فتره ..
راكان : ترى العرس بيكون قريـب .. ما ابيه يكون بعـيد ..
قلت : ليـــش ؟؟!
راكان : بـس .. مب حلو ان تكون فتـره الملجه طـويـله ..
قلت : خـايف تمـل ..
راكان : شهالســؤال ..؟ امل من شـنو .؟
قلت : عيـل ليـش ما تبي فترة الملجه تكون طويـله .؟
راكان : احسـن .. انا ابي جـي ..
لحـــوووول .. غمــوض من البدايــه ..
تميـت ساكته وانا اطالع الارض ..
راكان : زعلتـــــي ؟!
قلت : مــن شـنوو ؟؟
راكان : لا خلاص .. اذا ما تعرفيـن سبب الزعل يعني ما زعلتـي ..
قلت : امبـلا زعلـت ..
راكان ابتسم : تبيــني اراضيــج ..
ايه ايه .. يمكن يأجل العـرس ..
قلت : ايـه ..
قام على طوله .. خفت وطالعته ..
قلت : ويـن بتروح ..؟
راكان : براضيـج ..
قلت : لا لا لاااا ..
راكان : ها ها هاااا ..!
قلت : مب جي ..
راكان : مب انتي زعلانه .. وانا براضيـج بطريـقتي الخاصه ..
قلت : اذا تبي تراضيـني تأجل العـرس ..
طالعني ورجع مكانه ..
قلت : شـنو ؟
راكان : مافي تأجيــل ..
قلت : انزيـن متـى بيكون العرس ..؟
راكان : امممم .. انا بكره بروح اشوف متى اقرب موعد تكون القاعات فاضيـه فيـه ..
قلت : واي قاعه بتحجـز ,,.؟
راكان : انتي الحيـن ما عليـج من العرس .. ان شالله بنتفاهم عليـه عقـب ..
سكت ونزلت راسـي ..
راكان : طالعه حـلوه ..
هنيـه حســيت ان ويهي شـــب ناار ..
ابتسمت بخجل : انت الاحلـى ..
راكان : صــج .؟
نزلت راسي زياده ..
راكان : ههههههه الله يعيــني على الخجل ..
قلت : لا صـج انت متغيـر ..
راكان : صـرت حلو والا شيـفه ..
ابتسمت مستحيـه : مادري ..
راكان قام من مكانه قعد جنبـي : لا والله تدريـن والله ..
ضحكت : ههههههههههه شنوو .؟
راكان : قولي زيـن .. عشـان اذا انا الوع الجبد اعدل روحي .. ما اخرعج ..
قلت : لا انت فضيـع ..
راكان : والله عيـونج الافضــع ..
راكان : ليـش كاشخه هالكثـر ..؟
قلت : مادري .. يعني ما اكشـخ ..؟
راكان : امبـلا بس اخاف يحسـدونج ..
قلت : لا كلهم اهلـي .. محد غريـب ..
راكان : ما يحسـد المال غيـر اصحابـه ..
راكان : انتي بعـد متغيـره ..
قلت : صايره الوع الجبـد .؟
راكان : ايه ..
تخصـرت : يـــــــــــه ..
راكان : ههههههههههههههههههههههههههههههههههه ..
قلت : ما يموت من الضحك ..
راكان : امبـلا يموت يموت .. هههههههههههههههههه ..
ضحكت على ضحكته : هههههههههههه .. والله احلى منـك ..
راكان : ايه في هاااي صدقتـي ..
سكت وتميـت العب في اصابعـي ..
راكان : لا بس طالعه تحــفه ..
قلت : يعني عيـوز ..؟
راكان : شنو .؟ هههههههههههههه عيـــوز ؟؟ هههههه شدخـل ..؟
قلت : مادري انت تقول ..
راكان : تحفه يعني تخبــليــن .. تجننيــن ..
استحيـت وضحكت على روحي .. وخليـت راسي في الارض ..
شفته ما تكلم رفعت عيـني اطالعه لقيـته يطالعني .. استحيـت ونزلـت راسـي ..
طالعت الساعه في في يدي وشفتها 12 .. الوقت مــر بســــرعه.. ماحسـيت فيـه .. راكان قاعد معاي 3 ساعات ..؟
راكان : شفيـج تطالعيـن الساعه .. تمللتي ..
قلت : لا بالعكـس ..
راكان : القعده معاج ما تنمـل .. بس انا مضطر اروح ..
قلت : ليــش ؟؟ تو النـااس ..
راكان ابتسم: وراي جلسـه بكـره ..
قلت : اهااا .. الله يحفـظك ..
راكان وصل عند باب الميـلس البراعـي .. يعني اللي يطل على الحوش ...
راكان : ما تبيـن تسلميـن علي قبل لا اروح ..
قلت : امـبلا..
رحت عند ومديـت يدي .. طالعني ومد يده وسلم علي ..
راكان : يـلا في امان الله ..
قلت : في امان الكريـم .. الله ويـاك ..
طلع راكان من الميـلس ومن البيـت ومن الفريـج بكبره ..
صكيـت الباب وتسندت ..حسـيت اليوم يوم متعب وممتع ..
طلعت من الميـلس لقيـت امي وخالتي ونور ونجوى في الصاله..
قلت : الســــــلام عليـــكم ..
كلهم : وعليــــكم الســلام ..
نجوى يات تركـض عندي : ها ها .. شقال لج .؟ شقلتي له ..؟ شسويـتو ..؟ شسالفتوا عنـه ..؟ قلتي له عندي بنت خاله اسمها نجوى ..؟ خليـه يدور لي عريـــس ..
نور : نجوووووووووووووووه وويعه .. قومي عنها خلها تتنفـس ..
ضحكت : هههههههههههههههههههه بقول لـج كل شـي .. بس بروح ابدل وبرجـع ..
رحت فوق لقيـت مشاعل توها طالعه من غرفتها ..
مشاعل مبستمه : هااا راح .؟
تنهدت : ايــه ..
مشاعل : وليـش تقوليـنها وكأنج مفتكه منـه ..؟
قلت : لا مب جي .. بس طول الوقت كنت متوتره ..
مشاعل : انزيـن هو ولد عمتـج مـب غريـب .. يعني مسولفه معاه من قـبل وتعرفون بعـض ..
قلت : ايـه بس ما كنت متوقعه في يوم من الايام بيصير زوجي .. وسوالفنا مع بعض ما كانت وايـد .. كانت سوالف سطحيـه ..
مشاعل : الله يهنيـكم .. بتتعوديـن عليـه .. يلا روحي بدلـي ..
قلت : اوكي ..
دخـلت الغرفه وقعدت على السـريـر .. مادري برتاح بعد هالخطوه اللي خطيـتها والا بتزيـد همومي .. بس خلني اكون متفاءله بالخيـر ..
قمت ورحت صوب المنظـره اطالع نفسـي .. وسمعت طقه باب بقوه .. فتحت الباب متخرعه .
قلت : مــنو ؟
نجوى : الحمــــــد لله ما فصختــــي ..
قلت : شتبيـن .؟
نجوى : يايه اصورج .. يلا يلا روحي الميـلس ..
قلت : يــــــه مــالي بااارض ..
نجوى : يلا عيـل وقفي عند بابج ..
وقفت وهي تقولي اسوي حركات واسوي وانا مالي خاطر .. كنت تعباانه وابي اناااام ..
صورتني كم صوره وراحت .. دخلت ابي البس بيجامتي لكني توهقت بالسحاب .. ماعرفت اوصل له .. فتحت الباب وطلـيت ..
ناديـت : نجووووووووووووووووووووووه .. نجوووووووووووووي ..
محد رد علـي ..
ناديـت : نوووووووووووووووروووووه .. نوووووووووور ..
تركي : ها ها ها شفيـــــــــج .؟
قلت : وي انت هنيـه ..
تركي : ايه .. ايه صـح نسيــت .. مبـــرووووووك .. ما باركت لج ..
ابتسمت : الله يبارك فيـك ..
تركي : شتبيـن الحيـن .؟
قلت : ابي نوروه والا نجوي يفتحون لي السحـاب ..
تركي ابتسم : خـلي راكان يفتحه لــج ..
انحررررررررررجت .. وانقلب ويهي احمـر ,,.
تركي : ههههههههههههههههههههههه خلاص بناديـلج حـد ..
دخلت وشوي الا مشاعل يايتني .. وفتحت لي السحاب وبدلت ولبست جلابيه ورديـه ومشطت شعري ومسـحت مكيـاجي ورحت الصاله ..
خالتي : كاهي جات العروس ..
قلت : شــنو كنتـووووا تحشــــــــون فيـني .؟
خالتي : لا والله ما طريـناج الا بكل خيـر ..
رحت صوبها وضميـتها : ايه اعرفـج خالوه .. طيـبه وماتذكريـن حد الا بكل خيـر ..
خالتي : هههههههههههه .. فديـت قلبـج ..
رن جوال نور ..
نور : هااا .. اوووه قصب يعني .. زين هلا هلا .. هلا والله بجاسم .. ههههه شتبي .. اوكي اوكي ..
نور : يلا كاهو جاسم عند الباب .. بس قال بيـجي يسلم على العـروووس ..
قلت : بروح البـس شيلـتي ..
رحت اركـض غرفتي وطلعت لي شيـله .. ولبستها في الطريـج .. وشفت جاسم قاعد ..
قلت : السـلام عليـكم ..
جاسم : وعليــكم الســـلام .. هلا بنت خالتــي .. هلا هلا ..
ابتسمت : اهليــن ..
جاسم : شحالج .؟
قلت : يسرك الحال .. انت شخبارك .؟
جاسم : طيـب طاب حالج .. مبـروووك عليـج الزواج ..
قلت : الله يبارك في حياتك ..
جاسم: شخبار عريـس الغفله ..؟
قلت : تمام ..
جاسم : متـى عرسـكم ..؟
قلت : والله للحيـن ما حددنا ..
جاسم : الله يهنيـكم ..
قلت : ويـاك .. وانت مب ناوي تتزوج .؟
جاسم :كنت ناوي اتزوج .. بس هونت ..
قلت : ليـش كنت ناوي ,.؟
جاسم : كـنت ..
خالتي : من صجك جسـوووم .؟
جاسم: يمه انا ريال شكبـري وتسميـني جسـوم .. في البيـت بــس ..
خالتي : انت تبي تتزوج .. قولي وانا ادور لـك العـروس اللي تبيـها ..
جاسم : يمه ما سمعتيني قلت هونت .. ما ابي يعني .. بتم في جبدكم .. وبعديـن انا اذا تزوجت من بيوديـكم وجيـبكم ..
نجوى : يعني الحيـن صار تفكيـرك فيـنا ..؟
جاسم : لا انا مب مفتكـر فيـكم .. بس اقول جي عشان ما ابي حـنه وقرقه .. يلا جداااامي كلكم السـياره ..
قاموا كلهم وراحوا .. ومن طلعوا انا رحت غرفتـي على طول ولبست بيجامتي وطرت في سااااااابع نوووووومه ..

وعيت على صوت امـي ..
امي : ســاره يمه .. قووومي صلــي .. ما صليـتي الفجر ولا الظهر .. وبعد ساعه بيأذن العصـر .. قومي الله يرضى عليـج ..
مطيـت لالحاف صوبي وقلت بكسـل : يــمــــــاااه تعبـااانه ..!
امي : قومي زيـن .. بتفوتـج الصـلاه ..
قمت ورحت الحمام على طـول .. اغتسلت وتوضيـت وطلعت .. ما لقيـت امي .. فرشت السياده وصليـت الفجر والظهر ..
بعد ما خلصـت صلاه رحت اشيـك على جوالي وشفت رساله ومكالمه ..
فتحت المكالمه شفتها من رقم غريـب .. طنشتها وفتحت الرساله .. شفتها من نفس الرقم ومكتوب فيها " انا راكان وهذا رقمـي "
خزنت رقمه بأسمه ورحت الصاله ..
شفت امي وابوي وتركي ومشاعل ..
قلت : الســلام عليـكم ..
الكل : وعليـكم السـلام ..
قلت : وين خالي .؟ ما شفته من امـس ..
امي : خالج في الدوام وين بيكون يعني ..
قعدت : وتركي ليـش ما تداوم ..؟
تركي : انا ماخذ اجازه اليوم .. انتي شحقه ما تروحيـن الجامعه ..؟
قلت : ما بدت ..
تركي : على كيـفج ..! بدت حبيبتي ..
قلت : شوفوا السباله لطوف ما قالت لييييي ..
امي : لا تقوليـن سباله بعدين خالج يزعل ..
قلت : ويي هذا رفيـجتي قبل لا تصيـر زوجته ..
امي : بس صارت زوجته ..
قلت: يــه .. بروح اكلمها وبزفـها النحيسه ..
ابوي : يعني انتي ما تدريـن متى يبتدي دوامكم ..؟
قلت : وانا شدراني ..
تركي : لازم عندج خبر بالتاريـخ ..
قلت : وانا شدراني كم تاريـخ اليوم ..
امي : يلا بلا كلام فاضـي .. يلا ساعدوني بحط الغدا ..
تركي : يلا مشاعل وساروه .. قومي ويا امي ..
قمنا انا ومشاعل وامي ورحنا المطبـخ .. وحطيـنا الغدى هناك لان طاوله الطعام هناك .. ويتغديـنا ورحت على طول غرفتـي .. اتصلت حق لطوف ..
لطوف : هــلا بالعروووووس ..
قلت : اهليـــــن ..
لطوف : شخبــارج ...؟
قلت : تمام الحمدلله .. اخبارج انتـي .؟
لطوف : الحدلله بخيـر ..
قلت : ولا قلتيلي ان الجامعه قربـت ..
لطوف: ليـش يعني انتي ما تدريـن .؟
قلت : لا والله .. وانا شدراني .. ما قلتي بتشتريـن اغراض ..؟
لطوف : ما ابي اشتـري .. في ملابس شريتـها وللحيـن ما لبستها .. مافي داعي اشتري بعد .. لاعت جبدي من الطلعه .. صايره كل يوم اطلع عشان اجهز ..
قلت : ايــه صــح .. الله يعينـج ..
لطوف : ويعيـنج انتي بـعد .. والا نسيـتي ان وراج تجهيـز ..
قلت : الله يكون في عون الجميـع .. بس ما قلتيلي .. متى الدوام بالظبـط ..
لطوف : بعد بكره ..
قلت : اووووووووف .. مابي اداوم خلاااص .
لطوف : استحملــي كلها هالكورس ونخلـص ان شالله ونفتــك ..
قلت : ان شالله .. بس يصيـر نداوم واحنا عرايــــس ^.^
لطوف : لا لا ما يصـير .. " شهقت " اصــلا شلووون نداوم واحنا تونا مالجيــن .. ما يخلون ..
صدقت : صـــــــــج ..؟
لطوف : ايه ما يصيــر .. واذا رحتي ما يخلونج تحظريـن المحاظرات .. يخلونج قاعده على الكرســي ويبردون اظافـرج ويعدلونج ..
قلت : لااااا والله .. تتطنزيــن حاظرتـج ..؟
لطوف : شــاسوي فيــج .. هناك في الجامعه كلهم يداومون بكروشهم .. امثال غايوه وانتي توج مالجه تقوليـن " وتقلد صوتي " شلون نداوم واحنا تونا مالجيـن ..!
قلت : اعصاابج زين ..
لطوف تنهدت : ههههههههههههههههه لا بس بطيـتي جبدي ..
قلت : آآسفه مدام لطيـفه ..
لطوف : لا عادي بس لا تكرريـنها .. ههههههههه
قلت : مالت عليــج ..
لطوف : ساروه سكري سكري .. كاهو ميشو اتصــل ..
قلت : منــو منــو .؟!!
لطوف بدلع : ميـــشـوه ..
قلت : ومن ميشوه بعد ..؟
لطوف : مشـاري شفيــج .. يلا سكري ..
قلت : هههههههه اوكي باي .
لطوف : بايات ..
وسكرنا وانا نزلت الصاله .. لقيـت خالي قاعد وحاط ريـل على ريـل ويتكلم في التلفون ..
ورحت المطبـخ ادور الباقي لقيـت امي قاعده تأكل ابوي كيك وهم يضحكون .. ضحكت عليهم ورحت وغليتهم غرقانين في العـسل .. دورت مشاعل ما لقيـتها . الكل لاهي مع حبيبه وانا ادور على محبوبي ..
رحت الغرفه بكلم هجور والا غايوه والا نور .. ابي حد يفرفشني ..

دخلت الغرفه لقيـت جوالي يرن .. رحت بسرعه ابي اشوف من لقيته مسكـر ..
اوووف سكروا .. شفت المكالمه من راكان .. اوه راكان ..؟!
وي شيبي مـتصل ..؟ اتصـل له والا لا ..؟
متردده .. وتوني بضغط على زر الاتصـال الا اتصـل .. وقمت اتنافض ورجف ومادري شصار فيني ..
رديت وبصوت ناعم : الووووه ..
راكان : هــلا والله .. هــلا بهالصــوت ..
قلت : هــلا فيــك ..
راكان : شخبااارج ..؟ شعلووومـج ..؟ شمسويـه ..؟
قلت : بخيـــر الحمدلله .. انت اخباارك .؟
راكان : طيـب طاب حالج .. شخبار امج وابوج ..؟
قلت : بخيـر الحمدلله ..
راكان : وتركي ومشاري ..؟ واليهال واختـج ..؟
ابتسمت : كلنا بخيـر الحمدلله .. شخبارك انت و شخبار عمـي ..؟
راكان : كلنا بخيـر .. لكن ابوي لاهو بعايش ولا ميـت ..
شهقت : ليـــش عســى ما شـر ..؟ شفيــه ..؟
راكان : والله ما ادري للحيـن شفيـه .. هو مافيه مرض عضوي .. فيه مرض نفسي .. ومادري من شنو ياله هالمرض ..
قلت : انزيـن وديـتوه المستشفـى .؟
راكان : رافـض يتحرك من مكانه .. يقول خلوني اموت في بيتي وفي غرفتي .. مايبي يطلع ولا ياكل ..
قلت : لاااا جي مـب زيــن .. كلموه والا طلعوه خلوه يتنزه ..
راكان : انا كل ما ادخل عليـه اشوف اخباره يردد كلمات ما افهمها .. يقول ما عرفت اربيكم .. ويقول حقيــر ويقعد يســب .. وانا من ادخل عنده احتار .. ويوم اسأله ما يجاوبني ..
قلت :مايشوف شر ان شالله ..
راكان : الشـر ما يجيـج .. آآسـف والله غثيــتج ..
قلت : لاااااا والله عادي .. اصلا لو ما قلت لي جان زعلت عليـك ..
راكان بهدوء : صــج ..؟ بتزعليـن علـي ..؟
ابتسمت : ايـه ليـش لا ..؟
راكان : تقدريــن ..؟
قلت : مادري .. ما جربت .. بس انا ما احب ازعل حد او ازعل من حد ..
راكان : يعني مابتزعليــن منــي ..؟
قلت : لا ..
راكان : عيـل نبتدي بالهواش ..
ضحكت : هههههه يــه ..!
راكان يابلفيـت يهاوش : ايـــه .. انتي ليــش ما ترديــن على الجوال .. صار لي ساعه اتصـل ومحد يرد .. كنت بجي عندكم ركيـض ..
ضحكت : هههههههههههه والله انا كنت في الصاله مادري عن جوالي ..
راكان : من اليوم ورايـح جوالج يكون في يدج .. عشان من اتصـل لـج تفزين وترديـن علي ..
قلت : ان شالله .. اي اوامر ثانيه ..
راكان : ســلامتـج ..بس ليــكون زعلتي ..
قلت : لا ما زعلت .. مافي شي يزعل ..
راكان : ايه جي ابيـج .. فديـت امج والله ..
ضحكت : هههههههههههههههه .. وفديـت امك ..
راكان : تسلم لي هالضحكه .. عسـى دووم يارب ..

وتميـت اسولف معاه ليـن ما اذن العصـر وقال لي انه بيروح يصـلي .. وانا سكرت من عنده ورحت اصـلي ..
بعد ما خلصـت صـلاه نزلت الصاله .. شفت ابوي وامي وغايوه ..
قلت : اوه اوه اوه .. غايه بنت راشـد عندنا ..؟
غايوه قامت عشان تسلم علـي : ايـه عندكم ..
قلت : قعدي انتي وكرشــتــج .. هههههههه ..
سلمت عليها ..
غايوه : هذا يزاااااي اني قايمه لـج ..
قلت : غصبن عنـج بتقوميـن مو طيـب منـج ..
ابوي يعاتبني : ســــاره ..؟!
قلت : لا يبا شدعوه .. اتغشمــر معاها ..
ابوي : انزيـن ما اتفقتوا انتي وراكان على يوم تحددونه يجيــج فيـه ..
قلت : لا ما اتفقنا .. يعني لازم يجيـني ..؟
امي : وي .. بعد صرتــي زووووجته ..
قلت : انزيــن بس صرت زوجته ما صرت زوجته رسمــي ..
امي : خلااااص انتو مالجيـن .. يعني هو زوجج .. يقدر يتلج من شعرج يوديـج بيته ..
قلت : يخســــــي الا هــــو ..
ابوي : ســــــــــاره ...؟
قلت : شنو يتلني من شعري ..؟
ابوي : وشنو يخسـي بعد .. هذا زوجج .. تحترميـنه قد ما تحترميـن نفسـج ..
قلت وانا منزله راسي: آآسفه ..
ابوي : لا تتأسفيـن لي .. بس انا اعلمـج ..
وشوي الا تركي ياي من برع ..
خالي : الســــــــلام عليــــــكم ..
كلنا : وعليـكم السـلام ..
تركي : اوه غايه هنيه .. ولا تسلميـن على اخوج اللي صار له ساعه واقف عند الباب ..
غايوه : هههه توك داخل البيت.. وهل علي شوي ..
تركي يمد وجهه صوبها عشان تسلم .. وغايوه تضـحك ..
استانسـت على جو الاسـره .. حبــيته .. تمنيـت ان احنا دووم نكون جي .. ابو يلعم وام توجه واخت تحـن واخو يفرفش ..
دخلت من وراه مشاعل وشكلها تعباانه .. سلمت على غايوه وراحت فوق ..لحقتها .. مادري ليـش حسيـتها تناديـني من نظرتها لـي ..
وصلت فوق والتفت وراها لاني ناديـتها ..
مشاعل : خيـر ساره ..؟
قلت : شفيــج ..؟
مشاعل : مافيـني شـي .. تعبـانه شوي ..
قلت : دام انـج تعبانه ليـش ما تقريــن في البيـت ..؟
مشاعل قعدت على الكرسـي الموجود في الصاله الفوقيـه ..
مشاعل : شدراني عن تركي .. يبي كل شي بسـرعه ..
قلت : شـنو كل شي بسـرعه .؟
مشاعل : احنا نراكـض حق البيـت ..
قلت : اي بيـت ..؟
مشاعل : بيــتنا الجديد .. انتي ما تدريـن ان الحكومه ماعطه تركي ارض من فتـره وقمنا نبني وانا بدوري اختار الاثاث ..
قلت : تــو النــاس على الاثـاث .. دام انكم للحيـن ما بنيـتو ,.
مشاعل : لا من قال لـج ما بنيـنا .. البناي خلـص من فـتره .. بس بقالنا التبليـط والدرايش والبيبان .. وهالسوالف .. اما الاثاث باخذه من برع .. احلى وارخــص ..
قلت : اهاا .. وانا اخر من يعلم ..
مشاعل : مادري انـج ما تدريـن ..
قالت :المهم ما عليـنا .. دام انـج تعبانه قولي حق تركي يخفف شوي .. مب كل يوم تطلعيـن وتدوريـن ..
مشاعل : انا طالعه مافيني شـي .. بس فجأه جاني التعب ..
قلت : روحي المستشفى زيـن ..
مشاعل : لا عادي .. برتاح في غرفتـي وان شالله اكون احـسن ..
قلت : ان شالله .. ما تشوفيـن شـر ..
مشاعل : الشـر ما يجيج فديـتج ..
وراحت غرفتها وانا رحت غرفتـي اشيـك على جوالي .. لقيـت مكالمه من لطوف .. اتصلت لها ..
لطوف : هـلا والله .. هـلا باللي يتغلوووووون ..
قلت : شنو اتغلى .. توني مسكره من عندج ..
لطوف: ههههههههههه بس وحشـتيني ..
قلت : المهم ليـش متصله ..
لطوف : بــل بل بل .. شدعوه عاد .. شهالاستقباااال سااروه ..؟
ضحكت : هههههههه سوري ما اقصد .. بس مكلمتـج الظهر .. يعني ما صار لنا وقت ..
لطوف : ادري ادري.. انا ابي اشوووفـج ..
قلت : ليـش شمستوي ..؟
لطوف : مب مستوي شـي .. بس ابيـج .. ابي اسولف معاااج .. متمــلله ..
قلت : مـب كثـري..
لطوف : سـاروه انتي عندج من يسليـج .. نور ونجوى وغايه اختـج .. وامج وابوج الله يخليهم لـج .. حتى مشاري وتركي ومشاعل .. اما انا من عنــدي ..؟ حمد اللي ما ادري عنه وين راح وين جا .. البيــت ما يقعد فيه ولا لحظه ..الا اذا كان يبي يتسبـح او ينام .. وامي اللي كله زيارات وسفراات .. وحتى عمتي الله يرحمها ما جابت حد عشان يكون معاي .. وبنت خالتي انتي تعرفيـنها .. محد يحبها ولا حد يواطنـها .. ولا هي تحبني ..
كســـرت خااارطي لطوووف .. ما كانت تشتكــي لـي ..
قلت: فديـت رووحج لطوووف .. هالكثـر كان في قلبـج وسااكته ..
لطوف : انتـي بروحج كانت لج مشاكلـج .. وما حبيـت ازيـدج همومي ..
قلت : بس الصديـج وقت الضيـج .. خلنا نشيـل هموم بعـض ..
لطوف : ما تلاحظيـن إنا احنا صغااار واايد على المشاكل ..
قلت : حبيبتي المشااكل ما تعرف كبيـر والا صغيـر .. المشاكل تجي واحنا مالنا ذنب فيها ..
لطوف تنهدت : وانتي الصــاجه .. بس يختي مب عاجبــتني هالسالفه ..
قلت : أي سالفه ..؟
لطوف : ابي اشوفـج ما ابي اكلمج في التلفوون ..
قلت : زيـن تعالي بيتنا..
لطوف : شنو .؟ اجي بيتكم ؟ اجي بيت خطيـبي .. ما يصيـر ومب حلوه .. انتي تعالي بيتنا ..
قلت : لا لطوف .. حمد هناك ..
لطوف : قلت لج ما يقعد في البيــت .. قبل كان يحـن علي ويقعد معاي لاني بروحي .. الحيـن مب معتبرني ..
قلت : يـمكن بنت خالتـج غيـرته ..؟
لطوف : هه بنت خالتي .. اصلا هو يشوفها والا يكلمها ..
قلت : ما يكلــمها .؟
لطوف : لاه .. ولا يعرف عنها شـي .. بس اسم مالجيـن على ورق .. حتى عن أخبارها ما يسأل ..
قلت : لـيش انزيـن .؟
لطوف : يقول مب طايقها .. تدريـن ان مأجل عرسه للسنه الجايه ..
قلت : صــج .؟ لــيش ؟
لطوف : اقوول لج ما يطيقها ..
سعمت ابوي يناديـني ..
قلت : لطوف .. ابوي يناديـني .. بروح اشوفه شيبي وبكلمج اوكي ..
لطوف : اوكي .. يلا مع السـلامه ..
قلت : مع السـلامه ..
رحت اشوف ابوي وينه .. طليـت تحت شفته واقف وامي جنبه ومعطيـني ظهرهم .. نزلت ..
قلت : خير يبـه ..؟
ابوي : تعالي شوفي .. شفيها مشاعل .. قولي لها نوديـها المستشفى ..
قلت : خـير مشاعل شفيـــج ..؟ التعب زاد عليـج ..
مشاعل بتعب : لا .. قلت لكم شوي تعبانه ..بصيـر زينه الحيـن ..
قلت : لا لا .. يلا قومي دامي خلنا نوديـج المستشفى .. المستشفى اذا ما نفعتـج ما راح تضرج ..
مشاعل : مافيني حيـل اقوم ..
قلت : انادي تركي يشيلج ..؟
مشاعل : لا خلوه برع يستانـس ..
مدت يدها عشان اساعدها .. ابوي مسكها وقومها.. مسكتها وامي من يدها الثانيه وانا رحت اركـض اجيـب عباتها وعباتي وعبايه امـي .. لبست عباتي في الطريـج ولبسـت مشـاعل وامي لبست عباتها .. ووديـنهاها السيـاره .. وانا بدوري اتصلت حق تركي اقول له ..
تركي : ها .؟
قلت :تركي انت ويــن ..؟
تركي خـاف : ليــش شصاايــر ..؟ تكلمــي ..
قلت : مشاعل تعبانه ووديـناها المستشفى ..
تركي : وين انتو الحيـن ..؟
قلت : احنا في السيـاره .. بنروح المستشفى ..
تركي : انا سابقــكم ..
وسكر مني وشوي ووصلنا المستشفـى .. جبت الكرسـي المتحرك وحطيـنا مشاعل فيـه .. وبمساعدة السسترز ودوها عند الدكتور بسـرعه .. وانا وامي وابوي تميـنا في غرفه الانتظار .. وشوي الا اشوف تركـي ياي بخطوات سـريـعه ..
تركي يلهث : مشــاعل ويـن ..؟
امي : ودوها غرفه العـلاج ..
تركي : لــيش هي شفيـها .؟
امي تصيـح : مادي .. نزلت من غرفتها وهي تعبانه .. وقعدت معاي وتشكي من الم مادري وين وعقب تعبت زياده ووديـناها ..
تركي قعد وحط يدينه في راسه ..
شصــار في مشــاعل ياربي .. شصــااار .؟ شاللي قـلب حالتها جــي ..؟
وانا قاعده على اعصابي اتصـل راكان .. مابي ارد عليـه .. بالي مشغووول بمشااعل ..
وشوي الا يطلع الدكتور من عند مشاعل ..
تركي راح له بسرعه ..
تركي : خيــر دكــتووور ..؟ شفيـها .؟
الدكتـور : تطمـنووو .. المدام حامـل .. بس حملها ضعيـف ..
تركي نزل راسـه .. والدكتور حط يده على كتف تركي ..
الدكتور : شـد حيـلك ..
امي يات بسرعه : شفيها مشـاعل ..؟
قلت : حامــل ..
امي : وي يعله مبــارك ان شالله .. كل هالتعب عشــان حـامل .. الف الف مبـروك يا تركي .. بشوووف عيــالك ..
تركي : بس يمكن ما تشوفيـن مشاعل ..
ابوي : تركي الله يهدااك .. شهالكــلام بـعد ..؟ الاعمار بيـد الله .. ومشاعل مهي اول ولا اخـر وحده تحمـل .. وشفيـك انت مب مستانــس ..؟
تركي : الدكتور يقووول حملـها ضعيــف .. يعني الامل انها هي و الجنين يعيـشون ضعيـف ..
امي : انت شتقووول ؟؟
ابوي : لا يا تركي .. خل ايمانك بالله قوي .. واعرف ان هذا كله اختبار من الله .. يبي يشوف قوة ايمانك بـه .. لا تضعـف وانا ابـوك .. لا تضعـف ..
تركي رفـع راسـه وتنهد .. وراح ..
امي : ويـن بتـروح .؟
تركي : غرفه الدكتـور ..
قلت : ما بتشوفون مشاعل .؟
امي : امبـلا .. يلا دخلي الغرفه ..
دخلت الغرفه وشفت مشاعل طايحه على السـرير .. كســـرت خااطـر.. كان ودي اظـمها .. اواسيـها .. لان مالها حـد في هالدنيـا غيـر الله وتركي ..
قربت من سريـرها .. والا جوالي يـرن .. توقعته راكان بـعد .. بس شفت المتـصل خالي ..
رديـت : هـلا خالـي ..
خالي : هلا ساره .. ويـنكم .. محد في البيـت ..
قلت : احنا في المستشفـــى ..
خـالي : فــي المستشفــــى ؟؟! شتســون ..؟ وحق مــنو رايـحيــن .؟
قلت : مشـاعل تعبـت عليـنا ووديـناها المستشفـى ..
خالي : مسكيــنه ما تستااهل ..وشطلع فيـها ..؟
قلت : حـامل ..
خالي بفـرح : صــــج .؟ مبــروووك مبــروك .. تروك بيـصيـر ابو انا بصيــر جد ..
قلت وانا خانتني العبـره : بـس حملـها ضعيــف ..
خالي : لا حول ولا قوة الا بالله .. بس ان شالله اذا كلت مقويـات وارتاحت ما بيصيـر عليها شـي بأذن الله ..
قلت : بـس تركي يقول بيأثـر عليـها ..
طلعت برع خفت ازعجهم .
كملت : ويمكن تمـوت ..
خالي : لا لا لا .. شفيـه تركي ذيـه .. يفاول على مرته .. صـج ان الاعمار بيـد الله .. بس مو عشان حملها ضعـيف تموت .. يمكن تتعـب شوي .. وهالتعب ما راح يطول اذا التزمت بالعــلاج ..
قلت : انزيـن هي مسقطه من قـبل .. لازم يأثـر عليـها ..
خالي : بيأثـر عليـها شي طبيعي .. بس بتتعـب ما راح تموت بسبب ضعف الحمـل ..!
تنهدت : ريــحتني الله يريــحك ..
خالي : يـلا انا الحيـن في الطريـج يايكم ..
قلت : اوكي ..
خالي : مع السـلامه ..
قلت : في امان الله ..
سكرت وياني مسـج .. وكان من لطوف .. فتحته وانا ادخل الغرفه ..
" لأهـل المكـارم عـنـد الاجـواد تـقـديـر..
وعلومـهــم تفخــر بـروح الشـجـاعــه .,’
وراعي الوفا والطيـب مذكور بالخيـر..
(( مثلـك )) وذكره حي في كل سـاعه ,’
عز الرفيـق اللي شراتـك اخاويـه ..
ســود الليــالي ما تغيـر طبــاعه ..’"فرحت بهالمسـج مع انه عادي .. بس حسـيت ان لطوف معاي الحيـن .. حتى لو هي ما تدري باللي يصيـر فيني .. بس قلبها كان وياي ..


انتظروا حداث اجمل في الجزء الـ 19 =)

تسلموون يالغاليات عالمتابعة .. ^^

وبنزل البارتيـــن ان شاء الله باجر المسا ..

. . .

العفو خيتوو .. ويسلملي مرورجـ الحلو ^^

تسلمون عالمرور .. وهذه التكملة ..
ابي ردودكم الحلوة .. لا تحرموني منها ^^

الجــــ 19 ــــــــزء

امي : وانتــي من مســاعه ماسكه هالجــوال .. ومب مراعيـه حاله مرت اخووج ..
قلت : يمه كنت اكلم خالي .. والحيـن هو ياي .. الا ابوي وينه ؟؟
امي التفتت عني : ابوج مع تركي .. مادري وين راحـو ..
فتحت شنطتها وطلعت قران صـغيـر وقعدت تقـرى .. وانا قعدت اسـمع بأنصاات ..
وشوي رن جوال .. امي التفتت علي بسـرعه .. ابتسمت لها
قلت : خالـي ..
رديـت : هلا خالي ..
خالي : انا عند باب الغرفه .. يلا طلعوا لي انتي وامـج ..
قلت : ليــش ..؟
خالي : طلعي انتي الحيـن بكلمج ..
قمت وطلعت له ..
قلت : خيـر خالي ..؟
خالي : وين راشد وتركي ..؟
قلت : ابوي وتركي مادري وين راحوا .. اعتقد عند الدكتـور ..
خالي : يـلا قولي حق امـج يـلا..
قلت : ويـن ..؟
خالي : يعني وين بنروح .. البيـت طبعا ..
قلت : ونخلي مشاعل بروحها ..؟
خالي : مشاعل معاها ريـلها .. يـلا قوومي نادي امـج ..
دخلت داخل الغرفه ..
قلت : يـمه ..
امي سكرت المصـحف : صدق الله العظيـم .. خيـر .؟
قلت : خالي يقول يـلا .. بنروح البيـت ..
امي : لا انا بقعد عند مشاعل .. مهب رايـحه ..
قلت : بـس خالي قال.. وهو عند الباب الحيـن ..
امي : قولي له مابي اتحرك ..
قعدت على الكرسي ..
قلت : انتي قولي له .. اذا قلت له الحيـن بصيـر مطراش لكم .. تفاهموا بروحكم ..
امي وهي رايـحه : جليلة حيـا ..
تميت قاعده اطالع هالمسكـينه .. مادري شحالتها الحيـن ..
ودخلت امي ..
امي : يـلا امشـي ..
قلت : اقتنعــــتي ؟!
امي : ايه .. لان بكره الصبـح بجي هنيه ..
قمت .. طلعنا من المستشفـى .. وخلال نــص ساعه وصلـنا البيــت .. من هالزحمه الواحد يقدر يمشـي ..
وصلت البيـت هلكاااااااانه .. رحت الغرفه بسرعه وتوضيـت وصليـت المغرب والعشـا .. لان اذن في الطريـج .. وحطيـت راسـي على المخده ونــمت ..

وعيـت وانا حاسه بالحـر .. لقيـت المكيـف مسكـر والدريشـه مفتـحه .. يااربي .. هاي اكيـد امي .. شفت الساعه 1 الظهـر .. قـمت وتوضيـت وصليـت ونزلت الصاله ..
ما لقيـت غيـر خالد ..
قلت : خلــووود ..!
خالد : نـعم ..؟
قلت : ويـــن امـــي ؟؟
خالد : امي طلعت من الصبـح وللحيـن ما ردت .. مادري وين راحــت ..
قلت : مـع منو راحـت ..؟
خالد : مـع ابوي بعد مع منـو ..
قلت : ابوي وتركي متـى ردو .؟
خالد : اووووف مادري مادري ..
وكمل لعبه على السـوني ..
قلت : مالــت على اللي يسألك ..
خالد : ومالت على اللي يجاوبـج ..
ضحكت عليـه ورحت غرفتـي بتصـل لهم .. شفت مكالمتيـن ورساله ..
المكالمتيـن وحده من راكان ووحده من هاجر ..والرساله من راكان ..
" سـاره شفيــكم ..؟ شصــاير ..؟ ليـش ما ترديــن علـي ..؟ "
مسكيــن يحااتيــني .. باتصل حق امي اول وبعديـن باتصـل له ..
اتصل في امي وردت : هلا سـاره ..
قلت : هلا يمه .. ويـنج .؟
امي : انا في المستشفى مع مشاعل ..
قلت : وليـــش ما قعدتيني عشـان اروح معااااج ..
امي : ما قلتيلي .. وانتي تدريـن اني بروح الصـبح لها ..
قلت : انزيـن ومتى بيطلعونها ..؟
امي: الحيـن قاعديـن يشطبون ..
قلت : يعــــني اليــــوم بتــطلع ..؟
امي : ايـه ان شالله ..
قلت : اوكي يـلا عيـل باي ..
امي : مع السـلامه ..
سكرت من امـي واتـصلـت على طول وبدون تردد حق راكان ..
رد : هــــلا ..
قلت : اهليــن ..
راكان : ها ســاره .. شخبـاركم .. ليــش ما ترديــن علـي ..؟
قلت : احنا الحمدلله .. كلنا بخيـــر ..
راكان : وليـش ما رديـتي علـي امـس .. ؟ خفت عليـكم ..
قلت : كنت في المستشفـى ..
راكان : في المستشفــــــى ؟؟! ليــش خيــر ان شالله ..؟
قلت : مشاعل مرت اخوي تعبت ووديـناها المستشفى .. والحيـن احسـن الحمدلله ..
راكان : اهاا .. الحمدلله على ســلااامتـهااا ..
قلت : الله يسـلمـك ..
راكان : عشـان جي بـس ما قدرتـي ترديـن علـي ..؟
قلت : لا ما كان لي نفـس اتكلم .. لاني كنت خايفه عليـها ..
راكان : اهاا .. سـاره انا الحيـن مشـغول .. بطلع من الدوام وبكلمـج .. اوكي ؟؟
قلت : اوكـي .. على راحتـك ..
راكان : يلا فمان الله ..
قلت في امان الكريـم ...
سكرت منه ونزلت احط لي غـدى .. ياني خالد ..
قلت : تغديـت ..؟
خالد : لا ..
قلت : تعال تغدى معـاي ..
قعد على الكرسـي وانا حطيـت لي وحطيـت له ..
وبعد ما خلصـنا غدى رحنا الصاله .. شوي الا ينفـتح الباب وامي وابوي وتركي ومشـاعل داخليــن ..
قلت : جيــــــــــــتووووووووو ..؟
امي ابتسمت : ايــه ..
رحت بسرعه اسلــم على مشــاعل ..
قلت : الحمدلله على الســـلامه فديـــتج ..
مشاعل ابتسمت : الله يسلـمج ..
تركي : يـلا مشاعل الغرفــه .. الدكتـور يقول لاززززززززززززم ترتااحيـن .. يـلا جدامـي ..
ياربي من هالتركـي .. حتى بأهتمامه جاسـي ..
مشاعل : ان شالله ..
وراحت فوق مع تركي وانا وامي وابوي تمينا في الصاله ..
ابوي : تغديـتو .؟
قلت : ايه الحمدلله .. الا ويـن نصور وفطوم وميمي ..؟
امي : عند خالتـج ..
قلت: شيســوون عند خالتـي ؟؟ ما عندها حـد كبـرهم ..؟
امي : خالـتج تبيـهم ..
وراحت امـي تحط الغدى ليـن ما يجي خالـي من الدوام ..
رحت غرفتـي وشفت تلفوني يـرن ..
رديـت : هــلا راكان ..
راكان : اهليــن .. شخبــارج مره ثـانيه ..
ابتسمت : الحمدلله بخيــر .. انت شخبارك بعد الشـغل ..؟
راكان : والله تمام دام ان القضيـه انتهت ..
قلت : الله يكون في عـونـك ..
راكان : وفي عونـج .. الا اقـول بـدور ..
قلت : شــنو ؟؟ بــدوووور ..؟
راكان : اوه اااأقصـد سـاره ..
سكـت .. ما عرفت شاقول .. من الصدمه ما قدرت افـج حلجـي ..
راكان : سـاره .؟
قلت : للحيـن تحبـها ..؟
راكان : سـاره شهالسـؤال الله يـهداااج ..
قلت : ليـش انت تشــوفه غريــب ؟؟
راكان : ايه غريــب .. لاني لو احبـها جان ما اتزوجتـج ..
سكت ..
راكان : والله انها زلت لسـان .. بس لا تكبـريـن السالفه ..
قلت : لا ما راح اكبـرها .. لانها ما تستااهل .. تقول اسـم وحده كنت تحبها قبـل حق زوجتك وما اكبـر السالفه .. صـج ان اعصابـك بارده ..
راكان : والله ما كنت قاصد ..
قلت : ادري انـك مب قاصـد .. ومن جي انا محتشـره .. على العمـوم انا مشغوله الحيـن .. مع السـلامه ..
راكان سكت ما سمعت منه حـس ..
وسكـرت وتميـت اصيـح .. يعني راكان للحيـن يحبـها .. بس ليــش تزوجنـي دام انه يحبـها ..؟ ياربي انت كاتـب لي التعاسـه في عمـري .. ليــش ياربي ليـش ..
سمعت طقه باب .. مسـحت دموعي وتغطيـت بألحافي ..
دخل خالي : شخبـارج ساره ..؟
قلت : زيـنه ..
خالي : ليـش ما تتغديـن ..؟
قلت : تغديـت ..
خالي : اهااا .. انزيـن ليـش جي تتكلميـن ..؟ من مضـايقـج .؟
قلت : محـد مضـايقني .. بس شوي تعباانه ..
خالي : ما تشوفيـن شـر ..
وطلع من الغرفه وانا تميـت افـكر .. ليـش قال اسمها وما قال اســمي .. يعني هو للحيـــن يحبـها ..؟ اذا يحبـها ليـش تزوجنـي .. ليـش ما تم عايـش على ذكـراها .. واذا ما يحبـها ونسـاها ليـش ذكـر اسمـها الحيــن ..؟
واللي قطـع افكـاري صوت امـي ..
امي : ســاروه شفيــج .. اقول لـج قومـي لبسـي ..
قلت : هااا .. ليـش ..؟
امي : بنروح بيـت خالتـج ..
قلت : هالحــزه ..؟
امي : ايـه لان خوانـج هناك ويصيـحون يبوني .. فخالتـج قالت نجيـها .. يـلا قوومي تأخرنا على اليـهال ..
قمت : ان شالله ..
فتحت الكبـت ولبـست بنطلـون جيـنز وبدي رصـاصـي وفيـه حركات بالوردي .. واستشورت غرتي وخليـت شعري مموج بالخفيف وحطيـت لي كحل ولبست عباتي ومسكت شيلتي وشنطتـي وطلعت ..
نزلت واشوف امي قاعده بعاباتها في الصاله ..
امي : للحيـن ما لبسـتي شيـلتـج بـعد ..؟
قلت : اووووه يمه .. تراج وايد مستعيـله عالفاضـي .. اخوانـي في بيـت اخـتج مو في الشارع ..
امي طالعتني بنظـره وطلعت .. لبسـت شيـلتي وطلعت وراها ..ركبـنا السيـاره بهدوء وطول الطريـج ساكتيـن .. وكان ابوي اللي موصـلنا طبعا ..
بعد ما وصلـنا نزلـت وانا احـس روحي مب طايقـه حـد ..
دخلـت ورى امـي ..
انا وامي : السـلام عليـكم ..
الكل : وعليــكم الســلام ..
نور : هلاااا هــلا .. هلا بالعــرووووس ..
شفت جاسم قام بعد ما سلم على امـي .. واستغربـت لانه ما سلـم علـي ..
ابتسمت : هلا فيـج ..
وبعد السـلام والسؤال عن الاخبـار ..
نور : امـشي سـاروه برويـج فسـتاني الي شريـته حق عـرس خالـي .,
قمت : اوووكي ..
ورحنـا غرفتــها وفتحت لـي الكبـت وطلعت لـي فسـتانها ..
نور : شراااايـــــــج ..؟
قلت : اللــــه .. حلــو نوروووه .. لا لا جي شكلـج بتغطيـن علـي ..
نور : ان شالله ..
قلت : لا والله ..
نجوى دخلت عليـنا : ايا الخايــناات .. تروحون بدوني .. والله لو غايوه هنيه جان ما خلتني بروحي ..
نور : دشي وانتي ساكتـه ..
نجوى : انتي ما تعرفيــن تقوليــن كلمه حلــوه .. ابي ساروه تقولي ..
ضحكت : هههههههههه دخلي حبيبتي انا مب طاردتج من بيـتج ..
قعدت جنبي ..
قلت : انزيـن نوروه ليـش اخترتي فستـان برتقالـي .. لو ماخذه اخضـر مثـله احـلى ..
نور : لا مـب شـي اخضـر ما احب هاللون ..
قلت : حـتى انا بـس هاي الموضـه ..
نجوى : لا خليـها .. عشان اذا غنـو يالبرتقاله تقوم ترقــص ..هع هع هع ..
نور : لا مب راقصــه .. بخلي الرقــص حق ســاروه ..
قلت : لا انا مب راقـصه ..
نجوى: لا بترقصــون ثنتيناتكم .. عيـل تبوني ارقـص بروحــي ..؟
نور : اذا رحنـا العـرس تكلمـي ..
قلت : وانتي نجوى .. مب مراويتني فسـتانـج ..
نجوى قحصــت : امبــلا .. شــلووون نســـــــــــيت ..؟
ضحكت : يـلا عيـل قــومـي ..
راحت وثواني جابت فسـتانها .. وكان لونه وردي ..
قلت : اللــــه .. حلـــووووووو .. بس ما يليـق عليـج الوردي ..
نجوى تخصـرت : لا والله ..
قلت : ايـه لانـج سـمرا شوي .. يعني حنطاويـه .. مب مثل اختـج نور .. فاتحه ..
نجوى : اصـلا اللون الوردي اخترعوه حقـي .. هه وتقول مايناسبني والله ..
نور : وانتي شلون فسـتانـج .؟
نجوى : فسـتانها بخيـر يسلم عليـج ..
ضحكت : ههههههههههههههههههههههه والله انج عجيـبه يا نجوي ..
نجوى : ايـه اعجبـج ..
نور : سخيــفه .. ساروه شلون فسـتاانـج ..؟
قلت : اســود ..
نور : بـل .. اسود عاااد ..؟ شهالتشــااؤم عاد ..؟
قلت : مـب تشاؤم بـس عجبـني الفستان وحركتـه ..
نجوى : سـاروه انتي حلـو عليـــج الاحمـر .. لانـج بيضـا يالعنـز ..
قلت اقلدها : اصـلا اللون الاحمــر اخترعوه حقـي .." وابتسمت "
نجوي : لاااه ؟؟ زيـن قلتيلي ..
نور : ايه صـح كلام نجوي .. لان مـره لبـستي بدي احمـر وكان حلــو عليــج .. لانج بيـضا على حمــار ..
نجوى : بيضـا على حمار .. ههههههههههههههههههه .. انا سـمرا على كلب .. ههههههههههههههه ..
ضحكت : هههههههههههه الله يخـس سوالفـج يا نجوي .. قصـدها اني حمـره .. مب حماره مالت على اسلوبـج ..
نور : هههههههههه زفتـه لانها ..
نجوى : ويه امي تنايـني .. بروح وبرجــع زيــن ..
نور : زيـن ذلفــي ..
طلعت نجوى ونور قفلت الباب من وراها ..
قلت : ليـش قفلتـي الباب ..
نور : ابي اقـول لـج سالفه ..
قلت : تخـص منـو ..؟
نور : تخـص جاسم اخوي ..
قلت : ايـه .. ليـش ما سلم علـي .. كنت بتكلم بقول له شخبارك .. بس ما وعيـت الا هو محد .. شسالفته ..؟
نور : بقول لـج بس ما ابيـج تقوليـن حق احد ..
قلت : زيـن قولي .. مب قايله حق احد ..
نور : جاسم كان يحـبـج ..!
قلت : شـــــنــــــو ...؟ يحبــني ..؟
نور : ايــه وطي صــوتـج انتي ..
قلت : ما يدري اني متزوجه ..
نور : يدري .. بس كان يحبـج قبـل لا تتزوجيـن وقبـل ..
قلت : شلـون ..؟
نور : يوم ملـجتـج .. هو جـا ياخذنـا من بيتكم ..
قلت : انزيـن ..
نور : واول ما وصلـنا البيــت دخل غرفتـه .. وهو من عادته انه يقـعد معانا في الصاله ويسـولف ويضـحك .. مب متعوديـن عليـه جي هادي ..
قلت : انزيـن ..
نور : تميـنا في الصاله نسولف عن الي صار في الملجـه .. وانا رحـت غرفتـه .. قلت يمكن راقـد مع انه ما ينام هالحـزه ..دخلت عليه لقيـته قاعد وحاط يده على راسـه ..قلت له : جاسـم شفيــك ..؟
جاسم : مافيـني شـي طلعـي وخليـني ..
سكرت الباب من وراي وقعدت جنبه : لا مب طالعه .. بتقولي شفيـك .. مب على نور بتخـش يا جاسم ..
جاسم : خـلاص .. راحـت ..
نور: مــنو ..؟
جاسم : سـاره ..!
نور : ويـن راحـت ؟؟
جاسم : راحـت عنــي ..
نور : ليـش انت كنت ناوي تتزوجها ..؟
جاسم : ايـه .. كنت ..
نور : وليـش ما قلت حق امـي ..؟؟والا حق حد ..
جاسم : عاد صـار اللي صـار .. وانا كنت ناوي اجمـع فلـوس حق الزواج .. واذا ترتبت اموري بقول .. بس سبقتـني وتزوجـت ..
نور : لا تزعل روحك يا اخوي .. عـسى ان تكرهوا شي فهو خيـر لكم ..
جاسم : بس انا حبيتــها ..
نور : ويمكن خيـر انها تزوجـت غيـرك .. ارضـى باللي الله كاتبـه لـك ..
نور تكلمـني : وبـس ..
نزلـت راسـي وانا افـكر .. لو متزوجه جاسـم يمكـن اعيـش مرتاحه .. لاني اعـرفه .. وماحب بنت .. ولا عمره فكر يحـب .. ويوم حـب حبني انا .. بنت خالته .. وهذا دليـل انه ما يكلم بنات ولا له علاقات .. " تنهدت " بس النصيــب ..
نور : ويــن رحــتي ؟؟
قلت : ويـاج .. بس ان شالله جاسم يـلاقي الزوجه المناسبـه له .. اللي يحبـها وتحبـه ..
نور : ان شالله ..
وشوي الا سمعنا طقه باب هزة البيـت .. نور راحت تركض تفتح الباب ..
نجوى : انــــــاااا ما قلــــت لكم بـــــرجـــــــــع .. شحقـــه قااااافليـن البــااااااب ..؟؟
نور : مالت على ويـهج .. خرعتيــني .. وقفتـي الدم في عرووقي .. حسبي الله عليـج ..
ضحكت : ههههههههههه ..
نجوى : امـي تقول صــلوا المغــرب .. اذن ..
قمنا وفرشـنا السـياده وصليـنا جماعه ..
بعد ما خلصـنا صـلاه رديـنا قـعدنـا مكـانا ..
نور : سـاروه ..؟
طالعتها بدون ما اتكلم ..
نور : شكلج اليوم مب عاجبنـي ..
قلت : ليـش ؟؟
نور : فيـج شـي .. شفيـج ..؟ من مضـايقـج ..؟
آآآه يا نور .. شاقول لـج بـس شااقول ,,. اقول لـج ان زوجي نطـق بأسم حبيبته القبليـه بدل ما ينطـق بأسـمي ..؟! والا اعبـر لـج عن حيـرتي اللي ما تنوصـف ..
نور تهزني : وين رحــتي ..؟
قلت : ويـاج .. مافيـني شـي ..
نور : انزيـن جاهزه حـق الجامعه ..؟
تنهدت : مادري مادري .. انا بروح عند امـي ..
طلعت وانا متضـايقه ولزقـت في امـي .. كان ودي اضمهـا وانام في حضـنها .. مادري ليـش حسـيت بهالشـعور .. كان ودي افـضفض لها عن اللي في قلـبي ..
خالتي : سـاره جاسـم بيمـر ..
لبسـت شيـلتي وعدلت قعدتـي ..
خالتي : اقلـط يمـه ..
مـر جاسم وهومنزل راسـه وطلـع بســكااات ..
امي : زيـنب ..
خالتي : نعـم ..؟
امي : شفيـه ولدج .. مب من عوايـد الهدوء .. اخبـر اذا مـر بس البيت يحتشـر ..
خالتي : مادري شفيـه .. بس هالايام ..
امي : الله يهديـه ..
وتمـوا يسولفـون ويات نور ووراها نجـوى وقعـدوا .. وانا فكـري مب معاهم ..
ويا وقت العشـا وتعشـو ورجعـنا البيـت من كثـر ما احـن على امـي ..
امي : وهذا البيـت .. شبتسويـن فيه يعني ..؟
قلت : مب مسويـه شـي ..
ورحت غرفـتي وانا حاسـه ودي اصيــــــــح ليـن ما تجف دموعـي ..
بدلت ملابـسي وانـسدحت على السرير .. وشوي ورن جوالي .. طلعت جوالي من الشنطه وشفت المتـصل راكان .. ما كان ودي ارد عليـه .. طنشت الجوال وخليـته صامـت ونـمت ..

وعيت على صـوت امـي ..
امي : ســاروه بســج نوووم .. قومي خـلاص .. صـايره انتي تحبيــن النوم ..
قلت بكسـل : ان شالله يمه .. بقووم ..
راحت امـي وانا قمت ورحت توضيـت وصليـت الظهـر .. وقعدت على سـريري افكـر ..
اوووف ياربي .. بكـره الجامعه .. بديـنا بالغــثـا وعوار الراااس ..
قحصـت من رنـه جوالي.. اووف تخرعت .. شفت راكان المتـصل .. كنت بطنشـه بس ليـمتى انا واطنـش كل شـي .. لازم اواجهه ..
رديـت : نعـم ..؟
راكان : بـل .. خوش استقبــاال .. شفيـج شايله الدنيـا على راسـج .. وليـش ما ترديـن علي من امـس ..
قلت : يــاااااســــــلااااام .. تتكلم ولا كأنك مسـوي شـي .. ولاه ..مطلعـني انا الغلطانه بعـد ..
راكان : اوه اوه .. ساره شفيـج يمه .. اهدي وفهمـني شفيـج ..؟
قلت : دام انـك ما تعـرف شـنو فيـني انا ما راح اقـول .. ومـع السـلامه ..
راكان : ايـه ايـه .. لحـظه .. سـاره فهميـني انا شسويـت .. لا تخليـني مثل الاطرش في الزفـه ..
قلت : يعــني انت ما تعــرف ..
راكان : عاد لا تصيـريـن مثل اليهال وتخليـني في الغاز .. ترى ادري ان السبب اللي زعلانـه عشانه تالفه ..
قلت : تـــــــــــافـــهه ..؟ تـافهه .. تغلط بأسـمي وتذكر اسـم بدور .. حبيبتك وتقول تااافه ..
راكان : يـعني انتي زعـلانه على هالسبب ..؟
قلت : وانت تشوفه تافهه مو جذي ..؟
راكان : لا سـاره انتي لـج الحـق انج تزعليـن .. بـس مو جي ..
قلت : وانت تبي تعلمـني بعد شلون ازعـل ..؟
راكان علا صوته شوي : سـاره عـاد لا تكلميــني وكأني ياهل جدامـج .. اصــحي تراج تكلميــن زوجج ..
قلت : آســـفه يا حضـرة المحامـي .. بس انت قـبل لا تحاسـب الناس شلون يتكلـمون حاسب روحك اول ..
وسكـرت منـه وتميـت اصيــح .. ما توقـعته بيتطنـز على مشـاعري وبيستخــف فيـها .. توقعـت اقل كلمه بيقولها لـي "آسـف " ..
انفتح الباب وانا مسـحت دموعي بسـرعه ..
امي : انتــي للحيـن ما قعدتــي ..؟
قلت : امـبلا يمه قـعدت وصليـت ..
اي : ليـش ما تنزليـن الصاله ..؟ بعد شوي بنحط الغدى ..
نزلت راسـي : مالي خلـق يمـه ..
امي : شفيـج يـمه ؟
ما قدرت اسـتحمل .. صـحت : مافيـني شــي ..
امي قربت صـوبي : ويــه سـاره يـمه .. شبـلااااج ..؟
قلت بصوت صيـاح : مافيـني شـي .. بس تهاوشـت مع راكان .
امي حطت يدها على قلبـها : طلــقــج ..؟
قلت : لا ما طلقـني ..
امي : عيـل ليـش تصيـحيـن ..؟ وشسبب خلافـكم ...
شاااقوول لـج يا يمه .. شاااقول ..؟ اقول لـج طرى اسمها .. خليـني سااكته بـس خليـني ساكته ..
امي : ســارووه تهاوشـتو في شنو ..؟ خلصيــني يمه قوليلي ..
قلت : خــلاص يمه انســي انســي .. خليني برووحي ..
امي قامت : لا حول ولا قوة الا بالله ..
سكرت الباب وانا طحت على الفراش .. ما عرفت اصيـح والا اسكت والا ارضى بالواقـع والا شاسوي ..؟ اذا تزوجنـا بيقعد يطريـلي اياها كل مـره .. وانا شدوووري ..؟ انا ابي اعـرف .. هو تزوجنـي على اساس اني سـاره والا بـدور .. ؟!؟!

