مش عذر و مش الكل يكره الطلعة ويا خواته او يتأمر عليهن , في هاذي الحالات الاخ او الاب محتاج يعيد بناء و تحسين علاقته مع البنت ... لأن البنت لو اخوها ولا ابوها يعاملونها بشكل اوككي بتظل محتاجه للحنان و العاطفة بشكل آخر ., علاقة الابنه و الاب غير عن علاقة الاخ و الاخت الي بعد غير عن العلاقة اللي ممكن تكون مع الغريب ف أحسن حل الزواج ..... و هذا مش عذر للبنت بتاتا انها تنحرف أخلاقيا ..,, بالعكس! هي ممكن تكوّن علاقات طيبه و زينه مع بنات .. بحيث انها تفضفض و تسولف بكل اريحيه و أهم شي في إطار الحلال .. موضوع جريء يعطيك العافيه نرقب اليديد بو قحيط ., |
اقتباس:
. أولاً مرحبابج إختي نهاية الحلم ونورتي الموضوع...صحيح كلامج وعجبني بصراحة..لكن هنا أنا لا أبرر السبب للفتاة...ولا أعطيها الأعذار لكي تقيم علاقة مع الشاب...أنا فقط أبين لكل شاب سبب حدوث هذه العلاقة الخاطئة...وهذا مثل ماقلت مب عذر عشان تقيم البنت علاقة...ولا بيكون عذر...ولا تزال الفتاة مسؤولة عن تصرفاتها حتى وإن كانو أهلها من قوم فرعون...يعني يكثرو الظلم... . . وأشكرج على تبيين هذه النقطة الي أفتقر إليها موضوعي ألى وهي إن كل هذا ليس عذر للفتاة أبداً... . . بس ليش نخلي نصنع للبنت هذه الظروف السيئة ؟؟؟ صحيح نحنا نبا من البنت إنها تكون عفيفة لكن فنفس الوقت نهيئ لها أحسن الظروف...مب نضغط عليها... . . أشكرج مرة ثانية على ردج الطيب ونقطتج المهمة الي كانت تنقص هذا الموضوع المتواضع... |
اقتباس:
. حياك الله يا بو شهاب...أسفرت وأنورت والله... . . صحيح كلامك كثير من الشباب يخاف على خواته...لكن الخوف مب في إنك تتأمر وتتسلط بس...مثل ماتبى إختك تطيعك وتحفظ بذلك شرفك وسمعتك...إنته بس لازم تهتم فيها وتجابلها...وأنا ما أنحاز هني للبنت...وما أقول الشباب هم المشكلة العظمى...حتى الريال يبا يحس بالحب والعاطفة...ليش ماتحس فيها في ظل عائلتك ؟؟؟ ليش لازم تطلع لبرع وتنهش في عرض غيرك ؟؟؟.... . . اشكرك أخوي بو شهاب ماتقصر دومك ما شالله....^^ |
اقتباس:
. حياج الله إختي شيخة الغيد وردج كان طيب وجميل... والحمدلله إن لج أهل وأخوة مهتمين... والله يديم عليج هذا الفضل... . . صحيح نفس ماقلت هذا مب عذر للبنت...وضعف الوازع الديني يلعب فرق كبير بعد... يعني بعد ممكن للشباب إنه يهتم بإخته ويسألها دوم عن صلاتها بل هذا واجب عليه... ودوم يذكرها بالله ويحفزها على حفظ القرآن وصلة الأرحام وكثير من القيم الطيبة... . . |
اقتباس:
. حياج ربي يا إختي الحلا...ولاهنتي على ردج الطيب وتواجدج...صحيح علاقة الأب مع بنته والأخ مع إخته مب مثل الزوج مع زوجته...لكن أيضاً ممكن إنهم يشعرونها بالحنان والعطف...مب بس يعني لازم يدلعها ويقولها ياحبيبتي وياقلبي ويسويلها كل شي تباه... لا... . . ممكن الأب يعطف عليها والأخ وبعد يسمعونها دوم لا ضاقت ويعرفون إهتماماتها ويراعونها...يعني يكون لها حد تكلمه...لكن بعد المفترض يكون لها وازع ديني قوي عشان تتجنب هالعلاقات السيئة... . . ومثل ماقلت إنا هني ما أبرر للبنت الخطأ وحاشى والله...بس أبين للشباب سبب الخطأ... وأشكرج مرة ثانية على ردج الطيب وتواجدج...^^ |
الساعة الآن 04:43 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir