منتدى استراحات زايد - قلِبنُ يعِشقك لٱ تسّتھين بَہ ۆ تتعبَھ . !

الجزء الثالث

فالمستشفى
الكل قاعد ع اعصابه وينتظرون الدكتور
بو هزاع كانت حالته لله وهزاع يخفف عليه ومريوم تخفف ع امها ( ام منصور )
الدكتور ظهر وويه ما يطمن
هزاع قام : ها دكتور بشـر
الدكتور بحزن : عطتكم عمرها ادععولها
ام منصور طاحت من الصدممه شلووها الممرضات وودوها الغرفه
اما بو هزاع على ططول ظهر من المستشفى وهو يصيح بصمت ..
هزاع يصيح ويهمس : ليش يا امايا رحتي لييش
عند ام منصور
ام منصور تصيييح : منو بقالي غيرج ياختي انتي الوحيده اللي تفهميني الله يرحمج ويغمد رووحج الينه
مريوم : خلاص يا امي مايستوي تسوي نجي بعمرج شوفي حالتج ترحمي لها ترا هي تتعذب يوم تصيحون عليها ارحمي حالج
ام منصور وهي تصييح: ماروم ماروم هاي اختي . كله مني ليش ماخليتها اتم ويايه ماكانت بتسوي الحادث
مريوم: استغفري ربج امي هذي حكمت ربنا لازم مانعارض واذا ما توفت بحادث بتتوفى بطريقه ثانيه هذا يومها ترحمي لها امي
.
.
.
بيت بو هزاع
عنود من الصدمه بندت فويه هزاع
عنود صرخت : جذااااب انت جذاااااب امي ماماتت
وتمت تفرفر الاشيا اللي فالحجره
عنود: امي مابتروح عني . انا وعدتها اني اييب نسسبه حلوه وبوفي بوعدي وبرااويها النسسبه
ليش تجذب علي لييش هي قالت ابا اشووف النسسبه الحلوه ليش رااحت لييش
وتمت تصيييح وهي ياسه ع الارض
دش عليها محمد
محمد : عنود شفيج ؟
عنود وهي تصاارخ : امي ماتت محمد امي ماتت ..
محمد بصدمه : شوو
عنود: توك تدري توك تسال .. انت اصلا ما يهمك حد . ولا حتى بتزعل لانها ماتت . عمرك ماهتميت فينا
محمد نزلت منه دمممعه
عنود : شو تفييد الدمعه الحين هااا قووول . امي دووم كانت تبا تعرف انت شو فيك وشو الليي غييرك علينا .. دوم كانت تحاتيك وانت تهيييت برع البيت .. تتحسب انه الدمعه هاي بترج امي
عنود وهي تصيييح بكل الم : رااااحت
تجدمت صوب محمد ولوت عليه وهي تصيييح
عنود: خلاص مابشووف امي مره ثانيه
محمد وهو يصييح بصممت : الله يرحمها ... بس عنود لا تقطعين قلبي بصيااحج خفي على عمرج
تم يمسسح ع شعرها
.
.
.
مرت ايام العزا بكل حزن
بعد شهرين
.
.
.
فصاله بو هزاع
عنود : ههههههههههههه قفففطه
هزاع : جب جب بجرب رقم ثاني
اتصل ع رقم ثاني ردت عليه وحده
هزاع: هلا والله
...: اهلين منو وياي
هزاع: افا ماعرفتيني
....: لا اخوي منو ؟
هزاع: انا حبيبج
......: هلا حمودي فديت جيم اتصلت فيني
هزاع فج عينه وصك فويهها
عنود فططططست من الضحك
هزاع : صدق حقيره اونه حمودي هههه والله حاله يلا نجرب رقم ثاني
عنود : يلا
دش عليهم بو هزاع
عنود همست : وجان يخترب جونا
عنود: هلا ابوي
يلسس بو هزاع : وين محمد ؟
هزاع: فوق فحجرته
بو هزاع: ازقرووه بغيتكم فسااالفه
عنود بهمس : الله يسستــر
راح هزاع فووق وزقر محمد
نزلو محمد وهزاع وقعدو
محمد : هلا ابووي بشو بغيتنا
بو هزاع : شوفو بدون مقدمات انا بتزوج
الكل : شوووو ؟
عنود انصدمت من ابووها وردت عليه : امي ماكملت شهرين وهي متوفه وانت تقول بعرس ؟
هزاع بعصبيه : ابوي انت من صدقك ولا تمزح
بو هزاع بعصبيه : شو تمزح بعد شايفني واحد من ربعك عسب امزح وياك
محمد رد عليه : بس نحن هب موافقين نحن ما نبدل امنا
بو هزاع : انا هب ياي اطلب رايكم انا باجر بروح الحكمه وبتزوجها
عنود قامت : عيل ماكان له داعي تقولنا دام انك ما تبا راينا
راحت فوووق ولحقها هزاع
محمد : الله يسامحك يابوي
وقام وراهم
عنود رااحت الحجره وهي تصيييح : لييش تسوي جي ماكملت امي شهرين حرام عليك
.
.
.
بيت بو منصور
بو منصور : هذا اللي استوى ماروم امنعه
ام منصور : مافكر بعياله شو بيكون رااييهم
بو منصور: قلتله بس ماطاع قال هذي حياتي
ام منصور : الله يساامحك يا بو هزاع

وراحت الحجره وهي تفكر بعيال اختها
فحجره منصور
منصور : ياخي مايخصصج فيني مادري شو اللي خلاني اخذج الصرااحه قمت ما اطيييقج بس لولا كلام الناس انت مطلقه
حصه وهي تصييح : انا من طيحت وانت متغير علي لييش تسوي فيني جي ليش
منصور : طيري عن مخي
رن موبايله
منصور : هلا بالغاليه هلا بالحب شحالج
وظهر من الحجره
تمت حصه تصيييح بقهههـــر : حقــيييييييير

نهايه البارت