منتدى استراحات زايد - لي حبيبن حبيته وماضني بقدر أحب حدن شرواه

والله أسفه بنات ع التأخير بس واير النت تعطل والنت مارضاا يشتغل والله انه البارت جاهز من يوم السبت
بس المشكله في النت
أسموحه منكم مره ثانيه
وهذا هو البارت الحين بنزله

صباح اليوم الثاني نادية وعبيد واقفين في الممر اللي يودي لغرفة وضحى

ناديةبتفكير : الحين شنسوي منو بيدخل يخبرهاا ؟
د. عبيد : مممم والله ما ادري وباقي عن العملية بس نص ساعه .
ناديه : أنت حلهاا انا ما أقدر على صريخهاا وشوفت دموعهاا أنت تعرفهاا خوافه.
د. عبيد : ما عندي غير حل واحد ؟
نادية : شو هو؟
د. عبيد : ماتنفع معهاا ألا الشده والصرامه في هالمواضيع .
نادية وهي خايفه : لا دكتور أرجوك لا تقسى عليهاا أهي قلبها رهيف ماتتحمل القسوه .
د. عبيد: بس هذا عشان مصلحتهاا
ناديه نزلت راسهاا : سو أللي تشوفه أنسب لها أنت أدرى بمصلحتهاا .
د.عبيد ابتسم وراح وطلب من الممرضات يجهزون غرفة العمليات وراح اخذ معاه ابرة مخدر عشان وضحى احتياطاً اذا رفضت وراح لهاالغرفة وطق الباب ودخل
د. عبيد وهو يبتسم وحاط ايدينه ورى ظهره : صباح الخير
وضحى وهي تبتسم : صباح النور
د. عبيد : شحالج حبي ؟
وضحى نزلت راسهاا : بخير
تقدم عبيد ويلس على طرف السرير ورفع راسهاا بيده : طالعيني لا تنزلين راسج .
وضحى رفعت راسها وهي تحاول تبتسم
د.عبيد : أدري بج بأنج تعبانه حتى لو قلتي لي بأنج بخير تعبانه صح ؟
وضحى وهي تتكلم بصوت خفيف : شوي
د.عبيد : وضحى تحبيني ؟
وضحى رفعت راسهاا وناظرة فيه وهو ابتسم بعدين نزلت راسها .
د. عبيد : وضحى اذا تحبيني وتعزيني وتثقين فيني عطيني ايدج .
وضحى استغربت منه بس بعد تردد مدة له يدهاا وهوو ابتسم ومسك يدهاا وطلع الابره من ورى ظهر وأول ماشافتهاا وضحى صرخت وسحبت يدهاا بسرعه صح انته ادكتور تفاجئ منهاا بس توقع منهاا هالتصرف .
د. عبيد : شو فيج هاتي ايدج ؟
وضحى وهي خااايفة : لالالالا مابي بعد عني مابي ابره ماحبهااا
د.عبيد يحاول يفهمهاا : وضحى استهدي بالله أحناا لازم نسوي لج اليوم عمليه لانج في الاونه الاخيره تعبتي وايد .
وضحى وهي ضامه ايدينهاا لصدرهاا : لا لا لا انا بخير مافيني شي بس كنت اتغلى عليكم .
د.عبيد وهو يضحك : هههههه لا تضحكين عليه الفحوصات و أتقارير تقول عكس كلامج الحين .

وضحى وهي تصيح : حتى لو تعبانه مابي عبيد افهمني أخاف أخاف تعرف شو يعني اخاف .

د.عبيد مد يده ومسح دموعهاا وناظر بساعة وشاف انه وايد تأخر وبعدهاا تكلم بجديه ورفع صوته : وضحـــى
وضحى ارتجفت من صوته : شـش ـو شو
د.عبيد وصوته قريب للصراخ : هاااااتي ايدج
وضحى عندت وبدت تصارخ : لااااااااا يعني لا مب كل مره تي وتصرخ عليه واسمع كلامك بعد عني ماحبك كله تعاملك عنيف وصرااخ في صراخ انا ما اقدر اتحملك أنت ماتحس فيني ماتحس بالتعب اللي احس فيه والارهاق اللي يصيبني بعد كل عمليه أنت تحسب سهل عليه كل يوم والثاني يت وقلت لي بنسوي لج عمليه انا جسمي تعب مايتحمل كل هالعمليات انا عف اسم هالكلمه من كثر ما اسمعهاا متى اموت وافتك من هالحال االلي انا فيه متـــــــى .
ويلست تصيح ورمت بنفسهاا في حضنه ومسكت بأيدينهاا الصغار طرف قميصه ويلست تصيح وهي تضرب بأيدينهاا بقوه على صدره .
عبيد تفاجئ منهاا ماتوقع انه كل هذااا فيهاا وكاتمتنه وانهاا ضايقه لهدرجه
د.عبيد : أضربي ياوضحى أضربي اذا هذاا الشي يريحج أضربي .
وضحى وهي تتنفس بصعوبه من كثر البجي : عبيد أنا احبك أحبك لا تخليني وترووح ولا تزعل مني على تصرفاتي انا جذي دايم بس نادراً ما اقول لاحد شو فيني دايمن أكتم ألمي عن الناس بس انته ما ادري كيف ارتحت لك وبحت لك بمابي داخلي . شوي شوي بدت تهدى من التعب ووقفت عن الضرب بس لين الحين وهي في حضنه .
الدكتور عبيد مد يدينه ولفهن حولهاا وضمهاا بقوه : وأنا بعد أحبج ومستحيل اتخلى عنج ولا تقولين أني مب حاس فيج لا انا حاس فيج بس أللي اسويه لمصلحتج ولصحتج .

لحظه صمت وسكت كل واحد فيهم وتموو ساكتين أكثر عن خمس دقايق ووضحى بدت تخف صعبيتهاا وهدى صوتهاا .
د. عبيد : وضحى
وضحى : هممم
د. عبيد : عطيني أيدج مانبي نتأخر كل ما تأخرناا تسيء حالتج أكثر واكثر .
وضحى سكتت وماردت عليه وتمت ساكته وبعدهاا بعدت عنه ومدت له يدهاا ولفت بويههاا للجهه الثانيه .
د. عبيد ابتسم ومسك ايدهاا وغرس الابره بمهاره في يدهاا
وضحى : أي يعور
د. عبيد : ماعليه تحملي هانت هانت
وبعدها حط ايده ورا ظهرهاا وسدحهاا على السرير ويلس يمهاا ويناظرهاا
د. عبيد وهو يبتسم : وش تحسين فيه ؟
وضحى وهي تتثاوب : ما ادري
د. عبيد وهو يمسح على شعرها : لو تعرفين شكثر غلاتج ما قلتي الكلام اللي قلتيه.
وضحى : عبيد
د. عبيد : عيونه
وضحى : تحبني ؟
د. عبيد رفع راسه وقام يناظر السقف : أحبج وبس ألا أموت فيج تدرين أني كل ليله أفكر فيج وأتخيلج قربي وضحى لو تعرفين أنتي شو بنسبه لي أنتي غيرتي أشياء كثير في حياتي علمتيني معنى الحب عيشتيني أياه ونزل راسه يبي يكمل كلامه بس وقف .
د. عبيد : وضحى وضحى هههههههههه أنا قاعد أتكلم وهي نامت فديتهاا أنا والله .
رفع خصله من شعرهاا اللي كانت على ويهها وغطاهاا زين عن البرد وراح ينادي الممرضات عشان ياخذونهاا .
ألتقى مع ناديه في الممره
ناديه وهي خايفه : هااا شو استوى سمعت صراخ وضحى
الدكتور عبيد : خلاص الحمدالله عدت على خير .
ناديه : الحمدالله
د. عبيد : أوكي عيل أنا رايح .

بعد ثلاث ساعات طلعو وضحى ونقلوهاا لغرفتهاا وراحت ناديه تسأل الدكتور وقال لهاا انه العمليه ناجحه وانه يمكن ماتحتاج مره ثانيه لعمليه أخرى أذا ماصارت لها أي انتكاسات ثانيه وأنه عن قريب راح تخظع لتدريبات على المشي وأذا استجابت زين للعلاج راح تقدر تطلع من المستشفى بأذن الله .

:
:

:
:
:

:
:

الساعة 10 عند قوم اليازيه وميثا
ميثا : اليازي اليازي تعالي بسرعه شوفي منو ياي !
اليازيه : منو منوو؟
ميثا : ما أدري بس كأنه السياره مب غريبه عليه كأني شايفتنهاا قبل بس وين ويـــــن ؟
اليازيه وهي تصارخ وفرحانه وحطت ايدهاا على ثمهاا بعد ماصرخت : لاااا ســــــــــــــااااالـــــم والله وناســــــــه ماصدق ماصدق سالم ياي أهني !!!
ميثا وهي مرتبكه و تمسكهاا بسرعه وتحط ايدهاا على ثم اليازي عشان ماحد يسمعهاا : بس يابنيه فضحتينااا أسكتي لا حد يسمعج .

اليازيه وهي فرحانه مو مصدقه : ميثاني شوفي شوفي هذا سلوومي يااا أهني بس كيف دراا اننا موجودين في البر ؟
ميثا : كيف يعني أكيد فهيدان قايلله
اليازي : فهيدان بعينج فديت فهودي أنا دومه يفرحني .
ميثا : هههههههه أنزين لا تاكليناا ماقلنا شي .
اليازي تسوي أونهاا معصبه وتصد بويههاا للجهه الثانيه : جـب .
ميثا وهي تقلدهاا : جب بعينج .
اليازيه وهي فاتحه أعيونهاا على أخرهم : طاعوو هاي تقلد .
ميثاا وهي تضحك : ههههه كيفي اقلد والا ماقلد .
اليازيه وهي تركض وراهاا : ماعليج أراويج .
ميثاا وهي تركض وتصارخ : أمايا أماياا لحقي عليه يزوووي بتغداني اليوم بتسويني عيش ولحم .
:
:
:
عند الشباب عقب ماسلموو على سالم
فهد : شوف شوف هالمهبل شو يسون !!!
صقر وهو فاطس ضحك : هههههههههههههههه ياحليلج ياميثااا رحتي فيهاا
فهد : هاذي أم كشه تركض وراا اختك تبي تضربهاا وأنت تضحك عايبنك الوضع .
صقر : أنت اونك ماتعرفهم من هم صغار وهم على هالحال دومهم ضرابه .
فهد وهو يهز راسه : لا حول ولا قوه ألا بالله أقول وغمز له روح أنت وسالم للخيول وأنا بروح أوقف هالخبلات .
صقر وهو يضحك : ههههه أوك يلاا سالم مشينا .
سالم وهو لين الحين يطالع في اليازي : هااا هااا شو قالت ؟
صقر : قلت يلاا نروح .
سالم : وين ؟
صقر : ههههه أنت وين كنت يوم نحن نرمس ؟
سالم : هني هني وياكم .
صقر : اقول خلنا نروح للخيول .
سالم : أوكي

راحوو صقر وسالم للخيول وراح فهد يوقف الخبلات ههههه على قولته

اليازي لين الحين تركض وراا ميثاا
فهد وهو يصارخ عليهن بصوت عالي : اليـــــــــــازيه ميثـــــــــــاا
اليازي وقفت من قوة الصوت وميثاا حست برجفه وهي تركض التفتت لوراا تشوف منو والا فجأه ماتشوف الحطب قدامهاا وتتعثور به وتطيح على الارض وتمت مكانهاا ماتتحرك طايحه على ويهها .
اليازي وهي تصرخ وتصيح : ميثـــــــــااااااااا
يااا فهد يركض بسرعه خايف لا يكون استواا لهاا شي ويكون هو السبب
فهد وهو يرفع ميثاا ويجلبهاا على ظهرهاا : ميثاا ميثاا قومي ميثاا قومي شي ياج ؟
ميثا وهي لين الحين مافتحت عيونهاا وفهد يهزهاا يبيهاا تفتح عيونهاا.
فهد وهو يصرخ على اليازي : يبي ماي بسرعه شو تنتضرين .
راحت اليازي تركض يابت ماي ورجعت
فهد وهو يمسح على ويه ميثا بالماي ويرجع يهزهاا
فهد وهو خايف عليهاا: ميثاا فتحي عيونج قولي شي .
ميثاا بدت توهاا تفتح عيونهاا أول ما شافوهاا فهد واليازيه تنهدوو
فهد واليازيه مع بعض : الحمدالله .
قامت ميثاا وعدلت من يلستهاا وحست بألم في ركبتها وحطت ايدهاا على ركبتهاا بعدين رفعت ايدها وشافتهاا كلهاا دم
ميثاا وبدت تتجمع الدموع في عيونهاا وهي ترتجف : د د دم
( ملاحظه ميثا أكره ماعندهاا أنهاا تشوف أدم واذا شافته لازم تصيح )
ميثاا باقي شوي وتبجي : ال يازي ش شو في د د دم
اليازيه وهي تهدي فيهاا : لا لا لا هدي هدي ماصار شي هذا مجرد جرح بسيط وبيروح .
ميثاا انفجرت مره وحده بجي
فهد وهويهدي فيهاا : ياميثا ماصار شي ماله داعي البجي هدي
اليازي وهي تمسك ميثا وتهديهاا :ميثاني حبيبتي خلاص الحين يروح
فهد وهو يهز راسه ويقول في خاطره يهالوه أخر زمن دلع ع الفاضي
فهد : لحظه بروح أيب شي وراجع .
راح فهد لسيارته وطلع منها شنطه فيهاا ادوات اسعاف من أدويه لجروح وضمادات وغيرهاا ورجع لقوم اليازي
فهد وهو يفتح الشنطه : اليازي هاذي شكلهاا ما تروم تسوي شي بس كله تبجي أنتي أكشفي عن رجلهاا من وين موجود اليرح .
اليازي : هاااا شو قلت ؟!!!
فهد وبدى يعصب من الوضع اللي هو فيه : شو قلت يعني قلت أكشفي عن رجلهاا بداويهاا .
اليازيه برطمت : أنزززين .
وكشفت عن رجل ميثاا وميثاا يالسه مكانهاا ماتحركت بس طول الوقت صاده بويههاا للجهه الثانيه ما تبي تشوف الدم .
فهد : والحين أمسكيهاا زين عشان ما تتحرك لاني بحط اول شي المطهر
اليازيه وهي تمسك ميثاا من ايدينهاا
وهو بداا يحط المطهر وميثاا كل شوي تتحرك من الالم وفهد يعصب ويصرخ وأخر شي لف لها رجلهاا بلفافه بيضاء
فهد وهو يتنهد : والحين تقدرين توقفين والا لا ؟
اليازي : ما اضني أنهاا تقدر
فهد وهو يناظر ميثاا ويتكلم بطريقه استهزااء : تقدرين تميشن والا تبيني أشيلج .
ميثا بطبعها عنيده : لا طبعاً أقدر أقوم واذا كنت ما اقدر فأخوي موجود أهو يشيلني مب أنته .
فهد وهو مطنش : هيه زين عيل .
وراح عنهم صوب الشباب وميثاا وقفت واليازي تساعدهاا وتسندت عليهاا لين وصلت للخيمه وراحت تنام كانت تعبانه من الركض وبعدهاا اللي صار لهاا .

بعدهااا رحلتنا في البر ماخلصت وفي احداث أحلى واحلى وبعد بحاول انزل لكم جزء ثاني قبل الموعد أللي هو يوم السبت اذا قدرت .

سلاااااام
أختكم سلامـــي