|
القصه حلوه ..... بس وين ؟؟ ليش انحذف دور ... حرمت احمد ؟؟؟؟ انتظر النهايه |
تسلمين عالبارت نتريااا اليديد لا تطولين علينا و بالتوفيق |
تسلمون ع الردود وبنزل البارت ان شاء الله..^.^ |
ننتظر البارت .... |
.................................................. ................................. المكااان: بيت بو سيف السااعه : 11 فـليـل سيــــــــــــف. .................................................. ................................. من بندت من عند خالوه وانا مقهووووووووور اففف ماتبا ترمسني ومن متى ماترد.. اصلا انا الغلطاان يعني لازم اخليها تعـصب.. جان سكت عنها .. ترا هيه قالتلي انها بتطلع لازم تحقييق اففف الحيين اخافها زعلاانه .. رقدت وهيه زعلانه مني .. هاذا الحب يا سيف تخلييها ترقد وهيه زعلانه منك .. ؟؟ افففف .. مادري بلاها هالايااام بعد.. ماترمسني ولا شي .. ماادري احس حيااتنا بااارده مافيها مشاعر يعني يوم اقولها شي ع طووول تغغغييير الموضوووع ... مب معقوله كل هاذا مستحى الحين بنكمل اكثر شهر من خذتها بس بـعد انا غلطان اليوم يوم بندت ع طول وهزبتها ماعلييه ان شاء الله باجر براضييها آ طحت ع الفرااش برقد تميييت اتجلب ليييين مارقدت .. نشيــت الصـبح عالسااعه 10 تقـريـبآ.. خذتلي شور وبدلت ثياابي ونزلت تحت جفت امايه حبييتها ع راسها ويلست سيف : صبااح الخير امايه: صبااح النووور .. تبا ريوق سيف : لاا ماشتهي شي امايه: ليش كلك شي سيف: لاا مالي خاطر امايه: بتطلع,؟ سيف : هييه الحين بطلع بسير اركب مخفي ع سيارتي امايه: ابا اطلع وياك بعديين سيف: ان شا ء الله الحين انا بطلع يوم بي امايه:اوكيه سيف : مع السلامه امايه: الله يحفظك.. طلعت من الصاله وسرت صوب السيااره شغلتها ويلست اترياها تحر شويه اممممم شليت فوني وطرشت حق امـل مســج .. . . . نبضـآٺ قڵبيـﮱ. . { فيگ مَـآ פֿـيبٺنيـﮱ . . . . . . . . ! قـآڵٺ ; ~ פــنۋڽ . . طـيّب ؛ گڵـﮧّ ذۋق ۋ أشـۋآق قـڵبيـﮱ. . بـآڵـﮩـۋى { ٺعبٺنيـﮱ ٺقـۋڵ ; ~ هذآ ڠـير گڵ مَـפֿـڵۋق . . ! عقب حطيت التلفون وطلعت من البييت .. قلت عقب بتصل فييها ان شاء الله ترد وترمسني .................................................. ................................ المكان: بيت بو احمد الساعه : 11 امـــل. .................................................. ................................. نشييت من رقادي وكانت خالو مهره نااشه قبلي ... سرت خذتلي شور ... عقب ماطلعت من الحماام .. سرت صوب فوني جفت مسج من سييف.. مادري حسييت انه يبا يراضيني بأي طريقه مادري كسر خاطري.. شليت الفون ويااي نزلت تحت .. دخلت الصااله جفت قوم امايه واحمد وخالوه كلهم هني امل: صباااااااااااااااح الخـيير : صباااح النوور سرت ويلست حذال امايه احمد : جان رقدتي بعد شويه امل: اممم لا لا بس شبعت رقاد احمد: لاالالا جان كملتي بعد امل: مايخصك انا كيفي هـع تووه احمد بيرد علييه امايه: بس عاد جنكم يهال مناقر من الصبح خالوه:ههههه ويي وي هزبوووهم امل: عاادي ههه ع طاري اليهال عبود وينه مزمان ماجفته امايه: راقد تلقيينه امل: احمدوو بدال لاتحط عليه سير عند اخووك احمد: جب جب احترميني اسمي احمد مب احمدو امل: يجبك. الا اقوول شحال يزوي؟ احمد: اليازيه لو سمحتي امل: بس عاد .. عن المصاخه شحالها؟ احمد: بخيير امل: عطني رقمها احمد:مابا امل: ايييه عـطنـي. امايه: انا بعطييج ايااه احمد: لاا لا امايه لاتعطينها خالوه: هههه اذا امك ماعطتها انا بعطييييها خخ احمد: افااا كلكم ضدي امل: محد قالك ماتعطيني احمد: ههه يلا عيل انا بطلع امل: ويين طلعنا وياك خالوه:هييه طلعنا وياك احمد: مب متفييج عندي شغل خالوه: افااا تردني وانا خالتك احمد: ههههه ماعاش من يردج خلاص بطلعكم عقب العصر امل: يسسسس احمد: ليش مستاانسه انتي امل: بعد ليش عسب بطلعنا احمد: لو سمحتي تراج مب وياها امل: لا والله احمد: هيه انا قلتلها هيه ماقلتلج انتي . خالوه: مااعلييج منه يحب يغصص عليج احمد: لاا لا صدق مابوديها امل: عادي بلحقكم بسيارتي احمد: بضيييعج امل: ماتقدر احمد: ههه اقدر امايه: بسكم عاااد حشره احمد: ههههه هزبووها امل: هزبووك انته وياي امايه: ماتووبون موول عنبوه حشموني يالسه وياكم ولا حشمو خالتكم خالوه: هييه حشمووني انا خالتكم احمد وامل: هههههههههههـ احمد: يلا انا بظهر باي ظهر احمد من البيت ويلست اسوولف ويا خالوه . وامايه سارت صوب المطبخ.. سمعت فوني يرن شلييته جفت رقم سيف ...سويت طاف خالوه: سييف؟ امل: يس خالوه:ردي عليه امل: خل يولي. خالوه: والله ترديين حلفت عليج امل: ليش تحلفيين.؟ خالوه: بس يلا ردي امل: افففف نشييت من مكاني وطلعت من باب الصااله... يودت التلفون فيني يااربي مابا ارد علييييييييه بالقو ضغط ع الاخضر وحطييته ع اذني تمييت ساكته سيف: هلا والله امل: اهلين سيف : شحالج؟ امل: زينه كنت تقريبا معصبه ماعرف شو اقوله سيف : متوله علييج واايد احس جني من سنه مارمستج.. امل: اها سيف : امممم شو تسوين.؟ امل: ماشي سيف : اهاآ توج ناشه امل: لا اقول سيف بخلييك الحين سيف : اوكيه امل :باي بندت عنه ودخلت داخل مب متفيجه له .. دخلت الصاله جفت خالوه ترمس ف الفون.. روحت صوب المطبخ.. جفت اماايه.. امل: اماايه.. امايه: هلا؟ امل: يوووعاانه امايه: سيري داخل غرفة الطعام الريوق هناك امل: اوكيــه.. روحت غرفة الطعام اترييـق.. عقـب ماخـلصت.. روحت المطبخ مره ثانيه امل: امايه شحاال ابويه؟ امايه: بخير ليش؟ امل: مزماان احس ماجفته امايه: ههههه امل: يلا انا بروووح داخل.. روحت دااخل جفت خالوه تتطاالع التلفزيون يلست ع الغنفه امل: تريقتي؟ خالوه: هيه مساعه ويا قوم امج امل: ايـوآ خالوه: تعالي تنمشى ف الحوي امل: اوكـييييـه... ظهرنا ف الحوي تميينا نتمشى شويـه.. ونسوولف .. سمعت اذان الظـهـر .. ييينآ بندخـل داخـل.. رن الفوووون ف ايدي وطبعا سيف.. ياربي .... مابا ارد علييه شو اسوي؟ تنهدت من خااطري .. رديت ظهرت ف الحوي ورديت عليه .. امل: الو سيف : هلا وغلا امل: اهليـن.. سيف : وينو حبيبي؟ امل: ف البييت .. سيف : تعالي انا ف حوييكم امل: انا بعد ف الحوي .ماجووفك. سيف: جدام انا .. امل: ليش اي؟ سيف : تعالي لو مايتي انا بييج. امل: امممم اوكـييه سيف : باي امل: باي بندت عنه ومسكت الفون يااربي كيف الحين اسسيييـرله.. شكلي بعد غلط ... لابسه كنت جنز اسود وبدي ابيض مخطط باسود وفووقه جاكيت خفيف شويه اسود .. امممممـ عدلت شعري بأيدي اصلا انا لابسه شيله يعني عادي وسـرت.. جفت سياارته مادري ليش قلبي قام يدق .. اصلا انا زعلانه منه او اوني زعلانه.. لانه اصلا مايهمني عسب ازعل.. فتحت البااب الي حذااله ووقفت .. ماركبت .. امل: السلاام .. سيف: علييكم السلاام والرحمـه.~ امل: امـــر؟ سيف : ركبي امل: ليش؟ سيف: بـس ركبي باب الشارع مفتوح والسياايير تمـر. امل: اوكـيه ركبت السياره وصكرت البااب بعد .. تمييت سااكته وهو سااكت .. صدييت صووبه جفت يطالعني سكتت افف ماحب حد يطالعني جيـه.. صدييت صووب الجاامه ... خل يشـل عيووونه افف جفـــته مد ايـده صووبي وكان ف ايده كرتووون صغـير يعني مب صغـيير وايد وسـط . امل: شو هاذا؟ سيف : شليه وافتحيـه.. شليـته من ايـيــده.. وفتحتـه. جفت ف الكرتوون حاط كله اوراق وورود جووري احمـر ومخلوط ويا ورد مجفف اسـتغربت شلييت ورقه منهم.. جفت مكتوب علييها شـي قـرييته الصرااحه استغربت تعرفون شو كاتب ع الورقـه.."فديت الزعلانـه.." حطيت الورقه وشليت ورقه ثانيـه.." السموحه حبيبتي." رديت شلييت ثالثه مكتوب عليهاآ " مايهون عليه زعلج".. تميــت اطالع كل الاوراق.. الصـرآحـه ماقدرت اوصـف شعوري هاييج اللحـظـه.. عقب ماخلصت كل الاوراآآق.. رفعت راسي صوبه جفـته يبتسمليـ ماآدري شو الي احس فيـه الحـيين.. سيف: السمووحه فديتج اذا ضاايقتج ولا شي كله ولا زعلج.. مـآآدري شو استوى فيـني بدون شعـوور قلتله .. امل: مسمووح.. جفت استاانس ابتسم من خااااااااااااطره.. رديت ابتسمتله .. سيف: انزين غلايه انا بروح اصلي الحين امل: اوكيه تقبل الله .. سيف : منا ومنج صالح الاعمـآل امل : يلا باي نزلت من السياره ودخلـت دااخـل البيييـت .. الصاله كانت فآضـيه روحت فوق غرفتي. جفت خالوه تصلي.. حطيت الكرتون ع السرير.. ويلست اتريآ خالوه.. عقـب ماخلصت خالوه من الصلااه .. خالوه: روحتي تردين ع سيف واجوفج طولتي؟ امل: هييه تراه يأ خالوه: يـأ ويين؟ امل: بييتنآ خالوه: ليش؟ امل: اونه يباا يراضيني خالوه: والله ناايس ليكوون رديتييه امل: لا خالوه: اشوى تراج تسويينها آ امل: هههه كسر خاطري خالوه: انزيييين قوليلي كييييييييف راضاج.. شلييت الكرتون الي حذالي وعطيتها اياه امل: افتحييه انا بسير اتوضى روحت الحماام اتوضى ويوم طلعت خالوه: اوووب اموووول منو قدج ويا هالحركات امل: عادي خالوه: انتي مادري كيف تفكرين لو وحده غيرج بتستانس امل: عادي انزيين بروح اصلي سرت اصلي الظهـر... عقبـ ماخلصت من الصلاه جفت خالوه نزلت تحت.. شليت الكرتون وخشييته. وعقـب نزلـت تحت.. جفتهم كلهم يالسيين يلست اسولف وياهم.. عقب حطو الغدا تغديينا كلنا وجيـه وسرت انا فوق وخالوه وياي دخلت الغررفـه وطحت ع السريييير. امل: ااقووووول خالوه ماتعرفين متى احمد بيطلعنا خالوه: اممممم قالي العصـر امل: اها سرت فتحت اللاب توب ويلست اطالع الايميلات الي واصلتني واراوي خالوه وياي سـمعت صوت الاذان قمت توضيت وخالوه بعد .. بعدين صلينا عقـب الصلااه يلست اسولف ويا خالوه.. سمعت حد يدق باب الغرفه. امل: تفـضل.؟ احمد : هلا غلا : اهلين احمد: يلا نشو؟ خالوه: وين .؟ احمد: ماتبون اطلعكم ؟ خالوه: توه الناس احمد: عادي قومو بنسير القرـيه امل: يسـ اوكيه خالوه: اوكـييه عيل احمد: لاطولون .. خالو:اوكي ظهر احمد من الغرفه وبسرعه سرت اتجهز بدلت ثيابي واتجهزت.. عقب كنت اتريا خالوه.. اتذكرت اني ماقلت حق سيـف.. توني شاله الفون بطرشله مسج.. رن الفون ف ايدي. شليته.. سيف : مرحباا امل: مراااحب.. خخخ سبحان الله توني شاله الفون بطرشلك مسج سيف: هههه وين بتطلعين؟ امل: شدراك اني بطلع؟ سيف : لانج ماطرشين مسجات الا اذا تبين تطلعين امل: هههه هيه بطلع بسير القريه ويا احمد سيف : اها ناايس. جفت خالوه خلصت .. وتأشرلي عسب نروح امل: سيف بخلييك بسير بيروح عني احمد سيف: اوكيـه امل: باي بندت عنه ونزلت تحت ويا خالوه ركبنا السيـآره وسرنآ.. وصلنا القرـيه زحمممــهـ موت عاد اايام اجازه وكل الناس فيهآ تحوطنا شويه فيها بعدييــــن ماقدرنا نتم اكـثـر من الزحمـه احس عمري مخنوووقه .. طلعنا وركبنآ السيـآره.. امل: افف والله مووووووت خالوه: هيه والله حشى خنقـه ماشي مكان تحطين ريلج فيـه احمد: ههههههههه عندي فـكـره خالوه: قول يا بو الافكار؟ احمد: شرايكم نسير البيت ونشل قوم امايه ونسير البر نشوي نطيت انا جدام صوب احمد طبعا بين الكرسين .. امل: نااااااااااااايس احمد: وصممخ لاتصارخين ف اذني امل: جب لاتصارخ عليه خالوه: بس لاتظاربوون احمد: انزين اتصل ف امايه امل: هييه اتصل احمد: جب مارمسج.انا ارمس خالوتي خالوه: ههه هيه اتصل.. اتـصل احمد ف امايه وعيبتها الفكـره وقالت بترمس قوم خالي ابراهيم ومحمد يمكن ايون ويانا ياربي يعني سيف بي افففف احس مابـخذ راحتي .. بس طاااف اهـم شـي نسير البرـ هع.. يارب بعد ايبووون دراجات برمس احمد امل: احمد بتودي دراجتك؟ احمد: مادري بجوف. امل: ودهاااا كشـخــه ابا العب احمد: عناادا فييج مابودييها امل،: اييه لاتذلني.. خالوه: قولي حق سيف ايـب دراجته احمد: هيه خلي ريلج انا مبتلي وياج اممم يلست ادور الفكره ف راسي اممم اقول حق سيف هممم انزين بعد استحي اتصل فييه ..اممم اكتشفت اني غبيه هههه ابا االدراجـه ومني يالسه افكر والله كيف بتصل فيه استحي .خخ طااف لاه اهم شي الدراجـه.. مب مهم هووه امل: فكره والله بتصل فيه وبقوله خالوه: هههههههههههههه توج الا تستوعبين من متىنحنا رامسين ف الموضوع احمد: هههههه شو هالمخ التنك امل: جب حرمتك مخها نتك احمد: يعني يزووووي اوكيه جان ماخبرتها امل: لالا اقصد حرمتك الثانيه احمد: وبعـد تبيني اخذ الثاني اوكيه اوكيه جان ماخبرتها امل: لاا مب قصدي جفت احمد شل تلفون واتصل ف حد احمد: يزووووي الحقي الحقـي .. تعرفيين شو استوي توه ..... امووول سبتج اون يوم سمعت جييه يقوول امل: لااا يخرط علييج .. عفدت صووبه بسرعه وسحبت التلفون منه حطييته ع اذني امل: يخرط عليييج والله ماكان قصدي حسيت بشي غلط نزلت التلفون جفت انه ماحد ع الخط رفعت راسي جفت احمد وخالوه ناقعين من الظحك احمد: هههههههههههههه والله انج مال مقصه امل: جيه انته ماكنت ترمسها؟؟؟؟؟ خالوه: هههه هاي بعدها مب مستوعبه امل: سخييييف ليش تقص عليه؟ احمد : لانج مقـصـه.. امل :جب جب مارمسك احمد: احسن امل: صــخ عني برمس سيـف.. احمد: هييه حبيب القلب خالوه: بس احمد اسكت عنها سكت عني احمد كنت بغااايضه اكثر بس قهرني يوم قال حبيب القلب والله ارفففف طلعت فوني من الشنطه .. امممم استحييت اتصل ف سيف بس تشجعت واتصلت كان حاط قريتيون الرنه ماله اغنـيه امممم رد علييهـ سيف : هلا وغلا ومرحبآ .. امل: اهليين سيف : نوووور فووني برقـمج امل : هههه شحالك؟ سيف: الحمدالله بخير وانتي؟ امل: الحمدالله بخـير اممم سيف بتون البر؟ سيف: هيه توه امايه مخبرتني.. امل :امممم يييب الدراجه وياك.. سيف: من عيووونـي.. امل: مشكووره يلا بخلييك وصلنا البيت بسير اتجهز سيف : اوكـيييه امل: باي بندت عنـه ونزلت البيت سرت بدلت ثيابي لاني كنت لابسه تنوره لبست بنطلون المهم عقب مالبست سرت تحت عند امايه جفتها ف المطبخ يلست اهذرب ع راسها لين طردتني من المطبخ خخخخ عقـب سرت فوق مره ثانيه عند خالوه عقب شويه نزلنا تحت وركبنا ويااحمد .. روحنـآ صوب خط الجامعه كانو قوم ابويه جدامنا بالسياره لقينا مكان اوكـيه وقفنا السياره جييه صف واحد عسب يكون مكان حريم وحق الرياييل مكان يعني شوي بعييد .. عقب شوي يو قـوم خالي ابرـآهـيم.. ويلـسنآ شويه ويـو قوم خـآلـي محـمد بس سيف بعده مـآيآ يلسنا كلنآ سوالف ويلست انا ويا شـوق اسوولف وياها وعـقب شـويـه سمعت صوووت درااجـه يـآيه من بـعييد.. امل: شواق قومي بنسير هنآك بنجووف الدراجـه وين؟ شوق: لاا خليينا هني احسن امل: اوكـيـه. شويه وسمعت صوت الدراجه جرييب وقفت بسرعه ماجفت شـي.. .. حسييت انه الصوت صوب الريااييـل يلست اواايق جفت الدراجـه هناآك.. اويه منو هاذا الي ع الدرااجـه .. كان واحد لابس بدله من بعييد وظلام ماجوف زـييـن .. رديت صوب شوق امل: شواق راع الدراجه عند الرياايل شوق: هههه ماعرفتييه؟ امل: لا منوو؟ شوق: هاذا سيف . امل: سييف .؟ شوق: هييه سييـف امل: مااعررفته من بعييـد .. عقـب انشغلنا بالشوي يلسنا انساعد الحرـييم.. عـقب روحنا انا وشوق فوق العرقوب نتمشى .. ابتعدنا شويه عنهم .. يعني من بعيـد مانجوف زـيين بس نجوف الضـوو.. عقـب شـويه سمعنا صووت دراجاات .. لفييت الصوب الثاني جفت دراجتيين من بعـيد امل: منو هايل؟ شوق: اتوقع قوم سيف امل: هييه شكلهم جـييه شويه وويو صوووبناآ سيف: شحااااااالكن .؟ شوق: تمااااااااااااام سيف : انآ اسأل حرمتي .؟ شوق: عيل لاتجمع احمد: هههه امل: احمدوووه ركبني.؟ احمد: لاا مابا سيف: تعاالي انا بخلييج.. شوق: لاا لا عقب بتم روحـي هني سيف: عادي يلاا اموول تعالي مادري كنت متردده شويه ممادري هههه بس ابا اركب هع امل: بتخليني اسوق سيف: مابتعرفييلهآ.. احمـد: ابا برووح عنكم.. روح احمـد.. هههه يلست اطالع سيف وهو يرمس شوق.. كششخه شكله بالبدله وشعره وااو ههه مطولنه .. مادري انا ليش ماحبـه.؟ غبيه لاني ههه لا فديتني مب غبيه سيف: امووووول .؟ امل: هاااه؟؟؟ شووق: ويينج من متى يزقرج.؟ امل: هني بعد ويـن.. سيف: يلا تعالي اركبي.. امل: اممممم اوكـيه مارمت اقااوم خاطري اركب خخخ احس اني ياهل مادري ليش ركبت وراه امل: شوااق بتميين هني شوق: برد هنااك امل: وحلييلج.. يودت ايدها وعقب ع طول سيف مشى بسسرعه تيودت فيـه بسررعه ـ.. زين ماطحــــت .. يلس سـيـف يركبني ع العراقيب ويخبل فيني.. بس انا عايبني هههه شيلتي طاارت بس يودتهاآ ودااني بعيـد حتى مادري ويين وصلنا مكان جـييه شاارع عاآم. امل: وين بتسيير.؟ سيف: هنااك امل : لا عن يجوفنا شرطه ولا شي بيخالفوونك سيف: ههههههه عادي اصلا انا يااي من البيت بالدراجه امل: احـلف .؟ سيف: والله. امل: كشششششخه انا ابا سيف: ههههه احلفي انتي بس امل: والله سيف: هههههه لااااااا االلله كشششخه ابا اارد وياه ع الدرااجه احس كششخه خخخخ حسيت عمري ولد .. دخل الشاارع العام ووقف امل: ليش وقفت سيف: اسـتعد. امل: حق شو.؟ سيف: اصبري بتعرفيين وتمسكي فيني عدل عن اطيحيـن.. امل: شو بتسوي؟ سيف: بس حبيبتي اوووص .. مشى بسرععه انا تمسكت عدل فـيييه ماحسسيييت الا وشوح وييل بغيييت اطيييييييح بس تمسكت عدل امل: بغييت اطييح سيف:: قلتلج اتيودي امل: بس كشخه رديينا دخلـنآ البـر.. يلس يشوووح فيني ويلاااات خبـل فـيييـني بس بعدني مستاانسه احب الاكشناات من هالنووع .. رديينآ صووبهم من بعيـد قام يشوح ويلاات سييف ويدوور اوييه كششخه حسييت عمري اطيير هههههه عقب نزلني صوب الحريـم عاد عموه يت صوبنا ام سيف: سيفووه شو تسوي انته خبلت ف البنت سيف: ههههه عادي عندها ام سيف: لا وحلييلها خبلت فيييها بحركااتك زين ماطااحت سيف: ههههههه وحلييلها عموه ماتدري اني مستاانسه ههه امل: هييه عمووه انا اقوله خف السرعه مايطييع بغيت اموت من الزييغه سيف : متىىى يالخريطه امل: انا خريطه ام سيف: هههه خلاص مره ثانيه لاتلعوزها ولا بتجوف سيف: ان شاء الله روح سيف عنا وحـلييلـه .. روحت صوب الحريم ويا عموه كانو حاطيين العشـآ يلست اتعشى وياهم عقب يلسنا كلنآ نسووولف ويا بعض كانت شووق يايبه اونو يلسنا نلعب انا وخالوه وشوق ورشود ولد خالي وعبود اخويـه عقب ردينا البيت يلست اخبر خالوه شو سوابي سيفو خالوه:ههههه زين عيل ااستااانستي امل: يسـ خالوه: ترا ورا باجر بروح راك امل: ليييييييييش؟ خالوه: بس خلاص الاجازه بتخلـص امل: لاحراام تمي خالوه: عندي دوام ماقدر امل: اوهوووو يعله يحتـتررررررررق خالووه: هههههههههههه امل: يلاا عيل باجر لازم نطلع طلعه محتررمـه خالوه: ههههه وين تبينآ نسيـر امل: انتي قرري انا مادري خالوه: اممممم مآآعـررف رن فووني كان سيف متصل امل: صبري بنسأل سيفووه خالوه: اوكيـه رديت ع سيف وحطييته ع المايك امل: الو سيف: هلا وغلا امل: اهلين وسهلين سيف: شحالج.؟ امل: بخير وانته؟ سيف: تمااام بس ليش حاطه ع الاسبيك امل: ههه بس سيف: منو عندج؟ امل:خالووه سيف: هيـه امل: اقول سيف باجر نبا نطلع بس مانعرف وين نسير سيف: قرو ف البيت احسن امل: لاحرام خالوه بتروح عني ورا باجر سيف: اممم اوكييه شرايـج تسيرون امارات مول .. امل:هييه صح ماسرته من مزمآن . سيف: هههه امل: يلا سيف بخلييك بيلس ويا خالوه سيف: اوكيه باي امل: بآي مادري الصراحه انا استغرب من سيـف يععني احسـه فري وايد يعني يخليني ع راحتي امل: هاه شرايج؟ انسير اماارات مول ولاتبين مكان ثاني.؟ خالوه مهره: هيه اوكـييه امل: زييـن .. كانت الساعه تقرينآ 11 ونـص ماعرف شو اسوي عقب قلنا بنرقد اليــوم الي عقـبببـــ،ـه نشييت ع الساعه 10 ويااي خالوه.. تريقنا وعقب يلسنا ويا قوم ماماآآآ اذن الظهر وصليينا وجـييه عقب ع السااعه 1ونـص حطو الغدا تغديينـآ عقـب ماخلصنا من الغدا اتصلي سيف يلست اسولف وياه عقب اذن العـصر حسييت اني واايد سولفت وياه بندت عنه وسرت عند خالوه ... عقب مااذن العـصر صلينا وجيه يلسنآ نتجهـز خلصنا وجيـه وسرت خبرت امـآيه اني بطلع وسيف يوم رمسته قلتله المهم طلعنا من البييت وسرنا صوب دبي دآآآآآآآآر الحـيـ. ضيعت واايد ف الدرب عقب اتصلت ف احمـد خلييته يدلينـي.. عقـب دخلـنآ الموـول تميينآ نتحوط فـييه سرنا الاسكـي .. عقب تميينا نتشرى وجـييه .. ع السااعه 8 قلنا خلاص بنطلع طولنا وايد سرنا صووب الباركناآت كنا مبركنيين بـعـييد ونحنا نمشي كان حذالنا بالظبط شله شبـآب .. خالو كانت اطلع شي من شنطتهاآ انا صدييت الصوب الثاني سمعت خالو صرخت لفيت صوبهاآ جفتها ع الارض امل: خالوه شوفيج,؟ جفتها مدت لي ايدها وسحبتها من ع الارض ونشت سمعت صوت واحد يقول: سلمتي الشيخـه.. صدييت صوبه وحتى خالوه صدت يوم جافته لفت صوبي بسرعه وسحبتني ومشت صوب السيااره وصلنا السياره وركبنا امل: شووفيج ؟ خالوه: املوووه فضيييييييييييحه اهئ اهئ امل: ليش خالوه: انتي ماجفتي شو استوى؟ امل: لاا انا كنت صاده الصوب الثاني خالوه: انا كنت امشي كنت بطلع من شنطتي شي بغيت اطييح جان اتيود ف الريال الي حذالي عاد كنت خلاااص بطيييح ماتيودت عدل جان اطييح امل: احلفييييييييي؟ خالوه: قسم بالله فضييييييييحه ف الريال والله ويهي احـترقققق امل: هههههههههههههههههههههههههههههههههه والله فاتني خالوه: انتي متفيجه والله اني افتضحت فيـه وهو وربعه بعد امل: ماعليه حصل خيـر خالوه: ولا بعد يقولي سلمتي . امل: هههه عاد مابغيتي الا تيودين الريال خالوه: عاد انا ماحسييت بعمري امل: ههههه الحمدالله مايودتيني انا جان طحت وياج بعد خالوه: ههه يلا حركي السيااره . امل: هالموقف مابنسااه بس والله فااتني خالوه: هوه مايسحتي وااقف حذالي امل: يمكن ماقصـد خالوه: نفااد خل يولي امل: هههه حركت السيااره وروحنا صووب الشارجهـ.. وصلنا البييت وانا اجوف خالوه ساكته .. امل: بلااج ساكته؟ خالوه: ماشي امل: لا في شي قولي؟ خالوه: مادري احس بعدني مفتضحه ف الريال امل: عادي فديتج انسي خالوه: مادري امل: يلا بننزل نزلنا البيت وبدلنا ثيابنا وجـييه عقب نزلنآ تحت .. يلسنا ف الصاله ويا امايه عقـب حـطو العـشى يلسنا نتعشى .. وعـقب العشى اتصل فيني سيف مارديت عليه مب متفيجه يلست ويا خالوه اسولف وياها احسها مب طبيعيهـه.. تمينآ يالسيين لين الساعه 12 وشـي عقـب رقدنآ اليوم الي عقـبه نشينا من وقت خالوه يلست اتجهز اغراضها امل: افففف لا ترووحيين خالوه: ههه مـآقدر. امل: ياربي عقب روحت خالووه وداها احمــد يااااربي مللل بعد ارف باجر كليه >.< بعد اسبووعـييين.... |
| الساعة الآن 09:29 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir