|
.................................................. ................................. المكان: الكليـه السااعه : 2 ونـص امــــــــــــل .................................................. ................................. توني طالعه من الكليه ..ٍركبت سياارتي وروحت صوب البيت رن فوني طبعا اكيد سيف متصل .. حطيت السمآعه ف اذني ورديت.. امل : هلا وغلا سيف: اهلين وسهلين.. امل: شو الاخبآر .؟ سيف: والله تمام وانتي؟ امل : تمااام سيف: طلعتي من الكليه امل: هييه توني وقفت عند اشاره .. وقفت سيااره حذالي الصراحه هالسياره من فتره دوم اجوفها احسها دوم وراي يعني صدفه ولا شو السالفه سوييت طاف ويلست ارمس سييـف.. يوم دخلت فريجنآ جفت نفس السيااره بعدها وراي ياربي شو السالفه.؟ بعد سوويييت طاف وصلت البيت دخلت سياارتي الكراج ونزلت امل: يلا سيف بخلييلك وصلت البيت سيف: اوكيه حبوووبتي امل: يلاا باي شلييت اغرااضي ودخلت داخل كان باب الحوي مفتوح جفت نفس السيااره مرت ..دخلت داخل وتغديت ورقدت نشيت العـصر صليت ونزلت تحت .. جفت امايه ف الصـآله امل: السلاام امايه: عليكم السـلآم. امل: شو تسوين امايـه؟ امايه: ماشي الحين بنش بسير المطبـخ امل: لييش؟ امايه: ناس بييونا اليوم.؟ امل: منوه؟ امايه: اهل الياازيـه. امل: والله زين زين امايه: ناقصتني اغراض مابتسيرين الجمعيـه؟ امل: اوكيه افا عليج من عنووني امايه: اوكيه بكتبلج الي اباه ع ورقـه.. امل: ان شاء الله متى تبيني اسيـر.؟ امايه: سيري الحيين بيون الناس وانا بسير اجـهز امل: اوكـيه بي بساعدج امايه: اوكيه امل: بسير البس لييين ماتكتبين الي تبينه امايه: انزيـن روحت فوق عن امـآيه دخلت غرفـتي ع رنة الـفـون سرت صوب التلفون جفـت ريمـ متًـًصـله رديت عليهاآ امل: هلا وغلـآ الريم: اهلين وسهلين امل: شحاالج يالقااطعه الريـم : هههه بخير الله يسلمج وانتي.؟ امل: تماام دامج تماام الـريم: دوووم اقوول امول مابتطلعين من البيت؟ امل: هيه بسير الجمعيـه الريم: انزين مري عليه يبيني البيت امل: تدرين انه قوم اليازيه بيونـآ الريـم: هيه عشان جيه قلت بي امل: زين زين الحين بطلع متى تبيني امـر عليج الريم: اممم وانتي راده مري علي امل: اوكيه باي الريـم : بـآي بندت عن ريـم وبدلت ثياابي ولبست عباااتـي وسكأرف شليييت شنطتي ومفتاح سيـآرتيـ ونزلت تحت .. جفت امايه خذت عنـهآ الورقـه وطلعت ركبت السيـآره وشليت فوني واتصلت ف سـيـف. شـويه ورد علـيه.. سيف: هلااا وغلـلآآ امل: اهلين وسهلين سيف: شحالج؟ امل: بخير الله يسلمك وانته؟ سيف: تماام دامج تماام امل: انا بطلع من البيت سيف: ويين؟ امل: بسير الجمعيـه سيف: اهااا سمعت صوت حذاله امل: احمد عندك؟ سيف: هيه طالع وياه امل: هييه اليوم اهل مرته بيون بيتنآ سيف: هههههه ـزين زيـن.. يلست ارمـسه لين ماوصلت الجمعـيه عـقب بغيت ابند عنـه ماطاع لبست السامعه من تحت الشيله يعني مايبين اني ارمس ف الفون وشليت شنطتي .. يوم يايه بنزل من السيـآره جفت نفس السياره الي دوم اجوفها ف الباركن الي حذالي يااربي شو السالفـه .؟ قلت بنزل بجوف حد بينزل منها ولا .. نزلت من السيـآره ودخلـت الجمعـيه .. يلست اخذ الاغراض الي امايه تباهآ وسيف ويااي ع الخط .. عقب ماخلصت الي تباه امايه سرت صوب الككاو .. يلست اخذلي ككاواات هع. سيف: شو تسوين؟ امل: اخذ لي مصااصه تبا؟ يوم قلت جيـه سمعت حد رد عليه : هييه انا اباا سيف: منووو هااه؟ امل: مادري واحد سيف: روحي بعيـد امل: انزييين اكيد بروح بعيد روحت الصوب الثاني عنه وع طول سرت صوب الكاشيـر سيف: تغشي امل: مابا سيف: قلتلج تغشي امل: بس عاد انا لابسه سكارف كيف اتغشى بعد سيف: امل لاتعانديين وتغشي امل: خلاص انزين هوه روح وانا طلعت من الجمعـيه مايحتااي سيف: افففففف انزين انا ببند امل: اوكي سيف: باي بندت عنه وانا مقهووره منه يعني شو انا قلت حق هاكي خل يرمسني نفااد يبا يزعل خل يزعل وصلت السياره وفتحت البااب الي ورا حطيت الاغـرآض ف السيـآره يوم يايه بركب سياارتي جفت راعي السياره الي حذالي نزل انصـدمــــــــــــــت يوم جفـته .. تتوقعووون منوه؟ طلع هاكي الي خالوه تيودت فيـه ف امارات مووول الحمدالله اني كنت لابسه نظاره شمسيه ولا كان جاف عيني وانا فاتحتنها ع الاخر من الصدمه هههه .. ياايه بدخل السيـآره سمعت حد يزقرني : لو سمـحـتي .. صديت صوبه خيـٍر بعد شو يبـآ؟؟؟ امل: خيــٍر؟ : امممممم الصـٍراحه ماعرف شو اقولج امل: شو تقول ليش فيـه شي اصللآ؟ : لا مـآشي بس بغيت اسألج سؤال؟ امل: ليش تسألني.؟ : بس شي ابا اعرفه.؟ امل: ع اي اسااس تسألني اعرفك تعرفني استويلك تستويلي : لا ماقصد شي بس والله من كم يوم خاطري ارمسج امل: وانته ليش تلاحقني من متى.؟ : عسب اسألج مادري ليش يرني الفضوول ابا اعرف شو يبا يسأل؟ امل: شو السؤال الي تبا تسأله.؟ : الي كانت وياج ف امارات مول منو هاي؟ يلحقنـي من متى واخـــر شي يسألني منو الي وياج ف امارات مول امل: انته شخصك.؟ شو تبا فيـها؟ : لا لا لاتفهميني غلط بس ابا اعرف هيه مرتبطه ولا امل: مايخصك يلا باي روحت عنه وكنت ياايه بركب سياارتي : والله والله مابا شي منها بس ابا اعرف من قوم منو وقسم بالله بخطبهاآ يخـطبهآآآ.؟ هاذا الي ماتوقعته.؟ الحين شو اقووله هاذا.؟؟ ماعرف الصـراحـه امل: بليز تراني مستعيله روح بالزيين لاتخليني اعصب : انتي ليش مب مصدقتني امل: وليش اصدقكك.؟ : انزين انتي قوليلي بس هيه قوم منوه وانا بسير اخطبها هيه تستويلج ؟ انا سألت عن بيتكم قالوولي انكم قوم """ وانه اسم ابوج سلطان """ وعرفت انه عنده بس بنتين وحده معرسه والثانيه انتي ... يـآآويلي هاذا يعرف كل شي عنآ .. الحين شو اقوله.؟ امل: انزين شو تباني اسويلك الحين : اني بس قوليلي قوم منو مادري الصراحه حسييت مؤدب منزل راسه ومرتبك شكله مسالم مابيسوي شي يت ف بالي فـكره .. برمس احمد يتفاهم وياه بقووله السالفه من اول شي وخل يتفاهم وياه املـ: انزين اصبر بتصل ف اخوي خل يتفاهم وياك : ليش؟ امل: ماتبا تعرف قوم منو ؟ هوه بيقولك :هيه تستويلج امل: هيه خالتي اصـبر بتصل فيـه ركبت السياره وطلعت فوني اتصلت ف ا احمد ترن ترن احمد: لالالا انتي شكلج مغلطه بالارقام يايه بتتصلين ف سيف اتصلتي فيني بالغلط امل: احمد مب وقت سخاافتك .. احمد: ليش شو صااير امل: ابا اقولك شي بس اخافك تعصب. احمد: ليش الشيـ يعصب؟ امل: اممم لا بس انته بتعصب احمد: انتي قولي شو مستوي امل: مابتعصب احمد: قوولي اول امل: انزيـن اقولك من كم يوم كنت ويا خالوه ف اماارات مول يوم يااييين بنطلع هيه طاحت ف الباركنات وواحد جافها المهم من كم يوم انا ملاحظه سياره تلحقني اليوم راعي السياره نزل وقاللي انه يبا يعرف منو االي كانت وياايه واونه يبا يخطبها انا قلت بخبرك تي تتفاهم وياه كنت ارمس بسرعه بسرعه خايفه انه يعصب احمد: وليش ماتقوليين من متى يوم انتي ملاحظه اني في حد يلحقج امل: انا كنت اتحـٍرآ صدفه ولا بالغلط ماكنت مهتمه احمد: انزيين انتي وين الحيـن امل: عند الجمعيـه احمد: خلاص انا جريب الحين بي امل: اوكـيه باي بندت عنه الحمدالله ماعصب وايد بس شكله عقب بيهزبني هزبه محـترمـه لفيت صوب الريآل جفته متسااند ع سيارته يتريآ امممم بتصل ف خالوه بخبرها بالتطوراات يت بتصل ف خالوه طلعلي .. ليش لديك الرصيد الكافي للاتصال يرجى المحاوله فيما بعد اففففف هاه وقته الحيـن ماعندي رصيد .. وبعد فوني الثاني مااحطيت فيـه رصـييـد من متى لاني ماستعمله وايد.. هييه صح انا قاايله بسوي الخدمه مال النت حق البلاك بيري .. بسوييها بعدييـن يوم برد البيت تمييت صاده اتـريـآ احمد .. شـويه وجفت سياارت احمد ياايـه واابوي مادري شو بيستوي رن التلفون ف اايدي احمد متصـل امل: هلا احمد: وينه امل: جوف السياره الي حذالي واقف حذالها هوه احمد: اوكـيـه باي بندت عنه ويلست اطااالع جفت احمد نزلت وياه سيـف سييـــف ؟؟ اويــه نسيت انه احمد طالع ويا سيـف يعني اكيد ياأ وياه .. جفت احمد سلم ع الريال وسيف بعد .. عقب جفته يرمسون طبعا انا ماعرف شو يقولون .. بس اجوف اممم جفت احمد طلع فونه ورمس شويه ويا الريال وروح الريال احمد بعد روح سياارته جفت سيـف يا صوبي اويه هاذا شو يباا بطل البااب الي حذالي وركب سيف: السلام امل: عليكم السلام تم سااكت شكله معصب .. سيف: حركي السيااره شو تتريين امل: بتي ويايه سيف: هييه ولا تبيني انزل امل: ماقلت شي انـآ حركت السيااره وطلعت من باركنات الجمعـيه وسرت صوب الفريج كنت متحرقصه ابا اعرف شو استوآآأ سيف: هاذا الي مخلنج ع راحتج يلاحقج مادري من كم يوم ولاتقولين امل: ماكنت ملاحظه عدل سيف: هيه صح صح امل: ماجذب عليك انا سيف: وليش ماقلتيلي عن الي استوا ف امارات مول امل: والله مب لازم كل شي اقولك اياه بالحرف موقف واسـتوآ مايحتاي اعيد وازيد فـيه جفته سكت عني بس احسن انا ماباه يتعود اني اخبره كل شي مب كيفه احس وايد عطيته ويه والله لو هو مب طيب وياي واوكيه جان ماعطيته هالكثر ويه ويلست ارمسه واطلع وياه هالكثر . امل: وين تباني اوديك بيتكم؟ سيف: ليش مب متفيجتلي ولا عندج اشغال اهم عني امل: ريم قايلتي امر عليها وبعد بروح البيت اساعد امايه بيونا ناس سيف: اوكـيه وديني البيت امل: شو استوا ويا الريال سيف: ليش شو تبييبه؟ امل: بس اساأل سيف: ماشي احمد سأله عن اسمـه وجبيلته وعطاه رقمه وبعد احمد قاله بيرمس الاهل عسب ايون اهل الريال يخطبون وعقب بيسألون عنهم وبيسألون خالوه وبس امل: اهاآ شـويه ووصـلت بيتهم وقفت عند البـآب.. سيف: يلا باي امل: الله يحـفظك.. نزل عني من السيـآره حسييته صدق معصب مني بــــس نفـآد خـل يعصب عندهم واايد يدران يدورله واحد منهم ويظرب راسه فيـه حركت سياارتي وسرت صوب بيت ريـم.. شغلت المسجـل وطولت ع الاغنـييه ع الاخـيير هع .. وصلت بيت ريـم .. شليت فوني بتصل فيها ماشي رصييد يااااربي الحين شو اسوي .. جفت بااب الحـوي مفتووح دخلت سيآرتي الحـوي .. جفت راشـد واقف يرمس بالفوون .. نزلت من السياره قلت بدخل بسلم وبزقر ريـم جفت رآشد ياي صوبي راشد: هلاا وغلآ. امل: اهلين وسهلـين رآشد: شحاالج؟ امل: تمام وانته شحالك؟ رآشد: بخيـر الله يسلمج امل: اممم خالوه داخـل رآشد: هيه ف الصـآٍلـه امل: خلاص بدخل اسلم عليها وبزقر ريـم رآشد: صبري امـل امل: هلآ؟ رآشد: منو الي كانت وياج هاك اليوم اي يوم بعد؟؟ امل: متى؟ رآشد: امممممم الي فـليل يوم ريم حسييته مرتبك مب عارف كيف يتكلـم اصلا انا عرفت متى يقصـد امل: هيه اتذكرت بلاهآ رآشد: منو هاي امل: ربيعت الريـم رآشد: اهاآ انزين شو اسمهآ امل: ماادري راشد: املل لاتستهبلين صدـق؟ امل: اسأل ريـم يلاا جـآآآو دخلت داخل عنه جفت خالوه يالسه بروحهآ امل: السلااام علييكم ام حميد: علييكم السلاام حياالله من زاارنآ روحت سلمت عليها امل: شحالج خالوه؟ ام حميد: الحمدالله بخير فديتج شحالج انتي ؟ امل: الحمدالله يسرج حالي ام حمـيد : اتفضلي ايلسي امل: لا خالوه بس ياايه اخذ ريم قلت بسلم مره وحده ام حمـيد : هيه فديتج ماتقصرين جان تبين ريـم سيريلها حميد محد امل: هيه خلاص يلا مع السلامه ام حمـيد: الله يحفـظج.. روحت عند ريم دخلت جفتها يالسه ف الصاله تتطالع التلفزيوون شكلها متغييييير يوم حاامل كرشتها هههه امل: السلاام الريـم: علييكم السلاام متى يتي ؟ امل: توه يلا بسرعه تحركي بروح البيت امايه بتهزبني متأخره الريـم: خلاص بس بلبس عباتي امل: اوكـيه ع فكره شكلج حلو بالكرشه ههههه الريـم: اييه اموول بس عاد مب ناقصه تعليقاتج انتي بعد امل: منو يعلق عليج غيري؟ الريـم : حميد امل: انزين يلا انا بروح السيااره تعالي الريـم: ياايه روحت الحوي صوب سياارتي جفت راشد بعده واقف راشد: ماغيرتي راايج؟ امل: لا يلاا باي دخلت السياره وشغلتها يلست اتريآ ريم شويه ويت ريـم روحت الدكان خذتلي رصيـد وروحنآ البيت يلست اساعد امايه وسوييت كيكه وريم كانت ويانا وحلييلها ماتروم تسوي شي باجلها اسبوع وبتدخل التآسـع عقب سرت خذتلي شور ولبست مخوره وتعدلت شويه ونزلت تحت شـويـه ويــو قوم اليـآزيـه يلسنا وياهم وسولفنآ وعقب حطيينا العشآآ تمو شويه وروحو ..وحلييلهم حبووبااات عقب يأ حمـييد خذ رـيـم.. وانا سـرت فوق غرفتي كان مافيني رقاد بدلت ثيابي ولبست بجامـه .. شليت فوني البلاك بيـري واتصلت ف اتصالات يلست ارمسهم عسب اسوي الخدمه وجـيه المهم سوييتها عقب مابندت عنهم ششللييت فوني الثاآني واتصلت حق خاالوه خالوه: الـو امل: السلاام علييكم خالوه مهره: علييكم السلاام والرحمـه امل: شحاالج خالوه؟ خالوه مهره: بخير الله يسلمج وانتي؟ امل: والله تماام وعندي اخبااار فررش خالوه: شو ؟؟ امل: شي مابتصدقينه خالوه: ليش ؟؟ امل: بقولج السااالفـه تعرفيين من روحتي عني وانا ملاحظه سيااره تلحقني اليوم وانا سايره الجمعيه نزل راع السياره ورمسني تتوقعيين منو؟ خالوه مهره: منووه؟ امل: خمني ؟ خالوه: يلا عااد قولي امل: الي تيودتي فيه ف امارات موول سمعت خالوه شهقت خالوه: حلـــــــــــفي؟ امل: هيه صح عطييني البن كود ماالج خالوه: امول يالسخيفه بعطيج بعدين قولي السالفه امل: هيه الساالفه انزين شو تبيني اقولج خالوه: شو استوى شو قالج؟ امل:ماشي قالي ابا اسألج سؤال قلتله ليش وقالي منو الي كانت وياج ف امارات مول قلتله مايخصك قالي والله قوليلي منو قسم بالله بخطبها خالوه: اوييييييييييييـه امل: هييه انزين جان اسويله طاف قالي والله بخطبها وجيه اخر شي اتصلت فاحمد خبرته السالفه ويأ اتفااهم وياه خالوه: اوييه مووول ماتوقعت شو يبا فيني هاذا امل: مادري انا سيف قالي انه احمد خذ رقمه وسأله هوه قوم منو وقاله بخبر الاهل وبيزقرون الريال ويا اهله اذا يبا يخطب وعقب بيسألون عنه وبيسألوونج خالوه: وانا اقول احمد ليش متصلي مساعه انا كنت مشغوله مارديت عليه امل : هييه بس اخاف احمد يهزبني خالوه: يلا باي امول بتصل ف احمد امل: اوك باي واتصلي عـقب خالوه : اوكي باي بندت عنها ووسرت فتحت اللاب توب .. فتحت المسن وعقب يلست اتحــوط ف النت.. اتذكرت انه اخت اليازيه عطتني منتدى قالتي اشترك فـيه كتبته ف قووقل ودخلت المنتدى عيبني قلت خلني اشترك شكله حلــو .. اشتركت ف المنتدى بديت انبش ف المنتدى وارد ع المواضـيــع عقب اتصلت فيني خالوه امل: هلا خالوه: اهليـن امل: هاه بشري شو قالج احمد؟ خالوه: ماشي قالي السالفه وقالي انه الريال اتصل فـيه مساعه امل: اووه شكله مستعيـل خالوه: وقالي بعد انه الريال من جبيلة ''''' وبيمكن ايون يوم الجمعه الييايه امل: اها اها انزيين شو اسمـه؟ خالوه مهره: شو تبييبه اسمه امل: اوووب اوووب بديينا نغاآر خالوه: مــآآآآآيخــــصــــه امل: ههههه عيل قوليلي اسمـه خالوه: اسمـه مآآيد .. امل: عااشواسمه حلـو خالوه: ههههه امل: انزين عطيني البن كود مآلج.. خالوه: انزين بطرشلج ايآه مسـج امل: اوكـييه بتخبرج خالوه: تخبري؟ امل: انتي بتوافقين عليه ولا.؟ خالوه: مـآعرـف امل: كيف ماتعرفين انتي تبينه ولا لا ؟ خالوه: اممممممم ع حسب بعد مايسألون عنه وبصلي استخااره امل: ايـوآ زين زين خالوه: انا بخليج الحـيين امـل: اوكي بآي خالوه: باي بندت عنهآ ورديت ع الاب .. شـويه ووصلني مسـج من خالوه البن كوود مالها ضفتها عندي ع البيبي مسن .. بعد ظفت كم وحده من ربيعـآتي عقب بندت الاب تميت اتعبث ف البلاك بيري ورقـدت بـــعد كم يـوم .................................................. ................................. المكان: سيـآره سيـف السـاعه : 5الــعــصـر.. سيـف .................................................. ................................. طلعت من البييت مستعـيل ... بسرعه بسرعه ركبت سياارتي وسرت بيت قوم عموه عند امـل ... تأخـرت علييها .. واعدنها اوديييها القـريه اليوم .. بروحه بالموت رضت تي ويااايه .. وقفت عند بيتهم دقيتلها امل: هلا سيف: اهلين حبي امل: ويـنك؟ سيف: انا عند البااب يلا تعالي امل: اوكيه باي. سيف: باي بندت عنها وبطلت الجامه الي جدامي وعدلت سفرتي وتعطرت شـويه ودخلت السيآره .. امل: السلاام علييكم سيف: عليكم السلأم. امل: توك ناش من الرقـاد؟ سيف: هييه ليش؟ امل:ههه يبين عليك سيف: ههههههـ فدييتها والله .. اخخ بس لو اقدر اعبر عن الي بخاطري .. كله اتغير الموضوع .. يمكن هاذا اسلوبها.. مادري والله المهم سرنا صوب الـقـريـه ..وصلنا ع اذان المغرب سرنآ صلينآ .. وعقـب تميينا نتحوط ف القرـآ امل: سييــــف سيف: عيـونـه امل: احم ابآآ ارووح الاالعـآب.. سيف: اوكـييــه وديتها صوب الالعاااااااااب اول شيـ ركبنا لعبه جيه نيلس ع كراسي وهيه ادوور وتتحرك سيف: مستعده؟؟ امل: هيــه اكـيد سيف: تراها تخوف امل: لاماعلييك عادي سيف: اوكـيه بدت اللعبه تتحرـك ارتفعنا شويه انا كنت امسك الحداايد ما اللعبه امل: سييف لاتمسكه بطييح اللعبه علينا سيف:هههه نزلت اللعبه فجاه عااد تعالو اسمعو الصرييخ ورانا بنات وحذالي امل تصارخ بعد ههه انا انصمت اذني وداارت اللعبه بعد ياله شويه ووقفنآ امل: وييه بمووت راسي دار سيف: ههههه توج عادي وماتخافين امل: انا ماقلت اخاف الحين سيف: انزين يلا ننـزل نزلنا من اللعبـه وعقـب سـرنآ صوب لعبه السيـآٍٍرآت امل: يلا ننلعبها سيف: اوكيه سرنا لعبنا سيـيآٍرات كشخه ندعم بعض وجـيه لعبناها مرتيـن.. امل: سيف ابا العب مشخله سيف: لا لا امل: لييش؟ سيف: مب شي .. امل: ليش عاد ف خاطري العبهآ سيف: بطيح شيلتج وبتعتفسين امل: عادي بيودها عدل .. سيف: لا امل: اوه يلا عاد يقـــهرني اسلـووبهآ يوم ارفض شي ماتحترم رمستي تخليني اوافق غصب عني والله لاني احبها ماارفضلها طلب ماباها تندم انها ف يوم خذتني سيف: خلااص اوكـيـه امل: يــــس روحنا صوب المشخــله كاانت فــآآآَضيــه ركبناها اجوفها عدل شيلتها عدل عقب يلسنا حذال بعض .. بدت اللعبه من بدت يلست تصاارخ اصلا عسب جيه مااكنت موافق شيلتها بغت اطييـح وتميت ماقدرت تتيود طاحت صوبي يودتها من اييدها وبيدي الثانيه كنت ميود الحدييده عقب سحبتها ويلستها ع الكرسي مسكتها وعدلت شيلتها .بغت اطيح مره ثانـييه يودتهاآ ومسكت الحديـده وانا بعد كنت ميودنها اخاف عليها تتعور .. وقفت اللعبه امل: وااه بموووت راسي دار سيف: عسب جيه كنت اوقولج لا امل: لا بس حلوه اللعبه عيبتني سيف: زين جيه شيلتج طاحت وشعرج طلع امل: مـــحد جـآف وبعديين عدلتهآ سيف: زين طووـفي.. اصلا كنت معـــصب ماداني حد يجووفها اصلا.. عقب لعبنآآ مال المآآي تخيسنا ماآي تميينا نتحوط ف القـريه وعقب ردييتها البيت .. وطلعت ويا ربعي بـــــــعد آسبــوع .. .................................................. ................................. المكان: بيت بو احمد.. السـاعه : 11 ونـص امــــــل .................................................. ................................. كنت يالسه اســـووولف وياعلـأيه .. تعرفت علييييهآ من المنتدى اليديد من فتره اعرفها ماشااء الله عليها حبووووبه وايد كآآن نكي : على كف الزمن تايه ولا ادري وين يرميني وكان نكهآ : الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! على كف الزمن تايه ولا ادري وين يرميني : علآيه .. الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! عيوونهاآ.؟ على كف الزمن تايه ولا ادري وين يرميني فدييت عيوونهآ..اقولج عندج بلاك بيري؟ الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! هييه تبين البن كود مالي؟ على كف الزمن تايه ولا ادري وين يرميني هييه اذا عادي ..؟ الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! هييه اكيد عادي """" على كف الزمن تايه ولا ادري وين يرميني الحين بظييفج الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! اوكيه على كف الزمن تايه ولا ادري وين يرميني برب الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! تيت كان سيـف متـصل فيني .. رديت عليــييـه سيف: مرحب امل: مراحب سيف : مارقدتي فديتج. امل: لا يالسه ع النت سيف : شو تسوين؟ امل: ماشي ارمس ربيعتي ؟ سيف:هايج الي متعرفه عليها؟ امل: هيهـه سيف: فديتج انا قلتلج انا ماحب هالعلاقات امل: سيف انته ماتعرفها البنت وايد اوكيـه سيف: انزين مادري انتي ماتعرفيينها يمكن غير امل: عادي عادي انا دوم احب اتعرف من ع النت عادي سيف: امممم براحتج.. سيري ارقدي وراج دوام باجر امل: الحين بظيفها عندي ع البلاك بيري وبرقد سيف: بـعــد..؟ امل: هيـه سيف: لالالا لاتضيفينها امل: ليش؟ سيف: بس خليها ع المسن امل: لا انا قلت حق البنت الحين مايستوي ارد برمستي سيف: اوكـيه اوكيـه يلا باي برقد امل: باي بندت عنه .. خل يولي كيفي انآ مب ياهـل اعـرف اتصرف بروحي وعقلي براسي ماينقص عليه ظفت عليآ ع البلاك بيري وعقب رديت عليها ع المسن على كف الزمن تايه ولا ادري وين يرميني باك الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! ولكم على كف الزمن تايه ولا ادري وين يرميني يسلمو ضفتــج.. الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! ربي يسلمج هيه ادري.. خليينا متوااصليين هناك احسن.. على كف الزمن تايه ولا ادري وين يرميني اوكييه حبووبتي انا بظهر برـقـد.. الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! تصبحين ع خير فديتتج.. على كف الزمن تايه ولا ادري وين يرميني وانتي من اهله غناتي الدنيا احرمتني ثلاث .. قلب يفهمني .. روح تونسني .. فرح يغمرني .. تقدر تعوظني ؟! باي بآي بندت عنهاآ وبندت المنتدى والاااب وطحـــت بـــرقــد بــــــــــــــعده بـيوووومـيييــــن ... .................. كنت رااده من الكوولج ويالسه ارمس علايه ع البيبي ... من ظفتها وانا اربع وعشرين ساعه اسوولف وياهاآ وهاذا سيييف مطفربي كله يتحرطم حتى ماحب اطريها جدامـه رن تلفووني الثاني وهو متصل ... عمره طويل توني اطريـه حطييت السماعه ف اذنـــي ورديــت.. امل: الو سيف: فدييت الالو.. امل: شحالك؟ سيف: بخير حبي وانتي.؟ امل : والله تماام . سيف: وينج راده من الكليه؟ امل: هيه سيف:ليكون تتعبثين ف الفون امل: لا سيف: اهااآآ امل: المهم سيف انا وصلت البيت ببند عنك سيف: اوكـييه فديتج بآي امل: بآي بندت عـــنـه واصلا انا ماوصلت البيت بس كنت ارمس علايه وماكنت عارفه اركز ويـآه ... مادري الصراحه هالبنت سوالفها تعيبني هع بس ساعات احسـهاآ مادري كيف شـويه ووصلت البيت تغدييت ورـققدت .. بــــــــــــــ ع ــــــــــــــد اسبوعيـيـن. ...................... كنتـ يآلسه اذاآكـر عندي بآجر فـآينـل .. اخر امتحان وبفتك عقـب اجـآزـه سمعت رنه البلاك بيري .. حد رمس عندي شليته جفت علايه وحـليييلها تسألني شخبآٍر المذـآكـره.. قلتلها بخيروكل شي تمااام .. عقب خليت الفـون يلست اذااكـر .. كانت الساعه 12 فليل عقب بندت كتبي وكل شي ورقدت ........................................ بعد اسـبوعـيين.. ....................................... كنت طاالعه ويا سيـف كنا ف الفستفــل.. كنت يالسه ارمس علايه ع البيبي قالتلي انها ف الفستفل قلتلها ابا اجوفها والحين اترياها ترد عليه ردت عليـه ماطاعت قالتلي انها مب متكشخه ومب مستعده تمييت احاول وياها قالتي وينج انتي خبرتها مكاني وقلتلها شكلي واني لابسه سكارف اصفر وكفـر البلاك بيري اصفر وشنطتي صفره .. عقب شويه قالتلي انها جافتني .. قلتلها وينج انتي ماجفتج قالت لا مابتجوفيني اليوم مره ثانيهـ.. بالغلط وانا اتعبث ف البلاك بيري دعمت واحد اجنبي قلتله سوري سيف: بس عاد شلي راسج من هالبلاك بيري امل: خلاص انزين .. سيف: قومي نطـــلع.. امل اوكـيه طلعنا من المول وعقب ردني سيـف البيت وصلت البيت غيرت ثياابي واتصلت ف شوق تميت اسولف وياها احس مزماان مارمستـهآ .. عقب بندت عنها ورقــدت.. بــعد ثلآث ايآآم نهآآأ‘يـه البـآرت توقعآتكم .؟َ! |
يسلموو ع البااااااارت اتوقع علاية بتكوون ولد |
تسلمين ................. |
ما أدري ليش طرا فبالي ... هزااع من دشت علايه ف القصه ؟؟؟ !!! |
اقتباس:
ربي يسلمج هع وانتي شطوووووووره ..~> التوقع تقريبا صح :24: |
| الساعة الآن 09:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir