هلا بالغاليييييييييييين .. ها الجزء الاخير

الجـــــــــــــزءالرابع عشـــــــــــر ...


مــــــــــــــــــــــــــــــات حبــــــــــــــــك ....والبقيـــــــــــــــــه في حيــــــــــــــاااااااتك ...

احمد بهدوء : ليش ؟ " غمض عيونه بقوه وقال " انا آسف ياعوش ..آسـف ..
قلت : وشيفيد الاسف ؟ انت ذليتني .,
احمد نزل راسه
رحت عنه ودخلت الصاله ..
شفتها فااضيه ..اكيد راحوا غرفهم ..
دخلت الكميرا الشنطه ..بس لفت نظري دفتر صغير دوم احتفظ فيه ..
طلعته وكتبت خاطره جات على بالي ..
انا بنت لي قدري ومقامي
اقدر من يقدرني .. واغطيه بإهتمامي
الكبيـــر له منــي إحتـــرامي
والصغير له نصيب من حناني
احتـرم من يحتـرمني .. واصبر على من يعاديني
يمكن يكشف طبع الوفا فيني

اجامل من لا يهمني وجوده
وأبــد مــايكسـرني صــدوده
الكل لـه شخصيته .. يايقودها ياهي تقوده !!
والعاقل يعرف كيف يسلك دروبه
بس كل شي له حدوده
ونـــــار الصبـــر محــدوده

يمـــكن اقــــــاوم !!
واتحمــل الظلــم واكــابر
بـــس الإهـــانــه !!
في قاموسي مو محسوبه

مهما كان ذوقي .. ورقة شعوري .. واسلوبــي
الكرامه داخلي مزروعه
وعزتي دووووم مرفوعه
ابـد ما ارضـى بالخضـوع
بكذا امشي والراس مرفوع

وارجع واقول .. واوضح المجهول .. انا بنت الأصول
الصبر شيمتي
والوفا طبعـــي
والطيبه تملى حياتي

يمكن انجرح واصيح !!
وابكي لجل استريح !!
بس مو انا اللي للذل أستسلم وأطيح

ولما سكرت الدفتر شفت احمد يطالعني ..وفي نفس الحظه رن جوالي شفت بطي ..حطيت الدفتر ع الكرسي عشان يقراه احمد ..
خذت شنطتي وقلت له : لو سمحت ابي ورقه طلااقي ..
وطلعت ..,


مــــــــــرت اياام وايااام ..وتليها شهوور
بطي تزوج نجود بحفله عائليه بيسطه وخالد ملج على هند ..ويحليلها هندوه من يوم الملجه وهي صااااايره بنوووته ..فديتها تهبل صاايره ..
وعمر خطب منور اختي وهي مسكينه كانت بتجيها جلطه من الصدمه ..ماتوقعته يحبهااا ..وعاااد منور تغلت وقعدت اسبوعين اونه تفكر ..وعمر مسكين يطرش هندوه عشاان تعرف رايهاا ..ومنور تتغلى ..بس بعدين قالت انها موافقه ..وتركي نقر " غار " وقاام خطب ثجوب ..,’ ووتحددت ملجتهم ويا بعض والعرس بعدين بيفكرون فيه ..
وانا لين الحين انطر الطلاق من احمد .. بس هو راااااافض ..فـ قلت بيني وبين نفسي انا ماهمني طلقني ولا ..هو بكيفه بس المهم اني عايشه في بيت ابوي وهو مايخصه فيني ..



اليوم ملجه تركي على ثجوب وعمر على منور .,’
قلت : منووووووووووووووووووووووووووووووووووووووور ...
منور بخوف : هاا ..شكلي مو حلو ؟ الوع الجبد ؟ قولي والله قوووولي .." وقعدت تصيـــــــــــــــــــــــح "
فطست عليها من الضحك وقلت : لاااااااا شكلج رووووووعه خبااااال .. بس لااا تصيحين بتخربين المكياااااااااج ..
منور تمسح دموعها بالكلينكس : حلفي ..
قلت : والله روووووووعه روووووووعه ..اسميه عموور بيتخبل ..
منور ابتسمت ..
التفت على ثجوب اشوفها ..مشالله عليها قطعه على قوله السعوديين تهبـــــــــل ..
انا كنت لا بسه فستان اسود عاري شوي لين تحت الركب ويجيج مزمم ..وبدون حمالات ..,وسويت شعري كله مطعج وحطيت لي بتر فلاي وردي لانه مكياجي وردي خفيف .,’
طلعت اشووف الناس الي تحت ..صج يعني الملجه ماكانت عووده بس في ناس .,
رحت صوب الحريم وقعدت اسلم عليهم ..,والله وكيلكم ظهري انقص نصين وانا اسلم على هالعياايز ..,ادنع عليهم وكل وحده تمسكني من يدي وتقعد تسوولف ويااي وتهذر .,’
وبعدين رحت قعدت ع الكرسي ..وكانت حذاي عيوز مسكت يدي وقالت : شسمج يابنيتي ؟
قلت وانا ابتسم : عايشه ..
العيوز: عاشت الاسامي ياعايشه ..بس من بنته ؟
قلت : بنت جاسم الـ ..
العيوز : ايـــــــــــــــه ...انتي بنت عم ثجوب الهبله ؟
قلت : ههههه اي ..
العيوز : اي اي ..
وقلت عشان ابي اصرف روحي شوي : عيل اخليج يمه بروح المطبخ شوي ..
قالت: خذي راحتج يمه ..
طلعت بسرعه ورحت فوق عشان اشوف البنات ..
قلت : يلاااااااااااااا بســـــــــــرعه جهزووووووو ..
ثجوب تدور : شوفي شكلي اووكي ..
كانت تهبل مثل ماقلت لكم ..
قلت : قمـر انتي ومنور .. بس يلا نزلوا ..
كنا متفقيـــــن على حركه نوسيها ..
اول شي نزلوا بنتين صغـار هم عيال خالت ثجوب توأم .. وحده لابسه فستان وردي والثانيه برتقالي ..
كانوا ماسكين سله وينثرون ورد برتقالي ووردي وابيـض ..
وبعدين نزلوا ثجوب ومنور ويا غنيه البدر لـ راشد الماجد ..
وكانت منور لابسه وردي وثجوب لا بسه برتقالي ..
وشكلهــــــــم تحـــــــــــــــــــفه يهبلوووووووووون .,,’
قعدوا صوب كراسيهم وجوهم الحريم يباركون لهم ..
ورحت انا ويااهم وصورنـــاا ..
مياسه : ياااااااه عوووووش شكثر انتي مصووره قوومي ..
قلت : مااااااابي زيــــــن ..
وقعدت في وسط منور وثجوب وصوورت ..
وماوعيت ألا بهندوه جايه لي ركيض ..
هندوه : ههههههههههههههه عوووش هههههههه
قلت : هههههههه شفيج ههههههههه ..
مياسه : ليش تضحكين انتي وماتعرفين السالفه ..
قلت : اقلد هالهبله ..قولي قولي ..
هندوه : انا هبله يالشيفه..بس الشرهه علي الي كنت بجيب لج البشاره ..
قلت : لاااااا قوووولي ..
هندوه بزعل : مااااااااااااابي ..
قلت : قووووولي احسن لج لا اخمج بالهلكعب ..
هندوه : ههههههه ..شفتي هاذي العيوز .." واشرت على وحده من العياييز ,.
قلت : اي ..
ثجوب : شفيكم تتكلمون عن عيوزتنا ..
قلت انا وهندوه : اي عيوزتكم ؟
ثجوب : ههههههه اوه اقصد خطابه فريجنا ام سالم ..
قلت : ههههههه وليش ؟
ثجوب : تدوور ع النااس عشان تخطب حق عيالهااا ..
هندوه : ههههههههههههه وانا اشووووووووف تكلم امج صار لها ساااعه تبي تخطبج وامج تقول البنت متزوووجه ولااا العيوز مصـــــــره ..هههههههههههه
ابتسمت بحزن ..ورحت عنهم بعيد وانا اسمع ثجوب تقول : هههههه من حقها عندها 10 اولاااد وولا بنت ..ههههه مسااكين ..
وبس بعدين طلعت عنهم فوق غرفتي احس برااسي مصدع ..خذت لي بندوول وانسدحت ع السرير .. بس راسي مو راضي يشفى لانه الاغااني ضااربه حدهاااااا ..
فتحت كبتي كنت ببدل وبخمد شووي .. بس لفتت نظري الشنطه الي كانت في الكبت فتحتها وشفت فيها البوم ..
فتحته وكان البوم زواجي ..دمعت عيني في هالحظه ..آآه وينك ياحمد .. ابيك والله ابيك ..بس ماقدر ارجع لك مااااقدر ..
فتحت الصفحه الثانيه من الالبوم شفت صورتي يوم انا احمد في غرفة التصوير ..ضحكت وتذكرت الموقف .
المصوره : شو مابدكون تعملوا حركاات ؟
احمد مشتط : ايييييي لاااااازم ..
ضحكت وحمرت خدووودي ..
احمد قرب مني : يلاااا يلااا بووسي عشاان تطلع حركه يديده ..
قلت : لااااااا قديمـــــه شفيــــــك ..
احمد : انتي بووسي وهي بتطلع منج يديده " وشق لي الحلج "
ضحكت وبسته والمصوره صورت ..
بعدين شفت خد احمد كانت عليه طبعت بوستي ..وأشرت للمصوره تصور خده ..وانا قربت صوبه ..

آآه ياحمد حرمتني من لحظااتي الحلووه ..,’ قطع علي صوت تلفوني عرفت ان هاذي مياسوه رديت : ميااسوه تراني مصدعه وماني فاااضيه ..
بندر : سلااامت قلبج ياقلبي ..
سكت .. من ؟ بنـــدر !! قلت : بندر !
بندر : يالبى قلبي ..آمري ..
قلت : نعم شتبي ؟
بندر : عوش احبج ..
قلت : بنـــــدر انا متزوووووجه لااا تنسى ..
بندر : بس ..
قلت : لاا تعتبر قعدتي في بيت ابوي اني اقدر اكلمك واطيح الميانه الي بيني وبينك فااااااهم ..
بندر : بس ليش تسووين جي .؟ انتي طلبتي الطلااق من احمد ..وويوم بيطلقج انا بتزووجج ..
قلت : انت شفيييييك ماتفهم .. انا صج طلبت الطلاق من احمد بس مو معنااته اني اتزوجك ..لو ابي جان تزوجتك يوم مات طلال ..." وسكرت التلفون في ويهه ..
قعدت اناافخ من التعب ..التفت على الالبوم وتوني بسكره بس رن تلفوني مره ثانيه رديت بعصبيه : نعم شتبـــــــــــــي ؟
......: انا شووق ..
قلت : اووه .. هلا هلا شووق ..شخبارج ؟
شوق وكأنها تصيح : مو بخير يااعوش ماااني بخــــــــير ..
قلت : خير شفيـــــج ؟
شوق : احمد ياعوش .. تعباان موووت ..ومو رااضي يروح المستشفى مو راااضي ..
قلت بخوف : شنووو ؟
شوق : والله انه تعباان ..وطوول اليوم يهااذي بأسمج .. يسأل عنج والله يبـــيج ..
قلت وانا ادمع : انا جايه .." وسكرت التلفون ولبست عبايتي وطلعت ..
شفت امي في طريجي هي ومهره ..
امي : على وين ..
قلت وانا اصيح : يمه احمد تعبااان ..
امي : وبتروحين له الحين ؟
قلت : اي يمه شووق تقول مو راضي يروح المستشفى ..
امي : اوكي روحي .. بس اخذي وياج حد ,..
سحبت مهره من عند الباب وقلت : تعالي ويااي ..
مهره : جي وبدوون عبايه " وبهباله " ياليـــــــــت ..
خبطتها بالشنطه على راسها وراحت تركض الغرفه ..وطلعت لي وهي لا بسه العبايه ..
طلعت ويااها ورحنا ويا الدريول بيت بو احمد ..
طلعت بسرعه حتى بدون لا التفت على مهره ..بسرعه دخلت والصاله كالعاده فااضيه كأنه البيت مو مسكوون ..
رحت فوق غرفه احمد فتحت الباب وشفت شوق قاعده ع السرير وماسكه يد احمد ..
رحت صوبها بسرعه ودموعي سيل على خدي ..
قلت : شفيه ؟
شوق : تعبااان واااااايد تعباان ..
لمست يده كانت ناااااااااااار ,.,
حتى حسيت بحرووره في جسمي ..
قلت : في حد في البيت ؟
شوق : لا سعيد طلع و" وبعدين نزلت راسها ..دمعت عيني مره ثانيه ودخلت الحمام مسحت المكياج الي كان في ويهي ..وطلعت وقلت حق شوق تجيب لي مله فيها ماي بارد ..
وراحت تجيب لي وانا فصخت عبايتي وقعدت يم احمد ..مسكت يده وقلت : ليش جي تسوي في نفسك حبيبي ..والله ماقدر اشووفك جي ..ياليتني مت ولا شفتك جي يااااليت ..
دخلت شوق في هالحظه ورحت انا الحمام خذت لي فوطه صغيره وقعدت احط على راسه كماداات ..اما شوق طلعت ..اكيد شافت مهره ونزلت وياها .
عصرت الماي والتفت لأحمد شفته فتح عيونه ..
قمت على طوول بس هو مسك يدي ..قعد يطالعني ..كأنه يبي يعرف الي يشوفه حقيقه ولا خيال ..
احمد : عاشه ..
قلت : عيونها ..
احمد : ليش خليتيني بروحي ..ليييييييش ؟ انا ابيـــج والله ابيــج ..
قلت وانا اصيح : مااقدر .. انت اهنتني وذليتني واايد ..ونفس ماشكيت فيني قبل ممكن تشك فيني بعدين ..
احمد بتعب ودموعه على وشك النزول : من حقي اشك ..عووش حسي فيني ..ترا زواجي منج مو اول تجربه لي ..انا تزوجت قبلج وهي خانتني ..ماقدرت اتحمل اشووفج ويا راكااااااان وماقول عنج انج خنتيني ..انـ..
وبس سكت ..ضااعت منه الكلماات ..صد الصووب الثاني ..
وانا قعدت افكر ..صح كلااامه ..هو انغش مرتين ..انغش في زوجته الاوليه ..وانغش في لعبه لعبها لي راكااان ..
رحت له الصوب الثاني وشفت دمووع .!! اي دمووع مااكذب ..
قلت : احمد تصيح ؟
احمد مسح دموعه بسرعه وصد الجهه الثانيه وقال : اذا تبين ورقه طلاااقج انا بكره بطرشها لج ..
انصدمت ..كل شي فيني وقف ..حتى حسيت ان قلبي وقف ..
شيقول هذاااااااا ؟!! معقووله انا اصير مطلقه ؟!! ليش ؟ انا احب احمد ..واحمد يحبني ...!! ليش اتطلق ؟؟
كراامتي ..اي كراامتي ..هو ذلني واهااني ..
بس بين الزوج والزوجه ماااافي كرااااامه ولا عـــــزة نفــــــــس ..
بلااااا فيه ..بــــس ..
احمد بيروووووووح .. بيروووح مني .. يبي يطلقني بكـــــــره ..
صرخت بقوه : لاااااااااااااااا ...
التفت علي احمد متخرع ..
نقزت ع السرير صوبه ومسكت يده و دموعي تنزل بغزااره : لاااا ارجووك لا تطلقني ..احمد انا احبك .. والله احبك لا طلقني ..
احمد اكتفى بكلمه وحده : ومن قال لج اني بطلقج ..
ابتسمت له وضمني لحظنه وقعدت اصيــــــح مادري من الفرح ولا اني اشتقت له ؟
قمت عنه وقلت : آآآآآي قووم عني بعدين تعااديني نتسدح انا وانت مريضين
احمد بتعب : ههههه .. وهذا الي تفكرين فيه ..
قلت : هههههههه اي بعدين من بيخدمك ..
احمد ابتسم لي ابتسامه حب وحناان ..


مــــــــــــــــــــــــــــــــــــرت سنـــــــــــــــه .,
صرخت :آآآآآآآآآآآآآآآآآآآآآآآي ..احمد قووووم " وقعدت ادزه " قووووم الله يخليك ..
احمد بكسل :ها عوش مو فااضي ..
قلت وانا اصرخ من الألم : قووم ودني المستشفى بوووووولـــــــد ..
احمد نقز : حلفــــــي ..
قلت : قوووووووووووووم الله يخليك ..
احمد ينقز ع السرير : حلفــــــي اول ..
قلت وانا امسك بطني : قوووووووووووووم ..
احمد : صبري بنادي لج شوق وبجيب لج صطل ماي حاار ..اوكي ..احسن من روحت المستشفى ..هههههههههه ..
فلعت عليه القلاص الي كان ع الطاوله الي حذاي وانا اصرخ : قووووووووووم يالسخيييييييييييييييييييييييييف ..
احمد : والله شكلج صج بتربيــــن ..
وقام بسرعه ولبس ثوب وجاب لي عبايتي ورحنا طيران المستشفى ..
وربيت وجبــــت احـــلى ولد ..
احمد : شنو نسميه ؟
قلت : علي ..
احمد : من عيووووووووني .." وباسني على خدي بسرعه وراح عشان يسجل الاسم .


مــــــرت السنـــــــــين .,’
ثجوب وتركي تزوجوا ..وعمر ومنور بعد تزوجوا ..
وسعيد تزوج مهره .,.,والخبر الي صدم الكل ان بندر خطب مياسه .. والي صدمنا اكثر موافقه مياسه .. بس انا مانصدمت من موافقتها لاني ادري انها تحبه من زمااااااان ..وكان هالشي بااين عليها يوم ثجوب وهندوه يتكلمون عنه جدامي ويقولون انه مُتيم في حبي ..
امــــا عن نـــور فـ خطبها ولد عمها محمد الي كان متزوج وحده اجنبيه وعنده منها بنت قمر ..وطبعا نور وافقت لانها مستحيل حد يتقدم لها على قولتها ..
وحســـن ظل عزووبي ..مايبي يتزوووج .. بصراحه اهو حر ..
ونوره رفيجتي وتوأم روحي ..تقدم لها ولد جيرانهم ..بس وافقت بعد طلعت رووح .. لانه علي لين الحين في قلبهااا ..
كلنـــا كنا في البر مخيمين ..
كانوا الحريم في صووب والرياييل في صووب ..
كنا انا والبنات نلعب اونو
شوي وجاني مسج ..
فتحته كان من احمد الي بعيد عني بـ امتاار ..
" امووووووووووت فيـــج "
ضحكت والتفت له كان يشووفني وعلي كان واقف حذاه ..راح قال له شي وجاني علي يركض وكان بيطيح بس بسرعه مسكته بيدي ..باسني على خدي وشفت احمد وبعد هو طرش لي بووسه .. طرشت له بوسه ثانيه .. وقام احمد بسرعه وجاا صووبي ..
قلت : سوووووري بناااات .. انا بطلع ..
ثجوب وكأنها لمحت احمد جاي : اهااا .. عيل يلااا بعد انا بقووم وبقول لـ تركي يجي ..
ضحكت وقاموا البنات كلهم ..وراحوا صوب ريااييلهم ..
احمد وهو يحط يده صوب خصري : وحشتيـــــــــــــــني ..
قلت : هههههه عيااار توني مفارقتك من ساعه ..
احمد : انتي وحذاي توحشيني شلوون بعيده عني ..
حرمت خدوودي وسكت ..
احمد : والله احس انج تبين تقولين شي ..
قلت : اي ابي اقول شي .. بس مو قايله لك ..
احمد : افاااااااا .. ليش ؟
قلت : ادري فيك بتسوي نفس ذيك المره ..
احمد وكأنه مو فاهم : اي مره ؟ وشسويت ..
حمرت خدودي ونزلت راسي وقلت : انا حااامل ..
احمد : صج صج .. قووووووولي والله ..
نزلت راسي وقلت : تدري اني مابي احمل ..
احمد شهــــق : لييييييييييييييييييييييييييييييييييش ؟
قلت : ادري فيك يوم بيجيني الطلق بتسوي نفس ذيك المره ..
احمد : ههههههههههههههههههه .. لين الحين تتذكرين ...
صرخت عليه : وهذا موووقف ينســـــــــي بالله عليك ؟
احمد : هههههههه لا فديتج المره الجاايه .. بخليج تولدين في البيت ..ترى مايهون علي انام بدوونج ..
حذفت عليه حصى كانت في يدي وهو تفاداها وضحك ..,
وجاا صوبي وشلـــــني وقعدت اصرخ عليه عشان يهدني ..
بس صرقعنا صوت سعيد وهو يصفق هو مهره : هههههه الجزء الثاني للمسرحيه ؟
ضحكت بس ستحيــــــــــــــــت .. يووه هذا سعيد دوووم يطب علينا في هالحظاات الحرجه
احمد : هههههههه اي الجزء الثاااني ..
مهره : ومتى كان الجزء الاول .. ماشفته ..؟
قلت : خلي ريلج يرااويج ايااه .." وغمزت لـ سعيد " عملي ..هاا ..
سعيد ضحك وقال : يلا يلااا مهروه ارااويج الجزء عملي في البيت ..
ضحكت انا واحمد وسعيد بس مهره مو فااهمه شي ..
بعدين جونا البااقي وقعدناا نسوولف ونضحك ..وطبعا انا مافوت هالجمعه وقعدت اصوورهم .. بس ماجذب عليكم خليتهم كلهم وصورت حبيبي وولدي ..واصلا بالاسااس ماصورت غيرهم

انا بـــــــاقي على عهدي ولو قبري يصيــــر غطــــــاي واذا خنــــــــتك بعد موووتي عســــى ينكرني تــــــــرابي ..


تمــــــــــــــت ..,
ابي رايكم في النهاية .. .؟؟
:::

اشكررررررررررررررر الجمييييييع من كل قلبي عالمتابعة .. والردود الحلوة ..

cutty tweety
مزيونة زاخر
اماراتية كشخة
قلب حاير
الميم
دلوعة بوظبي
قطوة ملاك
الورد الحلو
بنت من البنات
روعة احساس

(( انتوا احلى شلة !! )) p=
وحتى الي مروا عليها ..لكم جميعا شكر خاص خاص خاص ..

واتمنى الاقيكم ويآي في القصة الثالثة وهي

(((( مجنـــــــــون ســـــرة )))))