|
اقول هاي روايتج ولا رواية أسيرة أحزاني لان في منتدى فزاع شفت نفسها... وانا اقرأها من هناك |
•••••••••••••••••••••••••••••••••••••••••••• البارت { 3 } بعد اسبوع البنات يالسين بملل في الصف كانت الحصة الأخيرة و عليهم عربي* حصووصه تفر على نواري ورقة مكتوب فيها // سولفي ملل ردتلها نواري الورقة و كتبت فيها // مممم لو مت شو بتسوون ؟ لطووف مطت الورقة و قرت و هي مبققة عيونها و كتبت // نوروه لا اتيبين طاري الموت ترا والله بزعل منج* نواري ردت كتبتلها // ها الشيء كل انسان يبا يعرفه و نهاية كل انسان الموت هذا شيء اكيد لطووف // الله يطول بعمرج لا اتقولين جي الأبلة: انتوا شو يالسين اتسوون انا اشرح حق منو !! و مطت الورقة و تمت تقراها و دمعت و هي ما اتحس* نواري : ابلة والله سوري ما كان قصدي اتصيحين الأبلة : انا ما صحت عشانكم مب منتبهين عشان الكلام المكتوب* نوره نزلت راسها الأبله : ليش ها الكلام يا نوره ليش !! حراام عليج والله حراام عليج البنات منصدمين من الأبلة لأنها دومها عابسة لطووف : ابله خلااص* الأبلة : والله حرام عليج (( وانهدت و تمت اتصيح و اتصيح مثل الياهل )) نواري واايد حساسة ما اتمالكت عمرها وصاحت* البنات مذهولين من الموقف و مب عارفين يتصرفون* الأبلة رفعت راسها بوجه شاحب و ابتسامة باهتة تخفي الكثير : تدرين ذكرتيني بولدي الله يرحمه ( و تنهدت )* الأبلة : شيء واايد صعب ان نخسر شخص عزيز و السبة انتي الأبلة ( تصارخ و اتصيح ): تخيلي انا قتلت ولدي انا .. دعمته و تصيح بطريقة هستيرية* شهد ركضت برع تزقر المشرفة* لطووف : بس ابلة خلااص والله نحن آسفين* يو الأبلوات و طلعوها برع و تمو يهدونها دق الجرس* حصووصه : بس نواري بسج دمووع نواري : كله مني انا .. كله مني انا لطووف : خلااص نواري حصووصه : مب منج مني انا انا اللي بدأت و كتبت نواري : بس ما كان بيستوي اي شيء من إذا ما سألت* لطووف + حصووصه :........... نواري : هند يت بسير بااي لطووف + حصووصه :........... و كانت تعبر الشارع فجأة . . . . . دعمتها سيارة و طاارت امتاار* حصووصه صارخت : نواااااااااااري* لطووف : لاااااااااااا* و الكل اتجه صوبها الريال فتح الباب و سار صوب نواري الريال اللي دعم نواري : اتصلو في الإسعاف بسرعة !!!! الكل :....... لطووف و حصووصه يصيحون* و هند مصدومة و ما تقدر تتحرك الريال ( يصارخ ):يالله بسرعة اتصلو في الإسعاف!! هند اتصلت في الإسعاف و هي اتصيح يو الإسعاف لطووف و حصو ركبو ويا نواري* و الريال لحقهم كان بيركب السيارة بس صوت هند وقفه : يا حماار كله منك و اتصيح الريال : انتي منو ؟ هند : اختها و اتصيح الريال : اركبي وياي بوصلج المستشفى هند : لا والله!! الريال : اتدلين المستشفى؟ هند : لا الريال : عيل اركبي وياي هند : اوكي بس الزم حدودك الريال : طالو هاي شو اتقول ، انا متفيج احين هند ركبت ورا و كانت واايد متوترة* في المستشفى دخلو نواري غرفة العمليات و الكل يصيح و المشكلة ان ما عندهم حد يهديهم و الريال واقف بعيد ود وده يتقرب و يهديهم بس للأسف ما يقدر بعد ساعتين طلع الدكتور البنات ربعو صوبه* --الحوار هذا كان باللغة الإنجليزية و انا ترجمته لكم -- حصووصه تمسح دموعها : هاا بشر دكتور الدكتور : البنت نبضها مستقر بس عندها كسر في العمود الفقري و هذا يشكل خطر عليها و كسور في ريولها و ايدها و رقبتها* هند شهقت* لطووف بإهتمام :..... حصووصه : نقدر انشوفها ؟ الدكتور اتفضلو عندي في المكتب و ازقرولي اللي واقف هناك يأشر على اللي دعمها لطووف : اووك في المكتب الدكتور : انت اللي دعمتها الريال : للأسف انا ،، اسمي محمد* الدكتور : يا هلا اتفضلوا* الدكتور : للأسف البنت في غيبوبة احين* محمد : و كم يبالها لين ما اتمش من الغيبوبة اللي فيها ؟ الدكتور: والله ما نقدر انحدد فترة معينة محمد : و اللي علي انا الحين ؟ الدكتور : اتوقع انك لازم تدفع تكاليف العلاج و جي* هند : نحن متنازلين خلااص محمد ( رد عليها بالعربي ) : ما يستوي يا بنت الناس* هند : ما نحتاج مشكور و ممكن تروح احين محمد : عناداً فيج ما بروح و بتم هني لين ما اجوف البنت بخير و بعدين بروح هند : ههـ خايف على عمرك ، والله ما بنبلغ محمد : مب مسألة خوف بس انا اللي دعمتها ولازم اتحمل هند : عاد كيفك _______________________________ _______________________________ في في العناية المركزة هنااك ترقد بطلتنا بدون اي حركة ... محمد خذ حجرة صغيرة فيها كراسي و طاولة و شبرية صغيرة حق اللي بيبات عند المريض اللي في العناية لطووف كانت اتصيح بدون صوت و حصووصه كانت حاطة راسها على جتف لطووف حصووصه : خلااص رااحت .. راحت الغالية* لطووف : لا اتقولين جي بتقوم ادعيلها انتي بس ما بإيدنا شيء* حصووصه ( اتصيح ) : نواري ابا نواري * لطووف ( تصيح ) هند كانت اتصلي و ما اتحملت قطعت صلاتها و تمت اتصيح* هـند : ياريتني دخلت داخل و خذتها كله ها من هيازتي* لطووف : كم احب هاي البنت والله قلبها ابيض حصووصه : و ما اتشل على حد تحل مشاكلنا و تنسى عمرها هـند تتذكر : هـي والله ادعولها ان الله يقومها بالسلامة قطع عليهم صوت محمد يبا يدخل : عادي ادخل* لطووف : ادخل اول ما دخل انهدت عليه حصووصه* حصووصه ( اتصارخ ): كله منك كله منك .. الغالية يمكن تروح ، يمكن اتروح ( و تصيح و تصارخ في نفس الوكت ) بسبتم انت يا الحماار كله منك ليش سويت جي* و تضربه هلى صدره ( هدت شوي يوم حست بعمرها ):ليش اتسوي جي مب حراام عليك ها البنت مب ناقصتنك لو اتشوف حياتها كيف ! ( و دموعها تسيل بغزارة ) لا أن ولا حنان لا أب ولا سند ،، تدري نحن كنا بالنسبالها شيء كبيـــر ( تبتسم ابتسامة باهته ) كانت اتعزنا واايد و ما كان عندها غيرنا تخيل نحن بس و اكيد نحن ما نقدر نوفي مكان الأم و الأب* محمد ما اتحمل و دمعت عيونه ( يصارخ ): بـــس ، خلاص ارحموني انا بعد انسان لي طاقة تحمل خلااص فلوس و بندفعلكم* لطووف : و هذا همك !