منتدى استراحات زايد - |.. آبي آرتـۉي حبــَـَـَـَـَڪُ ۉڷآ آنحرم منه ~

احم احم,,شحااالكووووو,,

~|~الجــــ الحادي عشر ــــزء~|~

في بيت بوسيف(بومريم),,
سيف:ابويه انا خذت اجازة من الدوام و بروح صوب قوم عمي
بوسيف:روح الله يحفضك,,بس اذا بترد قبلهم لا تيب ختك معاك الا اذا كانت هيه تريد
سيف:انشالله ابويه,,انا بروح المطار الحين طيارتيه بعد ساعتين,,تامر على شي؟
بوسيف:سلامتك
سلم على امه و راح المطار,,سيف اخو مريوم الكبير عمره 25يشتغل ف الشرطه,,يحب يزوي من ايام الطفوله وهي تدري بس معتبرتنه اخ مش اكثر,,نذل بشكل فضيع ويحب يتضارب مع اي حد بدون سبب

في السكن,,
شقة البنات..
نورة:هلا والله
فهد:اهلين
نورة:شوتسوي عند باب شقتنا؟
فهد بتوتر:ماشي بس الحمام عندنا خربان و انا اريد اتسبح ريحتيه تعق الطير من السما و بعدين مافيه حكومتهم ترفع عليه قضيه لأني ذبحة طيورهم
نورة:هههههه,,تستهبل و يا ويهك
فهد:لا صدق ابا الحمام
نورة:اوكي بس لا تخيس حمامنا!!
فهد:انتي وين بتروحين؟
نورة:بسير عند يزوي
فهد:اوكي,,مع السلامه
دخل فهد الشقه و راح الحمام و بعد ماتاكد ان نورة راحت ظهر,,دق على مريوم الباب بس ماحد رد عليه فتح الباب و دخل,,الغرفة كانت بارده و هاديه,,راح صوب الشبريه حصل مريوم متكورة ع عمرها و متلحف و راقده و باين من ملامحها انها تعبانه,,قعد عدالها و مسح ع راسها
فهد بهمس:مريوم
مريوم:امممم
فهد:شي يعورج
مريوم من سمعة صوته فزة:انت شوتسوي هني؟
فهد:اتصلج من الصبح و ماتردين عليه قلت اي اشوفج
مريوم بألم:ماشي بس بطني يعورنيه
فهد:قومي بوديج المستشفى
مريوم:هههههه,,لالا مش لازم
فهد:ليش تضحكين؟
مريوم:ماشي,,اقول اطلع قبل لا حد اي
فهد:ماحد هني الا انا و انتي
مريوم:اوووهو ردينا ع طير يلي يلا اطلع بره
فهد:هههه,,امزح بس والله تروعت عليج
مريوم:خلاص الحين شفتنيه اني بخير و مافيه شي,,يلا قبض الباب
فهد:انزين انتي تغديتي؟
مريوم:لا
فهد:روحي تلبسي بوديج اغديج
مريوم:لاماريد
فهدوهويقرب منها:ماتريدين
مريوم بخوف:اوكي اوكي اطلع بتلبس وبلحقك
فهد:هههههه,,لا تتاخرين
في المطعم,,
مريوم:الوووو
سيف:هلا و الله
مريوم:اهلين,,شحالك؟
سيف:بخير شحالج انتي؟
مريوم:تمام
سيف:انتي وين؟
مريوم برتباك:ااانا في المستشفى عند يزوي
سيف بخوف:ليش يزوي فيها شي؟
مريوم:بعدين بخبرك
سيف:المهم ترى انا ف المطار عطيني اسم الفندق الي ساكنين فيه
عطته مريوم اسم السكن ورقم شقة عمها
مريوم:انا بروح المستشفى سيف هني
فهد:بوصلج
مريوم:اوكي
في المستشفى,,
يزوي:اقول نوروه عطيني الرموت
نورة:ماريد انتي تحطين ع اشياء سخيفه
يزوي:اقول عطيني ايه بالطيب و لا انادي النيرسات يجوتونج بره
نورة و هي تعطيها الرموت:تسوينها والله,,تعالي متى بتظهرين؟
يزوي:الدكتور قال اظهري ف اي وقت تبين,,يمكن المغرب اظهر
نورة:اهاا
مريوم:السلام عليكم
نورة+يزوي:وعليكم السلام
مريوم:قولو منو بي اليوم؟!
يزوي:منو؟
مريوم:سيف
نورة:غريبه شو يسوي هني؟
مريوم:مادري هو اتصلي وقالي انا ف المطار عطيني اسم الفندق الي ساكنين فيه
نورة و هي تغمز ليزوي:يمكن ياي يطمن ع بعض الناس
مريوم:هههه,,شكله
يزوي اطالعنه بنظرات:ها ها ها سخيفات
نورة:اعصابج ياحلوه
مريوم:متى بتظهرين من المستشفى؟
يزوي: المغرب
مريوم: انزين بما انج اليوم بتظهرين من المستشفي شو رايكم نروح نتعشا برى
نورة:اوكي
يزوي:انزين بس منو بيروح معانا
مريوم:مادري برمس عمي وبشوف منو بي بعد
يزوي:اوكي
بوخالد:شو بلاه عمكن؟
مريوم:هههههه(وخبرته عن المخطط)
في السكن,,
دق دق دق
سيف:السلام عليكم
فهد:وعليكم السلام,,يا مرحبا تو مانورت البلاد ,,قرب
سيف:قريب
فهد:شحالك و شحال عمي؟
سيف:بخير يسلمون عليك
فهد:الله يسلمك و يسلمهم
سيف:شحالك انت؟
فهد:يسرك الحال
سيف:عيل عمي وين؟
فهد:راح المستشفى
سيف و توه يذكر:صح شوبلاه اليازي ليش مرقده ف المستشفى؟
خبره فهد عن اليازي و لي صارلها و سيف ماصدق كل هذا فيها
في المستشفى,,
بوخالد:صار
مريوم:خلاص عيل ع الساعه 8 نحن هناك
نورة:انزين ماقلتيلنا و ين بنروح؟
مريوم وهي تبتسم:مفاجئه
بوخالد:يلا سمحوليه انا بروح البيت
نورة:انا بعد
مريوم:و انا بروح اكيد سيف وصل
بوخالد:اووو نسيت انا سيف بي
يزوي:يلا مع السلامه
عند حمدان..
حمدان يرمس ف التلفون:اوكي صار......ههههه.....انت فاضي.......يلا بدقلك بعدين انا في اجتماع بخليك....مع السلامه
بعد الاجتماع..
حمدان:مساء الخير
يزوي:مساء النور
حمدان:شحالج اليوم؟
يزوي:بخير
حمدان:انشالله دوم
يزوي تمت سرحانه في شكله كان لابس سوت(بدله) و شكله رسمي ويجنن
حمدان حس انها سرحانه فيه:ف منو سرحانه؟
يزوي برتباك:هااا لا ماحد
حمدان:اهاا,,اليوم بتظهرين؟
يزوي:هيه
حمدان:بتوله عليج
يزوي نزلت راسها تمت ساكته ماعرفت شو تقول
حمدان:يزوي عقي شيلج
يزوي انصدمت:ليش؟
حمدان:ههههههه,,بفحص ع اليرح تراج بتظهرين اليوم
يزوي عقت شيلتها و طاح شعرها على كتوفها
حمدان قرب منها و مسك راسها و فحص ع اليرح و هو حاس بأنفاس يزوي على صدره ماحس بعمره الا لاوي عليها,,يزوي قلبها تم يدق بقو ماعرفت شو تسوي صح انها تحبه بس ولو زودها
يزوي و هي تفك عمرها منه:اطلع بره
حمدان منصدم من حركته:يزوي اسف مش قصدي بسـ.......
يزوي معصبه: بره
اول ما ظهر حمدان دقت يزوي على خالد قالتله اي المستشفى
يزوي:هلا والله
خالد:اهلين بلي طالعتنيه من البيت
يزوي:هههه,,المهم انا اريد اظهر من المستشفي خلاص لاعت جبدي و قع على الاوراق و خلنا نظهر
خالد:فالج طيب ماطلبتي
راح خالد و وقع على اوراق الخروج و ظهر هو ويزوي و راحو البيت

اريد اشوف ردودكم :8:ـين باااااي