آلـــــــــبــآرت آلــأربعــــــ 40 ـــــــــيـن !
‘ غصبن علي النفس سوآك وغصبن على اللي مـآ بيرضون
والله ما لي عن محياك وعن غيركم ما تنظر عيـــــــــــون’
.
.
.
يــوم آلجمعه ..
بــيت بـو سعيـد ..
" آلصـــآلـه "
" مـسـوين عزيمة فـ بيتهم ، وطبعاً قوم بوهزاع وبومحمد وبو منصور وقوم حامد كلهم موجودين وربيعـآت نورة يـآيـآت يسلمن عليهـآ ومعـآرفهم واهلهم "
نورة : يلـآ عـآد عن هالرمسة ..
شيخوه " تغمز " : اونج تستحييييين !
شمـآ : قـولي قـولي شو سويتي او ليلة ..
نورة " تيود التكيه " : بتسـكتـين ولـآ أفرج بالتكيه !
روضة : عيب عليج يـآيـآت عندنا وتفرينهن !
شمـآ " تيلس حذآل روضة " : فدييييت رويض والله ، شبـآج انتي والله !
نورة : لـآ تحلفين انزيين ..
شمـآ : انزييين ..
روضة : شموه ما حيد عندج خـوآت ؟! حتى هي أحلى عنج ..
شمـآ : لـآ هـآي بنت عميه كانت عندي وشليتهـآ ويـآيه ..
غلـآ " تبتسم "
روضة " تبتسم " : أهـآ ..
غلـآ : شو ، رآيكم ، نسير ، نلعب ، برع !
شيخوه : يا الله يَ آلـيهـآله اللي فيج !
غلـآ : اللي يلعب شرط يكون يـآهل ..!
روضة : صدقتتي ..
شمـآ : انتي عـليـآ لـآه !
عليـآ " تبتسم " : هيي ..
شمـآ : الحين انتي حمية " تأشر ع نورة " هالخبلة ! مـآ اعرف كيف متحملتنهـآ !
عليـآ : ههههه حرآم عليج ..
نورة : إيييه لـآ تشوهين صورتيه ..
شمـآ : هههههه ..
شيخوه : مخطوبه عليوه !
مهرة : هـآ هـآ هـآ لـآ تحطيين عينج ع حرمة أخويه ..
شيخوه : ههههههههه سؤال بس ..
مهرة : هههه تحذير بس عشـآن مـآ تسمعون انفجار برع .. " تقصد منصور "
آلكــل : ههههههههه ..
روضة : شخبـآرج حرمة العم ! شو الجامعه !
حصة " تبتسم " : آلحمدالله بخـــيـر ..
غـلـآ : يلـآ نسير نلعب ..
نورة " توقف " : يلـآ ..
شيخوه : اشك انج معرسة ..
شمـآ : النـآس تكبر وتعقل وهي تكبر وعقلها يخترب زيـآده ..
نورة : ليش مكينة !
شمـآ : تؤ سيـآرة ..
روضة " توقف " : يلـآ قومـوآ نلعب ، بس أنـآ مـآ بركض ..
الكل " طـآلعـوهـآ "
شيخوه " تصفق " : الله حد بيزقرني هـآلوه " خالوه "
شمـآ " تصفر " : رويييييض حـآمل ! حامل ! حأمل ..
عليـآ ومهرة وحصة : مبروك ..
روضة " تبتسم " : الله يبـآرك فيج ..
نورة " مبطلة عيونهـآ ومحطيه إيدهـآ ع حلجهـآ " : لـآ مستحيل رويضوه ..!
روضة " سوتلها حركه بمعنى بعدين بقولج " : يلـآ نسير نلعب ..
غلـآ : هههههههي يلـآ ..
شمـآ : على وين على ويين !
شيخوه : خليهـآ تلعب عشـآن بنوتتها الحلوه تعرف ان امهـآ قـآسية ..
روضة : يالله عليج ..
غلـآ : يلـآ بنلعب شررطي حرآمـي ..
" طلعن من آلبـآب اللي يودي لـورآ الفلة ، انقسمن قسمين حد ينخش وحد يدور ، روضة يلست ع الكرآسـي تطـآلعهن وهن يلعبن .. ميـآلـس آلريـآييل ع يمين آلـفلـه وتكملة آخر الميلس توصل لحد البيت من ورآ ، طلـع من المـيلس لـأنه كـآن يـرمس بالفـون "
: ههههه انزييين انززيييين بيييك لـآ تصــيح .. " التفت عسـب يلبس نعـآله لكن لمح شئ أسود ، التفت لهـآلشئ ، شـآف بنت لـآبسة عبـآة ومحطيه الـشـيلة ع رآسهـآ ووآصلة لين النص ؛ متسـآندة ع آلـيدآر وتوآيـق ورآفعة عبـآتهـآ ع طرف عشـآن تركض وبـآين جنزهـآ ، استغرب منو من بنـآت خوآله ولـآ عمته تلبس عبـآتهـآ فـ بيتهم ، تجرب منهـآ ولصق ورآهـآ ، حسـت بـنفس ورآهـآ التفت وهو انصدم "
عبدالله " منصدم " : أنتــــي ! شتسسوين هنيييه !
غلـآ " تطـآلعه بنظرة " : وانته شو يخصك ؟! مخسر شئ لـآ سمح الله !
عبدالله " استغرب " : مـآ عرفتـيـني !
غلـآ " تخصرت " : جيه شو تشوفني رآعية شبـآب ..؟!
عبدالله : اييه انتي رمسيني عدل !
غلـآ : عدل ولـآ ظلم !
عبدالله " ابتسم " : من صدقج مـآ تعرفينـي !
غلـآ " شلت نعـآلهـآ ورفعتهـآ فـ ويهه " : انته ان مـآ روحت ألحين بخليهـآ تعلم هـآي على ويهك تسمع !
عبدالله : بترمسيني مثل آلنـآس ولـآ ؟!
غلـآ " تصد ع طرف " : أوهـوو علـينـآ صدق العلل وآيد .. " تطـآلعه " شو تبـآ الحين ! مضيع فلوسك !
عبدالله : لـآ والله يـآلـغلـآ مضيع قلبيه !
غلـآ " تفتح عيـونهـآ ع وسعهن " : أنـته صدق مـآ تستحي ع ويهك ويبـآلك تـأديب ! بعد تعرف اسـآمي بنـآت النـآس ..!
عبدالله : يعني انتي غلـآ أنـآ مـآ اتوهم !
غلـآ : أفففف ، اللهم طولج يـآ روح !
عبدالله : انـآ ربيع احمدوه أخوج !
غلـآ " تطـآلعه بطرف عينهـآ " : احمدوه فـ عينك ! اخويه اسمه الشيخ احمد مب " تحط صبوعها ع خشمهـآ عشـآن يغلظ صوتهـآ وتقلد " أحمدوه ..
عبدالله " يبتسم " : صـدق خبلة !
غلـآ : نعـآم ! شو قلت ؟! والله مححد آلخبلة إلـآ غيرك !
عبدالله : ليش تسـألين شو قلت يوم انتي تعرفين ..
غلـآ " تمشي بتروح " : أنـآ اذا تميت دقيقة زيـآده بتخبل ..
عبدالله " زخهـآ من ذرآعهـآ ومشّـآهـآ لين ورآ الميلس والمكـآن ضيق شوي " شرآت السكة " "
. .
غلـآ " تحاول تخوز إيدهـآ " : إيييه انته مـآ تستحي ع ويهك !
عبدالله " حط إيده ع حلجهـآ وتلفت عقب طـآلعهـآ " : اسكتي بتفضحينّـآ ، مـآ تعرفيني ! أنـآ اللي كنت عند أخـوج فـ الميلس يوم دخلتي تبينـه يسير اييبلج شئ ! وآلصبـح يوم دخلتي الميلس وانـآ كنت رآقـد تتحسبينيه أخوج وكنتي لـآصقه فيني ! ويوم كنتي فـ المول ويـآ خوآتج واحمد شـآلنكم وطلعتي تصـآرخين على احمد عقب قفطتي !
غلـآ " اطالعت تحت عقب اطالعته وهي فـآتحه عيـونهـآ ع وسعهن "
عبدالله " ابتسم وخوز إيـده "
غلـآ " نزلت رآسهـآ ، تحس ويههـآ محترق " : وألحـيـن شو آلمطلوب مني !
عبدالله " مبتسم " : من عقــب ذآك آليـوم وأنـآ مستصـيب منج ، مـآ خليتينيه لـآ ارقد فـليل ولـآ ظهر ، عذبتـينـيه كل يوم عند مدرستج وكل يـوم عند احمدوه يمكن اشـوفج ..
غلـآ " طالعته بنظرة " : صدق أنك مـآ تستحي ع ويهك ، " قـآلت بشدة " غـض آلبصــر .. " روحت وهي شبه تركض "
عبدالله " تم يطـآلع وين روحت ، تنهد وقال " : جرحتــينيه ! أغض البصــر ! أغض البصر عن آلبشر كلهـآ إلـآ انتي !
. . . .
" بعد مـآ روحوآ المعـآزيم وتموا الـأهل بس / روضة ونورة يـآلسـآت ع طرف ويرمسن ، وآلبـآقين ويـآ بعض مـآعدآ عليـآ ومهرة سـآرن حجرة نورة عشـآن منصور موجود ومـآ يبـونه يشوف عليـآ لـأن مـآ بقى شئ ع عرسهم "
نـورة : قولي متى صـآر !
روضة " منزلة رآسهـآ وتلعب بظفورهـآ " : يـوم من الـأيـآم ..
نورة : وشو سويتي ؟!
روضة " تطـآلعهـآ " : تميت اصيح واصـآرخ عليه ، وهـو كـآن يقولـي آللي سويته مب غلط ..
نورة " تبتسم " : يَ حبـآيبي !
روضة : ........
نورة : روضوه صـآرحيني ..
روضة " حست " : بـشو ..؟!
نورة : تحبينه !
روضة : منـو قـآص عليج !
نورة : يالله عليج ياللي مـآ فيج قلب يـآللي مـآ تحسين ! مرة مـآ حن قلبج !
روضة : تـؤ ..
نورة : حلفي !
روضة : لـآ تيلسيلي حلفي وحلفي ..
نورة : آسفـة انزيــن ..
روضة : قوليلي شـو حيـآتج ويـآ هزآع ..؟!
نورة " تبتسم " : حلـ...
هزآع " يقـآطعهن " : أكيييد ترمسن عني !
روضة : طرينـآ القـط يـآنـآ ينط ..
هزآع : أفـآ ألحييين أنـآ قطو !
نورة : حشــآك بن عممي ..
هزآع : آخ ققلبي ..
روضة " تقوم " : يلسـوآ أبـوي بروحكم أنتـوآ ،
هزآع " ييلس حذآل نورة " : هههه حلفت يلسسي ..
روضة : أيـلس ايلـس .. " يلست حذآل امهـآ ويودت إيدهـآ وحطت رآسهـآ ع جتفهـآ "
رآشـد : يـآلله يـآلله هالكثر مشتـآقه لـ نـآصر ..
الكل " طالعوا روضة "
روضة " ابتسمت "
. . .
بعـد دقـآيق ..
تــــررررن ..
روضة " شـآفت فـونهـآ واستغربت من آلرقـم قـآمت عنهم ويلست ع الدري وردت ع الفون " : ألـــو ..
..... : ألـــو ..
روضـة " استغربـت وقـآلت فخـآطرهـآ : هذآ نـآصر ! أمبلـآ نـآصر هذآ صـوته والرقـم برع آلبلـآد أكيد هـو " : منــو ؟!
نـآصر : مـآ عرفتيني ؟!
روضة : ........
نـآصر : نـآصـر أنـآ ..
روضة : اهــآ ..
نـآصر " يبتسم " : شحـآلج ..؟!
روضة : بخـير الحمدالله ، شخبـآرك ..؟!
نـآصر : تمـآم ، ويـن ؟! فـ العيــن ؟!
روضة : هـي ، عمتيه مسوية عزيمة عسب نورة وهـزآع ..
نـآصر :زيــن ، شخبـآرهم المعـآريس ؟!
روضة : رقــيص ..
نـآصر : شخبـآر أمـآية ؟!
روضة : بخير الحمدالله ..
نـآصر : أدقلهـآ مـآ ترد ..
روضة : يمكن مـآ سمعته ..
نـآصر : شحوال سعودي ؟!
روضة : مشتـآقلك ..
نـآصر : هـو مشتـآقليه ولـآ أمه ..؟!
روضة : .........
نـآصر : مـآ اشتقتيليه !
روضة : .........
نـآصر : أفهـم ان آلسكوت علـآمة الرضـآ ..؟!
روضة " تغـير آلسـآلفة " : شـ بلـآدك هنـآك ..؟!
نـآصر : بعدني مـآ شفتهـآ ، فـ آلـشقة يـآلس ..
روضة : أهـآ ..
نـآصر : أنزيــن بسكر أنـآ ، يصرف وآيـد سلمي عليهم ..
روضة : يـوصل ..
نـآصر : مع آلسلـآمه ..
روضة : الله يحفظك .. " سكرت ، سـآرت ويلست عنـدهـم " نــآصر يسلم عليكم ..
الكل : الله يسلمه ويسلم من يـآب آلسلـآم ..
رآشـد : هـآ اشوف اتصـآلـآت من ورآنـآ ؟!
حمده : يععني ريلهـآ شو تبـآهـآ ؟!
رآشـد : استهبل ويـآهـآ ..
. . .
" سـآروآ قوم بو محمد بيتهم وقـوم بـوهزآع ويـآهم ، اجتمعوآ الشباب والريـآييـل فـ الميلس ، والبنـآت فـ بيت قوم بـومحمد .. وتمن الحريم فـ بيت بـوسعيد وعقب العصر سـآرن بيت بـومحمد لـأنهم متعوديـن يفرشـون برع وييلسـون "
.
.
.
بــيت بــو أحمــد ..
آلســآعه 4:30 آلعصـــر ..
" طـآيحه ع شبريتهـآ وتفكر " : أفففف من ويــن طلعليه هالبلوى بععععد ، لـآ والمشكلة ربيع احمدوه الله يخسسهـآ من سـآلفه إن شـآء الله ..
" تدخل عليهـآ بنت عمهـآ " : إييه انتي ميلسة هني وكلهم تحت ..؟!
غلـآ : انزين وشو أسوي يععني ..؟!
: شـو فـيج آليـوم جي بـآرده !
غلـآ : يـآ الله ، خلـآص طلعي احــيـن وبيي أنـآ عققب شوي ..
: عن تصرطينيه بظهر " طلعت "
غلـآ " تــيلس " : انـزيـن شـو مشكلته هذآ آلـريـآل ..؟! أونـه مستصيب وآلسبب أنـآ ! الله أكبــر عليه ! قـآصرة إلـآ منّه هذآ يكفي ولد عميه آلغـبي ! أففف ..
.
.
.
بعـــد يــوميــن ..
أبـوظبـي ..
بــيت بـونــآصر ..
آلضحـى ..
" حجرة روضـة "
روضة " ترمس بـآلفون " : هـآ ؟!
نورة : شريتي فستـآن لـعرس عليـوه ؟!
روضة : لـآء ..
نورة : تستعبطـين مـآ بقى شئ ...؟!
روضة : مب فـآيجة ولـآ أروم ، عنندي فستآن ستريتش مـآ لبسته وعندي عبـآه خفيفة اللي كلهـآ فصوص ، وبتعدل بروحي وبسوي تسريحه بروحي ..
نـورة : يَ حظج مسهلة أمـورج بنت عبدالله ..
روضة : عن تحسديني ويخترب كل شئ ..
نورة : ههههه تـف تـف ..
روضة : آعععع خيستي آلفـون ..
نـورة : يالله عليج ! روضـوه مب متوحمه ع شئ ..؟!
روضة : هي أرز باللبن ..
نورة : انزين تريي بطرش بـ أرآمكس ..
روضة : أقول اشوفج فـآضية ، جلبي ويهج وسيري عند ريلج " سكرت "
. . .
روضـة : أففف يـآلملل ، متـى بيي ! مـآ أنكر أن آلبـيت ملل دونه ! ع الـأقل في حد كـآن يرمسنيه ويغصصبيه ، مـآ أعرف شسـوي .. بنـزل تحت عند عمتيه أحسسن بدآل هالضيـجه .. " لبسـت شيلتهـآ آللي كـآنت معلقىة ع آلعلـآققة ، اتجهت بنظرهـآ لكندورة نـآصر أطـآلعتهـآ وبرقـت عيـونهـآ ، لبست شيلتهـآ و ظههرت "
.
.
.
بــيت بـوفهـد " أبــو شيـخة "
" فـ حجرتهـآ "
مريـم : تقـولين يسدج آلـوقت عشـآن تتزهبين !
شيخة : والله مشكلته هو وعيوزه ..
مريـم : أنتـي ليش جي عـآفـآن الله ..؟!
شيخة : كيفي أنـآ جي ..
مريم : مـآ سـوت خير بعمرهـآ عمتيه جـآنهـآ إلـآ خذتج لـولدهـآ ..
شيخة : مححد قـآلـهـآ تخطبني ..
مريـم " تحيس بوزهـآ يمين ويسـآر " : يالله مـآ ادري منـو اللي كـآن يمـوت ع ثرآ حـآمد ..
شيخة : قلتيهـآ ع حـآمد مب ع أمه آلعيــوز ..
مريــم : أنـزين شو مسوتلج هـي عشـآن تكرهينهـآ جي ..؟!
شيخـة : خـآطبتني لـولدهـآ عشـآن أدآويهـآ وأدآريهـآ هـآي المجسحه " المتكسرة أو تعبـآنه " ..
مريم : استغفر الله آلعظيــم ! آلله يعينج في مـآ بلـآج يـآ عمتيه ..
" يدخل أخوهـآ " : إييييه أنزلي تحت عمتيه هنـآك وحرمة ولدهـآ وريلـج ..
شيخة : لـآ تستهبل مب وقتك ..
: ألحين أنـآ ريـآل بلحيتيه و أجذب !
شيخة : آسفة الشيخ أحييين بنـزل ..
" طلع "
مـريم : يلـآ طلعي فنّج وتعدلي و اتقني التمثــيل .. " وطلعت "
شيخة " لبست مخورة وتعدلت من خـآطرهـآ وتعطرت ولبست شيلتهـآ وطلعت قصتهـآ ونزلت "
..
آلصــآله ..
أم نــآصر : مرحبـآ آلسـآع بـآلعروس ..
شيخة " ابتسمت وسلمت على عمتهـآ وعلى روضة وسلمت ع حـآمد ويلست حذآله ع آلـغنفة "
أم نـآصر : شحـآلـج بنيتيه ؟!
شيخة : بخير عمتيه شحـآلـج أنتي ..؟!
أم نـآصر : الحمدالله بخــير ..
شيخة " تلتفت صوب روضة " : ألحـين أنتي روضة ..؟!
حـآمد " طـآلـع روضة "
روضة " استغربت وطـآلعتهـآ بنظرة " : عندج مـآنع ..
شيخة " تتمسكن " : لـآ آلـغلـآ بس أسـأل .. هي يقـولـون حرمة نـآصر ..؟!
روضة " رفعت حـآجب " : طـآيحة من عينـج أنـآ !
شيخة : لـآ من قـآل ..؟!
اخت شيخة " ترمس روضة " : مـآ عليج منهـآ جي طبعهـآ ..
روضة " تبتسم ألهـآ " : حشمة ألكم بس بسككت ..
اخت شيخة " تبتسم "
...
بععد نص سـآعه ..
بــيت بـونـآًصر ..
" آلحــوي "
حـآمد : روضة ..
روضة " تلتفت له لـأنهـآ كانت سـآبقتنه " : آمــر ..
حـآمد : لـآ تحططين فـ خـآطرج عسب شيخة هـي جي طبعهـآ ..
روضة : ليش أحط فـ خـآطريه أصلـاً ، آسفة ع الكلمة اللي بقـولهـآ بس حرمتك بـآين عليهـآ حثـآله وكلـآمهـآ مـآ بيـأثر فينـي ومثل مـآ دخل فـ أذنيه بيطلع من آلثـآنية ..
حـآمد " تنهد ونزل رآســه "
روضـة : آسفة ، بس متعودة إذآ شئ فـ قلبي مـآ احترق عسبه لـآزم أطلعه " كملت مشيهـآ "
حـآمد " فخـآطره : آآآه بــس من هالحيـآة آللي مـآاعرف شرقهـآ من غربهـآ ! "
.
.
.
بــيت بـومنصــور ..
آلـصـآلة آلفـوقـآنية ..
فطـآمي " بدلع " : هههههه حيـآتي انــتي ..
عـآرف : أدري ..
فطـآمي : انزين غلـآتي أخليج ألحين عندي كم شغله ..
عـآرف : اتصليلي آلـفليل ..
فطـآمي : أكييييد ..
عـآرف : بـآي ..
فطـآمي : ببـآي حبيبتي .. < ترمسه جي عن حد يشك !
مهرة " تي من ورآهـآ " : حشششى كلّـه حبيبتي وحيـآتي شهالمنـآفقة !
منصور " خـآطف بينزل " : أكييد وحده من آلخـآيسـآت شرآتهـآ ..
فطـآمي : إييييه انته أرمس عدل أحسلك ..
منصور " التفت ألهـآ وابتسم بسخرية " : هــه شـو بتســوين يععني بتصفعيني ؟!
فطـآمي " تـوقف " : أنـآ أرآويك شـو بسسوي .. " خوزت قبـآضآت شعرهـآ ، كششت شعرهـآ وطرت شوي من قميصهـآ عند جتفهـآ ونزلت تحت تركض "
..
فـ آلصـآله ..
" وآقفه ورآ أبوهـآ وتصصيح "
بـومنصور " معصب " : كم مرة قتلك لـآ تمد إيدك عليهـآ ..؟!
منصور " فـآتح عيـونه ع وسعهن ومهرة حذآله "
بـومنصـور : قـآص ع آلحريم وتضـآربهن بس هـآ آللي ترومله !
منصـور " منصدم ويطـآلع فطـآمي " : أحييين أنـآ ضربتج !! الله علييييج يـآلظـآلمة " يطـآلع أبـوه " ألحييين تصصدق هـآي وتجذبني أنـآ !
مهرة : أبـوية أنـآ شـآهدة والله مـآ ضربهـآ ولـآ لمسهـآ حتى ..
فطـآمي " تصـآرخ وتسوي عمرها تصيح " : بـآبـآتي لـآ تصدقهم هذيلـآ يخرطون هم متـآمرين عليه ..
بـومنصـور : سمعوني أنتـوآ الـأثنينة إذآ اتعرضتولهـآ مرة ثـآنية هـآلبيـت كله يتعذركم ، حتى لو كنتوآ عيـآلي وغـآلـيين عليه تسمعوني ..
فطـآمي " ابتسمت بأنتصار وخطفت حذآل منصور وضحكت عقب ركضت فـوق "
منصـور : الله يسـآمحك ، ربك بيحـآسبك يـوم آلـقيـآمة ع عدلك بين عيـآلك .. " ظهر "
ام مننصـور " تي " : شو مستوي شـو بلـآك ..
بـو منصور " ييلس " : سـألي عيـآلج ..
أم منصور : مهرة شو مستوي ..
مهرة " ركضت فـوق سـآيرة حجرتهـآ "
.
.
.
.
انتهههى آلبـآرت ..
آرآئكم + انتقـآداتكم + توقعـآتكم ..

آلبــــــــآرت آلــــــــ و 40 ـــــــوآحــدد !




حكــــمـﮧ الله خـالــــق الارض وبشــــــرها



.


.


.




دبــي ..


بيــت بــوهزآع ..


آلصصـــبح ..


" حجرة عليـآ "




" طـآيحة ع ريـول أمهـآ " : انــزييين ..


ام هـزآع : واستوي حرمة زينة ويـآ أهله وخلج دوم طيبة وحبيهم عشان يحبونج ..


عليـآ : ان شـآء الله ..انزيين أمـية انـآ خـآيفة ..


ام هـزآع : لـآزم آلبدآية جي لـأنه عرس ونـآس يدآد وبتتعاملين ويـآ ريـآل ..


عليـآ " تغمض عيونهـآ " : أمممممي لـآ تخوفيني زيـآده !!


ام هزآع : يالله عليج وعلى دلععج ..


عليـآ " تبتسم "


هـزآع " يدخــل " : وآآكككككك مـآ اتخيلج عرووس أبدا أبدا أبدا ..


عليـآ : جب جب أحسن لك ..


هزآع : ليش شو بتسويبي ؟!


عليـآ : هزآع مب فـآيجتلك ..


هزآع : هيييه طبعا ما بتتفيجيلي آلــيوم ليلة العمر ..


عليـآ : هـزآع اظهر من غير مطرود ..


هزآع : بظهر بس بييج أغصص بج .. " طلــع "


.


.


.




أبـــوظبـــي ..


بــيت بــومنصـــور ..


" حجرة منصــور "




مهرة " تدخـل " : اووووه منصور أونك معرس خخخ ..


منصور " يشوف شكله فالمنظرة " : لييش طـآيح من عيينج ..؟!


مهرة : أبدن ..


منصـور : شرآيج فيني محلو صح ..


مهرة : هييي ..


منصور " يطـآلعهـآ " : اخييراً بعرس ..


مهرة " تبتسم " : يالله عليييييك منو يروملك !


منصور : احم طبعاً .. أقولج ..


مهرة : هــآ ..


منصور : خلي عليـآ تنزل من وقت وأنـزل عقبهـآ ..


مهرة : مستعيل الريـآل !


منصور " يبتسم " : طبعععا ، آخ متى أيي الفليل بسس !


مهرة : الله يعيينك ع عقلك .. تعـآل تريق جـآن مـآ تريقت ..


منصور : بيي ..


مهرة " طلعت "


.


.


.


آلعـــين ..


آلظهــر ..


بــيت بــومحمــد ..




رآشـد " يرمس حمده " : مـآ تبين صبغ انتي بععد ؟


حمده : بصبغ وبتعدل اهنيييه ..


رآشـد : زيين بتفكينيه ..


بـومحمد : وانته زآيــد ممتى تبـآ تعرس ..؟!


زآيـد : اترياها تخلص جامعه ..


رآشــد : يالله ! مطهـآ مط من الجامعه .. اللي يققول بتشغلها عاد !


زآيـد : جـآن شئ شغل ألهـآ بتشتغل ..


حمده : خلـآص اعيل انا بعد ابـآ اشتغل ..


رآشـد " يطـآلعهـآ بطرف عينه " : تمي فـآلبيت وربي عيـآلج أحسنلج ..


حمده : ما عندي شغله غيرها ..


أم محمد : متى تبـونـآ نظهر من هنـآ ؟!


بـومحمد : الساعه 6 ونص سبع لين يبدا العرس نحن هناك ..


ام محمد : زيـــن ..


محمــد : مـآ نبـآ تـأخــير عـآد امره سبع سبع ..


رآشـد : محد بيـأخرنـآ غير الحريـّــم ..


محمـد : خلصن من ألحيين ..


.


.


.


آلـلــــــيلة ..




" الحسن والجمـآل يكسـآهـآ ، بعيـونهـآ آلــعسلية تنـآظر آلنـآس وبـإبتسـآمـتهـآ نــزلت ، تمشي شوي شوي وبتوتر كـأي عروس ، وصصلت كوشتهـآ ويلست شوي بعدهـآ اتصورن ويـآهـآ آلبنـآت وربيعـآتهـآ ، كملـت نص سـآعه ونـزل آللي بيكملهـآ وبيكــون نصفهـآ آلثـآني ، مشـى وهـو مبتسم ويطـآلعهـآ سلم عليهـآ وقف حذآلهـآ وسلموا عليهـآ أبوهـآ واخوانهـآ وبـآركولهـآ ، هي متوترة وهـو يلطف آلجــو ، خلصت مرآسم آلعرس ، وتـوجهـوآ لغرفة من غرف الفندق اللي كـآنت قاعة العرس فـ طـآبق من طوآبقه ، دخلـوآ وبدلـوآ ع آلسـريع واتوجهـوآ للمطـآر و ع آلسـآعه 3 آلفــير كـآنت طيـآرتهـم ، ع آلصبح بتوقيتنـآ وصلـوآ واتجهـوآ للفندق وسيدآ رقدوآ من آلتعب "


.


.


.


يـــوم الـأثنــين ..


آلسـآعه 1 آلظهــر ..


أبـــوظبـــي ..


بــــيت بــونــآصر ..


حجرة روضـــة ..




" طـآيحه ع الشبرية وميودة آلفـــون " : أفــففف مـآ يتصـل ويسـأل بعد .. نحسس ، يـوميــن مررن ولـآ اتصـآل ولـآشئ ، ع بـآله أنـآ بتصل له .. ولـآ بتصلك اوكيييه !


" قـآمت ونزلت آلصـآله "




حـآمد : بسـير العين بعدين مـآتبن تسيرن ..


روضة : هي خـآطريه أسير ..


ام نـآصر : وانته شو بوديك آلعيـن !


حـآمد : عند عبدالله .. وقلت بشلكن ويـآيه تقصرن الدوب ..


ام نـآًصر : زيــن ع آلعصــر بنســير ..


.


.


.


آلعصـــر ..


آلعـــين ..


بــيت بـومحمــد ..




آلصــآله ..


" كانن الحريم يالسـآت فـ الصاله ويسولفـن ومحطيـآت الفواله والقهوه جدامهـن "




ام محمد : يالله يـآ بزآج من بنية .. قومي خليني ايلس ..


روضة " طـآيحة ع أمهـآ " : يالله عنج أمـآية ! عققب شوي بسير عنج !


ام محمد : طيحي طيحي انزيين ..


الكل : ههههههههه ..


ام نـآصر : عـآد جريب بييج آلحفــيد آلـرآبــع ..


ام محمد " تطـآلع روضة " : ويي عسـآه مبروك يَ بنيتيه ..


روضة " تيلس " : يالله عليج أمـآيه ذآك اليوم قـآيتلج !


ام محمد : مـآ سمعتج يمكن ..


فطيـم : وأخيراً بستوي خـآله ..


حمده : وأخيراً بستوي عمه !


الكل : ههههههه ..


ام سعيـد : مبروك بنيتيه ..


روضة : الله يبـآرك فيج عموه ..


ام سعيد : هي سميهـآ ع اسميه عـآد ..


روضة : ههههه فـآلج طييب جـآنهـآ طلعت بنت ..


ام محمد : عقبـآل نويــر ان شـآء الله ..


الكل : آمـــين ..


مهرة : عـآد هـآلخبــيل مـآ اتخيلهـآ أم ..


روضة : يالله ! حرآم علـــيج ..


مهرة : ههههه ..


. . .


ع آلمغرب ..


حجرة روضـة ..


تررررن تررررررررن ..




روضة : ألـــو ..


نـآصر : آلسلــآم ..


روضة : وعليك ..


نـآصر : شـ الـأخبـآر ؟!


روضة : زيــن يوم عرفت ان عندك أهــل هنيييه ..


نـآصر : روضة مب فـآيجلج ، شغليه لـ فوق رآسيه وعادي عقب يومين او ثلـآث ادقلج مرة ..


روضة : اوك خلـآص فهمت ..


نـآصر : لـآ تمــين تحـآسبيني احمدي ربج ذكرتج واتصلت بج !


روضة : انته متصل تضـآرب ولـآ متصل تسـأل ؟!


نـآصر : خلـآص انطببي ، شخبـآركم ..؟!


روضة : بخــير بدونك ..


نـآصر : رمسي عـدل لـآ اييج هنـآك وامطج من كشتج ..


روضة : تخسسي ..


نـآصر : هي لـو انـآ جدامج تخسين تقولين هالرمسه !


روضة : والله اققول ومب خـآيفة ..


نـآصر : أصلـاً مب منج مني أنـآ متصل لج ، اتصل لـ أمـآيه احسن .. " سكر "


روضة : أفففففففففففف " فرت الفون ع الشبرية بقــو " صـآمت صـآمت وفطرت ع بصلة ..


...


" يدخــل " : ههه بلـآج ترمســين روحج ..


روضة : هـآ ؟ يتهيـأ لك ..


زآيــد شخبـآرج روآضي ؟!


روضة : عـآشر مرة تسـألني هالسؤآل ..


زآيــد : ههههه .. آلمههم ، بتروحون يتريـونج تحت ..


روضة : اوك ..


زآيد " طلع "


روضة " لبست عبـآتهـآ وشلت شنطتهـآ ونزلت "


. . .


آلصــآله ..




روضة " حـآظنه امهـآ بقــو "


ام محمد " تبتسم وتضربهـآ ع جتففهـآ " : يا الله يَ بزآج آليــوم ..


روضة : أمــي مـآ أبـآ اسيير ..


رآشـد : عن الدلــع يلـآ سيري بيتكم .. مـآ عدنا مكان لج ..


روضة : ججب .. " تقـوم عن أمهـآ " بشتـآقلج وآيـد مـآمـآتي ..


ام محمد : وأنـآ بععد ، يلـآ توككلي ..


رآشد : وآكككككك ويــو طرده ..


ام محمد : أصص اققطع ..


ام نـآصر : يـلـآ مع آلـسلـآمه ..


الكل : الله يحفظكم ..


حامد وام نـآصر وروضة " ظهــروآ "


.


.


.


بــرع آلبلــآد ..


آلشقـه ..




" مآسكنها من خصرهـآ ومجربنهـآ من صدره ، مد إيده ورفع رآسهـآ ونـآظر عيـونهـآ " : آآآخ مـآ أنحرم منهـآ ..


" نزلت عيـونهـآ بمستحى "


منصـور : تصدقين أول مـآ شفتج تمنيتج ، ومـآ توقعت تكونين حلـآلي !


عليـآ " بإحرآج " : منصـور عــآآد ، عن هالرمسه ، استحي ..


منصور " يبتسم " : والله مـآ اقول شئ غلللط !


عليـآ : أنزيــن أدري ..


منصور : هههههه وآثقــه ..


علـيـآ : اممم شرآيك نطلع ..؟!


منصور : أنـآ افضل نتم ..


عليـآ : منصصوووووور !


منصصور : ههههه خلـآص نظهر نظهر على هالخشم !




.


.


.




يــوم آلجمعه ..


آلفيـــر ..


بــيت بـومحمد ..




" حجرة بـومحمد "




ام محمد : يالله من وين بتغبش أنته من ألحييين !


بـو محمد : بسير المسيد بصلي وبسير صوب آلـعزبة وميـآلس الريـآييل ..


ام محمد : زيــن الله يحفظك ..


بـومحمد " يطلع " : مع السلـآمه آلغـآليه ..


ام محمد : ربي يحفظك .. " توضت ، فرشت سيـآدتهـآ ويلسست تقرآ قرءآن وعقب صلت "


.


.


أبــوظبي ..


بيت بـونـآصر ..




" فـزت من نومهـآ خـآيفة ، شغلت الابجورة اللي حذآلهـآ " : اعوذ بالله من الشيطان الرجيم ، بسم الله الرحمن الرحيم ! شهالكابوس ! الله يحفظ أميه ويخليهـآ ، بسسم الله ! " تطالع الساعه " بقــوم أقرا لي قرءان واصلي ..


.


.


.


آلعــين ..


بيت بــو محمد ..


ع آلسـآعه 9 آلصبــح ..


فـ آلصـآله ..


" حمــدة ورآشــد يـآلسين "




رآشـد : مـآ وعت امايه !


حمده : لـآء ..


رآشد : غريييبه مـآ احيدهـآ ترقد لين ألحــين !


حمده : يمكن كـآنت تعبــآنه ورقـــدت ..


رآشد : يمككن ..


.


.


.


.




نــآصر " منصدم " : ششششـووووو ! ز ز زآيـد من صدقك ولـآ تستهبل !


زآيد : نـآًصر الله يهديك شو استهبل !


نـآصر " ايود رآسه " : يالله !! متى صـآر !


زآيد " خانقتنه العبره " : قبل ربع سـآعه ..


نـآصر : انــزين ، بدور اقرب حجز وبيي ان شـآء الله ..


زآيـد : مع آلسلـآمه .. " سكر "


.


.


.


.


حـآمد : نـ نـ نــآصر من صدقك !


نـآصر : توآ زآيـد مسكر عني .. اسمعني ..


حـآمد : آمــر ..


نـآصر : شل روضة وأمـآيه وودوهن ولـآ تقوللهن ويـوم توصلون هنـآك سيدآ دخلهن آلبيت ..


حـآمد : ع امرك ..


نـآصر : حـآمد دخيلك انتبه ع روضة ، يمكن يستويلهـآ شيء وع امـآيه بععد ..


حـآمد : ان شـآء الله ..


نـآصر : مع السلامه .. " سكر "


حـآمد " يمسح ويهه " : يا الله أمس كنـآ مع بعض ! " قـآم وسـآر عند امه وروضة اللي يـآلسـآت فـ الصاله "


. . .


حـآمد : يلـآ بنسير آلعيــن ..


ام نـآصر : بعدهـآ آلسـآعه 10 !


حـآمد : بنسير أمـآيه من وقت أحسسن ..


ام نـآصر : يلـآ انزين قومول تلبسوا ..


حـآمد : وانتي ..؟!


ام نـآصر : إلـآ عبـآتي ..


روضة " توقف وتبتسم " : يلـآ بخلص بسرعه عشـآن مـآ اتأخر .. " سـآرت حجرتهـآ "


.


.


.


.


عليــآ : مـآيد شهالرمسه !


مـآيد : قولي لريلج خ يردج ، انـآ مب يـآلس اتمصخر وكل حد حـآلته حـآله هنـآ ..


عليـآ " فــرت الفون ويلست ع الـآرض وتمت تصييح "


منصور " يـآهـآ واستغرب من حـآلهـآ وخاف ، جرب منهـآ ونزل لمستوآهـآ " : عليـآ شـوفييج ..


عليـآ " محطيه إيدهـآ ع حلجها وتصيح "


منصور " خـآف أكثر " : اللي متصلج شـو قـآلج !


عليـآ " تصيح " : منصـور لـآزم نرد آلــبلـآد ، ***** توفــ ..


منصور " حظنهـآ وتم يهديها " : بنرد بنرد ..


.


.


.


رآشد " ميـود رآسه ويـآلس ع الشبرية "


حمدده " دددموعها ع خدهـآ " : رآشـد لـآ تسوي بعمرك جي ، كتبت ربك ..


رآشــد : آآآآآآآآآخ يـآ حمده آخ ..


حمده : رآشد احمد ربك ، الله احسن الخـآتمه لـ....


رآشـد : الحمدالله ..


.


.


.


.


آلعــــين ..


بـــيت بــو محمد ..


آلسـآعه 11 ونص آلضحـى ..




" انفتح آلبـآب ودخلت ام نـآصر و ورآهـآ روضة وهن مبتسمـآت ، استغربـن من حـآل بـومحمــد وآليـد وزآيـد ورآشـد وسعيد وبـوسعيد وفطيم ومهرة وحمدة "




روضة " اجدمت ووقفـت جدآم أبـوهـآ " : أبـويه !! شـو فــيك ؟ " تطـآلعهم " شـوفــيكم ؟! ليش عيـونكم جي .. " تصد صوب فطيم اختها " فطيم ليش تصيحين ! " تطالع ابوها " أبويه أميه وين ؟! ليش كلكم موجودين واميه محد !


بومحمد " رفع رآسه وطـآلعهـآ " : خلـآص يـآروضة ، أمج مححد ، روحت ولـآ بترد ، مـآتت ولـآ بترد ..


روضة " انصدمت وفتحت عيـونهـآ ع وسعهن وعقدت حيـآتهـآ " : كييف يعني مـآتت ! مـآتت يعني خلـآص قلبهـآ مـآ ينبض ! مـآ يتحرك ! يعني لو رمستهـآ مـآ بترد عليه ! خلـآص أبدا مـآ بترمسني ولـآ بتسولف ويـآيه ! " عيـونهـآ انترست دموع ، وتجدمت من أبوها " أبـويه ليش تقص عليه ! ليش ! لـآ تتفـآول على أميه ، أدري انهـآ حيه وأنتـوا تقصون عليه ، " تصـآرخ وتطالع أبوها " اميييييه ، اميييييييه ، اميه تعـآلي يتفـآولون عليج تعـآلي سمعيهم ..


رآشـد " وقف وعطـآهـآ كف " : افهمي خلـآآآآآآص !


روضة " يلست ع الـأرض وتمت تصيح بقـو ، اجدملهـآ زآيد وحـآول يوقفهـآ وودآهـآ حجرتهـآ "




طحــت مـن طـوولي عـلى لحظـﮧ خبـرها





-.-.-


‘ ام محمد توفت سـآجدة من بعد صلـآة الفير ، اكتشفهـآ بـومحمد يـوم رد ودخل من حجرته ، انصدمَوّ كلهم ، ويت الـإسعاف وشلتهـآ وسـآر محمد وعبدالله ويـآهـآ وبيصلـون عليهـآ عقب صلـآة العصر لـأن الغسيل والكفن يـآخذ وقت ’


. . .


حجرة روضة ..




" فـ حضن عمهـآ ويـآلـسه تضربه ع صدره " : ليش سـآرت عني ؟! ليش ! ليش خلتني ! كيف يعني مـآتت .. أمس مرمستنهـآ كانت زينه ! " تشـآهق " عمي قولي كيف وليش توفت !


زآيـد : روضة خلـآص ، ليش تصيحين ! الله رزقهـآ بحسن آلـخـآتمة ، توفت وهي سـآجده ! شـو أحلى من هالـخـآتمه !


روضة " تصيح " : بس أنـآ مـآ شبعت منهـآ ! زآيـد الله يخليك أبـآهـآ ، أبـآ امي أبـآهـآ ! ليش تسسير عني ليييش ! ليييييييش ! هـــئ هــئ ، منـو بيربي عيـآلي ! منو بيسـآندي يـوم بتعب ! ليش روحت ومـآ شـآفت عيـآلي ، كنت حـآسه أن بيصير بهـآ شئ ! ليش مـآ مت أنـآ ! ليش هي ..


زآيد " يعلي صوته " : رووضة !! شهالرمسه الله يهديج ! ربج خذ روحهـآ ، ونحن لو نصيح عسب حد ميت عمرنا ما بنردهم ! الله خذ روحها وهي سـآجده يعني ان شـآء الله مثـوآهـآ الجنه ..


روضة " تصيح بصمت "


زآيـد : مب زيــن لج آلصيـآح فكري فـ اللي فـ بطنج ، طيحي وارتـآحي شوي ..


. . . .


بععد دقـآيق ..




زآيـد : هلـآ نـآصر ..


نـآصر :روضة عرفت صح !


زآيد " يتنهد " : هييي ..


نـآصر : شـو حـآلهـآ ؟!


زآيـد : انهـآرت وتمت تصيح ، ووديتهـآ حجرتهـآ والحين رقدت ..


نـآصر " يتنهد " : الله يرحمهـآ .. مـآ لقيتلي حجز أنـآ ، جان بدورلي ولـآ بترمس حد بتسوي فيني خــير ..


زآيـد : تـآمر ..


نـآصر : شـو حـآلهم !


زآيد : حد متصبر وحد يصيح ..


نـآصر : الله يعينـآ ، متى بتصلون عليهآ ..؟!


زآيـد : عقب صلـآة آلعصصر ..


نـآصر : ربيه يرحمهـآ ، لـآ تنسى رمسليه حد ..


زآيد : آمين ،، رمست مديرك !


نـآصر : هي قلتله وبييب ريـآل غيري يكمل شغليه ومـآ برد ..


زآيـد : زيــن ، يلـآ بسكر عنك .. مع آلـسلـآمه ..


نـآصر : الله يحفظك " سكر "


.


.


.


أبــوظبي ..


بــيت بــومنصــور ..




مهرة : منو توفى !


ام منصور : ام محمد توفت ..


مهرة " انصدمت " : ام روضة ..


ام منصور " هزت رآسهـآ بـ هيي "


مهرة " تيلس حذآل أمهـآ " : أوييه ! الله يرحمهـآ ..


بـومنصــور : عقب صلـآة الجمعه بنسير صوبهم .. " يصد صوب ذيـآب " بتســير ذيـآب ؟!


ذيـآب : طبعععاً ..


بـومنصور : يلـآ اعيل قـوم تسبح للصلـآه وعقب بنسير واسحبوا فطامي ويـآكم ..


.


.


.


دبــــي ..


بــيت بــوهــزآع ..


" حجرة هـزآع "




" حـآظن نورة ويهديهـآ " : خلـآص حيـآتي ..


نورة " تصيح " : كييف توفت يعني ! مربتني ويـآ روضوه ! يعني امي آلثـآنيه ! " تطـآلع هزآع " هزآع دخيلك ودني آلعـــين ..


هـزآع : تـآمرين ، سيري صلي وانـآ بسير اصلي ويـوم بنرد بنسير ..


نورة " هــزت رآسهـآ بـ أوكيه "


. . .


آلصـآله ..




" يـآلـسه ع الغنفه وميوده رآسهـآ " : يـآ ويييلي عليج يَ ختيه ، سرتي عن هالدنيـآ وخليتينـآ ..


ريم " حرمة خليفة " : عمــوه كل حد نهـآيته آلموت وكل حد بنهـآيته ، خـآلوه مـآتت وهي سـآجده ، يعني بإذن الله مكـآنهـآ آلجنة ..


خليفة : أفـآ عليج يـآ أميي ، تصيحين على إنسـآن ربي رآضي عليه !


بـوهزآع : يلـآ بنصلي وبنرد وبنسير صوب آلعيــن .. يلـآ خليفة ومآيد بنسير نصلي ..


هـزآع " ينــزل " : صبروآ ويـآكم أنـآ ..


.


.


.


آلعـــين ..


ع آلفليل ..




" بععد مـآ صلوّ عليها بعد صلاة العصـر ، بدى العزى وآلنــآس وآيــدين يـآيين .. آلريـآييل كانوا فـ ميلس بو محمد وميلس بو سعيد ، والحريم فـ بــيت بـو محمد وميلس الحريم "


..


ع الساعه 10 وربع ..


وبعد ما روح الكل ..




الموجودين بس الـأهل قـوم بـو هزآع وبـوسعيد ..


‘ الشباب فـ الميلس وحتى الرياييل مآ عـدآ بو محمد ومحمد ورآشد وسعيد والحريم وآلبنـآت ، وهزآع ونورة فـ بـيت بـو سعــيد ’




" بـومحمد يـآلس وويـآه محمد ورآشـد ، وام هزآع تصيح وتسكت وترد تصيح وام نـآصر تهديهـآ ، وفطيم تصيح و سعيد يرمسهـآ ويهديهـآ ، وحمده ومهرة ويـآ بعض ، كل حد ويـآ بعض ويهدون ويوآسون بعض ، مـآ عدآ روضة آللي كـآنت وآقفه صوب آلدري ومسـآنده ع آليدآر ووحيده محد يهديهـآ او يـوآسيهـآ ، لـآبسه شيلتهـآ وتصيح بصمت وشهقـآتهـآ الوحيده اللي تطلع صوت ، فج آلبـآب ع وسعه ودخل ، طـآلعـوه واستغربـوآ أمـآ هـو مرر نظره عليهم وشـآفهـآ وآقفه بعيد عنهم ، عرفهـآ وحد مـآ يعرف قلبه ! سـآر صوبهـآ وحظنهـآ ، حسست أنه هو ! تعرف حرارة حظنه ! تعرف طريقته فـ الحظن ، انفجرت حزتهـآ من آلصيـآح كل مـآ صـآحت كـآنوآ يلومونهـآ أمـآ هو مـآ قـآلهـآ شئ "




روضة " تصــيح " : نــآصر سمعتهم شـو قـآلـوآ !


نـآصر " بـألم " : هي سمعتهم ..


روضة : يقـولـون أن امي مـآتت ، أصلـاً امي مـآ مـآتت ! صح قـول !


نـآصر : روضة اهدي ..


روضة " تقـوم وتطـآلعه " : لــيش ييت ! عشـآن تعـآيرني ! أنته عندك أم وأنـآ لـآء ! بتسوي مثلهم كلهم يقولولي مـآتت خلـآص سكتي ..!


نـآصر " يعقد حيّـآته " : الله يهديج شهالرمسه ! أنـآ من ثلـآث سنين فـآقـد أبويه ، ومـآ كـآن مجرد أبو بس ليه وكلكم تعرفـون هذآ ، تـوفى والله يرحمه ، والدور علينــآ نحنـآ .. كل حد فهالدنيـآ بيمـوت ..


روضة " سكتت بس خلت دموعهـآ تنزل "


نـآصر " يود إيدهـآ " : يلـآ نسير حجرتج .. " سـآر ويـآهـآ "


...


آلحجـــرة ..




" يـآلس ع الشبريه وهي طـآيحه ومتلحفه وصـآده صوبه وتشـآهق "


نـآصر : حيـآتي خلـآص مب زيــن لج ، تصيحين عشـآن تعذبين امج فـ قبرهـآ ! ربج بيسكنهـآ فـ فسيج جنـآته أن شـآء الله ..


روضة : إن شـ شـآء الله ..


نـآصر : خلـآص رقدي وجنه هذآ كله مب مستوي ، سمي بسم الله وغمضي عيـونج ..


روضة " غمضت عيـونهـآ " : بسم الله ..


نـآصر " ابتسم وتم يطـآلعهـآ لــين رقدت ، يـآه الـرقـآد من وعى وهو تعبـآن ، وعقب صدموه بـآلخبر وعقب سـآر المطـآر ورد آلبلـآد وسيدآ من مطـآر دبي لــين آلعــين .. انسدح وتلحف وحظنهـآ ورقــد "


. . .


بععد نص سـآعه ..




" خـآطف بيســير حجرتـه وشـآف ليت حجرتهـآ مشتغل ، توجه لـ حجرتهـآ وفتح آلبـآب ، توجه للشبرية ع بتآله طـآيحه وتصــيح ، شـآفهـآ رآقده فـ حظظن نـآصر ابتسم ، هـو يدري ان يمكن يكون موجود هالوقت لـأنه يعرف وقت ردته ، شغل الهم المكيف وبند آللــيت وسكر آلـبـآب وططلع "


.


.


.


.


.




آنتههههههى آلبــآرت ..

آلبــــــــــــآرت آلثـــــ 40 ــــــآني .،
أهوآك لو تنسد بـــيبـآن يا بلسم جروحي ودواهـــــــــآ
أرحــم ولي عــين بــآت سهــرآن روحه الشقيه لك عطـآهـآ
.
.
.
يـوم آلسبــت ..
آلسـآعه 9 ..
أبـوظبي ..
بــيت بـومنصــور ..
" دخلــوآ ومـآ لقـوآ حد فـ آلصـآلـه غير آلشغـآله ، أمرهـآ تيب شنطهم من آلسيـآرة ودخلوآ قسمهم "
منصـور : مـآعلـيه حيـآتي هونيها وتهون ، سيري تسبحي وطيحي ارتـآحي ..
عليـآ " تعلق عبـآتهـآ " : إن شـآء الله .. " شلت ثيـآبهـآ وتسبحت ويلست ع آلغنفة "
منصـور : ارقدي لين الظهر وبنسير صوبهم ..
عليـآ : مـآ يصــير ارقـد ومـآ سلمت على أهلك ..
منصور " يبتسم " : يَ قلبي .. أنزيــن ترييني بتسبح وبنتريق وبنسير صوبهم ..
عليـآ : اوك ..
" دخل الحمام يتسبح ، يلست هي جدام المستوالـيت وحطت جلوس وبلشر خفيف ويـآبت آلشغـآله الريـوق وعدلته ، طلع منصور من الحمـآم وتريقـوآ "
.
.
.
آلعـــين ..
بــيت بـومحمــد ..
حجرة روضـة ..
"~ نشيت وأنا أسمع صوت خفيف .. وما أشوف غير رآس روضه المنخش تحت اللحاف ويـآلسه تصيح بصوت خفيف .. ~"
ناصر " ييلس ويلتفت صوبهـآ " : خلاص يا روضه مقدر ولازم يصير ! لين متى بتمـين تصيحين ؟!
روضه " تخوز اللحاف وتطالعني وبريق الحزن اللي في عيونها عذبني" : أنا ، أنا من الحين مشتاقتلها عيل هالسنين إلي بتمر شؤ ؟!
ناصر : عسى أن تكرهو شيئا وهو خيرا لكم ..
روضه " عقدت حيـآتهـآ " : يعني شؤ ! يعني موت أميه خير ! ناصر انت شؤ تقول هااي أمييييه !
ناصر " مـآ قصصددت جي ! وبعدين عمتيه الله يرحمها توفت وهي ساجده تعرفين شؤ يعني ساجده ! خلـآص أنسي لين متى بتصيحين !
روضه : ولو هاي أميه ولازم بصيح وبشتاقلها مب أني بسكت من ثاني يوم أو إلي عقبه !
ناصر : مـآقلت شئ بس لين متى بتصيحين ..؟! " جرب منهـآ ومد إيده ومسك ويهـآ ومسح دموعهـآ "
روضه " تطـآلع تحت " : .........
ناصر : أنا وياج مابتحسين بالقصور أن شاء الله ..
روضه : أنـآ مـآ أقدر أمشي على حسب تقلبات مزاجك ..
نـآصر : شسوي إذآ أنـآ إنسـآن مزآجي !
روضة " طـآحت دمعتهـآ وخوزت إيده عن ويهها والتفتت للصوب آلثـآني "
ناصر : عطيني فرصه ياروضه عطي لحياتنا فرصه ..
روضه : اعتقد من وقت نتكلم في هالموضوع !
نـآصر : تبــين امج !
روضة " عقدت حواجبهـآ وطـآلعته "
نـآصر : أمج بإذن الله بتدخل آلجنه ، إذآ تبين تلـآقـينهـآ بـآلجنة طيعي ريلج وحققي أمـآنيه .. " قـآم عن آلشبرية ودخل آلحمـآم "
روضة " غمضت عينهـآ بقـو وقـآلت فـ خـآطرهـآ : كيف يـومي بلـآ الضرآبه ويـآك ! قولي كيف ! يمككن أكــون أحبك ويمككن لـآء ، أو يمكن أحبك بس مـآ أرضى على عمري أقـول ، ليــش يصير ويـآيـه جيــي ! " تطيح ع آلشبريه " يـآ الله يـآربي ترحمنـآ "
...
بعد مـآ طلع من الحمـآم ، لبس كندورته وشل فـونه ..
نـآصر : يوعـآن ..
روضة " توقف بتسير الحمـآم " : ســير تريق تحت ..
نـآصر : استحي ، خلصصي من الحمـآم بسرعه وببنزل ويـآج ..
روضة " دخلت الحمـآم ، خلصت وطلعت "
نـآصر " يطـآلعهـآ باستغراب " : ليش جي ويهج مصفر ..
روضة " بتعب " : مـآ أدري .. " فقدت توآزنهـآ وكانت بتطيح بس يـودهـآ نـآصر وحطها ع السرير "
نـآصر " بخوف " : بـشو تحسسين ..؟!
روضة " تغمض عيـونهـآ " : تعبـآنه ..
نـآصر : اقولج لـآ تصيحين وتضـآيجين بس ما تسمعين الرمسه ..
روضة : يعني اميه متوفيه مـآ تبـآني أصيح .. " وتمت تصيح "
نـآصر : يا الله يـآ روضة ، بتمين تصيحين ع كل شئ !
روضة " تصيح " : ............
نـآصر : بس من تصيحين بس عذبتي عمرج وعذبتيني ويـآج !
روضة " تصيح " : مب مجبور توآسيني ..
نـآصر : بس خلـآص سكتي وقـومي نتريق..
روضة : مـآ أبـآ ريـوق ..
نـآصر : وإذا قلت انج بتتريقين غصبن عنج ؟!
روضة " بدت تهدا " : بقــوم ..
نـآصر " قـومهـآ وسـآعدهـآ ونزلـوآ تحت ، سلم نـآصر على الموجودين وسـآروآ يتريقـون "
.
.
.
بــيت بــومنصــور ..
" قسم منصور "
منصور : يلـآ نسير صوبهم ؟!
عليـآ : يلـآ ..
منصور " يطـآلعهـآ "
عليـآ " ترفع رآسهـآ " : شو فيك ؟!
منصور : أحسسج حزينة !
عليـآ : منصور لـآ تذكرني ..
منصور : آسف ، يلـآ نطططلع ..
" طلعوا ولقوا فـ الصالة ام منصور وسلموآ عليهـآ "
ام منصور : جـآن قلتلنا يـآ ولديه انكم بتون عشان نعدللكم حجرتكم ونظفها ..
منصور : لـآ زيــنة لقينـآهـآ ..
ام منصور " ترمس عليا " : رمستيها امج ؟!
عليـآ : لـآ مـآ رمستهـآ ..
منصور : بنسير صوبهم بعدين مـآ بتسيرين ويـآنـآ ؟!
ام منصور : بـروحنـآ بنسير صوبهم ..
منصور : زيـــن ..
مهرة " نـآزلة من فـوق " : اوووه اووه تو مـآ نور آلبــيت .. " خاشمت منصور وسلمت على عليـآ " : يـآ حيـوآن جي مـآ قلتلي انك بتي عشان اسويلك استقبال حـآر ..؟!
منصور : آلوضــع مـآ يسمح ..
مهرة " سكتت يوم تذكرت ان ام محمد خالة عليـآ " : شخبـآرج عليوه ؟!
عليـآ : مـآشئ آلحـآل ؟!
مهرة : شو السفر ؟!
عليـآ : حححلو ..
.
.
.
بعد يوميــن ..
يوم الـأثنيــن ..
آلظهــر ..
آلعيــن ..
بــيت بـومحمــد ..
زآيـد : ألــو ..
نـآصر : أقـولك قول لـروضة بنرد بوظبـي خ تجهز ..
زآيـد : ليش ما ادقلهـآ بروحـك ..
نـآصر : تلفونهـآ مغلق ..
زآيـد : يلـآ انزيــن .. " سكر آلفـون ، التفت لـ روضة " : يقـولج ريلج آلمصـون تجهزي بتسيـرون بوظبـي ..
روضة " بملل " : أوك .. "عقب دقايق قـآمت وسـآرت حجرتهـآ "
. . .
قســم رآشـد ..
حمده : أبـآ أسيــر بوظبي ..
رآشد : تونـي رآد من الدوآم وتعبـآن مـآ أروم ..
حمده : انـزيــن بسيـر ويـآ نـآصر إذا يـآ يشل روضه ..
رآشـد : انـآ أبـآج ومـآبخلــيج تسيـريــن ..
حمده : أفففف ..
رآشـد : أفففف ..
حمده : لـآ تقلد ..
رآشـد : لـآ تقلديـن ..
حمده : رآشــد ..
رآشـد : حمده ..
حمده : بســير آلصـآله ..
رآشـد : سيري وسكري آلبـآب خليني أرقد ..
حمده : تــآمر ..
....
آلحـــوي ..
" ركبت آلسيـآرة "
روضة " بصوت خفيف " : أفففف ..
نـآصر " يحرك آلـسيـآرة " : شئ مب عـآيبنج آلشــيخه ؟!
روضة " بجرأة " : ملــيت منك ..
نـآصر " يطـآلعهـآ " : والله !
روضة : هههـي ..
نـآصر : أوك بخليــج تنســيين ويهههي وتشتـآقيلي..
روضة : أف أف أف ..
نـآصر : جب لـآ ييج كف ..
روضة " بتحدي " : تسسويهـآ ؟!
نـآصر : هـــي ..
روضة : أول مـآ نوصل آلبــيت عطني كــف إذآ انته ريـآل ..
نـآصر : تغـآمريـن بعمرج أشــوف ..
روضة : بتسـويهـآ ولـآ ..؟!
نـآصر " يبتسم بخبث " : بسـويهـآ وبسـوي أمهـآ بعد ..
روضة : بنشـــوف ..
. . .
بعد سـآعه إلـآ ربــع ..
وصلـوآ ووقـف آلسيـآرة ..
روضة " تلتفت لـه " : يلـآ جـآهزة انـآ ..
نـآصر : أوك .. " يلتفت لهـآ ، مد إيده وحطهـآ ع خدهـآ بـرقة مررهـآ لين تحت حلجهـآ ومسك ذقنهـآ مد إيده آلثـآنيه وخوز وقـآيتهـآ ، ابتسم وجرب منهـآ بـآسهـآ تحـت اذنهـآ وخـآز عنهـآ ، طـآلعهـآ وابتسم "
روضة " مغمضة عينهـآ بقـو كـآنت تتحرآه بيصفعهـآ ، فتحت عينهـآ بالتدريج وشـآفته كـآن يبتسم لهـآ ، لفت ويهـآ وشلت شنطتهـآ ونزلت وتمت تمشي بسرعه " : آآآآخ ويهي ، مـآيـوز عن حركـآته ! أفففففف .. " فتحت آلبـآب ودخلـت سلمت على عمتهـآ وسـآرت حجرتهـآ "
. . . .
نــآصر " مبتسـم " : آخخ أسميـني مشتـآقلهـآ هـآلـأنسـآنة .. بـس مـآ ألقى منهـآ شئ يفرح خـآطريه ، صبر جميل والله المستعـآن " حرك سيـآرته وطلع "
.
.
.
أبــوظبــي ..
بــيت بـومنصــور ..
حجرة فطـآمي ..
" ميوده كذآ شئ بإيدهـآ " : بسسود عيشتـك يـآ منصـور وبتشـوف .. " تطـآلع الـأشيـآء " هذآ آليـوم وهذآ عقب يـوميين ، العطر وكريم الـأسـآس ويـآ بعضض .. أسمــيني بنتقم " حطت الـأغراض بكيس وفرتهـآ تحت شبريتهـآ وشلت الورقـة ونزلـت تحت "
. . .
قســم منصـور ..
منصـور : حيــآتي مـآ تبينـآ نطلع ..؟!
عليـآ " تبتسم " : ع كــيفك ..
منصــور : يلـآ قـومي تلبسي .. " لبس كندورته وشل سفرته
عليـآ : أنزيــن قول لـ مهرة جـآن تبـآ تظهـر ويـآنـآ ..
منصـور : بقوللهـآ ، مـآ ترتـآح مـآ تخرب ..
عليـآ : حــرآم علـــيك ..
منصـور : ههههههه استهبل ، خلصي لين أقوللهـآ .. " طلع "
عليـآ " تبتسم " : يَ قلبـي كيـف حنـون هـآلـأنســآن .. " لبسـت عبـآتهـآ وشيلتهـآ وشلت شنطتهـآ وفـونهـآ وغشـوتهـآ وطلعت "
. . .
بعد مـآ سـآروآ ومـآتم حد فـ آلبـيت غير ام منصـور وكـآنت رآقده فحجرتهـآ ، مشت فطـآمي شوي شوي ودخلـت قسمهم ، تلفتت فـ آلصـآله آلصغيـرونه ومـآ لقت شئ يثـير الـأهتمـآم ، دخلت الحجرة ويلسـت تتلفـت ، نزلت رآسهـآ تحت آلشبريه ولقت صندوق اخضــر ، شلته ويلست تشـوف شـوفيـه ، ابتسمت بخبث وحطت آلورقه الحمرآ اللي كـآنت بإيدهـآ فـوق آلورق كله يعني اول ورقه ، سكرت آلصندوق وحطته تحت آلشبريـه بس خلت جزأ منه طـآلع عشـآن تنتبه عليه عليـآ ، صفقت بخفه وابتسمت بانتصـآر ، وركضت برع آلقسـم وسـآرت حجرتهـآ
.
.
.
آلســآعه 12:30 آلفليــل ..
بــيت بـونــآصر ..
" حجرة نـآصر "
" وآقفـه جدآم آلدريشة وتطـآلع برع " : أفففف هـآ شو يسوي لــين ألحــين مـآ يـآ ! غيـآض آلسـآلفه يعني ..؟! " سحبت الكرسي ويلسـت عليه وتمت تطـآلع برع ، بعد نص سـآعه دخلت سيـآرة نـآصر وقفهـآ فـ الحوي ونزل وكان يمشي ببطئ ، استغربت من حـآلته ، يلست فـ الصاله تتريـآه يدخل ، دخل وسيدآ سـآر ع الحجرة وطاح ع الارض حذآل الشبريه ، خـآفت روضة عليه وسـآرت صوبه "
روضه : نــاصر شوفيك ؟؟؟!
ناصر " يغمض عيونه بقو " : تـعععــــ ـعــبـان ..
روضة " حطت ايدهـآ ع يبهته " : حــآر ! فيك حمى ، ازقر حامد يوديك المستشفى؟!
ناصر : لا مايحتاي يبيلي بندول بس ..
روضه : من وين ؟!
ناصر " عصب " : انتي غبية شـو ؟! دوري في اي مكان بسرعة خلصـيني ..
روضة : انـزيـن لـآ تصـآرخ .. " قـآمت ادور في التواليت والكبتات واخر شي لقت في الكـآميدينو وعقب يـآبت دبة المـآي وعطته إيـآه "
ناصر : كيف يعنـي تبيني اشرب وانا طايح ؟!
روضه " فـ خـآطرهـآ " : اففف .. وحتى وهـو مريض جي ! "حطت البندول والماي على الكمدينو وحاولت تقومه " : أف ثجــيل ..
نـآصر : تحركي أول عشـآن أسـآعدج أنـآ ..
" حـآولت تقومه ، بسسس طـآحت على ذرآعه اللي كـآن فـآردنهـآ ، ابتسم هو وانجلب صوبهـآ وحـآوطهـآ بإيده "
روضة : نـآصر لـو سمحــت ..
نـآصر : أششششش ..
روضة " تحاول تتهرب " : مـآ تبـآ آلـدوآ ..؟!
نـآصر : كل شئ يهـون فـ سبـيل قربج ..
روضة : ن ن نـآصر لـو سمحت قـوم ..
نـآصر : شبتـسوين لو مـآ قمتت ..
روضة : بصصـآرخ ..
نـآصر :ههه عـآدي محد بيقـول شئ ..
روضة : بضربك ع رآسك ..
نـآصر : ضربـآتج مـآ تعور ..
روضة : بعععض خدك ..
نـآصر " يفتح عيـونه " : حلـآآآآآآآتـه ..
روضة " انحرجت " : نـآصر قــــــووووووووم ..
نـآصر : بنرقد هنيييه عندج مـآنع ..
روضة : هيييي ..
نـآصر " يغمض عيـونه " : ممكن أرقد ..؟!
روضة " معصبة " : انخمممد خمدت عليك شيرة ..
نـآصر " ابتسم وسكت "
روضة " تمت طـآيحه تتريـآه يرقـد ، عقـب دقـآيق حسست إيييده حــآره ، قـآمت شوي شوي ومدت إيدهـآ ليبهتهـآ ، قـآمت ويـآبت مـآي بـآرد وسوتله كمادات "
. . .
نـآصر " يخوز إيدهـآ " : بس هلكتيني من الماي البـآرد ..
روضة " توقف " : بتـوفر .. " حطت الكمادات فـ آلصـآله وردت الحجرة "
نـآصر " قـآم وطـآح ع آلشبرية وتلحف " : بـرد بندي المكيــف ..
روضة : قلنـآ مريـض مـآ قلنـآ ادلع ..
نـآصر : اشـوف لسـآنج طولـآن ، سوي اللي أقـوله وانطبي ..
روضة " حـآست بـوزهـآ وبندت المكيف وطـآحـت ع آلشبريـه وانسدحت ع طرف ويلست تطـآلعه ، كـآن منسدح ومغمض عيـونه ، تمت تطـآلعه ولـأنه ظلـآم فـ نص ملـآمحه بـآينه ، وتقـول فـخـآطرهـآ " : مستحــيل هذآ يكـون نـآصر آللي كنت أكرهه ! ما كنت افكر فـ يوم اكتشف شخصيته ولـآ اعرف اي شئ عنه ، أحسني مـآقمت أكرهـه ، شععوري تغـير ، قبل كنـت أقـآومه وما أخليه حتى يلمسني والحــين عـآدي عندي ، يعني بديــت أحبه ! أو أني أحبه أصلـاً .. " شهقت بصوت خفيف وحططت إيدهـآ ع حلجهـآ ويلست تطـآلع حوآليهـآ " حمدالله مححد سمعني ، ولـآ كرآمتيه بتـروح فيهـآ ..
. . . . .
آلصبـــح ..
" ~ نشيت الساعه 10 إلـآ ربـع اطمن على ناصرشفته ناش ~"
: صباح الخير ..
ناصر : صباح النور ..
روضه : غريبه ناش !
ناصر : احس أني متكسر ومنهد حيلي ماروم أقوم ..
" قـآمت روضه ودخلـت الحمـآم ولبستلها مخورة وردية وبنفسجيه ، عدلـت شعرهـآ ورفعت قصتهـآ ، تجحلت وحطت قلوس وردي وبلـآشر خفيف ، لبسـت شيلتهـآ الصفـوة وتعطرت وشلت فـونهـآ والتفتت لـ نـآصر اللي كـآن نـآزل من آلـشبرية "
روضـة : أنا بنزل عند عموه تحت ..
نـآصر " يدخل الحمام " : بلحققج ..
" ~ سكرت الباب وأنا نازله ع الدري سمعت صوت مب غريــب عليه ، أظــن خالوه أم شيخه موجوده وأكــيد شيخـه ويـآهـآ ، دخلت آلصـآله وسلمــت "
روضه : السلام عليكم ..
الكل : وعليك السلام ..
روضـة : صبحكم الله بالخير ..
الكل : صبحج الله بآلنور وآلـسرور ..
روضه " تنزل تحب رأس عمتها " : شحالج عمتيه عساج طيبه ..؟!
أم ناصر : ألحمدالله الغاليه ..
روضه " تسلم على أم شيخه وشيخه " : شحالج خالـوه شحالج شيخه ..؟!
أم شيخه وشيخه : بخير ألحمدالله ..
أم ناصر : تريقي بنيتيه ..
روضه " تـيلس ع آلـغنفه " : ماشتهي عموه ..
شيخة " تطـآلعهـآ بطرف عين وتقول فـ خـآطرهـآ " : خيبـه محلـآتهـآ ، بس أكــيد أنـآ احلـآ منهـآ ، شكلهـآ حــآمل ! كيف بتحمـل وهـي ونـآصر مـآ يحبـون بعض ، في إن فـ آلسـآلفه ..
" خمس دقائق من السـوآلف إلا بـ دخلة حامد البيت "
حامد : السلام عليكم ..
الكل : وعليكم السلام ..
حامد " يسلم على عمته " : اشوفه منور البيت اليوم ..
أم شيخه : النور نورك ولديه ..
حامد " يصد صوب روضه وشيخه " : شحالكن بنات ..؟!
شيخه : بخير ربي يسلمك من الشر .. " فخـآطرهـآ : شهالسلـآم آلبـآرد ! مب جنـي حرمتـه ! "
روضه: الحمدالله ومن صوبك ..؟!
حامد: بخيير يـآ أم سعود ..
روضه : هههه بعدنا طريج ..
حامد : نستسبق الأحداث أبـآ استوي عم بسرعه ههههه ..
روضه ؛ هههههه الله أيـسر الـأمور ..
الكل : آمـــين ..
شيخه " فخاطرها : ألحــين تـأكـدت حـآمل هـآ ! ، و آلقهــر يلس عدالها ولاجني حرمته وموجوده ، الغلط مني ما أسأله ولـآ أتوآصـل ويـآه ، ألحــين هـآلـ**** تتصرف أحسن عني قطع ، أففف "
حامد : شو حاله ناصر ؟!
أم ناصر : فديتـه شفته تعبـآن يـوم سـآر يصلي الفجــر ، شخبـآره ألحــين ..؟!
روضه : بخير آلحمدالله لقيـته ناش يقول منهد حيله ..
شيخه : جان يلستي وياه فوق ربج يبا شيء ..!
روضه : مـآ دريـ أنكم هني ومـآ بغـيت أخلي عمتيـه بـرويحـآتهـآ ..
أم ناصر : مـآ تقصرين الـغـآليـه ..
" وشوي نازل ناصر وهو لابس جلابية نـوم "
ناصر : صباح النور " يـلس عدال آلغنفه آللي يـآلسه عليهـآ روضة "
الكل : صباح الخير ..
حامد : سلامات ها شو حالك ..؟!
ناصر : عـآيشش .. " يصد صوب روضه " اليوم مب مراجعتج قومي بوديج ؟!
روضه : لـآ بـآجـر بـآجر ..
ناصر : شو اليوم هو ..؟! أمم لـآ لـآ اليووم أذكر ..
روضه : ما تروم برأيك عادي بإجر بتصـل للـدكتـوره وبـقو..
ناصر " يقـآطعهـآ " : لـآ لـآ قوميي يالله ..
أم ناصر : برأيه ولديه وين ترووم انته ! ماعليه بوديها أنا ويا الدريول ..
ناصر : شـ له دريول أنا موجود ..
روضه : ما عليه ناصر برأيه ..
ناصر : كيفج أنا قلتلج هب تقولين عقب شي ..
روضه " انحرجت ونزلت رآسها وفي خاطرها : يزاتي مابا أعبل عليك ! "
" ضحكت شيخه بصوت خفيف والكل صد صوبها "
روضه " طـآلعتهـآ وقامت بتسير فوق "
ناصر " يودها من أيدها " : علـى ويــن ؟!
روضه : فوق بريح ..
ناصر : شليني وياج .. " يود أيدها وسارو’ فوق "
" أول مآ وصلوآ سكر ناصر الباب "
ناصر : شـوفيج ..
روضة " تحـآول تبتسم " : مـآ فـيني شئ ..
نـآصر : ما كان قصدي أحرجج ..
روضه : هـه دايم تحرجني اصلـاً ..
ناصر : ششسـوي قهرتيني أنتي وأمايه ..
روضه : يزاتي ابا راحتك .. ؟! بنت خالـك ماتصدق بعد شسويتلها أنا ..؟!
ناصر : هاي طبعها جي طبيها عنج " شاف دمعه فعيـونهـآ "
ناصر : فديـ الحسـآسيـن أنـآ ، ماكان قصدي عـآد ..
روضه " تبتسم " : عـآدي ..
نـآصر : يعني حرمتيـه واللي فـ بطنج ولديـه يعني غصبـن عليه أوديج حتى لـو مريض ..
روضة : ............
نـآصـر " تقــرب وبـآس خدهـآ " : يلـآ لبسـي عبـآتج بنسـير ..
روضة " تحـآول تنسى " : بس ع شـرط يوم أخبص مرآجعه تسـير تـآخذ دوآ ..
نـآصر " يبتسم ع اهتمـآمهـآ " : تـآمرين ..
.
.
.
آليـــوم آلثــآني ..
آلصصبــح ..
بــيت بـونـآصر ..
آلصــآله ..
حـآمد : أميييه ..
ام نـآصر : آمـــر ..
حـآمـد : أبـآ أعرس ..
ام نـآصر : وآبـوي عليك أنـآ ! أحــين حرمة عمك مـآصـآرلهـآ اسبـوع متـوفية وبتعرس حـآظرتك ! لـآ أنتـه مب حــآمد آللي أعرفـه ..
حـآمد : أنــزيــن صبري ، لـآ عرس ولـآ شئ ، بييبهـآ آلبــيت هنـآ هي وزهـآبهـآ ..
ام نـآصر : يـآلله علــيك اكيــد هي تبـآ تسـوي عرس وحـآله ..
حـآمد : شدرآج يمككن تـي جي !
ام نـآصر : تبـآ تفشلني جدآم آلعرب !
حـآمد : أنـآ اللي بعرس وخ يرمسـون هـآلعــرب آللي تقـولــين عنهـم ..
ام نـآصر : مـآ يخصنـي فـ شـئ سو آللـي بتســويـه ..
حـآمد " شـل فـونه واتصل لـأخـو شيخـه "
...
: مرحبـآ آلسـآع بـآلنســيب ..
حـآمد : مرحبتــين .. شحـآلك ؟!
: بخير ونعمه شحـآلك أنته !
حـآمد : يسرك آلحـآل .. أقـولك ..
: آمــر ..
حـآمد : مـآ يـآمر عليك ظـآلم ، بس بغيــت رقـم شيخـه إذآ ماعنـدك مـآنع ..
: أبــدن ، سجل 050 - *********
حـآمد : مشكـور ..
: آلعفــو ..
حـآمد : يلـآ برآيـك .. " سكـر "
. . .
آلظهـــر ..
بــيت بـومنصــور ..
" قسم منصــور "
عليـآ : ألـو ..
منصـور : حيـآتي أبـآ خدمه سريعه ..
عليـآ " تبتسم " : آمـــر ..
منصــور : بتلقــين بـوكس أخضـر فيه ظرف بني بتلقــ ...
عليـآ : ويــت ويــت شوي شوي احين بدخل الحجرة ، البوكس وين ؟!
منصور : أظــن تحت آلشبرية ..
عليـآ : كمل ..
منصور : بتلقين فيه ظرف بني وفـ الظرف ورقة فـوق مكتـوب هيئة ********** ..
عليـآ " فتحت البوكس ، لقـت ورقة حمرآ يـآهـآ فضول تفتحهـآ ، حطتهـآ ع طـرف وطلعت الظرف آلبنـي والورقة " : انزين شو تبـآ فيهـآ ..؟!
منصـور : بتلقين نهاية الورقة رقم اتصالات قوللي إيـآه ..
عليـآ : اوك ، 050-******* ..
منصور : خلـآص مشكورة ..
عليـآ : آلـعفــو ..
منصـور : بخلص شغليه وبنطلع اتجهزي ..
عليـآ : تـآمر ..
منصـور : بـآي .. " سكر "
عليـآ " حطت آلفـون ع طرف وفتحت الورقة الحمرآ ، كـآنت كلهـآ أشععـآر وقلوب وكلـآم حب وتحت مكتوب : من شـوق لـ منصــور ، فتحت عيـونهـآ ع وسعهـن وحطت إيدهـآ ع حلجهـآ تمنع شهقتهـآ " : منصـور رآعــي بنـآت !! كيف يعني جي ! رسـآيل وحـآله ! وكلـآم حب ! أكيد شئ أورآق ثـآنيه هذآ إذآ مـآ كـآنت هدآيـآ وسـآلفه ، " دمـوعهـآ فـعيـونهـآ " مـآ توقعتـك جـي يـآ منصـور ابداً .. " قـآمت وتمت تدور فـ الحجرة ومـآخلت بـوكس ولـآ ظرف إلـآ فتحته بس مـآ لقت شئ وآخر شئ طـآحت ع آلشبرية وتنهدت "
: أففففـف مـآ لقــيت شـئ ! " بحــيرة " إذآ كـآن يحبهـآ ليش مب محتفظ بـشئ إذآ كـآن شئ بينهــم يمكـن عندهـآ بـآقي الـأورآق أو انه يكون منصور وآحد من ربع منصور ولـآ بـآقي الذكريـآت فـ سيـآرته ، أففففف أحسس مخي وقققـف ! يـآ رب مـآ يكـون بينـه وبينـهـآ علـآقة تـونـآ مـآ كملنـآ أول شهــر ..
...
حجــرة فطـآمي ..
" بفضول " : يـآ الله فــيني فضـول أبـآ أعــرف شـآفت الورقة ولـآ ! وشـو أستـوآ ، بعدج يـآ فطـآمي بتسـوين وآيـد والحـين انتي مسويه شئ وآححد وبـآآآقي وآيـــــــد .. " يــودت آلفــون وتمت تتصل " أفففـف لــيش بعد مـآ يــرد ، يمككن صـآيرلـه شئ ، لـآ بسم الله فـآل الله ولـآ فـآلي ..
.
.
: ههههههههه طـآع بــس حرقـت آلتلفـون ، يـآخــي رد وفكنـآ ..
عـآرف : والله مب متفيج لهـآ متى بنخلص هالشغله ونتقـآسم !
سـآلم : جريــــــب جريـــب ..
عـآرف : هـآلجريـــب ظنتي عقــب شهـر أو شهــريــن ..
سـآلم : ههههههه أصبــر يـآ ريـآل ومـآ بيستويبك شئ ..
عـآرف : صـآبر صـآبر ..
سـآلم " يـوقف " : قـم انســير مول من آلمـولـآت ..
عـآرف : مـآ فيني هـآلصـآيعه تشوفني ويخترب كل ششئ ..
سـآلم : لـآ بنســير دبي ..
عـآرف : مـآعنـدي فلــوس ..
سـآلم : ههههه ضضحككتني وهـآلـ**** اللي عدنـآ شو شغلتهن ! يعطنـآ فلوس ترآ ..
عـآرف " يـوقف " : يلـآ ..
.
.
.
.
انتتههههى آلبـآرت ..
آرآئكــم و انتقـآداتكم ..
آلسمموحـه ع آلقصور والتـأخير ..