|
ميييييححبببآآآ . . أإححمم أول شي كشخخهه البارت طبعن بيكون حلو دامهه من اناملج الحيلوههه بس ليش حسيتهه قصصير ! انزعجت يوم خلص حسيت اني قريتهه فثانيهه ما كان ودي يخلص ههه . . امم عبداللهه ياويلي عليهه صدق ظلمتهه طلع عاشق طلع مشتاق هع محمد اسلوبهه ماصخ شو هالبياخهه عاد مب عفؤر وحده غيرها جان يبا يقهر فمريؤوم ههع بس بعد ماينلام منجرحح منها بعدههه وين يسامحها . . ! مريؤم احسهها تاابتت وحست بقيمةة حمود وهي تغار عليهه من العفريتهه عفور بس ياويلها شكلهه ناوي عليها الويل خخ .. امم شسسمهه عفور العفريتهه مصدقهه عمرهها حسيت حمود بس يبا يقههر مريوم فيها وهي شاده حيلها ومستانسهه هع مسكين حالهها . . ووو شسممهه صدق اني بتولهه ع الرورو بس مب مشكلهه بعد رمضان احسن واحلى . . وتسلم اناملج حبي ربي يعطيج الف صحهه وعافيهه ع هالرورو الطشوخيهه . . :blushing: دمتي بوؤد ! =) |
اقتباس:
ميحبتيين حياتي :blushing: واناملج الاحلى تسلمييين اممم احاول اطوله بس يتم قصير ماعرف ليش ان شالله احاول اطوله المرات الياييه حبيت تحليلاتج وان شالله تكوون صح هههه وانا اقول جي بعد فرمضان كل حد لاهي تسلمين اموووولتنا على الردود الكشخه شراتج وعلى التقييم =$ ويعافيج ان شالله حبي ^^ * اللي متابعيني بصمت انا بعد اتريا ردودكم بلهفه |
صراحة البارت قميييل << بلاي معلقة على هالكلمة اليوم .. المهم محمد قهربي هالإنسان نعم يعني نعم بدال ما تعلم حرمتك الصح تروح تخونها خلاص هي تابت انت شو من انسان هههههههه حبيت يلسة الشباب يوم انطفت الكهربا حبيت هبالهم ها شويخ اشوف معجبين هههههه و نترياج حبوبة .. بعد العيد لأني بسافر باجر و بشتالق لج و لروايتج ^^" مع السلامة |
اقتباس:
ويينج مختفييه ها من زمان انا منزله البارت :glare: ههه حبيتها ^^ مممم ماتدرين يمكن تستاهل ان يستوي فيها جي والريال اكيد بيعصب ههه اهم شي الهباايل هييل وان شاء الله عقب العيد البارت تسيرين وتردين بالسلامه وانا اكثر بشتاقلكم موت :( ربي يحفظج حبووبه تسلمييييييين |
,, 12~ ,, كم شكوت البين بالليل إلـى مطلع الفجرعسى أن يطلعك وبعثت الشوق بي ريح الصبـا فشكا الحرقة ممـا استودعـك يا نعيمي وعذابي فـي الهـوى بعذولي في الهوى ماجَمعُـك؟ احمد شوقي.. محمد: سمعت طرق الباب وانا منغمس بين ملفاتي و أوراقي, بـعدم انتباه: تفضل؟ يتقدم سلطان: هلا محمد, شو الاخبار نظرت إليه: اهلين ياخوي, ماشي الحمدلله بارتباك:بغيتك فـ سالفة اذا مب مشغول تركت الاوراق من يدي واعتدلت: اعرف شو بتقول, ماله داعي تزيد فهالموضوع يجلس امامي: الله يهديك بس, حتى ما تبا تفكر؟ اسندت ذراعي على يد الكرسي وبدأت بتحريكه: سلطان, انا ماقدر اعتمد على خالي في شي وانت تعرف, يوم كانت الشركة طايحة وعليها ديون ابوك مافكر حتى يعطيني سلف ولا يساعدني, مشّيت كل شي بنفسي, واحين يوم وقفت على ريولي تقولي يبا يشاركني؟ يحاول اقناعي: ابويه غلطان, وانت تدريبه كيف يموت على الفلس..بس احين احس به جاد وتعرف ظروفه! اسهمهم نازله بهدل عمره بهالقروض والحال ما يسر ياخوك شبكت يداي على المكتب وابتسمت: ماعليه سلطان, ابوك لو فيه خير ما عافه الطير.. سمعت طرق الباب مرة اخرى: تفضل! التفتنا لخالد: السلام عليكم سلطان: عليكم السلام وقفت: عيل انا بستأذن منك عندي شغله ويا خالد شوي, يقف عبوساً: بخليكم على راحتكم خطفت من امامه ولحق بي خالد, اشرت للسكرتيرة: منى دقايق وبرجع ابا البريد يكون على مكتبي.. منى: حاضر طال عمرك التفت لخالد وانا امشي: ها بو وليد, شو الاخبار اللي خذتها خالد بجانبي: كل شي تمام طويل العمر, خذت شوية معلومات من المستشفى و من يرانهم, قلتلهم اني ربيعه من زمان واحين ادوره, قالولي اسمه عبدالله يشتغل في الدايرة الاقتصادية ومعاشه جليل, ابوه باني له بيت بروحه,و مطيّح في المستشفى من سنة ولين الحين يعالجونه, شد انتباهي: ليش شو فيه؟ خالد: يقولون ميت سريرياً التفت عنه: هييه الله يشفيه, خلاص جوف لي هالبيت وين! واسأل عن اخوانه ابا اعرف كل شي عنه تسمعني! خالد: ان شالله, بس ليش كل هذا ؟! واسف على السؤال.. ناظرته: معرفة قديمة على قولتك مشيت عنه وابتسمت لـ جمعة امامي: صباح الورد يا عسل جمعه: والله مديرنا مصحصح ها ضحكت: الله ياخي بتحسدنا على الابتسامه يربت على كتفي: يعطيك العافية بس مسحت على يده: والله و عضلت يا يموع,, جمعه: غرت منك اتصدق ضحكت:هههههههه سخيف واجهتني خلود: صباح الخير طال عمرك وقفت: اهلين خلود, ها شخبار قسمج كل شي تمام خلود: الحمدلله كل شي تمام خلصت تقرير امس ساعة وبيكون عند مكتبك ابتسمت: خلاص تعالي وهاتي قهوتج وياج ورانا تعديلات وايدة.. اومأت: ههه ان شالله مشيت لأراجع قسم المحاسبة, والتفت للصوت ورائي: صباح الخير التفت, عفرا: شحالك اليوم! تنهدت: زين مدام كل يوم اصبّح بويهج تتقدم: افا, جنك مستاء من وجودي التفت عنها: لا بس انا فشركتي ابتعد عن الامور الخاصة, في شي؟ تبتسم: ممم يبتلك ريوق , قلت بمر عليك قبل لا اسير دوامي انحنيت قليلاً مستهزئ: مشكووورة , يلا اجوفج في البيت تركتها بـ علامات القهر ومشيت, تحسب بعدي عن مريم مجال يفسح لها الطريق لتقترب مني, تذكرت ما قالته في السيارة , في طريق رجعتنا من العيادة , بصوت خافت: محمد..انا حاسه ان فيك شي! -شي مثل شو! -احس يعني, احس انك مب مرتااح! -ليش مارتاح الحمدلله - اقصد ويا مرتك.. استغربت انك هديت بيتك وييت تسكن هني! في شي لا سمح الله -حبينا نغير جو -ما بتغير جو مني والطريج اكيد في سبب.. وهالايام انت مب على طبيعتك -عادي من الشغل -لا تقص عليه اعرفك زين -عفرو لشو تبين توصلين! مب فاهم شي ترى بارتباك: محمد, تذكر يوم ييتك في يوم تخرجك من الجامعة وخبرتك.. قلت بسرعه: هاي سالفة جديمة شو ذكرج فيها احين! محتارة: لأني ما لقيت منك اجابه! جفتك تصدني, حاولت افهمك بكل الطرق اني ابغيك! وكنت تعاملني مثل اختك انقهرت, ويوم ييت اعترفتلك هاك اليوم اني احبك نفرت وقلتلي انك تحب وحده ثانية, وطلعت ماتحب حد ماخذ هاذي لان امك مدحتها, ليش سويت جذي ليش!! بعصبية: لأن ماعرفت كيف ارد عليج صدمتيني, وشو فايدة هالرمسة الحين انا ريال بوعيال تمسك اعصابها: لان بعدني احبك, وانت اصلاً ما تحب هالمريم طلقها مسكت بالمقود بقوة: ماااالج شغل ! ولا تطرين هالسالفه موليه.. انا رضيت اوديج لان قلتيلي سيارتج خربانة لا تخليني اندم! نفخت بوجهي وصدت بعيداً,, كان ذلك منذ اسبوع, ما اطوله .. اسبوع وانا اتحاشى مريم, واتحاشى الجلوس في البيت حتى لا اصتدم بلقائها, دائماً ما ارجع متأخراً لألقاها نائمة, تحت ظلمات الليل, مسدولة الشعر, آفلة النجوم وحيدة, ادخل غرفتها لأطمئن عليهم, امسح على خديها واشتم عطر ثيابها, اقبل جبين عمر , حتى ابني لم اعد اراه! قطعت قلبي بدموعها حين قلت: خلينا نفترق! كنت احاول انهي عذابي وعذابها, حتى لو حرمت نفسي من ابني لن اعيش مكسور الجناحين .. مذلول الكرامة.. لن اعيش مع امرأة خانت العشرة, كبرت بعيني حين أبت, واصرت انها لن تتركني مهما قلت او فعلت, لكن ما الفائدة! حين اغلقت بقلبي بابها! لم يتبق في الحروف كلمات تقال او تُسمع هانتني ..باعتني رخيصاً, اخذت بيدي حجارة ارمي بها نفسي واسأل مليون مرة لماذا !!! كيف ومتى!! بداخلي انسان غيور يصرخ لما خنتني؟ لمَ مريم! رغم شخصيتي ومكانتي , الا انني طفل ضعيف محتاج لك دائماً, لمَ لم تعطني قدرمـا اعطيت .. ولو قليل رغم اني لا اعرف كيف اعبر لك عن الحب المكنون في صدري, لكنني حافظت عليه و صنته, خبأته في قفص حتى لا تلمسه يدين! حتى لا يشرخه احد, وانت من شرختِيه.. كنت اظن انني قوي لا يهزني احد ولن ينافسني احد, انا الاول السبّاق في كل شيء, ولأنني فزت بك اعتقدت اني ملكت مال هارون, امتلكت اجمل الجميلات! الا انني ملكت شخصاً, لم افز بـ قلبه ابداً ..لم املك كل شيء مثلما تخيلت, مهما ادّعينا المثالية فـنحن في زمن النواقص, اتعرفين..أتعرفين ذلك الشعور بالقهر؟ أخضتي تلك الحرب بينك وبين نفسك؟ أجلستي يوماً تعددين عيوباً اول مرة ترينها بك! أسمعتي اغانٍ حزينة واحسست بأنها تتكلم عنكِ! أسمعتي يوماً بأن الخيانة بحر لجي ,يجعل الحي ميتاً بارداً مزعزع الثقة! فقد كرهتك رغم حبي لك, قسوت عليك رغم حنيتي عليك, وبعد كل مشاجرة بيننا اختبئ لأتــألم بعيداً عنك.. أفـتح النيران على نفسي لأنني ابكيتك! نعم هذا انا حبيبك,عشيقك.. كما يعشق الرجال! لم اصدق تلك المجنونة اخته حين ركضت الي والشرار يتطاير من عينيها: اسأل مرتك وين تسير وترد, اسألها اللي ما تستحي تلاحق الرياييل! قاصه على اخويه والله يعلم كم واحد غيره صديت عنها لأنني لم ارى عليك دليلاً, ولم اشوه طهرك في عيناي, اسرعت واحضرت من السيارة البوماً كاملاً, يحمل صورك, صورتك في زفافنا, صور لك فالبيت, صور معه في سفرك, صور ابني بين يديه, اتعرفين بماذا اقسمت؟ بأني ارجع واشوه وجهك واكسر ضلعك.. تفاقمت بداخلي غيرة لم اشعر بها من قبل, احساس غريب علي تماماً, شيء من الحقد والغيرة معاً.. لكنني لم انوي الانتقام, اتعرفين لماذا! لأنك انت المخطئة, انت ! كان ذلك واضح من عرض ابتسامتك بجانبه انك مرتاحه, سافرت معه وانا من ظن انك باشتياق لي ولابنك, الذي ظل يبكي طول المدة يريدك, شلته واصبحت له الام والاب لاجل سعادتك, حتى لا تقولي تذمرت.. وقفت بوجه كل ظنوني ودافعت عنك.. لم اشك ولو للحظة, بالأخير خسرت القضيه, هديتك جنتي على طبق من ذهب واخترت طبقه..الرخيص مثلك تألمت نعم, ولكنني لم ارد ان اظلم احد! انا من أسأت الاختيار, وعلي تحمل النتائج! فاجأني من خلفي: بو عمر! بلاك انته كله يالس صوب الدريشة وسرحان.. نظرت حولي,ابتسمت اطرد افكاري: والله ماحسيت موليه اني رجعت مكتبي, جمعه: مب صاحي انته ترى قلت: اوني كنت بمر المحاسبة جمعه: لا لا خلك مكانك, انا بمر هناك آمر انت بس! رن هاتفي وكان رقم امي, قلت بسرعه: قول حق نادية ابا ملف هالشهر وخل اتجيك على ايميلاتها! جمعه: تامر طويل العمر رديت: الوو امي: سلام عليك امايه! لا يكون عطلتك عن شغله سامحني اخذت اقلب فالاوراق: اهد الشغل عشانج امريني فديتج امي: ما يامر عليك عدو حبيبي..بس ولدك تعبان مرتفعه حرارته ومريم تقول ماعندها رصيد تتصلبك! تباك توديها الدختر ماعندها سيارة.. سألتها بسرعه: حرارته مرتفعه؟ هندوو ويين رشود وين! امي: افف اختك بعد مشاويرها ماتخلص ويا هالخياييط, ورشود بعد طلع! وقفت: خلاص انا الحين ياي قوليلها تجهز.. اهرعت للخارج ووصيت منى تأجل اجتماعاتي لاحتمال تأخري.. حركت من امام المكان, ايقنت في نصف الطريق بأنها ستجلس بجانبي, واتصلت بأمي ثانيةً.. عبدالله: اخذت كوبا القهوة من يد العامل: ثاانكيوو التفت له: انزين كمّل راشد بلا مبالاه: والله ماشي..رجعت من الجم تعبان ورقدت! شو بسوي ياخي ملل فالصيف سألته بفضول: جان قلت حق اخوك يشغلك مب عنده الشركة احين! يرفع شفته: منو قالك ابا اشتغل! شغل الشركات ها مايعيبني..انا دارس هندسه وبرد مهندس ان شالله, التفت يميناً ويساراً: بلاه دبي مول خالي اليوم! راشد: منو تبا اييك الصبح! ابتسمت: والله انت ايلس هني كل يوم الصبح بتحصل بنات اشكال والوان, خاصه هاييل القو اللي ييلسون هني! راشد: اسميك متفيج انت تنزل تتريق ولا تغازل! تنهدت: ياخي زين اني داومت هني, عل اقل اونس روحي شوي عقب هالمراجعين الحشرة - يييه ماتخيل عمري عقب هالتعب ايلس واطلع رخص واسولف ويا الهنود - لا تستهين بالشغل ويا ويهك رافس النعمة - بس بس حسستنا حكيم زمانك, عازمني عشان تشغلني وياك شو -فكره, عشان تيمع حق مهرك ياوليدي -هههه اسميك ام عيال -ههههههه مردوده , بطلع الفلس من بطنك ماعليه -يالزط مستوي خالي اجوفك -حليله اشحاله! -اوو ها سالفته طويله , احينه متبهدل ويا القروض الله يعينه -اووف.. -ياخي ما يسمعون الرمسه كم مرة حمود قاله خل عنك سالفة القرض مايسمع! لا و يليت يصرف على حد بعد ماعرف وين يودي البيزات, -بعده ضرس؟ -لين باجر..خلها على الله! امس مصفع سيفوه فقير ولين احين مب طايع يرجع البيت - اللي يسمعك يقول بيتهم فبوظبي الا الباب بالباب, وينه سيفو الحين -دوامه وين بيكون, روحه حاط على عمره سلفيه عشان يساعد ابوه فقير -سلفيات بعد, واخوك ليش مايساعده مب خاله -تعال انت بخبرك شو تتحرى حمود عنده كنز علي بابا؟ كل ساعه وقال اخوك, ابوي احنا غاسلين ايدنا خله كل واحد يتحمل نتايج افعاله, التفت عنه وانا اكتم غيضي, من حقها ترجع لزوجها .. بخت ومال وشركة والى اخره , لو اعرف اية وسيلة لأوصـل لها, ما يحيرني لما لا يطلقها؟ فوق مـا رآه وسمعه! بـ ودي لو اسأل عن اخبارها ! لو استطيع ان اخطف نحوها والمحها فقط..فرصة ذاك النحس بـ دوامه,! تنحنحت: ها ما تباني اردك البيت ! راشد: مب فايق ارجع خلني اتطمش دفعت الحساب: قوم خلني اوصلك عشان ارجع عن يخصمون عليه, مادري ليش قصيت على عمري وقلت بشلك من الجم! راشد: احين بذلني ها, سيارتي مافيها بترول شسوي يعني ماطلع! سيفو نزلني وروح وقفت: قوم رشود فكنا يقف: افف قمنا يالحنان ارد ارقد تحت المكيف احسلي ضحكت: ههههه انا ماستحي مستوي ابوك اصرف عليك نزل راسه..شعرت بالغلط الذي ارتكبته.. تأسفت: اسف والله مب قصدي, تغيرت ملامحه: عادي ماستوى شي تذكرت ابي : ترى انا مافرق عنك..انت ابوك عل اقل ميت بعيد عنك.. بس انا ميت جدامي, الله يرحمهم اجمعين يربت على كتفي: امين يارب! خلك قوي مريم: اهتزيت في مكاني وانا اعض على اظافري.. سمعت خالتي: خلاص ان شالله امايه سألتها: هاااا شو قال! خالتي تغلق الهاتف: يقول اجهزي بسرعه , تبيني ايي وياج ؟ وقفت وحملت عمر: لا خالو ماعليه, محمد وياي اتجهت لباب الصاله لأخرج, واستوقفتني رنة هاتف خالتي التفت لها: محمد؟ ترى الشاشه: هي, الو؟ .. هلا امايه .. ليش؟؟ .. ايوا..زين ماعليه بخبرها!! يلا مع السلامة خفت ان يكون غير رأيه: ها شو ! تهز كتفها: يقول يباني انا اللي اسير وياه , مادري ليش.. اومأت بالموافقه..وانا اواري عن ضيقي, وحسرتي ..بشيء من الابتسامة المذعورة, اعطيتها عمر: طمنيني عليه عقب مشيت الى الباب, سمعت هند تنزل من الدرج: اميه ابا بيزات! خالتي: يودي عمر بنوديه الدختر هند: زين ماسمعتيني ابا بيزات خالتي: افف مب وقتج حق اشوو هند: ابا اسوي كولكشن يديد وماعندي شي خالتي: كلشوشن شو؟ واللي تربحينه وين تودينه تسرطينه هند: اوزعه على اللي وياي نسيتي بنات خالو ومهوي مشاركيني! يلا عاد امايه.. هربت بعيداً الى ملجأي..اخذت الباب ورائي بهدوء.. دخلت الملحق..خبأت وجهي بوسادتي وانا اندب حظي.. حتى لا يريد ان يختلي بي ! الحق علي, انا اصريت بالبقاء معه رغم جفاه وقسوته..كان لدي امل..امل وقليل من حلم جميل اصحى به كل يوم,!.. اسقاني المر وانا اقبّل كأسه..خنقت ضيقي في صدري وسكت.. كلما اتذكر مافعلت به, اقول هل يستحق ان يعاملني بجفاف ! لما لم يراها خيرة لاعرف قيمته, او حبل يوصلني بحقيقة مشاعرنا معاً او لأن قلبي, لم ينبض لفراق عبدالله,فـ معناها اني لم احبه اساساً , لا اعرف..شعور مختل..ربما كنت ابحث عن حنان وعطف واهتمام..شيء لا يخص حب او رجل! تقلبت في مكاني وانا اتوه في خيبات الوحده, منذ ذاك اليوم وانا لم التقي بمحمد , وحتى ان التقينا لا تأتي عيني بعينه..لكنني اشتقت اليه , اشتقت كثيراً ! غيب وأنا أغيب ونشوف من هو اللّي يتأثر من هو يكون ملهوف للثاني أكثر مهما تصد ولاّ تروح أدري أنا قلبك سموح وأدري على الفراق مثلي ما تقدر سمعت صوت هاتفي..رفعته دون نفس, وكانت غاية -هلا مريووم -اهلين حبيبتي -اشحالج طمنيني -زينه..يسرج حالي -هاه متى ناويه تطلعين من بياتج الشتوي؟ قومي يلا يالكسلانه -وين اسير! ماعندي مكان اسيره -عموري وينه يسليج -حبيبي مريض حرارته مرتفعه..ابوه وداه العياده -ياقلبي انا..انتي فالبيت يعني ولا وياه؟ -لا فغرفتي..بتين؟ -امممم ودي بس لازم اتلبس واسوي شعري ومكياجي..(باستحياء) ريلي بيتغدى عدنا اليوم -هههه انا اقوول..عيل عقب راوينا كشختج - بس المشكله انا ماعرف اسوي هالسوالف, دوم عفروه تسويلي احين عفروه محد اشمئزيت من طاريها: اهاا.. -امم انتي تعرفين تسوين اعتدلت: هو انا اعرف بس اخاف اخربلج فرحت: عادي عادي كل شي منج حلوو..ايي؟ ابتسمت: تعالي بس اذا خربت ويهج انتي كيفج اطلعيله بكشتج ههه -هههههه لالا حلو بيكون متاكده.. انا ياااااايه -اترياج حبيبتي.. انتعشت قليلاً..اخيرا لدي شيء لأفعله ! نهضت بسرعه وفتحت حقائب مكياجي واخرجت كل ما احتاجه..اخذت ملابسي لاستحم الى ان تصل غاية, محمد: وصلت عند باب البيت انتظر امي..ناظرت الساعه كانت على 12.. فكرت لو اغير رايي واقول لـمريم! لو قلت لها سـ تحسب اني اريد رؤيتها , وانا لا اطيق النظر اليها , سرحت بأفكاري بعـيداً.. لمحت من مرآتي اليمنى سيارة..سيارة ليست بغريبة, فتحت عيناي, سيارة ذاك, الحقير ما الذي اتى به الى هنا!! اشتعلت نيراني ..فتحت الباب بسرعة اول ما ركن عند الباب.. قبل ان اصل اليه نزل راشد, وقفت في مكاني ونظرت اليه! راشد؟ كيف عرفه ومن اين ومتى اشر راشد له من النافذة ودخل البيت دون ان يلتفت.. تقدمت منه, يصادق اخي ليتقرب منه وثم من البيت..خسيس! لمحني من نافذته, نزل نظارته الشمسية: هلا هلا ضربت على السيارة: انزل !! فتح الباب: اوب السيارة خوي بدون نفس: انزل بسرعه! نزل: خير ان شالله مصبح فويهي مسكته من اكمامه: انت شو لك شغل ويا رشود ها؟ انا مب محذرنك ماجوف ويهك مرة ثانيه اعتدل: اخوك ربيعي من ايام الدراسة تركته بعصبية: وشحقه ياي هني ولا رشود ماعنده سيارة! قسم بالله لو شفت رقعة ويهك هنه مرة ثانية لا انتفك ضحك: ههههههه صدق؟ عيل شو رايك انك محتايني نظرت اليه باشمئزاز ورجعت للوراء وانا اتعوذ من ابليس .. لو اقتله حلال فيه القتل! رديت: ماحتاي اشكالك استوقفني: الا شخبارهم؟ لهم وحشه وقفت..مسكت قبضة يدي من الغيض..التفت وشحنت القبضة بـ لكمة قوية على وجهه.. استوجع: آآآآآآآآآآآخ.. بـغيض: يود لسانك ولا تيب هالطاري, ولا والله اييب اجلك! يتحسس فكه: ههه..ماعليه مردودة..بس اللي بقولك اياه اقوى! التفت عنه ومشيت..واجهنني غاية ومها.. نظرن إلى ملامحي الشائكة باستغراب! نزلت رأسي.. غاية: السلام عليكم تصنعت الهدوء: وعليكم السلام! دخلن الملحق بسرعه..التفت ولقيته واقف بمكانه يرمقني.. مشيت الى سيارتي: انا حذرتك وانت تعرف شو بسوي سمعته: بقولك شي انت ماتعرفه! سكت عنه .. رد: لو عرفته بتشكرني لأني قلتلك!..في اشيا ما خبرتك عنها اختي وقفت واشرت الى عينه: ان ما روحت من هني ماتلوم الا نفسك رجع بنظرات تحدي: زين ..ماعليه , الايام بينا !! مريم: كنت اغيّر ملابسي في غرفة التبديل, وانا اسمع صوت غاية في الغرفة .. غاية: والله مادري..شكله معصب وصوت غريب: زين اسألي حرمته! -لالامايخصني هاي امورهم الخاصة - بس ها اللي وياه جايفتنه اظنتي ربيع سواف - مادري ليش احسه مغازلجي يخز يوم نمر صوبه -من حقه حلوو -بس لا استغربت من همساتهم عن من يتكلمون! خرجت لهن وقابلتني غاية بابتسامه.. ترحب بي: نعييييماً (سلمت عليها) اشحااالج عيوني! نظرت الى الاخرى: الحمدلله! وقفت: اشحالج, انا مها.. تذكرت: اوه سوري ماعرفتج , شخبارج! مشيت وسلمت عليها: سامحيني لاحظت ملامحها تشبه سيف قليلاً..لكنها شديدة البياض اظن مثل امها ..شعرها مجعد وترتدي نظارات طبية, ردت بـرحب: عادي فديتج اتجهت للباب: شو تشربوون شو تاكلون غايه تفتح شعرها: عن نفسي من التوتر مابا شي ! ابتسمت لها ونظرت لمها: وانتي! مها: لا حبيبتي تسلمين..بس خلصينا من حنة الاخت غاية: ماعليه قولي اللي بتقولينه , المهم طلعتي من البيت وتغيرت نفسيتج! والله الحجرة هاي كلها نفسيات ههه مسكت يدها: انتي تعالي يسي على الكرسي خليني اركب السشوار وابدا بشعرج متوتره: اممم تحسين اذا فليته احلى ولا ارفعه على فوق؟ نظرت جيداً: اممم جوفي شعرج طويل وملمسه ناعم فالاحسن تفلينه! مها: احس حر تلفه احسن غايه: ليش بنتغدى فالحوي! ضحكت: هههههه مها: اقتراااح اقترااح سألتها: الا تعالي انتي ليش كل ها؟ اول مرة اتجوفينه شو نزلت عيناها: لا, بس جي مها تنظر اليها: بس جي؟ عصبت: مهوي! مها: خلاص ااسكت احسن استغربت: شو سالفتكم! يعني اذا فيها احراج عادي اسحب سؤالي تغيرت ملامحها: لا بس..ماعرف شو اقولج..يعني من ملجنا من شهرين ما جفته غير كمن مرة..كله يسافر ويا ربعه..بس انا عاذرتنه احين صيف خله يستانس مها بجمود: اعذريه خليه يتمرد بغضب: مها لا تقولين جي توتريني! مها: غايو فتحي عينج شوي الريال مب مهتم فيج! حتى رقمج عرفه عقب الملجه باسبوع! غايه تبلع ريقها: عادي! اصلا مدامه اصر عليه وترياني سنين معناها يباني! مها: ياشيييخه! محد قال ما يباج بس الريال مب مهتم افهمي , سرحت بعيداً وسط احاديثهم, وانا امشط شعر غاية..تذكرت ايام عقد القران..جمود زوج غاية يشبه برود محمد..دائماً ما يسألوني اين هو لماذا لا يزورك؟ وأخبـأ الجواب بعيني..لا اجد منه رساله او اتصال يغنيني عن غيابه ,ثم يأتيني يستسمح وبيده باقة وردٍ صفراء يعبر عن الاعتذار..كرهت الورد الأصفر بسببه! بالضبط..احبني ولكنه لم يهتم..ويعتبر اي هديه او كلمة طيبة تكفيني بين مدة واخرى..لا يعلم ان وجوده بجانبي وخاصة تلك الفتره..اهم بالنسبة لي من اي هديه, نبهتني مها بجانبي: وييييه غايو حرقت شعرج! قفزت ونظرت بسرعه .. غايه تصرخ: صددددق؟. مها تضحك: ههههههه اتمصخر وياكم ههههههه .. بلاكم سرحتو مرة وحده! كانت سـتوقف قلبي..مزاح ثقيل! غاية تتأفف: افف منج مب وقتج مهاا مها: اسفه انزين .. قلت: حصل خير اخذت تنظر للغرفة وللخزانة, للصور على (الكمندينو) بجانب السرير.. اخذت برواز: محمد حلو هني! (قلبتها نحوي لتريني) وين ها؟ تصدق..قـد مآ حنيــت ,, آشـوفك فـي زوآيـآ البيــت .. وآســولف معــك عـن حزنـي .. وآحـس آن انــت تدريــبه! آنآ مـن لـي فـهالدنيــا..سـواك آن طآلـت الغيبــة !!~ واريت عن ملامحي: في فرنسا..كنا ف شهر العسل غاية: ما طولتو عشان عمي الله يرحمه ورديتو بسرعه! اذكر هالسالفه.. اومأت: هي مها ترجع البرواز: الله يرحمه..اصلا محمد وايد مستوي عصبي غايو ماتحسين! غاية تأشر بعينها : لا ماحس سألت بفضول: ليش يعني مها تكمل: اليوم واحنا يايين كان واقف عند الباب وويهه ضو..شكله متضارب ويا حد هزيت كتفي: مادري والله! (سرحت اتذكره): محمد اذا معصب مايكلم حد..حتى لو معصب منج مايرمس لين انتي تبدين..عادي يكتم اللي فقلبه مدة طويلة مايقوله ابد! مها: هيييه صح احييده! بس هالمرة كان وياه واحد وشكله صدق متضارب وياه! اصابني كلامها بالرهبة..ما الذي حدث معه وتخانق مع من! اذن لما اتى واخذ عمر اذا هو بهذه الحالة..فكرت اتصل بخالتي لأطمئن على ابني .. مع ان لم يمر الا نصف ساعه! فكرت انتظر قليلاً ,, بعد ساعة تقريباً انتهيت من شعر غاية..لأنه ناعم ولا يحتاج الكثير..رفعته بطريقه جميلة من فوق ..واخرجت مشبك صغيرٌ انيق لأرفع الغرة قليلاً , بدت رائعة بالتسريحة واحبتها! ولكن كلام مها ما زال يغزو رأسي..بدأت اقلق عليه! تمنيت لو استطيع مهاتفته وسماع صوته.. تذكرت ما قاله اخر مرة وبعدت الفكرة من بالي.. غايـة: زييين نبدا بالمكياج!! فتحت العلبة: اوكيي..جوفي عندج الالوان كلها اختاري لين ما اطلع شنطة الفاونديشن.. تلتفت لي: انتي الحين تفتحين الشنط؟.. تنهدت..ولمن سأضع! قلت: ماحب احط وايد..فالمناسبات بس غاية: ايوا..زين امم ابا على ذوقج بس شي خفيف! مها تتقدم: اشووف!! ممم انتي بتلبسين جلابية بيضا فيها احمر حطي احمر غاية ترفع شفتها: ليييييش رقاصه!! ضحكت: ههههههه .. لالا ماينفع..انا اقول لاتحطين شي بس بشخطلج بالآي لاينر فوق عيونج وبكثف لج الرموش..وبحط لون البيج خفيف على اطراف عيونج..بس مايبالها! مها: يس يس احب جي مكياج المشاهير غاية فرحه: صدق؟؟ واي مريوم وين تعلمتي! عقدت حاجبي: كل حد يسوي جي ! غايه: والله انا ماعرف ولا طشه..وهاي عنز بعد ماتعرف..هندو يمكن شوي..عفرو بعد موب هاك الزود..بس انتي بختبرج الحين! ابتسمت: بنشووف.. هندو ما ردت! مها: اتصلت متضايجه تقول الخياط مخرب كل الثياب..لانها متعامله ويا واحد يديد..وتبا افكار يديده احين لأن هالكولكشن فشل! غايه: ابلشت عمرها! مها: ليش احنا نكسب من الشغله..يعني لو هالفلوس انا من وين باكل..!! غايه: بس انزين سكري الموضوع مها: وانا الصادقة..بس شقول الله كريم غيرت الموضوع: انزين لو تبا انا عندي كم فكرة فبالي..احب اتابع سوالف الموضة والمكياج واتعلم! مها: والله؟ زين شو تعرفين مثل شووو!! فكرت: اممم اعرف موديلات فساتين قصيرة وقمصان كلوش و هالاشيا..بس بنغير فيهم شوي شرايكم! غاية: واي فديت المنقذ .. والله انج هدية! ضحكت: هههه الملل يسوي كل شي! مها: الحين بتصل فـ هندو بخبرها! غاية: زين عطينا من هالمجلات ولا البرامج اللي اتجوفينها بنتعلم! قلت وانا ارسم عيناها: وييه وايد ميمعه مجلات فالبيت..انا واختي عليوه نحب هالسوالف وايد..نتابع كل برامج الازياء من واحنا صغار..ههه كل ماتودينا امي محل لازم ناخذ شي نلعب فيه..يا قحفيه عوده يا شال ريش ونرد البيت ع طول تهاوشنا..احلى شي عقب ندخل الحجرة نشغل المسجل ونيلس نلعب بمكياج امي ونتمنظر باعمارنا..ايام والله بس يوم كبرت قمت ادش مواقع واشوف فيديوات واتعلم..جي اتسلى! غايه:ههه حليلكم والله..حظه ريلج يجوف هالتجمل كله! ابتسمت: من قالج..مول مايحب هالسوالف..يوم اتعدل يقولي مسحي انتي طبيعيه احلى..ومن يومها ودرت هالسوالف قلت ليش بعد.. مها تغلق الهاتف: اقولكم..هندو متحمسه تقول ابدو من الحيين..! مريوم تقول لج حلاوة عوده نظرت اليها: هههه مشكورة انتهيت من آخر لمسات المكياج..ادرتها نحو المرآة لترى نفسها: ها شرايج؟ وقفت لتتقرب اكثر..فتحت عيناها متفاجأه: وااااااو..وايد حلوووو..مهوي تعالي جووفي..! مها تنظر اليها: ماشالله علييج تخبلين..يعطيج العافيه خيتو مريم مع انه بسيط بس حلوو بصراحه في حفلة ميلادي بيي عندج! تنفست بتعب: حياج اي وقت.. غاية تحتضني: مشكوووورة حبي وايد وايد..احسني مب انا! ضحكت ومسحت على وجهها: فديت القمر خجلت: بس عاااد هههه مها: حبيبتي استوت الساعه 2 متى بيي ريلج ؟ تفتح عيناها: 2؟؟ قال بيي 2 ونص لازم اسير البس..مهوي تعالي صوريني بسسرعه..مريوم حبي مشكوورة..حياج ويانا ع الغدا..! وضعت يداي على بطني جائعة: علييكم بالعافيه..محمد بيي الحين لازم اترياه! لا اعرف لما كذبت..ربما لأصدق انا الكذبة واعيشها, مها: استانست بمعرفتج مريوومه مسكت كتفها: وانا اكثر حبيبتي..ربي يحفظكم.. رجعت للغرفة ونظفتها.. سقطت انظاري على بروازه..اطلت النظر اليه وكأنني اتأكد من مشاعري, انا فعلاً اشتقت اليك, ارجع اقسو علي راضية, لكن لا تتجاهلني هكذا, يتقطع قلبي منك! مشاعر جديدة احسها بجانبك لا تقتلها! مهما قلت هذا حظي وارضي به لن اصبر عن عيناك ولو من بعيد! آه ابني..عمر! اين هم تأخرو , اتصلت بخالتي فوراً..لم ترد ,حاولت الاتصال مرة اخرى ولم ترد علي احترت ماذا افعل, اخذت غطاء رأسي سأبحث عن سيارة محمد فالخارج ربما رجعو..خرجت بسرعه ولم القاها! خفت كثيراً.. فكرت بالاتصال بمحمد..لم يكن امامي حل! باصابع متردده ضغطت على اسمه, انتظرت قليلاً, حتى سمعت خرخشة اصوات, ارتجف قلبي وحاولت التصنع.. -الو -الو -هلا محمد..وينكم تاخرتو؟ -يايين -زين وينكم كل ها فالعياده .. شو صار! -ماشي عطوه ادويه..وديناه الالعاب احين بنرد -خلاص اوكي اغلقه بوجهــي..مسكت الهاتف بقوة حتى اخنقه, على اساس سأتصنع البرود و بان انه ابرد مني! كنت سأرجع للداخل انتظرهم ..ووقفت لـ عزيز الذي دخل ونادى علي قال وبيده اكياس: تعالي تعالي وين شاردة؟ نزلت: ههه ولا مكان .. تقدم: ها شخباركم؟ تغديتو عنا؟ -لا وين بعدهم..نسيت ان يتغدون 3 ونص ويجتلونا يوع -هيه والله اميه 2 ناشه عن السفره..بس اليوم قلت بتغدى هني -حيااك..وشو هالاكياس ماشالله -هيي هاييل ثياب وشوية اغراض حق عمور! -مشكور بس ليش كلفت على نفسك -لا شكر على واجب.بس مب انا يايبنهم ههه -عيل منو! - عفروه اختي عقدت حاجبي !تغيرت ملامحي دون شعور..على اية اساس تشتري له من قال بأننا بحاجتها نظرت اليهم: ماودي اردك بس..مب محتاي كبته متروس ثياب عزيز: يلا عاد شو تستهبلين! مسكينه متعنيه وقايله من امس ان بتاخذ حق عمر وتبا تسويله حفلة ميلاد بعد! اعتدلت حتى لا ابين غيضي: بس ميلاده مر عليه شهر احين ..قوللها ماله داعي عزيز! ينزل راسه: ان شالله.. احسست بأني احرجته..اخذت عنه الاكياس: مشكور وايد..عشان ماتزعل بس ابتسم: مادري ليش اتضايجتي, لو ولدي بستانس ان حد يهتم فيه! آه يا عزيز لو تعلم ما وراء اهتمامها! لو تعرف انها تحب اللعب تحت الطاولة.. -المهم يعطيك العافيه! سلم على خالتي.. -يوصل.. التفتنا لـراشد الذي لوى بذراعه على كتف سيف, ومشى الينا! سيف موطئ الرأس كأنه متضايق:السلام عليكم رديت: عليكم السلاام راشد: ها شو عندكم شو تسوون! عزيز يكلم سيف: بلاك بو هناد! سار عنك المحمل؟ راشد: اسكت عنه (ينظر الي) مرت اخوي الجميلة الحنونة.. سيري حطيلنا غدا لان ميتين يوع اميه بتخيسنا لين العصر سيف: انا ماشتهي راشد يدفع رأسه: عن المصاخة بتاكل غصبن عنك قلت: خير سيف فيك شي؟ سيف ينزل رأسه: تعبان شوي عزيز: تعال كل يلا عشان تكبر راشد: سيفو عن الحركات سيف: قلتلكم خلاص ماشتهي عزيز: لحظه يا... اعطانا ظهره ومشى! استغربت: شو بلاه! راشد يتنهد: يتصل فأمه ماترد عليه..ويوم ردت قالتله لا تتصلون وايد وخل ابوكم يطرش لي بيزات, عزيز: والله مب مترقعين لا في ام ولا في ابو! أسفت على حالهم: الله يعينهم ان شالله راشد: عزوز..شكلها مرت خيي بتلبسنا قوم نحوص فالمطبخ بروحنا! - ههههههه سيرو بروحكم لان مول مالي بارض عزيز: زييين ماعليه بتحتايينا (يمسك رقبة راشد) طوف طوف استوينا ربات منزل! ضحكت عليهم! صديت برأسي نحو الباب لألمح سيارة محمد, ولم ارى شيء.. ادرت ظهري ورميت الاكياس بجانب سلة المهملات..وتسطحت على اقرب كنبة! يتبع... |
| الساعة الآن 04:12 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir