منتدى استراحات زايد - رّوآيه " هآيـم فيّ بحـر آلشّوق وُ لذة هيآمك "

البارت الـ 31

قبل سنه ونص تقريبا . . !

قبل سنه كان كل شي مختلف . . كل شي غيير عن الحين . . امور وايده تغيرت . . امور وايد ف حياه الكل كانت غيييييير . .

قبل سنه !ّ! يوم كنا نتيمع يوم اليمعه . . كانو عيال عمي الشباب يحبون يغصصون ف سيف جدامي لانهم يحبون يشوفوني معصبه ومتغصصه ومايرتاحون الا لما يشوفوني اعصصصب عليهم . . !!

مروان : سيييييف يااااخي انت فاششل قوم قوم سير اغسل الحمامات احسن

مايد : ياخي كل اسبوووووع غااااااسلينه فالمباراه ما يعرررررف يلعبببببببب . .

سيف يبتسم ويكمل لعب . . ( يلعبون بلبيستيشن )

انا كنت واقفه فالممر الي يفصل بين الصالتين . . صاله الحريم وصاله الريياييل . . يعني هم عاطيني الظهر وانا اشوف اللعب . .!

عبدالله : هههههههههههههههههههههههه عططططططه عططططه سييييييف

مروان يصارخ بفرح : قوووووووووووووووووووووووووووووووووووووول

مايد : سييييييف برررررررررررررررررررا برااااااااا برااااااا . . روح روح غسسل الحمام

مروان ومايد يتخاشمون . .

راشد كان ع زاويه وبعيد عنهم ومنسدح ع الغنفه ويلعب فالبي بي ويبتسم . . بس حزتها ماكنت اعطيه هاك الاهتمام كله احسه وحيد وفيه توحد لانه ما يختلط فينا ولا يكلمنا الا بكلمتين ويروح وكله يكون مع نفسه ّ!!

مايد يفر راشد بالمخده : ايييييه روميوووو . .

راشد يطالعه : شوو . .

مروان : خلللللك من راشد . .الحين شو ترتيب الخسسسران . .

وليد من وراي : ايييه . .

انا نقزت : بسم الله . . " عدلت الشيله وتحجبت عدل " . .

وليد يطالعني : شعندج واقفه اهني . .

شيخه تي وعيون وليد تتحول عليها . .

شيخه : شحالك ولد عمي . .

وليد يطالعها باحتقار عقب راح عنا صوب صاله الحريم يسال عن يدوه !!

انا :ِشو سالفتج انتي و وليد ؟ ليش كل مره يطالعج جي احسه مادري كيف

شيخه تبتسم : نظرات كره وحقد وشوي بيصفعني . .

انا : هيه

شيخه : ههههههه ماعليج . . سالففه جديمه

انا : شوووو خبريني . .

شيخه تبتسم : تقدرين تقولين اني انا كنت وحده سيئه قبل وجرحته وايد . . بس

انا اطالعها عقب قرصت خدي وراحت . .

سيف يطالعني : انتي اهني . .

وليد مر صوبنا واطالعنا وعقب راح قعد وياهم . .

وليد : بطل بطل بلعب وياك . .

مروان يصد يطالعني :ششششفتي خساره الي بتتزوجينه . .

مايد : بعدج ع البر بنننننت عمي . . قولي لا و ودريه

انا عاقده حياتي : حاممممممض ع بوزك انته واياه . .

مروان : ههههههههههههههههههههههههههههههههههه

وليد يبتسم : خلوها هاي غرقانه ف هواه . .

انا : قسسسسسسم بالللله

سيف يبتسم : هههههه خليهم . . ما بيودرونج

انا : ماتشوفوهم كيف يقهرووووووووووووووووون وانت ساكت عنهم

سيف : سوالف

انا : لا حتى بسسسسوالف لا يسولفون . .

تجدمت شوي وشليت المخده الي ع الغنفه وفريتها صوب راس مرووووووان لكنها دقت راس وليد الي كان يشرب شاي ومع الضربه انجب الشاي ع بدلته !

مروان يشهق . . : سلوووومه سلووووومه ولد العم . .

مايد : احترررررقت ؟؟

انا شهقت : احترق . . !!!!!

سيف : هههههههههههههههههههههههه . .

وليد يصد يطالعني بنظره كلها شر وقام وفر القيير ع عبدالله : ألعب بدالي لين اي . .

انا مصدومه واطالع سيف : اويه ها ليكون ياي يضربني . .

سيف : مايروم . .

تلفون سيف يرن ويسير شوي بعيد . .

انا ألحق سيف . . : ويييييييييييين رايح اطاع ها الششششششري لاحقني

سيف يحط صبعه ع شفاته بمعنى اسكتي ارمس ريال !!

جان اطالعه بنظره عتب واطلع بسسسرعه حافيه من باب البيت وماشوف الا واحد ورايه يركض وانا اركض . .

كانت يدوه ويا يدي قاعدين فالزرع ويشربون قهوه بحكم انه شتا والجو غرام . .

انا سرت صوب يدي : يديييييييييييييييييه

وليد ورايه ولما شافني انخشيت ف حظن يدي وقف . .

يدوه : انتي هبله اسسسسستخفيتي تركضين شرا اليهال . . " تطالع وليد وتتغير نبرتها 180 دررررجه من عصبيه إلى حنان " تعال ابويه ايلس ماعليك من ها الياهل " وتشهق " بلاها ثيابك . .

وليد عاقد حياته : شوفي هاي اليااااااهل شو سوت في ثيااااابي . .

انا ابتسم بخبث ومنخشه ف حظن يدي الي حامني بايدينه . .

يدووه : ابرررررك عشان تبدل هالمرصص وتلبس لك كندوره وتغدي ريال . .

انا : هههههههههههههه ماتقصدين يدوه

وليد يطالعني ويسويلي بايده ماعليه . .

يدوه : دشو داخل عن الصدعه . . " يدوه تطالعني " انتي سيف لو شافج جذه خفيفه وتناقزين من مكان لمكان بيهدج . . الريال يبا وحده ثجيله وحررررمه مش تتناقزز . .

سيف يي صوبنا : وليد هدها ف حالها . .

انا قمت عن يدي : توا الناس . . توك تفيجت . .

سيف يبتسم . .

وليد يطالعني : تراه قاص عليج وايد هاه . .

سيف يدز جتفه : انت شو حارنك . . منو قارص دودتك . . !!!

وليد يطالع يدوه : ياخي يدوه دوريلي حرمه . .

شوي وطلع عبدالله من البيت من غير ما يقول شي وطلع بالممممره . .

يدوه : امففف عليه مافيه مذهب . .

طلعت عنود ويت صوبنا وهي شاله بايدها صقاري . . كان بعده ولد شهرين . .

انا سرت صوبها وشليته عنها . . : فديييييت الولد فديتوو حبيبي . .

انا اطالع عيونها : بلاج . .

انا : شو صاير قولي . . !!!!!!!!!

>

<

<

عنود : عبدالله . .

عبدالله مطنشها يلعب بليستيشن . .

عنود : عبببببدالله !!!

مروان يصد ويوقف : ايييه بنت عمي تزقرك . .

عبدالله يطالع مروان : ششششششششغل ياحيوان . .

مايد يصد يطالع عنود : حرمتك وراك تزقرك . .

عبدالله : اللهم طولج ياروح " يصد يطالعها " شووو شووو تبين . .

عنود بلعت ريجها : ابا ارد البيت

عبدالله : انزززززززين ردي حد قالج لا تردين . .

مروان : عبدالله !!

عبدالله يطالع مروان : شعننننننننندك انت وياه . .

عنود تطالع عبدالله وماترمس . .

خلود تي من وراها : ولد عمي عيب عليك استح ع ويهك ترمس وياها جدام الكل بهالاسلوب . .

عبدالله تم يطالع خلود ومركز نظراته عليها . .

عنود سارت عنهم وشوي ولحقها عبدالله . .

عبدالله يمسكها بعنف من جتف : شعندج ذبحتيني نكدتي عيشتي . .

عنود تنزل دمعتها : بس كنت بقولك اني اباك ترد ويايه البيت عشان اعطيك المضاد الحين موعده والدكتور قال لازم تلتزم فيه عشان تخوز عنك الكحه بالمرره . .

عبدالله : ماااالج خص . . تعرفين شو يعني مالج خص . . يعني لا تشغلين بالج فيني . . يعني فكككيني لو اموووووووووت لا تهتمين . . اففففف من هالعيشه

ودزها ع ورا وراح . .

>

<

>

انا : حيوان والله حيووووان . . لين متى بتسكتين عننننه لين متىىىىىى . .

عنود تبتسم : وصليني البيت بس . .

انا : أمشي . .

سارت عنود صوب يدوه ويديه وسلمت عليهم وترخصت منهم

انا اطالع سيف : بوصلها بيتكم وبرد . .

سيف يبتسم : روحي . .

انا اتكلم بشفاتي من دون صوت : لا تررررروح !

لمحت ان وليد اطالعني وابتسم وصد الصوب الثاني

سيف يرد علي بنفس الحركه : مابرووووح . . .

ابتسمت ومشيت ويا عنود لين بيت عمي حمد . .

انا سلمت ع حرمت عمي حمد : شحالج عموه ما ييييتي اليوم . .

سلمت ع البنت الي معاها : مرحبا شحالج . .

انا : مرحبتين بخيير

حرمت عمي حمد : هاتي صقر مهره . .

عطيتها صقر . .

حرمت عمي حمد تطالعني وتبتسم : مهره هاي بنتي نوره . . نوره هاي مهره خطيبت سيف . .

نوره تبتسم : اهليين فيج . .

انا ابتسمت : هلا فديتج . . انا اترخص عنكم بسير باخذ شغله من عنود . .

حزتها . . !! ماعطيت نوره ذاك الاهتمام اببببببد . . بعكسها الي كلتني بعيونها . . كانت اول مره اشوفها فيها وحتى نسيت اني شفتها !! نسيت ملامحها . . نسيتها بكبرها لان بالمره ما شغلتني ولا خليتها ف بالي حتى !

سرت ورا عنود لين غرفتها إلي كان باب حجرتها ملايم مش مسكر كله . . سرت عشان اطمن عليها لكن وقفني صوت طراق عبدالله

تميت متشلله .. ريلي ما شلتني وانا اشوف اختي تنظرب جدام عيني . . كنت برفس الباب وبدخل اسبه سب واشل اختي واقولها خ يولي هالحيييييييييييييييوان الي مافيه ذره رجوله يمد ايده ع بنت لكن صدمتني رده فعل عنود

عنود : اضربني لين تشبع . . لكن خذ دواك بس . . ما تهون علي اشوفك تكح وتتعب منها

عبدالله يروح صوب الدوا الي كان شراب وبطل الغرشه وجبببببه بكبره عليها

عبدالله : اشششربيه انتي هالدووووا الي حششششششرتيني وصدعتيني فيه

انا دخلت ع طول وانا اشهق : يااااااا الححححححححححقير . .

عنود تطالعني : مهره . .

عبدالله طلع من الغرفه . .

انا : ليش تسكتين عننننننننننننننننننننه لييييييييييش .. ليش تخلينه يسوي فيج كل ها وماتنطقيييييييييييييييين . . ها حيوان خايس ليش صابره عليه . . شوفي شو سوا فيج . .

عنود تمسح دموعها . . : روحي البيت مهور . .

انا : بترياج . . روحي اسبحححححي وبنرد سوى

عنود : انا ما بترك ريلي ولا بترك ولدي .. ماعليه صدقيني الامور بتتحسن انا عندي يقين

انا : اي يقين . . الي مثل عبدالله ما يتغيرووووووووون خـليه يولي ما يستاهلج والله ما يستاهلج ليش صابره عليه هالكككككككككثر

عنود : لانه بو صقر . . لانه ريلي وحبيبي و ولد عمي . .

انا اتنهد : عنود لين متى لين متىىىىىىىىىى فهمينييييي

عنود تبتسم : ربي بيفرجها وانا واثقه . . روحي البيت الحين عشاني زز

انا اطالعها وخانقتني العبره . .

عنود : انا بخير لا تحاتيني . .

اتنهدت وقمت وطلعت . . لكن ما رحت البيت . . رحت حجره ميروه وبطلت الباب فجاه من غير ما ادقه . .

ميره تشهق : يمممممممممممممه طيحتي مراره فوادي . .

انا اطالعها :شعندج ما ييييييتي اليوم !!!

ميره : ترا ما تشوفين ست الحسن والدلال عندنا . .

انا : امنوه

ميره : نوره . . اميه قالتلي تمي وياها منو بيغدا معاها . .

انا :أيوووووا . .

انسدحت ع ريلها . . : شو تسسسسوين . .

ميره تشوف المجله : اششوف فسساتين اعراس . . واتخيل عرسي انا و وليد

انا ابتسم : اشوف راويني . .

ميره تراويني : ياااااي رووووووعه. .

ميره : مهور متى بي اليوم الي نعرس فيه ونلبس فيه فستان ابيض .!!

انا اتنهد : هيه والله متىى . . !!

ميره : اححححححححححبه مهور احححححححححححبه . .

انا : يوم تحبينه ليش رفضتييييه . .

ميره : في اشياء ماتعرفينها مهور وانا ماقدر اقولها . . انا وعدت اني ما ارمس . .

انا : لو شو ماكانت الاشياء بس انتي تضيعين الفرص ! دام وليد يا وخطبج جان واااااافقتي وخلاص

ميره : مهور انا مابا اتزوجه لهدف انه ينسى الي بحبها

انا اطالعها : وليد يحب !!!!!! يحب منو

ميره : انسي مهور انننننسي

انا : قوووووووولي ..

حزتها لو حنيت ع ميره كان يمكن قالتلي عن حب وليد ل شيخه وحب شيخه لمروان . !! لكن الله ما راد اني اعرف هالوقت . . !!

ميره : قلتلج وعدت مارمس فالموضوع . . المهم ماكلمتي سيف فالموضوع . .؟

انا : تعبت وانا اتكلم معاه فالموضوع . . ابوج الله يهديه

ميره : مادري ليش ابوي يسوي جيه يعنننني ..

انا : ااااااااه يختي خليها على الله . . المهم يالله نشي خلينا نرد بيتنا .. الكل قاعد فالحوش واكيد الحين بيسوون كرك . .

ميره : احححححلفي . . يالله يالله . .

صلينا العصر في بيتهم وعقب طلعنا سوا رادين بيتنا وشفنا سيف داخل البيت . .

انا : ميروه اسبقيييييني . .

ميره : افففففف عاد بتمين لين المغرب وياه تتحريني ماعرف

انا : لا ما بطوووول . .

راحت . .

انا اطالعه : شفيك . .

سيف يطالعني : مافييني شي . .

انا : وبعدين وين داش االصاله جيه لا احم لا دستور . . شي بنيه داخل . .

سيف يبتسم : شو ابا فالبنيه ؟

انا : لا والله . . عن تحط عينها عليك . .

سيف يصد يطالع الدريشه . .

انا اصد اطالع : شو تطالع . .

سيف : مادري جني لمحت حد يطالعنا . .

حزتها انا ماحطيت في بالي شي . . لكن الحين لما اذكراقص ايدي اذا ماكانت نوره ! اذا ماكانت نوره وهي تشوفنا سوا ومن هاللحظه حظت سيف ف راسها !!

انا اطالعه : شفيك مضايج . .؟

سيف يطالع عيوني : مش مضايق

انا : ماتقدر تقص علي . .

سيف يبتسم : تعبان بس ومدوخ ابا ارقد . .

انا : انت تعرف اني ما اتحمل اشوفك مضايق صح ؟

سيف يبتسم : صح . . لكن مافيني شي حبيبي والله . .

انا بلعت ريجي وانصدمت من كلمه حبيبي

سيف يطالعني : سوري . . ما حسيت بروحي . . طلعت جي . .

ييياااا الله يا سيف شكككككككثثثثر كنت تحشمني . . شكثر كنت تصوني . . تتاأسف ع كلمه حبيبي لانها طلعت بالغلط وانت مش محلل تقولي اياها . . فرق السما والارض !! فررق

انا ارتبكت واصد يمين ويسار . .

سيف : ههههه . . دخيلوو المستحي . .

انا اطالعه : انا بروح . .

سيف : تعالي تعالي وين " يبتسم " خلج ماشبعنا منج . .

انا طلعت وهو طلع ورايه . . : روح ارررقد خلاص . .

سيف : تعالي نروح بيت يدي دامه خالي . .

انا اطالعه : نعم

سيف : وين راح بالج !! بس اهني مش مرتاح احس كل شوي حد يطالعنا من الدريشه وبيتكم الكل مجتمع . .

انا اشوف الساعه : الحين بياذن المغرب الكل بيرجع بيته . .

سيف : باقي ساعه عالمغرب قولي ما تبين تقعدين معاي ؟

انا اطالعه : انت تعرف اني لاخر لحظه اتنفس فيها ابا اتم فيها معاك انته وبس

سيف : يااويل حال امممي . .

انا ابتسمت . .

ومشيت معاه سرنا بيت يدي وقعدنا ع المريحانه . .

سيف : تعرفين فهاللحظه شو ابي " يطالع عيوني "

انا مستحيه وارجف وماسكه ايادييني مع بعض : شو . .

سيف : اسحبج واحطج ف حظني . . وايود ايدج بالقو واقولج لا ترجفين دامج معاي

انا منزله راسي ومبتسمه . .

سكتنا شوووي . .

انا اطالعه : متى نتزوج . . ! تعبت وانا اتريا ولد عمي . .

سيف يقوم : جريب جريب ان شاء الله . .

انا اطالعه : لين متى بتم تقولي جريب . . سيف تعبت . .

سيف : يالله خلينا نرد بيتكم . .

انا : والله تتهرب مني . . احس من ايييب طاري العرس جني يايبه طاري الموت تتغير بسرررررررررعه . . . انت ليكون ما تحبني . . بس تحس بانجذاب صوبي . . قول لي عادي

سيف : شو هالكلام المخبل . .

انا : خلاااااص خل نرد . .

ومشيت عنه بسرعه راده بيتنا . . ماحسيت بخطواته ورايه وصديت ! بالفعل ما شفته لانه ما لحقني . .

دخلت بيت يدي شفت مايد وميره يتضاربون . .

مايد : يدوووووووووووه يعني اخر كوب ليش لازم الريال الي يضحي . .

ميره : انزين شوفيك حششششى الحين راحت عميمه نوره اتسوي دله ثانيه

مايد : انا مش مستعد اتريا لين عميمه تخلصصص . . هالكوب جبته يدوه عشاني انا وانا رحت داخل يبت تلفوني ورديييت اشوفج انتي يايه بكل ثقه وتاخذينننننه . .!!!!

يدوه ترفع العصا عليهم : واللللله واللللللله

ميره هدت الكوب ومايد رجع ع ورى . .

يدوه تقوم : واللللللله ان ما سكتو . .

مايد : خلاصصصصص خذييييه انتي

ميره : ماباه خلاص بتريا الدله الثانيه استوا بارد

مايد يطالعها : أنتي شو مشكلتج

يدوه : والله اني ببضضضضضربهم . .

اميه : ههههههههههههههههه خليهم يدوه صغاريه هاييل . .

يدوه : وين صغاريه هايييل . . الا عفارت

وليد كان قاعد حذال يدوه ويشرب وساكت . .

رقوي : وليد شرايك تروح الدكان . .

وليد يطالعها . .

رقوي : رووووووح والله ابا كاكاو . . سير اشترلنا . .

انا وميره ييينا صوبهم . .

ميره تامه تطالع وليد بتمعن . .

وليد يطالعنا : نعم انتو بعد . . قله الاماكن ؟

انا اطالعه : جي تقول حق وحده " اطالع ميره " كنت بتاخذها . .

وليد : قلتيها روحج . . كنننننت . .

رقوي : اووووووهوو بتسير الدكان ولا

وليد : حد قالج انا اشتغل عند ابوووج ..

عميمه نوره يابت الدله وهجمممممممممت عليها رقوي ع طول وعقب لحقتها ميره . .

وليد يبتسم : الحمدلله والشششكر . .

انا اطالعه . .

وليد : وانتي جي ماتركضين . .

انا : ماحب الكرك . .

وليد : حد ما يحب الكرك

انا : انا !!

وليد : بلاج تطالعيني جيه . .

انا : اخطب ميروه بعد مره

وليد : نعم ؟ يالسين نلعب نحن . .

انا : ميروه تباك وانت تباها شو الي يمنع

وليد : الي يمنع انج ماتعرفين شي ف انطبي ولا تدخلين . .

مروان : مهور تعالي شوي . .

وليد يطالعني : روحي جون سينا . .

انا : هاهاها ما يضحك . .

و لحقت مروان : هاه .

مروان : مهور . . احس سويت مصيبه . .

انا اشهق : شوووووو سويت

مروان: فيي بنت غريبه اظن داخل نسيتوها

انا عاقده حياتي : بنت غريبه !

مروان : هيه

انا : منو

مروان : ماعررررف . . دخيلج روحي شوفي احس البنت متوهقه

انا خزت عنه ومشيت سرت داخل ولقيت شماني . .

انا : شموووووووووه . . الله يخس ابليسج ماتعرفين كيف الف فكره يت فراسي . .

شما : كلكم روحتو فجاه برع . . " مبوزه " انا ماقدر اطلع وابا ارد البيت . . " عيونها تبرق شوي وبتصيح "

انا : شفيج

شما : في حد دخل علي وانا قاعده اهني . .

انا ابتسسمت : مروان !

شما : مادري . .

انا : شافج !!

شما : لا . .

ااانا : خلاص ما شاااافج حق شو تصصيحين انزين

شما : لاني خفت كنا بروحنا فالصاله . . انا لما شفته دخل ما كان في مجال اركض وادش داخل ف قعدت ع طول وهو تم واقف فتتتتره ما حرك حسيت انه كان يطالعني . .

انا : انزين شو بيطالع فيج تراج متستره حياتي من فوق لين تحت . . " ابتسمت " فديت بنت عمي الحششششششششيم . .

شما : بس تلومت .. استحيت . . خفت . .

انا : هههههههههه يا حياتي انتي ماصار شي خلاص . .

شما : ترومين ترديني البيت . .

انا : يالله ..

وقمت وطلعتها من الباب الثاني و وصلتها البيت ورديت دشيت من الباب الي جدام . .

مروان يطالعني : بسم الله ساحره . . دخلتي من اهني كيف طلعتي من اهنه !!

انا : يالهررررم هاي بنت عمي . .

مروان يبتسم : احلفي انها تقربلي

انا : والله . .

مروان : يا لبىىىىى . . بنت منو !! احنا عندنا بنت فالعايله غيركم !!!!!!

انا ابتسم : شماني بنت عمي خالد . .

مروان : والنعم ف عمي . . والنعم دام اخوانها مايد وراشد . .

انا : اشووووووفك حاط عينك . .

مروان : مع اني ماشفت فيها شي لكن وربي قلبي دق . .

انا : ههههههههه ان شاء الله ربي يكتبها لك . .

مروان : اخخخخخ بس لو اداوم . . ججان وربي حجزتها . . لكن ماعليه لين يوظفني ابويه ربي ما افوتها . .

انا : ههههههههههههههه روووووووح يا روووووووميو . .

مروان : ججججججججججب . .

وضحكنا وردينا لهم وقعدنا كلنا سوى لين اذان المغرب وبعدها افترقت العايله وكل واحد راح بيته . . .

وانا والبنات رحنا بيت عمي حمد عند ميروه وتمينا فحجرتها . .

رقوي : كلكم محجوزين . . ابا انحجز . . ابا اححححححب ياخي

انا : اندوكم هالياهل . .

رقوي : والله ابا لين متى بتم سنقل . . انا لو مكانج مهور ولله بعرس من زمان وطز فالدراسه بكرس حياتي حق ريلي فديته

ميره : الاعمال بالنيات . . ربج يباج تكملين دراسه

انا : ههههههههههههههههههه . .

شيخه : تبين تقنعييييييينا ان مافي حد عايبنج رقوي من شباب العايله . .

رقوي : لاااااااا . . مووووول . . " مبوزه " وبعدين كله من امج " تطالع ميروه " يعني امج لو ما رضعتني جان الحين عندي خيارات اكثر وكنت ممكن اشوف اخوانج بنظره ثانيه لكن مع الاسف هم اخووووووووواني

انا : هههههههههه اندوكم اليااااهل . . ليكون تبين تحطين عينج ع ريلي . . بالشوزن ماعندي تفاااااهم . .

قبل سنه .. حتى سوالفنا كانت غير . .احلامنا . .طموحاتنا . .الاشياء الي نفكر فيها . . حتى الاشخاص الي كنا نحبهم ! في سنه تغيييـرو . . في سنه تبدلو . . في سنه !!

ف نفس اليوم . . على الليل . . اتفقو شباب العايله يعزمونا نتعشى ف مطعم ع سفينه فالشارجه . . وطبببببببعا ماصدقنا احنا البنات بحكم ان ما كنا نطلع وايد . . تزهبنا وتعدلنا وتكششششخنا وطلعنا ب كذا سياره . . .

شباب العايله حجزو الطابق الثاني من السفينه ككله بحيث ما يكون في حد غير العايله والطباخييين طبعا فيه بس لمده 3 ساعات . . ف كان كل شي غرام في غرام . .

كنت واقفه ويا ميره بروحنا ونطالع البحر . . والهوا ييييييضرب علينا والجو كان برررررد برد بررررررررد موت . .

ميره : بسسسسم الله خوفتني . .

سيف : روحي خلينا رواحنا . .

ميره : انزييييين . .

وسارت . .

سيف : يقوووولون زعلانه ..

انا : مش زعلانه . .

سيف يبتسم : بوزج واصل لين باكستان وتقولين مش زعلانه . .

انا اطالعه : جب . .

سيف : شوه فيج . . !! ليش مبوزه . .

انا : بتسوي روحك ماتعرف يعني . .

سيف : ليش مستعيله ع العرس ؟؟

انا : ننننننننننعم !!!!! شهالسسسسسسسؤال . .

سيف : مصيرنا بنعرس ليش تبينه الحين . . بعدنا صغار

انا : صغااااار . . سيف انا عمري 20 سنه وانت عمرك 24 . . احسن عمر للزواج حق شو ناخخخر اكثر . .احننننا نحب بعض ونبي بعض وكل شي بايدك ونقدر نتزوج ليش نتم ع هالحال . .

سيف يتنهد . .

انا : سيف قووووول لي .. والله احس من افتح موضوع العرس جني يايبه طاري ملك الموت . . تتغير وايد

سيف : شوفي ابيج بس تعرفين شي واحد ان انتي لي انا وبس ومحد بياخذج مني

انا : سيف ها مش مووضووووعنا . .

سيف يصد الصوب الثاني . .

انا : شوف . . حتى ماتقدر تحط عينك بعيييييني . . تخوفني والله تخوفني . . اخاف يي اليوم الي تتخلى فيه عني سيف . .

سيف : هاليوم ما يبي حتى ف احلامج . . انا مستحيل اتخلى عنج مستحيل . .

انا : انت تقدر تعيش بدوني ؟

سيف : طبعا لا . .

انا : سيف انا امووووووت ولا اعيش بدونك تعرف هالشي ولا لاء

سيف : اعرف . .

انا : كل حد يلومني ع حبك الجنوني لك وكل حد يعاتبني ويقولي غلط غلط غلط لكن والله مش باييدي انا اشوفك انت كل شي بحياتي . . اشوفك كل احلامي كل شي رسمته معاك انته بس . .

يرن فون سيف . . : خلج اهني برجعلج . .

غمضت عيني وراح عني . . تميت مغمضه احس بحررررررقه . . كيف يقدر يرد ع الفون ويخليني وانا بهالحاله !!! ليييييش نظراته كلامه عيونه ولا شي فيه يخليني اطمن واحس براحه لييييش . . ليش احس عقلي يقولي يا مهره راجعي قرااااارج . . يا مهره ترى انتي ماترومين تعيشين بدون سيف لكن سيف يقدر يعيشششش بدونج . . مهره تراج مستعده تبوسين التراااااااااب الي يمشي عليها سيف لكن سيييف لا لا لا لا لا ..

قطع تفكيري صوته . .

وليد : بنت عمي . .

انا شهقت ورجعت ع ورى وكنت بطيح ومسسسسكني وليد بسرعه وحظني . .

ثانيه . . ثانيتين . . ثلاثثثث . .

ع طول خززززززت عنه . .

وليد : انتي مينونه كنتي بطيحين . .شوفي شو وررررررراج . .

صديت ورايه كانت حديده .

انا : ممممادري مااا . . . .

وليد : اشششششش . . اسكتي شوي . . اررررجعي ورى

انا : وين ارجع

وليد سحببببني بقوه ورجعني ع ورى بحيث ان عنود وعبدالله ما يشوفوني . .

انا : شووووو تشششششوف

وليد : قسسسسم بالله بصمج بكسسسسس بطيرج فالبحر . . اسكتي خليهم لو شافوج بتتلوم عنود . .

تميت اطالع وين يطالع وليد . . كانت عنود تصيييييييح من قلب . .

انا : فديت روحج يا اختي . .

عبدالله : صياح صياح صياح . . كل ساعه تصيحين لوعتي جبدي بدموعج

عنود : عبدالله شلي تبيه مني . .

عبدالله يتنهد . .

عنود : والله الي تبيه انا مستعده اسويه . .

عبدالله : . .

عنود : تبييييينا نطلق ؟ خلاص انا موافقققققققه طلقني . .

عبدالله : . .

عنود : تكككككلم قول شيييي . .

عبدالله : عنود انا ما اكن لج اي مشاعر . . ما احس انج حرمتي ولا احس بشعور حلو تجاهج ابدا . .

عنود : ادري والله ادري " تمسح دموعها " وانا صبرت وتحملت قلت ع امل تحبني في يوم ع امل تقدر تغير نظرتك فيني وتحس اني سبب سعاده لك لكن . . .انا صايره سبب هم وعصبيه وكل ما تجوفني تنفعل اكثر واكثر وانا مابا هالشي . .

عبدالله : ولا انا ابا هالشي . . انا مابا اضرج بنت عمي . .

عنود : سكوتك . . جفاك . . تعاملك وكلامك واسلوبك كله يضرررني ..

عبدالله : احنا مش مكتوبين لبعض . .

عنود : طلقققققني وارتاح مني . . طلللللقني عبدالله خلاص

عبدالله : . .

عنود : طلللللللللللللقني

انا تحركت : عبداللللله لااااا . .

عبدالله يصد يطالع مصدر الصوت واطالعني انا و وليد . .

وليد : يالغبييييه . . !!!! انتي غبييييييه تستهبلين . .

ميره يت وتشهق : انتو شو تسسوون روحكم اهني . .

صديت صوب عبدالله وعنود ما شفتهم . .

وليد : انتي غبيه ششششحقه تبطلين حلجج ..

انا : مارمت . . حسيت عنود تقول الكلمه من ورى خاطرها . . مابغيتها تموت .. ع كثر الي يسوي فيها عبدالله بس احسها تحبها وماتبي فرقاه وانا ساعدتها بس . .

ميره تطالع وليد و وليد يطالعها . .

انا اطالعهم : انتو الاثنين متى ناوييين تصفون الي بينكم . .

وليد : مابيني وبين ميره اي شي

ميره تطالع وليد : صح . . مابيني وبينه شي . .

راحت ميره . .

انا : ليش تجرححححها . .

وليد : اججججرحها !! لاني اقولها الصدق اجرحها ؟؟!!!!!!

انا : يوم ماتباها حق شو خطبتها . .

وليد : يوم انتي ماتعرفين شي لا تتفلسفين . .

انا اطالعه ..

وليد : وبعدين انتي اونج تبين تصلحين الكل وتبين تجمعين الكل . . حلي مشاكلج بالاول

انا : ماعندي مشاكل الحمدلله

وليد : مهره انتي عميه ولا شسااااالفه ؟؟

انا اطالعه : . .

وليد : حبج لسيف مخلنج عميا درجه اولى ما تشوفين شي . .

انا : شو اشوووووف . .

وليد : تشوفين الشي الصح . . الشي الي يصير جداااامج . . افهميييه . .

انا : عن شو ترمس

وليد : ااااااه . . لا حول ولا قوه الا بالله . . مابي كلامي يخليج تفهمين وايد متاخر وانتي الحين ماتبين تفهمين شي لانج ماتشوفين الا حبج ل سيف . . سلامتج بنت عمي انسي اني اتكلممممت وغيري الموضوع . . انتي حرررره في كل شي . . هاي حياتج . .

تميت ساكته وتجدمت صوب البحر وهو تجدم بعد لكن ماتجدم عشان يكون ويايه تجدم جي من نفسه وكانت بينا مسافه متوسطه . .

انا اطالعه : ولد عمي لو كان عندك امنيه وبتحقق . . شو كنت بتتمنى . .

وليد : بدون تفكير بتمنى يكون عندي اخو وعضيد . .

انا استغربت : اخووو !

وليد يبتسم : ليش مستغربه . . انا ريال مليت من الوحححده . .

انا : مليت من الوحده تزوووووج

وليد يبتسم : يمكن لان ماعندي اخو عشان جيه ابا اخو .. مع ان عيال عمي ع العين والراس لكن يبقى الاخو عضيد وسنند و محد يعوض مكانه . .

انا : . .

وليد يطالعني : وانتي ؟ مع اني عارف لكن بعد بسال

انا : مممممممم . . اني اتزوج سيف اليوم قبل باجر

وليد يسويلي مالت . . : نشي نشي خل نروح نتعشا . .

انا : بتم شوي . .

وليد يبتسم : بتترين الحبيب لين يخلص من الفون ؟ غبيه . .

وراح عني . .

عقبها تميت ادور سيف ف كل مكااااااان موووووووول ما حصلته . . وما يا في بالي الا المكان الاخير مع اني حاسه انه ما بيكون موجود لكن رحت . . وتفاجئت شفته قاعد ويرمس . .

سيف : هههههههه . . معقوله . . ليش يعني ؟ هههههههههههههه مستحيل . . مممم ماعرف . . مع الاسف ماقدرت لو ادري اني بحصل فرصه بشوفتج جان ددخلت . .

حسيت سجينه تطعنننننني . .

سيف : ههههههههه . . اوكي اوكي يعني انا بضرج مثلا ؟ شو بسوي ف صورتج بشوفج بس وبمسحها . . وبعدين تقولين انتي تقرببين لي يعني انا بشو بضرج . . كفايا امي حابتنج . .

انا اتششللللللللللللللت مكاااااااني . .

انا : سيف . .

سيف اطالعني وملامحه كانت حيل جااااااامده . . كل الي سواه سكر الفون . .

سييف يبتسم : شبلاااااج . .

انا اطالعه وفاجه عيني ع وسعهن مش قادره . .

سيف : شو فيج اتكلمي . .

انا : انا سمعت كل شي . .

كنت اقولها بقلب مجروححح . . قللللللللللللللللللللللللب مكسسسسسسسسور . . كنت منننننننصصصصصصصصصصصصصصصدمه مذهووووووووووله . .

سيف : ههههههههههه انا ادري انج كنتي واقفه . . شفتج . . ف تعمدت

انا اطالعه . .

سيف : شفيييج . . تشكييييين فيني .!!! تشكين باخلاصي لج . . تشكين ؟

انا ماعرف اصدق ولا ما اصصصصصصصدق كنت بعدني احس بجرح كبير . .

سيف : بنت عمي انا ادري انج واقفه ف تعمدت اسوي الحركه صدقيني . . يعني بالله عليج من قله الاماكن بتم اهني وبروحي واخليج تشكين ؟؟؟

انا اطالعه : بس انت فونك رن وخزت عني . . ليش خزت عني

سيف : لان دوم اقولج اسكتي وماتسكتين . . تبيني اخلي الرياااال يسمع صوتج ؟

انا اطالعه وبعدني ماعرف اصدق ولا لاء . . : عطني الفون . .

سيف : بنت عمي !

انا : عططططططططططني الفون . .

سيف : بعطيج مش عشان شي . . بعطيج عشان تعرفين كيف توثقين فيني مره ثانيه لكن صدقيني انج بتكسرين شي فيني ماراح يتصلح . .

انا بعصبيه وانفعال : عطننننننني الفون

سيف عطاني الفون .. ودقيت ع اخر رقم موجود ورد علي واحد وعلى طول بندت . .

سيف يطالعني وابتسم : ارتحتي ؟

انا اطالعه . .

سيف : قلتتتتتتلج اني شفتج وبغيت ألعوزج واشوف الغيره في عيونج ! ومن شفت عيونج خفت عليج واعترفتلج ع طول . . لكن انتي !! لا توثقييييين فيني اوكي ؟

وعطاني ظهره ومشى . . !
حزتها انا صدقته . . جذبت اذننننننني الي سمعت وصدقته .. صدقت كلامه . . صدقت انه مقلب . . صدقت انه يتعمد يلعوزني لكن الحين ! وبعد سنه. . اقول انه مسح اخر رقم ع طول اول ما بند وخلاني اكلم واحد من ربعه والي كان يكلمها كانت نوره . . لكني كنت مغفله وغبيه وماصدق الا سيف وماا اشوف الا سيف . . مع ان كل الدلايل جدام عيني تقول لي كيف سيف قاعد يطعنننننننني ويكسسسسرني لكني دوم اجذب كل شي واصدقه هو بس . . يا الله كيف سنه كامله خلتني اغير نظرتي لوايد اموووووور . . . سنه كااااامله خلتني اشوف سيف . . سيف الي كانت عيني قبل ما تشوف الا حبه وعشقه وتغض النظر عن كل اغلااااااطه . . سننننننه ! كان فيها وليد عابر سبيل حي الله ولد عمي شوي يييني ويتكلم وياي كلمتين ويروح والحين ششششخص انا ماقدر استغني عنه واول واقرب شخص لي شالني من الظلمه وساعدني اطلع منها . . سننننننه هالنوره دخلت حياتي ودمرتها مايندرا شو شافت مني وليش بغت تظرني وليش تدخل حياتي انا وسيف . . لكن سوت الي فراسها من عقب ما كانت مجرد زااايره فقط وانا كنت الكل ف الكل صار العكسس . . سنننننننه تغير حب ميره لوليد . . صارت تحب مايد والحين هي حلال له ّ!! سننننننه داوم فيها مروان وسوا الي فراسه وتزوج شماني الي دخلت خاطره ودق قلبه لها من اول ما جافها وبغاها . . سنننننه كانت رقوي بس تحلم تبي شخص تحبه وطلع لها شهاب فججججججاه من غير سابق انذار . . وتحققت فهالسنه امنيه وليد انه يكون عنده اخو وسبحان الله كييف تحققت امنيته بطريقه محد توقعها . . سسسسنه . .!! فهالسنه انا اتعرضت للذل والاهانه والالم والتعب وشفت الويل ورغم كل ها بعدني ابتسم وبعدني عايشه وبعدني متمسكه بايد الشخص الي طلعني من الي انا فيه . . سننننننه عنود وعبدالله تغيرت حالتهم من تعااااااااسه الا سعاده . . من وهم وألم لقصه حب غصصب تلفت نظر الكل . . ياااااا الله كيف ف سنه حياه الشخص ممكن تتغير . . ما حسيت فهالشي الا اليوم .. سنه ! تقدر تجلب حال لحال . . تجلب حب ل كره . . تجلب نصيب وقدر . . تجلب عشره عمر الا شي بشششع . . لكن احلى شي فهالسنه انها تقوي روابط اسرتي واهلي وكل الي احبهم . . واحمد ربي فهالسنه عيني ما فارقت حد غالي . .

مسكت ورقه وقلم . . وخطيت بدفتري بخط عود . . " قبل سنه . . كان كل شي مختلف " . .

http://im35.gulfup.com/J6q81.jpg

.

.

.