منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

البارت الـ 91

فتح حمد عينه على ايد مهره . .

مهره : شفيك خرعتني . . " وخرت ايدها عن جتفه "

حمد يشوف يمين . .يسار . . تذكر ! ان مهره تعبت وغمضت عينها عسب ترتاح . .

>> وانا ؟ غمضت عيني وخذآني الخيآآآآل . . .

تنهد بصوت مسموع وطالعها : شو تحسين الحين ؟

مهره : الحمدلله احسن . . انت شي يعورك ؟

حمد يطالعها باهتمام : تخافين علي . . ؟

مهره حست روحهآ احسن ووقفت : انا بروح . .

حمد يغمض عينه وبعده قاعد تحت : لا تروحين . .

مهره عطت حمد ظهرهآ : سيف ف قلبي يا حمد . . انا ماشوف غير سيف . .

ترد تصد صوبه : كان العهد الي بيني وبينك كبير . . كان العهد اهني " تاشر ع قلبها " كنت اقول لقلبي حمد وبسسسسسسسسس . . محد يدخل قلبي غيره . . كنت اعاند احاسيسي وحبي لسيف . . كنت انكر لنفسي اني احبببببببببه . . قد ما اقدر ارفض الفكره بسبت العهد الكبير الي خذته . . انا حبيتك وايد حمد . . والله العظيم حبيتك وايييييييييد . . لكني آعشق سيف . . اعشقه بجنووووون . .

قام حمد من مكانه وجابلها . .

مهره : انا ما اقول هالكلام عشان احرق قلبك . . انت اتعرفني عدل . . اخر شي ممكن اسويه اني احرق قلب اي انسان . . لكن ابي الشغله توضحلك . . انا حاسه انك انت محتاج تسمع وتفهم مني انا مش من حد . . ما حصلت لنا الفرصه نتكلم قبل . . لكن كاهي الفرصه الحين . . .

حمد يغمض عينه : كافي . .

مهره : لاء مش كاافي . . لازم تسمعني . . لازم تسمعني للآخر . .

حمد : دخيلج كافي . .

عرفت الناس والدنيا وطريقي
وعرفت إن الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريق
تنكر من هواي ومن حناني!!!

مهره : حمممد . . دخيلك مثل ما صفيت ويا سيف حسآبآتنآ الجديمه . .لازم آصفيهآ ويآآآآآك . . انا ما بتم اشوفك اليوم وباجر وبس . . احنا ورااااانا عمممممر طوييييل بإذن الله لازم الموضوع هذا يصفى للطرفين

قعدت ع الكرسي وتمت تطالعه علشان يقعد ع الكرسي الي مجابلنها وقعد . .

مهره : حممد . . " تنزل دمعتها " افهمني . .انا مابيك تنجرح من اليوم ورايح . . ابيك تشوفني نظره الاخت . . ابييي اقعد معااك بحريه بدون قيود بدون خوووف بدون ارتباك مثل ما يقعد سيف ويا خواتي براحه . . احنا بينا حاجز كبير . . لو حد شاف سيف مع روضه ولا عذاري محد بيقول شي ابدا . .لكن لو حد شافني معااااااااك . . بالاخص الي يعرفون السالفه . . من عيونك يبين كل شي . . من عيونك يبين انك بعدك تكن لي مشاعر . .

حمد : مالج دخل ف مشاعري .. لا تدخلين فيهآ ابدا . . "يطالع عيونها " لج الحريه ترمسين عن مشاعرج وتوضحين لي كل شي . . بس ما اسمح لج تفرضين علي المشاعر الي احس فيها . . الا هالشي ما اسمحه لج . .

مهره : حممد الي تسويه غلط

حمد : قلتلج ارمسي عن نفسسسسسسسسج . . " يقبض اعصابه وبصوت واطي " كملي كلامج . .

مهره تقوم : يمكن فوقت ثاني . . ماشوف الوقت هذا صار منآسب . .

حمد : مهور قعدي مكانج وكملي كلامج . . " يطالع عيونها بنظره "

قعدت . .

حمد : انتي حاسه بروحج ؟ اانا بنظره هاديه اخليج تقعديين ! سيف لو قالج اقعدي بتعاندين وبتقومين . .

مهره تقاطعه : لاتقارن روحك ف سيف . . ابدا ماشي وجه مقارنه . .

حمد : . . .

مهره : انت تركتني بايدك 4 سنوات . . تعرف شو يعني 4 سنوات ؟؟ انت تعرف الظييييييييييم الي شفته ف بعدك ؟؟؟ تعرف دموعييييييييي الي طاحت عليك ؟؟؟ تعرف ان لا ليلي ليل ولا نهاري نهار . . تعرف اني كنت صااااابرررررره ومتحمله . . انت اهناك حتى اتصال ما اتصلت لي ولا اطمنت علي .!! باستثناء اني قلتلك لا تدق لكن انت حتى ف زياراتك للإمارات ف اجازاتك ما تنزلت وسألت عنننننننننننننني . . ودرتني وهاي غلطتك الكبيييييييييييره . . ودرتني مع اني ترجيتك تخطبني . . ترجييييييييتك وصحت وانهرت وتعبت . . حتى محمد قالك اخطططبها واضضضضضمنها لكنك معاند وعاندت ورحت . . الحين ياي ترمس وتقارن ؟؟

آسف إذا لك قلت إنسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وأنا أبعد ولا لي بطاريك
شلون أحب إنسان طبعه أناني
لا مايصير تبيع فيني واشريك
إتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجيتك ولا فايدة فيك
الحين جيت تقول إنسى عشاني
جابك زمانك خلك اليوم ما أبيك

حمد يطالعها : تبيني اشرحلج الظروووووووووووف ؟؟ تبيني اششششششرح لج كل شي صار ؟ يمكن تفهمييييييييين وتحسين . . انا ما كنت اتصل فيج لانه ذاك الوقت انتي مااااكان عندج مبايل بالاساس . . وووووووووو كنت كل ما اكلم عنود و اعرررررررررف اخبارج من غير ما اخليييييها اتحس . . اجازتي ؟ ترمسين عن اجااااازتي " يبتسم ويحاول يكتم غيضه ويرمس بهدوؤء" انا كل ما احصصل اجازه انتي اول انسسسسسانه اشوووووفها . . انتي اول انسسسسسانه اطمن عليها . . اشوف تحركاتج واع ـرف متى تطلعييييييين ومتى تردين . . تعرفين ليش طول اجازاتي ما تعرضضت لج ولاكلممممممتج ؟ تعرفييين ليش ؟؟؟؟ علشان رسالتج الاخيره . . ولا نسيييييييتيها مهره ؟؟ نسسسسسيتي رسالتج ؟؟؟؟؟

طلع من بوكه ورقه متقطعه شوي ومتقرفصه . .

مدآلهآ الرسآله . .

" أتعهد انا حمد ، أنه اليوم هو اخر يوم اشوفج فيه واكلمج فيه . . من عقب اليوم مآشي لا شوفه ولا اتصال الا عقب الملجه فقط . .

ملاحظه : آذآ اخلفت فالوعد حمود فآنآ مآحبك آوووكيه ؟؟

اتحمل ع روحك . . وانا بترياك !! لكن اهم شي نفذ الكلام . . وصدقني بفكر فيك طول الوقت . . احبك . . الميم "

مهره يايه تقص الورقه لكن سسحبها حمد بسرعه : يوييييييلج . . لاتحرميني من اغلى ذكريات تخليني عايش . . هايي الذكريات الي مخلتني للحين صاحي وما استوي مينووووؤؤن . . لا تفكرين مجرد تفكير تمحيييييييينها وتاخذينها مني . .

مهره تمت تطالعه وماتعرف شـ ترد . .

حمد : عرفتي ليش سكت ؟؟؟؟ علشششان بس كلمه مآحبك الي كتبتيهآ . . شفتي كيف اهتتتتتتتتتتم ف ادق شي يخصصصصصج .. ف ادق كلمه !!! شششفتي . . " ينزل راسه بحسره "

قامت مهره وبنبره تعور القلب : خلاص . . سمعت وآيد . . واحس كافي لين اهني . .

عطته ظهرهآ ومشت : لكن . . كل الكلام الي قلته ما عاد يأثر . . ولا راح يخليني اندم .. الغلطه بالاساس غلطتك لانك ما خطبتني . . والحين . . " تبتسم " انا احمد الله على سيف . . انا ماشوف فهالدنيا غير سيف . . وقلبي قسم بالله قفل ابوابه . . من كسرت العهد يا حمد وانا اشوف سيف اول انسان احبه واخر انسان . . من عقب سيف ما راح يدخل قلبي آي مخلوق . . " تصد له وتشوفه " بالنسبه لي هو الاول والاخير . . وبالنسبه لي . . انا ماعرف اي شاب غيره . . هو الوحيد فالدنيا الي انا عرفته " تنزل راسها " والباقي نسيتهم وماعرف حد . . حتى الي كانت روحي تحبه . . نسيته " ترفع راسها " واقولك اياها بثقه . . انا ادمنت سيف . . ادمنتـــــــــه . . وقلبي يمشي على دربه . . لـ وين ما قادني . . بمشي ع دربه . .

غمض عينه وهو يسمع قوه كلامها . . غمض عينه ووده يسكر اذنه وقلبه وينسى كل شي قالته . . يحس انه بينهآر فاللحظه هذي . . وماعرف شو يسوي غير يدق ايده باليدار مره ومرتين وثلاث وصرخ صرررخه جرحت روحه وقلبه . . وحطمته !

أنا تعلمت الجفا من تغليك
ومن المذلة والخضوع إنتهينا ,,
من كل قلبي يشهد الله ناسيك
غير الضياع بحبكم وش لقينا ,,
ذيك المحبة حطمتها لياليك
وحنا على قبر المودة بكينا ,,
..)(ابحتفظ بعزة النفس .. ماابيك)(..
بالناس نلقى اللي نبيه ويبينا ,,
هويت عرش المحبة يازين بيديك
تبيعنا واليوم تبكي علينا !!
انهيت قصة حبنا في تغليك
من بحر حبك بالنجاة اكتفينا ,,
ذاب الحنين بعين قلب يراعيك
ومثلك على النسيااان والله قوينا

ام خالد تحط ايدها ع قلبها : يمه ولدي . . " تصد يمين " تشوف سيف قاعد مع عنود . . وتصد يسار وقلبها عند حمد !