|
اوكي يالله الحين المغرب وبعدج ماكملتي |
?????????????????????????????????????????????????? ?????????????? |
اقووووووووول لج وينننننننج واااااااااايد اتأخرتي الحين الساعة ثمان وانتي قلتي العصر بيكون جااااااااااهز كيفج أذا مانزلتي بنضربج موافقة خخخخخخخخخخخخخخخخ |
مل الانتظااااااااااااااااااااااار!!!!!!!!!!!! |
http://www.ma7room.com/upload/uploads/58fa049e47.gif بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم ; . . . ( الساعه 1:35 ولله ولله توني اخلصه ) ............................$$$ ... الجزء الحادي والعشرين ... $$$......................... ================================================== ==== للكاتبه : روح الامارات ....................$$$................ للكاتبه : روح الامارات ================================================== ==== هيونه وسيف ضلو على نفس هالشي الي بينهم وهيونه تحاول تشيل الحوالجز بس مو قادره وسيف فاهمها وكل ماقرب منها بعدت عنه وضلو اول 11 يوم وبعدها كانت روحتهم لفنيسيا ( ايطاليا ) وكانت هاذي المره الاولا لهيونه بس كانت اسعد وحده بنها لاول مره تروح لفنيسيا ( مدينه العشاق ) مع اغلا واحلا واحد فهالكون << ( بنسبه لهيونه طبعا ) اول مامشو بعد مالمت هيونه اغراضها وسيف ينطرها علشان تخلص سيف : يلا فديتج الطياره بتطير وبتخلينا هيونه بصوت واطي وهي منزله راسها : اوك ثواني بس سيف بحماس : يربي خلاص لو تبين ساعه انا حاضر اي كذا سمعيني صوتج على الأقل تييني طاقه ههههه هيونه ابتسمت ولمت عطوراتها الي عالتسريحه وحطتهم بشنطه بعد مارتبت شنطه سيف ونزل اهو وياها وخبر الرسبشن علشان يطرشون العامل يجيب الشناط وباقي الاغراض وطلعو من الفندك وخذو تكسي وراحو للمطار وسيف طول الطريق يناضرها ويحاول يكلمها وهي ياتسكت ياترد عليه بأجابه مختصره حدها (وصلو المطار واول ماخلص كل الاجرائات وماخذت وقت وبعد نص ساعه ركبو الطياره واول ماجلسو وطارت الطياره وربع ساعه من الصمت سيف : هيونه هيونه وهي فيها النوم : لبيه سيف : لبيتي حايه يري ونا معاج قولي امين ( هيونه ابتسمت ولا ردت عليه ) سيف : تصدقين ان الشغل ماخذ كل وقتي توني بس احس اني لازم اعيش حياتي السفرحلو بس منو الي يهتم ولا يحاتي وهو بروحه بدون حد يونسه ويقعد وياه هيونه حاولت تحسسه انها معاه وتناقشه بحدود هيونه :الكل يهتم بس دايم كل انسان له شي يشغله عن اشياء اهو يحبها سيف ابتسم يوم تكلمت ماحب يوترها وكمل يناقشها باشياء تخصه وشوي شوي خذت هيونه عليه وقامو يضحكون ومبصوطين بس يتكلمون بحدود ( وصلو لروما وهيونه كانت فرحانه انها راح تشوفها وسيف كان فرحان بنه راح يضل ويا هيونه على طول بعد ماتشكك انهم راح ياخذون هيونه علشان مرضها بس راح يثبتلهم ان هيونه معاه متشافيه ميه بـ% ) وصلو لرما وما فكرو انهم يتمشون فيها على طول راحو لفنيسيا وبعد ماوصلو كانو حدهم هلكانين استاجرو فندق مع انه كان شعبي شوي بس كان جنان والي محليه اكثر وجود هيونه وسيف فيه خلو شناطهم ورمو نفسهم على الفراش لانهم كانووو حدهم تعبانين ورما سيف نفسه على الفراش وهيونه لا شعوريا من التعب رمت نفسها جمبه وسكرت عيونها لانها حدها تبي النوم سيف مو مستوعب لف راسه وكانت تقريبا جمبه ابتسم وقال سيف بهمس : اموووت بالجراءه هيونه ابتسمت وسكرت عيونها لانها حدها منحرجه سيف بينه وبين نفسه : يربي هاذي شتبي تسوي فيني تبي تقضي على اخر ايامي يربي ولله احبها واحبها حب مايعلم فيه الا ربي , ربي يخليج لي اهو كان سرحان وهي مقدرت تستحمل عمرها وقفت وراحت تبدل ملا بسها ولبست بيجاما ورفعت شعرها بربطته من فوق والباقي مفتوح وقفت على الدريشه لان المنضر كان رهيييب مره واهي من الفرحه ودها تصرخ بس مو قادره سيف موجود وهي سرحانه بهالمنضر الي لاول مره تشوفه ودها تقوله يلا الحين نتمشا بس اهو حده تعبان ويبي ينام والساعه كانت 5 المغرب وعلى الساعه 9 راح يطلعون سيف رفع راسه وقعد يناضرها وهي سرحانه وبعيونها شي تبي تقوله عدل جلسته قعد ونزل رجوله وناداها سيف وهو بعيونه اساله كثيره يبي يسالها ياها واحد ورا الثاني : هيونه هيونه اول ماسمعت صوته تخسبقت شوي و ناضرته : لبيه سيف : لبيتي فمكه تعالي فديتج تعالي حذالي ابي اسولف وياج شوي ( هيونه تركت الستاره وجت وقعدت على الكرسي الي يم السرير وهي منزله راسها وتحط عمرها مو مستحيه بس واضح عليها من حركه اصابعها بطرف قميص البجاما ) سيف : تعالي حذالي هني يلا تعالي والله مرح اكلج هههه هيونه ببتسامه قامت وقعدت جمبه على السرير وهو يناضرها من قامت الين قعدت سيف حط ايده وراى ضهرها ومسكها مع خصرها اهي حست برجفه من حركته سيف بحساس : ولله يهيونه لو انج موقدامي الحينه كان صارت فيني بلاوي والله مابي عيني تفارقج ولا لحضه , انتي لو تدرين شصار فيني من كثر مافكر فيج جتني ايام حسيت اني بنجن من التفكير . هيونه ناضرته بنضره بريئه وهو انتبهلها انها تناضره ناضرها ولما شاف شكلها كذا ابتسم وباسها على جبينها هيونه بينها وبين نفسها : ودي ينضر عيني اقولك وش داخلي بس مو قادره هالشي كبير علي ولله ودي اصرخ واقول احبك يسيف احبك ونت مو عارف شقد احبك. سيف : هيونه ابيج تجاوبيني بصراحه ولا تستحين اوك هيونه وهي ساكته ناضرته وفيها ابتسامه مختفيه سيف قال هالشي وهو ماوده يقوله : انتي تتذكرين شي صارلج من زمن ضايقج او على القل تتذكرين انج قد داومتي عند دكتور لشي معين بس ماتتذكرين انتي ليش كنتي تسيرين له شي دايم تتذكرينه بس مو عارف شو اهوا هيونه وهي مستغربه سكتت شوي علشان تتذكر وبعدها قالت هيونه : إلا بس مو ذاكره مره ليش تسأل سيف كان مايبغا يذكرها بس قال كل هالشي غصبا عنه : سيف كنت اسال بس هيونه سكتت وهي حاسه ان في شي بس ماتقدر تناقشه سكتت وجبرت عمرها تنسا وهشي يمكن بس سؤال اهو انسدح على الفراش وسرح شوي وصار مو معاها معاها اهي راحت وهي تعكر مزاجها شوي من كلامه وقفت عند الدريشه والفكار توديها وتجيبها وتحاول تتذكر بس ماقدرت وشوي شوي تذكرت عمرها مره تبكي ومره عند دكتور ومره وامها ضامتها وتبكي وصوره رجال غريب مرت صوره هالرجال اكثر من مره و صور تمر من ذاكرتها قدامها لانها طولت وهي تفكر بس ماتعرف ليش اجبرت عمرها بس صور قليله الي مرت عليها وعكرت مزاجها لانها كلها حزينه حاولت تتذكر اهي ليش كانت حزينه بس ماقدرت كان صعب عليها تتذكر . سيف بعد ما غفا تقريبا ساعتين قام و لف عليها وشاف شكلها متضايقه و اهي بعالم ثاني اهو نسا الكلام الي قاله سيف وهو يتثاوب : ااااه يلا حياتي ماودج تطلعين لفت هيونه عليه وبتسمت وهزت راسها دليل على الرضا قام سيف وهو متوجه لها قرب منها وباسها على خدها ودخل للحمام خذا شور وهو طالع وكان شعره مبلل توه ما نشفه قعد على السرير وخذا الفوطه الثانيه وقعد ينشفه دخلت اهي الغرفه يوم شافته لاشعوريا شهقت بصوت واطي ولفت توها بتطلع لف عليها وشافها طلعت من الغرفه بسرعه وهي وجها احمر من الفشله اول مره تشوفه كذا سيف وهو ميت من الضحك : تعالي هيونه ههههه يربي ذالبنت ودي اكلها شحالتها وشحلات سحاها يربي هيونه هيوووونه اذا ماجيتي بجـيج ها اقوم ولا ردت عليه ضحك وقام وهو طالع من الغرفه وشافها قاعده على الكنبه والبنيه مهي بخير سيف قعد جمبها وهو جاي بس علشان يحرجها مسك يدها وحط فيها الفوطه وقال : نشفي شعري . يلا انا انطر ترا بردت ابي اروح ابدل يلا هيونه من قعد جمبها وهي كن احد صب عليها ماي بارد من الخرعه وقفت وهي مسكره عيونه وفتحتها بشويش وحطت الفوطه على راسه وتمسحها عليه بشويش وهو ميت يبي يضحك بس ماسك عمره اخر شي يوم حس ان البنت خلاص بتموت وصلت حدها وقف بسرعه وقرب منها بحركه سريعه اهي تخرعت منها ورجعت على ورا قرب منها بسرعه ولف ايدينه على خصرها وقربها منه وصارت لازقه فيه ويدينها على صدره وهو يناضرها ومبتسم وكان يتمنا هالموقف من زمان وقال سيف : وللله احبها والله واموووووووووووووووت فالي يستحي انا هيونه يوم ستوعبت الموقف ان سيف الحين حاضنها تبي تبعد بس ماقدرت لانه كان ماسكها بقوه وهو طبعا اقوا منها وقالها بضحكه سيف : ماكو فكه طيب , الا لما اقرر انا اوك هيونه وهي صوتها رايح فيها حاسه انها راح تطيح من بين ايدينه الحين هيونه : طيب بس بس بروح البس للحين مالبست سيف : ادري مالبستي بس خلاص اجلت الروحه انا الحين ابيج انتي وبس هيونه وهي من الخوف ودها تبكي : طيب تكفا بس بروح الحمام سيف وهو شوي ويروح فيها على شكلها بتموت البنت من الخوف : طيب بس شوي لاطولين ( وتركها وهي لفت عنه وتوها بتروح مسك ايدها سيف : لا تطولين انا اترياج هيونه وهي منزله راسها تبي تبعد عنه باي طريقه : طيب طيب هدها واول مادخلت الحمام قعدت لان رجولها خلاص مو شايلتها من الخرعه اما اهو قط عمره على الكنبه ومات من الضحك عليها سيف وهو يضحك : فديتها ولله عمري ماشفت بنت زيها وطبعا مرح اشوف فديتها ولله احبها وبصبر عليها الي يحب يصبر صبرت شهر بعيد عنها وسبوعين جمبها وما كني جمبها معليه لازم اصبر . (هيونه قعدت بالحمام ولا طلعت نص ساعه وهو ينطرها اخر شي يوم طولت فتح باب الحمام لقاه مقفل سيف : هيونه فديت روحج خلاص طلعي ولله بنطلع ولا تزعلين انا ناطرج بالغرفه الثانيه لاتبطين لانا تاخرنا راح للغرفه الثانيه اما اهي طلعت وهي عيونها تلف المكان ولا لقته خذت ملابسها ولبست عند المرايا واول ماخلصت لمت شعرها وطلعت وكان شكلها مر كيوت سيف : يلا خلصتي هيونه : اي سيف ببتساما : يلا امشي ومشا ومشت وراها لف عليها وهو مستنكر حركتها سيف : امشي جمبي ماحب احد يمشي وراي جت ومشت جمبه وهي متضايقه من طريقه كلامه لها لانها مو متعوده حد يامرها كذا ومشو ونزلو الدرج لان الفندق شوي شعبي ومكان فيه اصنصير بس كان روعه وهم نازلين كان القارب ناطرهم وهيونه كانت طايره من الفرحه ركب سيف ومسك يدها وركبها واول ماقعدو كانت هيونه شوي خايفه بس شوي شوي تعودت ================================================== === ( هيونه وسيف كانو فواحد من احلا قوارب العشاق وكان شكل القارب كيوووت مره وهيونه كانت طايره من الفرحه بنها الحين بفنسيا وسيف كان مو هامه كل هاذا كان هامه وجود هيونه جمبه وهذا يكفي ويوفي بنسبه له وكان قد مايقدر يونسها ويخليها دوم مبتسمه وهشي يكفيه ) سيف رجع على ورا ومسك هيونه وقربها منه وحط ايده عى كتفها كنه ضامها وهي من فرحتها حطت راسها على صدره وهي تناضر احلا مدينه لاحلا عاشقين سيــــــــــــــــــــــــــــــف * هيـــــــــــــــــــــــــــونه سيف كان فرحان بجرئتها وهي كانت مبتسمه والبسمه مو راضيه تفارق شفاتها قرب سيف فمه من ذنها وغنالها بصوت واطي ....... ================================================ تبغي الصراح وتبغي الصدق حبيتك ..... ونتا معي مختلف عن كل خـلق الله انتا المميز ونا اصلا تمنيــــــــــتك .....من قبل اشوفك ...... الخ ================================================ ( هيونه وسيف ماردو الا الساعه 3 الفجر وكانو حدهم مستانسين وفرحانين كانت المدينه الجمل فالعالم بنسبا لهيونه ) دخلو شقتهم وهم هلكانين مابقا شي ماسووه هيونه رمت عمرها على فراشها وسيف نفس الشي وكانت جزمت هيونه وشنطتها مرميه على بالارض وسيف فصح التيشيرت وجزمته وقط عمره جمبها ومن التعب نامو وهم ماغطو نفسهم حتا وهم ماحسو راحو بسابع نومه ============================================= -------------------------------------------------------------------------- اما فبيت ام حسين يوم الجمعه الصبح الساعه 11 الضهر وحسين نايم وطول ما سيف كان مو موجود كان ملان وماله خلق على شي حاس بفراغ كبير من دون سيف ماتوقع فيوم انهم يفترقون عن بعض ولا دقيقه دخلت عليه ام حسين علشان تصحيه ام حسين : حسين يما نش يلا صلات اليمعه يلا بو سالم يترياك تحت يلا حسين وهو فيه النوم رفع راسع وشاف الساعه 11 حسين انسدح مره ثانيه وقال : اووووه امايا فديت روحج ابا اناااام تو الناس الساعه 11 لاجت 12 صحيني ام حسين وهي تسحب فراشه وهو بحركه سريعه تعلق فيه ومسكه بيدينه ورجوله حسين : لااااا ماحب هالحركه ام حسين وهي ميته من الضحك على حركته : هههههه نش يلا بسك رقاد من امس المغرب ونت راقد حتا صلاه العشا ماصليتها يلا يما ترا تعبتني وياك يلا اذا ماقمت خليت بو سالم اهو الي يقومك حسين فز : لالا كلش ولا عمي بسالم مابي يقومني ماني ناقص عقاله ام حسين : ولله ماينفع وياك الا اهو يلا فز ولا زقرتله يلا حسين قام ودخل الحمام وهو يتحلطم بصوت عالي حسين : سيف ماتهددينه انا ماترومين ساعه تخليني مرتاح لميه وسمي عليه ليا انا هدديني بعمي بو سالم هو كرشه اصلا أوهو مو عمي علشان يخوفني فهمتي خلاص انا من اليوم وساير ما بخاف منه ماهمني اهو عم سيف خله ينفخ روحه ويمد يده لبغا عليه ماله شغل فيني مو قادرين الا عليا انا المسكين سيف يتزوج ويتدلل ونا انطق حتا خطبه ماتخطبولي ليش انا ابا اتزوج بعد سيف مو بحسن عني ام حسين وهي فيها الضحكه : خلصت الحين منو جاب سيره الزواج حسين : لا ماخلصت ومن اليوم وسارير راح تشوفون حسين ثاني فهتي فهمتي , وين راحت هاذي ليش ماترد عليا طلع من الحمام ولقا الغرفه فاضيه مات من القهر حسين : معليه تسفهني وتسير انا اراويهم خذا فوطته ودخل وتروش وبدل ملابسه ولبس كندورته وشماغه وطلع وماخلص تقريبا الا على الساعه 12 ومر عليهم وم حسين كانت تقهوي ابو سالم مر عليهم ولا سلم ابو سالم : حسين حسين ولا رد عليه طلع ولحقه سالم لانه عارف شفيه دوم معصب سالم لحقه وتوه طالع شاف الدريول يطلع السياره لحسين سالم : حسين وين رايح حسين : للمسيد سالم : الوالد يزقرك ليش مارديت عليه حسين : سالم اذا تبا تعطي نصايح الله يخليك ترا حدي متغاض سالم : يلا نركب السياره وفهمني شو بلاك ( راحو لسياره ونزل الدريول وركبو هم وحسين كان معصب ومشو رايحين للمسجد واول ماوصلو كانو جاين من ورا المسجد وتوه بيلف وقف سالم : ليش وقفت المواقف حق السيارات جدام حسين : ااااه يربي مشتهي اليوم نجتمع على هالدكه صارت مهجوره محد يقعد عليها تذكر قبل ماكنا نفارقها ومانجتمع الا عليها سالم : اوك ولا يهمك راح اكلم الشباب ولا يصير خاطرك الا طيب يحليله سيف اهو الي كان دايم يذكرنا كل جمعه لازم نجتمع عليها بعد الصلاه من اشتغلنا والباقي عرسو والكل مشغول الي فبيته والي فدوامه حسين : اي ولله انشاله يرجع بسلامه وترجع ايام اول والشباب بيوتهم ودواماتهم مو طايره (ومشا حسين وصلو اول ماخلصو الصلاه و توهم بيروحون لدكه وبعدها بيتصلون على الشباب لقو الشباب كلهم مجتمعين وتوهم بيتصلون عليهم سعيد وعلي وفهد ومنصور وهزاع .. الخ ) سعيد : طرينا القرد جانا ينط حسين : لا ونت الصادق طرينا القطو جانا ينط خذ الثقافا مني ههههه الشباب : ههههههههه بقوه ثقافه (وجتمعو الشباب وكانت احلا جمعه لانهم من زمن ماجتمعو كذا كلهم بس كان ناقصهم سيف ) منصور : بحليلك يسيف عرست عيل وحنا نعد اضافر ريولنا ههه راشد : يحليلك يولد الخاله تلقاه ناسينا ويا حرمته لو ماخذاها كان ين بس ربكم ستر حسين : ولله طيحته ذاك المره وسببها من كثر مايفكر فيها هزاع : انا اكثر شي عيبني فالعرس المسيره الي سويناها رووعه سعيد : انا كان ودي ادخل وياهم يمكن اشوفلي شي منا وملا منا بس ماحصل الا تصدقون منو الي دخل ويا سيف راشد : والله وايد الي دخلو معاه سعيد : تقدر تعددهم لي ماشفتهم ماكنت حولهم راشد : انا وعلي وسيف وعمي بسالم وسالم وسلطان اخويا وزايد ولد العم بسالم وووو ولله ماذكر الكل بس كثير الي دخلو واهل العروس بعد كانو شباب كثار ولله تقريبا 9 كان الكل حولها ماشاله منصور : صراحه احلاهم هاذا الي اسمه ناصر كان رجال بمعنا الكلمه كلامه وتصرفاته لاحضته من يقول كلمه الكل ينفذها من دون لايناقشونه صح هزاع : هيه حتا انا لاحضت هالشي ............. ( وقامو يسولفون بتفاصير العرس كلها وحشو بسيف شوي بس بالخير وما فترقو الا على الساعه 12 باليل وكان المسجد يمهم من ياذن يقومون يصلون ويردون عليها وعشاهم من المطعم وتفقو ان كل جمعه واثنين وثلاثه وخميس يكونون موجودين ) ============================================== تابعوني وابي ردود اوك سامحوني عالتاخير وبحاول بالمره اليايه ماتخر اوك بايي تصبون على خير ( الساعه 1:35 بليل ) توني اخلصه . . . ; اختكـــــــــــــــــــــــــــــــــــــــم : @ مجنـــــــــــــــــــــــــــــــــــــــــــــــ ـــــــــــونه http://www.ma7room.com/upload/uploads/58fa049e47.gif |
| الساعة الآن 04:55 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir