منتدى استراحات زايد - يآليت تنفعني كلمة لو .. من كتاباتي

....: العنوود العنود .
العنود طالعت ورا و شافت ربيعتها ناديه .
العنود: ها ندوي شو تبين .
نادية: ترا احمدوه اخوي حاله مايسر انتي ليش جيه تعاملينه.
العنود: زين خليه يتأدب شويه هه اوني احسسه اني بنت ناس و خليني اتغلى شوي مافيها شي ؟!
نادية: حرام عليج والله بلشتيني فيه ههه .
العنود : اقول انطبي ولا كلمه خلي الحصه تعدي على خير .!
نادية: هه ان شاء الله .

و من صوب راشد .
و هو في الشركه .
دخلت عليه السكرتيره : استاذ راشد في ريال واقف برع يبي يكلمك .
راشد : قوليله راشد مشغول الحين و خليه ايي وقت ثانيه .
و شوي ينفتح الباب
....: لا يا حبيبي ماينفع ايي بوقت ثاني .
راشد: انزين خلاص موزه تفضلي برع و خليني انا وياه بروحنا .
فادي: ها يا الـ ***** ليش ماتبا تشوفني .
راشد : هه مآحد ***** غيرك .
فآدي : هاه ايه انته لاتكلمني بها الاسلووب فاااهم .
راشد: انزين خلصني شو تباني ترا عندي شغل وايد ؟!
فادي: انزين عن تموت اقوولك اليوم جمعتنا بـ الشقه عندي !
راشد: والله مادري ماعتقد اقدر ايي و اممم ماعرف ماعرف بجوف لو قدرت بيي .
فادي: انزين لايفوتك ترا اليوم غيير عن كل مرة .
راشد: وين يآخوك مانروم نسوي شي عندي حرمتي هه .
فآدي : خلاص نشوفك بـ الييل لاتنسى .
راشد: اوكييه .

و في بيت بو عبد الله :
حمده توها نازله من ع الدري .
ام عبد الله : هاه بنتي توج نااشه كان كملتي رقاد حبيبتي من وقت ناشه .( و هي معصبه )
حمده : خالوه والله انا ماكنت بنزل بس ها رشود وعاني و غصبني اقوم ><
ام عبد الله : لا والله صدق مافيج مذهب عيل الحين تنشين و انا توني اتطنز و انتي تحريته صدق ارمسج . شوفي الساعه 10 .
حمده : انزين خالوه حقج علي
ام عبد الله يالله انزين بسرعه رووحي تلبسي بنسير بيت حيج .
حمده : انزين خالوه انا امسات يايه من عندهم .
ام عبد الله : افا يا بنتي حد يقول ها الرمسة مايبا يروح بيت اهله .
حمده : لا خالتي مو قصدي بس يعني ... خلاص ان شاء الله احط عباتي ع راسي و اييج :)

دو في مدرسة البنات

و من صوب ثاني
عاشه : اييه لا لا دخييلك خلك بعيييد انا مب معنااته شردت من المدرسة يعني تسوي جيه او توصل فيني المواصيل اسوي جيه .
خليفه : افا حبيبيتي عوااشي ليش خيفاانه مافيها شي . بنروح الشقه و هناك بتمين ع راحتج لأنه هني فـ السيارة بيعورج ظهرج من الكرسي .
عاشه : لا لا مستحييل ماينفع انا مستحيل اسوي ها الشي .
خليفه: انزين عشاان خاطري يآخي اول و آخر مرة و بعدين اوعدج مابسوي اي شي لاتحاتيين .
عاشه: انزين و شو يضمني انك ماتسوي شي .!
خليفه: افا عوييش لها الدرجة خايفه مني .
عاشه: لأا والله مب سالفة خايفه او شي بس مابي و بعدين انته ليش ماخبرتني من قبل .
خليفه : لأني ادري وياج لو خبرتج من قبل ما بترضين تشردين من المدرسة .
عاشه: انزين خلاص بنروح بس بشرط انه انته ماتم وياي فـ الحجرة نفسها .
خليفه: خلاص تماامووه .

و صوب حمود و ببداية الحصة الثانيه .
حمود كان يالي حذال اليدار و مكانه اول واحد .
و منصور من نفس سيده بس آخر واحد .
و منصور طايف كان يدز محمد و محمد تم ساكت و مارد عليه لأنه يعرف إلي بييه هههه .
منصور: ايييييييييييييييييييييييييييييييييييييه شو هاذاا !!!
محمدو فيه الضحكه : شو شو بلاك تصارخ طريت اذني .
منصور: منو ها الـ **** إلي مسوي جيه بـ كرسي و حاط صمغ ع الكرسي .!
محمد: و انا شو عرفني .
و طبعاً كندورة منصور كانت كلها صمغ و توه بـ الحصه الثانيه و منصور وايد تضاايق و تغصص .
و محمد فرحااان بـ اللي سوااه و وايد مستاانس .!
لاكن كان عليهم عربي و توه يتذكر انه استاذ العربي شافه بـ الصف .
لاىكن استاذ العربي تجاهل الموضوع و كمل الدرس كـ العآده . . .