منتدى استراحات زايد - ٱلآٱ ۶ﻟىَ طآڕيُ ا̄ﻟﻋنٱد ..ﺷﻟۆن ﺧﺷﻣڳ بعد مَ آﻧآ ڳسرٺھۃ :>

البآآرت { 33}

الخطـآيـآ•‫•‫لو يلمّعهـآالزمن تبقـﮯ[ خطـآيـآ ]
و [ الصرآحه ]•‫•‫في زمآن " المهزلة"أڪبر خطيّه!

////
///
//
/

ع السآآع‘ـــ‘ه 5 ونص .. 3>.
حمد يرمس بو أحمد فالفوون ..
حمد : شووووو يعني ؟!
بو أحمد : مآآطآآعت تدآآوم ..
حمد : انزين ممكن أييهآآ البيت و أرمسهآآ
بو أحمد : خلااااااص بدآآوم وغصبن عنهآآ
حمد : مآفي شيء أسمه غصبن عنهآآ انا بييهآ وبرمسهآآ .. فدآعة الله ( وسكر الخط)
بو أحمد سآر وقآآلهم يسيرووون بييت أم محمد وألي سآآرو ( أم احمد ، أم حمدآن ، نورة ، أمون ، أم حصة ، حصة )
حمدآآن و أحمد و منصور و عمور و هزآآع‘ فـ بيت بو حمدىآن
اليده و شمآآ فالبيت روآآحهن لأنه شمآ قآلتلهم أنهآ تعبآآنه ومآبتسير وأصلاً اليده مآخلتهآآ تسييير ..
...... ......
سآرو بيت أم محمد وسلمو عليهم بس أم سيف مآنزلت وسآرتلهآ أم محمد
ام محمد : لطييييفة نزلي يآيآت يشوفنج
أم سيف : أخآآف من ردت فعلهم
أم محمد : لا تخآفين ولا شيآآتـ‘ه
أم سيف : ويييين شووق ؟
أم محمد : ويآآهن تحت
أم سيف : الله يسآمحج يا ام محمد ليش تخلينهآ تنزل .. والله هذيج المره يوم ردت من بيت أم حمد بآتت تصيح وتبآ ترد سويحآآن
أم محمد : هنييه ألا عآآشه أم أحمد و أم حمدآن و أم حصة وبنآتهن .. ومآبيقوولن شيء .. ألا أم حمد الله يهدييييهآ امبونهآ تسوي من الحبه قبه .. ومسويه عشآآن نورة وخطبتهآآ لــ محمد وبس
أم سيف : يلا نآآزلة
نزلن وسلمن علييهن .. .. ..
شوق ترمس نورة : وييين ثمووه ؟؟
نورة : فالبييت تعبآآنـ‘ه
شوق : لييييث مآتيبونهآ ؟
أمون : يا أبوووووووي ع الحنه ،، تعبآآنه حيااتي تعباانه
أم أحمد : هآآ ام سيف مجآآربه أشووفج .!
أم سيف : هييه والله بآآجر بكمل التآآسع‘
أم حصة نفس اليده مآتحبهم : والخييييبه بتعووشرين ؟
أمون : شووووو عنز تعووشر ؟
أم حمدآن طآلعتهآ بنظره عشآن تسكت ..
أم محمد : أحسله فـ بطن أمه عن الهمووووم
أم حمدآن : بس طآآلعي والله أحسه مثجل
أم سيف : هيييه والله من نآآحية الثجل ألا اتدربح
أمون : لييييش الاخت كره ثلجيه ؟؟
أم حمدآن بدت تعصب ع أمون : أمووووون
أمون سكتت ..
وتمن يسوولفن ..
+++
++
+

السآآع‘ــــ‘ه 9 الفلييل سآآرت اليده ترقد ..
الخدآآمـ‘ه سآآرت عند شمآ ودقت عليهآآ البآآب ..
شمآ فجت البآآب : هآآ ميري
ميري : فييه منآك وآآحد ريآل
شمآ : منهووو ؟
ميري : مآفي معلوم انا أول مره يشوف هوه .. بس وآآجد حيييلوو
شمآ : فقتج .. ( دخلت حجرتهآ ولبست شيلة بنيه نفس لون كندورتهآآ وطلعت ) نزلت فالدري وشآفته مجفي ..
شمآ : حمدآآآآن ..
لف صوبهآآ : لا مب حمدآآن
شمآ : حم,,،،،حممد .. قصدي الأستآذ حمد ..
حمد : شحآلج ؟
شمآ : ببخخير
حمد : انزيييين نزلي بتميين وآقفه عند الدري
شمآ نزلت وهوه يلس ع الكرسي وهيه يلست ع كرسي بينه وبينهآآ كرسيين
حمد : شوووو ألي صآآر ؟
شمآ هزت رآسهآ بأنكآر : شو شوو ألي صآآر ؟
حمد : ويييييهج .. شو صآر فيه ؟
شمآ : خصوصيآآت
حمد : أبوووووج سوآلج شيء ..
شمآ : أستآذ حمد شيء فخآطرك قوله بدون لف ولا دورآن .
حمد : ردي الشركة
شمآ لفت وييهآ الصوب الثآني : آآسفه
حمد : شمآآآ والله محتآآينج
شمآ : آآسفة
حمد : شمآآآآآآآ لاتقهريني
شمآ :مأ أقهرك .. بس قلتلك أني ما أبا أرد الشركة
حمد : انزيييين ليييييش ؟!
شمآ فخآطرهآ : وبعده يسأل ليش ،، ؟! فوق ألي سوآه وبعده يسأل ليش .. ( لفت صوبه ) : مب علشآآن أنك قلتليه مآآعندي ثآنوية .. ومب علشآآن أنك قللت من قيمتيه جدآآم وحده مآتستحي ع وييهآآ .. بس لأنك صدقت كلامهآ يوم قآآلتلك أني طردتهآآ وسألتني صح ولا غلط ,, مع أنك أنته ألي طآلب مني أسير مكتبك وأشوف تعديلات الديكووور ..و بعد لأنك خليتني جدآآمك مب محترررمة وما أعرف أرمس ويآآ مديري و ع فكرة ترآآه أرمسك مثل ما أرمس أي وآحد مآيفرق عندي مديير ولا غيره .. و لانك ترمسبيه جدآآم النآآس وتقول مثل مآقالتليه اليآآزية ( ردت تعد ع صوبعهآ ) دفشه ومليقة ومآآتنطآآق .. فذمتك مب هالأسبآآب كآآفيه تخليني أظهر من الشركة و أحفظ كرآآمتيه ..
حمد موطي رآسه : هذي ألي مآتستحي ألي ترمسين عنهآ بنت خآآلي
شمآ : بنت خآآلك ولا اختك ترآآه الاهآآنة وحده ،، أنا مآخذت ع كلامهآآ لأنه يبين أنهآآ يآآهل ومآآتثمن رمستهآآ ، لكن خذت على كلام ( أشرت ع حمد من فوق لـ تحت ) الأستآذ حمد ألي كل يوم و الثآآني يعلمني الأاحترآآم ويعطيني درس فالأخلاق و التربية و و و .. وعلى بآآله ألي مآآعنده ثآآنوية ماعنده لا اخلاق و لا يعرف يحترم غييره .. خذت ع كلااام ألي شآآيف عمررره فوووووق فوووووق بفلووسه .. ويهين النآس بفلووووس و يرضيهم بفلووووس .. يذلهم ويذل كرآمتهم ويرآضيهم بفلوووس .. > <"
حمد : قلتي كل ألي عندج
شمآ : قلت ألي أنته لازم تسمعه ،، قلت ألي انته طلبته مني ..
حمد : المطلوووووووب ..؟!!
شمآ : سلامت رآسك يا أستآذ حمد ما أبآ منك شيء
حمد : مآبتردين الشركة ؟
شمآ : لاا
حمد وقف : هذآ آآخر كلامج
شمآ : آآخر كلاامي ومآعندي غييره
حمد سآآر لين البآب وفتحه : شمآآآآآ
شمآ وقفت ولفت صوبه
حمد : مشكووووره ع كل شيء سويتيه ويآآآيه ونفعني فالشركة
شمآ ببرود : العفوو
حمد : مشكووووره ع أنج رديتي طلبيه و أنا يآآينج لين هنييه متعني
شمآ أبتسمت : العفووووو
حمد نزل رآآسه وسآآر وفخآطره : أوول مره تصيرلي هالحركة ، عنبووه حتى مآهزت فيهآآ شعرره .. أقولهآ مشكورة تقول ( يعآيب عليهآ ) العفوووو .. صدق أنهآ بدون أحسآآآس وتوه بيركب السيآآرة ألا يشوف أحمد وحمدآن يآآيين صوبه

حمدآن بطنآآزة : هلااااااا والله
حمد نزل ووآآيهم : أهليين
حمدآن : شو تسوي هنييييييه ؟؟
حمد بأسلوب يقهرر : أرمس شمآآآ
حمدآن مسكه من يآقته : وتقووووووولهآآ عيني عيييييينك .
حمد : مآخذ موعد من أبووهآآ وهوه ألي سمحلي
أحمد يفججهم : يآآآآخيي حمدآن شفيك مستوي يآآهل .. يقوووول أبويه يدري
حمدآن فجه وعينه ع حمد : مآ يسد ألي يآآهآآ منكم .. ضررررب و أنضررربت بسبكم .. شو تبون منهآ بعد ،، خلوهآآ فحآلهآآ
حمد أستغرب : أنضررررررررررربت ؟؟
أحمد يلطف الجو : لا مآآصآآر شيء ( طآلع حمدآن ) شوه الكلام يآ حمدآآن .. ( يطآلع حمد ) أقرررب حمد بنسهر ويآآك
حمد عينه ع حمدآآن : لا مروووح أنآآ .. شيء فخآطركم ؟
أحمد : يآريآآل أيييييلس بنذكر سفرة لندن
حمد : ههههههه مآعليه المره الثآنيـ‘ه
حمدآن بقهرر : إذآ كآنت فيه مره ثآنيه
أحمد : حمدآآآآآآآآن أسكت و أقبض لسآآنك .. شفيك هاليومين تبآ تسوي مشااكل وبس
حمد : لا خله شكله عآآيف عمره
حمدآن يدقدق ع جتفه : لييييش الحبيييب ناوي ع شيء
حمد مسك إيد حمدآن وفرهآ عنه : لو أبآ أسوي شيء بتشوفه بعيييينك فعل ( وقرب صوبه ) مب قول ورمسه مآلهآ معنى .( ركب سيآرته وشخطبهآآ وروووح )
أحمد يرمس حمدآن : أنته شفيييييك ؟!
حمدآن : أحمدوووووه أسكت عني
أحمد : لا ماابسكت و أنته هنت الريآآل جدآآم بيتنآآ وتبآآني أسكتلك .. شفييك أنته هاليومييين رآآعي مشآآكل
حمدآن : أووووووهوو أنا بروووووووح بآآآآآي
أحمد : تعاااااااال وين نااهي
حمدآن وهوه مجفي : .............
أحمد : الله يحفظك ..
+++
++
+
صوب بيت أم محمد .. .. .. السآآع‘‘ـــ‘‘ه 10 وربع
أم أحمد : نوووورة دقي للدريول أيي يشلنآآ > دريول بو حمدآن ..
نورة مسكت فونهآ : أماايه مايكفي كلنآ نسيير ويآآه
أم حمدآن : أنا و أم حصة وبنتهآ بندق لـ حمدآن و أنتن روحن ويآ الدريول
أم أحمد : لالا بيكفي مب وآآيد نحن .. بندآعس
أم حصة : عنبووووه وين تبنآآ ندآآعس عند الهندي ونتضآآك ع بعضنآآ ..
أم أحمد : بيكفي مآآعليج
دخل محمد وهود علييهن قبل لايدخل
أم محمد : هآآ محمد بيشلكن لا أدق لا لدريول ولا شيآآته
محمد : ويييين وييين تونآ بأول السهرره
أم أحمد : هنآآك يدتك و شمآ روآحهن و العيوز بترقد عن البنت وبتم روحهآآ
محمد : وشعنه مآآتي شمآآ
أمون : ترآآه خآآلي ضــ..
أم حمدآن قآطعتهآ : تعبااانه شوي
محمد شك فالسآآلفـ‘ه : هييييييه ..
أم أحمد : يلا أبووويه قم وصلنآآ تأخرنآ ع البيييت
أم سيف : يلسووو شوي مونسينآآآ
أم أحمد : شوفي السآآع‘ـــ‘ه ألحين 10 ونص ..
محمد : بجدم السيآآرة من البآآب وبيي ..
( سآر محمد جدم السيآآرة وسوآلهن هرن )
شوق تصييح : ما أباا ما أباا ( ولصقت فـ نورة )
نورة نزلت لمستوآهآ : شوفيج حبيبي ؟؟
شوق : أبي أثووف ثمووووه
أم سيف : بآآجر روحهآ بتييج أنتي تعآآلي
شوق :ما أبي ما أبي
محمد سآآر صوبهآآ : تعآلي شوآآقي
أم سيف : محمد خلهآ عنك يآلسه تتبزآآآ
محمد شلهآ وركبن .. وهوه حآطنهآ فحضنه و أونهآ تسوووق
حصة : إييييييه بتزولنآآ أنته و أختك ،، حد يسلم يآآهل سكآآن سيآآرة ..
نورة طعزتهآ بإيدهآ : حصوووووووه جب ..
محمد : محد يموت قبل يومه لو زوآآلج هاليوم الله يرحمج
أم حصة : فآآل الله ولا فآلك بسم الله ع بنتي
حصة : تشوفينهم مامااااه كييييف مايحبووني
نورة فخآطرهآآ : يالبزآآآ
محمد حآس بوزة وصآصر شووق
شوق : تبيني أثلج والله ألحين أفرج عند تلبه كبيره
أم حصة : جببب أنتي يالثرمآآ
شوق : أنتي تب .. ثااااااحرة
أم أحمد فخآطرهآ ناقعه من الضحك ..
أول شيء وصل أم حصة وبنتهآآ .. بعدين ودى ام حمدآآن و أمون ,, و آآخر شيء نورة و أم أحمد ..
أم أحمد : مآآبتقرب تسلم ع يدتك
محمد : ألحين السآآع‘ــــ‘ه 11 أكييد راقده
شوق : أنا بثير عند ثموووووه
محمد : بآآجر بنيهآآ ألحين تمي هنييييه
شوق تهز رآسهآ بـ لاا
أم أحمد نزلت و نزلت نورة ويآآهآ
محمد : شوآآقي حيااتي بآآجر بنيهآآ
شوق تحك عيونهآآ وتهز رآسهآ بـ لا
محمد صرخ من جآمة السيآرة : نوووووووورة
نورة كآنت توهآ بتدخل بس لفت صوبه وسآرت عنده : هلا محمد
محمد :شلي شوآآقي شوي عند شمآآ ورديهآآ
نورة :اوووكي .. تعآآلي حبيبي
( سآرن فوق حجرة شمآآ وفجن البآآب وحصلنهآآ رآده )
شوق نطت ع شبريتهآآ : ثمووووووووووووووووه
شمآ فزت وشآفت شوق :شوووووووووووووووو ؟( تمت أطاالع شوق تستوعب الوضع ) .. شوآآآآآقي منهو يآآيبنج
شوق : بآآبآآه حمووود .. ( حطت إيدهآ ع خدود شمآ ) ثموووه ثو فيج منيه ؟؟
شمآ حطت إيدهآ ع خدهآ : مآآفيني شيء حيآآتي
شوق : انذين أنا ألحين برووح البيت وبآآجر أنتي تعآلي
شمآ : لا بآتي عندي
شوق : الثآآحره منيه ؟
نورة هزت رآسهآ بـ هيه
شوق نشت : مابا مااباا
شمآ ضربت نورة بالخفيف ع إيدهآ : هرررررمه
نورة : ههههههههههههههههههههههههههههه
شوق : انذين يلا بآآي

نورة : صبري بوصلج ( مسكت إيدهآ وودتهآآ لين محمد وردت )
محمد يرمس شوق وهوه يحرك السيآآرة : هآآ شوآآقي شفتيهآآ
شوق : هيه بث .. بث فيهآ منيه ( أشرت ع خدهآ ) كله أحمر ومنيه ( أشرت ع خشمهآ ) دم
محمد فخآطره :شوووووو السآآلفـ‘ه ؟!!
شوق : ودني المحطه
محمد : بآآجر حبيبي مب اليوم
شوق : بآآبآه حمووود
محمد :هاا
شوق :كله بآآجر بآآجر .. أنته مآآتقول انذين وهيه
محمد : المحطه مآتفتح ألحين بودييج الدكاان
شوق : اووووووكي

ودآهآ الدكآن وشرت عصير وكآآفي وروحوو
محمد ودآآهآآ عند أمهآآ ترقد وسآر حجرته . .
تم يدق ع شمآآ 5 مرآآت بس مآآترد

ع السآآع‘ـــ‘ه 12 ونص شمآ كآآنت سآآيرة الحمآآم بس شآآفت الفون تحت المخده يولع .. فتحته ولقت محمد متصل ومطرشلهآ مسج
: يوم تنشين أتصلي ..
شمآ دقتله ..
محمد كآن توه حآط رآسه ع المخده : آلوووووو هلا شمآآ
شمآ : أهليين
محمد : شوووووفيج ؟؟
شمآ أستغربت : مآآشيء
محمد : عيل شوآقي قآلتلي خدودج حمر وفخشمح دم
شمآ : حشى أمره خرته هههههههه
محمد :شفييييج
شمآ : أبووويه
محمد : شو فيه ؟
شمآ : يبآآني أرد الشرركة و انآ ما أبآآآ وضربني
محمد : وليش ماتبين تردين الشركة
شمآ مآبغت تقووله وهيه تحس أنه علاقة حمد و محمد اوكي ويآ بعض وحست أنه ممكن حمد يعوض مكآآن حمدآآن فمآآحبت تقول : بس جذيه طآآبت نفسي ..
محمد : ويعني أنتي ماتبين أدآآومييين يضربج ؟
شمآ : شو أسوي هذي عقلانييته
محمد أبتسم ع قنآآعة شمآ ع حآآلهآآ كل شيء عندهآ عآآدي ورآآضيه بـ كل شيء
شمآ : أنا بسير أرقد شيء فخآطرك ؟
محمد :سلامتج .. ومن صوبنآ ؟
شمآ : سلامتك .. فدآعة الله
محمد : بآآي ( وسككر )
+++
++
+
ع السآآع‘ـــ‘ه 3 ونص شقة خآلد
خآلد حآط بين صبوع‘ــ‘ه زقآرة ويدخن
منصور يآلس ويآآآهم
خآلد : منصوووووور بعدك تفكر فيهآآ ؟
منصور هز رآسه بـ هيه
خآلد : أوصفليه أيآآهآآ
منصور وقف : خآآلد ، ترآه شما مب من هالبنآآت الخآآيسآآت ألي تفكر فيهن
خآلد مطه من إيده ويلسه : يآآ ريآآل أسوووولف ويآآك .. شفيييك أمره ع الدقة وفتنت عليه .. ( وفخآطر‘ه : حشى شوه البنت ألي سآحرتنه ومآيشوف غيرهآ صدق أنه يآآهل .. ومسوي عمر‘ه يحب .. )
منصور نش : أنآآ بروووووح
خآلد : وييييييين ؟؟
منصور : برووووح البيييييت وآآيد تأخرت ألحين بتي 4
خآآلد : كملهآآ عندنآ اليووووم
منصور : لالا بروووووح
خآلد : أفآآ عآد طآلبنك ،، عطني هالليله بس ..
منصور أبتسمله : اوكي مره ثآنيه أن شآء الله
خآلد : اووكي برآآحتك ..
منصور : يلا بآآي ( وظهر )
خآلد يرمس جااسم : جسووووم أخبآآرهآآ صييدتك متى بتييبهآآ لنآ ؟؟
جآسم : مالهآ حس هاليوووووميين
خآلد : يآآخي هآآتهآآ والله من زمآآن عن هالسوآآلف بس ييبهآ سآعتيين وخلاف بنعدم حسهآآ روآحنآآ
جآسم غمزله : تم عيييييل
خآلد : كفك كفك ،، تعجبنيييييي
+++
++
+
بع‘ـــد يومين من هالأحدآآث ..
بيت بو أحمد يوم الاثنين الصبح السآآع‘ـــ‘ه 10 ونص الضحى ..
نورة وشمآ كآنن يشوفن التيفي .. نورة يآلسه ع الكرسي وشمآ منسدحه وحآطة رآسهآ ع ريول نورة ..
نورة : إييه شمييييم نبآ نسيير نحووط .. يآخي ملينآ فالبيت
شمآ : شو تبيني أسوي يعني ،، تصدقين أفتكينآآ من حرمة الله لا أييب طآريهآآ
نورة : ههههههههه منهو ؟؟ حصة ؟
شمآ : جب لاتطرينهآ لاتنطرلنآآ ألحيين ..
نورة + شمآ : ههههههههههههههههههههههههههههههه
دق فون نورة
نورة : أمره عند الطآآري
شمآ : هب حشى تروحنآآ
نورة : هزرهآآ ههههههه ( ردت ع حصة ) آلو
حصة : هلا والله نويير ,, وينج يالقآطع‘ـــ‘ه يومين ماتسألين عني
نورة : هههه بخير من صوبج ؟
حصة : تماااااام ،، نويير طلبتج
نورة : آآمري
حصة : أبآآج تسيرين ويآآيه الموووول ألحين عقب سآع‘‘ــــ‘ه بخطف علييج
نورة : خييييبه عقب سآعه خليني أخبر أماايه وتوآفق ولا لا , و إذآ مآوآفقت لازم محآآيل ويآآهآ سآعتيين ويمكن توافق ولا لا
حصة : أنا برمسهآ انتي مآآعليييييج
نورة : اوووكي ،، خلاص بقولهآآ يلا هبآآبي اتزهب
حصة : اوووكي سي يو ,.( سكرررت )
نورة تخوز رآس شمآ : شميييييم قووومي
شمآ : شو تبآ هالثآآحره ههههههههههههههههههههههه
نورة : بسير ويآآهآآ المول ( دزت رآس شمآآ بقو )
شمآ : آآآآآآآآآآآآي حشى يبوج فدعتيلي رقبتيه مآتخلصج حصوووووووه الخاايسه
نورة : مآآصدقت حد يطلعني ،، مآبتسيرين ويآآنآآ
شمآ : أهبي ان سررررررت
نورة : كييييييييفج ..
سااعه ولا حصة تصيح هرن ونورة نآآزلة
شمآ : قووووولي لـ بنت البآشآ تخف من هرنآآتهآآ .. ولحقي عليهآ بسرعه لا يخترب الأستشوآآر وتقطقط القصة و يسييل الجحآآل
نورة :ههههههههههه حرآآم عليج
شمآ : حرمة عليهآآ عيشتهآآ
نورة :يلا بآآي
شمآ : بآآي

كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت

////
///
//
/

رآآيكم فـ كلام شمآ لـ حمد !؟
خآآالد .. شو بيسوي بـ منصور ؟!
نورة + حصة .. شو بيستويلن فـ الموور ؟!