الجزء 116 :

طلعت موزة توعي امها وابوها , وهم ماخذين سويت حجرة امها و ابوها , وحجرة سلامة وموزة ,
اما خليفة فكان ماخذ حجرة عدالهم, راحو يصلون ردو الساعة خمس ونص وردو يرقدون لين الساعة 9,30.



موزة: أنايوعانة.



سلامة: حتى انا.



موزة: اكيد بتكونين يوعانة امس ما طعتي تتعشين.



سلامة: ما كان لي خاطر.



موزة: اوكي انا بسبقج وبطلع عندهم.



سلامة: اوكي انا بلحقج بعد ما اخلص أمشط هذي الكشة.



موزة تبتسم: شفتي فايدة الشعرالقصير.



سلامة: هيه والله هذا أحلى شي فالشعر القصير , بسرعة يتمشط.



طلعت موزة وبعد عشر دقايق طلعت سلامة ولقتهم كلهم قاعدين يتريقون.



سلامة: السلام عليكم.



الكل: وعليكم السلام.



سلمت على خالتها وخالها وقعدت عدال خليفة.



سلامة: صباح الخير.



خليفة: صباح النور.



صبلها جاي .



سلامة:مشكور.



بوعبدالله: بنتي ليش ماتاكلين؟.



سلامة: الحين باكل.



لف خليفة عليها: كلي انتي من امس مب ماكله شي.



ابتسمت سلامة , وقعدو يسولفون وعلى الساعة 12 راحوالحرم وعلى الساعة 1 ردو الفندق.



خليفة: روحو انتو فوق وأنا بخذ غدى وبيي



راحو فوق وخليفة ياب الغدى وبعد الغدى قاموبوعبدالله وام عبدالله يرتاحون لين اذانالعصر.



خليفة: وانا بعد بروح ارقد لين ماياذن.



موزة: لا تروح حجرتك ارقد فحجرتنا.



خليفة: لا بسيرحجرتي.



سلامة: صدقها ارقد فحجرتنا.



خليفة: وانتن ما تبن ترتاحن.



موزة: لا نحن بنقعد نسولف فالصالة.



خليفة: اوكي خلاص وعوني قبل لا ياذن انزين.



سلامة+موزة: إن شاءالله.



راح خليفة حجرتهن يرقد



موزة: سلامي كم جزء قريتي والا ما تقرين بالأجزاء.



سلامة: قريت ست أجزاء من الجزء الاول لين السادس وببدأ فالسابع إن شاء الله.



موزة بفرح: حتى انا ببدأ بالسابع.



سلامة: عيل شورايج نختم القرآن فهذي الأيام.



موزة: موافقة بس شورايج يكون على شكل تحدي منو يختم القرآن قبل؟.



سلامة: موافقة , واحسن نبدأ من الحين مادام ما عدناشغل.



موزة: اوكي بس المصاحف فالحجرة وخليفة راقد.



سلامة: عادي دخلي وييبيهن.



موزة: والله ما بدخل عليه وهو راقد انتي دخلي تراه ريلج.



سلامة: انزين لاتحشريني.



قامت سلامة ودخلت الحجرة بشوي شوي ما تبى توعيه وسارت صوب المصاحف.



خليفة:اشتقتيلي؟



سلامة تروعت: بسم الله انت مارقدت؟.



خليفة: كنت على وشك بس انتي دخلتي.



سلامة: اسفة , اريد اخذ اغراضنا عشان نكون جاهزات.



خليفة: انزين خذينهن بس لاتنسين توعيني.



سلامة: إن شاء الله مابنسى.



وطلعت.



موزة:تأخرتي.



سلامة: تراه كان بعده مب راقد.



وقعدن يقرن وحاطات المنبه عدالهن , ورن المنبه ووقفن قراية.



موزة: وعي خليفة وانا بدق الباب على امي وابوي.



دخلت سلامة الحجرة عند خليفة.



سلامة بهدوء: خليفة .... خليفة .... خليفة قوم –وقعدت عداله ع الشبرية – خليفة –
فتح خليفة عيونه يطالعها وهي نزلت عيونها برتباك – الحين بياذن.



قام خليفة و هي وقفت تقرب منها وحبها ع راسها وطلع رايح حجرته وهي انحرجت و حمدت ربها ان طلع , وراحو يصلون ,,
وعلى الساعة 10,30سلامة و موزة قاعدات فالحرم و يقرن قرآن و خليفة قاعد يرمس ابوه وامه وعلى الساعة 11 ردو الفندق عشان يرقدون.



موزة: زين لو كل يوم الساعة 10 فليل نقعد فالحرم شرات اليوم نصلي ركعتين ونقعد نقرى قرآن أو نرمس مع بعض صراحة اليلسة لاتعوض.



سلامة: صدق لا تعوض , بس أحسن لو نرقد عشان نقوم لصلاة الصبح تراهم معتمدين علينا.



موزة: تصبحين على خير.



سلامة: وانتي من أهله.



وبالباجر الساعة 2,25 فالامارات , مريم قاعدة فالحجرة وحاسة بملل فظيع ورن تلفونها.



مريم: الو.



سيف: بطلي الباب لوسمحتي.



مريم: ان شاءالله.



فتحت مريم الباب.



سيف: السلام عليكم.



مريم: وعليكم السلام ورحمة الله وبركاته.



سيف: شحالج؟.



مريم: الحمدلله بخير بس يوعانة.



سيف مبتسم: بدخل اتسبح وبصلي وبنتريا غانم تقدرين تتحملين؟.



مريم: هيه اقدر.



ابتسملها وراح يتسبح وبعد عشر دقايق دخل غانم سلم عليها وراح يتسبح ويصلي ومريم راحت ترتب الغدى ,
وعقب تغدو كل حد راح حجرته يرتاح.



سيف: انا برقد لا تصدعين راسي.



مريم: انزين ارقد انابطلع.



سيف: وين بتروحين؟.



مريم: بروح اطالع التلفزيون فالصاله.



سيف: اوكي.



مريم: بوعيك قبل لا ياذن ان شاءالله.



سيف: ان شاءالله.



طلعت و سكرت الباب وراها وبغت تروح الصالة بس وقفت جدام باب حجرة محمد و الفضول ذابحنها تبى تشوف حجرته
وبدون اي تردد فتحت الباب ودخلت وسيف سمع الباب ينفتح وعرف انها دخلت حجرة محمد ,
مريم من شافت الحجرة مااستغربت من شي الحجرة كانت تعكس شخصية محمد و ذوقه , الحجرة كانت انيقة ومرتبة وهي أحلى حجرة فالشقة .



مريم تبتسم: صدق ان ذوقه رفيع و بعد وايد حلو وبسيط.



وقفت تشوف الصور , حاط صورة لأمه وأبوه , وصورة لروضة وخالد , وصورة جامعة العايلة كلها يوم كانو فصلاله ,
وقبل لا تطلع لفت انتباها برواز على الطاولة اللي عدال الشبرية , تقربت وشافت الصورة وتجمعن الدموع فعيونها يهددونها بنزول ,
وهذي الصورة ردتها لذكريات حلوة وايد وبعيدة , كان اعمارهن فهذي الصورة عشر سنوات يعني قبل 12 سنة تقريبا
واللي أثر فيها الكلمة المحفورة على البرواز ( الغاليات ) كانت أشكالهن اتضحك فالصورة كانن وسخات من الخاطر كان
وقت أمطار وكانو كلهم رايحين الوادي ولعبن فالماي و اتخيسن ماي من فوق لتحت وريولهن من تحت لركبهن متغطيات بالتراب
وكانن مبتسمات للصورة و محمد اللي مصورنهن , ردت البرواز وماقدرت تتحمل اكثر طلعت وراحت الصالة وهي تغالب دموعها
,سيف سمعها وهي طالعه وتوقعها تي عنده بس ما ييت صبر ربع الساعة ويوم ما ييت قام وراح عندها
وشافها قاعدة وعيونها على الصورة المعلقة على اليدار و فويها مبين الحزن دخل شافته و نزلت عيونها ,
قعد عدالها وحط ايده على جتفها وحبها ع راسها , حطت راسها على صدره وصاحت بهدوء , لوى عليها سيف وراحن عيونه عند الصورة
ودمعن عيونه ,بعدهم يحسون بألم فراقه بعدهم مب قادرين يطرونه بدون ما ادمع عيونهم
أو يعورهم قلبهم عليه مب قادرين يتحملون ان هذا الانسان الطيب الحنون راح عنهم ,
فحياته مازعل حد او ضايج بحد كان يوزع طيبته على الكل كانو يحسون بحبه لهم كانو يحسون بخوفه عليهم كانو يحسون باهتمامه فيهم ,
كان انسان هادي و مسالم يحاول يرضي و يسعد اللي حواليه بكل الطرق , هم يعرفون ان عنده عيوب بس هم كانو يشوفون
ان محاسنه أكثر من عيوبه , وقعد سيف مع مريم لين ما ارتاحت وهدت.



و على الساعة 1 الظهر بتوقيت السعودية.



خليفة: بوصلكن فوق وبرجع اخذ غدى و ابوي وامي مابيتاخرون وانا بعد ما بتاخر برجع بسرعة.



خليفة يمشي جدام و البنات وراه وصلهن فوق و نزل ياخذ غدى ورجع عندهم.



خليفة: وين أمي وابوي؟.



سلامة: بعدهم ماردو.



خذن عنه الغدى و رتبنه على الطاولة.



موزة: من بييون قوم ابوي زقروني.



خليفة: وين بتروحين؟.



موزة: الحجرة , بنسدح شوي راسي يعورني.



سلامة: تبين بندول؟.



موزة: الحين بخذ.



راحت عنهم.



سلامة:تاخرو؟.



خليفة: الحين بييون.



سلامة فهذي اللحظة ماتدري ليش اذكرت مقلب الكنتاكي اللي سواه سيف بمريم , ابتسمت و ادافعت الذكريات فراسها وهي مب منتبهه انها تبتسم على كل ذكرى وخليفة يطالعها,, تتذكر قبل 13 سنة وكان عمرها 10 سنوات تقريبا وكانت الساعة 1 فليل.



موزة بخوف: ايييه مريوم لا تروحين كلنا بنطلع مع بعض.



مريم: ما بطلع , بروحي متروعة.



سلامة: يلا نطلع رديت الفلم مكانه محمد مابيعرف.



موزة ترتجف ومسكت سلامة: والله اني زايغة انا شواللي خلاني اطيعكن والله الفلم وااااااايد يروع مابقدر ارقداليوم.



سلامة: خلاص عاد شفناه يلا نروح بسرعة قبل لا يرجع محمد و يشوفنا فحجرته.



بندن الليت وطلعن وهن متماسكات ويرتجفن من الخوف ,البيت كان وااايد مظلم وسمعن صوت وراهن وبدون حاسية صرخن وخطفن يترابعن ودخلن المطبخ وسكرن الباب وراهن وهن يصيحن ويرتجفن.



مريم بخوف: شغلو الليت شغلوه.



موزة: سمعتو اللي سمعته شو هذاك الصوت كان؟



سلامة: مادري سكتي عني بروحي متروعة.



مريم: شغلوالليت.



سلامة: والله ما بتحرك عند الباب روحي انتي.



مريم: انا بروحي خا.........



وانفتح الباب بقو وصرخن بثلاثهن بصوت عالي وكل وحده تركض ادور على المكان تندس فيه و دعمت سلامة الثلاجة وطاحت واشتغل الليت.



غانم: الله يغربلكن لمن اثاميكن لا حد يسمعكن.



وقفن بثلاثهن يطالعنه بغباء.



غانم معصب: ليش تصارخن؟؟ وليش من زقرتكن ترابعتن ؟؟وحق شو اتصيحن؟؟؟؟.



هن الثلاث طالعن بعض وانفجرن ضحك مرةوحدة.



غانم: شياكن تخبلتن – وهن بعدهن يضحكن – شو كنتن تسون فحجرة محمد.



موزة: كناانطالع.



غانم: كنتن اطالعن فلم رعب صح؟؟ ما عليه ان ما خبرت محمد.



سلامة: حرام غانم لاتخبره.



غانم: نحن كم مرة قايليلكم لا اطالعن هذي الافلام ماتفهمن.



مريم: خلاص التوبة اخر مرةانطالع.



غانم: وعد؟.



البنات: هيه وعد.



غانم: اوكي يلا روحن رقدن لا اخبرعليكن.



موزة: بنسير بس وصلنا لين الحجرة



غانم: عشان جيه ما نخليكم اطالعون هذي الافلام اتمن طول الليل متروعات , يلا خطفن جدامي.



ضحكت سلامة بهدوء .



خليفة: ان شاء الله دوم – رفعت عيونها اطالعه – اللي ماخذ عقلج ؟؟.



سلامة ابتسمت: الذكريات ماخذه عقلي ههههههه .



دخلو بوعبدالله وام عبدالله.



بوعبدالله: تأخرناعليكم؟.



خليفة: لا ابويه ماتاخرتو.



ام عبدالله: وين موزة؟.



سلامة: الحين بزقرها.



قامت سلامة وزقرت موزة وقعدو يتغدون ,, وبعد الغدى سلامة و موزة قاعدات فالصالة.



موزة: وينوصلتي؟.



سلامة: خلصت الجزء ل 12 .



موزة: حتى انا.



سلامة: زين عيل بنختمه مع بعض ان شاءالله.



موزة: ان شاء الله , سلامي مليت من الصبح قاعدات اناوانتي متجابلات.



سلامة: حتى انامليت.



موزة: شورايج انقول لخليفةيطلعنا.



سلامة: خليفة يمكن رقد.



موزة: ما اعتقد ان رقد روحي شوفي.



سلامة: شو قصدج اناأقوله؟.



موزة: ما شاء الله عليج تفهمينها ع الطايرههههههههههههه.



سلامة: و شو رايج انتي تروحين تقوليله.



موزة: فكرة مب حلوة انتي روحي.



سلامة: مابيطيع.



موزة: لا تخافين بيوافق.



سلامة: واذافشلني؟.



موزة: مابيفشلج.



سلامة:شدراج؟.



موزة:متأكدة.



سلامة: انزين نسير انا وانتي نقوله.



موزة: حق شو نحن الثنتين نروح.



سلامة: انزين خلاص بروح بس ادعيلي.



موزة:هاهاهاهاهاهاهاهاهاها.



دخلت سلامة الحجرة بشوي شوي.



سلامة بصوت واطي:رقدت؟.



خليفة يبتسم: لابعدني.



قعدت سلامة ع الشبرية عداله, خليفة:شوفيج؟.



سلامة مرتبكة:ماشي.



خليفة مستغرب:متأكدة؟.



سلامة بتردد:هيه.



خليفة ابتسم: قولي شو تبين ما بسويبج شي.



سلامة: موزان وانا ملانات.



خليفة: تبن اطلعن؟.



سلامة: هيه.



خليفة: اوكي يلا.



سلامة: صدق.



خليفة: هيه صدق , بس اول بتسبح بسرعة وبردلكن وأريدألقاكن جاهزات انزين.



سلامة: ان شاءالله.



طلع خليفة وراح حجرته يتسبح وردلهن ولقاهن جاهزات ونزلو تحت يتسوقون.



ومرن الأيام و يوم الجمعة الساعة 7 المغرب فالطيارة , سلامة قاعدة عدال خليفة وموزة قعدت عدال امها وابوها.



خليفة: بس عاد من كثر ما تقرين رمسيني.



سلامة: شو تباني أقول؟.



خليفة: اي شي.



ردت سلامة تقرا: ما عندي شي.



سحب خليفة عنهاالقصة.



سلامة: حرام خليفة اريد اعرف شو بيصير لأدهم ردهاعاد.



خليفة: مابا أنا تلبسيني عشان هذي القصة.




سلامة: انزين الحين بتخلص ردها.

الجزء 117 :

خليفة: ماريد وبعدين انتي أذيتينا بقصصج من اليوم ورايح خلاص ماشي قصص.



سلامة: انزين بس عطني هذي القصة بكملها حرام قطعت اندماجي وانا ماقدر استغني عن الرجل المستحيل.



خليفة: ما بعطيج خلاص انتي كبرتي على هذي التفاهات.



سلامة: ما اسمحلك تقول عنه تفاهات , يلا عاد خليفة ردلي اياها ما باقي الا كم من ورقة و بتخلص.



خليفة: بعطيج عشر دقايق اذا ما خلصتي ياويلج.



سلامة:انزين.



ردلها خليفة القصة وكملتها وهي تصيح وبعد ماخلصت.



خليفة: ايه سلامة فضحتينا ليش تصيحين؟.



سلامة تصيح: لا ماقدر أتحمل أدهم مات وكلهم ماتوبعد.



خليفة: يعلهم ما يقومون الا قصة ليش تصيحين؟.



سلامة: حرام انا من متى اقرا هذي السلسلة اخر شي يجتلهم كلهم بهذي الطريقة السخيفة ,
المفروض مايكون هذا الجزء الأخير والله مايستاهل انا صارلي 4 سنوات اقراه وناس يمكن يقرونه من عشر سنوات وأكثر ,
اخر شي جيه ينهي السلسلة.



خليفة: وانتي ليش مضيجة بعمرج هذي الا القصة خلاص ,وبعدين يمكن ما يكون الجزء الاخير , والا مكتوب ان الجزءالاخير؟.



سلامة: لا مب مكتوب , وبعد ماكتب شي يدل على ان شي جزء غيره.



خليفة: يمكن يبا يسوي مفاجأة للقراء.



سلامة: يمكن يستوي ليش لا.



خليفة: الحمدلله باقي نص ساعة وبنوصل البلاد ان شاءالله.



سلامة: ان شاءالله.



وبعد نص ساعة وصلو ولقو غانم وسيف مستقبلينهم سلموعليهم وركبو السيارة رايحين العين,,,



وبعد ثلاث أسابيع فبيت سلامة وخليفة , قاعدين فالصالة يطالعون البوم العرس والفلم ,
وكل واحد يعلق على مكان وكيف كان شعوره ويضحكون.



خليفة: شكلج هنيه تقول بيغمى عليج ههههههههه.



سلامة تضحك: هاهاهاهاهاها شسوي عاد هذا كله من الخوف.



خليفة: بعد موزة و منى قاعدات عدالج شومروعنج؟.



سلامة : وانا شدراني شو مروعني المهم اني كنت متروعةههههههه.



خليفة يضحك: خيبة كيف ترتجف شوفي الباقة شقايل تهتزهاهاهاهاهاهاهاهاهاهاها.



سلامة: عاد لا تضحك علي.



ودخل خليفة فهذا الوقت وسكتو يطالعون لان اللي تصورحطت الكميرا على ويه سلامة وسلامة من شافت خليفة زادت صياحها , خليفة بند الفلم.



سلامة: ليش؟.



خليفة: انتي كنتي طول العرس تصيحين يعني مب شي غريب بس ممكن اعرف ليش اول مادخلت صحتي بهذي الطريقة؟.



سلامة: اي طريقة؟.



خليفة: يعني كنتي تصيحين بكل انفعال تقول كارهتني والا مغصوبة علي.



سلامة:ماذكر.



خليفة: مب علي هذا الكلام قولي عاد.



سلامة بحزن: فحياتي كلها ما تخيلت اني بعرس بدون مايكون اخوي واقف وياي ,
ماقدر أنسى ان محمد ( الله يرحمه ) قالي ان هو اللي بيزفني لريلي فعمري ما تخيلت ان محمد ما بيكون موجود وياي ,
تخيلت ان هو بيدخلني والا هواللي بيدخل وياك و بس للأسف ماشي من هذا تحقق – وبصوت واطي – الله يرحمك يا محمدويغفرلك ان شاء الله.



خليفة: الله يرحمه.



سلامة تغير الجو: يلا شغل خلنا نكمل نشوف الموقف السخيف.



خليفة: اي موقف سخيف؟.



سلامة: نسيت يوم بغينا نظهر انا اتخرطفت بس الله ستروانت مسكتني – ضحكت من خاطرها – هاهاهاهاهاهاهاهاها صدق ان كان موقف رهيب.



خليفة ضحك وياها :هاهاهاهاهاهاهاهاهاها.



أما غانم فكان يطالع سيف اللي منزل راسه وصارلهم ربع ساعة وهم على هذا الحال.



غانم بهدوء: سيف أنا سألتك عن رايك لا تسكت قول أي شي.



وقف سيف وعط غانم ظهره , سيف معصب: انت كيف اتجرات تفكر بهذي الطريقة اصلا بأي حق تتجرأ اتفكر فيها ابد ما توقعتك انت بالذات
اتقول جيه والا تفكر فيها , صدق يا غانم طحت من عيني, وانا و موزة والمرحوم اللي طول عمرنا معتبرينك أخو آخر شي يطلع هذا منك.



لف سيف على غانم وشافه منزل راسه وكل علامات الندم والحزن مبينه فويهه.



ابتسم سيف: هذا اللي تبا تسمعه؟.



رفع غانم راسه يطالع ويه سيف المبتسم , رد سيف يقعدعداله.



سيف: اسمع غانم , انا أعزك واحترمك شرات ما كنت أعزمحمد الله يرحمه, و شو كنت تتوقع مني وأنت تقولي انك تبا تخطب اختي؟؟
ازعل وانازع لا يا غانم أنا أتمنى السعادة لاختي صح اني اتمنيتها تكون لمحمد , بس خلاص محمد توفى الله يرحمه
وأنا ما بظلم أختي وما بحرمها من انها تعيش حياتها , ليش نجتلها وهي حية موزة بعدها صغيرة ومن حقها تعيش وانا مستحيل ألقى أحسن عنك لاختي.



غانم: من خاطرك تقول هذي الرمسة؟.



سيف: هيه غانم من خاطري , واحب اقولك ان مب موافقتي انا والا سلامة المهمة , لا موافقت موزة هي اهم شي.



غانم: أدري , بس اكثر شي كان مخوفني رايك انت وسلامة بس الحمدلله, وماباقي الا اني ارمس عمي
وحرمة عمي وبعدين كل شي بيمر على خير ان شاء الله.



سيف مبتسم: توكل على الله ولا تخاف وصدقني محد منهم بيزعل بالعكس الكل يتمنى الخير لموزة وخاصة خالتي وريل خالتي.



وبعد مرور شهر وأسبوعين غانم رمس أبوه وأمه عن موزة ووافقو و راح هو ابوه يرمسون عمه وبومحمد ما اعترض بالعكس فرح لان
كان شال هم موزة , ويوم الخميس راح بوغانم وغانم وبومحمد يخطبون موزة لغانم , وبوعبدالله وعياله مااعترضو بس اول بيشاورون موزة
وعقب بيردون عليهم.



محمد: موزة تعالي.



موزة بخوف:ماريد.



محمد: تعالي براويج شي.



موزة: ماريد.



محمد: تعالي بس شوي.



موزة: ماريد قتلك ماريد.



محمد: تعالي والله مابروعج.



موزة: ماصدق, بعدني ما نسيت شو سويت انت وغانم وسيف اول امس.



محمد: انا سويت جيه عشان تتأدبن , كم مرة قايلكن لااطالعن افلام رعب وانتن ما تسمعن الرمسة.



موزة: حد يأدب بهذي الطريقة يبند الليت ويقفل الباب ويجبرنا نطالع فلم رعب.



محمد: عشان تحرمن اطالعن هذي الافلام مرةثانية.



موزة: انت ليش تشتريهن؟.



محمد: عاد انا كيفي وبعدين انا ما تروع شراتكن , يلاتعالي.



موزة: قتلك ماريد.



محمد: والله اني ما بروعج وحتى نحن بنطلع من الحجرةوانتي دخلي.



موزة: ماريد.



محمد: انزين هذي الحجرة ما فيها تلفزيون لاتخافين.



موزة: شو يطمني انكم مب حاطين تلفزيون.



محمد: والله العظيم مب حاط تعالي.



موزة: ماريد.



سلامة:شوفيكم؟.



محمد: سلامي تعالي دخلي وياها مب طايعة تصدق اني مابروعها.



سلامة: موزان دخلي مابيروعج.



موزة: ما بدخل الا وياج ولازم هو و غانم وسيف يطلعون بعدين انا بدخل.



محمد: اوكي موافق.



دخل محمد وقالهم يطلعون , وطلعو ودخلن موزة وسلامة ,وموزة تفاجأت.



سلامة: كنا نباج بروحج ادخلين و تتفاجأين ,شورايج؟.



موزة: يا سلااااااااام بس ليش جيه مسوين؟.



سلامة: عشان يوم ميلادج.



موزة بصدمة: اليوم عيد ميلادي؟!!!.



سلامة: هيه ليش ماتعرفين؟؟.



موزة: لا مااذكر.



سلامة ابتسمت: الحمدلله الحين صارت مفاجأةصدق.



موزة: وين مريوم؟.



ودخلت مريم مع روضة وسارة وريم وريما وعقب دخلو غانم وسيف ومحمد وعبيد.



ابتسمت موزة وهي اطالع الصورة اللي جمعتهم كلهم يوم كانو فصلاله , اتنهدت واتذكرت يوم كان عمرها 15 سنة وكانت فصف ثالث اعدادي ,
ركبت السيارة وهي معصبة.



موزة: السلام عليكم.



محمد: وعليكم السلام ورحمة الله ,شحالكن؟.



مريم+سلامة: الحمدلله بخير.



موزة: متى بتخلص اجازتكم؟.



محمد: بسم الله تبين الفكة منا؟.



موزة: لا بس متى بتخلص؟.



محمد: خلاص خلصت يوم االسبت عدنا دوام و يوم الجمعةبنروح بوظبي.



موزة:أخيراً.



الكل:هاهاهاهاهاهاهاهاهاهاهاهاهاها.



وعطته وردة حمرا ورسالة ومحمد مستغرب.



موزة: الحمدلله وصلت الأمانة والحين عطني الرسالةوالوردة.



محمد: لمنو الوردة والرسالة؟.



موزة: لك.



سلامة: من عند منو؟.



موزة: شفتي البنت اللي كنت واقفة وياها ترمسني؟.



سلامة: هيه.



موزة: هي عاطتني الرسالة و الوردة والله لو ماقالتلي اباج توصلين أمانة قسم بالله كنت بفرهن عويها.



مريم: خيبة ما تستحي هاي.



محمد: مادام هذي الرسالة والوردة حقي ما بعطيج اياهن.



موزة:بتعطيني.



محمد: لا مابعطيج.



موزة:بتعطيني.



محمد: قتلج مابعطيج.



وتمت تناقره لين وصلوالبيت.



محمد: خلاص وصلنا بيتكم يلانزلي.



موزة: يعني ما بتعطيني اياهن؟.



محمد: لا مابعطيج.



موزة: برايك.



نزلت وهي معصبة , نزل محمدالدريشة.



محمد: موزة.



لفت موزة:شو؟.



محمد مبتسم: خيبة كيف معصبة تعالي دوج.



موزة: شو؟.



محمد: ما تبين الرسالة؟.



اتقربت موزة: هيه اباها.



عطاها محمد بدال الراسلة رسايل و موزة اطالع الرسايل بصدمة.



موزة: خيبة منو عاطنك كل هذيلا؟.



ضحكو سلامة ومحمد ومريم:هاهاهاهاهاهاهاهاهاهاها.



عبدالغفار: هذي في بنيه جيب هذا رساله يفتح باب بعدين هي يعطي محمد رساله



محمد ضحك:هههههههههههههه



سلامة: مالت عليهن مايستحن.

الجزء 118 :


موزة بعصبية: هات الوردة.


محمد مبتسم: شوتبينها؟.


موزة: وانت بعد شوتباها؟.

محمد: دوج لاتعصبين.

شلتهن موزة بتدخل داخل تقراهن بس غيرت رايها راحت المطبخ وشلت جبريت وراحت الزراعة وحفرت حفرة وحطت الرسايل والوردة وحرقتهن ودخلت داخل بعد ما ارتاحت.

والساعة خمس راحت مع سيف بيت خالتها وشافهامحمد.

محمد: وين الرسايل؟.

موزة: مايخصك.

محمد: لا والله كيف ما يخصني الرسايل مكتوبات لي.

موزة: أدري بس بعد مايخصك.

محمد: انزين شو كان مكتوب؟.

موزة: مادري.

محمد: كيف ما تدرين تراج قريتيهن

موزة: انا ما اقرا هذي التفاهات.

محمد: عيل وينهن ليش ما يبتيهن بقراهن اناوسلامي.

موزة: وين سلامي؟.

محمد: فوق.

موزة: أحسلك تنساهن لاني حرقتهن.

محمد منصدم:حرقتيهن؟!!!!.

موزة: هيه.

وراحت فوق عند سلامة ومحمد ضحك :هاهاهاهاهاهاهاهاها.

اندق الباب.

موزة: مفتوح.

فتحت سلامة الباب وابتسمت موزة.

سلامة: شوتسوين؟.

موزة: ماشي.

سلامة: عيل خلينا ننزل كلهم قاعدين تحت.

موزة: اوكي يلا.

ونزلت مع سلامة وقعدت تسولف مع اهلها.

وبالباجر يوم الجمعة الساعة 2 الظهر دخل سيف الصالةوشاف خليفة رايح فوق.

سيف: وين مريم؟.

خليفة: فوق يطالعن فلم هندي.

سيف: والله انها متفيجة , أنا بروح وهي اطالع أفلام هندية.

وركب فوق مع خليفة وشافهن يطالعن باندماج وخليفة قعدعدال سلامة.

سيف: مريم تعالي.

مريم: شوتبى؟.

سيف: تعالي بقولج شي.

مريم: بعدين بعدين.

سيف: شو بعدين تعالي انابروح.

مريم بغلاسة: قتلك بعدين تراك ما بتروح الا الساعة 5الحين خلني اطالع روح ارقد.

سيف اغتاظ: انا براويج انتي من اطالعين هذي الافلام الهندية تتمردين.

وبند التلفزيون وطلع الفلم.

الكل: سيف لااااااااااااااااااااااااااااااااااااااا.

سيف: بسم الله مب فلم مقعدنكم كلكم جيه.

خليفة: سيف شغله.

سيف: حتى انت قاعد اطالع وياهن.

خليفة: شسوي ماشي شغله وبعدين الفلم عجيب جريمة.

مريم: سيف بلاغلاسة.

سيف: قومي انتي انا الحين بروح.

موزة: مريوم روحي مع ريلج فكينا نبى انطالع.

مريم: حتى انا اريداطالع.

سيف: بعدين كمليه

مريم: انا اريد اكمله وياهم.

سيف: انزين انتي قومي وياي هم ما بيطالعونه عنج.

سلامة: والله بنطالعه ما بنترياها لين انت ماتروح.

خليفة: مريم يلا روحي بعدين سلامة وموزة بيطالعنه وياج مرة ثانية.

مريم: صدق بطالعنه وياي؟.

موزة: هيه يلاروحي.

راحت مريم مع سيف و ردو سلامة و موزة وخليفة يكملون الفلم.

سيف: انتي كيف اطالعين هذي الافلام ماتتروعين.

مريم: ليش اتروع , وبعدين انت صدق بتروح الحين؟.

سيف: هيه الساعة 3 بنطلع انا وغانم ان شاءالله.

مريم: اوووووووف انا تعبت مب حرام عليك انا وين اروم أمشي لين البيت , لازم اتعبني.

سيف: تبيني أشلج؟.

مريم: هيه.

سيف: اوكي ما عندي مانع.

كان بيشلها.

مريم: ايييييييه انت ينييت جيه انا الا امزح وبعدين انت ما تستحي بتشلني ويمكن اي حد يشوفنا؟.

سيف: لا ما استحي انا شال حرمتي ما فيهاشي.

مريم: والله فيها ,عيب.

ودخلو بيتهم.

سيف: تبين ماي.

مريم: لامشكور.

وبغت تركب الدري بس سيف شلها.

مريم تصارخ: ســــــــيــــــــــــف نزلني سيف نزلني بطيح نزلني.

سيف: مابطيحين.

مريم بخوف: والله بطيح نزلني.

سيف: ما بطيحين ماسكنج.

وصل الحجرة ونزلها ومريم ضربته.

مريم: طيحت قلبي.

سيف ضحك:ههههههههههههههههه.

مريم: وبعدين انت ما تبا تاخذ اجازة انا الحين فأي لحظة يمكن أربي وانت مب مهتم.

سيف يطلع أغراضه وهي ترتبهن فالشنطة.

سيف: ومنو قالج اني مب مهتم قدمت على اجازة بس مب هذا الاسبوع اللي بعده.

مريم: وانت شدراك اني ما بربي هذاالاسبوع.

سيف: وشو تبيني اسوي ما طاعو يعطوني اجازة الاالاسبوع اللي بعده وبعدين انتي مب بروحج فالبيت موزة تراها وياج وامي وابوي موجودين وخليفة وعبدالله واسما كلهم موجودين.

مريم: ادري اني مب بروحي بس بعد غير يوم يكون ريلي واقف وياي.

سيف: بدا الدلع الحين.

مريم اغتاظت والا تأدبه , وبعد ما خلصت ترتب اغراضه قعدت تسولف وياه.

مريم: تبى شي اييبلك؟.

سيف: لا.

مريم: ما تبى ماي عصير جاي شي؟.

سيف: لا ماريد مشكوره.

مريم: انااريد.

وقامت وهي تمشي تخرطفت بالزوليه وطاحت وصرخت بألم وربع سيف عندها بخوف و رفعها.

سيف بخوف: عيوني مريم .....

ماقدرت تمسك نفسها وضحكت:هههههههههههههههههههههه.

سيف يطالعها بصدمه بعده مب مستوعب انها متعمدة تروعه.

مريم: هاهاهاهاهاهاهاهاها , اتخيل يصير هذا الموقف صدق منو بيكون وياي هههههههههه بس شكلك عجيب وانت متروعهههههههه.

سيف بعصبية: شو هذي الحركات والله ماتستحين.

شل اغراضه وطلع وهو معصب عليها.

مريم تزقره : سيف سيف ســـيــف تعال بقولك.

راح ولا عطاه ويه وهي ضحكت وخذت تلفونها اتصلت مرتين ولا رد عليها وطرشت مسج.

مريم :{ المرسل: أنا , السبب : غلاك , الأمنية :رضاك , النتيجة : 25 خسرت فلس وراك }.

مارد عليهاورسلت.

مريم: { رن رن رن ألو محل الورد؟؟ لو سمحت أبي أحلاوردة لأحلى عيون تقرأ هالرسالة }.

اتصلت ولا ردورسلت.

مريم: { تصدق .. اشتقت لك ! أنا أعترف بعدك حياتي تختلف تايه وحيد أصيح باسمك وارتجف , في كل شي اتخيلك .. ومهما تغيب .. عندي أمل بكره تجي وبكل شوق .. ا .. س .. ت .. ق .. ب .. ل .. ك .. }.

ورسل سيف : { نعم مرة نعم ثنتين نعم ألفين نعم مليون نعم أحبك .. لو يصير الكون حسود وعاذل و مجنون أنا روحك انا بوحك أنا اللي في هواك اهيم وأبني عالي صروحك أنا صدقك أنا ظنك أنا اللي اموت في روحك أنا بفخر أكون مجنونك !! }.

واتصلت مريم وردعليها.

مريم: مشكلة اللي يزعلون.

سيف: لو تبطلين حركات اليهال هذي مابزعل.

مريم: انزين كنت امزح وياك.

سيف: مبيخه من مزاح ماعيبني.

مريم: انزين خلاص اسفة.

سيف: قولي التوبة.

مريم:سيف!!!!.

سيف: قولي التوبة.

مريم: الحين انت بتبدا حركات اليهال.

سيف: ما يخصني قولي.

مريم تضحك: هاهاهاهاهاهاالتوبة.

وعلى الساعة 9 فليل موزة قاعدة مع ابوها.

بوعبدالله بحنان: شو موزاني ليش ساكتة؟؟ تبين تفكرين؟.

موزة منزلة راسها: لا ابوي ماريدافكر.

بوعبدالله: عيل ؟ شوموافقة؟.

موزة: لا ابوي مب موافقة.

بوعبدالله: ليش يا بنتي ؟ غانم ريال وماينعاب.

موزة: أبوي مب عشان غانم أنا اعرفه ان ريال وماينعاب وكل وحده تتمناه , بس انا يابوي ماريد أعرس انا جيه مرتاحة.

بوعبدالله: بس يا بنتي ما يصير تمين قاعدة فبيت ابوج بلا عرس وانتي بعدج الصغيرة.

موزة: ابويه اذا انت والا امي شايفين اني مثجلةعليكم خلاص انا موافقة.

بوعبدالله: افااا يا موزة ما هقيت هذي الرمسة تظهرمنج انتي بالذات , انتي بعمرج ما ثجلتي علي الحين يايه تقولين اذا انا شايف انج مثجلة علي ؟!! موزة انتي بنتي ويوم اني اباج تعرسين يعني اكون اني مب قادر اصرف عليج والا انج مثجلة علينا لا يا موزة لا يا بنتي اذا ما شلج بيت ابوج عيونه تشلج ,بس يا بنتي انا ماريد أظلمج واخلي الناس تنقد علي وتقول والله بوعبدالله ما يوزبنته و مخلنها عنده من بعد وفاة ولد خالتها وظلمها ,لا يا موزة انتي نورعيوني.

موزة: ابويه انا اسفة والله مب قصدي أعرف انك مابتظلمني وتبى راحتي وأنا يابوي مرتاحة جيه ماريداعرس.

بوعبدالله: خلاص اللي تشوفينه.

حبت راس ابوها وطلعت عنه.

تابع 118 :

ويوم الخميس الساعة 5 العصر الكل كانو مجتمعين فالمستشفى.

موزة بنفاذ صبر:وينه؟.

مريم: ليش مستعيلين الحين السستربتييبه.

ودخلت السستر شاله (( محمد )) وسلامة و موزة لصقن فيها.

سلامة بحنان: ياعمري.

موزة بفرح:فديته.

والسستر عطت مريم ولدها و دخلت ام غانم عند مريم وسلامة و موزة طلعن وبعد عشر دقايق ردن عندها.

موزة: أباأشله.

مريم اطالع ولدها بحنان: تعالي شليه.

شلته موزة: بسم الله عليك بسم الله – وحبته ع راسه –مصغره.

سلامة: عطيني اشله.

شلته سلامة ودخلو بوغانم و بوعبدالله وبومحمد سلموعلى مريم وباركولها.

سلامة مبتسمة: عمي كم تدفع عشان تشله؟.

بوغانم يبتسم: فلوس الدنيا كلها ماتسواه.

ضحكت وعطته عمها وبوغانم رده عند موزة و موزة راحت عند بومحمد.

موزة: عمي ما بتشل محمد؟.

حبه بومحمد ع راسه: لا يا بنتي ما بشله أخاف أعوره.

بوعبدالله: لا تلعوزونه راقد.

ودته موزة عند مريم وطلعن هي وسلامة وقعدن مع اهلهم فالحجرة الثانية واندق الباب ودخلو سيف وغانم.

سيف+غانم: السلام عليكم.

الكل: وعليكم السلام.

سلمو عليهم ودخل سيف عند مريم.

سيف: السلام عليكم.

مريم مبتسمة: وعليكم السلام والرحمة.

تقرب عدالها وحبها ع راسها وقدملها باقةورد.

مريم: مشكور واااااااااايد حلوة.

ابتسملها سيف:وينه؟.

مريم: هذوه راقد.

تقرب سيف عداله يشوفه.

مريم: شله.

سيف متروع: لا لا لا خليه راقد.

مريم: لا لازم تشله – تقربت عداله وشلته –امسكه.

سيف: مريم اتروع أخاف أعوره.

مريم: لا ما بتعوره انت حط ايدك تحت راسه ايوه جيه.

سيف قلبه يدق بقو وحاس بشعور غريب و يحس ان الدنيا مب واسعتنه من الفرحه , ودمعن عيونه بفرح: مريوم شليه لايطيح.

مريم: حشى كيف خواف – شلته وحطته فسريره ولفت –الحين بتي السس...................

لوى عليها سيف بحنان ومريم ابتسمت: انسيرعندهم.

سيف: يلا.

و طلعوعندهم.

غانم: مريوم وين محمد؟.

مريم:داخل راقد.

غانم: ابا أشوفه.

سلامة: انسير انا بروايك اياه.

راحت سلامة مع غانم.

غانم مبتسم: ما شاء الله عليه.

سلامة: تبى تشله؟.

غانم: هيه.

شلت وعطته اياه.

غانم: بسم الله عليه . وحبه ع راسه و رده عندها مرةثانية.

غانم: حليله راقد – ردته سلامة وتمت اطالعه بحنان –سلامي رمستيها؟.

سلامة: هيه رمستها.

غانم: و شوقالت؟.

سلامة: ماطاعت.

غانم: ليش؟ شوالسبب؟.

سلامة: قالت ما تبا تظلمك وياها.

غانم: تظلمني ؟؟!! كيف تظلمني.

سلامة: تقول ان هي بعدها تحب محمد و طول الوقت تفكرفيه و بعدها تذكر كل كلمة
و كل همسة قالها اياها وماتبى تظلمك وهي عايشه بذكرى شخص ثاني ماشي ريال يقدر يتحمل حرمته تفكر بواحد غيره و تتمنى تكون مع غيره.

غانم: اعرف أعرف يا سلامة انها بعدها تحب محمد و طول عمرها بتعيش تحبه بس انا راضي
والله العظيم راضي يمكن في يوم من الايام بتحبني مب شرات ماحبت محمد بس بعد بتحبني والا بتعزني على الاقل.

سلامة: والله ما اعرف شو اقول انا برمسها مرة ثانيةبس ما اوعدك بشي.

غانم: قوليلها اني راضي بظلمها اذا هي تعتبره ظلم انا راضبه والله.

سلامة: خلاص غانم انا برمسها ويصير اللي يصير.

غانم: اوكي يلا نطلع عندهم بسلم عليهم وبروح.

طلعو غانم وسلامة عندهم و سلم عليهم غانم و بارك مرةثانية لسيف واخته وطلع عنهم ,
ومن ردو قوم سلامة البيت راحت ترمس موزة و موزة ماوافقت و راحت عن سلامة وهي زعلانة.

موزة فخاطرها : ليش محد قادر يفهمني ؟ ليش ما يفهمون اني ما قدر اخذ واحد غير محمد ؟
ليش كلهم يردون يرمسوني فهذا الموضوع ؟ شو اللي لازم اسويه عشان اقنعهم خلاص تعبت تعبت ,
وانا مستغربة من غانم بعد كل اللي قلته بعده يباني.

و بعد مرور سبع سنوات ...

سلامة فحجرتها تصيح و سمعت صوت خليفة تحت يرمس عياله ربعت الحمام تغسل ويها و جحلت عيونها تحاول تخفي اثر دموعها ,طلعت شافها خليفةوابتسم تقرب عدالها و حبها ع راسها.

خليفة: شحالج الغالية؟.

سلامة: الحمدلله بخير , وين كنت؟.

خليفة: قاعد مع ابوي وامي وعبدالله وسيف فالصالة.

سلامة: هيه و موزة وين؟.

خليفة: فحجرتها – و مسكها – ليش كنتي تصيحين؟.

سلامة تحاول تبتسم: ما كنت اصيح.

خليفة: مب علي انا هذا الكلام انا عارفنج زين ليش تصيحين؟.

نزلت سلامة راسها:ماشي.

خليفة بحنان: سيف صح؟.

نزلن دموعها ومسحتهن: غصبا عني ماقدر.

خليفة: لين متى هذا المفعوص بيتم يصيحج وينزل دموعج.

سلامة تصيح: فكل شي شابه أخوي محمد الله يرحمه فشكله فحركاته و ضحكته و حنانه على أخته.

خليفة بحنان: بس عيوني لا اتصيحين تعرفين اني مااتحمل اشوف دموعج وهذا سواف كل يوم يصيحج ,
وبعدين انتي حامل لا اتصيحين ما فينا يطلع الولد والا البنت صياحين.

ضحكت سلامة:ههههههههههههههه.

شمسة:باباتي.

لف خليفة:عيونه.

شمسة: ليش تصيح ماما؟.







حبيت اخبركم اني القصة ما بقى شي عليه وتخلص والسموحة منكم

الصراحه هذا الجزء واايد معقد ............. العائله ... (( مابقوول )) تابعو بروحكم

الجزء 119 :

وربعت عند امها وشلتها سلامة وحبتها عخدها.



خليفة يحبها ع ايدها: سامحيني يا أميرتي الصغيرة لم أقصد ذلك.



ضحكت شمسة بصوت عالي: هاهاهاهاهاها أمايه باباتي يتكلم مثل الرسوم هاهاها.



ضحكو سلامة وخليفة:هاهاهاهاهاها.



ودخل سيف مخشن صوته:أبويه.



خليفة: نعم.



سيف: أول بسلم عليك خشم.



سلامة + خليفة:هاهاهاهاهاهاهاها.



و نزل خليفة لمستواه ووايهه.



سيف: عمي سيف يباك انت وامي فحجرة عمتي موزة.



خليفة: شويبا؟.



سيف: مادري ما خبرني , شوشو الحلوه بتين تلعبين ويانا؟.



شمسة بفرح:هيه.



سلامة: حبيبي سيف طالع اختك لااطيح.



سيف: إن شاء الله أمي بخليها تلعب مع فطامي بنت عمي سيف وعواش بنت عمي عبدالله.



وطلع ماسك اخته من ايدها.



خليفة: يلا نروح عند سيف لايحشرنا.



سلامة: لحظة بغسل ويهي وبلبس شيلتي.



وبعد ما خلصت طلعت مع خليفة من بيتهم وشافو اليهال يلعبون برع.



محمد و التوأم ناصر و منصور و فاطمة عيال سيف ومريم ,, سيف وشمسة عيال سلامة وخليفة ,,
عاشة و خالد و سالم ( عيال عبدالله واسما) ومنى واقفه وياهم تشوفهم عن لا يطيح حد منهم.



دخلو الصالة.



سلامة: السلام عليكم.



بوعبدالله +ام عبدالله: وعليكم السلام ورحمةالله.



سلمت سلامةعليهم.



خليفة: وين عبدالله؟.



بوعبدالله: طلع ساير صوب الخيام.



سلامة: خالوه شو صحج اليوم؟.



ام عبدالله: والله الحمدلله بخير الحين بموت وانا مرتاحة.



سلامة: بسم الله عليج خالوه بعد عمرٍ طويل إن شاءالله , وبتشوفين عيالها وعيال عيالها.



خليفة: إن شاء الله , يلا سلامة بعدين سولفي مع أمي.



قامو وراحو عند حجرة موزة ودقوالباب.



سيف: دخلو.



سلامة+خليفة: السلام عليكم.



سيف+موزة: وعليكم السلام



سلامة: شحالج موزان؟.



موزة بهدوء: الحمدلله بخير.



خليفة: ليش زاقرنا شوتبا؟.



سيف: ماشي بس اباكم تقعدون ويانا صح موزان؟.



ابتسمت موزة وسمعو صريخ وحشرة.



سيف: أنا أعرف هذي حشرت منو – وبصوت عالي – محمدمحمد



دخلو محمدوسيف.



محمد: نعم أبويه.



سيف: شومسوي؟.



محمد: مب مسوي شي.



ضحكو كلهم لانهم عارفين محمد زين وايد مشاغب.



سيف ( بومحمد ): أنا ما اصدقك سيف انت خبرني شو مسوي محمد.



سيف ساكت ولف يطالع أبوه و خليفة ابتسمله.



سيف: ................



سيف ( بومحمد) : يعني أكيد ملعوزبالباقيين.



ودخل منصور يصيح و وراه ناصرمعصب.



سيف: شوبلاك؟.



ناصر: ابويه حمود ضرب منصور.



لف سيف وطالع ولده بنظرة , وزاغ محمد ونزل راسه.



وقبل لا يقول شي.



موزة: سيف لا تنازعه , محمد سيف تعالو وانتو بعد تعالو هنيه.



تقربو عندعمتهم.



موزة: محمد حبيبي ليش ضارب أخوك؟.



محمد: ماضربته.



موزة: عيل ليش يصيح؟.



محمد: أنا كنت أباه يمسك اليراده ( الجرادة ) وماطاع وقتله انت خواف وصاح بس.



لفت موزة على منصور ومسحت دموعه: صدق اللي قاله؟.



منصور: هيه – ودافع عن نفسه – بس انا مب خواف انابطل ما احب امسك الحشرات.



موزة ابتسمت: انزين صح انت بطل وحتى ناصربطل.



ناصر بفخر: أنا قلت حق حمود ان نحن أبطال بس هو مايصدق.



موزة: لا محمد يصدقكم صح؟.



محمد: صح.



طلعو ناصر ومنصورفرحانين.



موزة: محمد حبيبي لا تقول مرة ثانية لاخوانك انهم مب أبطال والا بزعل عليك.



محمد: اوكي ما بقولهم , بس هم صدق خوافيين.



موزة: لان بعدهم صغار.



محمد يفكر: مممممممممممم خلاص بترياهم يكبرون ومابقولهم انهم مب أبطال.



موزة: ايوه شاطر.



سيف: عموه؟.



موزة: شوحبيبي؟.



سيف: اليوم عرسج؟.



موزة نزلت راسها:هيه.



سيف ابتسم: أنا برزف وبيول فعرسج لين مااتعب.



ابتسمت موزة وحبته عخده.



محمد: حتى انا برزف فعرسج.



سلامة: يلا روحو لعبوبرع.



طلعو محمد وسيف برع.



سيف يبتسم: مب بس انتو بترزفون لين ما اتعبون في ناس غيركم من أمس وهم مستخفين.



دخلت مريم: بسم الله على أخوي , الحمدلله مب مستخف.



سيف: بدأ محامي الدفاع , ما تغير عادتها هذي متى بيي اليوم اللي بسمعج فيه ادافعين عني.



ضحكو و فجأة موزة صاحت.



وتقربو خليفة وسيف عدالها.



خليفة: افااا الموز شويصيحج؟.



سيف: موزان لا اتصيحين شو بيقولون الناس عروس عيونهام نفخات تقول ضفدع.



ضحكت موزة وضربته.



خليفة: يلا الغالية قومي غسلي ويهج , بننزل نقعد تحت مع أمي وأبوي , لين ما تشرف راعية الصالون.



مسحت موزة دموعها: إن شاءالله.



خليفة: سلامة رمستي روضة؟.



سلامة: هيه رمستها حليلها ودها تحضر العرس بس شوتسوي ولدها تعبان.



خليفة: ما عليه بنصورلها العرس المهم صحت ولدها ,وترد هي و ولدها وعبيد بالسلامة إن شاءالله.



سلامة: إن شاءالله.



سيف+مريم: إن شاءالله.



سيف: وين خالد و أحمد و محمد؟؟ انا ماشفتهم.



مريم: هذيلا لاصقين فغانم.



خليفة: خلوهم فرحانين.



مريم: نسير نحن تحت عند عمتي وعمي و موزة بتلحقنا.



طلعو كلهم وأما سيف رد يبا يرمس موزة و قعد على المكتب يترياها و شاف الدفتر ابتسم و فتح الدفتر وقرى.



12/12/..... , يوم الخميس الساعة 6 الصبح.




( ..................... )




{ وداعاً يا قلبي العزيز وداعاً .. فاليوم هو يوم الرحيل .. وداعاً يا روحي الغالية وداعاً ..
فاليوم هو يوم الموت .. اليوم أرحل جسداً بلا روح .. اليوم حكمت علينا أقدارنا أنا نفترق أن نبتعد ..
أن تحترق أرواحنا أن تتمزق قلوبنا .. فوداعاً يا حبي وداعاً .. اليوم نفترق غداً نموت ..
وداعاً ينطق بها لساني و يحترق بها قلبي .. اليوم نبكي مثل الصغار .. فما عسانا نفعل ؟!! .. ماذا عسانا نقول ؟!!
.. يعجزاللسان عن النطق .. ماذا عسانا نقول وعيوننا تطلب اللقاء ؟!! .. فوداعاً يا عشقي وداعاً .. وداعاً وأنا لازلت أحبك .. } .



تنهد سيف وسكر الدفتر وطلعت موزة وابتسملها.



موزة: مارحت وياهم؟.



سيف: قلت بترياج.



موزة ابتسمت: يلانروح.



نزلت وياه تحت و قعدت تسولف مع اهلها وهي قلبها يعورها على اللي تسويه ما توقعت بيي اليوم و بتوافق تعرس وتاخذ غير محمد ,
لو مب مرض أمها وتعبها ما كانت بتوافق, لو ما ترجتها امها ما كانت الحين بتنزف لواحد غيرمحمد , تنهدت بحزن.



سيف: شوفيج؟.



موزة: ماشي.



سيف: الله يرحمه.



موزة نزلت راسها: الله يرحمه.



وقامت وقام وراها سيف.



سيف: موزان شوفيج؟.



موزة وعيونها انترسن دموع: قولي سيف ما تحس إني أخون محمد , قولي إني مب غلطانة قولي أني مب قاعدة أظلم غانم وياي ,
هو ليش تم يترياني؟؟ ليش ماخذ غيري ليش؟؟؟؟.



سيف بحنان: لا الموز انتي مب غلطانة ولا تخونين محمد , صدقيني محمد الله يرحمه ما كان بيرضى انج اتمين جذا من بعده ,
محمد صح كان يحبج بس بعد كان تهمه سعادتج فوق كل شي الله يرحمه , وانتي ما بظلمين غانم و هو ترياج لان شارنج و تهمينه –
نزلت موزة راسها – موزان الحين لا تفكرين بهذي الامور انتي عروس وفكري كيف بتكونين.



موزة: إن شاءالله.



وعلى الساعةخمس.



غانم: شوقالت؟.



سيف: ماطاعت.



غانم: انزين خلوها ع راحتها مب لازم تروح الخيمة.



سيف: ونحن نقدر نقولها شي مخلينها تسوي اللي تباه,,انت وين؟.



غانم:فالبيت.



سيف: زين عيل بخليك الحين.



غانم: اوكي مع السلامة.



سيف: الله وياك.



فبيت بومحمد .. طلعت ام محمد من الصاله رايحه المطبخ بس سمعت اصوات عند الزراعة وراحت تشوف هذي حشرت منو؟؟
وشافت خالد وأحمد وجاسم ومحمد واقفين ويسولفون ويضحكون بصوت عالي , وقفت ام محمد اطالعهم و دمعن عيونها وقفتهم مع بعض ذكرتها بمحمد
و انتبهلها خالد.



ابتسم خالد: هلا والله بالغاليةهلا.



ومشى لين عندها وباسها ع راسها وسلمو عليهاالباقين.



خالد: وين رايحه أمايه؟.



ام محمد: بروح أشوف الدريول من الصبح ادقله مايردعلي أكيد قاعد فالمطبخ ياكل.



الكل:هاهاهاهاهاهاهاهاهاها.



أحمد: وين تبين تروحين خالوه؟.



ام محمد: بروح الخياط ما ييبت ثيابي لين الحين.



خالد: ليش تعيبن عمرج الغالية انا بروح الحين اييبهن.



ام محمد: لا ابوي انت توك راد من برع تعبان أنا بروح مع الدريول أييبهن.



خالد: والله ما تروحين انا اللي بروح.



ام محمد: يعلني ما خلا منك الغالي.



جاسم: برايكم عيل انا بروح البيت.



أحمد: ونحن بعد بنروح.



خالد: عيل أشوفكم بعدين.



راحو جاسم البيت و أحمد ومحمد بعد راحوالبيت.



خالد: يلا عيل امايه بروح تبين شي غيرثيابج؟.



ام محمد: سلامتك الغالي.



خالد: أبويه وين؟.



ام محمد: طلع مع عمك.



خالد: متأكدة أمايه ما تبين شي ثاني.



ام محمد: لا فديتك ماريد شي.



خالد: عيل مع السلامة.



ام محمد: الله وياك.



وعلى الساعة 7,30المغرب.