|
آلبآرت الـ50 وآلآخير .. بعد سنه , فهالحيآة .. يوم وآحد كفيل بآنه يغير وآيد آشيآء فينآ وفي حيآتنآ , طبعآ آكيد الكل يبي يعرف شو اللي صار في حيآتنآ من تطورآت ومن آحدآث .. بختصرهآ لكم وبقولكم شو صار لكل ثنائي .. طبعآ آنآ وميثوه وعليوه ومريوم ومنآر تخرجنآ من الجآمعة ورجعنآ نعيش بآلآمآرآت , ترفة بآقيلهآ سنه , كورس وآحد تدرس فيه والكورس الثاني تدريب وخلآص بتتخرج , غآية بآقيلهآ كورس تدريب وبتخلص لانها صارت تنزل 3 موآد كل صيفي من جي قدرت آنهآ تخلص بسرعه , ميثوه وآفقت على عمير لآنهآ قررت آنهآ تشوف حيآتهآ ومآتندم على اي لحظة عآشتهآ ويآه في لندن .. و بتمحي مطر من حياتها بالكآمل , عزوز يحآول بكل الطرق آنه يوصل لعليآ لكنه مب قآدر لين يأس وقآل أنه بيكمل شغله هالفترة وبيدخل في دورآت وبيرجع يتقدم لهآ مرة ثآنية عل وعسى ترضى عليه , عليآ اشتغلت في شركة بسيطة توهم فآتحينهآ رآتبهآ زين ومعتنيه ف آمهآ وترآكض فيها من مستشفى ل مستشفى عل وعسى تقدر تتكلم مرة ثانية .. وآبد آبد مآتتذمر من العنآية فآمهآ , مريوم وآفقت على عمر بشرط بينهآ وبينه آن ابد ابد مآ آي يوم ويعآيرهآ على الفروق الآجتمآعية واللي عايشينه آهلهآ حآليآ وهو وعدهآ وطمنهآ وقالهآ آن المناصب وآلمآل مآتهمه وآن هو صدق خآطره فيهآ .. منآر تزوجت سيف ف فترة التدريب مآقدرت تصبر اكثر خآفت آبوهآ يهون ويتفركش الموضوع بكبره , بشآير وسهيل بنوآ لهم بيت متوسط في بيت بوخآلد عشآن يآخذون رآحتهم آكثر وعشان بشاير مآتيلس تتغطى كل شوي عن خآلد , بشآير كآنت حآمل ويابت بنت سموهآ *آلدآنه* , خآلد وخلود للحين يربون ولدهم وخآلد حب خلود لكن مب مثل مآكآن يحب روضة ويحآول على قد مآيقدر آنه مآيظلمهآ , لطيفة وظآهر طبعآ مثل مآقلت قبل آن الله رزقهم بتوآم بنت وولد وسموهم *حمده وحميد* وللحين طآير عقلهم باليهآل اللي انرزقوآ فيهم وظآهر على قد مآيقدر يحآول آنه يريح لطيفة ويشل اليهال عشان لا تتعب ولآ شي , وللحين حبهم مثل آول مآملجوآ على بعض .. بعد حنه حمدآن على غاية قررت آنهآ تسآمح يدوه وتكلمها الحين عآدي ويدوه طلبت من غاية آن تيب حفيدتها عشان تربى في حضنهآ وقرروآ آن آول مآيخلصون درآسه يرجعون ويعيشون بآلآمآرآت خلآص , حمدآن عقب هالسنين كلهآ تلآقى مع آبوه وسآمحه على كل شي سوآه بس ابد علآقتهم مب كآنهآ ابو وآبنه , كآنه مدير وموظف , يعني جدآ سطححيه , مشآعل شرطت على حآمد آنهآ مآتحمل فترة درآستهآ وهو ايدهآ على هالفكرة عشان لآ تظلم ولدهآ ولآ تظلم دراستها بعد وآقنعوآ نفسهم بآن لآحقين على هالفكرة .. صآلح قرر آنه يغفر ل آخت مصعب غلطهآ بعد هالسنين كلهآ آمآ هي تحآول على قد مآتقدر تزرع حبهآ من آول ويديد في قلب صالح , مهره حبيبه قلبي ولدت ويآبت ولد وسموه *سلطآن* وطلع وآيد نتفه وضعيف بس يشبهه مهره كوبي بيست , حبيبي وآلله آخر مرة شفته , كآنت مهره الحمآره ملبستنه أفرول ابيض وملبستنه سلسلتها وطآلع كآنه مآل عصابات هلكت من الضحك وهزبتها .. غآلية خلت يوسف يتخبل عليهآ , صآرت هي ملجآه لآ ضآق وصارت هي كل دنيته لدرجه آن غلاها من غلا آمه .. ظبيه حآمل بشهرهآ آلثآني حآليآ ونصور بيطير من الونآسه وخآطره تكمل الشهر الخآمس آو الرابع عشان على طول يركض فيها المستشفى ويعرف شو نوع الجنين اللي ف بطنهآ ويتمنى من قلبه آنهآ تكون بنت لكن دآيمآ يقول " اللي آي من الله حيآه الله , وآن اهم شي الخلقة التآمة " وهو فعلا الوآحد مآيتمنى لولده الا الخلقة التآمة .. وجرآح معصب مآيبآ بيبي عشان يخاف أن ناصر مآيهتم فيه عقب ولآ يسويله سآلفة .. آمآ آنآ , فآكيد الكل يبغي يعرف عني وعن ذيآب وشو اللي صار في حيآتنآ .. حيآتنآ مثل ماهيه قبل وحبنآ زآد اكثر عن قبل وذياب صاير يخاف علي بدرجه فضيعه , أنا الحين حآمل بالشهر الثامن بآجر او اللي عقبه والله نآسيه المهم بدخل التآسع وبكون على ولآده , وهم قالوآ لذيآب آن آحتمآل كبير اولد ب عملية من جي هو خيفآن ويحآتي لدرجه آنه كذآ مرة قعد يهآذي ويوسوس ويقولي عقي الياهل انا مابا تتعبين ولآ ابا تروحين عني وجي وانا قعدت آطمنه آن مآبيصير شي من هذآ وان نحن كنآ نبا هالشي من زمآن لين ارتآح وقآم مآيفتح هالموضوع بس مآيندرآ به لو بيرجع يفتح هالموضوع من آول ويديد .. فآرس بدآ ففترة التدريب قبل ترفة وكله يتنآزع عليها عشان تضغط على نفسهآ وتنزل موآد آكثر عشان انه يباها ويبا ياخذها خلاص مل من تصرفآت سآرة ويخآف في يوم يفقدهآ والسبب تخلف سارة ومشآكلهآ .. روضة .. بعد مآكملت اسبوعين وهي ساكته وكله تصلي استخاره وخيفآنه ردت على حسن " بالموآفقه " وكآنت صدق خيفآنه , وملجوآ وخلصوآ واليوم هو يومهآ عشان جي الكل مرتبش اليوم اللي ف الصالون واللي يكشخ .. آمآ آنآ متيلسه بالبيت وأكل من بريآني عموه اللي صدق صدق صدق مآيتفوت , يآخي طعمه جي مآعرف كيف آوصفه , طول ما انا حامل وانا ابا اكله , هي على طآري حمآلي صرت متينه وطلعت لي خدود ويدي ويدوه مستآنسين وآخيرآ آنهم شآفوني متنت .. مآيد وموزة وولدهم علي طلعوآ في بيت بروحهم , كآن مآيد يبنيه طول هالفترة اللي طآفت وماشاء الله وآيد يجنن بيتهم هآدي ويجذب .. عبدآلله وسع جنآحه لآنه خذا جنآح مآيد وكبره عشان ياخذ راحته هو ومرته وبنته اكثر .. بنتهم صارت شوي كبيرة وعبدالله طبعآ عقله بآيعنه بسبب هالبنت كله يغصص فيها لين تصيح عقب يفرهآ على مثآيل .. عذآري قنعت حمد آكثر وآكثر آنه ينقل كل شي الامارات لين اقتنع وحول شركته فالامارات وسحب الشلة الفآسده *ذيآب وحمدان وسيف* لكن ذياب رفض لانه طبعآ رجع يشتغل في شركة ابوه بس قال انه بيسون صفقآت معاهم وجي , اما سيف وحمدان رضوآ على طول , عذآري يآبت بنوته وسمتهآ *وجدآن* وحمد تعلق في عذآري آكثر ممآ كآن متعلق فيهآ قبل , وبعد مآستقروآ فالامآرآت شروآ لهم شقه عودة وسكنوآ فيهآ وكآنت شقتهم صدق فخآمه ومرتبه بشكل فضيع وبننوتهم ماشاء الله عليها وايد جميلة ماخذه من الاثنين *عذآري وحمد* .. نوف قررت آنهآ تسآمح عمتها ويبدون صفحه يديده وهذآ كله عشان فهد وعشان ولدهآ يربى بين اهلهآ وآهله .. وعمتهآ ندمت مليون مرة على اللي صآر .. سآرة للحين تبا تخرب الشي اللي بين ترفة وفآرس لآنهآ تبغي فآرس لهآ بروحهآ وكل مآتشوفهم مع بعض تنقهر لكن فآرس وترفة حآقرينهآ وهالشي اللي مخلينهم يكملون حيآتهم برآحه وبدون عوآر رآس ! بيت عمتي -أم ذيآب- كنآ يآلسين نتغدآ كلنآ ونسولف , عموه : هنوف من الحين اقولج آن شفتج تحآوطين يمين ويسآر ف العرس برشج بقب جدآم الآوآدم شمسه : ههههههههههههههههههههه من صدقج عموه !!! ذيآب : هي آحسن آممي جي اباج آدبيهآ , هالحرمة صايرة مآتسمع كلآمي آبببد , : ذيآب عآآآآآآد , عموه لآزم آسآعدهآ شوي بس وعد مآتعب نفسي بوذيآب : هي يا بنتي لا تعبين نفسج , شويخ آذآ عصبت تغدي حرمتن اعوذ بالله من شرهآ كلهم ضحكوآ .. آم ذيآب : جي زين ضحكت عيالك علي , صدق آنه مآتخيل جآن تسويبي هالحركه : ههههههههه عموه لآ تعصبييين عليه حرآمم كله ولآ عممميييه ذيآب : انا ماتبزيني كثرك بوذيآب : يالحسسسسد ياللي فيييييييييييك ! سعيد : ههههههههههههههه حرآم عليك آبويه مآشفت الا ذياب يكون حسسود .. بآجر لا ولدت الهنوف بتشوفه كيف بيطلع له الشيب من ولده وبيحس فيك بوذيآب : هي وآلله آنك صدقت , لآنك حسيت هالشي ب شمآني هآآ سعيد : هيي شمسه : عميه لا يحسسك ترى هذا مآيزخهآ وآيد يتلعبن , : عموه .. شو بتلبسين اليوم ؟ آم ذيآب : وآلله مآدل يآ بنتي بشوف عقب , آنتي بتروحين الصآلون ؟ : لآ مآفيني حيل , بروح القاعه واللي بتعدل روضة بتعدلني آم ذيآب : هي جي زين , ونآديني انا وامج نقرا عليج قبل لآ تطلعين مآفينآ من عين مآصلت على النبي تفر عليج كلمه وآتعبج : آن شاء الله عموه من عيونني كملنآ غدآ عقب كل وآحد منآ رآح يرتآح في غرفته .. الا عمي طبعآ طلع ورآح عند عذآري وحمد عشان يقعد ويآهم ويشوف بنته *يقصد بنت عذآري* .. ذيآب : حبيبي صدق مآيعورج شي ؟ : هي صدق لآ تحآتي " فتحت الكبت ويلست ادور الكيس وانا منحنيه يا ذياب بسرعه وعدل ظهري وقال " ذيآب : تخبلتتتي : ههههههههههه ذياب شوفيك آدور حآيه فريتها هني ولا ادري وين اختفت !! ذيآب : لآ تحنين ظهرج جي عقب بتتعبين , خبريني شو تبين ؟ : الله يهديك يآ حيآتي ترى والله العظيم مآفيني شي ولآ شي يعورني لآ تقعد جي تحححآتي , ذيآب : آنزين بس لا تحنين ظهرج عشان لا تتعبين , خبريني شو من حآية تبينهآ من الكبت ؟ : بتشوف كيسة لونها أحمر , ممكن تطلعهآ لي ذيآب : من عيوني " نزل وتم يدور تحت الملابس لين لقاها وتحرطم آني جي معفسه الكبت " شو فيها هالكيسه ؟ : دريس وآيد حلو لعموه .. عشان تلبسه بالعرس , ذيآب : مآحس آمي بتلبسه : خل عنك عموه دوم تلبس دريسات وكشيخه ومهتمه بجمآلهآ " مطيت عنه الكيسه " يالله انا رايحه عندهآ الغرفة تم هني شوي وبي ذيآب رآح وآنسدح على الشبريه : لآ تتآخرين : آن شاء الله .. خليته يريح شوي ويوم طلعت شفت شمآني وشموس فالممر شمآني تلعب وشموس تطآلعهآ .. رحت صوبها وقعدت اسولف وياها شوي وقلت لها آني خبرت مهره تمر عليها عشان تروح الصآلون ويآهم واستآنست لآنهآ صآرت مآتي وياي كل مآنروح بيت يدي ف تحس انها اشتاقت لقعده البنآت , خليتها مع بنتها ورحت غرفة عموه ودقيت عليها الباب , قالت *تفضل* دخلت وشفتها مبطلة الكبت وتطآلع اللبس اللي جدآمهآ .. آم ذيآب ابتسمت من قلب : هلآ بنيتي : شو تسوين عموه ؟ آم ذيآب : آتفرج على اللي اللبس اي واحد يلايق لي تعرفيني عاد صرت عيوز خلآص : آفآآآآآآآه , آنتي عيوز ؟ مستححيل , عموه لآ تقولين جي جدام آلنآس آنتي ماشاء الله جميلة وللحين تكشخين لآ تقعدين تقولين جي جدام النآس , آم ذيآب : هههه كبرنآ يآ بنتي صرت يدوه الحين خلآص .. : حتى لو صرتي يدوه , ولدي مآبينآديج غير مآمآه وبس مآشي يدوه مآ يدوه آم ذيآب : ههههههه حبيبتي هنوفه .. آنزين خبريني آنتي محتآيه شي ؟ : لآ انا يايبه لج حايه " مديت آيدي " آنآ شريت لج هآللبس وآن شاء الله يعيبج ويكون قيآسج آم ذيآب خذت الكيسه : ويديييه هنوفه عبلتي على نفسج لييش .. : لآ عبآله ولآ شي آنتي بمثآبة آمي وتستآهلين .. آم ذيآب طلعت اللبس وآيد عيبهآ لآنه بعد سآتر كآن لونه كحلي وفيه آلوآن بس وآيد بسيط ويجذب , قآلت آكيد بتلبسه وشكرتني وآيد وخليتها ترتآح ورجعت انا لذيآب ومن دخلت لقيته مغمض عينه , ابتسمت بحب ورحت قعدت صوب الشبريه وحطيت ايدي على لحيته اللي صار يكثفهآ عشاني لآني قلت له آني آحب الريال الملحي .. تنهدت وانا اشوفه رآقد , حبيبي ذياب , البارح لمآ شآفني تعبآنه مآغضت له عين , قعد ويآي ويمشيني ويحآول يسولف وياي وينسيني الالم لين فعلآ نسيت ونمت عنه عقب هو يوم اطمن آني نمت نآم .. وطبعآ قآم لصلآة الفير وعفسه .. خليته ينآم , شغلت المكيف وبندت الليت ولحفته عدل وبسته على راسه وطلعت من الغرفة ونزلت تحت ومن شافوني التوآم على طول نزلوآ ويسولفون ويآي وكل وآحد منهم يترجآني أتصل ف حرمته لين مثلت آني اتويع ف عمي هزبهم ورآحوآ ويلست اضحك واسولف مع عمي , اقضي معاه الوقت يعني , عقب هو صعد عن عموه وانا دقيت بيتنآ ووصيت آمي تخبر روضة تمر علي وهي رايحه القاعه واطمنت عن آحوآلنآ وقالت بتشوفنآ اليوم آن شاء الله .. . . روضة لآ تريقت ولا تغدت وتحس بطنهآ يعورهآ من الخخآطرر مب عارفة شو تسوي وحسن من الصبح يتصل فيها ومآردت عليه .. تحس آنهآ خيفآنه , رغم آن هي كآنت دوم تصلي استخاره حتى بعد مآملجت على حسن لكن بعد تحس انها خيفانه .. خآيفة آن يرجع يعيد فيهآ الزمن القبلي وتعيش مع حسن نفس اللي عاشته مع عبدالرحمن وخآلد .. كآنت وآيد خيفآنه آنهآ تظلم حسن بخوفهآ منه .. تكورت ف الزآوية ويلست تصيح وتدعي من قلب ان حسن يكون فعلآ غير ويصونهآ ويحطهآ ف عينه .. يودت آلآيبآد وشغلت قرآن وحطته على الطآولة ويلست تسمع وعينهآ تدمع عقب شوي شوي بدت تهدآ , رجعت فيهآ آلذآكرة للي صار في يوم ملجتهآ ! * بعد مآوقعت وخلصوآ كل شي دخلوهم الميلس مع بعض وخلوهم آيلسون بروحهم عشآن آذآ في شي خآص يبون يتكلمون عنه , حسن ابتسم بلهفه : مبروك روضة منزلة راسها باحرآج وميودة آيآديهآ بقوة : الله يبارك فيك .. حسن قام ورآح يلس حذالها وحط ايده على ايدهآ وخفف من رصتها وقال : لآ تسوين جي عقب بتعورج آيدج آنتي لابسه خاتم روضة مآتت ف مكآنهآ من الخوف ومن المستحححى , مآرفعت عينهآ عليه اببد قالت بصوت خفيف جدآ : آوك حسن شل ايده لان لآحظ آنهآ ترتجف : آبآ قولج شي مهم .. روضة بعدهآ منزلة رآسهآ : تفضل , حسن حط ايده على ويههآ ورفعه ولفه صوبه : آبآج تطآلعيني وانا اقول السالفة روضة افتشلت , رفعت ايدهآ ونزلت وقالت بآنحرآج : بسمع بدون لآ آشوف . . حسن بجدية : روضة , روضة خآفت وقالت : نعم حسن : ممكن ترفعين ويهج وانا اكلمج , لآ تحسسيني اني حي الله وآحد يآي ويكلمج بموضوع روضة عضت شفايفها عقب لفت صوبه ورفعت عينهآ شوي ومن طآحت عينهآ ف عينه صصخت بهآ الدنيييآ , كآن جمآله هآدي جدآ ومحدد اللحية وكآشخ على الاخير , قلبهآ دق بقوة , خآفت هالمرة صصدق .. خآفت يخذلها , صحيح هي مآيهمهآ الجمآل وآهم شي عندهآ آن هو يصونهآ ومآيعيد الشي اللي سوآه .. بس هالمرة دق قلبها بخوف من الشي اللي بيقوله , حسن ياي بيتكلم رن تلفونه ومن شاف الرقم رفع عينه ووشاف روضة , عقب بطل كف ايدهآ وحط التلفون فيه وقآل : ردي عليهآ روضة حست الدنيآ تدور فيهآ " ردي عليهآ ؟ " مليون سؤآل قآم يدور برآسهآ , منو هآي اللي يتكلم عنهآ حسن لآيكون حبيبته وآجبروه عليها , يتها الصيححةة . . روضة من كثر مآ مصدومة ومب مستوعبة شي , طآح الفون من ايدههآ ولفت الصوب الثاني وخذت نفس عميق تحآول تستوعب اللي قاعد يصير , حسن تنهد ويآب الفون ولف ويههآ ورد بطل كف ايدهآ وقآل .. حسن : كنت أحبهآ .. وكنت آشوف الدنيآ فيهآ , وكنت فعلآ نآوي اتقدم لهآ لكن , روضة يتها الصيحة وقالت بتعب : لكن شووههه يا حسسسن !! حسن تضآيج من نفسه وآيد آنه صآرحهآ ب شي مثل هذا بملجته , ومن كلآمهآ يبين آنهآ خلآص طفرت وفيهآ الصيحة .. حسن : لكن عرفت آنهآ تكلم ربيعي وتحبه .. روضة انصدمت وقالت فخآطرهآ " لهالدرجه في نآس وقحه " ؟ حسن تنهد وكمل كلآمه : دق لي ربيعي مرة وكآن وآيد متضآيج وكنت احاول آني بخفف عليه ب كلآمي وكنت مقرر آني اصارحه آني احب وحده وكنت بقوله كل شي عني وعن حبي لهآ , لكن آنصدمت آنه قآل آنه يحب وحده وقال موآصفآتهآ وقآل كل شي يخصها , و ظهرت هيه نفسها و قررت آخليهآ لربيعي .. مآبآ آخسر ربيعي اللي وياي من ايام الطفولة عشآن وحده مثل نورة .. انا مثل مآ آنتي ف خآطري من البدآية وتقدمت لج بدون لف ودورآن , بعد ابا ابدآ حيآتي ويآج بدون لف ودورآن وبدون مشآكل واباج تعرفين كل شي عني عشان تكونين بالصورة وعشان لآ تفكرين آني ممكن آني اخذلج ف يوم من آلآيآم .. آنآ آدري آن تجآربج السآبقة السيئه خلتج تآخذين فكرة عني ويمكن آنتي مآتقبلتيني لآني آكبر عنج ب 7 سنين .. لكن شكرآ لآنج عطيتيني وعطيتي نفسج فرصه .. أنا قلت لهآ اني شفت حيآتي مع غيرهآ وآني آعرف انها تحب ربيعي عشان جي خليتها لكنهآ مب راضية تقتنع عشآن جي اباج آنتي تكونين ويآي وتكلمينهآ وتبدين كل شي انا بديت فيه بغباء فيوم من الايآم . . روضة فهالوقت كبر حسن ف عينهآ وآيد , ويبين آنه فعلآ يبآ يبدآ ويآهآ بدآية زينه , كآنت يآيه بتتكلم وتعلق على الكلآم اللي قاله بس , قآطعهآ صوت التلفون وهو يرن مرة ثانية من نفس الرقم *نورة* تمت تطآلعه وهو يرن آول رنتين عقب ردت . . روضة : آلوه ؟ نورة : آلوه .. " قالت بنرفزه " آنتي منو ؟ روضة : آننننآ .. حسن يطآلع روضة اللي سكتت شوي عقب قالت , روضة : انا مرت حسن .. نورة بآسلوب مستفز : مسرع مآعرس , روضة تنرفزت من نبرة صوتها وقالت : عرس مآ عرس , آنتي مآلج خص فيه فآهمه ولآلآ , وآن رجعتي آتصلتي فيه مرة ثآنية بتشوففييين .. نورة بآستهزآء : والله على هالهيبه كلهآ آخرتها مآشي مريله ؟ يخلي حرمته تكلمني عشان تنهي الشي اللي هو بدآ فيه , روضة عصبت : اذا هو مآفيه ذرة مريله آنتي مآفيج ذرة آنوثه , آنتي اصلا لو عندج كرآمه جآن مآلحقتي الريال وانتي تعرفين آنه بيعرس , يآ خرآبة البيوت يا سراقة الريايل , يا عديمة الشششرف , احلف يمين الله ومآعآد آكررهآ , لو رجعتي اتصلتي على هالرقمم بخلي اخوآني يطلعون بيت آهلج من تحت الارض والله هاا .. وبشرفي لآ آي لين بيتج وافضحج جدآم اللي يسسوى واللي مآيسوى , اتقي شري احسن لج , تراني تربية علي محمد مب حي الله وآحد , وآبد آبد آبد لآ تفكري تين عرسي آو تخربين زوآجي من حسن .. ولو لمحت طيفج فالعرس .. شوفي وقتها شو بسوي فيج جدآم الحضور كلهم " رقعت الخط ف ويههآ ولفت صوب حسن وحطت التلفون ف حضنه " حبيبتك المصون آن رجعت اتصلت خبرني عشان صدق انفذ حلفآني وقتها !! حسن يهديهآ : ممكن تهدين اعصابج روضة : قسم بالله تنرفز آنت كيف تحب آنسآنه مثل هآي ! حسن تنهد : اللي صار صآر روضة بفضول : ندمآن آنك خليتها لربيعك ؟ حسن ابتسم : لآ , لآني لقيت اللي آحسن منهآ روضة انحرجت وحسن ياي بيتكلم وبيكمل كلآمه لكن دخل عبدالله . . عبدالله يطآلع الوقت : جنكم بطيتوآ , حسن : لآ مآبطينآ آطلع برع , في اشياء مهمه ابا اقولهآ عبدالله : هآ النسيب من آولهآ , آحبج ومآدري شوووه روضة بتموت من كلآمهم صرخت بآنحرآج : عن السخافففه آنت وهو " طلعت عنهم وهي مسرعه خطوآتهآ وعلى طول رآحت عند البنآت " * روضة تنهدت : مااباااااههه خلآصصصص . . . . آمآ عند اللي قآعدين تحت - امهآ وآبوهآ ومآيد وموزة وعبدالله ومثآيل – رن تلفون البيت وقآمت آمهم وردت . . آم مآيد : آلوه حسن : السلآم عليج عموه آم مآيد : آوه حسن وليدي شخبارك ؟ وشخبار اهلك كلهم عساهم طيبين ؟ حسن : آلحمدآلله كلنآ بخير , آنتي شخبارج وشخبار عمي وعبدالله ومايد والاهل آم مآيد : وآلله كلهم بخير وسهآلة , غريبة فديتك متصل على البيت ؟ حسن : بصرآحه عموه روضة مآترد علي من مساعه اتصل فيها وقاعد آحآتيهآ , آم مآيد تنهدت : شقولك يآ وليدي , بصرآحه هي مآفيهآ شي لكن معآنده فالكل ومآدري شو صايبنهآ , لآ تريقت ولآ تغدت , تعرف دلع العرايس .. حسن : ههههه هي والله انهم يدلعن بزيآدة , خلآص مب مشكلة برجع آتصل فيهآ , آم مآيد : آوك , نشوفكم الليله على خير حسن : آن شاء الله , مع السلآمة آم مآيد : بحفظه يالغالي *وبندت* حسن حرق تلفون روضة عقب طرش لها مسج " آحسن لج تردي " روضة من شافت المسج خآفت لآ يعصب عليها آو شي ثاني يصير .. ف من رجع يتصل على طول ردت وتمت سآكته , كآنت ترتجف , مآتعرف ليش تحس انها صح تتقبله لكن وآيد وآيد وآيد تخآف منه , حسن تنهد : الله يهديج ليش مآتردين , ليش تخليني آحآتيج ؟ روضة برجفه : آآننآآ بخخ..ير حسن : آكيد تحسبتيني معصب من جي رديتي روضة سكتت وكآنهآ تجآوبه ب – هيه – حسن : شحقه مآكلتي لج شي، هي عقب فليل قوليلي يوعآنه , ولآ ايب لج شي تآكلينه روضة بخوف وهي مب متقبله فكرة آنهآ بتعيش معآه , قآلت بحزن : خل نآجل العرس انا ماقادره اسوي شي حسن : روضة .. استغفري ربج وعيني من الله خير انا من متى آتريآج , يكفي صابر سنه ويوم مرت الايام ببرود تقوليلي والله نآجل العرس , لآ سمحيلي بصرآححه .. روضة عينهآ بدت تدمع من الخوف , غمضت عينهآ وعضت شفايفها عشان لا تبدآ تصيييح , حسن : خلآص مآبطول عليج الحين حبيت اطمن عليج , أخليج الحين .. اشوفج بليل , مع السلآمة روضة بصوت مليآن بحه خوف : فحفظ الله " وبندت على طول " . . سلآمة : مآمآه شو رآيج ؟ غاية تشوف حنآهآ : يآ سلآلآلآممم , بتروحين عرس خآلوه روضة ؟ سلآمة تهز راسهآ ب هيه : بس ما وداني بابا اخذ فستآن حمدآن متسآند ومغمض عينه : بابا البسي اي شي انا مصدع مب متفيج ارجع اطلعج غاية : حمدآن شوفيك ؟ حمدآن : احس بصصصدآعع .. غاية قآمت ويابت له حبة بندول ويابت له كوب ماي وشربه : بتوديني الصالون عقب انا وسلآمة , ولآ آدق لمهره ؟ حمدآن : روحي معاهم آحس مأفيني حيل غاية : آنزين " يودت تلفونهآ ودقت على مهره مآردت عليهآ , دقت على لطوف " اهلآ بآختي الجميلة لطيفة : هههه آهلين وسهلييين , وينج آنتي ؟ لآيكون مآبتيين عرس روضة ؟ غاية : لآلآلآ يت انا فالامارات , بس بروح بآجر فليل , يعني اليوم بحضر عرس روضة وبآجر بيلس وياكم شوي عقب بروح , لطيفة : هي زييين .. غاية : آقول لطوف لما بتروحون الصالون مروآ علي انا وسلآمة بنروح معآكم .. لطيفة : آنزيين من عينيآ يختتتي , شفيه ريلج ؟ غآية : مصدع تعبآن مآيقدر يودينآ , حتى سلآمة متغصصه مآشرينآ لهآ فستآن لطيفة : حرآآآآآآآم علييييييييييييج , ليش مآشريتي لها *قالت بصوت خفيف* لآيكون جي تسوي فيها لآن هي بنت حمدآن ؟ غاية : هههههههههههه لآ لطوف عاد انا مب حقيرة جي , وبعدين بخبرج شي اليوم فالصالون , المهم لطيفة : لآلآ انا مارضى جي تسوين بالياهله الصراحه , فآي فندق آنتي ؟ غاية : ففندق *** .. لطيفة : خلآص بخلي دريول بيتنآ يمر علي وعليج الساعة 3 أنزين .. شوفي أول شي بنروح المول بناخذ شي لسلآمي عقب بنروح الصآلون آنزين . . غآية : فديتج لطوف , انزين وعيالج شو بنسوي فيهم ؟ لطيفة : مآعليه بخليهم عند ظآهر بحآول آن مآنتآخر , بخليهم يخلصوني بسرعه , غاية : آوكيه .. لطيفة : بصرآحه مآلي خآطر آتمكيج , ف بسوي شعري بس وآنتي ؟ غاية : هي بسوي شعري وشعر سلآمة عقب بتمكيج بروحي سلآمه صرخت : انا بعد ابا شوي روج غاية : آنزين ماماه بسويلج " تكلم لطوف " لطوف سوي لج مكيآج خفيف حرآم روضة يعني جي تشوفج مب كاشخه . . لطيفة : غاية انتي تعرفين آني مآحب اسوي مكيآج ومآحب هالخرآبيط يآدوب عندي الاساسيات ومسكرة وجحآل وآروآج خفيفه , اما سوالف ايشدو وبلشر وهالخربطآن ترآني مآستخدمهآ , حتى الحين لمآ صرت آم عيآل مآحب اسوي جحآل وجي احب اكون طبيعية وخلآص .. غاية : شو رآيج آنزين انا امكيجج ؟ لطيفة : مب من صدقج صح ؟ غاية : هههههههههههه قسم بالله امكيّج زيين لطيفة : لآلآ مآبيع عمري لج غاية : والله لطوف امانه بس مرة جربيني وبعدين انا اعرف لهالشغلآت , ومنهآ بخبرج سوآلف محتآجه آخليج تعرفينهآ لطيفة تنهدت : سترك يارب , انزين غآية بس هالمممرة , وبعدين بنتمكيج ف شقتي لان بصراحه ماقدر اودر عيالي جي وقت طويل غاية : آنزين مب مشكلة اللي تآمرين فيه عيل بشل مكيآجي وبحطه ف شنطتي , الساعه 2 وربع الحين يلآ بندي خليني اروح اسبح واسبح سلآمي عشان نلبس وجي ونروح نشوف لها لبس عقب الصالون .. لطيفة : آنزين يالله الحين بدق لسهول وبخبره يطرش الدريول , غاية : خلآص تمآم , يوم بتوصلين خبريني , يآلله مع السلآمة لطيفة : فحفظ الله *وبندت* غآية رآحت وسبحت سلآمة ولبستها بنطلون وقميص وخلتها يالسه مع حمدآن ورآحت هي سبحت وكل شي ومالحقت تنشف شعرها يلست تفر كل شي مال سرعه سرعه ف الشنطه لآن لطيفة دقت لهآ آول مآطلعت من السبوح وقالت لها آنهآ تحت , ف حطت كل شي تحتآجه من مكيآج ولبست عبايتها وشيلتها وطلعت لحمدآن . . . حمدآن طلع بوكه وعطآهآ بيزآت : تبين زيآدة ؟ غاية : لآ يكفي وزود , مآبنتآخر ان شاء الله بنروح نشوف لبس لسلآمي عقب بنروح الصالون وعلى طول بنرجع , لكن آول بنرجع شقه لطيفة عشان امكيجهآ وبمكيج سلآمي هنآك عشان من ارجع افضى لنفسي .. حمدان ابتسم : يآلله ديري بالج على نفسج وعليهآ غاية : آن شاء الله .. نزلت غآية وسلآمة ورآحت مع لطيفة , آول شي رآحوآ المول وآختآروآ لهآ فستآن منفوش وسلآمة تخبلت عليه وخذوآ لهآ نعآل تلآيق على الفستآن, عقب على طول رآحوآ آلصآلون وسوآ شعورهم , لطيفة خلتهم يسون لهآ تسريحه بسيطة يعني كل شي يكون ملموم على ورى , آمآ غاية خلتهم يسون لسلآمة كل شعرهآ كيرلي وينزلون قصتها آمآ هي خلتهم يسشورون شعرهم ورآوتهم صورة بالفون ونفذوها وضبطت وطلعت وآيد كيوت عليهآ وطلبت منهم يقصون قصتها وقصوهآ مثل مآهي تباها عقب طلعوآ ورآحوآ شقة لطيفة وطبعآ ظآهر كآن طآلع لآن لطيفة قالت له آن غاية بتي وجي ف مب حلوة .. وآول مآوصلوآ الشقه وفصخوآ عبيهم .. سلآمة قعدت تشوف عيال لطيفة وطآيرة من الونآسه عليهم آمآ غاية خلت لطيفة ترد رآسهآ شوي على ورى وبدت تسوي لها مكيآج .. لطيفة : آدري مآتبيني اتكلم عشان لآ اخرب المكياج بس خبريني شو كنتي تبين تقولين ؟ غآية : سلامة بنتي لطيفة : هي يعني جي تعتبرينهآ بنتج , والله صرآحه زين تسوين فيهآ .. غاية نزلت لمستوى اذن لطيفة وقالت : لطيفة ترى سلآمة بنتي من لحمي ودمي مب بنت حمدآن بس ! لطيفة بطلت عينهآ بصصصدمه : بذذمممتتتتج !!! غآية : وآلله , يدوه ويدي ويوسف ومهره وآلهنوف يعرفون , بس الباقين مآيعرفون ف اليوم قلت بخبرج عشان احطج بالصورة , لطيفة : قسم بالله ي غايوه اذا كنتي تمزحين ويآي تررىىى..... غآية : وآلله العظيم وبذمتي , آن سلآمة هي بنتي يا لطيفة , آلمهم السالفة طويلة ودآم كل شي انحل تقبلي الموضوع وخليه بيني وبينج وانا بقولهم آن سلآمة تعودت تنآديني مآمآ وجي وخلاص كل شي تمام , لطيفة : مآعليه آكيد حمدآن بيتصل بعد شوي وبيخليج ترجعين لكن قبل لآ تسافرين لآزم اعرف كل شي غاية : بخبرج كل شي بس لآ تخبرين آمي آو آي حد , وعديني لطيفة بآبتسآمة جميلة جدآ : وعد , ويالله لآ تلعبين ف ويهي بزيآدة .. مكيجتهآ على الخفيف وعقب رسمه عينهآ رسمة خفيفه وآييييد , وسوت لهآ روج مثل السكن كلر خفيف وفآتح , غاية ابتسمت بحب : خلصصصت لطيفة وقفت ورآحت شافت شكلهآ وصرخت بصدمه : وآآآآآآآآآآآآآآآآآآآآآآآآآآآآآآآآآآآآآآآو غاية : ههههههههههه شفتتتتي كككيففف !! لطيفة : والله شكرآ وآيد يآخي , حبيييته , عقب علميني خليني جي " وغمزت لها " غاية : ههههههههههههههههههههههه حمآره , آنزين بعلمج عقققققب , يآلله صآر لآزم اروح بمكيج سلآمي بالبيت ماشي وقت طآعي كم الساعه صارت ؟ لطيفة بطلت عينهآ بصدمة : الساعه 5 ونص , آويييه الوقت وآيد يمر سرعه غاية : هي , يالله دقي ل آلدريول خليه آي لطيفة دقت عليه ويآ وقال لهم انهم تحت غاية ودعت لطيفة وقالت لها ان بيتشآوفون بالعرس ف خذت مكيآجهآ وشلت بنتها والفستآن مآل بنتهآ ونزلت تحت ووصلهآ السوآق آلفندق ورجع , نزلت وصعدت غرفتهم ودخلت لقت حمدآن يطآلع التلفزيون , ابتسمت بحب , غاية بحمآس : نحن رجععععنننآ سلآمي تصآرخ بونآسسه : هيييي حمدآن ابتسم : آسسسفرت وآنوووورتتتت .. تعآلي بابا خليني اشوفج سلآمي ركضت صوب ابوهآ ومن شاف شعرهآ استآنس مغير من شكلهآ , حمدآن : مححلوة الحححب . . . سلآمي اونها استحت , غاية : حبيبي سلآمي تعالي خليني اخلصج عشان بروح اتعدل حمدآن عوآ راسه : وآنآ مآشوف حبيبي شو مسوي ف شعره ؟ غاية ابتسمت : بتشوف حيآتي بس خلني اخلص آول حمدآن : زين آتريآج , غآية : آوك غاية دخلت الغرفة ولبست سلآمي الفستآن وطلعت لهآ جوتيهآ ولبستهآ عقب قعدتها ورسمت عينهآ من الطرف وسوت لهآ روج آحمر خفيف وباستها وعطرتها وحطت لهآ دهن عود , وخلتها تعطيهآ ظهرهآ عقب عدلت شعرهآ من الاطراف *سوت فيه حركة* عقب خلتهآ تطلع عند حمدآن وقفلت الباب ولبست فستآنهآ وكعبهآ ويلست تسوي لهآ مكيآج .. سوت لهآ مكيآج فضي خفيف بلمعه ورسمت عينهآ رسمة عريضة , وسوت ببلشر وسوت روج بنفسجي لآ آنه فآتح ولآ غآمج , رآحت صوب البآب وبطلته وعلى طول لقت حمدآن ف ويههآ رجعت على ورى بخوف وهو من شآفهآ آنبهررر .. طآلعهآ بحب وكآنه آول مرة يشوفهآ , حمدآن دخل وسكر الباب ويلس يشوفهآ من فوق لتحت , قرب صوبها وحط ايده على راسها وقعد يقرا عليها المعوذات وجي , عقب يوم رد دقق فالفستآن قآل حمدآن : ليش هالطرة ؟ غاية ببراءه : كآنت بالفستآن ! حمدآن : سبحآن الله وآنتي مآشفتي الفستآن قبل ما تشترينه غاية : بلآ شفته وعيبني وآيد وآلله , الله يخليك بس اليوم وعد مآلبس جي جدام آلنآس مرة ثانية حمدان : ترآج قلتي وععد غاية : هي وعد , حمدان ابتسم : أنزين غمضي عينج شوي , غاية بفضول : ليش حمدان : غمضي لآ تخليني انا اغطي واخرب مكياجج غاية بخوف آن مكيآجهآ يخترب وتعيده من آول ويديد : لآلآلآ خلاص وعد اغمض ومآفتح الا لمآ تقول بنفسك " غمضت عينهآ " حمدآن رآح آلكبت وطلع البوكس الصغير وطلع العقد ورآح صوبها وحطه على رقبتهآ , ومن حست شي على رقبتها ابتسمت , سكره لهآ عقب قالهآ , حمدآن : آلحين بطلي عيونج .. غاية بطلت عيونهآ ويودت ايدهآ ومشت هي وياه لين المرآيه ومن شافت العقد يتها الصيحه من الونآسة , لفت صوبه وحضنته بقوة غآية : كيف تعرف آني احب اللولو ؟ حمدان بآدلهآ الحضن وقال بحب : شارنه لج قبل لآ تولدين وقبل لآ نفترق بس مآقدرت اعطيج آيآه !! غاية خآزت عنه وباسته على راسه : شكرآ يآ ابوي وكلي انت , حمدان ابتسم : ربي يخليج لي غاية : ولآ يحرمننني مننننك ! . . غآلية كآنت يآلسه على الكرسي آلهزآز ويوسف من دخل الغرفة وهو يبا يشوف مكياجها اللي سوه لها بس هي مب راضيه , ف هو يا وقلبهآ وبآقي شوي ويعقهآ على الارض وكل مآتقول أنها مأبترآويه ينزله آكثر ! غآلية مغطيه ويههآ : مآبآ مآبآ هالغبية مآسوته لي زين مآبرآوييييك يوسف : ترى بعققققججج غالية بخوف أنها تطيح : لآلآلآ يوسف الله يخليييك يوسف : يالله عيل رآويني !! غآلية : لآلآلآلآ مب عآيبني دفشششش مسويه لي لمعه فوق عيني *ضربتها الغبنه* أوف منهآ مغبآهآ اقولهآ مآحب هالاشياء مآتسمع مني . . . يوسف نزل الكرسي اكثر ومن خوفهآ تبا تيوده لكن مآقدرت ف تعلقت ف رقبته ومن شاف شكلهآ ابتسم بحب ,, غالية وقفت على طول وسحبت ايدهآ من رقبته بآنحرآج : حمآر قسم بالله " رآحت وشلت مزيل المكياج ورآحت الحمام *عزكم الله* وتمت هنآك ويلست تعدل ألمكياج بروحهآ ومسحت تعديل حوآجبهآ وعدلته بروحهآ عقب طلعت " آلحين شوي راضيه عنه آنت شرآيك ؟ يوسف يطآلعهآ : قربي خليني اشوف غالية قربت وحطت ويههآ مرة مجآبل ويه بينهم شعره : آلحين ؟ يوسف باسها على خشمهآ : فديت اللي يجنون غالية سحبت ويههآ على طول : يوووووووووووووسف يوسف حضنهآ : حبيبي لآ تتعدلين أكثر من جي اخاف يصكونج بعين ! غالية بآنحرآج : آن شاء الله .. . . سيف قآم من النوم وتغسل وصلى وعلى طول طلع وتم يدور منآر , لقآهآ متكورة وحآضنه نفسهآ : حبيبي شوفيج ؟ منآر مآردت عليييه .. سيف رآح صوبهآ وحضنهآ : شومضيج بج ؟ منآر صآحت : سيف بيخرب بينآ هذذآآآآ سيف بصدمة : منآر " خوز ويههآ من حضنهآ ورفعه من شاف دموعهآ تخبل وكل مآيمسح تنزل دمعه يديده " منو هذآ اللي بيخرب بينآ ؟ منآر نزلت رآسهآ مآتبآ تقول منو . . سيف : لآ تحرقيلي قلبي , خوفتيني ترآآجج !! منآر رفعت راسها ودموع آطيح وفتحت المسجآت ورآوته , وسيف قعد يقرا وكل ساعه تنرص ايده على الفون , منآر آيآم الثآنوية , حبت وآحد وهي كآنت مخبرتنه كل شي جذب عنهآ بس هو يعرف ان ابوهآ معروف وجي وعندهم حلآل لكن مآيعرف هي بنت منو بالضبط , والحين بعد مآعرف عنها كل شي وعرف انها متزوجه سيف قرر ينتقم منهآ مع آن هو اللي تخلى عنهآ وبس كان يحبهآ عشان فلوسهآ لآ آكثر ولآ اقل .. سيف من القهر بطل تلفونهآ وفر البطآرية والتلفون وقال بعصبيه : ليش انا ماعرف عنه ؟ منآر عضت شفايفها : لآنه مآضي سيئ سيف زعق : حتتتتى ولوووو انا خببببرتتتتججج كل شييي عنننننننييي " قآم وياي بيروح " منآر صرخخت : هو مآحبنننني هو حبب فلووسسسسسيييي سيف بعصبيه : آنتي كل حد يحبج قلتي له هالكلممممتييين !!!!! منآر صآحت من رده فعل سيف ورآحت الغرفة وقفلت على نفسهآ الباب وخلته بروحه فالصآله .. وكآنت تصيح بشهقآت عآلية دقت على طريفة وهي جي ميته وقالت لها تي تاخذهآ وطريفة من سمعت حس منآر وهي قلبهآ متوقف , على طول راحت ومن دقت جرس الشقة فتح لها سيف ومن شافها رحب فيها , طريفة رآحت صوب غرفة منآر ويلست تدققق . . طريفة بخوف : منآر انا طروف بطلي لي الباب منآر تسكر الشنطة وهي ميته صيآح ولبست عبايتها وشيلتها وبطلت الباب وعلى طول طلعت ونزلت تحت . . طريفة مصدومة : شو صآير بينكم ؟ سيف تنهد وتم سآكت طريفه : سيف سير كلمهآ شو هاي الخبله يالسه تسوي ف نفسهآ ؟؟؟ سيف : خليهآ تروح عندكم وترتآح انا بعد ابا ارتآح شوي , طريفة تنهدت وعلى طول نزلت . . وراحت هي واختها بيت ابوهم اما سيف قفل على نفسه الباب ويلس ف الصاله يفكر .. رد ركب تلفون منآر ورقمهآ الجديم وقعد يتعبل بالتلفون لين قدر يطلع كل المسجآت القديمه *قدر يطلعهآ لآن اصلآ تخصصه كآن آيتي* ولمآ قرآ انه فعلآ آن اللي كآن يحب منآر قبل كآن يحبهآ عشان فلوسهآ وآنه الحين بس يبا يفرق بينهآ وبين سيف .. تم يقرا المسجآت وعلى طول وصلهآ مسجين .. وآحد من الهنوف ووآحد من رقم غريب , الهنوف " منآرو , ترى اليوم عرس رواضي وطرشنآ لج بطآقة , يآويلج لو مآيتي " رقم الغريب " هههههههه يحليلج .. هذا وانا ماسويت شي بعدي طلعتي من بيته عيل كيف عقب ؟ " صدق صدق سيف تنرفز , سبح وبدل ثيابه ورآح طلع منو صاحب هالرقم وعرف عنوآنه وكل شي يخصه وطرش له مسج فيه تهديد طويل وتوعيد آن لو قرب من منآر مآيلوم الا نفسه عقب من الضيجه اللي فيه رآح لآمه ولقى بنآتهآ ويآهآ سلم على امه وقعد .. آلكآدي : غريبة سيف ياي لا وبعد متقبل وجودنآ ولآ طلب منآ نروح من هني ؟ نور : يآخي خلآص آسكتي دآم رضى يقعد معانا والله هداه ليش جي تسببين مشاكل وتستفزينه .. سيف بنرفزه : ممكن تسكتون !! آم سيف : شوفيك يآ وليدي ؟ سيف : آنتي تعرفين آني مآحب اكلمهم ولآ ابا اشوفهم , يعني عن عمد الحين يايبتنهم ايلسون ويآج ؟ ديم : عيل وين حرمتك ليش مب يايه ويآك ؟ سيف لف على آمه وهو راص على اسنآنه وفعلآ معصب : سكتي بنتج لآ آقوم آعطيهآ كفففففف ينسيهآ آسمهآآ ديم خآفت وسكتت .. نور بهدوء : سيف ممكن اسال سؤال ؟ سيف حآقرنهآ .. نور : آنت ليش مب راضي تتقبلنآ ؟ يعني نحن دآيمآ نتمنى آن يكون عندنآ آخو كبير .. يعني العيب منك ولآ من منآر ولآ منآ ؟ سيف لف عليهآ : آنتي منو أصلآ ؟ نور ابتسمت : آنآ نور .. سيف تذكر منآر لمآ قالت " همممممممممم نور ياخي آجملهممممم جي طآلعه عليييك أحححب اقعععععد معآهآ , احسني اشوفها فييييك .. يآخي سيف آمآنه مررررة بسس دققق في ملآمحهههآآ .. ياخي والله لو كنت ريآل كنت بتزوجهآ و قسم انها وايد فله " ابتسم لآ آرآديآ في ويههآ وهو يتذكر كلآم منآر عنهآ . . نور مصدومة : سيف شوفيك ؟ سيف : ومنو آلكآدي ومنو ديم ؟ نور بونآسه : كيف تعرف آسآميهم !! آلكآدي : آنآ آلكآدي " وتاشر على ديم " وهذي دييم .. سيف يتذكر كلآم حبيبه قلبه عنهم " همممممممممم كآديي عنييييدهه وآيييد اللي مآينفذ لهآ طلبب تزعل وآييييد , واذا حد زعلهآ ويباها تراضيه مآبترآضيييه يعني شوي صعبه المزآج لكنهآ بعد تدخل القلب بسوآلفهآ وضحكهآ , وماشاء الله شعرها الطويل يجنن .. صح مآتآخذ منك ولآ شي لكن بعد آحبببهآآ , آحس اذا حد جي تقرب منهآ وآيد .. بتصير آحسن وبتتغير شوي , ف عشان جي الله يخليك تقرب من خوآآتتتتك " لف على ديم وشافهآ " ديييم .. ديم يآخي ملآمح وحده هنديه *تفتح عينهآ* لآيكون آمك هندية وعشمتني فيك هههههههههه آمزح , *صرخت* سييييييييف يعوووووووور يآ حمآر لآ تفصصصني , آنزين خل اخبرك , ديم قويه وآيد مآتسكت عن حقققهآآآ .. وهي دوم تتخبر عنك لمآ اروح بيت آهلك واسلم عليهم , صح البنآت يقعدون ويآي وجي لكن آحس آمك تسولف وياي بالدز كآنهآ مب متقبلتني .. مدري كيف , سيف ترى خوآتك محتآجينك , لين راسك عليهم ترا والله هم يحبونك رغم انهم مآشآفوك وآيد ولآ قعدوآ ويآك " الكآدي : آمي ولدج تخبل أم سيف تهز ريل سيف : سيفو , شوفيك جيه تخبلت تخلي خواتك يتكلمون عليك ؟ سيف تنهد : آمي كلهم لفوآ بآهتمآم صوبه .. سيف ببرود : انا يوعآن نور : هههههههههههههههههههههههههههههههههههه قسم بالله مثل مآ قآلت مننننآر , آبييه يعني وصفها دقيق ماشاء الله سيف لف بفضول : ليش شو قالت عنننني ؟ ديم : قآلت آننننك حبوب وتدخخل القلب وانك بتسآمحنآ على الذنب اللي مآ آذنبنآ فيه وبتسولف ويانا في يوم من الايام , وقالت عشان نراضيك بطريقة اسرع لازم نسويلك حلويآت حلوة لآن اهم شي عندك بطنك ونآدرآ مآتكون مآيوعآن , كله يوعععآن وتبآ تآكل لكن جسمك ماشاء الله رياضي وجي .. سيف ابتسم , آلكآدي : هههههههههههه لآيكون استحيييت , لآ تصصصدق عمرررك سيف : جب جببب آم سيف ابتسمت لآنه يسولف مع خوآته وعآدي وتغير موده للآحسن شوي : في شي مضيج بك ؟ سيف : لآ آم سيف : عيل وين منآر , ليش مآيآت ويآك ؟ سيف : مآعليه , بتي مرة ثانية آن شاء الله . . آم سيف : زين تم مع خواتك انا بروح اشوف ريلي ورآجعه , سيف سكت وآمه قآمت ورآححت , آلكآدي : نحن نعرف انك مآكنت تكلمنآ عشان امي خذت ابوي لكن الذنب مب ذنبنآ يعني .. ديم : هي الله يخليك سيف جي مر علينآ دوم والله تونسنآ اليوم ممعآك , والمرة اليايه يب معآك منآر , سيف : اصلا انا ماكنت بكلمكم , منآر هي اللي دوم تكلمني عنكم نور : ودوم تكلمنآ عنك وترقق قلبنآ عليك سيف ابتسم : زين .. آلكآدي : سيف الله يخليك يعني طلع ابويه من السالفة ,, وامي هي امك وقت مآتبآ تعال شوفها وتعال شوفنآ نحن بعد المرة اليايه واقعد ويآنآ آكثر وطلعنآ سيف : آهم شي آخر نقطه هههههه نور : ههههههههههههههههههههههههههههههه اهم شي ف حياتها الحواطة , دوده لو مآطلعععت سيف : ليش مآتطلعون ؟ نور : لآ مب وآيد , آحس مآلنآ حآيه بالحوآطططة .. سيف : زين زين , ديم : انزين وين منننآر !! سيف : منآر ف بيت أهلهآ , كلهم فهموهآ على أنها رايحه زيآرة لآهلهآ , المهم قعد سيف يسولف وياهم ويحس انهم صدق حبوبين وتمآمآ مثل مآوصفتهم منآر , عقب يابوله اكل وكلوآ ويآه ووعدهم يمر عليهم ف يوم من الايام عشان يحوطهم , عقب سلم عليهم وطلع ورآح بيت بومنآر , لقى البيت فاضي وماحد فيه استغرب .. دق الجرس وسال الخدامه منو بالبيت وقالت له ان طريفة وسحر ومنار بس .. الباقين محد .. دخل الميلس وطلب من الخدامه تنآدي منآر , اللي نزلت له وهي مورمة ومحمرررة .. أول مآدخلت على طول قرب منهآ وحضنهآ وهمس لهآ .. سيف يبوسهآ على راسها وبهمس : قسم بالله آسسسسففف .. منآر صآحت ورصت على ثيابه : سسسيف سيف يمسح على ظهرهآ : آشش خلآص وعد مآيسويلج شي ولآ عآد يقرب منج مرة ثآنييية منآر تصيح : سيف انا اسسسفففه لآني مآخبببرتتتتك .. سيف يمسح على راسها بحنيه : قلنآ خلآصص .. وحقج علي آني عصبت عليج , منآر قآمت من حضنه ورآحت يابت لها كلينكس ومسحت ويههآ عقب لفت صوبه : انت من وين ياي ؟ سيف قرب منهآ وحط ايده على ويههآ وقال : عينج وآرمه حبي .. منآر تطآلعه : لآني مآوقفت صيآح من مساعه .. سيف مسح اطراف الدمعه اللي ناويه تنزل : خلآص انزين بس صيآح حصل خير منآر : آن شاء الله .. اسفه سيف : وعديني اي شي يصير ممعاج مرة ثانية لآزم تخبريني منآر : وعد بس لآ تعصب مرة ثانية سيف : آن شاء الله .. " طلع تلفونهآ من جيبه وعطآهآ " الهنوف عآزمتنج على عرس اختها منآر : مآلي خآطر اروح سيف : روحي غيري جو بتلآقين ربعج هنآك وبعدين عندي لج بشآرة خير منآر ابتسمت : بشرني .. سيف : كلمت خوآتي اليوم منآر صرخت : جذآآآآآآآآآآب سيف طآلعهآ , ومنآر عضت شفايفها عقب ضحكت على الكلمه اللي طلعت منهآ بعفويه عقب قعدت تسولف مع سيف بس قالت له انها تبا تبات اليوم في بيت ابوهآ ومآتبآ تروح عرس اخت الهنوف ف خلاها على راحتها وقعد معاها شوي عقب رجع الششقة . . . . |
نآًصر مبطل الكبت ويفرر الفسآتين : هذآ مآتلبسين " يفر الثاني " هذآ وآيد عريآن " يفر الثآلث " هذآ شوووه كل ظهرج طآلع لآ ظبيه : هههههههههه نصور تراك وصخت الغرفففة , عقب ماحد غيري بينظف ناصر : لآلآ آنتي من اليوم ورآيح مآتزخين شي خل الخدامه تسويلج كل شي تبينه .. المهم خليني اختار لج لعرس شعشبونه ظبيه : ههههه حليلها آدعي آن تتوفق بزوآجهآ مب جي تقول نآصر : الله يوفقهآ ويسعدهآ والله يرزقنآ هالبيبي على خييير والله آني متشفق على شوفته ظبيه ابتسمت بحب : آن شاء الله بي وبتربيه وبتدلعه مثل مآ آدلع جرآح نآصر : آن شاء الله , هذآ لو جرآح خلآني آزخهآ آو آزخه من الاساس من الحين مشتط ويغار ظبيه : هي والله لآحظت عليه على فكرة , الله يصبرنآ بس .. . . عذآري : هجور تعآلي وياي بتونسيني هآجر : لآ اسسستحي , آحس مآلي حآيه هنآك عذآري : لآ بالعكس بنستآنس جي كلنآ وبعرفج عليهم , مب آحسن من قعدتج مع *خففت صوتهآ وقالت* لجين والباقيات هآجر : ووووع , والله احسن بمليون مرة بس مآدري احس جي كاني رزه فيس عذآري : لآ رزه فيس ولآ شي , تعدلي عقب صلآة العشا بنروح , هآجر : آممم آنزين ووجدآن بنتج عند منو بتم ؟ عذآري : عند حبيبهآ اللي مطلع لهآ طور هآجر : هههههههههههههه حمد ؟ عذآري : ههههههههههههههههههههههههه هي , والله لو تشوفينه شقا متخبل كآنه آول وآحد تييييه بنت , والله انه عجججيب , عآدي تلآقينه وآعي نص الليل ويقومهآ بس عشان يلآعبهآ , والله احس بصدآع يوم تصيح , تعرفين يغصص بها لين تصيح ويفرها علي ويروح ينآم , جد يقهرررر . . حمد يا وهو شال وجدان : عن الحش فيني انا وبنتي عذآري : هههههههههههه ماعاش من يحش بككك , بس اقول شقا متخبل ومخبل بي حمد : انا اخبل فيج مستححيل , آنتي اللي مخبله فيني ومخلتني مآشوف غيرج هآجر تصفر : يآ ويييييييييييل حآلييييييييي آنآآآآه " قالت بصوت عالي " آلله يرزقننننننننننننننننننننني حمد : آيييه آنتي ياللي مآ تستحييين .. هآجر افتشلت يوم تذكرت آن حمد آخوهآ الكبير وآن فشلة جي تقول جدامه على طول ركضت الغرفففففففة . . . عذآري : هههههههههه حرآم عليك جي طفشتها , الحين منو بيقعد معآي ؟ حمد : حمد وكله وبنته وقلبه وياج شو تبين اكثر من جي عذآري بونآسه : مآبآ شي .. مآبآ من الدنيآ سوآ تبقي معي ! حمد ابتسم : آنآ دوم ويآج حيآتي عذآري : آنزين حبيبي لآ تنسى ترى اليوم عرس روضه .. حمد : منو روضة ؟ عذآري : آخت الهنوف , فلآزم نروح حمد : هي آن شاء الله بس مب الحين بنروح شوي متآخر على الساعه 9 جي عذآري : آن شاء الله . . . . خلود : بصرآححه خآلد ابي منك طلب .. خآلد : آمريني خلود : اليوم عرس روضة وخآطري اروح الصآلون , صح آني بروح جي العرس متآخر لكن مهمآ كآن ترى روضة ربيعتي وابا اكشخ بعرسهآ .. خآلد : آممم مآتقدرين تروحين مع بشاير ؟ خلود : لآ بشاير راحت وخلصت ومن متى يايه البيت .. خآلد : خلآص من عيوني بوديج وقت مآتبين تطلعين خبريني خلود : آن شاء الله وبونآسه رآحت تجهز فستآنهآ واغراضها ودخلت تسبح . . خآلد تنهد بضيق " وآلله العظيم يآ روضة آن خلود مآوصلت موآصيلج في قلبي .. ندمآن قد شعر راسي آني خسرتج , الله يسعدج يا قلب خآلد " . . روضة مرت علي ورحنآ القآعه , كنآ وآيد هآديين في السسسيارة , وصلنآ القآعه ونزلنآ ودخلنآ غرفة العروس ولقينآ آن مآل الصآلون وآصلين من متى , 2 سوآ لهآ شعرهآ و2 سوآ لي شعري , طبعآ طلبت منهآ تلمه لي كآمل لآني اعرف زين مآزين لو شافني ذياب فاتحه شعري بيهزبني هزززآب , ويوم خلصوآ بدوآ بمكيآج روضة وسولهآ على كيفهم اما انا مارضيت اخليهم على راحتهم ف رويتهم صورة كآن المكيآج حلو وخفيف لكن بنفس الوقت يجذب ف خليتها تسويلي اياه والحمدالله ضبط , عقب رحت البس فستآني ولمآ رجعت ابتسمت لي روضة بحب . . روضة : يآ عمري يا هنوفو بطنج بآرز بهالفستآن : سكتي لا تيلسين تقولين جي جدام خالوه ام ذياب والله العظيم لو شافتني احس بتضربني روضة : ليش : ماتباني اسوي جي جدام الناس تقول الناس ماتقول كلمه خير .. وبيني وبينج ذيآب وآيد يحآتي هالموضوع يعني من يوم عرف ان احتمال كبير اربي بعملية وهو يوسوس .. روضة : حليله , يحبج من قلب : وانتي ان شاء الله تحبين حسن ويحببج .. آممم روضوه انتي صايحه صح ؟ لآحظت عليج هالشي بالسيارة لكن مآتكلمت روضة تنهد : هي صحت , هنوفو بصرآحه انا وايد خيفآنه وآحسن آني ندمآنه , مادري ليش جي مع آني أكثر من 5 مرات صليت استخاره .. اخاف يكون مثلهم , : لآ تحطين ف بالج جي .. ولآ تظلمينه ويآج يمكن هو صدق يبآج , وبعدين لو سوالج شي بكفخه هو واخته روضة : ههههههه حرآم عليج تروف مآلهآ خصص .. هي بتحضر ؟ : عساس انه لا بس مآدري لو حسن سحبها من شعرهآ ويابها , روضة : تري شويي .. قآمت روضة وحآسبت عن مآل الصآلون عني وعنها وقالت لهم يتريون شوي وطلعنآهم برع الغرفة وساعدتها تلبس الفستآن عقب نادت اللي سوت لها شعرها عشان تلبسها الطرحه وتثبتها عدل ونفذت لها طلبهآ عقب هم روحوآ , وانا يلست مع روضة . . روضة : ليش مب راضية تخبرينآ شوفيج ؟ : ههههههههه مب قصصه جيييهه يآخي عآدي عندي لكن غايوه ومهور جي يقعدون يقولون لي كلآم يخوف " ابتسمت وحطيت ايدي على بطني وقلت " بيب ولد ان شاء الله روضة صرخت بونآسه : بذمتتتتتتتتتتتج . . : ههههههههههههههههههه هي .. ايه يالخبببله لآ تزآعقين جييييههه ترى وآلله لو آمي يات بتذبحج , آقولج آحس آني نآسية شي روضة : همممم وين ذهبج ؟ : شتتتتتتتت نسيتهم بالبيييييييت , بالصصصآله !!! روضة : يا حافظ عليج .. انا يبته , سآعديني يآلله قمت وحطيت الصندوق ف حضنهآ ويلست اطلع شي شي ويلست البسها عقب نبشت ف شنطتي وطلعت دهن عود وحطيت لها ورى اذنهآ وعلى خشمهآ ومسحته .. روضة : تتوقعين النآس متى بتي ؟ بطلت فوني وشفت الساعه : مال 10 دقايق جي او ربع ساعه وبتلآقين النآس بدوآ آيون روضة قامت تتوتر : آنزين وين آمي ليش للحين مآيآت ؟ : يمكن يات بس تحت " فتحت الفون ودقيت لذيآب " آلوه ذيآب : هلآ حبيبي : قلبي لو ماعليك امرر تيب لي ذهبي , نسيته بالصآله وويهت القاعه مع رواض ذيآب : هههه ماشاء الله عليج حد يخلي ذهبه تحت ؟ لو لعبت فيه شمآننني او احمدووه : والله نسيت شسوي , المهم من تي القاعه يببه ذيآب : آوك يوم بوصل هنآك بكلمج , يالله باي : فحفظ الله *وبندت* توني مبنده واشوف الباب ينفتح ويدخلون بنآت عمي كلهم وغالية , والصريخ وحالتهم حاله , آزعجوني وبالقوو صصصرآححه .. شليت بعمري وطلعت من عندهم ونزلت تحت وسلمت على حريم عمومي وظبيوه واللي كانوا يالسين بالاستقبآل , عقب رحت ويلست على الطآولة وتريت لين ذيآب اتصل بي وقآل آنه يآب اغراضي وعلى طول قمت ورحت الغرفة وشفتهم يزآعقون ويضحكون اوف منهم والله العظيم صدآع ببلآش , شليت عبايتي ولبستها ويلست افصمهآ .. لطيفة تغمز : على وين الحححلوووييين !! : هههههه عند ريلي يايب لي غرض مهره : غرض ششوه ؟ : ياربي منكم , نسيت ذهبي وهو يايبنه حقققي مشاعل : لآ تكشفي قدامه خل جي فليل ينصدم من شكلج : لعبآن هو لعبآن , اكيد بكشف جدامممه كله ولآ ذيآآآآببب حبيب قلبيي كلهم هني صفروآ ويلسوآ يستهبلوآ علي على آني قلت *ذيآب حبيب قلبي* شليت الشيلة وطلعت ادري لو تميت عندهم مآبنخلص من هالسآلفة وبيتمون محطين علي , اول مآوصلت عند باب القاعه تغشيت وتميت ادور السيارة بس مآلقيتها عقب شفت سيارة وقفت ف ويهي مرة , ونزل الجامه وعرفت آنه ذيآب ف عطول ركبت وبطلت الغشوة ولفيت صوبه وقلت له بسرعه . . : ذيآب لو ماعليك امر لبسني , مآقدر اطلب من البنآت جي محطين عليي ذيآب فاج عينه ويطآلعني : شهاللبسسس ؟؟؟؟؟ : هههههههههه قسم بالله قلبي كان حآس , والله بس اليييوم ذيآب : هنوففففففففففف : والله والله قريت المعوذات وبيب عموه بعد تقرا عليي ذيآب يطآلعني وهو يحآتي : ولآيكون مبطله شعرج فصخت الشيلة ولفيت : لآ شوفف ذيآب : ححلو .. آنزين يالله , تم يطلع الذهب ويلبسني اياه بشويش , آول شي لبسني الحلق عقب لبسني الاسويرة والساعه , حتى الخآتم مآخلآني البسه بروحي ف لبسني اياه ولما شاف ان لابسه بايدي الثانية دبلتنا ابتسم من قلب , واخر شي لبسني العقد ومآرضآ ينزلني لين قرآ علي المعوذات بنفسه .. مآدري ليش هالكثر يحآتتتي ... : آنزين صار لازم اروحح ذيآب : الله يحفظج ودقيلي لو تعبتي عشان ارجعج البيت : آن شاء الله تغشيت ورجعت نزلت ودخلت القاعه ورحت الغرفة فريت الشيلة والعباية وطلعت شفت غاية و بنوتتها ياين , ابتسمت على شكل سلآمة بالقققو , يا قلبي عليها , من شافتني ركضت لعندي وحضنتني وباستني .. : فدييينآ الحلويييين سلآمة : خآلوه نونآ آنتي وييينننج ؟ : موجوده يا قلب نونا انتتتتي غاية تسلم علي : محلوة هنوفو : فصخي فصخي العباية ورينآ جمآلج غاية : يالله آحس آني بموت اليوم لو شافتني ام حمدان وامي ههههههههههههههههههه يايبه العيييد ف نفسسسييي : ششت , بطلي عبايتج اشوف غاية بطلت عبايتها ومن شفت الفستآن بطلت عيني وهي هزت كتوفهآ بغياض وراحت , أحسن خل تتآدب والله خآطري يشوفونها قليله الادب , حمدآن كيف خلآهآ , عيل انا هاللبس السآتر العآدي بس جي ياي ع الجسم هزبني ذياب وجي يحاتي كيف هاي مسودة الويهه جيه .. رحت وقعدت وياها وبدآ العرس وبدوآ يشغلون آغآني والكل ارتبش , كنت يالسه مع الشلة - ترفة ومريوم وميثا وعليآ وغآية – نوف بعد كانت يايه لكن مآقعدت وياها قعدت مع عمتهآ , ميثآ بحمآس : خلي تروف تولدج امانه ترفة فجت عينهآ : لآلآلآلآ ابوي لا اولدهآ ولا شي تبين يذبحني ذيااااب : هههههههههههههه غاية : ميثوه ليش سرحآنه جيه بالكوشة لآ يكون تخيلتي نفسج مع عمير ؟ ميثا احممممممممرت : آييييييييييه وبعدين حتى لو تخيلته كيفي ريلي : عششششششششششتو ههههههههههه والله وطلع لهم لسسسآن , خل اسجلها بس عشان اسمعه ويستآنس ميثآ : لآلآلآ بذمتج مآتسجلييين . . عليآ تنهدت وقالت : بنآت نسيت اخبركم , في واحد تقدم لي ترفة وغاية بصدمة : شوووه ؟ عليآ : اونكم يعني ماسمعتووآ .. ترفة : ولآيكون وآفقتي عليآ : لآ بس آبوي موآفق عليه ويباه لكني ماباه ميثآ : والله لو عزوز عرف ليقلب الدنيا عليج عليآ : انزين انا شو اسوي خبريني ميثآ طرشت مسج لعزوز " عليآ يآينهآ خطآب وآبوهآ موآفق على الريآل ! " على طول عزوز اتصل ف ميثا وهو صدق صدق معصصصب ويفر كلآم هو مآيثمنه ميثو خوزت الفون عنهآ وعاضه شفايفها وقالت , ميثآ بخوف : عزوز تخبل يالس يسبني ويسب علآيآ : آلله يهديج آكيد خبرتيه عن الخطبه صح ميثآ : هي لآزم يعرف يعني هو يباها غاية : عليوه كلميييه , آنتي اللي كنتي ترفضينه الحين لازم تبررين له , عليآ بخوف : لآ مابا آككلممه ميثآ بخوف فرت الفون : والله العظيم آن آول مرة اشوفففه معصب جي مايخصني كلميييييه عليآ شلت الفون وقامت ورآحت آلآستقبآل وقعدت بخوف ومن رفعت السمآعه على اذنهآ وشافته يتنآزع جييه ويتحرطم خافت ويودت بطنهآ بتوترر , كآنت تسمعه وهو يسب ويتنآزع ويتشرهه ويقول كلآم جد غير مآدري كيف آوصفه ! عليآ بخوف : عبدالعزيز عزوز بعده معصب : خير ميثثثآ خيييير , يعني فووووققق مآ آنهههآآآ ترفضضضني يايه بببرود تقوليلي آن ياييينهآ خطططآب !! عليآ قالت بهدوء ممزوج بتوتر : أنأ عليآ مب ميثآ , عزوز صصخ .. عليآ : آنآ آدري آنك يمكن كنت فآهمني غلط وكنت تتحسب آني كل مرة اتعلث فيهآ بآمي لكن صدقني هالشي الوحيد اللي اشوفه قدآمي , آخوآني مآيهتمون بآمي لآن عندهم آمهم وعندهم حيآتهم الخاصه وآنآ مآبآ افر امي علييهم , آمي مريضضه وآيد ومآتقدر تتكلم ولآ تقدر تعبر عن اللي بدآخلهآ من جي كنت ارفضك , انا اعرف اذا طلعت من البيت وخليت امي ورآي آن بيصير شي جآيد لهآ من ورى عيال ابوي .. هالسبب الوحيد اللي خلآني من هاك اليوم لليوم ارفضك , واذا انت معصب عن الخطاب ترى انا بس خبرت البنآت عن اللي عرفته , انا ماباه لكن ابوي موافق عليه . . عزوز : يعني ابوج لو موآفق عليه آنتي بتمشين على كلآم ابوج ؟ عليآ تمت سسسسسآكتتتتههه .. عزوز : كنت لآزم اعرف .. انج من البدآية بتتخلين " بند التلفون ف ويههآ وغلقه " عليآ رجعت تتصل فيه ويطلع لها مغلق , يأست ودخلت داخل وفرت الفون على ميثآ وتنهد بضيج , كآنت فيها صيحه من الخخآطر مب عارفة شو تسوي .. هي عمرها مآطلعت عن شور ابوهآ ويكفي انه وآفق يخليها تسافر والحين .. جي عزوز سمعها كلام ومعصب من خآطره لا وبعد فوق ها غالق تلفونه ؟ هني صدق صدق قعدت تحآتيييه .. يآبوآ العشا وبعده بشوي بندوآ ليتآت القآعه ونزلت روضة , كآنت خيفآنه ويبين هالشي من ابتسآمتهآ .. ساعدتها موزة مرت مآيد ومثايل عشان مآتتخرطف بالفستآن ومن يلست على الكوشة , وعاد من يلست غاية ومهره تخبلوآ بالققو ورآحوآ ويلسوآ يرقصون وشوي وشآركتهم لطيييفة , بس والله صدمتني غاية , مآتوقعت آنهآ تعرف ترقص , عقبهآ ف نص رقصهم اللي مآوقفوه يمكن حوآلي سآعه قآلت الحرمة مآل الدي جي ان الريال واهل العروس بيدخلون اللي تبا تتغطى , اتغطيت كآمممل وماطلعت ولآ شعره مني , صح اللي بيدخلون آهلي لكن بعد ريل روضة يعتبر غريب عني وحرآم يشوف اي شي مني .. المهم آول مآصعد باسها وبارك لها وسلموآ عليهآ آخوآني وعبود ميت ضحك على روضة وشكلههآ وهي معصصصبه منه , حسبي الله على عدوه خرب برستيجهآ المهم عقب طلعوهم المعآريس للغرفة عشان المصورة تصورهم برآحتهم وكل مآتختآر حركة روضة ترفضها لكن حسن آصر عليها وهي بتموووت .. روضة مفتشلة : حسن خلآصص .. حسن : لآلآ صورينآ ببععععد روضة مآتت وبلعت ريجهآ وتمت سآكتتته .. عقب حسن طلع وخلآ روضة براحتها عشان نساعدها تفصخ الفستآن وتبدل ثيابها وتسلم على آهلهآ وعلى طول تروح ويآه المطآر , سلمت عليهم كلهم ويوم يا الدور علي , حآسبت لا تضربني على بطني وحضنتني من طرف بقوة ودمعت وقالت , روضة : اذا خفت هناك بتصل فيج : حتى لو كآن الفير اتصلي روضة : آن شاء الله واذا ولدتي وانا ماحد خبريني شو بتسمينه همست لها : بنسميه محمد على يدي , روضة رصت ف حضنهآ : الله يخليج له , وآدعيلي مآوصيج : من عيوني غاية بطفره : مآبسسس !!!! روضة قامت ومسحت دمعتها بسرعه وسلمت على بشاير واللي تعزهم وعلى طول طلعت وراحت مع حسن .. آمآ عن اللي تموا للحين بالعرس ف روحوآ , اما البنآت *معظم بنآت عمي* تخبلوآ وطلبوآ من الدي جي ترجع تفتح الاغاني وفتحت لهم ويلسوآ يرقصون ويستهبلون ويتصصورون واللي تنسدح على الكوشة واللي واللي .. غاية راحت صوب لطوف وشافت سلآمي نآيممة , يلست وياها وخبرتها كل شي صار لها ولحمدان وكيف ان رجعوآ لبعض وجي عقب انتبهت ان فونها يرن وردت وقال لها انه برع , لبست عبايتها وشيلتها وسلمت علي وقالت انها بتمرني باجر وقلت لهآ آني اتريآهآ , شلت سلآمي وكانت تمشي بخطوآت غير متوآزنه لآنهآ لابسه كعب ومن وصلت برع تمت ميودة غشوتها وهي ترجف , برع كله ريايل , نزل حمدان وغطى عليها عشان تعدل غشوتها وعبايتها وشل عنها سلآمة , ابتسمت من ورى غشوتها وركبت السيارة وهو سدح سلآمة ورى وركب وحرك للبيت .. انا عن نفسي بصراحه دقيت لذياب وانا هلكآنه على الاخير لدرجه آول مآوصلت البيت فصخت الكعب الصغير عند الدري وصعدت فوق وعلى طول انسدحت على الشبريه ونمت نوممممه .. ومن صعد ذياب وشافني حط كعبي صوبي ووعاني بخفيف عشان اقوم لكن مآرضيت فخلآني برآحتي . . بآجر الصبح , بمآ آنه البارح مآتجمعنآ ببيت يدي عشان عرس روضة , اليوم الكل تجمع , اليوم السبت .. كآن آبد مآفيني حيل اروح .. كنت تعبآنه وآيد آحس آني على ولآده خلآصص .. ومب متفيجه لآي حححد , قمت وتغسلت وبدلت ثيابي ونزلت تحت لقيت مآحد بالبيت , شوي ودخل عمر وحسيت بويع مب طبيعي قلت بتعب , : عمر وين ذياب ؟ عمر : رآح المزرعه يودي آبويه هو وسعيد وعمير , ليش ؟ خذت نفس : ودني المسسسستشششفى عمر شهق : لآيكون بتولدين ؟ : عممممممممممر عمر ركض فوق ودق على شمسه الباب وقال لها تنزل عبايه وشيلة ل الهنوف وتلبس هي بعد ونفذت اللي طلبه عمر وعلى طول نزلت وساعدتني وعلى طول رحنآ المستشفى , لكن يوم رحنآ مآفآدتني قالت اونه بعده وقت ومآدري شوه وتتحسب عمر زوجي ف قالت له مشيها على البحر شوي .. عمر افتشل وفهمهآ آني استوي حرمه اخوه واعتذرت الدكتورة لسوء فهمهآ ومن طلعنآ دق ذياب لعمر .. عمر : ذيآآآآآآآآآآآآآآآآآآآآآب قلت بصوت متعب : لآ تخبببره ذيآب مستغرب : لآ تخبرني بشوه ؟ شي يعورها الهنوف عمر : هيي , وديتها المستشفى تحسبتها بتربي يالله تعال الدكتورة تقول سير مشي حرمتك على البححححر والحححين بعد ذيآب آنصصدم وبند ف ويهه , رجعنآ البيت ومن رجعنآ شفنآه وآقف عند الباب , على طول خذآني من سيارة عمر وركبني سيارته وسكر علي حزآم الآمآن وانا متغصصه . . ودآني البحر ويلس يمشيني مثل مآقآلت الدكتورة وشوي وانا امشي يآني طلق الولآدة , آطآلعت ذيآب بخووف وقلت له .. : ذيآب بووولد ذيآب فج عينه على وسسسعهم : من صصصصصصصصصصصصدقج !!! هزيت راسي ب هيه , على طول رجعني السيارة وطيرآن للمستشفى , آول مآوصلنآ المستشفى طبعآ دخلنآ قسم الطوآري وخبرهم ذيآب آنه يآني الطلق وآن خلآص بولد , آعصابه كآنت منهآره على طول آتصل ف آمه وخبرها وقالها تخبر امي عشان هي بعد تي طبعآ ذيآب من خوفه عليها على طول وقع على انه موآفق آن لو اضطر الامر يسون لها عملية لكن الهنوف عرفت آن ذيآب بيتم يحآتيهآ ف رفضت تماما انها تولد بعملية وهم يقنعونها بانهم مآيقدرون يولودنها طبيعي لكنهآ رفضضت .. بعد صعوببببة تآمممممممههههه ووولدت الهنوف طبيعي لكن بالمقآبل صآر جسمهآ كآممممل بنفسجي وكآنه الدم متيبس لها بكآمل جسمهآ وجي ظهر لها على كل جسمهآ بقع مثل بقع الدم .. بعد مآطلعوآ الياهل ل ذيآب وطلبوآ منهم يسجلونه راح سجله بسرعه ومن رجع انصدم من شكل الهنوف وآنه يبين على ويههآ آنهآ صدق تعبآنه .. خآف عليييها , رآح صوبهآ ومسح على راسها ,, ابتسمت له وقلت .. قلت بتعب والرمسه يآدوب تطلع مني لآني احس بالالام : آنآ بخخير .. ذيآب : ليش جي تسوين في نفسج وفيني ؟ غمضت عيني بتعب ممابا اكلمه عشان لا اصيح ولآ تطلع مني آهه تعور قلبه اكثر , انا اعرف ان ذياب عانى بما فيه الكفاية وهو مب مقصر معاي ف هالمرة خل احس بالمي بروحي .. دخلت امي وامه وباركولي وانا يادوب ارد عليهم وهزبوني لاني مارضيت اولد بعملية وجي , ذياب كان يالس على الكرسي ويطآلعني .. شوي شوي بيت يدي صار غرفة المستشفى والله العظيم من كثر مآصآرت زحمه , ذيآب طلب منهم ينقلوني غرفة خآصه .. وعاد بدت التجمعات وجي وكل ساعه وحده تتصور مع ولدي , كلهم يوآ , غآية شالة محمد *ولدي* : بوديه حمدان يبا يشوفه جميل علي ولا : ههه غاية : آمزح ريحي عمرج احس ودج تذبحيني بس مب قادره " شلته وطلعت برع " سلامة كانت برع عند حمدان ومن شافت غاية شالة محمد طاحت على بطنها فالارض ويلست تصارخ وتصييييييييح ماتبا غاية تشل اي حد ولآ تبآهآ تيود اي حد غيرها غيورة بشكل مش طبيعععععععي , حمدان يحآول يقنعهآ لكنه مب قادر عليها , غاية قربت من صدر حمدان وعلمته كيف يخلي قبضته وعطته محمد وراحت شلت سلآمة من الارض ويلست تهديهآ وتبوسها وتراضيهآ .. غاية : حبيبي ماما تعرفين منو هذا النونو ؟ سلآمة تمسح عيونهآ : لآ غاية : هذآ ولد خالو نونننا سلآمة : انزين انا ابا اشله حمدان : تعالي غاية بجديه : اييييييييييييه تخبلت شووه , آقول هآت الياهل خل ارده يالله " راحت صوب حمدان وسحبت محمد لا يتخبل حمدان ويعطيه لسلآمة وتلعب لعوبهآ ورجعته السرير وقالت " بويه اطنفيه هذا ولدج عن سلآمة تراها تخبلت وتبا تشله سلآمة فتحت الباب تتطمن اذا غاية ميودة محمد ولالا ويوم شافت انها مب شالتنه سكرت الباب بقوة وشردت .. لطيفة : هههههههههههههههههههههه تموآ يآلسين ويضحكون ويسولفون عقب يدي هزبهم وطردهم كلهم من المستشفى وتميت انا وذيآب , ذيآب كآن متضايج شوي وانا اعرف ليش متضايج لآن البنآت قعدوآ يغآيضونه ويقولون له اني بروح بيت امي عشان اليآهل وجي , يودت كوب الماي وشربته وقلت له .. : بشو تفكر ؟ ذيآب ابتسم : ولآ شيي .. محمد يشبهني وآيييد : ههه فدييته , يتربى بعزك يآرب ذيآب : وفي عز آمه بعد : آمين . . آمم ذيآب متضايج لآن البنآت كآنوآ يغآيضونك صح ؟ ذيآب : لآ آلبنآت مآيهموني , آنتي اللي تهميني ابتسمت : آنزين واذا قلت لك آني بتم ويآك وآن مآله دآعي اروح بيت امي بتفك هالنونه وبتبتسم شوي ؟ ذيآب : هههه شو هاي نونه ؟ انزين ماصدقج , آصلآ لآزم تروحين : لآ مب لازم ذيآب : هممم " يطآلعني بشك " صدق بتقعدين ويآي ؟ طآلعته بلهفه وحب : صدق ذيآب قآم وباس راسي وخلاني اتسآند على صدره ويلسنآ نطآلع حمودي وهو نآيم .. . . بشآير : آممم سهييل .. سهيل : هلآ بشآير : ابا اروح اشوف ملآبس ل آلدآنه سهيل : فآلجج طيب , بشور حبي تعالي سكريلي هالبزم بطلع بشاير يات صوبه وسكرت البزم وسمعوا اصوات تحرطيم من لفوا لقو الدآنه يالسة ف سريرها وتتنآزع بس آبد مآينفهم لها شو تقول , ضحكوآ عليها من قلب .. بشاير : لآ تتآخر ! سهيل باسها على خدهآ : آن شاء الله " وطلع " بشاير رآحت تلاعب الدآنه ولبستها لبس دبوب وغطت شعرها بالكآب اللي ف اللبسه ف طلع اذآني الدبوب فوق وعطرتها ويلست تلآعبهآ وتغصص فيهآ , قعدت الدآنه على بطنهآ وآلدآنه يلست تضرب بشاير وتمط شعرها وتضحك وبشاير تصارخ لان الدانه تمط بقوة ويلسوآ على هالحآله لين قعدت تصيح الدآنه لآنهآ تبغي حليب ف راحت بشاير وسوت لها عقب يلست تشربها حليب ونيمتها ويلست تطآلع تلفزيون .. . . عذآري نشت وسوت ريوق عقب سبحت بنتها ولبستها ورآحت تسبح وجدآن عقب رآحت وحطتهآ حذآل حمد , ووجدان من شافت ابوها يلست تيود ويهه وطبعآ آيدهآ كلهآ تفآفيل , حمد نش ومن شاف التفافيل قام على طول وراح الحمام يغسل ويهه وعذآري هآلكة من الضحك ويوم طلع يلس يتحرطم على عذآري عقب شل بنته ومسح ايدهآ ويلسها ف حضنه ويلس يريقهآ , قعدت عذآري تتريق ويآه . . . حمد يتريق ويسولف وياها : عذآري مآتبين اقدم لج على وظيفة ؟ عذآري : لآ , مابي آهمل وجدآن .. ابي اربيها واعلمها واكون وياها بكل لحظة من حيآتهآ حمد : احسن قرار والله .. عذآري : هي , آممم شو رآيك نعزم اهلك اليوم على الغدآ ؟ حمد : هي بيكون شي حلو , بصرآحه ودي آشآورج بشي .. عذآري : قول حمد : في وآحد تقدم لهجور آختي ومحتآر آقبله ولآ أرفضه ! عذآري : منو هو آلريال ؟ حمد : مآعرف بس اعرف اخوه .. ويوم سالت عنه سمعته زينه عذآري : ههههههههههه أمسات تدعي واليوم تحققت دعوآتهآ , ماشاء الله عليها عيل بخليها تدعي لي على جدآم الله يرزقني بتوأم ! حمد : ههههههههههههههههههه , الله يرزقنآ ان شاء الله , آنتي عزميهم اليوم على الغدا وبكلمها وبكلم آمي ان شاء الله عذاري تشرب العصير ويوم خلصت قالت : بس مآبعزم اهلك الباقين يعني بعزم بيت عموه بس لآ آبآ لجين ولآ غيرهآ يدخلون بيتي حمد يرفع ايده باستسلام : بصرآحه انا مالي خاطر , الحريم يوم يعصبون يستون فضيعين , وصراحه آنتي الحب مآيستوي ازعلج , اللي تبين ادخلينه دخليه واللي ماتبينه برآححتتتج . . . عذآري ابتسمت : هههههه يعني تعرف آن كيدهن عظظيييم حمد : هيي , انزين تسلم هآلآيآدي , عذآري بحب : الله يسسلمك حيآتي .. . . جرآح معصب ويضرب ظبيه بقوة ويزآعق وكله يقول آنه مآيبآ آليآهل اللي ببطنهآ ونآصر يآ وشله وعصب عليه وجرآح يلس يصيح وركض غرفته .. ظبيه : الله يهديك يآ نآصر , هذآ يآهل واكيد بيتحسس نآصر معصب : لآ بس مب جي يضربج يحترم نفسه عآآآد ظبيه : سير رآضيه يالله نآصر : مآبآ ظبيه : لآ حول ولا قوة الا بالله " قآمت " انا بروح اراضيه , نآصر : ظبيه , لآ تيلسين تبزينه , خليه يعرف ان اللي يسويه غلط , خليه يصير ريال بس دلع ظبيه : بس نآصر قآطعهآ : لآ ولآ شي , عشان يتعلم انه اذا غلط اي يعتذر وعقب بيحصل له جآيزه , بس مب جي ظبيه : آنزين آنت فهمه بالطيب آن اللي سوآه غلط وآن الوآحد مآيسوي جي وقوله آن لو اعتذر بيحصل جآيزه يعني هذآ يآهل مآبيفهم جي من نفسه !! نآصر قآم عنهآ ورآح لجرآح وقعد يكلمه ورآضآه وخلاه يرجع ويعتذر ل ظبيه ويبوسها . . ظبيه تمسح على ويه جرآح : الله يرضآلي علييييك .. نآصر ابتسم : الله يخليكم لي يدي دخل : آمممين ! ظبيه لزت واشرت ل يدي عشان اي يلس حذالها وراح يلس حذالها وقعد يسولف .. . . |
مهره كآنت يالسه تربع الثياب ومن طلعت للغرفة شافت سلطآن قآلب الزبآله , شهقققت من الخخآطر وركضت صوبه ويلست اطلع الشي اللي في اسنآنه وفصته من لسانه عشان يتوب يسويهآ , محمد دخل الغرفة : شفيييكم ؟ شو هالصياح شوفيه سلططآن !!! مهره : ولدك طفسسس قآلب الزبآله ومآتم شي مآكلآه زين مآبلعه محمد مصدوم : وآنتي شحقه مآتشوفينه ؟ مهره تنرفزت : يعني انا كم شغلة بسوي ؟ بربع الثياب ولا بشوف سلطآن ولآ بدخل اسبح !! , يعني جآن نزلته تحت ويآك محمد عصب : مهره لآ تيلسين تتكلمين وياي بهآلآسلوب " شل سلطآن من الارض ونزل تحت عند آهله " مهره رآحت وكملت تربيع ويوم خلصت دخلت سبحت ونزلت ويلست ويآهم لكن كآنت آبد مآتطآلع محمد لآنهآ من ولدت سلطآن صح هو يحبها ويهتم فيها لكن ابد مب مهتم لسلطآن , صح يحبه بس مآيشله ولآ شي فهي متوهقه وماتعرف تلحق على شوه ولا شوه ... فقآلت آحسن تخليه على رآحته , طول مآكآنت يآلسه ويآهم تحت كآنت سآكته , غآلية : مهور ابا اسالج عن شي مهره : تفضلي حبيبتي , غالية : انا اتوهم ولآ , البارح وانا طالعه اشرب ماي لمحتج فالممر تنيمين سلطآن , مهره : هي كآن يصيح ومب راضي ينآم , غالية : الله يعينج بصرآححه !! مهره : آممين . . يوسف من فوق يزآعق : غآآآآآآآآآآآآآآآآآليييييييييييييييييية غآلية : نعععععععععععم يوسف : يآلله بنروح عند عموه تتريآنآ غآلية نشت : آكرمكم الله , برجع ان شاء الله عندكم بعدين " صعدت فوق ولبست عبايتها وفصخت الشمد ولبست شيلتها العآدية ونزلت هي ويوسف وهم نآزلين يوسف يود آيدهآ وهي تبا تهده لكن منحرججه " آم محمد : الله يدييم عليكم حبآآآيبيي مثآيل دخلت البيت : يآ وييييل حححآليييي يوسف : ججبب , شو يايبنج من صبايح الله خير مثايل : بسم الله علي , آنت شو تبا فيني ها بيت ابوي , عنبوه حتى ف بيت ابوي منآشبني , غالية : هههههه يوسف حرام عليك شو تبا تغصص بها يوسف سحب غالية بقوة وطب مثآيل وطلعوآ بالسيآرة آمآ مثآيل دخلت وسكرت الباب وقعدت مع اهلهآ *أمهأ ومهره ومحمد وولدهم* . . غاية دخلت الغرفة ولقت حمدان يربع الثياب : حبيبي شو يالس تسوي ؟ حمدآن ابتسم : اساعدج عشان لآ تعبين نفسج الثياب ترى وآيد غاية تمغطت ورآحت يلست حذآله ويلست تربع وياه : حمدان .. حمدان : هلآ غاية : آممم يوم ييت وقت ولآدتي ليش مآدخلت , حمدآن : غآية .. مآكآنت عندي الجراه الكآفيه آني اسوي هالحركة عقب كل اللي عيشتج اياه , كنت آدري آني غلطت غلط كبير .. غلط مآينغفر بسهولة , وآدري آنج مآكنتي بتسآمحيني وقتها وآن وجودي بيزيد عليج آلآلآمج ف فضلت آني اراقبج من بعيد واشوف بنتي , بعد ولآدتج بيوم قررت آني مآرجع الا لمآ تكون عندي الثقه الكآفية آني آنسيج كل شي ولمآ حسيت آني فعلآ بكون قدهآ رجعت .. وآلحمدآلله قدرت ارجعج آنتي وبنتي والحين عايش مرتآح , غاية قامت ويابت دواه وعطته : ولآنك الحين مرتآح لآزم تريحني وياك وتآخذ آدويتك آول بآول حمدان : آن شاء الله من عيوني كم غاية عندي غاية تاشر بوحده : وحده وهي راس المال حمدان : علني مآخلآ منهآ , غاية بشوق : علني مآذوق حزنك يآ حمدآن , وربي يخليك لي ولبنتك طول هالعمممر , . . حسن يود ايدهآ عشان يمسح عليها بهدوء ويوعيهآ لكنهآ فزت على طول بخوف , ندم وآيد على هالحركة وهي افتشلت وآيد آنهآ سوت له جي , قالها ان الطيارة الحين بتنزل وتعدل شيلتها وجي . . روضة مفتشلة : آسفه , حسن : مب مشكلة فديتج , روضة اعتدلت ف قعدتهآ وشافته مبطل حزآمه ردت ربطته وقآلت : لآ تسوي جي انا اخاف من هالشغلآت , حسن : ههههه برآيه عآدي , روضة : لآ مب عآدي آول مانزلت الطيارة روضة حطت ايدهآ على اذنهآ , مآتحب تسمع صوت الطيآره , يود ايدهآ حسن وعلى طول لفت صوبه ومن طآحت عينهآ ب عينه مآحست بآي شي , ضآعت فيهآ الدنيآ , تحس آن زآد توترهآ تمنت لو تقدر تتصل على الهنوف عشان تتشكى وتخبرها عن الاحرآج اللي هي طآيحه فيه , ابتسم بعدهآ بدقآيق وقآل .. حسن : الطيآرة على الارض روضة فتحت عينهآ بصدمة : بذذذمتتتك حسن : ههههه هي روضة لفت على طول وفتحت الدريشة وانصصدمت وقالت بونآسة : آخيييرآآآ حسن : هههههه , , نزلوآ المطآر وحسن كآن يآخذ الاغراض بس روضة شردت عنه ويلست تصور الكندر عشان يوم ترجع تاخذ منه وبعد مآخذ الشنط يلس يدورهآ مآلقآهآ وروضة عقب مآخلصت رآحت تدور حسن ومآلقته , يتها الصييحححه , تمت وآقفة وساعه كآملة هي أدوره وهو يدورهآ , روضة قعدت ترتجف , هي عندهآ فوبيآ من الآمآكن الزحمممه وآيد تخآف من هالشي . . آمآ حسن تخبل , ودر الشنط وركض يدورهآ لين لقآهآ ومن قرب منهآ حضنهآ بقوة وهي بعدهآ يالسه ترتجف ويوم استوعبت تمت مفتشلة لآن حست آن الكل يطآلعهم , قآمت من حضنه وتمت لآزقه فيه وهو يمشي , وهو ميت ضحك عليهآ . . روضة بآنحرآج : لآ تضضضحك حسن يود ايدهآ وسحبها حذآله وهي تبا تهد ايدهآ لكن مب قآدره , وصلوآ صوب العربه ولقوآ شنطهم بعدهآ مكآنهآ , ف هد ايدهآ ويلس يدز العربآنه لين وصلوآ برع ولقوآ مرشدهم السيآحي وعلى طول رآحوآ معآه , وطبعآ روضة آبد آبد مآخلت حسن يقعد جدآم خلته يقعد حذآلهآ .. حسن : تخآفين ؟ روضة بصوت خفيف : شوي , حسن : آنزيييين , في مكآن معين تبين تروحين له ؟ روضة بآنحرآج : آنآ ولآ مرة يت استرآليآ ولآ آدري فيهآ شي حسن : خلآص انا بوديج كل مكآن افا عليج بس روضة : مآتقصر " عوت رآسهآ وتسآندت على الدريشة ويلست تطآلع الآمآكن برع آمآ هو يلس يتعبل من تلفونه , . . مشآعل يآلسه تدرس وحآمد يا وانسدح على الاوراق , شهقت بقوة : حآآآآآآآآآآآآآآآآآآمد حآمد : قلببببببببه مشآعل : قووووووووووووووم بتقطع آورآقققي والله هاي اوراق مهمه عندي كويز بالآحححححححححححححد حآممممد : آنزين شوي قعدي وياي احسني اشتقت لج مشاعل : يعني كنت ويآك بالويك آننند , حآمد قآم عن الاوراق : آنزين شو رآيج نطلع السينمآ , مشاعل طآلعته : آنزين بروح ويآك لكن الحين خلني ادرس عشان اخلص حآمد : آنزين بس لآتطولييييييين على المغرب بنروح مشاعل : الظهر آو العصر بكون مخلصصه لآ تحآتتتي حآمد : خلآص انا بنزل عند آهلي وآنتي ادرسي مشاعل : آوك سلم على الموجودين تحت حآمد : يوصل " خلآهآ تدرس ونزل عنهآ " . . ذيآب طبعآ رجع البيت وطلب من أمه تسويلي كل شي أحبه ورآح فوق ونادا الخدامه وخلاها تحط لي آلثيآب بطريقة مرتبة بالشنطه , طبعآ الثيآب هو آختآرهآ , عقب قعد يريح فالصآلة ويآ أحمد وقعد يسولف ويآه عقب قاله يلبس بيروح وياه عند الهنوف عقب بيوديه وبيتحوط وياه ف طار احمد سبح وبدل ثيابه وذيآب قآم وسبح بعد ولبس له شورت وقميص كت , وطلب من الخدامه تودي الاكل اللي خلص والشنطه السيارة عشان بيمرون عندي المستشفى , وبعد مآنفذت اللي طلبه ذياب طلع هو واحمد و يوني المستشفى بس مآقدروآ يدخلون لآن ربيعآت آمي وبناتهم كآنوآ موجودين . . عليآ كآنت يالسه تمشي بالممر وشآله باقة ورد عوده وفيهآ بيزآت ويلست تدور الغرفة لين وصلت وشافت ذيآب وآقف . . تقدمته وكانت يايه بتدخل عقب قالهآ , ذيآب : عليآ , لو مآعليج أمممر دخلي هالاغراض للهنوف وخبريهآ آني يت اشوفها لكن مآقدر ادخل لان الحريم موجودين دآخل عليآ : خلآص آن شاء الله ولآ يهمك بس ادخل واسلم وبرجع ادخل هالاغراض " ودخلت " آلسلآم عليكم كلهم : وعليكم السسلآم . . عليآ حطت الباقه حذالي , على الكمدينه وبآستني : حمدالله على السلآمة غلآيه , يتربآ بعزج حمممودي , : حبيبتي علآيه , الله يسلمج حبيبتي وعقبالج عليآ : آن شاء الله " طلعت ودخلت الاغراض وقالت لها " هاي الاغراض من ريلج .. : ممآيقصصصر وقعدوآ يسولفون كلهم والحريم يلسوآ يتخبرون عن عليآ وعن صحه آهلهآ عقب روحوآ ورآحت آمي تودعهم عند الباب وتميت انا وعليآ بروحنآ , : شو سويتي ؟ عليآ : بخصوص شوه ! : بخصوص عبدالعزيز عليآ طآلعتني بحزن : انا ما بايدي اسوي شي يآلهنوف , آنتي ماتعرفين ابويه كيف بيعصب عليه اذا قلت له جييه , صح ابويه يحترم قراراتي لكن انتي تعرفين آنه حتى مآخبرني أن يايني خطآب ؟ سمعت من حرمته هالكلآمم .. والله جي غير ماعرف كيف اقولج لكن اخاف لو تجرآت وقلت يمنعني من الشغل ويمنعني من كل شي كنت اطمح له , صح ميثو بتززعل شوي واخوها بيزعل وآييد آذآ رحت بنصيبي , والله يا هنوف اني احيانا احس اني نفس اممي .. لكن الفرق بين آمي انها فعلآ مريضه ومآتقدر تتكلم اما انا يمنعني الخوف من آن صوتي يطلع على ابويه , انا آمي مب وياي عشان توقف وياي واخوآني مستحيل يوقفون وياي في هالموضوع .. لو ابويه شاورني بقوله اني ماباه وخلاص لكن لو مآشآورني , مآبآيدي اسوي شي ! : لكنه يحبببج عليآ بضيج : مب كل شي احبه لآزم احصل علييه .. : علآيه لآ تفقدين الامل وخلي املج بربج كبيير عليآ ابتسمت : وآلنعم بالله , آنزين نتفتج عآدي اشله ؟ : آكيد عآدي عليآ قربت من السرير وسمت بالله وشلته ويلست تبوسه وتشمه : فدييييييييييييته , مآيشبهج وآييييد : ههههه هيي يشبه ذياب اكثثر عليآ : زين زين , عقبال مآتيبين بنوته وتسميها علي : اعوذ بالله عشان تطلع خبله مثلج , وبعدين انا مافكر ايب عيال الحين صراحه عقب الالم واللي شفته فغرفة الولاده خلاص , 3 سنين قدام مابا اي ياهل عليآ : هههههههههه اوييه تراج تخوفينيي : آنزين سمععععي , شو اسم هذا اللي متقدم لج ؟ عليآ : مآعرف ترفة دخلت الغرفففة : هلووو يآ قمممآععععه " حطت الصحن على الطآولة " آقولج خليييت ماما تسوي لج محشي , يالله كيف ياخذ العقل كلييي مننننه .. : ههههههههههههههه لو غاية تشم ريحه آن محشي موجود فالمستشفى والله تي حافيه بعد ترفة : ههههههههههه هي اعرفها هالملقوفه , وينهآ هي ؟ : راحت الفندق تجهز اغراضها اليوم بيسآفرون , ترفة : شكلهم وياي بنفس الطيارة لآني انا بعد برجع , آقولج تخيلي كلمنآ حسسسون , : ححححلففي , وشو صصآر ويا روضة ؟ ترفة : هههههههههههههههههههههههههه الخبله اختج ضاعت فالمطططاررر ويلست خيفانه وترتجف بس عقب لقاها وقال لنآ آنهم وصلوآ الفندق خلاص .. : آقولج دقي له بسرعه ابا اكلم روضة الله يخليج تراها ماتصلت فيني ولا طمنتني , وبعدين ابا اقولها اني ربيت ترفة : مآعندي رصيد عليآ مدت تلفونهآ : خذي تلفوني خط ترفة خذت تلفون عليا واتصلت ف رقم حسن مآل استرآليآ وسلمت عليه عقب قالت انها تبا تكلم روضة وسلمت عليها عقب عطت الفون للهنوف , : آلوووه روضة صرخت : هنوففففف !!! : هييي . هههههههه روآضي انا ربيييت , يبت ولد وسمينآه محمد روضة بونآسه : آخخخيرآآآآآ , بس ياليتج يبتي بنت جان خلينآ ولد ميود يحبها وجيي : الله الله وانا اقول الخراب بالبيت من منوووووه روضة : هههههههههههه , الله يخليه لج , خلي ترفة تصصصورهه و اطرشششه على رقم حسسسن آوك : آن شاء الله , آقولج روحي بعيد عن ريلج شوي روضة تراقبه وهو يطآلعهآ ويضحك عقب شردت وانخشت بالغرفة وقفلت على نفسها الباب : هآآ : شو صار ويآج ؟ روضة : مآعرف اقولج حركآتي سخيفه احس يعرف اني اخاف منه : حسبي الله على عدوج روضة : هههههههههههههه وضعت بالمطآر كنت بصيح بس لقاني انا غبيه شارده عنه عشان اصور الكندر : ههههههههههههههههه والله عقلج عقل ياهل احسس , آنزين وشريتيه عاد الكندر روضة بفشله : لآ استحيت اطلب منننه : ششششوووووووووووووه , صدق انننج حمآآآآآآآآآآآآآآره فوق مآ آنج ضايعه مآشريتي لج الكندررر اونج تستحين من ريلج , صدق انج مآصصصصصصصصخه روضة بفشله اكثر : آييه هنوفو لآ تيلسين جي تقولين وبعدين لآ تتكلمين جدآم ترفه عني انا استحححي عقب اخافها تخبر حسسن : احسن تستآهلين وانا الحين بخبرها تخبر اخوها عن حركاتج يا زفت الطين آنتي ! روضة : آيييه هنوف الله يخليج لآلآ .. " تنهدت " كيف تبيني مآستحي منه , وبعدين انتي تعرفين تجآربي الفاشلة قبل كيف كانت يعني انا احاول على قد مآقدر آني آخلي زوآجي هالمرة ينجح لكن شو اسوي .. : خلآص انتي لا تفكرين لا بالتجآرب القبلية الفاشلة فكري بريلج وبس روضة استحت : آيييه انزين انا افكر فيه بس يالله خلاص احسسه بيحس اني احش فيه لآزم آطلع عندهه , بنطلع اصلا بعد شوي : آنزين يبي لي هديه روضة : طرار ويتشرط , آنتي ف شهر عسلج مآيبتي لي شي عشان جي مابيب لج شي : مزططج , آلحين بخبر ترفة تخبر اخوها مآعليييه " عطيت ترفة الفون " ترفة : ههههههههههههه روضوه عطيني شوي حسن ابي اقوله شي روضة صرخت : وقسم يا تروف لو خبرتيه بتشوفين حسن يدق الباب : روضضه روضة بطلت الباب : هلآ حسن : يآلل بنطلع ترفة تزآعق : حسسسسسسسسسسسسسسسسسسسسسسسسسسسسسسسون حسن سحب الفون عن روضة : هلآ ترفة ترفة : آقولك روح شوي بعيد عن روضة ابا اقولك شي حسن : لعبآن هو , مرة اختها ومرة انتي , يالله خلصيني شو تبين ؟ ترفة : كيفك آنت الخسران ترى الشي عن حرمتك قلت بصوت خفيف : هي خبريه عشان يصلب عودهآ هالهرمه حسن راح بعيد وروضة تلحقه . . روضة : لآتسمع لها ياخي يالله بند خل نطلع حسن يطآلعهآ : سكتي شوي " يكلم ترفة " روضة مب راضيه تروح عني الا تسمع شو تبين تقولين , ترفة : آوك دام جي حطني سبيكر حسن حطهآ سبيكر : يالله تكلمي ترفة : حسسسسسون ترررى روضضضضضضضضضضه روضة زعقت : لآ الله يخليج لآلآلآلآلآلآلآلآلآلآلآلآلآلآلآلآلآ حسن : هههههههههههه شو صصصصآآآيييير ترفة : بقولك سرعه بس لا تخليها تبند الفون انزين , ترى روضة كان خآطرهآ بكندر من المطار لكن تستحي منك وكل مانقولها شي تقول انها تستحي منك , وعشان مآنهزب يالله باي " بندت ورجعت الفون لعليآ " عليآ : آبيه حرآم عليكم شو جي احرجتوآ البنت , لآ وبعد ف شهر عسلههآ : خل تتآدب .. حسن لف على ترفة : ليش مآقلتي آنج تبينه ؟ روضة افتشلت : آآ مآبآه اجذب عليه " لفت ويايه بتروح لكنه يودهآ من ايدهآ بقوة بدون لآ يحس " حسن : روضة يالس اكلمج انا روضة لفت صوبه وقالت بآلم : ترآك يالس تعورني , حسن هد ايدهآ : مآقصد .. روضة : آنزين شو تبغي تقول تفضل .. حسن حس انها بالزور يعني تبغي تسمعه ففضل انه يسكت : يآليت مرة ثآنية يوم آتكلم مآتعطيني ظهرج وتروحين لآني وآيد آكره هالحركه ! روضة نزلت رآسهآ : آن شاء الله , حسن بدون لآ يطآلعهآ يلس يعدل سآعته : تجهزي الحين بنطلع " خلآهآ ورآح " روضة كشكشت شعرهآ ونآفخت : ليش جي يصير لي آفففف .. . . عبدآلله : آلوه مثآيل : آلو هلآ عبدآلله عبدآلله : آقولج , يلآ بسج من بيت اهلج ارجعي مثآيل : شوي بس بقعد عبدالله : استغفرالله العظيييم , يعني فارة بنتج وراييححه وبعد بتتآخرين !! مثايل حست بالذنب : خلآص انزين بي الحين , يلآ بآي عبدالله رقع الخط بدون لآ يتككلم .. مثآيل قآمت وسلمت على اهلهآ ورآحت بيت عمهآ ودخلت وصعدت فوق لقت عبدالله ميود امنه ويوم قربت منهم لقت آن آمنه مرجعه على عبدالله من جي هو معصب , ضحكت من الخخآططررر .. شلت آمنه ورآحت تغسلها , عبدالله فصخ كندورته : مآيضحك ترررى .. مثايل : آنزين شوفيك معصب ؟ عبدالله : مب معصب بس قلت لج آن الشي مايضحك مثايل سكتت عنه ويلست تبدل لبنتها ومن خخلصت , لفت لقته طآلع من الغرفة , تنهدت ونزلت تحت شافته قاعد مع امه ويلست وياهم ويلست تسولف عآدي . . . مثايل : عموه شوفي عبدالله زعلآن مني وانا ما سويتله شي ام مآيد : افا ياعبدالله تزعل من بنت محمد , حشى مآتطلع منهآ العيبة ولآ آي منهآ قصور عبدالله : مب معصب لكن خلت عندي امونه وراحت وانا ماحب ايودها جي لمدة طويلة " قال وهو متقزز " وزآعت علي بعد آم مآيد : هههههههههههههههههههههههههههههههههههه انت هذا الشي اللي منرفزنك عيييل , عبدالله : هي آم مآيد : الله يهديك والحرمه شو لها خص راحت تشوف اهلها بعد عبدالله : تشل بنتها وياها ام مآيد : عبدالله !! عبدالله : آنزين آنزين خلآص .. مب زعلان بس ماحب حد جي يرجع علي , آم مآيد : آدلك مآتحب لكن حرمتك مآلهآ خص مثايل تدلع لسانها لعبدالله ويوم لفت ام مآيد دخلت لسآنهآ وقالت : فديتج عموه والله انتي وايد فله , اهم شي انج فصفي ام مايد : ههههههه انا في صف الحق مثآيل : الله يخليج لنآ يارب عبدالله وآم مآيد : آمممين . . . . مآيد : مووووووووزززه موزة قآمت عن خوآتهآ ورآحت عنده : هلآ مآيد : سويلي درب بطلع , موزة : آن شاء الله " نزلت وسوت له درب وطلعت وياه " وين بتروح بهالوقت ؟ مآيد : مب حلوة اتم بالبيت وخوآتج وهذيل هني , بي عقب ان شاء الله , موزة : علآوي مآبتشله ويآك ؟ مآيد : لآ , بروح عند ربعي مآفيني يتم يصيح ويسوي سوآلف موزة : خلآص تمآم مب مشكله طمني عنك عقب مآيد : آن شاء الله يلآ آدخلي دآخل موزة : عن السرعه والله يحفظك " ودخلت " آمآ مآيد تحرك ورآح يقعد عند ربعه عشان يخلي موزة وخوآتهآ ياخذون رآحتهم بالبيت ! . . مريوم يرن تلفونهآ رآحت حذآله وشآفت رقم غريب ردت وقآلت : آلوه , عمر : حلفتج بالله مآتبندين ! مريوم آنصدمت : عممممرر , من وين يبت رقمممي ؟ عممر : يبته بعد صعوببه , بس لآ تبندين بس ابا اطمن عليج وآلله مريوم تنهدت : بس اللي نسويه غلط عمر : لآ غلط ولآ شي انتي حرمتي وهم مب راضين يزوجونا الحين يعني انا شو يخصني مريوم : ههههههههه انزين ليش جي زعلان ؟ المهم انا بخير وانت شخبارك ؟ عمر : بخير لمآ سمعت حسج وآطمنت عليج .. يتي تشوفين الهنوف وولدهآ ! مريوم ببرآءه جآوبته : لآ اليوم بي ان شاء الله عمر ابتسم : آوك , آنزين يآلله عيل مآبطول عليج ديري بالج على نفسج وآنتي رايحه لهآ , مع السلآمة مريوم : فحفظ الله " وبندت ويلست تنآقز وتطلع اصوآت , دق اخوها عليها الباب وقال " ** : مريومه انتي بخخير ؟ مريوم غطت على حلجهآ شوي عقب قالت : هيي بخخخير لآ تحححآتتتي . . . . ام ذيآب : عممممممميروه وصصصمخخ عمير نزل : هآ آمي هآآ شوفيج تزآعقين ؟ آم ذيآب : صصصه يالله لآ اقص لسآنك , ودي هالاكل لحرمه اخوك فالمستشفى ولآ تنسى ادق الباب يمكن وياها حد عمير : آن شاء الله من عيوني " شل مفتاح سيارته ونزل تحت " عمر وين ؟ آم ذيآب : طلع عمير : خلآص آنزين خلي الخدامه تيب الاغراض السيارة , ولو سمحتي ربطيهم زين مابا شي ينصب عندي فالسيارة آمسآت مشرايه آم ذيآب : يالله عآد , مآجنه بفلوس ريلي عمير : الحين بتقوم تعآيرنآ عآآآآآآآآآآآآآآآد , وبعدين ريلج هو ابوي انزين ام ذياب : هههههههه انزين انزين يالله , روح واتقف ولا تسرررع , عمير : آن شاء الله أم ذياب طرشت الاكل الباقي والفواله مع الخدامه وحطتهم جدآم بسيآرة عمير وهو توكل ورآح المستشفى وقبل لآ ينزل توهق كيف ينزل كل هالاغراض , تم وآقف مآل ساعه يفككر .. عزوز من وراه : هلآ وآلله النسيب عمير لف وخاشمه : هلآهلآ شخبببارك عزوز عزوز : بخيير , شو يايبنك هنييي ؟ عمير : ترا اللي مربيه مرت اخوي , ومطرشين لي وياها اغراض " ياشر على الاكياس " انت متخيل اني بشل كل هذاا الحييين !! عزوز : هههههههههههههههههههههه الله يعينك عمير : صدق انك مآتستحي ولآ تخيل اونه قلت بيحس على دمه الريال وبيقول بساعدك شي , بس ماشي امل منك , انزين تعال صدق انت شو يايبنك المستشفى عسسى ماشر ؟ عزوز : يآيب حرمتك تزور ربيعتها عمير : هييييييي زيين , يلآ يالذيب ماتروح الا وانت مساعدني انت نص الاغراض وانا نصهم عزوز : آنزييين يآلله شلوآ الاغراض ورآحوآ وحطوهآ عند الباب , تبطل الباب وطلعت ترفة وعليا من شافتهم على طول تغشت وتجدمتهم اما ترفة سرعت من خطوآتهآ وآختفت من جدآمهم , عزوز يبا يلحق على عليا : آقول عميرو ادخل شوف حرمه اخوك محتايه شي ترى ماحد غريب اختي بس داخل عمير من متى يتريا هالفرصه : آنزين يآلله " دق الباب وتحمحم والهنوف غطت شعرها عدل ودخل ويوم شاف ميثا قال " هلآ آبوووي ميثا افتشلت وتمت سآكته , : بدينآ بآلحركآت هآآآآ , شو يآيبنك هننني عمير : آمي مطرشه لج طن اغراااض ووهقتني فيييهم ويوم قلت لها سيارتي يديده كلتني اكككل " طلع ويلس يدخل الاغراض " بطلت عيني : شو كل هذآآآآآآ عمير : شفتتتتي كيييف , الحمدالله ان النسيب موجود , وساعدني : وآنت متآكد آنك ياي عشان الاغراض مب عشان شي ثاني عمير : وآلله مآكنت اعرف انها هني بس دامها هني مابطلع : هههههههههههههههههههههههههههههه الله يخسسك , انزين مآسلمت عليها , عمير مد ايده يبا يسلم لكنهآ مآرفعت ايدهآ ولآ سلمت : يييهآ , الله يرحم ايام تفلت الماي علي وهزبتني وحالتها حاله والحين اونه حتى سلآم مآتبآ تسلم : ههههههههههههههه ذكرياتك كلها سودة , يالله اطلع خلآص عمير : آنزين يآلله برخصصصتكممم " لف على الهنوف " واذا في عرب محتآيين شي خلهم يخبرونج وفالهم طييب .. : و الله يا عمير هالعرب مب صمخان ويسمعون بروحهم عمير : هههههههههههههههههههههه خربتي ابو البرستيج حسبي الله على العدو , آنزين يالله مع السلآمة " وطلع " آمآ صوب عليآ وعزوز . . . عليآ يآت بتسكر باب سيارتها يودت الباب بقوة , رفعت عينهآ وبطلتهم على وسعهآ من الصدمه : عبدالعزيز شو تسوي !!! عبدالعزيز : مآبخليج تروحين .. عليآ افتشلت : والله لو شآفني حد بيلعنوآ خيري الله يخليك كفآيه مشآكل عبدالعزيز ابتسم: آنآ مب نفسج , مستحيل آتخلى عنج بسهوله ! عليآ تنهدت بضيج مب عارفة شو تقوله بلعت ريجهآ وتمت سآكككتتتهه , عبدالعزيز قالهآ : بتقدم لج ,, ولو رفضتيني هالمرة مثل كل مرة ترفضيني فيها ... بطلع من حيآتج ومآبتشوفيني آبد , هذآ بس كنت اللي ابي اقوله " بعد عن الباب " الله يسمح لج دربج ولآ تسرعين " رآح سيارته وروح " عليآ سكرت الباب وقفلت السيارة وحطت راسها على السكآن ويلست تصيح .. . . |
غآلية تضآيجت وآيد : آمي كيف تقولين هالكلآم , نحن مستحيل نخليج آتمين هنآك برروووحجج !!! يوسف : الله يهديج عموه ترى مب زين هالكلآم , آم حمدآن ابتسمت : ويآي خآلتكم ومآعلي خوف غآلية : لآ حتى ولو عندج خآلوه , ترى خآلوه عندهآ ريلهآ وعندهآ فآرس , كيف جي تبين تروحين ومآترجعين , انا مابخليج وبعدين بخبر حمدان عن هالكلآم اللي تقولينه , آم حمدآن : لآ لآ تخبريه انا اعرفه شو بيقول خليني يوم بشوفه رايق بكلمه بروحي غالية قامت بضيق وسلمت على آمهآ : الحين صار لازم نرجع بنمرج عقب " وطلعت على طول " يوسف قرب من عمته ويود ايدهآ : عموه لآ تقعدين تقولين , آنتي على رآسنآ كلنآ وبالعكس آنتي خفيفه على الكل وتدخلين القلب بسرعه , نحن كنآ بنتم لفليل بس غالية شكلها وآيد تضايجت من جي تبا تروح , انا بكلمهآ لج وبحآول اراضيها لكن الموضوع اللي تكلمتي فيه نحن ابد مب راضين عنه , آم حمدآن مسحت على راس يوسف : غالية آمآنه عندك , مآوصيك عليها , وانا اعرف انك تحببها وانك غيرتها للاحسن مثل ماهي غيرتك , لآتخسرون بعض عشان الغير , الله يرضى عليك .. يوسف قام وحب ام حمدان على راسهآ : آنتي الحين لآ تكدرين خآطرج ورآج سفر مع حمدان وغالية والمسافة بين هني ولندن بعيده وايد , كلي لج شي قبل لآ تطلعين آنزين , آم حمدآن : آن شاء الله يوسف : برخصتج , ام حمدان : الله وياك حبيبي . . يوسف نزل ولقاها واقفه حذآل السيآرة , بطل السيارة ومن ركبت صآحت .. يوسف رفع راسها ومسح دموعهآ : لآ تصيحححين , غالية تصيح وتشاهق : يعني هي طول عمرهآ مآقصرت ويآنآ في شي وهي اللي ربتنآ يوم آبوي خلآنآ وقال ان مايبانآ , والحين ببرود يايه تقولي انها بتعيش ف لندن بروحهآ وتقول ان هي صارت ثقيله علينا وبتغثنآ , يوسف مسح دموعهآ وقال : آول شي اهدي عشان اعرف اتكلم .. غالية خذت الكلينكس وومسحت دموعهآ وتنهدت ويوم حست آنهآ مآبترجع تصيح مرة ثانية لفت صوب يوسف : تفضل .. يوسف : عشان تآخذين رآحتج آكثر نحن بنطلع من البيت غالية انصدمت : عقب عمووه بتزعععل وبعدين عادي انا مرتآحححه !! يوسف : مآبتزعل ولآ شي وبعدين انا اعرف انج تبين احيانا تنزلين بدون شيلة لكن وجود محمد مايخليج تاخذين رآحتج , قريب بييب مخططآت بيوت وبرآويج ايآهآ , وببني لنآ بيت وبنسوي جنآح كآمل لعموه بس بهالوقت آنتي كلمي حمدان عن هالموضوع وخليه ايب عموه عنده لين يخلص موضوع البنآء . . غالية غرغرت عينهآ بونآسه : صصصدق ؟ يوسف : هي صصصدق , وبناخذ الارض اللي ورى بيت ابوي بعد عشان نكون حذآلهم غالية عفدت وحضنته وصرخت بونآسه : شكرآ شكرآ وآيييييييييييييييييييييييييييييييد يوسف : ههههههه العفففو , غالية قامت ورجعت مكآنهآ : يعني صدق يوسف امي مآبتضيج بك ؟ يوسف : لآ مآبتضيج بيي .. يكفي آنهآ يآبتج وربتج هالتربية الجمميلة , وبعدين هي خفيفه على القلب والروح , غالية ابتسمت : آلله لآ يحرمني منك يوسف : ولآ يحرممنننني منننج . . . . . خلود : خآلد فيك شي ؟ خآلد : لآ خلود : آنزين .. متى تبآنآ نروح ونودي هديه الهنوف ؟ خآلد : مآدري " فتح الاب ويلس يطآلع الايميل " اقول خلود وينه فيصل مآشفته اليوم ؟ خلود : فيصل تحت عند عموه خآلد : هي زيين .. مآ مليتي من قعده البيت ! خلود : لآ عآدي , خآلد : آنزين شرآيج نحجز ف فندق ونروح نغير جو انا وانتي وفيصل خلود بحمآس : صصصدق ؟ آنزين وين بنروحح ؟ خآلد : الكوف روتآنآ اللي في راس الخيمة حلو يبالنا نروح خلود قربت من خآلد ويلست حذآله : آشوف خآلد قعد يرآويهآ الصور . . خلود : هي وآيد حلو ماشاء الله خآلد : خلآص بدق لهم وبحجز وبخبرج متى موعد الروححه .. خلود : تمآم , آنآ بنزل عند عموه آخآف فيصل مغصص بها خآلد : آوك .. . . سيف بطل التلفون ولقى الاسم القديم " آلمزعجه .. لآ ترد عليهآ " وآتصل ومن ردت قال بلهفه : آلوه ** : آهلين منوه ؟ سيف : آنتي اللي منو ؟ ** : آسممي مآيآ وآنت منو ؟ سيف : آنتي بنت سميه ؟ ** : هي سيف بصدمه : ماشاء الله , آنزين وين آمج ؟ ** : لحظه , " ركضت وعطت آمهآ التلفون " سميه زعقت : سيييييييييييييييييييييييف سسيف : ههههههههه اشتقت لج سمييية : آنت وييينك يالخخايس ؟ سيف : من يوم ابوي راح ف دربه وآمي راحت ف دربها وانا ب لندن لكن من تزوجت رجعت سميه : هي , ماشاء الله عروستك جميلة شفتها , آنزين مرننني والله اشتقت لك موت ياخي, سيف : تعرفين اليوم شفت خوآتي من آمي .. صغار لكن حبوبين سسميه فآجه حلجهآ : آلحين سيف بعظمه لسآنه يقول آن بنات امي حبوبييين !!! شو اللي غيرك عليهم فججآه , سيف : منآر حننت قلبي عليهم , وبعدين تعرفين هم سولفوا وجي ويعرفون كل شي عني منار بعد مب مقصرره منآر يت الغرفة عند سيف : شو تحش فيننني !! سيف ياشر لها تسكت , سميه : والله زين مآسوت , انا من زمآن مآرحت لهم بعد , بس اكلم آمي بالفون بين فترة وفترة , سيف : ماشاء الله بنآتج كبروآ, خآطري اي اشوفكم مرة سميه : خلآص بتريآك بآججر , مرني وبطلع وياك انا وعيالي وبنروح بيت امي كلنآ شو رآيك ؟ سيف : خلآص بمرج باجر انا ومنار وبنروح كلنآ سوآ سمية : خلآص بتريآكم , الحين ببند اسمع صياح وزعيق , سيف : مربيه عصابه مب يهال , يالله باي سميه : بسم الله على عيالي يالخايس يالهرم , انا اراويك باجر , " وبندت عنه ورآحت تشوف عيآلهآ " سيف : هههههههههههههههه هآي سموووي .. من زمآن مآكلممتتتهااا منآر : سميه اختك من امك وابوك صح ؟ سيف : صحح , تذكرين " المزعجه لآ ترد عليهآ " هآي هي .. منآر : هي خبرتني قبل سيف يحك راسه : نسيت منآر : زهآيمر مببكككر يآ حبيبي ! . . حسن وترفة كآنوآ طآلعين لمكآن اسمه " آلجبآل الزرقآء " في آسترآليآ .. حسن طول الوقت كآن هآدي وسآكت مآيعرف كيف يبدآ ويآهآ ولآ يعرف كيف يخليها تسولف وجي , اما هي حسته وآيد متضايج من الحركة اللي هي سوتها وكانت وآيد متوترة وخآطرهآ صدق تصيح لآنهآ مآتبآ تحط نفسها في مواقف مثل هاي مع زوآجهآ هذآ .. هي استخآرت وارتآحت ف تبي تخلي هالزوآج ينجح باي طريقة . . . من وصلوآ المكآن روضضة شهقققت وتترجى حسسن آنهم يرجعععون , روضة بخوف : حسسن الله يخليك آنآ آخخخآففف من المرتفعآت جييييه مآحححبب حسن : لآ تخآفين , خل قلبج قوي لو مرة وحده , روضة شبكت ايدها بآيييده وغمضت عينهآ بخوف ماتبا تشوف هي وييين . . حسن ابتسم : وصلنآ يآلله ننزل روضة نزلت وهي لازقه فيه لكن اول مارفعت عينهآ وشافته , لقته مبتسم لهآ لآنهآ جي ميودة ايده هدت ايده لكنه يودهآ ورص عليها , افتشلت ومآعآرضته ويلسوآ يتمشون ويطآلعون الآمآكآن ويتصلون , روضة هدت ايده شوي ورآحت شوي بعيد عنه عشان تصوره ويلست تصوره عقب تصورت هي وياه : آآ حسن آنآ آسسفه حسن : على شوه ؟ روضة : على ان يوم تكلمني اعطيك ظهري واروح حسيتك زعلت حسن : لآ مآزعلت على هالشي , زعلت لآنج مب راضيه تقتنعين ان نحن تزوجنآ خلآص وآنج تخآفين انه تدخلين فعلاقة يديده من عقب اللي صار لج وآكثر شي قهرني ان كآن فخاطرج الكندر ولآ تكلمتتتتي روضة آنحرجت : يآلله عآد آنزين خلآص حصل خير وعد وعد اذا شي دش خاطري بخبرك عنه وبفلسك بعد حسن : ترآج وعدتيني روضة ابتسمت : هي وانا قد وعدي حسن : خلآص تمآم , هههههه أهم شي بتفلسيني ترى بيزآتي كلهآ حلآلج روضة ابتسمت وقربت منهآ وبنفسهآ يودت ايده وهو رص عليهآ بحب . . حسن : انزين , خآطرج بشي ؟ روضة : حآليآ لآ , خآطري بس آكون ويآك وفمكآن هآدي , ابا انسى كل شي , وآلله مب من قصد اسوي هالشي يا حسن حسن باسهآ على راسها : آنآ آدري وآلله وحآس فيج وعشان جي انا بصبر لين مآ آنتي من نفسج تتحرين من هالشي روضة : صدق بتتريآني ؟ واذا عقب مليت ؟ حسن : مآحد يمل من قلبه ومن حب حيآته روضة تنهدت : بلآ في وآيد ملوآ وتخلوآ ! حسن : آنآ مب منهم وتآكدي من هالشي " هد ايده من ايدهآ وحط ايده على ويههآ " بثبت لج هالشي وبتم ويآج طول العمر اذا ربج آحيآني . . روضة بخوف : حسن لآ تقول جي انا ماحب هالكلآم ووآيد آخآف منه حسن باسها على راسها : آنزين حقج علي روضة خشت راسها في صدره وقالت : سآعدني آتخطآهم كلهم وآبقى سجينه حبك وقلبك ! حسن مسح على ظهرهآ بحنآن وقال : آن شاء الله .. . . فآلمطآر . . دخلوآ الطيآرة خلآص وبعد ربع ساعه آقلعت متجهه للندن , كآن فيهآ حمدآن وغاية وسلآمة وآم حمدآن وترفة . . غاية تتنهد : سلآمي ترآج طلعتيني من طوري آم حمدآن : خليهآ تلعب غاية بصوت خفيف : عموه هني الناس مب كلها بتفهم آن هآي ياهله عقب بيدعون عليها شو بستفيد انا لا طاحت مريضه ام حمدان : صدقتي غنآتي .. " ام حمدآن شلت سلآمة ويلستها ف حضنهآ ويلست تخبرها قصص لين نآمت " غاية : فديتج عموه , والله مآكنت اعرف شو بسوي بحيآتي لو مآكنتي فيهآ , آم حمدآن ابتسمت : كنتو بتضيعون غاية : هي جفتي كيف وجودج مهم " لفت على حمدآن : حمممدآننن , شربت دوآك ؟ حمدآن : لآ غاية تضايجت وآيد منه , سحبت شنطتها وطلعت دبه الماي والدوآ وعطتتته , حمدآن : يآلله عآد نسيييت غاية : آنت وآعدني تهتم ف صحتك كيف جي تسوي في نفسك , ببرود تقول نسيت ! حمدآن : خلآص آخر مرة غآية : كل مرة عندك هي آخر مرة صح !! حمدآن تنهد وسكت عنهآ , شكلهآ صدق صدق متضايجه منه , خلاها براحتها اما هي يلست تسولف مع ام حمدآن وتقضي الوقت .. . . ميثآ فآتحه الروآية ويالسه تقراها , رجعت راسها على الكرسي اللي ورى وغمضت عينهآ ويلست تتخيل حيآتهآ مع عمير , ابتسمت بحآلميه ويودت فونهآ ويلست تدور رقمه بس مآلقته طرشت للهنوف مسج انها تبا رقم عمير ضروري وطرشت لها اياه .. بعد تردد كبير طرشت له مسج .. " أنت السّنين الوافيه وأنت القريب اللّي بعيد وأنت الحظوظ الصّايبه اللي مشيت اسعى لها your m " عمير يوم آنتبه للفون طآر من الونآسة .. طرش لهآ بآستهبآل " منو آم بعد ؟ " ميثآ من جآفت المسج تنرفزت " ليش كم بنت انت تعرف ؟ " عمير " 25 وانتي الـ26 .. " ميثآ : هههههههه جذآب مستفز " كون لي المنفى، أنا لا اُحب وطن الجميع ." عمير " شبيه الريّم ما بالناس مثله ، جميل وزاد حسنه فيَ كلامه " ميثآ استحت من المسج وحضنت الفون .. شوي ووصلهآ مسج ثآني من عمير . . عمير " ميثآ عشان تكونين بالصورة انا اليوم بكلم آبوي ان نييكم ونتكلم رسمي خلاص ملييييت " ميثآ فتحت عينهآ " لآلآلآ بعده وقققت " عمير " جب " ميثآ " يجبك " عمير " ميثوه ترآني آتكلم جد " ميثآ " بس آحس بعده وقت وبعدنآ صغآر على شو مستعيل ؟ " عمير " آلكلآم ويآج ضايع انا بس حبيت احطج فالصورة لآ آكثر ولآ آقل ," ميثآ تنهدت وفرت الفون وتوترت لمآ قآمت تحس آن الموضوع بيصير جد , . . نوف : فههههههههههههد فهد : هلآلآلآلآلآلآلآلا نوف تصصصآرخ : طييطططآر بالغرفففففففففففففففففففة فهد رآح ومن شاف طيطآر صغير هلك من الضحك نوف شردت من الغرفففة . . طلال : بابا شو مستوي ؟ فهد : آمك تخآف من الطيطار طلال راح وزخ الطيطآر ويلس يلآحق نوف ونوف تركض وتصاررخ . . نوف : الله يخلييييييييييييك فهههد خلآصصص فهد يآب كلينكس وشل الطيطآر . . نوف : حمممآر ولدك فهد : على آمممه نوف : لآ وآلله . . . فهد : ههههههه طلآل : ماما يوعان نوف : يآلله تعآلو قطعت لكم فوآكة ورآحوآ كلهم الصآلة ويسلوآ يتقهويوآ ويآكلون فوآله , . . ظآهر : يآ بآبآ خلآصصص حميد يضربه على ويهه ويزآعععقق .. ظآهر : لطييييييييييييييييييفة لطيفة يآت وهي شاله حمده : هلآ حبيبي ظآهر : شهالياهل اللي يابتنه لطيفة : ليش شفييييه !! ظآهر : طآلع طفس لآ وبعد قوآه عينه يضآرب لطيفة : ههههههههههه فديته على آببوه قوي ظآهر يبوسه : فديييتتته وفديييت أممه لطيفة رآحت وقعدت حذال ظآهر وحطت حمدة على ريله , ظآهر خآف وقال . . ظآهر : لطوف شليها لآ اعقها , لطيفة عدلت شعرها وشلت حمدة : حبيبي مآبيصير شي ظآهر بآسهآ : الله يخليج لي ويتربون بعزنآ يآرب لطيفة : آن شاء الله يآرب .. ظآهر : مآتم شي عن سفرنآ , لطيفة : هي آن شآء الله بآجر ببدآ آزهب لبس لي ولك عقب بنطلع سوآ وبنختآر لبس لليهال ظآهر : آن شاء الله , الله يقويج لطيفة : آن شاء الله .. . . يدي : والله وكبرتي يآ سلآمة وشفتي آحفاد عيآلج يدوه : الله يطول بعمرنآ ويقدرنآ ونشوفهم معآريييسسس يدي : آن شاء الله يآرب . . والله يخليج لي يآ سلآمة , والله آن مآفي حرمه شرآتج سنعه يدوه : هي عشان تعرف قدري زين يدي : يودو صدقت عمرهآ يدوه كفخته على ريله : محمد لا تقول جي جدام العيال , بعدين انا استحي تحطني بموقف محرج ويآهم يدي : وشعنه تستحين منهم ؟ من متى تستحين من عيالج , يدوه : لآ خلاص نحن كبرنآ على هالسوالف والغزل يدي : نحن لآ كبرنآ ولآشي , يدوه تربت على كتف يدي : الله يخليك يآ محمد لي وعل عيني مآتذوق حزنك يدي : وعلني مآذوق حزنج يآ رفيقه هالعمر . . فليل .. يآني ذياب المستشفى , وشل ولده وقعد يبوسه ويشمه .. كنت آطآلعهم وابتسمت , يودت تلفوني وصورتهم وحطيتها خلفيه تلفوني .. ذيآب : شي يعورج حبيبي ؟ : لآ حبيبي مآشي , ذيآب : صدق ؟ : صدق .. ذيآب : آممم انا يوعآن وآنتي ؟ : ههههههههه وآيد يووعععآنه , ربيعتي يايبه محشي خل نآكككله ذيآب : يآلله " رجع حمودي لسريره وبطل الصحن ويا يلس على الشبريه ويلس يآكلني ويآكل نفسه , " : ذيآب خلآص شبعت .. ابا اقولك شي . . . ! ذيآب : قولي حبيبي اسسممعععج , قربت منه وشليت الصحن وحطيته على الطآولة وحضنته : أسفه .. على كل لحظه عصبت عليك فيهآ آو خليتك تعصب بسببي .. آسفه لآني مآكنت ويآك ولآ تفهمتك ولآ قدرت آني آسآمحك بسهولة .. ذيآب : حبيبي ليش هالكلآم ترى وآلله آنآ مآزعل منننج , وبعدين آنتي كآن ويآج الحق بآن تزعلين , اللي سويته مب شوي قمت عنه وحطيت ايدي على خده وقعدت آتآمله : الحين .. كبرت عآيلتنآ , وبنتقآسمهآ مع ولدنآ . . ذيآب : مآروم ابوسج ولآ اروم ايودج , بروح اتغسل وياي : ههههههههههه لآلآلآلآلآ ياخي انا استغليت هالفرصه لآن ايدك وصصخه مآتروم تسوي شي ذيآب : تري : ذيآب لوسويت شي بدق جرس النيرس تي وتسحبك من شعرررك ذيآب : تخسي الا هههييي ! رآح تغسل ورجع . . وقعدنآ نسولف ونضحك ويغصص فيني .. عقب يات النيرس تعطيني ابره ف ايدي وصرخخخت لانها صدق عورتني لدرجه آنه ايدي كآمل أنتفخت وذيآب صدق عصب وقلب عليهم المستشفى من الزعععيييق , ضربوني الابره بالايد آلثآنية .. ذيآب ميود آيدي بهدوء ويمسح عليها : تعورج ؟ صحت : هي .. كلبه والله شوف شو سوت بايدي ذيآب مسح دموعي : آشش مآيصيحون على اشياء تافهه وانا دموعي تنزل : هههه الحين ايدي ورمت وانت تقول شي تافه ذيآب ابتسم لضحكي : الحين تضحكين ولآ تصيحين ؟ آخآف بعد شوي تنزل مخاخيطج علي قزيت : آعيييييييييييييييييييييييييييييه .. ذيآب ضحك ويا حذآلي وخلآني آنآم على صصصدرهه وقعد يسولف ويلعب بشعري لين غفيت وآنآ متنآسية كل آلام الولآدة ! . . ثمره حبي آلصآدق لذيآب هو اليوم , يبت آحححلى ولد فالدنيييآ منننه .. ذيآب اللي تخلى عني لآسبآب غامضة واللي كرهته ومآتخيلت اني برجع اسامحه وآعيد حيآتي معاه من آول ويديد , لآ شعوريآ كل شي تغير ورجعت له ومن نفسي بعد , مححد جبرني ابببد .. ذيآب اللي يحبني مثل حبببه لنفسسسسه , وآلله آني اسعد آنسآنه في حيآتتتي وآنآ ويآه , حتى لو تضآربنآ حتى لو شو مآصآر بينآ , بيبقى هو الوحيد اللي قادر آنه يخليني اعصب وبنفس الوقت اضحك من قلب , يبقى هو الوحيد القآدر بآنه ينسيني زعلي وعنآدي وضيقي وكل شي ممكن يغيرني على آلآهل .. مآكنت آدري وقتهآ آني يوم آقول لمشاعل منو هالدخيل اللي بالمزرعه آنه مب بس بيدخل مزرعتنآ بيدخل قلبي .. مب ندمآنه آبد على آي دقيقه ضيعتها مع ذيآب وعلى حبي له , حتى جرحه برى بالكآممل .. اليوم عندي ولد وعندي مسؤوليات اكبر .. قررنآ آنآ وذيآب نربي ولدنآ احسن تربية , وحتى لو فكرنآ في يوم آن نتضارب انا وذياب هالشي ابد مآيكون جدآم ولدنآ عشان لآ يتعقد ولآ يحس في يوم من الايآم آن آمه وآبوه تخلوآ عنه في الدرب .. روضة قررت آنهآ تسآمح نفسهآ وتبدآ حيآه يديده مع حسن من آول ويديد .. حيآة مآفيهآ الا آهلهآ وحسسن , وعشان تحط خلود بالصورة خبرتها آنهآ مستحيل ترجع علاقتهم مع بعض نفس قبل , صح هي سآمحتهآ بس هذآ مب معنآته آنهآ بترجع لهآ نفس قبل .. حسن يعود روضة شوي شوي بآنهآ تستوي قوية وسمح لهآ بآن تآخذ الليسن ووعدهآ يطلع لها سيارة ودآيمآ يشجعهآ على الدرآسه ودآيمآ يحثها بآن يكون معدلهآ عآلي جدآ .. مثآيل وعبدآلله ومآيد وموزة مرتآحين مع حريمهم وآيد ، صح تصير بينهم مشآكل لكن رغم كل شي قلوبهم على بعض ودآيمآ يقدمون عيالهم على نفسهم ويفكرون فيهم آول مآيتضآربون عشان جي يتسآمحون بسرعه .. آمي وآبوي مرتآحين وآيد بعد مآشآفوآ آحفآدهم وصآروآ يدلعون الآحفآد آكثر ممآ يدلعونآ نحن عيآلهم .. بيت عمي بومحمد , يوسف للحين مستمرة قصه حبه وكل يوم يزيد حبه لغالية اكثر واكثر واكبر دليل آنه يعشق ثراها قرر انه يبني لها بيت بس عشان تسكن فيه هي وامها وعشان مآتصيح ولآ شي يكدر خآطرهآ .. مهره كلمت محمد بخصوص اللي يصير بينهم وقالت انها تتمنى آنه يكون آكثر تفهم من جي ويعتني ويشوف ولده لآن مهمآ الولد آحتآج الام , آحتيآجه للآب يكون آكثر .. ومحمد وعدهآ آنه يحآول على قد مآيقدر وطلب منهآ تسآعده في هالشي وهي ابد ابد ابد مآرفضت .. آمآ ببيت عمي بوخآلد .. خآلد نسى روضة بالمرة لآنهآ خلآص صآرت على ذمه ريآل ثآني وبدآ يحب خلود ك آي زوج يحب حرمته ومآيرفض لها طلب .. خلود تضآيجت وآيد من عرفت آن علاقتها مع روضة مآبترجع نفس قبل لكن خلآص بدت تتآقلم على الوضع , سهيل قدم لبشآير على وظيفه من نفسه لآن يباها تتسلى لآنه يعرف آنهآ مب وايد مع خلود , ويباها مرة على المرتين تستوي آجتمآعية مرة ثانية ويستون لهآ ربع غير البنآت اللي من العآيلة , آمآ عن بشاير استآنست وآيد لقرآر سهيل اللي طلع من نفسه وقررت آنهآ مهمآ كآن شغلهآ مهم , يكون سهيل والدآنه فالمرتبة الاولى من آولويآتهآ ووقتهآ .. وقالت انها لو حست آن هالشغل بيضعف علاقتها مع سهيل بنتها على طول بتسحب آورآقهآ منه .. لطيفة وظآهر يربون التوآم ووآيد متعذبين معاهم لآن طلعوآ وآيد شيآطين .. ظآهر حجز لهم بآقرب طيآرة وسآفروآ سيآحه منهآ تغير جو ومنهآ يسون فحوصآت لهم ويطمنون على نفسهم , غآية هالكورس هي بتكون خريجه آن شاء الله ومن تخلص بترجع هي وحمدان وآم حمدآن يعيشون بآلآمآرآت وللآبد .. غآية مستآنسه ومرتآحه وآيد لكن حمدان مغصص فيها بسالفة الادوية يوم ينسى وجي .. حمدآن يستآنس يوم يستفز غاية ويستآنس آكثر يوم يشوفها تصيح يحسها تستوي بريئه وآيد لكنه دوم يرآضيهآ , ويحب بنته وآيييييد ووعد نفسه مآيخليها بروحهآ طبعآ الا خذاه الموت .. آم حمدآن بعد مآكلمت حمدآن بموضوع آنهآ بتم ف لندن طبعآ عآرض وبشدة ومآرضى آببببد وقآل آن هي اول وحده تركب الطيآرة وهم رآجعين الامارات وغاية صاحت على قرار ام حمدان وعاد ام حمدان يوم شافت جي الوضع على طول وآفقت آنهآ ترجع وياهم لآن غالية بعد تضآيجت هآك اليوم يوم خبرتها عن هالشي .. آمآ عن بيت عمي بوصالح .. ف صآلح الحين متعآيش مع الوضع ومصعب طلع من حيآتهم للآبد لآ يسبب له مشاكل ولآ يدخل في حياته الزوجيييه .. وبيت عمي بومشاعل .. عمي دآيمآ يحن على مشاعل ان تيب لهم ياهل لكنها حطتهم فالصورة وقالت لهم ان هي اتفقت مع حامد ان طول فترة دراستها مآتحمل عشان مآيضيع عليها دراستها وتهتم لشي وتهمل الشي الثاني , حآمد يحب مشاعل وآيد ودوم يوم يبا يقهرها يذكرهآ بالماضي وجي لكن عمره مآشك فيهآ رغم آنهآ كآنت تكلمه بالفون وجي .. عمممي نآصصر والحب ظبيه .. هالثنآئي الله يحفظهم احس بعيد عن المشاكل متفآهمين جددددآ .. نصور يتريآ ولده اي باحر من الجمممر وعمره مآعتبر ان جرآح مب ولده .. جرآح وآيد يغآر ويخاف ان ناصر بيهمله اذا يا الياهل لكن نصور دوم يلآعبه ويخبره آن اذا الياهل يا ان شاءالله جرآح هو اللي يشله و بيوديه ويبه لين رسخت ببال جرآح آنه بيصير اخو كبير ولازم يكون قد المسؤولية ويحب اخوه ويحميه وصآر متحمس حآله من حآل ناصر لييّه هاليآهل .. ظبيه نست سآلفة الشغل وقالت آنهآ بتم بالبيت احسن لهآ وبتعتني اكثر بريلهآ وببيتهآ وولدهآ وعمهآ وعمتهآ , يدي ويدوه .. هزبوآ كل العايلة وحصلنآ تهديدآت صريحه وقوية بآن آي وآحد منآ بيخلي ولده يقول لهم *يدوه آو يدي* بيآكلونه آكل لآزم يقولون له آمآيه العودة آو ابويه العود .. حبيبي يدي , طآر من الونآسة لمآ عرف آن ولدي هو سميه .. آمآ يدوه فقآمت تحب بنت غاية وآيد وكله تتنآزع لمآ غاية ترجع لندن , وقالت من يرجعون آلآمآرآت يدوه بتآخذ بنت غاية وبتربيهآ عندهآ وبتخليهآ تبيت عندهم وغاية آبد مآعآرضت .. نوف من بعد مآسآمحت عمتها وعمتها تغيرت للآحسن قآمت تحس آن الحيآة حلوة , وآنه مآبتصير اي مشاكل ثآنية آببد , فهد سآمح آمه بسبب نوف وحنيتها وعطفهآ عليهم .. سعيد نفس مآهو مآتغير , وعشان يرضي شمسه ولا يبعدهآ عن آهلهآ صار بين فترة وفترة يوديهآ آسترآليآ عشان تشوف آهلهآ اللي عايشين هنآك , شمسه مرتآحه مع سعيد وصآرت لمآ تروح استراليا ابد مآتخآف من آختهآ مروه لآنهآ وآثقه بحب سعيد لهآ ولبنتها .. عمر وعمير اتنازعوآ وآيد على ابوهم لين رآح وخطب لهم رسمي وحددوآ الملجه والعرس وطآيرين من الونآسه طبعآ على حريمهم وكل يوم يوصون عموه شيخه * آم ذيآب* تحبهم وتهتم فيهم وتتصل تتخبر عنهم , عآمر ووديمة استقروآ خلآص استقرار نهآئي في لندن وقآلوآ مآلهم حآية يرجعون الامارات لكن بيرجعون بين فترة وفترة عشان عآمر يشوف امه وابوه وعياله يشوفون يدهم ويدتهم , عذآري آرتآحت وآيد من رجعت الامارات واستقرت لآن تحس كل النآس حوآلينهآ وآبد مآعليها خوف وآستآنست آكثر لمآ لجين قآمت تبعد عن حياتها عقب الكلآم القوي اللي فره عليها حمد , ومرتآحه من نآحية آن عمتهآ صآرت مآتعآيرهآ وآنهم سكنوآ في شقه خآصه لهم بروحهم ,.. حمد , من يوم عذاري يابت له الياهله وهو يعشقها ويحبها ويقدرهآ وحآطنها فوق راسه وقلبه أكثر من قبل , فآرس مآقدر يصبر على ترفة اكثر من جي ف شل اهله وطلب من آهلهآ يسون ملجه بين آلآهل عشان يطمن على الاقل انها هناك وياه وقدآم عينه ووآفقوآ وسوآ لهم حفله صغيرة وترفة على طول عقب رجعت وياه لندن لآن بعدهآ بآقيلهآ كورس تدريب غير هالكورس , ترفة تعلقت ففارس أكثر بعد مآملجت , وصارت تبني وياه احلآم وآمآني مآلهآ نهآية .. سيف ومنآر عايشين حياتهم بالطول والعرض , وكله من سفرة لسفرة , سيف حب منآر آكثر لانهآ رققت قلبه على خوآته وخلته يرجع لهم ويحبهم ويعآملهم فعلآ على أنه اخوهم الكبير ومآيهملهم , آمآ منآر حبها مثل ماهو لسيف لا زآد ولآ قل .. سيف منعها من الشغل وهي ابد مآرفضت طلبه لآن تعرف انه صاير غيور بزييآدة . . عليآ تقدم لها عزوز ورآحت كلمت ابوها ووافقت وقالت له آنهآ تباه ووآفقوآ عليه ومن عرف انها وافقت عليه تخبل من زود الونآسسة وسوآلهم حششرة وآحتفآل خآصص في البيييت وقال حق ابوه بسرعه يروح يكلمهم رسمي عن تروح من بين آيده البنت , مريوم وميثآ من عرفوآ آن عمر وعمير تقدموآ لهم رسمي على طول وآفقوآ لآن مآيبون يمآطلون بالمموضوع لان هم بعد يحبونهم , واللي زآدهم حمآس آكثر وآكثر آن مريوم وميثآ رآح يكونون من اليوم ورآيح ببيت وآحد .. . . احبك كثر ما قد صار .. احبك رغم ما قد صار احبك كثر ما دنيا الزعل والصـد .. مهجـوره احبك كثر ما تمطر بصدري من غلاك امطـار احبك كثر ما صارت اراضي العشق ممطـوره احبك كثر ما تفتـح شبابيـك الربيـع ازهـار احبك كثر ما غنّت عشـان الصبـح عصفـوره احبك كثر ما تاقف على جنب الطريق اشجـار احبك كثر ما يقسـى الشتـا وتهاجـر طيـوره احبك كثر ما ف الأرض بنتٍ تلفـت الأنظـار احبك كثر ما يرتاح عطـر بصـدر مغـروره احبك كثر ما جاب المساء فـي معطفـه زوار احبك كثر مـا جانـا صبـاحٍ يشبهـك نـوره احبك كثر ما تهدي كفوف الوصل مـن تذكـار احبك كثر ما شالـت يديـن العاشـق زهـوره احبك كثر ما نقرا عن الفارس عـن المغـوار احبك كثر ما نسمـع ولا شفنـا ولا اسطـوره احبك كثر ما تلعـب بدنيـا العاشقيـن اقـدار احبك كثر ما .. ذا الحظ دايم يعلـن قصـوره احبك كثر مـا ملّـت قصايدنـا مـن التكـرار احبك كثر ما الشاعر تمنـى حـب جمهـوره احبك كثر ما شفنا على وجـه الزمـان اثـار احبك كثر ما في الأرض فقر وناس ميسـوره احبك كثر ما نجهل متى توقـف بنـا الأعمـار احبك كثر مـا قلنـا عـن الأحـوال مستـوره احبك كثر ما ضاق السجيـن بلعنـة الأسـوار احبك كثر ما هـاج البحـر واجتاحتـه ثـوره احبك كثر ما ننسى واحبـك كثـر مـا نحتـار احبك كثر ما يسهر محب وفـي يـده صـوره احبك والتفت شاعر لعينك و انطـرت اشعـار حلف ما يمسي الليله قبل مـا يكتـب شعـوره آلنهآية .. . . |
آلسلآم عليكم ورحمة الله وبركآتهه * شخبآركم قرآئي ؟ آتمنى تكونون بآلف صحة وسلآمة .. طبعآ وجآن آنزل لكم البآرت الاخير , طبعآ ختآمهآ مسك , آحب اشكر صديقتي لتصحيحهآ الاخطآء ولصبرهآ علي التصحيح طول الفترة آلسآبقة , شكرآ لكل اللي ردوآ من بدآية الروآية لنهآيتهآ , وآتمنى آن الروآية نآلت على اعجآبكم , من آولهآ ل آخرهآ و و بس والله مآعرف شو اقول وشو آعبر , اشوفكم على خير ان شاء الله شدوآ حيلكم بالدرآسة ولآ تخلون آي روآية تلهيكم عن درآستكم وعن صلآتكم وذكر الرحمن مع السلآمة | ♡♡♡♡ |
| الساعة الآن 02:21 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir