تسلمونـ عـ المرور الغــــــــــــــــــــأويـ
راحـ انزل البارت الحين

البارت الثالث عشر



سلطان بعد مارمس امه حدر الحجره وكان معصب عـ الآخر لبس كندورته وشل السفره وخذ السويج وسار ركب سيارته وتحرك وكان يسوق بسرعه جنونيه وكل شوي يذكر رمسته ويا امه

سلطان : امييه ابا اخطب
ام احمد : هاي الساعه المباركه بس انت بعدك لين الحين ما اشتغلت وانا مابخلي بنت اختي تتلعوز ويا ولدي
سلطان : اميييه اي بنت اختج انشالله ؟
ام احمد : امل بعد منو ؟
سلطان : لالالا انا مابا امل
ام احمد : اشعنه بلاها امل بنت مشالله عليها ما عليها اي رمسه والكل يتمناها
سلطان : الا انا ما اتمناها
ام احمد : لا والله ليش ؟
سلطان : اميييه افهميني ما اباااهااا
ام احمد : عيل انسى شي اسمه الزواج
سلطان : شو ها من زين امل الحين ماباااها لو هي كانت آخر انسانه من على الوجود

ولا مره يدعم سلطان شاحنه وتنجلب السياره وتنقطع حبل افكاره
على طول نشت ساره وحمدت ربها ان كان ها حلم بس بنفس الوقت زااغت على سلطان
ساره تمت اتوعي ميره الي كانت راقده حذالها : ميييروووه نشيييي دخييييلج
ميره :..........
ساره : ميرووووووووووه بليييز نشيي الله يخليج
ميره : .................
جان مره وحده ساره اتصارخ بصوت عالي : ميييرووووووه
ميره بكسل : هااه هااه شو تبين ؟
ساره : ميروه سيري شوفي سلطان وين ؟
ميره : اففف انا متفيجتلج ؟ لو تبين انتي سيري ابا ارقد
ساره : ميروووه بليييييييز وغلاتي عندج
ميره : افف منج اوكي اتريي 5 دقايق
وجان اترد واتنام
ساره : ميييروووه نشــــــــي
ميره : اووهووو انزيين ( وطـــــــاف )
حرجت ساره وظهرت من حجرة ميره وشافت عبيد يالس فالصاله ، سارت سارة ويلست حذال عبيد
ساره : عبيد حبيبي وين سلطان ؟
عبيد : اممم مادري والله ليش ؟
ساره : هاا لا بس اسأل انزين سير شوفه فالحجره ولا
عبيد : اوكي
وسار عبيد صوب حجرة سلطان وحصلاه راقد وكان لابس وزار وفانيله ومبطل شعره سار عبيد صوبه
عبيد : عمــي عمي
سلطان بكسل : شــــوو
عبيد : عمي ساروه تباك
سلطان فز من مكانه : احلـــــف
عبيد : والله حتى هيه يالسه فالصاله حشرتني وين سلطان ووين سلطان افف
سلطان حب عبيد : فديتك والله انزين انا ببدل وبظهر بسررعه
عبيد : اوكي بس لاتتأخر
سلطان : انشالله الشيخ يلا انجلع
عبيد : انزيــــــن
وظهر عبيد من الحجرة سار سلطان الحمام وغسل ويه وتيدد وصلى وعقب بدل ثيابه ولبس سلطان برمودا بيجيه وقميص احمر وفيه رسومات بالبيجي ومشط شعره وتعطر وشاف عمره بالمنظره وكان شكله طــــــررر
على طول ظهر وشاف ساره يالسه روحها سار سلطان صوبها بس ساره ما انتبهت له لانها كانت سرحانه اتفكر فالحلم الي حلمته ، سلطان انتبه انها سرحانه سار من وراها جان مره وحده يصارخ ساره عاد نقزت من مكانها
سلطان تم يظحك عليها : هههههههه والله ان شكلج وانتي زايغه طررر
ساره : هااهااهاا مايظحك انزيين سخيــف
سلطان يلس عندها : افاا الحين انا السخيف ؟! خلاص زعلت
ساره : سلـــطون والله اتمصخر
سلطان : خلاص ماشي زعلت
ساره : سلــــــطون يلا عاد شو اسوي الحين عسب اراضيك ؟
سلطان وهو يأشر على خده : ابا بــــوسه
ساره دزته : سيـــــر لا طفس واحد ( ونشت من مكانها )
يودها سلطان من ايدها : تعالي وين سايره ؟ عبيد قالي انج تبيني
ساره انصدمت : انـــــــا !! ( وتمت ترمس شوي شوي ) ماعليه يا عبيد ان ماراويتك يا الدب
سلطان : بلاج تتحرطمين ؟!
ساره : هههه ماشي وبعدين ليش ميود ايدي
وجان اتحاول اتفج ايدها من ايد سلطان بس سلطان كان يرص على ايدها
ساره : سلطون خــــــــــلاص ودرني
سلطان : مـــــابا شو بتسوين ؟
ساره : بصـــــــــارخ
سلطان : هههههههه الكل راقد الحين محد بيسويلج سالفه
ساره وهيه منصدمه من اسلوب سلطان : ســـلطان ودرني ( وجان اتفج ايدها )
سلطان : ههههه هي اعصابج والله مابسوي شي انزين خبريني بلاج
ساره : خلاص مــــــاشي ( وصدت عسب اتسير )
جان سلطان يظهر مبايله وسوا عمره يتصل
سلطان : هلا والله بحياتي وقلبي .... شحالج ؟.... تمام من سمعت صوتج .... هيه فديتج .... اوكي اليوم بي .... لا حياتي لاتحاتين مابتأخر .... هيه فديتج نفس المكان .... باي
جان توقف ساره وتصد صوبه وتصارخ : سيــــــر سيــــــر لها يالخـــــــاين ( ولفت عسب اتكمل وتسير حجرة ميره )
سلطان وقف جدامها وتم يظحك عليها : هههههههههه فديـــت الي يغارون عليه يا ويييييل حالي والله احبــج وعمري ماراح اخونج والله اني كنت العوزج
ساره احمـــرت : افف قوم ابا اسير الحجره
سلطان : ساااروه حياتي والله اتمصخر
ساره ابتسمت : يعني مستحيــــل اتخوني وتخطب امل ؟
سلطان : اكيـــــــــــد الا وين ميروه مالها حس ؟
ساره : بااخه رقاد
سلطان : ههههههههه انزين بلاج اتقولينها بدون نفس ؟
ساره : ههههه بس جي
سلطان : فديـــــــت هالضحكه
ساره احمرت : بــــــس انزين
جان يحدر عبيد
عبيد : عمــــــي ابا اسير الشيشا ودني
سلطان : عبيد فديتك بعديــن
عبيد : متى بعدين ؟
سلطان : انشالله عقب لما ميروه بتنش بوديكم رباعه
عبيد : اوكــي ( ويصد صوب ساره ) ساروه رمستي سلطون
ساره : هههههه يالدب براويك بعدين ، الا تعال وين حصو ؟
عبيد : اميه راقده فديتها وفديت البيبي الي فـ بطنها
ساره : والله انك سوالف يلا عيل انا بسير حجرة ميره
سلطان : لا ويـــــــن تمي
ساره : مـــــــابااا ( وجان اتسير )
عقب يلس ويا سلطان وتموا يطالعون تلفزيون

فـ عين صوب خميس
خميس حدر البيت وحصل فاطمه وميثا يالسات فالصاله
خميس : السلام عليكم
ميثا + فاطمه : وعليكم السلام والرحمه
خميس : شحالكم ؟
فاطمه : والله تمام ومن صوبك ؟
خميس : الحمدالله ماشي الحال ، الا وين ميود ؟
فاطمه : اظني فالميلس ويا ربيعه حمدان
ميثا : ويا هالحمدان اففف بس بصراحه شكله طررر كله ولا شعره والله انه خباااااال
خميس يود ميثا من شعرها : ايه ايه انتي انزين احترميني على الاقل ماتشوفيني واقف وبعدين شو هاي الرمسه ؟
ميثا : اووه سووري والله نسيت
خميس : لا والله
ميثا : فطوم قلتلج ان عفاري ربيعتي بتي اليوم بيتنا ؟
فاطمه : حشرتيني كم مره بتقولين لي ؟
خميس : هههههههه ماتعارفين ميثو الخبله بعد
ميثا : فديتني والله
خميس : مـــــــالت
ميثا : عليك وعلى شكلك ( وتشرد شـرده محترمه )
سارت ميثا الصاله الي فوق جان يرن التلفون ردت ميثا
ميثا : ألوو
عفرا : هلا والله
ميثا : اهلين وسهلين
عفرا : شحالج ؟
ميثا : تمام شحالج انتي ؟
عفرا : الحمدالله على كل حال
ميثا : يالدبه متى بتيـــن ؟
عفرا : اتريي الحين الساعه 4 ونص انشالله عـ الساعه 5 ونص يايتنكم
ميثا : ولللل 5 ونص مره وحده تعاالي الساعه 5 يلا عـاد
عفرا : اوكي اوكي بشوف لو حبيب القلب بيبني ولا
ميثا : جــب جـــب انزيين
عفرا : هههههههه مشكله الي يستحون
ميثا : عفـــــاري وبعدين
عفرا : اعصابج يابنت
ميثا : يلا عيل جلبي ويهج
عفرا : هههه مالت يلا بااي
ميثا : ههه بااي

بندت ميثا عن عفرا وسارت وبدلت ثيابها ولبست مخوره برتقاليه ورفعت شعرها بتوكه برتقاليه ورسمت عيونها بالجحال وتعطرت وظهرت

عقب مر الوقت جان تصير الساعه 5 ونص يت عفرا بيت قوم ميثا ويلست وياها وكانوا واايد مستانسين سوالف وظحك ويلعبون شوي << اونه عاد .. هــع

( عفرا : ربيعه ميثا الروح بالروح وهيه وااايد وياها وهيه فـ سكولهم ، عفرا لا هي ظعيفه ولا متينه عادي وهيه حنطاويه وعيونها عسليات وشعرها اسود بس هيه صابغتنه غزالي بس طالع عليها روووعه .. )

وفـ ميلس
كان مايد يالس ويا ربيعه حمدان وكانوا يسولفون ويظحكون جان يقررون يسيرون المارينا يغازلون ويرقمون شوي

( حمدان : مثل ماقلتلكم هو ربيع مايد وايد وياه ، وهو اسمراني ومعضل يعني جسمه حلو وعيونه بنيه وشعره اسود شوي طويل وهو يشتغل فالشرطه بس مغازلجي)



ومريم كانت يالسه ترمس ام ظبيه عن تجهيزات الملجه وهالسوالف بالفون

فـ دبي ( دار الحي ) تحديدا فـ حجرة ميره
من حدرت حجرة ميره وهيه يالسه ملانه ماتدري شو تسوي قالت بتوعي ميروه لأنها تبا تسير البيت
ساره : ميــــرووووه نشي بسج رقاد
ميره بكسل : افـفف بلاج بعد ؟
ساره : ميروه نشي لااا ابا اسير البيت
ميره على طول فزت من مكانها : ســـاروووه تمي شوي شو وراج ؟
ساره : بسير اجهز اغراضي وبعدين انتي 24 راقده هب مسوتلي سالفه
ميره : خلاص خلاص مابرقد بتم وياج بس لاتسيرين
ساره : انا لله وانا اليه راجعون اقلج بسير اجهز اغراضي
ميره حرجت : اوكي اوكي برايج
ساره : هههه فديت المحرجين انا
ميره : جب جب لا ترمسيني
ساره : ميـــرووه بلا دلع
ميره ابتسمت : خلاص عادي فديتج
عقب ميره نشت وسارت الحمام وغسلت ويها وتيددت وبدلت وصلت العصر عقب رسمت عيونها وحطت مرطب شفاف وعقب ساروا ويلسوا فالصاله ويا سلطان وعبيد
ميره : غريبــــــه سلطون يالس فالبيت !! شو السالفه ؟
عبيد : عمي قالي بيودينا الشيشه
ميره : صـــــــدق !!.. لالالا ما اصدق الي يالس جدامي هو سلطون اخوي
سلطان : اوووه انتي بلاج من اول مايتي تتحرطمين ريحي لسانج شوي
الكل ماعدا ميره : ههههههههههههههه
ميره تظرب ساره : سكتي سكتي ماقال نكته عسب تظحكين
ساره : آآآآآآي يالدبه كسرتيني ، ميروه عطيني مبايلج بسير اتصل فـ رشود عسب اي وياخذني
ميره : سيري فالحجرة بتحصلين التلفون فالسده الأولى
ساره وتوها وبتصد
سلطان : انزين انا بوصلج
ساره : لا مشكــــــور تعبناك ويانا
سلطان : افــاا ليش ماسويت شي !!
ميره : هيه سلطون وصلها وبالمره انسير الشيشه
سلطان : اوكي يالله سيروا ولبسوا بســررعه
ساره + ميره : اوكـــــــي
ساروا البنات ولبسوا عبيهم ونزلوا تحت وسلطان كان لابس ، بس تعطر ومشط شعره ورداه كله عـ ورا وشل سويج السياره ونزل تحت وشغلها عسب تحر وعقب تحركوا اول شي وداهم الشيشه وخذوا 3 ريد بول و3 شيتوس الحار و 3 سنيكرز وحلاوه مصاص << ها حق سلطان وميره وساره
وعبيد خذا 2 عصير بالبرتقال و 1 كندر و1 مصاص و 2 جلكسي و3 جبس

وعقب سار صوب بيت عمه محمد ونزل ساره وتأكد انها حدرت البيت وردوا بيتهم

صوب ساره حدرت البيت وحصلت سيف فـ ويهها سلمت عليه وسارت فوق حطت اغراضها و عقت العباه وسارت صوب سيف
ساره : سيــفوو بـــلاك ؟ .. شكلك مايسر
سيف : آآآه يا ساروه شوتبيني اقول ؟
ساره : قـــول الي فـ خاطرك
سيف : ساروه بس بليــزز مابا هالرمسة توصل لحد
ساره : اوكـــــي
سيف : انا احب وحده اسمها حمده وهيه اكبر عني بسنه وهيه الحين مخلصه الجامعه
ساره : انزين انت اشقايل اتعرفت عليها
سيف قالها السالفه كلها
ساره : اممممم والله حالتك حاله ، خلاص خل رشود يملج ويفكنا عقب انا الي برمس امييه
راشد حدر عليهم
راشد : جنــي سمعت اسمي
سيف + ساره : هههههههههههههههه
ساره : انا مالي خص ها سيفوو
سيف : يا اللوتيه الحين انا طريته
وتموا يسولفون ويظحكون
عقب ساره استأذنت وسارت حجرتها عسب تحط اغراضها فالشنطه عسب تسير بيت خالتها روضه ( ام ظبيه )
وعقب عـ الساعه 6 سارت عند سيف وقالتله يوديها طبعا هو وصلها وسار
ساره من وصلت دقت الجرس عقب حدرت حصلت امها ويدتها هناك سلمت عـ الكل ويلست تسولف شوي وياهم عقب سارت عند ظبيه الي كانت فالحجرة ويالسه تزهب اغراضها
ساره : هلا والله بعروستنا
طبيه : ايــــه سكتي عني روحي بمـــوت
ساره : هههههههههه فديتج والله شحالج ؟
ظبيه : بخير ومب بخير
ساره : ههههههههههه ظبوي بلاج مشفره ؟
ظبيه : اييه لاتظحكين واايد تراج ماتحسين بالي احس فيه خلااص ولت ايام الاستقلال والراحه والحريه
ساره نقعت من الظحك : هههههههههههههههههههههه
ظبيه ظربتها على جتفها : سكتي الله يغربلج
ساره :ههههههههههه انزيين شحال يموع ؟
ظبيه : فدييته بخير
ساره : الله يخليكم لبعض ، انزين شو تجهيزاتج للملجه ؟
ظبيه : خلاص خلصت كل شي افف والله مابغيت
ساره : الحمدالله يالله هانت ماباقي شي باجر الملجه
ظبيه : ســـااروه انا زايغه خلاص مابا غيرت رايي
ساره : هههه الله يغربل ابليسج شو غيرتي رايج شو هيه لعبه ؟
ظبيه : اففف انزين مااباا خلااص مااباا
ساره : الا اقلج ؟
ظبيه : شوو ؟
ساره : انتي عقب بتكملين دراستج ؟
ظبيه : اكيــــد ، شوفي ياذكيه انا الحين بس مالجه اروم اكمل دراستي وعقب يوم بخلص وباخذ شهاده الثانويه راح نسوي عرس
ساره : اهـــااا جي السالفه يعني
ظبيه : هيه ، تعالي اي لون فستانج ؟
ساره : ههههه خليها سبرايز
ظبيه : يلا عــاد قولي
ساره : تعالي بقول ف اذنج عسب الي يالسين يقرون مايعارفون اي لون فستاني ويقلدوني
ظبيه : ههههههههه اوكي
وقربت اذنها و ساره خبرتها عن لون فستانها
ظبيه : وااااو انا احب هاللون
ساره : ميي2
ظبيه : تعــالي نسيت اعزم .....
على طول ساره قاطعتها : منــوو ؟!!
ظبيه : هههه خليني اكمل
ساره : انزيــن يلا
ظبيه : نسيت اعزم الي يالسين يقرون الحين
ساره : خلاص ولا يهمج انا بعزمهم
ظبيه : اوكي لا تنسين
ساره : افــاا عليج الحين بعزمهم
ايــه انتو يا حلوين الي يالسن تقرون القصه ترى ظبوي عازمتنكم باجر عـ ملجتها الساعه 8 الحريم فـ بيتهم والريايل فـ بيتهم بس فـ خيمه تعالوا هب ماتون ..
ساره : ظبوي خلاص عزمتهم
ظبيه : مشكــوره فديتج
ساره : العفوو
وعقب تموا يسولفون

فـ بوظبي بالذات فـ بيت قوم حمده
الجو كان متكهرب
بو حمده : حمووده وبعدين ها يمكن عاشر واحد يتقدملج وترفضينه وبعد بدون اسبــاب
حمده : ابووويه الله يخليك انا ما افكر فالزواج
بو حمده وهو معصب : وبعديــن قبل انا افكر فـ دراستي وبخلصها ومابا شي يشغلني والحين انا ما افكر فالزواج يعني متى بتفكرين لما بتعنسين ؟!
حمده والدموع فـ عينها : ابـــويه حس فيه مابـــا مابــــا
ام حمده : خلاص خلاص يا علي لاتجبرها
بو حمده ( علي ) : وبعدين يا خوله وبعدين ؟!
ام احمده ( خوله ) : خلاص فديتك خلها برايها هاي حياتها وهيه الي بتعيشها خلها هيه الي تختار شريك حياتها
بو حمده وهو محرج ويعلي صوته : هــا آخر واحد ترفضينه والي بي ويخطبج عقب ها انا بقله البنت موافقه وتباك فــاااهمه
حمده وهيه تصيــح : مــابا مــابا اعرس بلاااكم ؟!
بو حمده : هب كيفج ( ويظهر من البيت )
ام احمده تسير صوب بنتها : فديتج يا حمدوه خلااص لاتصيحين
حمده : امييه ليش ابويه جي كله يحرج عليه ويبا يزوجني بسرعه انا بعدي الحياه جدامي
ام حمده : الله يهدييه انشالله ، خلاص فديتج نشي وغسلي ويهج ورقدي شوي روحج تعبــانه
حمده : اميــه ابا تلفونج ابا ارمس نواري
ام حمده : اوكي فديتج شلي
وسارت حمده وغسلت ويها وشلت تلفون امها وحدرت حجرتها وقفلت الباب
واتصلت حمده فـ سيف
سيف :الووو
حمده : سيـــف خلاص انا تعبت
سيف زاغ : حمدوه فديتج بــلاج ؟
حمده وهيه تصيح : في واحد متقدملي وانا بعد رفضته وهالمره ابويه حرج عليه و قالي ها اخر واحد ارفظه والي اي عقب ها على طول بيوافق عليه بدون شوري
سيف انصدم : لااااااا مستحيــل حمدوه انتي لي انا بــس
حمده وهيه تصيح : انزيين سو شي بس ها الي تعرف تقوله انتي لي واايد عليك
سيف : اتريي انزيين هالايام مشغولين بملجه يمعه ورشود عقب مايخلصون انا برمس امييه
حمده وهيه معصبه : اوكي لما بيتقدملي هذاك وابويه بيوافق انا مالي ذنــب هذيك الساعه لاتقول حمدوه الي ظحت فيه انا اتريتك بما فيه الكفايه
وطراااااااخ << سكرت الخط فويهه
ويلست اتصيييييييييييح فـ حظها

فـ بيت حميد
كان حميد يالس ويا حرمته وميره يالسه عندهم
ام احمد : الا وين حصه من عقب ماردت من المستشفى ماشفناها
حميد : ليش شوفيها حرمة ولدي
ميره داشه عرض : ترى حصوه حامــــل
حميد : صدق !!
ام احمد : هيه فديتها ( وتصد صوب ميره ) سيري شوفيها وين ؟
نشت ميره عسب تشوف حصه دقت الباب وحدرت وشافتها منسدحه عالشبريه
ميره : حصووه بلاج ؟
حصه : ههههه ماشي بس ادلع على ريلي
ميره : هههه والله انج حركات وين احمد ؟
حصه : قبل شوي طلع سار ياخذ كندورة عبيد مخلصه من يومين
ميره : اهــاا .. انزين مبـــروك ع الحمل
حصه : الله يبارك فيج ، الا تعالي وين عبيد
ميره : قبل شوي رادين من الشيشه اتشوفينه يالس يدح الحين
حصه : هههههه فديته ولدي الدب
جان يحدر عبيد
عبيد : اوووووه انا هب دب بلاكم ؟!
حصه : ههههههه فديتك والله تعال حبيبي
وسار عبيد صوب امه ونشت وتمت يالسه عـ الشبريةوحظنت عبيد
ميره : لالالا الصراااحه انا ماروم
حصه : ههههههههههههههه
ميره : انزين تعالي تحت ويانا ليش يالسه روحج ؟
حصه : الحين بسير ابدل وبيكم
ميره : اوكي بس لا تتأخرين
حصه : انشالله اوامر ثانيه ؟
ميره : خخخخخ لا سلامتج
وعقب ظهرت ميره وسارت ويلست عند سلطان الي كان قاعد عند امه
تمت ميره ملااانه جان مره وحده اتيود شعر سلطان وتمطه
سلطان : آآآآآي الله يغربلج شو تسوين ؟
ميره : هههههههه سلطون انا ملانه
سلطان : وين ساره عنج ؟!
ميره : فديتها سارت بيت خالتها ترى باجر ملجه يموع
سلطان : اوووه صح ، ميروه سيري يبي مبايلي بتصل فـ يموع
ميره : هب متفيجتلك
سلطان : ميروه سيري احسنلج
ميره : افـــف اوكي
وسارت ويابت مبايله وعطته اياه جان يتصل فـ يمعه
يمعه : ألوو
سلطان : هلا بمعرسنا
يمعه : ههههههه اهليـن
سلطان : شحالك ؟
يمعه : والله ترتووب ومن صوبك ؟
سلطان : مالومك بتاخذ الحب ، والله ماشي حالي
يمعه : هههههه فديتها والله ، الله واكبر عن تحسدنا
سلطان : ههههه ويا هالويه الحين انا بحسدك !!
يمعه : اتمصخر بلاك ؟
سلطان : ادري فديتك
وتموا يسولفون شوي وعقب سكر سلطان من يمعه
وجان يطرش مسج حق ساره وعقب رن تلفونه وكان رقم بيت عمه محمد استغرب سلطان ورد
سلطان : ألــوو
(...) : هلآآ سلطون

أويه الحمدلله انه طلع حلم ..

خلاص ثاني مره مابخمن ..خخخخ

ومشكوور على البارت ..

بس جنى ماكملته ..خخخ

ونتريا التكمله بفارغ الصبر ...

صراااحهـــ الفصهــ

طررر

ويسلموو ع القصهـ

اخووكــ::

راعي البربري