صارت لـي سـاعات وانا داخل الغرفـه بروحـي .. توضيـت وصليـت العصـر .. ونزلت الصاله .. ما شفت احد فيـها .. قعدت على الكرسـي وضميـت المخده .. سمعت خطوات حد بينزل .. عرفت ان مشاعل لاني سمعت صـوتها ..
مشاعل : اوه سـاره هنيـه ..؟
ابتسمت لها وصديـت اطالع الفراغ ..
مشاعل : سـاره شفيـج .. انا حاسه ان فيـج شـي .. من الصبـح ما نزلتـي .. وحتى غدى ما تغديـتي .. شنو كل هاي رقـاد ..
قلت : لاا .. انا قاعده من الظهـر ..
مشاعل : وليـش ما نزلتـي ..؟
قلت : مالي خلـق ..
مشاعل : ليـش ؟؟ شفيـج .. حتى امج طلعت من غرفتـج زعلانه ..
قلت : شفتيـها ..؟
مشاعل : ايه شفتها وانا طالعه من غرفتـي .. بس ما قلتيلي شفيــج ..؟
ترددت .. ما ادري اقول لها السالفه والا لا ..؟ بعد تردد قلت لها كل السـالفه ..
مشاعل : وهذا اللي مزعـلج ومكدر خاطرج ..؟
قلت : وانتي تشوفيـنه شويه ..؟ انتي لو مكاني شبتسويـن ..؟
مشاعل : انا لو مكانـج بعذره ..
قلت : بتعــذريـــنه ..؟
مشاعل : ايه بعذره .. لانه حبـها .. واعتبريـها زلة لسـان ..
قلت : بس هاي مو اي زله ..
مشاعل : امبـلا .. هو غلط بأسمها لانه متعود كان يكلمها الله يرحمهـا وما ينطق الا بأسمها ..
سكت ابيها تكمـل ..
مشاعل : مب مقتنعه ..؟
قلت : مادري ..
مشاعل : دام انه اول مره نطق بأسمها سامحيـه .. وهي الحيـن ميـته .. ليـش زعلانـه هالكثـر .. ما راح يرجع لها ..
قلت : انا يا مشـاعل مـب خايفه يرجع لها ..لانه ما يقدر ادري .. بس .. بــس ..
قاطعتني : بس انتي ما عندج سالفه .. روحي راضـي بعلـج .. ترى اذا نمتـي وهو زعـلان منـج .. بتقعد الملائكه تلعنـج ليـن تصبـحيـن ..وانتي صاير رقادج وايد ..
ابتسمت وقمت رحت الغرفه .. مسكت جوالي لالقيـت مكالمتـين ما فـتحتهم .. متردده.. اتصـل له والا ما اتصـل ..؟ شاسوي ؟؟ وشوي الا يهتـز جوالي .. ياني مسـج .. اكيـد مـن راكان ..
" يا ترديـن على مكالماتي والا والله ثم والله ثم والله يا سـاره اجيـكم البيـت واتصـرف معاج "
شفيـــه هذا .. يهدد .. مب راده زيــن .. وبشوووفـك شتسوي ..
رن جوالي وتخرعت ..
رديـت : الوووه ..
راكان : ما بغيــتي ترديـن .. لازم مسـج تهديد ..
قلت : خيـر ..
راكان : للحيـن انتي على هالحال .. ؟
تذكرت كلام مشـاعل .. فسـكت ..
راكان : شوفي سـاره .. انا مب بالغصـب افهمـج اني يوم قلت اسمها كانت زله .. لانـج وعلى حسـب ظنـي انج عاقله وفاهمه .. وما اعتقد هالكلمه راح تسوي شرخ في علاقـتنا ..
قلت : وانت الصـاج .. بس اوعدنـي ما تجيـب اسمها على لسـانك ..
راكان : اوعـدج ما اجيـب سيـرتها .. ترى انا يوم جبـت سيـرتها ما كنت متعمد ..
سكت ..
راكان بصـوت هادي : رضيـتي ..؟
ابتسمت ووجهي احمـر كأنه يشوفنـي ..
راكان : هاا رضيـيتي والا اجي بيتـكم ..
ضحكت : هههههههه خلاص رضيــت ..
راكان : بــل .. يعني ما تبيــني اطب بيــتكم ..
قلت : احنا خصصنا يوم الخميـس على ما اعتقد ..
راكان : ايه بـس عادي اجي يوم السبــت .. الثـلاثـا .. كيــفي صـح ..
قلت : ههههههه ايه كيـفـك .. لانه بيـت خالك مب بيـتي ..
راكان : فديـت هالضحـكه ..
هنيه حسيـت بشـي غريـب .. لان راكان من كلمتـه ما قال لي كلمه غـزل.. بس قلت يمكن هالكلمه عربـون صلـح ..
راكان : هههههههههههه شفيـج سكـتي ..؟
ابتسمت بخـجل : لا ولاشــي .. " حبيت اضيـع السالفه " الا حجزت حق العـرس ..
راكان : ايـــــــــــه زيـن ذكرتيـني ..
قلت : خير .,؟
راكان : حجـزت وبيـكون اممممممم هم عطوني التاريـخ مـتى .. يمكن يعني تقريـبا بـعد شهـريـن ..
قلت : شــنووووو ؟؟
راكان : شـنو .؟ بعيـد صـح ..؟
قلت بتطنـز : ايــــه وايد بعيـد .. جان خليـته الاسبـوع الياي ..
راكان : ايــه قلـت لهم .. بس قالوا اقـرب يوم بـعد شهـريـن ..
قلت : راكان انت من صـجك .. ؟
راكان : شـنو ..
قلت : من صـجك بعد شهـريـن .. حرام عليـك .. متـى اتجهـز ومتـى اخلـص اموووري ..؟
راكان : وشهريـن ما يكفـون ؟؟.. اللي جهزو في شهريـن مب احسـن منـج ..
قلت : يــــــــــه ..
راكان : لا تتحنـديـن .. صـدقيني بيـكفوون .. يعني شنو اللي بتشتريـنه ..؟ الفسـتان وبتشتريـه في يوم واحد .. والكوشه بنحجزها وبنفـك في يوم واحد .. والقاعه وحجزت انا امـس .. بعـد شنو التجهيـزات ..؟ الحرمه اللي بتعدل ويـهج خليـها تعـدل شـعرج مره وحده .. وخلصـت السالفه .. كل هاي بتسويـنه في يوم واحد بعد مو في شهريـن ..
قلت : هه .. راكان انت وايـد مبـسط الامـــووور .. في وايـد اشيـاء بشتـريـها .. هاي اللي قلته السـهل والمـعروف ..
راكان : يعني شـنو بتشتريـن مـثلا ..
قلت : ملاااابـس .. ومكيـاج وعطور وبودرات .. وحجز وحده حق المكيـاج واحجز وحده حـق الشـعر ووحده حق الاظـافر .. وافـصل فسـتان العـرس .. ووايــد اشـياء ما ذكـرتها ..
راكان : شنهي الاشيـاء اللي ما ذكرتيـها ..؟
قلت : اشيـاء مابي اذكـرها .. اشيـاء تخصـني ..
راكان : مافي خصـوصيـات بين المره وزوجـها ..
قلت : امبـلا فـي ..
راكان : اوكي الحيـن بخليـج ما تقوليـن لي .. بس خلني اشوفـج فيـس توفيـس .. والله لا اسـحب منـج الكـلام سـحاب ..
قلت: ههههههههههه ماراح يـطلع منـي كـلام انا مابي اقـوله ..
راكان : لا بس بيـطلع بطريـقتي الخاصـه ..
وسمعت تلفون يرن من عنده ..
راكان : اوه .. سـاره بـعديـن اكلـمج اوكي .. ياني اتصـال ..
قلت : من جوالك الثاني ..؟
راكان : ايه .. جوال الشـغل ..
قلت : اوكي .. مع السـلامه ..
راكان : في امان الله ..
سكرت منـه ورحت الصاله .. لقيـت نجوى قاعده مع مشـاعل ..
قلت : اوه اوه .. نجووووى عندنـااااااااا ..؟
نجوى بدون نفـس : هلا ..
قلت : بل بل بل .. شفيـج مخيـسه النفــس .,
نجوى : لا تخليــني انفـجر الحيــن .. بروحها الصيـحه واصـله خلاص ..
رحت عندها : وي نجوه اسم الله عليـج .. شفيــج ؟؟
نجوى بدت عيونها تلمع : والله هالطــفـس .. صـاير ما يعرف يتعامل بأسلوب عدل نفس الاوادم ..
قلت : من هاي ..؟
نجوى : يعني من بيكون غيـر جاسم .,.
قلت : جــاااسم ..؟ ليـش شسووووى ..؟
نجوى : شوفـي .. الحيـن انا لبـست وكشـخت عشـان اروح معـاهم .. لان كلهم بيروحون السـوق مادري شيبون وانا لزقت وياهم ..
قلت : انزيـن ..
نجوى : ومن عادتي اقعد اسولف واضـحك وانتطـنز مع نوروه .. وانا اضـحك استفزيـتها .. ونوروه قالت حـق جاسم .. جــاسم شووووف نجووووووه .. " وكانت تقولها بـس جي " وعاد هو ما صدق خبر .. كأنه يبي اشاره علـي .. وتم يصـارخ ويهاوووشني .. على اتفـه الاسبـاااب .. وعاد انا ما اعرف اسـكت .. رديـت عليـه .. وهاوشـني ونزلني عندكم .. الحمدلله لإنا كنـا قراب من بيـتكم .. والا نزلـني في الشاارع ..
قلت : ليـش جي يسوي فيـج ..؟
نجوى: والله العظيـم ياساروه مادري .. مادري شفيــه ..؟
معقوووله كل اللي يسويـه جاسم عشـان ما صار نصيـب بيني وبيـنه ..؟ مو معقوول .. وهو عقله كبـير .. مب صغيـر لهالدرجه ..
نجوى : انا خـلاص مب راجعه بيــتناا .. ليـن ما يعدتـل هالخايـس ,.
مشاعل : لا يا نجوى .. مب حـل هذا انـج تتميـن هنيه ..
نجوى : يعني ما تبوني .. خلاص عيل بروح بيـت عمـي ,,
مشاعل :لا والله العظيـم مو هاي قصـدي .. وانتي تدريـن بعد .. بـس لازم تكلميـنه وتعرفيـنه منه شسبب هالعصبيـه الزايده ..
قلت : لا خلها تتم عندنا كم يوم .. يمكن بعد يتهاوشون وتكبـر السالفه ..
شفت خالد يررررررركض بجوالي ..
قلت : من المتـصل ..
خالد يلهث : مادري شوفي ..
خذت عنه الجوال وشفت هاجر المتـصله .. بيني بيـنكم ما كان لي خاطر ارد لها .. ابي اواسـي هالمسـكيـنه .. حاسـه فيها والله ..
رديـت : هلا هجووووووور ..
هاجر : اهليـــــــــــــــــن .. شنو شريــتي حق عرررررررسـي ..؟
قلت : ههههههههههه .. لا ما شريـــــت ..
هاجر : ليــــش .. باقي سبوعيـن ..
قلت : لا باقي 3 اسابيـع ..
هاجر : نفس الشــي ..
قلت : ههههههههه مستعيـله ..
هاجر : ايه ابي الفكـه من البيـت ..
قلت : مب خايـفه ..؟
هاجر : ليــش اخااف .؟
قلت : يعني .. لانـج عروس .. وبتروحيـن بيـت ثاني وحيـاه ثانيه ..
هاجر : ايه هاي اللي متحمسه له .. بيت ثاني وحياه ثانيه ..
قلت: والله انا خايـفه يا هجوور .. خااايفه ..
هاجر : لا والله راكان ما يخوف قسم بالله ..
قلت : شـي طبيعي ما راح تخافيـن من اخوج ..
هاجر : لا بس لو تعرفيـن راكان عدل بتحمديـن ربـج انه صـار من نصيـبج ..
قلت : ما جنج تدمحيـن اخوج وايد ..
هاجر : هههههههه فديت اخووي .. كيفي ..
قلت : من يمدح اخوه يبيـله رفسـه ..
هاجر : بس عكســـــت المــثل ..
سمعتها تقول : ايـــــه ايــــه شفيــــك .. لا مب ماعطتـك .. ايــــــــه يالخااااايــــس ..
وي شسالفتـها ؟؟
وسمعت صوت خـشـن : الووووو ..
قلت : الووه .. راكان ؟؟
.....:لا مب راكان ..
قلت : مــنووو ..؟؟
....: نسيــتي صووتي .. هههههههههههههههههههه .. ما يمديـنا ..
ذيـــااب!! ..
قلت : ذ .. ذيـاب ؟
ذياب : عليــــــــج نووووووووور .. ذياب حبيبج السـابق ..
قلت : ايا النذل يالحقيــــــر ..
ذياب : لاه لاه لاه .. ليـش تسبيـن اخو زوجج .. يمديـج تطيـحيـن الميـانه وتضيعيـنها بعـد ..؟
قلت بعصبيه : شتبــي انت ..؟ شتبــي ؟؟
ذياب ببروود : لا ما ابي شـي .. بس قلـت دام انـي ما باركت لـج ابارك لـج بالحبيب الثالث .. بس هالمره لعبتيـها صـح يا بنت فاطمه .. خليـتيه يملج عليـج هااا .. يـلا الله يهنيـكم مع بـعض .. بس انتي ما اختـرتي الا راكان هالطيـب .؟. ريـال مصلي وخايف ربـه وعلى نيـاته .. وخطفتيه من اهله .. هو شسوى لـج .. بـس عشـان سحبـني عنـج ذاك اليوم .. بس تدريـن .. كان يوم حـلو .. في احداث خطيـره .. هههههههههههههههه .. كل ما اذكر ذاك اليوم اذكرج يوم تصيـحيـن .. هههههه والله ان شكلج يضحــك .. اخبـرج انتي متعوده على .....
وسكــرت على طوووول ما قدرت اسمع الباقي .. مادري شاللي خلانـي اسمع الكـلام اللي قاله الخااايــــــس الحقيــــــــر ..
ورحت اركـض غرفتـي وتميت اصيــح بصوت عالي .. حسيــت انـي مفضــوحه .. انا ليــش احــب بسـرعه .. كلهم يقصـوووووون علــي .. كلــهم .. كلهم قالوا انهم يحبــوني .. وطلعوا يحبوون يعذبوووني .. محد بيفهمني ويفهم معاناااتـي .. آآآآخ ياربي آآخ .. انا ما راح اعيــش بســلام ما دام ذيـاب عاايـش وعلى وجه الارض .. ما رااح ارتااااح ..
غطيـت ويهي بالمخـده وتميـت اصيــح .. ونمـت على صيـاحي وقهــري ..

وعيت وانا احـس شي على خــدي .. فتحت عيوني شفت نجوى تقعدني تطق خدي بصـبعها ..
نجوى : ســارووه قومـي .. شحقه مخليــتني بررروحي .. قوومي انا ناديـت غايوه قلت لها تجـي ..
قلت : شتبيـــــــن ..
نجوى : قوومي انا من مسـاعه قااعده برووحي .. مشاعل راحت غرفتـها فووق .. تركي سحبـها .. وانا برووووووحي مع ابووج .. قوووومي ..
قلت : انا قاايمه يالعنـز قاايمه ..
نجوي : يـلا جداامي .. شيرقـدج الحيـن ..؟
قمت ورحت اغتسـلت ولبـست الجلابيـه اللي انا وهاجر شرينـا نفس الشـي .. ونزلت مع نجوى ..
شفت غايوه يايه صـوب الدري مع كرشـتها ..
غايوه بتعب : الحمــــدلله نزلــتووو .. كنت برووح لكم ..
قلت : بسم الله الرحمن الرحيـم .. شفيـه خشمـج صايـر شكبـــر ..
غايوه مسكت خشمها : ايـــــــــه انتــي .. لاتقعديـن تتطـنزيـن على انفـي .. هالحمـل منفخ كل شـي فيني ..
امي يايبه صنيه الدلال .. الشاي والقهوه ..
امي : لان فيـج ولد ..
غايوه : لاااااا يمه ابي بــنت ..
امي : على كيــفـج انتي .. حمدي ربـج ان بيجيج ولد .. بعد تتذمـر ..
راحت غايوه وقعدت وانا قعدت جنبـها ونجوى جابلتـنا وامي حذاها ..
مسكت بطـن غايوه : انا بعرف اذا بنت والا ولد ..
يوم مسكــت بطـنها شفته يتحرك .. وجاان استااانس ..
صرخت : يتحـــــرررررررك ..
غايوه : هههههههههههههههههههه .. الحمدلله والشكــر يااربي ..
امي : هههههههه خليها .. ما شافت وحده حامل من قبــل ..
قلت : ايه ما شفــت ..
امي : وانااا ؟؟ كا شفتيــني وانا حامل في ريموه وخلود وميمي ..
قلت : امبـلا بس ما كان يهمـني .. كان شـي عادي بالنسبـه لي .. اما الحيـن غيــر ..
غايوه : ايه لازم غيـر .. لان اختـج الحامل ..
قلت : وي مالت على اختـي ..
غايوه : اغصاااااان الجنــه ان شالله ..
طالعت نجوى لقيـتها سرحاانه وسااكته ..
قمت : نجوى يـلا قومي تعالي معاي ..
غايوه : وين بتروحون بعد ..؟
قلت : بنسوي عصيـر ..
سحبـت نجوى مـعاي المطبـخ ..
قلت : شفيــج ؟؟ مب طبيعيه انتي اليوم ..
نجوى نزلت راسها : شفتيـهم .. ما سألوا عنـي .. انا عندكم من العصـر ولا رفعوا السماعه يتطمنوون علي ..
قلت ارقـع السالفه : يمكن مشغووليـن والا يمكن ما خلصـوا اغرااضهم ..
نجوى : مهما يكوووون السبب .. على الاقـل يقولون نجوى وصلت عندكم والا لا ..
قلت : انزين انتي ليـش ما تتصليـن لها .؟
نجوى: مابي اتصـل لهم .. خلهم يولووون كلهم ..
مسكت جيـك العصيـر وسويت عصيـر على السـريــع .. وانا احاااول اهدي نجوى ..

تتوقعــون شرااايح يصيــر من احداااث في الجـ 20 ــزء ..؟
هل بيمر كل شــي عادي وبتنتهـي السالفه ..؟
والا بتصيـر احداااث حلوه وخطيـره وحزيـنه ؟؟!

الجـــــ 20 ـــــــــزء

باتت نجوى عندنا وبعد غايوه .. لان زوجها ماجد بيسافر سبووع .. ونجوى تمت يوم واحد عندنا وبعدين جا اخوها جاسم واعتذر منها واخذها معاه البيت .. وغايوه تمت معانا وشوي تتألم من بطـنها .. لانها في ااااخر الشـهر الثاامـن .. يعني دشت شهرها .. وراكان صار يكلمـني كل يوم .. وصرت استاانس اذا كلمـني .. صـج ان العرس قرب وكل يوم خوووفي يزيــد .. بس راكان كان يهووون علي شوي .. لانه يقول ما راح نقعد في بيت ابوه غيـر سبوع وبعدين بننتقل بيتـنا الجديد .. تمـر الثواني والدقايق والساعات والاياام .. وصاار اليوم عـرس خاالي ..^.^

قمت من النوم متخرعه من صوت طقه الباب .. رحت اركـض فتحت البـاب .. لقيـت خالي ماسك جيـك ماي ورشـه علي ..
شهقــت : خااااااااااااااااااااااااااااااااااالـــــــي ..!!!!
خالي : ههههههههههههههه يــلا قووومي .. اليوم عرســـــــي .. يلا يلا ..
وراح وهو يغـني ..
خالي : حلو على قلبـي هواااكم .. عايـش مع اياامي سعيــد .. غاايتـي اطلــب رضااكم .. وان حصـل ذا اليوم عيـــــد .. عاااااااااااااشوووووووووووو ..
ضحكت : هههههههههه والله استخـف خالي اليوم ..
حسيـت بالبـرد .. طلعت ثلـجه من سـدري ..
لا بعد حااط الجيـك في ماي بارد وثلـــــج .. اووف ..
رحت بدلت ملابـسي وشفت الساعه 10 الصبـح ..
شووفووو الخاايـس .. قعدني من الصــبح .. كنت برد ارقـد بس ماجاني نووم .. صحصحني بالماي الباارد ..
نزلت وشفت امـي رايـحه ويايه .. تشيــل وتحط ووراها الخداامه ..
قلت : صبــاح الخيــــــر يـمه ..
امي : هلا صباح النور .. زين قمـتي .. يـلا شيلي هالبااقه وحطيـها في هالزاويـه .. وشيـلي الجره وحطيـها فوق الطاوله .. وعدلي الشرااشـف اللي على الطاوله .. وروحي المطبـخ وقولي حق الخدامه اذا في شـي ناقص والا لا ..
قلت : بل بل بل .. كل هاااي تبيني احفظه واسويـه .. انا ما حفظت الا اروح اقول حق الخدامه اذا في شي ناقص والا لا ..
امي عصبـت : رووووووحي سووووووووي اللي قلــت لـج عليــــــه يـلااااااااا ..
رحـت المطبـخ وتريقت وعيـنت من الله خيـر وعقـب تميـت اشـتغل مع امـي ..

خلصـت شغـل مع امـي ورحت غرفـتي ريـحت شـوي .. وشفت جوالي رن ..
رديـت : هلا نور ..
نور : اهليــن .. سااروه متـى بتجيـن ..؟ المـره جات ..
قلت : وي .. مادري .. انا حسـبالي ان انتو اللي بتجووني ..
نور : لا انتو بتجوون .. يـلا ترى المـره على وصوول .. وسحبـي مشـاعل معـاااج ..
قلت : زين .. بلبـس وبجيـب فسـتاني وبجي عندكم ..
نور : ايه يـلا ..
سكـرت من عندها ورحت غرفه تركي ومشـاعل ..
مشاعل فتخت لي الباب ..
مشاعل : هلا سـاره ..
قلت : اهليـن .. هااا مب يايه معااي ..
مشاعل : ويـن ؟؟
قلت : بيـت خالتـي .. هنالك بيجون الحريـم اللي بيعدلونـا ..
مشاعل : لا يختـي اســتحــي .. انتي قلتـي ان بيجون بيـتـنا .. مب بيت خالتـج ..
قلت : ايه بس نور توها فاجأتنـي .. يمكن دلتـها بيـتهم ..
مشـاعل : لا يختـي انا مـب رايـحه ..
قلت : لا لازم تروحيـن .. احـنا حاجزيـن لـج .. قلنا لـها 4 حريـم ..
مشاعل : ماادري ..
قلت : يلا يلااا .. مافي اعذاار .. يلا لبـسي وانا بلبـس ..
مشاعل : زيـن ..
رحت غرفتـي تسبـحت بسـرعه وطلعت لبست بنطلون ابيـض وبدي بنفسـجي .. ولبسـت عباتي وحطيـت فستاني واكسسواراتي ونعال > عزكم الله < في كيـس كبيـر وطلعت ..
طقيـت الباب على مشاعل ..
مشاعل : زيــن جيـتي .. تعالي ساعديـني ..
دخـلت وساعدتها .. حطيـت فستانها وعلبـه اكسسواراتها في كيـس .. وهي لبسـت عباتها وطلعـنا مع بعـض ..
شفت امـي في الصاله ..
قلت : يمه من بيوصلـنا ..؟
امي : مدري .. شوفي من في البيـت ..؟
اتصلت حق خالي ما يرد .. واتصلـت حق تركي ..
تركي : ها سـاروه .. شتبيـن ..
قلت : من يوصلـنا ..
تركي : وين يوصلـكم ..؟
قلت : انا ومشاعل بنروح بيت خالتي .. بنتعدل هناااك ..
تركي : انزيـن شالمطلوووب .؟
قلت : زين وين ابوي ؟.؟
تركي : مادري عنه ..
قلت : زين باي ..
وسكرت واتصلت حق ابوي ..
ابوي : هـلا سـاره ..
قلت : هلا يبـه .. انت ويـن ؟؟
ابوي : انا مشغوول حبيبتي .. شتبيـن ..؟
قلت : ابي حد يوصلـني بيـت خالـتي ..
ابوي : شوفي مشاري ..
قلت : زين .. مع السـلامه ..
ابوي : في امان الله ..
ورديـت اتصلت حق خالي ..
خالي : الوووو ..
قلت : هلا خاالي ..
خالي : اهليـن ..
قلت : خالي انت ويـن ..
خالي : انا بعيـد شتبيـن ؟؟
قلت : يــــــــه .. ابي حد يوصلـنا بيت خالتـي ..
خالي : والله انا ما اقدر اجي الحيـن .. شوفي اخوج والا ابو ..
قلت : كلهم مشغووليـن ..
خالي : انزين روحو مع دريول بيت زيـنب ..
قلت : ايه صـج .. يـلا يـلا بااي ..
خالي : باي ..
سكرت واتصـلت حق نور ..
قلت : الووووووو ..
نور : هلا .. للحيـن ما وصلتـوا ..؟
قلت : ماعندنا حـد يوصلـنا .. وين دريـلوكم ..؟
نور : وييييي .. دريـولنـا امي مطرشـته مادري وين يوزع ..
قلت : عيـل شلون بنجـي عندكم ..؟
نور : محد بيوصلـكم ؟؟
قلت : لا ..
نور : بشووف جاسم وين وبتصـل لـج ..
قلت : اوكي يـلا ..
سكرت منها ورحت قعدت صوب مشاعل ..
مشاعل : هاا .. من بيوصلـنا ..؟
قلت: والله لحد الحيـن ما ادري .. يمكن جاسم ولد خالتي يوصلـنا .. اذا كان فااضـي يعني ..
مشاعل : لااااااا يختي اسـتحـــــــي ..
قلت : يعني انا اللي مطيـحه الميـانه معـاه ,.؟؟ بعد انا استحي بس شاسوي .. اذا هوما وصلـنا محد بيوصلـنا .. كلهم مشغووووليــن ..
قعدنا شوي والا يرن تلفوني ..
قلت : هلا نور ..
نور : اهليـن .. يـلا جهزوا .. جاسم يايكم في الطريـج ..
قلت : انزيـن شرايكم انتو اللي تجووووووووونا ..
نور: االكوافيـرا عندنـا .. وابتدت في نجوى .. يلا تعالوا بلا دلع ..
قلت : زييييييييـن ..
نور : باي ..
قلت: باي ..
مشاعل : بيجيـنا جاسم ..؟
قلت : ايه .. بعد شوي ..
نطـرنا شوي وشوي الا نسـمع صوت هرن ..
مشاعل : وي يـه ..
قلت : يـلا قومي ..
قمت وطلت من الدريشـه .. شفت سياره جي اكس سوده .. ايه هذي سيـارة جاسم طلعت ومشاعل وراي .. ركبـت ورى ومشاعل جنبـي ..
قلت : الســلام عليـكم ..
جاسم : وعليـكم الســلام .. شخباارج ساره؟؟
قلت : الحمدلله بخيـر .. شخبارك انت ..؟
جاسم : الحمدلله .. شخباارج مشاعل ..؟
مشاعل : بـخيـر ..
مشيـنا .. وتم جاسم يسولف كالعاده ..
جاسم : الا مـتى عرسـج ؟؟
استغربت من سؤاله .. يمكن الكـلام اللي قالته نور غلط .. يمكن ما يحبـني .. بس شفايـدتها من انها تطلع كلام بس جي ..
قلت : بعد شهـر ..
جاسم : اوه قريــب ..
قلت : ايه .. الفال لـك ..
جاسم : الله كريــم ..
ووصلـنا البيــت ..
نزلـنا ودخلـنا داخل ..
قلت : الســلام عليــكم بـنااااااااات ..
نور ونجوى : وعليــكم الســلام ..
وجو يسلمون علي وعلى مشـاعل ..
قلت : وين دينا مالت المكيـاج ؟؟
نور : توها متصـله وقالت انها عند اللفه .. يعني قريـب ..
وسمعت صوت جرس..
نجوى : اكيــد هذي هــي ..
نور : انا بفتـح الباب ..
وراحت تركـض وفتحت البـاب لها ..
يات دينـا ..
ديـنا : السـلام عليـكم ..
كلنا : وعليكم السـلام ..
ديـنا حطـت اغرااضها في الطاوله وفصخت عباتها وشيلتها وفرزت اراضـها ..
دينا : من يبي يتمكيـج اول. .
قلت : انا ^.^
دينا ابتسمت : يـلا تعالي ..
قلت : عاد انا ما ابي مكيـاج دفـش هاا .. ابي ناااعم ..
دينا : ولا يهمـج .. بس اي لون فسـتانـج ..؟
قلت : كله على بعـضه اسوود ..
قعدت وبدت تمكيـجـني .. وانا متطمـنه لها .. اشوف نجوى وهي مكشـره وهم يسون لها شـعرها .. كل شي ولا حد يمسـك شعـرها .. الله يعيـنها ..
بعد ساعه الا ربـع خلـصت مكيـاجي .. وطرت على طول صوب المنظـره ..
كان المكيـاج حـلو علـي .. لونه وردي فااتح وداخل عليـه الاسـود بطريـقه حلوه .. طالعت شـعري الكسـتنائي .. ودي اصبـغه اسوود .. بس مافي وقت الحيـن .. مره وحده اصبغه في عرسـي ^.^ ..
قلت : مشكوووووره وتسلملي يديـنج .. حلــو المكيـاج ..
ديـنا : الله يسلمـج حبيبتي .. ترى مكيـاجي ما يطلع حلو الا على الوجه الحلو ..
قلت : تسلميـن حبيبتـي ..
شفت صوب الشـعر نجوى خلـصت ونور يات بعدهـا ..
وراحت مشـاعل تتمكيـج وانا تميت انتظـر نور لين ما تخلص من الشـعـر ..

خلـصت نور من الشـعر وانا رحت قـعد .. سوت شـعري رول وقالت لي اروح البـس فسـاني عشـان تكمـل التسريحـه ..
رحت غرفه نور ولبـست فسـتاني بمساعده من نجوى ..
ورحت كمـلت تسريـحه شعـري ..

تقريـبـا على الســاعه 6ونـص خلصـنا كلــنا ..
طالع شكلـي حلو وعاجبـني .. لابسـه فسـتان اسود حرير ..وله ذيـل وحركه من السدر للخصـر .. ومكيـاجي وردي واسود .. نااعم .. وخلت شعـري على طوله .. لانها سوته باف وخلت شـعري مرول .. طالع رووعه ..

ونور لابسـه ذاك الفسـتان البرتقـالي .. وفيه شوي من البنفسـجي .. ومكيـاجها كان برتقالي وبنفسـجي .. وطالعت حلــووووووه .. وشعـرها اللي يوصـل ليـن كتوفها رافعيـنه لها وبطريـقه حلوه .. لان شعـرها صابغتـه خصـل ..

ونجوى لابسـه فسـانها الوردي وحاطه مكيـاج وردي وخلت شعـرها مفـتوح بطـريـقه حلـوه ..

مشـاعل لبسـت فسـتان بنفسـجي .. طااالع حــلو عليـها .. ومكيـاجها كله بنفسـجي واسود .. طالعه حلوه ونعومه ..

اما غاايوه اللي ياتنا بعد فتـره .. لابسـه فسـتان ازرق .. فيه حزام تحت الصـدر ومن بعـده مكسـر .. عشـانها حـامل .. وكان مكيـاجها بيـج وازرق .. وطالعه حلــووووه .. وشعـرها رافـعه لانه مب طويـل وايـد ..

بعد ما خلـصت مكيـاج وشـعر .. اتصـلت حق ابوي عشان ياخذني الفندق حق لطوف ..
ووداني الفندق .. واتصلت لي لطوف ..
قلت : هـلا بالعرووووووس ..
لطوف : ســـــارررررررررررروه ..
قلت : هــــااا ؟؟ شفيــج ؟
لطوف : تعــالي عنــدي .. قاعده بروووووحي .. بموت من الصيـاااح ..
قلت : زين زين حبيبتي .. انا عندج .. دقيقه ويايتـج ..
سألت عن غرفه العـروس ورحت لـها .. واول ما شافتـني لطوف ياتني وضمـتني ..
قلت : شفيـج حبيبتي ..
لطوف : سـاروه ترى انا اما عندي حـد غيـرج بهالدنيــا .. ماعنـدييييييي ..
قلت : ليــش ؟؟ شصاايـر ؟؟
فكت عني لطوف ..
قلت : وين امـج ؟؟
لطوف : مادري .. انا بروحي يايه هنيه مع حمد اخوي .. وكل شـي انا مسويـته برووحي .. الشـي الوحيـد اللي سوته امـي لي انها صممت البطاقات .. ووزعتـهم على رفيـجاتـها ..
كــــــسرررررررت خاااااااطـر لطوووف .. صـج محد عندهـا .. لا بنات خاله والا ام عدله .. ولا حــد .. بس انا ..؟ وانا في هالايـام بعد مقـصره معاها .. فديــتج والله ..
قلت : حبيبتي والله .. بس وين اللي تسوي شعرج وويـهج ..؟
لطوف قعدت على الكرسـي وبايـن الحزن على وجهها ..
لطوف : طلعـت من شوي تاخذ باقي اغراضـها من تحت ..
قلت : هي وحده ..؟
لطوف : لا بـس مالت المكيـاج يات.. الكوافيـرا للحيـن ..
قلت : انزيــن ليــش مااده البووز ..؟ اليوم عـرسـج .. لازم تكونيـن شاقه الحـلج ^.^
لطوف : ههههههههههه اشق الحلج عاااد ..
قلت : ايه .. تراج بتاخذيـن خـالـي ..
لطوف : فديـــته والله ..
ابتسمت لها ..
انفـتح البـاب الا مالت المكيـاج يات .. اسمهـا عبير على ما اعتقـد ..
: مرحبـااااااااااااااااا ..
انا ولطوف : مرحبتــــــين ..^.^
عبير ابتسمت : اختــج ؟؟
لطوف : تقدريـن تقوليـن جي .. بس هي رفيـجتي اللي ما اقدر استغنـى عنـها ..
عبير : الله يخليكم بـعض .. يـلا جااهزه ..؟
لطوف : ايه يـلا ..
عبير فتحت علبـه المكيـاج : يلا بسم الله ..
وابتدت مكيـاج لطوف وانا احاول اختـرع سوالف تضحـك .. عشان افرفـش لطووف

خلـصتـها تقريـبا في حدود الساعه ساعه وربـع .. وفي هالوقت دخلت الكوافيـرا ..
الكوافيـرا : السـلام عليـكم ..
كلنا : وعليكم السـلام ..
لطوف : هـلا دينا ..
دينا : اهليـن حبيبتي .. اسم الله .. هيدا عبير اللي عامله المكـياااج ؟؟
عبير ابتسمت ..
لطوف : ايه .. حلووو ؟؟
دينا : ازا عبيـر اللي عاملتو اكيـــد حـلو ..
بعد سوالف شوي بدت دينا تسوي شـعر لطوف .. وانا اطالعهم وكل شـوي طالعت نفسـي في المنظـره .. ابي اتأكد هذي انا والا وحده غيـري ..^.^ لان المكيـاج وايد مغيـرني..
رن جوالي وكان المتـصل امـي ..
رديـت : هـلا يمه ..
امـي : اهليـن .. ها وينـج ..؟
قلت : انا عند لطوف ..
امـي : عيـل انا وخالـتج وغايوه وبنات خالتـج جايـن الحيـن ..
قلت : ويـن تجون ..؟
امي : القاعه بعد وين ..؟ الحيـنه الساعه 7 ونـص ..
قلت : اوكـي ..
تميـت اطالع لطوف ومندمجه في تسريـحتهـا ..
بعد نـص سـاعه رن جوالي ..
رديـت : هـلا غايوه ..
غايوه : نزلي يـلا .. احـنا كلنـا تحت ..
قلت : اوكي بنزل الحيـن ..
سكرت من عند غايوه ..
قلت : لطوف انا الحيـن بنزل عندهم تحت ..
لطوف : لااا وتخليـني برووحي ..
قلت : بجيـج بعد شـوي .. اووكي ..

وطلعت من عندها متوجهه للقاعه ..
شفت امي من بعيـد وخالتي زينب والبنات كلهم ..
قلت : يه يه يه .. شهالكشــخه يمـه ..
امي ابتسمت : عيـل بـس انتو تكشخووون ..
وقعدنا مكان ما نستقبـل الضيـوف .. وبعد فتـره قاموا يجون الحريـم .. من صديقات امي وجاراتها .. وصديقات خالتي وجاراتها .. وصديقات نور ونجوى وصديقاتي اللي في الجامعه وصديقـات لطوف .. وبعد من الدكاتره عازمتهم لطوف .. وعمـتي جات واريـج وهاجر .. بصـراحه ما توقـعت اريـج تجـي .. بعد ما انفصلـت عن خطيـبها احسـها تعقدت ..
هاجر تسلم علـي : سـااااااروووووووه .. تيننييييييييييييييييين ..
ابتسمت لها : والله انتي الاحـلى ..
هاجر : بصـورج حق راكااااااان .. والله بصـورج ..
قلت : هههههههههه لا استحييييي ..
هاجر : بعديـن بنتفااهم .. يـلا وديـني طاولتـنا ..
قلت : بعد شنو طالولتكم .. اي طاوله روحي ارتزي فيـها ..
هاجر : لا احنا الـ vip ..
قلت : ما عنـدنا VIP.. يـلا روحوا الطاوله اللي جداام عشـان تشوفوني وانا اررررررقص ..
هاجر صررخت : بتررررقصيــــــــن ؟؟
قلت : ايه .. يوم بيجي خالي .. برقـص جدامه ..
هاجر : عاااااشت قويه العيــن ..
قلت : مب قويه عيـن .. بس جي فلـه ..
نجوى : انتوووووووو .. صـار لكم تسولفون وايد .. يـلا روحوا هنـاك .. واقفيـن عند الباب بعد ..
هاجر : ان شالله مدموزيـل ..

هاجر كانت كاشخه وكأنها وحده منـا .. ترى خالي ما يصيـر لها .. وعمـتي مـا تداني امـي وخالـي .. بس سبـحان من يغيـر النفووس ..

سلمت على الحريـم وقاموا يكثـرون .. وانا تعبت من كثـر ما اسلم .. حسيـت ان خدي تورم ..
رحت عند نور ونجوى وهاجر .. وتميـنا نسولف ونرقـص .. بس نجوى ما كانت تعرف ترقـص .. بـس ترقـص خرابيـط ..اما هاجر ونور ما عليـهم كـلام ..ابدعو في الرقـص ..

ياتني امـي ..
امي : يـلا دخلـي العـرووس ..
قلت : الحيـن ..؟
امي : ايه الحيـن ..
رحت بسـرعه فوق .. لقيـتهم قاعدين يعدلون مكيـاجها ..
قلت : ماااااااخلصــتووووووووو ؟؟
عبير : احنـا مخلصيـن .. بس هي الله يهداها صـاحت وخربـت المكيـاج ..
رحت ضميـتها : ليــش حبيبتـي ليــش ؟؟
لطوف : ويـن امي ؟؟
قلت : امـج كأنـي لمحتـها هنـاك مـع رفيـجاتـها ..
لطوف : ليـش ما جاتني ..؟
قلت : لانها مشغوله الله يسلمج .. هنـاك كـله حريـم .. وهي تسلم عليـهم ..خبرج عرس بنتـها ..
لطوف : عــررررس بنـتها تجااابل الحريــــم وتخلــــي بنـــــتهااا ..؟
قلت : اهدي لطوف الله يهدااج .. خلاص اهدي .. مابغيـتي تنقلبيـن على امـج الا في يوم عرسـج .. خلي همومج ورى ظهـرج وعيــشي فرحــــتج ..
لطوف سكتت ..
قلت : يـلا الحيـن بتنزليـن .. امي قالت لـي ..
لطوف : انزين " عقب قامت تتلفت " ويـن باقـتي ..؟
التفت يميـن ويسـار لقيـت الباقه على الكرسـي ..
قلت : كاهي ..
ورحت جبـتها لـها ونزلـتها .. وكان يبيـن عليـها ملامح الخوووف والحــزن ..
مسكيـنه يا لطوف .. حتـى كشـخه امـها ما شافتـها في عرسـها ..
في طريـجنا عند باب القاعه شفـنا امها توها جايه ..
ام لطوف : اوه انتي جيـتي .. هههههههه .. يـلا حبيبتي .. الحيـن بقول لـهم يحطون زفـتج ..
طالعت لطوف وابتسمت .. وكانت ملامح لطوف عاديه ..
دخلت لطوف وانا كنت جنبـها .. وبعـدين ابتعـدت شـوي عنـها عشـان تمشـي بروحـها .. كانت تمشـي بثقـه .. حسـيت انها مب خايفه كثـر ما هـي حزيـنه .. وصلت عنـد الستيـج ورحت لها عشـان اساعدها عشان تركـب .. ووصلـت عند كوشـتها والمصـورات وراها .. وقعدت وانا رحـت لها ..
قلت : مبـــروووك حبيبتـي ..
لطوف ابتسمت : الله يبارك فيـج ..
قلت : ما ابي الابتسامه تفارقــج .. انتـي تجننيـن.. وبالابتسامه احـلى واحـلى ..
لطوف طالعتـني وابتسمت ..
رحت عنها وتمت قاعده مكـانها كأنها ملاك ..
طول هالوقت وانا شوي عند لطوف .. وشوي اقعد .. وشوي اقعد عند رفيجـاتي .. يعني ما قريـت مكـان واحد ..
وانا رايـحه عند امـي لقيـت وحده في طريـجي ..
المـره : السـلام عليـكم حبيبتـي ..
سلمت عليها : وعليكم السـلام ..
المـره :شخبـارج يمه شمسويـه ..؟
قلت : الحمدلله تمام ..
انا ما اعرفهـا هالمـره .. من تبـي ..؟
قلت : السموحه خالتي ما عرفتـج ..
المـره : انتـي بنت منـو ؟؟ من بنته .؟
قلت : انا ساره بنت فاطمه ..
المـره : شسم ابوج .؟
قلت : راشد .. خيـر ؟
المره : ههههه لا حبيبتي لا تخافيـن .. انتي متزوجه ..؟
قلت : ليـش هالاسأله ..؟
المره : انا آسفه بـس حبيـت اخطبـج حق ولدي ..
ابتسمت : لا انا مخطوبه ..^.^
المـره : وييي .. هههههههههههه انا ادور له بنت حلال .. وشفتج انتي ما شالله عليج حلوه قلت انتي اولى ..
ضحكت مع اني ما فهمت شي ..
المره : عيل اخليـج الحيـن ..
قلت : اوكي .. مع السلامه ..
رحت عند امي ..
قلت : يمـاااااه .. خالي اتصل لي يبي يدخل الحيـن ..
امي: ما جنه تو الناس .. الساعه 11 الا ربع ..
قلت : شاسوي فيه .. قلت له العروس للحيـن ما نزلت ههههههههههه ..
امي : وي تكذبين على خالج .. قولي له امي تقول لك انتظر ربع ساعه بـس ..
قلت : واذا عاند ..
امي : اذا عاندج عطيني اياه ..
قلت : كلميـه الحيـن انتي ..
امي قامت عشان تروح مكان هادي وخالي من الاغاني المزعجه ..
وانا رحت ارقص على اغنيه حلوه ترقـص ..
وعقب انتشـر خبـر ان المعـرس الحيـن بيدخـل ..
وانا طـرت رحت البـس عباتي وشيلتي .. لان اكيـد حمد اخوها والا خال من خالوالها بيدخلون خالي ..
وشوي دخلوا الريايل .. كانوا مب وايد .. ابوي وتركي وحمد وكم واحد بعد ..
وانا كنت عند امـي قاعده ..
وصلـوا خـالي عند لطوف يعني الكوشه .. وابوي وتركي والريايل راحوا .. اللي تم بـس حمد .. شلوا عن لطوف الغطـا وتم حمد يصـور معـاها .. وشفته يتلفت يميـن ويسـار .. يمكن يدورنـي .. بس انا الحمدلله كنت منخشه عند امي .. بعد ما خلصـوا تصـويـر .. راح حمد وتم خالي ولطوف قاعدين على الكوشه .. رحت فصخت عباتي وشيلتي ورحت عند غايوه ونوروه ونجوي .. سحبتهم معاي عشان يسلمون على خـالي ..
سلمـنا عليـه وطلبت منهم يحطون اغنيه انا طلبـتها عشان ارقـص جدام خالي .. ورقصت وخالي يضحك .. لاني اسوي له حركـات عبـط ..
نزلت من الاستيـج وياتني هاجر ..
هاجر : يـلا احـنا بنـروح ..
قلت : لا وين توها الناس ..
هاجر : لا خلاص اريـج تبي تروح ..
قلت : اوكـي .. الله يحفظكم .. بنتشاوف في عرسـج الاسبوع الياي ..
هاجر : ان شالله .. بس تعالي معاي شوي ..
سحبتني وطلعتني برع القاعه يعني في الممرات وين ما المصورات واقفيـن ..
هاجر : يـلا ..
قلت : شنو ؟
هاجر : يـلا بلا استعبااط .. انا قلت لج اني بصـورج حق راكان ..
استحيــت لانها تكلمني جدام امها واريج ..
قلت : لاااااااه شفيـج ..؟
هاجر : ماعلي منــج انا ..
سحبتني صـوب المصورات وتموا يصوروني وانا مستحيــــــه
خلصت تصوير وحمضـوا الصـور في نفس الوقت وخذتهم هاجر وراحت ..
رحت داخل وكملنا العـرس ..

صـارت الساعه 2 الفجـر .. والناس كلهم راحوا تقريبـا .. وسوينا التشطيبات اللازمه .. ورحـنا البيــــــــــــــت ..
حسيت ان جسمي مكســـــر تكسيـر .. على طول رحت غمست في نوم عميــــــــــــــق..

قمت من النوم وانا حاسه بضيـــــــج .. فتحت عيني لقيت نفسي بمكياجي وبفستاااني .. وي الحمدلله والشكر نمت بكشختــــــي ..
رحت الحمام على طول تسبحـــــت ولبست بيجامتـي ورحت الصاله ..
امـي : سـااااااااروووووووه ..!
تخرعت : هـــااااااااا ؟
امي : هالكثـر رقـاااد ؟؟ انا حسبالي انتي ميته ..
قلت: ليـش الساعه كم .؟
امي : الحين الساعه 3 العصـر ..
قلت : اوووف .. ما حسيـت بالوقـت .. بـس شاسوي .. كنت تعباانه .. شباسوي في عرسي عيل ؟
ورحت انبطحت على ريل امـي ..
امي : في عرســـــج غيـــر ..
قلت : شلون غيـر يعني ؟؟
تمت تلعب في شعـري المبلول ..
امي : في عرسـج الكل بيشتغل لج .. مب انتي اللي تشتغلين لهم ..
قلت : بس بعد بحـس بتعب .. احـس ..
امي : عاد انتو بنات هالايام كشختكم غيـر عن كشختنا احنا الاول ..
قلت : شلون يعني .. انتي في عرسج ما كشختـي ..
امي: امبـلا .. بس غيـر .. انا اول ما حطيـت في ويهي غيـر الكحل والروج .. ولا الروج بعد ترجيـت امي الله يرحمها ترضـى تخليني احطه ..
قلت : بـل شدعوووووه ..
امي : ايه .. حبيبتـي زمان اول يختلف بالظبط عن هالزمـان ..
قلت : بس يمه ابيـج تقولين لي الصــــج .. اي زمن احسـن ؟
امي : زمن اول احسن ..
قلت : اووووول ؟
امي : ايه .. قبل البنت تقوم من الصبح وتشتغل وتنظف البيت ولا تطلع منها كلمه اوف ولا تحندي .. انا هالزمن .. حتى عيزانين تشربون الماي .. ودكم حد يشربكم ..
ابتسمت : لا يمه مب لهدالرجه ..
انفتح باب الصاله ..
تركي : اوه اوه .. شهالحنـــااان ؟
قلت : بـــــس بدت الغيــــــره ..
امي : روح حق مشاعل عند فوق .. هي للحيـن ما دزيناها حق ريلها ..
انحرررررررررجت .. ليش تتكلم جدام ترررركي ..
تركي : هههههههههههههههههههه يمه شوفي ويها ..
قمت من ريل امي وغطيـت ويهي ..
امي : هههههههههه خلها توها عروس ..
تركي وهو رايـح فوق : ههههههههه يحليلج والله يا ساروه ..
قلت : يمه ..؟
امي : نعم ؟
قلت : الاخالي ولطوف وين ؟
امي : وانتي تدرين على هوى دارج ؟ خالج ومرته سافروا من اول يوم عرس ..
شهقت : ويييييييييييين راحوووو ؟
امي : شهر عسلهم ..
قلت : اي بـلاد يعني ؟
امي : والله نسيـت مادري ..
شفت ريموه يايتني تركـض ..
قلت : شفيــج ..؟
ريموه تلهث : جووووووووالج يـــــــرن ..
قلت : وانتي مقعديـنج حارسه على غرفتـــي كل ما رن جوالي ركضتي فيه؟
امي : هههههههههههههههههه ..
خذت الجوال ورحت غرفتـي .. لان راكان هو الي متصـل واستحي ارد عليه جدام حد ..
اتصلت له ما رد .. حطيت الجوال على السرير ورحت بنشف شعري الا اتصل ..
رديـت : الـوووه ..
راكان : هـلا هلا بهالصـوت ..
ابتسمت : اهليـن ..
راكان : شخبااارج ..؟
قلت : الحمدلله طيـبه .. وانت شخبارك ؟
راكان : زين زان حالج .. ساااروووووووه ؟
قلت : هـاا ..؟
راكان : انتـــــــــــي تقطيــــــــــــــــع .. تفجيـــــــــــــــــــر ..
ضحكت : هههههههههههه شنو ذيـه ؟
راكان : الـصور اللي جابتهم هاجر .. تجننيــــــــــــــــــــــــن ..
استحيــــــــــــــــــــــت : شكـرا .. عيونك الاحـلى ..
راكان : ليـش كاشخه هالكثــر ؟
قلت : بعد ليـش .. عرس خالـي ..
راكان : وفي العرس جـي بتكشـخيـن والا ؟
قلت : واكثـــر ..
راكان : صـــــــــــج ؟
ضحكت : هههههههههههه تحب التكشخ انت ؟
راكان : مافي ريال ما يحب يشوف الزين جدامه ..
سكت ..
راكان : ابي اجيـج ..
قلت : هااا ؟
راكان : لا تقولين هاا .. قولي نعم .. خيـر .. مب هااا .
ضحكت : ههههههه ان شالله ..
راكان : استعدي بعد ساعتين بكون مزروع في بيتكم ..
قلت : من صجك ..
راكان : عيل من كذبـي .. يلا بكره وراي اجازه وبسـهر عندج .. والا ما تبيــــن ؟
قلت : امبـلا .. حيـالك الله في اي وقت ..
راكان : يـلا عيل تجهزي هاا .. مع السـلامه .
قلت : في امان الله ..
سكرت من عنده وكششت شعري سويته كيـرلي وحطيت الجيل عشان يثبت .. واستشورت غرتي ( قصتـي ) ونزل الصاله ..
ابوي : على وين العزم ..
قلت : ولا مكـان .. بـس راكان بيجيني اليـوم ..
ابوي: اااهااااا ..
قعدت في الصاله شوي وعقب رحت اتعدل ..
لبسـت تنوره بنيه قصيـره توصل ليـن تحت ركبـي وعليها بوت بني وفيه حركات بالتركوازي وبدي تركوازي .. وحطيت لي بودره وكحل وظل بني خفيف وحطيت حط تركواز تحت الكحل اللي تحت عيني .. وفتحت شعري وكششته مره ثانيه واستشورت غرتي مره ثانيه وطالعت شكلي النهائي .. اقتنعت بنفسـي ونزلت الصاله ..
ابوي : يه يه يه .. شهالزييييييييييـن ..؟
استحيـت وضحكت : ههههههههه .. طالعه على بـابـاتي حبيبـي ..
وشوي وانقـز لان جوال رن ..
قلت بدون شعور : رااااااااكااااااااااااااااااان ..!
ابوي : ههههههههههههههههههه .. روحي له تلاقينه عند الباب الحيـن ..
انحرجــــت ..
رديـت : الووه ..
راكان : الووو .. يلا باي ..
ضحكت : ههههههههههههههههههههههه باي ..
امي : شهالسالفه اللي ما خذت لها ثانيه .؟
قلت : ههههههههههه هو عند الباب الحيـن ..
ورحت بـسرعه الميلس وفتحت له الباب ..
اول ما شفته قلبي قام ينبـض بشكـل فضيـع ..
راكان مبتسم : السـلام عليـكم
ابتسمت له بخجل : وعليكم السـلام ..
شفته دنع شوي لمستواي .. انحررررررررجت يعني يبي يسلم علي ..
سلمت عليه وانا حاسه اني ذبـت ..
راكان : شخبـارج من بعد العـرس ؟
قلت : الحمدلله بخيـر .. انت شخبارك ؟
راكان :طيب طاب حالج ..
وقعدنـا وبديـنا نسولف وانا شوي خذت على راكان وقام يمدح فيني وفي لبسـي وفي كشختـي وانا مستحيــــــــــــه .. وهو يضحك علي يوم يشوف ويهي محمـر ..وجاب لي هدايا وانا استحيـــــت .. ما احب لحظه الخجل فيني ..ومادري ليـش راكان هو الوحيـد اللي استحـي منه هالكثـر .. ما عمـري استحيـت من حد جـي ..!

مـــــــــــر سـبوع واليوم عـرس هاجر .. جهزت على السـريع ومكيجوني وعدلوني ورحت العرس متأخره .. يعني هالحزه بتدخل العروس .. الحمدلله لحقــت عليها وسلمت على عمتي وعلى الكل .. وطبعا سحبت نور ونجوى معـاي .. وغايوه ما جات معانا .. تقول تعبانه وايد .. الحمل وايد متعبها ..لان قرب شهرها مسكيـنه ..
كان العـرس وايد حلو واستانسـنا .. وشفت اخيـرا عبدالله هاللي تمدح فيه هاجر .. حسيـتهم ربـع .. يعني حسيـت ان هاجر ما كانت خايفه ابد .. وزوجها بعد ..دخل وعلى طول تم يسولف معاها وضحك .. ما عطوا المصـوره فرصـه تصـورهم .. راحوا هاجر وعبدالله وانا طلعـت معاهم لان امي تحاتي غايوه .. ووصلنا نور ونجوى في طريـجنـا ..
وصلت البيـت ..
قلت : يمــــــه خربــــتي عليـنا العـرس .. كل ما قمت ابي ارقص قعدتيني .. وكل ما ضحكت واستانست قلتي امشي نروح البيـــت ..
امي : اختـج اليوم والا بكره والا في اي وقت بتربـي وانتي ما همج الا نفسـج ..
قلت : انزين اذا بيودونـها الولاده بيقولون لنا .. انتي لا تحاتيـن الله يهدااج ..
امي : شلون ما احــاتي واختـج بتربـي .. ما يندرى عن حاتلها فديـتها ..
وشوي الا يـرن تلفون البيـت ..
رحت اركـض ابي ارد ..
رديـت : الـــوووووه ..؟
سمعت صوت خشـن : مرحبـا ..
تخرعت : مرحبتيـن .. من ؟
....: انا ماجد هذا بيت راشد بو غايــه..؟
قلت : شفيــــهااااااااا غاااااايوه ..؟
ماجد : مافيها الا العافيه .. بـس هي جاها الطلق وبتربـي اليوم ان شالله ..
حذفت السماعه ورحت اركـض عند امـي ..
امي : شفيـج بسم الله ..
قلت وانا الهث : يمـاااه .. غايوه بتربـي الحيـن ..
امي :مـــن قالـــــج ؟؟
قلت : ماجد .. اتصل البيت وقال لي ..
امي : يلا روحي مسحي مكياجج امشـي ..
رحت غرفتـي بسـرعه وغسلت ويهي وفتحت شعري ع السريع ولبست لي جينز وبدي اسود عادي .. ولبست عباتي وشيلتي وطرت تحت عند امي ..
لقيـتها ماسحه مكياجها ولابسه عباتها ومخلصه ..
قلت : من بيوديـنا ؟؟
امي : اخوج عند الباب يـلا ..
قلت : وابـوي ؟
امي : ابوج راقد .. اذا اتصل لي وقال لي وينكم بقول له .. يلا امشـي ..
ركبـنا السيـاره وكانت مشاعل في السياره ..
وصلنا المستشفـى وشفنـا ماجد واقف عند باب غرفة العمليـات ..
امي : شسووووو فيها ..؟
ماجد : ما سوو شـي .. تعبت ووديتها المستشفى وقالوا بيولدونها ..
امي :ان شالله تقوم بالسـلامه ياربي ..
رفعت عيني شفت ماجد يطالعني .. خفت ونزلت عيني ..
ماجد : شحـالج سـاره ..؟
قام قلبي يدق بقوه قلت : يسـرك الحـال .. اخبارك انت ..
ماجد : طـيب طاب حالج ..
واندسيت ورى امـي وشفت تركي يطالعني .. وهالنظـره نظـرة عصبيـه احسـها ..
طنشته وتميـت انطـر وانطــــــر .. تأخرت وايد غايوه ..
قلت : يمه .. غايوه وايد تأخـرت ..
امـي : لازم هذي ولاده ..
قلت : وجي يتأخرون ؟
امي: ايه ..
طلعت امي المصحف من شنطتها وتمت تقـرى .. وانا تميـت قاعده متوتره ومشاعل ماسكه يدي تهديني .. وتركي وماجد شفتهم بعاد شوي عنـا ..

ابي رايكم .. ؟؟ و
تريووو الاجزااء اليايه ..^^

ربي يسلمجـ غلايه .. ^^

. . .

ربي يسلمكم يالغاليين .. ^^

ان شآء الله بآجر الصبح بنزل لكم 4 اجزاء عشآن نحاول نخلصهآ عندي لكم وآيد قصص تجنن و ابي انزلهآ ^.^

بس لا تحرموني ردودكم الحلوة ^^

العفو الغالية .. تسلمين عالمرور ^.^

تسلموؤؤؤؤؤؤوونےٍ عآلمرووؤؤر .. منوريــــــــنےٍ واللهـ ..
وهآيےٍ اربعےٍ آجزآء مثـل مـآ وعدتــكمـےٍ و آتمنـىےٍ تستـــآنسونےٍ! ^^

الجـــــــ 21 ـــــــزء ..


بعد فتـره طويـله من انتـظـارنـا.. طلعت السسـتر وشفت ماجد نقـز صـوبـها ..
ماجد : خيــر بشـــري ؟؟
السستـر : مبــرووك .. جاكم ولد ..
ماجد : الله يبارك فيـج الله يبارك فيـج .. انزين وغايه شأخبارها ؟
السستـر : الحمدلله .. الولاده عدت سليمه ..
وراحت .. وكل واحد فيـنا يبارك للثـاني .. وودو غايوه غرفه خاصه ورحـنا كلـنا عندهـا .. تميـنا شوي نتحمد لها بالسـلامه وعقب رحـنا عنها عشـان ترتحا واحنا بعد ننام ..

اول ما وصلت البيت نمت على طول بدووون مقدمــااات ..

وعيـت على الساعه 12 الظهـر وحاسه روحي متكســره .. قمت شفت 3 مكالمــات ..
وحده من لطوف و2 من راكـان .. رحت الحمام وتسبحت وخليت الفوطه على راسـي ورحت عند التلفوون ..
واااااي فديـــتها لــطوف .. والله لها وحشـــــه .. اتصلت لها ..
ردت : هــلا والله .. هلا بســاره ..
قلت : هلا وغلا فديـــتج .. شخبــارج وشخبـار خالـي ..؟
لطوف : الحمدلله كلـنا بخيــر ... انتو شخبااركم ..؟
قلت : الحمدلله بخيـر كلـنا .. وغايوه ربـــت ..
لطوف : صـــــــــج ..؟ شياابـت ؟
قلت : يابت ولد ..
لطوف : وااي فديـــــتها .. شسموووووه ؟؟
قلت : والله مادري تصدقيـن .. للحيـن ما سموه على ما اعتقد ..
سمعت لطوف تكلم خالي تقول : مشـاري غايه ربـت ..
خالي : صـج ؟ شيابت ؟
لطوف : يابت ولد ..
خالي : انتي من تكلميـن .؟
لطوف : اكلم ساروه ..
خالي : عطيني عطيـني ..
خالي : الووووووووووووووووووه ..
قلت : هــــــلاااااا بالمعــــــرس ..
خالي : هههههه اهليــــن .. شخبااااركم ..؟
قلت : الحمدلله كلـنا بخيـر ونسأل عنك يالقااطع ..
خالي : والله انا مشغول .. المفروظ انتو اللي تسألون ..
قلت : يـاااسـلاااام ..؟
خالي : بشوووف اذا خذتي راكان ورحتوا شهر العسـل بتسأليـن والا ..
ضحكت : ههههههههههههههههه ..
خالي : غايوه ربـت ولا تقول لـنا ..؟
قلت : ههههههه وهي شدراها ان هاليوم بتربــي ؟؟
خالي : المهم .. هي شأخبــارها الحيـن ..؟
قلت : الحمدلله .. هي امس ربـت .. واليوم ما رحت لها ..
خالي : وليش ما رحتـي ؟؟
قلت : توني قايمه من النوم ..
خالي : اهااا .. ومتى عرسج انتي الشيـخه ..
قلت : اذا رجعتـوا انت والشيـخه ..
خالي : واذا ما نبي نرجع ..
قلت : بيفووتكم العــرس ..
خالي : عااادي .. اصلا قعدتــي مع الشيـخه تسوى كل شـي ..
قلت : زين زين زين .. خلك قااعد مع الشــيخه ولا تحضــر عرســي .. انا الغلطــانه اللي رايحه عرسك انت وياها .. والبطــايق ولا بتدور عندكم .. وبشووف شلوون بتحضـرون ..
خالي : ههههههههههههههه الله يقطع سوالفـج .. مسويه روحج زعوله بعد .
قلت : من صـجي انا اتكلـم ..
خالي : روحي زيـن .. انا بدخل مع راكان .. وبدخل لطيفه مع الفرقه اللي بتجيبيـنها ..
ضحكت : ههههههه انا بجيـب فرقه ريايل ..
خالي : ايا جليله الحيـا ..
قلت : ايه صـج .. بخليـهم ورى الحاجر .. احسـن ..
خالي : مالت عليـج .. المنـه عليـج اصـلا .. انتي اللي بنتدميـن لو ما حضـرنا عرسـج ..
ضحكت : هههههههههههههههه عشـان سكـتك قلت المنه عليـج ..
خالي : تراج خسـرتيني ..
قلت : انا المتصـله ..
خالي : بعد خسـرتيني .. يـلا سكـري وسولفي مع راكان جان فيج سوالف ..
قلت : ايه ما تبي وقتك يضيـع بدون ما تسمع صوتـها ..
خالي : ايه تراج أخرتي عليـنا الطلـعه ..
ضحكت : ههههههه اوكي عيـل .. مع السـلامه .. وسلم على لطوووووف وااااايد .. وبوس خدها اليميـن واليسـار .. وقول لها من ساروه ..
خالي : ان شالله ما طلبـتي شـي .. اي اوامـر ثانيه ..
قلت: هههههه لا سلامتـك ..
خالي : يـلا مع السلامه وسلمي على اللي يسأل .. واللي ما يسأل مب لازم ..
قلت : ههههه اوكي ..
خالي : هههههه في امان الله ..
قلت: في امان الكريـم ..
سكـرت من عند خالي وما كان لي نفس اسولف مع راكان .. نزلت الصاله .. ما لقيـت غيـر خالد وريم يطالعون التلفزيون ..
قلت : وين ماما ..؟
خالد : امي طلعت من الصبـح ..
قلت : ووين مي مي وفوم ونصـور ..؟
خالد : فطوم وميمي معاها .. اما نصـور مادري ويـن ..
ريموه : امبـلا انا شفـته في المطبخ مع الخدااامه ..
قلت : ريموه لا تصاارخيــن صووتج مززززززززعج..
ريموه : كيـفي والله ..
قلت : والخدامه وين ؟
خالد : شفتها راحت الميلس ..
ريموه طلعت لي لسانها ..
قلت : مالت عليـج ..
رحت المطبخ وخذت لي خياره وشفت نصور ياكل تفاح مقطع .. طالعني ومد لي لسانه .. صديت عنه اوني زعلانه منه وطلعت ورحت غرفتي ..
شفت تلفوني يرن ..
رديت وانا امضغ الخيار : هـلا والله ..
راكان : هلا من ؟
قلت : هههههههه انا سـاره ..
راكان : ليش جي صـوتج خرعتيني ..
قلت : كنت اكل خيار .. هههه ..
راكان : بالعافيـه .. شخباارج ؟
قلت : الله يعافيـك .. الحمدلله بخيـر .. انت اخباارك ..؟
راكان : مب بخيـر ..
قلت : افااا .. ليـش ..؟
راكان : صـاروا يتغلون عليـنا الحبايـب ..
قلت : وي ما عندهم سالفه ..
راكان : تقوليـن لي ؟
قلت : اعذرهم يمكن مشغوليـن ..
راكان : لا ما اعذرهم .. الحيـن ابي ترضيـه ..
قلت : وشنو نوعـها هالترضيـه ..؟ ماديه معنويـه ؟؟
راكـان : انا الحيـن من عشـر دقايق طالع من شغلي .. ابيـج تفتحيـن لي باب بيتـكم لاني قريــــــــب ..
قلت منصدمه : هـاااااااااااااا ؟
راكـان : لا مافي ها ولا شنو .. مافي .. انا عند بابكم .. يلا .. طن طوووووون ..
قلت : شنو هاي طن طووون .؟
راكان : صوت الجرس ههه ..
قلت : ههههههههههههههههه بس جرسـنا مب جي ..
راكان : مب مهم .. وشوفي .. ابيج تطلعيـن لي جـي .. لا مكيـاج ولا لبست عدل ولا شـي .. ابيـج طبيعيـه ..
قلت : لاااااا .. خلني اكشخ لك شوي ..
راكان : نووووو .. يلا افتـحي الباب .. والله ان عند الباب .. تبيني اطق الجرس .؟
قلت : ايه ..
ورن الجرس ...
شهقت : يعني من صـــــجك ..
راكان : هههههههه عيل مساعه تحسبيني اشـلخ ..
جابلت المنظـره : لحظه شوي زين انشف شعري ..
راكان : نووويه .. انا قلت لج ابيج جي ..
قلت بترجي: راااكااااااان ...؟!
راكان يقلدني : سـااااااااره ..؟! يـلا ترى الشمس حرقــتني ..
قلت : الخدامه ما بطلت لك الباب ..؟
راكان : لا خالد بطل لي الباب .. بس ابيج انتي تطلعيـن لي ..
قلت : اوكي عيل يلا بااي ..
راكان : بباي ..
سكرت منه ورحت جابلت المنظـره عدلت ويهي بيدي وشلت الفوطه ومشطت شعري بسرعه وربطته وخليته كأنه ذيل الفرس .. وتميت ببجامتـي ورحت اركض تحت لقيته قاعد في الصاله .. انحرررررجت لاني جيـت اركـض
قلت : اوه انتي هنيه ..
راكان وقف : هههههه ايه تصدقيـن ..
شفت خالد وريموه يطالعوني ويطالعونه .. حسيـــت اني قاعده في ناار من كثـر الاحرااج ..
قلت : انزين تعال الميلس ..
راكان : يـلا ..
وسبقته ورحت الميـلس .. فتحت الباب لقيت الخدامه معطره الميلس ومبخـرته .. عاد شالمناسبه مادري .. توني ابي ادخل الميـليس الا راكان يسحبـني ..
تخرعت : شنو ؟
راكان : انتي ما لاحظـتي انج ما سلمـتي علي ..
ابتسمت بأحراج ومديت يدي ..
سحب يدي وقربني صوبه وباسني على خدي .. افتشـــــللللللت
قعد على الكرسـي وانا رحت قلت حق الخدامه تسوي عصيـر وجاي وقهوه ..
راكان : وينـهم ..؟ محد في البيـت ؟؟
قلت : مادري .. يمكن في المستشفـى ..
راكان : في المستشـــــفى ؟
قلت : ايه حق غايوه ولدت ..
راكان : صج والله ؟ شيابت .؟
قلت : ولد ..
راكان : بالمبـاارك ان شالله .. عيـل صـرتي خالـه ..
ابتسمت : ايـه ..
يات الخدامه وعطتـه العصيـر ..
راكان : حلو شكلج جـي .. ليـش تكشخيـن ..؟
ابتسمت ..
راكان : يـــه شهالحيــا سـاره ..؟ شالسالفه ؟؟ في التلفون صـوتج يلعلع ..
ضحكت : ههههههههه شاسوي بعد ..
راكان : شوفي انا الحيـن بروح .. ويوم الخميـس مابيج جي .. ابيج انتي تسولفين وانا سـاااكت ..
قلت : ان شالله ..
راكان : ما تبيني اوصلـج المستشفـى حق اهلـج ..؟
قلت : لا الحيـن بيجون ..
راكان : لا امبـلا بوصـلج ..
قلت : لااااا الحيـن بيجون والله ..
راكان : لا مالي خـص ..
شفته من شكله انه مصـر ..
قلت : اوكي بس بلـبس ..
راكان : يـلا انا بنتظـرج ..
طلعت من الميلس شفت الخدامه مساكه دلال القهوه والشاي ..
قلت : وديه داخل وصبيله شـاي زيـن ..
الخدامه : اوكي ..
ورحت طيـراااان فوق البـس ..
لبــست تنوره تركوازيـه وسوده وبدي اسود .. وحطيت لي كحل بني خفيــف ومسكت شنطـتي وطلعت ..
دخلت الميلس لقيـته يشرب شاي ..
راكان : هــا خلصتـي ..؟
قلت : ايه ..
راكان : انزين تعالي شربي شاي وقهوه ..
قلت : لا مابي ..
راكان : لا حـلو ..
ضحكت : ههههههه مابي .. بس انت شربت شاي ما شربت قهوه ..
راكان : ايه خلطتهم اثنينهم مع بعـض ..
قلت : هـاااااا .؟
راكان : هههههههه يـلا يـلا امـشي لا نأخـر ..
قلت : يـلا ..
طلع وانا وراه .. فتح لي الباب واستحيـت .. ركبـت جدام مع اني كنت ناويه اركب ورى .. وركب هو بعد السيـاره ..
حطـت اغنيـه فداك العيـن ..
راكان : هـذي الاغنيـه .. اهداء منـي لـج ..
قلـت : لـي انا ؟
راكان : هه ايه ..

انا لاجيت ابهديلك .. عيوني لك ابهديها ..

واذا ما كفت عيوني .. فداك العيـن وراعيها ..

انا عمري فدى عمرك .. انا كلي تحت امرك ..

لانك اغلى شي عندي .. في هالدنيا ومافيـها ..

انا من لي في هالدنيا ..عشانه اسهر واحيـا ..

ومن غيرك اذا شفته ..ينسيـني بلاويـها ..

اشوفك فرحه همومي ..واجمل شي في يومي ..

ويكفي يوم اناظر فيك .. أرى نفسي والاقيـها ..

انا من كثـر ما اغليـك .. واحبك حيل وميت فيك ..

ابي بس تطلب عيوني .. واقولك خذها مابيـها ..

وتدري يابعد هالنـاس ..كثر ما اعشقك باحسـاس ..

احس روحي تبي تسأل .. انا والا انت راعيـها ..

طول الاغنيه وانا اسمعـها كنت مستحيـــــــه ..
راكان : اعجبــتج ؟
قلت : واااايد ..
راكان : يلا مافي اغنيه اهداء لي ؟؟
قلت : اممممم .. ايه بس في جوالي .
راكان : اوكي .. اهم شي نسمع ..
طلعت جوالي وحطيت اغنيه .. عيون سـاره ..
قلت : هاي اهدااء مني لـك ..^.^
راكان يـلا نسمع ..

مو خساره مو خساره ..

لا وربي مو خساره ..

انت تستاهل احبك ..

يا غلا وعيون سـاره ..

يا غلا وعيون سـاره ..

لا تحاتي لا تحاتي ..

انت يا عمري وذاتي ..

انا اصلا لولا حبك..

مالها داعي حياتي ..

راكان : يـه .. صـج ؟
قلت : شنو ؟
راكان : هالكلام الي قالته صـج ؟
ضحكت : ههههههههه ايه صـج ..
كملـنا طريـجـنا .. بس شفت كأن الطريـج صار طويـل وغيـر ..
قلت : وين بتروح ..؟
راكان : بتشوفيـن الحيـن ..
قلت : لا صـج راكان .. ويـن بتروح .. خلاص ردنـي البيـت .. تلاقيـهم رجعـوا الحيـن ..
راكان : ههههه شفيـج خايفه ..
طالعته وكان يطالع الشارع .. التفت صوب الدريشـه اشوف السيارات .. وانا خايفـه ..حتى خايفه اتصل حق امي اقول لـها والا اي حد ..
راكان : يـلا وصـلنا ..
نزلت وكـنا مجابليـن مطعم السـاحه ..
قلت : شنو ؟
راكان : شنو اللي شنو انتي بعد .. ههههههههه ساره انتي شفيـج ؟
قلت : راكان لا تلومنـي .. اول مره اطلع معاك ولا عارفه وين بتوديـني ..
وياتني الصيحه ..
راكان قرب صـوبي ..
راكان : سـاره .؟ شفيـج يمه .. انا يايبـج مطعم مب مقصبـه .. شوفي حـتى ..
قلت : وانا شدراااني ..
راكان : هههههههههه .. يلا زين امشـي .. يالصيـاحه ..
حط يده ورى ظهري ودخلـنا المطـعم ..
قلت : راكان بتصل حق امي ..
راكان : ليـش ..؟
قلت : يمكن تنتظـرني والا شـي ؟؟
راكان : هي تعرف رقم تلفونـج ؟
قلت : ايه ..
راكان : لو تبيج بتتصل لج ..
سكت ..
راكان : شتبين تااكليـــن ؟
قلت : اممم انا ابي نفسـك ..
راكان : اوكي ..
طلعت تلفوني وتميت اطالعه .. كأني انتظـر امي تتصـل فيـني .. تسألني ويـن انا ..
راكان : شفيـج ؟
قلت : لا ولا شـي ..
راكان : تنتظـريـن حد يتصـل فيـج ..؟
قلت : ايه .. مب من عادة امي انها تتركني بروحي في البيت وما تسأل عني ..
راكان : بس انتي مب في البيت ..
قلت : ايه بس بروحي ..
راكان : ولا بروحج .. انتي معـاي ..
قلت : مايصيــر اطـلع معـاك بروحـنا ..
راكان : لـيش؟ انا مب زوجج ..؟
قلت : ايه بـس ....
راكان : لا بـس ولا شـي .. واذا انتي تحاتيـن هالكثـر عشـان محد يتصل لج .. انا قايل لهم لا تتصلون فيها ..
قلت : ليــــــــــش ؟
راكان : عشـان نبي نكون في جو هـادي ..
قلت : وانا احــاتي ..؟
راكان : لـيش تحاتيــن .. انا قايل لهم ان انا بمر عليـج وبنتغـدى بـرع ..
قلت : وعادي عندهم .. ما قالوا شـي ..
راكان : سـاره انا ولد عمـتج قبـل لا اصيـج زوجج .. انتي ملاحظه ..؟
قلت : ايه امبـلا ..
راكان : لا تفكريـن بشـي الحيـن .. بـس طالعيني وفكـري فيني ..
ابتسمت ونزلت راسـي ..
وصل الاكل وكلـنا واحنـا سااكتيـن .. وبعد الاكل تميـنا نتمـشـى انا وراكان على البحـر ..
راكان : تحبيـن البـحر ؟؟
تنهدت : عادي ..
راكان : يعني شلون ؟
قلت : يعني ما فكـرت يوم اني اروح البحـر .. لاني اخااف منه ..
راكان : تخـااافيـن ؟؟
قلت : ايه .. ولا مره جسمي طب البحـر ..
راكان : يعني تخافيـن تغرقيـن ؟
قلت : لا .. مادري .. يمكن .. بس ما جربت لاني اخاف ..
راكان : في حد يخــاف من البحــر ؟
قلت : انا ..
ابتسم ودخل يده في جيبه ..
راكان : عطيـني يدج ..
قلت : يــدي ؟
راكان : ايه ..
مديت له يدي .. مسكـها ولبـسـني خـاتم ..
راكان : شــرايــج ؟
ابتسمت : يـاااااااااي ..
ابتسم ..
قلت : واايد حــلو .. ذوقـك ..؟
راكان : ايه .. عجبـج .؟
قلت : يجـنن ..
راكان : قعدت ساعه اتحايل على هجور تجـي مـعاي عشـان تختار لـج شـي يعجبـج .. لانها هي تعرف ذوقـج .. بـس ما جـات .. قاعده مع الريـل ..
قلت : يحليــلها .. والله وحشــتني ..
مسك يدي وركبـنا السيـاره ..

حسيـت برااحه نفسيـــه .. استاانســت مع راكــان وحبيــته .. صـج اني ما ما اقول له كلام حب وعزل .. بس حسيــت انه يدري بحبـي له .. حـبي لراكـان غيـر عن حبـي القديم لحمد وذيـاب .. حمد وذيـاب حبيـتهم لاني ادور فيـهم الحـنان اللي فقـدته .. وكل واحد ابتعد عنـي بمزااجه .. متى ما شبـعوا من اللعب تركوونـي .. اما راكـان بيكـون غيـر .. ان شالله غيـر عنهم .. بيعيشــني احـلى واحســن عيشــه .. ما بيحدنـي اني انتظـر كلمه حلوه من احد .. آآه يا راكان لو تدري شكــثر حبيــتك ..

اليــــــــوم عرســــــــي ..

ياتني غايوه تركــض ..
غايوه : يــلا سااروه خلصيــني .. كلهم في السيـاره ينتظــرونـج ..وانتي قااعده ببجامتـج ..
قلت : غايووووووووه .. ما اقدر اتحــرك .. والله بموووووت ..
غايوه ياتني ومسـكت راسـي وحطـته في حظنـها : لا تخافيـن ولا تحاتيـن .. ان شالله يعدي كل شـي على خيـر ..
امي يات : سـاره يمه يـلا .. الكوافيـره والمـاكيـرا كلهم في الفندق ينتظــرونج ..
صحت : يمــاااااه ..
امي ياتني : وي شفيـج ..؟
قلت وانا اصيـح : خااايفـــه ..
امي : يـلا حبيبتـي .. كلنا خفنـا في هالوقـت .. بـس اكتشـفـنا ان خوفـنا هذا ماله دااعي ..
حطت يدها على راسـي وتمت تقـرى علـي ..
بعد ما خصـلت هديت شـوي ..
امـي : يلا قومي لبـسي ..
طلعوا وانا لبست وطلعت ..وكانوا خذوهم من قـبل .. ودوهم الفندق .. ركبت السياره وانا طول الوقت اهز ريلي من التوتر .. وصلـنا الفندق ونزلت وكـانت معـاي امي وغايوه ..
دخلت الغرفه وبدوا في مكـياجي على طول .. وسوو شعـري .. وانا سـااااااكته .. لبست فستاني وخلصـت .. ما بقـى الا يحطووون الطرحــه ..
انفـتح البـاب ..
لطوف : سـاروه فديـــــتج ..
صرخت : لطوووووووووووووووووووووف ..
ياتني تضـحك : فديــــــــت خشـمج والله .. وحشتيـــني ..
قلت : هالكثـر يالدبه شهــر عسـل ..؟
لطوف : شااسوي في مشـاري .. كل ما قلت له خلنا نرجع .. قال لا بعد شوي ..
قلت : الله يهنيــكم ..
لطوف : سـاروه تجننيــــن فديــتج ..
قلت : لطوووووووووف خاايفـه والله العظيـم .. احسـن قلبي في ريولي ..
لطوف : لا تخافيـن حبيبتـي .. انا في عرسـي بعد كنت خاايفـه .. بس انتي قلتيلي كلمه خليتيني افكـر عدل ..
قلت : شنو ؟
لطوف : خلي همومج وخوفج ورى ظهـرج وعيــشي فرحــــتج .... تتذكريــن ؟
قلت : ايه بـس ...
لطوف: لا حبيبتـي مافي بـس .. فكـري ان هاليوم ما راح ينعاد عليـج .. افرحـي وشوفـي كشخـة البنات .. لا تخليـن شـي يشغلـج ..
تنهدت ونزلت راسـي ..
لطوف : انا بنزل بسلم على الحريـم .. ترى انتي اول وحده مسلمه عليـها .. يـلا cu
راحت لطوف وانا تميـت قاعده .. خايفه وما اعرف شاسوي ؟؟ طالعت الساعه لقيـها 9 وربـع .. واااااااي الحيـن بدخل .. يمه يمه يمه .. شوي الا ياتني غايوه ..
غايوه : يلا ..
قلت : وين ؟
غايوه : بنمـر الجمعيـه بناخذ بصــل .. يـلاا امشـي نزلي بعد ويـن ..
قلت : غايوه انا مب نااقصـه سخاافتـج ..
ياتني وضمــتني : يلا يلا يالعروووووس ..
قلت : امـي ويـن ..؟
غايوه : يعني تبيـن امي تجيــج ؟
قلت : ايه عيـل .
غايوه : اممم .. بروح اقول لها .. وانتي في هالوقت هيئي نفسـج هاا ..
تنهدت وتميت ارتجــف .. مب عاارفه شاسوي ..
شوي الا امي ياتني ..
امي : شفيـج يمه ..؟
قلت : يمه انتي نزليني .. ما ابي انزل برووحي ..
امي : يلا عيل قومي ..
قمت وتموا يرتبون فستاني ويعدلوني على اللمسات الاخيـره .. ومسكت مسكتـي اللي هي باقه الورد اللي تمسكها العروس .. ونزلت شوي شوي .. ويوم وصلت عند باب القاعه وقفت بطلب من امي عشان يحطون زفتـي ..
امي : لا تدخليـن الا لين انا اقول لج ..
هزيت راسي بمعنى انزيـن ..
تميت واقفه انتظـر الزفه تبتدي ..
شوي الا ينفتح الباب وادخـل .. والكشاف علي وكل الانظـار متجهه صوبـي .. وانا خااايفـه ومنزله راسـي .. وامشـي بهدوووء .. والمصـوراات ورااي وجدامي ومن كل صــوب .. مشيـت وحااسه رووحي ثقيـله .. ليـن وصلت عند الكوشه .. وقفت لاني احس ما اقدر اركب .. من ثقل الفستاان .. يات المصوره وشلت معاي الفستان وركبـت شوي شوي .. وفي نص الكوشه قالت لي وقفي وطالعي الناس وابتسمي وخليني اصورج ..
عاد انا بروحي خايفه بعد تقول لي جي .. اووف ..
التفت يمين ويسار اطالع النااس وابتسم لهم مثل ما قالت لي .. وهي تصـورني .. وعقب وصلت عند الكرسـي وقعدت .. ويوني ناس وسلموا علي .. ومن الخوف ما ركزت من اللي سلم علي .. وشفت صديقاتي كلهم اللي في الجامعه وحتى دكاترتي .. صـج كنت مستانسه .. بس الخوف بعد كان اكثـر.. عقب حطوا اغنيه وتموا يرقصــون .. حتى نجوى قامت ترقـص اللي ما تعرف وتميـت اضحك على رقصـها .. واستغربت من اريج انها قامت ترقـص بعد .. ونجوى تسويلي حركات وهي ترقص .. وانا امسك بطـني من الضحك .. لان الاغنيه غيـر ورقصـها غيـــر .. ويات غايوه صوبي وتمت ترقــص .. ونور وهاجر واريج بعد .. وانا مستاانسه .. بس فقدت لطوف .. التفت لقيتها تطالعني وهي مبتسه وعقب ياتني ..
قلت وانا اصرخ عشان تسمعني : ليــش ما ترقصيــــــن ..؟
لطوف : شااسوي في خالج .. حالف علي ما ارقـص ..
شهقت : ليـــش ؟
لطوف ابتسمت : لاني حــامـل ..
صرخت : صـــــــــــــج .. الف الف مبــروووك .. من متى ولا تقووليـن ..
لطوف : اليوم كاشفه ..
ضميـتها وفي هاللحظه حسيت بفلاش ..طالعت التلفزيون الا لقيت صورتي وصوره لطوف موجوده والكل يطالع .. استحيـــــــــت ..
لطوف : هههههههههههه واي فشيـله ..
ضحكت : هههههههههه عادي .. يلا روحي رقصــي ..
لطوف : لا والله ..
قلت : شوي ..
لطوف : راحت ورقصــت على الخفيف ونزلت ..
عقب وقفت الاغاني وقالوا ان المـعرس بيـدخل ..
وانا في هاللحظه قمت ارجف وما عرفت شاسوي .. شوي وياتني هاجر ونزلت علي شي مثل المظله بحيـث محد يشوفـني .. بس انا اشوف شوي .. وعقب حطوا الاغنيه اللي بيدخل عليها راكان .. دخل وانا احاول اشوف من هاللي حطوه فوقي ..شفت ابوي وتركي وخالي .. وشفت بعد ذياب جنب راكان .. ولا اللي باط جبدي كااشخ بالبشــت .. اووف ياشينه .. بس اول مره اشوفه بالثوب .. كلش كلش مب حلو عليـه ..
كلهم وقفوا جدامي وتموا يصورون مع راكان وعقب ابوي وخالي وتركي راحوا وتم ذياب مع راكان .. وانا حاسه بالخوف من ذيااب .. خايفه يسوي شـي .. لان عقل ذياب عقل مجرم مب عقل بني آدم .. وعقب صـور معاه شوي وعقب راح .. ارتحت شوي .. وشل راكان اللي على راسي وانا وقفت .. طالعني وباسني على راسـي ..
راكان : مبـروك ..
قلت : الله يبارك فيـك ..
وعقب قعدنا .. ومسك يدي وانا منحرجه .. ابي اشيلها .. لان المصوره تحب هالسوالف .. بتصـور .. وكل اللي تصـوره ينعـرض على الشاشه الكبيـره والموجوده في كل زاويه من زوايا القااعه ..
خلص العــرس وطلعنا انا وراكان من القاعه وهو ماسك يدي .. حسيت اني بروحي .. ما عندي حد .. رغم انا راكان معاي .. وماسكني .. بس شفت امي وغايوه .. حسيت حياتي بتصيـر مثل ما صاارت وانا كنت في بيت عمتـي .. ياتني الصيـحه .. بس مسكتها بالغصــب .. وصلنا عند باب غرفه .. دخلنا ويات المصوره وتمت تصـور .. لوعت جبدي .. عقب طلعت ويات امي ..
قلت : الحمدلله انج يتي ..
امي: ليـش ؟
قلت : يمه ما اعرف شاسوي ..
امي : من جي انا جيتج ..
وعطتني امي التعليمات وانا انفذها ..
راكان : وينج انتي من مساعه ..؟
قلت : كنت عند امـي ..
راكان : شتسويـن ..؟
قلت : ولا شـي ..
تميـنا ساكتيـن ..
راكان : حلوه طالعه اليوم ..
ابتسمت : عيونك الاحـلى ..
راكان : صـج ..
ابتسمت وانا منزله راسي : ايه ..
راكان : انتي الاحـلى والله ..
تميـت سااكته وانا حااسه ان ويهي احمـر وحـاااااار ..
راكان : يـلا نروح الفندق ..؟
قلت : اوكـي ..
راكان : يلا لبسـي انا بروح برع شوي وبجي ..
يوم طلع راكان رحت بدلت ولبست عباتي وكنت توني بمسح المكيـاج الا هو داخل ..
راكان : يـلا سريـنا ..؟
قلت : اوكي ..
طلعنا من الفندق وانا مغطيـه ويهي والا اشوف شي جدامي .. تميت امشي جنب راكان .. ووعيت على نفسي اني ماسكه يده بقوه .. ^_^ .. كنت خايفه الا اطيــح .. هديتها ومشيت جنبه ..
ركبنا السياره وعلى طول حـنا .. وقضيـنا اول يـوم ..
قمت وانا حـاسه بالبـرد .. فتحت عيني واستغربت المكـان .. وعقب تذكـرت انـي عروس ^_^ .. قمت على طول ورحت الحمام وتسبحـت ..
طلعت وشفت راكان توه قايم من النوم .. وشعره واقف ومكشـر في ويهه ..
ضحكت : هههههه صباح الخيـر ..
راكان ابتسم : صـباح النـور والسرووور ..
دخل الحمام وانا رحت صوب التسريحه .. مشطت شعـري وخليته مفتوووح عشـان ينشـف اسـرع .. مع انه طويل لازم انشفه بالاستشوار .. بس استحـي اطلعه جدامه ..
حطيت لي كريـم مرطب على ويهي وحطيت لي بودره خفيفه وكحل بنـي على بدايه اطرااف رموشـي وحطيت لي مسكارا .. وكنت لابسـه جلابيه او دراعه كشــخه .. أخبـر انا وهاجر اخترناها مع بعـض .. وقال لي ان راكان يحب هالاوان .. اللي هي السماوي والبنفسـجي الفااتح .. ويحب الوردي على البنات .. وما يحب الالوان القامجه ( الداكنه ) ..
رحت الصاله ..
مادري عاد اسوي فطور والا بنتفطـر برع والا بنطلب والا مب لازم نتريـق ..
راكان : ليـش ما قعدتــــني معـاج .؟
تخرعت: هههههههه بسم الله .. انت من وين طلعت ..
راكان : ههههه من الحمام .. ليس ما قعدتيني ..؟
قلت : توني بقعدك الا انت قايم ..
راكان : امممم ..انزين يلا خلنا نطلع بنتريق تحت .. وعقب جهزي اغراضج بنروح المطـار سيــده ..
قلت : بدوون ما اودع امي وابوي ..
راكان : امبـلا .. اذا تبين تودعينهم جهزي بسـرعه ..
قلت : اوكي ..
ورحت بسـرعه اجهـز اغراضي .. وما كانوا وايد .. لاني ما طلعت من الشنطه شي اصـلا .. بس ترتيب سـريع ..
راكان : خلصـتي ؟
قلت : ايه بس بلبـس ..
دخلت جلابيتي اللي كانت علي في الشنطه .. تميت ادور جينز ما لقيـت .. خذت لي تنوره ورديه وفيها حركـات غريـبه ممزوجه مع اللون البني .. وبدي بـني .. خذت شنطة يدي ولبست عباتي وحطيت شيلتي على كتفـي ..
رحت الصاله : يـلا ..
راكان : سريـنا ..
اخذ الشناط وراح ورحت وراه .. ركبنا السياره ووداني بيت اهلي ونزل معـاي ..
دخلت الصاله لقيـت امي قاعده وجدامها دلة الشاي والقهوه وابوي قاعد بثوبه وكاشخ حق الدوام ..
قلت : الســــــــــلام عليــــــكم ..
امـي بابتسااامه عريــضه : وعليـــــــكم الســــــــلام ..
ورحت لها وسلمت عليها ..
امي : شحالج امي ..؟
قلت : الحمدلله بخيــر .. وين الباقي ..
امي : رقوود بعد وين .. ما قلتوا انكم بتيوون ..
قلت : مادري انا بعد .. الا الصبـح راكان قال لي ..
امي : راكـان شـحااالك ..؟
راح راكان وباسها على راسها : يسـرج الحال .. وانتي شحالج .؟
امي : الله يسلمك طـيبه طـاب حـالك ..
وراح يسلم على ابوي وانا وراه ..
قعدنا شوي نسولف ونضحك وما شفت تركي ولا حد غيـرهم ..
مرت ربع ساعه بسـرعه البـرق ..
راكان : يـلا سـاره .. بنتأخـر على الطيـاره ..
قلت : اوكـي يـلا ..
مع ان ما كان ودي اقوم .. ولا مـره قعدت الصبـح مع امي وابوي ..
ودعتهم ..
قلت : يمه سلمـي على غايوه وبنات خالتي وخالتي وعلى خالي ولطوف وتركي ومشاعل وعليهم كلهم ..
امي : يوصـل حبيبـتي .. انتي ديري بالج على نفسـج وعلى ريـلج .. ولا تزعلينه ولا تضايقينه .. وانت راكان .. ديـر بالك على بنيـتي .. تراها دلوعه .. وتحملوا تاكلون من هالمطاعم الخايسه .. وحاسبوا على ارواحكم من البرد ..
ابوي : بل بل .. الله يهدااج يا فاطمه .. هم رايحين يستانسون .. مب رايحين يجاهدووون ..
راكان : هههههه .. خلها على راحتها خـالي .. وترى ساره في عيوني ..
ابوي : بعدي والله ..
راكان : يـلا توصوني بشــي ..؟
ابوي وامـي : ســلامتـكم ..
ركبنا السياره وتميـنا ساكتيـن .. وقف راكان صوب بيتهم .. استغربـت ..
راكان مبتسم: يـلا نزلي ..
رديت له الابتسامه ونزلت ..
قلت : ليـش نازل هنيه ..
راكان : بجيـب كم غرض وبسلم على ابوي ..
قلت : وامـك ؟
راكان : اذا كانت موجوده ..
رحت وراه وشكله كان مستعيل .. دخلنا الصاله ما لقيـت فيها حد ..
راكان : قعدي هنيه بروح ثواني وبايي ..
قعدت وانا متردده .. اروح اسلم على بوغيث والا لا ..
وشوي الا اسمع صوت ريال يغني ..
.....: خلها تروح الله لا يردها .. حبها ماضـي راح وعـدى .. حـتى لو ماتت في بالي .. عساها بهالحال واردى .. >> عاكس الاغنيـه من مذكر الى مؤنت ^_^
نزلت راسـي لان هالصـوت اعـرفه عــدل ..
ذيـاب وهو ماسك عصيـر وطالع من المطبخ: اوه اوه .. العروووووس هنيـه .. ههههههه مب رايحين شهر العســل يا عسـل ..
تميت ساكته انتظـر راكان ينزل ..
ذياب قعد : ههههههه شفيـج ما ترديـن .. والا راكان اكـل لســانج .. هههههههاي ..
اوف هالسخيــف مب رااايـح ..
ذياب : اوووه سااروه انا احاجيـج ..
قلت : مابيني وبيـنك كـلام ..
وشوي الا ينزل راكان وحسيت براحه نفســيه ..
ذياب : شنو راكان .. مرتك ما عندها لسـان ..
راكان : والله انت اخبــر ..
ذياب سكت وطالعني ..
حسيــت ان راكان مستصغرني .. يعني شنو هو اخبـر .. يعني يعايره ويعايرني بعلاقتـنا القديـمه .. او بالاحـرى يعايرنـي انا .. لان ذياب من كثـر عيوبه يشوفونها وكأنها شـي عادي ..
نزلت راسـي وانا اكتم صيـحـتي ..
راكان : يـلا سريـنا ..
قمت وسبقت وسمعت هواش .. ما كنت اسمع عدل لان الصـوت ما كان عالي وايد .. وانا وصـلت السيـاره ..
لبست نظـارتي الشمسيـه وكتمت صيـحتـي قد ما اقدر ..

الجــــ 22 ــــــــزء

ركب راكان السيـاره وبدون همس وصلـنا المطـار ..
راكان : يـلا بسـرعه ترانا متأخريــن ..
رحت ورى راكان وهو يخـلص الاجراءات .. وصلنا عند باب الطيـاره ..
راكان : تخافيـن ..؟
قلت : مادري .. اول مره الحيـن بركب الطيـاره .. وما اعتقد اخااف ..
راكان ابتسم: عيل يلا جدامي ..
ركبت ووقفت عند باب الطياره انتظـر راكان .. لان ما اعرف وين اقعد ..
اشـر لي راكان وين نقعد وقعدت ..وقعد جنـبي راكان ..
راكان بصـوت واطـي : انا آسـف .. حسـيت اني سخيـف يوم قلت هالكـلام ..
انا عارفه عن شنو هو يتكلم .. بس سويـت روحي ما اعرف ..
قلت : تتأسف على شـنو ..؟
راكان : على .. على .. لا ولاشـي ..
نزلت راسـي .. وفي بالي اسأله واايد .. بس مب هاي المكـان المناسب اني اسأل فيـه ..
وشوي الا تمشي الطيـاره .. وقالوا لنا نربط الحزام .. وشوي الا تسـرع .. حسيـت بالخوف .. التفت على راكان شفت ملامحه عاديه .. مسكت قبظـة الكـرسي بقـوه .. وشوي الا الطيـاره تطيـر ..طلع مني صـوت وانا ما ادري عن روحي ..
قلت وانا مغمضـه عيوني: يمـــااااه ..
راكان : ههههههه شفيــج ..
طالعته وانا ساكته .. حسيـت اني ما اقدر اتكلم .. لاعت جبدي وحالتي مب حاله ..
راكان : شفيـج ..؟ تبيـن بندوول ..؟
قلت : لا مابي ..
راكان : حطـي راسـج رقدي .. جدامنا وقت طويـل ..
طالعته بنظـرة يأس .. وتسندت وتميت اطالع الـ TV ..
وما حسيـت بروحي .. على طوول نمــت .. حسيـت شـي على راسـي وقمت بسـرعه متخرعه ..
راكان : هههههه شفيـج ؟
حطيت يدي على قلبي : شي على راسي ..
راكان : ايه انا عدلت شيلتـج .. لانها طاحت وانتي غرقااانه في النووووم ..
انحرجت وعدلت يلســتي ..
قلت : ابي الحمام ..
راكان : روحي كاهو جدااامج ..
قلت: ويـن ..؟
قام راكان ووصلـني الحمام .. غسلت ويهي ونشطت عمـري وتعطـرت وطلعت ..
قعدت ..
قلت : متـى بنوصـل ..
راكان : بقـى شوي ..
تميت انتظـر ..
وبعــد فــتره طويـله وصـلنا .. وقبل لا تهبط الطياره صار فيني الاتـي ..
مسكــت راكان من يده : الطــياره تهتــــز ..
راكان : ايه ادري .. لانها بتهبــط الحيـن ..
قلت : قول لهم يخففون .. وايد مسرعه ..
راكان : هههههه .. ساره لا تصيـرين بزر .. شي طبيعي هاي .. بس انتي سكـري عيونـج ..
سكـرت عيني بقــوه وانا ما سكه راسـي .. وبعد فـتره ..
راكان : ههههههه خلاص وصلـنا ..
تنهدت وشفت ان يدي ماسكه يده بقـوه .. ومن زود القوه مستويه يدي صـفرا ..
هديت يده وانا حاسه بالاحــراااج .. وعقب نزلــنا ورحـنا الفندق على طول .. لان راكان كان مرتـب كل شـي ..
دخل راكان قبلي الفندق وانا دخلت وراه .. ورحت على طول على الكنبه وانسدحت وانا اتنهد ..
راكان مبتسم : تعبـتي ..
قلت وانا مسكره عيوني وحاطه يدي على راسي : وااايـد ..
ومن بعد هالبطحه ما حسيت بروحي .. رحت في نوم عميــق ..

وعيـت على صـوت جرس الباب .. قمت بسـرعه متخرعه .. رحت الغرفه بسـرعه بنادي راكان يفتح الباب .. بس ما لقيـته .. دورته في كل مكان ما لقيـته .. طليت من العين السحريه لقيت راكان هو اللي على الباب .. فتحت له الباب انا اتنهد ..
قلت : خرعــتني ..
راكان : هههههههه والله انتي اللي خرعتيني ..
قلت : ليـش ؟
راكان : لا ولاشي ..
وراح المطبخ وكانت في ايده اكياس .. وانا رحت الغرفه .. شفت نفسي في المظره تخرعت .. كانت العبايه ملتفه علي ومعفسـه ( مكرمشه ) وبدون شيله وشعري واقف وويهي باين عليه التعب .. من حقه يتخرع .. اهااا.. عيل مساعه يوم قال لي انتي اللي خرعتيني .. يعني انا اللي مخرعتــه ..! وي مالت علي ..
دخلت الحمام ورحت اتسبح ولبست جلابيـه حرير .. لونها هردي واحمـر هادي .. وفيها حركه في اليد ووسيعه من تحت ..وعلى السدر فيها كرستالات كأن عقد .. طلعت من الغرفه ومشطت شعـري .. ورديت لفيته بفوطه ثانيه غيـر الفوطه اللي علي .. عشان الفوطه القبليه انترست ماي .. المهم ..دخل علي راكان وانا احط لي كريـم ..
راكان : انتي هنيه ..؟
قلت : لا هنااك ..
راكان : هههه انا حسبالي في المطبخ تطبخيــن .. قلت يمكن تفاجأني وتطبخ .. وما دشيت عليـج عشان ما اخرب المفاجأه يا بلفيـت يعني ..
ضحكت : هههههههه .. اي طبــخ الله سلمك .. انا ما اعرف اطبــخ ..
راكان : هــا ؟
قلت : والله ..
راكان : والسبقيتي اللي سويتيها لنا قبـل .. في بيتـنا ..
قلت : ايه هاي الاكـله الوحيـده اللي اعرف اسويـها .. وعصيـر فراوله ..
راكان : اهاا ..
رديـت احط لي كريم وحطيت لي كحل ..
اخذ راكان الفوطه اللي على راسـي وتم يلعب في شعـري ..
راكان : عطيـني المشط ..
قلت : شبتسوي .؟
راكان : بمشط شعرج ..
قلت : لا انا مشطته خلاص ..
اخذ المشط اللي على التسريحه وطالعني بنظـره .. والي فهمته من هالنظـره .. ان اللي في راسه بيسويه .. ضحكت وتم يمشط شعـري وتميـنا نسولف ..

وقضيـنا اول يوم في الفندق .. لاني كنت تعبانه وما ابي اطـلع .. ووعدني راكان ان بكـره بيطلـعني ويونســني ..

قمنا الصبح انا وراكان وطلعنـا ..
واحنا في السيـاره ..
راكان : هــا .. وين تبيـن تطلعيــن ؟
قلت : اممم .. اي مكان ..
راكان : نروح فوق الجبل ..
قلت : ليش ما نروح برج ايفل ..
راكان : اممم .. بكـره احســن ..
قلت : اوكي ..
ورحنا صوب الجبل اللي قال عنه راكان ..
وقعدنا في مكـان حــلو .. بس الجو وايــــــد بااارد .. وحولـنا الثلـج .. قمت افرك يدي وانفخ عليها عشان ادفـى ..
راكان : بردانـه ؟
قلت : ايه .. موووت.. برد ..
حط يده ورى ظهـري وقربـني صـوبه عشان يدفيني .. ابتسمت له ..
وتميـنا نسولف ونضحك ..
راكان : هههههههههههههههه .. خلاص سكــتي .. بسج تعليـق في خلق الله ..
قلت : ههه شاسوي فيهم .. هم اللي يايبيـن حق روحهم الكـلام .. والا في هالثلـج يلبسـون جي .. ما يكفيـهم الصيـف ..
راكان : ههه لا لان الصيـف عندهم شوي ..
قلت : طاح حظهم ..
راكان : بسـج يالعيـوز ..
ضحكت : ههههههه والله ماخذتها من هجوور ..
راكان : ايه هاجر سوالفها سوالف عيايـز ..
قلت : يحليلها والله .. وحشــتني ..
راكان : مب حولج الحيـن .. قاعده مع الريـل .. وناسيه العالم ..
قلت : الله يهنيهم ..
راكان : ويهنيـنا احنا بعـد ..
ابتسمت ..
راكان قام ومد يده عشان اقوم ..
قلت : وين بنروح الحيـن ؟
راكان : بنتمشـى ..
مسكت يده ورحـنا نتمشـى .. ومشينا صوب طريـج يشبه الفريـج .. على يميـناوعلى يسارنا اسواق .. تميـنا نتمشـى وراكان يقول لي مغامراته هو وربعه في فرنسا ايام البعثه يوم كان في الثانويه ..
راكان : ويوم كنـا في السكـن .. الظهـر تقريـبا .. كنـت انا ورفيـجي متملليــن .. والمدير ما كان يبي يطلعنـا .. يقول العصـر بنطـلع .. عاد احنا مناحسيـن .. نبي نطـلع الحيـن .. وكان جدام السكن بحيـره وحولها شيـر ( شجر) .. نزلنا بالخــش .. ووصلـنا عند البحيـره وتميـنا قاعديـن .. يحليلنا ما باعدنـا .. الا المديـر يشوفنا من فوق .. واسمع صـرخه .. راااااااكاااااااان ووجـــع ..التفت وراي الا اللاقيـه فوق من السكن يطالعني .. والتفت جدامي ما لقيـت جبـر رفيـجي .. كان منخـش ورى الشيـره الخايـن .. ونزل المدير بسـرعه وسحبـني انا وياه ودخلنا داخل .. وطلع كل المجموعه وخلانا انا وجبـر وهو قاعدين بروحـنا .. صـج تمللنـا بس حسيـنا بحلاوه المغامرات ..
ضحكت : ههههههههههههههههههه والله طلعت مب هيـن ..ههههههههه ..
راكان : هاي ما سويـنا شـي .. كنا ناويـن نباعد .. بـس صادنا بو نظارات .. والله للحيـن عايـش ..
قلت : هههههههه للحيـن ..
راكان : ايــه .. كل ما اروح الجمعيه اشوفه هناك .. يقول لي .. ايوه يا راكان ازيـك .. والله كبرت .. ومن هالكلام .. والمشكله كل ما اشوفه يقول نفس الكلام ما يغيـره ..
ضحكت : ههههههههههههههه .. حلو انك تشوف مديـرك .. انا الحيـن ولا ادري عن رفيجاتي ولا مدرسـاتي .. حتى اسامي مدريراتي ناسيتهم ..
راكان : انا بعـض ربـعي القداااام .. يجوني يبوني احل لهم قضاياهم وادافع عنهم ..
قلت : ليـش الشيـخ انت مصلـح اجتماعي ؟
راكان : بـالله ..؟ انا محامي مدام ساره ..
قلت : ايــــــــه صـــــح ..
راكان : اللهم لا تبليـنا .. جان ما اجيـج بكـره تقولـيـن لي من انت ..
ضحكت :هههههههههههه لا مب لهالدرجه ..
وشوي الا واحد يوقف جدام راكان وقام يرطن عليه بالفرنسـي ..
قلت حق راكان : فهمت ..؟
راكان : شوي ..
قلت : شيبي ؟
راكان : ههههههه عرف ان احنا تونا متزوجيـن .. يقول شكلنا اعجبه ويبي يرسمـنا على ما اعتقد ..
قلت : يلا يلا .. خله يرسمـنا ..
وقعدنا على كرسـي مجابل حديقه صغيـره ..
راكان : يقول ما يبي حركتـنا تكون جامده .. يقول سولفوا وتحركوا وهو بيرسم ..
قلت : يعني بيطلع تفننه عليـنا ..
راكان : هههههه ايه عليـج نوور ..
تميـت اسولف مع راكان ونضحك وهم يرسمـنا .. وعقب عطانـا الرسمه وقال لنا انه يرسم تعابيـر الوجه مب الملامح .. وتم يتفلسف ومادري شيقول ..
قضيـنا يومـنا كله بـرع .. وفي الليل رجعنا الفندق هلكــانيــن ..

قضيــنا شـهر العسـل كله بضحك .. وتعرفت على راكان اكثــر .. طيــب وحنووون .. ما يحب حد يزعل منه .. حتى تعامله مع اللي يبيعون وخادمين الغرف بطيـب .. ويضحك لهم .. شخصيـته وايد عجبتـني .. وحمدت ربي ان راكان من نصيـبي .. الله يخليه لي ولا يحرمني منه .. وقال لي ان احنا بنسكـن في البيت اللي شراه ايام الملجه .. والحمدلله انه مأثث ومخلـص .. ما احب عباله التأثيث ..
امــس رجعـنا الدوحه واليوم بنروح بيت اهلي ..
راكان : يـــــلا سـاااارووه .. هالكثـــر لبـــــــس ..
قلت : اصبــــــر شووووووووي ..
هاي بعد ما يدري اني ما مشطت شعري ولا عدلت ويهي ..
مشطــت شعــري ورفعته ..
وحطيت لي بودره وكحل .. والا يفتح الباب ..
راكان شهق : ما خلصـــتي..
ضحكت : ههههههههههه راكان عاد .. خلني اكشــخ ..
راكان : كشخـي بس هالكثــر ..
قلت : والله شوي شوي بـس ..
راكان طلع واسمعه يقول : اللهم طولج ياروح .. طلعوا كل الحريـم جي مب بس هجووور ..
ضحكت وكملت تعدلي على السريـع وطلعت ..
راكان : يـلا عمتـي الشيـخه طال عمـرج .. تفضـلي ..
ابتسمت وطلعنـا ..
وصلت بيت اهلي ونزلت على طووول مشتاقه حق امي وابوي ومشتاقله لهم كلهم ..
دخلت : الســـــــــــلاااااااام عليــــــــــــــكم ..
امي : ويـــــه بنتــــي ..
رحت لها بـسرعه وضميــتها ..
امي : ما قلتي انج بتوصليــن اليــوووم .. الحمدلله على ســلامتــكم ..
قلت : الله يسلمج ..
وانا شوي واصيــح ..
قلت : وين ابووي وخالي وتركي وينهم كلهم وحشوووني ..
امي : هالحزه كلهم يتجمعون .. انتظــري شوي .. الا وين راكان ..
قلت : هـاا ؟
امي : ريلج وينه ؟
قلت وانا اتلفت : ما دخل ؟
امي : لا ..
طلعت برع لقيـته واقف مجابل باب الصاله ..
ضحكني شكله : هههههههه ليش ما دخلت ..؟
راكان : وانتي رايحه سيـده شاخطته ولا كأن في حد معاج ..
ضحكت : هههههههههه سوري والله ..
مسكته من يده ودخلته ..
امي : وينك انت ؟
راكان يسلم عليها ويمثل انه معصب : عند الباب انتظـر حد يدخلني ومدام ساره مطنشــتــني ..
ضحكت : سـوووري والله ما انتبهت ..
راكان اونه رضـا: اووكي خـلاص .. الا وين خالي وتركي ؟
امي : بيجون الحيـن ..
راكان : عيـل انا استأذن وبجــي في الليل يوم اخذ ساره ..
امي : وراك مستعيـل .. الحيـن بيجون .. اقعد تقهوى ..
راكان : ما سلمت على ابوي .. بعديـن مـره وحده ..
راكان مسك قبضه الباب وابوي في وجهه ..
ابوي : هـلااااااااااا راكــان .. جيـت وخليت بنتي في فرنــسا ؟
راكان : هههههه لا كاهي قاعده عند امهـا ..
وسلموا على بعـض وانا رحت حق ابوي اركـض ابي اسلم علـيه ..
ابوي : ههههههههه هـلا والله هـلا بالغـلا .. الحمدلله على سلامتكم ..
قلت : الله يسلمك من الشـر .. شخباارك يبـه ..؟
ابوي : ابشــرج طــيب .. وانتي اخباارج واخبار شهـر العسل ..
انحرجت شوي : تمام الحمدلله .. كل شي تمام ..
ابوي : عســاه دووم ان شالله .. عساه دووم ..
راكان : يـلا خالي انا الحيـن استأذن ..
ابوي : ويـن ..؟
راكان : والله رايـح اسلم على الوالد .. ما مريـت عليـه ..
ابوي : الله يحفـظك ..
طلع راكان وانا تميـت مع امي وابوي واقول لهم عن المغامرات الحلوه اللي صارت لي هناك .. وشوي الا تركي وغايوه وولدها النتفه جو واقحص اسلم عليهم ووراهم خالي وسلمت عليه .. وتميـنا نسولف ونضحك .. وعقب فتـر جاو خالتي وبناتها واكتملت الحشـره والوناسه ..
نجوى : الا بسألج سـاروه ..
قلت : خيـر ..؟
نجوى : مسـتانسـه مع ولد العمه ..؟
ضحكت : ههههههههههه انتي شرايـج .؟
نور : بس نجوى بلشـت بالاسأله اللي ما لها داعــي ..
غايوه : هههههههه .. خليها تسأل وتتفحص .. ساروه .. ترى نجووه تقول انا متحلفه فيـهـا .. بس خلها توصـل الدوحه وانا اذبحها بالاسأله ..
ضحكت : ههههههههههه اسأله شنو ؟
نجوى : ايه بسأل .. احــم ..
مسكت جولها يابلفيت مايك ..
نجوى : اول ما وصلتي الطيـاره .. شسويتي ووين رحتو ؟
وبديت اجاوبها على الاسأله .. والاسأله المحرجه اضيعها .. وماجاوب عليها .. وتميـنا نسولف ونضحك ليـن الساعه 11 ونـص ..
رن تلفوني .. والنغمه كانت ( مو خساره مو خسـاره . لا وربي موخساره . انت تستاهل احبك . ياغلا وعيون سـاره )
نجوى نطت تبي تشوف الاسم اللي بيطلع في الشاشه ..
ضحكت : هههههههههه يعني من بيكوون ..
نجوى : لا ابي اشوف شنو مسميـته ..
قلت : مسميـته راكان .. عــادي ..
ابتعدت عن الصاله شوي ورديـت ..
رديت : هـلا ..
راكان : اهليـن .. هاا ماشبعتـي ..
قلت : من شنو ؟
راكان : من القعده ..
قلت : ليــش بتجيــــني ..؟
راكان : ايـه حبيبتـي خـلاص .. بكـره وراي دواام ..
قلت : من صجك ؟
راكان : ايه خلصت اجازتـي ..
قلت : اوووووه ..
راكان : هههههه ليـش بعد ما شبعتـي ..؟
قلت : ههههه مادري .. بس تذكـرت الجامعه ..
راكان : متى بتداوميـن ..؟
قلت : بعد شهـر .. للحيـن ما خلصت اجازتـي ..
راكان : يـلا الحمدلله .. هذا اخـر كورس صـح .. من بعدها بتتخرجيـن ..
قلت : ايه الحمدلله ..
راكان : ترى احنا نسولف في التلفون ..
قلت : انزين وشالغريـب ؟
راكان : الغريـب ان انا عند باب بيتكم وابي ادخل ..
قلت : صــــج ؟
راكان : ايه ..
قلت : هههههه سوري ما قلت لي ..
راكان : يـلا انطـرج ..
قلت : اوكي ..
رحت الصاله ..
امي : ويـنج انتي من مسـاعه ..
قلت : راكان عند الباب ..
خالتي : شــــنهوووو ؟ تو الناس .. السهر توها باديه ..
قلت : بكـره عنده دوام .. ما يقدر يتأخـر ..
خالتي : خليـه يروح وقولي له احنا بنوصلـج ..
قلت : لا معليـه خالتي .. مره ثانيه لان هو عند الباب ..
امي : خليـه يدخل .. هو قال يوم بيـاخذج بيـدخل ..
قلت : ان شالله ..
لبست عباتي واتصلت له ..
راكان : ويـنج .؟
قلت : امي تقول لك انزل ..
راكان : لااا شنو انزل .. انا لابـس بدله ..
قلت : عادي ..
راكان : قولي لها بكـره ..
قلت : يمه راكان يقول لج بكـره ..
امي بصـوت عالي عشان يسمع: لا الحيــــن ..
قلت : سمعــــت ..؟
راكان : هههههه اوكي بنزل وامـري لله ..
سكرت ..
قلت : بينزل ..
امي : حســبالي ..
خالتي : عيـل انا بروح الصاله الثانيه ..
قلت : ليـش خالتي .. خله يسلم عليج ..
خالتي : لا يختي استـحي ..
نجوى : وااااهههههههههههههههههههههه .. شنو يمه .,.؟ شقلتــــي ..؟ مستحــى على كبــر .. ما ينــاااســب ..
خالتي : انتي انطمـي واسكــتي .. وتعالوا معاي ..
نجوى : لا ابي اشوفه ..
خالتي : تشوفيــن منو ؟
نجوى : ابي اشوف ريـلها .. ما شفته ..
خالتي : يعني لازم ..
نجوى : ايــه يمه ابي اشوفه ..
خالتي وهي رايحه : بنــات اخـر زمـن .. الام تستحـي والبنات قويـات العيـن ..
ضحكت على خالتي ونجوى ..
طق الباب وفتحته ..
راكان : السـلام عليـكم ..
الكل : وعليـكم الســلام ..
راكان قعد : شلونكم بـنات ..
ردوا : بخيــر ..
راكان : اوه غايه هنيه .. شخباارج ..؟
غايوه : طيبـه طاب حالك .. اخبارك انت .؟
راكان : زانت اخبــارج .. الا وين محمد ولدج ؟
غايوه : راقد .. اجيبه لك ..؟
راكان : لا اذا راقد خليـه ..
غايوه : لا الحيـن بقعده عشـان ياخذ الدوى .. بروح اجيـبه ..
راحت جابته له ..
راكان مد يده عشان ياخذه وسم باسم الله ..
راكان يطالع محمد : يحليــــه .. يشبهنـــــــي ..
ضحكت : هههههههههه عط نفسـك الراحه .. يشبه خالته ..
راكان : لا حبيبتـي .. شوف شوف العيـن ..
قلت : على كيفك ..؟
غايوه : لا يشبهك ولا يشبهها .. يشبــه ابووه فديته ..
راكان : فديته منو ؟؟ محمد والا ابوه ..
غايوه احمر ويهها : الاثنيــن ..
ضحكت : ههههههههههههههههههه ..
استانس اذا حد انحرج غيـري .. ^ــ^..
شرب راكان قهوته ..
راكان : يـلا سـاره ..
وطلع وانا حسيـت ان حد سحبـني دخلني داخل البيت مره ثانيه ..
قلت : شــنوووو ؟؟
نجوى فاتحه حلجها : هذي ريـلج ..؟
قلت : ايه ..
نجوى : هـااي راكان ..
قلت : ايه شفيــج ..
نجوى سوت عمـرها مغمى عليـها ..
ضحكت : شفيـج ؟؟
نجوى : عذااااااب .. يجـــــنن ساارووه .. سلفيـني اياه ..
قلت : يالحيـوووووانه .. استحـي على ويهج ..
نجوى : والله ساروه يجنن كشخه كشخه ..
قلت: ذكري ربج وصلي على النبــي .. ترى ابيه ريـلي ..
نجوى : ما شالله تبارك الرحمن .. هااي الريايل .. مب عيال عماتي وعيال عمامي .. كل واحد يحسـب نفسه محد قده .. مـااالت عليهم بـس ..
ضحكت : ههههه الله يخس ابليســج ..
واسمع ذااك الهرن اللي ينفضــني ..
نجوى : ويـــه روحي روحي لا يطلقج ..
قلت : فااال الله ولا فالج يالعنز .. يالله يالله باااي ..
رحت بسـرعه وركبت السياره وانا اتنهد ..
راكان : هالكثــر ؟
قلت : سوووري ..
راكان وهو يحرك السيـاره : يا كثــر ما تعذرتي اليوم ..
ورحنا البيـت وراكان على طول دخل وبدل ونام .. اما انا بدلت وتميـت قاعده انتظـر النوم يجيني .. رحت الصاله تميـت اطالع التلفزيون ليـن ما حسيـت بالنعـاااس ورحت ارقــد ..

وعيـت على اصوات ضايقتـني .. فتحت عيني وشفت الليت مفتووح .. يعني طلع الصبـح .. التفت ما لقيـت راكان .. واسمع صوت في الحمام .. قلت اكيـد راكان اليحن بيروح الدوام .. قمت على حيلي ورحت الحمام الثاني واغتسلت على السريـع وطلعت رحت المطبـخ على طول .. تميـت احووووس ابي اسوي له فطوور .. بس المشكله ما اعرف شنو ابي اسوي ..
دخل علي راكان ..
راكان : قااعده من صبــح شتسويـن ؟
قلت : بسوي لك فطـووور ..
راكان : اهااا .. يلا سوي عيـل .. انا بنتظــرج في الصاله ..
قلت : لا لا لا لا .. مافي ..
راكان وقف : شنو ؟
قلت : تسوي معـاي ..
راكان : ما اعرف اسوي شـي ..
قلت : حتى انا عادي .. حط اي شي على النار يستوي لك شي ..
راكان : ههههههههه شنو هاي بعد ..
قلت : هههه هاي نظـريتي ..
راكان : اوكي يـلا ..
قلت : طلع بيضتيـن ..
راح وجاب بيضتيـن .. وتميـنا نشتغل وطلع نص الاكل مالح ونصه ماصخ ونصه محرووق .. بس أكلناه .. لازم الواحد يفتخـر باللي يسويـه .. ^ــ^

مـر اسبوع .. ونور انخطبــت من ريال طيـب واهله زينين يصيـر رفيـج جاسم اخوها .. وملجتها الاسبووع الياي .. وعلاقتي مع راكان كل ماله وتصيـر احسـن ..

رجع راكان من الدوام ..
راكان : جهزي روحج .. على المغرب بنروح بيت ابوي ..
قلت : ليـش ؟
راكان : امي عازمتـنا ..
قلت : واعزمت هجوور ؟
راكان : والله مادري عنها ..
دخل الغرفه يبدل وانا رحت المطبخ اجهز الغدى ..
تغديـنا وراح راكان الغرفه ينام .. وانا انسدحت على الكنبـه طالع فلم .. وغطيـت ..

قمت وشفت راكان مجابلني ويطالعني وهو مبتسم ..
عدلت قعدتي بسـرعه : شفيــك ؟
راكان : ولا شـي ..
قلت : ليـش جي تطالعني ؟
راكان : ههههه شفيـج حبـي .. عادي .. بـس يـلا روحي تجهزي .. بنروح بنت ابوي الحيـن ..
قلت : راكـــان ..؟
راكان : عيـونه ..
ابتسمت : تسلم لي عيونك .. بـس بغيــت اسأل .. ابوك شخباره ..؟
راكان : بتروحين له الحين وبتشوفين اخباره ..
قلت : لا .. مـره من زمان قالت لي هاجر انه متغيـر وصايـر كلـه يهاوش ..
راكان : ايه هاي فتـره يات وعدت ..
قلت : من شنو ؟
راكان : مادري .. بس كله يسب في ذياب .. انتي ما عليـج .. يلا روحي لبسـي لا نتأخـر ..
قلت : اوكي ..
رحت تسبحت ولبـست تنوره زيتيه حرير وفيها من تحت دانيـل بيــج .. وبدي بيـج وفيـه شغلات بالزيتي .. وحطيت لي مكيـاج بيـج وشخطت الكحل في عيني وحطيت لي قلوس لونه نفس لون شفايفي .. مشطت شعري ورفعته بكليب زيتي ولبست عباتي وطلعت ..
ورحنـا بيـت بو غيـث .. اول ما دخلت الصاله ..
دخلت : الســلام عليــكم ..
عمتي قامت بابتسامه : عليـكم السـلام ..
رحت سلمت عليها ..
عمتي : الحمدلله على سلامتكم ..
قلت : الله يسلمج من الشـر ..
سلم عليها راكان ..
عمتـي : شخبااركم شمسويــن ..؟
راكان : الحمدلله بخيــر ..
قلت : عمتي الا وين هاجر ..
عمتي : للحيـن ما يات ..
عمتـي : الا ما سألتي عن اريـج ..
ابتسمت بفشيـله : لا انا ادري انها هنيه .. وعلى ما اعتقد هي تدري بعد ان احنا بنجـي .. يعني المفروض هي تسأل ..
عمتي طالعتني والتفتت .. طالعت راكان كان يطالعني وهو شكله كاتم الضحكه .. ابتسمت وطلعت جوالي لان ياني مسـج .. وكان المسج من لطووف ..
" قدرك بقلبي حي لا تحسبه مات ..
رغم المشاغل وانقطاع المراسيل ..
سامح من يعزك لو حصل منه تقصيـر ..
محد تجي دنياه حسب اختياره ..
ربك عطاك من الغلا لين خلااك ..
تسكن قلوب الناس لو كنت غاايب .. "

وااي فديتها لطوووف ... تميت ادور مسجات حلوه ما لقيـت .. مسجاتي كلها سوالف ..
قلت : راكان عندك مسجات حلوه ..
راكان عطاني جواله : هااج شوفي ..
خذته وتميت انبـر .. سمعت عمتي تقول ..
عمتي : وعاادي تعطيـها جوالك ..
راكان : ايه عادي .. شفيـها ؟
عمتي : لا بس محد سواها قبلك ..
راكان : هه شفيـها زيـن ..
عمتي : بعد ما تدري وين بتدخل ووين بتتعبث ..
كنت برد بس راكان سبقني ..
راكان : انا واثق فيها .. وخلها تسوي اللي تسويه في جوالي .. حلالها فديـتها ..
فديــــــــــتك والله انت .. محد حاس فيني وعارف قيمتي غيـرك .. فديت هالخشم والله .. لقيت مسج حلو وطرشته لي ومن جوالي طرشته لها ..
اريج : رااااااكااااااان رجعـــــت ..
راكان قام : لا توني في المطـار ..
اريـج راحت له مستنه : هههههههههه .. والله وحشتني ..شخبااارك ..
راكان : طيـب طااب حالج .. انتي شخباارج ..؟
اريج تنهدت : نفس كل يوم ..
واخيـرا التفتت علي ..
اريـج : اوه ساره .. شخباارج .." وسلمت علي "
قلت : بخيـــــــــر دام اني مع حبيبي ..
اريج طالعتني وطالعته وراحت فوق بسـرعه ..
عمتي : يعني انتــي متعمده تجرحيــنها ..
شهقت : ليــش انا شقــلت ..؟
عمتـي : يعني انتي ما تدريـن ان البنت تعقدت بعد ما انفصخت خطوبتها من ولد عمها ..
قلت : وانا شدراااني ..
عمتي رفعت ثيابها شوي عشان تمشي اسرع وراحت لها .. وانا تمـيت قاعده ومنزله راسـي ..
راكان : يـــــــه .. ماعليــج منهم اقوول .. كلهم خرااطيــن ..
قلت : والله ما كنت اقصد ..
راكان : خليهم يولون .. وولد عمها ما فصـخ الخطوبه منيه والدرب .. هاااي كله من سوواد ويهها .. بس خليني سـاكت ..

الجــــــــــــ 23 ــــزء

وانفتح الباب الا بهاجر يايه ..
هاجر : هيلووووووووووووو افري بدي ..
نقزت : هجووووووووووووووور ..
هاجر : تعالي بسـرعه لميـــني ..
رحت لها ولميـتها ..
هاجر : وحشتيــني يالخااايسه ..
قلت : والله انتي اكثــر والله ..
هاجر : شخبـــــــاارج ..؟ شمسويه مع اخوووي ..؟
قلت : الحمدلله كل شي تمام ..
راكان : احم احم ..
هاجر : واااااي فديـتك .. تعال سلم علي ..
راكان : وليش انتي ما تجيـن ؟
هاجر : زين بايي الحيــن ..
وراحت له شوي شوي وسلمت عليه ..
هاجر قعدت : باركوا لي باركوا لي ..
راكان وهو يتعبث في الجوال : مبرووك ..
قلت : مبروك بس على شنو ..؟
هاجر : انا حــامل ..
صرخت : صــــــج والله ..
هاجر تمثل المستحى : ايه ..
رحت بستها : الف الف الف مبروووك ..
راكان : اوه بصيــر خال .. ان شالله الف مبـروك ..
هاجر : الله يبارك فيــكم .. الفال لج ساروه ..
راكان رفع يده : آآآآآميــــــــــــن ..
هاجر : آآميــن ان شالله .. الا وين my mother ؟
راكان : فوق ..
هاجر : مب رايحه لها .. عبود موصيني ما اتعب روحي ..
قلت : وانتي تبيـنها اشاره ..
هاجر : ههههههه ايه والله ..
راكان : عبوود عااد ..
هاجر : هااا .؟
راكان : تقولين حق ريـلج عبووووود ؟
هاجر : ايه نعم ..
راكان : وعادي عنده ..
هاجر : ايه نعم .. ليـش ؟
راكان : لا اخبـر بعض الريايل يحبون الرزه ويعتبرون تصغيـر اسمهم اهانه ..
هاجر : انت قلت بعض .. وعبود فديته مو منهم ..
طالعته : انت منهم ..
راكان : احححم .. يعني في حزاات ..
هاجر : ايه ايه مثلهم .. بعد بتنكــر .. لازم تعدل صورتك جدام زوجتك .. انت مثلهم اخووي ..
ضحكت : ههههههههههههههه ..
راكان : ايه ما احب حد يقول لي راكانو والا ركون .. ما احب الالقااب .. راكان وخلاص ..
هاجر : هنيه التعقيــد ..
قلت : لا ويه فديــــته ريلي .. مب معقد ولا شــي ..
راكان : فديتج انا ..
هاجر : ايــه انا هنيه .. تموا شوي بعدين روحوا بيتكم وقولوا اللي تقولونه ..
راكان : ايه انتي محتـره .. لان عبوود على قولتج محد .. وماعندج حد يغازلج ..
هاجر :ايه محتـره .. لا تتغازلون جدااامي ..
ضحكت : هههههههههههه يالحســد ..
راكان قام : انا بروح اسلم على ابوي .. وعقب بروح مشوار صغيـر وبرجع ..
قلت : انا بعد بسلم على ابوك ..
هاجر : بجي معاااكم ..
ورحنـا كلنا غرفه بو غيـث ..
راكان : الســلام عليــكم يــبه ..
بو غيث : هــلا راااكــان .. هلا يبه .. تعال تعال ..
راكان باسه على راسه : شخباارك يبه شمسوي ..؟
بو غيث : والله حالي هذا هو .. انت شلونك وشلون ساره .. ان شالله كلكم بخيــر ..
راكان : الحمدلله بخيـر .. كاهي سـاره عند الباب .. تعالي سلمي على ابوي ..
رحت بسته على راسه : شلوونك عمــي ؟
بو غيث : الحمدلله .. انتي شحالج .؟.
قلت : طــيب طااب حالك ..
هاجر نقز عند ابوها : يبه يبه .. بااارك لي بتصيــر يد .. بيجيك حفيــد ..
بو غيث : هـا .. شتقووليــن .. من ساره حاامل ..؟
هاجر : يــااسلاااام .. الحين انا اللي اقوول وساره تحمل .. شلون هاي .. لا يبه انا الحااامل ..
بوغيث : هههههههه مبــرووك يا يبه مبروووك ..
قلت : الله يعطيك طوله العمر وتشيل عيالها وعيالي ..
كلنا : آآميـــن ..
قام راكان : يـلا انا برووح .. تامروني بشـي ..؟
قلت : وين بتروح ..؟
راكان : الميلس عند الربع .. من زمان ما قعدت معاهم ..
قلت : بكره روح لهم زين .. الحين امك تعزمك وتروح ..
راكان : شاسوي .. انا قايل لهم من ذاك الاسبوع اني بجيهم يوم الخميس ..ومايصير اخلف في وعدي ..
ابتسمت : اووكي .. الله يحفظــك ..
ابتسم لي وراح ..
هاجر تطالعني بنص عين : انا شقلت الحين ..؟
قلت : ههههه ما قلـــت شــي ..
هاجر : هالابتساامااات شحقه بعد ..
قلت : هههههه يعني اذا طالعته اكشــر ..
هاجر : ايه كشـري ..
بو غيث : شفيــكم ..
هاجر : لا مافينا شــي .. يلا يبه احنا نخليك ترتااح الحين .. مع السلامه ..
بسته على راسه : مع الســلامه عمــي ..
بو غيث : الله يرضــى عليكم ..
قعدنا انا وهاجر في الصاله وياتنا عمتي وقعدت شوي ويا غيـث .. وبشـرتهم هاجر انها حامل .. وغيث يحليله استاانس .. وما توقعت عمتي انها رااح تفرح هالكثــر ..
عمتي : وي عساااااه الف الف الف مبرووووك ..
هاجر: الله يبارك فيج ..
عمتي : وان شالله قريــب نشووف عيال راكان ..
انا وهاجر : ان شالله ..
هاجر : وانت الشيخ غيث .. مب ناوي تتزوج ..؟
غيث : والله شلي بالزواج وعبالته .. عايش مرتاح ولاني مسؤل عن احد ..
هاجر : انزين الزواج نصف الديــن ..
غيث :يعني اذا ما تزوجت بدخل النااار ..
هاجر : هههه ليش انت ضامن انك تدخل الجنه ..؟؟
غيث : الله ما يضيـع حق احد ..
هاجر: وانت الصاج .. والنعم بالله .. بس بعد لازم تتزووج يخي ..
غيث : ليش لقيتيلي وحده ..؟
هاجر : ادور لك من هالثانيه ..
غيث : ريحي روحج ..
عمتي : انتي تكلمين منو حبيبتي .. انتي الحين قاعده تكلمين ايبس راااسج في العالم ..
ضحكنا : ههههههههههههههههه ..
غيث : لا راسي مب يابس بس انا مقتنع في اللي في راسي .. وانتو ما اقنعتوني بفكرتكم .
عمتي : خلك مع فكرتك .. وما راح يطري عليك الزواج الا اذا كبـرت ومحد يبيك بعدين ..
غيث : والله حياة الاعزوبيه شحلااااتها ..
هاجر : انت يبي لك قعده مع عبود وراكان .. وتفحص معاهم اذا الزواج حلو والا بلشه ..
غيث : ههههه مع اني عارف اجابه عبود على قولتج .. بس بسألهم ..
هاجر : ليــش شبتكووون اجابته يعني ..؟
غيث : لا بسمعها اول وبعدين بقول لج .. ههه .. يلا عن خشمكم .. بروح ..
عمتي : وين ؟
غيث : برع عند الربع .. هناك راكان معاهم ..
عمتي : اوكي ..
وتمينا في الصاله انا وهاجر وعمتي وبعدين نزلت اريج .. وقمنا نتكلم عن وايد اشياء .. بس احس اريج وايد حاقده علي .. حطوا العشا وتعشينا وللحين راكان ما جـا .. استانس على القعده هناك ..
عقب العشا تمينا في الصاله .. بس عمتي ماكانت طبيعيه .. شكلها تعبانه
قلت : عمتي ..
عمتي : هممم ..
قلت : قومي ارتاحي في دارج . شكلج تعبانه ..
عمتي : لا الحين بكون احسن ..
صدينا انا وهاجر وتمينا نسولف .. وشوي ونسمع ون .. التفتنا احنا الثنتين على عمتي .. لقيناها طايحه على الكرسي ووجهها كله عرق وصايره صفـرا ..
هاجر صرخت : يــــــــمـــــاه ..
وانا حطيت يدي على حلجي وانا خايفه ..
هاجر عند امها : يمه يمه شفيــــج ؟؟
وعمتي نفس وضعها ..
هاجر : اتصــــــــــــــلي حق راااكاااااان شفيـــــج واقفه ..
خذت الجوال بسرعه وانا انتفض واتصلت حق راكان ..
راكان : هلا ساره ..
قلت : راااااااكاان .. تعال البيت بسـرعه ..
راكان : ليـش ؟
قلت : امك .. امك تعباانه تعااااال بســرعه ارجوووك ..
راكان :امـــي تعــباانه ...؟ شفيـــها ؟؟
قلت : مادري مادري .. تعال ودها المستشفــى ..
راكان : يااايكم الحيـــن ..
ودقايق وراكان عند الباب ..
راكان راح صوب امه : يمه شفيـــج ..
ما ترد .. بس تون ..
شلها راكان وكان غيث توه واصل وشلوها مع بعض ..
راكان : انتو تمو هنيه ..
هاجر تصيـح: بروووح معاكم ..
غيث : تمي هنيــه خلااااص ..
وراحوا ..
انا قعدت ودقات قلبي تسمع فريج .. وهاجر تصيـح ..
رحت لها وضميــتها : اهدي .. ان شالله تكووون بخيــر .. ادعي لها ..
هاجر : اول مـره يصيــر فيها جـي .. اول مره ..
قلت : ان شالله خيـر .. بس انتي لا تصيــحيـن ..
سكتت هاجر وانا رحت المطبخ بجيب لها عصيـر عشان تهدى ..
فتحت الثلاجه وصبيت لها عصيـر ..
سمعت حس التفت لقيت ظل .. تخرعه وطاح القلاس وانكسـر ..
سميت بالرحمن ودورت شي امسح فيه العصيـر ..
.....: بل بل بل .. هاي كله عشان شفتيني ..
رفعت راسي بسـرعه لقيته ذياب .. لبست شيلتي بسرعه ووني بطلع من المطبخ الا يرتز عند الباب ..
ذياب : انا يوم اكلمج تردين علي .. من فاكره روحج انتي ..
قلت : انــــــت الحيـــــن شتبــــــي فيني .. شتبييييي ..؟
ذياب : هههههه اعصاابج الا ينط لج عرج انا اقوول .. بس ابي اعلمج من هاااي ذياب اللي تحتقريـنه ..
قلت : لا انا اعرف عدل من يكووون ذيااب .. اوسخ واقبح واحد شفته بحيااتي ..
ذياب طالعني بعصبيه : ايه من كثــر اللي تعرفيـهم.. وانا الوحيــد بين الشبااب اللي تعرفينهم طلعج على حقيقتج .. من جي تكرهيني ..
قلت : اي شباب اي خراابيط .. انت تحسب الناس كلهم نفسك ونفس طينتك ..
ذياب : لا الناس مب كلهم نفسـي .. بس انتي اللي نفسـي .. وعلى فكره .. تراني لايق عليج اكثر من راكان .. لان راكان طيب وينقص عليه بســرعه .. اما انتي سووووسه ولاحد يقدر عليـج ..
قلت : ذياااب احترم نفسك احسن لك .. تراني للحين حاشمتك ..
ذياب : لا انا تخرعت بصرااحه .. تخرعت .. بموووووت من الخوف .. " صرخ علي " يعنـــــــي شبتســــــويـــــن ..؟
قلت : بعلم عليك راكان وبخليه هو يتصرف معــاااك ..
ذياب : هــه .. راكان ..؟ تحسبينه بيسويلج شي يعني .. شي طبيعي بيوقف مع اخووه .. والا انتي على بالج الغريب يفرق بينا ..
قلت : اصـلا انت مب صـااحي .. وانا ما عندي استعداد اكلم مينون ..
دزيته وطلعت وسحبــني من يدي ..
ذياب : ايه انتـــــي .. مب تسبيــني وتطلعيــن .. لو انتي قد الكــلام اللي تقولينه جان حطيتي عيــنج في عيــني ..
قلت : انا عمري ما قلت كلام انا مو قده ..
ذيااب : انزين يابنت راشــد .. انا اوريــج ..
صرخت : اعــلى ما في خيــلك اركبــه .. وسو كل اللي تقدر تسويـــه ..
وطلعت من المطبخ بسرعه ورحت الصاله .. لقيت هاجر نايمه .. قعدت على الكرسي وانا القط انفااسي .. ويدي ترجف ..
اتصلت حق راكان ..
راكان : هلا ..
قلت : هااا راكان .. شصار على عمتي ؟
راكان : لا الحمدلله جات سليمه .. الضغط ارتفع عندها شوي ..
قلت : ليـش جي مره وحده ارتفع ..؟
راكان : والله مادري .. يمكن ما كلت دواها .. يلا الحين اخليــج .. بجيج الحيـن ..
قلت : ليش مب تام مع امك ..؟
راكان : لا غيـث بيتم ..
قلت : اوكي عيل .. في امان الله ..
راكان : في امان الكريـم ..
لبست عباتي وعدلت شيلتي ومسكت شنطتي ..
هاجر بكسل : بتروحيــن ..؟
قلت : ايه بعد شوي راكان بيجيني ..
هاجر : شخباار امي ؟
قلت : ركان طمني .. قال ان الضغط ارتفع عندها شوي ..
هاجر : فديتها .. الله يقومها بالسـلامه ..
قلت : آآميــن ..
هاجر : سوري نمت عنج .. بس انا من اصيح انام ..
قلت: لا عادي ..
تمينا ساكتيـن .. وانا انتظـر راكان ..
اوووف تأخر .. باتصل له احسن ..
اتصلت له ما رد .. اتصلت له مره ثانيه سكر الخط ..
يعني اكيد في الطريج ..
هاجر : شفيــج ؟
قلت : ولا شي .. بس انتظر راكان ..
هاجر : انا طرشت مسج حق عبود قلت له اني ببات هنيه ..
قلت : بتباتيـن ؟
هاجر : ايه ابي اشوف امي ..
رن تلفوني شفت المتصل راكان ..
رديـت : هلا ..
راكان : انا عند الباب ..
وسكـر ..
قلت : يـلا حبيبتـي .. اخليـج الحيـن .. راكان عند الباب ..
هاجر : اوكي عيل انا بروح ابدل .. يلا بااي ..
قلت : مع السلامه ..
شليت شنطتي وطلعت .. لقيـت ذياب عند باب الشارع .. قلبي قام يدق بقوه .. حسيت ان ريلي ما تقدر تمشـي .. بس غصبتها ومشيـت .. وركبـت السيـاره ..
قلت : السـلام عليكم ..
راكان : وعليكم السلام ..
وعلى طول مشـى ورحنا البيت .. وطول الوقت ساكتيــن ..
ذياب شيبي كان واقف عند الباب .. ليكون قال حق راكان عن الهوشه .. لا ما اعتقد والا راكان بيهاوشني والا بيكلمني من البدايه ..
وصلنا البيت ونزلنا ..
دخلت الغرفه وبدلت ورحت الصاله ..شفت راكان للحين بثيابه وقاعد في الصاله والتلفزيون مسكـر ..
قلت : ليش ما فتحت التلفزيون ..؟
راكان تم ساكت ..
رحت صوب راكان ومسكت ذراعه : راكان عمتي فيها شي ..
نفض ذراعه عشان اشيل يدي وقام ..
قلت : شصـايـر ؟
راكان تم يطالعني بنظـرات تخـرع ..
قلت : ليـش جي تطالعني ..؟
راكان : من حمــد ؟
صدمني : شــــنووووو ؟
راكان : لا تسوين روحج بريــــــــئه .. حمد منوووووو ؟
قلت : حمد ..؟ انت عن من تتكلم ..
مسك ذراعي وقومني من على الارض ..
راكان :حمد .. حبيب القلب .. والا ذياب نسااج اياه ..
بلعت ريجي وتميت ساكته .,.
راكان صرخ : انطـــــــقــــــي ..
قلت : حمد ماااضـي ..
راكان : انتي كم ماضي عندج .. هااا .. كم مااضي .. وليش ما صارحتيني بماضيــج ..
تميت ساكته واصيــح ..
راكان : لا صيــحيــن .. لا تحسبيــن هالدموووع راح تهديني ..
قلت : انت شفيــــك .. بس ذياب يقول لك اي شي وانت تصدقه ..؟
راكان : لا انا ما صدقته الا لما راواني الدليل ..
بلعت ريجي : شنو الدليل ..؟
راكان : كان مسجل صوووتج وانتي تعترفين له عن قصــتج ..
ما فهمت شي ..
راكان : لا تطااالعيني بنظراات الغبااء .. انتي يوم كنتي تحبين ذياااب .. ما اعترفتي له ان كانت لج علاقه مع ولد جيرانكم حمد ..
صحت ..
راكان : رديييييييي ..
قلت : ايه ..
راكان : طلع ذياب اذكى منج .. سجل كل اللي قلتيه .. وسمعني اياه ..
راكان : انتي مالج امااان .. مالج امـاااان ..
صرخت عليه : انــــــــــت ليــــــش تزوجـــتني ..؟ ليــــــــــــش ؟؟ اذا انت ما تدري ليش انا ادري .. عشان انسيك حبيبتك .. مو هذااا الصــــــج ..
طالعني وكانه مستغرب من الكلام اللي قلته ..
صرخت : لا تطــــــالعنـــــــــــي جــــــــــــــــي .. والا شنو اللي يحدك تتزوج وحده كانت تحب اخووووك ..
راكان قعد: انا ما انكر اني تزوجتج عشان احيي بدور في قلبي بدور .. لان كل ما اشوفج اتذكرها .. شكلج .. صوتج .. ضحكتج .. كل شي فيــج يذكرني فيها .. والسبب الثاني .. عشان اغطي بلوه ذياب اللي كان بيسويها لو ما لحقت عليكم ..
نزلت راسي وانا اصيـح ..
قلت وانا اصيـح : وانا ما انكـر اني حبيـت حمد .. لاني كنت مفتقده هالحب في البيت وفي كل مكان .. لقيت عند حمد هالحب .. بس بعد ما اكتشفت ان حبي له اكثر من حبه لي .. قلبي تنظف منه .. حتى ما فكرت اني اسمع اعتذاراته لي .. لانه ما همني بعد ما نكرني من حياته .. اما ذياب .. قص علي .. وانا اصلا ما حبيته .. بس بغيـت املي وقت فرااغي .. وكل اللي صار فيني .. لان ما عندي حد يوعيني ولا حد يقولي يا ساره هذا صح وهذا خطأ .. انا شاسوي اذا انا تربيت من الزمن .. وخذت درووس منه .. بس درووسه وايد صعبه .. صعبه وتجرح .. انا توقعت الكل بيوقف ضدي وبيحاربني .. الا انت يا راكان .. الا انت .. صـج حمد كان ماضي .. بس انتهى .. اما انت ياراكان ماضيك انتهى وخليته يعيش معاي انا .. بدوووور انتهت وتزوجتني انا عشان تخليني انا بدالها .. انت ياراكان تزوجت بدوووور ما تزوجت سااره ..

رحت الغرفه بسرعه وتميت اصيــح .. يااي يعاتبني عشاان انا كنت احب حمد .. وهالحب انتهى .. بس ما عاتب نفسه .. انا مستحيل اعيــش معاه .. مستحيـــــــــل ..
قمت وخذت الشنطه من فوق الكبت وحطيت ملابسي فيها .. ولبست عباتي وخذت شنطتي وطلعت ..
راكان : ويــن ؟
قلت : بروح بيت اهلي ..
راكان تم ساكت ..
قلت : لان بدور ماتت ..
راكان : انا بوصلج ..
قلت : لا مشكوور .. بقول حق اخوي يوصلني ..
راكان : لا الوقت متأخر .. محد بيكون قاعد ..
يعني قلبه علي ؟
اخذ مني الشنطه وركب السياره .. وانا ركبت ورى وتميت اصيــح ..
وصلني البيت وطول الطريج ساكتين ..
كان باب الحوش مفتوح .. دخلت وطقيت باب الصاله .. وافتحت لي الخدامه .. عطيتها الشنطه والتفت وراي لقيت راكان للحين واقف ..صديت عنه ودخلت .. لقيت امي في الصاله .. رحت لها بسرعه وصحت في حظنها ..
امي : وي ســاره يمه شفيــج ..؟ قوومي قولي شفيــج ؟؟
تميت اصيــح .. شاقول لج يا يمه شاااقوووول ..
امي : سارووه تكلمــي .. شفيــج ؟؟ ليــش تصيــحيــن ..؟
سمعت حس الباب .. ورحت اركض غرفتي .. نطيت على السرير وتميـــت اصيــح ..
يا خسـاره حبي .. ياا خساااره .. وانا كل ما احب شخص يطلع مايستاااهل هالحــب .. محــد يستااهل حبي محــــــد .. وماحسيت بالدنيا ونمت ..

وعيت على شي بارد في راسي .. فتحت عيني بالغصــب لقيـت امي وغايوه فوق راسـي .. وحاطين فوطه بارده على راسي ..
غايوه : ما بغيـتي تقووميــن .. هالكثــر رقااد ..
تميت اطالعها ..
امي : يمه ساره شفيـج ..؟ شصاايـر ..؟ شاللي خلاج امس تدخلين علي جي .. وانا وابوج نتصل في راكان وتلفونه مغلق .. شالسالفه ..؟
نزلت دمعه حاره من زاويه عيني وانا سااكته ..
امي : ساره يمه مب زين اللي تسوينه في نفسج ..
غايوه : ساروه تكلمي .. ترى سكوتج ما راح ينفعج .. المشكله يمكن تنحل .. ترى سكووتج ما بيحلها ..
حذفت الفوطه اللي على راسي وصرخت : طلعووووووووو بررررررررع خلووووووني بروووووحي .. خلوووووني بروووووحي .. ما ابيييييييكم .. ما احبــــكم ..
طلعت غايوه وهي تصيح وامي وراها .. وانا تميت على وضعيتي ..
كل اللي يحب ما رده بيعرف ان محد يقدّر حبه .. ضميت المخده و وتميت اتذكر نفسي شلون اركض ورى اللي احبه واذل نفسي عشان ارضيه .. اتذكر نفسي يوم اضحك وافرح على كذبهم لي .. هم 3 يمكن يكونون وايد ويمكن يكونون شوي .. بس هم علموني درووس ما انساها في حيــاتي ..
قطع حبل افكاري رنه التلفون .. شفت المتصل هاجر .. مارديت وتميت على نفس وضعيتي.. ردت اتصلت مره ومرتيـن ..
رديت بس تميت سااكته ..
هاجر : الووووو ..
ما رديت .......
هاجر : ساارووووووه .. الووووو ..
قلت : شتبيـن ؟
هاجر : هااا .؟
صرخت : شتبيـــــــــــــن .. مب كفااايه اللي سوه خواااانج .. جايه انتي بعد تكملين علي .. هم موصيــــنج ..؟
هاجر : سااروه شفيــج ؟
قلت : لا تمثليــن علي دووور الطيبه .. ولا تسوين عمرج تحبيـني وخايفه علي .. ترى في هالزمن محد يحب الا نفســـه .. وانا بصيــر مثلكم .. لاني يوم استويت غيــر محد تقبلني .. محـــد ..
هاجر صاحت : سااروه شفيــج .. ما توقعت خلافج انتي وراكان بيصيـر جي .. اهدي شوي ..
صرخت : انا هاااااااااااااااديه .. انتي اللي اصحي وطلعي على حقيقتج .. وما ابيــــج تتصليــن على هالرقم .. لا تتصليــــــــــــــــن .. انسيــني ..
وسكرت وحذفت الجوال وتكسر ..
صرخت وانا احذف المخدات: اكرررررررررررررررررركم اكررررررررررهممممم كللللللللكم ..
تميت اصيح بصوت عالي ..انفتح الباب وتخرعت وطحت جنب السرير ..
ابوي جا صوبي : ســاره شفيــج ..
تميت اطالعه وانا اصيــح ..
ابوي : شفيــج شصاايـر ؟؟ راكان سوى فيج شي ..؟ تكلمــي .. اذا لا انتي ولا هو راضيــن تتكلمووون .. حد فيكم يفهمني شصااايـر ..
قلت : ابي اتطلق ..
ابوي فتح عينه : شنـــــــو ؟
صرخت : ابي اتطلــــق ولا حد فيكم يعااااااارض .. انا اعرف مصلحتــي اكثــر منكم .. واخاااف على نفسي اكثــر منكم ..
ابوي : ليـش الطلاق يا ساره ليـش ؟ في بعض المشاكل تنحل .. مو على طول طلاق من اول مشكله .. اذا السالفه جي محد بيتم متزوج .. الكل متطلقين ..
قلت : انت بالذاات المفرووض ما تتكلم ..
ابوي بانت على ملامحه الانصدام والتعجب : شنـــــو ؟؟
وقفت : انت لا تتكلم .. طلقت امي عشان نزووووه .. وتزوجت اللي تبيها وجبت منها عيال وخليتهم في جبد امــي .. وبالاخيـر رجعت لها .. وهي المسكيــنه رجعت لك عشاان عيالهـا .. والحيـن تقول لي المشااكل ما تنحل بالطـلاق .. واذا القلب عااافه .. ما اتطلللق ؟
ابوي : انا غلطت يوم طلقت امج على سبب تافه .. وانا ما ابيج تغلطين نفس غلطتي .. تتطلقين والسبب تافه ...
قلت : انت ما تعرف السبب .. ومو مهم انك تعرفه .. بس اللي ابيك تعرفه انك تكلم راكان وتقووول له يطلقني.. وورقه طلاقي ابيها بكــــــره الصبــح .. واذا ما لقيــتها برفع عليه قضيــه ..
ابوي صرخ : ســــاره اصحــــــــــي .. اصحــي وشوفي نفسج انتي ويــن .. انتي لا تحسبين نفسج قاعده على كرسي العرش وبتتحكمين في الكـل .. هذا القرار مب من حقج تتخذيــنه برووحج .. هذا القرار لازم انتي وياه .. وما فكرتي اذا في بطنج ياهل منه والا لا ..؟
مسكت بطني وطالعت ابوي بصدمه ..
قلت : انا مب حامل ..
ابوي : حللتي ؟
هزيت راسي بمعنى لا ..
ابوي : اذا كنتي حامل يمكن هالولد هو اللي بيربط بينكم .. بس انا ما ابي العيال هي اللي تربط بينكم .. اللي يربط بينكم الحــب ..
صرخت وسديت اذني : لاااااااااا تقوووووووووووول حـــــــب .. لا انا احبه ولا هو يحبــني .. هو يحــب بدوووووووور .. يحبها ومايحبني ..
ابوي : من بدور ؟
قلت : وحده كاااااااان يحبهاااا ومااااتت .. وتزوجني عشاان اكووون بدوور .. ما تزوجني بكوني ساااره ..
ابوي تم ساكت ..
قلت : ما دااافعت عنه اشوووف ؟
ابوي : انا ما اداافع عنه والا ادافع ضده .. انا ما ابيكم تتشتتون .. توكم يهال .. واي كلمه بتزعلكم .. بس انتو فكروا انكم ما راح تعيشنو في هالدنيا الا مره وحده .. ولا تخلون اعداائكم اكثـر من القراب منكم ..
قلت : هالزمــن غداار ..
ابوي : لا لا لا ياساره لا تقولين جي .. ما تقدرين تحكمين على الزمن .. لان اللي مكونين هالزمن البشـر .. وهالبشر احنا .. ااحنا في يدنا نخلي الحياه حلو وفي يدنا نخليها واطيه ودنييه ..
سكت مب مقتنعه بكلام ابوي ..
ابوي : ابيــج الحيــن تفكريــن عدل .. لان راكان ما يتفرط فيه ..
وطلع وانا تميت ساكته وقاعده مكاني .. حسيت بصدااااع ودارت فيني الدنيـا .. يعني اللي سواه راكان شي بسيــط .. عااد ؟
يحاااسبني على ماضيي وما حاسب نفسه .. آآآآآآآه ياربي سااعدني .. انا مالي غيـرك .. الشكوى لغيـرك ياربي مذله ..
دخلت الحمام ابي اتسبح .. تسبحت وطلعت لقيـت تركي قاعد على سريري .. طنشته وتميت امشط شعـري ..
تركي طالعني وانا اطالعه من المنظـره ..
تركي : طــلاق مافـي ..
سكت وتميت امشط شعـري ..
تركي : تسمعيــني والا مطنشتني ..؟
قلت : مطنشتك ..
تركي : طنشي على كيفج .. بس ما بتتطلقيــن ..
صرخت عليه : وانــــــــت شــدخـــلك .. انـا ابي الطـلاق ومب انت اللي بتوقف في طريقي ..
تركي : لا حبيـــبتــي بوقــف في طــريــقج .. لانج بقــره وما تعرفيــن مصلحتــج ..
صرخت : لا تغلـــط ولا تتدخل في حيااتي الشخصيـه ..
تركي : لا بتدخل .. اذا شفتج نفس باقي الحريم مب متدخل ..
قلت : وانـا شفيــني غيــر عنهم يعني .؟
تركي : من خلاااف بسيـط واول وااحد بعد تبين الطـلاق .. انا اشهد انج مب صااحيـه ..
قلت : ايه انا مب صااحيـه .. انا ميــنووونه .. شلون تبون ولد عمتكم يرتبط في ميـنووونه .. شلوووووون .؟
تركي قام ومسكني من ثيابي : ساااروه شوووفي .. انتي ما تكلمين راكان الحيــن ..ولا تكلميـن ابووي .. انتي تكلميــني انا .. وانتي تعرفيـن ان هالاسلووب يستفزني .. تكلمي عدل لا يجيج شي ما يعجبج ..
قلت : لا يعجبـــني .. سو اللي تبيه .. بس بتطلق ..
مد يده وعطاني سطـاار .. ومن قوته كنت بطيح .. بس وقفت في ويهه وطالعته بنظـره احتقاار .. وطلع ..
صرخت عشان يسمعني : انــــــــت اصــلا لو ريـــــال ما مــديــــــــت يـــدك على حـــــرمه .. يالحقيـــــــــــــــر ..
يا وفتح الباب بقوه .. رجعت على ورى خطوتيـن .. ويات مشاعل وراه ..
مشاعل ماسكته من يده : لا تــركــي خلها .. خلـهـا كيفـها ..
تركي : لا شـنوووو كيفـها .. خليني بأدبها ..
مشاعل : لا تركي خلها .. حراام عليـك ..
تركي تنهد وراح .. وياتني مشاعل .. ومسكتي من كتفـي ..
مشاعل : شفيـج حبيبتي .. اهدي ترى الدنيا ما تسوى ..
قلت : بهاااي صدقتي .. الدنيـا ما تسوى ..
مشاعل : ويهج اصـفر .. روحي كلي لج شـي .. مب زين اللي تسوينه بروحج ..
انسدحت على السرير وصحت ..
مشاعل : مهما يكون الخلاف اللي بينج وبين زوجج ما توصل للطلاق يا حبيبتي .. ياما انا وتركي نتهاوش .. ونختلف في اشياء وايد .. لكن ما طلبت الطلاق .. ولا فكرت اني اتطلق منه .. وترى محد عانا وجرب الم الوحده كثـري .. انتي فكري فيها .. وبتلاقـين ان سبب الخلاف اللي بينكم تافه ..
قلت وانا اصيـح : تــافه ..؟ انتي جربتي ان زوجج يعترف لج بلسانه ان هو متزوجج عشان يتذكر حبيبته الميته .. تحسبيـنها هيــنه يا مشاااعل .. هيـــنه ؟؟
مشاعل تمت ساكته ..
قلت : طبعا مو هينه .. شلووون ترضينها على نفســج ؟؟
مشاعل : لا هينه حبيبتـي .. اذا هااي المشكله هينه ..
قلت : هيـــــنه ؟
مشاعل : ايه تهون .. اذا تركي اعترف لي انه تزوجني عشان يتذكر فيني حبيبته السابقه وهي اصلا ميته .. بحاول قد ما اقدر اخليه يحب مشاعل .. خليه انتي يحب سااره .. حاولي تخلينه يحبج بطيبتج .. وبضحكتج .. بسوالفج انتي .. مب هي ..
قلت : انا مب مجبووره فيه .. دام انه بغاها هي .. خله يعيش وياها في الاحــلام ..
مشاعل : لا تستسلميــن ..
قلت : انا ما اركــض ورااه .. هو ما يبيني وانا ما ابيه ..
مشاعل : شدرااج انه ما يبيـج ..؟
قلت : لو يبيـني ما اعترف لي باللي في راسه ..
مشاعل : هو لو ما يبيـج جان طلقج .. ما خلاج عنده ..
قلت : خلااااااص مشاعل عورتــي رااسي .. خليني بروحي ..
مشاعل : اوكي حبيبتي .. انا آسفه ..
وطلعت .. تميت منسدحه على السرير .. وشفت الساعه كانت 3 ونص .. خذت جوالي اللي على الارض وركبته في بعض وشغلته ..
شفت مسج .. فتحته وكان من هاجر ..
" سـاره حبيبتي .. لا تدخليني في الخلاف اللي بينج وبين راكان .. انا ادري ان راكان غلطان ومافي يدي اسوي شي .. ارجووج ردي علي " طنشتها وحطيت جوالي عند راسي وانسدحت على السرير وتميت العب في شعري المبلل وسرحت .. مادري ليش الكل يعتبـرني انا الغلطــانه .. ليش راكان ما يغلط .. ليـش كلهم ضدي وواقفين معاه .. هل انا تفكيـري غلط وما معاي حق ازعل .. والا هم عشان ما يدرون باللي صار ويعتبرون السبب سخيف .. يااربي شااسوي ..؟
انطق الباب ..
قلت : الباب مفتووح ..
دخل خالي ووراه لطوف ..
رحت بسـرعه سلم على خالي وضميت لطوف وتميت اصيــح ..
لطوف : ويه سااروه شفيــج ..؟ ههههه هالكثـر وحشتـج ..؟
خالي : يـلا ساره عاد لا تقلبينها مناحه .. احنا ياين نفرحج الحيـن ..
مسحت دموعي : تفرحووني .؟
لطوف : ايه حبيبتي .. نفرحج ..
قلت : الله يستـر ..
خالي : ههههههههههههههه والله انتي حالتج كسيفه .. الحين بقول لج خبر زين تقولين الله يستر ..
لطوف : سااروه انا حـااامل .. بيصيـر عندج ولد خال ..
صرخت : صــــــــــــــــج ؟؟
لطوف : ايه هههههههههه ..
ضميـتها : الف مبرووك حبيبتـي ..
لطوف : الله يبارك فيـج والفال لج ..
قلت : لا ان شالله ..
خالي : هــا ؟
قلت : مابي منه عيال .. كنت قبل اتمناهم .. الحين لا ..
لطوف : ليـش شصاايـر ؟
قلت : ما ابيه لا هو ولا عياله ..
خالي : انتي تتكلميـن عن راكان والا غيـره ؟؟
قلت : امبلا هو بعيـنه .. " رحت سريري وقعدت" ومن بيكون غيـره ..
خالي : ليـش ؟؟ توكم شزيـنكم .. من اللي نضلكم ؟
قلت : محد نظلنا .. الحقيقه وبانت ..
خالي : اي حقيقه واي خراابيــط .. انتي من صجج قاعده تتكلميـن .؟
قلت : وهاااي سالفه حد يتغشمــر فيها ..
خالي طالعني منصدم من الكلام اللي اقوله .. وطلع برع ..
لطوف طالعته وياتني : سااروه شصاايـر .,.؟ شفيـج هبيتي على مشاري جي ..
قلت : انا ما هبيت على حد ..هو اللي سألني وانا جاوبته .. وابيـج لطوف تكلمين هاجر وتخلينها تكلم راكان عشان يطلقني .. انا ما ابي اكلم حد من صوبهم ..
لطوف شهقت : شـــــنوووووووو ؟؟ تتطلقيــن ..
حسيت بصدااع قلت : ايه ايه اتطلق .. انا مب اخر ولا اول وحده تتطلق ..
لطوف : ليــش تتطلقيـــن .. شالسالفه .. متزوج عليــج ؟؟ شمسووووي ؟
قلت : تقدرين تقولين جي ..
لطوف : سااروه لا تكلميـني بالالغاااز .. تكلمي عدل ..
قلت : لطوووف انا مب متفيجه لج .. رااسي يعورني ومالي نفس حد ..
لطوف : قووومي نزلي الصاله .. امشــي ..
قلت : مابي .. بنزل وكلهم بيعطووني محاضراات مالها اول ولا تالي ..
لطوف : لا محد بيعطيج محاضرات صدقيني .. تلاقينهم كلهم ينتظرونج ..
تنهدت : ببدل وبنزل ..
لطوف : بنتظرج انا هنيه ..
فتحت كبتي وما كان لي خاطر انزل كلش .. خذت لي جلابيه بنفسجيه فااتحه وعليها ورود كبيـره وفي الورود شـك .. رفعت شعري بكليب وتم شوي من شعري طايح .. ورنزلت مع لطوف ..
لطوف : انت من متى هنيه ..
قلت : من امس ..
لطوف : ما كلمتي راكان ..
طالعتها بنظـره حسستها بمدى سخافة سؤالها .. ابتسمت وصدت ..
لقيت ابوي وخالي وامي واليهال في الصاله ..
ابوي : هــلا ببنيتي هلا ..
ابتسمت مجبوره له وقعدت جنبه ..
ابوي : ما بغيتي تنزليـن ..
سكت وتميت اطالع التلفزيون ..
امي : للحيـن راسـج ما لاااان ..
طالعتها وصديت ..
امي : مادري من اكلم انا ..
قمت ورحت غرفتي بسـرعه وقفلت على روحي الباب .. ورحت عند الدريشه وانا كاتمه صيحتي .. بســي صيااح بسـي .. كفايه اليوم صحت واايد .. يااربي ليـش محد يفهمني .. ليــش .. كلهم يحسبوني انا الغلطااانه .. كلهم يستصغرووون مشاعري .. ليش محد فااهمني ياربي ..
قطع افكاري رنه جوالي .. رحت اشوف من وانصدمت بالمتصــل .. معقوووله راكان بيتصل فيني ..؟ شيـــــــبي .. ليكــوووون بيطلقـــــني ..

الجــــــ 24 ـــــزء

رحت صوب التلفون وانا ارجف .. ما اعرف ارد والا اطنش .. توني برد الا سكـر .. حمدت ربي ورجعت مكاني جنب الدريشـه .. ورد اتصل وردت دقات قلبي تزيد .. سألت نفسـي .. انا للحين احبه والا قلبي غسله .. رديت ..
رديـت : ......
راكان : الوووو ..
سكت ..
راكان : الووو ساره ..
تميت ساكته ..
راكان : سااره ردي علي .. الوووووووو ..
سكرت التلفووون وتميت اصيـح .. وحشــني صووتك .. وحشتني ضحكتك .. وحشتني يلستك .. وحشـــتني ..
رحت وحضنت المخده وتميت اصيــح ..

تميـت على هالحـالله سبووع .. ما اطلع من غرفتي الا نادر .. الكل عيز معاي وانا معانده وراكبه راسـي .. حتى راكان يتصل فيني وانا ما ارد ..

ياني مســج وفتحته بـسـرعه وكان من نور ..
" لا تنـــسووون ملجتي بكره .. بحضوركم تكتمل فرحتي فديتكم "ابتسمت .. فرحت لها من قلبي والله .. عسى ان شالله يكون حظها احسن من حظي .. انا مالي حظ في هالدنيا ووين ما اطقها عويا ..
تربعت بوسط السرير وجابلت الطوفه .. حسيت بلوعه و انسدحت ونمت ..
وعيت على طق الباب ..
صرخت : منـووووووووو ؟
ابوي : فتحـــي ..
قمت بكســل وفتحت الباب ..
ابوي : يـلا عشـا .. ليكون كنتي نايمه من مسااعه ..
قلت : ايه ..
ابوي : انزين يلا نزلي تعشـي ..
دخلت الغرفه : مابي ..
ابوي : شلون ما تبيـن .. لاغدا ولا عشـا ..
قلت : مابي وخلاص ..
ابوي طالعني بحزن وطلع ..
سكرت الباب من وراه وقفلته وسكرت الليت وسكرت المكيف وفتحت الدريشه وانسحدت .. حسيـت بخوووف وبالوحده .. نزلت كم دمعه ونمت ..

قمت لاني حسيـت بتعـب .. ظهري يعورني وجسمي كله متكسـر ..
دخلت الحمام واغتسلت ولبست بيجامتي وشفت الساعه كانت 12 الظهـر .. توضيت وصليت ونزلت ..
لقيت امي وتركي ومشاعل في الصاله .. وتركي ومشاعل كانوا لابسـين ثياب طلعه ..
قلت : السلام عليكم ..
كلهم : وعليكم السلام ..
قعدت .. وعم الهدوووء في الصاله .. شوي ويجي ابوي من برع ..
ابوي : السلام عليكم ..
كلنا : وعليكم السلام ..
راح غرفته على طول ..
تركي : يلا مشاعل ..
امي : وين ..؟
تركي : المستشفـى ..
امي : ليـش ؟
تركي : مشاعل عندها موعد مال الحمل شفيـج يمه مسرع نسيتي ..
امي : والله متدودهه ..
تركي : انزين لا تنتظـرونا على الغدا .. انا ومشاعل بنتغدى برع ..
امي : على راحتكم ..
تركي : يلا في امان الله ..
امي : في حفظه ..
وطلعوا ..
امي : اليوم ملجه نور ..
قلت: ادري ..
امي : يعني جهزي روحج ..
سكـت ..
نزل ابوي ..
ابوي :يـــلا يــلا غداا .. تراني يووعاااان ..
امي قامت : يلا امشوا ..
قلت : انا ما ابي ..
سحبني ابوي ودخلني المطبخ ..
ابوي : مب على كيفج .. بتمووتين انتي ..
قلت : يبه مب مشتهيه ..
ابوي : انتي بتشوفين الاكل بتنفتح نفسـج ..
تغديتنا وانا حطيت لي شوي وكلت .. ورحت غرفتي لقيت مكالمه من هاجر .. تشاورت اتصل لها والا لا .. اتصلت ..
هاجر : هلا والله هلا سااروه ..
قلت : اهليـن ..
هاجر : شخباارج ..؟
قلت : نفس امس ..
هاجر : هونيها وتهون .. مافي شي يستاهل زعلج يابنت الخال ..
تنهدت ..
هاجر : ترى كلمتني لطوف ..
قلت : انزين ..
هاجر : وقالت لي انج تبين الطـلاق ..
قلت : ايه ابي الطلاق .. وقولي حق راكان ..
هاجر : قلت له ..
قلبي وقف : وشقال ؟
هاجر : حسيت انه انصدم وبس تم ساكت ..
سكت ..
هاجر : ليش تبين الصلاق ساروه ؟
قلت : اسباب خاصه ..
هاجر : ساروه من متى صار بيني وبينج سبب خاص .. احنا مفضوحين عند بعض ..
قلت : يا هاجر هو ما تزوجني انا ..
هاجر : شنـــووو ؟
قلت : ما تزوجني انا .. وخلاااص ..
هاجر : ساروه بعد ما يصير تخليني متعلقه .. شلون ما تزوجج وتبين منه الطلاق الحيــن ..
قلت : هو تزوجني .. بس ما تزوج ساره بنت راشـد .. هو تزوج وحده ثانيه كان يحبها .. وعشان ماتت وما قدر يتزوجها .. تزوجني انا عشان يكمل حبه .. هجوور هاي شتسميــنه ؟
هاجر : انتي من قال لج هالكلام ..
قلت : هو بنفسه ..
هاجر : معقووووووله ..
قلت : لا تستبعدين شي عن اي احد ..
هاجر : لا ساروه لا تتشائمين ..
قلت : انا مب متشائمه .. الا شفت الدنيا على حقيقتها .. انا احسـب الدنيا مثل امي !! ازعلها وتراضيني .. بس طلعت غيــر يا هجوور غيـــر .. ما توقعت انها بتنكــبني ..
هاجر : ساروه انا ابي ايج ..
قلت : وين تجيني ..؟
هاجر : ابي اجي البيـت ..
قلت : ليـش ؟
هاجر : ما يصيـر اجي ..
قلت: امبـلا حيـاج ..
هاجر : يلا الحين انا يايه ..
سكرت من عندها واستغربت منها .. شتبي فيني بتيني الحين ..
حذفت الجوال على السرير ونزلت ..
قلت : وين ابوي ؟
امي : نايم ..
قعدت وحاطه ريل على ريل واهزها ومتضاايقه حتى من نفســي .. وامي ماسكه كتاب وتقـرى فيه .. والتلفزيون مسكـر .. واليهال نصهم نايمين ونصهم يدرسون .. وانا قاعده واهز ريلي ..
تنهدت : اووووووف ممليــــن ..
امي : قومي سوي لج مهره ..
قلت : شاسوي يعني ؟
امي : روحي قري قران عشان ترتاح نفسيتج ..
رحت الغرفه وريولي تضرب الارض بقوه .. وسمعت امي
تقول : الله يهديــــج ..
دخلت الغرفه ولبست جينز وبدي احمر نك ويد طويله ..و شفت تلفوني يرن ..
رديـت : هاا ..
هاجر : شنو هااا بعد .. المهم .. فتحي الباب ..
قلت : مسـرع وصلتي ..
هاجر : ايه في قلبي حره عليـج لازم اوصل بسـرعه .. فتحي الباب بسـرعه ..
قلت : زيــن ..
نزلت تحت وفتحت باب الصاله ..
امي : وين ؟
قلت : هجور برع ..
وطلعت وفتحت لها الباب وشفت سياره راكان واقفه .. انصب قلبي .. تروعت .. لزقت في الباب ..
دخلت هاجر..
هاجر : الســلام عليـكم ..
قلت: وعليكم السلام ..
سلمت علي ..
هاجر : شخباارج ..؟
قلت : دخلي داخل .. يعني بنسولف عند الباب ..
هاجر : يلا ..
دخلتها الميلس ..
هاجر : شسالفه راكان ..؟
قلت : ما سألتيـه ؟
هاجر : سألته لكن ما جاوبنـي ..
قلت : كل السالفه هي اللي قلتها لج في التلفون ..
هاجر : مب هاي كله السالفه ..
قلت : عيـل ؟
هاجر : ساروه راكان يحبـج ..
قلت : ما يحبـني ..
هاجر : والله يحبـج ..
قلت : يمكن يحبـني .. عشان خليته يعيـش احلامه شوي معاي على اساس اني حبيبته ..
هاجر : ساروه لا تقولين حبيبته .. هاي يمكن كان معجب فيها .. او حب مراهقه .. الحين كل اللي في باله انتي ..
قلت : هه .. معجب فيها .. وحب مراهقه .. ليــش الاعجاب والا حب المراهقه يتم كم سـنه ؟ معقووله من الثانويه ليــــن الحيـن .. لين ما كبـر وصاار محامي عووود ..
هاجر : انزين دام انج تدرين انه كان يحب وحده وتدرين بالسالفه كلها .. ليـش تزوجتـيه ..
صدمني سؤالها .. وتميت ساكته ..
هاجر : ليش ما ترديـن ..؟ ليـش تزوجتيــه ؟
قلت : انا وايد ترددت قبل لا اقرر اني موافقه عليه والا لا .. بس الكل قاام يمدحه ويمدح لي اخلاقه .. وانا اعرف راكان غيـر عن ذياب واعرفه بطيبته .. وقلت يمكن نسى بدور .. قلت اصلا اكيــد نساها .. لو ما نساها ما تقدم لي وخطبني .. بس ما توقعت اني انا الوسيله اللي بربط بينه وبينها ..
هاجر : انزين يمكن راكان يوم تزوجج كان يبي بدور .. بس يمكن الحيـن يبيج انتـــي ..
قلت : انتي بنفسج قلتي يمكن .. راكان ثبت لي انه ما يحبني وللحيـن يحبها .. وقال لي بكل قوات عين .. ما انكر اني تزوجتج عشان احيي بدور في قلبي بدور .. لان كل ما اشوفج اتذكرها .. شكلج .. صوتج .. ضحكتج .. كل شي فيــج يذكرني فيها .. والسبب الثاني .. عشان اغطي بلوه ذياب اللي كان بيسويها لو ما لحقت عليكم ..
صحت : يعني ما تزوجني عشاني انا .. عشــان نفســه وعشاان اخوه .. انا شذنبــي يا هاجر شذنبـي ..
غطيت ويهي بيدي وتميت اصيـح .. ياتني هاجر وضمتـني ..
هاجر : خلاص حبيبتي .. لا تصيحيـن ..
قلت : والله اني تعبت وانا اصيـح .. تعبت وانا اتضايق .. خلاص الحياه ملت مني ..
هاجر : لا ساروه لا تقولين جي .. انتي ما حاولتي انج تتكلميـن معاه وتتفاهميـن ..
قلت : كفايه اللي قاله ..
هاجر : يمكن هاللي قاله كله من الغضب .. انتي حاولي تكلمينه وتتفاهميـن معاه ..
تميت ساكته افكر في كلامها ..
هاجر : تدرين من يايبني ..
قلت : راكان ..
هاجر : شدرااااج ؟
قلت : شفت سيارته يوم فتحت لج الباب ..
هاجر : وماحن قلبج عليه .. هو موصلني عشان اصلح بينكم ..
كابرت : لا ..
هاجر : انزين هو يبي يدخل الحيـن ..
قحصت من مكاني : لا ما يدخل ..
هاجر قامت : شفيـج ؟
قلت : ما ابي اشوفه ..
جاني مسج صرقعني .. فتحت وكان من راكان ..
" محدن سأل عني ولا قال وش فيه ..
محدن دري عن علتي وش جرالي .."

قريت المسج اكثـر من مره وانا واقفه ..
هاجر : شفيـج ..؟
قعدت : مافيني شـي ..
وطرشت له ..
" كان الخطا في عالمك شي عادي ..
ماني من لاجرحته ضحك لك .. "هاجر : شتسويـن ؟
قلت : اطرش مسـج حق اخوج ..
هاجر : اي واحد ؟
قلت : يعني من بيكووون غيـر راكان ..
هاجر نقزت صوبي بابتسامه : شطرشتيله ؟
رويتها الجوال ..
شهقت : ليـــــــش ؟
قلت: وانتي شتتوقعيني اطرش له ..؟
وانفتح علينا باب الميلس .. وانا وهاجر شهقـنا ولزقنا في بعض ..
كان واقف عند الباب .. كان لابس بدله .. وشعره منكوش .. وحالته حاله ..
هاجر : راكـــاااااان ؟
لزقت ورى هاجر وقلبي يرقع ..
راكان يصارخ : انتـــــي من فااكره نفســـج ؟؟ منوووووووو ؟؟
تميت اطالعه بنظـره خوف .. اما هاجر كانت واقفه منصدمه ..
راكان : مااا ترديــن ؟؟
قلت : انا ما ابيـــك خلاااااص رووووح ..
راكان : هو على كيــفج .. انا ترى بأمكاااني اخذج من بيت اهلج غصب عنج تسمعيــــن .. بس انا مخليـج قلت يمكن تعقل وتفكــر .. بس مافي فااايده .. ما عندج عقل ولا عندج احسـاااااس ..
قلت : لا تغللللللللط .. احترمني نفس ما انا محترمتك ..
راكان : اي احتراام يا ام الاحتراام .. لو انتي محترمه نفسج جان رديتي لي من ثاني يوم .. شلون ترضينها على نفسـج وتمين هالكثـر في بيت ابووج ..
قلت : انت قلتها .. قاعده فــي بيــت ابوووي مب في الشارع ..
راكان : بـس عندج زووج ..
قلت : وانا ما ابيه ..
هاجر : اهدووو شفيــكم جي شبيتو .. كل شي بالتفااهم ينحل ..
راكان أشر علي : الا هــذي .. ما ينفع معاها الا القوه .. وعلى قوله المثل .. اللي ما تجيبه عصا موسى .. تجيبه عصا فرعون ..
قلت : يعني شبتسوووي .. بتاخذني الغصــب ..؟
راكان : ايه باخذج بالغصــب ..
قلت : هـه .. يلا جان تقدر ..
يا صوبي وسحبني من يدي ..
صرخت : يمـااااااااه ..
راكان : لا تصارخيــن ..
امي فتحت الباب : شصاايـر ..


ها ابــي توقعاتــكم ؟؟ شتعتقدون راكان بيسوي في سارة ؟؟؟؟؟؟
لا تحرمووني ردودكم .. ^.^