|
البارت الثاني عشر ميره : هههههه عموو الله يهديج الحين بتسمعين رمسه هالياهل يالسين نتمصخر وياه شيخه وهيه معصبه : ساااروه اقلج قولي منو هااه عبيد : اففف انتي ليش رازه ويهج ؟ شيخه عصبت على عبيد وجان اتدزه بس بالخفيف وجان يطيح .. عاد الياهال لما حد يدقهم لازم يسوون فلم هندي عبيد : اهئئئئئئئ اهئئئئئئئئئئئ اهئئئئئئئ ما احبج يالشرييييييره اباا مااااماااااا ابا بااااابااااا وتم على هاي الحاله وساره حاظنتنه اتسكته بس ماشي فايده الين مايت حصه وشلت ولدها وسارت البيت شيخه: ساروه قولي منو ها الي يحبج ومايحب عبيد ساره وهيه مرتبكه وقلبها يدق بالقوو : عموو بلاج ماخذه السالغه جد كنت امزح ويا عبيد شيخه حرجت وتمت اتصاارخ : انزيييين منو هاااااااااااااه ردي بلاااج جي جان يحدر سيف على صوت صراخها وساره عيونها دمعت ومارامت تستحمل سيف : بسم الله بلااكم ؟ شيخه : اسأل اختك المحترمه ساره سارت صوب سيف : انزيين اقلج كنت يالسه اتمصخر مع عبيد انتي مادري بلاج جي معقده ماتفهمين شي والله بس الي فالحه فيه اتشكين فالناس مره وحده شيخه صفعت ساره بدون لاتحس بعمرها جان ساره اتطيح فـ حظن سيف وسيف تم يهديها وتم يحاول يعارف السالفه وعقب ماشيخه خبرت سيف السالفه سيف : ههههه الله يهديج عموو الحين انتي معوره راسج ومسويه سالفه عسب جي ؟ شيخه : لا والله ليش اتشوف السالفه هينه ؟ سيف : لا بس هذا الي يحبها اكثر عن عبيد هو انا ساره انصدمت ماتوقعت ان سيف جي بيقول شيخه : لا والله تبا اتقص علييه سيف : لا فديتج ليش اقص عليج بس ساره وعبيد دوم جي ويا بعض شيخه : صدق ؟!! ساره : هيييه حتى بها شااكه ابا اعرف انتي شو من البشر ( وجاان اتكمل صياحها ) عقب سيف قال لشيخه : ماعلي عموو عذريها هيه محرجه لأنج كفختيها انا بهديها وخذ ساره ووداها حجرته وقفل الباب سيف : ساروه فديتج خلااص ماعليه طنشيها يعني انتي ماتعارفين عمو شيخه اشقايل ؟ ساره : اعاارف والله اعـــرف بس انا كنت اتمصخر ويا عبيد سيف : خلااص انسي السالفه ولاتخبرين حد بالي صار ساره : انزيين عقب قالها ترقد فـ حجرته عسب يهدي الوضع ومايخلي ساره وشيخه يتواجهون بهالفتره بالذات لأنه يدري شيخه راح اتم اتضاربها عقب هو ظهر من حجرته وكان متعدل ومتكشخ وساير ويا حارب وسلطان يتحوطون ( حارب : ربيع سلطان وسيف الروح بالروح وهو بعد واايد وياهم ، وهو حنطاوي هب وايد طويل شعره اسود ) |
فـ بيت بو احمد تحديدا فـ جناح احمد احمد : حصو فديتج يلا عاد بلا دلع حصه : مااباا شو تسافر عني وبعد 3 شهور مااباا احمد : انزين انا ساير دوره للشغل هب ساير اعرس حصه : لا والله ها الي ناقص بعد احمد سار ويود ايد حصه وحبها على يبهتها : فديتج والله لهالدرجه اتحبيني ماترومين تستغنين عني حصه بدلع : لو ما احبك انت احب منو يعني ؟ احمد : اوكي فديتج الا هيه 3 شهور حصه : انت شكلك تبا الفكه منا بلاك مصر قلتلك لا لاتسير وغلااتي عندك والله ان قلبي هب مطاوعني احمد : خلاص فديتج ماراح اسير بتم عندج طول عمري حصه : الله يخليك لي يارب احمد : ويخليج لي ، حصو وين عبيد ؟ حصه : تلقاه عند ميره يالس يلعوزها احمد : ههههههه سيري يبيه خاطريه العب معاه حصه : ههههه تامر امر كم احمد عنا احمد : احم احم واحد والي هو انا ونشت حصه من مكانها عسب اتيب عبيد وأول مايودت قبظة باب حجرتهم عسب تظهر جان اتحس بدوخه احمد لاحظ عليها على طول ربع صوبها ويودها احمد : حصوو فديتج بلاج ؟ حصه : راااسي يعورني احس ان جبدي لايعه مااروووم احمد : سيري البسي عباتج بوديج المستشفى حصه : لا فديتك مب لازم خلاص احمد : شو مب لاازم يلا عشااني حصه : خلاص خلاص الحين سايره وسارت حصه عسب تلبس عباتها ومسكها احمد من ايدها وركبها السياره وسار المستشفى فـ سياره سلطان حارب وسيف و سلطان كانوا يسولفون جان مره وحده يرن تلفون سيف وكانت حمده سيف فز من مكانه وكان يبا يرمسها سيف : هلا هلا بالقااطع حمده : هههههه قاطع مره وحده انزين شحالك ؟ سيف : تمام يسرك حالي ومن صوبك ؟ حمده وهيه تلغظ صوتها : تمام سيف : هههههههه فديت صوتك فديتك حمده : شفتك عشقتك هويتك سيف : اقلك حمود انا بعدين برمسك لأني يالس ويا الربع بس انت خلك عـ التلفون اوكي حمده : بس ابا ارمسك بسالفه مهمه سيف : اسمحلي والله ماروم سووري فديتك حمده : خلاص اوكي انا بسويلك بعدين سيف : اوكي يلا فمان الله حمده : فمان الكريم ومن بند سيف عن حمده وهو يفكر حارب : خخخخ سيفو منو ها حمود ؟ سيف : هااه وانت شو يخصك ؟ ها ربيعي سلطان : ههههههههههههه انا صدقت حارب : خخخخ انا بعد اييه انت لاتقص عليه ربيعك وتتفداه وتغنيله ؟! سيف : عااادي شو فيها ؟ سلطان حب يغير السالفه : حرووب شحال الحب والتقردين وياك ؟ حارب : اسكــــــت اتعرف مروه الي كنت اقردنها سلطان : له وانا اشعرفني فيها حارب : خخخ المهم ظهرت ربيعه لطوف قلبي وحياتي سلطان : احلـــــــــف حارب : والله اقلك مصييييبه انا يوم عرفت انصدمت الحين زايغ هاي مروو تقول حق لطوف انها اتحبني سلطان : والله محد قالك اتقردن حارب : شو اسوي هاي مرووه حلووه الله يغربلها ولطوف مالكه قلبي سلطان : هههههه ما باقي الا تقصد سيف : ههههههههههههههه حارب : زين يوم سيف ظحك بعد ولا هو سرحان فـ حمود سلطان : بلاك عالريال يقلك ربيعه حارب : انا اشك الصراحه سيف : اووووه ياخي مشكلتك انا شو اسوي وتموا على هاي الحاله الين ما كل واحد رد بيته ومر الوقت بسرعه وردت حصه من المستشفى و ساره تمت راقده فـ حجرة سيف وسيف سار فت حجره راشد عسب يرقد وياه وعـ الساعه 2 فليل معظم ابطال قصتنا كانوا راقدين فـ اليوم الثاني يوم الخميس الساعه 6 ونص نشت ساره وشافت عمرها راقده فـ حجره سيف سارت حجرتها وغسلت ويهها وبدلت وتعدلت وظهرت مبايلها وكان شي مسج ومس كولين بطلت المسج وكان من سلطان وٍدًٍيَ آعًٍـــرٌٍفْ وٍشًِْ آلليَ خٌِ ـــلآنْيَ آحٍّــبٌَِكَ؟ وٍدًٍيَ آفْهٍَمً ليَــشًِْ عًٍ ـــقٌٍليَ مًنْشًِْــغًل فْيَكَـ رٌٍغًــمً بٌَِعًٍ ـــدًٍكَ ؟ ليَهٍَ آحٍّــلآمًيَ تُِِّْذٍَكَــرٌٍنْيَ بٌَِقٌٍرٌٍبٌَِــكَ ؟ ليَهٍَ كَل مًآآمًشًِْيَ دًٍرٌٍوٍبٌَِ تُِِّْرٌٍجًِْعًٍنْيَ لدًٍرٌٍبٌَِكَ ؟ فْيَ آلنْهٍَآيَهٍَ وٍآلآخٌِــيَرٌٍ ... لآزٍُمً تُِِّْــعًٍرٌٍفْ آنْيَ آنْآ مًـِِّـِِّوٍتُِِّْ آحٍّبٌَِكَ ...! وشافت المسكول وكان من ميره جان اطرشلها مسج ( ميروه انا بداوم اليوم يعني داومي هب اتغيبين )عقب نزلت تحت جان اتشوف سيف وراشد ويدتهم موزه وامها عوشه وابوها محمد يالسين يتريقون ساره : يعني ماترومون تتريوني موزه : بسم الله الناس لما يحدرون على حد يسلمون بالاول ساره قفطت : السموحه شحالكم شخباركم ؟ ليش ماتريتوني الكل : ههههههههههههههههه سيف : كنتي راقد يلا فديتج ماعلينا تعالي كلي ساره سارت ويلست حذال سيف ساره همست فـ اذن سيف : عيل وين عمو شيخه ؟ سيف : شكلها لين الحين راقده ساره كلت وخلصت وحبت راس امها وابوها ويدتها وشلت شنطتها وسارت ركبت السياره وتوجهت للسكول صوب ميره هيه كانت ناويه تغيب بس من عقب ماشافت مسج ساره سارت واتلبست واتعدلت واتريقت وشلت شنطتها وقالت لـ سلطان يوصلها السكول فـ السكول وصلت ساره و عقبها ميره وتيمعت الشله ( ساره وميره وبثينه وجوري و مزون ) وتموا يالسن يحطون عـ الابلوات والبنات وماخلوا وحده فـ حالها فـ العين تحديدا فـ حجره مريم نشت وكانت شوي تعبانه وهب قادره تمشي بس عقب شوي ريحت نشت من مكانها وسارت غسلت ويهها ووعت عيالها عسب يسيرون مدراسهم وجامعاتهم وشغلهم وكلهم داوموا الا خميس وميثا .. خميس كان شوي تعبان من سالفه عنود لأنه صدق كان يحبها وماتوقع انها حقيـــــره لهالدرجه وميثا دلع بس جي اونه راسها يعورها .. خخخخ فـ دار الحي بس في بقعه ثانيه نشت ظبيه وتلبست وتعدلت وتكشخت ونزلت تحت شافت امها ظبيه : صبااح الخير لأحلى ام فالدنيا روضه : صبااح النور والسرور ظبيه : شحالج امايه ( وحبتها على راسها ) روضه : الحمدالله على كل حال .. الا تعالي وين سايره ؟! ظبيه : المدرسه يعني وين بسير من صباح الله خيير ؟! روضه : الحين باجر ملجتج اليوم بتسيرين اداومين ظبيه : عاادي اميه مافيها شي روضه : لالالا فدييتج اليوم غيبي ظبيه : امااااايه بلييييز خليني اسيير روضه : ابليس يلبسج شو بعد ابليييس ظبيه : ههههههه لالا امييه بلييز هب ابليس يعني الله يخلييج ارجووج روضه : ههههههههه خلاص برايج وسارت ظبيه ويا امها عسب يتريقون وجان يحدر عليهم سعيد و كان نازل عليه نشااط هب طبيعي كان مستعييل عسب يسير المدرسه توه حباها وعبدالله بعد حدر وسلم وتريق وعقب توجه لشغله فـ بيت بو راشد رن تلفون سيف وكان المتصل سلطان قال سلطان لسيف ان ساير الجامعه خل يلحقه لأن قريب عـ الجامعه درب لين ما يرد ثاني مره وياخذ سيف وياه عقب كل ابطالنا توجهوا للسكول والشغل والدوام فـ سكول قوم ساره ساره : مزون اتحيدين ظبيه بنت خالو ؟ مزون : هيه ساره : قالتلي اعزمج على ملجتها باجر مزون : مشالله باجر ملجتها والله وكبرت ظبوي بثينه : هههههههههههه جنج عيوز مزون : جب انتي لاترمسين مسودة الويه بثينه : نعم نعم انا مسودة الويه اشعنه ؟! مزون : البارحه متصله فيج خلوف اخوج يالس يتفلسف عليه بثينه : هههههههههههه لاتصدقين عمرج ترااه يحب ساروه مايحبج ميره اطالعت ساره : لالالالا فديتج ساروه اخوي يباها يلا منااك دوريله وحده ثانيه نشت بثينه : نعم نعم يلايلا ساروه حق خلوف ميره : لالا ماااشي لاتحاولين ساروه حق سلطون بثينه : واااي فديت هالاسم يذووب ها الي هذيك المره وصلج ها الرحيم ؟! ميره : هييه ساره : اييه اييه انتي ليش تتفدييينه الكل : اوووووب اوووووب عااشت سااروه بثينه : كيفي ( وتصد صوب ميره ) ميروه انا ابا اخوج ساره صارخت : شو هااي السخاافه بعد بثون كمن واحد تبين ؟! بثينه وهيه تغايض ساره : عاادي شو فيها اذا حبيت كمن واحد واصلا ها سلطان من يوم ماشفته وانا ذايبه بهواه واااي فديته وفديت شكله هنيه ساره ما استحملت دزت بثينه وسارت ركض عالحمام ويلست اتصيييييح و ميره لحقتها ميره : ساااروه فديتج ماعليج من هاي الخبله اصلا سلطون مايحب حد غيرج والله انج مخبلتنه ساره وهيه خاشه ويهها بايدها : ليش تتفداه يعني ماتعارف اني احبه ميره حظنت ساره : خلها خلها اخر شي هيه الي بتندم رفعت ساره راسها وغسلت ويهها وابتسمت عقب سحبتها ميره وتموا يتمشون ويرمسون عن فستانهم واكسسوارت ملجة ظبيه عقب مره وحده ميره اتذكرت شي ميره : سااااروه سااااروه ساره : بسم الله بلاج ؟ ميره : اتذكرت عبيد قالي البارحه اختج حصه داخت واحمد وداها المستشفى ساره قاطعتها : اويييه بلاها اختييه ميره : مادري والله وانا نسييييت اسألهم ومحد رمس فالبيت البارحه احس كان في شي ساره زاااغت : اييييييه لاتفاولين على اختييه ميره : ساروه اليوم ردي بيتنا بلييييييز ساره : لا شو بسير اجهز لبسي واغراضي اليوم بنسير بيت خالو روضه بنبات هناك ميره : خخخخ اصلا اليوم جي ولا جي راح اتردين بيتنا لان امج البارحه دقت على ماما وقالتلها انها بتسير بيت خالتج روضه الصبح وشاله الدريول وياها ساره : حللللفييي محد خبرني ميره : هييهييهيي يلا يعني بتردين بيتنا ؟ ساره : برد وامري لله ميره : الله ونااااااسه ساره : ههههه لاتستانسين وااايد عقب برد بيتنا وعقب تموا يسولفون الين مادق الجرس واتجهوا لكلاسهم وكان عليهم عربي ابله سندس اليديده |
صوب جامعه سلطان وسيف سلطان : سيفو وبعديين بتم على هاي الحاله قلي بلاك ؟ سيف : آآه يا سلطان والله انا تعباان سلطان : لاتقلي السبب حمده سيف : يعني منو غيرها ؟ سلطان : انزيين فك عمرك وسير واخطبها سيف : ماروم ارمس امي اول شي انا بعدي ادرس وثاني شي الحين ملتهين برشود وثالث شي مادري اشقايل افتح وياها الموضوع سلطان : انزيين قول حق خواتك يا حصه او ساره عسب هم الي يرمسون امك سيف : هيه شكلي بقول حق ساروه تعاااال سلطان : بسم الله بلاك ؟ سيف : البارحه سارت ظرابه بين عمو شيخه وساروه وعمو كفخت ساروه وساروه ماتت من الصياح سلطان من سمع هالرمسه حــــــرج ونش من مكانه : وهاااي بأي حق تظرب البنيه ؟ سيف : مادري عمو شو سمعت عن ساروه وعبيد جان اتهب فيها سلطان : وهيه بس جي على طول تظرب انزين انت شو سويت سيف : اسكت انا سحبت ساروه وخليتها ترقد فـ حجرتي عسب ما يردون ويظاربون احس عمو وايد متعقده من هذيك السالفه سلطان : انزيين هيه تتعقد واتظهر حرتها فـ البنت سيف : ههههههه اعصاابك ندري انك اتحبها خلااص سلطان قفط : اييه يلا اتأخرنا على كلاسنا سيف : ههههه فديت الي يستحون ويغيرون السالفه يلايلا سلطان ظرب سيف على جتفه وساروا صوب بيت بو راشد راشد كان هب مداوم وكان يالس فـ الصاله الي تحت ويا امه عوشه : ابا اعرف اشعنه انت غايب ترى قوم مريم هب ياين الحين راشد : هههههه امييه بلاج عليه شو ماتبيني اتم فالبيت موزه : لا هب جي قصدها امك بس غرييبه اول مره كل ها عسب الحبيبه بتي تراها يايه العصر وبتبات هنيه يعني ريح عمرك بتشبع منها راشد : اوووونه بتبات هنييه واااي فديها والله يا يدوه لو هيه وياي سنه مابشبع منها وين يوم واحد موزه : غربلات هالويه تتفداها بعد هاااه راشد : هييهييهيي السموحه بالغلط عوشه : هههههههه مسموح يا ولدي موزه : نحن متى بنسير بيت روضه ؟ عوشه : امممم الحين الساعه 9 ونص انشالله الساعه 10 بنروح يعني عقب نص ساعه موزه : اهااا راشد : منو بيوديكم ؟ عوشه : عبدالكريم راشد : وساروه منو بيردها من المدرسه ؟ عوشه : بترد ويا ميره بنت عمك راشد : اهاا وتموا يسولفون فـ مدرسه قوم ظبيه ظبيه ومنال كانوا يتمشون ويا بعض منال : ها ظبوي خلاص باجر ملجتج ؟ ظبيه وهيه مستحيه : ههه هيه والله شفتي عاد كبرنا منال : هههه فديتج والله عاد هب تنسينا ادريبه يموع بينسيج كل شي ظبيه : اييه اييه انا مابعرس انا بملج بلاج جي مشفره منال : هههههه اشدراني ظبوي ظبوي شوفي هالبنت شرايج فيها ظبيه : ههههههه ماال اول يا خي خلاص كبرنا على سوالف التقردين والحب منال : يالله يالله الحين عندها يموع اونها كبرت ماالت انا الي بقردنها ظبيه : متفـــيجه منال : ادري الا تعالي شحال بنت خالتج الحلوه ؟ ظبيه : قصدج ساره ؟ منال : هيه ظبيه : الحمدالله تمام اليوم بتي بتبات فـ بيتنا منال : صدق ؟! ظبيه : هيه بتي عندي فديتها منال : وين باقي الشله ؟ ظبيه : اتلاقينهم كل وحده اتدورلها حبيبه منال : هههههههه صدقج والله اسميهم شله خرباانه ظبيه : ههههههههه عدااال عاد انتي مول مسكته منال دزت ظبيه عالخفيف : سكتي سكتي وتموا يسولفون ويتمشون الين مادق جرس الحصه الرابعه وكان عليهم كيميا ابله فجر ( منال : ربيعه ظبيه الروح بالروح وهيه واايد وياها ، وهيه بيضه وعيونها سود وهيه قصيره ) |
عقب مر الوقت بسرعه جان تصير الساعه 2 ونص ودق جرس نهايه الحصه السابعه ساره : افف واخيرا والله لاعت جبدي ميره : هههه اشوفج فالحصه كل شوي تتأفأفين حتى المس تمت اطالعج ساره : ههه والله صدق مزون : آآآآخ بسير البيت وبتسبح وببدل وباكل وبــــــــرقد ساره : مابتين ملجة ظبوي ؟ مزون : مادري والله ما اظن اميه بتخليني اي لأنه يمكن انسير بوظبي بثينه : نحن بنسير المزرعه ساره : الله يا حيييييكم انا ابا ايي بثينه : حيااج ساره : هههههه مره اليايه انشالله بثينه : ساروه هب تزعلين مني عسب سالفه اليوم الصبح والله كنت العوزج ساره : صدق اني اتضايجت بس خلااص عادي جوري : اوووووه بلاكم جي واايد ترمسون يلا نتحرك نسير صوب سيايرنا الكل : يــــــــلا عقب ماوصلوا للبوابه كل وحده اتوجهت لسيارتها طبعا ساره ركبت ويا ميره والي كان ياي ياخذهم سلطان ساره بطلت باب السياره وحدرت ساره : السلام عليكم سلطان : وعليكم السلام والرحمه .. شحالج ؟ ساره : تمام ومن صوبك ؟ سلطان : يسرج حالي ميره : افف يلا حرك بلاك ؟ سلطان : اعووذ بالله من الأدب لما الناس يحدرون يسلمون اتعلمي الادب من سارونه ميره : مااااااااالت سلطان : علييييييج ساره : هههههههههه خلاص عن اتكفخون بعض جان سلطان يحرك السياره وعقب وقف صوب الشيشا سلطان : تبون شي من الشيشا ؟ ميره : شو مانبا اكييد نبا سلطان : هههههه انزيين ادري قصدي شو تبون ؟ ميره تصد صوب ساره : ساروه شو تبين ؟ ساره : امممم ابا فريز بالفراوله وشيتوس وكندر بــس ميره : انا بعد ابا شراتها بس زيد عليهم جلكسي سلطان : من عيوني تامروني امر بس ها الي تبونه ( ويصد صوب ساره ) ساره احمـــــرررت : لا مشكور ميره : ماااالت الحين كل هاي الرمسه حق ساروه انزين اختصر وقول من عيوني تامرين امر انتي بس هب تخليها بصيغه الجمع سلطان : انتي بلاج تتفلسفين ؟ اشوف ابله العربي وايد مأثره فـ مخج ساره : ههههههههههههه صدقك والله ميره : هيه هيه لاازم لأنه حبيب القلب سلطان ظرب ميره على راسها : سكتي سكتي يلا انا نازل ماتبون شي ثاني ؟ ميره + ساره : سلامتك سلطان : الله يسلمكم ونزل سلطان وخذلهم الي يبونه وطبعا خل اغراض ميره فـ جيسه واغراض ساره فـ جيسه وحط فـ جيسه ساره علبه فيها كل انواع الحلويات وورده حمرا ورساله وركب السياره وعطا كل وحده منهن جيستها عقب حرك السياره وساروا بيتهم ( بيت حميد ) طبعا ساره وياهم عقب ماوصلوا البيت ميره وساره نزلوا وحدروا البيت وسلموا وساروا اتسبحوا وصلوا ولبسوا مخوره ( ساره مخورتها حمرا وميره مخورتها زرقه ) وصلوا ونزلوا تحت عسب يتغدن ، عقب ماتغدن ميره وساره يلسوا ويا بو احمد ( حميد ) شوي بعدين حميد ظهر سار عنده شغل وحدر عبيد وشافهم ويلس وياهم وتم يتحرش فيهن عبيد : ويـــــن عمي سلطان ؟ ميره : اففف منك انقلك ماندري اكيد سار حجرته يرقد عبيد : اكييييد ساروه اتعارف ( ويصد صوب ساره ) سااروه وين عمي سلطان ؟ ساره : عبيد والله هب متفيجتلك البارحه سويتلنا سالفه ويا عمو شيخه والسبب لسانك الطويل عبيد : انا ما احب هااي شيخه ساره : هههههه مالت عليك ميره : صح ساروه شو صار عن سالفه عمو شيخه شوسوت ؟ ساره خبرتها السالفه كلها ميره : اوووونه ساره : والله شفتي شو سوت فيه اهئ اهئ ميره : ههههههه فديتج والله ها كله من ها الملسون عبيد : لا والله انا شو يخصني هيه ليش تقول ان يحبها هيه اكثر اصلا هو يحبني انا اكثر ميره : سير سير من زينك يحبك اصلا هو يحبها اكثر عنك عبيد : اوكي انا بسير اسأله الحين ميره : لااا لااا لااا لاا تعاال لاتسير دخيلك سلطان وهو توه حادر الصاله : هههههه ميروه تترجى عبيد والله حااله ساره : من الي يسويه هالدب عبيد : انا مــــــــب دب انزين سلطان شل عبيد : فديته والله عبيد : عمي قول حق سارونه انك اتحبني اكثر عنها سلطان نزل عبيد : ايه ايه منو قص عليك وقالك اني احبك اكثر عنها اتخسي الا انت ميره + ساره : ههههههههههههههههههههههههه ميره : واااااااك قفطه عبيد بدى يصيييح : اهئ اهئ اهئ خلااااااص انا ما احبك سلطان : حبيبي والله اني احبك والله عبيد : ماابااا ابا ماااااااااااماااااااااااا ابا باااااااااباااااا ساره : الا وين حصوه ؟ سلطان : مادريتوا حصه حامل ميره + ساره : اووونه سلطان : والله اليوم امايه كانت تقول ميره : عسب جي البارحه دوخت ساره : فديتها اختيه بتيبلنا بيبي كشخه سلطان : لاتتفديين وايد انزين تراني اغار ( وجان يلس ويرفع شعره بيده ) ميره : واااااااي والله ان شكلك عذااااااب ساره وهيه تظرب ميره على جتفها : جب انزيين ميره : هههه سلطون الحق يغارون علييك سلطان : فديتهم والله ساره قفطت جان تحدر عليهم ام احمد ام احمد : ها شو تسوون ؟ ميره : ماشي كنا نسولف عن الامتحانات والابلوات ساره + سلطان : ههههههههههههههه جان سلطان يطالع ساره ويقول : امييه ابا اخطب ام احمد سارت ويلست عند ولدها : هاي الساعه المباركه بس انت بعدك لين الحين ما اشتغلت وانا مابخلي بنت اختي تتلعوز ويا ولدي اول ماساره سمعت بنت اختي تتلعوز ويا ولدي على طول عيونها دمعت ومارامت تستحمل جان تنش من مكانها وربعت فـ حجره ميره سلطان : اميييه اي بنت اختج انشالله ؟ ام احمد : امل بعد منو ؟ سلطان : لالالا انا مابا امل ام احمد : اشعنه بلاها امل بنت مشالله عليها ما عليها اي رمسه والكل يتمناها سلطان : الا انا ما اتمناها ام احمد : لا والله ليش ؟ سلطان : اميييه افهميني ما اباااهااا ام احمد : عيل انسى شي اسمه الزواج سلطان : شو ها من زين امل الحين ماباااها لو هي كانت آخر انسانه من على الوجود ( وسار حجرته وقفل الباب ) فـ حجره ميره ساره لما ربعت للحجره ميره لحقتها بس من عقب ماسمعت رد سلطان وتمت ميره اتهدي ساره واتسكتها ميره : ساااروه خلاص اكيد اميه تمزح ويا سلطان ساره : ............ ميره : يعني معقوله سلطون بيوافق على امل مستحييييييل يلا عاد لاتصيرين دلوعه 24 ساعة اتصيحين بسج صياح ماتعبتي ساره : انزيين احبه والله احبه ميره : هو بعد والله يحبج بس عاد لا تصيحين ساره وهيه تمسح دموعها : يعني سلطان مستحيل يحب امل ميره : هيه ساره : انتي اشدراج ميره : بعد ربج ساره : ابا اسير البيت والله اني تعبانه ميره : جب ماشي انزين رقدي الحين بعدين سيري ساره : اوكي وبدلت ساره ولبست بجاما وانسدحت على الشبريه وجان ترقد سلطان بعد مارمس امه حدر الحجره وكان معصب عـ الآخر لبس كندورته وشل السفره وخذ السويج وسار ركب سيارته وتحرك وكان يسوق بسرعه جنونيه وكل شوي يذكر رمسته ويا امه |
سلطان : امييه ابا اخطب ام احمد : هاي الساعه المباركه بس انت بعدك لين الحين ما اشتغلت وانا مابخلي بنت اختي تتلعوز ويا ولدي سلطان : اميييه اي بنت اختج انشالله ؟ ام احمد : امل بعد منو ؟ سلطان : لالالا انا مابا امل ام احمد : اشعنه بلاها امل بنت مشالله عليها ما عليها اي رمسه والكل يتمناها سلطان : الا انا ما اتمناها ام احمد : لا والله ليش ؟ سلطان : اميييه افهميني ما اباااهااا ام احمد : عيل انسى شي اسمه الزواج سلطان : شو ها من زين امل الحين ماباااها لو هي كانت آخر انسانه من على الوجود ولا مره يدعم سلطان شاحنه وتنجلب السياره وتنقطع حبل افكاره كـــــات |
| الساعة الآن 03:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir