احب القطاو .؟

يعني عادي ماتفرق عندي وفكرت مرة اربي قطو .. بس المشكلة كان دلوع . والمشكلة مسمينة صدام .؟

والمشكلة الاكبر إن الاسم مب راكب على دلع هالقطوو هههههه

كم عمري ,.!

مابتعرفينة ولو حاولتي هههههههههههه

كيف خطر في بالي هالنك .؟

مرة سمعت عطسة قطوة . وضحكت يوم سمعتها .

وعلى فكرة سبحان الله كأنة ياهل يعطس ..

ويتني فكرة النك من هالشي بس غيرت وخليتة عطسة فار

كم فار عندي .؟

نهائياً ولا فار . واساساً يعني ماحب الفيران الي تندس فالبيوت .

على الاقل الهامستر بنمشي حالة هه

شو اشتغل او ادرس .؟

ما اشتغل وما ادرس .. اعمالي حرة . + . متفرغ لنفسي ولحياتي

شو نوع السيارة الي عندي .؟

هايونداي . 2003

فيتارا سكان يمين حق البر .. 1996

لكسز . 2004

واتمنى إني اشتري لكسز فور ويل اليديدة

واتمنى بعد اشتري المازدا الفور ويل اليديدة

واتمنى بعد اشتري الالتيما اليديدة .

شي اتمنى إني اغيرة في حياتي .؟

اممم الحمدلله راضي بحالي . ومافي اشياء ابغي اغيرها .

يمكن الشي الي احب إنة يتغير فيني . الخجل ^^ . لاني وايد خجول فالطبيعة

بشو يحلم عطسة .؟

يحلم بأشياء وايد .. وإن شاء الله تتحقق الاحلام .

موقف محرج مر فية عطسة .؟

مرة انا وربيعي كنا داشين مركز من المراكز الي في راك .

وعساس بندش السينما . حجزنا للفلم . لكن كان عندنا تقريباً نص ساعة قبل لا يبدأ الفلم .

رحنا يلسنا في مكان ويالسين نشرب عصير ..

وكانن في بنتين مبحلقات فينا . بس انا معطي ظهري للبنات .

وهو من ذكائة والبديهة . يقولي ترى البنات مبحلقات يطالعن .

المهم وهو ماشاء الله علية . يالس يطالع بعد . وفجـأة وهو يشرب العصير وطبعاً يالس يطالعهن ..

عبالة إنة حط العصير على الطاولة . لكن للأسف بعدة فالهوى .

وجان يفج إيدة عن العصير . ويطيح وينجب على كندورتة وعلى كندورتي ..

وانا تضايقت وايد من هالموقف ..

عموماً رحنا الحمام وانتي بكرامة على اساس بنغسل ثيبابنا .

البنت كانت واقفة عند باب الحمام . قلت لها بلاج تطالعين إنتي عينج حارة .

غسلنا كناديرنا . ويايين نطلع من الحمام . وبعدها واقفة.

اول ماطلعت قالت ممكن تعطيني رقمك؟

قلت لها مابعطيج . وكملت دربي .

راحت وقفت ربيعي من بعدي وخذت عنة رقمي . ^^

واشكرة النذل زخ موبايلها ويكتب لها رقمي ^^

ورحنا غيرنا حجز الفلم . وسرنا بيوتنا نغير ثيابنا ورجعنا ندش الفلم ههههههه

كم ساعة ارمس فالفون يومياً ..

اممم مايقارب الـ 4 سااعات يومياً .

هذا من غير المكالمات السريعة

في إنتظار الاسألة هههههههههه

1) أكــثر الأعضــاء إلي فيـك فضــول تتعرف عليهم أكثر وتتعرف على عالمـهم ؟ ( من الجنـسين )

نو بدي بصراحة ^^

2 ) البحِـِـر شــو يعني لـك ؟ وكــيف علاقــتك معــاه ؟

والله اوقات يوم احس إني مكتوم .. وابي ارفه عن نفسي اروح البحر شوي ..

ومافي علاقة نهائياً

3 ) أكـــثر شي يــرفع ضـغطك؟ ( يخليك تفقد أعصــابك)

الشي الي يرفع ضغطي . وينرفزني . إنة حد يتم يزقرني وانا اسمعة .

ويرجع يغايض ويقول فلان فلان فلان ..

وبعد اذا كان يردد نفس الكلمة كل شوي . هالشي ينرفزني وايد

4) شو هي فـرحـة العيد بالنســبه لك ؟

العيد نفرح بة من كنا صغار ..

ولين اليوم الفرحة موجودة بحلول العيد ..

تحس إنك تشوف اهلك الي ماشفتهم من فترة طويلة ..

وتتواصل مع الناس ..

والي متزاعل وياه تتراضون مع بعض لان العيد فرحة كبيرة .

5) الخيــانـه .. الغدر .. الكـذب .. النفـاق ؟ ترتبــهم حــسب "الأقرب إلي الأبعد لك" او بمعنى أخر حسـب الأهون عليك لين الأصعب ..

والله بصراحة ما احط لأي كلمة من هذيلا ترتيب . لانهن في كلتا الحالات يعورن القلب .

لكن ولله الحمد إني ما اعطي حد يغدر فيني . وينافقني ..

لكن الكذب . هههههههههه وايد اعرف ناس كذابين . وبعدني اسايرهم.

6 ) كــلمــات تــركـت أثــر كـبير في داخـلك ؟. ( أذكرهم .. ولو مـا في غـلاسـه السبب بعد )

مافي كلمات .. في ابيات قصائد . سمعتها وحسيت انها تركت اثر فيني ..

مدام كثر الحرب في يد الانسان .. افضل خيار انعيش من دون ايادي

+

إن كانت اغلاطي بعمري قليلة مجرد إني اكلمك عشر غلطات

7) إنطبـاعك أو فكرتك عن العضـوه أحبـك ؟

بصراحة مافي معرفة قوية تجمعني مع هالعضوة ..

لكن في الاخير انا اكن كل الاحترام والتقدير للأعضاء الكرام الي فالمنتدى ..


ومشكورة على الاسألة ..

تسِــِـلم على نشـِِـاطك .،’.

وتسِــِـلم على صـِـِراحِـِـِتك .،’.

العفـِـِـو أخِـِِـوي .،’. مِــِِـوفق في بـِـاقي الأسـِـِئلـه .،’.