|
ان الله وان اليه راجعون احسن الله عزاك والله انشغل بالنا عليك والسموحه منك بنترياك وربي يوفجك فداعة الله |
جدام باب لمركز شبابنا كل واحد منهم مبسط مناك تقولون يالسين فمول مب جدام لكركز يتريوون ميوود سار يوصل اخوه ويرد طبعا شباب دق سوالف وظحك وكل لي يخطف يستغرب منهم ههههه. هزاع كان يالس يسولف بلفوووون وعقب ما سكر ياه خليفه صوووبه خليفه: هزاعوا انا من ظهرنا لين احينه وانا افكر بلي اتصل فيك وغير ملامح ويهك هزاع: تبغي صراحه اتصلوا فيني يبغوني اكمل دراسه برع خليفه: شووو هزاع: عارضين علي منحه اني ادرس برع خليفه: شووو بعد كل ها لي عشناااه فلغربه ولعذاااب لي شفناه ونحمدالله انا خلصنا تفكر ترد هزاع:والله ما ادري لعرض صاحبه وايد اشياء خليفه: مثل؟! هزاع: منصب فمكان مرمووق خليفه: وين يعني هزاع:في ****** خليفه: والله عرض مغري لكن اخرتها هاي حياتك فكر عدل ويقاطع سوالفهم واحد يضربلم فلاش من بعيد ولا الا هوه ميووود قام وشل شباب ومروولهم ع مطعم وردوا لبيت ولي اتعشى ويلس ولي نخمد ولي ولي وايد سولفنا عنهم خل نسير صوب لباقين مب بس شبابنا بوسيف كان يالس فصاله ويا علايه يسولفوون لين ما دخل عليهم سيف سلم وتوه بيسير صوب حجرته لكن بوسيف ما خلاه وسحبه ابوه وقاله تعال وياي لميلس رمسك وساروا صوب لميلس ويلسوا سيف: هلا ابوي ما من شر بوسيف: شر ما ييك ماشي بس حبيت اقولك انه بنسير لمزرع ويا قوم بو هزاع وفيه شي بينقالكم مناك سيف مسك عمره غصب من لغصه لي يته بوسيف: شو فيك جيه انجلب ويهك سيف: ماشي ابويه بس حبيت اعرف سبب؟! بوسيف: بتعرفه يوم لكل بيكون موجود هناك سيف:لكل؟! بوسيف: يعني نحن واهل بوهزاع سيف: خلاص تم شي تامر بعد بوسيف: لا سلامنك سيف: اخليك عيل بسير حجرتي اتسبح وبرقد وراي اشغال باجر بو سيف: خلاص خذ راحتك وسار سيف صوب حجرته وهوه يفكر و طيخ طاخ طووخ علايه تندعم بسيف علايه: انته ما تشووف شوو سيف: لحين انا لي ما يشوووف ولا انتي علايه: والله الحمدالله ماشيه مثل الناس مب شراتك سيف: شو قصدج يعيني علايه: ماشلي وانته سرحان لاتدري يمينك من شمالك سيف: جب جب علايه: ها سرحان بشوو اعترف سيف: والله ع ما اظن ها شي يخصني مب يخصج وسار سيف صوووب حجرته وخذاله شوور ورقد والشباب ولبنات ارقدوا الا واحد بعده سهران شي عادي فالاجازه لكن لي يستغرب الواحد منه سهران بس يالس فوق سطح لبيت حاطله كرسي ويالس يشرب نسكافيه ويسمع اغاني كان احمد يالس ويفكر فشووق ولموقف لي صار وياه بعد مرور كل هاي لسنين ع فراقهم يرجع ويلتقي فيها بصدفه ومثل ما يقولوون صدفه خير من الف ميعاد تم احمد يفكر ويفكر وما يعرف شو يسوي وهوه سرحان ما قاطعه الا صوت ياي من صوب باب السطح لف احمد وراه يبغي يعرف منوها قام من مكانه وسار صوب الباب وما حصل حد .....:بوووووو احمد: بسم الله الرحمن الرحيم، حسبي يالله ع بليسلك يا ميووود خوووفتني قلبي طاح من مكانه ميود: هههههههه شو مسهرنك لين احينه ها ويالس بروحك هنيه شووو سوي تكلم لحب هاااا احمد: جب وقم عن ويهي مب فايق حق خرابيطك ميود: سلم سلم عليها عاد احمد: والله لو يلس اكلمها بتشوفني مجابل رقعة ويهك احينه ميود: هههههه افا والله بوشهاب من اولها الله يعينا لو معرس احمد: لو سمحت بوحمد ما ارضى هاا هع هع ميود:والله ع ها لخشم يا بو حمد احمد: لمهم قم قم بنسير نرقد باجر ورانا خطوط ميود:؟! احمد: انا بسير راك وهزاع بيسير ايب اهله وبيوون بوظبي ميوود: اها جيه عيل احمد: عليك نووور ومن اصبح افلح بنشوووف ترتيب باقي ليوم ويا الشباب ميود: خلاص تم ما عليك وساروا يرقدووون وليل يبرق بنجومه وفي الصباح الباكر في منزل بو هزاع لكل يتجهز للعوده الى دار ظبي ولكل مرتبش بيرجع يلس هناك وبو هزاع ما خذله اجازه وفك عمره شوي من شغل ولكل يرتب ويسوي الا بوهزاع يالس ع لمسبح يشربله كووفي ويزاعق ع ام هزاع اونه خلج من الترتيب احينه تعالي يلسي وياي شو تبين اترتيب شكله شيبتنا يبغي يرد ايام الشباب ويرن تيلفووون بوهزاع ويلس يدووره اخر شي لقاه فصاله هزاع متصل فابووه رد اتصل فيه لكنه ما رد سار فوق يطمن ع احوال الترتيبات كلها عقب ما خلصوا سكر لحجر وتأكد انها مقفوووله عدل واشرف ع ترتيبات واتزكد انه كل شي زاهب زقر ع لي يشتغلوون وهزب كم واحد وعطى كل واحد ١٠٠ درهم وشوي يسمعون صوت مواتر دش لباب ظهر لهم بوهزاع ولا هم لفتك وانفنتي ميود استغرب بوهزاع منو ها لي داش ويا ولده نزل هزاع ونزل وياه ميود سلموا ع ابو هزاع ابوهزاع: هلا ابويه مايد شحالك وشحال ابوك ميود: بخير وسهاله شحالك انته ابوهزاع: والله الحمدالله شيبنا احينه ولفال فيكم انتوا لي بتشلونا عقب ما نطيح ميود: فيكم لخير ولبركه هزاع: ابوي مايد بي ويانا لمزرعه ابوهزاع: حياه الله وان ما شله لمكان تشله عيونا مايد ولد اخوي واحد من اهلنا مب غريب ميود: تسلم عمي والله .. ابوهزاع: ابوك بي لمزرعه ولا ؟! ميود: والله ما ادريبه ليش عنده خبر اصلا ابوهزاع: هيه انا مبلغنه من كم يوم ميود: والله ما ادريبه بسويله تيلفون وبشوفه خلاص هزاع: ازين ابوي شو راي نحمل الاغراض ويا مايد ونظهر صوب لمزرعه ع طول ابوهزاع: خلاص ما عليه هزاع: خلاص احينه بنحمل الاغراض سياره وبيظهر ميود جدامنا وبنلتقي لكل فلمزرعه مايد: خلاص اوك مايد: هزاع بنبدل مواتر هزاع: ليش مايد: خوفي ما يكفي موتري حق كل الاغراض هزاع: ماعليك فيه اسياره ثاله بعد موتر ابويه بيسوقه دريول ميود: خلاص دام جيه اوكك حملوا الاغراض ودق لموتر سلف صوب بوظبي بس طبعا قبل لايظهر من دبي خطف صوب الامارات مول شل احمد وكلموا دربهم نزلوا الاغراض ورتبوا لمكان عقبها وصل احمد بيتهم وسار صوب لمزرعه وصلوا كلهم مناك وبدأ الترتيب حق لمكان واول ما تلاقا احمد ويا سيف صار بينهم شويت شحنات سالبه تشش تششش تششش وشوي بيتناقعون طبعا مشوها مجامله جدام لكل وصل لجميع علايه كانت يالسه ويا ساره يسولفون ولكل يتريا اعلان ابوهزاع وبوسيف ولكل يتريا ع اعصاااابه لتم لكل فلميلس(ريايل طبعا اونلي اند ذا ومن انذا صاله) لمهم كان لكل ع اعصابه وليميع يبغي يعرفون ومتشوقين بوهزاع: ليوم لمتمين كلنا بس باجر ما ندري شو بيصير بوسيف: ولكل هنيه يعرف اني انا وابوهزاع شركاء فكل لحلال ٥٠٪ لي و٥٠٪ له بوهزاع: لي يضره يضرني ولي يضرني يضره بوسيف: نحن حاليا نعيش في ازمه اقتصاديه عالميه بوهزاع: والاقتصاد هاي الايام وايد طايح ولكن الحمدالله دولتنا اقتصادها قوي بوسيف: ها لكلام كله كان مقدمه للي نبغي نقوله بس اول شي اتمنى من كل من: بوهزاع: سيف بوسيف: هزاع بوهزاع: كل واحد فيكم توه متخرج ويدورله ع شغل وانتوا لحين شباب وكلن منكم يتحمل المسؤلية بوسيف: ونحن لحين كبرنا وما فينا حليه ع لمرابع بوهزاع: صفقه يديد فامريكا صفقه بتغير حيتنا فوق تحت صفقه عليها يا يبدا يا ينتهي كل شي بوسيف: فقررنا انكم تكونوون لمشرفين عليها لكل مستغرب من ها الاعلان الا مايد كان متوقعنه من قبل هزاع: ابوي بس نحن بوهزاع: انتوا قد لمسؤوليه وبتبيضون لويه وان شاء الله سفر عقب اسبوعين هزاع وسيف: ان شاء الله وكــــــــــــــت طولت لبارت كثر ما اقدر ما حبيت اطوله اكثر عشان ما تملوون تريوني فلبارت لياي |
يسلمووووووووووو بس البارت ماكان طويل |
الله يسلمج بس ها لي قدرة اكتبه |
هلا خووويه شحااالك عسااك بخيير وسهاااله اممممم متى بتنزل البارت والله قصتك روووعه كله اكشن هع هع |
| الساعة الآن 06:11 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir