|
تسلميييييييييين حياااتي ع القصه الروعه نترياااج عااد لا تطولين |
:wrd::987::987::987: |
قمت سرت الحمام خذتلي شووور وعـقب ماخلصت وقفت عند الكبت افكـرر شو البس .... امممم بتصل ف شوق بتخبرها عسب نطقم .. ترن ترن ترن ترن ترن شوق: الوووه امل: هلا وغلا شوق: اهلين وسهليين امل: شحالج؟ شوق: ترتوووب وانتي ؟ امل: بخير دامج بخير حبوبتي شوق:وياج امل: اقووول شوق: قووووولي امل: شوووووبتلبسيييين ؟ شوق: مادري انتي شو بتلبسين؟ امل: اممممم ماعرف شوق: شرايج نلبس مخوووره احسن؟ امل: امممممممممم اوكييه شوق: يلا عيل بخلييج بسير اتجهز شويه وببنطلع امل: اوكيه مي 2 يلا سي يو شوق: باي بندت عنـهآ..وسرت طلعتلي مخووره جييه حمره لبست ويلست اتعدل اتجحلت وحطيت شدو خفييف وحطييت قلوس وردي .. وبلشر ... المهم .. عـقب تعطرت ولبست عباتي وشيلتي وحطيت اغرااضي ف الشنطه .. نزلت تحت جفت الصااله فاضيه مافييها حد .. الصراحه اشتقت لاحمــد ... مزمان ماطلعت ويياااه سرت فووق عند غرفة احمد دقييت الباااب .. احمد : ادخـــل دخلت الغرفه جفت احمد واقف جدام المنظره يتسفر امل: صباااااااااااااح الخـييرآآت احمد : صبااح النووراات.. امل: شحالك ماي برزرد؟ احمد : يسرج .. يلا طووفي بنسير امل: ويين؟ احمد : راس الخييمه بعد وين امل: وين قوم امايه جيه؟ احمد : طلعو من مساعه وقالتلي اييبج امل: ايوااا وانا اقوووول .. زيين بعد متولهه علييك مزمان ماطلعت وياك احمد :هههه هيه تراج تكبرتي كله تطلعين ويا سيفووه ولا بروحج امل: ههههههه هيه ولت ايام المذله يوم اترجاك تطلعني احمد : هههه احلى ايام يوم انتي وريم امل: يوم نتظااارب ع جدام.. احمد : ههه الحيين انتي محد يشااركج ف المكان امل: يــس هع احمد : يلا عيـل طووفي نسيـر امل: اوكـييـه.. سرنا وركبنا السيااره لبست نظاارتي الشمسيييه وسرنا يوم وصلنا صوب المحطه امل: احمد مرر عند المحطييه بلييييييييييييييييييز .. احمد : لاا امل: مر اقووووووووووووولك بلييييييييييز احمد : اذا فااضييه بنتزليين ويااي اذا مب فاضيه انا بنزل امل: فااضيييه ان شااء الله وصلنا صووب المحطه ووقف احمد .. كانت شبه فااضيه نزلنا من السيااره وانا اقول ف خاطري ماعليه براويك ياحمدوو خخ ماخليت شي مااشترييته .. كل الي ف خاطري واخر شي طبعا احمد دفع مارام يقوولي شي هههه ركبنا السيااره احمد : خيبه خميتي المحطه امل: هههه تفداني المحطه بالي فييها احمد: ههههههههههههه وايد واثقه الاخت امل: ههه سمعت فوني البلاك بيري يرن.. سحبته من الشنطه اجوف منو يتصل اصلا محد يعرف الرقم الا سيف. ردييت عليه امل: الو سيف : صباح الخييـر امل: صباح الخيرات سيف: شحالج؟ امل: بخير الحمدالله وانته شحالك؟ سمعت احمد يقوولي منو ترمسيين.؟ اشرلته بايدي بعدين بعديين سيف : منو عندج؟ امل: هه احمد سيف : شو يباا الهرم. امل: هه يسألني منو ارمس سيف : هههههه ـ قوليله ليش الفضوول امل: حموود سيف ايقوولك ليش الفضوول احمد : هههه قوليله كيفي اختي امل: يقووولك كييفه اخته سيف : قوووليله لا مب كيفك مرتي امل:يوود رمسه مليت وانا انقل الرمسه حسيت عمري متوه سيف: ههههههه عطيني اياه عطييت احمد الفوون يرمس سيف وطلعت فوني الثاني اجوف اذا في حد متصللي جفت مسج من الريم....وبـس.. سمعت احمد يزقرني احمد : امووول يودي خذت عنه الفوون وحطييته ف الشنطـه.. طلعت الجيس مال المحطه ويلست اكل ..ههه احمد: عطيني شي بلاج زطييه امل: شو تبا؟ احمد : اممممم ابا اورنميين عطييته الي يبااه وعـقب شـويه ووصلنآ رآك والعام وراك هع وصلنا هناك وسرنا صوب بيت قوم خالوه .. جفت سياارت ابويه هناك يعني اكييد قوم امايه وصلو .. المهم نزلت من السيااره ودخلت داخل الصااله جفتهم كلهم يالسيين سلمت علييهم ويلست عند خوله.. امل: شحاالج.؟ خوله: الحمدالله وانتي.؟ امل : تماام اشتقتلج مزمان ماشفتج خوله: ههه حتى انا والله اشتقتلج بس شو نسوي بعد امل: شوق مايت؟ اول ماقلت الجمله دخلت عموه وياها شوق.. امل: لو طاريه مليون ابركلي خوله : ههههههههههههههـ شوق: ليش تضحكوون ضحكوني وياكم امل: هههه توني اسأل عنج دخلتي .. شوق: انا امبووني محرجه علييج امل: صبري بسير اسلم ع عموه وعقب بتفاهم وياج شوق: اوكـ سرت صوووب عموه سلمت علييها وكل شي وعقب ردييت عند البنووتاااات هع .. يلست ارمس شوقوو وارااضييها اونها زعلاانه هههه... عـقب شووووويه حطو الغدى ... كلنا تغديينا وجـييه.. عقب الغدى سرنا غرفه شوق.. يلسنا هناك نرمس .. شويه واذن العـًصر قمنا نصلي عقب الصلاه خوله: هيييه صح امووول ليش يوم ادقلج مغلق؟ هنييه انا توهقت هاكي الرقم ماعطيتها اياه اخاف هزاع ياخذه .؟ امل: لييش؟ خوله: مادري كم مره دقييت كله مغلق.؟ امل: اممممم اتصلي الحين جوفي شلت خوله فونها ودقت خوله: بعد مغلق امل: ليييش؟؟ خوله: مااعرف شوق: يمكن هيه عندها الرقم الجدييم . يااااااسلااام علييج ياشووق فضحتني خوله: انتيي مغيـــره رقـمج.؟ امل: ليش ماعطيتج رقمي اليديد .؟ خوله : لااماعطيتني امل: خلاص سجلي عندج هاذا رقمي 33''''' خوله: خلاص اوكـيه .. رن الفوون فأيدي كان سيف يتصل .. جفت شوق عفدت تجووف منو متصل ع طوول رفعت الفون امل: عييب .. شوق : اكييد سيفووه. امل: مايخصج .. قمت عنهم ودخلت صوب الدرسنغ ..ردييت علييه امل: الو سيف : هلا وغلآ .. امل: اهلين وسهلين .. سيف : شحـآلج غللآيه ؟ امل : بخيير الحمدالله اند يو.؟ سيف: بخير دامج بخير... وينج .؟ امل: هني .. سيف: تعالي تحت بجوووووفج امل: مااقدر سيف : تعالي شويه مشتاقلج.. امل: وين؟ سيف : هني صوب بااب الصااله امل: اوكييـه الحـيـن يآيــه.. سيف : اوك امل : باآي .. سيف : باي بندت عنه وطلعت عندهم خوله: هااه خلصتي. امل: هييه شوق :ماطولتي عيـل .. امل: كيفي .. وقفت جدام المنظره عدلت قصتي وجحالي تعطرت شويه وعدلت شيلتي طبعا كنت لابسه مخوره فعاقه عبااتي شوق: ليش تتعدليين ؟ امل : بسيير . شوق: ويين .؟ امل: بنغلاادش خوله: امووول صدق ويين.؟ امل: هههههه عند سيف يلاا باي طلعت عنهم من الغرفه .. نزلت تحت .. وطلعت من باااب الصاله جفت سيف الصووب الثاني وااقف سرت صوووبه .. امل: السلاام علييكم سيف : علييكم السلاام والرحمه .. اخيرا يتي امل: طوولت.؟ سيف : لاعادي فدييتج امل: هههه كله من شوقو وخوول يسوولفن سيف: هههههـ.. الجو اليووم حلـو امل: هييه كشـخه بقووول لاحمد عقب يوديني صوب عوافي سيف : افـآ علـييج انا بودييج .. امل: لاا مااعلييه بقوول حق احمدوو سيف : لا والله ماتسيرين غيـر ويـآي .. امل:ليش تحلـف.؟ سيف : كيفي يلاا قومي تزهبي بودييج صوب عزبتنا بعد امل: فضيحه بيزعلون البنات بيقولون روحت عنا ومادري كيف سيف : خـل ايون ويـآنآ .. سمعت حد ينحنح وراي .. لفيت ويهي جفت هزااعووووه اففف منه ع طوول لفييت شيلتي عدل ودخلـت شـعـري .. جفت سيف يطاالع هزااع بنظراات وهزاع يطاالعه بنظرات اخس ههههه سمعت هززااع يقول هزاع: شحالج امـل .؟ سووويتله طااف ورمست سيف امل: يلااا سواف بسير البس عبااتي وبييك السياره سيف : اوكييه حبيبتي اترياج امل: اوكيه رووحت عنه ودخلت دااخل .. جفت امايه ..وقوم خالو وكلهم .. امل: امايه انا بظهر ويا سيف امااايه: ويين تطلعين الحيين بناات خالتج وخالج هني .؟ خالوه فاطمه : لاا برايها عادي عموه: خالييها عادي امل: اذا طاعن بخذهن وياايه خالوه فاطمه: ماظني خوله توافق تستحي امل: مااعليه بجووفهم روحت عنهم فوق دخلت غرفه خوولـه .. امل :عندييي لكم سبرااااااااااااااااايز شووق : شوووه.؟ امل: سيف بيوديينا عواافي شوق: واللله ؟ امل:هيييه يلا قومن تجهزن خوله: لا مابسير انا انتو سيرو انا بتم شوق: افاا ليش؟ خوله: بس استحي امل: يلا عاد شووق ليش تستحيين عادي.. خوله: لا مابي عادي سيرن انا بتم شوق: خلاص امول سيري انا بعد بتم امل: ليش؟ شوق: بس مابي بتم ويا خوله خوله: يلاا امول سيري عن تتأخرين ع ريلج .. امل : براايكم .. روحت لبست عبااتي وعدلت شيلتي شليت شنطتي نزلت تحت وطلعت من الباااب جفت سيف ف سياارته مافيها مخفي ههه دخلت السيااره كان حاط اغنيه مطول ع الاخر اغنيه الجسمي ياعاشقين اسمعو قصه غرام احكمو لاتظلمو ...الخ قمت قصرت ع الصوت امل: شكلك مندمج ف الاغنـيـه سيف : ههههه تعيبني .. امل: البناات ماطاعن سيف : لليش؟ امل: خوله ماطاعت وشوق تمت يااها سيف : ايـوآ .. طوول الدرب وانا العوز سيف هههه يطول انا اقصر ابطل الجامه يسكرهـآ .. اخر شي فتحت الي فوق سيف : امووول بس عاد امل: هههههههههههههههههههههههههههههههه سيف : ههه لاتضحكين امل: انا ماسوييت شي سيف : فديييت البرأه امل: ههههههه افف متى بنوصل سيف :وصلنا اكيه الفه الحين بلفها بس ايلسي عدل وعدلي شيلتج كله شبااب وزحممممه امل: هههه محد قالك اتشل المخفي سمعت سيف يشهق : انااا الي شلييته .. امل: هييه انته الي شليته ولا منو بعد بيشله سيف : خير ان شااء الله .. ياليتني بس يااي بسيارتي الثانيه جان رااوييتج امل: لييييييييييش؟ سيف : سياارتي هاي اخاف علييها بس بودييج العزبه بس هاييج جان صعدت فييج لين ماتقوولين بس امل: عادي ماخااف سيف : ايوا صح صح .. امل:هههههه شكلك مابتصدق سيف : وشو الي يخليني اصدق امل : اوكـييه .. بتجووف شو الي بيخليك اتصدق سيف : الصراحه منج كل شي اتوقع امل: هههههه ـ .. دخلنآ عواافي ونفس ماقال سيف كله شباااب وخاصه صوب المدخل.. حتى انا تغشيييت لانه السياره مب مخفي وانا روحي مارتحت جيه |
المهم دخلنا عواافي .. وحشرت الدراجاات والسياراات.. المهم شويييـه وووصلنا العزبه.. دخلنآ .. ع طوول من وقف سيف السيااره نزلت عقب هوه نزل سيف :بلاج مستعيله امل : ماشي بس الجو خطيير ياارب يطييح مطر سيف:ان شااء الله .. قلت الدعااء ف خاطري اللهم انزل الغيث اللهم صيب نافعاآ طبعا العزبه مقفووله سرنا ورا صووووب الدراجاات.. جفت دراجه سيف .. امل : ههه انا بسوووقها دورلك غيرها سيف : هههههه لاا والله.. جفته ساار صوب الدراجه وركب عليهآ .. امل: لييش.؟ سيف : انا بسوووقها بعد ليش امل: ماابي لا انا جفته وقف يلس ايشغلهاآ .. اشتغلت الدرااجه ووسااقها آ سار بعييد عني افف انقهـرت . ركضت صووبه وقفت اطاالعه ياالس يستعرض ههه يشل وماعرف شو .. امل: سيفوووووه اووقف جفته يأ ووقف حذاآأليـ ... سيف : يلا اركبي امل: وين .؟ سيف : تبين اركبي ويااي امل: ماابي يلا انزل سيف : ههه انا بعد مابا يلاا اركبي ولا بروح عنج اففف قهرني سيفووه والله ف خااطري العب يعني اركب امم ركبت ورآه.. بسرعه من ركبت ع طوول داس رييس انا بغيت اطيييح تمسكت فييـه.. تم يشوووح ويلاات فيني وانا مستانسه خخخ احب هالسوالف .. شويه وحسييت شي طاح ع خشمي .. امل: سيييييف سيف : شو فييج.؟ امل: مطررررررررررررررر سيف : ويين؟ امل: يطييح نفاااف سيف :ههههه زييـن.. شويه وزااد النفاااف كشششخهـ.. يلسنا نلعب بالدراجه تحت النفااف امل: سيف خلني اسووووق سيف: لاا امل: بلييز ا سيف : امممم اوكـييه كسرتي خاطري امل: هههـ.. نزلت سيف وانا تجدمت اسوووق ..تمييت اسووق الدراجه .. اعرف اشووح وييلاات ع الخفييف تمييت اشوح ف ويه سيف عاد انا مستاانسه الجوو طررر ملييت من الدرااجهـ ووديييتهآ مكانهآ .. سرت عقب عند سيف .. كان ياالس يرمس بالفوون .. يلست حذاله ع الرمل.. يلست اسمعه وهوه يرمس من الملل اشخبط ع الرمـل.. مادري ليييش يأ ع باالي خـآلد .. تذكـرت قبل يوم كنا نروح كلنا رحلات البر وجييه يوم كنا نلـعب.. نفظت هالافكار من باالي ونشييت سرت صوب السيااره شليت فوني وردييت صوب سيف جفته مبند سيف : سوووري غناتي طوولت وانا ارمس امل : لااعادي خذ راحتك سيف: انزييييين .. رن الفون ف ايدي جفت رقم امايـه.. رديت علييها امل : الو امايه: هلا امل: اهلين امايه امايه: وينكم امل:ف عوافي امايه: انزين يلا تعالي امل: اوكيه امايه: باي امل: باي بندت عنها وصدييت ع سيف امل: هاي امايه تقولي تعالي سيف : اوكيـه عيل يلاا بنسيـر.. امل: اوكـيه روحنا وركبنا السياارره. طلعنا من عوافي والمطر يصب .. وانا برداانه .. وصلنا بيت خاالـوو .. نزلت وانا اتنافض .. ركضت عسب مااتخيس لين وصلت بااب الفله .. وقف اطالع سيف جفته وراي سيف : بردانه حبيبتي.؟ امل: شويه عادي سيف : اذا وايد سيري البسي شي غليظ .. امل: لا ماعليه الحين بعد شويه بنرد البيت.. سيف : مابترديين ويااي.؟ امل: لا برد ويا قوم امايه سيف : اوكيه حبيبتي .. بينا كول امل: اوكيه باي... رووحت عنه ودخلت داخـل .. دخلت الصااله الكل كان موجوود .. امل:السلاام علييكم : علييكم السلام .. جفت خالوه مهره فدييتها مشتاااقتلها مرره خخخ سرت صووبها ويلست ع الغنفه حذالها يلست اسوولف وياهاآ .. امل: خالوه تعالي الشارجـه.. خالو: ليش؟ امل: تعالي متولهه عليج وبعدين وحليلي ملاانه خالوه: ههههه كسرتي خاطري بي خلاص امل: احللى شي اكشن خالوه: هههههه بس مب تودريني وتسيرين ويا سيفوه امل: خخخ لا افا عليج.. خالوه: بنجووف هع امل: متى بنسير الشارجه مادري. خالوه: سمعت امج تقول ع الساعه 5 امل: اوكيه بسير صوووب البنات خالوه: اوكيه روحت عنها وسرت صووب البنووتاات .. يلست ويا قووم شوق اسولف وياهم وهم يغلسون عليه اونه سرتي وياحبيب القلب وماعرف شو .. المهم ع الساااعه خمس قمنا ووسلمنا ع قوم خالوه مادري ليش احس خالوه فاطمه شاله بخاطرها عليه بس طاف .. المهم عقب ركبنا انا وخالوه ويا احمد. سرنا اول شي بيت قوم يدوه خالوه جهزت اغراضها وثيابها وجيه وعقب سرنا صوب الشاارجـه.. . طوول الدرب سوالف وظحك خلينا احمد يحوطنا ف الشاارجـه شويه وعقب رديـنآ البييت .. رديينا البيييـت بدلت ثيااابي وخذتلي شور وحتى خالوه عقب يلست ويا خالوه اسوووولف وياهاآ .. فلييل حطو العشى تعشيينا ورقدنا كنت تعبانه من الخااطر اليوم حتى مارمست سيف احس شي غلط هوه اتصل بس انا طنشته مب متفيجه نشـييت اليوم الي عقـببه بدلت ثيابي ونزلت تحت كانت الساعه 9 ونـص.. شويه ونزلت خالوه يلسنا انا وهيه نسوولف ... عقب شوي نزلت امايه بعد يلسننا نتريق ونسولف.. سرنا انا وخالوه فوق الغرفه امل: خالوه يلا وين نسير اليوم خالوه: امممممم مادري تعالي نفكر امل:هممممم شراايج نسييـر دبي مول خالوه: ااوكييه شورج وهداايه الله امل: متى تبينا نسير خالوه: قومي الحين امل: هييه احسن عن الزحمه عقب .. خالوه: اوكيه انا بقوم اخذلي شور وعقب بنروح امل: اوكيه دخلت خالوه الحمام وانا شليت فوني البلاك بيري ابا اسويلي الخدمه مال النت بس الحين مشغوله عقب بجوف .. امممم جفت كم مسج من سيف بس طنشت طرشتله مسج " صباح الخير سيف انا بطلع اوكي " وعطوول فريت فوني وسرت تسبحت ف حمام ريم .. عقب ماطلعت من الحمام سرت غرفتي جفت خالوه مخلصه يالسه تنشف شعرها صليت الظهر ونشفت شعري بعد عقب تجحلت ع الخفيف وحطيت غلوس بدلت ثياابي ولبست عباتي وسكاارف.. شليت شنطتي وحطييت فيها فووناتـي.. خبرت امايه وظهرنا انا وخالوه ركبت السيااره .. نص الدرب سمعت صوت فوني يرن شلييته جفت رقم سيف .. امل: افففف خالوه: بلاج.؟ امل: ماشي الصراااحه ماكنت ابا ارد عليه مادري ليش .. يعني انا ماحبه بس والله يكسر خااطر .. كنت فااره الفون ف حظني وكان يرن .. انا كنت مسوتله طاف واسوق السياره .. خالوه: ليش ماتردين؟ امل: بس خالوه: منو يتصل .؟ امل: سيف خالوه: ليش ماتردين عليه امل: بس مب متفيجه خالوه: شو بعد مب متفيجه ردي عليه امل: خالوه خلييه عادي خالوه: عييب يلا ردي امل: انزين طبعا هوه كان كم مره متصل وانا مارد اخر شي رد اتصل رديت امل: الو سيف : السلام عليكم امل: علييكم السلاام.. سيف : وينج يوم اتصل ماترديين . امل: كنت مشغوله سيف: مشغووله؟ انزيين انا طرشتلج مسج ولا رديتي امل: ماججفته سيف:هييه ماجفتييه وين انتي ؟ امل: ف السياره ؟ سيف : كيف تطلعين بدون ماتقوليلي.؟ امل: طرشتلك مسج سيف : انزين انتي طرشتي مسج بس ماقلتي وين بتروحين وفريتي الفون ولا ترييتي ردي ولا شي امل: انزيين اهم شي قلتلك اني بطلع مب وين بسير سيف: لاوالله امل: هييه عيل شو سيف: وين سايره؟ امل: دبي مول سيف : ومنو وياج؟ امل : خالوه مهره سيف : بس؟ امل: تحقييق هوه؟ احسسـه انصدم من الكلمه الي طلعت مني بس طااف اصلا انا مب متفيجه واحس مووول مالي خلق سيف : اوكي باي ع طول سكر ف ويهي من القهررر فريت الفون ع السيت الي ورا خالوه: هدي هدي بلاج امل: والله هاذا يقهرررررررر شو يبا فيني يحمد ربه اني اقوله يوم اطلع بس يتحرطم خالو: ليش شو قالج؟ امل: وايد يسأل اونه ويا منو طالعه وين سايره ومادري شو خالوه: انزيين ريلج من حقه يعرف . امل: خلييـه يوـولي خالوه: امل مب زيين. امل: ماعليه فديتج .. خالوه: الله يهديييج.. امل: تعرفيين كل شي ياخالو وتعرفين اني ماحبه خالو: عيل ليش خذتيييه؟ امل: مادري خالوه: خالد الله يرحمـه انتي عيشي حياتج امل: مااقدر انتي تعرفين كيف كنت احب خالد وسيف عادي انا وياه بس مب قادره احبه خالوه: يعني لين متى؟ امل: مادري المهم يلا خل ننزل خالوه: الله يهدييييج امل: اآمـييـــن .. نزلنا المووول وانا شويه متضاايجه من الي صار حتى مانزلت فوناتي خل يوليـ .. تميينا نتمشى شويه عقب تغديينا مللييت من هالمول وايد كبيير امل: خالوه خل نطلع من هني ملييت خالوه: اوكييه احسن بعد انا ملييت منه وايد عود.. روحنا صوب الباركناات ركبت سياارتي وطلعنا من المول. خالوه: ويين نسيير؟ امل: امممممم مادري خالوه: قوومي نسير صووب جميـرا امل: اوكييه لفييت صوووب جميرا تميينا نتحوط هناك شويه وع الساعه يمكن 8 بغينا نروح ..ماك مريينا ماك الي ف جميرآ مرينا وطلبنا عطوني الجييس مال الطلبيه يت بحطييه ورا جفت فووني البلاك بيري كنت يااايه بشله بس عقب قلت خل يولي والله يالس ويهازب واخر شي يصك الفون ف ويهي اشتغل عنده؟ سرنا البيييت وصلنا تقرييبا ع السااعه 9 بدلت ثياابي ويلست اتعشى ويا خالوه.. عقب ماخلصنا عشـآ .. يلسنا ف الصاله الي فوق خالوه: ملل امل: عندي فلم حلو شرايج نطالعه؟ خالوه: يبييه بنجووف.. امل: اوكيييه ثواني وبيكون عندج سرت الغرفه ادوور الفلم مزماان ماجفت افلاام.. اخر مره قبل لاااملج .. من خذت سيف كله كنت ارمسه واطلع وياه وبعد الدرااسه مب مخلتلي وقت .. لقييت الفلم شليته وشلييت فوناتي سرت الصااله.. جفت خالوه يالسه .. شغلت الفلم وبندت الليتاات فريييت الموااسد تحت وانسدحت امل: تعالي تحت خالوه: ليش؟ امل: هههه بس جيييه يوم اطاالع افلام احب اطيح ع الارض خالوه: ههههه حركات بعد .. امل: مابتيين تحت .؟ خالوه: بــــــي . نزلت خالوه تحت ع الارض وياايه وشغلنا الفــلـم... عقب فــتره كنت مندمجه صدق ويا الفلـم... نقزت ع صوووت الفووون امل: بسسم الله .. خالوه: ههههههههههههههههههههههههههـ بلااج نقزتي ؟ امل: كنت مندمجه ع الاخيير زغتتتتت خالوه: قووومي ردي ع فوونج.. امل: اوكيـه.. نشييت من مكاني وسرت صوب الغنفه اجوف فوني. جفت سيف متصـل .. لا والله بعد متصل يبا يكمل هزاب ولا شو؟ سوييتله طاف وردييت مكاني اطالع الفلم خالوه: ليش مارديتي .؟ امل: مابا.. خالوه: منو ؟ امل: سيف .. خالوه: حرام قومي ردي عليه امل: خل يولي متصل يكمل هزاب ولا شو السالفه خالوه: عيب علييج انتي بطفشيين الريال امل: نفاااااااااااااااااااااد .. جفت خالوه نشت من مكانها وردت ع الفون خل ترمسه هييه احسن خالوه: هلا وغلا .. بخيير الله يسلمك وانته.؟ دوم يارب .عاش من سمع صوتك ماتتصل يالقااطع .. هييه .. والله ماشي .. تبا امل.؟ يوم قالت جييه اشرتلها بأيدي انها تقووله رااقده ولا اي شي جفت خالوه تطالعني بنظرات هههه عسب ماتوهقني وياه نشييت بسرعه وسرت بعييد طلعت من الصاله بس وقفت جريب اتسمع خالوه: امل رقدت توه كنا نطالع فلم ورقدت عني هههه خلتني بروحي .. اوكيه عيل وانته من اهله مع السلاامه يوم سمعتها بندت عنه روحت الصاله خالوه: ويين شردتي امل: شو يبآ ..؟ خالوه: مااشي يسوولف امل: ماقال شي .؟ خالوه: ولا ياب طاري الساالفه امل: ايوآآـأإ.. خالوه: والله افتضحت فييه اونه رااقده اشكره جذب عيب عليج امل: عادي خل يعرف انه جذب خالوه: عيب لاتعاملينه جييه انتي بتندميين اخر شي امل: الله كريـم.. ردييت اطاااالع الفلـم.. ليين ماخلص .. عقب بندنا الليتاات وسرنا الغرفه كنت مسطله فيني رقاااد.. بدلت ثياابي وع طوول طحت ارقد .. وخالوه بعد نهآيـه البـآرت |
القصه طررر.. تسلمييين .. بس كملييها بلييييييييييز ..:30: |
| الساعة الآن 05:13 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir