|
بعد مرور اسبوعيــن ::: النــاس كلـن على طبعــه ومنهــاجـه و انــا عـن النـّاس مـابـه شي يفرقنـي إلا إنـي دايـم أحـب الـصـدق وأواجـه مـخلـوق والله على هـالـوضع خـالقني حتـى رفـيقـي ضمـاد القلـب وعـلاجه على كـثـر مـا اتمسـك فيـه صـدقني لـو أدري إنـه مـرافقنـي على حـاجه لأمـسـكـه حـاجـتـه وأقـول فـارقـني أبوظبــي مول.. السـاعه 8 ونــص.. الكووفـي.. سيف"يوطي الكابتشينو ع الطاوله":خلاص سهيل ما استوى شي..انته بصوب وهي بصوب..وانا وياك ربع من زمـان..وانته تعرف ان ماشي بيفرقنـا..وروضه بدالها الألـف..باجر بتلاقي البنيه اللي انته بتحبهـا وبتعيش وياهاااا.. سهيل:الحمدالله انيه ارتحت..هـم وانزاااح.. صخ سيف وما علق ع اللي قـاله سهيل وتم سااكت.. سهيل:هاه متى ناوي اتساافر.. سيف:باجر الصبح ان شالله.. سهيل:بهالسرعه.. سيف:هههههههههه..الأشغال.. سهيل:وبن بتيسر بعد لبنان.. سيف:اممم..اظني الأردن.. سهيل:شوف أحمد جانه بيخاويك.. سيف:الريال مشغول بالدرااسه.. سهيل:والله وتطور أحمد.. سيف:قول ان الله فتح عليه وعطااه العقل..وزين منه انه ذكر نفسه .. سهيل:.....الحمدالله ع كل حااال..شو ياخذ من شهاده..؟؟ سيف:أي سي دي ال.. سهيل:اها زين والله.. سيف:الا وينه سعيد..اسويله تيلفون وما يرد.. سهيل:هههههه..هاذا من رد من البحرين وهو مجاابل المنتديات والنت..ما اظني بيكمل الكليه دامه ع هالحاله.. سيف:هههههههه..لا سعيد ريال وقدها قدود..ودوومه رافع الرااس.. سهيل:كله من ربيعه ..هو اللي معلمنه.. سيف:بس على ما اظن ان سعيد ما يسوي الا الشي الزين..يعني ماله شغل لحركات الشباب الحثااله ..والسوالف اللي تعرفها.. سهيل:هيه صح..بس بعد لازم يصد صوب درااسته..شووفنا احن درسنا واللحينه مرتااحين.. سيف:هيه والله ما جذبت.. في هاللحظه وقف أحمد ع راسهم .. أحمد:هاه..قلبي واحساسي يقول انكم كنتوا اتحشون فيني.. سيف"يطالع فيه بنظرات":ههههههههههههه..ليتنا حشينا وبس..الا بغينا ناكلك من زود الحش.. سهيل:عاد هاذا سيف اذا حش بعدووا عنه.. أحمد:هههههههههه..ما ينلام ظاهر ع ربيعه.. سيف:هههههههههههه..ويويويوي.. أحمد:المهم شحااااااااالكم وشو هبااااااتكم..؟ سيف:مانشكي بااس وشحاالك انته..؟؟ أحمد:فااااين.. سهيل:طااااع ويهه..اتطورت استويت ترمس انجليزي.. أحمد:هع هع ..محد ايتم ع حاله..اكيد بنتطور عيل بنتم جيه ..الا وينكم اليوم الصبح ادق عليكم ولا واحد ايرد.. صد سيف صوب سهيل وفجأة نقعوا ضحك مرة وحده وضربوا كف بكف.. أحمد"مستغرب":شوو بلاكم..شو مستوي؟؟ سيف:هههههههههههههههههههه..اليوم ولا واحد منا سار للشركه.. أحمد:ههههههههههههههه..ليش؟؟؟ سهيل:انا ع بالي ان سيف بيروووح الصبح وانا العصر.. سيف:وانا كنت اتحرى ان سهيل بيسير الصبح وانا العصر.. أحمد:هيه..يعني انتوا عندكم مشكله..ورقه وقلم بسسرعه وورقه وقلم يلا.. سيف:شو بتسويلنا جدول..؟؟ احمد:انتوا جيه يمشي وياااكم..الا ما قلت لكم اليوم الصبح يوم سرت العين موول شو استوى..ههههههههههههههههههههههههههههههااااااااااي.. سهيل وسيف:شووو؟؟ أحمد:في بنيه كانت تمشي جدااامي..انزين..البنيه تخرطفت وطااحت واحليلها..جان اتنش وهي مفتشله..وتغشت بشيلتها..بس انا شفت شكلها..وبعدين شفتها مرة ثانيه..وتخرطفت وطاااااااااحت..بس هالمرة طااحت ع ولد صغيرووون..ههههههههههههههههههههه..تم الولد ايسبها ويقول يالحوووله اللي ما تشوفين..وكان ميود غرشة مااي في يده..فجها وتم يرشها..ههههههههههههههههههه..واااااااااااكككككككككك كككككككككك.. تم سيف وأحمد يضحكوون..وحالتهم لله من سوالف أحمد..بس حمد..ماياهم..احم احم..مشغوول الريال خلاص.. ● ● ● ● تشتاقلك روحي على الشوق اشواق وتهمس لك يا دنيا الوله وينك ...!! الرمــااح.. بيت بوسهيل.. السـاعه 10 ونـص.. سلامي:لا خلاص فطامي والله مسموووحه.. فطامي:فديتج سلامي والله انيه ندمت واايد ع الرمسه اللي قلتها..صح انتي مالج ذنب بس لأن اخوج سهيل وجيه..سمحيييييييليه سلاااااااامي فديييتج.. سلامي:بالحل فطاامي..وزين منج اعتذرتي.. فطامي:هههههههه..ويا ويهج حمدي ربج..اقول قلبي ويهج بسير برقد.. سلامي:اووه نام بكير اصحى بكير شوف الصحه كيف بتصير..؟؟ فطامي:هههههههههههه.ااااه..ااااه..برقد برقد..باااي.. سلامي"ميته من الضحك":هههههههههههه..بااي باااي.. بندت سلامي من فطامي وبسرعه نزلت تحت بتقول لأمها انها تبغي اتغييب بااجر ومافيها ع الدوااام..بس من نزلت تحت انصدمت من اللي تسمعه.. سهيل:هيه يا بوويه..خلاص بنت عميه دامها ماتبغيني..انا قلت بشاورك عسب اخطب شيخه بنت خالد بن محمد..شو قلت..؟؟ تمت سلامي منصدمه..شوووووووو؟؟ما لقوا الا شيخه السوووسه..؟؟؟!!!!شيخه؟؟!! الجزء الـرابــ ع والـ ع ــشرين.. × × × ..×..الفصــل الأول..×.. ••.•°¯`•.•• قصـة حــزن ••.•°¯`•.•• ياغربة الــــــروح قولي وين اروح في عيني سراب وفي همي وضوح ياصمتي الســـــاكن بجرحي العتيق ضاع السفر لـــــــكن باقي الطريق وقفـت سلامي متصنمـه في مكـانها..تسمع هلها شو قاعدين يقولون..خلاص يعني.اتفقوا شيخه يعني شيخه محد غيرها..شو خلصوا بنات الناس وما طاحت عين سهيل الا على شيخه..؟؟؟!! ردت على ورى ودعمت اخوها سعيد اللي كان نازل من الدري.. سعيد:شووو انتي ما تشوفين...؟؟ سلامه:هاه ..شو يالس اتقول انته..؟؟ سعيد:ههههههه..سلاامي شوو بلاااج..؟ سلامه:بسم الرحمن الرحيم..ما لقوا الا شيخه..استغفر الله استغفر الله.. سعيد:شو شيخه وبلاج تستغفرين شو اللي صاار...؟؟ سلامه"بهمس":أسكت ما دريت اخوك ناوي ينفد رووحـه... سعيد"يهمس وما قصده الا يضحك عليها":ليش شو سوى..؟؟ سلامه:الأخ يبغي يخطب شيخه..بنت عموتي ناعمه.. سعيد:هااااااه..؟؟شيخه..اممممم..هي حلوة وملكة جمال..بس احسها غبيه وسخيفه.. سلامه:ليييييييتها غبيه وسخيفه وبس..هالبنيه راعية مشاكل.. سعيد:اوونه..جيه كم مرة سارت المخفر..ههههههههههههههه...؟؟ سلامه:....................الله يعطيك العقل..من زوود القعده ع الاب ومن زوود ما اتفج اعويناتك الظاهر انه اثر عليك واايد..اقول اجلب ويهك مسود الويه اللي ما تخيل.. سعيد:هههههههههه..شو بلاج انزين محرجه..؟؟!!..مب انتي اللي بتاخذين شيخه..سهيل اللي بياخذها وبيوهق عمره.. سلامه:يالله..انته بلاك ما تفهم..انا ما ريد لخويه الا الزين.. سعيد:اللي عليج اتسوينه انج اتشاورين اخووج..وتوضحين له راايج وتنتقدين شيخه..واختلاف وجهات النظر لا يفسد للود قضيه.. سلامه:هاللي تعلمته من النت وياي اتسمع لي اياه اهنيه..يلا يلا هناااك.. سعيد"يضرب ع خدها":ويه العنز انا اكبر عنج.. سلامه:وااايه الترااااب..واذا كنت اكبر عني شو اسويبك..؟؟ سعيد:احترميني.. سلامه:جيه انا شو قلت..حشى ما ينرزا علييييك..ييها..المعرس يانا.. سهيل"شااق الحلج":مرحباااااااااااا شحاااااااااالكم..؟؟ سعيد"ايوايه اخوه":بخير ومن صوبك.. سهيل"مستانس":يسرك الحال..الا وينك ربيعك ناصر حرق تيلبفوني من زود ما يتصل يتخبر عليك..؟ سعيد:ههههههههه..مسكين هالناصر عذبته ويااايه..التييلفون كان مغلق..يلا انا بظهر تامر بشي.. سهيل:سلامت راسك..سير تحت الوالد يبغيك.. سعيد:انزين.. سار سعيد تحت وسهيل تم يطالع في سلامه وخلاف قرر ينزل تحت..بس سلامي زقرته .. سلامه:تعال ابغيك في رمسه.. سهيل"راافع وحده من حياته":امممم..انزين.. ساروا الصاله ويلسوا.. سلامه: سمعت انك بتخطب شيخاني.. سهيل"ابتسم":هيه.. سلامه:شو تبغي بها رااعية المشاكل.. سهيل"بدون تفكير": اممممم..أحبهـا.. سلامه:شوو ..بتخبرك منو ايحب هالشيخه..؟؟..تبغي المشاكل..انته تبغي اتنفد رووحـك..؟ سهيل"وقف وتم يصارخ عليها":سمعي سلامي يا ان سمعت هالرمسه تظهر من ثمـج شوفي شو بيستوي بج..ما اسمحلج اتسبين شيخـاني .. سلامه"منصدمه":سهيل انته بلاااك؟؟..هاي الإنسانه ما تحب حد..هاي الإنسانه وقحه وما عندها اسلوب ونظراتها تضاايج الواحد..شقايل بتعيش وياها..لأنها حلووة..؟؟؟ سهيل"يضحك":فهمت اللحينه..اتغااارين منها لأنها احلى عنج..اعترفي..صح..؟؟ سلامه:اشووو..لأنها احلى عنيه..؟؟شو هالتفكير السخييف..؟؟اذا انته اتشوف شيخه حلوة..فرووضه احسن عنها بمليوون الف مرة.. سهيل"عصب":ردييييييينا للطير يلي..من زينها هاييك البنيه..اقول جب جب..لا تقارنين بين شيخه وروضه .. وانجبي ولمي ثمـج يا ويه العنز..وماالج خص فيني ..فكري في عرسج اللي بعد كمن شهر.. وكعادته..يفجر القنااابل ويظهر بابتسامه..ما يهمه حد..ولا يهمه شعور اللي عنده..بس عليه ايعق الرمسه اللي حتى ما يفكر يثمنها..أما سلامي من زود صدمتها بتفكير سهيل الغبي..يلسـت ع الغنفه .. وما تحركت من مكانها الا من بعد ما استوعبت رمسة سهيل ونزلت تحت عند امهـا.. سلامي:امااااااااااايه..اماااااااااااايه.. ام سهيل:انا اهنيه يا بنتيه .. تريي لين ما ابند التيلفون.. سلامي"يلست عدال امها":انزين.. أم سهيل:هيه يماايه..............وشيخاني ابنيه حشييم مشالله عليييهـا..ودام روضه ما تبغي ولد عمهـا..وردته..احن ما بنسير بعييد..هكي شيخاني يالسه فالبيت تتريا المعرس..................ماجذبتي والله.................خلاص ان شالله بخليه ايمر عليج.........................مادري وينه ظهر ويا سهيل......انزين................سلمي ع اللي عندج وخبري حريم عياالج............فدااعة الله..الله يحفظـج.."تبند التيلفون".. سلامي:مشاالله.مسرع يمايه ما نشرتي الخبر وما استوى شي.. أم سهيل"مستانسه":حزن..شو ما استوى شي..باجر سايرين يخطبون رسمي..ام البنيه وافقت وقالت شيخاني ما بترد ولد خالها.. سلامي:يعني خلاااص خلاااص.. أم سهيل:ع قولتج..خلااص خلااص.. سلامي:امايه الله يهدااج ويطولي بعمرج شو هالرمسه..يعني ما لقيتوا الا شيخاني.. ام سهيل:وشو فيها شيخاني؟؟..واايه فديتها شحلااتها ..ويا زينها زيناااه.. سلامي:ااااااه..كل ما رمست قلتووولي حلوووه..هب شرط انها اتكون حلوة..انزين شوفي اخلاقها واسلوبها وتعاملها.. أم سهيل:ابنيه كاامله والكمال لله..نشي نشي خليني اشوف البشاكير شو سون باللبن البااجي..ودوه صوب ييرانا ولا لا..؟؟؟واايه يعلهن النفااد اممرة ما يفهمن الرمسه..كل يووم اعيدلهن الساالفه..فقدتهن.. نشت ام سهيل مخليه بنتهـا..منصدمه للمرة الثانيه..تمت اتفكر واتفكر..وما كانت تعرف شو اتسوي..شلت بعمرها صووب رووضه على طوول..دون ما اتفكر بشو اللي اتسووويه..وما كانت تعرف شو نتاايج هالشي اللي بتسويه.. × × × خلاص يعني كل شي انتهى ورااح..خلاص يعنـي ما بقينـا حبايب.. يعني وعودك كلها كانت مزااح..والا انت مالك في المحبـه رغايب.. وين العهود ووين لحظات الأفراح..يعني تلاشت مع هبوب الهباايب.. القلب بعدك من له اليـوم يرتـاح.. من بعد ما هو في محبّتْـك ذايـب ياما على شانك تحمّلـت الاجـراح.. وياما جروحي من صدودك عطايب سرقتني عن جملة الناس يا صـاح.. والفكـر عنـدك ماخذنّـه نهايـب.. بيــت بومحمد.. حيــرة رواضي.. الساعه10 ونـص.. كـل دمعه ..وكل ونـه..اتوضح كيف هالروضه متعذبه حييل من فراق سهيل..وكل نظرة للدفتر..اتوضح كيف هالروضه متندمه حييل ع حبها لسهييل..وكل ليله تمر على هالروضه..اتأكد مليوون بالميه ان روضه صعب عليها نسيان سهيل..لأنه بالفعل صعـب انك تنسى انسان بعد ما كانت روحك متعلقه فيييه..وصعب انك تعيش وااقعك اللي كله حرمـان وحزن وفرقـا.. صدت صوووب الدفتر اللي جدامها ويودت القلم اللي عدالها..وكتبت.. "مليييييييييييييييييييييييييت".. بخط كبييييييييير..ملت من زووود ما تصيح على حبها الصاافي..ملت من هالندم اللي يحرق قلبها .. شلت الدفتر وحطته تحت مخدتها..وكالعـااااااده..وقفت جدام دريشتها بعد ما فجتهـا..وتمت تتأمل الناس اللي قااعدين تحت..واتفكر في حياتها بشكل عاام..وفي اللي استوالها من كم اسبوع بشكل خااص..اتحس راسها بينفجر من زود ما اتفكر..يعني لين متى بتم جييه..؟؟ هبت عليها نسايم الليل وحست انها ارتااااحت..ماا تعرف ليش..بس شعور الراحه حستبه يوم الهوا يداعب خصلات شعرها اللي طايحه ع ويهها بكل انسيااب..تضيف لمحة حزن .. انفـج الباب بكل دفااااااااااشه..وكــانت سلامي اللي حاطه يدها ع قلبها.. سلامي:لحقي يا رواااااااااضي لحقي.. صدت روضه ويت صوبها.. روضه:بسم الله..شو مستوي..؟؟ سلامي:كااااارثه فريييييييده من نوعها..الرماااح بتحترق.. روضه:بسم الله الرحمن الرحيم..قوووووووولي بيت منو احترق..؟؟؟!!!! سلامي:بيييييييتنا ..بيتناااااااااااااااااا.. روضه"منصدمه":اشووووووووووووووووو...؟؟"وتصد صوب الدريشه"..جيه كيف احترق بيتكم والكل يالس اهنه..يعني معقووله ...معقووله ما شافو شي دخااااااااااااااااان.. سلاممي"اتطيح ع الشبريه":أي دخااااان ..واي خرااابيط..بيتنا بيحترق والسبه سهييييييييل اللي باجر بيخطــب شيخــاني ام السعف والليف.. . . تجمد الزمــن يا صــــاحبـي..يوم قلت انك ما تبـــي.. قلب يحبك مثل قلـــــــــــبي..وانتهى عنـــك الغراام.. مهمـا أوضح مــــهما أقول..حتى ولو كلامي يطـول.. من يومــه قلبي لـك ذلـــول..وإنته كنت قصة وكلام.. تجمد الزمـن بالنسبه لهـا..تجمد وتجمد معاه قلبها..احساسها..وحتى الكلمــات ضااعت منهــا..تحس المشااااعر في قلبها اتصييح دم..