منتدى استراحات زايد - فدوتك هـ الروح وعيوني ليه غلاك مسبب جنوني

part 3

ببقى أحب الحب واتخير القرب و أقول للغالين سمعن وطاعه
وش حيت الانسان لو خافقه حب ماظن ينسى الحب في ظرف ساعه

منصور شل بعمره وطلع عنهم " شوه ها اللي يسستوي ؟؟ كيف بأخذ ميره أنا .. وشموه شوه اسويبها يعني ؟؟

شل فونه واتصل بـ شموه
منصور [ بضيق ] ; الووو
شموه ; ويه بسم الله بلاه صوتك
منصور ; ضايقه فيني الدنيا يا شموه
شموه ; بسم الله عليك حبيبي شوه فيك ؟
منصور ; اليوم يدوه خطبت ميرؤه لي
شموه [ مصدومه ] ; وعقب شوه أسسسستوا ؟؟
منصور ; مارمت أرفض يا شموه مارمت أرفض
شموه تمت ساكته
منصور ; غناأتي
شموه ; هممم
منصور ; أحبج أنا ومابا غيرج
شموه [ بستهزاء ] ; بس بتكون لغيري يا منصور
منصور ; ........
شموه ; ع العموم مبروك وخلاص يا منصور اللي بينا انتهى وربي يوفقك
وسكرت الفون في ويه .. وتم منصور مضايق

" معقوله اتخليتي عني بهائ السرعه يا شموه "

ميره كآنت سآيره آلمطبخ لمحت منصور يآلس روحه جان اتسير صوبهميرؤه ; شوه آميلسنك روحك ؟؟
منصور ; آتأمل الجوو
ميرؤه ; همم زين عيل أنا بدخل
منصور ; تعالي يلسي برمسج
ميروه ; هممم قوول
منصور ; بمـا أنه يدوه خطبتج لي .. آبآ أعرف عنج شوه تحبين وشوه تكرهين
ميروه [ بمستحى ] ; هممم .. أنا وأيد مزاجيه وعصبيه .. وطبعا اتعرف هاي الميزه اللي فيني أني حشره وملسونه
منصور ; هههه ربي يعيني عيل
ميروه [ تطالعه بنظره ] ; جب
منصور ; هههه آنزين وشوه تكرهين ؟؟
ميروه ; أكره الجذب والخيانه .. أخيس شيء عندي هـ الشئين
منصور ; حلووو
ميروه ; وبسس
منصور تم ساكت وميروه تطالعه
ميروه ; ليش أحس أنه فيك شيء ؟
منصور ; لا منو قال
ميروه ; ترآني آشوف حآلتك كيف .. وثآني شيء يبين عليك
منصور : لا تحاتين فديتج مافيني شيء
ميروه تكهربت يوم قالها منصور فديتج ..
منصور : ويه بلاهم خدودج أحمروو
ميروه بمستحى : هههه من البرد ..
منصور : يلا عيل قومي ندخل
ميروه أبتسمتله وسبقته ~
ميروه وهي داشه شافت غايوه
ميروه : لحقي علي بمووووووووووت
غايوه " تحط أيدها ع يبهت ميروه " بسم الله بلاج
ميروه : منصووووور تفداني قالي فديييييييتج
غايوه : الحمدلله والشكر أثقلي شوي ههههه
ميروه ترفع شعرها : جب جب

مر هـ اليوم ع خير
في حجرة البنات كلهم كانوا موجودات إلا ميروه~

مريوم ; شتتتتتتتتتتتت
البنات كلهم صدو صوبها ; بلاااااج
مريوم ; اليوم عيد ميلاد ميآآآآآآري
آلبنآت ; آووونه ؟؟
مريوم ; والله وأنا ناسيه السالفه
دخلت عليهم ميره ..
ميره ; ماذا تفعلون يا فتيات
والبنات كل وحده تشوف الثانيه ..
ميروه ; بسم الله فيكم شيء ؟؟
مريوم : هههه نؤ مافينا شيء .. فطوم قومي وياي
طلعو مريوم وفطوم وخبرو الشباب أنه اليوم عيد ميلاد ميروه
ميود و حميد و سيف يآلسين يعدلون الصاله ويزينونها
مريوم و فطوم & منصور سارو يسون كيك
غايوه و شويخ ومهره يلهون ميروه عشان ماتنزل
ع آلسسسساعه 8 كل شيء جهز تقريبآ
والبنات كشخوو وكل وحده لبست بدله
وميروه من شافت السبرايز أسستأنسست وأيد
اتصل فيها " زايد" وتم يغنيلها
كل عام وأنتي أجمل غاليه في هالوجود
كل عام وأنتي حسسنج في عيوني يكتمل
اسمحيلي يا منأتي يا شذه كل الورود
أعزم نجوم الليالي واحتفل بج
ميروه ; حيااااااااااااتي زايد

زايد; فديت اللي كملوو 18 أعشقهم أنا

ميروه ; وهم يتخبلون عليك يا بعدي أنت

زاي ; خلاص حبيبي سلمي عليهم وعقب بتصل فيكم

ميروه ; آوكيه دير بالك
والمفاجأه الثانيه وصلو عيال عمها [ بوخليفه ]
بوخليفه & أم خلفية
خليفة 20
عمر 23
حمده 16
ربعت ميره صوب حمده وحضنتها
ميره ; فديييييييت ويهج آتولهت عليج
حمدوه ; حياتي انتي والله أنا أكثر
وتمو عاد يسلمون ع بعض عقب الشباب تيمعو مكان واحد والبنات مكان واحد
مريوم نشت وفتحت أغاني وتمو يرقصون ويستهلبون
يت البشكاره صوبهم وقالتلهم أيون الصاله ..
اليده ; بما أنكم كلكم متيمعين هني خلونا اليوم نحتفل بخطوبة منصور و ميروه
والكل استأنس بـ هالخبر .. ومنصور حزن شوي بس عقب رضى بالأمر الواقع ~
اليده كانت امجهزه الدبل .. منصور لبس ميره الدبله وميره بتموت من الحيه وميره نفس الشئ لبست منصور الدبله
منصور شاف ميره وابتسم ; مبروك
ميروه منزله رأسها ; الله يبارك فيج
بعد مرور يومين بالضبط
ميروه حست أنها تعلقت في منصور وانه في شيء يشدها صوبه
ومنصور يحاول يرمس شموه بس شموه تتجأهله ~
فـ بيت بو خليفه ~
خليفه : عيل جيه السالفه ميروه انخطبت
حمدوه ; وأنتو متى ناوين تعرسون
عمر ; أنا مول مافكر الحين
حمدوه تسويله مالت : تم جيه يآلشيبه
خليفه ; ههه شوه نبأ في عوار الرأس
في دبي تحديدا في بيت بومايد
ميروه دخلت الصاله لقت ميود و مهروه ومنصور يآلسين
ميروه : عيل وين مريوم ؟
مهروه : كانت تسبح
ميروه : اها
ميروه لاحظت أنه منصور ماهتم لوجودها وميود الفون
جان تصاصر مهروه ; بلا أخوج ؟؟
مهروه ; مآدريبه من الصبح أميود هالفون
ميروه ; زين
ميود ; ما حددتو موعد الملجه ؟؟
منصور ; همم الشور في أيد يدوه
ميره اكتفت بابتسامة
ميود : هذو خلوف وصل أنا بسيرله
الباقي : الله وياك
في بيت أم سيف وتحديدا في حجره سيف
منسدح ع الشبريه ويتصل في مريوم ماترد عليه وهو متحرقص
طلعت مريوم من الحمام لقت 10 مكالمات و مسجين
مريوم ; والعثثثثثره
شلت فونها واتصلت فـ سيف
سيف بعصبيه ; انتي ويييييينج ؟ ليش ماتردين ؟؟؟
مريوم ; بسم الله كنت في الحمام
سيف ; كل ها في الحمام
مريوم ; هيه كنت أسبح
سيف هدأ ; آنزين آتولهت عليج
مريوم ; هههه جب جب ولا جنك شآيفني قبل يومين
سيف ; آنزين تراج قلتيها قبل يومين
مريوم ; انزيين ؟
سيف ; مآدري يمكن أييكم دبي
مريوم ; آحم حياك الله
سيف ; ربي يحيج غنآتي
نرد في الصاله
ميروه ; أنا بسير المطبخ تبون شيء ؟
مهروه ; سلامتج
ميروه تتريا منصور يرمس .. بس مانطق ولا كلمة .. شلت بعمرها وطلعت
مهروه ; أنت أييه ليش مب معبر ميره
منصور ; مهروه ولي يرحم والديج فكيني
مهروه ; منصور ترا ميره تحبك وصدقني مابتحصل وحده تحبك شراتها
منصور ; المطلوب ؟
مهروه أطالغته بنظره ; اهتم في البنت حسسها انك خطيبها
منصور ; آوكيه ؟؟
مهروه ; وييع يابرودت دمك بسير عند ميره أبركلي
منصور ; روحي زييييين
فـ المطبخ ' ميروه يالسه تغني '
أنت عمري وأنت مطلوبي وش تبي مني بعد أكثر ؟
دشت عليها مهروه ; ياعيني ياعيني أخوي بيأخذ وحده جميله ومغنيه مانروم
ميروه ; هههه دخيلج عاده
مهروه ; هممم عادي أسألج ؟
ميروه ; سألي
مهروه ; انتي تحبين منصور ؟؟
ميروه ; آآآه يآ مهروه والله ماعرف بس من إشوفه قلبي يدق طبول وأستانس إذا إرمسه ولا رمسني .. و وأيد أحب أسولف وايلس وياه .. مآدري إذا هذا يسمونه حب !
مهروه ; ههههه عاشت العاشقه
ميروه ; جب جب
مهروه ; الله يقدملج اللي فيه الخير يا روحي
ميروه أبتسمت ; أمين (=
اتصلت اليده في بوميود وحددت موعد الملجه وبوميود خبر منصور وميروه
" الملجه والعرس في نفس اليوم "
ميروه كل عاده استأنست ومنصور يمثل جدامهم أنه مستأنس وفي قلبه شيء ثاني
منصور في خآطره " اففف يا يدوه كل شيء تسويه ع كفيها "
ميروه في خآطرهآ " معقوله أنا بهائ السرعه حبيته ؟ يآويلي كم بعيش "
منصور طرش مسج لشموه
" حددو الملجه وكنت أتمنى انتي تكونين العروس "
جان اترد عليه شموه
" منصور هذا القدر .. وكل واحد بدنيا ما يأخذ إلا نصيبه
أنت نصيبك تأخذ ميره وأنا نصيبي أخذ ولد خالتي
نسيت أخبرك أنه تقدلمي .. وخلاص يا منصور أنسئ شمه إنساها "
منصور قرأ المسج واتخبل ماعرف شوه يسسوي

توقعاتكم ؟؟