منتدى استراحات زايد - [ مشارك ] مستحيل أنزل مستوايهـ لوحدهـ حثالهـ شرآآتجـ / بقلمي

الباارت التآسع عشر

ام منصور : هيييه متاكدة ميره قالت لي ..

منصور وقف : اوييه مستحييييييييييييييل

ام منصور بخوف : بلااك منصور

حمد : خالي شو فيك

منصور : اماييهـ هذاا اخوهاا يشتغل ضابط بالشرطه مستحيل هوه نفسه وهذاا كل يوم متصرقع عندنا ..

خليفه : ليش عندكم

منصور يلس : هذا ولده كل يوم ويظهر من السجن بسبت واسطاته .. اللي هب قادرين نرتاح منه ومن مشاكلهـ ..

خليفه : وهذا ولده ليش يحدر السجن

منصور : نفس القصهـ .. شقق وبنات وخمر .. وحاله

ام منصور : الله يستر علينا من هالعالم اللي يخوف

منصور : هيه والله .. والمشكلهـ .. يحدر السجن .. وبنفس الوقت يظهر .. ولا كنه مسوي شي

ام منصور : دام ابوووه اتبرا من اخته وبنتها .. شوف شو يسوي ولده فييييييييهـ ..

منصور : بس والله حرام .. بنت صغيره و مانعرف عنها شي .. باجر بسوي كل شي .. وصحيح بنتعب لان بعد 18 سنه .. صعب انه نعرفها .. وحنى حتاا مانعرف اي شي يوصلنا لها

خليفه : ياريت ياخالي نحصلها

منصور : بعون الله ينحصلها

حمد : خالي .. وابوي

منصور : ابوووك بيطلق امك

حمد : بس ابويه هددها وقال اذا قالت لنا السالفه بيحرمها مناا

منصور : ليش انتوا يهال .. وبعدين القانون وياها ومب ويا ابوكم ..

يدخل بكل جبروتهـ الصالهـ وصوت الباب يتناثر بكل مكان والكل التفت صوبه

سالم يصرخ : وينهااااا

منصور وقف : من هيييه

حمد وخليفه وقفوا عند خالهم بخوف ..

سالم يصرخ وبعصبيه : وين اختك الخااايسه .. وينها وانتوا شادين الظهر بامكم هاااي مسودة الويه

ام منصور عصبت : أحترم نفسكـ .. وبعدين بنتي ماتسوي الشر .. انا ماقوول غير اللي يسامح بو منصور لما جبرها تاخذك .. قال ولد ربيعي وتاب .. روح الله لا يردك

منصور : يا سالم اطلع من بيتنا بكرامتك ابركـ لك

سالم بعده على نفس صريخهـ : قلت لكم ابي هالخايسه بنتكم وعيالها .. كيف تاخذهم

حمد : ابويه احنا هب راجعين وياك

شخصية حمد غير عن خليفه اخووه .. حمد عصبي شرات خاله .. وجريييئ ومايخاف .. أما خليفه فشخصيته هادي وااااااااايد ومب عصبي ..

سالم : وانت من عسب ترمس .. ولا انت شرات امك

حمد : يشرفني اكووون شرات امي ..

سالم بكل جبروته يتجه صوب حمد ويحاول يصعفه بس يد منصور كانت اقوى ومسكتهـ

منصور وشياطين العالم كل بعيونه <<< أحلى تعبير : اظهر برع لاتخليني الحييينهـ أتهووور فيكـ

سالم : شو بتسوي يعني بتضربني . .اضرب يالياهل

منصور : هه ياهل ... لما كنت صغير وماعرف شو اللي يستوي بس الحينه كبرت وتعلمت من هالحياااة ان الظلم ما يعييش ويالله اظهر من بيتنا لا اسدحك هنييه

سالم بصرييخ : مب ظاهر الا واختك يدامي

منصور : بالحلم

خليفه : ابويه روح احنا مانبي نعيييش معاكـ

سالم طالعه باستهزاء : ماتبي تعيش ويااي .. و مدام تبي جيييه .. خل خالك و هالعيووز يحضرووون لكـ الحبوووب

منصور بصريخ : اي حبوووب .. ومسكه من رقبته .. انت شو مسوي بالولد

حمد يطالع اخووه : خليفه اي حبوب

خليفه بخووووف وهو يطالع ابووه : مدري .. اهوه يعطيني حبووب اونه بندووول ويعدل راسي

منصور ضرب سالم ضرب وامه تصارخ بينهم لحد ماظهرت ميره وشافت اللي يصير يدامهم
..........

ريم فتحت باب غرفة عواش وشافتها يالسه لابتوووبها ..

عواش رفعت عينها وشافت ريم .. وبكل هدوووء ردت عليها : هلاا ريم حيااج

ريم بابتسامه صكت الباب وروحت ويلست عندهاا : شحالج عواش

عواش باستغراب : تمام وانتي

ريم : دامج تمااام انا فووووق العراقيب

عواش باستغراب اكثر .. بلاهاا هااي اليوم .. : اشوفج متعنيه ويايه عندي اليوم شو الطاري

ريم : شو اسوي مليييت منهم .. قلت اروح عند بنت عمي الحلوة

عواش : بنت عمج الحلوة ..؟ زين والله عرفتي

ريم بحقد اكبر وبابتسامه مزييفه : انا اعرف انج احلى بنت عم .. بس احيانا اعصصب واتنرفو سامحيني قلبوو

عواش ( لا اليوم ناويه الاخت على شي .. عيل من وين يه كل هالحب
ليييه .. غريب امرج يا ريموووه ) : مسامحتنج

ريم قامت : عواش قومي نركب الخييل

عواش طالعتها بملل : مالي بارض

ريم باصرار : يالله قومي .. مامليتي من هالروايه اللي تكتبينها لحد الحينه وماخلصتيها

عواش : لا ماملييت وحد يمل من روحه .. وبعدييين هذه الروايه ماعرف متى بتخلص .. اذا خلصت بتخلص نهايتي وياها

ريم مافهمت : مافهمتج

عواش : برايج مافهمتي .. بتفهمييينهآ لانج عايشتهآ بنفسج

ريم بغباء : انتي ترمسين بالالغاز .. يالله عاد قومي لاتعورين راسي بهالروايه

عواش : اووووف ... لحظة زين .. ولبسج .. حد يركب الخيل بالخوار

ريم اطآلعة عمرها : اووه .. بروح اغير وبرجع والقاج جاهزة ... وروحت بدووون ماتعطي لعواش فرصه ترد .. بندت لابهااا وروحت تظهر لهاا بنطلون وااااسع اسوووود .. و بدي اسود باسوود وشلت لهاا شال اسود ( صارت اسود باسود .. غير صفاااء وبياض بشرتهااا اللي واضح ) وظهرت وروحت غرفة ريم بملل .. كانت بدق الباب الا بريم فويهاا ..
ريم بحماس : انروح الحينه

عواش مشت يدامها : يالله

ريمـ لحقتهآ بسرعه ومسكت يدهااا ومشت معاها .. وعواش منصدمه من حركات ريييم و بخاطرها ( يمكن تغييرت للاحسن ) بس قلبها آآبد ما طاوعها ...

وهم نازلين شافوا حمدان بويهم بيصعد فوووق

حمدان وقف وهوه يشوف عواش وريم ويابعض ومنصدمته ماتحرك من مكان
حمدان بصدمه آكبر : ريم . .

ريم طالعته .. هذا اللي بيخرب كل شي الحينه .. : امر يا حمدان

حمدان بعده مصدووووم : انتوا وين رايحييين

عواش طالعته : حمدان بعد عن الطريق

حمدان التفت لهاا : عواش انتي رايحه ويا ريم وييين .. ؟ ؟! ! !

عواش ابتسمت بخوف منه : بنروح نتسابق بالخيووول

حمدان : خيووول .. أنتي و ريم ..! وعلامات التعجب فوق راااسه

ريم : هييه انا وهييه شوفيها يعني .. يعني ماتشوف لبسنا

صحييح ان عواش وريم وشهد احيانا يلبسون جنزاات يدام الشباب اذا
بيتسابقون بالخيوول ولا عندهم شي ... بس حمدان مستغرب ومنصدم من ريم وعواش .. كيف ريم اللي تكره عواش تتسابق وياهاا

حمدن : خلااص انا بيه معاكم

ريم بتسرع وقاطعته : لا لا نبي ناخذ راحتنا

حمدان بتشكك : وشهد معاكمـ

ريم : بخبرها تغير لبسها وتلحقنا

حمدان باعنداد : خلااص روحوا الحييينه ... وفباله فكره جهنميييهـ ...

شهد التفت صوب عواش اللي تناديها وطاح كوب الحليب من يدها : ء ء ء

عواش : شهد قومي نركب الخيول

شهد بصدمه اكبر من حمدان خخ : منوه انا وانتي

ريم قاطعتها : انا وانتي وعواش يالله قومي

شهد قامت باستغراب : متأكدهـ . ؟؟ !

ريم : يب .. يالله البسي ولحقينا وسحبت عواش من يدها وروحوا صوب الاسطبل

شهد شافتهم وهم يبتعدون ومليون شيطان براسهآ .. ( شو السالفه ) .. وروحت وغيرت لبسها ولحقتهم وركبت خيلها وراحت صوبهم بشووويش

خالد حدر بسيارته المزرعه وهو يشوفهم راكبين الخيول وواقفين عدال بعض .. نزل وروح صوبهم

خالد يصرخ عليهم : حد يركب الخيل بالليل ... يالله نزلووا الحينه
.
.
.

ميره : منصور هده

منصور وهو يضرب سالم : ميروه روحي غرفتج

ميره حاولت فيهم ويا امها وعيالها بس بدون فايده وبعد دقايق من الصريخ ..

ترك منصور سالم .. وسالم من خوفه ركض لسيارته وشلها وسرررع للبيتهـ

منصور يلتفت لخليفه بصريخ : عندك شرات هالحبووب

خليفه بخوف من خاله : خالي .. عندي حبهـ

منصور صرخ : روح يبهاا الحينه ..

خليفه روح غرفته اللي فبيت يده وفتح شنطتهـ وجاف الحبه وخذها

بسسرعه لخاله

منصور يتفحص الحبه : انا باخذها وبفحصهااا عددل

خليفه بخوف : خالي انا متعود أخذهمـ كل يوم

ميره بخوف : منصوور شو هالحبهـ .. وخليفه من وين له هالحبوووب .. ؟ !

خليفه : أمايه تراها بندول

منصور صرخ : هااي هب بندوول .. هااااي مخدر

ميره : مخدر .. وطآآآآآآآآآآآآآآآآآآآآآآآآآآآآآآآآآآآآآآآخ ...... آغمى عليها

حمد صرخ : آمايه

ام منصور : ميره بنتي قومي

منصور شل أخته وحطها على الغنفه القريبه منه : ميرة .. ميره قومي

خليفه كان يركض لخاله ويناوله الماي ... وبعد محاولات قامت

ميره

ميره وهيييييييييه تصيييح بحظن امها : يبي .. ي د م ر عيااااااااالي

اهئئئئئئئئئئئئئئئئئئ

خليفه بخوف : امايه والله انا ماعرف عنهم شي .. هوه جبرني

حمد : والحل الحيييييييييييييييينه

خليفه : أنا ما اقدر اهد الحبوووب ... احس راسي بينفجر ...

وماكمل رمستهـ إلا بطرآآق يصحيه من اللي آهوه فييه من خاله منصور

..............................