واتحس ان الندم بيقلتها ..واتحس ان روووحها بتظهر من مكانها..لأنه تحملت وتحملـت وتحملت.. صح ردته..صح بدت تكرهه..صح انها تبغي تنسااه..صح انها بتعيش حياتها الباقيه بدوونه..بس لا زالت اتحبه..حب مثل حب روضه لسهيل مستحيل ينمسح بسرعه..ولو كان بين الحب والكره شعره..حب مثل حب روضه لسهيل..صعـب يرووح بسهووله..ولو اللي سواه سهيل في روضه هب اشوي.. جرحها..صيحها..خلاها اتعاني..وما تنام الليل..خلاها وحده بس عليها تذرف الدمووع..حطمها..حطم قلبها واحساسها..عذبها..عذااب قااسي..حرمان وألم وقهر وحزن..خلاها تمووت فالثانيه ألفين مرة..لأنها في يوم بس حبته.. يا ماضـــــحيت لعيـــــونك..سهرت ونامــــــت جفونك.. وإنته ما تغـــــــير ظنـونك..وتدخل بقلبي العنا والآلام.. يا ما كان عنوانك الغيـاب..وأنا افتح لك بـــاب وباااب.. وانغرس بقلبي كل العذااب..وتعتذر وتبـــين الإهتمااام.. كـل ما غاب عنهـا..يزهب لروحه الأعذااار..بس هي تسامحه وترضى عليه قبل حتى ما يبرر غياابـه..سهيـل..هو الإنسان اللي استحل حنااايااا قلب رووويض..وهو الإنسان نفسه اللي حطم قلبه..يعني في هالدينا..احن شو نبغي..؟؟سوى رااحـة فكر وقلـب..بس لا راحة القلب ولا راحة الفكر يوا صوووب رووضه..ما كانت تتوقع هالنهااايه الحزينه..ما كانت تتوقع انها بتترك اسهيل..ولا كانت تتوقع ان سهيل بيرخصبها وبسير يخطب شيخاني اللي اتشااااابهها ..ونسسسخه منها..بس شو يقصد..بهالحركه اللي سووااااهاااا.. انا بحترم قرارك..لأنك حر في زمـانك.. ببتعد وباخذ برايك..بنسى كل الإهتمــام.. فالأخير..في المحبه..ما ينجبر قلب..ولا تنجبر روووح..وكلـن حر بقراااره..مستحيل روضه اتعق رووحها ع سهيل..لأنه وااحد ما يستاااهل..ويكفيها اللي ياها منه..يكفيها لوعه وحسرة..ترى الدنيا ما تسووووى.. . . فضلت السكوت..لأن السكوت في بعض المواقف..أيكون احسن حل.. سلامي:...روووضه.......... روضه:الله يوفقهم.. سلامي:بس.. روضه"بعيون كلها دمووع":بس شووو..؟؟ سلامي:والحب .. روضه انتي كنتي اتحبين سهيل..وادري انج لا زلتي اتحبنيه..روضه..ادريبج قلبج الطيب ما يخليج تكرهين سهيل بسرعه.. روضه"تنزل ادموعها":شو تبيني اسوي..انا اللي جنيت على نفسي..أنا اللي الووم نفسي..انا اللي حبيت سهيل..وتخيلت انه يحبني..انا الغلطااانه.. ونشت من مكانها وحضنت عمرها بيداتها جدام الدريشه.. روضه:اتشوفين هالليل..بتييه الشمس وبتمحيــه..شرات الليل ع قلبي..بس انا ليلي شقا وحرمان ولوعه وهموم..بس بعد..مردها الشمس تشرق من يديد..وتمسح هالليل وأحزانه وهمووومه.."وصاحت بكل حرقه"..مردها اتيي.. وقفت سلامي منصدمه..كل دقيقه تتلقى صدمه..ما كانت تتوقع روضه بهالتفكير..لو وحده ثانيه بتسبه وبتلعن خيره من زوود ما اتسبه..بس روضه لا..؟؟!!!!! سلامي اتحس عمرها لو ان خلوف سوى شرات ما سوى سهيل في روضه..عادي بتنسااه بسرعه وبتسبه وما بتفكر فييييييه..ما كانت متوقعه ان روضه اتحب سهيل هالحب كلـه.. سحبت عمرها من حيرة رواضي بكل هدووء..وخلت رواضي اتدوي جروحها بروحهـا |
× × × وكل دمعه من عيوني طاوعت فيه اكتئاب ليتها تطاوع سعاده أو تعايد فيه عيـــــــد واعتبر في كل مره إن ذاك الجرح طـــاب واعتمد في كل مره بس على نفسي واعيد سويحـــاان.. بيت بوسيـف.. السـاعه 9 ونــص.. حيـرة فطامي.. وقفت فطامي ع شبريتها من زوود الملل وتمت اتناقز يمين ويساار واتحس عمرها طفرااانـــه..سيف توه اليووم الصبـح مساافر..وخلودي في بوظبي..وامها يالسه تحت .. ترمس تيلفون ..وهي ملت من زود ما تقعد ع المسن وتتحوط في هالمنتديـات..من ظهرت حيرتهـا..وخطفت ع الصاله..سمعت تيلفون البييت ايدق.. فطامي:هلوووووووووووو..معكم شركة فطامي تتاامي الملانه للنشر السوالف الجذابه.. موزاني:مرحباً أخيتي كيف حاااااالكي..؟؟ فطامي:انا بخير والحمدالله..وانتي..؟؟ موزاني:الحمدالله..انني بخير.. فطامي:نعم هل أقدم لكِ أي خدمـه.. موزاني:لا شووكرن..فأنا اللتي سأقدم لكِ خدمه..ما رأيك ان تذهبـي للاب ماالج..واتفجين ألم الإمارات..واتطالعين قصه(لاتعشقي البحر ترى البحر غداار)..وقصة (رووح الرب يرعاااك)...البارتات الأخيرة نزلت..والعرب قرووا وخلصوا وانا ما شفت ردج.. فطامي"شهقــت":شوووووووووووووووو؟؟؟..في ذمتــج.. موزاني:والله انيه ما جذب عليييييج..تعالي بخبرج شي ثاااني عن سهيل وشــيخـ.............................ألوووووووووووو و..ألوووووووووووووو..مسودة الويـه رقعتي السماعه في ويهي..ادواااااااج عنديه.. ومنــاك..فطامي ما انشوف الا غبارها..شلت الاب ويلست عند أمها تحت اتواسيها.. فطامي"اتصارخ":اماااااااااااايه لااااااااااااااااااااا رااشد ما بياخذ شيييييييييخووووه..وقالها روحي الرب يرعاااج..اللي خلق مثلج خلق مليوون شرواااج..واايه وااايه لااااااااااا...حتى خالد فديته ما خذ شيخاااني.. أم سيف"اتفرها بالريموت اللي عدالها":وااايه في ذمتيه انج ما تحشمين..تتفدين خالد..؟؟امنوو خالد مسودة الويه..اشوووفه كبر راسج يوم سار عنا سيفااني فديت قلبه.. فطامي:يماااااااايه الله يهداج شو دخل سيفاني اللحينه..لحوووول..يماايه هاي وحده فالمنتدى كاتبة قصه..أخوان اثنينهم ايحبون بنيه وحده اسمها شيخاني..وواحد منهم مسوي حادث اسمـه خـالد..يماايه صح انه كان سخيف بس بعدين غدا ريال واستوى يهتم في امه واخته..وراشد يوم سار بيخطب البنيه اللي اسمها شيخاني ردتها جان ايعق عليها رمسه قويه حرق ويهها وساار.. أم سيف:هييييييييييييه..زين بعد حسبتج ترمسين عن شيخه بنت خااالتج..يوم قلتي ما خطبها رااشد..قلت افخاطريه اللي خطبها سهيل من وين يأ راشد...؟؟؟ فطامي"ملصقه ويهها في ويه امها":أقييييييييين أقيييييييييين.. أم سيف"اتدز بيدها ويه فطامي عنها":خوزي ويهج عني..وشو هالرمسه اللي تقولينهـا..حشى..الهنود يرمسون أحســن عنـج.. فطامي:امااايه شو قلتي..؟؟..انا ما سمعــتج..شو شيخاني وسهيل..؟؟..شو صار امبينهـم..؟؟.. أم سيف:من ساعه قوم خـالج بوسهيل ساروا عند قوم خالتج ناعمه..ومناك سهيل خطب شيخه رسمي.. فطامي:وشو شيخاني واقفت..؟؟؟؟ أم سيف:هيه واافقت..بالله عليج امنو اللي بترد سهيل..ريال والنعم فيه وراعي فزعه..وكل بنت تتمنــااااه.. فطامي:انزين سؤااااااال سؤاااااااال..؟؟؟ أم سيف:سألي..؟؟ فطامي:يماايه انتي متأكده شيخاااااااني شيخاااااااااني..اللي في بيت قوم عميه خاااالد.. أم سيف:هيه..عيل ليش بيسرون اهناكي..بيخطبون عموتج ناعمه..؟؟؟ فطامي"فاجه ثمها":هاااااااااه...؟؟؟؟؟ أم سيف:ظكي عنيه اهناااك خليني انش وبندي ثمج جنج الا بقره ما شايفه خير.. نشت ام سيف من مكانها فالوقت اللي فطامي شلت تيلفون امها اللي كان ع الطاوله..وسييييييييده سوت تيلفون لموزاني.. فطامي:ألوو موزاني عنلااات صداااج مسودة الويه اشعنه ما قلتي لي عن سالفة شيخااااااااااني وسهييييييييييييل.. موزاني:شووووو..منو انتي فطامي..؟؟؟ فطامي:هيه عيل منو..؟؟ موزاني:جب جب يا ويه العنز لا ترمسيني ..بندتي التيلفون في ويهي هااااه..؟؟ فطامي"اتسوي عمرها برييئه":انــا...؟؟حراام عليج..مستحييل اكوون انا.. موزاني"بنذاله":اوووووه..شو تبين اللحينه .. يلا وراايه شغل ع المنتدى ..أشوف في أعضاااء يالسين يستهبلون وما يفهمون الرمسه من أول مرة.. فطامي:فرحااانه مخلييينج مشرفه.. موزاني:جب مالج خص في شعوووري..قولي شو تبين..؟؟ فطامي:جب ما ريد اقووولج... موزاني:قولي شو تبين...؟؟ فطامي:اعناااااااااااد..ما اريد اقووولـج.. موزاني:رمسيييييييي..وراايه شغل.. فطامي:ماااااريد.. موزة:أخر مرة .. اقولج عن شو تبغين تتخبرين..؟؟؟ فطامي:هههههههههههاااااااااااااااااانياهاههااهاهاها هاها..اقوولج شو ساالفـة شيخاني وسهيل..؟؟؟؟ موزة:اوووووووووه سكتي ما دريتي..؟؟ فطامي:شووووو..؟؟ موزة:سهيل شل ابوه واخوه وساروا بوظبي ..خطب شيخااني الغبيه.. فطامي:احسسسسسسسسسسسن..ادواااااااه ودواااااااااااهااااااااااا...سبحااااان الله..نذله ونذل بيعرسون شو بييبون..؟؟ موزة:وااااحد حقيييييييير.. الكل:ههههههههههههههههه.. فطامي"بحزن":روااضي درت...؟؟ موزة:اممممممممممم..اظني.ترى غبوش وسلامي قبل اشوي كانن عنديه..وأكيد خبرووها.. فطامي:سرتي شفتيها..؟؟ موزة:امممممممم.لالالالا..وما بسير..باجر بسير صوبهـم.. فطامي:ليييش..؟؟!! موزة:ما قوى ع شوفتها وهي اتصييييح ومقطعه عمرها من الصيااح.. فطامي:اتصيحـه اليوم مسود الويه وباجر بتنساااااه..ما عرفتوهـا روضه اللي ما تهااااب سهيل ولا بتحفله السباااااال.. موزة:المووووووهيم..بااااااااااااي.. فطامي:باااااااااي..بااااااااااي..بحاول انيه ارمس سيف.. موزة:اوكيك بااااااااي.. بندت فطامي عن موزاني ..وسارت اتدق ع تيلفون أخوها سيف..بس استغربت..سيف ما يرد..؟؟!! × × × أحـــس بضيـــق في صدري .. ولـكن !! يروح الضيـــــــق ..لو شفتك دقيـــقه .. أحـــــــس الضيــــق في كل الأمـــاكن .. ولـــكــــن عندكم ما أحس .. ضيـــقه .. أبوووظبـي.. المطبــخ.. خلودي:هاه شوووو وافقت..؟؟ سلطان"يشل عنها الصينيه":هيه وااافقت..أصلن غصب عنها.. خلودي:لا تقول جدامها جيه اخاف خلاف تغير رااايها... سلطان:مب بكيفهاا اتغير راااايهـا.. خلود:انزين اتفقتوا ع كل شي..؟؟ سلطان"يبتسم":هيه.. خلودي:لييش تبتسم..؟؟ سلطان:أحس انيه اشتقت لج وااااااااااااااايد.. خلودي:اشتقت لي..؟؟مبروووووووووووك.. سلطان:هههههههههههه..ليش تباااركين...؟؟؟ خلودي:غريبه عرف قلبك يحن عليه....؟؟؟!!!! سلطان:خلودي شو هالرمسه اللي تقولينها..؟؟ خلودي:سمعتني يا سلطوون. سلطان:شو فيج..؟؟ خلودي:ماشي..سير حط القهوه عند الرياااييل..خلاف نتفاااااااااهم.. سلطان:...................... ما رمس ولاظهر ولا كلمه..لأن نظرته كان تعبر عن شعوره .. كان مستغرب..؟؟!!!عكسها هي اللي ياما كانت معروفه بالبروود..تشيلت زين وظهرت صوب الحرمــااااااات..فالصااله.. خلودي:ألف الصلااااااااة والسلااااااام علييييييك يا حبيب الله محمـــــــــــــــد.. كلولوولووولولولولولولولولولوولوولووولولوولش.."وتسي ر صوب شيخاني"..ألف مبروووووووووووووووك حبيبتي..والله يتمم كل شي ع خير.. "وتبوسها ع خدها".. شيخاني"مبتسمه من ورى خاطرها":الله يبااارك فيج عنوووني.. وعلى طوول نشت من مكانها وسارت حيرتها .. وبندت الباب بقووووو..وطاااحت ع شبريتها بكل قووه..أحسن اكيد تعورت..نياهاهاها.. يودت تيلفونها وعلى طوول دقت على ميثاني..وخبرتها التفااصيل.. ميثاني:غريبه وافقتي..اتوقعت انج بترديييينه.. شيخاني:وليش ارده..؟ ميثاني:يعني..امممم..عسب هزاااااااااع.. شيخاني:هزاااع..امممم..صح نسيت انا احب هزااااااع..بس اللي كنت افكر فيه خلاني انسى هزاااع....!!! ميثاني"ميته من الضحك":ههههههههههههههه..نسيتيه..؟؟!!ههههههههههههه. ..والله انج يا شواااخ سووالف..شقاايل تنسين اللي تحبينه..؟؟ شيخاني:يعني..اممم..سلطان تم ع رااااسي..وجيه..واماايه اتقول ما بتلااقين احسن عنه..وانا اللي كنت افكر فيه..روضه..اللي كنت اعرفه انها اتموووت في شي اسمه سهيل..اممم..بس شو السبب اللي خلاهم يتفااااااااارقوووووون..؟؟ ميثاني:شوووو..؟؟شيخوه ..؟؟؟يعني عسب تقهرين روضه وافقتي ع سهيل..؟؟ شيخاني"بابتساامه":مااااااا يباااله..ولا من زينه اسهيل اوااافق عليه.. ميثاني:مدحتييه لي ..أذكر في مرة كنت ترمسين عنه.. شيخاني:هيه هو من ناحية الجمااااااال ..اووووووف..شي شي..بس اممم..أحس خبييييييث..وعليه نظررررررررات.. ميثاني:هب أخبث عنج..وانتي ليش تكرهين روضه..شو سوتلج..؟؟ ميثاني:اوووف..اكرههم كلهم هل الرماح...شموس سلامي وغبوش وموزاني وشجون..اممممف عليهن السبااالاااات..هيه وفطامي اللي تعتبر وحده من هل الرماااااح..هاي أكثر وحده اكرهها... ميثاني:شوووووووووو..انتي متأكده عندج قلـب..؟؟ما خليتي حد ما تكرهينه..؟! شيخاني:كيفي كيفي.. ميثاني:المهم..أحسه كل شي استوى بسرعه..يعني في يوم واااحـد..!! شيخاني:سلطان كان موافق..وشكله كان بيغصبني..بس يلا..قالولي موافقه..قلت اللي اتشوفونه..وياني ابويه وباسني ع راااسي..وخلاف حدر خالي وسألني..قلت له هيه موافقه..جان ييسيرون الريااييل صوب الميلس..وبس.. ميثاني:وحددوا كل شي ..الملجه والعرس.. شيخاني:هيه ..الملجه بعد 3 ايام..والعرس فالصيف..بعد عرس سلامي وخلوف بكم اسبوع.. ميثاني:شوووووووووووووووو..؟؟شيخاني ما اتخيلج عروووس..؟ شيخاني:ههههههه..حبيبتي مردها البنيه تعرس .. ميثاني:عيل من باجر بنسير السوق نتزهب.. شيخاني:هيه بنرووح من الصبح..خاااااطريه اكشخ لسهيل..هههههههههههههه.. ميثاني:ههههههههههه..من اللحينه..بس شيخاني..انتي ترومين اتخلينه ايحبج..ومن رمستج انه خبيث..يمكن يروم ايخليج تتعلقين فيه وجيه.. شيخاني:ههههههههههههه..انزين عادي واذا تعلقت فيه..امممم..بس هزااااع..والله انيه احبه واموووت فيه.. ميثاني:انزين جان رديتي سهيل.. شيخاني:اووه..وسهيل بعد ولد خالي ومحد شراااته.. ميثاني:محتااارة؟؟ شيخاني:هيه ووااااااااايد.. ميثاني:ترى للحينه ما استوى شي ..وللحينه ما ملجتوا..احسن حل انج اتصلين صلاة الإستخاره.. شيخاني:شووو..؟ ميثاني:هيه صح..انتي وحده ما تعرف شو يعني صلاة.. شيخاني:يالسه تتمصخرين..؟ ميثاني:بلا جذب..؟؟انتي ما تصلييين صح..اعترفي.. شيخاني:منو قااال؟؟..انا اصلي.. ميثاني:شيخاني..هب علي..انا اعرفج اكثر وحده..واعرفج طباايعج وأفكارج وحركااتج..المهم..سيري تمسحي..وتشيلي زين ولا تظهرين شعرج.. شيخاني:اووووه ميثاني هب كأنج يالسه تتمصخرين..؟؟ ميثاني:لا قلت يمكن من زود ما انتي تظهرين قصتج في كل مكان..قلت يمكن وانتي اتصلين بعد ..بتظهرين قصتج.. شيخاني:اوووووووه..مللتيييبي تراااااااااااااج.. ميثاني:اوكي اتعرفين كيف اتصلين صلاة الإستخاااره..؟؟ شيخاني"بضيييجه":لا ما اعرف.. ميثاني:انزين سمعي بخبرج.. شيخاني:لالالا..ما يحتاااي..بفج النت وبتم ادور عليها..تامرين بشي..؟ ميثاني:لا سلامتج...فداعة الله.. شيخاني:بااااااااي.. بندت شيخاني عن ميثاني..وكالعاده فرت تيلفونها بعيد عنها..وفجت شعرها..وحطت راسها ع المخده ورقـــــــــــدت...؟؟!!!! ..×.. الفـــصل الثـانــــي ..×.. ••.•°¯`•.•• شكـوى الجرووح ••.•°¯`•.•• بكيت من الألم..وأثرْ الألم يــــــــبكي من أجل بكاي غـريبه يا ألم.. تبكي ورفيقي .. مـــــــــا درى عنّي لاجل بعض العرب تعبت على صـدر الزمان خطاي وكوتني جـمرة النــــــــــــــكران.. والخـفّاق متعنّي شكيت همومي وجرحي لرفيقي.. ولا سمع شكواي ورحت أسحب حمــــول الياس.. ودموعي يواسنّي عجزت القى رفيــــقٍ لي..على نهجي وعلى مبـداي وتباطيت الســـــنين.. اللــــــــي على عـرفه يمننّي صدت روضه من بعد ما فجت عيونها ببطء..وتلمـح ابتسااامه ماشي شراتها..اتدل ع صفاااء وحنية هالإنسانه اللي جدامها..(الأم)..كل معاني الطيبه والحنااان والعطف تراكمت في قلبهـا..الإنسانه..اللي تعجز الكلماااات عن وصفها .. ووصف قلبهـا..ومن فقدها..فقد الدنيــا..!!!!صح ولا انا غلطــاااانه..؟؟؟ أم محمد:هاه روووضه..ما بتنشيين..؟؟ روضه:واااايه فديييتج اماااااااايه.. أم محمد"تلوي ع روضه":شحاالج فدييتج..؟؟ربج الا بخير وما تشكين بااس..؟؟ روضه:يسرج حالي امايه.. أم محمد:لا في ذمتيه انه ما يسرني..شو تانسين فدييتج..؟؟ روضه:ضاربتني ضيييجه.. أم محمد:يومين وبتعدي..ادريبج اللحينه اذا ظهرتي السوق بتخوز عنج الضيجه...والبنات كلهن ميلسات تحت..عليووه مسويه لهن كيك .. وحمدان وريسه وقصايد بيوون فليل..والجو خااري اغراااام..وانتي يالسه اهنه ..كله رقااد رقااااااد..حتى ما تسيرين المدرسه.. روضه:ههههههههههه..امايه فديتج .سويتيلي اغرااااءااااات..اللحينه بنش فدييتج..بس ابغيج تلويييين عليييييي..!! أم محمد:وااااااااايه..مبزاااااااايه..غبوش اللي اصغر عنج ما سوت جيه.. روضه"تلوي ع امها":ليش من متى انا شرااات غبوووش..وينها راقده..؟؟ أم محمد:لا يالسه تحت عندهن..يلا يلا فديييتج نشي..ونزلي تحت وخلي البيت يرتبش.. روضه:اللحينه بنش..امممممممممممممممممممممممممممممووووووووواح.. أم محمد:حشى شليتي سطاااااااااااري.. روضه:الصوب الصوب الثاني لو سمحتي.. أم محمد"تحط يدها ع خدها":يلا يلا..عسب اتشليينه هو الثااني.. روضه:واااااايه علني فداااااااج..قمر 14.. أم محمد:انزين قولي مشااالله..عن تضربيني بعين.. روضه:لالالالالالا..انا ما احسد امايه.. أم محمد:هيه واااااضح.. ونشت أم محمد من مكانهـا..وظهرت من الحيرة..وهي مستاانسه ان الروض قررت تنزل تحت .. وتسولف ويااهم..فالوقت اللي روضه خذت لها شوور..وظهرت وكشخت ع السريع .. شلت تيلفونها اللي كان معقوق فالكبت..ولا درت به بنت رااشد..شلته وفجته المسجااات..معظمهن من عند مريوم .. بس هالمرة تبغي ارواااق ريااضيااات للمراجعه يوم الأحد عليهم امتحااااااااان؟؟..>>وووووووووووع.. |
وعلى طول دقت لعمها ذياااااااااب.. روضه:الووووووووو.. ذياب:...هممممم.... روضه:وييينننننننننننننننننك..؟؟؟؟؟>>كانت اتصااارخ.. ذياب"ايصااارخ عليها":اسمـــعج اسمــــــــــــــــعج هب لازم اتصارخين.. روضه"بهمس":وينك حبيبي..؟؟ ذياب:ما وحشناك..طولت وماااااااا شااااااااااااااافتك عيني.. روضه:بتخبرك..انته وين..؟ ذياب:فوق الشبريه راااااااااااااااااااقد..بس في نااااااااس يااالله يعل ربي يخسف بهم ما يخلوون الواحد يرتااااح.. روضه:استغفر الله..ليش تدعي علي..؟ ذياب:لأنج ما تخلين الواحد يرقد..ممكن اعرف شو تبين..يلا ...يلا ...ابا ارقد..بسرعه رمسي...اقوولج يلا ...يلاااااااااااااا.. روضه:انزين ابلع لساااااانك اشوي..عطني..مجال عسب ارمس.. ذياب:.................قوووولي..شعندج؟؟ روضه:طولي بعمرك مريوم مطرشه مســــ............................ ذياب"يقاطعها":مريوووووووووووووم؟؟!!!!!عنلاااااااات ها السبااااااااااااله تولهت عليها..شو قاعده تتخبر عنيه..؟؟؟ روضه"تقهره":وااااااااايه يا حليلك يا عمي العزيز .. الأخت ما درت بهواا داارك ولا حالك المسكين..يالسه تتخبر عن اورااق الرياااضيااات ..تبغيييها ضروري..يوم الأحد امتحااااان..ويعلني فداااااااا خشمك عمي الغالي..نش خذلك شور واركب الهمر وهجووم ع بيتهــم... ذياب:ياا رووضه..يا حبيبتي..افهميني..انا كم مرة بيلس اعيد الرمسه..اذا انا سرت ارووحي..ما بتظهر..بطرش البشكارة تاخذ الأوراق او أي حد من خوانها الصغاار..اما اذا كنتي انتي ويااااي ودخلنا الموتر لين الحوي..أكيد هي بتظهر بتسلم عليج..وانا جيه بشوووفها.. روضه:اممممم..أحيييييدها هالرمسه..قلت لي يوم كنا نبغي انودي اورااق التااريخ.. ذياب:بديت احب الأوراااق..والسبه مشااويرنا لبيت مريوووم.. روضه:هههههههههههههههههههههه..يلا يلا..انا اللحينه بييك.. ذياب:الله يعين بس.. روضه:هههههههه..عنلاااتك.. ذياب:عنلااتج زووود..بااي باااي..انا مشغول اللحينه.. وبند في ويهها..وهي تتحلف له..ونزلت تحت..وطبعاً..فترة العصر عايلتهم ما يعترفون بالصااله..يقعدوون فالحوي..فظهرت خاري صوووبهم..مالقت حد الا عليوووه وعنودي وغبوش وشجون وسلامي..بس شمووووس ويييييييييين؟؟؟!!!!!!!^ــ^.. جان اتسير صوبهم وينشن ايوايهنها.. موزة:مرحباااااااااااااا مليوووووون ولا يسدن في ذمتيه.. عنودي"اتدندن":مرحباااااااا بطااارش نبااااااااااكم.. الكل تموا يطالعون في بعض..وفجأة تموااا يضحكووون.. الكل:ههههههههههههههههههههههههههههههههههههههههههههه ههه.. شجون:سبحااااااااااانه مغير الأحواااااااال..البارحه بااتت تهز لنا ومرتبشه بالمصري..الأخت اليوم شااااده حيلها بأغاني مييييييحد.. عليا:شووووو..؟؟؟عنوووووووودي انا شووو قلت..؟؟ عنودي"اشوي وبتصيح":اميييييه كله من موزاني.. موزاني"تشرب مااي وتسوي عمرها خااايفه":هااااااااه هاااااااااه عنودي لا اتعقيييين صوووبنا.. دق تيلفون عليا..وكان محمد متصل.. سلامي:محمد محمد.. روضه:يلا بنات حمووووووووود حمووووووووود.. البنات:حموووووووود..حمووود حبيبي حموووووود.. وعاد تمن يغنن وحالتهن لله..وعليا محرجه عليهن ومحمد يسمعهــن وميت ضحك ع حركااات الإستهـبـااال..!! نشت روضه من عندهـن وسارت لقسم عمها ذياب..هالقسـم جريييب واايد من ميالس الرياااييل..وعداله تقريبن قسم حمدان وريسوه يوم ينزلون للرماح وايون من بوظبي.. فجت باب القسم وحدرت صوب عمها ذياااب..والهوا باارد يضرب في ويهها.. روضه:حشششى..مستحييييييل هاي حيرة فالإمارات..انته وين عايش فالإسكييييمو..برررررررررررررررررد بررررررررررررد..اشوي وبيطيح الثلـج.. ذياب"ظاهر من المطبخ ويلبس ساعته":ههههههههههههههههههه..فليل يوم برد بلاقي الحيرة حاارة والمكيفات احترقت من عييينج يالسبااله..قووولي قووولي مشااااااااااااالله.. روضه:مشاالله مشاالله..عن تفلعني بساعتك اللحينه..اقووول..شي أكل في مطبخك.. ذياب"واقف جدام المنظرة يعدل سفرته":هيه ووااااايد فالثلاجه..اليوم شفت البشكاره دخلت وحطت اجياس فالمطبخ وتمت اتعدل أكيد امج مطشرتنها واحليلها.. روضه"بفخر":هيه فديتها امايه ما تقصر..راعية مواااييب.. سارت روضه صوب المطبخ وفجت الثلاجه وتمت اتظهرلها عصير وكافيات وجيه..واشوي الا ظهرت من المطبخ وساروا صوووب الموتر..عاد اهناك احتشرن شجون وموزاني..ليش إنه عمهن ذياب يحوط روضه ومسويلهن أكبر طااااف.. شجون:لحظه لحظه انا اشم ريحة خيانه.. روضه"تفج الباب وتركب على طول":يلا بنات اصغااار ما يظهرن من البيت..ييلسن ايجابلن كتبهن.. موزاني"اتوقف عدال عمها ذياب":له له له..ايه الكلام ده يارووووضه..جب جب انا بسييير ويااااااااكم.. ذياب:لالالا..عندنا مشاااااويير خااااصه..يوم بنرد بوديكن السوووق.. شجون:وعــــــــد؟؟ روضه:ههههههههههه...لا ســاارة.. موزاني:هاهاها..وشو دخل سارة..؟؟ روضه"بتفلسف":يعني..وعد..مغنيه سعوديه..وهي قالت وعـد..جان اقول لا سارة..لأن سارة بعد مغنيه سعوديه.. موزاني:وااااايه ع التفكير.. ذياب:موزاني..هاج خذي هالدرهم ولا تصيحين..شجون تعالي تعالي خذي هالدرهم حقـج .. عسب ما تصيحين انتي الثـانيه.. روضه:هههههههههههههههههههههههههههه..ههههههههههههههه هههههه..هههههههههههههههههههههههههههههههههههههههههه هه..هههههههههههههههههههههههههههههههههههههههههههههه ههه...واااااااااااااكككككككككككككككككككككككككككككك ككككككككككككككككككككككككككككككككككك.. ذياب"يضحك":هههههههههههههههههه... موزاني:لا والله..يالسيييين تتمصخرووون.. ذيب"يركب الموتر ويفحط في ويه موزاني":مع السلااااااااااااااااااااامـــــــــه.. روضه:هههههههههههههههههه..أجديييييييييت فيهـــن.. × لو غبــــت عنّك .. لا تقوليـــن .. ويني ؟؟ رحلـــه سفر لبـــلاد حبّك .. وراجـــــع .. الرمـــاااح.. بيـت بوخليـفه.. قسـم حمـد وشموس.. السـاعه4 ونــص.. شموس:هاه حمـد وينك..؟؟ حمد:اممممم ساافرت لبلاد حبـج .. شموس:يلا عاد قولي وينـك..؟؟ حمد:شو اشتقتيلي..؟؟ شموس:لا..بس انته وين.. حمد:آآآآآآآآخ ويهي احتررررق.. شموس:قولي انته وين.. حمد:بقولج انا وين اذا قلتـي اشتقتلك.. شموس:يعني لازم اتذلني عسب اتقولي انته وين..؟؟ حمد:مابخبرج انا وين الا اذا قلتي اشتقتلك.. شموس"تغنيله":كــل الحكاااااااايــه اشتقتلك.. حمد:آآآآآآآآآه بموووت بمووووت من حلاااااات الصوووت.. شموس:خلاص خبرني انته وين..؟؟ حمد:والله فالمووول.. شمووس:شوو؟؟؟ شو تسوي فالموول..؟؟ حمد:هاه؟؟ شموس:حـمد شو عندك فالمووول.. حمد:بسم الله ما عندي شي..يالسين ويا الشباااب.. شموس"معصبه": شوو تسووون..؟؟ حمد:ناكل.. شموس:جيه ما شي مطاعم الا فالمووول..تعال تعال البيت بسويييلك أحلى أكل.. حمد"مرتبش":لالالالالالا..انا ما احب طبااااااخ البيت..المهم انا ببند..تامرين بشي..؟؟ شموس"انصدمت..من اسلوبه..!!!!":..........................لا........ بس حمد....... حمد"مستعيل":بس شوووو..؟؟ شموس:............................................. .... حمد:اووووه يلا عاااد شموس رمسي..؟؟ شموس:ماا...شي..بس تحمل على عمرك.. حمد:انزين؟؟!!! شموس:ويوم تسوق خفف السرعه انزين.. حمد:انزين.. شموس:فدااعة الله.. حمد:باااي.. وبند بسرعه..فالوقت اللي شموس فرت التيلفون ع الشبريه وحاسه بضييييجه..ما تعرف شو سببها..اسلوب حمد..وليش مستعيل..شو عنده فالمووول..وليش ما خبرها من قبل...؟؟!!! دومه يوم ايسير أي مكان يقولها..بس هالمرة ظهر جيه...!!! حطت شيلتها ع راااسهـا..وظهرت من قسمهـا..جان اتشوف خلوف يهازب البشكااره عند باب المطبخ..وسارت صوبهم اتشوف شو مشكلتهم.. شموس:هاه خليفه..شو السالفه..؟؟ خليفه:هاي البشكارة انا بذبحها اليوووووووم.. شموس:هههههههه..شو سوت هالمرة... خليفه:اقولها وين الأجياس اللي داخل الموتر قلتلها اتظهرن ..جان اتقولي فرتهن فالزباااله..تبغيني افر راسها فالزباله .. شموس:وشو فيها الأجياس..؟؟ خليفه:شريت لي نعول يديده..وسفره يديده..جان اتعقهن الأخت اللي جدامج..في ذمتيه يباااالها عيرة ع يمبها شرات اللي عند امايه العووده.. شموس:شو انتي ما تشوفين؟؟..ليش ما وديتي الأجياس حيرة قسم خليفه..؟؟ البشكارة:ماافي معلوووم.. شموس:خلاص انزين سيري يلا..مرة ثانيه يوم اتشوفين شي أجياااس ولا حد يوصيج في شي..لا تفرينهن فالزباااله..خليفه متحلف لج.. هزت البشكارة راسها وسااارت.. خليفه:لا ليش خليتيها اتسير..؟؟ شموس:شو بتسوي بها يعني..؟؟ خليفه:ماشي بس كف ع الطاااير.. شموس:بعد..؟؟حرام عليك هاييل سادنهن فرااق هلهن بعدك تبغي تضربها يحليييلها..النعول والسفره انرووم انردها..بس حرام عليك تكسر بخاطرها.. خليفه:في ذمتيه انج ما جذبتي..بس بعد..خاطريه اصفعهــا.. شموس:ههههههه..خيرها بغيرها..تامر بشي انا بسير بيت عمي راشد.. خليفه:سلامي اهناااااك..؟؟؟؟ شموس:هيه .. توني مرمستنها وقالت لي انها ميلسه ويا البنات فالحوي.. خليفه:عيل بسير بكشخ وبييكن اهناكي.. شموس:هههههههه..اونك اللحينه هب كااشخ.. خليفه:لالالالالا..سلامي فديتها اهناااااااااااااك.. وعطاها مقفاااه وسار لحيرته ايبدل ملاااابسه..مع انه توه لابسنهن..شباااب خقاااقييين..فالوقــت اللي سارت شموس بيت عمها راشد..واول ما ظهرت من الحوي..شافت وحده من حريم ييرانهم جريب من بيتهم..اسمها ام ابراهيم..طولي بعمركم هاي مصريه بس ماخذتلها واحد من هل الرمــاااح..وما يبين عليها انها مصريه..لأنها من صغرها متريبه في دياارنـا..وخذت من عادتنا وتقاليدنا..وحتى انه رمستها شرات رمستنا بالضبط.. أم ابراااهيم:يا هلا والله بنتيه شموووس.. شموس"تبتسم":ياا مرحبااا السااااع..هلا فيج الغااليه.. أم ابراهيم:شحالج فديتج ربج الا بخير..؟ شموس:بخير يعلج الخير..ومن صوبج..؟؟عساج ابخير وسهاله.. أم ابراهيم:ما نشكي باااس..وشحالها عموتـج..؟؟ شموس:يسرج حالها يالغاليه..قربي حياج الله.. أم ابراهيم:لا فديتج بس ييت اخذ عمتـج بنسير صوب أم عيسى بنسلم عليها.. شموس:هيه عموتي احيدها ميلسه فالصاله..حياج الله حدري بنسير صوبهـا.. أم ابراهيم:براايج الغاليه سيري لدربج..انا هب غريبه بسير صوبها.. شموس:هيه عموتي بس بعد من موااييبنا بنرحبج .. أم ابراهيم:براايه .. أم خليفه داااخل ما بتقصر..سيري صوب بيت عمج .. واذا يدتج العوده اهناكي قوليلها نترياها اهنه ..عسب نسير صوب أم عيسى.. شموس:ما طلبتي..تامرين بشي فديتج..؟ أم ابراهيم:سلامت رااسج.. شموس:يلا عيل فدااعة الله.. أم أبراهيم:الله يحفظـج.. سارت أم ابراهيم و حدرت الحوي صوب خويتها أم خليفه..فاللحظه اللي شموس كملت دربها لبيت عمها..وشافت عبوودي في ويهها..وكان شكله خاايف... شموس:هاه حبيبي عبودي شو فيك..؟؟ عبودي:سكتي امايه عليا اذا شافتني بتلعن خيري.. شموس"تضحك على اسلوبه":ههههههههه..ليش شو سويت..؟؟ عبودي:من يوم مانشيت الصبح لين اللحينه وانا فالشااارع.. شموس:ههههههههههه..شو بتسويبك..؟؟ عبودي:شو بتسويبي غير انها بتنازعني وبتضربني ع راااسي وبتخلي عنودي وشجون السباله يتضااحكن عليـه.."ويلس في مكانه ويحط سفرته ع جتفه وحالته لله"..يالله شو هالحااااااااله..أخس ماعندي .. انيه اتم مصخره جدام عنودي وشجون.. شموس"تمد يدها له":ييب يدك..ما عليك ..انا بقول لأمك ان عبدالله كان عندنا في ميلس الريااييل يلعب بلي ستيشن.. عبودي:حشى..من الصبح عندكم..أمايه اعرفها بتقول لا ريووووق ولا غداااا.. شموس:انزين عادي احن ريقناك وغديناك..وعمك حمد شاااهد..وهو اللي حلف عليك تقعد عنده.. عبودي"يطالع في شموس بخبث ويمد يده لها":ييييييييييها..وانا اللي احسبج طيبه وع نيااااتج..ظهرتي من تحت لتحت..وهب ع شكلج..وتعرفين تجذبين وجذب ماشي شراته بعد.. شموس"ميته من الضحك عليه":هههههههههههههههههههههههه..عنلاتك يا عبوود..اللحينه انا من تحت لتحت..افاااااااا والله افااااا..انا ما بجذب الا عسب امك ما تضربك جدام شجون وعنودي.. عبودي:هع هع ..انزين يلا بنحدر..حسيت بالأمـــــــاااااااااااان.. شموس:اووونـــك عاااد.. عبودي:هههههههه.. حدروا الحوي..والبنات ع يلستهن..من يوم ما تركتهن روضه وسارت ويا عمها ذياااب.. موزاني:الله..كشششششخه..اللحينه عليوووه بتضرب عبوود... عنودي وشجون:هيييييييييهييييييييييهييييييييييييهيهييييي>> متشققات من الوناااااسه.. سلامه:حشـى شو سوالكن ..؟؟ شجون:هع..مادريتي شو سوى فينا انا وعنودي البارحه..ظاهرات من المطبخ زيغنا..كان لابس قناااااع وااااااااااايد كبير عليه..حسبناااه حرررااامي..تمينا انصاارخ وظهرت لنا امايه العووده......... عنودي:وضربتنا بالعيرة ع ظهووورنا.. موزاني:خخخخخخخخخخخخخخخخخخخخخخخخخخخخخخخخ....ههههههه ههههههههههههههههههههههههههه...أحسسسسسسسسسسسسن.. عبدالله:دواااااااكن..عيل ليش تسرقن الكورة مالتيه وتعقنها فالزباله.. شموس:مشالله اخس عن توم وجيري.. عليا"اتنش من مكانها بتضرب عبودي":اصلاً هالولد عاياااابي..بس عليه ايرااابع في السكيك والحواااري ويا زااايد ما خلوا ولد في حاله الا وضربووه ولعنوا خيره.. عبدالله:امايه منو تقصدين؟؟ اذا عن فيصل ترااه هو اللي بدى وفر عليّه الكووورة.. عليا:بعـــد؟؟يعني انته ضربت واحد ثاني غير عبد العزيز..توها امه مسوية لي تيلفون تشتكي منك..اتقول شوهت ولدهـا من زود ما ضربته..وهو ظاهر من المسيد.. عبدالله:عنلااااااتها من حرمه جذااااااااابه..تخبري شموس وعمي حمد..انا كنت عندهم..حتى ما سرت المسيد.. موزاني وغبوش:هههههههههههههههههههههههههههههههههههههههه.. شجون:عااااااااااش ابو الصوووواااارييييخ.. شموس:لا حرام عليج ما يولع صواااريخ..كان عندنا.. موزاني:واايه الترااااب..شقايل بيكون عندنا وانا ما شفته..؟؟ شموس"تغمز لموزاني":لااااااااا كاااااااان عندنا في قسمنا..خلااااف ساار الميلس.. عليا:اااااااااااه منك ومن مشاااكلك يا عبوووود..يا ويللللللك ويللاااااه يا ان ظهرت الشارع وما خبرتني.. عبدالله:امايه انا من الصبح عند عمي حمد..ما ظهرت الشارع.. عليا:انزين انزين..سير صوب البشكاره خلها اتظهرلك أكل وتاااكل؟؟أكيد ع لحم بطنك من الصبح ما كلت شي.. عبدالله"هب منتبه":لا امايه انا وزاايد خطفنا ع الدكان وشفنا عمي سعيد وشترااالنا.. الكل تم يطالعون بعضهم البعض..وفجأة تموا يضحكون كلهم مرة وحده.. الكل:ههههههههههههههههههههههههههههههههه.. سلامه:توك قاايل انك ما ظهرت الشاااارع.. عليا"تنش":وتجذب بعد..؟؟تعاااااااااااااااااال..تعااااااااااال وين سااااااير.. ويربع عبدالله لداااخل البيت وما يشوفون الا غباااره.. الكل:هههههههههههههههههههههههههه.. عليا"تيلس مكانها":ااااه منه..ادواااه عند محمد..هو اللي يرووومله..وعبدالله يخااف منه وما يكسر رمسته.. شموس:والله كسر خاااطري يوم شفته عند الباب وحالته حااله.. عنودي:احسن يستاااااااااهل.. شجون:مشالله عليه هو و زاايد حفظوا الشارع من زود ما ييلسون فيه.. غبوش:لو حد عطاهم ورقه وقلم بيرسمووونه.. الكل:هههههههههههههههههههههههههههههههههههه.. تموا الكل قاااعدين .. ويسولفون..وموزاني وغبوش و سلامه وشجون نشن وسارن لحيرة غبوش..يخططن لسبرااايز بسيييطه عسب عيد ميلاد شموس اللي هو اليوووم.. بالنسبه لشموس قعدت ويا عليا يسولفن..وتمت تخبرها عن سالفة خلوووف..ومن خلصت السالفه حدر عليهن خليفه.. خليفه:السلاااااااااااااااااااام عليييييييييييييييييهم.. عليا وشموس:وعليييييييكم السلااام.. خليفه"ييلس":شحااااااالكم وشو هباااتكم..؟ عليا:بخير وما نشكي باااس..شحالك انته..؟؟ خليفه:يسرج الحاااااااااااااااال..افا وين عبودي وعنودي.. عليا:مادري وين ساروا أكيد ميلسين عن التلفزيوون..هاه شو سوتبك البشكاره..؟ خليفه:ههههههههه..عنلات صداااها مسودة الويه..فقرتني.. عليا:ههههههههههه..صبرك عليها بعدها يديده وما تعرف شي.. خليفه:الله يعين بس.. وتم يطالع يمين ويسار .. وصد صوب شموس بسرعه.. شموس:هههههههههههههه..والله توها سارت فوووق.. خليفه:جان قلتيلها ان خلوف اللحينه بيي..بتشوفنها متلصقه في مكانها وما بتنش.. عليا:عيل بدق لها بخليها تنزل.. خليفه"ينش من مكانه":لالالا..خليها فاتها نص عمرها..ما شافتني وانا كاااشخ.. عليا وشموس:هههههههههههههههههه.. عليا:عيل بنتم نمدحك جدااامها عسب تنقهر لأنها ما شافتك... خليف"يحرك حياته فوق تحت":أحسسسسسسن دووااااها..يلا براايكم تاامرون بشي..؟؟ عليا وشموس:لا سلامتك.. وظهر خليفه من البيت ساير للمول عند ربعه.. اسف حبيـــــــــبي والعذر منك..ييت ورجــــاي انك تصافيني.. ما قوى الزعل ما يوز انا عنك..تكفى حيااااااااتي لا تجاافيني.. أبووظبي.. بيـت بوسلطـااان.. قسـم سلطـان وخلود.. بعـد صلاة المغرب.. سلطان:شو خلودي ما بتسيرين السووق تتشرين لملجة شيخاني.؟؟ خلودي:ما بسير اليوم..باجر بسير ويا فطامي ..بنرووح أسواق العين.. سلطان:ليش مب اليوم..؟ خلودي:مب متفيـــجه.. سلطان:خلود شو فيج..؟ خلودي:شوفيني.؟؟؟ما فيني شي.. سلطان:متضاايجه من شي.. خلودي:لا افا من قاااال..هب متضايجه ولا الله قاااله.. سلطان:عيل شو بلاج..أحسج متغيره..؟؟ خلودي:لا مب متغيره عاااادي.. سلطان:شو اللي في خاطرج؟؟رمسي..؟؟ خلودي:ماااشي.. سلطان:خلووود.. خلودي:سلطان لا تم تضغط علي..انا..انا... سلطان:انتي شووو.؟ خلودي:انا مليت من زود ما توصييني في امك وشيخاني..امك على عيني وعلى راسي..عمري ما شكيت منها ولا هي شكت منـي..بس اختك يا سلطان..امممرة ما تبلعني..مادري شو سويت فيها..والمشكله انا ع نياااتي وما كنت اعرف ان اختك تلعب ع الحبلين..جدامي شي..ومن ورااي شي ثااني.. سلطان:شو هالرمسه اللي تقولينها..؟؟شيخاني مب من هالنووع..منو قالج هالرمسه..؟؟؟ خلودي:امك اللي قالتلي..وتمت تحذرني من شيخاني..قالت لي انها مب هينه..وعادي عندها اتخرب من بيني وبينك.. سلطان"يود يدها":مستحيييييل..خلودي يا ويلج يا ان عديتها هالرمسه..مستحيل أتركج .. خلودي انتي تعرفين انيه مستحيل اتركج مستحيييييييل.. خلودي"تسحب يدها":بس سلطان..انا انا..خاايفه من رمسة شيخاني..اخاف انها تأثر عليك..وتشوه صورتي في عيييينك.. سلطان:لا فديتج..مستحييل يصيير هالشي..مستحييل..خلاص فديتج لا تاخذين افخااطرج..واذا عن الرمسه اللي قلتها لج من قبل انسيييها..أعرفج حرمة بيت وراااعية مووااايب ويكفي انج اخت السيف بن المر.. خلودي"تبتسم":بس سلطان.. سلطان:بس لا سلطون ولا غيره..نشي بوديج السوق يلا.. خلودي:لا انا قلت لفطامي باجر بييهم وبنسير السوق اربااعه.. سلطان:هيه .. تامرين بشي..انا بسير صوب واحد من الربـع مسويلي تيلفون.. خلودي:لا فديتك..بس انتبه ع عمرك.. سلطان:لا توصين.. وظهر سلطان من عند خلودي فالوقت اللي هي ظهرت صوب البيت العود .. وسارت الصاله عند خالتها اللي كانت اتطالع التلفزيوون..ويلست عدالها..وصبتلها جاااي.. خلودي:هاه خالوه وينه عمي ؟؟رقـد؟؟ أم سلطان:هيه فديتج عطيته الدوا وسار يرقد.. خلودي:وشيخاني..؟ أم سلطان:من نص ساعه يايه من السوق..سارت ويا ميثاني ربيعتها.. خلودي:هيه..شو خلصت اللي تبغيه ولا بعدها..؟؟ أم سلطان:هيه اتقول انها شافت الفستان وعيبهـا.. خلودي:يالا الله يوفقها ان شالله ويتمم كل شي ع خير.. أم سلطان:والله يستر عليها..بنتيه ادريبها راعي مشااااكل.. خلودي:لا ان شالله عموه لا تقولين هالرمسه .. من تعرس بتغدي حرمه حشيم..وشيخاني هب ياهل..هي والروويض وموزاني وسلامي كلهن عمارهن على قد بعـض..اللهم شيخاني متأخره سنـه.. أم سلطان:ييييييها..موزاني ورويض وسلامي بنات ويعرفن الصح من الخطا..عمس هاللي ميلسه عنديه امممممرة قوية راس ومحد يروملها.. خلودي:لا ان شالله بينصلح حالها..ودوام الحال من المحال.. اول ما سكتت خلودي..نزلت شيخاني من الدري كانت لابسه بيجامه ولافه شعرها بطريقه ملخبطه .. بس كان شكلها مسسسسسسسكت..وخصون ان شعرها طايح ع نص ويهها..وبهالشكل..أي حد يشوفها بيقول هااي الروض مب شيخاني..(سبحان الله).. شيخاني"تيلس برقه":آآآآآه..حشى من اول يوم وجيه ريولي اتكسرن..آآآه آآه ما روووم.. خلودي"بابتسامه حلوه":بعده الدرب طوووويل..الله يعينج شو بتسوين يوم تتزهبين لعرسـج.. شيخاني"مطنشه رمسة خلودي":أمااايه حصووه ربيعتيه ما سوت تيلفون..؟؟ صخت خلودي .. وما رمست .. فالوقت اللي صدت أم سلطان صوب خلود..وخلاف طالعت بنتها.. أم سلطان:لا من بعد صلاة المغرب وانا ميلسه اهنه ولا حد دق تيلفون علينا.. شيخاني:فقدتها من بنيه.."وتيود سماعة تيلفون البيت"..عاد هاييل سااعه لين ما يردون ع الواحد لازم يذلووونه.."وتعدل صوتها مسويه عمرها واايد رقيقه"..ألــوووو..وين حصوه..هيه ..انا شيخاني.............ألوووو حصوه وينج ..تحيرتي عليه..؟؟هيه..لا ميثاني ما تروم اتيي توني وطيتها بيتهـم ..لا كنا ياايين من السوق..هيه شريت لي واايد اشيااااء تعالي عسب اتشوفينهم..يلا انا اتريااااج..يلا باااي فدييتـج.. بندت شيخاني عن حصوه بنت ييرانهـم..وتمت شيخاني اتطالع التلفزيون .. امـا خلود يالسه اتسولف ويا خالتها عن ترتيبات الملجه وهالسوالف..ومنو بيعزمون ومنو من ييرانهم .. وبعد ربع ساعه .. يتهم حصـه وحدرت الصاله وكانت كااشخـه ومتعدله وااايــــد..على غير عادتها..حتى شيخاني تمت تطالعها ومستغربه منهـا.. حصه"تيلس":شحـالج خالوه ربج الا بخير..؟؟ أم سلطان"بابتسامه":بخير يعلج الخير شحـالج انتي وشحال أمـج ..؟؟؟ حصه:بخير والحمدالله..اتسلم عليج الوالده كانت بتيي بس تدرينبها ميهووده.. أم سلطان:وااايه والله لا دريت ولا شي..من متى هالرمسه..؟؟ حصه:البارحه تعبت علينا..وسرنا المستشفى ورقدوها عندهم لين اليوم الصبح ظهروها ويابها خوويه خلفان..واللحينه والله ميلسه فالبيت .. أم سلطان:واايه فديتها علني ماخلا منهـا..سمحيلي بنتيه والله مادريت..تدرينبي ماظهر من البيت واايـد.. حصه:مسموحه خالوه .. خلودي:يلا عيل خالتيه بنسير صوبها بنسلم عليها وبنتحمدلها بالسلامـه..دام ان عميه رااقد اللحينه.. أم سلطان"تنش من مكانها بصعوبه بس خلودي اتساعدها":هيه والله..يلا فديتج بسير بييب عباتيه.. سارت أم سلطان فالوقت اللي نشت شيخاني وسحبت يد حصوه بقوه.. شيخاني"بدلع":نشي حصووه براويج اللي شريته اللحينه.. حصوه:هيه والله..يلا يلا.. صدت شيخاني صوب خلودي وتمت تطالعها بنظرات (سخيفه) .. وخلاف سارن فوق وعاد تمت شيخاني اتراوي حصوه اغراضها..عاد حصوه الغبيه كل شافت شي..قالت الله حلووو..؟؟؟!!!! خخخخخخخ... |
با نــــــــــــــــــــــــــاس متى بتكملون القصهـ و مشكوووووووووووورهـ يا عذبة احساس ع التكملهـ:30: |
مشكــورهـ ع التكملهـ... ونتريــــــا البــارتــ اليايـ..... |
| الساعة الآن 09:15 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir