|
تسلم النعيمي ع الموضوع الغاوي صدقت و الله مكثرهن الي ينشرن صورهن و صور اربيعاتهن.. وغير عن الي تنشر صور بنات الناس وهن ما عندهن خبر متى صورتهن !! ياما وياما بنعطيهن اعذار.. بنقول خطأ الأهل!! بس اذا الأهل مراقبين ومحرصين ع تربيتها صح و سوالفها الا بالخش شو ذنبهم؟!! واذا عن رفجاتها ولعب الشيطان بعقولهن!! تراهن يفرقن ما بين الصح و الخطأ و ما اعتقد انهن ما يقدرن يفكرن قبل لا يغلطن!! ضعف ايمانهم و حبهم للمظاهر و فقدانهم للحاجات العاطفيه بنظري هي اهم سبب اتشجعهم لمثل هذي التصرفات.. وبنظري انه واعيات و ما يحتاجن من احد ينبهن لخطأهن.. على الأقل تستحضر بيها بخطواتها .. اتفكر قبل لا تتخذ قرارها و اتنفذ!؟؟ شو الي بتكسبه من مديح الناس لها و نشرهم لصورها؟! هل هي بتكسب شي يدخلها للجنه؟ او انها بترفع راس اهلها بالعلالي؟! الله يهديهن بس.. على كبرهن..تفكيرهن ما ينصف اعمارهن و عقليتهن.. الله يهديهن و يستر عليهن و يصلح بالهن .. يعطيك العافيه اخوي ^_^ |
ممم ماعندي شى اقوله انت كفيت وفييت ... انشالله يسمعن منك ومن نصيحتك ... ماعندي غير اني ااقول "الله يهديهن " تسلم ع الموضوع نترياا يديدك.. اختك:دهن العود |
مرحبـــــــــا .. تسلم خويه ع الموضوع الغاوي .. انت كفيت وفيت .. صدقك اليوم البنات نسن اعمارهن ونسن انه في فوقهن اللي عينه ما تنام ، للاسف يسوون الشي وما يفكرون شو بيصير عقب ،ما يفكرون باهلهم اوا اخوانهم ولا للاسف انا دخلت مرة فلكر وشفت حتى الرياييل قاموا يحطون صور مثلا واحد اونه عرسه شهر 8 يعزم ربعه فمحطي صورته وهوو زاخ ايد حرمته والحرمة لابسه الدبلة للاسف والله قلنا حط صورك بس مب صورة ايد حرمتك .. يالله الله يهدي الجميع ويستر علينا وعليهم .. تقبل مروري .. أختك .. القلبـ الخفاق =) |
اولا يالنعيمي مشكور ع النصيحه الحلوه وانشاء الله البنات يستفيدن حتي انا من ضمنهن بس البنات مصخنها واااااااااااااايد بتقول والله محد بيعرف عيني ليش مااصورها شوها المصخره والله حاله البنات كل يوم والثاني يظهرن شي يديد من عندهن مين بيوصلن ماادري بس مااقول الله يستر علينا وع خواتنا المسلمات يارب ويزاك الله الف خير والله يوفقك انشاء الله |
و عليكم السلام و رحمة الله و بركاته تسلم اخويه النعيمي ع الموضوع و فعلا هالشي انتشر بالفتره الاخيره بشكل واضح اتمنى اتخاذ اجراءات من قبل اصحاب المنتديات انهم يمنعون الصور هاي يمكن هالحل يقلل من حجم المشكله و الله يستر ع اليميع ^ ^ |
| الساعة الآن 09:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir