|
البارت الرابع بعد ما وصلنا العزبة الكل نزل .... سرنا نحن البنات بصوب و الشباب بصوب و الشياب و العيايز بصوب قلت و انا الهث: بسسسس قسسسم بالله تعبت يلسنا شوق بنت خال ذياب: ما وحى لج اتعبين يلا كملنا ميثا و هي تضغط ع ريولها > اخت راشد: و الله حتى انا تعبت خلونا نستريح و عقب نكمل ميوه: و احد يمل من ركوب هالعراقيب بالله عليكن مريم بنت خال ذياب : ههههههه اطالعن نحن نركب العراقيب بريولنا و الشباب بالسيايير جوفن > و تاشر عليهم >>>>>>>>>>>> عايلة ذياب خال ذياب >ابو محمد< عنده خليفة و محمد و سالم و مريم خال ذياب الثاني و اللي ساكن عنده >بو راشد< عنده راشد و ميثا و شوق و شمسة و فارس عمره 5سنوات و طبعا ذياب و امه روحهم عايلة و ما اعرف شي عن ابوه و اهله منه و يدته ساكنه في بيت بو راشد كونه اخر العنقود والكل ساكن عنده هع >>>>>>>>>>>>>>>> سلامة: انا بنزل بسير صوب العيايز احسن لي انا: شليني وياااااج تعبت ميوه: صدق انه صلاحيتكن منتهية قلتلها: يدديهااا ها ها ها الكل: ها ها ها سخييييييييييفة عطيتهن ظهري و روحت صوب العيايز و طبعا مسكن سلامة و حلفلها ما تسييير ... مشييييت ليين ماسمعت صوت وحده من العيايز و تاكدت انهن يالسات في الخيمة بس استغربت ليييش يالسات هناكـ و الجو طررررررررر قربت من الخيمة و انا اسمعها و انا شاكة انها ترمس ياااهل على هالاسلوب .. فديتك حبيبي يمة علني ما ذوق حزنكـ ... شكييت في الموضوع بتكلم جي قدامهن ... زاااد عندي الفضول 180 درجة .. دخلت الخيمة و انصددددددددددددددددددمت > < > جفت ذياب و منسدح ع ريول امه و هي تلعب بشعره و ترمسه مثل اليهاااااال لا و يصيح ... و من جافني لف راسه عجهت بطن امه و هو حاضننها و انا مثل وضعيتي منصدمة .. ليييش يصيييح؟؟؟؟؟ شوو المكدرنة؟؟؟؟ وصلني صوته و هو نفس الحركة: مطولة هناااك؟؟؟ قلتله و اانا شبه مصدومة من اللي اجوفه ذيااااب القوي يصيييح و لا و امه ترمسه شرات اليهال : هاا قالتلي امه: يمة اليازية فديتج هاتي كوب مااي لو ما عليج امر قلتلها: تامرين .... و طلعت و سمعته يقول: ما بغت تفج ... و امه قالتله: عييييب ما يصير هالكلام ... و هو رد عليها مثل اليهال: زييييين ابتسمت و انا مكملة طريقي صوب كرتون الماي اييب كوب ماي.. اخذت اثنينه له و لامه و رجعت الخيمة قبل ما ادخل .. استاذنت : ممكن ادخل ياني صوت ذياب: لااااا ابتسمت و دخلت : يبت المااي جافني و رفع حاجبه الايمن: انتي سمعج فيه شي؟؟ جفت امه تقرصه بطريقة ما تباني اجوفها بسسس انا ما يطوفني شي جفته هع حطيت الماي قدامهم و ييت بظهر بس صوت ام ذياب وقفني: مشكورة يا بنتي قلتها : العفو .... و ركضت برع و انا مستانسة قالتلي بنتي يعني في امل >>>>>>>>>>>>>>>>>>>>>>>>>>>>>>>>>>>>>>>>>>>>>> خطفت علي هالذكريااات مثل الحلللم و نزلت دمعة حاااارة شقت طريقها ع خدي ... مسحتها يوم جفته ظاهر من الحمام و هو يطالعني باستغراب.. طنشته و روحت المطبخ اللي في الشقة و صبيتلي قلاس مااااااي بااااااارد يبرد علي ... شربت الماااي و لكن في حرارة من ورايه .. كملت شرب المااااي .. لكن تاكدت انه الحرارة من انفاسه اللي ورايه . ذياب و هو لاصق بظهري: شو اللي مكدرنج... من تزوجنا و انتي بهالحالة بلاااج؟؟ نزلت دمعتي.. تقدمت احط القلاص ع الطاولة و لفيت صوبه .. جفته يالس ع الكرسي ويطالعني: انته لييش جي؟ طالعني بنظرات ما فهمتها : كيف يعني جي؟ قلتلها و انا ماسكة دمعتي لا تنزل: حاقرني .. مب معبرني .. ما توقعتك جي قاسي و بدون قلب عطاني ظهره و دخل الغرفة لحقته و دخلت عنده .. كان قدام التسريحة و يمشط شعره و كانه يبا يطلع قلتلها بالم:بتطلع؟؟ رد علي ببرود: هييه قلتله: من ييت و ما ظهرت مكان الا مرة وحدة بس ذياب: ما وحى لج يومين بسس هيدي قلتله بانكسار: انته من ييت تظهر و تطلع و انا هني قال: انا ريال رديت عليه بسرعة: و انا بنت طالعني من المنظرة و رفع حاجبه و شبه ابتسامه ع شفاته: كنتي .. طلعت من الغرفة قبل لا يكمل و انا منحرررررجة .. عرف يحرجني السبااااال ... يلست عالكنبه و انا افكر في حياتنا لييين متى ؟؟؟ متى ما كان رااااايق لازم اكون و من يكون معصب اتجنبه انزيين لييييش ؟؟؟ اباه بسس يوضحلي .. قطع افكاري صوته: يلا تزهبي بنتعشى برع و كان حد صب فوقي ماي باااااارد ... بطلع بيعشيني برررع .. ركضت غرفتي و طلعتلي قميص احمر و جنز ازرق غامق.. عقب ما لبست روحت قدام المنظرة و رتبت شعري وسويت قصتي بف و و كحلت عيوني و حطيت ماسكرا و بلاشر و قلوس احمر لبست عبايتي و شيلتي .. اطالعت نفسي فالمنظرة اخر مرة و شليت الهاند باق و طلعت الصالة ما جفته فالصالة قلت اكييد فالمطبخ .. و فعلا لقيته فالمطبخ حطيت يدي ع خصري و قلت بدلع: لا والله و انا اتريااااك طلعت تشرب نص كافيه ابتسم و طالعني من فوق لين تحت و ساااكت قلتله و انا منحرجة: في شي غلط قرب مني و مسكني من خصري و انا احس قلبي بيطلع من مكانه و قال: غيرت رايي ما بنظهر حسييييت بخيبة امل عقب هالتعديل و هالكشخة ما بنظهر مديت بوزي و لفيت ويهي عنه رفع راسي باصابعه و خلا ويهي مجابل ويهه : اخاف عليج من العين رديت عليه بسرعة: ما بتصيبني عييين .. دخييلك ظهرني زهقققت من اليلسة مشى عني و طلع من المطبخ : اترياااج برع يلا مشيت وراه و انا احاسب نفسي .... لييش انا اسويت ؟؟ شو قلت ؟ ليش قلب علي ؟؟ الله يستر. طلعنا برع الفندق و كان يمشي قبلي بسررعة و انا اربع ورااه ... لحقته و وصلت عنده اطالعني و ابتسمت له و اطالع قدام حبيت اسولف وياهـ: متى بنرد البلاد؟ انصدمت من رده: لييش مليتي مني؟ ما عرفت شو ارد عليه .. معقولة يفكر جي ... اكتفيت بالسكوت و هو سرع بمشيته و صار يسرع و يسرع و ما قدرت الحقه يلست ع اقرب كرسي و انا اطالعه و هو يمشي حتى ما انتبه اني ما امشي عندهـ! سندت راسي هالكرسي و انا اطالع الساير و الراد و هم نفس الشي .. اطالعت صوب الفندق .. كنت اجوف قمته قررت اني ارجع الفندق و الا اذا تميت اتريا السيد ذيااااب جان خست فبقعتي مشييت فـ شوارع ماليزيا ... الدولة اللي يسيرون الها المتزوجين لقضاء شهر عسلهم .. سويت مالت ع حظي ... أي شهر عسل أي بطييخ .. انتي حتى طلعتي عنده مرة وحدة مشاج قرب البحر و ردح و الحين خلاج بروحج اتلفت يمين و يساااار و انا مستغربة المكاااان ... ويين انا لا يكون ضيعت رفعت راسي ابا اجوف قمة الفندق بس جفته بعييد و الكل يجوفني .. عدلت شيلتي و رصيت عليها .. دورت فوني في الشنطة بس مالقييته لا يكون نسيته شتتتت جفت وحدة لابسة عباهـ توجهت صوبها ..عسى اتساعدني .. لـــــكـــــــن !!!!!!!!!!! جفت وحدة لابسة عباهـ توجهت صوبها ..عسى اتساعدني .. لـــــكـــــــن انصدمت من الشخص اللي قرب منها و عطاها ايس كريم اطلقت العنان لدموعي انها تنزل ... يعني انا مافتكر فيني ... مشى عني و راح عندها ... حتى ماسال عني وصلت الفندق و لا اطالع فيني حتى فكرت اكثر عن مرة شو لازم اسويه ... فيني فضول ابا اعرف شو علاقة هذي فيه .. لا و بعدنا في شهر العسل مشو مع بعض و كل واحد مبتسم للثاني .. مشيت وراهم من دون ما يحسون ..دخلو مطعم راقي و يلسو ع طاولة و هم يسولفون و يضحكون يلست برع المطعم و انا انتظر حضرته ... بعد نص ساعة طلع من المطعم و شكله مختبص لا يكون عرف اني اراقبه .. لكن مشى بسرعة الا ربع .. ركضت وراه بشويش و كان يسبقني و انا امشي وراااه لييييين ما وصلناااا > < المكااااان اللي خلاني فيه .. ضرب بايده ع يبهته و هو يتحلطم ما فهمت شو يقول؟؟ ... كان يدور حول المكان .. مشيت لين وراه و قلت: انا هنيه لف صوبي بسررعة و حضني بقوو: الحمدلله ... وين رحتي؟؟؟ نزلن دموعي بغزارة و بديت اشاهق و انا اجوف الخيانه فعيونه... عطيته مقفاي > ظهري< لكن الشي اللي انصدمت منه حضني من وراه ... حاولت اني ابعده عني و هو يحمدالله انه ما صار فيني شي ... بعدت عنه باشمئزار و قلت: اكرهك يا حقيييييير جفت فعيونه الصدمة ... مسكني من يدني و تم يسحبني لين ما وصلنا الشقة و عقب فرني عالارض و قرب مني و صارت انفاسه مسموعة بالنسبة لي : منو الحقير يا روح امج؟؟ خفت من نبرة صوته بس قوييت نفسي: انته ... منو غيرك الحقير و الخسيس و النذل >و قلدته< يا روح امك مسكني من رقبتي و يضغط عليها و انا اسحب نفسي بصعوبه و لكن ما رحمني بدى يرافسني و يضربني الا انهل علي بالضرب ... و انا اصرخ عليه : ياااااااااااا حيواااااااااااااااااااااان فجججججج عنيييييييييي قرررب مني الا لصق فيني و انا منقرفة من قرربه حاولت ابعده عني ولكن من دون فايدة يظل هو االريااال هو اللي بنيته اقوى بعد عني شوي و بدا يضرب مرة بريله و مرة بايده .... فرني بعيد عنه و ضرب كفيه ببعض و كانه مشمئز مني و قال: هذا بس لانج قلتي يا روح امك ... امي الله يرحمها ... و الا حيوان و حقير و نذل هااااي حسابه بعدييين ... > و دخل الغرفة وعقب عشر دقايق رد و شكله كان ماخذ شور طالعني بنظرات ما فهمتها .. لمييت شعري اللي كان متناثر و ارص ع عبايتي و انا اطالعه بخوف ... لمحت ابتسامة انتصار ع وشفايفه و عقبها ظهر طلع و خلاني بروحي جثة هامدة لا حول لها و لا قوة ....تكورت ع نفسي و انا اصيح و اشاااااهق و احس بروحي بتطلع ..مشيت ثمي و جفت فايدي دمممم .. دم!!!!! القاسي المجرم الحيوان الخاااااين و له عيييين يضربني .... تذكرته يوم قال حساب السب بعدين تسحبت ليين الغرفة و انا احس بويع فـ ريولي ... حاولت اقفل الباب اكثر عن مرة بس ما قدرت .. تساندت ع مقبض الباب بس ما قدرت و تسحبت لين الحمام و انتو بكرامة دخلت البانيو و انا بملابسي و منقرفة من لمساته و من قربه ..شغلت المااااي و بدى يررش علي .. امتزجن دموعي بالماي بدييييت اشاهق و اصيح و اتذكر قربه و اصيييييييييح بقوووو .. و زاد صياحي يوم دخل علي الحمام و هو مبهت مستغرب .. قرب من البانيو و حاول يطلعني و ماسك ايدي و انا اسحبها عنه بخووووف... همس باذوني: حراااام اللي اتسوينه صارخت عليه و بكلمة بعد عني .... و انا ارشه بالمااااااي و كانه حالة هستيرية صابتني طلع من الحمام عزكم الله و عقبها بشوي ما تعدى دقايق دخل و في ايده روب بند المااي ولبسني اياه و انا اضربه عصدره و ايده و هو مب مهتم .. بعد ما لبسني اياه و انا لازلت بعبايتي ... شلني و شعري يقطر ماااي .. سدحني عالكنبه و بند المكيفات وياب الفودة و يلس عالارض و بدا ينشف شعري مسكت المنشفة عنه و قلتله: بعععد ما ابا شفقة من واحد نذل كان ساااااااااكت ثلللج يالس قدامي و هو يطالعني بهدوء .. مسك المنشفة عني مرة ثانيه و كمل ينشف شعري وقفت .. لكن حسيت الدنيا اتدور علي مسكت اجتوفه اتساند بهن .. مسكني و ردني عالكنبة و سدحني : لا اتعبين روووحج نااامي بدن الدموع يتجمعن فعيوني و انا اتذكر البنت اللي واقفة عداله و الموقف اللي من شوي و الدناءة اللي هو فيها .. صديت عنه و قلت: اطلع برع قالي ببرود: انا مقدر موقفج .... قاطعته بصريخ ممزوج بدموووعي: اطللللللع اكرررهك ما ابا اجوفج .. يالخااااااااااين اكرهككككك بررررررررررع .. ما اباااااا اجوفك احس بغثيان من اجوفج برررررررع طلع عني و ما عبر دموعي حتى ... تكورت ع نفسي و انا اجوف ملابسي اللي كلها خاااايسة ماااااااي و بديييت اصيييييح و اصيييح و احس اني بمووووت من كثر ما اشاهق قويت نفسي ما اباه يجوفني ضعيفة اكثر من جي .. حاولت اوقف بس ما قدرت |
البارت الخامس كملنا اسبوع في ماليزيا و كانت علاقتي بذياب علاقة سطحية .. و احاول ما ايلس وياه وايد و اتجنبه .. ما انكر انه استغرب من معاملتي الجافة .. حتى مرة كان يبا يسحبني الكلام من دون ما احس :::::: كنت اطالع التلفزيون و اتجاهله .. حتى احيان يتكلم بصوت عالي و مرة يضحك وهو يتكلم بالفون: انزيين بو الشباب برمسك عقب ... هههههه ... فوداعه الرحمن لما حسيت انه بينهي المكالمة وقفت بسير صوب الغرفة لكن مسكني من ايدي و سحبني فحضنه يلسنا دقيقة و حن نطالع فبعض ... آآآهـ يا ذياب لو ما كنت بهالقذارة و الحقارة جان كانت حياتنا احلى ... قطع افكاري صوته بشكل همس: ليش هالجفا؟ قلتله بغيض: لاني اكرهك قرب مني و همس فاذني: لكن كان من حقي ما حسيت بنفسي الا و اعطيه كف ع ويهه .. تميت اطالع يدي مرة و مره اطالعه قمت من حضنه بسرعة .. و ييت بركض لغرفتي بس كان اسرع مني و لفني صوبه و كان الشرار يطلع من عيونه .. بلعت ريجي بصعوبة و اتأتأ بالكلام: آ..آسسفة .. أ أ لكن قربني من و صارت انفاسه تلفح خدي: بسامحج بس تقولين ليش هالجفا؟ رص ع ايدي و هو يقول: جااااااااوبي بدن دموعي يتجمعن فعيوني .. نزلت راسي و خذت دموعي مسارها ع خدي رفع راسي بصبعه و قرب وااااايد مني .. مسح دموعي بصبعه .. كنا واقفين نطالع بعض .. ع رغم ما انا خايفة على كثر ما اسرتني هالعيون .. قرب ويهه مني كان يبا يطبع بوسة ع خدي بس تداركت الموقف و صديت عنه قربني منه اكثر بوضعية انا لاصقين فبعض .. بس هالمرة مب رومانسية و لا هم يحزنون .. كاااااااان مفووووووووول عالاخر .. مسكني من خصري و بدا يبوسني مرة ع خدي اليمين و مرة اليسار و مرة ع يبهتي و انا مشمئزة منه و احاول ابتعد منه لكن هو محكم قبضته عدل حطيت ايديني الثنتين ع صدره و دزيت باقوى ما عندي و ربعت عنه و قفلت باب الغرفة .. اتساند ع الباب و قعدت .. و صحت بمرارة و بصوت عالي و امسح ويهي مكان بوساته بطريقة عشوائية ..... .................................................. .... طبعا اليوم آآآخر يوم لنا في ماليزيا و الحمدلله بنرد البلاد آآآآآآه قسم بالله اشتقتلهم كنت واقفة قدام المنظرة و اجوف لوكي النهائي ... كنت لابسة قميص نص كم تركوازي لين الركب و تحت الصدر ربطة باللون البني .. و جنز ازرق ... لبست عبايتي المسكرة وفيها شغل خفيف باللون التركوازي و البني طقم هي و الشيلة ... نزلت قصتي هالمرة و كانت مدرجة ع ويهي و كثيفة .. و حطيت بودرة خفيفة و أي شدو بني و قلوس بني و كحلت عيوني من فوق لبست ذهب فرفشة خفيف و حلو .. و لبست أساور في ايدي وااايد سمعت صوت : احم احم اطالعت صوب الباب .. و جفت ذياب متساند ع الباب و مجتف ايدينه و يطالعني من فوق لين تحت سويتله طاااف .. سرت صوب الكبت و طلعتلي هاند باق تركوازية تعور العين هع .. و حطيت فيها بوكي و كلينيكس .. و مسكت البي البي و ركبت له كفر من شانيل خخخخخ الموجود صديت صوب ذياب عشان اقوله جهزت لكن كان ياي صوبي ... مسك الهاند باق و فتحه و انا اطالعه بصمت و استغراب ما سألته تجنبا للمشاكل ما ابا مزاجي يتعكر .... طلع بوكي و فتحته فج عيونه ع وسعهن ... و انا فخاطري ضحكه ما كان فيها الا الهوية و بطاقة المستشفى و كم ورقة ... لكن ما يودت روحي ضحكت: هههههههههههههه اطالعني و طلع بوكه و ظهر منه مبلغ و قدره طلع الاخ بنك و انا مادري لاخليك عالحديدة زين خبرتني هع هع .. اخبركم كم حط .. لا اسرار زوجية امحق خخخ و عقب سكر الهاند باق مؤدب و حليله .. و قرب مني و مسك ايدي كنت بسحبه .. بس جفته يتطالع الاساور .. عافني الله اول مرة يجوف جي يعني ... تراك اتجوف اشكال و الوان .. اختفت ابتسامتي من تذكرت هذيج البنت .. سحبت ايدي من ايده رفع راسه و قال: شفيييج؟ صديت عنه : ما شي حضني من ورا و انا احاول اتفجج منه بس ما شي فايده قرب مني و قال: اليوم طالعه حلوة هذا كله لانه بنرجع قلتله بثقة: لا لاني بفتك منك من قلت هالجملة فج عني و قالي: اترياج برع جفت روحي آخر مرة فالمنظرة و عقب شليت الهاند باق و طلعت .. جفت كل شبر فالسويت و و لما كنت بظهر طاحت عيني ع المكان اللي اهاني فيه و عذبني دمعت عيني و مسحته بسرعة .. طلعت من السويت و جفته واقف عند اللفت و يزقرني: يلا بسرعه ييت عنده و ركبنا اللفت و كل واحد فينا كان صاخ ... طالعني حسيته يبا يقول شي لكن انفتح باب اللفت وقتك هذا طلعنا من الفندق ... و طريقنا صوب المطار .. بعد ماوصلنا المطار ..يلست عالكراسي و هو سار يخلص الاجراءات .. خطرت فبالي ميروووه آآهـ يا اني اشتقتلج يا ميروه دقيت ع رقمها .. اترييت و بعد فترة ردت : الو رديت عليها: يا عيني ع الذرابة صرخت : يزووووووووووووووي اليازية: صمختي اذني ميروه:هههههههه الا انتي يا عيني من انفردتي ف ذياب نسيتيني .. صدق من لقى احبابه نسى اصحابه دمعت عيني و انا اسمع كلامها .. خطفت علي ذكرى سريعة عن حبي له ميروه تنبهني: انتي عندي ابتسمت: لا في المطار ضحكنا كلنا: هههههههه ميروه بصدمة: شو شو ويييين؟؟ اليازية: ههههه المطاااار و الا ما تعرفينه ميروه: اسمع عنه بس ما دخلته اليازية: يلا ريلج بيشلج ميروه بعبط: آمييييين من بؤك لباب السما ... الا تعالي ع طاري الريل اخباااار القلب بلعت ريجي بصعوبة ..: يوم بجوفج بخبرررج عن كل شي ردت علي بحزن: ما اظن قلتلها: لييش؟ ميروه: انا انتقلت بوظبي قلتلها بصدمة: شوووووو متى؟ ميروه: بعد عرسج بيومين .. انتقلنا الحين نحن ساكنين بشقة لين ما يخلص بيتنا اليازية: و بيتكم اللي هني ... ميروه: اجره اخويه .. و انتقلنا هني بحكم شغله و الحين نتريا يسلمونا البيت و نأثثه و عقب نسكنه اليازية: يلا عادي ان ما يتي انا بييج ..شو فايدته ريلي يعني و شوي الا احس بدق اصابع ع جتفي بخفة .. حاولت ابعد هالاصابع .. بس عيا .. اطالعت ورايه : ذياااااااااب ميروه: خيييبة انا ميروه هب ذياب حتى نسيته انا ميروه ع الخط .. اطالعته لا يكون سمع اخر شي .. و حطيت يدي ع ثمي بسرعه و هو يطالعني ما فهمت نظرته عقب فترة قال:يلا بنركب الطيارة بعد ييت اقولج شو فايدتي لو ماقلت وقفت و نزلت راسي و ابتسمت يعني سمعني نبهتني صرخت ميروووه: حووووووووووووووووووو رديت رفعت البي البي ارد ع ميروه : شو ؟ ميروه: عطيتيني بو لباس يوم ياج آآ اليازية: ههههه تخيلي سمع اخر جملة ميروه: كنت وياكم ما يحتاي تستاهلين اليازية: اقول كاني لين الحين ارمسج يلا باااي بتخسريني ميروه: ماااااالت فارجي قلتلها باي و سكرت ... سرعت بمشيتي عشان اوصله و مسكته من ايده ... خخخخ تقردين عشان ما يضرب بعد اطالعني بنص عين و ابتسمت .. بس اللي استغربت منه فج ايدي و سرع مشيته .. اتنرفزت من اسلوبه و لحقته لين ما ركبنا الطيارة .. كان يالس عدال الدريشة و انا عداله اووووف الحين انا ابا ايلس عدال الدريشة اوووووف قلتلها بدلع: اقوول ذيااب رد علي و يهه صوب الدريشة و شكله كان سرحان: هممم اليازية: بادلني بالاماكن اطالعني و خفت من نظراته: ليش بلاه مكانج؟ قلتله: ابا عدال الدريشة .. ووو وبعدين هني الكل يخطف سايرين رادين بنات و ريال يعني عييب شو ها .> و جتفت ايديني و بوزت ابتسم و لف صوب الدريشة يعني طااااااااااااااااااااااااااااااااااااااااااااااااا اااااف ظربته ع جتفه بقو من الغيض .. اطالعني بسرعة و شكله معصب اداركت الموضوع: ترانا في الطيارة ذياب : انزين حسابج يوم نوصل رديت عليه بسرعة: انشالله ما نوصل رد علي و هو بعده يطالع برع من الدريشة: بسج تصنع كانج ياهل ياااااهل!!!!! انا اتصنع !!! لا اكيييد هذا يخرف اووووووف منك يالمليق تباني اراويك التصنع ع أصوله اوك التفت ورا ادور مكان فاضي... مسموحة ما قد ركبت طيارة هذي ثاني مرة خخخ ... ممنوع اغير مكاني ... المهم لقيت مكان عدال وحدة و الكرسي اللي عند الدريشة فاضي ياااااي طبعا عن في الدرجة الثانية (البزنس) خخخخ التفت صوب ذياب و جفته سرحان .. وقفت من دون ما احسسه ... و الششششردة صوب هاك المكان وصلت عند البنت: السسلام عليكم اطالعتني باستغراب و ابتسمت: و عليكم السلام قلتلها: ممكن ايلس عندج؟ ردت علي: اكييد تفضلي يلست عالكرسي و تنفست براحة و اطالعت مكان ذياب ... لين الحين سرحان .. بشو سرحان يا ذيااااب ياليت ادري البنت: انتي مكانج اساسا ويين؟ رديت عليها و انا مب عارفة شقول: اممم ما لقيت مكاني البنت: هيه الييازية: شو اسمج؟ البنت: تهاني .. و انتي؟ قلتلها: و النعم .. انا اليازية تهاني: الله ينعم بحالج .. اتشرفنا اطالعت برع من الدريشة : اوووف بعدنا لين الحين ما طرنا تهاني: لا بعد شوي بعد اقل من دقايق نادو عسب نربط الاحزمة ربطته و اطالعت ذياب .. جفت يطالع كنه يدور اكيد يدورني .. وقف لكن الموظف يلسه و ربط حزامه و شكله معصب الله يعين بعد ما استقرت الطيارة فالهوا .. فتحت الحزام و نفس الشي تهاني تهاني: متزوجة؟؟ رديت: هيه و الحين رادين من شهر العسل >امحق خطفو< و انتي؟ تهاني نزلت راسي و كانه تقول ما ابا اجاوب طوفت الموضوع بس طبعا الفضول اشتغل بس تغاضيت عنه: اممم كم عمرج؟ تهاني ابتسمت: 24سنةو انتي؟ رديت: العمر كله و انا 19 سنة لـــــــكــــــــن ...... لكن اللي رد عليه ذياب: العمر كله بس ممكن حبيبي تيين ويايه اتقفطططططططت من الخاطر طالعته اوني معصبه اما تهاني كانت منحرجة.. و رديت اطالع ذياب مرة ثانية لكن كان يتطالع تهاني عصصصبت منه سحبته من يده و حاولت امشيه لكن عيا يمشي و اللي صدمني اكثر ذياب: تهااااني اليووم طيارتكم؟؟!! اما تهاني كانت منزلة راسها .. سألته بسرعه: تعرفها؟ بس ذياب سوا لي طاف و يلس عداله بالكرسي و أنا واقفة و هم الاثنين قاعدين.. أنا واقفة و هم الاثنين قاعدين أنا واقفة و هم الاثنين قاعدين بس صوت ذياب رجعني للواقع: عيل وينه عبدالله؟ و تهاني مثل وضعيتها منزلة راسها: قدام ذياب: قدااااام!!!!! و ليش ما يلسج عنده رديت عليه: و انته شو يخصك ... اوووف ما خليت حرمة ما تعرفت عليها ..حقيير واحد و روحت لمكاني القديم يلست عداال الدريشة و دمعة نزلت ع خدي خاااااين و لا قدامي حيوااااااااان سباااااااااااال حسيت بايد فوق جتفي .. خوزتها بسرعة بس رد يحطها و قال: هذي تكون بنت عمي رديت بسرعة: اللي اعرفه انك مب وايد ويا اهل ابوك قالي: صح .. انا مب بس مب وايد عندهم الا انا ما اعرفهم ..لكن هذي تهاني تكون بنت عمي و بنت خالتي بنفس الوقت اطالعته و دموعي تنزل بغزارة .. و بدا يمسحهن بصبوعه : لا تصيحين قلتله: و البنت اللي خليتني بروحي عشان تعطيها الايس كريم؟؟ رد علي بثقة: انا ما خليتج .. قاطعته ابا ارد عليه لكن حط صبعه ع شفايفي و كمل: ما خليتج .. انتي اللي اختفيتي و قمت ادورج و ما لقيتج و بعدين روحت عسب اشريلي ماي لاني عطشت و جفت عبدالله و قالي يلس مع تهاني شوي عندي شغل و برجع و سويت مثل ما قالي و يلست عنده.. و لكن ما نسيتج اتصلت بواحد من الربع هني يروح للمكان اللي خليتج فيه و اتصلبي و قال محد .. و سرت ادورج و لقيتج قلتله: تدري اني طول الوقت هذاك عندك بس كنت اراقبك و انصدمت فيك طالعني بصدمة و عقب قال: عبالج اخونج يا بنت الناس مستحيل مب من طبايعي ما تربيت ع جي.. و لا و عشان جي تسبيني بس <و غمز لي> تستاهلين اللي ياج ظربته ع جتفه بالخفيف و ابتسمت قالي: آخر مرة تظربين مفهوم؟ بوزت و قلت :لااااااء قرب مني و قالي :تبيني افهمج بطريقتي؟؟ بعدت عنه و انا اطالع حولي و قلتله : عييييب ضحك و عقب قال: هههههه انزين سيري رتبي ها اللي بويهج كنج باندا وقفت و قلتله و انا اهدده بصبعي: ان يلست هني يا ويلك مسكني من ايدي و طلعني صوب الممر و قالي: يلاااا ضحكت و روحت الحمام ... جفت شكلي و اتذكرت اني حاطة كحل من فوق بس ... يعني ضحك عليه ..رديت صوبه بسرعة لكن ما جفته في مكانه ........... |
البارت السادس جفت شكلي و اتذكرت اني حاطة كحل من فوق بس ... يعني ضحك عليه ..رديت صوبه بسرعة لكن ما جفته في مكانه .. لفيت يمين و يسار عل و عسى القاه ما شي فايدة .. بس خطرت فبالي بسرعة تهاني .. لفيت صوب مكانها و بالفعل جفت قربها ريال خمنت انه اكيد هو .. روحت صوبها لكن اللي كان عندها واحد مب ذياب اظن هذا عبدالله ماشالله حلاته و خاصة يوم يتكلم و كانه معصب او مقهور او أي شي من جي .. لو هذا ريلي ما خوزت عيوني من عليه .. و تذكرت ذياب و الله حتى ذياب عذاب .. >>>> ملاحظة البطلين > ذياب و اليازية بيروون الاحداث اللي تصير عندهم بس حاليا بعرفكم على ذياب اكثر .. لانكم تقولون غموض و جي ذيـــاب < عمره 25 سنة ... من كان عمره سنتين امه تطلقت من ابوه و عاشو في بيت خاله بوراشد لانه يدته ساكنة فنفس البيت ... و ما كان يجوف ابوه ابد و ما يعرف شي عنهم الا عايلة تهاني لانه مثل ماقال بنت خالته كان واااااااايد ويا امه و كل اللي فخاطره يقول لامه و كانت غرفتهم في القسم اللي تحت بحكم انه بنات في البيت .. كانت غرفتين و لاصقات ببعض و بينهن باب يعني اذا ذياب يبا يروح لامه ما يحتاي يطلع من الباب و يدخل من باب غرفتها ماتت امه و عمره 23سنة و طبعا ما تحمل فراقها و بالاخص يسكن في المكان اللي ساكنته فسافر لندن لدراسة و طبعا هاي جذبة قالهم اياها عشان يوافقون ع سفره .. و هو لا درس و لا شياته .. لكن بعد سنة الا .. مل من الفراغ و اخذ دورات تعليمية هناك .. و بعد ماكمل سنتين رجع مب عشان يرد يسكن هناك لا .. عشان شي ثاني:: قبل ثلات سنين ذياب رجع من برع و كان مهموم .. دخل البيت و جاف امه و يدته و خاله ابو راشد و راشد و شوق بس اطالع شوق بنظرات حزن بشوق بندم على حبه اللي انسرق قدام عيونه .. سار صوب امه و يلس عدالها ع الكنبة بعد ما سلم امه تساسره: بلاك اميه حط راسه ع جتف امه:ماشي يالغالية لا تحاتين راشد و هو حاط راسه ع ريول يدته: بلاك الذيب؟ بو راشد: الا دلع ... يدلع ع امه رفع ذياب راسه من ع جتف امه و اطالعهم و هو ساكت لانه يدري انه امه بدافع عنه ام ذياب: فديته خله يدلع كم ذياب انا عندي راشد يتطالع يدته: حناااااااااان يدووه ابا حنااان مب كله لهوشج ظربته يدته ع راسه بيدها : صخ مسود الويه ..سر صوب امك جيه و الا ما عندك ام راشد يتطالعها بنص عين:لا سرت عنده تغارين شو الدبرة> الحل<؟ ذياب طبعا عرف انه بتستوي محاضرة و خاله بيجرحه بالرمسة .. اطالع شوق و عقب قال: اسمحولي بسير ارتاح عطالهم ظهره عسب يروح لكن صوت خاله وقفه: اقول ذياب صد ذياب صوبه و ابتسم ابتسامة تصنع: هلا خالي بو راشد: جي ما باركت لشوق تراها حسبت اختك ذياب فخاطره: كااافي يا خالي بس تجريييح .. اونه حسبت اختي .. هذا و انته ما تدري اني اموت فيها تقولي جي عيل لو دريت قبضتني الباب انا و امي .. قالها بدون نفس : مبروك و لا انتظر يسمع الله يبارك فيك و دخل غرفته المظلمة والباردة و انسدح ع الشبرية و هو يتذكر حبه اللي انسرق منه و هي تدري بهالشي بس انانيتها خلتها تبيعه و تبيع حبه و تشري حبها و حب ولد عمها اللي هو ولد خاله و هو ما يدري عن شي تذكر يوم كان يقولها احبج و بكل احساس و هو تقوله وفر هالكلمة لنفسك لاني مستحيل اكون من نصيبك يوم تقوله لا تلعب بالنار لا تحرقك.. انا و سالم نحب بعض و ما اسمح لاي احد يخرب وناستي تذكر يوم كان يذل نفسه لـ هالحب و هي تصده تذكر يوم كانت تهدده اذا قال لسالم انه يحبها لتخبر ابوها اللي ما يدانيه و لاسباب مايعرفها .. و هو يدري و متأكد لو سالم درى مستعد انه يتخلى عن حبه لسعادة ذياب لانه سالم انساااان طيب و يحب للناس ما يحب لنفسه. نزلت دمعة حااااااارة و تتبعها شهقات من تحت المخدة .. هي هذا ذياب الاناني القاسي الجاف بنظر اليازية .. ذياب اللي يتألم ع فرقى امه و حبيبته اللي بحظن ولد خاله ذيااب اللي يحاول و يحاول يسعد اليازية لكن خايف انها تبيعه مثل ما باعته شوق برخيييييييص خايف من انها تتركه في يوم مثل ما تركوه احب الناس عنده خايف تكون تشفق عليه مثل الكل ............... كان يصيح دخلت عليه امه و شلت المخدة من عليه .. و اول ما شلت المخدة دفن ذياب ويهه فبطنها و بدا يصيح مثل اليهال .. طبعا امه ما كانت اتعرف عن حبه شي لانه خايف من ردة فعلها ام ذياب: بلاك اميه من كم يوم و انته هب عايبني حالك؟ ما تحمل ذياب العذاب اللي عايشة و نبرة الحنان اللي فصوت امه و قال كل شي فخاطره لامه: احبها ياميه و الله احبها ام ذياب: فديتك منو اتحب قولي لخطبها ... بس ذياب قاطعها: اساسا هي نخطبت .. انخطبت ياميه و باركتلها ام ذياب بصدمة و متشككة: منو هذي؟ ذياب بسرعه ما حسب لها حساب: شوق .. شوق اللي احبه سالم خذها مني خمس دقايق كانت فترة الصمت .. عشان ام ذياب تستوعب رفع ذياب راسه عشان يجوف رده فعل امه: بلاج؟ ام ذياب: من متى؟ هي تدري؟ تردد يقولها .. لو قالها هيه وين بتودي ويها عن هل البيت: لا اميه ما تدري تنهدت ام ذياب براحة و بدت تمسح دموع ولدها المتعذب و تقوله: خيره ياولدي .. انته تعرف انهم محيرين لبعض و ما بيوافقون عليك دام هم الاثنين يبون بعض ذياب: بس ... ام ذياب تقاطعه: لا بس و لا شياته ياميه هذا زواج قسمة و نصيب و انته الف من تتمناك و يلست ام ذياب عنه لين ما رقد فحظنها ................................................ بعد نص سنة .. عرست شوق و ذياب بعده ما نسى حبه لها في غرفة ذياب يتجهز عسب يطلع عند ربعه .. و هو يتعصم : امايه بلاج اتطالعين .. شوي و بتاكلينيه ام ذياب: بغيتك فموضوع بس خايفة من ردت فعلك جاف ذياب نفسه فالمنظرة و عطا عمره عشرة من عشرة و يلس عدال امه باسها ع راسها: صدق اني هرم و ما استحي جان بصارخ على حلوة اللبن ابتسمت امه و قالت: اباك اتعرس اختفت فرحة ذياب و هو مستحيييل يعرس و يظلمها بس ما احب يكسر خاطر امه بالاحرى يبا يعرف منو اللي اونه بيخطبها: منو يا امايه سعيدة الحظ اللي بيخطبها ذياب؟؟ تهلل ويه ام ذياب و استانست ع رده فعل ولدها: ابا اليازية بنت ربيعتي ام نهيان حاول يتذكر ذياب من هذي عقبها صرخ بنفي: لا مستحييل هذي الياهل مستحيل اخذها اخر مرة فاشه تواير سيارتيه ضحكت ام ذياب عليه و قالت: تبا ميا بس هيه محيرة ذياب: لا صدق اميه ... شو ابا بها جان محيرة .. بس هذي اللي اتسمى اليازية مستحيل اخذها ام ذياب: انزين ياولديه بتسنعها ذياب: و ناقص اربي يهال انا بروحي ابا من يربيني ام ذياب: هههههه انزين لا تعور راسي .. يوم تباها تعال خبرني ذياب: عيل استريحي .. انا لو قالولي بتملك المريخ كله بس اتزوجها .. ماراح اتزوجها ام ذياب: المريخ ما بتملكه بس اليازية بتملكها ذياب هز راسه بنفي و طلع من الغرفة ................................ تذكرون سالفة الجلاد > المهم وصل الدكان و دفعت .. اتجهت صوب سيارة حبيبي و يلست اجلدها باللون الاسود و مستانسة حظرتي و حطيت عليه ورقة مكتوب فيها ( يمنع النظر الى الداخل بيب بيب ^_^) بعد ما تعاونو نهيان و ذياب ع شل الجلاد من الجامة .. ركب سيارته من دون ما يقول شي و بسرعة صوب بيتهم دخل الصالة و سلم و جاف شوق بكرشها > حامل في الشهر 4< سولها طاااف و سأل عن امه و قالوله فغرفتها ركض صوب غرفتها و فتحه بسرعة متعود ما يدق الباب ع امه ام ذياب: بسم الله بلاك؟ ذياب و هو يمعن النظر فامه: احلفي انتي بس احلفي .. اقول احلفي ام ذياب: مسود الويه شوها بعد احلفي ..بلاك مدرعم؟ ذياب ابتسم: و تبيني اخذ الهبلة هذيج ام ذياب بملل: شو سوت بعد ذياب يلس عالشبرية: اتخيلي مجلده جامة سيارتي و كاتبه فيها يمنع النظر ام ذياب: هههههههه و حليلها تغاار انقهر ذياب من امه: لاااااااااوالله و منو هي عسب تغااار منووووو ام ذياب: بلاك اميه ترا هيه ياهل .. قاطعها ذياب: شفتي قلتي ياهل ما ابا هالياهل ام ذياب: ع كيفك بس انا دخلت خاطري ذياب: و انا ما دخلت خاطري ام ذياب: و لا بتدخل .. يلا خلني اطلع و انته اظهر من البيت بين حريم ذياب يرقص حياته: ابا ايلس هني و عقب بظهر فهمت امه حركته و سحبته من ايده عسب يظهر: يحبك للحريم ضحك ذيااب من الخاطر دوم يستهبل ع امه و حليلها قصدي الله يرحمها |
تكملة البارت السادس اوووف الحينه هذا وينه .. يلست و انا افكر وين ممكن يروح .. لا فالحمامات >عزكم الله< و لا عند تهاني يعني ويييين .. خطرت فبالي فكرة ناديت المظيفة و الحظ يا مظيف المضيف: أأمري بابتسامة توتر: ابا تنادون شخص ضيعته المضيف: آسف ما بنأدرش و بعدين نحنا فالطيارة يعني هون و الا هون شو هالوهقة: انزين ناده انته ما لقيته المضيف: شو اسمه؟ ياااااي بيزقره: ذياب حمد المضيف: اوكي ازا شفت طفل رح اسأله عن اسمه و اخبرك > وروح هههههههههههههه طفل و الله لو درا ذياب بيفرني من الطيارة ... يسويها .. ترييت وقت طويل و الحين بيعلنون عن هبوط الطيارة و ذياب بعده ما يا قالولنا نربط الحزام و في هالوقت لمحت ذياب ياي صوبي .. يلس مكانه و ربط الحزام بعد ما ربطت الحزام افتريت صوبه: ويين كنت؟ كااااان سااااااكت آآآآآآه يا برودكـ رديت سألته: وييييين كنت؟ ذياب باستهبال: فالطيارة قهرني رده و سويت عمري طبيعية و قلت: حتى انا كنت فالطيارة كمل استهباله: زين عيل ... و سكت خاطري اصفعه ارفسه امط شعره الطويل سألته بفضول غبي: ليش شعرك طويل قصه اطالعني بنص: اعوذ بالله من الحسد رفعت يدي ابا اظربه و حطيت قوتي و غيضي كلها فهالضربة بس كان اسرع مني و مسكها و قرب مني و همس: آخر مرة >و صك اسنانه< اترفعين يدج عليه نادو باننا ننزل للطيارة و انا كنت فحالة صمت من اسلوبه طلعت جوازاتنا من شنطتي و عطيته و كان الصمت سيد الموقف بعد نص ساعة طلعنا من المطار .. و طبعا انا فيني فضول ابا اعرف منو بيوصلنا .. لفيت صوبه ابا اسأله بس حرك و سار متوجه صوب سيارة البورش .. حتى ما كلف نفسه يعزم .. تحركت وراه فتحت الباب اللي ورا و جفت السايق ريال هب غريب هالانسان ... اوووف حتى ها خقاق ما التفت صوبي يسلم حتى بس رد السلام و سكت فتح ذياب الباب و ركب قدام و انا كنت وراه ذياب: السلام عليكم رديت عليه السلام و الشخص اللي يسوق و عقب تخاشمو ذياب و راشد عرفته يوم جفته عدل و كلام ذياب اكد لي ذياب: شحالك بو سنيدة؟ راشد: بخير و سهاله و من صوبك؟ ذياب: يسرك و لا يضرك راشد: ها صوب العين و الا بتريحون؟ و طبعا انا ملقوفة درجة اولى: العييين جفت راشد ابتسم و ساكت .. أما ذياب: لا بنريح و عقب بنسير بسيارتي راشد: اللي يريحك على الاقل خل لكلامي اعتبار اونه انريح .. و الله لا راويك ان ريحت ماني بنت ابوي و الله و طحت يا ذياب و محد سمى عليك وصلنا الفندق و نزلنا من السيارة انا و ذياب بس اليازية: ليش راشد ما نزل؟ ذياب: ما احب الفضولين قلت بقهر: عساك ما حبيتهم و مشيت عنه .. اول مادخلته عجييييييييبة فنادق ابوظبي يا ناس الله يحفظ دولتنا و شيوخنا الحين وين بروح جفت ذياب عند الاستقبال .. اوف هذا ما بيصطلب مخلني في ماليزيا بروحي و الحين يتحوط و انا ما دل شي مشيت صوبه و انا اسمعه يكلم موظف الاستقبال و أول ما وصلت صوبه صد صوبي و قال يلا نروح فجيت عيني: وين نروح؟ ذياب بابتسامة: شقتنا ركبنا اللفت و اتجهنا صوب جناحنا ..دخلنا و انا عاد اوني اول ما بطل الباب مسكته من ايده و صد صوبي و رافع حاجب واحد قلته : ادخل بريلك اليمين سوالي طااااف و قالي: عيوز ... و دخل اما انا دخلت بريلي اليمين و وقفت منبهره من رروعة الاثاث ... كانت عبارة عن صالة و غرفة بحمامها عزكم الله و مطبخ ع قدنا دخلت الغرفة كان أثاثها كلاسيكي .. و كانت فيها بلكونه .. فتحت باب البلكونة و طلعت .. حلات جوج يالامارات .. خذيت نفس طويل .. اتساندت ع سورها و انا اطالع السياير كانت مطلة ع الشارع يعني ما اقدر آخذ راحتي .. حسيت بايد تسحبني و ادخلني داخل .. اطالعنه و هو يقفل باب البلكونة .. يوم جفت المفتاح صرخت بصوت عالي: لااااااااااااااااااااااااااااء اطالعني و كأن شكله متفاجئ اليازية: لا تقفله .. و بوزت حاوطني بايدينه من خصري و سحبني صوبه بطريقة انا لاصقين فبعض .. رفعت راسي اطالعه لكن هو قرب مني عبالي بيبوسني و لكن همس: كم مرة قلتلج كافي تصنع على شكل ياهل و خلاني بصدمتي و طلع من الغرفة ... يلست عالارض و انا افكر بكلامه : لييين متى يا ذياب ؟؟ ليين متى و انته تعذبني شو ناوي تعيشني بعذاب قمت اصارخ و اتكلم و اعاتب و كنه قدامي انسدحت فمكاني من التعب و انا بعدني بعبايتي >بعد ساعة و شوي< نشيت من الرقاد و احس ظهري متكسر كله و تذكرت اني راقدة عالارض .. حسيت بحركة عدالي صديت صوب هالحركة ذياب بابتسامة : مساء الخير تلفت حولي انا راقدة فوق الشبرية بس انا كنت راقدة عالارض هذا اللي اذكره: كييف؟ و ما قدرت اكمل كلامي من الصدمة .. أشرت عالمكان اللي كنت راقدة و عقب اطالعته ذياب: ههههه بلاج غمضتيني راقدة عالارض تكرمت و شليتج و حطيتج عالشبرية و كمل بخبث: طلعتي ريشة آآهـ يا ذياب خاطري افهمك ... شخصيتك عكس اسلوبك انته انسان متناقض من جميع الجهات ... ما رديت عليه لاني ادري بينقلب علي فأي وقت و رديت انسدحت و دفنت راسي فالمخدة قرب مني و قال: يلا بنروح صوب أهلنا فالعين قلتله بحزن: ما ابا ارد هني ذياب: كيف ما تبين تردين هني .. نحن بنسكن فابوظبي اليازية: ما ابا ابتعد عن أمي شكله عصب: جيه و الا جيه بتبتعدين عنها ... و هالدلع ما اباه نش و سار خذ فودته و دخل الحمام عزكم الله دفنت راسي فالمخدة و صحت ايامي اللي طافت و اللي رح اين ... أووووف من هالعيشة اوووووف بعد ما خذيت لي شور اتجهزت لبست مغربي أحمر و حطيت ميك اب خفيف و قلوس أحمر لبست عبايتي و حطيت الشيلة ع جتوفي و جهزت الهاند باق و كان لونها اسود و لبست كعب اسود طلعت من الغرفة و سمعت صوت من المطبخ .. دخلته جفته قاعد ع الطاولة و حاط ريوله عالكرسي .. و يتعبث بالبي البي ماله و يشرب عصير يا عيني ع الصحي قربت منه ابا اجوف شو يسوي فالبي البي قربت راسي و بعد فونه عني و اطالعني ذياب: و بعدين يعني؟ ابتسمت: ناثينق > ما شي ذياب: اوكي قو أوت > انزين طلعي برا قلتله: انزين يلا بنسير نقز بسرعة و تحرك صوب الصالة و انا كنت وراه .. شل غترته اللي كانت ع الكنبة و بدا يتعصم قدام المنظرة اللي عدال الباب بعد ما خلص: يلا نسير مشيت وراه و انا ساكته ركبت سيارته الرنج السودا أول ما ركبتها ... ضحكت من الخاطر و انا اتذكر العمايل اللي سويته فهالسيارة ... شغل السيارة و عقب لف صوبي: مينونة؟ قلتله و ورا كل كلمة ضحكة: تذكر الجلاد ههههه قرب مني و كان ويه مجابل ويهي: زين ذكرتني و رفع حاجب واحد و قال: ياك الموت يا تارك الصلاه قلتله: ههههههههه بخبر نهيان ترا سوالي طاف كالعادة و حرك .. مسكت البي البي و بديت أجوف البرودكاست و و المسجات قلت و انا ويهي صوب الشاشة: كم الـ PIN مالك؟ ذياب و هو مركز عالسواقة: ما يخصج اليازية: احسن .. و بعدين لو أبا ايبه اقدر أيبه ذياب: اتحداج عيبتني الفكرة: اوك فتحت مسن البلاك بيري و جفت ميروه كاتبة (مارينا مول تاااايم) اووووبس نسيت ميروه فابوظبي و انا بسكن هناااك أوييييه شو هالصدفة الطرررررررررررر التفت صوب ذياب: اقول تعرف حامد ناصر الـ.... >أخو ميروه< ضرب برييييييكـ قوي و صد صوبي و الشرار تطلع من عيونه: و من وين تعرفينه؟ بلعت ريجي بصعوبة و كملت: أخو ربيعتي ذياب كمل دربه: مب معناته تسألين عنه قلت: لانهم انتقلو قريب لابوظبي و ابا ازور ربيعتي سكت و ما رد عليه .. آهـ يا ذياب بشو تفكر فيه بس قلتلها بصوت مسموع ذياب:و انشالله حتى تفكيري تبيني اخبرج به ... انصدمت امبيييه سمعني ... كمل كلامه: و لا يهمج فابوظبي ما اباج تزوين حد و لحديزورج مفهوم صرخت باعتراض: نوووو وييييي بتحبسني بين اربع جدران ذياب: انتي اول شي لازم اعلمج اياه كلمة انشالله و الفضول انسيج اياه سكت عنه لاني ادري لو تجادلت وياه ممكن توصل للضرب الله يصبرني ع عيشتي يا رب شغل أغنية يا دكتور لـ سيف الضامي .... كااانت روعة و كلاماته حلوة و مؤثرة دكتور قلبي يشتكي عوق دكتور ابشرح لك عنايا من العوق دمعي ذارفن الموق خديي تجرح من البكايا ذكراه باقي عبرة وشوق وجروح في صدري خفايا حبه غدا ف الدم مرفوق دمي مع عشقه سوايا له منزلن بالحيل مرموق وسط الحشا بأقصى الضمايا حسن و دلع و اخلاقن و ذوق حلون و به زين المزايا شروا القمر اللي عالين فوق في دنيتي منور سمايا دكتور قلبي شاق له شوق ظني ترا مالي دوايا الا اذا شفته برا العوق و انسى همومي و العنايا بندت الاغنية اووف اللي يجوفنا و يسمع الاغنية ما يقول زوجين بعدهم فـ شهر العسل ... سويت لروحي مالت و انتبهت انه ذياب رافع حاجب واحد و يطالعني بنص عين .. ابتسمت بحيا يعني يزوووي ما تقدرين تمسكين روحج شوي ... رد ذياب يشغل الاغنية و انا ابندها و على هالحالة لين ما لامست ايدنا بعض .. اتكهربت من لامست ايديني ايدين ذياب بس اللي استغربت منه ذياب و لا باين عليه شغل المسجل و أشر لي بصبعه >تهديد بالسبابة< : ان بندتيه يا ويلج فاهمة قلت و انا مبوزة: ما ابااااااا شغل لنا اغنية ربشة ذياب بعصبية : قولي مفهووووووووووووووم و بسسس نقزت من صوته العالي و حاولت اهدي زيغتي .. خيبة كيف يعصب قلتله بخوف: انشالله بـــع ـد هالموقف صخيييت و لاررمست موول حتى البي البي خذه عني وانا ساكتة لا علقت و لا هم يحزنون و السبب في أحد كان يطرش ping! Ping! لي ما عصب ذياب و أغلقه مااااااااالت مرت ساعة و شوي و كاااااانت مملة بكل ما تحمل الكلمة من معنى >وصلنا دار الزيييين يا لبى قلبي أنا و الله مابغينا نوصل اححح< قلت: بيت أهلي أول شي سكت و بعد فترة تكلم: أنا اللي احدد مفهوم نسيت اللي قاله لي خخخخ: لاااااوالله نحن مب فـ حصة رياضيات مفهوم و الا لا مسكني من ايدي و كان يرص عليه و يزيد كل شوي لييييين ما صرخت هذيييج الصرخة حتى غمض عيونه منها: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآيييييييييييييييييي و طبعا انا البيبي صحت ع طول .. غطيت ويهي بايديني و صحت بصوت و عقب تميت اشااااهق ذياب بتعجب !!!!!!!!: يالدلع اليازية بدلع: جب عني ماحبك ذياب ابتسم: كنت ناوي أوصلج بيت اهلج بس الحينة غيرت رايي اليازية: يعلني ما اذووووووق حزنك .. أفا عليك مفهوم و نص شو ما كان > و بدلع عليه حبتين< وصلنييييي ذياب: هههههه انزين يالبيبي فيس بوصلج نقزت من مكاني مستانسة و تعلقت فايده : ونااااااااااسة ذياب: بابا نزل معاشه > و على آخر كلمة طولها ضحكت من خاطري: ههههههههههههههههههههه انا الحينه بيبي فيس ما تجوف روحك تسمع أغاني أطفال ذياب: جببببببببببببببببببببب كنت برد عليه بس تذكرت انه بيوصلني بيت اهلي و الله لطلع عينك عند نهيان: مفهووووم حط ايده فوق راسي: عفيه عليج قلتله بضحك: الجواز لو سمحت اكتفى بابتسامة و سكت لانا وصلنا بيتنا قصدي بيت أهلي ^_^ فتحت الباب بسرعة بس ذياب مسكني من ايدي: قبل ما تنزلين .. أسرارنا ماتظهر امحححححق أسرار: اوووكيييييييي ذياب بنظرات شك: أهاا يلا ركضت صوب البيت صدق اني ياااهل و ذياب كان يمشي ورايه بس صوته وقفني: يزوووي صبر انتظرته و عقب صديت ورا: يلاااااا كان يمشي ع بيض و يطالع فونه و يلعبه .. كان مثل السلحفاة وصل عندي و قلتله: ما بغيت رفع راسه: هاا رديت عليه انا امشي:سلامت راسك ذياب خطفني ووصل عند الباب: هوود هوود سمعت صوب ابويه يقول: هدا هدا دخلنا و سلمنا ذياب + أنا: السلام عليكم أبويه و أمايه: و عليكم السلام ربعت أسلم ع أبويه و عقب سلمت ع امايه و كان شكلها جنه معصب و هي اتطالع صوب ذياب ذياب كان واقف و مجتف ايدينه : الحينه انا الريال و الا انتي؟ ضحكت ع أسلوبه : هههههههه طب بعمل ايه أشتاتلهم > بالمصري ترا اشك انه فيني عرق مصري سار ذياب يسلم ع ابويه و عقب امايه ابويه: شحالك ذياب ؟ ذياب: بخير و سهالة و من صوبكم؟ اليازية: و انا ليش ما تسلم عليه خزني ابوي بعيونه: عسى ما طفرتك هالياهل ؟ رديت عليه و مب جنه السؤال لذياب: ابوووووويه شو بعد طفرته و لا بعد ياهل عيل ليش يوزتوني؟ ذياب: هي و الله ياعمي طولت اللسان هي المشكلة فجيت عيني ع وسعهن لا والله و يعني نسى انه يضربني و دوم: لاااااااااا والله بعد السوالف أذن العشا و ما حسينا طبعا ابويه حلف انا نتعشى عنده > منقود عند العرب لو ماعزمه هيه حسيتو هع ركضت غرفتي و أول ما دخلتها .. طاحت عيني ع الدريشة .. روحت صوبها و اتساند و انا اطالع بيته ... آآهـ كل احلامي اطايرت فالهوا .. فتحت الدريشة و لفحني نسيم باارد طبعا نحن فـ شهر 12 و الجو طر.. خطفت علي ذكريات كانت جميلة بالنسبة لمراهقتي اللي انتهت بتحطيييم و خيبة آماااال سببها انسان كنت أحلم فيه ليل و نهار .. و الحين صار همي الوحيد (( ليييييش يعاملني بالمعاملة؟؟؟؟)) لازم أعرف .. أو لازم أخبر نهيان .. يلست أقولبها اخبر نهيان و الا ميروه ...لا أنا اكيد بخبر ميروه .. بس نهيان أخاف ذياب يدري و أروح فيها .. يا ربي ساعدني شو الحل ؟؟؟؟ و توصلت لقرار ألا و هو ...... اطالعت نفسي فالمنظرة و انا اقيم نفسي .. مشيت صوب الباب بس انفتح بسررعة ركضت صوبها و كانت بكرشتها ..شهرها الاخير صرخت: ميووووووووووووووووووووووووتي و ربعت احضنها ... و في نفسس الوقت صححححت ميوه تيلس ع الشبرية و اتيلسني عدالها: حبيبتي بلاج؟؟ و انا اشاهق: اشتقتلج يالدبة ميوه بابتسامة: و انا اكثر .. ها شو الاوضاع و يا حبيب القلب ترا ميوه تسمي ذياب حبيب القلب من كثر ما كنت اصدع راسها به: هههههه عال العال ميوه: هي ترا امبين من الويه ابتسمت لها و رديت اطالع الدريشة ميوه ظربتني ع جتفي بالخفيف: ها تتذكرين مراهقتج .. كبرتي ترا بحزن ما يبين: ههههه هي انتي متى بتربين ؟ متى بستوي خالوه؟ ميوه: اتخبرج انتي حبيب القلب ما علق ع لقافتج و فضولج اللي يتعدى الحدود؟ اسوي روحي اصيح: اهئ اهئ ما يدزلي فييس لو حس بذرة بس ذرة من الفضول خقاق ميوه: انزين يالهبلة نزلنا .. ترا امي فالمطبخ و ابويه مدري عنده شغلة يعني فالصالة نهيان و حبيب القلب قلتلها بخبث: و انتي منو يابج؟ ميوه بدلع: حمدااااني يابني رديت عليه: وعوووو >و اقلدها< حمداني يابني ميوه دبستني ع ظهري: جب جب قلتلها: بس لو مانتي حامل ... تعالي يالهرمة متى بتربييييين؟ ميوه: عقب ما كمل تسع شهور رديت عليها بطنازة: حصة علوم هي .. ادري الحامل لها تسع شهور .. بس انتي كم التاريخ الدييييييت ميوه: صمختي اذني يعلج ... لا حرااام عروس وين يا حسرة: ههههه حسستيني وصلنا تحت و رحبي طبعا نهيان بعبط نهيان: هلا و الله اظلمت الصالة .. يا مرحبا >و اطالع ذياب المبتسم< زين فكيتنا منها ما حس الا بدبسة ع ظهره نسته اسمه نهيان : آآآي يالحمارة .. رققققققة لو سمحتي بس شوي > و سوا بصبوعه شرات اليهال< ذياب باستهبال: أنا بس ابااعرف شي واحد وراثة هااي حركات اليهال الكل: ههههههههههههه نهيان: آثاريها مطلعة الشعر الابيض منك أنا باستهبال حبتين: و أحمر و أخضر و أوردي موجود أسود > و رقصت حواجبي ميوه: ألوان علم الامارات مثلا نهيان : لا الكويت ذياب: اقول بس استهبال نهيان: أووه ما رضاها ع نفسه الشيييخ اليازية بغيض: خقاااااااق واحد ظربني نهيان ع راسي بالخفيف: عييييب ذياب: أدبها ياخي سكت اتريا بسميوه تنط أي مكان بعيد و قلت: ميوه فديتج أمايه فالمطبخ بروحها نهيان خزني بعين: و ياالبشاكير منو قالج بروحها ميوه: أحم أحم نهيان شكلها عقب ببطردك انته بعد و روحت ميوه عنا .. و قام نهيان: أروح بكرامتي أحسن بس انا قمت عند نهيان و صححححت فـ حضنه وقف ذياب عندنا و قالي:بلاااج؟ قلتله بضيج: بسك تصنع .. انا ما اباااكـ نهيان قوله ما اباه نهيان: يزوي شو بعد ما اباه؟ قلتله بخوف: يضربني > و عقبها بدت شهقاتي تعلى و صوتي بعد رفعت راسي ابا اعرف ردت فعل نهيان ... و شكله كااااان منصصصدم و يطالع ذيااااب بغيض و عصبية ................................ توقعاااااااتكم؟؟؟؟ شو بيكون رد نهيان لــــ ذياب؟؟ و ذيـــاب عقب شو بيتصرف ويـــا اليــــازية ؟؟؟ و اليازية بشو تفكـــــــر ؟؟؟؟ |
الــــــبــــــارت الســـــابـــــع رفعت راسي ابا اعرف ردت فعل نهيان ... و شكله كااااان منصصصدم و يطالع ذيااااب بغيض و عصبية حدر أبويه الصاله و جافنا واقفين و انا اصيح فحظن نهيان قرب منا بسرعة و مسكني: بلاها اتصيح؟؟؟؟؟ نهيان بارتباك: أأ ما فيها شي.. هي كنا انا و ذياب نمزح معها و شكله مزحنا كان ثقيل عليها اطالعت نهيان بصدمة و عرفت انه ما يبا ابويه يدري و عقب كملت: هييه كانو يغلسون عليه ابويه بتنهيدة راحة: قلت فيج شي يالدلوع .. يلا عيل عشا طلعو ابويه و نهيان و ذياب مروحين غرفة الطعام بس قبل ما ذياب يطلع اطالعني بنظرة ما فهمتها خوفتني بعـد ما طلعو يلست ع طول ع اقرب كرسي ... حطيت ايديني ع ويهي و بدييت اصييييح مب ندم اني قلت لنهيان لا خوف من ذياب اللي ما ادري شو بيسوي فيني بيذبحني .. بس لا مستحيل ارجعله .. ع موتي لو روحت عنده .... ع هالافكار دخلت امايه و وراها ميوه ... قربت امايه مني : بلاج اميه؟ طحت فـحضنها و طلعت كل اللي فخااااطري و بدت شهقاتي تعلى .. رفعت امايه راسي و مسحت ع راسي: بسسم الله عليج يزوي بلاج؟ قلتلها من بين شهقاتي: ما ابا اعيش بعيد عنكم ميوه: يالدلع هكو بيت ذياب فرت حصى اووف شقول ؟؟: لا بيسكني فابوظبي امايه: فديتج مرد البنت لبيت ريلها .. و هناكـ شغل ريلج يلا عن الدلع دلع دلع دلع ...شو ما يعرفون غير هالكلمة ... لو ع شو ما رديت لكـ يا ذياب شوي و يرن فون ميوه ... قامت و بعدت عنا شوي ... و ردت امايه اتكلمني: مب عليه يلا ارمسي شو اللي مضايقنج؟ صدق محد يعرف حالك غير امك .. قلت بابتسامة: و لا شي بس بتوله عليكم مب متعوده ابعد عنكم قربتني امايه من حضنها و حطت راسي ع صدرها و هذي أول مره تسويها من كبرت : و الله و كبرتي يا بنتي ضحكت بحيا و حسرة: ههههه بعد شوي يت ميوه: يلا انا اترخص صرخت: لاااااااء يلسي شوي ظربتني امايه ع راسي: لا يكون فضحتينا عند الريال انتي و هالصريخ؟ نزلت راسي بحيا : انا بريئة ميوه و امايه: ههههههههه امايه: انزين اتعشي و عقب سيري ميوه بحيا : لا بنتعشا برع .. مرة ثانية صرخت: يااااا عييييينييي عالرومانسية ما نقدررر أنا العروس لا تحسبينها انتي فرتني ميوووه بالكلينيكس: جب جب ما تقدرين الا علي هكو ريلج سيريله و قوليله و روحت عنا قلتلها: سييييري اتعشي بررااااا يالعروس المغبرة امايه : الله يكملج بعقلج حطيت راسي ع ريول امايه: فدييييييييييييييييييييييتج و يلسنا نسولف أنا و امايه سوالف سطحية و شو صار و اللي ماصار و جي لييين ما قالولنا انا بنتعشى .. سرنا انا و امايه غرفة الطعام و تعشينا و بعد ما خلصنا زقرني نهياااان ... صدق ياكـ الموت يا تارك الصلاة مشيت صوبه : خيير شـ بغيت؟ نهيان: ريلج يترياج بررع فجيت عيوني عوسعهن: شوووووووو مابا ...ترا بخبر ابويه نهيان:شو تبينهم يقولون الناس عنا .. اول ماردو من السفر بينفصلون قلت: يعني همك كلام الناس و انا لا ........اقوووووولك يضربنيييييييييييي و دمعت عيني ... يعني اذا مااخويه دافع عني منو بيداااااافع بديت اضربه ع صدره بطريقة هسترية و انا ما احس بنفسي و هو يحاول يهديني .. و عقب مشى عني ..يوم كنت بمشي وراه ايد مسكتني >طبعا نحن برع فالحوش< لفيت ورا جفت ذياااب ... انهلت عليه بالضرب عشان يتركني و كنت ابا اصرخ عشاان يي ابويه و امايه و ينقذوني منه .. حط ايده ع شفايفي و حاوط جتوفي بايده و انا احاول اتفجج منه .. و طبعا هو الاقوى ركبني السيارة ... هددني: ان فجيتي باب السيارة ما تلومين غير نفسسسج و اسرع يركب من الطرف الثاني .. و استغليت هالشي و كنت ببطل الباب لكن مسكني و قفل الباب و حرك بسرررعة كنا طول الوقت ساكتين و انا ميته خووووف ياربي ارحمني .... اكيد الحين بيلعن خير خيري الله يعييييين ... ما خذنا وقت طويل لانه البيت عدال بعض .. أقل عن خمس دقايق بند السيارة وقال من دون ما يطالعني: نزلي يلا و نزل و نزل معاه .. عند الباب ذياب:ها مدام اليازية قوليلي اذا بتخبرين احد عن علاقتنا عشان اجهز اللي بقولها > و ابتسم بقهرو غيض ابتسمت بخوف و في نفس الوقت بغايضه: لا تحاتي ذياب يطالعني و خمنت انه معصصصب الا مفوووووووول: هووووود هوووود و دخل و ما انتظر الرد و دخلت وراه ... أنا و ذياب: السلام عليكم جفنا بنوتة صغيرونة اعطيها 3 سنين تقريبا.. مشى ذياب صوبه و مسكها .. كان يتأملها ما فهمت هالنظرات و عقب باسها برقة .. يا ربي يالحنان .. مالت علي بعدها فترة قصيرة من تأمل ذياب للبنوتة دخلت شوق شوق: السلام عليكم انا و ذياب : و عليكم السلام وقف ذياب و بعد عن البنت ما سويت سالفة للحركة .. قربت من شوق و بستها: شحالج شواقي؟ شوق: بخير و سهالة شحالج العروس؟ ابتسمت بـحيا: بخير الحمدلله يلسنا و انتبهت لـذياب اللي ما سلم ع شوق و قاعد يتعبث بـفونه .. قلييل ادب شوي و الا اسمع صوت يدته و هي تزاعق .. وقف ذياب يدة ذياب و هي تهلي: يا مرحبا الساااع .. يا مرحبا بـمن لفانا ذياب: المرحب لا هان سمعت شوق تقول بهمس: بدينا بالنفاق ما فهمت قصدها .. وقفت عشان اسلم ع اليدة قعدت و قعد عدالها ذياب و يلسوا يردون الحال ع بعض و غقب صدت صوبي: عسى ما لعوزج مسود الويه؟ هههه حتى اهلك يعرفون انك شري و ما اتعاشر .. نزلت راسي بحيا و ابتسمت: لا اليدة: هي جي البنات يستحن >و اشرت ع شــوق< مب هذي شوق: يدووووووووووه ذياب: ههههه شو اليديد .. عاد يدوه كله و لا شوق انتبهت انه شوق عصبت شلت البنوتة و مشت عنا لمح ذياب يطالعها الين ما اختفت .. انقهرت منه هذا هالكثر يموووت فالحريم .. حتى أهله مالت عليكـ قطع افكاري صوت ذياب: يدوه ليش ما رقدتي؟ اليدة: ازقر هالبشكارة نست تبيلي مااي ذياب: اليازية بتيبلج ..> و اطالعني بلعت ريجي .. يعني انا ما ادل شي .. ما قد ييت هالبيت غير مرة أو مرتين اكثر طلعاتنا برع وقفت و سألته: المطبخ وين؟ اطالعني .. :سيري قسمنا و يبي مناك و أنا شعرفني وين قسمنا أول مرة ايي و يأمرني حامض ع بوزك .. مشيت عنه ..و حسيت بأحد يمشي وراي التفت صوبه: ذيااب!! ذياب ابتسم: ع وين؟؟ نزلت راسي: ما ادري قرب مني و مسكني من ايدي بس سحبتها منه بسرعة .. التفت صوبي و لا علق و مشى قدامي وصلنا عند باب .. طبعا كان فالطابق الارضي .. اشرت له ع غرفة عدال الباب: غرفة منو هذي؟ اطالع ذياب وين ما اشرت و قال: ما يخصج هع سويتله طااف و اشرت ع غرفة عداله : انزين و اللي هناك؟ نزل ايدي و قال: غرفة يدوه فتح الباب و دخلنا... كان القسم مبخر و ريحته حلوووة و كان منسق كان عبارة عن صالة .. اول ما ندخلها عاليسار تيلفزيون بلازما عوود و تحته طاولة باللون البني ديزاينها روعة و عاليمين كراسي متصلة بعضها بشكل دائري باللون البني و المخدات باللون البيج و البني .. و عند نهاية الكراسي من كل طرف طاولة و عليها ابجورة بشكل راقي وروعة و قدامهن طاولة دائرية في وسطها تحفة على شكل صحن فيه ورد مجفف .. خطفت ذياب و دخلت الغرفة كااااانت أروع من الصالة .. عاليسار التسريحة و عالزاوية اللي عداله كبت صغير باللون البني بعد ... و مكان الشبرية كان مرتفع .. يعني اذا بنسير صوب الشبرية نخطف درجة وحدة و كانت بالشكل الدائري و فوقها جبس منزل مزين باكسسورات روووعة و عاليمين باب مفتوح لغرفة التبديل و فيها باب الحمام ... اطالعت ذياب و هو داخل.. سألته: وينها الثلاجة؟؟ ذياب: تعالي .. مشيت وراهو طلع من الغرفة و روح صوب الكراسي من اليسارو كان عدالها كبت فتحه من تحت و كانت ثلاجة .. قلت بصوت عالي: ناااااااايس طلع دبة ماي و عطاني اياه: سيري اعطيه امايه عطيته ظهري و قلت بخقة: ما اشتغل عندك لفني صوبه بقو: شوووووو ... اسمعيني مب معنى اني سكت عنج لما خبرتي نهيان بسكت عنج الحين قلت و انا عيوني تدمع: بخبر ابويه مب نهيان و ما احس الا بكف ع ويههي و قال بعصبية: انا شو اللي بلاني بياهل .. انا لو ماخذ اللي فـبالي جان اريحلي من هالعذاااااااب و طلع من القسم و صفق الباب بقووو اللي في باله!!!! عذاااااااب!!!!! بلوووووة!!!!!! يااااااااااااااهل!!!!!!!!!!! شوووووووووووووووو يعنييييييي .... ؟؟؟؟ توقعاتكم؟؟؟؟ شو بتسوي اليازية؟؟؟؟؟ و هل فعلا بتخبر ابوها؟؟؟؟؟؟ ذيااااب لييش قال هالكلام؟؟؟؟؟ |
| الساعة الآن 10:51 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir