انشا الله بكملها الحين

الجزء الثاني

اتصلت بابوي بعد مره عشان اتاكد بس حصلت مبايله صج ماشي فيه ارسال فعرفت انه ويا اخوي في العنايه فبسرعه اتصلت بيت خالتي ميره فشل ولدها مايد . مايد عرفني من صياحي
مايد : ريم شو فيج ليش اتصيحين
ريم : مايد دحيلك تعال ودنا المستشفى
مايد : شو مستوي ليش؟
ريم : اخوي في المستشفى داعم بسياره
مايد : خلاص انا اللحين ياي
بعد حوالي 5 دقايق مايد يه وودانا المستشفى وطول الدرب كان يحاول يهدي امي الي كانت اتصيح واايد وصلنا المستشفى مايد سار يحوف الدكتور
مر اسبوع ونحن على هذي الحاله كل يوم حد من عيال خالتي ميره يرقدون عند احوي والله انهم طيبن وينشد فيهم الظهر عكس عيال خالتي امل كانت اتي هي وعيالها بس ربع ساعه وتروح جنها ضيفه ما ادري ع شو جايفه عمرها
اخوي بدت حالته يوم بعد يوم تتحسن الحمد الله لين ما ظهر من المستشفى بعد ما ظهر من المستشفى خالتي ميره ابدا ما قصرت ويانا دووم كانت اتي عندنا وتسولف ويانا وااايد
اللحين الحمد الله حاله عايلتنا مستقره
اللحين بقلكم عم حالتنا الماديه خالتي ميره ما شاء الله عندهم فلل و ابرااج و مباني يعني بيتهم اتقولون قصر
خالتي امل بعد نفس الشي عندهم فلل وابراج بعد بيتهم قصر
بس نحن عقد حالنا وابوي وااايد اكبر عن امي تقريبا 20 سنه يعني ما يقدر وااا يد يشتغل فتقريبا كل مصاريف البيت ع اخوي فديته

(في المدرســــه )
فطوم : هلا والله
ريم : اهلين يالغاليه
فطووم : شو بلاج ويهج مصفر
ريم : والله !!!!
فطوم : هيه والله
ريم : يمكن ما رقدت عدل امس عسب جي
فطووم : فديتج والله شو بلاج عسى ما شر
ريم : ما شر يالغاليه ولاشي مايا ني رقاد امس بس ما اعرف ليش؟

(في البيت )
ريم : السلام عليكم اتولهتوا علي صح ؟
كلهم : وعليكم السلام اكيييييييييييد
ريم : وانت (اتاشر ع اخوها )
شهاب : فدييييييت رووحج يلا سيري بدلي عشان نتغدا ويا بعض
ريم : ثواااااااني
سرت بدلت ملابسي ويت

عند الغدا امي قالت ان قوم خالو ميره عازمينا بيتهم يوم الخميس بمناسبه ان اخوي طلع من المستشفى ,عاد انا ما اصدق يوم ايوبون طاري بيت قوم خالتي ميره واضني انكم لاحظتوا هالشي

(يوم الاربعاء في المدرسه )
ريم : باجر بنسير بيت خالتي
فطوم : اي خاله حددي عشان اما نستانس او نتافاف بس من نبرت صوتج خالتج ميره صح ؟
ريم : صح ونص
فطووم : هندو بتي بيت خاتج
ريم : والله ما ادري بس اكيد بتي تخاف اكل حد منهم اقصد عيال خالتي
فطوووم : والله حاله بس يلا خليها على الله


(يوم الخميس )
الصبح الساعه 6 صبح
نشيت من الرقاد الساعه 6 شفت مسج من مايد يقول: ريم ترى منصور مايقدر اي ياخذكم لان عنده كليه وانا بمر عليكم ساعه 7 ونص يعني اليوم ماشي مدرسه (اخر شي كان كاتب ) ولد خالتج مايد . ما ادري ليش حصنت المبايل وضميته لصدري
اتغسلت ونزلت تحت اتاكد فشفت امي يالسه اتسوي كيكات
ريم : السلام عليج امايه
امي : وعليج السلام فديتج صح النوم
ريم : حررام عليج امي
امي : انزين تتدرين ان منصور ما بي ياخذنا خالتج تقول عنده كليه ومايد بي ياخذنا
(انا الي اعرفه ان منصور دوووام يوم الخميس يبدأ الساعه 9 ونص ويخلص 2 )
ريم : انزين بسير ارتب اغراضي تبين شي فديتج
امي : تعالي كلي شي باول بعدين سيري
ريم : لا امي مو مشتهيه
اخوي دخل : ليكون عاشقه بس انا ادري لي البنت ما تاكل يعني اتحب هههههههههههه
ريم: ماما شوفي شهابوو شو يقلي
امي : ليكون اتحبين هههههه
ريم : حتى انتي ماما ؟
شهاب : انزين عرفيني ع اخته يمكن اخذها هههههههه
ريم :هههههه والله انك متفيج تعال انت ليش ما سرت الدوام اليوم
شهاب: ماتعرفين انا اليوم المعرس عازميني هع
ريم : اشوف وااايد اتيب كاري العرس اليوم ليكون في وحده ظاويه راسك
شهاب :هههههه لا بس من امس اتخشخ اللبس بخر وما ادري شو لا تسير الدوام
ريم :ههههههههه وانت ما صدقت يوم قالولك لا تسير الدوام ههههههه
شهاب : ههههه لا ساير عندي اجتماع . منو بيوديكم بيت خالتي
ريم : مايد
شهاب : اها انزين سلمي عليه واااااايد
ريم : يبلغ انا بسير ارتب اغراضي
شهاب : هيه اتذكرت وانا نازل سمعت صوت مبايلج
ريم : عيل يلا مع سلامه
يوم سرت فوق شفت مبايلي مريوم مرتين متصله ومسج منها كاتبه : لا تالبسين ملابسج في البيت يبي ملابسج اهني بنلبس ويا بعض وبنتمكيج ويا بعض ويبي وياج ربيعتج فطووم

شفت الساعه شفت 6 ونص قلت اكيد فطووم لين اللحين ما ظهرت من البيت اتصلت ع مبايلها
ريم : صباح الخير
فطووم :صباح النور والورد
فطووم : اشوف اليوم نشيطه عشان انج بتسيرين بيت خالتج
ريم : سخيييييييفه تعالي مريوم عازمتنج اتين بيتهم
فطووم : عندهم حد حلو بي ولا لاء ههههههه
ريم : هيه عندهم منصور وسيف
فطوم : وليش مب مايد مثلا
ريم : ها .... لا بس نسيت صح مايد بعد
فطووم : ريموو مب علي اتحبينه صح
امي : ريم يلا اتاخرنا
ريم : فطووم اخليج بجوفجج في بيتهم اوكي
فطووم :ليش مابتين المدرسه ؟
ريم : لاء
فطووم : اوكي يلا مع السلامه
ريم : مع السلامه

سرت بدلت ملابسي ورتبت اغراضي وشليت شنطتي ونزلت يوم نزلت سمعت
امي : حيا الله من يانه
مايد : الله يحيج ويجزيج
امي : اشحالك شو مسوي
مايد : والله الحمد الله ما نشكي الباس
امي : عساك ما تشتكي
مايد : ها خالتي ما اشوف عمي وشهاب
امي : عمك ساير الشغل وشهاب توه ظاهر
مايد : اها .... ريم ما سارت المدرسه وينها ما اشوف لها حس
امي : وانت شو دراك انها ما سارت المدرسه ها هههه
مايد (انحرج ): ها .. لا بس سمعت كانت اتقول حق مريوم
امي : هيه
يوم نزلت شفت امي كانت اتحط ريوق حق مايد نزلت وسويت عمري ما سمعت شي ولا ادري انه موجود اصلا
ريم : السلام عليكم
مايد وامي : وعليج السلام
مايد : اشحالج ريم
ريم : الحمد الله تمام وانت شخبارك ؟
مايد : الحمد الله عالي العال
امي : اقربي ريم تعالي اتريقي بسرعه عشان ما نتاخر ع بيت خالتج
ريم : ان شاء الله
امي ومايد طلعوا وساروا يتمشون في الحوي
بعد ما خلصت الريوق يت الخدامه اتشل الريوق وانا كنت اساعدها سرت المطبخ فعقيت شيلتي عشان اعدل شعري لان شعري من زمان ما قصيته امي مااطيع اقص شعري
يوم بطلت الشيله فسمعت صوت
مايد :احم احم
فانا من قفطه حطيت الشيلها ع طول ع راسي فمايد طلع ع طول من غير ما ارمس ولانطق
قبل ما نركب السياره
مايد : ريم اسمحيلي بس انا ما كنت يالس اشرب ماي
ريم : لا عادي مسموح
بعد ماركبنا السياره هو كان حاط شال ع منظره فامي قالت : مايد
مايد : سم
امي : سم الله عدوك . شال من ها اكيد وحده ناسيتها في موترك
(اول ما امي جي قالت حسيت حد صب ماي بارد علي بس ما ادري ليش؟)
مايد : هههه لا خالتي ه اللحين كل الشباب جي يسون
ما تعرفون كيف ارتحت يوم قال انه موضه بس هو اصلا ماشاء الله عليه مؤدب واايد
امي : ميوود
مايد :ههههه نعم منو قدي يدلعوني
امي : انت اليوم ما عندك كليه
مايد : لا خالو ساعه 9 بيبدأ دوامي وبخلص 1 وربع
امي : عيل بتكون حق الغد االيوم
مايد : لا بس ان شاء الله ع العشا
امي : شوووووووو خلاص عيل ردني البيت شو ها وين بتسيران شاء الله
مايد : ههههه حبه حبه علي خالتي انا الله يسلمج بروح صديقتي عازمتني ع الغدا (كنت يالسه ورا أمي فاونه يطالع امي بس عرفت انه يطالعني عشان يشوف ردت فعلي بس انا من داخلي كنت امووت من الغيص بس سويت عمري عاديه )
امي : انزين كمل
مايد : فقلت عيب ارفض لها طلب ههه
امي : انزين خلاص خلها تنفعق
مايد : فديت الزعلانه انا هههه
امي : هيه جي اباك
مايد : هههههههههههههههههههههه
وصلنا بيت خالتي طبعا خالتي كانت في المطبخ
خالتي : حي الله من يانا
ريم وامي : الله يحيج
سرت سلمت ع خالتي وحبيتها ع راسها
خالتي : فديتج والله ما شاء الله قمر ماشاء الله محلوه
ريم : عيونج الاحلى تسلمين خالتي
مايد : احم احم اعرف اني عيوني الاحلى
خالتي وامي وريم :ههههههه
مايد : خلاص انا بسير ارتاح اشوي
خالتي : سير فديتك
مريوم يايه من ورا بس انا ما كنت اشوفه
مريوم : بووووووم
ريم : مريوم ياسخييييييييفه
مايد :والله انكم خبال اسير ارقد وااااايد ابركلي
انا ومريوم وامي سرنا ساعدنا خالتي في المطبخ لين بعد صلاه الظهر
خالتي :يلا كل وحده اتسير تتسبح
ريم : هيه قصيتوا علي دخلتوني مطبخ اللحين شموا ريحتي
خالتي : فديتج والله اصلا نحن امخططين
مريوم : انا بسير حجرتي وامج حجره منصور وعمو حجرتها وانتي حجرت مايد
ريم : نعم !!!!!!!!!!!!!!!!! والله هو راقد تحلمين والله
مريوم : لا والله سار برع حتى جوفي سيارته مب واقفه
ريم : لا اخاف
مريوم :اصلا سار الكليه بس كان يلعوز عمو بس ها المره عمو شكلها ما استوعبت السالفه صح
ريم :اها

تسلمين الغلا ع البارت نتريا البارت الياي

تقبلي مروري

..‏ عزه ..

يسلموو ,, القصه حلووه
نتريااا التكمله ...

يسلموووووووووووو .. وبلييييييييييييييييييييييز كمليهـااا :(