منو قال نحن نبا الفلوس فلوسك خلها حقك مب محتاجينك الخير واايد ،، محد يقدر بشتري روح انسان بالفلوس نحن بنا نوره . محمد ما اتحمل الكلام اللي انعق عليه طلع و تم يدور مثل المينون اهله منقعين مبايله بس هو مسوي طاف بعد ساعة ،، ما عرف وين يروح فرد البيت على اساس انه بيبدل و بيرد لهم اول ما كان بيطلع من الحجره حصل اخته في ويه* عنود: حموود وينك خفنا علييك عنود بتتعرفون عليها بعدين و محمد بتعرفون سالته بعدين *فصبرٌ جميل ؛) محمد : صااح مثل الياهل عنود: بلااك ؟ محمد : سيري بدلي بسرعة ابااج شوي* عنود: احييين !!! محمد: السالفة ما تتريا،، انا اترياج في السيارة عنود سارت لبست عباتها و ركبت السيارة: شو هاي السالفة اللي ما تنتظر مطلعني نص الليل لو ابوي درا بيقطعني تقطيع محمد : ما عليج من ابوي انتي احين السالفة اني ،،،،،،،،،،، قالها السالفة بكبرها من اولها لين يوم طلعتله في ويه عنود: Omg !! محمد : انا مب متفيج حق دلعج احين اباج اتسيرين عندهم و تواسينهم عنود : اوكي وصلو المستشفى اللي فيه نواري نزلت*عنود و قالها رقم الغرفة و هو تم يالس في الكفتيريا* دقت الباب :دق دق دق* لطووف : هذا حمار ، ما يعرف توا طاردينه و يرد يدق الباب ! لطووف بطلت الباب بعصبية : نعم شو عندك مب جنة توا طاردينك اصلاً لك ويه اترد هني سير سير يمع ماي ويهك* لطووف انتبهت ان مب محمد : اوووو سوري اتحسبت حد غير سوري اتفضلي عنود دخلت : تقصدين اخوي ؟ لطووف : منو اخووج ؟ عنود: حموود* لطووف نزلت راسها عنود: عاادي ، انا ياية هني بالنيابة عنه اتأسف عن تصرفاته هند : مشكورة اختي ما قصرتي بس نحن اللي لازم نعتذر* عنود: ماله داعي ، هي صح اسمي*ريـم* هند : والنعم عنود: الله ينعم عليج حصووصه تتنهد هند تأشر على حصـه : هاي حصه و هاي ( تأشر على لطيفة ) لطيفة و انا اسمي هـند عنود: عاشت الأسامي هـند تبتسم إبتسامة باهتة عنود: بلااج هنودة هند : اتذكرت كيف كنت اعامل نواري تخيلي كنت اعذبها و اشغلها في البيت و تدرين انا هااي ( و تأشر على عمرها ) كيف كانت تعزني بالرغم بمعاملتي مرة قريت دفترها كاان عبارة عن الم في الم و دموع و هموم و فوق كل ها كل ما اقرا قلبي كان يقسا عليها اكثر و اكثر .. ههـ تتحدين ( تأشر على قلبها ) عمره ما حس ولا لان و رفق شوي لهاي البنت ( تدمع عيونها ) اتذكر يوم قريت دفترها كانت كاتبة عبارة عمري ما بنساها // تدرين يا هـند انا واايد احبج و بيم احبج و ما اقدر اكرهج مع كل اللي تسويلي اياه لأني مالي غيرج في هاي الدنيا \\* هند : انا كنت استهزئ فيها و كنت متعمدة اقولها انها مب اختيه لأنها فعلاً مب اختيه* كانت هاي صعقة للكل* حصووصه : شووووووووو !!!! هـند عيونها اتفيض دمووع : هي نوره مب اختيه لطووف : بلييز هند فهمينا انا مب قادرة استوعب لاا خلاص بتخبل* عنود( منصدمة من اللي يالسة تسمعا): ........ حست ان مكانها غلط و انسحبت بدون ولا كلمة* صوب محمد* عنود: تخيل شو استوا ! محمد : شوو ؟ عنود : اللي كانت وياها اللي اسمها هند الكل كان يتحسبها اخت اللي دعمتها بس توها اعترفت انها مب اختها* محمد : انتي شو يالسة اتقولين !! عنود: والله* محمد : خلاص انتي اخين ردي البيت و باجر بنمر عليهم انا و انتي عنود: اوكي |
البارت { 4 } عنود : اللي كانت وياها اللي اسمها هند الكل كان يتحسبها اخت اللي دعمتها بس توها اعترفت انها مب اختها* محمد : انتي شو يالسة اتقولين !! عنود: والله* محمد : خلاص انتي احين ردي البيت و باجر بنمر عليهم انا و انتي عنود: اوكي """""""""""""""""""""""""""""""""""""""""""""" """" """"""" الصبح الساعة 11:00 هند و لطووف و حصووصه كانو يالسين في الحجرة و دموع يالسين على الغنفة حصووصه حاطة راسها على جتف هند و لطووف منسدحة و بدون ولا كلمة بس دمووع في دمووع دق الباب : دق دق دق* عدلوا يلستهم و مسحو دموعهم هند : اتفضل النيرس( بالمصري*) : مادام حاله المريضة مستقرة و بإمكانكو ان اتخشو عندها لكن بدون ازعااق - ازعاج -* هند : ندخل ويا بعض ؟ النيرس : وحدة وحدة هند : اوكي ًاول وحدة كانت هند دخلت و هي بكبرها تتنافض و اتشوف المنظر المفزع كله واايرات و اجهزة حواليها و نواري ترقد وسط السرير بدون اي حركة* اتجهت صوبها و ريولها مب رايمة اتشلها و هي ترتجف : نوووره و ما اتحملت المنظر اللي جدامها و يلست على الأرض بطريقة تكسر الخاطر : نووره الله يخليج لا اتروحين انا ما اقدر احط راسي و ارقد و السبب انتي ...( و إتصيح ) من هاكي اليوم كنت احاول اتأسف لج بأي طريقة الله يخلييج سامحيني ،، سامحي اللي كنتي تعتبرينها اختج .. والله انا ما استاهلج … صح اني مب اختج لكني والله احبج و اعزج ،، طلعت من الغرفة و هي تحس ان هموم الدنيا فوق راسها* دخلت الحجرة اللي فيها لطووف و حصووصه و اتنهدت : يالله منو بيدش عندها احين قامت لطووف من مكانها و رفعت راسها و راحت قسم العناية المركزة و بالتحديد غرفة نواري لطووف انسانة ما تحب تطلع اللي بداخلها للناس و تحد تنفرد بنفسها و اتطلع الشحنات السالبة لطووف تمت واقفة بدون ولا حركة من دخلت اتطالع منظر نواري وعلى طول طلعت ما اتحملت لأنها من النوع اللي يفضل ان يكتم دخلت الغرفة و استغربو ليش ردت بسرعة بس ما قالو شيء و اتجهت حصووصه صوب الغرفة ... كانت ترجف* حصه من النوع اللي يكتم بس ما يتحمل واايد ، لأن كل انسان عنده حدوده الخاصة من يتجاوز هاي الحدود ما بيقدر بكتب و بالتالي بيطلع كل الشحنات السالبة الي كانت اثر على ظروف و فترة زمنية قاسية لخبطتله مشاعره << جلبتبكم الرواية علم نفس ،، امنيتي استوي اخصائية نفسية .،* نرجع حق روايتنا ،،،، دخلت كاانت واقفة بدون حراك و هي اتشوف المظر المورع اتقدمت صوب نواري و مسحت على رايها و اتصيح بدون صوت صوب اهل لطووف و حصووصه ام ناصر ( اتصيح ) : وين بناتي وينهم* ام ناصر اسمها عائشة عمرها 45 سنة حرمة محترمة و اجتماعية بو ناصر : اذكري الله* بو ناصر اسمع علي عمره 49 سنه مدير شركه و يتاجر بالأسهم و العقارات ام ناصر : لا إله إلا الله ..لا إله إلا الله* ناصر يربع صوبهم* ناصر : بابا . لشووود خذ دراجتي (رشود) بو ناصر : خلاص بابا بعدين ناصر : ماما ثوفي لشوود ( شوفي رشوود ) ام ناصر رفعت ويها بس آثار الدموع بعدها موجودة ناصر : ماما ليث اتثيحين؟ ( ماكا ليش اتصيحين ) ام ناصر امسح دموعها : ما اصيح حبيبي* بو ناصر : استأذن ( وقام ) بو ناصر اتصل على مدرسة لطووف و حصووصه يسأل عنهم المديرة: السلام عليكم بو ناصر : وعليكم السلام، انا حاب اسأل عن بناتي لطيفة علي و حصه علي المديرة : للأسف حصلت حادثة في المدرسة بو ناصر بإهتمام :......... المديرة : بعد ما خلص الدوام كان في بنت اسمها نوره طالعة رادة البيت و للأسف دعمتها سيارة بالقو بو ناصر : لا حول ولا قوة إلا بالله المديرة : اكيد تتساءل شو يخص بناتك اللي عرفته انهم ركبو الإسعاف وياها* بو ناصر : في اي مستشفى؟ المديرة : مستشفى ***** بو ناصر : مشكورة و ما قصرتي ريحتيني المديرة : العفو بعد المكالمة على طول اتجه لأم ناصر* بو ناصر: اقولج عائشة يلا بسرعة البسي عباتج* ام ناصر : على وين ؟ بو ناصر : بتعرفين بعدين ركبو السيارة و اتجه بو ناصر للمستشفى المقصود نزلوا من السيارة ام ناصر : ويي يايبني المستشفى ! بو ناصر : تعالي و انتي ساكته سأل بو ناصر عن رقم الغرفة و جي روصلو عند الغرفة* بو ناصر : دشي روحج ام ناصر : تعال وياي لو ناصر : اخااف في حريمات ام ناصر : اوكي خلاص و دخلت* اول ما دخلت البنات ما قدرو يستوعبون هند طبعاً ما تعرف شو السالفة حصووصه نقزت من مكانها و تمت اتصيح في حظن امها ام ناصر : وينج يا بنيتي خفنا عليج ؟ حصووصه( اتصييح ): مااما .. ماما رااحت الغالية خلااص ام ناصر ما اتعرف شو السالفة : خلااص يا بنتي اهدي حصووصه : ما اقدر ماما .. ما اقدر* ام ناصر : شو اتسوون في المستشفى يلست لطووف اتقول السالفة كاملة حق امها ام ناصر : لا حول ام ناصر *: و انتي اختها ؟ هند ( تدمع ): هي خالو ام ناصر : ميصير اتسوون جي بعماركم يا بناات ما يصير ادعولها ما بإيدكم شيء غير الدعاء مر اسبوع على ها الحالة و هند تبات في المستشفى و لطووف و حصووصه دووم عندها لدرجة انهم يذاكرون حق الإمتحان و هم في المستشفى محمد يومياً يسير المستشفى دق الباب على البنات البنات عدلو يلستهم و شيلهم* هند : اتفضل دخل محمد و هو منزل عينه* هند : بلاك؟ محمد : تعالي برمسج طلع برع الغرفة هو و هند *لطووف و حصه اتسغربوا بس ما علقوا صوب محمد هند : هلا شو كنت تبا مني محمد : تعالي بنسير الكوفي اللي تحت هند : انا اصلاً احس شكلك معاي في المرر غلط و لو في الكوفي شو* محمد : آسف هند : لا لاا عادي* محمد : الدكتور المشرف على حاله اختج قرر ان لازم ننقلها برع حالاً* هند : اختي محمد ( يعرف بس يستهبل ): هي اختج هند : ليش بلاها نوره ؟ محمد : والله ما ادري هند دمعت عيونها محمد : خلاص هنودة لا اتصيحين ما اتحمل اشوف حد يصيح هند مسحت دموعها : خلاص انا بسير عند البنات محمد : اوك هند : امم قبل ما اتروح بسألك* محمد : هلا ؟ هند : بيفيد اختي لو سفرناها محمد : اكيد هند : بنا نسفرها بأسرع وكت بس تدري انا ما اعرف حق الإجراءات و الويز محمد : خلاص عطيني جوازج و جوازها انا بسولكم* هند : اوكي محمد : واثقة فيني ؟ شو دراج اني ما بسرق الجواز هند : محمد !! محمد : خلااص. ما انروم على زعل الحلو ( و يغمزلها ) هند : مول مب وكتك محمد: اوكي خلاص ، بس اقولج عطيني رقمج عشان اتفاهم وياج* هند : يلااا يلاا مافي رقم * محمد : عشان الإجراءات و السفر هند : بشرط محمد :شو؟ هند: بعد ما اتخلص امسح رقمي محمد: وإذا كنت حافظنه هند: امسح عقلك وياه محمد : كيف؟ هند : يبيعون مبيض في الجمعية محمد : المهم كم الرقم ؟ هند :*******056 محمد : اوكي هند كانت بترد عند البنات بس صوت محمد وقفها محمد: عندي سؤال و اباج تردين على بكل صراحة هند : شو ؟ محمد : شو السالفة؟ هند: اي سالفة ؟ محمد: نوره مب اختج هند نزلت راسها* محمد : اختي عنود قالتلي هند :...... محمد : بلااج ؟ هند :....... سوري إذا ضايقتج هند : لاا لاا عادي بقولك السالفة بس تعال دش داخل عشان كلكم تسمعون محمد : اوكي هند دشت اول عشان اتقول حق البنات يعدلون يلستهم و جي لأن محمد بيدخل هند : محمد بيدش لطووف: هذا عنده ويه بعد يدش ! هند : لطوووف !! لطووف : بسم الله كلتيني هند : انا اللي زقرته بقولكم شيء حصووصه : شو؟ هند اتنهدت : احين بتعرفين محمد : السلام عليكم* الكل : و عليكم السلام هند : اتفضلوا* هند : محمد سألني كيف انا مب اخت هند و طبعاً هذا من حقكم تعرفون كيف هي سالفة طويلة و تاخذ وكت لين ما تستوعبونها بأبدأ من القاعدة اول شيء كان في واحد اماراتي يدرس في فرنسا حب وحدة خطبها و هي اسلمت و اتزوجوا و يابو بنت اللي هي نوره حصووصه: كيف وصلو هني محمد : خليها اتكمل لا اتقاطعونها حصووصه قفطت:..... هند : بعد ما كملت هاي البنت 5 سنوات اتوفى ابوها في محاولة من محاولات الإغتيال *لأن كانت فلوسه ماشالله اتغطي عين الشمس و الأم قبل ما يتوفى رجعوا دبي و سكنت فيها سنه روحها بعد هاي السنة اتقدم واحد اماراتي للأم ،، الأم فكرت بمصلحتها و مصلحة بنتها اللي هي نوره فاشترطت عليه ان يغير اسم البنت لينسبه باسمه عشان ما اتعيش البنت مشتته و في هاي الفترة توفت الأم بجلطة قلبية و ريل امها كان متزوج امها بالسر و زوجته الأولى عندها بنت اللي هي انا خذ نوره وياه و زوجته الأولى اللي هي ماما ما كانت تقدر تسوي شيء بس من اتوفى ابوي استلطنا عليها انا و ماما و ما خليناها بحالها ( اتنهدت )* محمد: اهاااا لطووف : ما فهمت شيء* حصووصه : انا فهمت هند تستوي بنت مرت ريل امها لطووف : اهااا لطووف : ابووج كان ماخذ اثنين وحدة فيهم ام نواري و الثانية عهود امج و ام نواري كانت ماخذة قبل واحد اماراتي اللي هو ابو نوره هند : بالضبط حصووصه : و انا اقول من وين يا ها الأشقر لطووف : حظها فيها عرج فرنسي محمد : انا احين بشوف الموضوع عشان اعرف شو السالفة و منو ابوها ، اتعرفين شيء عن ابوها ؟؟ هند : للأسف لا بس بدور في البيت* محمد : يالله تعالي بوصلج عشان اتدورين هند : لاا خلاص بتصل في حد يوصلني محمد: منو؟ هند : ما ادري بشوف محمد : عن الحركات انتي شرات اختي عنود و عشان ترتاحين اكثر بنمر على اختي عنود اول هند : ما يحتاي وايد متعبينك معانا محمد : يالله تعالي ولا بمطج بركبج السيارة غصب هند : اوكي خلاص بيي ركبو السيارة و راح صوب بيتهم بالأحرى قصرهم هند اندهشت من المنظر و البيت العوود و الراقي* هند في داخلها : هذا لو جي من برع عيل شو من داخل ،،، ياويلي بتفشل يوم بيشوف بيتنا محمد : وين وصلتي؟؟ هند : بعدني في السيارة محمد : في منو سرحانه؟ هند : محد محمد : اتتحسبت ! هند : الله يخليك لا تتحسب هع محمد : دقيقة بزقر اختي هند : اوكي صوب محمد دش داخل و تم يصارخ محمد : عنووود !!.. عنوووود ام محمد: محمد ؟ محمد : هي حموود ام محمد بتعرفونها بعدين؛) محمد : امااية وين عنود ؟ ام محمد: عنود طالعة محمد : افــــفففف ام محمد : شو بغيت بها ؟ محمد : لا ماشي خلااص ام محمد : براحتك و اتجه صوب هند محمد : عنود طالعة اردج المستشفى ولا اوصلج بيتكم ؟ هند : عاادي* محمد : اوكي عيل عطيني عنوان بيتكم هند ********************************* وصلو البيت* هند : دقايق و راجعة محمد : حذي وكتج دخلت داخل و اول ما دخلت حصلت عهود في ويها* عهود : هنوودة وين كنتي؟ هند : عندج اي معلومة عن ابو نوره؟ عهـود: لا عهود : انا سؤالي اعتقد كان واضح وين كنتي ؟؟ هـند : بعدين بقولج* عهود: قولي بسرعة و تمسكها من شعرها هـند : آآآآي يعور عهود : وين كنتي هـند : هدي شعري بقولج* عهود تصفعها طرااق : ويين كنتي هـند : كنت في المستشفى عهود : عند منو ؟ هـند : عند نوره ،، نوره في غيبوبة عهود ( تضربها ): و انتي شو اتسوين هنااك هي و امها دمروني لازم اندمرهم خليها اتولي خليها اتموت هند ما استحملت : خلاااص خلااص انا احب نوره و ابا نوره و هي ما يخصها اصلاً و الإنتقام مب طريقة عهود( تضربها )*: يا السبالة يا الجلبة اتردين علي هند اتصيح و تصارخ محمد كان واقف في الحوي سمع صوت و على طول دش داخل و ما اتحمل يشوف المنظر الي جدامه* محمد : يا **** ليش تضربين البنت؟ عهود : و انت شو يخصك محمد : مرتي عهود : اوو هنودة طلعتي شاطرة راايحة ماخذتلها واحد و اتقول نوره ال******* في غيبوبة جان قلتي ترا انا احييج على سواتج العبي في عمرج بتحصلين فلووس الدنيا صدقيني بتعيشين مرفهة طول عمرج لو تبين بساعدج محمد : جب يال لوث عهود : على فكرة انا امها* محمد : هند ما تتشرف ان وحدة مثلج تكون امها* هـند ( تصارخ و في نفس الوكت اتصيح ) << للمعلومة هند وايد حساسة خلاااااص بس محمد مهما كان هاي امي بلييز محمد خلااص محمد هدأ شوي محمد : عندي كلمة وحدة لج طلعيلي كل اوراق نوره الرسمية* عهود : مابا* محمد : كييفج انتي الخسرانة بتشوفين شغلج مع الشرطة عهود : انزين خلاص* راحت فوق اتطلع اوراق نوره و بالعمد طلعت اليديدة بس اللي فيها اسم ريلها مب ابوها و عطات محمد محمد: هند هذا اسم ابوج ؟ هند : هي محمد : مافي اي اوراق ثانية؟ هند : ما اضن محمد : اوكي تعالي وياي بوصلج عند نوره* هند : خالااص ماما بتوصلني محمد : لا بتبن معالي هند : اوكي* وصلها المستشفى و انطلق اول شييء راح المحكمة يشوف السالفة يمكن يحصل شيء هناك |
اقتباس:
شحاآآلج .. عساآج طيبه ^^ تسلميلي ع هـ الخطفه الحلوة .. [ هـــآآي ان‘ـــآ ] و ترا اسيرة احزاآني انا بس النك غير |
تحمسسَت آلصِرآحه .. يآلله لآ تطِولين نرقب آلتكملهِ .. |
| الساعة الآن 12:33 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir