آلـــبـــــــآ آ رت آلثـــــــــ 5 ـــــــــــلـآثيـــــــــــن ،*


‘ ليـه التباعد معنك دايم قريب !
من وين ما صد في عيوني تخيلتك
ليـه انت نـآسي وذكري عندك مغيب
تنسى وانا اذكرك وانسى اني تذكرتك ’
.
.
.
بععععد مرور أسبوعيــن ..
*روضضة للحييين فـ بيت أهلـهـآ تتعـب وتم يالسه فحجرتها شوي ..
*نـــآصصصر بدآ يفقد صبره ويشتاقلها اكثر وحالته تسوء اكثر ..
*حـآمد خطب بنت خاله رسمي قبل أسبـوع ..
*زآيــد ملج يوم الجمعه وكانت حفله صغيره لـأنه حد من معـآرفهم متوفي وطبعاً كان مستانس واحيين يتوآصــل ويـآهـآ بــآلفــون ..
*هزآع ونورة سـآفروآ شهر العسل وعقب كم يوم بيردون ..

.
.
.
يـــوم السبت ..
بيــت بـومحمــد ..
الساعه 8 ..
" آلحـــــوي "
نــآصر موقف سيـآرته جدام بـآب الصــآله ويـآلس فيهـآ .. اتصل لـ رآشد يقوله انه بيدخل .. بند آلسيـآرة ونزل .. دق آلبـآب وهود ..

نـآصر : هــود هـود ..
بومحمد : ادخل ادخل ابويه محد غريب ..
نـآصر " دخل وسلم على يده وعمه وعمته و راشد ومحمد وزآيد ويلس حذآل عمه "
‘ بععد السؤال عن الحال ’
بـومحمــد : يالله جي ويهك مستوي جييي ، امره رآيح فيهـآ اشوفك ، شئ صـآير لك ؟!
رآشد : من آلششوق ، معذبتنه رويض ..
نـآصر "يبتسم"
بـومحمد : قم عيل ازقرها خ تييي ..
نـآصر : لـآ لـآ بتنزل الحيييين بطرشلها مسج ..
" طرشلها مسج مكتوب فيه : عدت النظر صوبك ورديـــت عينن تمنت شوف رويــاك ، لـآ تجتليني اكثر اتريــآج فـ آلصـآله "
...
حجرة روضة ..

" يـآلسه ع شبريتها ومتسـآندة وتقرآ مجله .. اهتز الفـون بمعنى ان مسج وآصلنـهـآ .. فتحته بدون لـآ تشوف المطرش قرته واتأكددت ان المسج من نــآصر ، حسست بـ قلبهـآ اهتز .. اسبوعيــن لـآ مسج ولـآ إتصـآل ولـآ حتى سمـآع أخبـآر ، قـآمت وغيرت بيجامتها ولبست مخوره ، اتجحلت وحطت قلوس وبلـآشر ، قسمت قصتهـآ قسمين ورفععتهـآ ، رفعت شعرهـآ المفتوح ولبست شيلتهـآ آلصفوه وتعطرت "

" تطـآلع عمرهـآ وتتنهد " : آآآه .. ليش يصير ويـآيـه جي ؟! ليش الدنيـآ ظآلمـه ؟! " مدت ايدها وخذت حبة كلينكس بتمسح القلوس وتخفف البلـآشر ، شـآفت عمرهـآ تتأكد ، وطلعت من الحجرة "
...
آلصــآله ..
سوآلـف وضحك ..

" قـآطعة سوآلفهم " : آلسلـآم علييكم ..
آلكل : وعليج آلسلـآم والرحمه ..
" نـآًصر وروضة ، ثنينتهم مـآ عرفـوآ كيف يسلمون ع بعض ، وقف نـآصر وابتسملهـآ ، تجدمت منه وسلمت عليـه بـالـإيد ويلست ع الغنفه آلثـآنيه "

رآشد : وآيد عليكم جان هذآ سلـآمكم رومنسي اشوفه لـأبعد الحدود ..
نـآصر " ابتسم " : بععديييين ، يوم مـآ تشوفونـآ ..
الكل" ما عدا روضة " : ههههههه ..
روضة " اقشععر جسمهـآ يوم قـآل جي والتفتت صوبه ولـآحظهـآ زآيد "
بو محمد " يقوم عن الغنفه وييلس حذآل ابـوه اللي يطـآلع التلفزيون " : قومي روضة يلسي حذآل ريلج ..
روضة " نزلت رآسهـآ وقـآمت يلست حذآله "
نـآصر : رويششد قم ازقرليه حمده بسلم عليهـآ ..
رآشد " لقـآهـآ فرصه وقـآم "
نـآصر " يرمس روضة " : روضة ترآني يـآي أشلج ، سيري جهزي أغرآضج ..
روضة " وقفـت وسـآرت حجرتهـآ وتبعهـآ زآيد"
محمد " يرمس نـآصر " : هـآ بو سعود شو آلدوآم ؟!
نـآصر : جيش اكييد بيكون تعب ..
محمد : ههه اللي يبا الصلاه ما تفوته ..
نـآصر : ععيل لطوف وين ..؟!
محمد : إلـآ موآزرة ولد فطييم ..
نـآصر : هههههه ..
..
قسم رآشــد ..
آلحجرة ..

رآشـد : حمدوتي ..
حمده : ...........
رآشد : لييين متى يععنني !
حمده " تلتفت له " : ليــن تققلعهـآ ..
رآشـد : حمده لـآ تنـآقشيني خلـآص انـآ ادمنـت عليهـآ ومـآ بفججهـآ ..
حمده : اصلـاً مـآبنـآقشك ، مـآ يفيد ويـآك شئ انته ابخص بعمرك ..
رآشد " رفع حاجبه عقب قـآل " : اخوج نـآصر تحت سيري يبـآج ..
حمده " بانفعال " : والله ، يَ قلببببي " وقفت وقالت عشان تغايضه " اشتقتله وآآآيــــد ..
رآشد : والله !! زيــن سيري ويـآه بوظبــي بعد ..
حمده " ردت بسرعه مصدقه " : والله عـآدي ! خلـآص اعيل بسير ..
رآشد : تخسيـن إلـآ انتـي تيودين بـآب الصـآله ..
حمده " تلبس شيلتهـآ " : خلــآص مـآيسسوى عليه أفف ..
رآشـد : لـآ تتأففيــــن ...
حمده : استغفرك ربي .. يلـآ بسير ..
رآشد " طـآح ع الشبريه " : سيري حد ردج ..
حمده " لفت عليه واطـآلعته بنظرة وسسـآرت وهو تم يضحك "
..
آلصــآله ..
" سلمت على اخوهـآ ويلست حذآله "

نـآصر " بابتسامه " : هـآ شحـآل نصوري الصغير ..
حمده : ههههههه مـآشـآء الله خلصت وسميت اشوفك مب جنه ولديه !
نـآصر : خـتيه بلـآش مـآ تسمين عليه !
حمده : ولـآ تززعل المولود العاشر ع اسسسمك ..
نـآصر : والخيبتييييين ! ععـآد توحمي عليه عشان يظهر " يمسح ع لحيته " غرشوب مثلي ..
حمده : هههههه الخقه عرج عندك انته ..
نـآصر : ططبعاً ..
..
حجرة روضة
" وآقفه حذال الكبت وتحط ثيابها فـ الشنطة "

زآيــد " يالس ع الششبرية ويطالعها " : روضة لـآ تعذبينه ، والله مـآ تعرفين بحـآلته فـ ميـآلس آلشبـآب يوم يشل كله شله قـآصدبج انتي .. وضعفـآن وهلكـآن ..
روضة " تطـآلعه " : كله عندكم نـآصر ، نـآصر نـآصر نـآصر وانـآ ويييين ..؟! انـآ اللي اهتزت مشـآعريه اكثر ! هو ريـآل يوم يومييين بينسى ولـآ بيهتم بس انـآ مـآ بنسسى .. " لـآ تستغربون ان يرمسهـآ كأنه يعرف لـأنهـآ صـآرحته فـ لحظة ضعف "
زآيـد : تبيييينه ! رآضيه تسيرين ويـآه ؟!
روضـة : مردي له ..
زآيد " تنهد وسكت "
روضة " بابتسـآمه بعد مـآ سكرت شنطتهـآ " : هـآ شخبـآر حصصوه ؟!
زآيد " يبتسم " : بخيييير ، تسسلم علييج ..
روضة " تلبس عبـآتهـآ " : الله يسسلمهـآ .. " حطت شيلتهـآ ع جتفهـآ وشلت الهـآند بـآق ، وشل زآيد عنهـآ شنطتهـآ ، نزلت تحت ويلسوآ شوي عقب روحـوآ نـآصر وروضة "
....
آلسيـــآرة ..

{ هـــدووء تـــآم ، كل وآحد منهم يفكر شو بيسـتوي من بينهم عقب دقـآيق من يوصلون ، مد إيده للـ " ها مآدري شسمه يحطون فيه سيديات ! " يحط شئ بدل هالهدوء ، حط cd اغنية ودي ، وطول شوي ويلس يسمعها وهي تسمع ويـآه .. بعد دقـآيق مدت إيدهـآ تبـآ تقصر لـأنه رآسهـآ يعورهـآ وبنفس الوقت مد إيده بيبنده وتلـآقت أصـآبعهم ، خوز كل وآحد إيده بربكه والاغنيه مازالت تشتغل ،، واطالعوا بعض ؛ نزلت روضة عيونهـآ وهو كمل يطـآلع الطريج .. وصلـوآ آلبيـــت ونزلـوآ مع بعض وشل الشنطه عنهـآ ، دخلوآ وسلموآ على ام نـآصر ويلسوآ ويـآهـآ شوي عقب سـآروآ قسمهم ، دخلت الحجرة وحطت اغراضها وطاحت ع الشبرية ، عقب دقـآيق دخل عندهـآ ويلس ع الكرسي الجريب من الشبرية مجابلنها }
،
نـآصر : أأ روضة قومي نتعشى ..
روضة " مغمضة عيونهـآ " : شبعععـآنه ..
نـآصر " تنهد ويلس حذآل الشبرية وخله ويهه مجابل ويههـآ "
روضة " فتحت عيـونهـآ "
نـآصر : روضة خلـآص انسسي .. اللي صــآر صـآر نحن عيـآل آليـوم .. لين متى بتخليني احس باللوم وانـآ اللي سويته مب غلط ..
روضـة : اوكي انزيييين خلـآص انـآ نـآسسية ..
نـآصر " ابتسم " : قــومي انزييين نسير نتعشى ..
روضة : شبععـآنه .. " بطنهـآ سوآ صوت "
نـآصر : هههههه انتي عكس الناس بطنج يصوي صوت يوم انتي شبعانه اعيل يوم يوعـآنه كيف ؟!
روضة " تيلس " : مــآيسوى عليه !
نـآصر " وقف " : خلصي يلـآ اتريـآج تحت .. " طلع "
روضة " لبست شيلتهـآ وطلعت "
.
.
.
آليـــوم آلثــآني ..
آلصبــح ..
حججرة نـآصر ..

روضة " توعيـه " : قــوم ! مــآ ورآك دوآم !
نـآصر " فـآتح عين ومسكر عين " : اشوفج وآيد نشيطه و وآعيه من وقت ! امس قلت جان عليه دوآم !
روضة " تشهق " : يععععني مـآ علييييييك دوآم وانا اوعي من متى !
نـآصر " ابتسم ورد يكمل رقـآده "
روضة " طلعت من الحجرة ويلست فـ صـآلة قسمهـآ تطـآلع التلفزيــون "
.
.
.
بعد مرور كذآ يـوم ..
آلثلـآثـآء ..
آلعصر الساعه 4:47 ..
فـ صـآلة قسمهم ..

نـآصر : أفف ملييييت من آلبيــت .. يــآلس يقول حرمه ..
روضـة : أنزيـــن اظهر محد ميودنك ..
نـآصر : ولـآ ابـآ اظهر ..
روضة " تـوقف " : مـآ عرفنالك .. بسير انـآ " طلعت ونزلت تحت ، دخلت المطبخ ويلست تسويلهـآ شوربة وتغني بصوت خفيف وتطبخ ، دخل نـآصر المطبخ ويوم شـآفهـآ ابتسم بـخبث ، تججرب منهـآ ويـود خصرهـآ وردهـآ ع صدره بحركه سريعه "
روضة " فزت " : أمييييـه " انتبهت لـنـآصر " متفيج انته !!
نـآصر : أشششش " قرب رآسه منهـآ بس قطع موقفهم حامد وهو دآخل المطبخ يتحمحم ورد نـآصر ع ورآ ..
روضة " فخــآطرهـآ : اخيييج يالفضيحه ، الحيين بيقول مـآتي الرومنسيه إلـآ فـآلمطبخ ،انـآ أرآويك يـآ نويصر "
نـآصر "مسـآند ع الطاوله "
حـآمد "يفتح الثلـآجه ويشل بيبسي " : نـآصر تبـآ بيبس ولـآ كوك !
نـآصر : جي بطه قـآلولك ؟! أبـآ بيبس ..
حـآمد " ابتسم وفرله بيبسي والتفت لـروضة " : حرمة أخي تبين بيبس ولـآ كوك ؟!
روضة " تبتسم " : لـآ مشككور ، بشرب شوربة ..
نـآصر : وفرتي ..
روضة " اطالعته وردت تطـآلع الشوربة "
حامد " ابتسم وقـآل لـ نـآصر " : نلعب سوني ؟!
نـآصر : وين بتلعب وعيونك جي منفخخـآت رقـآد لين الحين ؟!
حامد : ههههه شسوي حليلي تععبـآن ..
نـآصر : يلـآ انزييين قم نلعب ..
روضة " تصب الشوربة فـ الصحن " : تريوني بششجع ..
نـآصر " يمشي هو وحـآمد " : لـآ تشجعيني تبين شجعي حـآمد ..
روضة " تمشي ورآهم وتشرب " : أصلـاً مـآبشجعك ..
نـآصر : يككون احسسن ..
حامد " ابتسم على حوارهم ، وساروآ يلعبون فـ آلصـآله .. يلسـوآ ع الـأرض وتمـوآ يلعبون كرة "
روضة " يلست حذآل حـآمد بمسافه صغيره وتشجع اونهـآ ، وقـآلت فخـآطرهـآ : الحمدالله ان قلبي مـآ دق مثل كل مره ولـآ حسيت بشعور غير مـآ أبـآ اكون خـآينة ولـآ أبـآ حد ينعتني بالخـآينة ، بس هـذآ معنـآته اني تعلقت بـ نـآصر ! هي تعلقت بس مـآ حبيته مجرد اني تعلقت .. "

نـآصر " قطع تفكيرهـآ " : ويــــــــــــــــــــــــــو فزت علييكم ، اونج رويض منصدمه عـآدي عـآدي دووم أفـووز ههههههـآآآآي ..
روضة " طـآلعته بنظره وردت تطـآلع التيفي "
.
.
.
دبـــــــــــــــــــي ..
بيــت بـوهزآع ..

" دخلـوآ هزآع ونورة آلبيت والكل كانـوآ باستقبـآلهم دخلـوآ وسلموآ ويلسوآ ، هزآع يرمس ويحرج نورة وهي تبتسم وتنزل رآسهـآ وهم يضحكون عليه "
عليـآ " مبتسمه " : بس لـآ خليت البنت طمـآططه ..
نورة " ابتسمت لـ عليـآ "
هزآع : مـآ عليج منهـآ ام لسـآنين ترآهـآ ..
نورة " فجت عيونهـآ وقرصته ع ريوله والكل ضحك عليهم "
ام هزآع : برآيكم جـآن بتسيرون قسمكم ترتـآحون ..
هزآع " وقف ووقفت وياه نورة "
خليفة : تبـآهـآ من الله ..
هزآع : ههههههه مـآ يصير اتم ويـآ زوجتي العزيزة لـوحدنـآ ؟!
خليفة : يصير يـأ ابن استاذ العربي ..
بوهزآع " فر عليه المخده "
الكل : هههههههههههه ..
..
قسم هزآع ..
" آلحجرة "

نورة " تحط بـآقهـآ ع طرف وتهف ع ويههـآ " : آآآخ كيف حرقتليه ويهيه !
هزآع " ييلس ع الغنفه " : ههههه اطفيه ؟!
نورة " تتخصر " : خفيف دمك صرآحه ..
هزآع : شرآيج بالقسم ..
نورة " تتلفت حولهـآ " : ححلو تسلم إيد اللي مختار الأثـآث ..
هزآع : احم احم انـآ طبعاً ..
نورة : خقــــآآآآآآآآآآآآآآآآآق ..
هزآع : ههههههههه ..
نورة " توجهت للمعلـآق وعلقت عبـآتهـآ وشيلتها وكـآنت لـآبسه مغربي دمي وكرستآلـآت فضيه ، مكيـآجهـآ هـآدي وخفيف ، يلست ع الغنفه حذآل هزآع اللي كان يلعب بالبي بي "
...
نورة : أحسس بملل ..
هزآع " فر البيبي ع طرف وطالعها "
نورة : ليش جي تطـآلعني ؟!
هزآع : كيف حبينـآ بعض ..؟!
نورة " انحرجت وردت عليه " : انته اللي حبيتني مب انا حبيتك !
هزآع " قرب منهـآ " : احححلفي ..
نورة " نزلت رآسهـآ " : إييييه ععـآد !
هزآع " ابتسم وقرب منهـآ " : أحححبج انـآ والله ..
نورة : تعال يلس فـ حظني بععد !
هزآع : ويهي لوح اسويها ترا ..!
نورة " طالعته وفتحت عيونهـآ ع وسعهن "
هزآع : هههههههههه
.
.
.
آلعيـــــــن ..
آلســـآعه 7:30 ..
بيت بــو محمد ..
" قسم رآشــد "

رآشد " يدوخ "
حمده : انزين قلت تدوخ ومن ورآيه بس جدآمي ليش ! إذآ هو يضرك يضر اللي حوآليك بععد !
رآشد : ععـآدي ..
حمده " بنبرة ألم " : رآشد ليش متغير ! ليش مستوي مـآ تهتم ! ليش كل شئ صـآير عندك عـآدي !
رآشد " يقوم يلبس كندورته بيطلع " : حممده والله مب متفيج لـأحـآسيسج يوم بتفيج ذيج آلــسـآع رمسي .. " طلع "
حمده " تيلس ع آلغنفه وتتنهد " : الله يسـآمححك ويصبرني علييك ، مـآدري شو صـآر عليه وغدآ جذذيه !!
...
بيـــت بـو سعيييد ..
حجرة ام سعيد ..

يـآلسه و ويـآهـآ عبدالله ولدهـآ ..

عبدالله : أميه ، الحقي ع ولدج ..
ام سعيد : شو حل عليك ؟!
عبدالله " ايود إيدها ويحطهـآ ع قلبه " : قلبي أميه قلبي ، اخطبيليه اياها ووارحميني ..
ام سعيد " تبتسم " : وييي يـآ ولديه تو آلنـآس ، جـآن إلـآ فطـآمي رآمسين ترآنـآ ..
عبدالله : يالله يـآ اميه متى بتفهمينيه .. مـآ أبـآ فـآطمه انـآ ،، ابا غيرهـآ ..
ام سعيد : منو بععد غيرهـآ ، تححلم إلـآ تـآخذ وحده من خيـآسك ..
عبدالله " يحط إيده ع رآسه " : انزييين اميه بلـآج جيي صبري عليه بفهمج ..
ام سعيد : لـآ تفهمني دآم فيهـآ هالخيـآس ..
عبدالله " يهز رآسه يمين ويسـآر " : ربي لـآ إله إلـآ انت استغفرك واتوب اليك .. اميه سمعيني لـآ تطلعيلي الشعر الابيض ..
ام سعيد : قول قول فكنيه ..
عبدالله : اللي ابـآهـآ اخت ربيعيه ، رزينة وزينه وحلوه وهم عرب ونـآس ..
ام سعيد : يالله جـآنك بتخلي القريب وبتسير للغريب ..
عبدالله : يَ اميييه الاقارب عقارب .. وانـآ مـآ أبـآ وحده من الـأهل .. يـآ تخطبيلي اللي ابـآهـآ ولـآ مـآ بعرس ..
ام سعيد : أقولك قم قم اظهر عنيه .. حشرتنيه حشرة .. قم اظهر ..
عبدالله " يوقف " : أفففففففففففففففففففففففففففففففففف ... منو بيفهم ؟! " ظههر وركب سيـآرته يرمس احمد "
..
عبدالله : احمممممممممممممد ..
احمد : نعم !
عبدالله : احبهـآ يـآ ريـآل !
احمد : لـآ تقولليه وحده من خـآيسـآتك ..
عبدالله : يخسسسن إلـآ هن اين صوبهـآ بس ..
احمد : سير اخطبهـآ وفكننـآ ..
عبدالله : اميه تبـآني اخذ وحده من هليه .. و البنت اللي اباها تدرس ..
احمد : اقنع امك .. والبنت ترآ الددرآسه مـآبتوديهـآ مكان اخر شئ الا بيت ريلهـآ ..
عبدالله " استـآنس من رده " : بسسس ..
احمد : شو بععد ..؟!
عبدالله : أحسسها يـآهل يـآريـآل ..
احمد : صدعتليه رآسيه ! تععـآل ميلس حمدآن وبنرمس ..
عبدالله : انزيييين .. اذلف .. " سكر الفون "
.
.
.
آليـوم اللي عقبه ..
آلظهـــر ..
بيت بـو نـآصر ..
حجرة روضة ..

نـآصر " توآ يـآي من الدوام وطاح ع الشبرية "
روضة : نـــآآآآآصر ..
نـآصر : هــــــآآآآآآآآآآ ..
روضة : ودني الجمعيه خاطريه بكـآكـآوآت واسكريمـآت ..
نـآصر : مب فـآيج .. يـآي تعبـآن حسسي ..
روضة : خلـآص اعيل بسير ويـآ الدريول ..
نـآصر : خل اشوفج رآكبه ويـآه .. بصفعج لين تقولين بس ..
روضة " حطت ايدها ع خدهـآ ببرآءة " : آآي ! أفففف خلـآص مـآ أبـآ .. " تيلس ع الغنفه " ويييييييييييييع قوم قوم سيير الحمام كيف اطيح ع الشبرية وانته يـآي من الدوام وحـآلتك لله ! ولـآ طـآيح وين ارقد أنـآآآ !
نـآصر " ييلس ويود رآسه " : كييف تهذربييييين ! ادري اسبوعيينن وآيد واشتقتيلي واطلعييين كل شئ احييين ..
روضة " رفعت حاجب " : أقققول لـآ توثق وآيد .. فكني ادخل الحمام ..
نـآصر : روضة حرف زيـآده يَ ويلج ..
روضة : أأ اوكك ..
نـآصر : يغربل الغبـآء انـآ شقول ؟!
روضة : آسفة مـآ برمس خلـآص ..
نـآصر : ططـآع بععععد !!!
روضة " حطت إيدهـآ ع حلجهـآ وهزت رآسهـآ بـ لـــآء بمعنى انهـآ مـآ بترمس "
نـآصر " ابتسم ع جنب " : زيـــــن .. " دخل الحمام "
...
" بععد مـآ ططلع "
نــآصر " طـآلع من الحمام ولـآف الفوده ع خصره " : تغديتي ولـآ بعدج ؟!
روضة " يالسة ع الشبرية ؛ التفتت له " : هي ويـآ عمتـ.. " حطت إيدهـآ ع عيونهـآ " استغفر الله استغفر الله ..
نـآصر : فيني شئ غلط الشيخه ؟!
روضة : بكبرك غغغغلط ..
نــآصر : نععععععم !
روضة : آسسسفه ..
نـآصر : عبـآلي شئ بععد ..
روضة : نـــآصر طلبتك ..
نـآصر " يلبس جلـآبية النوم " : الكاكاوات والاسكريمـآت بعدين العصر ؛ دخيل وآلديييج تعبـآن ، الحيييين برقد و وعيني صلـآة العصر ..
روضة : اوك .. " طلعت الصاله ويلست تطالع التيفي "
...
آلعصـــر ..

روضة " تلبس عبـآتهـآ وتشل غشوتهـآ وشنطتهـآ "
نـآصر : يلـآ لــآه ، مـآ يسوى عليج كـآرفور ..
روضة : انزييين يعني اطلع مفصخه !
نـآصر " يطالعها بنص عيين " : تهبــــين ..
روضة : انزين اسمعني مب بس اسكريم وكاكاوآت ابا اشتري اغراض لي وابا اترس ثلـآجتيه و خطفني ع الصيدلية بععد ..
نـآصر : استغففر الله .. انزييين اترياج فـ السيارة ..
روضة : يـآيه ..
" طلعـوآ وركبـوآ آلسيـآرة ، خطفـوآ ع الصيدليه .. نزلت وخذتلهـآ غرض .. وتوجهوـآ بعدهـآ للمـول .. دخلوآ كـآرفور ع طول ، وسـآر كل وآحد يشتري الشئ اللي يبـآه .. "
..
روضة " وهي تحط الاغراض اللي تبـآهـآ فـ السلة الصغيره اللي بـإيدهـآ ؛ يَ صوت من ورآهـآ يقول : فديــت هالطول عساني ما انحرم ، عطيييينه ويه شوي ، انزيين اذا تستحيييين يودي هالورقه فيها رقميه ودقي متى مـآ بغيتي .. ومـآ حس بهالشخص إلـآ بـبوكس ع خده طيحه ، التفتت روضة وشهقت يوم شـآفت نـآصر يضـآرب ويـآه والنـآس ملتمه ، يو رجـآل الامن مـآل المول وفروهم ثنينتهم برع ، تحركت روضة بسرعه وحـآسبت وشلت السـآمـآن وطلعت ، دقتله بس مـآ رد توجهت لـ وييين كـآنوآ مبركنيـن آلسيـآرة وشـآفته ركبت السيـآرة وقلبها يدق اكيييد بيرد اللوم عليهـآ ، تحركوآ ووصلـوآ آلبيت .. وقف السيـآرة فـ الكراج ويت روضة بتنزل بس وقفهـآ صوته وهو يقوللها "

نـآصر : اسبقيني للحجرة بنتفـآهم ..
روضة " سكرت آلبـآب وهي تمشي مقهورة من كلـآمه وتقول فـ خـآطرهـآ : على شو نتفـآهم ! بيظن ظن السوء فيني يعععني ! الله يسسستر ..
..
وصلت الحجرة وحطت الاغراض وعقت عبـآتهـآ .. دخل هو ويلس ع الغنفه اللي فـ حجرتهم وكله يطـآلعهـآ بنص عيين لين يلست حذآله وبإيدهـآ شنطه صغيره مال الاسعافات الاوليه .. طلعت المطهر وقطن ومدت إيدهـآ بتطهر الجرح اللي كان ينزف حذآل اذنه ..

نـآصر " يخوز إيدهـآ " : لـآ تجربين مني ..
روضة " سوت له طـآف ويودت إيده وتمت ضـآغطه عليهـآ بمعنى لـآ تتحرك ويلست تطهر جروحه وتحط دوآ ولزقة جروح .. "
نـآصر " وقف وطلع وهي تمت تحط الاغراض وترتب ، وطـآحت ع الشبرية ومن الملل رقدت "
.
.
.
آليـوم آلثــآني ..
آلضحـــــى ..
آلســآعــه 11 ..

فـ الحمـآم ..
"مسـآنده ع آليدآر وتطـآلع الشئ اللي بإيدهـآ ومحطيه إيدهـآ ع حلجهـآ ودموعهـآ فـ عيونهـآ "

روضة : موجـ جـب ! يعـ ـعـ ـعني انـآ حـ حـ حــ.. ... مستحيييل لــآآآء ..
.
.
.
.
.

انتهههههى آلبـــآرت ..

آرآئكــم ، انتقـآدآتكـــــــم ، تعليقـآتكــــم . . .
^^

لو يعذلوني بحبك عنك يَ آلمحبوب هب تــــآيــــــب

رغبتي في قربك ووصلك وغير هذي مــآلي رغــآيــب

.

.

.

آليـوم آلثــآني ..

آلضحـــــى ..

آلســآعــه 11 ..

فـ الحمـآم ..

"مسـآنده ع آليدآر وتطـآلع الشئ اللي بإيدهـآ ومحطيه إيدهـآ ع حلجهـآ ودموعهـآ فـ عيونهـآ "

روضة : موجـ جـب ! يعـ ـعـ ـعني انـآ حـ حـ حــ.. ... مستحيييل لــآآآء ..

" تجدمت للزباله الموجوده وفرت الجهاز الصغير ، اتجهت للـ مغسلة وغسلت ويها مليون مرة للحين مب مصدقة انها حامل ، طلعت من الحمام وطـآحت ع الشبرية ؛ خخخلت دموعها تنزل وهي تفكر ، بعد التفكير اللي ذبحهـآ قـآمت وتعدلت ع الخفيف ولبست مخورة بنفسجيه وتعطرت ولبست شيلتها وشلت فـونهـآ ونزلت تحت عند عمتهـآ .. "

.

.

.

آلعيــــن ..

نفس الوقت ..

بيت بـومحمد ..

" قسم رآشد "

" طآيحه ع الشبرية وتفكر " : شو اللي جلبه فجأة ! معقوله شئ سبب ولـآ هو مضايج من سآلفة ! " يلست وتسـآندت ع مسند الشبرية " أنــآ حرمته بلـآش ! لـآزم اعرف شو فيييه ، خ ايي بس من الدوآم وبرآويه شغليه ، خخخ احس جي ولـآ جون سينـآ بزمـآنه ! اشوفني انهبلت يـآلسه ارمس عمريه .. من الملل واللي أنـآ فيه لـآزم ! " قـآمت ولبست شيلتها وشلت فـونهـآ وطلعت للـصـآله "

. . .

" ع آلسـآعه 1 استـأذن وطلع من الدوام ، ركب سيـآرته وتوجه للمكان اللي دوم يبركن فيـه ظن منه انه يشوفهـآ ، وتم وآقـف بـسيـآرته يرقب فوج آلبنـآت اللي بيطلع من المدرسة احتمـآل يشوفهـآ ، بس بعد مثل كل مرة ومثل كل يوم لـآ جديـد ، حرك آلسيـآرة وسـآر بيتهم ، دخل حجرته وتبعته امه "

..

بععد 3 أيـآم ..

آلسـآعه 1

بــيت بـوسعيــد ..

حجرة عبدالله ..

ام سعيد : ولديه الخميس الياي بنسير نخطب البنت رسمي ..

عبدالله " يلس حذآلهـآ وعقد حيـآته " : اي بنت اميه !

ام سعيد : بنت عمتك بعد منو ..؟!

عبدالله : اميه انا قايللج هالبنت مـآ أبـآهـآ ولـآ أشتههيهـآ ولـآ اتمنـآهـآ تكون حرمتيه ..

ام سعيد : ليش ان شاء الله شـآيف ششئ عليهـآ ؟!

عبدالله : أففف .. " فخاطره " : اقوللها ولـآ ! بقوللها واللي فيها فيها المهم ما اطيح بحلجي ..

ام سعيد : أشوفك سكت !

عبدالله : أميه البنت مب زينه وانـآ ادريبهـآ ..

ام سعيد : جيييه تترمس ويـآهـآ انته !!

عبدالله " يهز رآسه يمين ويسـآر " : استغفر الله .. اميه البنت مب زينه .. رآعية شباب هـآي !

ام سعيد " تعلي صوتهـآ " : وآبويه عليك أنـآ .. شهالرمسه اللي اسمعهـآ انـآ ، خلني اسمعك تقول هالرمسه ياللي مـآ تستحي ، والبنية بتاخذهـآ غصبن عن خشمك .. " وقفت وهي معصبة وطلعت "

عبدالله : مـآ عليييه بنشششوف جـآن خذتهـآ ، هذآ إذآ وآفقت عليه ..

.

.

.

أبـــوظبــــي ..

بــيت بـو منصور ..

آلسـآعه 2:30 ..

" حجرة فطـآمي "

" رآده من الجامعه ، تسبحت ويوم طلعت من الحمام شـآفت امها تتريـآهـآ ويـآلسه ع الغنفه ، تجدمت صوبهـآ ويلست حذآلهـآ "

فطـآمي : اوه منورة حجرتيه اليوم ، أنـآ اقول ليشش ثرهـآ مـآمـآتي هنيييه ..

ام منصور : اقلعي عنج الرمسه الزآيده وتعـآلي ارمسج ..

فطـآمي : اوك توك مـآمـي آي هير يـو ..

ام منصور : رمسي مثل العرب والنـآس خليني افهمج ..

فطـآمي : اوك اوك .. رمسي ماماتي اسمعج ..

ام منصور : ترآني قلتلج قبل حرمة خـآلج تبـآج لـ ولدهـآ عبدالله ..

فطـآمي : أفففف مـآمـآتي لـآه ! قلتلج مـآ أبـآه ، مـآ أبـآه ، مـآ أبـآه ..

ام منصور " توقف " : فكري بنيتيه لـآ تستعيلييين ، الريـآل زين ومـآعليه كلـآم ، ويوم الجمعه بنسير صوبهم هنـآك تعدلي خ يشوفون آلزيـن .. " طلعت "

فطـآمي : أففف ، اخسي آخذ هالمتعقد ! " قـآمت وطـآحت ع شبريتهـآ ورن فونها "

فطـآمي : يــآآآي أكييييد عروفي حبيبي " مدت إيدهـآ وخذت الفون بس الرقـم كـآن غريـب " أحسني اعرف هالرقم .. أممم برد بشوف منو " ردت "

..

فطـآمي : ألـو ..

....... : ألـو ..

فطـآمي " عقدت حيـآتهـآ " : منــو ؟!

........ : سمعي عند رمسه وخليهـآ فـ ذنج وترآنيه هب عـآيدنهـآ ..

فطـآمي " استغربت وسكتت "

......... : يقولون اني انا خـآطبنج .. بس آلسـآلفه مب جي ، أميه قررت ورمست امج وقالوآ اني انـآ خـآطبنج .. وانـآ مـآ ادانيـج وأكرهج .. وعمري مـآ بفكر آخذ رآعية شبـآب ووحده صـآيعه ، من جدام أهلهـآ شئ ومن ورآهم شئ ..

فطـآمي " فتحت عيونهـآ ع وسعهن " : عبدالله !

عبدالله : هيي عبدالله .. سمعي واللي بقوله لج يتنفذ وإذآ مـآ نفذتيه بقول لـخوانج انج رآعية شبـآب ولـآ الـأهم بيوصل لـ بـآبـآتج يـآ دلوعته وسـآعتهـآ لـآ بيعرف دلع ولـآ غييييييره ..

فطـآمي " تبلع ريقهـآ "

عبدالله : عندج فرصة لييين يوم الخميس تقولين لـ اهلج انج رآفضه ومـآ تبيني ، وأنـآ بعد بقول اني مـآ أبـآج ، وتنتهي سـآلفة الخطبة يوم الخميس تسمعييين ، ومـآ بـآقي عن يوم الخميس غير 3 أيـآم ، فـ يـآ انج تقوليلهم وتتدلعييين وترمسين ابوج عشـآن يرضى ويرفض ، او اني اشهر بج ،،، بـــآي يـآ دلوعة ابــوج .. " سكر "

فطـآمي " تطالع الفون " : الله يـآخذه إن شـآء الله ، الله يـآخذه وافتك منه ، هـآ شدرآه فيني ؟! كيف يععرف اني احب وآحد ؟! " تتذكر " هيي هذآك اليوم فـ المول .. الله يـآخذك يـآ سـآلـم الله يـآخذك وافتك منك .. الحييين إذآ حد عرف عني انا وعـآرف بنروح فيهـآ .. بس ليش مب طايعين يفهمون ان حبنـآ شريف .. أفففففففففففففف ..

.

.

.

بــيت بـونـآصر ..

" حجرة روضة "

" طـآيحه ع الشبرية ومغمضة عينهـآ بهدوء ومحطيه إيدهـآ ع بطنهـآ "

نـآصر " دخل رآد من آلدوآم ، فر كـآبه ع الغنفه وتوجه لغرفة الملـآبس شل لبسه ودخل آلحمـآم ، طلع ووقف حذآل الشبرية " : هييي انتي .. قومي سيري هاتيليه الغدآ هنـآ ..

روضة " فتحت عيونهـآ "

نـآصر : لـآ تسوين عمرج تعبـآنه .. عندج 5 دقـآيق بس وأشوفج يـآيبه الغدآ .. أنـآ فـ الصالة .. " طلع ويلس فـ صـآلة قسمه يطـآلع التيفي "

..

روضة " تأففت بضيق وقـآمت شوي شوي وبطنهـآ يعورهـآ ، لبست شيلتهـآ ، طلعت ونزلت تحت يـآبتله غدآ وحطتله إيـآه ع الطاوله فـ القسم ، ويت بتدخل الحجرة بس وقفهـآ صوته "

نـآصر : شو أبـآ الغدا بدون بيبسي ولـآ مـآي .. سيري أشوف هـآتيليه بيبسي ..

روضة " تأففت وصدتله " : أنته ليش مب طـآيع تفهم اني مـآ اعرفه ، وفوني عندك شفت رقم غريب دآق !

نـآصر " طـآف ويطـآلع التلفزيون "

روضة : وبعديييين انته ريـآل وتعرف حركات الرياييل ، يعني مـآ تعرف ان هـآ مغـآزل ؟!

نـآصر : والله ! وفرحـآنه بععد ؟!

روضة " صدت بويهها عنه "

نـآصر : سيري اشوف هـآتيليه بيبسي وعن الهذره وآيد ..

روضة " نزلت رآسهـآ وطلعت ، يـآبتله مـآي وبيبسي وردت وعطته "

..

نـآصر : يلسي هنيييه بخلص اكل بتنزلينه المطبخ ..

روضة " أطـآلعته بطرف عينهـآ وتمت تطـآلع التيفي "

بعد دقـآيق

نـآصر " خلص غدآ وتم يطـآلع روضة "

روضة " قـآمت وشلت آلغدآ ونزلت تحت ، وطته فالمطبخ وردت صعدت فوق وهي تحس حيلهـآ منهد "

نـآصر : ويييت وييييت ويييييت ، على وين حيـآتي ، خلصي شغلج بعدين سيري الحجرة ..

روضة " طـآلعته بملل وتـأففت " : شئ بقى بعد مـآ سويته ؟!

نـآصر : هي طبعـاً ، سيري بعدج هـآتيليه أممم شو شو شو ؟! ههههي سيري سويليه جـآهي ..

روضة : نـآصر لـآه ؟! شو بطنك انته خزآن ؟!

نـآصر " كتم ضحكته " : سيري سويليه جـآهي أخضر عشـآن يهضضم ..

روضة : أف أف أف ..

نـآصر : أدري حررر .. قبل لـآ تسيرين شغلي المكيف ..

روضة " طـآلعته بنظره وشغلت المكيف عقبهـآ نزلت تحت تسويله جـآهي ، خلص الجاهي وصبته فـ الاستكـآنه ، تمت تركب ع الدري وهي تحس انهـآ بتموت من بطنهـآ ، يعورهـآ وآيد وظهرهـآ بعد بدآ يعورهـآ ، دخلت صـآلة قسمهـآ وعطته الجـآهي ، دخلت الحجرة وسكرت آلبـآب ، تمت تمشي وتسـآند ع آليـدآر وفجـأة حست بطنهـآ انقبض صرخت من الـألم ، فز نـآصر من سمعهـآ ودخل الحجرة بسرعه ، شـآفهـآ متسـآنده آليدآر ومغمضة عينهـآ بقو وميوده بطنهـآ بقو وتطلق آهـآت خفيفة "

....

نـآصر " جرب منهـآ وهو مستغرب " : روضة شو فيج ؟!

روضة " ع وضعهـآ "

نـآصر : اوديج آلمستشفى ؟!

روضة " وهي تنزل شوي ع تحت " : آآه .. بطني نـآصر ..!

نـآصر " تحرك بسرعه ولبس كندورته وشل سويجه ، يـآب عبـآتهـآ ووقـآيتهـآ ولبسهـآ ، وقفهـآ وتمت تمشي شوي شوي ، ركبهـآ السيـآرة ونزللهـآ السيت عسب ترتآح ، وركب هو وشغل آلسيـآرة وتوجه للمستشفى وهو كل لحظه يشوفهـآ ويشوف الطريج ، كـآنت محطيه إيدهـآ ع بطنهـآ ومسكره عينهـآ وعـآقده حيـآتهـآ ، وصلـوآ المستشفى ونزلـوآ .. "

..

..

بعد سـآعه ونص تقريبـاً ..

حجرة الدكتورة ..

" يـآلسه فـ مكتبهـآ ونـآصر يـآلس ع الكرسي اللي مجـآبلنهـآ ، وروضة طـآيحه ع سرير فـ طرف الحجرة وحذآله ستـآرة متحركه بحيث اذا حد دخل مـآ يشوفهـآ والموجودين كذلك "

نـآصر " بتوتر " : أأ دكتورة روضة شو فيهـآ ؟!

الدكتورة " تطالع الاوراق اللي فـ إيدهـآ " : التحـآلييل والآلام التي تحسبهن حرمتك أثبتت أنهــآ ..

روضة " محطيه إيدهـآ ع حلجهـآ ومغمضه عينهـآ بقو وتقول فخـآطرهـآ " : دكتورة لـآ تقولييين ، مـآ أبـآه يعرف ، يـآ رب مـآ تقول يـآ رب مـآ تقول .. ‘ بس قطع حديث نفسهـآ كلمة الدكتورة ’

الدكتورة " تكمل " : حـــآمل ..

نـآصر " فج عيونه ع وسعهن ونزل رآسه وهو يتمتم " : حـ حـ حـآمل ! كيف يعني ؟! يعني هي بتستوي ا أ أ أم و أنـآ أ أ أبـو ؟َ " رفع رآسه واطـآلع الدكتورة "

الدكتورة : عمر الجنين مـآ بين 3 إلى 4 أسـآبيع ، فـي أول شهر او شهرين لـآزم مـآ تمشي وآيد ، تصعد وتنزل من الدري هـآ كله يأثر ع آلجنين ، لـآزم ترتآح وتهتم بصحتهـآ وأكلهـآ .. حطيتلهـآ مغذي وأتريـوآ " تطالع سـآعتها " نص سـآعه لين يخلص .. واهتم فيهـآ وآيد ، ولـآ تخليهـآ تشل اشيـآء ثجيلة ، وكل شهر ع الـأقل بيكون عندهـآ مرآجعـآت عشـآن نطمن ع الجنين ..

نـآصر " بعده مب مستوعب " : إن شـآء الله .. مشكورة دكتورة ..

الدكتورة " تبتسم وتوقف " : وآجبيه ، بسير اسوي ورقة المرآجعـآت والملـآحظـآت وعندي كم شغله .. خذوآ رآحتكم " ابتسملهـآ نـآصر وطلعت "

..

نـآصر " بصوت خفيف " : هـآي الدكتورة من صدقهـآ ولـآ تستعبط ؟! لـآ أكيييد تستهبل كيف يعني روضة حـآمل ! من متى ؟! وليش مـآ خبرتني !

" قـآم و وقف جريب سريرهـآ وتسـآند ع آليدآر وتفصل من بينهم الستآره ، رفع رآسه وتم يطـآلع فوق "

: يـآرب ترحمنـآ وتعينـآ .. استغفرك ربي " نزل رآسه ومد صبعه السبـآبه للـ الستـآرة وفتحهـآ شوي ، شـآف روضة تمد صبوعهـآ لعيونهـآ وتمسح دموعهـآ وتطـآلع دموعها اللي فـ صبوعهـآ ، تصيح بصوت خفيف وتشهق ، استغرب منهـآ ليش لهدرجه هي مب متقبله ! دز آلستآرة شوي وتجرب من سريرهـآ ، يلس ع طرف وطـآلعهـآ "

: ليش مـآ قلتيلي روضة !

روضة : .........

نـآصر : اكيد كنتي تعرفين ليش مـآ خبرتينيه ؟!

روضة " صدت بـويههـآ ع طرف " : بسبب شكوكك هـ الـأيـآم .. خفت أقـولك وتقول اللي فـ بطني مب منك " صدت له واطالعته بنظره "

نـآصر " نزل رآسه ولـآم عمره ورد يطـآلعهـآ " : أفـآ بس ، أشك بج يـآ بنت العـم ! أشك بـج يـآ أغلى زوجه ! أشك بج يـآ أم سعود ؟!

روضة " رفعت رآسهـآ وأطـآلعته وعيونهـآ متروسه دموع "

نـآصر " تجرب ويود رآسهـآ وحطه على صدره وحط حنجه ع رآسهـآ ، أمـآ هـي دفنت ويههـآ اكثر فـ صدره وتمت تصيح ، ابتسم نـآصر وبـآس رآسهـآ ؛ حرك إيده ع رآسهـآ وهو يهديهـآ "

.

.

.

آلعـــــين ..

آلسـآعه 4:10 ..

بيت بو محمد ..

قسم رآشـد ..

" دخل الحجرة ويلس حذآلهـآ وهي يـآلسه تقرآ مجله "

رآشد : أأ شحـآلج حمده ؟!

حمده " ببرود " : عـآيشه بعدني والحمدلله ..

رآشد : أأ مـآ تبييين تظهرين مكـآن ؟!

حمده : مشكور ، عـآيبنيه البيت ، حلـآة آلعيشة بين أربع يدرآن ..

رآشد " فخـآطره : مستوية نحيسه ! كله مني أنـآ " : انزيييين بترقديين ؟!

حمده : إذآ بترقد ارقد ، انـآ مـآ ادآني ارقد العصر ..

رآشد : اف ، انزييين مـآ عليج مرآجعه فـ المستشفى ؟!

حمده : أمس كـآنت عندي ..

رآشد : سرتي ؟!

حمده " طالعته بنظره وردت تطالع المجله " : ومنو بيوديني مثلـاً ؟ّ

رآشد : انزيين ليش جي جـآفه هالكم يوم ؟!

حمده : مـآ شربت مـآي ..

رآشد " طـآلعهـآ باستخففـآف " : والله ؟!

حمده " كتمت ضحكتهـآ " : .......

رآشد : حمدوه شو فيج ؟!

حمده " سكرت المجله وطالعته " : تذكر رآشد ! تذكر يوم كنت اقولك شو فيك ؟! ويوم أسألك وأتخبر عنك .. كنت تقولي مب فـآيج لصدعتج وأسـألتج ، الصبح آلدوآم والظهر تتغدى وترقد لين المغرب ، توعى وتطلع وتي الساعه 11 وترقد سيدآ .. مـآ كنت ارمسك واسولف ويـآك .. والويكند كذلك ؛ تسهر ويـآ ربعك لين الساعه 1 و 2 وتم رآقد لين الساعه 12 و وحده عقبهـآ تتغدى وتطلع ويـآ عمي زآيد ، ومـآ ترد لين المغرب ويوم تي المغرب تتسبح وترد تطلع واتم لين الفير .. انـآ يـآيه هنيييه عشـآنك ولـآ عشـآن أهلك .. ؟! أنـآ مـآخذتنك ولـآ مـآخذه اهلك ؟! اوكي بتم ويـآهم ربع سـآعه نص سـآعه بس مب اليوم كـآمل ، وإذآ ربعك عزوبية ترآ انت معرس ، هم مـآ ورآهم مسؤولية بس أنته ورآك .. إذآ انـآ مـآ هميتك ولـآ فكرت فيني ، فكر فـ اللي يـآي بالطريج ! إذآ تميت انته على هالحـآل وبـآجر هو سألني شقوله ! أقوله أبوك من بعد اول ثلـآث شهور من زوآجنـآ مـآ يدري عني ولـآ يعرف شو نـآقصني وشو أبـآ ؟! رآشـــد حس فيني حس ! إذآ عندك شئ تبـآ تقوله أنـآ عندك ، انـآ حرمتك ..

رآشد " كـآن منزل رآسه ورد رفعه " : أدري اني كنت مقصر .. و وآيد بععد ، بس كنت احس اني مـآ ابـآ البيت ولـآ أبـآج ولـآ أبـآ شئ ..

حمده " باستغرآب " : كيف يعني مـآ تبـآني ؟! إذآ مـآ تبـآني بيت هليه موجود ولـآ اني انذل هنييييه ..

رآشد " تجرب منهـآ " : انـآ مـآ قلت مـآ أبـآج .. قلت اني كنت احس اني مـآ أبـآ شئ فـ البيت ..

حمده " قـآمت ووقفت " : رآشد أنـآ مـآ بتحمل اكثر عن جي ، يـآ ترد مثل مـآ كنت او توديني بيت هليه احسن لي ..

رآشد " نزل رآسه وتنهد "

....

حجرة زآيـــد ..

" طـآيح ع الغنفه ويرمسهـآ "

زآيد : وشــو الجـآمعه غنـآتيه ؟!

حصة " بخجل " : الحمدالله تمـآم ..

زآيد : مـآ تبينـآ نعرس ؟!

حصه " باندفاع " : لـآ لييييين اخلص الجـآمعه ، تريـآ عـآد بـآقلي كورسين وصيفي ..

زآيد : اتريـآج العمر كله ، يوم ضمنتج انج لي خلـآص أتريا حتى لو سنتييين ..

حصه " بخجل " : سنتين !

زآيد " يبتسم " : خلـآص سنة ويوم ..

حصة " بهدوء " : سنة ويوم !

زآيد : ههههه سنة وسـآعه زين جي ..

حصة " بهدوء وخجل " : سنة وسـآعه !

زآيد : ههههههههههه خلـآص سنة وثـآنيه ..

حصه : هههه خلـآص رضيت ..

زآيد : أحبج أنــآ والله ..

حصه : همم ..

زآيد : هههه شو الـ همم ..

حصه : يعني ادري ..

زآيد : هههههههه ويلي ع الوآثقه ..

حصه " ابتسمت "

زآيد : مـآ بتقوليلي إيـآهـآ ..

حصه : شو اقول ؟!

زآيد : قولي احبك اموت فيك اعشــ " قطع رمسته اليد وهو دآخل "

آليـد : زيوووووود ! انته منثبر هنـآ وانا ادور .. قم يلـآ ودني عزبتيه ..

زآيد : يـآلله يَ بويه وقتك هذآ ؟!

حصه " تبتسم " : ههههه حرآم وده ..

زآيد : بوديه امري لله ، يالله فدآعة الله غلـآيه ..

حصه : سلم ، والله يحفظك ..

زآيد : يوصل ، مع السلـآمه .. " سكر "

آليـــد " يزأعج " : قم اقولك ودنيه عزبتيه بدآل لـآ انته ميلس هنيييه ولـآ دآري بالدنيـآ ..

زآيــد : انزييين انزيييين " قـآم وتلبس و شل ابوه العزبة "

.

.

.

دبــي ..

بــيت بـوهزآع ..

قسم هزآع ..

" الحجرة "

" يـآلسه وتلعب ع اللـآب ، دخل الحجره وطـآح ع الشبريه وهو يتنهد ، قـآمت وســآرت صوبه "

هزآع " مغمض عينه " : آآآآآآخ ، بعدني فـ شهر العسل وغـآبش للـشركه ..

نورة : هههه حيـآتي والله تحمل هـآذي الحيـآه ..

هزآع " يفتح عينه ويجرب منهـآ وهو بعده طـآيح " : والله انـآ مب متحمل غير منطوقج العسل هذآ ..

نورة " ابتسمت بإحرآج " : مـآ أدآني هالرمسه ..

هزآع : ههههههه مـآدانينهـآ ولـآ تستحييين ..

نورة " طـآلعته وغيرت آلسـآلفه " : مـآ تبـآ تـآكل شئ ؟!

هزآع : اي شئ من ايدج أبـآه ..

نورة : امم عصير ! كيك ! فطـآير ! بيتزآ !

هزآع : لو سمحت صحن فطـآير وصحن بيتزآ وعصير برتقـآل فريش و 4 صحون كيك

نورة " طـآلعته بنظرة "

هزآع " نقع ضحك " : ههههه ههههههه هههههههههه ، مـآ يسوى عليه ، خلـآص عصير بسسس ..

.

.

.

أبــوظبــي ..

" طلعوآ من المستشفى متوجهيين للبيت "

نـآصر " ميود إيدهـآ " : مـآ تبينـآ نتعشى مكـآن ..

روضة " بهدوء وتطـآلع برع " : لـآء ..

" بعد دقـآيق وصلـوآ البيت ، وهم يمشون فـ الحوي "

روضة : نـآصر خـآطريه بـبيتزآ هـآت ..

نـآصر " صد عليهـآ وابتسم " : خلني اوصلج الحجرة بعديين بسير أييبلج ..

روضة : لـآ خلـآص أبـآ من إم ..

نـآصر : الحين شو مـآكدونـآلز ولـآ هـآت ؟!

روضة : لـآ مـآ اتخيل آكل من هالثنينه .. اممم أبـآ محشي ورق عنب ..

نـآصر " وقف وطـآلعها وهي وقفت " : أخـآف ولديه بـآجر يظهر متييين .. أشوفه كله يطلب أكل ..

روضة : ههههههههه ..

" دخلـوآ وسلموا على ام نـآصر وصعدوآ حجرتهم "

الحجرة ..

" لـآصقه فـ اليدار وهو جدآمهـآ "

نـآصر " مد إيده وحطهـآ على بطنهـآ " : صدق في حد هنـآ ؟!

روضة " هزت رآسهـآ بـ هيي "

نـآصر : من متى ؟!

روضة " منزلة رآسهـآ " : انـآ ادري من كم يوم بس ..

نـآصر : ليش مـآ قلتيلي ؟!

روضة " تبعد نـآصر وتحط إيدهـآ ع خشمهـآ " : اعععععع مـآ أدآني ريحه هالعطر ، وعع لـآ تجرب مني ..

نـآصر " رفع حـآجبه " : من متى ! أحيدج تحبين ريحة هالعطر !

روضة " تهف جدام ويههـآ " : خلـآص استويييت مـآ احبه ..

نـآصر : أنزيييين خلـآص ..

روضة : نـآصر أبــــآ ..

نـآصر : شو بعد ؟!

روضة : مــآي !

نـآصر : متوحمه ع مـآي !

روضة " بخجل " : هيييي ..

نـآصر : ههههههههههههههه

روضة : لـآ تضحك ، ولدك يبـآ مب أنـآ ..

نـآصر : ههههه انزيييين ، سمعيني مـآ ابـآ اشوفج تحت مول ولـآ نازلة وصـآعده من هالدري لين عقب شهرييين .. وتتريقين وتتغدين ووتعشين مثل آلنـآس .. وإذآ تبين شئ قوليلي ..

روضة " هزت رآسهـآ بـمعنى اوك "

.

.

.

.

انتههههههههى آلبـآرت ..

آرآئــككم + توقعـآتكم ..

و

السموحه ..

ناصر وروضه وايد حلووووووووووووين والله لا يغير عليهم
وزايد وحصه هاذيل صدق طيور الحب الله يوفقهم
وعبدالله زين يسوي بفطامي عيبني يوم هددها ولا بعد تقول حبها هي وعارف شريف ياربي ههههههههه
وهزاع ونوره حليلهم الله يوفقهم
بس حمده وراشد بلاه هذا راشد صدق مع نفسه كل يوم يتغير مزاجه ويباها تفهمه وتراعية بععععد احسن لو ترد بيت اهلها وتودره

نورتي موضوعي