.

.

.

البارت الـ 32



فتحت عيني على صباح مختلف عن كل صباحاتي الي تعودت عليها . .!! تميت مبطله عيني اشوف بس فوق . . اشوف السقف الغريب علي . . غمضت عيني ورديت فتحتها . . تنهدت وقمت من ع السرير وعلى طول صوب الدريشه وبطللللللتها . . الهوا بارد موووووووت والثلج بعده يطيح . . ابتسمت بعذااب كنت ابا كل شي يكون حلو وما يتغير . . آآآآآآآآه . . قمت من مكاااني ورحت صوب البلكون بتعب . . الله عليج يا تركيا . . تميت اتأمل واششوف من زاويه الغرفه الي انا فيها كيف المكان رائع ججججججدا . . !! بدت تتلاشى ابتسامتي وانا اذكر الي صار امس . . وينه وليد . .!!

كنت لابسه بعدني لبس البارحه ما بدلته لاني رقدت فيه . . ومشيت ف ارجاء الجناح عيني ادور عليه وعلى امل تلاقيه . . والحمدلله . . شفته منسدح ف الصاله صوب التلفزيون الي بعده مشتغل على قناه ام بي سي فور . . شليت الريموت وسكرت التلفزيون ودخلت الحجره الي كنت راقده فيها وشليت اللحاف ورجعت عند وليد . .

حطيت عليه اللحاف بشويش عشان ما ينش و تميت اطالعه بتمعن .. رغم كل الي سواه فيني البارححححه لكن ما ألومه والله . . مع اني انضربت !! وجسمي يعورني من ضربه للحين لكن ما ألومه . .

بعدها رديت ادخل الحجره . .

قفلت الباب و وقفت عند الجامه وتميت اطالع روحي واتذكر الي صآر فالبلاد وكيف كنا مستانسين وكيف ف لحظه . . !! كل شي اخترب . . حسبي الله ونعم الوكيل ع الي كان السبب . . . !!

>

<

>



في قصر الامارات ..

اول ما وصلنا الفندق وليد قالي اتريا فالسياره عشان يشوف الاجراءات مايباني اتم واقفه واتريا بفستاني . . ومن حسن حظي اني مانزلت لان الحجز طلع بس لشخص واحد . . وليد كان موصي ع جناحين لكن الغغبيييي استغفر الله الي كان يحجز ماحجز الا لشخص وكان المكاان فللللل عندهم وقالو له يتريا ع الاقل 4 ساعات وبيوفرون جناح ثاني . . لكن من قااااال . . وليد اتصل ف مايد وخبره انه بيغير المكان ما يبا قصر الامارات ومايد استغرب طبعا وايد لكن وليد مابغا يقوله عشان ع قولته ( يأثر ويضحي عشانهم ) وبحكم ان هو الي حجز ما يصير يخون . . ركب السياره وكان خلااااااااص معصصصصصصصب حده لانه جد تعبان ولانه شافني كيف هللللللكانه حدي . .

انا : انزين خلاص هد اعصابك . .

وليد يتصل وتم يرمس بالانجلش ويوصي ع حجز ويوصي ان يبا كل شي جاهز وبيوصل خلال ساعه تقريبا . .

انا : وين حجزززت . .

وليد يطالعني : برج خليفه . .

انا اغمض عيني بتعب : بعد بندق خط من بوظبي لين دبي . .

وليد بعصبيه : هااااااااك الحيييييوان قسسسسسسسم بالله لو شفته بسس جان دفنته لكن الغغغغغغغغبي كان محد

انا اطالعه : انزيييييين خلااااااااص . . براااااايه حرام لا تسسسبه

وليد : حححححححرام ف عيييييييييييييينه

انا ابتسمت : خلاااص انزين خلاااص . .

وليد تم يسوق وطنشني . .

انا : يالله عاد ما يسوى كل ها . .

وليد يتنهد . .

مسكت ايده الي كانت ع ريله ورصيت عليها . .

انا بصوت رقيق وحنون : مش كافي ان احنا سوى . .

وليد يطالعني : طبعا كافي " يبتسم " كافي ونص . .

انا : خلاص عيل . .

وليد ابتسم وحطا ايده ع خدي . .

انا : وخرررر بتخرب مكياجي

وليد : لاااا والله . .وهالمكياج مش حقي ؟ مش حلالي اني اخربه

انا انزل ايده : لا طبعا . .

وليد عاقد حياته : لا طبعا ع شو بالضبط

انا : لا طبعا مش حلال انك تخربه

وليد : اتحرا الاولى

انا ابتسم : لالا . .

وليد يبتسم . . : مرتاحه . . ؟

انا ابتسم ابتسامه عريضه : هالابتسامه مش كافيه . .

وليد : كافيه . . بس بعد ابا اسمعها منج

انا : مرتاحه الحمدلله

وليد يرص ع ايدي : وبترتاحين اكثر دامج معايه . .

ابتسمت وما علقت . . شغل الاذاعه وتمينا نتسمع لين وصلنا . . وهالمره نزلنا سوى لانه ضامن ان الاجراءات مخلصه . . دخل وكلمهم شوي فالرسبشن وعقب دخلنا . . كان حاجز جناااح ب غرفه نوم وصاله ومطبخ تحضيري . . المكان خياااااااااال . . صح اني اتروعت لاني فالطابق الـ 90 !!!! لكككك لما شششفت المنظظظظر والروعه كل شي راااااااح . . شي خيااااالي ماقدر اوصفه بالكلمات . .احس اني اشوف العالم كله مش بس دبي . . شي خيااااال خياااااال خياااااال . . ومع الظلمه والانارات . . جد كان منظر قممممه فالخيال وما ينوصصصصف من روعته . . عاااد كله ولا انا ب فستااااني واقفه لاني بطلت العباه اول ما وصلت وحطيتها ع اول كنبه شفتها وتامه اطل واشوف كنت بروحي شي خيالي ما ينوصف . .

ابتسم وليد واتقرب مني وتم يطالع المنظر ويايه وهو ماسكني من خصري مما خلا قلبي يرققققققع وتميت ارجف . .

وليد بنبره هاديه وهو يبتسم ويطالعني : ترجفين بردانه . . ولا ترجفين مستحى . .!!

انا ساكته وارجف بس ما اطالعه واحس يبين علي خلاص منتهيه من الحيا . .

وليد مسكني من جتفي وحسيت باصابعه البارده ع جتفي . .

انا ع طول وخرت ورجعت ع ورى

وليد انصدم : شفيج

انا : ايدك بارررررده . .

وليد : خوفتيني . .

انا ابتسمت باحراج . .

وليد يبتسم : قربي . .

انا مارديت عليه وصديت صوب المنظر اوني اكمل شوفه واتم اتأمل . .

وليد ياني من ورايه وحظني . . حسيت خلااااااااص . . قلبي وقف . . !

بوم . . بوم . . بوووووم . .

هاي دقااات قلبي احس اسمعها بوضووووووح تام . .

وليد يهمس صوب اذني : واخيرا تزوجنا . .

تميت ساكته وتامه مكاني ولا قلت حرررف . .

سحبني بهدوء وخلاني اجابله . .

وليد : سحرتيني اليوم . . حبيت كل شي . . " يبتسم " مكياجج . . فستانج . . " مسك ايدي وابتسم " حناااج . . والباقه طبعا

انا : هههههه . .

وليد : حتى شعرج حلوو . . ما يعورج ؟

انا : لا

وليد يبتسم : احس لامينه ب حدايد !!

انا ابتسمت . .

وليد : ماتبيني اساعدج وافجه ..

انا : امبلا . . " تثاوبت "

وليد : قعدي . . " اشرلي ع الغنفه الي ف الصاله "

وقعدت وهو وقف ورى الغنفه وتم يفجج لي شعري بشويشششش . . وانا كنت ابا اساعد عسب اخلص وابطل المقابض لكنه ينزل ايدي . .

وليد : خليييييني روحي بسوي . .

انا : وليد ما بتخلص لين باجر . .

وليد : انتي شو حارنج

انا : حرام عليك والله تعبانه شراتك ترى واكثر . .

وليد : خلاص خليه علي بخلصه روحي قللتلج . .

وتم يعابل ويفجج . . وكل شوي تطيح خصلات من شعري لين طاح بكبره لانه فجج التسريحه وخلص . . لكن حزتها ما بان طول شعري كله لانه مسواي كيرلي لكن بعد شكله طالع روعه . . .

وليد : يا سلام . . . مهور شو لون شعرج الحقيقي ؟؟

انا : اسود . .

وليد : احلفي

انا : والله

وليد : عيل ليش

انا قاطعته : لاتقولي البني مش حلو !! " صديت واطالعته "

وليد يبتسم : كل شي حلو عليج . . لكن الاسود بنت عمي محد يغلبه . .

انا ابتسمت . .

وليد : لكن بعد حلوو والله . .

انا : انزين . .

وليد : ماتبيني اساعدج ب شي ثاني

انا وقفت وباحراج : لا مشكور . .

وليد : وين رايحه . !!

انا : بروح ابطل العدسات عيني تعورني منها . .

وببدل " جان استحي وهو ابتسم " . .

وليد يبتسم : زين لو بغيتي شي زقريني . .

انا : اوكيه . .

ودخلت عنه الحجره مع شنطتي الصغيره الي فيها العده حق اول يوم فالفندق بس . .

بطلت العدسات وحطيتها فالبوكس مالها وع طول غمضت عيني . . جد راااااااااحه بدون عدسات . .

ما بغيت اوخر المكياج لانه بعده مرتب وطالع حلو . . يييت اعابل فالفستان والزرار الخايس الي مش راضضضضضضي ينزل موووول . . حسيت خلاص اني بجلعه ولا بفتكر هلكككككككككككككككككني مول ما راضي ينزل . . ومستحيل اسير عند وليد واقوله .. ان شاء الله ارقد فالفسسسسسسستان ولا اقوله .. اخيه شو بيقول عني مستخفه ولا مش مصدقه . . ياااااااربي شششششششششسوي . .

اتضايقت وانسدحت ع السرير . . لكن ما انسدحت سدحه الرقده !! لا . . طحت يعني بس ع طول وحتى ريولي نازله مش كلها ع السرير . . تميت اطالع فوق ثواني . .! وفججججججاه !! غطيت ب سابع نومه ولا دريت بروحي ابببببببببببببدا . .

هاي كانت رقدتي ولا نشيت منها الا ع منبه الفون الي مادري وين مفرور وماراضي يسكت !!

نشيت بتعب وبصعوبه امممشي بهالفستان . . بروحي ماعرف كيف رقدت .! كيف رقدت وانا بهالثثثثثثثجل وبهالبرررررررررد . . كيف رقدت بهالطقققققققم الثجيييل والذهب الي ع ايدي والساااعه والخواتم . . والله من التعب . . حسيت روحي جد ما شبعت رقاد لكن لازم انش حق الصلاه . . تذكرت الفستان . . كيف بتوضا فيه اصلا . .

بطلت باب الغرفه وشفت وليد منسدح ع الغنفه الي كنت فيها وراااااااااااااااقد . . كنت بروح وبواعيه لكن قلت بشوف عمري ف الجامه اول . . اكيد ساحره ! دامني راقده بمكياجي اكيد كل شي اعتفس فوق تحت لكن مشيتي الثجيله مع صوت الفستان الي مادري دعم شو ع طرف وطلع صوت خلا وليد يفززز . .

وليد : مهور !!

انا كنت عاطتنه الظهر : شت . .

وليد : الساعه كم الحين . .

اناا : 5 ونص الفير . .

وليد : كيف . . شسالفه . . " يتثاوب "

انا مشيت ماباه يجوفني . .

وليد : ليش بعدج بالفستان . . وليش عاطتني ظهرج . .

انا خلاص مفتشششله . .

وليد : مهور !!!!

انا حطيت ايدي ع ويهي وشفته : لا تشوفني . . .

وليد : ليش . .

اناا : رقدت بدون ما احس ومادري شصاير فويهي . .

وليد : ههههههههه يالخبله . .

انا عطيته الظهر : قوم صل . .

وليد : ليش ما بدلتي فستانج . .

انا احس باحراج بس لازم اقوله خلاص لين متى بتم بالفستان لا بروم اصلي ولا بروم حتى اتوضااااا .. .

وليد : ايييه

انا رديت جابلته وحطيت ايدي ع ويهي ومشيت سيده . .

وليد مشا بسرررررعه وياني مسكني من جتفي : ياغبيييييه بطيحييين . .

انا : سكر الليت الله يخليك . .

وليد : ههههههههههههه . . وخري ايدج

انا : الله يخليك سكر الليت بس 5 دقايق . .

وليد : اقولج وخري ايدج " ويمسك ايدي يحاول ينزلها "

انا : ولييد حلففففففففتك بالله

وليد : هههههههههههههه . .

انا : يالله روح سكر الليت بسرعه بموت برد والللللللله العظيم . .

وليد : انزين انزين . .

وسسسسار صوب الليت وسكره . .

وليد ياني وكانت اناره البلكونه بس ظاهره . . ليتات الشوارع وليتات المباني الي حذال البرج بس منوره المكان لان الشمس بعدها ما اظهرت حتى . .

انا مسكت ايده وحطيتها فوق خصري بشوي ع طرف . . : الزرار عالق . .

لاحظت ابتسامه وليد لكن ملامحه ما تبين عدل . .

وليد : ارفعي ايدج . .

رفعت ايدي شوي وتم يحاول فالزرار مره ومرتين ووووضبطت معاااه ونزززل الزرار

انا : بس بسسسسس . .

وليد : اششش . . مغمض عيني والله . . لكن بساعدج فيه عسب خلاص تعقينه . .

انا سكت ما قلت شي . . ونزل لي الزرار كله وتقرب مني باسني ع يبهتي . .

وليد : يالله روحي . .

ودخلت الحجره وهو دخل الحمام الي فالصاله وصلى . . شفته لاني بعدني ما سكرت باب الحجره اول ما شفته بدا يصلي جان اصك الباب وعقيت الفستان ومااااارمت ألبس قميص نوم زين اني حطيت لي بجااااامه . . دخلت الحمام وخذتلي شاور سريييع عشان اوخر السبريه الي ع شعري ومسحت ويهي عدل بالماي . .

طلعت ولبست بجامتي وقعدت انشششف شعري وعقبها صليت . . وطلعت منظف مكياج لانه بعده ماخاز كله ويا الماي . . نظفته عدل . . ومارمت اسحي شعري ولا رمت ارد اطلع . . تميت لاصقه عند الباب احاول اسمع لكن ما لقيت له حس . . ترددت اطلع ولا . . تنهدت وشفت روحي فالجامه . . حطيت لي بودره خفيفه وكثرت منها تحت العين لانها جد مبين علي التعب . . حطيت بلاشر وردي خفيف وقلوس وخليت شعري مكشش طالع بطريقه حلوه . . وطلعت له . .

وليد يطالعني : زين اتحراج رقدتي . .

انا ابتسمت وقلت ف خاطري الحمممممممممدلله اني تعدلت . .

انا : انا بعد تحريتك رقدت . .

وليد يتثاوب : تعالي . .

ابتسمت وسرت صوبه قعدت حذاله ع الغنفه وعقبها هو قاااام وانا انصدمت ليش قااام وففففجاه شلني . .

انا شهقت . .

وليد : اششش بلاج . . " يهمس " ما باااااكلج والله .. .

انا تميت ساكته ومشا فيني لين الغرفه وسكر الليت . . !!

“ cut”



فججججججاه . . ذكرت شي ما كنت ابي اذكره ابد . . ذكرت شي توقعت اني تشافيت منه . . ذكرت شي حاولت ايييااااااام وشهووووووور اني انساه واتعداااااااه . . ذذذذكرته وليتني ما ذذذذكرت . .

ذذذذكرته وهو يتتتتتتتتتقرب مني بكل وحشييييييه . . يتقرب مني وانا اصااااارخ وارجف ومنهاااااااااره . . ذذذذذذذذكرته وانا احس بالموت والذذذل والضضضضضعف وبالعذاب . . ذذكككككرت سيف وهو يغتصبني . .



انا ادز وليد واصارخ : وخخخخخخخخخخخخخر عنننننننننننننننني . . وخررررررررر لا تلللللللللمسني . .

وليد مصدوم ويطالعني : شفيج . . شوه ياج . .

انا اصارخ : وووووووخخخخخخخخخررررررررررر عننننننننننننننننننني وخخخخخخخررررررر . .

وليد يطالعني بصدمه : مهور . . انا وليد . .

انا اصارخ : قلللللللللتلك قووووووووووووووووووووووم . .

وليد قام عني وكان مصدوووووووووووم . .

خذت اللحاف وتلحفففففت فيه وسترت فيه روحي وتميت اصيييييح . . تامه اصيح بعذاااااااب بانكسااااار . . طلع وليد عني وماشفته . . تميت ع هالحال مده طويله . . سااااااعه . . ساعتين مااااعرف . . كنت منهاره وارجف وخايييييييفه . .

وليد دخل ويصارخ : بعدج تحبييييييييينه وتفكككككككرين فيه . .

انا اطالع وليد وانصصصدمت . .

وليد يصااااارخ ويطالعني : كننننننننننتي تفكككككككككرين فيييييه . . ليش تفككككرين فهاللحظه ليييييشش

انا ارجف مش مستوعبه شو الي يقوله وليد . . شو الي يقصده .. !!!!!!!!

وليد : انااااا الغبيييييي إلي صصصصصصصصصدقت انج ممممكن تنسينه وتطويننننننننننننه من حيااااااتج . .

انا : وليييد .. " تنزل دموعي " . . لاا . . انت . .

وليد : اشششششش مابا اسمع منج حرررررررررف واحد . .

انا اصيح . . ابا ابرر له لكن ما اقدر والله ماقدر بروحي ف حاله خوف وذعر ومتوتره . .

طلع من الغرفه وخلاني ماعرف اذا كان فالصاله ولا طلع بعد . .

دخلت الحمام وقعدت ورى الباب متكوره ع روحي . . اكره هالمكان صرت . . يعيشني كل هم وكل عذاااااااااااااااااااااااب عشته . . تميت اصيييييح واصييييح ماحسيت بالوقت الي صحت فيه حتى لين اندق علي الباب . .

وليد : فجي . .

انا مسحت دموعي . . وقمت ع طول ابا افتح له الباب . .

واول ما فتحت له الباب حظنته . . حظنته بقوه . . ابي ابين له اني ما خاف منه . . والله ما خاااااف منه . . ولا فكرت ف سيف ولا خليته ييي في بالي . . لكن كل شي صار روحه . . كل شي تذكرته بدون ما اقصد . . حظنته عشان اوخر الخوف الي فيني والالم الي احسه . . حظنته لاني ابا اتمسك فيه مابا اخسسسسسره ولا اباه يفهمني غلط ابد . .

وليد : اهدي . . اهدي . . " تم يمسح ع ظهري " . . اهدي مافي شي خلاص . . " يجابلني " انا اسسف . . " يبوس راسي " انا اسسف . . سامحيني . . " ينزل راسه " والله ماعرف شو ياني . .

انا تنزل دموعي : انا اسفه . . انا

وليد يقاطعني : مش مستعده . . اعرف مش مستعده

انا : مش عشان سيف . .

وليد يحط عيني بعينه بقوه : لا تقوليلي ولا تطريلي اسمه وانتي بين ايدي

انا : بس ابي اقولك ان والله تفكيرك غلط . . الشي الي عشته قبل ياني فجاه . . والله مش بايدي . . انا مافكرت فيييييه ابدا .. اصلا شلته من بالي نهائيا واللللللله . .

وليد يمسح دموعي : مصدق . .

انا اطالعه : لا تزعل مني . .

وليد حظني : مش زعلان منج . .

بعدها جابلني مره ثانيه وباس يبهتي . .

وليد : تعالي خل نرقد نريح شوي . . ورانا سفر العصر . .

صد صوب السرير اطالعه نظره وشل اللحاف وعلى طول دز عينه صوبي : خل نطلع من اهني . . بنرقد فالصاله . .

كانت الغنفه طووووويله وعريضه . .

سكر وليد الستاير كلها . . وسكر الليت . . انا كنت قاعده ع الغنفه . . شوي وياني وانسدح فيها وسحبني من ايدي عشان انسدح واطيح ع ايده . .

طحت ع ايده وبعدها بايده جدمني صوووووبه وخلاني قريبه منه وايد . . وتلحفنا وغمض عينه . . تميت اطالعه شوي ومن نصخه حسيته رقد وانا بعدها غمضت عيني ورقدت معاه . .

هاي رقدتنا ليييين ما رن الفووون ونقز وليد وخلاني انقز معاه . .

كنت قريبه منه . . ويهي ع صدره ف ماشوف ويهه . .

وليد باس راسي . . وانا رفعته واطالعته . .

وليد ابتسم : صباح الخيير . .

انا ابتسمت ونزلت راسي : صباح النور . .

يرن الفون مره ثانيه . .

قمت وقعدت وقام ورايه وليد وسار صوب الفون الي كان مفرور فالغنفات الثانية . .

وليد يطالعني : ألوو . . هلا مايد . . حششششرتنا . . هييه .. هههههه سخيف . . احلف . . ليش السااااااعه كم الحين " يشوف الساعه ف المبايل " شي وقت ترا احنا ف دبي عادي . . هيه انت اظهر الحين لين توصل يبالك وقت . . اوكي تمام خل بينا اتصال . . يالله اوكي . . مع السلامه . .

انا اطالعه : بلاه" احط ايدي ع بطني لاني ميته يوع "

وليد يبتسم : يوعانه

انا اتثاوب : هيه . .

وليد : يالله روحي بدلي وصلي الظهر عشان نسير المطار وفالمطار بنتغدا . .

رحت وتغسلت وصليت وبعدها طلعت لي بنطلون بلون التيفاني مع قميض وردي فاتح . . وعطرت لبسي بعطر فلورا قوتشي . . لبست لي عباه مفتوحه لكن فصمها لين تحت . . وتميت اعابل ف روحي واتمكيج . . رسمت عيني بألاينر ممدود فوق عيني . . مع جحال ابيض وبلاشر وردي وروج وردي فااااتح . .

لبست لي ساعة شانيل مع السويره ولبست الشغاب بعد وسلسلته . . واوردي يايبتلي كعب فندي ولبسته . . !

طلعت الاسشوزار من الشنطه وااسشورت قصتي بسسرعه وشعري تميت اسحيه بمشط وايدي تكسسسسسسرت لكن قلت لازم اسحيه بما اني عروس اونه . .

اندق الباب وانا بعدني ما لبست شيلتي وكنت بعدني مش مسكره فصم العبايه . .

رحت صوب الباب وبطلته وابتسم وليد يوم شافني وابتسمت له . .

وليد : شهالكشششخه . .

ابتسمت . .

وليد يطالعني : ليكون ناويه تطلعين جيه انتي . .

اناا ابتسم : هيه . .

وليد : انتي جربتي كفف ع ويهج بنت عمي ؟

انا : هههههههه اسولف وين اطلع جيه يعني الله يهديك . .

رن فوني ورديت : اممممممايا حبيبتي . .

امايا : امممميه مهره شحاااالج . . شخبااااارج . .

انا : الحمدلله اميه بخير انتي شحالج . .

امايا : بخير الله يعافيج حبيبتي . . صباحيه سعيده ان شاء الله

انا ابتسم : ان شاء الله . .

امايا : عساج بخير اميه ؟

انا : الحمدلله اميه بخير وعافيه . .

امايا : هكي يدوتج تباج . .

يدوه : مهررره

انا : هلا يدوووووه ..

يدوه : شخباااااركم . . شخباااار وليد

انا : الحمدلله يدوووووه بخيييير . .

يدوه : عااااد سامحووووووني . .

انا اقاطعها : افا عليج يدوه مسمووووحه . .

وليد : مش مسموحه والله

انا افج عيني : لاا مسموحه يدوه

يدوه : ادريبه والله ما بيسامحني عطيني اياه . .

انا : اندوك . .

وليد : ما برممممسها . .

انا احط سبيكر وارمس بصوت واطي : رمسها تعرف بتتخبل لو عرفت انك زعلان

وليد : انا ززززززعلان صدق انزين

يدوه تصيح : ساااااامحني ابويه والله اني كنت ميهوده

عميمه نوره تشل الفون وبعصبيه : وليد يالهرم تصيح امايا ..

وليد : حتى منج عميمه زعلان وحاز ف خاطري

عميمه نوره : يعني نحن ما نبا ني نعرسك مثلا ؟ عرسك وعرس سيف وعرس مهره بيوم واحد كيف ما تبانا ني ؟ والله كنا نبببببببا بس امايا تعبت واانا الي حلفت عليها ماتروح وتميت معاها . . اسال ميره واسال البنات كلهن يعرفن ان فستاني زاهب وكل شي زاهب بس امايا تعبت كيف تباني اخليها روحها والحين تعاتبها وتزعل لانها مرضت . . ليش المرض ع كيفها ولا ع كيفك

وليد يبتسم : ماريد زعلان انا . .

عميمه نوره تمت تسسبه سب وانا مييييييته ضحك . .

وليد : هههههههههههههههههههههههههههه ايوا عميمه صدق تعرفين ترضين . .

عميمه : هرررررم واحد تصيح امايتي وبروحها ميهوده

وليد : عطيني اياها

يدوه : هاااا ابويه زعلان . . والله عمتك ما خلتني كنت بي حتى لو انا مريضه

وليد : اتغلا عليج يدووه . .

يدوه : يااااا الله فديتك وفديت تغليك . . تغلى حبيبي

وليد بصوت واطي : تعلمي الكلام . .

انا : هاهاهاها . .

يدوه : عسى ما ضايجتبك مهره ؟.

وليد : مضايجتبي يدوه ما تدلعني

يدوه : عااااد مهرو شعرفها فهالدللللللع

انا اشهق : اللللله يا يددددددوووه

يدوه : ماعليك منها تبا بدالها عشره بيوزك . .

انا : اسسسسمعج يدوه ترى . .

يدوه : هاي كيف تسمع بلاها لاصقه اذنها ويانااا

انا و وليد : هههههههههههههههههههه

عميمه نوره : هههههههههههههههههههههه حاطينج سبيكر اماه

يدوه : شيكر شو هذا هوه ؟؟

وليد : سبيكر سبيكر يدوه

عميمه : يعني امايا يسمعونج اثنييييينهم

يدوه : ياااااارها الله من حرمه من الحين تتمسكن

انا : وااااابويه عليج يا يدوه مول ما تروفين بحالي . .

وليد : ههههههههههههههههههههههه

انا اطالعه : مستانس بعد

يدوه : وشعنه ما تبينه يستانس . .!! خليه يضحك بلاج واقفتله بالبلعوم وزاغدتنه . . خليه يضحكككك الفقير مستكثره عليه الضحك بعد . .

انا بصوت واطي : واي واي عاد يدوه تتريا عليّـه اي شي عسب تاكلننني . .

وليد يبتسم . : انزين عيل يدوه تامرين بشي احنا بنسير المطار الحين . .

يدوه : لا ابويه سلامتك تحملو ع عماااركم . . هكي ام مهره تباها . .

انا شليت السبيكر . .

وليد عاقد حياته : ردي سبيكر . .

انا : جب سوالف بيني وبين امي يمكن نرمس شي بسوالف حريم

وليد عاقد حياته اكثر : بدينا . .

انا ابتسمت وكلمت امي واعرف ع شو بتسالني وسرت بعيد وخبرتها اني بعدني مش مستعده وتمت تنصح وتوصي وتقولي اتحمل ع روحي واتصل عليها واطمنها وماخليها تحاتي وعقب بندت عنها . .

شوي واتصلوبي البنات فيديو كول . .

انا ابتسمت وطلعت الصاله لان فشله احس ارد عليهم وانا ف غرفه النوم . .

انا : الوووو . .

رقوي : خووووووووزي خلود مااااااااشششششششوف

شيخه : خيبه رقوي كككككسرتي رااااااسنا . .

خلود : مهههههوووووور حيااااااتي

شماني : مهاااااااري " تسويلي باي "

انا : هلااااا حباااااايبي . . شححاااالكم . .

رقوي : تصدقين مع ان يوم . . وين يوم !! اقل عن يوم قولي مال 15 ساعه بس لكن اشتقناااااااالج . .

شماني : هيه والللللله مهور مكااااااانج فاااضي

انا : حبااااااايبي والله . . فدييييتكم . .

عنود : مهووور اختي حبيبتي

انا : عنوووووووودي . .

عنود ترفع صقوري : سووو بوسسسه حق خالو

انا : فديييييييت الولللللللد . . حبايبي والله احس اني بعيده عنكم . .

رقوي : ويييين ولد عمي ما شوفه

وليد يصارخ : انا اهني واسمععععكم ترى . .

انا كنت حاطتنهم سبيكر لان ماعرف وين سماعه الايفون وماقدر احط ف اذني الفون لاني ما بشوفهم . .

خلود : ههههههههههههههههه سلمي عليه . .

وليد : الله يسسسسسسسلمكم . .

عنود : يعني ما ينفع نقول شي مااااصخ بيسمعننننننننا

وليد : هيييييي اسمع اسسسسسسمع

يضحكن البببببنات . .

انا ابتسم : عنووووود ماوصيج ارقدي ف بيتنا قولي حق عبدالله باتو اهناك

عنود : لاتوصين حبيبتي انا نقلت اغراضي ومن اليوم برقد عندها ان شاء الله وبتم عندها . .

انا : انزييييين

شيخه : شو هالكشششششخه مهور شو هالحلا . .

انا : اعجببببببج ههههههههههههههه

خلود : اففففف خل وليد يروح بعيد نبا نرمس ياخي . .

وليد ف الغرفه يصارخ : والللله ما اتحررررررك

انا : انزين هو بعييييد لكن انتن تصااااارخن

عنود : يالللله سكررررن خلاص خلوووووووهاا . .

انا : هيه بروح المطار الحين . .

رقوي : لا تقولين ما بتفعلين الخدمه

انا : لا بفعلهههها ان شاء الله بخبر وليد اول ما نوصل ياخذ بطاقه ويشركني . .

عنود : هييييييه احسسسسن عشان اتمين تصورين وتراوينا وحطي فالقروب كل شي وانا براوي ماما بعد اكيد بتم تحاتيج وتشتاق وتبا تشوفج

انا : اوووكيه ان شاء الله

رقوي : صووووووريلنا تركيا وراوينا كششششختج بعد نبا نشوف العجب الي تسوينه

انا : يالحيوانه ههههههههههههههههه

خلود : هههههههههههههههههههه يالله حبيبني . . استانسي

بنات عمي كلهن: اممممممممواح نحببببببببج بااااااااي

انا : حباااايبي انتو بااي . .

وسكرت عنهم وانا شاااااقه الحلج . . فديتهم والللللللله . . يبرررردون القلب . .

قمت من مكاني ورحت صوب الحجره كان وليد واقف عند البلكون ويطالع . . حس فيني لما دخلت وابتسم . .

وليد : جاهزه خلاص ؟

انا : هيييه . . بس بحط الفستان . .

وسرت رتبت الفستان وربعته وحطيته فالشنطه . . انا اوردي يايبه شنطه عوده عشان احط فيها الفستان والاطقم . .

وليد كان لابس بدله حلوه بعد . . برمود بني مع قميص اصفر غامج وعليه رسمه الشنب " ماركة موستاش ". . ولابس جاكيت بني فاتح فوقه لكنه مش مسكر الزرار مخلي الجاكيت مفتوح . . كان حاط ع رقبته ربطه ماركه بربري بطريقه حلوه . . تقربت منه وعدلته له لانها ماكانت مستويه عدل . .

وليد يمسك ايدي عقب ما خلصت ويبوسها . . : فديتج . .

ابتسمت . .

وليد تقرب مني وباس خدي وهمس فاذني : والله . .

انا يتني رجفه . .

وليد : والله . . والله " يتقرب من اذني اكثر ويهمس " احبج . .

يبتسم ويجابلني : والله . .

تميت اطالعه وعقب نزلت عيني ومن التوتر بس كنت ابلل شفايفي واعضها ..

وليد يبتسم : يالله خلصي . .

ماصصصصصدقت وابتعدت عنه ولبست شيلتي . . وحطيت شويه اغراض ف هاند باقي . .

انا : خلصصت . . لكننننن لحظه . .

ومسكت تلفوني وقعدت اصور المنظر عشان اراوي البنات . . صورت من كذا مكان ولما خلصت ابتسمت وصورته وهو مايدري . .

وليد فاج عينه : ياحيوانه . .

ابتسمت جان يبتسم وعقبها صورته مره ثانيه . .

وليد : والله ان راويتي حد ياويلج . .

انا : جب . . يالله خل نسير . .

وليد يا صوبي ومسكني من رقبتي بقوه : حق منو تقولين جب . .

انا : آآآآآىيييييي وليد تعووورني والله تعورني . .

وليد : حق منوووووو تقولين جججججججب

انا : حححقك حققققققك . .

وليد يرص : جق منو

انا : آآآآآآآآآآآآآآآآآآآآييييييييييي ي حممممممممار . .

وليد : حمممممار بعد . .

انا : آآآآآآآي والله شد شدددد عضلي هددددددددني . .

وليد هدني . .

انا ماسكه رقبتي وكنت مغمضه بقووووه . .

وليد : صدق ياج شد . . " مد ايده صوب رقبتي " وين . .

انا اوخر ايده : ووووووخر عني . .

وليد : انزييين بشووووف راويني ويييين . .

انا : خووووز خلااااص . . " وتامه اتالم " . .

وليد حطا ايده ع رقبتي وتم يهمزني شوي . .

انا : خلاص خاززز . .

وليد : شوفي الله . . ها كله لانج سبيتي ريلج . .

انا اطالعه : جججججب جببب جبببببب

وليد : انزين اوكي كيفج . . امشي يالله خل نروح . .

مشيت وياااه شوي فجااااه تخرطففففت . .

وليد : ههههههههههههههههههههههههههههههههههههههههههههه

انا : انككككككسسسسسسر كعععععبييييي . .

وليد : هههههههههههههههههههههههههههههههههههههههههههههههههه هههههههههه

انا اطالع وليد بصدمه : ما يضحك يالحقييييييييير ..

كنت طايحه ع الارض ما اهتميت لطيجتي ولا للقفطه لاني طحت . . متغمضضضضضه ع كععععععععبي

وليد : هههههههههههههههههههههههههههههههههههههههههههههههههه هههههه

انا : حرررررررررررررام ما اتهنييييييييييييت فييييييييييييه . .

وليد : هههههههههههههههههههههههههههههههههه ااااه بطني

انا : يا حمممممممار الحين كيف بططططططلع . ." ضربته بشنطتي "

وليد تم يضحك ويضحك وانا جد انقهرت . .

عقب ما شبع ضحك . . : شغل تقليد . . مادري شو سويتي فالمهر جان شريتي شي اصلي

انا : واللللللللله اصلي انزين لا تتفلسسسسسف

وليد : ههههههههههههههههههههههههههههههههههههههههه باين . .

انا : رووووووح هات شنطه السسسسسفر بطلع لي نعااال ثاني . .

وليد : ارووووووح لين تحت اييييييب شنطه انتي استخفيني ولا شو . .

انا : كييييييف تباني اطللللع ان شاء الله . .

وليد : لبسي كعب العرس . .

انا : وليد اتخبلت كعب العرس شطوووووووله . .

وليد : انزين لين ننزل بس دبري حالج فيه . .

انا : افففففففف . .

وسرت صوب الشنطه وبطلتها وطلعت كعب العرس ولبسته . .

وليد يبتسم : يالله مشينا . .

وتميت مبوزه لانه مات من الضحك عليّه الكلب . . ونزلنا و وقف شوي وليد عند الرسبشن وانا تميت ع الاستراحه اترياه لين خلص عقب مشينا شوي لان جدمولنا السياره وركبنا ع طول وحرك وليد . .

انا : اصبر بطلع من شنطه السسسسفر نعال . .

وليد : بعدييين بتفجين الشنطه اهني !! فالمطار قبل ما ننزل . .

انا : انزيييين . .

رن فون وليد كان مايد مادري عن شو يرمسون بس اظن عن اجراءات السفر وشي عن التذاكر وجي . .

مسكت البي بي وتميت اقرا . . فتحت محادثه ميره كانت كاتبتلي شصار معاها . .

>

<

>



مايد ماسك ايدها ويلعب باصابعها . . : تعرفين انا فاشل ف شي . .

ميره بحيا : بشوه ؟

مايد يحط عينه بعينها : ماعرف اعبر عن مشاعري . . " يبتسم " ابا اوصل لج احساسي وكيف انا جد فرحان . . " يبوس ايدها " ماقول غير الحمدلله . .

ابتسمت ميره . .

مايد : ماعرف اذا العرسان اليداد لازم يقولون شي اول يوم ولا . . . لكن اباج تعرفين اني بكون لج الاخ قبل الصديق . .والصديق قبل الزوج . . يمكن علاقتي فيج بدت بطريقه غريبه وكنت قريب منج وماتخشين شي عني . . صدقيني انا ها الي اباه بس . . نكون صريحين و واضحين مع بعض . . واكون لج اقرب شخص تلجئين له ف كل شي بدون خوف . . " يبتسم " شرات قبل لاتعرفين اني مايد . .

ميره : وانا ماعرف شو لازم اقووول . . لكن انا اعرف فالفتره الي طافت كنت حاده وعصبيه وعنيييده . . لكن هالشي طبع فيني ما اقصد اسويه ولا اتعمده . . " تطالعه " وانا مابي شي غير اني اسعدك . . وماخليك تندم ع اختيارك

مايد يبتسم : اول مره نكون جديييّن . .

ميره تبتسم بحيا . .

مايد : اخااف اول يوم بس جيه تبتسمين لي . . عقب تمدين لي لسان لين برع . .

ميره : اكيد بعد شو

مايد : ههههههههههههههههههه حلااااااالج . . فدوه " يبتسم " الي تبينه . .

ابتسمت ميره . . : انزين ممكن تخلييني شوي فالغرفه روحي عشان ابدل

مايد : اخليج ؟ ولا دقيقه " يبتسم " لو تحلمين والله . . !!

“cut”

>

<

>



وليد : عيووووونج بطييييييح من الاندماااج . .

اطالعته وابتسمت ابتسامه بارده . .

وليد : شفيييييج . .

انا : ولا شي . .

وليد : قولي . .

انا : ولا شي . .

يرن تلفون وليد . .

وليد : الوووو . . هلااا شهااااب . .

انا : عططططططني عططططططني

وليد: صصصصبري . .

انا سحبت الفون : شههههاااااب . .

شهاب : هلا واللللله . . هلابالعرووووس . .

انا يتني الغبنه وسكت . .

وليد : اللللللله يا المكككككر . . شوه ياااااج . .

شهاب : ألوو .!! شفييييج . . ليكون ذا الخبل ضايقج ب شي ؟

انا : . .

وليد يسحب الفون ويحط سبيكر : ماعليك منها . . تدلع عليكم

شهاب : لا جد شصاير

وليد : ماشي سلامتك بس مصبح عليك ب عشرين طراق ومأكلنها تبن . . يعني شبيكون صاير ف صباحيه اكيد مستوحشتكم . .

شهاب : والله يا وليد ان كدرت خااااطرهااااااا

وليد يقاطعه : استريييييييييييح . . وبعدين هاي حرمتي محد له خص فينا . . " يطالعني ويبتسم ويحط صبعه ع خصري يقرقطني "

شهاب : انا لي خص ف ابوك بعد . .

انا : هههههههههههه حبيبي شششهاب . .

وليد : ايووووااااا طلع طلع الحبببببب . . سمنديقا انا اهنننني . .

شهاب : ههههههههههه فديت وخيتي . . عطني اياها في احد يبي يكلمها . .

مدالي الفون . .

انا : الو ..

يدي : مهره .!!

فديييييييييييييييييت هالصصصصصصصصوت . . فديت هالنبرررررره . . فدييييت طوايفه والله

انا : ابوووويه . .

يدي : شخبارج ابوي . .

انا : الحمدلله ابويه

يدي : شهاب يقولون بتسافرون

انا : هيه ابويه احين جريب المطار . .

يدي : هييييه تحملي تحملي من عمرج وتحملي من وليد واستانسي ابويه . .

وليد : سمعتي قال تحملي مني . .

انا : ان شاء الله ابويه لا تحاتي ولا توصي . .

يدي : وينه وليد . . ؟

عطيته الفون . .

وليد شل السبيكر وتم يكلمه . . وما يعيد غير ثلاث جملات " لا تحاتي يدي . . من غير ماااا توصي . . ف عيييوني "

سكر بعدها و وصلنا المطار . . سرت صوب الدبه وياه وفتحت الشنطه والحمدلله اني مرتبه الشنطه عدل بحيث اعرف وين اماكن النعله وما تلعوزت بسرعه ظهرت لي كعب فندي ثاني

وليد : انتي ما اتوبين .! لو انكسر ما بشلج . .

انا ابتسمت : ما بينكسر . .

ودخلنا بعدها المطار . . طيارتنا الساعه 5 العصر . . والحين الساعه 2 ونص . . دخلنا و وقفنا ع الاجراءات وعلى تفتيش الشنط وهالسوالف وعقبها سرنا تغدينا . . كنا ميتيييييييييين يوع وكلينا من الخاطر . . وعقبها يابلنا كوفي وليد . . وقعدنا نشرب .. ولما سرنا صوب سوق الحره عشان نتشرا تلاقينا ويا مايد وميره وسلمنا ع بعض جنه اول مره نشوف بعض !! وعقبها سارو الشباب مع بعض وانا وميره دشينا السوق سوى . . وتمت تخبرني ان ليلتها عدت ع خير ولما سالتني تهرررربت من السسسسؤال وغيرت السالفه . . بعدها ب نص ساعه . . نادو ع طيارتنا النداء الاول . . حاسبت ميره عني الحلويات الي خدتها وتلاقينا ف وليد ومايد كانو يتريونا برع . . توجهنا صوب مكان الصلاه وصلينا العصصر و عقب سرنا صوب الطياره . . وركبنا . . قعدت انا حذال الجامه وحذالي وليد . . و ورايه على طول ميره بعد صوب الجامه وحذالها مايد . .

وليد يطالعني : مش اول سفره لي وياج " يبتسم "

انا ابتسم : الثالثه . .

وليد : شفتي حد قبل ما يعرس ع حرمته يشلها يسفرها مرتين ؟

انا : هيه انته " ابتسمت "

وليد يقرص خدي . .

انا : اييه بتخرب

وليد يقرص مره ثانيه : بخررررب شو . . كل ما سكناها قالت بتخرب بتخرب . .

ميره تدخل ايدها صوبي . . مادتلي كيس : مهووور اندوج حلوياتج

وطارت الطياره . .

ميره : وااااااي حسبي الله عليه من طيييييار طيح قلبي شوي شوي . .

كلنا ضحكنا عليها . .

بعد ما ستقرينا بالجو . . بطلت جبس ليز اصفر العوووووود لانه يوخر اللوعه وتميت اكله وامد ايدي أوكل وليد الي حسيته وايد استانس . .

وليد يبوس ايدي : تسلمين . . بسني . .

ابتسمت له . . كلت بعدها شوي وعقب لفيته عدل ورديت احطه فالجيس . .

وليد يمسك ايدي وتم يطالعها ويبتسم : حلو الحنا ع ايدج . .

مايد : انزين يالزطييييييييييييه حبببه حبببببه شو بيستوي عليج بتموتين

مييره : ولا حببببببببه ولا حبببببببببببه لو تموت ما بعطيك . .

مايد : ع فكره انتي وايد زطيه . .

ميره : قللللللتلك قبببببببل اذا تبا شي قول لي باخذلك قلتلي مابا شي خلاص تحمل مسؤوليه كلاااامك . .

مايد : والله زطييييييه

انا و وليد : هههههههههههههههههههههههههههههههههه

اانا صديت : امر ولد عمي شو تبا

ميره : خلييييه يولي يبا جلكسي . .

انا : افا عليك ولد عمي ما يغلى عليك . .

وطلعت من جيسي جلكسسي العود ومديت له . .

مايد : فديييت بنت عمي . . ولا منتتتتتتج يا ميروه مابا منج شي

ابتسمت وعقبها صديت راسي اعدل يلستي ولمحت وليد غمض عينه . .

بعد تردد كبير حطيت ايدي ع ويهه من الصوب الثاني وحطيت راسه ع جتفي وغمضت انا معاه . . فزيييييييينا ع مطبه هوائيه طبطبت قلووووبنا من الخوف . . جد نققققزنا . .

صديت صوب الجامه : وصلنا . .

ومن قلت هالكلمه هبطت الطياره . . صديت صوب مايد وميره لقيتهم نايمين بعد . .

شفت ساعتي . . الحين الساعه 9 بتوقيت الامارات يعني بتوقيت تركيا و بالتحديييد اسنطبووول الساعه 7 المغرب

وليد يبتسملي : الحمدلله ع السلامه . .

انا ابتسمله : الله يسلمك . .

فتحت فوني وطرشت مسج حق عنود وشهاب ان نحن وصلنا عشان يبلغون الكل . . وبعدها نزلنا وعلى اجراءات المطار وهالعفسه ركبنا عقبها سياره تاكسي . . ركبنا ع سيارتين عشان الشنط بس . . وتوجهنا لفندق ( سراجان بالاس كمبينيسكي ) والحمدلله ما طولنا فاجراءات الفندق وعلى طول رحنا السويت المحجوز لنا . . سويت ميره ومايد مجابلينا بالضبط مثل ما وصى وليد . . دخلت السويت وكان رووووووووووعه روعه روعه . . طبعا انا اول شي اسوييييه ويهمني ف السويت البلكووووون والمنظر المطل عليه . . ف لما رحت عند البلكون تخبلت صراحه . . مجااابل البحررر والباخرات تتحررررك والثلج يطييييح . . يعني كان منظر لا يووووصف . . والفندق بحد ذااااته رااقي وحلو وفيه ديزاين الاتراك . .

وليد يبتسم : ها الي يهمج . .!! البلكون . . ع طول تعفد عليه . . يا ليتني بلكووون . .

ابتسمت له . . : كل شي حلووو . . وحبيت كل شي والله . .

وليد تقرب مني وجابلني ومسك اصابع ايدي الهنتين وحطاهم ورى ظهره . . ( عشان احظنه ) . . : يعني حبيتي كل شي ؟

انا بحيا : هيه . .

وليد : وانا ؟

بلعت ريجي ونزلت راسي . .

وليد يرفع راسي بصبعه : ما حبيتيني ؟

انا اتهرب ماحط عيني ف عينه . .

وليد ابتسم وحظني : انتي احلى شي فالدنيا . . الله لا يحرمني وجودج . .

تمينا جيه ع هالحال . . احس باحساس وايد حلو . . يعني ماعرف كيف اوصصصله . . حلو اني اكون عروس ووان حياتنا من عقب ما ألبس الفستان الابيض تتغير . . يعني كل شي يصييييير بسرعه غييييير ماعرف اوصف . . مع ان هذي ثالث سفره وياه لكن تبقى غيير . . احساااااسي واحسسساسه غير . . مثل شعور الشخص الي عايش بين اهله وناسه 21 سننننننه وف يوووووم ينشل ويودونه بلااااد ثانيه مع شخص واااااحد بس . . يكون شعور مختتتتتلف . . في خوف لكن في احساس المغامره . . احساس ان في شي يديد . . احساس ان . . .!! ماعرف كيف اوصله لكنه احساسسس حلو . . بالذات اذا كان مع شخص حلو ويجبر الخاطر مثل وليد . .

اندق الباب . .

وليد : افففف منو يخرب هاللحظه الحلوه

انا ابتسمت بحيا . .

جابلني وليد وباس خدي . . : رادلج . .

وانا دخلت اشوف غرفه النوم . . حبيت التقسيمه ف غرفه النوم . . بحيث ان السرير اول شي مع الكبت وبعدين دري صغييييير وتكون التقسيمه الثانيه فيها غنفففات وتلفزيووون والتقسيمه الثالثه تبتدي من باب الجرار . . الي عقب ما افتحه تكون فيه كراسي وطاوله صغيره مثله يلسسسه وفوقها مضله . . ماقدرت اتم وايد واتجدم اشوف المنظر لان الجو كان صعييييييييييييييييييق . تجمدت من البروووووده . . فدخلت وسكرت الباب ع طول . .

وليد يا : عيبج المكان . .

انا : واااايد . .

ابتسملي . .

انا : منو كان . . ؟

وليد : يابو الشنط . . وانا اتصلت لمايد قالو ما بيظهرون بيطلبون اكل الغرفه . . قومي شوفي المينيو واطلبي لنا عشششا . . انا بروح اخذلي دشش . .

انا : اوكيه . .

وسبقني وليد . .

رحت ادور مينيو الاكل وشفته صوب الطاولات . . تميت اشوف الاكل وطلبت لنا معكرونا حبيت صورتها ف طلبتها وطلبت معاها خفايف زياده وكولا وماي . . قالولي ان يباله 40 دقيقه وبيجهز . . قمت وبطلت عباتي وعلقتها . . ورحت توضيت وصليت . . وبعدها طلع وليد واااااااااخ يالاحرااااااااج . . طالع ب فوطه بس . . تميت اتهرب اسوي عمري ارتب الشنطه واطلع الاغراض . . مادريبه هو شو سوا لاني بعدها صديت وما لقيته . . اكيد راح الغرفه الثانيه . . لالا اصلا ماشي الا غرررفه وصاله ومطبخ تحظيري يعني وين راح ! معقوله بيلبس فالصاله .. افففف انا غبيه المفروض كنت اكون فالصاله لين يخلص . . افففف ماعلينا . . طلعت كل الي فالشششنطه وحطيته فالكبت ورتبته لان ماعرف ادور شي وانبش . . وخاصه نحن بنتم ف اسطنبول 5 ايام وعقب بنرروح مناطق ثانيه . .

كان لبسي مرتب ما يحتاي اني ابدله لكن طلعت لي شااال ثجيل لاني بموت من البرد وطلعت شبشبي الصوف . . رحت صوب الجامه وعدلت مكياجي وتعطررررت وبعدها طلعت الصاله كان وليد لابس بجامه سودا . . ولابس فوقه الجاكيت شكله هو بعد بردان لانه حاط ايده صوب الدفايا . . كنت ماشيه بروح صوبه . . لكن دق الجرس . . اكيد يابو الاكل . . انخشيت داخل وبعدها دخلو الاكل . .

وليد : يالله تعااااالي . .


==== يتبع ===