منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

.

البارت الـ 31

عذاري تربع صوب عنود . . وعنود تحظن عذاري وتصييح . .

عنود : ماات اخووووي عذور مات . . .

عذاري ب عذاب : الله يرحمه يارب . . ترحميله عنود . .

عنود تطالع عذاري ب عذاب : تخيلي حتى ويهه ما يبين . . لا عيونه لا شي . . فححححم . . محروووق . .. حتى سسموي حرمته . . اخسس عنه والله . . ما خلوونا نشوفهم من كثر ما شكلهم يخووووف . .

منصور كان ع طرف ويسمع ويقول ف قلبه " الله فوق . . . "

عذاري تمسح دموع عنود : هدي بالج حبيبتي . . . خبريني سلـامه شحالها ؟

عنود تطالعها بدموع : حالها ما يسر . . يقول الدكتور احتمالية انها تعيش 30 % . .

منصور ماقدر يتحمل وقعد ع الكرسي وغمض عينه بالقو . .

عذاري ترد تحظن عنود وتصييح . . : الله يردها بالسلـامه ياااااااااارب .!!!!!

.

.

.

.

حزت اذان الع ـصر . . .

فتح سيف عينه . . . يصد يمين يسار . . . " بسم الله انا وين ! " عقبها استوعب الي صار . . . انتبه ل مهره في ف حظنه . . . " انا شسويت شسويت " رص ع عينه بقوه . . . " وحبي ل ميثا . . كييف . . لو ميثا درت شو بيصير . . "

بعد مهره شوي عنه الي كانت متعمقه ف النوم . . .وقام طلع من الغرفه . . . اتنهد ب ضيج وقعد ع الغنفه يدووخ ويفكر . . الحين . . كيف بتكون العيشه معاها !!!! كيف بتعاامل معااها . . يضرب ع الطاوله الي مجابلتنه ب قوه ويصرخ ب كلمه : ليييييييييييشششششششششششششششش . .

فتحت عيونها ب رعب . . تصددت حواليها وما لقته . . رجعت تتلحف وهيه مغمضه عينها . .

بطل الباب عليها بقوه : مهررررررره !!!

مهره تجاهلته ومثلت انها راقده . .

سيف ب حيره : دخيلج . . انسي الي صار . . ولا جنه صاار شي . . الي بيني وبينج مثل ما هو . . سمعتي . . بتضل ميثا الي احبها . . . انسسي الي صار . . ولا تحطين اي شي في بالج . .

طلع من الغرفه وراح غرفته : اكيد سمعتت . .اكيد . .

تنهد ب ضيج وقعد يدور تلفونه . . . دخل الحمام خذاله شاور وياي بيطلع من الشقه وذكر كلام حمد . . ان اهله ف دبي . ..

طلع سيف من الشقه وسار صوب الرسبشن . .

سيف : رامي شحالك . .

رامي : بنشكور الله . . . كيف بدي اخدمك ؟

سيف : بغيت اعرف غرفه حمد اخويه . .

رامي : ليكوو . . " يأشر جدام " هلأ كان بدو يطلع . .

سيف يبتسم له : مشكور . .

سار سيف صوب حمد بسرعه عشان يلحق عليه .. .

سيف : حموؤؤد . .

صد له حمد ب علامه تعجب : انت شو تسوي اهني . .

سيف ب ضيج : ياخي طفران ابا اطلع وياك . .

حمد ب صدمه : سيفوووو خالد اخوي اهني حاجز حقه وحق حرمته وعياله . .

سيف انصدم : انت شو تقول . .

حمد : بسسرعه رووح قبل لحد يشوفك . .

سيف يتنهد : ياخي برايه خالد مقدور عليه . .

حمد : لكن سموي مش مقدور عليها . . تراها زاهبه حق الشماته . .

سيف : اففف . .

حمد : روووح يالله . . إلا لو تبا تتلعوز برايك . .

سيف : لا يا ريال خلاص بروح . .

وصعد فوق بسرعه وحاول ما يلفت الانتباه ورد فوق ..

ابتسم حمد . . : صدقني يا سيف ما بتروم . . مهره تنحب . . وبتحبها بسرعه . . عط نفسك فرصه بس . . وهذي الفرصه بالذات انا اعطيك اياها . . لانك لو ماقدرتها . . حزتها اعرف كيف اكسبها ب طريقتي ..

ووطلع .. .

عقب ما خذتلها شاور . . . صلت وسارت تسويلها كووفي عشان الصداع الي ف راسها يخوز . .

دخل سيف وعينه يت ع المطبخ ويشوفها وهيه حاطه ايدها ع راسها ومتسانده ع اليدار . . تردد يروح ولا مايروح . . تمت عينه تراقبها . . . تجدمت صوب الفرن عقب ما فارت القهوه وصارت جاهزه . . صبت لها ف كوب الكوفي وانجب ع صبعها من غير ما تحس وصصرخت ب قوه وطاح الكوب وانكسسر !

ركض سيف صوبها بسرعه وهو معصب : انتي عمييا . . ماتششوفين . .

مسك ايدها بسرعه : حرقج ؟ يعوررج .؟ . اوديج المستشفى .

اطالعت خوفه عليها ب تمعن . . معقوله كل هذا تمثييل ؟؟

خوزت ايدها عنه : مافيني شي . .

سيف يرد يمسك ايدها ويشوف صبعها . . : ماا صار شي . . بس لانه حار ولا الحمدلله مش حرق ولا شي . .

مهره تطالعه : اعرف .

سيف يبادلها النظرات : شبـلـاج ؟ ليشش معصبه . .

مهره : لاني سمعتك يوم دخلت غرفتي شو قلت . .

سيف يطالعها ب حزم : وشو الي يعصب لهالدرجه . .

مهره تطالعه وعاقده حياتها : شو الي بعصب اخ سسيف ؟؟؟؟ تعررف شو الي يعصصب . . الي يعصب اني احس اني بنتتتت شوارع . . . بنت **** . .

سيف يمسك شفاتها ويسكتها : خلااصصصصص . . شو هالكلاام . .

مهره توخر ايده : ليييش شو تسسسمي كلامك سيف شوو . .. شو انسي الي صار بينا . . .لييش قاعدين نلعب احن قاعدين نللللللللللعب . . لو انا حملت . . مافكرت بهالششي . . ولا جنه شي صار بعد ؟؟؟ لهالدرررجه مرخصصصني . . . لهالدرجه مسستغلني . . . انت شوه مافيك احساس . . انته ماعندك خوااات ؟؟ تبا واحد يسوي ف خواتك الي تسويه فيني . . بترضضضاها . ؟؟ والله ما ترضاها والله . . لا وبكل وقااااااحه يايني تقولي انسسي " تنزل دموعها " انسسي عاد . . .

ودرت له المطبخ ومششت . . قبضها بسرعه من خصرها وحظنها من ورى .. .

سسيف : اهدي . . دخيلج اهدي . . عطيني مجال ارد عليج بس . .

مهره تغمض عينها وتحس قلبها يدق بالقو . .

جاابلها سيف وهو ماسك ويهها ويمسح دموعها . . : لا تصيحين . . . بنتفاهم بدون صياح . .

باس راسها ومسك ايدها وسحبها لين الصاله . . . قعدو ع الغنفات وقعد حذالها وهو يطالع الارض . .

مهره تترياه يرمسس بس مارمس . .ّ!!

مهره : بطول وانت ساكت . .!

سيف يطالعها : لا تلوميني ع الكلام الي قلته . . وربيي كنت منننننفعل ومش حاس بروحي ولا حاس ب الي اقوله . . مهاري انا ااعااني اكثر عنج والله اعاني . .انا ماعرف شو الي ييصصير فيني . . !! ماقدر اثقل وانتي معاي . .بنفس الوقت مترردد . . والله متردد .. .

يرد يطالع الارض . .

مهره : عشان ميثا . .

سيف يغمض عينه ويشبك اياديه ببعض بقوه . .

مهره تبلع ريجها : انا مابا اسوي فيك جي . . خلاص الي تباه بيصير . .

قامت من مكانها وهيه منكسره . . : انا بروح ارقد . . ما احس اني شبعت رقاد . .

سيف يطالعها : الحيين ؟ الساعه 5 !!

مهره تبتسم : ماعليه . .

راحت عنه بسرعه قبل لا تفضحها دموعها . . سكرت الباب بهدوء ورصت ع شفاتها بقوه عشان ما تطلع منها ششهقآآت ويسمعها سيف !

.

.

.

حصيص : ألوو ؟

عذاري: هلا حصيص " بنبره تعب تكح " . .

حصيص : مشغوله ؟

عذاري : هيه . . الحين جريب البيت. . بكلمج من ارد . .

حصيص : مم اوكي . .

عذاري حست ان حصيص فيها شي . . بس ما قدرت تسالها لان تحس الي فيها كافيها . .

منصور يطالع عذاري : ماشي امل تقوم . .

عذاري تطالعه : ان شاء الله بتقوم بالسلامه . .

منصور الي ميود عمره : ان شاء الله يارب . .

وصلو البيت وانتبه منصور ل سياره ناصر . . .

منصور : سيري شوفي نصور فالسياره ؟ لو فالسياره ازقريه خل ييني االميلس . .

عذاري : اوكي . .

راحت عذاري صوب السياره من جدام وانتبهت انه ناصر حاط راسه ع السكان . . دقت الجامه بس محد رد .!!!

سارت صوب الباب الجدامي وركبت . . : نصووور . .

ناصر ما يتحرك .!!

عذاري ب هدوء تمت تدز ايده . : نصصور ..

سمعت صرخه منه : ششششششششوه تبين انتي شو تبين . .

طالعها ب عيون ججججمر !! و ب دموع غرقانه . . .

عذاري حاطه ايدها ع قلبها : شووووه فيك . .شو مسستوي . .

ناصر يرد يحط راسه ع السكان ويصييح ب صوت مسموع . .

خافت عليه واايد . . الف فكره وفكره فراسها . . . بس ماحصلت اجابه !!!!

.

.

.