منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

البارت الـ 92

مهره تامه مكانها بس منخشه عنه عشان ما يشوفها . . تننزل دموعهآ تحس بخنقه . . مع انه كل شي قالته له صدق بس ماتوقعت ييي هاليوم الي كل شي ينقلب فيه . .

حمد : اعرف انج اهني . . " يمسح دموعه "

مهره تمد تتصدد وشافت انه ما يشوفها . . فـ ماتحركت . .

حمد : قلبي قالي انج اهني . . وانج ماتحركتي . . وان دموعج قاعده تنزل . . لكن الي متشكك فيه . . هالدموع . . تنزل علشاني ولا علششآن شي ثاني . .

مهره : . . . .

حمد بهدوء : روحي الله يخليج . . خلاص . . خليني اتم بروحي . . واذا شفتيني ! سوي عمرج ما تعرفيني وكملي طريقج . . لكن روحي الحين . . رؤؤحي . .

مشت بسرعه قبل لا تسمع تكملته . . وسمع مشيت خطاويها وقعد وانهار وصاح بصوت مسموع . .

محمد يا وجابل مهره وشافها وهيه تمشي بسرعه ودموعها تنزل . . عجل من مشيته وسار صوب حمد ونزل له تحت : حموووووود كلممممني . . شصار بينك وبينهآآآآآ ؟؟؟

حمد : . . . .

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

منصور يغمز لعذاري عشان تقوم . .

عذاري : مابقووووووووم يعني ما بقوووووم . .

منصور يطالعها : قوميييييي قبل ما ينشبون لي العيايز عقب شوي . .

سلامه مبتسمه : خلها انزين . .

منصور يطالع سلامه : خلهآ آونه !! " يطالع عذاري " طاعي شو تقول .. خلهآ

عذاري تطالع سلامه : مينونه انتي ؟ شو خلهآ ؟ انتي تدرين كيف حاله اخوي . . كان يدش مسكين فالتلفون عشان بس يسمع صوتج وتقولين خلهآ !

سلامه فاجه عينها : هاي يزاتي اادافع عنج ؟

منصور : ما يبين فعينها شي . .! نشي نشي يالله

سلامه مبتسمه . .

عذاري : اصلا ما بتحلا سوالفكم الا وياي . . صدقني يوم بروح بتمون ساكتين . . خلوني قاعده احسن . .

منصور : انا قلت بي قسم العيايز ومجهز لروحي رمسه لهم ومع اني كنت حاس بينشبون لي نشبه . .لكن اثاري وحده اهني ناشبتلي . .

عذاري : حمدو ربكم انتو اهني عشان خاطري اوكي . . سيف سوا كل ها عششاني . .

سيف يي صوبهم ويبتسم : وانا اشهد بجداره . .

منصور يطالع سيف: دخيلك شلها . .

يلس سيف صوبهم : والله ضيجان انا . . فخاطري اضحك . .

سلامه : هههههههههههههه

منصور : تضحكييييييين ؟؟توا واحد والحين اثنننننين . .

سيف : الله يعينك ع سلاموه . . ترى بالنادر ترمس . . ما ينسمع لها حس وايد خصوصا بعد الحـآ . . . . .

وسسكت . .

سلامه نزلت راسها وتلاشت ابتسامتها بهدوء

عذاري قرصت ايد سيف بالقو وبصوت واطي : انت غبي ؟

سيف : نسسسسسيت . .

منصور يغير السالفه : انا لقيت الحل .! دامكم انتو ما بتنشون . . انا بششل حرمتي وبروح . .

يقوم منصور ويحرك سلامه بالكرسي . .

سيف يغمز ل عذاري : نشي ننخرب عليهم . .

عذاري تطالعه بنص عين : عقب ما حرقت الجو ؟

سيف : شسوي طلعت بالغلط . . من حرر مافيني على اختج !!!

عذاري تطالع ورى سيف وتكلمه : شفيها اختي . ؟؟

سيف : مطلعتلي قرون ! كله معصبه وكله جبريت وماترضى بسسرعه . .

عذاري : سباله اختي . .

سيف : سباله وبس ؟ حرام كلمه سباله عليها . . يبالها اقوى عشان يبرد فوادي . .

مهره تحط ايدها ع خصرها : عنزه ؟

سيف ما انتبه للصوت : لا عنزه راكبه عليج انتي اكثر . . يمكن بقره !!

عذاري دحنته بقوه ع جتفه . . ومهره دحنته بقوه ع ظهره . .

سيف : آآآآآآآآآآآآآآآآآآآآآآآآآآخخخخخخخخخخخخ " وصد ورا وشاف مهره وقام مره وحده "

مهره عاقده حياتها : بقره ؟ سبآله ؟

سيف يطالع عذاري . .

عذاري ترفع ايدينها الهنتين : انا مالي خصص . . " تطالع مهره " انا استسلم . .

وراحت عنهم . .

مهره تطالع سيف وسيف يطالعها . .

ناصر يخطف صوبهم : عرض ازياء ؟ بدال هالوقفه الي مالها داعي تعالو ساعدونا بنحط الغدا . .

مهره تصد لنآصر وتبتسم له : ان شاء الله حبيبي . .

ردالها الابتسامه وراح . .

سيف بصوت واطي : هيه حقي انا عاقده النونه وحق اخوها شقت الحلج

مهره اطالعته عين بعين وعقدت حياتها : قلت شي . .

سيف : اعنبووووووووه جبريت . . " ينفخ عليها " افف افف اهدي . .

ابتسمت غصب وحظنته . .

محمد يسحب حمد : اقولك انا ميت يوع وغدا بلاك مش متغدي . . يالله امك تتحرطم علينا من الصبح . .

رفع حمد عينه وشاف مهره تحظن سيف ومغمضه عينها . . محمد اتنهد بضيج . . ماصدق يخلي حمد يقوم ويتحرك من مكانه . . سحب ايييد حمد عشان يحركه لكن حمد وخر ايده بقوه

محمد : والله مول ماله داعي تشوف ..

حمد تم يطالع غمضت عين مهره . .ممزوجه برآحه . . ابتسآمه الامان . . حركت ايدها وهيه تحركها ع ظهره بحب وحنيه . . حاظنته بقوه جنه خايفه انه يطييير عنهآ !

فتحت عينهآ وشافت نظره حمد فويههآ . . نظرة آسسى . . نظرة ألم . . نظرة متكسره . . نظرة فيهآ تعب . . ماقدرت تتحمل وغمضت عينها مره ثانيه . .

سيف : شايله علي صح ؟

مهره وبعدها حاظنته : قلبي ما يشيل عليك ذره . .

قامت من حظنه ومسكت ايده : تعال ابا ارمسك . .

ابتسم ومشى وراها . .

دخلو غرفتها . . قعد ع الطاوله ومشت صوبه بحنية وجابلته . .

سيف يطالعها بنظرة راحه . . وقعد يلعب بخصلات شعرها الي ع ويهها

سيف : ماكان المفروض اطري شي نهيناه . .

مهره تطالعه : صح . . وانا مابيك تطريه ابد . . دامنا سكرناه . . لا ترد تفتحه . . او اذا كان فضولك بيتم عشان محمد وتبي تعرف ترا . .

قاطعها سيف وحطا صبعه ع شفاتها : مابي اسمع اي شي . . مافيني فضول . . يمكن كان فيني . . لكن الحين خلاص . . " يبتسم " دام انتي عندي . . وانتي مستقبلي . . ما يهمني اسمع اي شي جديم . .

ماردت عليه وتمت تطالع عيونه . .

سيف : اتحبيني ؟

مهره : خاطري اثبت لك . . اني ماقدر اعيش بدونك . . ولا اقدر احب غيرك . . انت تملكتني !! انت احتويتني بكبري . . " تحط ايدها ع ويهه " انته احلى شي صار لي فالدنيا . .

سيف يعض ع شفايفه من قوه الكلام . .

مهره مسكت ايدينه الهنتين بقوه : تثق فيني ؟

سيف : اثق فيج . .

مهره : ممكن يي يوم وتشك فيني ؟

سيف : اشك فروحي ولا اشك فيج . .

مهره تطالعه بعيون صارمه : اكيد . .

سيف يبتسملها : شو لزوم هالكلام ؟

مهره : اخاف . .

سيف : مــن ؟

مهره تنزل راسها : يي يوم ويصير سوء تفاهم او خلاف و تشك فيني وتظلمني . . وتعايرني . .

سيف فاج عينه ويرفع راسها بصبعه : اعايييرج !!! كيف اعاير حرمتي . . ام عيالي . . ام هدايه . .

مهره : انا اعرف انه مستحيل . . لكن شي فيني يبي يسمع هالكلام . . ابغي احس بثقتك فييني . .

سيف : للحين مش حاسه ؟

مهره : كنت حاسه بس عقب خلاف محمد . . . . " نزلت راسها "

سيف يبتسم : حقج علي . . بس ما قبضت روحي . . ماراح يتكرر هالشي ابدآ . .

مهره تطالعه : ابدآ ؟

سيف : آبـــــــــــــدآإ . .

مهره ابتسمت . . تقرب منهآ وحب رآسهآ : واخيرآ رضيتي علينآ ؟

مهره تطالعه : حرام الواحد يدلل عليك شويه ؟

سيف يطالع عيونها : ادللي وايد مش شوي بعد . .

بآست خده اليمين وهمست فاذنه : الله لا ييغير علينآ . .

شعر ينبه وقف من حركتهآ . . وكل الي سوآه !وخر شعرها من ويههآ وؤؤؤو ..

cut