|
يسلمـــــوو على المتاابعة يا رحلت عن بلادي لا في بعض التوقعااات عندج صح صمت الكلاام انا سعيدة انج اتاابعين قصتي و خليج ويانا عشان تعرفين اليديد بصراااحة انا اتعب و احط البارت و محد يعطيني التوقعاات غير رحلت عن بلاادي انا اريد كل شخص يقراا القصة يعطيني توقعااته اتنى ان كلكم اتحطوون توقعااتكم و البارت الياي ورا باجر كونوا في انتظااري...:):) |
آنا صرآحه عيبتني القصه قريته من البدآآيه لين اهني و|آتريآآآ البآرت اليآآآي ع آحر من الجمر^_^ دمتي بود + بحفظ الله ^_^ وربي روووووعه ^_^ توقعآتي ^_^ منو هذا الشخص الي متصل حق سااارة؟؟ احمد وشو بى منها؟؟ يبي يطمن ع حصه.... و هل العرس بيعددي على خير ولا بتصير مشاكل؟؟ ان شاء الله ^_^ لان كل شى حلوو فيه التجهيز و....,و... وشو اخر التتطورات بين حارب و سعاد؟؟ بينصدم يوم بيعرف انه اخت ربيعه .... و حارب من نصيب سارة ولا سعاااد؟؟ ســأأأره وشو رااايكم في البااارت؟؟ البآآآآآرت طررررررررررر وحلووووووو وكشخه وروووووووووووعه نتريآآآ البآآآرت اليديد ع أحر من الجمر........ فداعه الله =] |
يســـــلمووووو على المتااابعة و البارت الياي باااجر ؟؟:):) |
نتريآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآه |
وشوي يرن موبايل حصة اللي كان مع سارة.. سارة وهي حاطة ايدها على أذونها عسب الحشرة وهي تحاول تسمع اللي متصل.. سارة بصوت عالي: ألووووووو : خييبة أذوني.. تراني والله أسمع سارة: منو ويايه؟ : انتي منو؟ سارة: أقول.. لحظة لحظة شوي سارة وهي تبتعد عن الحشرة شوي وتحاول تسمع عدل سارة: ألو : هلأ سارة: منووو؟ : أفاااا ما عرفتيني يعني.. ما نلومج ترى عرسج اليوم سارة والحين انتبهت أنه تليفون حصة ويمكن هذا واحد من أهلها يبي يبارك لها بس قالت ليش ما أقص عليه وأقوله أنا حصة خخخخخخخخخخخ : حووووه وينج؟..هب أحمد هذا اللي ماخذ عقلج سارة وتسوي عمرها مستحية وتحاول تقلد صوت حصة الرقيق: ههههههههه فديت ريلي والله : لاا والله ما تستحين تتفدينه بعد سارة: ريلي وكيفي " يا حليلها حصوه.. تموت ولا تقول شرات رمسة سارة.. صدق أنها شريرة" : هههههههه والله وطلعتي هب هينة يا حصوه.. ما أحيدج خبلة مثل ساروة انصدمت سارة من قال اسمها.. يعرفني.. منو هذا؟ حارب: حصوه.. وينج.. لا الظاهر أحمد وايد مأثر عليج سارة: لا حبيبي أنا هب حصوه.. وبعدين احترم نفسك تراني هب خبلة تيبس حارب.. هب حصوه.. هذي.. هذي سارة.. وقبل لا يرد سكرت سارة في ويهه سارة وهي تتحرطم: الخايس.. وهي تقلد صوته " ما أحيدج خبلة مثل ساروة " الخبلة حرمتك وشوي اطب عليها شيما.. شيما: ساروه وينج؟ سارة: انا هني شيما: بسرعة حصة الحين بتنزل سارة: قولي والله وربعت ويا شيما عسب يجهزون الأغنية اللي بتنزل عليها حصة طبعا بعد ما انحط العشى و تعشوو الرياييل و حطو العشى للحرمات .. بس تأخرت حصة الين ما ظهروها ما ظهرت الا الساعه 11 .. وقفوا شهد وشمه اللي كانن شايلات سلات ورد صغيرة على أساس أنهم ينثرونها على الحضور كانن شهد وشمة ولا أروع طالعات وايد حلوااااااااااااات فساتينهم بلون وردي على أبيض عجييييبة عليهم وعلى شعرهم الأشقر طوق ورد بنفس ألوان الفستان عقبهن دشت حصة اللي كانت ميتة من الزيغة ومعاها سارة وأم ثاني و مشوها فالممر بين الحريم .. كانت عذاااااااااااااااااااااااب .. طرحتها طوييييييييييييييييييلة و شعرها .. مسويله تسريحه نازله .. و مطلعين منها خصلات على ويها و على جتوفها و ظهرها .. كاااااااااااان شكلها واااااااااااااايد حلو .. و حطتلها مكياج رهييييييييييييييييييب .... و الحريم يردن الشهادة عليها .. من الخاطر كانت حلوه.. تجذب اعيون الناظر لها .. رقيقه بمشيتها .. و حركاتها .. و.. من شافتها امها .. صاحت .. {{يالله حصة كبرت و اشوفها عروس جدامي}} و كانت دخلتها على غنية راشد الماجد " حد منكم شاف فالدنيا " (حد منكم شاف فالدنيا بدر ..مقبل ٍ يمشي و من حوله بشر.. من حلاه ايزف لناظر ظيى ..ان ظهر لناس و الا ما ظهر و.. هذا ما هو بدر ليل يختفي مع طلوع صبح وبزوغ الفجر ,, أو بدر يصبح بعد مدة هلال... هذا بدر مكتمل طول الشهر ... لا اله الا الله .. عالنبي محمد يله صلو عليه .. والله يا نور بهالدنيا نراه ..مستحيل ان نشوفه في بشر.. و التقت شمس الظهير بالقمر .. و في محياها بدى الصبح الضيى ..مشرق ٍو اخدودها واحة زهر ..و العيون الي كما عين المها تمتزج فيها البراءه بالسحر..الليله الليله محلاها الليله.. الليله الليله حلوه و جميله... و الا اله الا الله و على العروس اسم الله ) عقبها بنص ساعة اتصل حارب بسارة على أساس برمسها من تليفون حصة اللي وياها سارة وهي مرتبشة وترد من دون ما تشوف الرقم.. سارة: ألووووو حارب: هلا بسارة سارة وبعدها هب منتبهة: هلا هلا منو؟ حارب: أنا حارب..أقولج متى ندش؟ سارة وتوها تستوعب: نعم شتبي.. وبعدين شو متى ندش.. وأنت شلك حارب: لا يا بابا أنا بدش وقوليلهم خل يغطون العروس وما عطاها فرصة ترد ألا وهو مسكر التليفون في ويهها وفعلا.. دخل المعرس أحمد ويا أبوه وعمه وحارب وثاني وعلي أخوها وسهيل وسيف أخوان سارة نزلوا على أغنية حمد العامري.. " أهلا وسهلا هلا" عقب ما غطوا العروس طبعا وقفوا عسب يتصورون وكل البنات متخبلين على حارب وسهيل وثاني وعلي كل وحدة تقول أنا باخذ هذا واللي تقول أنا باخذه شهد وشمة اللي ما بينوا من بينهم عقبها انتبه لهم حارب فشال شمة وثاني شال أخته شهد وتصوروا رباعة عليا و هي تطالعهم من بعيد: آاااااااه يا ليتني مكان شهد أو شمة ميسون وهي تضربها على جتفها: أنتي ما تستحين؟ عليا: والله يهبلوووووووووووووووون عقبها وقفوا سهيل وعلي وقعدوا ايبسون جدام المعاريس حارب يهمس في أذن ثاني: شوف شوف.. والله أنهم لواتيه كل هذا عسب البنات ترى ثاني: هههههههههه عقب ما تصوروا ظهروا الشباب كلهم وقبل لا يظهر حارب زقرته خالته ظبية عسب تسلم عليه ووقف معاه سهيل رزة بس عسب يطالع البنات اللي كانن ميتات عليهم حارب: هلا خالوه سهيل وهو يجرب من ظبية عسب يسلم عليها وعيونه على البنات: شحالج خالوه ظبية ظبية: هلا هلا.. بعيالي. الفال لكم إن شاء الله.. يلا عاد بسكم عزوبية كاهوا أحمد طلع أشطر عنكم وكمل نص دينه سهيل: افا عليج خالوه أنا من باجر بقول حق أمايا تخطب لي في هالوقت شيما وسارة كانن جريبات منهم وسمعوا رمسة سهيل اللي انتبه لهم وكمل رمسته وبصوت عالي وعيونه على شيما المتغشية: على فكرة ترى العروس موجودة استحت شيما وعرفت أنها المقصودة في هالوقت سارة كانت في عالم ثاني..كانت تتأمل حارب لأول مرة تحسه وسيييييييييييييييم بشكل فظيع.. كانت قاعده تتأمل كل شي فيه.. خاصة أنها كانت متغشية عسب جذه خذت راحتها وهي تناظره حارب: انزين خالوه.. نستأذن الحينة سهيل اللي مات ما وده يظهر: ها.. هي صح لازم نظهر وظهروا من الصالة سارة فجت العباة أول ما ظهروا: حشى ما بغوا يظهرون شيما: ياحليلهم كانوا يرمسون الخالة ظبية سارة: هي صح.. أصلا هذي حركات بس عسب يشوفون البنات شيما: منو فيهم تقصدين؟ سارة: ما أدري أنتي ادرى احمرن خدود شيما وابتسمت عقبها صعدت سارة الكوشة عسب تسلم على المعاريس سارة وهي تسلم على أحمد:ألف ألف مبروووووووووك أحمد وهو يبتسم: الله يبارك فيج والفال لج سارة بدلع: لا يابوك مابي مابي بعدني صغيرة حصة ما ترمس بس تضحك أونها مستحية ألا ميته وأحمد طول الوقت زاخ ايدها هب راضي يهدها سارة: احم احم... من الحين عاد.. بدينا حصة احمرت من الخاطر أحمد: كيييفي والحين ممكن تجلبين ويهج سارة: لو تموتون ما أخليكم بروحكم بقعد وياكم أحمد: ساروه فارجي سارة: أوكي أنا ودي أروح بس ترى في ناس يغمزون ما يبوني أروح عنهم أحمد وهو يصد صوب حصة ويبتسم حصة ماتت يوم شافت ابتسامته سارة: حصووووه وين لسانج لا يكون بلعتيه.. خخخخخخخخخ أحمد: ما يخصج.. ويلا الحين ممكن تخلينا باست سارة حصة وعقبها ابتسمت لهم وقبل لاتنزل تصورت معاهم كمن صورة عقبها صعدوا أم سهيل وأم علي الكوشة ومعاهم أم ثاني عسب يباركون لهم ويتصورون سوى وعقبها نزلوا.. وأخيرا حس أحمد بأنه يقدر يرمس حصة شوي أحمد يهمس في أذن حصة: شو مسويه في عمرج أنا شو قايل كل شي ظاهر من جمسج وين تبين ؟ حصة مستحية من رمسة أحمد: شو أسوي قلهم عايبنهم إلا أنت أحمد يمسك أيدها : بس أخاف عليج من عيون الحريم عفانا الله هههههه حصة تضحك: لا عادي أصلا ما يهمني حد غيرك انته وهاكله مب عشان الناس عشان أنا اظهر في عيونك أحلى وحده بس حصة ترمس بس عيونها مايات مول في عين أحمد يرمسون ويطالعون الحضور.... أحمد : عيل نفاذ يالله قومي نسير بسنا لاعة جبدي الحريم ينطون يسلمون ليش ما سلموا من قبل عليج شكلهم يبون يتأكدون ريلج حلو ولا لأ هههههههههههه حصة: أحمد لا تستوي سخيف بعدنا لا شربنا العصير وماقصينا الكيك أحمد: ما احب هالسوالف استانسوا العرسان وخلص العرس الساعة 1 وظهروا فوق والتصوير سالفة وحركات ماتخلص وأحمد من النوع الجاد شوي ومب متعود وكان متوتر طبعا سارة ما خلت بنت عمها حصة دقيقة وحده وساعدتها وطردوا أحمد مرة ثانية برى عشان تبدل يوم خلصت زقروا أحمد وأم علي وأم سهيل كلهم حضنتهم حصة ويلست تصيح... عقبها كلهم ظهروا وحصة ما رضت تخلي سارة تروح عنها.. سارة: حصوة يالدبة كلهم روحوا عني الحين منو بياخذني البيت.. الظاهر بسير وياكم الفندق حصة: ياليت والله سارة: حصوه انتي من صدقج.. بلاج أحسج وايد زايغة.. وبعدين أحمدوه والله ما يعض حصة: فديته والله سارة: ياربي.. بدينا حصة: ههههههههه سارة: اتكلم جد الحين منو بوديني البيت؟ حصة: ما علي الحين بخبر أحمد.. وسارت تدق عليه وعقبها يا أحمد عسب يروحون الفندق لأن باجر بسافرون ماليزيا أحمد: ساروة العلة للحين ما روحتي؟ سارة وهي تحط ايدها على خصرها: نعم نعم الحين أنا العلة.. وبعدين مرتك المزمزيل هي اللي قالت لي يلسي ويايه أحمد وهو يطالع حصة ويبتسم: دام حبيبتي طلبت منج خلاص ما أروم أقول شي حصة مااااااااااااتت من المستحى سارة وهي تحس عمرها ضايعة من بينهم: أقول أحمدوه عندك الليل بطوله تغزل فحصوه ألين ما تشبع.. الحين ممكن تدبرون لي منو بوصلني البيت؟ أحمد: لحظة بشوف منو برع عسب تردين وياه.. وبعد شوي... أحمد: سارووه سارة: هلأ أحمد: ولد عمج برع يلا الحين فارجي سارة وبدون ما تسأل منو فيهم ظهرت حتى أنها ما سلمت على حصة من زود ما كانت تعبانة.. وأول ما ظهرت برع ما حصلت غير سيارة وحدة... طبعا كانت سيارة حااااارب ما كان جدامها خيار غير أنها تركب وياه وخاصة بعد ما روح الكل وما فيها ترجع ويا أحمد لأن وايد مشغول سارة وهي تركب السيارة.. بس حارب ما كان فيها.. قعدت 10 دقايق تقريبا وهي تنتظره وأخيرا.. ركب حارب الحبيب كان قاعد يرمس في التليفون.. وأول ما ركب.. حارب وهو يطالع ورى: شحالج سارة؟ سارة وهي صادة الصوب الثاني ومن دون نفس: تمام حارب للحين كان صاد يطالعها جنه أول مرة يشوفها.. تضايقت سارة .. أفففففففف هذا بلاه مينون عفانا الله شو يطالع.. وما قدرت تتحمل نظراته سارة وهي محرجة: نعم.. خير في شي؟ حارب وهو يبتسم باستهزاء: لا والله.. وأنتي من ساع في الصالة كنتي تطالعني ما قلنا شي.. وألا يعني حلال عليج وحرام علينا سارة وهي صدق مفتشلة.. ياربي يعني كان حاس لما كنت أشوفه.. صدق فشيييييييييييلة سارة وهي مرتبكة: أ..أنا كنت أشوفك؟.. منو قص عليك.. الظاهر صابك حول حارب وهو يشغل السيارة ويبتسم : والله يمكن سارة وهي تتأفف... كل منج يا حصوه.. قعدي ويايه وقعدي ويايه.. وآخر شي طرشوني ويا هالخام حارب بينه وبين نفسه ما قدر ينكر جمال سارة وكيف ظاهرة قمرررررررررر طول الطريج كان السكوت سيد الموقف شوي جان يوقف حارب جدام بقالة.. حارب: شو تبغين؟ سارة: ما بي شي حارب: أقولك 1 رد بول و1 كابري سن تفاح و2 باونتي سارة: شو تتحراني ياهل.. وتقلد صوته ... أونه كابري سن حارب وهو يضحك: ههههههههههه توج تقولين ما تبغين شي والحين تتحرطمين.. عفانا الله طرارة وتشرط ...أنتي أحمدي ربج... شوي واييب الهندي اللي طلبوه حارب: أقولك... خذ ما يبي ردبول سير ييب بعد كابريسن واحد ثاني سارة وهي مفتشلة للآخر حارب: الحين مرتاحة؟ سارة:.................. حارب: عطاها العصير والباونتي وغصبا عليها خذته مع أنها ما أكلته جدامه بس أول ما نزلها ربعت سيدة حجرتها وقعدت تاكل لأنها من الصبح وهي هب ماكلة شي عقبها خذت شور عالسريع.. وما حست بعمرها ألا وهي بسابع نومة .......................................... ان شالله عيبكم البارت شو تتوقعوون يصير بين احمد و حصة في السفر؟؟ و شيما بتكوون من نصيب سهيل ولا..؟؟ و حارب و سارة وين اخرتهم..؟؟ وعلاية صدق معجبة في حارب ولا بس كلاام..؟؟ و حارب شو مشااعرة اتجاه ساره (مع العلم ان ساااره واايد تكرهه)..؟؟ و حامد الي حب ساارة هل بتكوون من نصيبة..؟؟ وشو رااايكم في البارت..؟؟ ملاحظة:البارت الياي بيكوون بسيط و مافية واايد اكشنات و بنزلة بعد ثلاث ايام انشالله ما اطول عليكم...:):) |
| الساعة الآن 05:35 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir