منتدى استراحات زايد - آه من قلبٍ غدى حبه جنوني ] ..~

منتدى استراحات زايد (http://vb.ma7room.com/index.php)

- قصص و روايات (http://vb.ma7room.com/forumdisplay.php?f=26)

- - آه من قلبٍ غدى حبه جنوني ] ..~ (http://vb.ma7room.com/showthread.php?t=687150)

وسـارت المطبـخ بسرعه .. و فجت كيتها مال عيد ميلادها و و جافها انه صورتها و صورت حمـدان موجودات و يعني تقدر تقص اي جزء من الويـه .. جان تقـص مكـان شفايفـها و اللي تحت .. و قـصت عند صورت حمـدان نفس الشي و صبت عصيـر و سـارت الغرفه ..
حمـدان : اقفـلييه
فطـوم : انزين ويا هالويه .. حطت الصينيه ع الطاوله و سارت قفلت الباب وخذت الصينيه و ودها ع الشبريه ..
حمـدان : ياويل حالللليه .. انا ابا هـا >> ياشر ع صحن اللي فيه شفايف فطـوم
فطـوم : جب يـلا ويهي ها
حمـدان : عن المنكـر والله بيب الكيكه و بحطها ع ويهج
فطـوم : لا لا انزين خذهـا
حمـدان : ياليت صدق
فطـوم تشوفه باستغراب : نعـم !!
حمـدان : لا ماشي
فطـوم اصـلا سمعته تمت تضحك : ههههه
حمـدان : ههه بلاج ؟
فطـوم : استهبل عليك
حمـدان : انزين يلا فـلم رومانسي يديد حلـو وايد
فطـوم : اليوم شفنـا فلـم عذاب يا حمـدان من الخـاطر
حمـدان : ها احلـى منه و بتشوفين ..
فطـوم : اتريـا لاتحطه بخلص اول شي الكيكه
حمـدان : انزين ..

حمـدان خلص اول شي لانه اصـلا القطعه صغيره هب عوده وايد و يوم شاف فطـوم خلصت الكيكه كان في كريمـا عداله شفايفهـا وهو يطالعهـا جان يتقرب و يبوسهـا و يوم باسهـا لحـس الكريمـا فطـوم احمـرت و كفخته
فطـوم : وصخ وصـخخخخخ .. قول انه في شي خايس هب انته بروحك تمشه
حمـدان : عـسل والله
فطـوم نزلت الصينيه و يت تلحـفت شافت حمـدان يتلححف وياها
فطـوم : اييه اييييه .. يلا منـاك
حمـدان : جـب لاااه .. وجان يتلحف و يحط الفلـم ..
كـانت فطـوم لاويه ع الدبدوب و طايحه ع ينب بس ويها مجابل حمـدان .. و حمـدان نفس الشي .. و عـاد فطوم يوم تكون مندمجه في شي ساعات اتم تلعب فـ شفايفها و تقطعـهم .. وحمـدان كل دقيقه يشوفها و مره وحده
حمـدان : ايه بسـج بيطلع الدم بعديـن
فطـوم : هههههه انزيـن .. بـرررد حمـدااان بند او سكـر المكيـف
حمـدان تقرب من فـطوم .. وخلا راسها عن جتفه ولوا عليـها .. و عاد هيه طبـعاً مابتقول شي لانه عيزت من كثر ما اتقول .. و يوم يت لقطـه رومـانسيه فطـوم حطت ايدها ع عيون حمـدان ..
فطـووم : عيــب لا تشـوف انته under age
حمـدان شل ايدهـا و تم يشوفها و يهه وايد قريب من ويهه فطـوم : لاتخليني اسوي اللي فبـالي
فطـوم : وي وي وي جب والله برفسك رفسه بخليك تسير غرفتــك .. وجان تسير بعيـد
حمـدان : ههه يا خبله تعالي مابسوي ..
فطـوم : انزين ..
حمـدان : قربي
فطـوم : قربت
حمـدان : بعـد بعـد بعـــد
فطـوم : ها جيه اوكيه
حمـدان : آآآآآه فديتج والله كم بعيش انا
فطـوم : هههههه

وفي نـص الفلـم ..

فطـوم : حمـداااانيي
حمـدان : عيـونه
فطـوم : احبــك
حمـدان : شوه ماسمعت
فطـوم : احـبك مووووت
حمـدان : ياويل حاليه .. والله ربي يعرف شكثـر احبـج و اعشقـج يافطيـم
فطـوم : الله لايحرمني من هالعيـون ياربيه ..
حمـدان : ولا يحرمني من هالويـه .. و بـاسها ع راسها

وعقب ردو يشوفون الفلـم .. و في نص الفلـم .. فطـوم تمت تشوف ويه حمـدان و هوه يشوف الفلـم ولا مره وحده قربت ويها و بـاسته من الخـااااااطر ..
حمـدان : ياويييييييييييييل حـاااااااليه
فطـوم بدلع : ههههه .. فديتك والله
حمـدان باسه هب بوسه وحده 600 بوسه : هههههه حبيبي عـااد بس .. حمـداااان .. بسـك !! شو خليت حق العرس ههههههه
حمـدان يغمزلها : هههههه خليـت بـلاوي خليني سـاكت احسـن
فطـوم : ههههه جب جب ويا هالراس .. حبيبي تعبـانه ابا ارقـد
حمـدان : هـاا اكـووه خلص الفلـم .. شو رايج فيه .. عذاب هاا ؟
فطـوم : آآآ الا هب عذاب ,, ههههههههههه .. يلا قوم ع فراشك ..
حمـدان : اييه عـااد انا برقد اهنيه مالي خص
فطـوم : انته غبي انته غبي !! شو ترقـد اهنيـه ..
حمـدان : ياحبيبتي انا ريـلج عـااااادي لاتخلييني اضربج الحيـن ..
فطـوم : انزين ماعليه ..
حمـدان : صدق ؟
فطـوم : لا يا عيـووني .. يلا عـااد عقب بتمل يوم بنعـرس
حمـدان : اوكيه .. تصبحين ع خيـر .. باسها ع راسها
فطـوم : وانته من اهله الخيـر فديتك
حمـدان : احبـج

فطـوم : امـووت فيـك ..
وعقـب روح غرفتـه و رقـد ..

صبـاح يـوم السبـت .. سـاعه 10:00 ..
تريق بو حمـدان وسـار الشغـل .. يخطف ع الشركـات و بيرد .. و يوم طلـع .. تمت ام حمـدان اتشوف التيلفزيـون فـ الطابق الثـاني .. و دقايق جان اتنـش فطـوم .. تغسلـت و صلت و لفت شيلة الصلاه عليها " لانها لابسه قميص كت " و سـارت الصاله ..
فطـوم : صبـااح الفـل يا فـل
ام حمـدان : هلا والله بالغـلا .. صباح النـور يا نـور .. شحالج ؟
فطـوم : آآه ياخالووه شو اقولج .. حـالي رقيص
ام حمـدان : ها شو استوا
فطـوم : اخاف اقول وتعصبيـن
ام حمـدان : انا ماحب اسمع كلمة تعصبيـن هاي افف ماحبها مول
فطـوم : الله يسلمـج ........................ وبس الحيـن هوه فغرفته
ام حمـدان شهقت : ويييييه ... عمـج كان يرقدني يغفل بعدين هههه وعقب بسير غرفته حليله ,, شو رايج تعرسون هالخميس
فطـوم : نعـــم .. خوش خووووش .. ومتى ان شاء الله بخـلص كل سوالف العرس ..
ام حمـدان : ههههه .. انزين مرتـاحه و ياه ؟
فطـوم : هيه فديـته .. غربلات عدو دش عليه وانا اغيـر ثيـابيه و ...................... و عقب دشيت الحمام ههههه
ام حمـدان : ههههه سبحـان الله ,, شرات حركـات محمد ..

وعقب تمـو يسولفون ,, ليـييين ما نشـو الكـل .. و يوم سـارت ساره المطبـخ جان محمد يسير وراها وهيه ماتدري و يهمس باذنها ..
محمد : احبـج موت
سـاره : اميـييه بسم الله
محمد : ههههه
سـاره : حمـاار
محمد : تحبيني ؟
سـاره : هممم هيه
محمد : شوو هيه ؟
سـاره بدلع : احبــــك
محمد : فديت روووحج يـاربيه اليوم بخطبج من عميـه
سـاره : اييه مابا
محمد : مالي خـص .. ماعليه منـج =( .. وسار عنـها

وع سـاعه 2 يوم تغـدو و خلصـو ,, فـ الصـاله ..
محمد : عميـه طلبـتكـ ؟
بو حمـدان : آآمر عنيـه افداك
محمد : ابـاا بنـتك .. والله تذل الوااااحد
الكـل : ههههههههه
وسـاره قافطه والبنـات يسولهـا حركـات و يضحكون عليـها ..
محمد : بلاكن تضحكن !! .. عميـه صدق والله شو قلت ؟
بو حمـدان : والله انا ماعندي مانع .. قول حق العروس ..
حمـدان : ياويل حاليه ,, ابا اعرس ..
فطـوم كفخته من الخـاطر : تخـسي و تهـبي عشـان اجتلك
حمـدان : فديتج والله ,, انتي الاولى و الاخيـره ههههه
محمد : جب انزيين .. يلا عميـه شو قلت
ام حمـدان : قالك ترا قول حق العروس ..
بو حمـدان : ها سارونه شو رايج
سـاره : هـاا .. شوه ,, هيه ماعرف انزين بخليكم تعـالو >> تأشر ع البنـات .. لوول جان تسيـر الميلس ..

فـ الميلس
مريوم : انتي بـلااج ؟
سـاره : اييه خايفه ماعرف شو اقول
فطـوم : هههه عشـان تحسون فيني
سـاره : هيه والله حسيت .. قولولي شو اسوي !!
فطـوم يودت جتفهـا : حبيبي ,, حمـودي ريـال و نعـم فيه ,, صح انه عليـه حركـات بس والله يحـبج
سـاره : انا بعـد والله احبـــه ,, بس خايفه
عليـا : فديتج انتي اليوم قبل لا ترقدين صلي صـلااااة الاستخـاره و ان شاء الله خيـر
مريوم : هييه .. والله يوفـقج

مـر الوكـت بسرعه و ع ساعه 11 .. كـانت سـاره فـ الممر جان يشوفها محمد ..
محمد : سـارونه
سـاره : عيـوني
محمد : فديتج يعيونج .. تحبيني ؟
سـاره تنزلت ويهـا : امـوت فيك
محمد : دخيلج لاتكسرين قـلبيه
سـاره بدون ماتحـس : الله لايقـول .. مستحيـل اصـلاًَ
محمد : انزين عيـل انا بخليج بسير عند حمـدان ضايجه الدنيـا عليه
سـاره بحزن : فديتك لاتسوي جيه فـ عمـرك
محمد : الله كريـم ؟؟
و روح عنـها و سـارت سيده غرفة فطـوم تصيح
فطـوم : بسم الله عليج بـلاااج !!
سـاره : خايفه خايفه
فطـوم : حبيبي .. سيري اتسبــحي .. و ارتاحي شويه و صلي صـلاة الاستخاره و اقري قران و ارقدي وان شاء الله خيـر
سـاره : بصلي و يوم بخلص برقد ويـاج .. الله يخليج
فطـوم : لا تقولين هالرمسه ,, يلا اتريـاج انا ..

وعقـب سـارت سـاره تسبـح و اتصلي صلاة الاستخاره وهيه اتصيـح " لول مايسوا عليها " وقرت قران و سـارت صوب فطـوم .. و هيه تخفف عليهـا لين مارقدت وجان فطـوم ترقد ..

و ع سـاعه 12 دش حمـدان الغرفه جان يشوفهم راقـدات و سكر البـاب و سـاير يرقد .. و ع السـاعه 5 الفيـر سـاره نشت ع صوت المأذن .. و قـامت تيددت و وعت فطـوم
فطـوم : هلا فديتج صبـاح الخيـر ..
سـاره مبتسمه : صبـاح النـور حيـاتي ..
فطـوم : كيف حـالج ؟
سـاره : مرتـاحه
فطـوم شقت الحـلج : اقول مبـروك
سـاره وهيه مستحيـه : جـب الله يغربـلج
فطـوم : فديتج والله ,, سيري وعي محمد و فرحيه
سـاره : ايه استحـي ..
فطـوم : ههههه ماعليه سيـري خليه ينش وهوه مرتـاح
سـاره : انزيـن

سـارت عقب صـوب غرفة محمد .. ودقت الباب و دشت ..

اما عند فطـوم ,,, سارت الحمـام .. و يوم خلصت سـارت توعي البنـات و عمها و خالتها ,, حمـدان ..

دق دق دق .. دشت
فطـوم : حمـدااانيه
حمـدان نش مره وحده : هلا فديتج
فطـوم : يلا غناتييه قوم الصـلاه
حمـدان : ان شاء الله ,,

غرفة محمد ..
سـاره متردده توعيه ولا لا وعقب قالت مافيها شي ,, : حمـودي
محمد : ......
سـاره : حمـووودي
محمد : هممم
سـاره : حمـودي قوم نش الصـلااه
محمد فج عينه وجان يشوفها سيده فز من مكـانه : هااا فديتج آمري ..
سـاره : الصـلاه فديتك . .
محمد : ان شاء الله ,,
سـاره : هممم محمد ماعرف شو اقولك
محمد : لاتقوليـن انه !!
سـاره : انـا .. انـاا ..
محمد فاج عيونه : ها ها قوووولي
سـاره : موافقه
محمد : حلفي .. آآآخ يا قلبي و لوا عليهـا بالقو و هيه قفطـت ..
سـاره : اييه بس
محمد : فديتج والله ..
سـاره : يلا غناتيه سير الحمـام
محمد : من عيوني والله

وعقـب قام سار الحمـام و هوه مرتبـش .. و سـاره طلعت من غرفته و شافها ابوها
بو حمـدان يلعـوزها : هااا ليش داخل ؟
سـاره : ابويه جب هههه
بو حمـدان : شو الحين فديتج ؟
سـاره موخيه راسها : موافقه
بو حمـدان : فديتج والله .. مبـروك الغـلا ..
ام حمـدان : موافقه !! .. فديت روووحج والله ,, واخيراً بتعرسين و بنشوف عيـالج
سـاره : ايه بس ..
حمـدان : كلولولوليييييييش .. مبروك يا قلبي
فطـوم يسمعت حد يزغرط جان تطلع : منـوه هااا
بو حمـدان : ريلج استخـف !!
فطـوم : ههههههه فديـته والله .. مبروك فديتـج ,,
بو حمـدان : يلا وينه ريلج خلص ؟
سـاره : هـااااا .. توه نـاش
فطـوم : ماعليك عميـه الحين بيخلص بسرعه دام انه سمع هالخبـر الحـلو ..
وعقب دقيقتين طلع محمد وهوه فرحـان و يغني متفيـج ماكان يدري انه حد فالممر :
احبـك لو بعيـد الدااار عنـك .. جداااك حن قلبي لـ الرجوعي
ولو عنـي الليـالي ابعدنـك .. غـلااااك بخافقـي تحت الظلـوووعي

فطـوم : ياااااويل حالي ,, ههههه متعذب الاخ
محمد وهوه يتفصم : احـم .. شحـاالكم
الكـل : بخيـر .. ومن صوبك ؟
محمد : آآه ياحـالي .. والله حـالي بعض الناس يدروبه
الكـل : هههههههه ..
بو حمـدان : يلا يلا طوفو خلونا نسيـر

و يـوم روحو طلعـو مريوم و عليـا ..
مريوم توايج : حـد اهنيـه ؟
فطـوم : لاتعـااالي ...
مريوم + عليـا ايوون : هلا والله ..
الكـل : اهلين
عليـا : بلاج سـاره محمره فيج حمـى !!
ام حمـدان : هههههه يتها حمـى شكلها يوم .....
سـاره قبل لا تكمل امهـا : اميــييه بسج عـاد ومحمره عـاد هيه
عليـا : لايكـوووون !!
فطـوم تلوي ع سـاره : هييييييييه
مريوم + عليـا : الف الف مبروك فديتـج ..
سـاره : الله يبـارك فيـكم .. وعقبـالكـم
ام حمـدان : ان شاء الله ويا اللي فبـالهم و تغمزلهم .. انا بسير اصلي و ارقد شويه ..
البنـات : اوكيـه .. و روحت ام حمـدان ..
فطـوم : صليتو ؟؟
مريوم + عليـا : هيييه ..
فطـوم : عيل ايلسـو فـ الصـاله .. و انا و سـاره الحين بنـي ..
مريوم : اخليهم يسوون اكـل .. يوعـانه انا ..
فطـوم : هييه خليهم يحـطون لبنه و زيتون و خـبز و عصيـر فرش برتـقال
مريوم : اوكيه خلاص ..

جان يسيـرون مريوم و عليـا .. المطبـخ .. و يقولوهم يحطون الريـوق .. و فطـوم وسـاره سـارو يصـلون .. و يوم خلـصو .. قروا قرآن و يوم خلصـو طلعـو برع .. و يشوفون عليـوه تتحرطم ع التيلفزيـون ..
فطـوم : ايييه شو بـلاااااااج ؟
سـاره : شوي شوي ع الريموت ..
عليـا : مافي شي !!
فطـوم : يعني الحين فـ ذمتج بيحـطون شي من الصبـح .. اقولج سـاروه سيري ييبي من حجرة حمـانوه Dalmatians 102
سـاره : ويي مال اول
فطـوم : ههههه كشخه سيري هـاتييه
سـاره : اوكيـه ..

وعقب سـارت سـاروه ادور الشريط و يوم حصلته حطتلهم يـاه .. و يلسو يتريقـون وعقب دقايق .. جان ايون الاولاد .. و بو حمـدان سيده سـار الغرفه .. وحمـدان يا من ورا فطـوم كانت يالسه .. لوا عليـها " يعني حط ايده ع رقبها مادري كيف اقول لول " و بـاسها ع خـدها ..
فطـوم : هلا فديتك .. تقبل الله ..
حمـدان جان يلف و يلس عـدالها : منا و منـكم فديتج .. ههههه طاع اليهـال شو يشوفون
مريـوم : ههههه مافي شي فـ التيلفزيـون شو نسوي يعني
حمـدان : اهـاااه .. حيـاتي سويلي سندوييييج يوعـان ..
فطـوم : من عيـوني فديتك
محمد كان واقف جان ايي صوب سـاره و ايلس عـدالها .. شاف عصيرها جان ايي و يشرب شويه
سـاره كفخته : وصخ وصخ وصصصصخ شو ها ..
محمد : عـادي انا ريلج
فطـوم : هههههههههه ,, بعدكم انزين .. يود فديتك >> تعطي حمـدان السندويج
عليـوه : صخـووو انزييين .. خلونا نشوف
محمد : ويا هالويـه ..

تـمو يشوفون .. و حـمود كل دقيقه يشوف سـاره و السندويج اللي تـاكله يوم كلت جان تخلي السندويج صوب حلـج محمد وهوه عـاد ما صدق لوول سيده كل .. و ع هالحـال .. و في نص الفلـم ..
حمـود صوت عـالي : يقولووون عزوز و عمـور غيـرو رقم موبايلـهم ..
مريوم و عليوه كانو يشربون العصيـر .. جان يشرقون وكل وحده تكحكح
مريوم : كح كح كح ..
فطـوم تدحهم بالخفيف ع ظهورهم : صحه فديتكم ..
حمـدان باستغراب : لااااء .. متـى ؟
حمـود يشوف مريوم و عليـا : اليوم شفت مسج منهم .. حلييييلهم .. شو رايك نسير بيتهم اليـوم ..
عليـا : هيه سيرو عشـان نحنا بعـد نسير نسلـم ع خـالوه رفيعـه
حمـود : متأكده .. متـاكده بتسيرين تسلميـن ع خـالوتج رفيعـه
مريوم : هيه افـاااا عليــك .. و بعـد بنسلم ع عرب عندهم حبـة خاله ع خـده خفيفه
الكـل : هههههههههههه
حمـدان : والله لا اخبـره
مريوم : اييه حمـود عن المنـكر الزايد .. اسـولف تـراني
عليـا : وانا بسـلم ع العرب الثانيـين
حمـدان : هههههه استخفـو و يلسـو ..
عليـا : ايه ايه لاتنـسى عمـرك انزيـن
حمـدان يبـا يقهر محمد : فديتها والله اللي عدالي .. بعض النـاس يتمنون يبوسون حـد ولا شو رايك محمد ؟
حمـود : جـب يا السبـال .. >> فخاطره يمـوت من القـهر ..
حمـدان : حمـود شوووف .. جـان ايود فـج فطـوم و يبوسها كل دقيقه .. هههه وعـاد فطـوم تضحك و البـنات بعد و حمـود مقهور ..
حمـود : احلـف ما اروم !!
البنـات " ماعادا سـاره " + حمـدان : هييه هيييه ما اتروم
سـاره : لا لا تروم
حمـود قام و باسها بـ القو ع خـدها جان يشرد و يسيـر غرفته
حمـدان ناقع من الضحك : ههههههههههههه يا الطـفس حمـار ماتصدق عاد انته
محمد من بعيـد : عـاادي حرمتـيه ..
الكـل : هههههههه ..
فطـوم : آآخ يا ظهـريه
سـاره : يمدحـون مسـاج حمـدان ..
فطـوم : صـدق ؟
سـاره : ههههه هيه دومه يسـوي حق اميـه ..
فطـوم : عيل تعـال الغرفه والله ظهري متكـسر
حمـدان : تامريـن امر انتي

وعقب خلـو البنـات فـ الصـاله يكملون الفلـم .. و سـارو الغرفه ,, و يـابت فطـوم هالكرسي الابيض يطيحون عليه ما المكيـاج..
هيه كـانت لابسـه بجامه كان البنطلـون ابيض .. و القميص اسود .. سارت غيرت القميص ولبسـت قميص كـت و بعدين طاحت ع هالمال المكيـاج ع بطنهـا ..
حمـدان : صبـري بييب هالفكـس الدوا حـاار وايد تراه
فطـوم : يب اللي تبـا ..
جان يسيـر حمـدان غير ثيـابه و ياب اللي يبـاه و عقب دخل الغرفه و قفـل البـاب ..
فطـوم تزعج : ليييييش تقفلـه
حمـدان : جب انتي .. يـلا رفعي القميص عند ظهـرج
فطـوم تشوفه : ليـش بعـد
حمـدان : بالله عليـج ها انا وين بصـبه .. يلا رفـعي ..
فطـوم : مـااا روووم .. انته سوو كل شي ..
حمـدان : انزين .. رفع القميص و حط هالدوا وكان بارد
فطـوم : واااااايه الله يغربل العـدو بااارد
حمـدان : خلاص الحين بيدفـا فديتج .. تم يمسح و يمسـح و فطـوم سـااكته
فطـوم : الله كشخه تعرف تهـمز عـدل
حمـدان : افا عليـج .. اسـوي مسـاااج كـامل حتـى
فطـوم : هيهيهيهي الله يخليـك .. كمل كمل ..
حمـدان : ياويلي ع الاحمـر ..
فطـوم : شو احمـر ..
حمـدان : ها ها .. وهوه يأشر
فطـوم : طـفس !!
حمـدان : حد يلـبس بنطلون ابيض !
فطـوم : جب كمل مالك خص ..

عقب دقايق رقـدت فطيـم .. وهوه يمسح و يوم خلص سـار غسل ايده و عقب يوم شافها .. شافها راقـده .. نزل القميص و شلاها و وداهـا صوب الشبريـه .. تم يلعب فـ شعرهـا .. وعقـب يوم ياه الرقـااد سـار رقـد فغرفتـه ..

استوت سـاعه 10 و البنـات ما رقـدو .. حتى محمد .. تم يسولف وياهم و يلعوزهـا .. وكـانو بو حمـدان و ام حمـدان ناشين .. و عقب نـش حمانوه جان البشكاره تسويله حليب و عادو الشريط عشـان يشوفه ..
حمانوه : هيييهيي آآو آآآو
محمد : مادري خـالوه يايبه جلب وانا مادري
بو حمـدان : جـلب محد غيـرك هـرم .. تعـال فديتك
حمـانوه : هييييييييييييييييييييييييييه آآو آآو
عليـا : فديتك والله ..
حمـانوه يوم خلص عطاها المرضعه : آتي آتي .. خذيه خذيه
عليـا : من عيوني
حمـود : اقول خـالوه بتين ويانا بيت قوم عزوز ؟
ام حمـدان : بتسيرون اليـوم .. افا عليـكم برمس ام مريوم عشـان تي ويايه
مريوم : حتـى نحنا بنسيـر
ام حمـدان تغزملهـا : انتو اول شي اصـلا
حمـود : ههههه حركـااات بنـات .. هيه صح خـالوه متـى الملـجه
بو حمـدان : هالخميـس
سـاره : شوووووه .. لا لا مابا
حمـود : خلاص هالخميـس .. عن الحركـات ..
سـاره : خلاص ع راحتـك ..
حمـود : عيـل بسير اقول حق عمـور و عزوز انه بنيهم العصـر
مريوم بصوت خفيف : سلم ما وصيك
عليـا : حتـى انا وصل سـلامي
حمـود : هههههههههههه يوصـل ..

وعقب سـار محمد الغرفه يتصل حق عمـور تم يرن كمن مره وعقب رد عليه ,,
عـمر بتعب : كح .. الوو
حمـود : اهليــن .. شو راقد ؟
عـمور : هييييه ,, وعيتني الله يغربلك
حمـود : جب جب الحين بقولك شي و بخليك تصحصح من الخـاطر
عـمور : دومك جيه
حمـود : انزين لو اقولك انه بعض النـاس يبون يشوفونك و يسلمون عليك !!
عـمور كان طايح جان اييلس مره وحده : اشـوووووه !! منـوه لايكـون عـلاايه ؟