منتدى استراحات زايد - ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟!

فالسيـاارة
اسما " مسكت ايده " : تولهت عليك
بطي " ارتبك " : مم
اسما : شو فيك حياتي مم خايف
بطي " سحب ايده " مب خايف
اسما : عيل شو فيك
بطي : ماشي وين تبينا نسير
اسما : نقعد فالسيارة مانروح ولا مكان
بطي : اوكي " بطي تم يسرع
اسما : حبيبي لا تسرع
بطي " حب يخوفها " : ما اسرع بلاج
اسما : بليز والله ترا بفتح الباب وبفر عمري
بطي : ادريبج مينونه تسوينها "
عقبها زاد السرعه وقبضها ومانتبه عالاشارة انه استوت حمره
اسمـــا " بصوت عالي " بطـــــــــــــــــــــــــــــــــــــي انتبــــــــــــــــــــــــــه !!!!!!!!!

قال الوداع ومقصده يجرح القلب
محال قلبي ينجرح من وداعه
ان حبني يامرحبا براعي الحب
وان راح ربي يحفظه كل ساعه

بعــــــد ماتيمعو سيـارات الشرطة وسياير الاسعاف مالية المكان .. شلو بطي واسما وحطوهم فسيارة الاسعاف
يرن فون البيت الساعه 4 ونص الفيـر بس محد يرد
عقبها ب 10 دقايق يرن فون بو راشد
بو راشد : الـو
الشرطي : السلام عليكم ورحمه الله
بو راشد : وعليك السلام آمر اخويه
الشرطي : ممم محمد حميد غانم ال******
بو راشد : هي نعم
الشرطي : ولدك بطي سوا حادث
بو راشد : شووووو
الشرطي : تقدرون تشوفونه فمستشفى ال*****
نش بو راشد بسرعه هو وحرمته
وهم ظرهرين شافو موزه تشرب ماي فالمطبخ
موزه : خيــ ر عمي شو فيكم ,, شي مستوي
بو راشد : بطي
موزه " وهي خايف " : شو فيــــــــه بطي شو فييييه
بو راشد : سوا حادث
ام راشد : محمد . !! سكتت و ظهرت تترياهم برع
موزه " تصيح " دخيلك عمي ترياني بي وياكم
بو راشد : بسرعه بسرعه
راحت موزه لبست بسرعه ونزلت وراحت وياهم
وهم فالدرب بو راشد اتصل حق راشد وخبره وعطول ظهر راشد هو وحرمته
بعد ماوصلو المستشفى
حدرو داخل وموزه ماسكه ايد ام راشد وتصيح
وتمو يتريون برع
شوي ووصل راشد
راشد : خير يا ابويه شو صاير
بو راشد : بطي سوا حادث !!!
راشد : متى وكيـف وهو وين كان انا ماحيده ظهر
بعد مايلسو ظهر الدكتور
الدكتـور : تفضلو
بو راشد : طمني يا دكتور
الكتور : مم بطي عنده عنده رضوض فجسمه وكسر فريله وحاليا يسون له خياطة وزوجته تشللت
بو راشد وقف : اي زوجــه !!!!!
الدكتور : ممم اللي كانت ويااه !!!
بو راشد : بطي ماكان بروحه
موزه " وقفت وتحس انها بتطيح " : منــو ويااه !!
ام راشد " قبضت موزه " : ايلسي يا موزه
موزه راحت صوب الدكتور وتمت تضربه
موزه " تصيح " منوو وياااااااه قلت لك ارمس
راح بو راشد وشل موزه عنهم
بوراشد : مم
موزه : عمي انا بروح شوي وبي
بو راشد : ويــن
موزه : هني الحمام
بو راشد : اوكي لا تتأخرين
موزه : راحت برع المستشفى وركبت تاكسي وراحت بيتها وهي تصيح
دخلت البيت
سالم : موزه شو فيج !!!!
موزه : مـ ـ اشي سالم
سالم : لبية
موزه : اي حد بي يسأل عني قولوله مايت اهنا من زمان ولا تدخلون حد البيت الله يخليكم
سالم " دمعت عينه على حال موزه " انشاء الله ولا يهمج بس انتي ارتاحي
موزه : انشاء الله
سالم : اذا بغيتي شي خبري كومار بتكون عندج
موزه " عطول دخلت داخل "
وقفلو كل البيبان
دخلت موزه غرفتها سبحت وبدلت وصلت وانسدحت حاولت ترقد بس ماقدرت
نرد المستشفى

كلهم كانو عند بطي اللي كان راقد ولا يدري بعمره
ام راشد تصيح وكانو يحاولون يهدونها بس ماشي فايده
بو راشد : !!!!!!!!! وين موزه !!!!
راشد : وينهااا !!
وانتشـرو يدورنها ماحصلوها
راشد اتصل البيت بس الخدامه قالت له مايت
واتصل ع سالم وقاله انه موزه من فترة مايت
راشد : محد !!!!!! ابويه وينها كانت وياك
بو راشد : قالت لي بسير الحمام وبرد وانا نسيتها !!!

وافي وذوقه راقي وصدق ينحب
لكن عيبه فالجفا والقطاعه
وانا لو اني فيه مغرم ومعجب
نفسي عزيزة والمحبه قناعه

الساعه 12 ضحى الكل فالمستشفى

اليازيه : وين مــوزه
ام راشد " ام راشد نزلت راسها "
اليازيه " بدت تصارخ : وييييينها ارمسكم انا
راشد : ظهرت من المستشفى ماعرف وين سارت
اليازيه : شو ماعرف وين سارت لا تستهبلون
اليازيه : شلت فونها واتصلت بها بس فوونها كان مغلق " تمت تصيح "

شوي ونش بطي " فتح عيونه وتم يشوف الي حواليه "
شافهم كلهم وتم يصـيح يدور موزه

بطي : ويـ ـ ـن مــ وزه !!
راشد " معصب وظهر عنهم برع "
سارت امه صوبه ويلست تحضنه
بوراشد : هاي نتيجة الدلع دلعيه بعد
بطي " دمعت عيونه " : اميـه
امه : عيوني
بطي : مم اسمــ اا شو صـار بها
امه : مم تشللت
بطي : شو !!!!!!!! و ويـ ـ نهـ ـ أآأ الحيـنه
امه : يا ابوها واخوانها وشلوها
بطي : موزه عرفت
امه " هزت راسها بمعني هيه "
بطي " سحب الابره من ايده وشل اللحاف اللي كان عليه
امه : بطي وين !!!!
نصره " ربعت برع تزقر ابوها "
بطي : ابويه انا بظهر
ابو راشد : ماشي طلعه لين ماتصح
بطي : اميه دخيلج رمسيه
بو راشد : لا مابترمسني " وظهر برع وظهرت وياه حرمته

ظهرت ام راشد ترمس بو راشد لين ماوافق
بعدها رد بطي البيت وهو نادم عاللي سواه
بطي : اليازيه
اليازيه : بطي بليز مابا ارمسك
بطي : بلاكم انتو
اليازيه : نحن اللي بلانا ولا انته اللي بلاك صدق طحت من عيني ها وانته معرس جذى استح على ويهك
بطي : مم بتين ويايه
اليازيه : وين انشاء الله
بطي : انتي بتين ولا لا
اليازيه : هي هي
بطي : البسي بسرعه وتعالي
" سارت اليازيه لبست ورجعت وظهرت ويا بطي "
اليازيه : نحن وين سايرين
بطي : الحينه بتعرفين
اليازيه : اف !!!
شوي ووصلو بيت موزه .. " تم بطي يدق هرن لين ماظهر له سالم
سالم : نعم !!!
بطي : لو سمحت افتح الباب
سالم : اسمحلي ماقدر
بطي : وليش ماتقدر
سالم : بس قلت لك ماقدر وروح عنه
بطي : نزل من السياره وتم يزاعق على سالم لين ماظهر غيث
غيث : خير يا شباب هدو
بطي : غيث افتح الباب مافيني عالمشاكل
غيث : هي بس موزه قالت لنا مانفتح الباب لاي حد ولو منو ماكان
بطي : يعني جيف الحينه
غيث : اسمحلــي
بطي " عطول اتصل ب أبوه وقاله انه موزه فالبيت وبوراشد عطول يا هو حرمته .. !!!
بعد دقايق وصل بو راشد وقالهم افتحو الباب وعطول افتحو الباب واحدرو .. اول ماحدرو عطول اليازيه سارت غرفة موزه
تمت تدق الباب
موزه : مم منو ياي الحينه " فتحت الباب "
اليازيه " تصيح " وعطول حضنها
موزه " ابتسمت " : حياتي بس لا تصيحين شوي وشافت بطي
موزه يايه تدخل بس مسكها
بطي : اليازيه خلينا بروحنا
موزه : لا مابتخلينا برو حنا لاني مابا ايلس معاك في مكان واحد
بطي : اليازيه انزلي انتي هاي بنت عمج شكلها خرفت
موزه : افف ودخلت غرفتها ورضت بالباب
بطي " دخل معصب " وبدت اصواتهم تعلى
وركض بو راشد وحرمته فوق
بو راشد : بطــــــــــــي ويدق الباب
اليازيه : ابويه ادخل عليه اخاف يسويبها شي
ام راشد : مــــــوزه !!!
ظهرت موزه وخايفه من بطي لا يضربها وانخشت ورا ام راشد تصيح
بو راشد " عصب " : بطـــــــــــــــــــــــــــــــــــي !
بطي وقفت ومنزل راسه مايعرف شو يسوي
بو راشد : شل موزه وراح وياها غرفتها
وتمت موزه تصيح فحضنه لين ما بو راشد دمعت عينه على حال بنت اخوه
بو راشد : بس حبيبتي لا تصيحين والله قطعتي قلبي
موزه : عمـــ ـي انا مااريده قوله يطلقـــ
بو راشد " عصب " : شو هالرمسه يا موزه
موزه : تعبت انا من ولدك ليش ميوزيني اياه دام عايبتنه وحده ثانيه
بوراشد : خلاص انا بتصرف وانتي يا بنتي لازم تردين بيت ريلج مايستوي تمين جذى بروحج !!
موزه : عمي انا اقولك ماريده تقولي ردي وياه مش متحمله اشوفه " وصاحت
بو راشد : خلاص بزقره وتفاهمي وياه
موزه " هزت راسها بمعنى هي "

شوي ودخل بطي وتم يشوف موزه لين مايلس
وموزه منزله راسها
موزه : مم بطي عشان كل واحد فينا يرتاح طـ ـ ـلـقـ ـ ـني
بطي " وقف معصب " : انتي ماتفهمين قلت لج شلي هالفكره من راسج ماشي طلاق ما طلاق وبلا حركات اليهال
بو راشد : بخليكم انا رواحكم " وخز بطي بعينه "
بطي سار يلس صوب موزه .. ولاحظ عليها انها كانت متوتره ومرتبكة يايه بتنش موزه بس مسكها بطي
يلسها حذاله وحط راسه على صدرها وتم يصيح .. موزه توترت زود ماعرفت شو تسوي تمت تدمع عيونها
موزه : مم خبرني لو انته فمكاني شو بتسوي " وهي تمسح دموعه "
بطي " ساكت وبس يصيح "
موزه : بس لا تصيح
بطي : موزه
موزه : .. ؟!
بطي : دخيلج غيري هالفكره شلي الطلاق من راسج ولا تعاندين
موزه : .........
بطي : موزه الله يخليج ارمسي لا تمين ساكته سوي اللي تبينه فيه بس لا تقولين لي طلاق ما طلاق
موزه : منو اللي كانت وياك
بطي : ....................
موزه : بطي
بطي : لبية
موزه : ارمسك انا ليش ماترد عليه
بطي : خلاص دخيلج غيري الموضوع
موزه : لا ما بغير الموضوع
بطي : ................
موزه : خلاص بطي خلني بروحي
بطي : ها اللي تبينه يعني
موزه : هي برايك لا تطلقني بس مابا اشوفك
بطي : ................ عراحتج " ونش عنها ظهر
وتمت تصيح موزه
بطي " نزل تحت والكل يشوفه ويتريا منه اجابه
بطي : يلا نسير مم اليازيه تعالي ويايه
اليازيه " شافت ابوها وقالها سيري "
وظهرو
لحضة صمت ! بين بطي واليازيه
بطي : مم اليازيه شو اسوي
اليازيه : انته شو تسوي ولا هي بطي شو اللي سويته متى بتعقل حرام عليك يا بطي انته صدمتنا كلنا اذا نحن هلك طحت من عينا شو تتريا منها هي مسكينه ولا وبعد حـ وسكتت وحطت ايدها على ثمها
بطي " عاقد حياته " : بلاج
اليازيه : ماشي بس صدقني من حقها انها تطلب الطلاق انا ماتمنى هالشي يصير من بينكم بس صدق لو انا فمكانها
دقيقه مابتم ع ذمة واحد يسوي بي جي ولا انته شفتها مسكينه فقيره محد يروم ياخذ حقها منك قلت بخليها جي معلقه خاف الله فيها
بطي " ساكت ويفكر فكلام اليازيه " لين ماوصلو البيت وكل واحد سار غرفته
مرت الايام والشهور وبطي وموزه مايرمسون بعض

اخترت دربه لكن اختار له درب
شريت حبه لكن اليوم باعه
ودامه وقف مع حاسدي وأعلن الحرب
لابد ما الكثره تغلب الشجاعه

م الخميس فبيت بو راشد
بطي : اميه بغيتج فموضوع
ام راشد : سير وانا بلحقك
سار بطي ويتريا امه
ام راشد : خير يا بطي
بطي : مم اميه
ام راشد : آمر
بطي : مايامر عليج ضالم مم انا بغيت اعرس
ام راشد " انصدمت من هالخبر بس بعد فرحت ماتوقعت انه بيتخذ مثل هالقرار "
بطي : ها اميه شو قلتي
ام راشد : وحرمتك
بطي : شو بلاها
ام راشد : انزين منو بغيت
بطي : خوله
ام راشد : خوله !!
بطي : هي والحينه سيري رمسي ابويه شوفيه
ام راشد : انشاء الله
ظهرت ام راشد وسارت صوب بو راشد وترمسه
بو راشد : هذا تخبل ولا شو
ام راشد : عيل شو تباه يسوي حرمته مب طايعه ترد له
بو راشد : استغفر الله برمس موزه وبشوف
ام راشد : يعني شو
بو راشد : اللي تشوفونه

بطي : ها اميه شو قال
ام راشد : بيرمس موزه
بطي : وليش يرمسها
ام راشد : خلاص برمس خالتك باجر وبشوفها
بطي انزين قوليلها بسرعه ابا اخلص كل شي بسرعه
ام راشد : انشاء الله

مر الخميس بدون مايدرون عن قرار بطي
الجمعه
رمست ام راشد ام شما وفتحتها فالموضوع وام شما طارت من الفرحه لانه من زمان كانت تتمنى بطي يكون لـخولة
ام شما : خلاص على خير يا ام راشد
ام راشد : فداعه الله
ام شما : فداعة الرحمن
وعطول ام شما سارت رمست خوله اللي ماصدقت انه بطي خطبها وقالت حق امها انه انا موافقه

شما : شوووووووو
راشد : والله هذا اللي سمعته
شما : وموزه
راشد " سكت " : شو تبيني اسويبه
شما : انا بروح البيت عندهم
راشد: اوكي حياتي انا بوديج
شما : مم اوكي

وبسرعة تلبست شما وظهرت
راشد : حبيبي شو بلاج معصبه
شما : ماشي
راشد " مسك ايدها "
شما " هدت شوي "

بعد ماوصلو نزلت شما سارت عند امها
شما : اميه شو اللي سمعته
ام شما : وشو اللي سمعيته
شما : صدق بطي يبا خوله
ام شما : هي
شما : وانشاء الله وافقتو
ام شما : اختج موافقة
شما : لا والله يعني ماتعرفين انه معرس
ام شما : والله انا ماضاربته وجبرته وقلت له تعال خطبها
شما : استغفر الله العظيم وين بنتج
ام شما : فغرفتها
شما راحت تضاربت ويا اختها
شما : والله ان وافقتي بخبره عن كل خرابيطج يا خولو وبتشوفين
خوله " صاحت " : يعني انتي ماتتمنين الخبر لاختج من استويت انا وانتي اصلا ماتحبيني ولا انتي خلاص عرستي وحاسدتني
شما : ع شو احسدج اقولج الريال معرس ومتضارب ويا حرمته
خوله : انزين شو اسويـ ـلة انا ما اآ قلت له اي يخطبني
شما : انتو شكلكم فالهبيت كلكم تخبلتو !!! وظهرت عنهم

بعدها بكمن يوم ردت ام شما خبر ع بطي انهم وافقين وخطبوها رسمي وحددو الملجة بعد اسبوعين لانه بطي وايد مستعيل

اليـــــــازيه : والله لو تطيح السما عالارض مابسير عرسه
ام راشد : عيب يا اليازيه مهما كان ها اخوج
اليازيه " تصيح " : حرام عليه يسوي جي حراام
نصره : حتى انا مب سايره
ام راشد : محمد تعال رمس بناتك انا طفرت منهن
يا بو راشد ورمسهن
اليازيه " سارت غرفتها تصيح ونفس الشي نصره وميثا شافتهم وصاحت وياهم
اما صوب موزه من عرفت بالخبر تمت حابسه عمرها وماتاكل وكله تصيح

العين - بيت بو احمد

سعيد : متى استوا كل ها
احمد : والله توه يخبرني راشد ولد عمك !!!
مانع : وموزه بنت عمي
احمد : مادري والله كيف ترتيبهم
سعيد " عطول سار حجرته "
مانع : بطي هذا شكله خرف
احمد " سكت "

قبل الملجة بيوم

اليازيه استأذنت من ابوها وقالت له بتسير عند موزه وطبعن ابوها عطول وافق
بيت موزه
اول مادخلت اليازيه شافت موزه منسدحه وراقده فالصاله وويها مصفر والسواد زايد تحت عيونها وشافت بطنها اللي كبر وابتسمت
اليازيه : موزه موزه
موزه : ...............
اليازيه : موزه !!! يلا نشي
موزه : همممـ
اليازيه : يلا نشي ايلسي ويايه
موزه : فيني رقااد
اليازيه : اوكي خلاص بسير
موزه " مسكت ايدها " : لا خلاص بنــش
نشت موزه راحت سبحت ونزلت
اليازيه " ماعيبها حال موزه "
اليازيه : بلاه ويهج مصفر
موزه " نزلت راسها "
اليازيه : موزه في حد يسوى عشان تسوين بعمرج جي عشانه
موزه : ...........
اليازيه : موزه اذا ماتفكرين فعمرج فكري فاللي فبطنج شو ذنب هالياهل حرام عليج
موزه : ...........
اليازيه : ماعرف شو اقولج والله ونشت سارت المطبخ ووصت الخدامه تسوي لها اكل
اليازيه : امسكي اشربي
موزه : ماريد
اليازيه : يلا عن الدلع تبين ولدج يمرض
موزه : لااا !!
اليازيه : انزين يلا اشربي هالحليب
موزه " شلت عنها الحليب "
اليازيه : هي جي خلج حرمه مب كل شي لا لا لا عيشي حياتج
موزه " تنهدت "
اليازيه : يلا بخليج الحينه
موزه : وين
اليازيه : ورايه نشه من باجر الصبح ولين ماتي المزينه
موزه " حست انه قلبها عورها وتبا تصيح بس يودت عمرها " وابتسمت "
اليازيه "حستبها انها متضايجه "
موزه : خلاص روحي عشان ما اخرج " وعقب تمت تشوف الحنه اللي على ايد اليازيه "
اليازيه " شوي وبتصيح وحبت تتهرب " اذا بغيتي شي اتصليبي وانا بكون عندج
موزه : انشاء الله
اليازيه " سلمت عليها وظهرت "
موزه " دمعت عيونها ليــش تسوي فيني جي فشو قصرت وياك آآآه " وعطول راحت استأذنت من عمها وظهرت
غيث : ماقلتي لي وين اوديج
موزه : مم يستوي نروح دبي
غيث : يستوي نسير حتى المريخ
موزه " ابتسمت " : اوكي خلاص روح دبي
غيث : انشاء الله
عقب الخدامه يلست تسولف ويا موزه لين ماوصلو دبي
موزه : مابتنزلون
غيث : لا
موزه : يلا ماريد اروح بروحي ولا بنرد ترا
غيث : استهبل وياج بلاج
موزه : اتحرا بعد

فبيت بو راشد
بو راشد : شو حالها
اليازيه : والله شو اقولكم يا بويه وايد تعبانه !!
بطي " عينه عالجريده لاكن اذنه وياهم
نصره : ابا اسير عند موزه !!!
بو راشد : بعد باجر سيري لها
نصره : ابا الحينه
اليازيه : هي مب موجوده الحينه سارت دبي
بطي " ودر الجريده " لا والله ويا منو ساير وبشور منو ولا هاي شافت عمرها عايشه بروحها قالت بهيت
بو راشد : هي خبرتني
بطي " قفط "
بو راشد : يلا ادخلو ارقدو وراكم نشة باجر
بطي : مم تصبحون على خير
الكل : وانته من اهله

دبـــــــــي
كانت موزه تمشي وتتشرى اغراض حق ولدها
دخلت new look
تم يشوفها من بعيد ويتأمل ويهها ويقول انه هالويه مب غريب عليه
.........: مــــــوزه ّ!!!
التفت موزه تشوف منو اللي يزقرها
موزه : مممـ منصور
منصور : اوو مانسيتيني
موزه : والله وكبرت شحالك عساك الا بخير
منصور : الحمد الله بخير يعلج بخير ومن يداج
موزه : يسرك حاليه .. الا وين وديمه ماشوفها
منصور : والله الا فالبيت
موزه : علومك بعد
منصور : والله علومي طيبه
موزه : يلا عيل بخليك وسلم على وديمه وامايه عوشه
منصور : انشاء الله
موزه : فمان الله
منصور : فمان الكريم

منصور اخو وديمه اصغر عن موزه ووديمه بسنتين وتقريبا موزه كانت عندهم 24 ساعه
الملـــــــــــــــــجة والعرس فيوم واحد !!
الضحـى
الكل كان مرتبش فالهيوم
ميثا : اييي وين موذه ماشافيتها من زمان
نصره : سافرت
ميثا " شهقت " : وين راحت !!!
نصره : خلاص لا تسألين
ميثا : نذين يعني بطي ليث ودر موذه وبيتذوج مره ثانيه ,, انا ماحب بطي ولا حرمته انا بضربهم وايد
اليازيه : ميثا عيب
ميثا " صاحت " : ابا اثير عند موذه اوكي
نصره : بس اسكتي ترا مابنسوي لج ميك اب
ميثا : مابا شي ودوني عند موذه
يا بو راشد وشاف ميثا تصيح
بو راشد : تعالي حبيبي ميثانه
ميثانه : بابا ودني عند موذه ولا ترا بموت
بو راشد : بسم الله عليج !! يعل يومي قبل يومج
ميثا : بـ ـ اآأ بـ ا بتـ ـ وديـ ـ ني !!
بو راشد : انزين بوديج
ميثا " كانت تصيح من الخاطر "
بو راشد " شل ميثا وراحو

بوراشد وبنته

ميثا : بابا بثرعه
بو راشد : انزين يا بنتي خلاص لا تصيحين
ميثا : ماحب حد اكرههكم اكرهكم
بوراشد " انصدم من كلام بنته "
بوراشد : ميثا شو هالرمسه
ميثا " تصيح "
لين ماوصل بيت موزه

موزه كانت واقفه عالدريشه وشافت عمها وميثا نزلو حطت الوقايه عليها ونزلت تحت ,,

بو راشد : السلام عليكم
موزه : حي الله من يانا
ميثا ركضت عطول وحضنت موزه
موزه : افاا منو مزعل شيخة البنات
ميثا : موذه خليني عندج انا مابا اثير عندهم
موزه : ليش حبيبتي
ميثا : بس عشان بطي بيتذوج وحده ثانيه
موزه " سكتت "
و بو راشد قلبه عوره على موزه وتم يتطالعها
موزه " ابتسمت " خلاص انتي بتمين عندي
بو راشد : بس
موزه : ماعليه عمي انا بيبها الفندق بس طرشو ثيابها وجذى عشان البسها
بو راشد : انشاء الله .. شي في خاطرج يا بنتي .. محتايه شي
موزه : لا فديت خشمك الخير وايد
بو راشد : يلا غناتي فمان الله
موزه : فمان الكريم
موزه : انزين ميثانه يلا تعالي كلي وعقب بتسبحين وبسويلج ميك اي وبلبسج الفستان
ميثا : ليش وين بنثير
موزه : العرس
ميثا : وانتي
موزه : انا بعد بي وياج
ميثا : اوكي بنثير ويا بعض
موزه اوكي
ربع ساعه وصل الدريول يايب اغراض ميثا
ميثا : يلا نتثبح
موزه : يلا

بالتحديد ف غرفة نصره
اليازيه : يالله البسي عباتج والله الدريول هادف بيسير
نصره : يلا انتي انزلي وانا بلحقج
اليازيه : يلا عندج 5 دقايق
صوب خوله وشما
شما : الله يعدي هاليوم على خير
خوله : شما خلاص حتى فهاليوم بتزعليني
شما " صدت عنها "
خوله : خلاص اذا ماتبين تمين عندي برايج سيري
شما " حست انه اختها وايد متضايقه "
خوله : .............
شما : مم انا آسفه وحضنتها
خوله " ابتسمت
عالساعه 7 ونص
وصلو البنات الفندق والحريم
خوله : شعري اوكي
شما : هي يجنن يلا بخليج عشان تبدى ميك اب
خوله : اوكي

صوب ميثا وموزه توهم ظاهرين من الصالون
ميثا : الحينه بنثير
موزه : هي .. اصبري شوي
واتصلت حق اليازيه عشان تقولها وين اي قاعه وجذى

اليازيه : غريبه !! يمكن تي لا شو تي
نصره : بلاج
اليازيه : ماشي ماشي وسارت

بعد ساعه خلصت خوله ودخلن البنات تصورن وياها
عالســـــاعه 9

دخلت خوله بجمالها الهادي القاعه على زفة محمد عبده
بعد ماوصلت عالكوشه الكل سار يباركلها ..
نصره : الف مبروك خوله
خوله : الله يبارك فيج عقبالج
نصره : لا لا انا مابا اعرس
خوله " ابتسمت "

صوب بطي

زايد : مرحبا بالمعرس
بطي " التفت " : هلااااا حبيبي
زايد : مبروك
بطي : الله يبارك فيك
زايد : منو قدك تعرس مرتين
بطي : احم
زايد : علومك بعد
بطي : والله الحمدالله علومي طيبه
زايد : يعله مديم
بطي : وياك يارب
شوي ورن فون بطي " اليازيه "
بطي : عند اذنك حبيبي
زايد : خذ راحتك
بطي : ها انتي وين
اليازيه : يلا تعال انا واقفه هاك المكان
بطي : يلا ياي
.
.
.
سار بطي
اليازيه : هلا بالمعرس
بطي " مستانس " : المهلي لا هان
اليازيه : علومك شو عندك
بطي : ماشي شو الاجواء داخل
اليازيه : تبا الصراحه ملل .. وعرس يلوع بالجبد
بطي " عرف انه اخته متضايجه منه "
بطي : يزوي حبيبي وبعدين
اليازيه " دمعت " : انته مافيك خير
وروحت عنه
بطي " تم فمكانه ومنزل راسه ويت عباله موزه "

عالسـاعه 11 موعد دخول بطي
وقفت " خوله " وغطو جسمها وشعرها

دخل بطي مع ابوه وزايد ولد راشد
باركو له وتصورو ويا بعض

بطي : مبروك عليج
خوله " مستحيه " : الله يبارك فيك
بطي : انزين ارفعي راسج بلاج مستحيه
خوله : مم " رفعت راسها وحطت عينها بعينه
بطي : انبهر من جمالها كانت صدق طالعه غير " خوله صدق حلوه بس كانت ولا شي عند موزه

شوي دخلت موزه الفندق وماسكه ايد ميثا
دخلت القاعه والكل كان يشوفها
اليازيه " شهقت " : مـــــــــــــــــــــــــوزه !!!!!

ببقى احب الحب وتخير القرب
واقول للغالين سمع وطاعه
وش حيلة الانسان لو خافقه حب
ماظن ينسى الحب في ظرف ساعه

كل العيون توجهت عليهم
موزه سارت صوب بطي وخوله وعيونها مليانه دموع
بطي وقف منصدم ونفس الشي خوله وحال الكل
بطي : مـ ـ ـوزه
مـوزه : الـ ـ ف مبروك بطي , مبروك خوله
بطي " قلبه عوره وحس بضيج وتعكر مزاجه "
اليازيه " شلت موزه " وسارت وياها
بطي " لاحضها كيف متنانه "
خوله " متضايجه " : بتم واقف
بطي : مم " ويلس "
خوله " كانت ترمس بطي , وبطي سرحان " وها اللي خلاها تضايج زود
عالساعه 1 بدو المعازيم يخفون
خلاف شل بطي حرمته وسار وياها فوق
تصور كم صوره بس
خوله : مم مب يوعان
بطي : لا مابا شي
خوله : انزين ادخل اسبح
بطي : ............. " دخل عنها بدون مايقول اي شي "
خوله يلست تبطل شعرها لين مايخلص بطي
بعد ربع ساعه ظهر بطي ودخلت خوله
بطي " انسدح عالغنفه وغمض عيونه وتم يفكر "
بطي " ياربي انا شو سويت ها والمرحومه موصتني عليها بس خوله بعد شو ذنبها اني ايلس اعاملها جذى "

.
.
.
اليازيه : انتي شو يابج
موزه " مبتسمه " يـيت ابارك له
اليازيه " حضنتها عرفت انها متضايقه
موزه : سلمت عمرها واطلقت دموعها
اليازيه : بس حبيبتي لا تصيحين
موزه : ................
اليازيه : بس خلاص عشان خاطر اللي فبطنج
نصره : شو اللي فبطنها
اليازيه " شهقت ": انتي من متى هني
نصره : اقولكم لا تغيرون السالفه
نصره : موزه انتي حامل
موزه " هزت راسها ب هيه "
نصره " طارت من الفرحه " : واااااااااااي الف مبروك و" وحضنتها "
اليازيه : اسمعيني ان يبتي هالطالري جدام حد ذبحتج " محد يدري ترا
نصره : ليـــــــــــــــــــش !
اليازيه : بس موزه ماتبا
نصره : حتى بطي
اليازيه : هي
نصره : بس حرام هذا ابوه
اليازيه : عيزت وانا ارمسها
نصره : انزين
موزه : شو رايكم تباتون عندي
نصره : وااااااو
موزه : ههه
اليازيه : بخبر ابويه لحضه
اتصلت بابوها وعطول وافق
موزه : شو قال
اليازيه : طبعا مايقدر يقول لا
نصره : ومن وين لبس انشاء الله
موزه : من عندي
اليازيه : ايي طاعي جسمج وطاعي اجساامنا
موزه : هههه عادي عندي صغاار حقج بس اليازيه عادي تقريبا نفس قياسي
اليازيه : انزين يلا نتحرك
موزه " ساندت راسها عالكرسي وغمضت عيونها "
اليازيه تمت تشوفها وقلبها يعورها عليها

خذن نص ساعه فالدرب ووصلن
اليازيه : مواز نصاري يلا نشن

بعد اســـــــبوع من عرس بطي

فبيت بو راشد
ام راشد : حـــــــــــــــــــــــــــامل
بو راشد : حـــامل
شما : ومن متى !!! وليش محد خبرنا
اليازيه : تراني اقولكم الحينه وهي ماكانت تبا حد يدري
ام راشد : انا بسير اييبها تم عندي
اليازيه : ماتبا تظهر من بيتها
ام راشد : انا بسير لها حد بي ويايه
اليازيه : انا
شما : حتى انا بس بسير اخبر راشد
نصره : انا بعد
ميثا : انا بعد

سارن البنات مع ام راشد

ام راشد " اول مادخلت حضنت موزه عطول
موزه " ابتسمت "
ام راشد : ليش خشيتي عنا يا موزه ليـش
موزه : ...........
اليازيه : بتمون واقفين
راحو يلسو وفتحت ام راشد الموضوع
موزه : بس خالتي انا ماريد ارد انا راحتي اهني
ام راشد : ماعليه حبيبتي انتي الحينه حامل ولازم حد يداريج ويهتم بج مايستوي اتمين جذى
شما : كلام عمتي صح موزه انتي لازم تردين
ام راشد : وانا اوعدج من تربين بالسلامه بتردين اهنا
موزه : انشاء الله
ام راشد : يلا عيل سيري يبي اغراضج وتعالي
موزه : انشاء الله
اليازيه : وين وين انا بسير ازهب شنطتج
موزه " ابتسمت "
وسارت نصره و اليازيه ورتبن اغرااض موزه

.
.
.
صوب بطي اللي من عرف بالخبر استاانس وطار من الفرحه وتضايج نفس الوقت لانه كانت خاشه عنه
بطي : انا باجر بي
بو راشد : لا ياولدي جيف تودر حرمتك
بطي : عادي ابويه احنا اصلا بروحنا كنا بنرد بعد 3 ايام مافيها شي لو جدمنا
بو راشد : عراحتك يا ولدي

بعد مرور 3 ايام رد بطي

فبيت بو راشد
الكل متيمع تحت فالصاله
هادف يسولف ويا موزه
شوي وانفتح الباب وكل العيون على الباب .. دخل بطي ووراه خوله !!
ام راشد : توه نور البيت
بطي : منور بوجودج
موزه " وايد تضايجت وراحت غرفتها " وتضايج بطي زود
اليازيه " عطول لحقتها "
ام راشد : اليازيه
اليازيه : لبيه
ام راشد: ايلسي
اليازيه : انزين
بطي : شحالكم شخباركم
اليازيه : زينين شو بيكون حالنا يعني ونشت غرفتها "
بطي " تنهد " : عند اذنكم
سار صوب موزه
دق الباب " طق طق طق "
موزه : ..................
دخل بطي وتم يشوفها
موزه : بغيت شي
بطي : ..........
موزه وهي تفتح شعرها وتنسدح عالشبرية
بطي : شحالج
موزه : باحسن حال هه
بطي " عوره قلبه يعرف انها بتصيح "
موزه : وايد مطول
بطي : ليش
موزه : اريد ارقد
بطي : ممـ ليش خشيتي عني
موزه : ها شي خاص فيني
بطي : لا والله
موزه : هي
بطي : انزين تعشيتي
موزه : ماريد شي
بطي : انزلي تعشي وعشي ولدج
موزه " حست باحساس غريب ودمعت عيونها
بطي : بخليج انا الحين " وظهر عنها

اليوم اللي بعده موزه نشت من الساعه 6 وظهرت يلست برع وسرحانه
اليازية : بووووووو
موزه : بسم الله .. اليازية شو هالحركات !!
اليازيه : ناقعه من الضحك عليها .. اسفه والله ههههههه
موزه : شو موعنج من وقت
اليازيه : والله توني بسالج
موزه : انا احب انش الصبح حد يفوت الجو
اليازيه : هي والله صدقج .. بس مب برد عليج
موزه : عادي
اليازيه : خلنا نسوي اكشن
موزه : مثل
اليازيه : ممم نظهر
موزه " شهقت " : الحــــــين
اليازيه : يب
موزه : لا خلي خبالج حق عمرج
اليازيه : ماتنفعين
موزه : ابا اسير الصالون
اليازيه : ليش
موزه : بقص شعري
اليازيه : حراام لا لا
موزه : كيفج بروح بروحي
اليازيه : افف لاا تقصينه
موزه : بس مدرج يعني عطوله
اليازيه : امم اوكي
شوي وشافو بطي وهادف ياينهم
هادف : صباح الورد
موزه : صباح النور : ها هادف شو عندك
هادف : والله مادري جي نشيت حسيت اني شبعات رقاد
اليازيه : سبحان الله هالشعور متبادل لدى الجميع
بطي " عيونه ع موزه
موزه : عن اذنكم " وراحت تمشي بروحها صوب الورد والزراعه
بطي : اففف ,, الله يصبرني
اليازيه : الله يسامحك بس عاللي سويته

" خلاف دخل بطي شاف خوله "
خوله : احط لك الريوق
بطي " لا بس ابا عالصير هاتيه
خوله " وهي تعطيه " : بالعافيه حبيبي
بطي : الله يعافيج
بطي : اليوم بنتغدى برع
خوله " استانست : اوكي

وقت الغدى
نزلت موزه من فوق باخر كشخه وريحة الدهن عود شاله البقعه وكل العيون عليها
ميثا : وين بلوحين
موزه : بروح وبي مابتأخر اوكي
ميثا : انذين يبيلي باسكن
موزه : ايبلج باسكن وباسكنين
ميثا " حضنتها اما موزه نزلت عمستواها وباستها وطبع لون الروج عخدها
خوله : يلا حبيبي
بطي : لحضه " وسار صوب موزه
موزه : نعم
بطي : تعالي اباج
" دخلت موزه وياه غرفة المرحومه يدتهم "
بطي : انتي شو مسويه
موزه " عاقده حياتها ": شو
بطي : جوفي عمرج
موزه : انا شايفه عمري
بطي : وين سايره
موزه : مايخصك
بطي : مـــــوزه
موزه " حست بويع فبطنها "
موزه : آآ !!!
بطي " خاف عليها " : مـوزه
موزه " وهي متويعه " : لا تحاتي وظهرت عنه سارت برع وركبت السياره وراحت عند وديمه

بو راشد : بطي تعال ابغيك شويه
بطي : انشاء الله
بو راشد : موزه تبا ترد بيتها
بطي : لا ابويه ماشي رده وبعدين مب حلوه يالسه بروحها
بو راشد : شو تباني اسويها مب طبعه تسمع الرمسه راسها يابس
بطي : ماعليه انا بتصرف , شي في خاطرك
بو راشد : لا فديتك تحملو على عماركم
بطي : انشاء الله
وظهر بطي مع خوله

فالسياره
خوله " تمسك ايد بطي " : حبيبي
بطي : آمري
خوله : مم تحبني
بطي : وليش هالسؤال
خوله : مم
بطي : هي احبج
خوله : وموزه
بطي " تضايج " : شو ياب طاريها الحينه
خوله " استانست " : احبك
بطي " ابتسم "

روؤح البداآوه ..ّ