[grade="ff0000 4169e1 32cd32 ff1493 800080"]وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه[/grade]

[grade="32cd32 00bfff ff1493 4b0082 ffa500"]من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها[/grade]

[grade="ffa500 00bfff ff1493 4b0082 008080"]أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام[/grade]

[grade="ffa500 008080 ff1493 ff0000 800080"]شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه[/grade]

[grade="ffa500 00bfff 008080 ff1493 800080"]من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته[/grade]