|
هذا هو البارت الجديد في البر عند قوم بو صقر وبو فهد فليل كانو الشباب يالسين فوق العرقوب بعيد عن الشيبان والعيايز والبنات . وكانوالشباب مورين الضوو ويالسين يسولفون :. صقر وهو يتنهد : آه آه آه يافهد أحبهـــا وما أعرف كيف أوصل لهــــااا . فهد وهو يضحك : هههههههههه والله أنك طحت وماحد سما عليك . صقر : شسوي الحب مايرحم لاصغير ولا كبير قلي شسوي ياخوي ؟ فهد وهو يواسيه : خلهاا لربك بس ولا تتكدر . صقر : والنعم بالله . فهد وهو يتبسم : والحين ياحبيبي أبيك تغني لي وتسمعني صوتك الحلوو . صقر وهو يطالعه بنص عين : ليش شايفني حرمه عشان تقول لي ياحبيبي وتغازلني . فهد وهو يضحك : ههههههههههههههههههه شو الحين بتسمعني صوتك وألا لا ؟ صقر وهو يضحك : هههههههههههههههههههههه بسمعج فالج طيب . فهد : ههههههه الله يخسك من ولد . صقر يسوي فيها معصب : ياخي أحترم شوي . فهد : ههههههه خلاص خلاص بسكت . صقر : أحم أحم ببــدا . فهد : أبـــدا وأطربنـــــــــااا . حال قلبي في العشق مثل من قال وصدق طول عمره ماتبخر ثم تبخر وأحترق كنت في حالي وحيد سالي مرتاح وسعيد قوم ياقلبي وحبه وأخذي عيوني الأرق شفت ياقلبي أللي جاك يعني زين أنه نساك بعد هذا الحب كله قال لازم نفتـــــــرق ( حال قلبي ) ( هذه الأغنية من ألبوم الوسمي 2009 ) فهد : صح السانك يالعاشق . .............. الاحوال والمستشفى . أمر الدكتور عبيد بنقل وضحى من غرفتهاا لغرفة ثانية قريبة لمكتبه غرفة من الغرف الخاصة وع الساعة 9 الصبح موعد مرور الدكتور على مرضاه طلع من مكتبة ودار المستشفى بين الغرف المرضى وأخر شي راح لعند غرفة وضحى طق الباب : طق طق طق وضحى وبصوت هادي : تفضل دخل وسلم د. عبيد : السلام عليكم وضحى وبإبتسامه باهتة وباين عليها التعب : وعليكم السلام د. عبيد : هااه أخبار الحلوو اليوم وضحى : بـ ـ ـ بخير د. عبيد : أن شاء الله دوم بس شو فيج ؟! وضحى : هااا لا لا مافيني شي د. عبيد وبشك : متأكـــده وضحى وبتعب : هيـ ــ ــ ـــه د. عبيد : أوكي عيل مادامني تطمنت عليج الحين بخليج . توه الدكتور بيطلع وضحى وبتعب شديد : ع عـ ـبـيــ ـد عبيد ألتفت بسرعة لورااا : لبيــــة وضحى وهي تمد يدهاا له : تتــ تـعـاا ال تقرب الدكتور صوبها ومسك يدهاا . د. عبيد وبخوف : هاااه شو فيج شي يعورج شدة على يده بقوه وقربتهاا صوبهاا وحطتهاا على صدرهاا : ما ا ما أقـ ــدر أتنفس بــ بسهو وله أحسة ص صعب . د. عبيد وبأنتباه أكثر : شوووو بسرعة أخذ سماعة القلب وحطهاا على صدرها يسمع دقات قلبها . د.عبيد وبصوت كلة جدية : وضحى من متى وانتي جي بهالحالة ؟! وضحى وهي تكح : كح كح كح من كح الساعة أربع الصبح . الدكتور عبيد سدحهاا على السرير : الحين انتي ارتاحي أنا بروح شوي وراجع لج. طلع الدكتور وطلب من الممرضات ينقلونها لغرفة الكشف وكشف عليها وسوى لها كل الفحوصات . نفس اليوم العصر اتصل الدكتور بنادية وطلب منها تيه ضروري . وصلت نادية للمستشفى وراحت لمكتب الدكتور : نادية : هااا خير دكتور شو مستوي ؟! د. عبيد : والله ما ادري شقول لج بس . نادية وهي خايفة : بس شووو وضحى فيها شي تكلم ليش ساكت . الدكتور عبيد : أنتي هدي شوي خليني أقول لج . ناديه : أوكي تفضل قول د. عبيد وبهدوئه المعتاد : وضحى اليوم الصبح تعبت علينا وأطرينا أننا نرجع ونسوي لها فحوصات من أول ويديد وتبين لنا أنه العمليه أللي سويناهاا لهاا ما نفعت ولازم نسوي لها عمليه ثانية بأسرع وقت . ناديه وهي خايفه : وهالعملية خطيره والا لا ؟ د. عبيد : لا أن شاء الله ماتكون فيهاا أي خطوره لأنه العمليه راح تكون في رجلها. ناديه : اها أوكي دكتور أللي تشوفه بس متى راح تكون ؟ د. عبيد : يفضل أننا نسويهاا باجر ناديه : بس د.عبيد : بس شوو ؟! ناديه : وضحى يبالهاا وقت لين أقنعها أنت تعرفهاا ماتحب شي أسمه عمليه تخاف. د. عبيد : لا وضحى خليهاا عليه أنا أعرف كيف أقنعها ناديه وهي تطالعه بنص عين وتبتسم له بخبث : أهاا صح أعرف كيف تقنعها . د.عبيد تبسم وأستحى ونزل راسه وتذكر قبل كيف أنه شافته ناديه وهو حاضن وضحى . ناديه وهي تضحك : هههههههههههه والله أنك نكته وأنت مستحى هههه بس ما أقول غير الله يهنيكم . وطلعت برا وهي تضحك . د.عبيد : أميـــــــــــــــــــن . |
نفس الليله في بيت بو منصور الساعة وحده بليل في غرفت منصور منصور : أيه تعااااااااالي وين رايحه لحظه منووو انتي قوليلي أبي أعرف لالا لا ترووووحين . فجأه يقوم منصور من نومه وهو متخرع : أه أه أه أستغفر الله العلي العظيم من كل ذنبن عظيم أنا شو ياني كل ليله اشوف هالبنت في حلمي بس ما اشوف شكلهاا زين أشوفهاا تمشي عدال سيارتي أنا لازم أروح أشوف شو عند السياره هالمره . منصور عمره 24 سنه له من فتره ما تقارب الشهرين دايم كل صبح يقوم ويروح لسيارته يحصل كيس معلق بمقبض باب السياره ومحطوط فيه شغلات مثل هدايه وقصايد وكلام حلوو يدل على أعجاب هالبنت بمنصور وحبها له بس أللي شاغل بال منصور أنه مايعرف من هي وكم مره كان يجلس بليل ماينام وينتضرها بس ما تي ماحالفه الحظ ولا مره بأنه يصيدهاا وهي تحط الكيس أللي دايمن تيبه ومرات ماتيب الكيس تجيب بداله باقة ورده كل مايشوف الورد يعجبه طريقة تنسيقه وترتيبه والالوان المختاره فيه . منصور وهو يكلم نفسة : خل أروح أشوف هالمره شو محطوط . وراح فتح باب غرفتة وتجدم شوي لين وصل للدرج وكان توه بينزل وسمع صوت وراه يناديه . حامد أخو منصور الصغير عمره 7 سنين : منثور وين رايح ؟ منصور أستغرب شلي مقوم أخوه هالوقت : حمود حبيبي ليش مانمت شلي مقومنك بهالوقت؟! حامد وهو يفرك عينه بيده اليمين وبيده اليسار ماسك كوب ماي : رحت أشرب ماي عطشت وأنا نايم . منصور يتبسم لأخوه : أنزين حبيبي يلاا روح نام . حامد : أنزين بروح أنام بس أنته بعد ليش قايم وين رايح ؟ منصور وهو يتنهد ويكلم نفسه : هذا أللي بيبلشنا . منصور : حبيبي أنا ناسي شغله بسياره بجيبهاا وبرد أنام . حامد : أنزين روح ولا تطول والا بخبر ماما بقول لها منثور راح برا فليل يواعد . منصور وهو معصب : أواعد بعينك أنت شو دخلك أونه بخبر عليك أمي سير خبرهاا أكوه أدرب إذا مادله أنا بدليك عليه . حامد يسوي أونه معصب : جب جب أسكت . وراح حامد لغرفته ينام . منصور : أف منك يهالوه أخر زمن تهدد هذا لو كبر شو بيسوي الله يعين بس . نزلت تحت وراح لسيارته يشوف اذا في شي او لا . بس للأسف ماحصل شي ورجع ينام مره ثانيه . الساعة 7 الصبح قام منصور وبدل ملابسه ولبس كندوره لونهاا أسود وغتره بلون الأبيض وتكشخ ومشط شعره الطويل اللي يوصل لين تحت اذنه المبلول وكان شعره ناعم وطلع شكله رهيب نزل تحت وسلم على أهله وطلع وراح لسيارته سيارته كانت أستيشن 2006 بيضاء بس يديده ماكمل له سنه من شرهاا اهو متعمد شراا هالنوعيه لانه تعجبه السيايير اللي من هالنوعيه وصل لسيارته وتوه بيفتح باب السياره يحصل كيس صغير معلق بمقبض الباب بلون الوردي أخذه وركب السياره وفتح الكيس يشوف شو فيه لقاا وردتين وحده بلون الاحمر والثانيه بلون الوردي تبس وقال والله هالبنت ذويقه تعرف تختار الورد وبعدها انتبه لوجود علبه صغيره داخل الكيس أخذ العلبه وفتحهاا وأنبهر بالساعه الرجاليه الفخمه الموجوده بالعلبه كان شكلهاا روعه وباين عليهاا انها من النوعيه الغاليه وحصل دخل العلبه بعد ورقه صغيره اخذهاا وفتحها . ولقى مكتوب فيها : صباح الخير شحالك منصور ربك بخير ممممم أنا أهديك هالهديه البسيطه وأتمنى أنك تقبلهاا مني كل عام وأنت بخير وعقبال مليون سنه اليوم كملت أنت 24 وأن شاء الله أني أنا أكون أول وحده تهنيك سلاام المرسله : ذايبه بهوى منصور منصور وهو ينفجر من الضحك : هههههههههههههههههههههههه ذايبه بهوى منصور هههههه والله حاله بس لحظه شو دراهاا بعيد ميلادي ورجع يتبسم معقوله مهتمه فيني لهدرجه عيد ميلادي ماحد تذكره غيرهاا حتى أنا ماتذكرته . والله خاطري أعرف من هي هالبنت وكيف شكلهاا بس أللي أنا مستغربه كيف هالبنت جريئه لدرجه أنهاا تي لين بيتي لا وبعد بليل وتروح عند سيارتي وتحط هالهدايه . كيف يامنصور بتقدر تعرفهاا من هي كيف كيف فكر شغل مخك ممممممممممممم لقيتهاا بيلس أرقبهاا عند السياره أسبوع كامل ألا أعرف من هي وبعدهاا شغل سيارته ولبس الساعه وقال خله أكشخ بهاا اليوم وتحرك رايح لشغله. في الطرف الثاني في بيت جيران قوم منصور وبتحديد في الطابق الثاني وفي أحد الغرف في بنت واقفه قدام دريشة غرفتهاا المقابله لبيت جيرانهم وتصيح البنت وهي تصيح وتشوف منصور وهو يحرك سيارته : والله يامنصور كان خاطري أهنيك بعيد ميلادك وأنا عندك بس الزمن يجبرني أني أكون بعيده عنك . ورجعت تصيح مره ثانيه : منصووووور أحبك والله أحبك وأدري أني أللي قاعده أسويه غلط بس عن قريب ببعد وما راح اقدر أحط لك أي شي عند سيارتك . ياترى من هي هاذي البنت أللي تحب منصور ؟؟ وشو راح تكون ردت فعل منصور لما يعرفها ؟؟ وشو قصدها باللي قالته أنها عن قريب راح تبعد وماراح تقدر تحط أي شي لمنصور عند سيارته ؟؟ وشو راح يصير لوضحى يوم بتدري عن عمليتهاا ؟؟ وكيف راح يقنعهاا الدكتور عبيد ؟؟ وشو راح يصير في البر في العزبه عند قوم اليازيه ؟؟ ومن هو ضيفهم أللي بيعزمه فهد أخوهاا ؟؟ |
وايد قصير البارت ...بس حلو ههه انزين نتريا البارت الياي ولا تتأخرين علينا :7bteeen: |
يسلمووووووووووووووو |
السلام عليكم شحالكم عساكم بخير هذا أنا عند الموعد ولا تنسون باجر بينزل البارت أن شالله بنزله فليل سلاااااام |
| الساعة الآن 06:44 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir