|
شبيه الريح وش باقي من الالام والتجريح.. وش باقي من الاحلام.. وش باقي من الاوهام.. غير اني ألاقي في هجيرك فيّ.. وألاقي في ظلامك ضيّ.. وأوقد شمعتي في الريح.. شبيه الريح.. ********************* شبيه الريح انا ما اقدر اكدر صفوك العاصف.. شبيه الريح انا من لي سوى احساسك الجارف.. بقايا زيف اشواقي .. سما أمطار أحداقي.. شبيه الريح وش باقي.. ابي اعرف متى تسكن رياحك.. وابي اعرف غرورك هو متى يطلق سراحك.. وابي اعرف متى تعصف، ومتى تعطف، متى تنزف جراحك.. وابي اعرف اذا باقي في بحرك موج اكسر فيه مجدافي.. وابي اعرف اذا باقي في همك هم ما شالته اكتافي.. وابي اعرف اذا باقي في هالدنيا حزن ما مرني واستوطن اطرافي.. بقايا زيف اشواقي .. سما أمطار أحداقي.. شبيه الريح وش باقي.. ****************** سنيني يم، وقلبي المركب المتعب وانت الريح.. مجاديفي عذاب وهم، وزاد الوجد والتبريح.. وصبري صبر بحارة بغو في اليم محارة.. غشاهم موج كان من الغضب اغضب.. وكانوا للهلاك اقرب، لولا كثروا التسبيح.. ****************** حبيبي الأصدق الأكذب.. تعبت اوصل شواطئ طبعك الأعذب.. تعبت اجمع الم كل الموادع في الموانئ واحضن اطيافك.. تعبت السهد في ليل الشوارع والثواني تنطر مصابك.. تعبت الظلم واجحافك.. بقايا زيف اشواقي.. سما أمطار أحداقي.. شبيه الريح وش باقي.. |
يا ليل خبرني عن أمر المعاناة*** هي من صميم الذات ولا أجنبية هي هاجس يسهر عيـونـي و لا بات*** أو خفقة تجمح في قلبي عصـية هي صرخة تـمردت فوق الأصـــوات*** أو ونة وسـط الضمايـر خفـية أو عبرة تعـلـقت بـيــن نظرات*** أو الدموع اللي تسابق هميـة أعاني الساعة و أعاني مسافـات*** و أعاني رياح الزمان العتية و أصور معاناتي حـروف وأبيـات*** يلقى بها راعي الولع جاذبية و لاني بندمان على كـل ما فـات*** أخذت من حلو الزمان و رديـه هذي حياتي عشتها كيف مـا جـات*** آخذ من أيامي و أرد العطيـة |
أقــرب الـنــاس .. إنت يا نـظـر عيني و أبـعـد النـاس إنت و إنت في عيني. منـك أحـلى محبة,عــاشــهـا قـلـبـي, و منك جرح الهوى,يـامـا تـلاعــب بـي. أقرب الناس إنـت, وأبعد النـاس, إنت... لا تساوم فـي حبي, تـكـفى إعفــيـنـي, حـبـنـي بالوفا , و بكـل مـا فيـنـي. ولا تـكـفى دخيلك, جــود و إحـميـنـي, منك ومن جور حبك, يكـفي مـا فيـنــي... خل عنك التعالي و,إتــركــك مــنــه, ما يفيد الغـرور ,اللي مـعـاه مـنـة. من عـشـق مـا جرح, خـلـه و لا سـابـه, و من تغلـى تـخلى, عـنـه أحــبـابـه... ما تهمك حـيـاتـي,بـكـل مـا فـيـهـا, إنت هـمـك حيـاتي,كـيــف تـوفـيـهـا. المشـاعـر تحـبـك,و إنـت نـاسـيـهـا, و الأمور الصغـيرة,كـم أقـاســيــهـا... |
أنا حبيبي بسمته تخجل الضي يكسف سنا بدر الدجى من جبينه راعي العيون الناعسة رمشها فيّ لا سلهمت ذاب الهوى من حنينه له نظرة لا هي سراب ولا ميّ راعي الهوى تفنى وراها سنينه نور الصبايا بسمة الدار والحي نوره على شمس الضحى مستبينه دامه معي كل القرايب فأنا حيّ بالروح أضمه يوم قلبي ضنينه يا صاحبي لا تنشد الروح عن شيّ أنا حبيبي نور كل المدينة |
إختـلفنا مين يــحــب الــثـــانـــي أكــثــر, و إتـفــقـــنــا إنـك أكــثــر و آنـا أكـثـر, من عدد رمـل الصحــاري و من المطر أكثر و أكثر. كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح, عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... هنني ياللي جميعـي لـك هنا,حطـني بـآخـر مـداي, طيرك اللي ما يبي غيرك أنا,ضمــنــي إنـت فضاي. صــدق إنـي فـيـك مــغــرم, فـيك مـغـرم فـيـك, و الـحياة إيـش الـحـيــاة, إلا مـشاهـد ناظريك. يــا نـهـار لـو تـغـيــب الــشــمــس واضـــح, كـيــف نـخــفـي حـبــنـا و الــشــوق فـاضــح, و في مـلامـحـنـا مـن اللـهـفـة مـلامح عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... يمك دروبي و كل الناس يـدروا بـي و أنــا أدري, كل قلب له حبيبــه و إنــت مـحـبـوبـي و تـدري, من عيونك صـعـب تسـرقـني سـواليــف البــشـــر, و أنـا النـظــر و إنــت لـعـيــوني النــظــر, و الـهـيـام اللي سـكـن فـيـنا تـعـدانا و كبر, صــــار مــــثـــل الـــريـــح جــــامـــــح, كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... |
| الساعة الآن 12:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir