منتدى استراحات زايد - ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟!

فالسياره
خوله " تمسك ايد بطي " : حبيبي
بطي : آمري
خوله : مم تحبني
بطي : وليش هالسؤال
خوله : مم
بطي : هي احبج
خوله : وموزه
بطي " تضايج " : شو ياب طاريها الحينه
خوله " استانست " : احبك
بطي " ابتسم "

على فكره على فكره
ترى قلبي ملكت امره
ملكته احساسي وروحي وروحي
وعقلي شامل فكره
حبيبي يا نظر عيني مناي وبهجة اسنيني
تجمل لا تخليني وانا داخلي جمره

.
.
.
العيــــــــن !
بيت بو احمد
سعيد : اقولكم خلنا نسير بوظبي
احمد : كح كح كح
مانع : شو عندك فالعين
سعيد : بس جي نغير جو
مانع : وليش مانغير فدبي
سعيد : مم اوكي عراحتكم
احمد " يغمز لمانع " يلا نشو
ونشو الشباب كلهم طقموا نفس الشي
برمودا اخضر على قميص اصفر وكانو كلهم جنان
وركبو فسيارة سعيد G55 عليه ثلاثي العين ويهو جدى بوظبي اما سعيد كانت يتحرى انهم رايحين دبي وكان الجو عندهم رقيص
مطول سعيد على اغنية حسين الجسمي متى متى ! وكانو يترايسون ويا شلة بنات
احمد : اقولك شوف شعرها
مانع : سعيد دووس
اما سعيد " طاار عنهم " وقف فاقرب شيشة والبنات وراهم
سعيد : وبعدين وياهن
احمد : خخ انزلو انزلو
مانع : يلا
نزلو وكل العيون عليهم كانو جنهم تواأم

............: فديييتهم ياربي كيوت
مانع : ههههههههه فديتنا كيوت
احمد سعيد : نقعو من الضحك
............: 050 *********
مانع : صدق انها لوث وما تخيل

خذو اللي يبونه وبسرعه ظهرو والبنات وراهم لين ماوصلو بوظبي وضيعهم سعيد

عالساعه 5
فبيت وديمه
وديمه : تمي بعد شوي
موزه :مره ثانية حبيبتي
وديمه : انشاء الله فديتج تحملي على عمرج
موزه " انشـ ,, وتخرطفت عالدري وطااحت
وديمه " صرخت " : مـــــــــــــــــــــــــــــوزه

.......

وبسرعة يت ام وديمه وطلبت الاسعاف ودقاايق يو وشلو موزه ووديمه اما منصور" اخو وديمه وامه " راحو وراهم بالسياره
وديمه كانت تصيح وخذت فون موزه وشافت اول رقم بطي واتصلت به وخبرته وبطي خبر امه والكل فالمستشفى

المستشـفى ..
الكل متيمع وخايف على موزه

ظهرت الدكتوره
بطي : طمنيني
الدكتور : عندها نزيف ولازم تنزل الجنين
الكل " انصدم " !!!
بطي : وينها الحينه
الدكتوره : حاولنا وياها بس قالت انها مب موافقه وهذا خطر عليها وعلى الجنين
بطي : اقدر ادخل عليها
الدكتوره : هي بس بسرعه لو سمحت
بطي " حدر على موزه وشافها تصيح ومتويعه
موزه : اظهر برع
بطي : مــوزه الدكتوره قالت لازم تنزلين الجنين لانه خطر على حياتج وانشاء الله ربي بيعوضج
موزه : قلت لكم يا نموت سوا ولا نعيش ويا بعض ماريد انزله ماريد
بطي : بس .. " وقاطعته
موزه " تزاعق " : اظهـــــــــــــر برع ماريد اشوفك
بطي " تخبل يوم شاف حال موزه " : خلاص انزين اللي تبينه " وظهر عنها
ام راشد : خير شو قالت
بطي : مب طايعه معانده
الدكتوره : خلاص عيل بنسوي لها فحوصات وبنعطيها مثبتات للجنين
دخلت الدكتور على موزه وحاولت تهديدها وعطتها ابره ترتااح
منصور : يلا نسير
ام منصور: انا مابظهر لين ماتطمن عليها
وديمه : امي انتي سيري ويا منصور وانا بتم عندها
منصور : هي وانا باجر انشاء الله بيبج
ام منصور : يلا عيل
منصور : وديمه اذا بغيتي شي اتصلي بي
وديمه : انشاء الله " وراحت صوب الاستراحه "
اما ام راشد واللي وياها راحو البيت الا بطي
بطي دخل عليها وشافها كيف تعبانه وشاف بطنها ودمعت عيونه
بطي " انا شو سويت فيج !! ها والمرحومه موصتني عليج "
بطي سار يلس حذالها وظهر مصحف وتم يقرا عليها لين الفير
اما وديمه كانت فاستراحة الحريم تصيـح تحس انها هي السبب فطيحتها
الساعه 12 بطي رايح راد عالغرفه يتطمن ع موزه ..
صوب الدكتـوره
بطي : بس لين الحينه مانشت
الدكتوره : عادي هذا طبيعي جداا لانها كانت بتجهض ونحن عطينها مثبتات وابر ورقدتها
بطي " رن فونه وكانت خوله "
بطي " بصوت مبحوح " : الوو
خوله : حبيبي
بطي : ها
خوله : اجهضت !!
بطي " عصب وتم يفاتن عليها وبند فويهها
دخلت وديمه على موزه شافتها تتويع
وديمه " تصيح " : مواااز
موزه " مدت ايدها لوديمه " : وديمه
وديمه : موزه انتي بخير والله انا آسفه كله مني
موزه : لااا مش منج .. أأآ بطــني
وديمه راحت زقرت الدكتوره
بطي " شافهم يركضون صوب موزه "
بطي : موزه
موزه : آآه بمــوت ويع فضيــع " كانت تلقط انفاسها "
بطي " تخبل يوم شاف حال موزه جذى " وظهروه برع "
صوب خوله كانت تفكر بخطط لموزه
جاسم : ممم فكري
خوله : بعطيك رقمها ولعوزها
جاسم : انزين .. حبيبي
خوله " ذابت " : عيوني
جاسم : متى بشوفج
خوله : مم
جاسم : باجر
خوله : امم اوكي حبيبي
جاسم " يلا فديتج حطي راسج وارقدي
خوله : اوكي فديتك وانته بعد
جاسم : انشاء الله باي
خوله : باي
.
.

اليوم اللي بعده ..
ستأذنت خوله من بطي وقالت انها بتظهر ويا ربيعتها وهو ماكان متفيق لها ابد وعطول قالها اوكي .. وراحت خوله صوب شقة جاسم
اول ماقدت الجرس فتح لها جاسم وكان شبه سكران
جاسم : تعالي حبيبي " وفتح لها ايده
خوله " فحضنه " : تولهت عليك قلبي
جاسم " تم يلمسها " : احبج
خوله : احبك موت
جاسم : تعالي ويايه داخل
خوله "ادخل وانا بلحقك "
جاسم : بسرعه " واسندح عالشبرية
جاسم : خواااالي
خوله : يايه حبيبي
يت خوله وانسدحت وياه واتهور وياها ..

فالمسـشفى
بعد ماستقرت حالة موزه وظهروها
بطي : شو انتي الحينه
موزه : الحمد الله احسن
بطي : انزين فديتج تري اهنا بيب الموتر
موزه " صدت عنه الصوب الثاني "
بطي سار بسرعه
منصور : احم احم
موزه " شافته وتوترت "
منصور " وقلبه معورنه عليها " : مرتـاحه
موزه : هي
منصور " حطي عينج فعيني وقوليلي انج مرتاحه "
موزه : منصور
منصور : لبيه
موزه " تنهدت " : خلاص روح بي بطي الحينه
منصور : تحملي على عمرج واذا بغيتي شي اتصليبي
موزه : الله يحفظك
منصور " دمعت عيونه "
بطي " يا وشاف منصور رايح من عندها
بطي : يلا
موزه تجدمته بدون لا ترمس ولا تقوله شي
فالسياره كان الجو مكهرب
موزه : ودني بيتنا
بطي " يشوفها وساكت " : اميه قالت يبها عندي
موزه : بس انا اريد اروح بيتنا
بطي " اتصل حق امه
بطي : الو هلا امايه .. هي تقول ماتبا تي عندج تبا تسير بيتها اوكي اندوج
موزه : هلا خالتيه انشاء الله فداعه الله
بطي : هي جذى خلج شاطره

السـاعه 8 المسـاا الكل تحت
دخلت خوله وهي تصيح
شما : خـــــوله
بطي " سار صوبها " : انتي وين وقبضها من ايدها
خوله : خلني انته بعد " وراحت غرفتها
وسار بطي صوبها معصب
بطي : طق طق
خوله : ......... مابا اشوف حد
بطي : والله ان مافتحتي بكسر الباب عليج
موزه ظهرت من غرفتها ع صوتهم
موزه : بطي ممكن تخف صوتك اريد ارقد " ودخلت "
شوي وفتحت خوله الباب
بطي : وين كنتي واتصلبج من الصبح ليش ماتريدن
خوله " تصيح "
بطي " خاف عليها " : خوالي حبيبي شو فيج ليش هالدموع " وحضنها
خوله : انا تعبااانه يا بـ ـ طي تعبـ ــاانه ابا اموؤ ت
بطي : بسم الله عليج ليش حياتي شو فيج
خوله : ......................
بطي : خلاص ع راحتج عقب ماتهدين خبريني
خوله :..............
بطي : سيري اغسلي ويهج وانزلي تعشي
خوله : مابا شي برقد
بطي : انزين لا تبندين الباب بي برقد عندج
خوله : انشاء الله
ونزل بطي وطمنهم
اليازيه " فخاطرها " ياربي كيف تمثل " ورن فونها ونشت تمشي برع
اليازيه : الوو
ثاني : فديت هالحسي ياربي
اليازيه " استحت " : ........
ثاني : شحالج حبيبي
اليازيه : الحمد الله ومن صوبك
ثاني : بخير يوم سمعت حسج
اليازيه : يعله مديم ياربي
ثاني : وياج قلبي .. مم اليازيه حبيبي
اليازيه : لبيه
ثاني " تخبل " : لبيتي حايه ..
اليازيه : : آآمر
ثاني : مم اخوج بطي شو اسم حرمته الثانيه
اليازيه " باستغراب ": مم خوله ليــِش
ثاني " تأكد من اللي فباله " : لا ماشي .. المهم حبيبي باجر بمر عليج
اليازيه : مم اوكي
ثاني : احبج
اليازيه :.........
ثاني : انزين ردي قولي انا بعد احبك قولي اموت فيك خلاص زعلت
اليازيه : مم
ثاني : يلا بخليج الحينه شي فخاطرج
اليازيه : سلامتك مم ثاني
ثاني : عيون ثاني
اليازيه : احبك " وعطول بندت
اما صوب ثاني تخبل عليها

اليوم اللي بعده
االغدى " الكل كان يالس على طاولة الطعام "
موزه " كانت توها نازله من فوق
بو راشد : تعالي فديتج حذايه
موزه " راحت صوب عمها وكل العيون الموجوده تراقبها
بو راشد : يلا سمي فديتج
موزه " ابتسمت " : الله لا يحرمني منك
بو راشد : ولا منج فديتج يلا غناتي كل عدل عشان ولدج
موزه : شافت بطي يشوفها وخوله يالسه حذاله وهو ماسك ايدها وقلبها عورها
خوله : يلا حبيبي كل
بطي : انشاء الله
موزه غرفت لها شوي وكلت لقمتين وسرحت
نصره : ابويه اليوم بنظهر ويا خوات عفااري
بو راشد : الله يحفظكم
نصره : حتى مويز بتي ويانا مم شما بتين
شما : لالا وين اودر سعيد وسلامه
اما خوله تضايجت يوم ماسالتها وحس بها بطي
بطي : مم شلو خوله وياكم
نصره " عقدت حياتها ": الحمدالله
وبطي " تضايج من حركتها يعرف انه خوله مب مقبوله من بين خواته
ميثا : موذه كلي عشان البيبيت
وموزه " كانت فعالم ثاني "
راشد : مووزه !
موزه : ........ مم حد زقرني
ام راشد : شو فيج غناتي
موزه " تتصنع الابتسامه " : ماشي خالتيه .. الحمدالله
بو راشد : ماكلتي يا بنتي
موزه : الحمد الله شبعت عمي
بو راشد : بالعافيه
موزه : الله يعافيج
..
..
..

العصــر
نصره صوب موزه
موزه : تجننين
نصره : شو بتلبسين
موزه : ماعرف
نصره : مم انا بختار لج عذوقي
موزه : هه اوكي
وتمت تختار لها
موزه : بروح باجر بقص شعريه
نصره " شهقت " : لااا
موزه : طفرت منه وايد متعبني
نصره : هي كل ولا بنت اخويه وحرمة اخويه يتعبون فديتهم
موزه : فديتج حياتي
نصره : يلا خلصي
موزه : حطت شويه فاونديشن عشان تخفي الهالات اللي تحت عيونها وحطت بلشر وردي خفيف وقلوز وردي وجحلت عينها ومسكرت رموشها
ونفس الشي نصره بس برونز ولبست عدساات عسلية ولبسن عبيهن وتعطرن وتدخنن وظهرن

شوي ودخلت اليازيه وسلمت على اخوانها وامها وابوها وسارت تبدل فوق
بو راشد : الله يحفظكن
هادف : تعالي نصره اشوف
نصره : كح كح وسارت صوب اخوها
هادف : وين سايرين
نصره : بنظهر ويا خوات حرمتك
هادف : هي محتايه شي
نصره : لا حبيبي تيك كير
هادف : الله يحفظكن تحملو على عماركم
نصره : ويحفظك وطرشلت له بوسه فالهوا
بوراشد "ضحك على خبال بنته"

ظهرن البنات رباعه ومرن على بيت عفرا عشان يشلن خواتها

موزه : عفدي ورا نصره
نصره : بدينا بحركات اليهاال
موزه : هههههههه
سلامه : حبايبي انا بيلس قداااام " احم "
مهره : ردي ورا اقبضي لج مذهب
سلامه : خليها من يومها تيلس عند الدريوليه
سلامه كانت عكس هند سلامه جريئه وفيها خبال واللي فراسها تسويه عكس هند ما يخصها فالدنيا
هند : والله بخبر امايه عوشه
سلامه : هههه فديتها العيوز
وتحركن البنات
نصره : ايي نحن وين رايحين
موزه : العيـــن
الكل " انصدم " : شـــــــــــــو
موزه : بسم الله بلاكم
نصره : عادي انزين خلنا نتخبل
سلامه : صح صح شوفيها لو يوم واحد تخبلنا
هند : انتو عاد مول ماعطيتوها المجال انها تتخبل ..!
موزه : والله انكن مخبل "
موزه : مهره ليش ساكته
مهرة : ماشي فديتج اضحك على خبالهن
سلامه " ترمس الدريول " : اقولك رفيق شو اسمك انته محمد منصور زايد حمدان شو
اليازيه : بالله عليج ها ويه منصور وحمدان
هند : وبعدين شو رفيق هههه وين قاعده فالدكان
نصره : شو اسمك
الدريول : انا ابــــــو بكر
نصره : حيالله بو بكر
بوظبي .. بيت بو راشد توه وصل بو احمد وام احمد وعيالهم

ام راشد : توه مانور البيت
احمد : فديتج منو بوجودج
هادف : لا تتفدى اميه ابويه يغار ترا
الكل : ههههههههههههههههه

بطي كان نازل مع خوله من فوق
بطي : عيل وين البنات اسمع البيت صخه
هادف : ظهرن
بطي : ويـــن !!
هادف : مادريبهم
بطي : موزه وياهم
هادف : هيه
بطي " قبض فونه ويتصلبها مره ومرتين بس هي ماترد خلاف رد اتصل باليازيه

بطي : اليازيه
اليازيه : هلا بطي بلاك
بطي : موزه حذالج
اليازيه : هيه
بطي : عطيني اياها
اليازيه " تهمس لها " : بطي يبااج
موزه : نعم بطي
بطي : شو نعم طرطوور عندج انا
موزه : انزين شو بغيت مش فاضيه انا
بطي : لا والله
موزه : هيه
بطي : الحينه تردين البيت ولا والله بوصل لين عندج وبعرف كيف ايبج
موزه : مب راده
بطي : انزين ماعليه
موزه " بندت فويهه "
اليازيه ونصره : !!!!!!!!!!!!!
اليازيه : شو صاير
موزه : ماشي وصدت الصوب الثاني تشوف الشارع
بطي : والله لخليج تندين يا موزه عالساعه اللي خذتيني فيها " وظهر من البيت معصب "
سعيد " سمعه وعصب "

ااحمد وهادف وراشد ومانع وسعيد يلسو يتمشون برع
هادف : فكرو بخطه جهنمية ننتقم فيها للبناات
احمد : ههه حرام عليكم
هادف : وصلت مم انتو طبعا بتمون اهنا صح
احمد : لا بنرد
هادف : لا مب عكيفكم
راشد : عن الخبال
هادف : بنسير ناخذ اقنعه وبنلبس عبي وبنمسك لهم سيوف والفليل عالساعه 12 بنربع برع بنزخهم
سعيـد : هههههه اوكي اوكي
راشد : طع المينون الثاني بعد
هادف : يلا بنسير نرتب

اما صوب بطي شل خوله وويه جدى العين
خوله : انزين حبيبي بلاك جذي
بطي " ظهر صلب زقاره وتم يدوخ
خوله : بطي
بطي " كان معصب ومتوتر "
خوله " مسكت ايده وهدا شوي
بطي " كان اول مره متخبل ويسوف بسرعه جنونيه "
خوله " حست بألم فبطنها "
بطي " خاف عليها بلااج !!!!!!"
خوله : ممـاشي ممـاشي
بطي : تعالي هني " واشر على صدره
خوله " يلست حذا وطاحت عصدره "
خوله فخاطرها " والله احبك يا بطي بس ماعرف شو اللي خلاني اغلط هالغلطه اخاف اعترف لك وتودرني افف ياربية شو اسوي متى بكون بروحي وياك متى بفتك من هالموزه بس انا لازم افكر بخطه اخليه يودرها

لقاك يعالج اعواقي
وتجنح صوبك اشواقي
كانك بين الاحداقي
ملاذ الحب ع الفطره
كلامك غنوات ايام .. وقربك يروي احلامي
ويروي قلبك الضامي .. ويهدي للغلا زهرة

صوب البنات
بعد ماوصلن نزلن يتمشن
سلامه : ايه ابا اروح اقعد عالمريحانه
نصره : انا بعد يلا قومي نسير
سلامه : هنود تعالي
هند : يلا
بعد ماوصلن يلسن وتمن يتمريحن شوي ويو شلة شباب تمو يطالعونهم ويسولهم حركات
هند " ماعيبها الوضع ونشت "
نصره " ايلسي ماعليج منهم خلهم يولون "
هند : لاا مابا ووقفت حذالهم
......: الشيخه انتي اللي واقفه 050******
سارت له سلامه ( ياحبها حق الضرايب )
سلامه : صدق انك ماتستحي ولا تخيل يا جليل الحيا
........: توم بعد يا ويييل حالي " وتنهد "
نصره : خلنا نسير مكان ثاني
هند : يلا ..

اما صوب موزه واليازيه مهره
اليازيه : مم قلبي يعورني
مهره : سلامة قلبج شو بلاج
اليازيه : ماعرف والله مب مرتااحه
موزه " ممم
شوي ورن فون اليازيه " كان ثاني ونشت عنهم
مهره : انتي معرسه
موزه " تنهدت " : هيه
مهره " كسرت خاطرها " : شكلج صغيره
موزه : عمرريه 20
مهره : العمر كله
موزه " اكتفت باتسامه "
مهره " الله يسعدج ياربي
موزه : وياج فديتج
وخذن ارقام بعضهن ويلسن يسولفن لين ما نصره شافت سيارة اخوها بطي وشهقت
هند : اييه بصيــح
نصره : انتن اركبن السيااره
سلامه : وين مهوور
بطي شاف موزه يالس ويا مهره وسار صوبها وقبضها من ايدها
مهره " شهقت "
موزه : مهره انتي روحي والـيـ
سحبها بطي قبل لا تكمل رمستها وراحو شوي بعيد وتم يدزها وقال حق اليازيه اخته انهم يركون السياره ويردون وبالفعل ردوو
اما خوله نزلت صوب بطي وتشوفه كيف يضرب موزه وتضحك
خوله : يالله حبيبي
موزه " كانت تصيح وحاطه ايدها على بطنها "
بطي : انا برااويج " وفرها عالارضا وشل خوله وراحو
خوله : اللي مثل هالاشكال ينفع لهم هالادب
بطي : .......................
خوله : خلاص حبيبي لا تكدر خاطرك
.
.
اما صوب موزه كانت تحس انه روحها بتظهر من كثر الضرب وياها ويع فبطنها
2 كانو يمشون وشافو موزه كيف تعبانه وربعو صوبها
........: بغيتي اي مسااعده
.........: حمود تعال نحن مايخصنا " وسحبه
......... : مبارك ماقدر اخليها جذى " ورد صوبها
موزه " بس كانت تصيح "
.........: حد ويااج خواتج اهلج وينهم
موزه " كــلـ ـ هم ودرو نـ ـ ي " واغمى عليها
........: ياربي كيف اتصرف الحينه البنت بتموت " واخر شي شلها وركبها فموتره وطار بها اقرب مسشتفى " توام "
بعد ماوصل دخلوها عطول وهو وقف برع تم متوتر ماعرف شو يسوي ..
النيرس : نحن لازم نولدها قيصري
.........:" بصدمه " حــاآأ مـــــــــــل
النيرس : انته قوزها
..........: لاااا هــي ياربيي
النيرس : ايوا ولا لا " عصبت
..........: هيه هيه
النيرس : تفضل وقع هنا
.........: وقع بسرعه وظهر برع المستشفى
.
.
صوب البنات " كانن كلهن يصيحن وبطي وراهم
اليــ ازيه : ويـ ـ ـن موزه !!!
هند : حراآآأ م ضربها !!
سلامه : الحقير اللي ما يخاف ربه
عند بطي الجو كان مكهرب كل اللي يفكر فيه " مــــوزه "
بطي" ضرب السكان بايده : انا كيــــــــــــــف خليتها
خوله " عاقده حياتها " : خلاص لا تفكر وكمل دربك
بطي " عطول رد "

المستشفى
........ " اتصل باخته "
......... : الوو
عليا : بسـم الله محمد !!! بلاه صوتك
محمد : البسي واظهري برع الحينه ياينج
عليا : انزين خبرني شو مستوي
محمد : " عصب " : بس قلت لج تلبسي وبخبرج كل شي خلاف واظهري برع
وبسرعه محمد وصل صوب اختـــه وشلها
عليا : الله يخليك خبرني شو صاير
محمد " خبرها "
عليا " منصدمه " : .........
محمد : مابا حد يعرف
عليا : وانته كيف شليتها عن تكون
محمد : لاا مايبين عليها !! حرام لا تضلمينها والله انج لو مكاني بتساعدينها
عليا " صاحت " ......
محمد : بس عليا انتي بعد لا تعورين لي قلبي
شوي ووصلو المستشفى
محمد : انا حتى ماعرف اسمها
عليا " اكتفت بتهيده طويله "
محمد " انا توني يايب حرمتي وينها " يكلم النيرس "
النيرس" شو اسمها " : ممـ
عليا : فاطمه
النيرس : ايواا افتكرت انته قوزها هيه خلصت من العمليه وودلت بالسلامه والف مبروك عالبنوته
عليا : وين وديتوها اي غرفه
النيرس : 7 C
عليا : مشـكوره
وبسرعه عليا راحت هي ومحمد
عليا : انته تم اهنا لا تدخل
محمد : انشاء الله بسرعه دخلي وطمنيني عليها
عليا " دخلت بهدوء وعطول طاحت عينها على موزه "
وقبل لا تظهر دخلت النيرس بالبنوته
عليا : عطيني اياها
النيرس عطتها البنت
عليا ودتها عند محمد واستانس بها
عليا : اقولك لا تصدق مب انته ابو البنيه
عليا : انزين انته ماحصلت شي وياها شنطه فون شي
محمد : شنطتها !!! مم فالسياره
عليا : بروح ايبها
محمد : وهاي
عليا : خلها شوي عندك
محمد : بسرعه عليا لا تتأخرين
عليا : انشاء الله
راحت عليها بسرعه وتمت تدور فالشنطه لين ما لقت فونها حاولت تفتحه بس ماقدرت لانه عليه باسورد
عليا : ياربيه شو هالنحاآ سـ ـ ـ ـه .. شو قصة هالبنت الله يستر شكلها وراها قصه طويله وبسرعه راحت عند اخوها
عليا : عليه باسورد
محمد : والحل
عليا : مم نترياها تنش .. اذا بغيت تروح البيت روح
محمد : لا لا بتم لين مانرد البنيه عند اهلها
عليا : لا حول ولا قوة الا بالله
صوب بطي وصل مبزره ومالقى موزه وتم يدورها بقعه بقعه
بطي " عيونه تدمع " : يـــــعني وين ســـــــارت يااربيه
خوله " يمكن خذت تكسي ورد بوظبي "
بطي : يمكن
خوله : تعال انته ومن نوصل بنسير نشوفها
بطي : افف خوله سكتي عني دخيلج مابا اسمع حسج
خوله : ............... " وركبت السياره

بعد ماوصلن البنات بوظبي نصره خبرت ابوها باللي صار وعصب بو راشد لانه بو راشد كان يعز موزه صدق من قلبه
ومايرضى عليها اما بطي من وصل بوظبي نزل خوله وسار بيته وقبل لا ينزل شاف مس كول من ابوه وغلق فونه ودخل يرقد
اما فالمستشفى نشت موزه وتمت تصيح لين ماهدتها عليا وحاولت تقنعها اتم بس موزه ماعنده تبا تظهر
عليا : انزين انتي تعرفين حد اهنا
موزه : انتو ماعليكم منى وتوكلو
عليا : مايستوي حبيبتي اتمين
موزه بتصل بالدريول وبيني
عليا : ممم انتي وين ساكنه
موزه : فبوظبي
عليا : اتصلي باخواتج امج وابوج حد
موزه : ماعندي حد
عليا : كيف يتي
موزه : ريلي ودرني وراح
عليا : كيـــــــف وليش
موزه " تنهدت "
عليا " حبت تغير الموضوع " : مم ماقلتي شو بتسمين البنوته
موزه : ............. " سرحانه

ظهرت عليا عند اخوها وقالت له انها بترمس الدريول اييها لكن محمد مارضى واصر انه يوديها وعليا خبرت موزه لين ماحنت عليها ووافقت موزه
موزه : انا مش تعبانه والله
عليا : ماعليه انتي تمي اليوم اهنا عشان تكونين احسن وعشان البنوته وبتظهرين
موزه " تنهدت " : انشاء الله بس خلاص انتو روحو
عليا : افاا تطردينا
موزه : لا والله مب قصدي بس تعبتكم وياي
عليا : تعبج راحه فديتج
موزه : يلا توكلي ولا تحاتون
عليا : شي فخاطرج
موزه : سلامتج .. والله يحفظج
عليا : ويحفظج الغاليه
وظهرت عليا هي واخوها محمد بعد ماعطوها بنتها ..
عليا : وحليلها كسرت خاطري
محمد : ............
عليا : مم بلاك ساكت
محمد : شو تبيني اقول
عليا : اي شي
محمد : ......
عليا : طبعا باجر انا بوصلها بوظبي
محمد : لا انا بوصلها وانتي تعالي وياي
عليا : يمكن ماترضى
محمد : بترضى ماعليج
.
.
.
فبوظبي
ماوصلهم اي خبر عن موزه والكل يحاتيها وبو راشد وراشد وبطي ماخلو مكان ماآأ سألوه عنها فبوظبي والعين
اليازيه : ابويه بنتم جذي يعني
بو راشد : انشاء الله بنحصلها
اليازيه : كله منك
بطي " صفعها كف " : مابا اسمع صوتج ويلا على غرفتج !
الكل : !!!!!!!!!!!!!!
ظهر بطي برع وركب سيارته ورااح صوب بيت موزه وقف السياره برع ويصيـح !
بطـي " يصيح " : والـلـ ـ ـه بمـ ـ ـوت لـ ـو صاآ بـ ـج شـ ـ ي آأآه يـ ـ اآأ ربــي ساآأ عدنـ ـ ـي وتم على هالحال لين مارقد !!
اما فمستشفى توام كانت توها ظاهره موزه مع عليا ومحمد
عليا : انتي بخير ترومين تمشين
موزه : هيه اروم لا تحاتين
وركبو السياره وويهو جدى بوظبي !
.
.
.
صوب اليازيه كانت تصيح من الخاطر دخل عليها ابوها
بو راشد : تعالي
اليازيه " سارت فحضن ابوها وتمت تصيح "
بوراشد : ماعليه امسحيها فويهي اخوج متضايج ومعصب عشـان موزه
اليازيه : بس
بوراشد : خلاص حبيبتي الحينه سيري اغسلي ويهج وتعالي تحت
اليازيه : انشاء الله
بوراشد : يلا اتريااج
,,
ظهر عنها ابوها وشافت فونها كان عندها 4 مس كول 3 من ثاني و1 من رقم غريب ! اتصلت ب ثاني بس مارد عليها ودرت
الفونه ودخلت تتوضى وصلت وخلاف نزلت عند ابوها ..
نصره : ابويه ماشي اخبار عن موزه
بو راشد " تنهد " : لا حبيتي بس انشاء الله بنحصلها
ميثا " تصيح " : ابــا أآأ موؤزه
اليازيه : ميثانه تعالي ..
ميثا : موزه متى بتي
اليازيه : الحينه بتي اذا تميتي تصيحين جذى مابتي ترا
ميثا : خلاص مابصيح بسير عند ماما فالمطبخ
اليازيه : انزين سيري
ميثا : بسوي لي قهوه تعدل لي راسي
اليازيه : هههههه عسل هالبنت وربي
..
بعد ماوصلت موزه
موزه : حياكم
عليا : لا مستعيلين
موزه : لا مايستوى اودركم جذى وتروحون
محمد : انزين انتي عليا وانا بترياج
موزه : حياك محمد لا تستحي
محمد : مره ثانيه انشاء الله
موزه : يلا عليا
عليا : يلا
دخلت الفلة وانبهرت من جمال وتصميم وفخامة الاثاث من داخل كان الاثاث من الطراز الاسباني كل زاويه فالبيت تشد بأناقة المكان
موزه : حياج عليا
عليا : الله يحيج
شوي ويت جين مربية موزه
جين : aww moza how are you
مووزه : fine
جين i missed you
موزه : me 2
جين " شهقت " : ur baibe !! OMG mashallah .. congratulation
موزه : thanx
موزه : السموحه عليا
عليا : خذي راحتج
موزه : مم انزين
عليا : مم انتي عايشة بروحج اهنى
موزه : مم هي يعني من الحين
عليا : ليــش !!
موزه : مم شوفي ابويه توفى من انا صغيرة تقريبا ومن عمري 17 امـيه " وسكتت وغمضت عيونها تتذكر آخر موقف "
عليا : موزه فديتج اذا ماتبين ترمسين عادي فديتج بس لاتضايقين عمرج
موزه : اميه ودرتنيه وقررت تعيش حياتها بعد ما ابويه وصى انه ماترث شي من حلاله لانه عطاها نصيبها وزود وتمت عايشة ويا يدتيه الله يرحمها خلاف عمي قرر انه نعيش عنده لانه مايستوي نقعد فالبيت بروحنا و توزجت ولد عميه اللي هو بطي وتمت من بينا وايد مشاكل لانه كان يحب وحده قبل وعميه ماطاع ايوزه ياها ف يوم قررت اني اتطلق قال اني مابطلقج وراح يتزوج بنت عمته وبس
عليا : عيل شو ستوى فمبزره
موزه : اشربي اول عصيرج عشان اخبرج
عليا : ههه انشاء الله بس انتي كملي
موزه : كنا رايحين انا وبنات عميه وطبعا ماخبرته اني بروح بس خبرت عميه ونحن فالدرب اتصلبي ومارديت فغيض فاتصل فاخته وقالت لي بطي يبا يرمسج رمسني وقالي ردي قلت له مابرد بند وعطول لحقنا ويوم وصلنا غيض تم يضربني وخل خواته يروحون عني وحرمته تمت تضحك يوم كان يضربني وبس عقب يا محمد وكان معاه واحد كان يرمسنيه بس ماذكر شو كان يقولي
لين مالقيت عمريه فالمستشفى
عليا " تنهدت ع حال موزه " : الله يعينج " شوي وسمعت هرن محمد "
عليا : المهم انتي تحملي على عمرج واذا بغيتي شي رقميه عندج اتصليبي عطول وانا عطول بيج افا عليج
موزه : ماتقصرين عليا من طيب اصلج
عليا : يلا عيل انا استأذن
" وقبل لا تظهر حدر غيث "
غيث " طويلة العمر "
موزه : هلا غيث
غيث : بطي موقف سيارته من الصبح واضني انه راقد
موزه : اسمعني غيث ماباكم تفتحون الباب لاي حد لو منو ماكان واذا بطي حاول انه يقولكم شي ولا تم يسوي شرات اخر مره
اطلبو له الشرطه بليز ماريد اشوف حد
غيث : انشاء الله شي فالخاطر
موزه : سلامتك
عليا " انصدمت من اللي سمعته "
عليا : موزه بليز تحملي على عمرج
موزه : انشاء الله لا تحاتين فديتج تحملو على عماركم ومن توصلون طمنيني
عليا : انشاء الله
موزه : واستسمحيلي من محمد تعبته ويايه
عليا : تعبج راحه .. يلا عيل فمان الله
موزه : الله يحفظكم
.
.
وروحت عليا وتمت موزه بروحها راحت تتسبح وتلبست وكشخت عالخفيف ونزلت
موزه : سلامه نايمه
جين : yes ,mum
موزه : اوكي
جين " سارت ووصت الخدامات يسون اكل حق موزه اما جين تمت تسوي سويت
موزه اتصلت ب وديمه ويلست تسولف وياها
بيت بو احمد
سعيد : يعني وين بتروح مالها مكان هي
احمد : مادري والله هذا بطي ماعرف شو فمخه
مانع : افف قاهرنييه !!!
سعيد : اميـــه
ام احمد : عيوني
سعيد : اميه انا يوعان
ام احمد : جي ماتغديت فديتك
مانع : يتدلع
سعيد : بروح اخذ لي اكل حد يبا
ام احمد : وليش الاكل من برع شي اكل اهنا
سعيد : مادري مب مشتهي شي من البيت
ام احمد : ع راحتك غناتي
سعيد : تبون شي
مانع واحمد : سلامتك
ام احمد : تحمل على عمرك حبيبي وعن السرعه
مانع : ها حبيبي انزين عند ابويه
ام احمد " استحت "
مانع : ابـــــــــــويه
ام احمد : بس يا مانع
بو احمد يا : هلا مانع
مانع : ابويه اميه تقول سعيد حبيبي
بو احمد خزها بعينه
احمد : اووب مانروم عالنظرااات
ام احمد " احمر ويهها "
بو احمد : مايخصك فحرمتي لا تلعوزونها
احمد : عاشووووو
مانع : اوب مانروم عالشياب
احمد : كك كح ويغمز حق مانع بانه يلحقه
احمد : عن اذنكم فديتكم

بيت بو راشد
اليازيه : انزين يمكن فالبيت
نصره : وكيف بتكون فالبيت كيف ردت
اليازيه : يمكن مم بتين انا بجرب وبسير
نصره : مم اصبري بلبس عباتي وبي
اليازيه : انزين بسرعه ولا تخبرين ابويه انا قايلتله انه بنحوط
نصره : انزين
بعد 5 دقايق ظهرو
ميثا : وين سارو هالمنيونات ماما
ام راشد : سارو ايبون حق ميثانه الحلوه ايسكريم
ميثا : اللــــــــــــــــــه
ام راشد : يلا سيري عند بابا
ميثا : اباااج
ام راشد : ههه حبيبتي تعالي
ميثا : ركضت صوب امها ويلست فحضنها
" يا هادف وشافهم "
هادف " يأشر لها بايده انها تخوز "
هادف : اييه يلا انقلعي دوري الحينه
ميثا : مابا
هادف : يلا نشيي
ميثا : ماما جوفييه
ام راشد : بس هادف حبيبي لا تلعوز اختك
" شوي ويت عفرا "
هادف : يلا عفرا
عفرا : يلا
هادف : اميه انا بظهر شي فخاطرج
ام راشد : لا فديتك تحملو على عماركم
عفرا : مع السلامه خالتي
ام راشد : الله يحفظج امايه
وويهو جدى المستشفى
هادف : مم بلاج حبيبي
عفرا : ماشي بس
هادف : خايفه
عفرا : لا
هادف : يلا تري هني لين ما اودي هالاوراق
عفرا : انشاء الله
" نروح شوي صوب اليازيه ونصره "
اليازيه : غيث يعني بنتم اهنى
غيث " ماقدر ادخلكم البيت وهي مب موجوده السموحه منكم
نصره " عصبت " : انزين خبرنا بس هي موجوده ولا لا
غيث : هي اففففف
اليازيه " صاحت " : يعني هي موجوده دخلنا انزين
غيث " غمضته " : اسف ماقدر
نصره " عطته بنظره ورفعت حياتها " : اتصلبها وعطني برمسها
غيث " هاي عشو شايفه نفسها " : دقيقه وقولي حق بطي يروح لان ماشي فايده من يلسته اهنى
نصره : وليش مابتدخله
غيث : موزه قالت لي اذا تجرأ بس ولا حاول يدخل اطلب له الشرطه
نصره واليازيه " بصدمه " : شووووو
غيث : هاللي قالت لي اياه لحضه " وسار بعيد
غيث : الوو هي هم عن الباب
موزه " تنهدت " دخلهم بس هن الثنتين بس "
غيث : انشاء الله " وفتحت باب الفله
نصره : يلا يزوي يلا
اليازيه : يلا
واول ماوصلن ربعن داخل
نصره : مووووووووز
اليازيه : مويز وينج
" شوي وشافوها نازله من الدري
اليازيه " شهقت " : شو صااااار
بعد مانزلت وايهوها
نصره : شو بلاج ضعفانه جذي
اليازيه : موزه وين بطنج " وتحط ايدها على بطنها
موزه " وتمثل عليهم وتسمي عمرها بتصيح"
نصره " نزلت دموعها " : شو صار حق البيبي !!!
اليازيه : ليكون اجهـ
موزه " صدت وهي تضحك " : جيييين يبي سلاااامه
اليازيه ونصره : ربييييتييييييي
موزه " تضحك " : ههههههه هي
اليازيه ونصره يحضننها
اليازيه : يالسباااااااااااله ولا خبرتييييني
شوي وجين يابت سلامه
اليازيه : عطيني اياها حياااتي " وصاحت " : تجنننننننن
نصره : الله واكبر مويز اقري عليها
اليازيه : ماشاءالله ماشاء الله تفتفتفتفتفت
نصره وموزه : ههههههه
نصره : متى صار كل ها !!!
موزه : المهم منو يعرف انكم هني
اليازيه نصره : محــد
نصره : بس ترا بطي مبركن من الصبح برع
موزه " عاقده حياتها ": ماريد اشوفه
نصره : مم
موزه : بليز لا تدافعون عنه كل شي صار يدام عيونكم مب عشانه اخوكم يكون هو الصح وانا الغلطانه " صاحت"
اليازيه : لا لا محد قال جي موزه " تحضن موزه " : يخسي هو يكون الصح وابويه رايغنه برع البيت
موزه " بصدمه " :.........
اليازيه : ابويه قاله ماترد البيت الا ووياك موزه
موزه " سكتت ماعرف شو تقول " : شوي وصاحت سلامه
اليازيه : فديت هالصوت مفتقدتنه فالبيت
موزه " مسحت دموعها وابتسمت "
نصره : يعني انتي تبين تتطلقين
اليازيه " خزت نصره " " نصير جب ومالج شغل بالهسوالف
نصره : تعرفون لو ريلي يسوي بي جي جان شويته وسويته ضحيه حق العيد
اليازيه وموزه ضحكو ع تعليق نصره
موزه " حاست ثمها " : الله يعين اللي بيضويج
نصره : اييه اسكتو استحتي
اليازيه : ههههههه اسكتي بطني عورني من كثر ماضحك
موزه : مم ابا اظهر
اليازيه : انتي شكلج تعبانه وين بتسيرين
موزه : ابا اروح اخذ اغراض حق سلامي مم ماخذت لها شي
اليازيه : مم بطي برع
موزه : مايخصه هو
اليازيه : انزين يلا تزهبو لين ماشاور ابويه
نصره : يالغبيه ترا نحن قايلين له انه بنسير نتحوط
اليازيه : او صح
نصره : هبله يلا
موزه بزهب سلامه وبي
نصره : اوكي نترياج

فالمستشفى - عند الدكتور
الدكتور : تفضلو
هادف " مسك ايد عفرا "
الدكتور : مش عارف شو اقول
هادف : تفضل يا دكتور
الدكتور : للاسف يا مدام العيب منك انتي
عفرا " من الصدمه دموعها طاحت "
هادف : عفرا
عفرا : .................." نشت وظهرت برع
هادف : عفرا ارمسج انا
عفرا :..............
هادف " عصب ورفع صوته شوي " : عـــــــــفرا !!!!!
عفرا : هـ ـ ـ اآدف اآأنـ ـ ـ أ ماآأ يـ ـب عيــآأآل
هادف " بحنيه " : حبيبي انا مابا عيال انا اباج انتي وبس
عفرا " صاحت زود "
هادف : يلا نشي نسير
عفرا : مـابا اسيـ ـ ر ويا حد
هادف " بتنهيده : استغفر الله ويلست وشل غترته وحطها ع جتفه وحضن عمره
عفرا" انصدمت منه !!!!! "
عفرا " بتردد " : هاآأآ دد دف
هادف " رفع راسه وانصدمت عفرا زود من دموعه "
عفرا " حضنته وصاح زود " : هاادف
هادف " مسح دموعه " : يلا نسير
عفرا " يايه بترمس بس تجدمها هادف "
بعد ماركبو السياره - لحضة صمت
عفرا : تحرك
هادف " ساند راسه وحط ايده عويهه
وعفرا " قلبها معورنها عليه "
هادف " تحرك بدون مايرمس "
عفرا " صدت عنه تشوف الشارع ودموعها تنزل
عفرا : هـ ـ ـ اآأدف طـ ـ ـطـلـلقني
هادف " دح بريك مره وحده !!! وتم يشوفها
عفرا : كفاآأيـ ـ ـه حرمتك من نعمة العيال انا راضيه اتزوج وحده وهنتين ولاتم جذي
هادف " ســاكت "
عفرا : نزلني بيت اهلي
هادف : ...............
عفرا " صارخت " : قلت لك نزلني بيت اهلي ماتفهم " صاحت "
هادف " قربها صوبه حط راسها ع صدره وتم يرمسح عراسها
عفرا : هاآأ
هادف " حط صبعه عثمها " :أآ شـِـِـشـ لا تقولين شي دخيلج وشلي هالافكاآأر السودااآأ من راآأسـ ـج
.
.
.
صوب البنـ ـ ات " فالمارينا "
نصره " شقت " : بطـــــــــــــي !!!!
اليازيه وموزه صدن
بطي " كان حاله تعبان وحاط الغتره ع جتفه
موزه " عيونها انمزرن دموع " :...........
اليازيه : خلونا نمشي " عطيني سلامي
موزه " عطتها اياها وحاولت تمشي بسرعه عشان مايلحقها بطي
بطي : موزه
موزه دخلت ويا نصره محل ويلست عالكرسي تصيح
واليازيه وبطي برع
اليازيه : شو اللي تباه
بطي " عينه على سلامه "
بطي : موزه متى ربت
اليازيه " صدت عنه الصوب الثاني " : ماتستحي تسأل هالسؤال
بطي " نزل راسه وتم ساكت "
اليازيه : ماتبا تشلها
بطي " شافها ومد ايده "
اليازيه " ابتسمت له "
بطي " تم يبوسها "
اليازيه : اييه الناس يشوفونك بيقولون هذاآ مب مصدق
بطي : شو تسوون اهنى انتو
اليازيه : مويز تاخذ اغراض حق سلامه
بطي : انزين سيرو خلصو انا بتم اهنى
اليازيه : آأآأ
بطي : ماعليه خليها عندي
اليازيه " ابتسمت وراحت صوبهم وموزه كانت تشوف كل شي
اليازيه : سوري ابوها شلها عني
موزه : "ابتسمت من ورا خاطرها "
موزه : يلا
نصره " تغمز حق بطي " : عاش الابو اليديد
اليازيه : هههههه الله يخسج يلا امشي
بعد ماخلصن وخمن السوق !!!
موزه : يبي سلامه
نصره واليازيه " شردن "
موزه : ماعليه " وبتردد راحت صوب بطي
بطي شاف حرمه واقفه يدامه ويوم رفع راسه شاف موزه
موزه : مم عطني اياها
بطي : موزه
موزه : دخيلك بطي ماريد اسمع شي منك عطني سلامه وخلاص
بطي " حط عيونه فعيونها وبترجي " : موزه دخيلج تعالي ويايه والله اني تعبان
موزه " شلت سلامه عنه وتمت تمشي وهو يلحقها لن ماوصلو الباركنات
اليازيه : مويز حبي نحن سايرين
موزه : لحضه بي
نصره : ماشي مكان ماتشوفين هالاجياس
موزه : أآأ
بطي : برايكن سيرن
موزه : ركبت يدام وحطت سلامه على ريولها تمت تشوفها
بطي " تم يشوفها " : مم موزه
موزه " سوت له طاف
بطي : مسك ايدها وكانت ايده حاره !!! وموزه استغربت منه
موزه : حطت عينها فعينه
بطي : انا آآسف
موزه " حطت ايده عيبهته وخده شافته لابق ومحموم
بطي : تخاآأفيـن عليه !؟
موزه : لاأآ
بطي : جذاآآبه
موزه " صدت عنه الصوب الثاني
بطي : عطيني اياها
موزه " عطته "
حطها على ريوله وتم يسوق
موزه : بطي انتبه على سواقتك وعطني اياها
بطي : ..............
موزه : بطي
بطي : .............

بعد دقايق وصل بطي بيت موزه نزل وشال سلامه فايده
دخلت موزه داخل وراحت فوق بدت ونزلت
ويلست بعيد عن بطي
جين " يت بغت تاخذ سلامه "
بطي : بعدني ماشبعت منها " نش ويلس صوب موزه "
" تم يشوف علامات الضرب على ايدينها "
موزه " ابتسمت ونشت بس بطي قبض ايدها "
بطي : ايلسي انزين مابسويبج شي
موزه : هه " وصدت الصوب الثاني "
" شوي ودخلن نصره واليازيه "
نصره " تصفر " : عاااشو
بطي : تخبلتي انتي
نصره " تحج راسها بغباء ": اسفه بس تحمست شويه
بطي : هبله متى بتسيرن البيت
اليازيه " عاقده حياتها ": هاي طرده يعني
بطي : هيه
نصره : موزه نسير
موزه " هزت راسها ب لا "
نصره " تظهر لسانها " : اننننننه
موزه : ههه
بطي " عاقد حياته " : عيبتج
موزه : هيه
اليازيه : يلا نحن سايرين
موزه : وين
نصره : بابا متصل قال ليش تأخرتو ونحن ماقلنا له انه عندج
موزه : مم
اليازيه : باجر بني مع اماايه
موزه : حياكم اللله
نصره : الله يحيج يلا جااو حبي
موزه : الله يحفظكم
موزه : عطني سلامه
بطي : مابا
موزه : بطي
بطي : عيونه وقلبه وروحه
موزه " شو تفيد هالرمسه الحينه يا بطي " بتنهيده " : عطني اياها
بطي : ليش
موزه " متنرفزه " : اريد ارضعها !!!
بطي " تم يشوفها
موزه " تحاول تتجنب نضراته !! وشلتها وراحت غرفتها وبندت الباب "
بطي : طق طق طق
موزه : ادخلي جين
بطي : انا جين اليديده
موزه : هههههههه
بطي : مم عادي ارقد عندج
موزه " حايسه ثمها " : روح ارقد عند حرمتك
بطي " هه ادريبج تغاارين ومنقهره بس ماعليه " : تغاارين
موزه : وليش اغاار
بطي : خلاص حطي عينج فعيني وقولي انج ماتغارين
موزه " عيونه كانت تدمع وشافته وبطي عطول سار صوبها ومسح دموعها وحضنها
بطي : انزين عيب عليج يعني انا حاضننج فالوي عليه
موزه " نشت عنه حطت صبعها عصدره ودزته " : روح اسبح
بطي : ادريبج تتهربين مني بس بسبح وبرد لج " وغمزلها "
موزه " اشرت لها انه انته خرفت "
صوب هادف وصل البيت ونزل وكان متضايج وعطول راح غرفته وعفرا وراه
بعد دقاااايق وصلن البنات وركيض صوب امهم وابوهم
نصره : ابويه مويز ربت ويلست تنااقز
ام راشد : ويديــه وانت وين شفتنها
اليازيه : امييه فبيتها هي والله ربت والله مانقص عليج ويابت بنت تجنن شرات القمر
ام اراشد : ويه بنتي بلبس عباتي وبروح لها
ابو راشد : ام راشد اذكري الله الساعه 9 الحينه
اليازيه : هيه اميه باجر بنش من غبشه وبنسير لها
ام راشد : مم
اليازيه : يلا اميه انا بسير ارقد وبنسير صوب موزه الصبح
نصره " وهي تلحق اختها " : ترا ولدج السبال عندها
ام راشد : انا ماعرف عالبنيه عمنو طالع لسنها جذي طويل
بو راشد " يتقرب منها " : يعني ماتعرفين على منو طالعه
ام راشد : محمــد
بو راشد : عيون محمد وقلبه

اذا تخطر على بالي .. خفوقي فز لحالي
اريدك تعرف احوالي .. وتعرف حبك وقدره
اذا تنادي انا البي .. انا لبي يا قلبي
تفضل عيش في قلبي .. ولا تحرمني عن النظره

كــــــــــــــــــــــــــــــــت

" الحينه باخذ راأآحه بعد هالبارت الطوويل :ast7eee:"
واسمحولي عالقصور !
روؤح البداآآوه’