|
فـ الصـاله .. سـارت فطـوم فوق عشـان تيب عباتها مفتوحه بس كلها فصم .. و شيلتهـا عشـان يتعشـون برع .. وحمـدان سيده لحقـها .. دشت الحجره و سارت صوب عبيهـا جان يدخل و يسـك البـاب .. فطـوم : منـووه ؟؟ .. لبست عبـاتهـا شافت حمـدان .. : هلا فديتك حمـدان : ياربيـه فطـوم حسي متـى العرس ؟ فطـوم : ههههه لا حول ,, شوفيييك ؟؟ اليوم مالجين قوم حمـود ,, ترا بنسوي عرس جماعي حمـدان : مالي خـص .. شهـر 9 فطـوم : لا حراام عليـك .. حمـدان : دخيلج فطـامي .. فطـوم سكتت تمت تفـكر : خلاص ماعليه بنشوف قوم سـاره .. حمـدان : فديتج والله .. يلا ننزل .. جـان ينزلون .. و تغشت فطـوم و يسيرون برع البيـت .. و يلست فطـوم بين مريوم و عليـوه .. يالسيـن يتعشون ,, و الاولاد ايولون .. مريوم : ماخبـررتج ,, آآخ يا قلـبي ارتـااح يا فطـوم .. ارتـاااح .. فطـوم : ههههه .. شو استوا .. مريوم : قالتها سالفة عزوز فطـوم : حلفــي !! مريوم : آآه يا فطـوم .. فذمتيه اني احبــه موت .. ولا مره وحده تشوفه و تزعـج : ياويل حالي شوفيييييييه طاعت غترته شعررره خبـاااااااااال .. ام مريـوم : ايييه انتي .. وين يالسه .. ام حمـدان : نواري خليـها البنيه متعذبه رفيعـه : هههه فمنـوه ؟؟ ام حمـدان : اوييه فـضحت البنيه حرام .. رفيـعه : لا لا عادي قولي .. ترا بعـد عيـالي روحهم متعذبيـن .. اخبـرج نواري .. ام مريـوم : هلا فديتج .. رفيـعه : الريـم و علايه مخطوبـااات ام مريـوم : لا فديتهم .. رفيعـه : عيـل حبينـا اناسبـكم ام حمـدان : كوكوكووكولييييييش .. و تشوف مريوم " هم فـ طاوله والبنـات فـ طاوله " ام خـالد : ويه فديتهم والله .. ماشالله عليـهم غاويـااات .. يستـاهلونهم والله .. ام مريـوم : هههههههه .. والله هالسـاعه المبـركه .. رفيعـه : هههه اليوم عبدالعزيز يقول .. الله يخليـج والله ابا مريوم .. تخبلت فيها !! ام مريـوم : ههههه فديته والله .. ام حمـدان : نواري فديتج .. عبدالعزيز و عمـر .. ريايل و النعـم فيـهم .... ماشالله عليـهم ام مريـوم : اعرف .. فديتهم والله .. ماعليه برمس عـلي .. رفيعـه : خيـر ان شاء الله .. ام حمـد : لا ماظنتــي علـي مايوافق .. ان شاء الله يكـونون من نصيبهم .. رفيـعه + ام حمـدان : آآمييين صوب البنـات فطـوم بصوت عـالي : حمـدااااان .. حمـدان : عيـووووني .. فطـوم : ابا ايـووول مريوم : حتـى انـااا .. عليـا : ويـااكم عـزوز + عمـر : هههههههههههه ,, هايل شو عرفهم حمـدان : مستخفـات يعرفن .. تعـالن .. سيده مـاصدقـو البنـات .. قـامو .. و فطـوم سارت تيـبس ويا يدهـا و عمهـا بو مريـوم بعيد عن عزوز و عمـور .. مريوم بدلـع : عبـدالعزيز .. عطنـييي سـلاحك .. عـزوز : اندوج .. عليـا : وانـا .. عمـر : يفدااااج .. خذيه .. سـارو ايـولون ويا ابوهم .. و صدق كـانو ربشه من الخـاطر .. فطـوم تشوف البنـات انهـم يستعدون عشـان يفرون " اولااااد ولاجنه لابسين فساتين و كعب ,, بس ما اقول غير الله يسـتر " حمـدان : تخسيــن لاتتخبليـن جان يتقرب صوبهـا و يصاصرها .. احشمـي عزوز و عمـور اهنيه فطـوم : هممم انزين .. انا مابفـر هزبوني .. يلاا مريوم وعليـوه فرو .. عليـوه ما فرت .. مريوم يوم فرت كان عزوز وراها بمسـافه شويه بعيـده .. الحبيبه ردت ريوس جان تتخرطف بالفستـان و طاحت ع عزوز .. مريوم فخاطرها : الله يغربل هالمواقف البايخه ياربيه وين اودي ويهييييه .. مريوم تحـاول تقـووم بس ماتروم .. بو مريـوم : اونج عـاد .. قومي قومي نشي فشلتيـنا .. مريوم : باباتي انزين انـا ثـو اثوي .. عليـا تقول حق فطـوم : هههههه مسكيـن حال عزوز تعذب اكيـد فطـوم : ههههه جب الله يغربلـج .. جـان يسيرون الريايل يتعشـون .. بس تمو الاولاد .. مريـوم : عورتك ؟ عزوز : هـاا .. لا لا بالعكـس .. أأأ قصدي لا ماعورتيني ولا شي .. انتي تعورتي ؟ مريـوم : هـاا لا ماشي .. ماتعورت عزوز : الحمـدالله .. وعقـب سـارو الاولاد يتعشـون .. و ليـين ما روحـو الكـل .. و ودعـوا بعض الحبـايب على امـل ان يشوفون بعض مره ثانيه و حال سـاره و حمـود .. ماتنوصـف .. كل دقيقه يلعـوزها وهيه طفرت .. و يـوم خلصـو .. كل واحد سـار غرفتـه يرتـاح .. سـاروه سيده رقدت كانت صدق تعبـانه .. اما فطـوم كانت تسبـح .. و مريوم و عليـوه .. يضاربون ع الحمـام كل وحده تبا تسبح قبل .. جان مريوم تنتصر لوول ,, اتسبـحت و خلصت جان تدخل عليـوه و تسبحت و يوم خلصـت تمت تسولف ويا مريوم .. عن عزوز و عمـر ,, مريوم : بتخبـرج .. بـلاها اليوم خـالوه تزغـرط ؟؟ عليـا : اميـييه تصدقيـن تميت افكـر ,, شعرفني فيـها .. مريوم : تخيلي اللي بالي بـالج عليـا : ياويلي فشله !! مريوم : ههههههههه .. |
فـ بيـت علي .. كـانو يالسيـن فـ الغرفه يشوفون التيلفزيون ,, ولا مره وحـده .. ام مريـوم : عـلااااوي فديتك .. شو رايك فـ عبدالعزيز و عمـر ؟؟ بو مريـوم : والله الصراحه رياييل ومافيهم حييله ,, والنعـم فيهم والله .. ليـش ام مريـوم : همم لا اليـوم رفيعـه تقولي ,, يبـون ينـاسبـونا .. بو مريـوم : صدق .. هالسـاااعه المبـاركه .. ام مريـوم : ههههه عبدالعزيز ولدهـا متخبـل فـ مريوم .. بو مريـوم : ههههههه ,, اليوم فشلتهـا الدبه .. ام مريـوم : هههه هيه شفتهـا .. حليلها ماكانت تدري .. بو مريـوم : هههه ,, خلاص ماعليه .. باجر برمسه .. وعقـب رقـدو .. عنـد البنـات .. دق دق دق مريوم : منـووه فطـوم : ام الغـمااازه مريوم : ههههه .. سيري فجي البـاب عليـا : هههههه .. سارت وفجت البـاب .. ها ام الغـمازه فطـوم : ملل حمـدان رقد .. بي عندكم مريوم : حيـااااج فطـوم : الله يحيييج .. جان تسير صوب مريوم و عليوه تقربت صوبهم مريوم : متــى بيستوي اللي فبـالييييه .. فطـوم : ياويل حالي عليــج .. اسكـتووو مريوم + عليـا : اشووه ؟ فطـوم : حمـدان يبـا يعرس شهر 9 .. مريوم تغمزلها : مستعيــل عليـا : هههه فطـوم : ان شاء الله يا مريوم عزوز يخطبــج مريوم من خاطرهـا وتصرخ .. ياويل حــاااليه .. آمين فطـوم : ههههه مستخفــه .. عليـا : هههههه اصـلا منزمـاان طالعه عليـج فطـوم : لا بسم الله عليـه .. انا خلاص عندي ريل ههههه هب شراااتكم بتعذبـااااات عليـا : فطـوم لاتقهرينـااا !! فطـوم : ماعليه ماعليه .. بييكم الدوور عليـا تشوف مريوم .. ومريوم نفس الشـي : هههه نتريـاه فطـوم : غربـلاااتكم .. بسير عنكـووو .. اشوفكـوو بكـراا عليـا : ايـوا ياخجي ( ياختي ) تصبحي ع خيير فطـوم : وانتو من اهلووو .. هههه بباي مريـوم : بـاي .. جان تطيح .. آآخ يا قلبي عزوووز شو يسووي ؟؟ عليـا حطت راسهـا ع جتف مريوم : هيه والله آآخ يا قلبي عمـور شو يسوي ؟؟ يفكـر فييـا مريـوم : وعزوز يفكـر فييا انا !! عليـا : الله يعلـم مريـوم : فديييييييييييييييييييييييته عليـا : جب انزين .. بسير ارقد .. تصبحي ع خيير مريـوم : وانتي من اهلـوووه ,, وانا بعـد .. سـارت وقفلت البـاب .. جـاان يرقـدون .. صـوب عزوز و عمـور .. عـزوز : لو يسـألوني عنـك شلي جرالي منـك عمـر : في حبنـا يا غـالي قلبـن العنـا هاونك عـزوز : هيييه والله .. قلبـن العنـا هاونك عمـر : ولا يوم يقـول عيضه .. تسهر عليك عيوني يارحتي و شجنوني و القلب بك مفتوني وانا صدق الوفـى معطنك عـزوز : هييييه صح لسـااان الشـاااعر .. عمـر : فديتهـا والله عسـل اليـوم .. نزلت الغشـوه بس خلت عيـونهـا .. عـزوز : ياحيــك .. حاولت اشوف ويهـا بس ماكان ينـبان عدل بس ملامحهـا .. هب وايد تبين بعـد عمـر : ياخي ما اروم اصبـر .. برمس اميـه باجر عـزوز : هيه والله حتـى انا .. عمـر : عيـل .. تصبح ع خير .. عـزوز : هههه وانته من اهله .. لاتنسـى احلـم فييا عمـر : ماشي شغل .. الحب ابكـرك من ويهك عـزوز : هههه خسك الله الصبـــح سـاعه 9 .. الجمعـه .. فـ الصـاله .. ام حمـدان و يا ام حمـد و ام خـالد .. و بو حمـدان برع ويا بو حمـد .. ترن ترن .. ترن ترن .. ترن ترن ام خـالد تشل التيلفـون .. ام خـالد : مرحب السـاااع .. بو مريـم : مرحبتيـن والله .. ام خـالد ام خـالد : هـلا ابويه .. علـي ؟؟ بومريـم : هيـه الغـاليه .. شحالج ؟ ام خـالد : يسرك الحـال .. ومن صوبك الغـالي ؟ بو مريـم : بخيـر ربي يعـافيج .. اتخبـرج الغـاليه .. بناتي واعيين ؟ ام خـالد : أأأ لا ماظنتـي لانه محـد يا صوبنـا بومريـم : انزين اذا ماعليج اماره خلي حد يوعيـهم و يتزهبـون .. و قوليلهم بمر عليهم بنسير المول نتريق .. ام خـالد : خـلاص ماعليه الغـالي انا بوعيهـم ,, بومريـم : تسلمين فديتج .. يلا عيل فداعة الله .. ام خـالد : وداعة الرحمـن .. ام حمـدان : من ع التيلفـون ؟ ام خـالد : هـا علـي ريل نوره .. قالي اوعي بناته بيمر عليهم بيسير يتريق وياهم فـ الفوول ام حمـد : اي فـوول انتي الثـانيه يسمونه النـول ام حمـدان : الله يهديكـم .. شو فول و نـول .. اسمـه مـووول ام خـالد + ام حمـد : هيه ها هوه .. انزيـن نحنا شو عرفـنا .. ام خـالد : انزين انا بسير اوعيـهم .. ام حمـدان : ههههههههههههههههههه مسكين حالكم وجـان تسير صوب البنـات وتدق البـاب كمن مره ومحد يرد ام خـالد : يا بنـااات .. مريـوم بتعب : افف منـوه ها جان تصد الصوب الثاني و تشوف السـاعه 9 ربع .. افففف شوها حد يوعي هالوكـت وقامت و سارت صوب البـاب : هـاااااااااا وتفج عيونها عدل و تشوف ام خـالد ام خـالد : وريـل مايشـوف .. شو بعـد هـاا مريـوم : يدتيـه ما اعرف حقج عليه .. آمري ام خـالد : صبـاح الخيـر اول مريـوم : صبـاح الورد و اليـاسمين .. آمري ام خـالد : مايامر عليـج عـدو ولا ظـاالم .. يلا فديتج سيري وعي اختج و تزهبـو .. ابوكم بيمر عليـكم جان تسير .. مريـوم باستغراب : بيمـر عليـنا شحقه !!! وسكرت البـاب و زعجت ع عليـوه : ايييه عليـوه قومي نشي بمـوت عليـا خافت من الخـاطر : هـاا شو مستوي .. مريـوم : هيهيهي ماشي قومي نشي .. انا بسير الحمـام .. ظهري لبس حقي و حقج .. ابويه بيمر عليـنا ودشت الحمـام .. عليـا : بيمر عليـنا !! خوزت اللحـاف و سارت صوب الحمـام وتزعـج : ليييييش ؟ مريـوم : شعرفني .. يلا طلعي ثيـااااب بيهزبنـا لو تاخرنـا .. عليـا : انزيـن .. |
جـان تسير صوب الكبـت .. و تشوفلهـا بنطلون بيج .. و قميص ايد قصيره + تنـوره بنـي .. طلعتلهـا حقها و حق اختهـا .. وزهبت البوت و الشنـط و العبـي و الشيـل .. و تتريـا الحسـنا تطلع من الحمـام .. و يوم طلعـت شافت عليوه مجابله الحمام و حاطه ريل ع ريـل .. عليـا : مال عمـك مايهـمك .. خلصتـي المـااي << تصرخ مريـوم تتمخطـر و تقهر عليـوه .. جان تي عليوه و اتدزهـا : كلـبه خوزي .. خست و سكت البـاب .. مريـوم : حمـاااره .. جـان تسير تسحي شعرهـا و لفته بـ توكه .. و تجحلت وحطت جحـال تحت عينها و سـارت لبست و زهبت عمـرها .. و عقب طلعت عليـا و سوت شرات مريـوم و لبست و خلصت و جان يسمعـون هرناات ورا بعض مريـوم : غربلات العـدو ها ابويه .. بسـرعه وين الشنطه مالي عليـوه تسكر سحاب بوتهـا : اكيه هنـاكي سيري شلي مالي وانا الحيـن يايه .. جان تطلع مريـوم و تشوف البشكـاره و رشود و ام حمـدان والباجين مستانسين يوم شافون و هوه شاق الحلـج مريـوم : السـلااام عليـكم و تفج الباب صوب الدري تبا تنزل ام حمـدان : وين وين .. بلاج جيه مستعيـله مريـوم : خـالوه ماتسمعيـن ابويه حاشر الدنيـا برمسج بعديـن .. طلعت عليـا تسكر الباب و تزعـج : اييييه تريييني .. و جان تنزل وياهـا وعقب نزلو تحـت و سـارو صوب السيـاره .. جان يركبـون .. ام مريـوم : عنبـو شو تسوون ؟ مريـوم + عليـا : السلام عليـكم .. ام مريـم + بو مريـم : و عليـكم السـلام بو مريـوم : فديتكم ليش تأخرتو ؟؟ مريـوم + عليـا : السموحه الغـالي .. وين نحنـا سايرين موعينا من صبـاح الله .. بو مريـوم : نتريق فـ المـول .. مريـوم + عليـا : اهـاااه .. اوكيـه .. وجـان يسيـر صـوب بوظـبي مـول ,, و عقب 10 دقايق يوم و صلـو .. نزلو و سـارو صوب استـار بوكس ,, و ام مريـوم و بو مريـوم يلسو و البنـات طلبـولهـم .. وعقـب يابولهم الطلبيـه .. تمـو يتريـقون .. بو مريـوم : بغيـت اخبـركم بشي .. مريوم + عليـا : خيـر ابويـه .. جـان يشربـون الكابجيـنو .. بو مريـوم : امس نواري .. رفيعه قالتلهـا شي .. مريوم + عليـا فاجييين عيونهم : خيــر !!!! ردو يشربون الكابجيـنو بو مريـوم : أأأ .. فديتكم عـاد انتـو كبـرتو .. و نبـا نفرح فيكم .. السـالفه و ومافيـها .. عبدالعزيـز و عمـر طالبيـن ايدكـم مريوم + عليـا من قال طالبيـن ايدكـم .. عليـا مسكت القـلاص و خلصته صوب شفافهـا و فاجه عينـها و مريوم يوم كانت تشرب و سمعت ابوها من الصدمه حرقت لسـانها هههه ... كـان حـار الكابجيـنو .. عليـا : هـااا !!! مريـوم شوييه و بتصيـح : آآخ يعـور ,, شو قلت ابويه ؟؟؟؟؟؟ ام مريـوم : هههههه حليلكم بو مريـوم : هههه شو ياكـم .. عبدالعزيـز و عمـر طالبيـن ايدكـم بـارت 31 مريوم + عليـا من قال طالبيـن ايدكـم .. عليـا مسكت القـلاص و خلصته صوب شفافهـا و فاجه عينـها و مريوم يوم كانت تشرب و سمعت ابوها من الصدمه حرقت لسـانها هههه ... كـان حـار الكابجيـنو .. عليـا : هـااا !!! مريـوم شوييه و بتصيـح : آآخ يعـور ,, شو قلت ابويه ؟؟؟؟؟؟ ام مريـوم : هههههه حليلكم بو مريـوم : هههه شو ياكـم .. عبدالعزيـز و عمـر طالبيـن ايدكـم عليـا + مريـوم من الصدمه شفـرو : هيـيه زيـن ردو يشربون الكابجيـنو .. و سرحـو .. بو مريـوم صرخ : ايييه انتـو .. عليـا + مريـوم حطو القلاص ع الطـاوله .. و كانو مخلصيـن من الريـوق .. حتى بو مريوم و ام مريوم : مـاااشي .. لاتصرخ نحنا فالموووول .. بو مريـوم : انزين شو قلتـو ؟ عليـا + مريـوم مره ثـانيه : هيـيه زيـن .. بو مريـوم عصب : اييييييه انتو شو هيه زيـن لا تخلوني اسيـر اقولهم موافقيـن .. عليـا : لا لالا شو ابويه موافقيـن .. لهدرجه تبـون الفكه منـا .. الله يسامحـكم = ( مريـوم : هييه يبـون الفكـه منـاا ام مريـوم : لا فديتكم والله .. بالعكـس نبـا نفرح فيـكم و نشوف عيـااالكم عليـا + مريـوم اونهم استحـو .. مريـوم : شو رايـكم نرد البيـــت ؟ ام مريـوم : هههههههههه عليـا : هيه ودونـا بيت بو حمـدان احسـن .. بو مريـوم : و ريايلـكم !! قصدي عبدالعزيز و عمـر مريـوم : ابويه بنفـكر و بنرد عليـك خبـر .. يلا قومو .. و جـان يطلعـون من المول و ام مريوم و بو مريـوم و جدام و عليـا و مريوم و را يالسين يتحرطـمون .. و عليـوه كانت شابكه ايدها باييد مريوم " نص الايد " مريـوم : تهقيـن من جيه خـالوه شيخه زغرطت ؟ عليـا : هـاا .. مادري كل شي جـائز مريـوم : شو بتقولين ؟؟ بترفضيـن عليـا بصوت واطي : خبله انتي .. انتي ارفضي انا هب مستعده مريـوم : تخـسين .. ايييه لازم نصلي صلاااة الاستخاره اليـوم !! عليـا : هيييه .. ماعليه ان شاء الله خيـر .. مريـوم : ان شاء الله .. وعقـب طلعـو من المـول بكبـره .. و سـارو بيت بو حمـدان .. صوب بيت بو حمـدان .. سـاره كانت طالعه من الحمـام .. غيرت ثيابهـا و سـارت الصـاله .. شافت فطـوم توها طالعه من الغرفـه .. سـاره : هـاا حوبي فطـوم : هـاا يا العروس .. سـاره : ههههههه ,, توج ناشه ؟ فطـوم : هيييييه .. سـاره : هيـــيييه .. طوفي نسير الصـاله .. فطـوم : يـلاا .. |
وعقـب سـارو الصـاله .. و سلـمو ع اللي موجود .. ام حمـدان : ها سارونه شحـاااالج ؟ سـاره : احـم .. رقيــص .. يسرج الحـال ام حـمد : ههههه لااازم ام خـالد : هيييه لازم ارتـااح القلـب الكـل : ههههههههههههههه فطـوم : همممم وين مريوم و عليـوه .. بعدهم رقـود .. ام حمـدان : لاااء .. طلعـو ويا اهلـهم .. سـاره + فطـوم : هـااا !! ويـن ؟ ام حمـدان : الفـول .. النـول .. ع قولت امايـه و عمتيـه الكـل ماعادا ام خـالد و ام حمـد : ههههههههههههههه ام خـالد : صدق انج ماتستحيـن ام حمـدان شهقـت : وييه ليـش عـاد امايـه .. حرام عليـج والله ام خـالد : تتمصخرين علينا .. بخبـر عليــج راشد ماعليه .. ام حمـدان : هههههههههههههه لا فديتكم خلاص آآسفه و سـارت و باستهم ع راسهم الكـل : ههههههههههههه ولا دقايـق جان يـدشون مريوم و عليـوه و سيده سلمـو و سـارو غرفتهم و هم يتحرطم .. فطـوم و سـاره استغربو .. وعقب يت ام مريـوم و سلمت ع الكـل و يلست .. ام حمـد : عيـل وين علـي ؟ ام مريـوم : تحـت ويا محمد و بو حمـد فطـوم نطت صوب ام مريوم و رمستهـا بصـوت خفيف : بتخبـرج بلاهن بنـاتج ؟ ام مريـوم : ههههه .. سيري اسأليهم .. فطـوم تشوف سـاره و سارت صوبها مطتها و سارو صوب البنـات .. ام خـالد : عنبـو بلاهن ؟؟ ام مريـوم : ههههههه .. ماشي خبرت علـي عن سالفة عيـال رفيعـه .. و اليوم الصبح سرنـا كلنا تريقنا فـ المول .. و قالهم و انصدمـو اشكالهن تضحك ام حمـدان : ههههه وييه واعليـه ... ام خـالد : لازم منـكر البنـات اونهم عـاد ام حمـد : هههههههههه .. حلييييلن يستحن صـوب غرفة البنـات فطـوم : كلولولولولييييييش سـاره : بالمبـــااارك .. مريوم : ايه صخـو .. بعدنـا ماردينـا جواااب سـاره تغمزلهـم : فذمتكـم ماتبـونهم ؟؟ مريـوم احمـرت هيه و عليـا ... عليـا + مريـوم : هـااا ؟؟ فطـوم : هههههههههههههه .. فديتكم والله .. مريـوم : اييه عاد والله ما اتخيـل كيف بشـوف عزووز عليـا : هيه والله فشلـه فطـوم : عـااادي مريـوم تفلعـها بالمخده : جب جب الله يخليج .. انتي ملجتي خـلااص فطـوم : هههههههههههههههههههههه سـاره : ويه الحمـدالله عدت ع خيـر .. هههه فطـوم : هيه والله .. بس انا يـومي كـاان غيـــيير .. احـم .. عليـا : الله يغربلكم لا تقهرونـا .. مريـوم : اطلعـووو بررررررررع .. سـاره + فطـوم : مـاااااابااا ولا تيهم فلعه بـ المخده ع ويوهم فطـوم : ههههههه .. حليلـكم .. انا بطلع بكرامتي .. مافيني بعد تيني ضربه ثـانيه سـاره : اييه .. و تيود ايدهـا .. وديني ويـاااج الكـل : ههههههههه .. فطـوم وهيه توها بتطلع : الله يعين عزوز و عمـور دام كل ماقالولكم شي بتضربونهم بالمخـده عليـا : لا حبييييبتي .. هاييل غيــر مريـوم : هيييه غيـر .. هاييل رياييلنـا فطـوم : طاعو انتو !! صدق انكم مستخفـاات .. و رضخت البـاب بالقـو .. بيـت رفيـعه .. عـزوز و عمـور يالسيـن يتريقـون .. و كانت رفيعه توهـا داشه البيـت .. كانت برع تقرا الجريده .. قامو التوأم يسلـمون عليهـا عـزوز : شحـااالج بعـد ؟؟ عمـر : و شخبـااارج بعـد ؟ رفيعـه : انتـو شوبلاكم اليـوم ؟ عـزوز : اميــه .. ابا اعرس عمـر : هيه انا بعـد .. مليـت ابا حـد يدلعنـي عـزوز : هههههههههه .. وانا بعـد .. فديتها والله مريـووووووم .. ما اتخيلـها تكـوون حق غيري والله يا امايه ان حد خذاها لايكـون آخــر يوم فحيـاااته !! رفيـعه : ايييه .. شو هالرمسـه .. انا رمست امهـا و بترد عليـه خبر بعديـن عـزوز و عمـر مسكـو ايد امهم بالقـو : حلــفي !! رفيعـه : شو يعني اجذب عليـكم !! عـزوز : يا ويل حـاااليه انا عمـر : ان شاء الله يوافقـووون .. ان شاء الله يوافقـوووووووون عـزوز + رفيعـه : آآمين .. |
صـوب بيت بو حمـدان .. فطـوم : هيه صـح .. حمـدان يبـا العرس يكـون شـهر 9 .. وتحيس البـوز ام خـالد : وجيه تحيسين هالبـوز .. ماعليه بعلمـه فطـوم : يدتيه الله يخليـج ,, الا انا اسوي سوالف !! ام مريـوم : شهـر 9 .. ياويلي ,, مستعيـل الاخ يبـا يخطفج بسرعه سـاره : ويه الحمـدالله انا ماقالي شي لين الحين حمود فطـوم : هه هه هه الله يخليج نسيتي انه عرس جمـاعي .. يعني شهـر 9 بيكـون عرسـنا سـاره : اشووووه .. لا لا ما اريـد ما بنلحـق ام حمـد : شو بعد مابتحلقون .. ابتـدو من الحيـن .. ام حمـدان : ماعليه فديتكم .. رفيعه ماشالله عليها تعرف عن هالاشيـاء .. الصالون و الفساتين و الكـوشـات .. وهالسوالف فطـوم : عيـل اتصلـي فيها انا برمسـها .. ام حمـدان : ههههه ان شاء الله .. جان تاخذ التيلفـون اللاسلكـي و تتصل ع بيـت رفيـعه .. و تعطي التيلفون فطـوم .. وهيه سـارت بعيـد عنهم عشـان تاخذ راحتهـا فالرمسه و عشان تسمعهـا .. فـ بيت رفيـعه ترن ترن .. ترن ترن .. رفيعـه : يمــه عزوزي رد على التيلفـون .. عـزوز : ان شاء الله .. جان يسير صـوبه و يرد ع التيلفـون عـزوز : الـووو فطـوم : همم السـلام عليـكم عـزوز استغرب: وعليـكم السـلام فطـوم : عبدالعزيز ولا عمـر ؟؟ عـزوز : لا عبدالعزيز منـوه ؟ فطـوم : انا فطـيم .. هممم عبدالعزيز موجوده خالـوه رفيعـه ؟ عـزوز : هييه .. تريي شويه .. نزل السمـاعه : اميـــيييه ,, تعـالي فـاطمه ع الخـط .. رفيعـه وهيه تي صـوب التيلفـون و تاخذ السـماعه .. رفيعـه : هلا والله .. فطـوم : اهليـن والله .. شحـالج خـالوه ؟ رفيعـه : بخيـر ربيه يعافيج .. انتي شحـالج ؟ فطـوم : يسرج الحـال .. مشغـووله ؟ رفيعـه : لا ابـدن .. آآمري .. فطـوم : هممم خـالوه .. تعالي اليـوم بيتـنا .. اذا تقدريـن اباج تساعديني فـ تجهيزات العرس رفيعـه : من عيـوني والله .. بس ليـش متى العرس ؟!! فطـوم : الشيـخ حمـدان يقـول انه شهـر 9 رفيعـه : اهـااه .. همممم لا في وقت وايد .. وان شاء الله بنخلص بسـرعه فطـوم : انزين فديتج خـالوه .. قالتلي خـالو شيخه تعرفين حق هالسـوالف صح ولا ؟ رفيعـه : هيـه افا عليـج .. ههههه افكـار جهنميه عنديه فطـوم : ياويل حالي عليج والله .. عيـل تعالي اليـوم بيتنـا وبنظهر انا وانتي و سـاروه و مريوم و علايه رفيعـه : وين ؟ فطـوم : عشـااان نشوفلنـا فساتيـن !! و تجهيزات العرس رفيعـه : خلاص ماعليه .. بصـلي العصـر وبييكم .. فطـوم : فديتج والله .. بتنـورين .. ترا عرس جمـاعي .. رفيعـه : يــا ويل حـاليه .. لا الصراحه بيكـون يوم رقيــص فطـوم : ههههههههه .. خـالوه شو عن القاعات تراني ماعرف شي عن هالسـوالف رفيعـه : هممم .. اذا عرس جماعي .. سوو العرس فـ قصـر الامارات كشخه .. فطـوم : خلاص ماعليه .. الحين القـاعه و اخترناها .. و ..... رفيعه قطعت كلامها : خلي سـالفة القاعه عليـه انا .. انا بجهزلكم كل شي .. غرفتين صح فطـوم : هيييه .. لي و وحق سـاره ؟؟ رفيعـه : خـلاص من عيوني فديتج .. اليوم بيج و بنتفـاهم.. وان شاء الله كله يكـون ترتوب فطـوم : خلاص ماعليه فديتج .. تسلمين و ماتقصريـن .. نتعــب فـ عرس عيـاااااااالج رفيعه تشوف عزوز و تضحك : هههه .. فديتهم علايه و مريومه .. وينهم ما اسمع حسهم ؟؟ فطـوم : فـ الغرفه .. يتحرطمن رفيعـه : هههه وييه ليش ؟ فطـوم بصوت خفيف : تعرفين منكـر البنـات يوم حد يخطبهم .. رفيـعه : هههههههههههههه ,, فديت سوالفج والله .. الله يعينهم ترا في ناس يالسين ع راسي يبون يعرفون شو السـالفه فطـوم : قوليلهم ماوافقـو و اقهريهم شويه .. ولا قوليلهم محجوزين هههههه رفيعـه : خلاص ولايهمـج فطـوم : ههههه يلا عيل فديتج اشوفج العصر رفيعـه : ان شاء الله .. فداعة الله .. فطـوم : الله ويـاج ,, و تسكـر .. و سـارت زقرت سـاره و يت صوبها و قالتلهـا بالسالفه عـزوز : هـاااا بلاها ؟؟ |
| الساعة الآن 12:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir