منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

البارت الـ 32

عذاري : ناصر ششووه فيك رمسني . .

ناصر دق ايده بالقوه ع السسكان : ماتعرفين يعني ماتعرفين . .

عذاري تبلع ريجها : والله ماعرف اتكلم خوفتنننننننننننننني

مسح دموعه ب ظهر ايده وطالعها وابتسم : ماتعرفيين عذور ؟

عذاري تطالعه وماتتكلم . .

ابتسم ناصر : ربيعتج . . صديقتج . . حشاشه يوفج بتعرس . .!!! ليش ماخبرتيني انها مخطوبه ليييييييش . .

عذاري فجت عينها : حصيص مش مخطوبه . .

ناصر يصارخ :لا تجذذبيييييييين . . والله انها مخطوووووبه . . . بتملج بااجر وبتعرس عقب شهرين . . وتقوليلي مش مخطووبه . .

عذاري : وانت ليششش تسوي ف نفسك جذه . . انت ماتحبها نصوور . . متى لحقت تحبها كل هالحب . .

ناصر يغطي ويهه بايدينه : ماعرف . . والله ماعرف . .

يمسك ايد عذاري : ابوووس ايدج . .ابوس ريلج . . سوي اي شي . . لاتخلينها تتزووج . . انا مستعد من باااااجر اخطبها .. . بس لاتتزوج دخييلج . . انااا بموووت عذوور . .

عذاري مستغربه . .. : نصور اهدى . . انت متعلق فيها . . بس انت ما تحبها . . ليش تسوي ف نفسك جيه . . انته بعدك صغير والف من يتمناك . . خل عنك حصوه . . صح انها ربيعتي وعلى عيني وراسي .. لكن دام انها مخطووبه هاي مش نهايه الدنيا . . وقلتلك انت تعودت عليها . . شو الي يخليك تحبها . .

ناصر : ما احبها ؟؟ انا ما ارتاااح لين اشوف ليت حجرتها مبند واعرف انها رقدت واقدر ارقد . . . اناااا كل صببببببببببح اوقف عند باب المدرسسسسه اشوفها لين تدخل يمكن حد لا سمح الله يدعمها ولا يتحرش فيها او تحتاج ل شي .. انا الليل ماعرف ارقده الا اذا كنت مبركن عند بيتهم . . اهنييي اروح اتلذذ ف رقادي . . ها تعود عذوور . . قوليلي .. لو تعودد . . ؟؟؟؟؟

عذاري وايد مستغربه . .الفتره بسيطه الي عرفها فيه . . معقوله يكن لها كل هالمششاعر ف هالفتره البسيطه ؟؟؟ معقوله بيتخبل لهالدرجه . . .

عذاري طلعت فونها من الشنطه واتصلت على حصيص . . بس التلفون مغلق . . .

طالعها ناصر وابتسم بعذاب ودموعه تنزل : مبندتنه . . ما بترد علييج . . . تتزهب . . مشغوووله العروس . .

ماعرفت عذاري شو تسوي او شو ترد عليه . . بس كيف حصيص مخطوبه وما خبرتني ؟؟ كييف تخشش عني شي مثل هذااا . . .

حمد : ألوووه ؟

عنود بنبره مبحوته : ح ـمؤؤؤؤد !!!! لازم تي الحين . .

حمد : شووه فيج عنوود . . شووو مستوي . .

عنود : اخوك مات . .

حمد كان قاعد يمشي ع البحر و ووقف !!

عنود تمسح دموعها : مات خالد . . وماتت سميه حرمته . . وسلـامه ف العنايه . . سوو حادث . .

حمد : متتتتتتى ؟؟ وليييشششش محد خبررني .!!! انا الحييين ياي . .

عنود : اذا رمست سيف خبره . . لازم يردون من السسفر بأقرب وقت . . لازم يحضر دفنت اخوه . .

حمد يبلع ريجه : إنا لله وانا اليه راجعوون . . .

يندق باب الشقه بقوه .!!! استغرب سيف وسار بطل الباب بسرعه . .

ميثا عاقده حياتها : انت اهني ؟؟؟؟؟ " تطالع الشقه " منو عندك ؟؟؟؟

سيف باستغراب : محد !

دخلت ميثا الشقه وقعدت ادور ف المكان . . بطلت غرفه مهره ب قوه !! وشافت مهره راقده . .! وطلعت من الغرفه . .

ميثا : انت تتهرب مننني ؟؟؟

سيف يتنهد ويسكر الباب : ليش اتهرب منج يا ميثا .. والله ماتهررب .

ميثا ب صوت عالي : كييييييف تقولي طايح ف مشكله ويا اهلك ؟؟؟ ويييييييييين اهلك الحين . . ؟؟ تخرط علي . . ؟؟؟؟

سيف ب هدوء : ايلسي حبيبي . .

يقعد ع الغنفه . .

ميثا تصارخ : شو هالبرووووووووووووووووووووود الي فيييييييييييييك ؟؟؟؟؟؟ اقوولك وينك عني من كم يوم لا تسسال ولا تنشد حيه ميته . . ولا تتخبر عن الي في بطني حتتتى . . . ومطرشلي مسج انك مشغول ويا اهلك وانت يالس ويا هالحيوانه برووووووووحكم .؟؟؟؟؟؟؟؟ قووول لي الصصصصصدق ليسش تجذب . .

سيف يقوم ويصارخ : لـا تسسسبينها . . . ما سوتلج شي عشان تسبينها . .

ميثا تبتسم وتصفق : برافو برافو . . يا بططل انته . . ادافع عنها بعد . . غسسلت مخك ف هالكمن يوم . . .

سيف يتقرب صوبها ويمسك ايدينها : اهدي حبيبي والله بنتفاهم . .

ميثا توخر ايده بقوه : لا تلمسسني يالخسيس ..

سيف يتنهد : اسستغفر الله . .

ميثا تسير صوب غرفت مهره وتبطلها ب قوه : قوومي فديتج قومي . . .بعد مخلنج انتي راقده ومرتاحه وهو عند بااااب الغرفه يتريا الامييره النائمه تقوم من نووومتها . . .

مهره قامت من ع السرير وسارت صوبها بكل برود : اطلعي برا . .

ميثا بذهول : شو قلتي ؟؟

مهره تبتسملها : ما سمعتيني ؟ اطلعي برا ..

ميثا تعض ع شفايفها بقوه : انا اطلع برا ؟

مهره : يوم بتحشمين الي ف البيت تعالي . . بكون ف استقبالج . .

ميثا تمت مكانها مصدوومه ماتتحرك . . صدت ل سيف ودمعه من عيونها نزلت . .

ميثا تطالع سيف ب عيون مذهوله : انا الي اطلع بررا حبيبي ؟

سيف يطالع ميثا ويطالع مهره ! ما يعرف شو يقول . . .

ميثا تعض ع شفايفها ب قهر : حبيبي تخلي هالحيوانه اطلعنننني برااا ؟

مهره تعطي ميثا طراق : محد حييوان غيرج . . " بصوت عالي " اطلعععععي برا . .

سيف يا ومسك ايد مهره بقوه : لا تمدييييييين ايدج عليها . . ميثا الي ادش وانتي الي تطلعيييييين سمعتتتتتتتتي ؟؟؟؟؟

مهره تطالع سيف ب عيون حايره : انا الي اطلع ؟

سيف ب عصبيه : ما بعييييييييييد كلامي اكثر عن مره . .

مهره تطالع ميثا : ما بتطلعييين برا ؟ مافيج ذره احسساس ؟

سيف يمسك مهره من اييديها ب قوه و بـ عصبيه : ششششششششكلج ما سمعتيني ششششوه قلت . . هي الي ادش وانتي الي تطلعين . . يوم بتحترمينها تعالي دقي الباااااب . .

وطلعها برا الشقه !