منتدى استراحات زايد - ~|{ إنْ قِلت مآ أحِبگ فَ أنآ حيل غلطآآن ..~*

البآرت الثالث xx..

" بيت بوٰ سلطآن // الصآله ..*
*
ميثآ يآلسه تجلب بهآلقنوآت وام سلطآن يآلسة ترمس ام خليفه بآلتيلفوٰن ..،*
ام سلطآن : هيه . اگيد ان شاء الله مآ يبآلهآ رمسه حمدآن وٰ سعيد حسبت عيآليه .... هييه ان شاآء الله سلمي ع الگل . يلا عيل ربي يحفظج .. " وتبند "*
ميثآ " تصد صوٰب امهآ " : هآ امييه بيسآفروٰن سعيد وحمدآن ؟*
ام سلطان : هييه وان شااء الله باجر بنسيرلهم .*
ميثا : من زمآن ما تيمعنآ .*
ام سلطان : هيه والله من بديتوا الدراسه وگلن لآهي بدنيآه .*
ميثآ : مآ علييه امآيه مآ بآجي الآ اسبوٰع والگل بيخلص .. مآ غير المدآرس .. الله يعينه رشوٰد .*
ام سلطان : هييه والله . الله يعينه هالصبي عاد اممره الدراسه ورا ظهره ..*
ميثا : لوٰ ظهر ع خوٰآنه زين .. مآدري ع منوٰه ظآهر جي !*
ام سلطآن : هييه مآ شآء الله خوٰآنه شطآر مآ غير هزآع سگتهم *
ميثآ : هيه مااشااء الله هزآع 95 هب شوٰيه " وسرحت يوٰم يقوٰل يبآ يستوٰي دگتوٰر ؛ غريبه غير رآيه /" ..*
ام سلطآن : هيه الله يحفظه .. وسلطآن خوٰج بعد ما شاء الله // يقاطعها باب الصآله .. حدر عليهم سلطآن : هاااه وبلآه سلطآن خوٰهآ ؟*
ام سلطان : ههه مآ بلآه شي . الآ يآلسين نرمس عن نسبگم ..*
سلطآن " ييلس حذال امه مجآبل ميثآ " : هييه فديتني ظهرت شآآطر نسبتيه 92.7
هب شرآت بعض النآس " ويطآلع ميثآ باستهزآء " ..*
ميثاآ " تجوٰف امهآ وترمس " : هآلبعض النآس قطعوٰا معظم النآس ..*
ام سلطآن " اطآلع سلطآن " : هيه صدقهآ . فديتهآ ميثآ محد يآب اعلى ع نسبتهآ ..*
سلطآن " يغمض ع عيوٰنه " : الله واگبر . عيل بنآت عمي رآشد ؟*
ميثآ " تلعب بالريموٰت " : گلن أبخص بعمره ..*
سلطآن " يستهبل " : انتي بعدج زعلآنه ؟*
ميثآ " اطآلعه بنص عين " وتصد صوٰب التي في ..
ام سلطآن " تنش " : الله يهديگم . انا بسير ارقد الحينه 12 ونص .. يلآ فديتج ميثآ نشي رقدي بآجر غدآنا عند عمج محمد ..وانته بعد يا سلطآن نش ارقد ..
ميثآ " اطآلع امهآ واطآلع التي في " : ان شآء الله امييه .. بس شوٰي وبسير ارقد ..*
ام سلطآن " تصد ع سلطان وتجوفه يلعب بالبلآگ ": يآ الله تعينآ . يلا بسير انا " وروحت لحجرتهآ " ..*
هدوووٰووٰووء ...*
فجأة ميثآ صآرخت : يآلحيوإن نزلني والله بصيح ..*
سلطآن " مستآنس " : هههه اوٰل شي بترضين ؟*
ميثآ " تصآرخ " : امااايه .. امييييه تعاااالي ...*
وشوٰي الا وامهم طآبه عليهم ومعصبه : بلآآج ؟*
و" تجوف سلطآن شآل خته ميثآ ويميلها عسب اطيح وهي تصآرخ "
عصبت " حليلها من حقها " : وحوٰوٰوٰم يشلگم قووولووا امين .
سلطآن " يزيغ ميثآ " : بطيحج بطيحج هنييبه ... بووووف .*
ميثآ : خلاااص سلطوون والله رضييت ،.*
سلطآن : سلطوون ف عينج قولي سلطان .*
ام سلطان " طبتها وسارت لحجرتهآ وهي تتنآزع " ..*
ميثآ " ادزه " : خلاص توبه والله تووبه . سلطااان سلطااان . بس الحينه نزلني ..*
سلطان " نزلها ويبتسم بانتصار " : هاا زعلانه ؟*
ميثا " تربع صوٰب الدري " : هيييه " وتشرد عنه .*
سلطان " يلحقها ويقبضها من شعرها " : زخييتج .*
ميثا " بترجي " : والله والله اسوولف .. اصلا انا اقدر ازعل منگ ؟*
سلطآن " يفج شعرها ويضحگ " : هييه جي ابآآج ..*
ميثآآ " تبتسم " : يلا عيل بسير ارقد ..
سلطان " يردلها الابتساامه " : نوم العوافي ^^*
ميثا : الله يعافينيه . باي " وتشرد عنه " .*
سلطان " يزاعج " : يالانانيه .. دواااج باجر ..

يوٰم اليمعه " بيت بوٰ خليفه " حجرة فطآمي .// *9:47 صباحا*
فطآمي " يآلسه وعآقده النوٰنه " : اففف يآربييه شوٰه*البس ؟ ابآ اگشخ .. " سرحت ف سعيد " اممم اففف احس بضيجه فديته سعيد بآجر بيسآفر .. والله احبه احبه اموٰوٰت فيييه .. فديته وربي عسل . جرأته تعيبنيه فديييته . يااربي بتخبل منه .. ياارب تجمعنآ يآرب .. " ردت من سرحآنها " : استغفر الله . " وتجوف الگبت " : يا الله شوٰه البس ؟*
" جآفت گندوٰره مخوٰرة زرقآ . ظهرتهآ وقررت تلبسهآ " .. " يت ف بآلهآ عوآش " بدقلهآ بجوٰفهم وين ؟.*
*
/// اهل العين موٰزعين 3 موآتر ..

موٰتر سعيد / بو منصور . ام منصور .*
موٰتر حمد / حرمته " موزه " وعيآله " عنودي وحروٰب " ..*
موٰتر منصوٰر / عوآش . سلآمة . شمآ . وميري " البشگاره " .*

ف موٰتر منصوٰر // الضحگ مآ يحتآآي .. لگن عوٰآش سگتتهم بعد مآ درت ع فطآمي .
عوٰآش : دووومج هآدمة الافراح ..*
فطامي " بزعل " : افااا ..*
عوٰاش " تبتسم " : اسووٰلف ويا راسج .. الموهيم ، گييفييگ ؟ ان شآء الله منييحه..*
فطآمي : تمآم .. من صوٰبگم ؟*
عوٰاش " بخبث " : نرقص .*
فطآمي : اوونه . اگيييد سعيد مربشگم ع الصبح ..*
عواش " باستهبال " : وسعييد ف گل سآلفه ؟*
فطآمي " بدلع " : واايه فديته. لوٰ سعوٰدي حبيبي هب ف گل سآلفه نخلي منوٰه بداله ؟*
حمدآن مثلآ ؟!
عوٰاش " تبتسم بغصب وترمس بالقو ،، تحس نفسهآ مآشي . خلااص " : امم نحن بآجيلنآ شوٰي وبنوٰصل ..*
فطآمي " بجد " : آآآخ بس . ودي بس اعرف شوٰه اللي فرقگم ؟*
عوٰآش " بحزم " : مآ من سآلفه . المهم يلا بخليج خربتي علينآ جوٰنآ الفگآهي .. " وضحگت عسب مآ تبين دموٰعهآ " ..*
فطآمي : اوگ . اتريآگم .. ببآي ..*
عوآش : باي ..*
بعد ما بندت فطآمي عن عوٰاش ،، تلبست وتگشخت ع السريع ،، وسآرت حجرة هزآع عسب توٰعيه . ،، طق طق طق << ادق الباب هع .*
هزآع " فجلها الباب وهو گآشخ ، ابتسم يوم جآفها اطالعه باعجاب " : صبآح الخير ..*
فطامي " بذهوٰل " : صباااح النور والسروور ..*
هزآع " باستغرآب " : بلآج .؟ " ويطآلع گندوُرته الگرگميه ويرد يحط ايده ع سفرته الحمره " " فطآمي سإگته تجوٰفه " ؛ حووٰه بلاااج ؟*
فطامي " تنتبه له " : أوٰل مره أحسگ حلوٰ .*
هزآع " بنظره " : مآلت بس . اصلا انا حلوٰ بس اسمريت من الدوٰره .*
فطآمي : بس جد جد هزاع انته واايد حلوُ . كل هالحلآ لمنووهُ دآسنه ..*
هزآع " يبتسم ويتجدمهآ " : ذآگ اوٰل يوٰم ادس حلآتيه .. " وراح عنهآ وترگهآ بحييره " ..*
فطامي " حآولت تفهمه بس مآ قدرت " ؛ طنشته وسآرت لحجرة حمدآن ، وادق البآب بدفآشه " : حمداااااااااان .*
" ماشي صووٰت " ..*
ترد تزاعج " : حمداااااان ..*
جآن يظهر خوٰهآ رآشد من حجرته اللي حذال حجرة حمدآن ع اليمين .. : بلااج تبآغمين ؟ حمدآن تحت " ويسير صوب المرآيه العوٰده اللي حذآل الدري " *
فطآمي " تصد وتسير صوٰبه " : شدرآگ ؟*
رشوٰد " ويعدل سفرته " : جفته قبل ..،*
فطآمي " تضيج عيوٰناتهآ " : بس انته توٰگ ظآهر من حجرتگ ..*
رشوود " يتافف وينزل من ع الدري " : اففف صج ملآقييف هالبنآت . " ونزل عنهآ "*
امإ فطآمي " حليلهآ مستغربه من خوٰآنهآ " خليفه معرس ومآ ينسمع له حس . حمدآن مآدري هالإنسآن گييف ؟! يحب عوٰاش حب جنوٰني لكن ف يوم وليله انتهى گل هالحب . لآ وبعد باييده ، بس غريبه ليش هب طآيع يقوٰلي السآلفه " وحطت ايدها ع راسهآ وخلآف ابتسمت يوم يآ هزآع ع بآلهآ " امم صح هزآع دوٰم اضآرب ويآه بس مع هآ احبه .. فييه حنآن بس مآ يحب يبين لحد ومآ يرمس وآيد . فيه جموٰد وخقه بس وآيــٓد تغيَر عن يوٰم گآن صغير .. وأگبر دليل حبه للدرآسه .. معروٰف عنه انسآن حيآته لعب بس من اوٰل ثآنوي عشق شي اسمه درآسه .. / ولآ رشووٰد " ضحگت " خبآل x خبآل . حيآته بس لعب مآ يحب يدرس همه بس موآتر وخقه والمشي ف الموٰلآت ووو /// حد دزهآ شوٰي وگآنت بطيح " صدت ورآهآ " : خييبه تخييبگ .*
رشوٰد " يضحگ " : ههه من الصبح ازقرج ما تردين شوه اسويبج ؟*
فطآمي " تاخذلها نفس " : انزيين هب جي .. لو قلبي وقف شوه اسوي ؟*
رشوٰد " يبتسم " : بسييطه ! مآ بتسوين شي غير انج اطيحين ميته ..*
فطامي " تضربه ع جتفه " : اهبب هباااك الله . حرام عليگ بعدني مآ جفت الدنيآ ولآ عشت حيآتيه .*
رشوٰد " بخبث " : هييه قصدج مآ عشتي حيآتج ويآ سعييد .،
فطامي " استحت واحمرت " : جب جب جب جب .
رشوٰد " يستهبل " : منوٰه ؟ سعيد ؟*
فطاامي " تزااعج " : جاااااب . بتخبل لو بيلس وياااك يالخبل " ونزلت تحت " " وعاد رشوٰد ظهّر فوٰنه وطرش مسجآت يمعه لربعه ،.
*

اوٰل مآ نزلت جافت قوٰم عمها بو سلطآن موٰجوٰدين . سلمت عليهم ويلست تسوٰلف ويآ ميثآ .*
فطآمي : هييه هييه مي جفتهآ ذيج المره ويا عهوُد ..*
ميثآ " بنرفزه " : وعع اسمينيه هالشله ما ادانيهاا .*
فطامي : الله يخلييج يعني انا اللي ادآنيهم ..*
وشوٰي يسمعووٰن هرنآآت خاآري .. غبيشه " تنش " : اگيييد اهل العين وصلوٰآ ..
وينشن ويآهآ ام خليفه وام سلطآن وفطآمي وميثآ .. ووقفن عند بآب الصاله يجوٰفون خبآلهم .. سعيد مطوٰل ع الأغآني ومنزل الدرآيش وحمد نفس الشي ويباغمون هرنااات بس منصوٰر بعده مآ وصل .. الگل تم يضحگ عليهم وخآصة ع خبآل سعيد الا گل اشوٰي يلعب بآلموٰتر وامه معصبه ..
نزلوٰا وسلموٰا ع الگل .. وقفواٰ جي حرگة دآئره " بوٰ منصور " ع يمينه . غبيشه ". بوٰ خليفه . خليفه . حمد . ام منصور . ام خليفه . ام سلطآن . مريم" حرمة خليفة" . ميثآ . فطآمي *. موٰزه"حرمة حمد" . سعيد . حمدآن . سلطآن . رشوٰد . هزآع " حذال بو منصوٰر ع اليسآر " .. واليهآل يلعبوٰن دآخل ..*
سعيد " بروٰح مرحه " : شرااايگم ؟*
حمدان " يحيس بوزه " : جآن قلتلي بتسوٰون جي . گنت بييگم ع الدوآر ..*
رشوٰد : هييه والله جآن قلت گنآ بنسوي مسيره ..*
ميثآ " اطآلع رشوٰد وترفع حوآيبهآ " : عآد رشوٰد مآ صدّق .،*
رشوٰد " يستهبل " : مآ سمِعت شي ..
ام خليفه " تبتسم " : يلآ حيآگم قربوٰا دآخل ..
حمدآن : يلآ شبآب الميلس ..
غبيشه " تصد صوٰبه " : شوٰه لگ حآيه بالميلس ،، گلنآ بنيلس فِ الصآله ،،
سعيد " يبآ يقهر حمدآن " : هييه صدِق بنيلس گلنإ ف الصآله ترانا اهل ولآ حد غرييب " ويغمر لحمدآن " ..*
حمدآن " يضرب سعيد ع رآسه " : جب جب يلآ يلآ احدر ..
وحدروا گلهم الصآله ويلسن البنآت ع صوٰب والحريم والشيآب ع صوٰب والشبآب ع صوٰب ..
سيآرة منصوٰر // توهم حآدريين بيت بو خليفه ..*
عوٰآش : يلآ وصلنآ .. شموٰه حبيبي نشي ..
منصوُر " يقرص شموه ع ريولها ؛ لانها راقده عند عواش جدام " : يلاا بآابآ . قوٰمي بسج نووم ..*
شمآ " ترآفس بريوٰلاتها " : مابا مابا مابا " وتعلي صوتها اكثر " ماااباااااااااا*
منصور " يسكر ع اذنيه " : اااه اذني ..*
عواش " تضحگ " :: هآ شوٰيه ..*
سلآمه " متنرفزه " : شگلگم ما بتنزلوٰن مليت انا . " وجان تفج الباب ونزلت ..*
منصوُر " يرمس ميري " : ههه ميري شلي اغرآض شمآ ونزلي ..*
سوٰت اللي قاللها عليه .
منصوٰر " صد صوٰب عوآش " : بس عليج متحملتنها .*
عواش " اتبوس شما " : حرام عليك لا تقول جي فديتها بنت خويه شرات بنتيه ..
منصوٰر " يبتسم " : بس يوُم تعرسين ما تنسينهآ .،*
عوآش " الدم تيمع ف ويهها وع طوٰل يا ع بإلهآ حمدان " : اا، لا طبعآ ما بنسآها واصلا انا مآ بعرس .
منصوٰر " استغرب من تجلب ويهها المفاجآ " : ليش ما بتعرسين ؟ فييه شي ؟*
عواش " والدموع ف عينها " : لا يلا انزل انته وانا بلحقگ ..
منصور " باستغراب " : بللااج ؟ عواش فديتج شوه فيج ؟*
عواش " خلاص صآحت وترمس متقطع " : خـ..خـلللاا..ااص منصور خلنيه بروحيه شويه احس بضيجه .
منصور " تفهم الوضع " : ما عليه فديتج ع راحتج . عطينيه شموه ،*
عواش " تسمح دموعها " : لا ما عليه بييبها ويايه . لين ما ادلعها " وضحگت " وتنش ثرهآ البنت بطرآنه شرإت ابوهآ ..
منصور " بنظرات " : خل عنج . الا شرات عمتها ولا ابوٰها مسيجين .، يلا بنزل انا .. " وفج البآب ونزل " ..
عواش " ضحكت . وخلاف ابتسمت بحزن /(( حمدآن بنفسه دمّر حبنآ . بنفسه هدم گل شي . حمدآن بنفسه گسر قلبي وگسرني بگبري . حمدآن بنفسه حطمني . جتلني ، ليش اصيح ؟ " وضحكت ع الخفيف " صدق انا مينوٰنه ،، الحينه اصيح بسبته ما يستاااهل والله )) وطردت هالافگآر من بآلهآ وردت لشموٰه " بهمس " : شموٰه حبيبي نشي . يلآ گلهم هنيه بتلعبين .*
شمآ " تفج عيوناتها " : مابا ،، ابا ارقد .*
عواش " تيلسها " : انزين حبيبي اول سلمي عليهم وسلمي على يدوٰه غبيشه وخلاف ردي رقدي . عسب ما يقولون شمآ بنت منصور هب شآطره ومإ تعرف الادب .*
عصبت شما " اعللف الادب انا ،*
عواش " غمضت عيوناتها " : انزين سووري . انتي تعرفين بس يلا نشي ،،
شمآ " تحج عيونآتها " انزيييين .. يلا بننزل .*
عوٰآش " فجتلهآ الباب ويلست تعدل شعرهآ ،،*

من صوٰب ثآني شخص واقف ويطآلعهآ بنظرآت حب وشوٰوٰق وُوله ، من خلصت عوآش نزلت ، واول ما نزلت جافته واقف عند الدري ،، انصدمت وخاصة من نظراته .. تمت مبهته فييه ،، وهو تم فتره وخلاف سرعآن ما تحولت نظراته لنظرآت حققد وگرره ،، زآغت عوآش بس مآ بينت شي ..*
تمت شمآ تسحبهآ صوٰبه ومستاانسه " : عمّي حمدآن ،، أمووٰه سلمي عليييه ،،*
عواش " گرهت عمرهآ يوُم تذگرت رمسته وقت الفراق " : السلآم عليگم .،*
حمدآن " يشل شمآ ويبوٰسهآ " : حبيبي شموٰه ،، يلا نحدر دآخل ،، " وطب عوآش بشررف ،، وقبل ما يدخل صد صوٰبها ، ورمس بنرفزه " : طهري عمرج ياآ رآعـ ،، استغفر الله " وهز راسه بآسف وقإل بحزن " ، المهم طهري عمرج قبل ما تحدرين بيتنا ، " وبنظره حآده " ما نستقبل االلي من امثاآلج ..،" واختفى عنهآ ..
تمّت عوٰآش منصِدمه ،،" شوٰه يقصد رآعِـ..؟؟ انآ رآعِـ... ؟! استغفر الله استغفر الله انا رآعية شبااآب ؟ أگيييد قصده رآعية شبآب !! عَسسسسب جججججي ؟؟؟؟؟؟؟؟؟ ""، وقفت توٰآزن عمرهآ حسست الدنيآ ادوٰر فيهآ .، لصقت ف اليدآر ورفعًت رآسهآ وغمضت عيوٰنآتهآ اللي كلها دموع "" مستحيييل مستحيييل حمدآن يفگر فيّه بهآلطرييقه !! ،، قلتلي بنفِترق وافترفنآ من دوٰن سبب ،، مستحييل يگوٍن هآلشي سبب فرآقنآ ،، مستحييييييييل ، ليييش الحيينه يظهر لي بعد گل هآلسنيين مآ بآجي شي الا وبنگمل 4 سنوٰآت ع فرآقنآ لييييش ،، " ودقت ايديهآ ع اليدآر بأقوٰى حيييل ، لين مآ حسّسّت بايييد حنوٰوٰنه دآفيييه قآبضه الايييـد اللي دقت بهآ اليدآر ،، وبصُووٰت أشبه للهمَمس " : شوٰ فييييج ؟*

ÇÚT ,,

" توٰقعآتگم " :*
شوٰه بيستوٰي بين حمدآن وعوُآش ؟*
وشوٰه قصده حمدآن برآعـ... ؟ وهل ممگن يگوْن تفگيرهآ صح ؟!
وف الاخييير ،،*
منوٰه الايييد الحنوُوٍنه ؟!*

ترَقبووٰنيه ف البآرت الياي =)