منتدى استراحات زايد - روآيتـي الأولى . . بفـرض وجـودي بكبـريآئـي وغروري لأني بشـعورك صدق مـآ عدت أهتم |~

البـآرت التـآسع عشــر

.
.

ثـآني يوم عزآ

بو رآشد سـآر الشركه وقالوله مسكر و طلب منهم عنوان بيت بو ساره ورآح له البيت

بورآشد وتوه دآخل الخيمه : السسلام عليكم

بو عبدالرحمن : وعليكم السلام ورحمه

بو رآشد و الدموع في عينه : احسن الله عزآكم

بو عبدالرحمن : البقاء و الدوام لله

بورآشد : انت شو تقرب لـ محمد ؟

بو عبدالرحمن : انا ربيعه . . حياك تفضل

بو رآشد و هو يصيح : انا . . اناا اخوووه . . ويطيح علييهم

رآشد : ابووووووووووويه

بو عبدالرحمن وهو يمسك بو راشد : عبدالرحمن . . هات ماي خلنا نرش عليه

بو وليـد : علي خلنـآ ندخله داخل ميلس الريايل

وليـد : خلآص ودوه ونحن بنتم اهني

نش بو رآشد و سارو الميلس

بورآشد وهو يصيح بـ حرقه : سسار اخوووي . . راااح وانا ما شفته ما شفته

بو عبدالرحمن : كبببر قلبك يا فيصل . . هذا يومه

بورآشد : لا حول ولا قوه الا بالله . . لا حول ولا قوه الا بالله

بو وليـد : كيـف عرفت الخبر يـآ فيصل ؟

عبدالرحمن و سيـف واقفين ومب فاهمين شو السالفه

رآشد وهو دموعه ف عينه : قريت الخبر ف الجريده وسرنا الشركه وعطونا عنوان البيت

عبدالرحمن وهو يحط ايده ع جتفه ويحاول يهدي

بو عبدالرحمن بـ حزن : يا جماعه محمد محتاج لـ دعاويكم . . اذكروا بالخير و ادعو الله يثبته عند السؤال

رآشد تم يصيح مثل الياهل

و بو رآشد يصيح ع أخوه الي ماله غيره

عبدالرحمن وهو يسير عند رآِشد : تعال يا اخوي مب زين الي تسويه بعمرك . . ويحط ايده لـ جتفه ويحأول يخفف عنه ويهديه

بو عبدالرحمن وهو حاط ايده ع جتف بو رآشد : يا فييصصل قوم وخلنـآ نسير لـ الناس الي ف الخيمه

بو رآشد وهو يمسح دموعه : يا عليي . . محمد رآح ونحن ما ندري عنه . . راح وما ادري اذا هو رآضي ولا زعلان مني . . راااح وانا ما شفته راااح

بو عبدالرحمن وهو يبتسم له : لا تخاف يا فيصل . . هو رآضي عنكم كلهم . . هو قالي قولهم يسامحوني . . بس يطلب منكم انكم تسامحونه

بو رآشد : ااه يا قلبـي عليك يا اخوي . . الله يرحمك يا محمد الله يرحمك

ويسيرون الخيمه

عبدالرحمن : ها بو الشباب هديت خلآص

رآشد وهو يمسح دموعه وهو يتكلم مثل اليهال : تدري هو العم الوحيد الي عندي . . يوم يدوه طردته انا كنت صغير وما اعرف . . بس كنت اقول ليش طردته . . انا ما اعرف عمي شو سوا . . بس عمي كان يقولي كل انسان يغلط . . بس هذا مب يعني مرتكب جريمه . . والي يغلط يصحح غلطته . . انا كنت وآيييد احبه . . كله كان يوديني ويـآه . . كنت وآآييد ويـآه . . حتى يوم يدوه طردته انا صحت . . لييش سسار . . كنت اتريااه يرد لنااا . . بس وينه احين وييييينه !! [ ويصيح صياح يقطع القلب]

عبدالرحمن وهو قلبه معورنه ويقول في خاطره [ اذا انت جي تصيح عيل سارونه شو بتسوي يوم بتنش] : خلآصص يا ريال مب زين الي تسوي بعمرك . . اذكره بالخير وادعيله . . هو محتآج لـ دعآويك احين . . قو قلبـك و قوم خلنـآ نسير عند النـآس

رآشد : ااه الله يرحمك يا عمي

.
.

ف بيت بو رآشد عند اليده [ ام محمد ]

أم محمد تصيح بـ حرقه : ولدي سسار . . راااح يا شمسسه رااح . . وييينك يا مططرر تعااال

أم سعيد وهي تصيح : مب زيييييين يا امايه مب زين الي تسوينه بعمرج

اليده : كله منيييييي كله منييييييي . . انا الي طردته انا خليته يبتعد مني انااا السبب

أم منصور وهي تصيح ع وفاه اخوها و ع حال امها : مب زييين يا امي . . هذا كتبت ربج

أم سعيد وهي تصيح : قومي يا امايه نسير العزا . . هذا ثاني يوم

أليده تصيح اكثر : اااه يا قلبببببي اسير عزا ولدي وانا ما شفته ما شفففففته

أم منصور : يا امايه كلنا ما شفناه . . بس لازم نسير

ويصيحون

أم سعيد [ شمسه ] وهي تتذكر اخوها محمد :

محمد : شموووووووووس

شمسه : خيييير

محمد : هههه الناس يقولون هلا مب خيييييير

شمسه : شوو تبى يلاا خلصني

محمد : ها يزاتي يعني ياي وقلت بطلعج وبحوطج

شمسه بـ وناسسه : فديييييييييييييت حمودي انااا . . وتسير تبوسه . . زين وين بتوديني

محمد : وييين في خـآطرج شمووستي

شمسه وهي تتدلع : ابي ابي ابي اممممممم

محمد : ابي ولا امي هههههههههههههههههههههههههههههههههههههههههههههه

شمسه : ههههههههههههههههههههههههههههههههههههههههههههه يالسخيف ما يضحك

أم سعيد وهي تصيح : الله يرحمك يا اخوي الله يرحمك يا محمممد

أم منصور [ لطيـفه ] وهي تتذكر اخوها :

محمد : اووب اووب منو قدج يقولون بتصيرين عروس

لطيـفه : ممحمد يووز عني

محمد : هههههههههه اونه حركات تستحين بعد

لطيـفه : حموود

محمد : يا عيون حموود انتي

لطيـفه : اذا ريلي في يوم من الآيام ظربني شو بتسوي !

محمد : واللله لأجتلللللللللللللللللله

لطيـفه : بسسسسسسسم الله علييه من هالطاري

محمد : ههههههههههههههه انتي سألتيني وانا جاوبتج

لطيـفه : فدييته هو مب مقصصر . . بس مجرد سؤال كان في بألي

أم منصور وهي تصيح : رحت احين منوو بيدآفع عني . . رحت احين منو بيفهمني . . رحتت وخليتناا الله يرحمك

.
.

البنـآت

فطووم : اوييه الوضع يخوف

شيخوه : ابي افهم شو السالفه لييش كلهم يصيحوون !

عواش : انا الي فهمته انه في وآحد متوفي واسمه محمد

ريموه بـ حزن : انا الي اعرفه انه يقولون الي متوفي عمي يعني خالكم

فطوم وشيخوه و عوآش بـ صدمه : جذاااااااااااااااااابه

ريموه : والله هذا الي عرفته وكلهم منجلب حالهم ويصيحون

شيخوه : كيييييف جي

فطووم : و ويين كاان !!

عواش بـ غباء : من وين ياي ؟

ريموه بـ عصبيه : مب وقت اسألتكم . . انا خايييفه

فطوم : تتوقعون عنده عيال

عواش : لحظه انا مب مستوعبه يعني عندنا خال غير خالي بو راشد

شيخوه : كان خلآص توفى

ريموه : بتسسسسسسسسسكتون ولا لا . . بدال الأساله الي ما منها فايده اسسكتو وخلونا نشوف شو الوضع احين

.
.

ف المستشفى

شموس : سسارونه حبيبتي

ساروه ساكته وتصيح بـ صمت

عفاري :سسسارووه دخيييييييييلج تكلمي قولي شي

مهوي وهي تصيح : اوييه وربي خايفه عليها

أمون : يا بنات خلوها ترتاح وخلونا نسير العزا

ساروه حالها مثل ما هي تصيييح بـ صمت و غطت ويهها وتلحفت

شموس : خلونا نسير شكلها تبى اتم بروحهاا

عفاري بـ حزن :كييف انخليها وها حالها . . صارلها يوم كامل ساكته وما تأكل شي حتى ماي ما شربت

مهوي : اخاف يصير لها شيي

أمون بـ عصبيه : فال الله ولا فالج . .ويييين امهاااا . . عنبوو شو من أم هاي . . ريلها متوفي وبنتها ف المستشفى وهي تهيت برع البلآآد . .شو هالمصصصخره

ساروه وهي تسمع كلآمهم وتصصصيح أكثر وأكثثثر وتصيح بـ صيـآح يقطع القلب وتقول في خـآطرها : [ ويينك يا ابويه . . رحت وخليتني . . تعاال وشوف حالي من بعدك . . لأ أم تهتم فيني . . ولا عندي اهل مثل الناس يسألون عني . . تعااااااااااال خذني ويــآك . . ليييييييييش خليتني ] وصيااحها بدآ يعلى أكثثر وأكثثر

شموس وهي تقول لـ ربيعاتها : دخيلكم سيروو وخلوها بروحهاا

البنات : اوكي

ويظهرون كلهم

شموس : ساروونه حبيبتي ادري انج مب رآقده . . دخييلج ردي علي كلميني . . مب زين الي تسوينه بـ عمرج . . وبعدين هذا مصير كل شخص . . كلنا بنموت كلن وله يوومه . . محد رآح يبقى ف هالدنيا . . لا تسوين بعمرج جي . . يعني لو أبوج عايش كان ما بيرضى بالي تسووينه جي

ساروه وهي تصيح صياح يقطع القلب : لو كان عايش . . بس هووو مححححححد . . هو خلآآآصصصصصص رآآح . . تعرفيين شوو يعني راااح . . خلآآصصصصص محد . . يعني لو اموت احسسسسسسسن . . محدد يحبني محححد . . الي يحبني ومات . . ليييييييش ما خذاني ويااه لييييييييييش . . قوليله خلي أي ويشلني ويااه خلي يششششششششلني . . مابي اعييييييش بدونه مابييييييي

شموس : سسسسسساره الله يخليج مب زين الي تقولينه مب زييين . . وبعدين كلنا نحبج انا و ربيعاتج و اهلج وامج كلهم يحبوونج . . اهدي انتي بس

ساروه وهي تصيح وتضحك : هههههه أي اام تتكلمين عنها . . وييييييينها هاي الأم . . وينهاا قوووليلييييييي وينهااااااااااااااا . . دام بوجود ابويه ما اهتمت احين بتهتم ههههههه هاي مب أمي اصصلا انا مب بنتهااا . . وييييييييييييييييييييييييييييينهاااااااااااااااااا ااااااا . . وتصصصيح من الخاطر

شموس وهي تحضنها : بس حبيتبي دخيلج بسس قطعتي قلبيي

شوي و حد يدخل بسسسسرعه

........... : سساروونه حبيبتي

شموس : منو انت !!

ساروه وهي تشوفه وتصيح : اهئ اهئ اهئ حمممني رااح . . خلآآص رااااااح ما بشوفه بععد . . ليييييييييش راح وخلآني لييييييش . . قووله أي ويشلني ليييييييييييييش خلآني بروحي

عبدالرحمن وهو يتقرب منها : سسساره دخيلج لا تسوين بعمرج جي . . الله يخليج . . ويشوف شموس ويقوله : الله يخليج اختي سيري ازقري الدكتور

ساروه وهي تصيح ومب طايعه تسكت : لييش ما خذاني ويااه لييش . . هو قال ما بيخليني بروحي لييييييييش راااح . . يعني خلآص ما بشوفه . . ما بحب راسسه . . وييييييييييييييييييينه قوله يرررررررررررررررررررجع قووووووووووووووله . . اببببببببببببببببببببى ابووووويييييييييييييييييييه انا اباااااااااااااااااااااااااااه . .

عبدالرحمن وهو يصيح : حرررررام الي تسوينه يا سااره حراام

ساروه وهي تصيح بـ صياح يقطع القلب : منوو بيدافع عني احيين . . منو بحميني . . منووو راح يحضضضني في وقت ضيقتي . . مححححد عندي غيره . . يعرف اني محتاجتله . .ليييييييييييش يخليني ليييييييييش

عبدالرحمن : ساروونه حبيبتي نحن كلنا يمج . . وامج موجوده . . واهلللج موجودين

ساروه بـ صياح و عصبيه : اييييييييي ام الي تقولون عنها أي ام . . انا ما عندي اممممم انااااااااااااااا ما عندي ام تفهموووووووووووووووووووووووون

الدكتور يدخل : شو فييييييها

عبدالرحمن : دكتوور عطها مهدئ خلها ترتاح شوي

الدكتور وهو يظربها الأبره

ساروه وهي لين احين تصيح بصمت وتقول: اببببببببى ابووويه . . قولوله يرررجع . . اببببببى ابويه

لين ما رقدت من المهدى

الدكتور :لا حول ولا قوه الا بالله . . الصدمه وآييد قويه عليها

شموس : دكتور انت تدري هي شكثر وي ابوهااا . . وها الشي تعبها وآيد . . ونقطه ضعفها ابوها

عبدالرحمن : اااه الله كرييييييييييم

.
.

ف العزا عند الحريم

اليده [ ام محمد تدخل ] : احسن الله عزآكم

ام خديجه [ اليده ] : سسساره !!!!

اليده : رااح ولدي يا عايششششه راااح وانا ما شفته

أم خديجه [ اليده ] : اذكري الله وادعيله بالرحمه

ويدخلون أم منصور و أم سعيد وهم يصيحون ويلسسو ويا الحريم

.
.

مطر و سعيد وهم ف الغرفه ويسمعون اغاني

ريموه تفتح الباب و بـ عصبيه : انتوووووووو ما تستحوون ع وييييييييييييييييييييييييييوهكم

سعيد : اييييييي شووفيج

ريموه : والله اذا سسسسسسسسسسمعت مشغل الاغاني يا ويلك تففففففففففففففهم

وتسير غرفتها وتسكر الباب بـ قو

مطر : هاي بلآهاا تخبلت

سعيـد : ما ادري بها خل تولي ويشغل الاغنيه

شوي و ايون بآقي البنات : ايييييي انتوو ما تفهون سكروو

مطر : افففف منكم شوو تبون خلوناا

شيخوه : من الاحترااام تسسسسسسكرون الاغاني . . لآزم 24 ف الغرفه وي البلاسيتشن وين بتعرفون شو مستوي ف الدنيا

سعيـد : اكرمونا بـ سكوتكم وخلونا لو سمحتوو

شوي واي ذياب : السلام عليكم

الكل : وعليكم السلآم

ذيـآب و عيونه محمره وبـ عصبيه : سسسسسسسسسسسكرو الاغاني يالي ما تستحون

سعيـد من الخوف يسكر التلفزيون بكبره

ذياب يسير غرفته

مطر : أي شوو السالفه شو مستوي . . شو فيه ذيآب

شيخوه : تو الناس يوم نقولكم ما تسمعون دواكم

عواش : واحد اسمه محمد متوفي ويقولون انه خالنا

مطر و سعيـد بـ صدمه : هاااااااااا

فطوم : الي سمعتوووه

سعيـد : متى وكيف !!

شيخوه : ما نعرف شي نحن لا تسألونا . . حآلنا من حألكم

.
.

ف العزآ

بو عبدالرحمن : سير يـآ بو رآشد وريح خلآص الناس سارو

بورآشد : كيف ارتاح يا علي كييف قولي

بو وليـد : حيـآك في بيتنا يا بو رآشد

بو رآشد : لا برد البيت احسن . . واشوفكم بـآجر . . مع السلامه

رآشد و منصور : مع السلامه

بو وليـد و بو عبدالرحمن و سيف و وليـد : الله ويـآكم

سيـف وهو لين احين يفكر في ساره ويبى يعرف عنها شي

بو عبدالرحمن : يلا عيل اشوفكم ع خير يا جماعه

الكل: الرب حافظك

وكل وآحد يروح لـ بيته

.
.

عزا الحريم

أم محمد [ اليده ] : عيل وين مرت ولدي . . وينهاا !

أم خديجه [ اليده ] وهي مستحيه ومب عارفه شو تقول

أم وليـد : ما تبى تشوف حد يا ام محمد . .

أم محمد [ اليده ] : ابي اششوفهاا ابي اسسلم عليها

أم وليـد : خليها ع راحتها خالتي وباجر ان شاء الله تشوفينها

أم سعيد : أمايه يلا فيصل يتريانا برع

أليده : فمان الله عيل

الكل : الله ويـآكم

.
.

حسن : خدووووي

أم ساره : عيونها

حسن : فديت عيونها . . ما تبين تتطمنين ع بنتج

أم ساره : هي احين بتصل حق سيف وبسأله

حسن بـ استغراب : وليش ما تتصلين لها

أم ساره : بس مابي . . زين ما قتلي متى بنرد

حسن : لييش مليتي !!

أم ساره : افاا وحد يمل منك حبيبي

حسن : فديت روحج . . الصراحه انتي فلستيني ما بقى عندي شي . . باجر بنرد أوكي

أم ساره بـ دلع : افاااااا . . حبيبي انت قلت خذي كل الي بخاطرج

حسن : ههههههه فديتج أصلا الي تآمرينه انتي . . وبعدين فلوسي كلها فدآج

أم ساره : فدييتك انااا

وتتصل لـ سيف

سيـف وتوه حاط رآسه ويشوف رقم من برع ويرد

سيـف : الوو

أم ساره : مرحباا السسسسسساع سوافي

سيـف عرفها وقال : انتي ويييييييييييينج !!

أم ساره خافت : شششو فيك ! شو مستوي

سيـف : قولي شو مب مستوي . . ريلج عطاج عمره

أم ساره بـ صدممه : متى !!

سيـف : اليوم ثاني يوم عزا وكل حد يسأل عنج . . يدووه متفشله منج . . متى ناوي تردين يا خالتي

أم ساره وهي تشوف ريلها حسن : هاا ما ادري . . المهم يلا بسكر

سيـف بـ عصبيه : اقوووووووولج ريلج متوفي . . ردي في اقرب وقت سسمعتي

أم ساره : سسسسيف احترم نفسك انا خالتك . . وقتلك خلآص يصير خير باي

وتسكر الخط

سيـف : افففففففف الله يهديج يا خالوه

.
.

أم ساره : حبيبي

حسـن : شوو فيج ! شو مستوي

أم ساره بـ فرح : محمد مااااااات

حسن : حلللللللللللللفي

أم ساره : والله توه سيف خبرني

حسن : واخيييييييييييرااا

أم ساره : ويبوني ارد عسب العزا

حسن : لييش !! وبعدين انتي مب مخبرتنهم انج تطلقتي !

أم ساره : ما خبرت حد ومحد يدري اني تزوجت حتى

حسن : زين عيل باجر بنرد

أم ساره :بس بعدني ابي اتم

حسن : حياتي لآزم نروح ونفهمهم الوضع الي انتي فيه

أم ساره : خلآص الي تشوفه حبيبي

.
.

ساروه نشت من المنوم وهي تصيييح وتقول في خاطرها : [ ليش خليتني يا ابويه . . انت تدري مالي حد سواك . . منووو بيهتم فيني احين . . اااه الله يرحمك . . الله يرررحمك ] وتكمل صيـآحها

.
.

نهـآيه البـآرت

شو تتوقعون يستوي

شو رآح تكون رده فعل أهل أم ساره يوم أم ساره بترد ويعرفون سالفتها ؟

شو رآح يصير لـ ساره ؟

البنات و مطر و سعيد هل بيعرفون السالفه وشو رآح يسون ؟

اتريا توقعاتكم

لا تحرموني طلتكم

تحيـآتي لكم