|
البآآرت 48 خالد : بسير وين ماسير محد يخصه عبد الله نش وياه وهرو هم الاثنين علي يغامز حق راشد وسيف يقصد انهم لازم يلحقونهم واول ما نشو أم عبد الله : انتووو شووو في راسكم أبو عبد الله : ليكوون نااويين تذبحوون الولـــد سوولهم طاف وﻆـهروو نوره فخاطرها لو يسيرون يذبحونه أحسن أم عبد الله : الله يعين شو بيسوون سعيد الله يخليك نش لحقهم أبو عبد الله ((بيني وبينكم وده هو بروحه يسير يذبحه)) : خلييهم يادبونه يزاااه نوره تشققت بس بنفس الوقـــت خايفه من اللي بيصير بعدين ............... عند هزاع اول ما حدر البيت شاف امه ومريوم بس ووياهن رغد ام حمد : ويين البنت هزاع : بيت ابوها ام حمد : لا تجذب اقولك وين البنت حصلتها ولا لااااا هزاع : ايييهااااااااا اقولج في بي ابوها دقيلهم بعد واساليييهم مريومه وهي تجوفه يرد بيـﻆـهر على فين يا خويه هزاع يرمس امه : سكـــتي بنتج المصريه لا هفهااا بطرااااق الحييين ام حمد : انته تصخ ماباك ترمس لك ويهه بعد ترمس تعال ما تــﻆــهر مكان هزاع : هب كيفج اتحكمين فيه انا طول عمريه اﻆـهر محد يقوولي وين سرت ووين ييت ام حمد : ايااا مسود الويــه هزاع : اووووووووه انفدي عن ويهي وﻆــهر ودبن الباب وراه رغد : مريومه هزاع سار عشان اييب نوره مريومه صدت تطالعها : هاااا هيه رغد : ليش هزاع السبب في ها كله صح مريومه : وانتي منو قالج رغد : انا وعزوز نعرف كل شي يستوي في البيت عبالكم راقديت مانعرف شي ام حمد والسماعه في اذنها وتطالع رغد مستغربه منهااا بس قطع تفكيرها صوت نوره اللي ردت على التيلفون : ألوووو ام حمد : هلااااا ببنتيه نووره شحاالج نوره : الحمد لله يسرج حاليه شخباركم انتو ام حمد : الحمد لله فديتج عايشين ومريوم تحرقص عدالي هذي نوره : هههههههههههههه ام حمد : الا وين امج نوره : هذي ام حمد : عيل عطيني ياها نوره : امااايه خالتيه ام حمد تباج ام عبد الله شلت السماعه : ياا مرحبا ام حمد : يا مرحبتين ((وبعد السلام هههه شسوي ماحب اكتب يوم يسلمون هب لازم صح)) ودخلن في موضوع نوره ام عبد الله : نتي رمستيه ولدج ام حمد : هيه مرمستنه اليوووم ام عبد الله : بس البنــت تصيح ومووليه وخايفه من السالفه بكبرها ام حمد : والله شوونسوي هاللي لازم يستوي ام عبد الله : ترانيه أحاول وياها وأضغط عليها شوي أم حمد : زين تسوين .................... جهة هزاع أول ماﻆــهر من البيت حصل بكــــــس على ويهه هزاع نزل راسه من الالم ويوم رفعه مره ثانيه شاف خليفه ومحمد وسالم وخالد وعبد الله وحمد وسيف وعلي وراشد محاوطيبه هزاع ضحك وهو يشوفهم : ههههههههههههههههههه الحـــرب العالميه الثالثه على هزاع خالد اكثر واحد معصب ويفوووور منه : مستاانس على عمرك يااااااالجلــــــب هزاع : ههههههههههههههههههههههههههههههههههه خالد انقهر منه شوو قصده من الضحكه سار وصمه بطراااق عبووزه وبدت المعركه هزاع طاااح على ﻆــهره وحصل رفساات محترمه في بطنه وتيرح في اماكن عديده في جسمه هزاع ينضرب وهووو صااااااخ عنهم وسااكت هب طايع ينطق بكلمه عبد الله : بس خلوووه بيموووت خالد : خلـــــــــــــه يموووووت نفااااااااااد سيف : بتخلوونه طايح برع حمد : لا بفره بحوي بيتنا وشلووه وعقووه في الحــوي وروحوو أما هزاع يحس بآآآلام فضيعه في جسمهـ أول مره ينضرب ومايدافع عن عمرهـ فج عيونه يلس ولا جنه مستويبه شي (( حشــى قطوو له سبعة ارواااح)) هزاع يهوس عرقبته : أوووكــي خل يتريوون حد ياخذ بنتهم الــ.... وقف عريوووله ومشى صوب الصاله وحدر حصل ام حمد ومريوم بس هزاع يرمس امه : قوولي حق حرمة سعوود خل بنتها تاخذلها البتاني راعي دكانهم وروح عنهم وام حمد منصدمه من شكله كل هالدم اللي في جسمه ويقدر يمشي اشهد انه يني مريومه تربع صوبه قبل يسكر باب الحجره مريوم : هزاااااااااااع شووو هذااا منو سوابك جذه هزاع : عيال عمج وعيال خالتج وخالج الملاعيين ههه وخبري ربيعتج وقوليلهااا تحلمين حد ياخذج ولا أقولج هي من الله ما تبانيه خل تستانس عيل ودبن الباب بويه مريوم مريوم مستغربه منه بلاه هذا اكيد منقهر لانه مضرووب وعشان جي يقول هالرمسات وحدرت تطالع امها لكن شافتها لاحقتنها ام حمد : هاا بلاه منو سوابه جذه مريومه : اممم تقريبا نص شباب العايله ضربوو ام حمد: نصهم وبعده يمشي الله وأكبر منه هالساحر وبعده ما تادب متى بيصطلب وبيغدي ريال متــى ...................... دخل الخمااسي البيت ام عبد الله وابو عبد الله ونوره لاحوو الدمان اللي على ثيابهم نوره نقزت : ذبحتوووووووووووووووووووه صح خالد : جاااان زين يحس بس عبد الله : لا استريحي ما ذبحناه ابو عبد الله : شووو فوو ثيابكم قبل مسويين جريمه فيه ام عبد الله : من صدقكم ما استوابه شي عن يستويبه شي وانتو اللي بتتمشكلوون ترااا وهاذيج الساعه محد بيوقف وياكم نوره : بالعكس الكل بيوقف وياهم وربعت نوره فووق لقت مبايلها موجود شكلهم يابوه من العزبه شلته ودقت على ميره ميره : يااا ممرحححب نوره : هلا هلا ميرووه ميره : وييييييييييييييييييييت نوووووووووووووره نوره : هيه نوره شكلكم ماتدرون بشي ميره فاجه عيونها : شوووووووو الساااااااااااالفه ارمسي نوره تخبرها انهم عرفو وخلوو هزاع اييبها ويبونها تاخذه وانها ماتباه وعن الضرابه وماخلت شي ميره : الحيييييييييين كل هذا وانا ماااااااااااااااااادري نوره : شسوي انا اروحي توني واصله ميره : اهااااااااا بس وييت هزاع بيكون حقج نوره : لاااااااااااااااا انا هب موفقه ماباه والله بشرد ميره : نوووره احس استوى عادي عندج تشردين ترا والله اذا حد شافج من اليران شو بيقولوون عنج نوره سكتت عنها ميره : انتي يوم ما يعيبج شي تسكتين لييش نوره : ما قلت هب عايبينيه ميره : امبلا هب عايبنج نوره : اوووووف ميييييييره عاااد ميره : نوره خلاص مانبا نسوي ضرابه بينا نوره : انزين شحالج بعد بهاللحــﻆـهـ نوره ياها خط نوره : ميره ويت برد عالخط وبرد لج ميره : اوكيك نوره ترد عالخط : هلا مريم : نوووووووووووووووووووووووووووووووووووره شوووووووووووووووو هااااللي اسمعه نوره : شووووووه مريم : اولا انج رديتي وثانيا هزاع بياخذج وثالثا الضراابه شووو هذاااا شو مستوي بالدنيا نوره : أحسن يوم ضربو ارتحت نفسيا مريم : عيل انا غمضنيه نوره عصبت عليها : غمضــــــــــج ؟؟؟؟؟ مريم : استهبل استهبل نوره : بشبك الخطوط مريم : ويا منو نوره : وياا ميرووه مريم : اوووكــي وشبكن الخط وتمن يقرقرن خخخ ............... في بيت بو حمد كانت الساعه 7 المغرب هزاع حاادر من حجرته وويهه واارم خخ ويا بيفج الباب بو حمد توه يحدر البيت : السلاااام علييكم هزااع بلاه ويهك هزاع فج عينه متروع من ابوه شوو بيقوله الحيين : هاااااا ابو حمد : بلاااكـ هزاع اقولـكـ بلاااه ويهك هزاع هب عارف يرد عليه ام حمد تجدمت صوبهم وهزاع بيمووت متروع من ابوه وخايف امه ترمس ام حمد : انته لازم تعرف كل اللي يستوي من وراكـ ابو حمد استغرب وشكله بدا يعصب وزعق : من ورااااااااكـ وهزاع نقز يوم سمعه يزعق ابو حمد : بلااااك تنااقز بعد هزاع : هاااااا ولا شي ام حمد : لاااا في شي تعال بخبرك السالفه يبالها يلسه واتمنى ماتعصب وايد لان السالفه بتخلص جريب هزاع : انزين يلا انا بـﻆـهر ام حمد : لااااااا تيلس مجابل ابووكـ وغصبن عنك بعد ابو حمد وبدا يفول : ارمسوو شو السالفه ام حمد : تعال يلس وبتعرف كل شي سارو يلسوو وام حمد تخبر بو حمد السالفه وبو حمد سار ضرب هزاع زين ما ذبحه من الضرب ام حمد : بس دخييلك خله توه مـﻆـرووب بو حمد : وياا ريت بين فيه ام حمد : انا اقول نيوزه نوره يكون أحسن هزاع زعق وهو طايح عالارض : اتخسيييين الا انتي بو حمد صمه بطراق عويهه : جاااااااااااااااااااب احترم امـــــــكـ يالحيواااااااااان هزاع : بس ماااااااااااباااااااها بو حمد : مب على كيفك بتاخذها غصبـــــن عنك هزاع : ينش بيربع وبو حمد يسحبه من قميصه : وفييكـ شده تربع يالهـــــــــرررم هزاع : فج ايدكـ عني ابو حمد : اصطلب أحسن لك وغدا ريااال جنكـ حرمه من تخاف من شي شـــردت واااابويه علييج يالحرييمووه هزاع تضايج من ابوه ويفور منه وسار صفع ابووه طراااق عويهه ودزه وشرد بعيد هزاع : انته طوووف قبركـ يالشييييبه بعدين تعال ارمس ام حمد حاااطه ايدها على حلجهااا وبدت تصيييح محد اتجرا من خوانه انه يصفع ابووه او يمدون ايدهم عليه ابو حمد : هين يا هزاع داااام هذي سوااياااك هزاع ربع صوب الباب وركب سيارته وشرد كآآآآآآآآآآآآآآآآت نهاية البارت 48 |
البآآآرت 49 ابو حمد : هين يا هزاع داااام هذي سوااياااك هزاع ربع صوب الباب وركب سيارته وشرد هزاع بيمووت من الخووف هب عارف وين يسير عقب اللي سوااهـ في ابووه وهذا هب شويه هذا شي كبيير ............. في بيت بو منصور مايد ومنصور ومريم يالسين يسولفون مايد : والله لو يمووت أحسن مريم : خييبه كلكم تتمنوله االموت منصور : هيه بعد شو هذا ما يستحي على ويهه ما عندهـ ضمير مريم : هوو صح كلامك بس هب انتو تذبحونه خلو بتاني يذبحه عشان يعدمونه هههههههههههه مايد: والبتاني مافيه لسان يخبر علينا ويقول ان انحن اللي قلناله اذبحه مريم : هيه صح منصور : غبيــــــــــــــــهـ مريم : حرمـــتكـ الغيبـــهـ منصور : اص جااب يلا ما يخصج بحرمتيه مريم :طااع هذاااا من الحييين يقوول هالرمسه ................. في بيت بو عمــر ميرهـ يالسه تخبر امهااا ام عمر : انا ادري انزين ميره : ولييييش ما تخبرينيه ام عمر : واايه عليج لازم تعرفين كل شي ميره حاست بوزها: انزيين انا ابا اسير المكتبه ام عمر : محد متفيج كثرج يااا ميرووه ميره عصبت ونشت حجرتهاا ........................... عند هزاع كانت الساعه 9 كان موقف سيارته عالكورنيش ومساند رأسه على السيت فكر يتصل في حارب حاارب : ياااااااا مرحباا مليوون هزاع : ولا يسدن فذمتيه شحاالك حارب : يسرك حاليه ومن صوبك هزاع : هه شقووولك عاده حارب : شو بلاااك هزاع هزاع : متياحد ويا الاهل حارب : عادي ما فيها شي هزاع : بس انا صفعت ابويه ودزيته عالارض حارب فج عيونه : خيييييييييييبهـ انا بعدني ما سويتها هزاع : شسوي الحيــن خبرنــي حارب : اوين شو اسوي سير استسمح منه هزاع : من صدقك انته ولا تستهبل حارب : والله ما ستهبل ارمس جد انا هزاع : ما ويه أجابله حارب : هههه ماحيدك هزاع تقفط من حد هزاع انقهر منه : حاارب تستهبل عليه انته ترا والله هب متفيج لك حارب : عيل شو اقولك يعني سير حبه عراسه واستسمح منه وبعدين بيسامحك هزاع : تقص عليه انته حارب : ﻆــكـ عنــي مامنك فايده انته يوم انك ماتسمع الرمسه ليش تشاور حد هزاع : هههههههههههههه ويا رمستك ياخي تضحك انته حارب : مالت عليك انته من زين رمستك هزاع : هههههههههههه بعد مايقول اونه يقول اوين مايقول خوز يقول ﻆــكـ خخخخخخخخ حارب : ضحكت من سرك بلا هزاع من نذالته سكر بويهه وغلق المبايل ههههههه وحارب انقهر منه ومن حركته النذله هزاع اول شي اتروع يرد البيت بس قال لازم يغامر خخ وصل البيت شاف سيارة ابوه وخوانه موجودات حدر البيت لقااا أبوو وحمد يالسين بس هزاع تم مصطن واقف بيموت من الخوف ابو حمد حس به هزاع ربع صوب ابوه : ابوويه اناا ابو حمد نش ويوده من قميصه : ولك ويه ترمس بعد هزاع : ابويه سامحنيه والله ماعيدها ابو حمد : ماا تعيدها !! اذاا تباني ارضى عليك خذ نوره هزاع : بس لا انا اباها ولي هي تباني ابو حمد : لا بتاخذك غصبن عنهاا هزاع : وشقايل باخذها واذا خذتها وين بسكنها انا هب مستعد اعرس اصلا ابو حمد : ههههه على هذي لا تشيل هم كل شي زاهب وبعطيك بيت وفله بعد هزاع فخاطره عثرررره من وين له هالشييبهـ : هاااا فلـــه ابو حمد : هيه فله بس هب بهاي المنطقه هزاع : ........ ................. عند ام عبد الله تصيح حال بنتها ((ترا من ﻆـهر هزاع ام حمد خبرت ام عبد الله عن هزاع وشو سوا ويوم قال انه مايبا نوره)) اما نوره كانت مستانسه من هزاع لان ما بياخذها ((ماتدري شو اللي يترياها)) ................ نرجع لبيت بو حمد بو حمد : أباااك الحييين تسير بيت عمك وتحب عمك وحرمة عمك عراسهم هزاع : ان شاﺀ الله بو حمد : زيين بعد تسمع الرمسه جذه اباك يالله جدامي هزاع ﻆــهر من بيتهم وهو يسب ويلعن في نوره ويتوعد الها مع ان هي ما ضربته علي ايده وقالتلها خذني وصل بيت عمه دق الباب فتحت له البشكاره سوهارتي : هاااي هزاﺀ ميينوو يبقي انتي كااليد ولا آآلووي ولا قاطعها : بابا عبد الله موجود سووهارتي : نوو هزاع : وين سار سوهارتي : آآي دونت نوو هزاع : أخييه انزين سيري ازقري ماما قوليلها هزاع يباج سوهارتي : أوووكي وييت هيير هزاع : انزين طوفي بسرعه شوي ولنه أم عبد الله يايه تررربع وحدرت عند ريوله تصييح ام عبد الله : فديييت رووحك هزاع استر عبنتيه لا تخليهاا دخيييلك هزاع هزاع مستغرب منها بلاااها ام عبد الله : أبوووووووس ريوووولــــــكـ بس استــــــر على بنتيه لا تفضحهــآآآ جداام النااااس اللــــــــــــــــــــــــهـ يخليييكـ خالد ربع صوب امه : امااااااااااااااااايه شووووووووووو تسويييييييييين انتي نوره سارت صوبهم مستغربه شو السالفه لق امها نازله عند ريول هزاع وتترجاه عشان ياخذ نوره ونوره ماقدرت تتحمل شكل امه بدت تصيح وياها هزاع : خاالووه بلاج انا ياي استسمح منج ومنو قال بفضح بنتج ام عبد الله ترفع راسها هزاع يرفعها وخالد كان بيضرب هزاع مره ثانيه لكن ردة فعل هزاع خلته يصطن مكانه ام عبد الله : دخييييلك استر على بنتيه ولا تنسى انهاا شاله ولدك في بطنها هزاع كره هالعباره بس طنش طبعا هزاع كانه حاول يصلح الامور بس نوره شو بييهااا محد يدري روح هزاع صوب بيتهم ودخل وبعد استلمه اتجدم هزاع من ابوه وهو وده يتأفف ابو حمد : هااا شو سويت هزاع : اللي قلته ابو حمد : متاكد ماسرت مني ومناك هزاع : هيه متاكد زين مازين ابو حمد : بــاجر تزهب عمــرك بنسير نخطبها لك هزاع : ان شا الله وصعد هزاع صوب حجرته وتم يالس فيهااا ويفكـــر أنا اراويج يابنت ابوج واتحملي اللي بييج وتم يفكر انه بيكون له بيت هذا أكثر شي مرتاح منه الا نوره اللي بتخرب عليه حس عمره متملل ويبا يتمصخر على حد يت في باله ساره سار دق الها ساره ماصدقت خبر على طول ردت : هلا والله غرييبة داقلي شو مستوي بالدنيا هزاع : شسوي متلل ساره استغربت من نبرة صوته : هزاع شو مستوي هزاع : ههههههههههههه بعـــرس خخخخخخخ ساره انصعقت : جذااااااااااااااااااب من صدقك انته لا لا ماصدق منو كان يكره حتى ان نرمسه عن العرس هزاع : بعد ربج على قوله ميود ساره : منو ميووود هزاع : وانتي شو يخصج ساره : ترا اذا غرشوب ييبه صوبنا هزاع : هههههههههههههه عافان الله من المغازلجيات مايصدقن خبر شلي شلي 050******* هههههههههههه لعوزيييه هالحيوان اووكي خخخخخ ساره : ليش احسبك ماتدانيه هزاع : ادانيه ولا مادانيه انتي لعوزيبه ساره : اوووكيك هزاع حس عمره عطشان وجان يصكر بويههاا لكن ساره تعودت على نذالته هزاع حدر تحت وحدر المطبخ لقاا مريوم كآآآآآآآآآآآآآآآآآت نهاية البارت 49 ................ |
البارت 50 هزاع حس عمره عطشان وجان يصكر بويههاا لكن ساره تعودت على نذالته هزاع حدر تحت وحدر المطبخ لقاا مريوم ((كانت الساعه 11)) مريوم تشرب بيبسي هزاع : عافان الله ماتعزمينا مريوم : فيك ايد صب حق عمرك هزاع : عافان الله كل اللي في البيت واارم عليه مريومه : وهب عايبنك يعني هزاع طنشها وصب له ويلس على الطاوله اللي في المطبخ مريومه : اليوم بتـﻆـهر الفليل هزاع طالعها بطرف عيونه : يعنـــــي!! مريومه : سؤااال لا غير هزاع ينش : ﻆــهـرت ولا ما ﻆــهرت انتي شعليج منيه مريومه : يعني بتـﻆـهر هزاع طنشها وسار ............... صوب نوره تصيح وتصيح قامت تلوع جبدها من عمرها من كثر ماتصيح وتحس ان الصياح مامنه فايده ((الساعه 11 ونص)) شافت عمرها بالمـنـﻆـره : بسم الله الرحمن الرحيم شوها الشكل سارت ﻆـهرت الها بيجامه سوووده ودخلت الحمام وخذت الها شاور عالسريع وطلعت من الحمام سمعت مبايلها استغربت منوو مطرش الها مســج !! سارت فجته (( ترحمــي علــى عمــرج )) نوره عرفته على طول وطرشت له مسج (( شو بتسوي بعد في شي نسيت تسويه )) ورد طرش الها (( كنت بسكت عنج لكــن أهلــج الغــجر هم اللي يبون لج المشاكل )) نوره اتروعت منه وطرشت له (( انزين لييش كل هذا انته حركاتك غريبه بصراحه ما عرفنالك )) وطرش الها (( وشو الغريب في حركاتي وحده ماطيقها ولا أدانيها بعيشه الله شقايل تبيني اعاملها وبصراحه لو كنتي ماتدانين حد اكيد ما بتتمنين له الخير وانا جي ماا حبج ما طيقج اكــرهج )) نوره طرشت له (( يعني انا اللي اموت فيك اذا انته تكرهني وماتطيقني شرات ماتقول حتى انا هب ماطيقك ولا اني اتمنالك الشر انا اتريا الساعة اللي بتندفن فيها في قبرك وبهاك اليوم بضحك من قلب بعد )) هزاع انقهر منها ودق الها نوره شلته طبعا : خير في شي هزاع : غريبه ليش رديتي نوره تبا تقهره : متولهه على صوتك هزاع انقهر فعلا : وع مالت نوره : مقبوله هزاع : بصفعج اعدلي لسانج ماطيق اسمع هالنبره نوره : والله هزاع : نوووروووهـ أنا ما دقيت عشان ترفعين ضغطي نوره : انته داق عشان تقهربي وترفع ضغطي لكن أنا مستانسه انك داقلي هزاع فاج عيونه : انتي شوو مشكلتج في الحياه نوره : مشكلتـــيهـ اني أحبــــــــــــــكـ هزاع : نعـــــــــم نوره : ..........((استغربت من عمرها وفخاطرها واتغربلت شكلي اتخبلت انا ياويلي ويلاه)) هزاع : نووووروووووه ردي نوره :.................((أمييييييييه)) هزاع : شو قصدج انتي من كلامج نوره قررت انها تزيده زياده : ترانيه قتلك ((وقالتله بحــــــدهـ)) أنآآآآآآآآ أحبــــــــكـ هزاع : حبــج برص قولي آآمين نوره بدلع : كل شي منـك حلوو هزاع : ههههههههههههه ماحيدج تغازلين نوره : انا ماغازل انا اقوول اللي بقلبي هزاع : هههههههههههههههه تستهبلين عراعي دكانكم انتي انا هزااع هب محمد نوور نوره : ههههههههههههه انزين أدري انك هزاع هزاع : نوره ارمسي عدل نوره بدلع : انزين انا ارمس عدل هزاع : يعلج وع مالت عليج وعلى دلعج مالت عليكن يالبنات امووت من اشوف وحده دلاعه وانتي بعد تدلعين جدامي طرااق قسم بالله نوره : حبيــــــــبي هزاع عــــــــــــصب : تراج مصختييييييهااا نوره اروحها بتموت من الخوف :... هزاع : ردي بلاه لسانج انربط نوره :.. هزاع : اووكي خليينيه اشوووفج بس نوره : خلااااااااص هزاع انا آآآآآآآآآسفه والله كان قصدي اقهربك بس والله والله آآسفهـ هزاع : قهرتيبي وبالقووووو بعد خليينيه اشوفج انتي تحملي اللي بييج نوره : لاااا هزاع أنا والله آآآآسفه والله والله ماعيدها آخر مره هزااع هزاع : ههههههههههههههههههههه يا ويليه على البنات يوم يترجن ها أحلى شي تبرد الدووده من الخاطر ههههههههههههههههههههههههههههه نوره : انزين ممكن اسكر هزاع : اووووووه عجييب الواحد يوم يساذن ماعلمتج النذاله نوره : لا شكرا ماحب اكون نذله هزاع : ههههههههههههههههههههه زيييين ههههه سيري سيري نوره سكرت عنه كآآآآآآآآآآآآآآآآآآآآت نهاية البارت 50 |
يسلموو ع الباارت الطرطريشــن .. الله يعطييج العاافيــه .. نترياا الباارت اليااي ع احر من الجمـر ..! |
انا ف الموقع الثاني محصلة التكملة مال هالبارت بس اااه يالقهر وقفو تكملة القصة :'( |
| الساعة الآن 04:57 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir