منتدى استراحات زايد - _-_-_-_ عليك أغاآآآآآأااااار من لمس الهبـــــــــايب_-_-_-

منتدى استراحات زايد (http://vb.ma7room.com/index.php)

- الحوار والنقاش - الرأي والرأي الآخر (http://vb.ma7room.com/forumdisplay.php?f=7)

أشكرك اخوي النعيمي ع غييييرتك هذي على خواتك المسلمات،، للأسف الشديد هالبنات عندهن خلل بس مانعرف بالضبط شو هو؟؟

هل هن محتاجات شخص يطري عليهن وع جمالهن،، انزين انتظروا لين ايي ولد الحلال اللي بياخذكم بالحلال وعقب بتحصلون اللي تبونه من كلام ..

ولا نسوا او تناسوا عقاب ربهم وخذتهم الغفله واستهااانوا بالعقااب والعذاب وقامن يحطن صورهن والله ماندري!!!

الله يهدي الجميع ويستر ع بنات المسلمين

السلام عليكم ورحمة الله وبركاته

سلمت يالنعيمي انا بنفسي شايف في موقع فلكر وايد اشياء غير هاي والي تسوق
يعني رنج ومتصورات والا رايحات كشته وهن يتحسبن ذكريات الصور يوم تتخزن فالموقع
وكل واحد قد مر يشوفه ويمكن يخزن الصوره عاده وين راحت سمعتها فتراب تتحشم من برع ومن داخل
الله يستر ...

وتسلم يالنعيمي وان شاء الله البنات يتبعن نصيحتك ..والسموحه كأننا غلطنا والا زله لسان فشي ..

تسلم اخوي عالموضوع الغاوي وربي يجعله من ميزان حسناتك

وهاي الظاهره وايد منتشره في البلاد الا يصورن حناهن ولا حلوجهن ويال الصناقل (التقويم) ولا حطن ورده بحلوجهن

صووور غريبه وبنفس الوقت قبيحه ووالله يهدي بناتنا ويكبر من عقووولهن

واهلمهم ربوووهم عدل لكن هم مايعرفون يربون نفسهم والسبب الاول لهالخراااااااااب الجااااااااااااامعه اكبر خراب

صح انه كان بخاطريه ادخل الجامعه بس بعد رمسة ابويه مستحيل احدرها وياما بنات ظااعن لانه اهلهن مش وياهن بس اخر الاسبوع ين البيت (بتقولون شي عادي البنت المتربيه تعرف تتصرف لكن شي بنات جحشات يسون اللي ما يسونه البشر والله حرام يحملون جنسية الامارات شوهو صورة البلاد ) ودليل بنت في راكـ ربي يستر عليها ظاعة وظيعة اهلها بسبب صوره شو صوره نص صوره
ومالها ذنب بس ذنبها انها خلت ربيعتها تصورها

.. وعليكم السلام ورحمه الله وبركاته ..

مشكور أخويه النعيمي على الموضوع الرائع ..

ربي يهديهن ويستر عليهن ..

انا بصراحه تلوع جبدي من امثالهن مب محشمين حد لا اهلن ولا عمارهن و بصراحه ها كله قلة ادب
الله يهديهن بس!!
تقبلوا مروري و صراحتي
اختكم غاااليه