منتدى استراحات زايد - رواية اماراتيه --كفاية يالغلا كفاية ...... كفاية منك تعذيبي

منتدى استراحات زايد (http://vb.ma7room.com/index.php)

- قصص و روايات (http://vb.ma7room.com/forumdisplay.php?f=26)

الجزء السادس

بعد مارجع الكل بيته ف بيت بو منصوور
فااطمة : اوووف ملل
منصوور : عندي اقترااح.
الريم : شوووووووووووو
منصوور :شورايكم نسير انحوووط بالسياارة
فااطمة : اقوول منصور ايلس مكانك
منصور : كيفكم
حمد : شو رايكم نسير المول
سيف : يلااا
قام الكل وجهز وركبوا السيارة مع بعض ومنصور اللي يسوووق.
وف الموول
حمد : باااي يا شلتيى حصلت حمداان
سيف : سير لازم ما يعيش بدوونه ولا يفج عنه.
منصوور : ولا يخليه يتنفس.
حمد : يا خي انتو شووو حارنكم .
فاطمة : روووح فديتك الغيرة وماتفعل
حمد : طبعا برووح عيل بجابل هالويوووه (وسار عند حمداان اللي يالس ف ستار بوكس)
منصوور : سيف تعاال معااايي بنروووح هالمحل.
الريم : اقوول منصور شو رايك انت تسير مع سيف وانا وفطوووم بنتمشى.
منصوور : لاا ماشيء يلا عن هالحركات
الريم : اوووووووووف يلا انزيين بنكون اقراب منكم.
سيف : خلااص منصور نحن بندخل المحل وهم يدخلون المحل هذا وبعدين بنترياهم.
منصووور : اممممم اوكي.
فطمة : واه فديتك يا خوويه.
بجانب اخر عند حمد وحمدان وسعيد وناااصر ياي معاااهم ورشووود وولد عمه (شلة المغازلة متيمعه الله يستر ).
الكل : ههههههههه
حمد : لاصج خطيره .
حمدان : هههههههههههههههههااي
فجأة حمداان صابته نوبة من الضحك وقاام يضحك بصوووت عاالي خله الكل ينتبه له (فشلهم )
سعيد : بسم الله شو مستوي لك .
رااشد : حمداان بلاك خوفتنا .
حمدااان : هههههههه شوفو وراكم ههههههههههههههه
الكل صد ورا وبدا يضحك كل واحد فيهم بصووت أعلى من الثاني : ههههههههههههههههههههههههههه
راااشد : ااه يا بطني اااه.
عمر : حليلها العيوز هب هينة يالسة ف ستار بوكس ههههه.
سعيد ما ستوعب السالفة لان مااصد ورا يظن حمداان يستهبل : شوالساالفة .
ناااصر : سعيد احلف انته بس انك ما فهمت هههه .
حمداان : الله خاطريه العوزها.
نااصر : شكلها يالسة بروحها قومو نسير عندها.
سعيد : اخ عليك نصوور شو تسير عندها ايلس مكاانك واعقل.
الكل سوا لسعيد طااف وقاامو وسارو عند العيووزة وبعدين لحقهم سعيد.
حمداان : مرحبا ف ذمتيه ولا يسدن شحاال غرااشيب العين.
العيوز : مرحبا فيك حيااك وليدي انت وربعك اقربو اقربو .
حمد :شو ميلس الغرااشيب روااحهم هني يبون شيء الغالين .
العيوز:لا فديتك ما ابا انت تبا شيء.
رااشد : الا ماخبرتينا شو اللي ميلسنج ف الستار بوكس.
العيووز : لا لا وليدي ماعطيت حد لا صطار ولا بوكس ما يخصني فالاواادم .
نااصر : ههههههااي منو ياب طاري الصطار والبوكس.
العيووز تشاااهق : اما علمتكم الادب ياللي ماتستحوون ياقليلين الادب والمذهب ماعليه اللحين برااويكم.
وقاامت العيووز وساارت عند وااحد لااصق فحرمته وحاضننها.
سعيد : شو بتسوي هاااي .
عمر : يا فشيلتنا .
العيووز وهي ماسكه العصا وتشوط الرياال: فجها فجها اقوولك فجها ياللي ماتستحي ع ويهك لاصق ف الحرمه وانتي يالخاايسة ماترومين اتصفعينه صفعة اترقدينه مكاانه .
حمداان وحمد وراشد وسعيد وعمر وناصر : هههههههههههههههههههههههههههههههههههههههههههههههههه هههههااي.
الرياال : مينونة انتي هااي حرمتي .
العيوووز : وشوو يعني حرمتك هاااااه لاااصق فيها اربع وعشرين ساااعة ويدااام خلق الله اخ عليكم.
الريااال : اووووووف.
العيوووز : وترادد بعد (وتفصخ نعالها وقبل لا تفلعهم الريال وحرمته شردوا ).
الشباب : هههههههههههههههههههههههههه
حمداان : اي بطني والله ماروووم بموووت ههههههههههههه.
عمر : واتقول ما عطيت حد صطار او بوكس.
حمد : حمدااانو اسكت هذي العيوووز ياية لاتقوووم وتكفخك.
سعيد : شووو الغالية فجيتيهم عن بعض.
العيوووز : غربلاتهم مادري وين شرردوا عني.
الكل كاتم الضحكة يداامها عن تقووم وتكفخهم يدااام الناس تسويها والله.
حمداان : شوو رايج يدوووووه نسير نتحوط.
العيوووز : مافيني شدة عظامي تكسرت.
عمر بصووت خفيف : بدا شغل العيايز.
حمداان : افاا ترديني يدووه زعلت .
العيوز : لا والله يا وليدي يخسي اللي يردك وانا موجوودة قوم يداامي.
نااصر : انا بيي معااكم .
عمر : وأنا بعد بيي.
العيوز : يالله.
يلسو سعيد وحمد وراااشد يكملون سوالفهم .
عند منصوور
منصوور : لاعت جبدي اوووف بسكم ما تملوون.
الريم : انت شو حاارنك ابا اعرف غاادي شراات العياايز .
سيف : ع طااري العيايز انا المح حمدان ونصور وواحد معاهم ويا عيوووز ولا انا غلطاان .
منصور : ماشاء الله بعد مع العياايز ههههههه.
الريم لفاطمة: يلا نسير عندهم ابا اعرف السالفة .
فااطمة : اقووول انثبري عن يسمعج منصوور ويعطيج كف تقولين مابا غيره .
الريم : اووووف.
الريم ف خاطرها : ماشاء الله عليه منو اللي معاهم لايكون نصووور بس وااه فديته محلو من زماااان ما شفته .
ملاحظة : الريم من يوم وهي صغيرة كله تلعب مع نااصر لان ابووه كان ايي بيت بو منصور للشغل واييب ناصر معااه وهو يلعب مع الريم.
اصلا الريم تحب تلعب وتييلس مع الاولاد.
ف بيت محمد بو ضاعن
مهرة : والله ملل حااارب اوووف .
حاارب :انزيين شو تبيني اسوي ليج اوووف طفرتيبي تراااج ما تخلين الواحد يدرس.
مهرة : خوز لاه اللحين عاطينا اجااازة لنترتااح وانت قابض الكتااب وياالس تذاااكر معقد .
حااارب : اللحين اللي يدرس استوى معقد سكتي ماشاء الله عليج يالسة تتفلسفين علي جوفي عمرج بعدين تعالي تفلسفي .
مهرة سكتت لانها تعرف عمرها اكثر من هالحاله بس هالمرة هب متفيجة تسوي اي شيء.
نرجع عند حمدااان ويه غرشووبته.
العيوووز : ياربي من هالناااس صج لا من مذهب ولامن مستحا كل وااحد لاصق فالثاانية وهي مستانسة اخ عليهم.
ناااصر : اقووول يدوووه جوفي هناااك شو رايج تصفعين هذاك يالس ويا حبيبته.
عمر : اقوول نصور اجووف السالفة عيبتك تخليها تصفع خلق الله اللحين بيفرونا برع.
العيوووز : اووويه اللحين انا يالسة ومضى الوقت ونسيت بنتي ف المكاان اللي كنا فيه .
حمداان : شو عندج بنت .
العيوووز : لاا بنت ولدي ومثل بنتي فديتها.
حمداان : اهاا يلا عيل خل نردج.
وردو والعيوووز لقت حفيدتها يالسة تصيح .
البنية : وااا فديتج يدوو وين سرتي خليتيني ادورج .
العيوووز : بس يالغالية لا تصيحين انا كنت اتمشى .
البنية وهي تمسح دموعها : هههه يدو تتمشين مع منو.
العيووز : مع اللي ورااج ما قصرو يلسوا معاااي جوفي مريم ورااج.
مريم صدت ور والتقت عينها بعين عمر ويالسين يطالعون بعض
مريم بخاطرها :واااي يهبل .
عمر بخااطره :ماشاء الله عليها ربي يحفظها عليها جماال .
حمدااان ونااصر بصراااخ : عمرررر.
عمر : بسم الله شوفيكم يالسين تصارخون صميتو اذني .
ناااصر : شو نسوي لك يوم انك ماتسمع .
مريم في خاطرها :بعد اسمه عمر حلات الاسم عليك.
العيووز : مريوووم يلا امشي يدااامي.
مريووم بدلع: انززين امي عووشة بابا تحت ينتظر.
اليدة : يلا سيري وانا وراج.
سارت اليدة ويلست تسوولف مع حمداان وناااصر اما عمر كان يلحق مريم بدووون ما تحس وجافها واقفة وتسووولف مع وحدة .
الريم : مريييييييييييوم حبيبتي انتي هنيي.
مريم : ريمووه حياتي شو تسووين بروحج .
الريم : لا انا ييت مع اخويه .
مريم : اهاا يلا عيل انا بخليج .
الريم : اوك بااااي.
مريم : باااي.
عمر واقف ف مكاانه عيل اسمهااا مريم فديت هالاسم ورااعيه.
وبعدين انتبه وما لحق لانها اختفت عن نظره.
بيت بوخالد
ف المطبخ
ليلى : اللحين شيخو انتي شو تسوين من الصبح يالسة اهني تعفسين.
شيخة : من الصبح اونه بعدين انا ع الاقل احسن منج ...
طالعوا سارت وخلتني بروحي.
نروح عند غيث
يالس ف الحجرة ملااان وقف وسار صوب الدريشة : انا مستغرب شو فيها هالبنية كل يوم ميلسه ف الحديقة وتكتب ما تمل كل ما ايي اجوفها يالسة هني متى تناام ومتى تاااكل .
من كثر الملل يالس غيث ويرااقبها ويجووفها واايد مندمجة ف الاورااق اللي يدامها .
سيف : هههه يعني انا ليش مهتم جذي يمكن يالسة تدرس.
كمل مرااقبته غيث , خل نسير عند البنية شوووي.
مثااايل : اوووووووووف تعبت من كثر الدراااسة لاعت جبدي .
رفعت مثاايل راسها لتتنفس الجو البارد شوي والتقت عينها بعين غيث بين نسماات الهوااء والجو بارد والهوااء يغير مساره لاتجاهه وشعرها يتطاير ناحيته ويغطي ع عينها وتبدأ قطرات المطر بالنزووول عليها لتخفف توترها وخوفها وتمت واقفة تقريبا نص ساعة وبعدين انتبهت خذت كتبها وأورااقها وطلع أخوها سيف .
سيف : مثااايل ليش واقفة برع ماتجوفين قامت السماء تمطر يلا وصختي ملابسج وكتبج .
مثاايل بتوتر : هااا ان شاء الله اللحين بدخل .
أما غيث مثل الصاعقة يت فويهه .

نرجع لمثايل وهي داخله البيت وملابسها خرسانة ماااي وبرداانة ويالسة تنتفض.
بو سيف : مثايل شو فيج حبيبتي تنتفضين سيري بدلي ملابسج كلها ماااي.
مثاايل : هاا انزيين انزيين.وسارت فووق
بو سيف : شو فيها هالبنية سرحاانة .
علي وهو طالع من غرفته : مثايل تعالي لعبي معايه .
مثايل بلطف: اوكي فديتك بس ثواني وراجعه ببدل ملابسي.
علي بابتسامة : اوكي.
خلوني اعرفكم ع عايلة بو سيف جيران بو خالد.
بوسيف (محمد): عمره 38 سنة يشتغل مهندس معماري ويحب عياله واايد ودايما يعطي عياله المجال والفرصة لابداع موهبة والاكتشاف.
سيف : عمره 21 سنة ويحب اخووه واخته واايد ودايما يحااول يخليهم فرحانين.
مثاايل : بنت حبوبة وطيوبة بس دايما تييلس بروحها ودايما كتبها في ايدها وتموووت ف الدراسه وعندها طموح انها تستوي دكتورة جرااحة وعمرها 14 سنة وشطووووورة وتفوقة ف الدراسة والحياة واحلى شيء فيها شعرها اللي يوصل لركبها وداايما يكوون مفتووح ولووونه بني غاامج وحاطه تقوييم بنفسجي خخ .
علي : أصغر واحد فيهم عمره 6 سنواات ويحب يدته واايد.
طبعا امهم ماتت وعمر علي كان 3سنواات واهتمت ف العياال اليدة وبوسيف واليد ,طبعا اليد ابو سلطان .
بو محمد اليد :طيب ودومه طايح ف العزبة ويحب يسعد أحفاده بأي طريقة .
اليدة أم محمد : حنونة وطيبة واايد وتحسس احفادها انه مافي شيء ناقصهم وتحااول تشل الالم عنهم وغياب أمهم .

اتمنى تعجبكم العايلة اليديدة واترقب الردود مثل ترقبكم للبارت وانتظر توقعاتكم .

البارت الثامن
سارت ام حمدان بعد ما اشرت للخدم ياخذون الريوق .
أم ضاعن وهي ماسكه سماعة التيلفون:عجيبة اول مرة ماترد يوم اتصلها .
حمدان : منو .
أم ضاعن : خالتك ..اللحين لا تشغل بالك انت سير الله يحفظك .
حمدان:يلا مع السلامة .
ام ضاعن : في وداعة الله شوي شوس فالطريج لا تسرع .
حمدان : ان شاء الله.

ف بيت بومنصور
الكل : هههههههههههههههههههه
فاطمة : شو هالحكمة.
الريم :صح انزيين يقولون الحب يقوده الجنون .
حمد : يعني انا مينون .
الكل يفتح عينه ع وسعهن
فاطمة : ولايكون انت تحب هههههههههههااي ما اصدق.
حمد : ليش ما عندي مشاعر واحاسيس.
منصور :ومنو اللي تحبها وحدة من هالخايسات .
حمد : امزح معاكم لا تصدقون اييييييه ريوم شو فيج .
الريم : اممم منو يمكن تحبها اللي جفناها عند محطة البترول ولا اللي كانت واقفة عند المحل ال.....
حمد : ياربي امزح امزح .
سيف بمكر : لا تجذب عليهم انت ماقلت لي انك تحب هالسيلانية اللي تشتغل ف .......
ام منصور : حمد اخ عليك ما لقيت غيرالسيلانيات انت يوم تبا تعرس قوول واشر وانا اختار لك الزين وبنات العربان هب هالسيلانيات يافضيحتي عند العرب.
حمد يقاطعه :يالجذاب متى قلت انا جذي.
سيف وهو يقلد حمد :ياربي امزح امزح .
الكل : هههههههههههههههههههه.
بومنصور :الله يديم هالضحكة ان شاء الله.
الكل : امييييييييييييين
ام منصور : يلا يا عيال بتتاخرون عن دواماتكم.
منصور : ان شاء الله يلا فطامي وريماني ع السيارة .
فاطمة والريم : ان شاء الله .
سيف :أمايه ناوليني سويج السيارة .
أم منصور :حااضر ...لاتسرعون .

ف بيت بو هزاع
حمدة :عليو هاتي مريولي يالخايسة .
عليا : انتي الخايسة هذا مريولي يالخدية .
حمدة : اقول ذلفي عن ويهي هذا مريولي انا.
عليا : لاوالله هاتيه هاتيه.
وكل وحدة تمسك مريول المدرسة من طرف ويسحبونه .دخلت عليهم امنة (ام هزاع ) وهي معصبة .
ام هزاع بعصبية : للحين ما لبستن عنلاتكن زاد سيري عليو فتحي الكبت واخذي المريول الثاني وانتي حمدو مريولج ف كبتج هذا المريول هب مغسول اخ عليكن بتلبسن مريول وصخ وبعدين شو فيكن ما كلين فلفل من ع الصبح .
عليا وحمدة : ههههههههههههههه.
ام هزاع : حمدلله والشكر .
عليا : اخ بطني كل هالضرابة واخر شي المريول وصخ.
حمدة : ههه بس هالمريول مالي انا .
عليا : شووو مالي انا هذا يلا سيري مناك .
ام هزااع وهي مفوله وف ايدها العصا : عندكن 5 دقايق تلبسن يلا بسرعة لا اضربكن بهالعصا (وضربة ضربة قوية ع الباب خلت كل وحدة فيهن تشل عمرها وتشرد غرفتها حمدة وهي تركض طاحت ووقفت بسرعة وكملت شردتها وعليا وهي تشرد ريلها دقت ف الطاولة بس وقفت وشردت وهي ماسكه ريلها )
ابتسمت ام هزاع بعد ما جافت اشكالهن وكل وحدة تزحف لغرفتها وهي زايغة .

ف بيت بو خالد
ليلى للحين ف غرفتها نايمة دخلت ام خالد عليها وهي تصارخ .
ام خالد :ليلو الله ياخذ ابليسج قومي بسج رقااد عفنتي ما تشبعين يلااا بسرعة قومي .
ليلى : اووف ياربي لوعة جبد من الصبح ابا اعرف ليش تصارخين .
دخلت الحمام (عزكم الله ) وقفلت الباب و نامت ف البانيو .

عند بو سعيد
سعيد : يلا ناصر بتتاخر.
ناصر : انزيين قولي نكتة بعدين .
سعيد : شوووو نكتة شو فيك من الصبح اخويه شارب شي انته.
ناصر : ههههههه (يقلد اليهال ) عيل مابا اثير المدرثة .
سعيد : والله انك متفيج اسمع في محشش كان يالس عند المكيف قال المحشش للمكيف لاتنفخ لاكفخك.
ناصر :والله محد محشش غيرك .
سعيد : لا والله يعني انت اللحين اللي تعرف تقول .
ناصر : احم اسمع في نذل فتح دار ايتام طلب كل يوم اجتماع ولي الامر.
سعيد : والله محد نذل غيرك قم يلا يالمفعوص.
ناصر : ياحبي للنذالة تمشي ف عروجي ههههههههههه.

عند ليلى
وهي غافلة ف البيانو يالسة تتطالع السقف هي واايد تخاف وتتخيل اشكال بس مع هذا تيلس بروحها ف تخيلت يدامها شكل شخص ع اليدار يخوف قامت بسرعة وهي تصارخ وهي اول ما حطت ريلها ع الارضية زلقت وراسها دق فالمغسلة بالقو وانطر .طاحت ليلى ع الارض طيحة قوية وراسها نزف دم وشكل عظامها تكسرت من الطيحة .

ف المدرسة
فاطمة : يلا شواخ تعالي بنسير عند بنات عمتي .
شيخة : اوكي .
سارت فاطمة ومعاها شيخة كلاس عليا وحمدة لانهن مع بعض .
عليا : يلا بنات واحد اثنين ثلاثة .
بدو البنات يغنن : مشكلني حبك يالروح مشكلني .......
دخلن فاطمة وشيخة فجأة عليهن : ما شاء الله.
فاطمة : بنات عمتي ع اخر عمرهن غدن طقاقات .
حمدة وهي تطبل ع الطاولة :لاوانتي فاطمة عن نفسي غديت رقاصة (وتقوم ترقص ).
فاطمة : ما شاء الله تبارك الرحمن رقاصة ماعليه اذا ما خبرت عليج امج وخليتها تغسل ظهوركن بالعصا .
عليا وحمدة : لا والله .
فاطمة : هيه والله .
شيخة :ههههههه انزيين خلاص شو رايكن تضاربن باليد تعالي فطوم وسحبي شعر عليو وتعالي حمدو رفسي فطوم.
فاطمة : ههههه اوكيك.
عليا : تسحب شعري ها فطوم تعالي جربي حظج .
حمدة : فطوم عندج صديقو سوء سمعتيها شو تقول تبانا نتضارب.
شيخة : كشخة انتن تضاربن ونحن نتفرج .
البنات : نغني احسن من مضاربتكن اللي ما تخلص.
فاطمة : يلا انا اللي بغني.
عليا : لا ومنو توها بتخبر علينا عمتها.
فاطمة : ومنو غير شوااخ اللي ما تستحي اقوول شويييخ اذا بتخبرين عمتج خبريها شو نسوي .
شيخة : حلفي انتي بس شوييخ ف عينج .
البنات : ههههههههههه
فاطمة : اووويه استحي.
حمدة : ياربي منج يلا فطامي .
عليا : خلاص انا بغني معاج.
فاطمة : اوكيك .
مشتاق لك موت ياللي طول غيابك
يجيني الشوق و...............

ف بيت بو خالد
كانت ام خالد عند الغرفة من برع تهاوش الخدامة ويوم سمعت صراخ ليلى ركضت الغرفة وماحصلتها عرفت انها ف الحمام عزكم الله ويلست تدق الباب هي والخدامة وحاولو يكسرونه بس ما قدروا خافت ام خالد .
ام خالد للخدامة : سيري اتصلي ف بابا بو خالد.
سارت الخدامة واتصلت ع بو خالد بس مقفول واتصلت ع خالد مارد عليها سارت عند ام خالد وخبرتها .
ام خالد : ياربي شو اسوي اللحين ....سيري اتصلي ف خالد يمكن يرد عليج .
سارت الخدامة وهي تركض اتصلت ع خالد واخيرا رد.
خالد : الو .
الخدامة : بابا خالد لازم انت ايجي بيت .
خالد : ليش.
الخدامة : ماما يقول.
خالد : انا مشغول واايد اللحين ما اقدر بحاول اني اطلع لان هب ع كيفي متى ماابا اطلع.
الخدامة :اوكي.
سارت الخدامة وخبرت ام خالد وحاولو يكسرون الباب بس ما يقدرون .

ف بيت بو سيف
طلع سيف من البيت مستعيل ركب السيارة شغلها ورجع مرة ثانية البيت.

بيت بو خالد
ام خالد : ياربي منو عندي اللحين وهذي ليلو ماعرف شو استوى فيها .
الخدامة وهي واقفة عند الدريشة : مداام مداام يسير انا بيت بابا سيف .
ام خالد : لا وين تبين بتفشلينا عند العرب.
الخدامة : بس مدام ليلى داخل يمكن يستوي شيء هيه مافي يرمس.
ام خالد : امممم سيري خلاص سيري.
سارت الخدامة وهي تربع وحصلت سيف عند الباب.

في جهة ثانية بنفس المدرسة
الريم: مريم شو رايج نسير نتمشى.
مريم: اوكي حصيص بتيين معانا.
حصة: اوكيك يلا.
سارن الريم ومريم وحصة يتمشن.
مريم : أنا يوعانة يلا نسير ناخذ لنا شيء.
حصة: اوكيه شو تبون.
قالت كل وحدة شو تبي وسارت حصة تشتري ويلسن الريم ومريم يسولفن .
مريم: شكلها مطولة حصيص جوفي واايد زحمة.
الريم: تذكرين مريوم يوم سرنا المارينا الاسبوع اللي طاف.
مريم: هيه.
الريم: اممم ابا اقولج شيء بس مترددة صراحة .
مريم: لاعادي قولي اللي ف خاطرج.
الريم: تذكرين يوم زقرتي ولد اختج عمر في ولد يدامنا صد عليج.
مريم: هيه تقصدين عمر.
الريم وهي تشاهق: الله يخس ابليسج يا مريوم من وين تعرفين اسمه.
مريم مرتبكة: ها لا مايخصني والله هذا عمور ولد اختي يوم سألته وين كنت قالي عند عمر .
الريم: اها اوكيك خلاص .
مريم: ليش تسألين شو السالفة.
الريم: ل....... .
حصة تقاطعها بصراخ وهي ماسكة الاكل: اووف والله انكن خايسات شلن الاكل تعبت ايدي تكسرت.
مريم: انزيين شو فيج تصارخين.
الريم: والله حرينا.
مريم وهي تفصخ شيلتها وتحطيها ع جتفها: هيه والله.
الريم ف خاطرها: والله اني اشك فيكن انتن الاثنين بس الا ارمس.
الريم: اقول مريوم اول مرة اشوفج لابسة قلادة عليها اسم عمر .
مريم ف خاطرها: الله يخس ابليسج يا ريوم لازم ترمس.
مريم وهي تدخل القلادة تحت قميصها: ها...هيه تعرفين ولد اختي عمور فديته.
الريم ف خاطرها: فديته بعد كملت طلعي حبيبتي طلعي .
حصة : أقول انا بسير الكلاس حريت.
الريم : اوك انا ومريوم بنسير عند فطامي.
حصة : اوك.

نرجع عند الخدامة وهي واقفة عند بيت بو سيف.
الخدامة : بابا سيف.
سيف : نعم .
الخدامة : انت في شغل .
سيف : هيه اللحين بروح ليش.
الخدامة : مدام ام خالد يقول يبا انت ييجي اللحين يفتح باب.
سيف : اي باب وليش ام خالد الباب مقفول عليها.
الخدامة : لا هذا بنية مال هي ليلى.
سيف : ان شاء الله اللحين ياي.
سار سيف ورا الخدامة ووصلته لغرفة ليلى .
سيف: السلام عليج خالو اشحالج.
ام خالد وهي خايفة: بخير ربي يعافيك تعال يا وليدي وافتح الباب اذا ما عليك امر.
سيف: ان شاء الله.
حاول سيف يفتح الباب بس المفتاح ف الباب من داخل ف اضطر انه يكسره.واخيرا انفتح الباب وشهق سيف لان الارضية كله دم صد سيف للصوب الثاني لان ليلى كانت لابسة شورت وقميص كت وام خالد شهقت يوم جافت ليلى طايحة ع الارض والدم عليها.
ام خالد ترمس الخدامة: سيري هاتي عباتها.
الخدامة: زين .
سيف وهو برع: لازم نوديها المستشفى انا بسير اييب السيارة.
ام خالد : انزيين.
وركبوا السيارة ووصلهم سيف المستشفى .

ف المستشفى عند هند
حطولها اكسجين وسولها تنفس صناعي وبدت تتنفس واستقرت حالتها.
ام فهد: بسم الله عليج ياحبيبتي خوفتينا عليج.
هند: ههههه ماعرفت شسوي خفت فهود يضربني عقيت عمري ف الحوض.
فهد: يالجذابة عقيتي عمرج ف الحوض وانتي ما تعرفين تسبحين.
ام فهد وهند: هههه.
فهد: يالسة تضحكين تتحسبين نسيت اضربج ع سخافتج .
هند: أمااااية (وتشرد برع الغرفة وفهد يلحقها وطلعت وراهم ام فهد وهي تضحك).
هند وهي تمشي بسرعة وفهد وراها: يلا يا حبيبي الحقني.
فهد: ماعليه اذا مسكتج بنتف شعرج.
هند وهي تمشي جافت ام خالد ومعاها واحد سارت عندهم: السلام عليكم.
ام خالد وسيف : وعليكم السلام.
هند: شو فيج خالو ليش ياية المستشفى.
وخبرت ام خالد هند السالفة كلها وسارت ام فهد عند ام خالد وسلمت عليها ويلست تهديها وردت هند مع فهد البيت .

ف بيت بوفهد
فهد: متأكدة هنودة انج بخير.
هند: هيه عادي ما فيني شيء اقد أسووق.
فهد: اوكي انا تاخرت بروح.

ف المستشفى
ام خالد: واايد طولو.
سيف: ماعليه خالو اللحين بيطلعون.
ام خالد: سامحني ياولدي اخرتك ع شغلك و عطلناك.
سيف: ماعليه خالو ترانا ييرانا وشو هالرمسة بعد ترا بزعل.
ام خالد ابتسمت.
الدكتور: السلام عليكم.
الكل: وعليكم السلام.
الدكتور: انتي ام المريضة.
ام خالد بخوف: هيه , ليش شو استوى فيها.
الدكتور: لا اطمني ماصار شيء بس راسها نطر ولازم نخيطه.
ام فهد: انزيين خيطه شو تتريا.
الدكتور: بخيطه بس حبيت اطمنكم.
ام خالد: الله يطمنك ويطمن قلبك ويبشرك بالخير.
سيف: مشكور دكتور.
الدكتور بابتسامة: العفو لاشكر على واجب .(سار)
ام خالد لسيف: مشكور ياوليدي اللحين تقدر تسير عن تتاخر ع اشغالك انا بتصل ع خالد يمر علينا.
سيف: لا افا عليج خالو لاتتصلين وانا موجود وتطلعينه من شغله انا استاذنت من الدوام .
طلعت ليلى وراسها عليه لف وهي ماسكه راسها من الالم: اااه اماية.
ام خالد: بسم الله عليج حبيبتي شيء يعورج.
ليلى: ماعليه بيخف يلا نسير البيت.
ام فهد: حمدلله ع السلامة ليلى.
ليلى: الله يسلمج خالو.
سيف: حمدلله ع السلامة ماتجوفين شر.
ليلى توها تنتبه لوجوده: الله يسلمك, يلا نسير البيت احس عمري بطيح.

ف المدرسة عند مهرة
مهرة : نورة نوااري.
نورة: هلا.
مهرة: ليش ليلى غايبة اليوم اللي اعرفه انها تسوي المستحيل عسب اتي المدرسة.
نورة: امم ما دري والله بس هيه ماتحب الدراسة.
مهرة: ادري بس هيه ماتحب تييلس ف البيت.
نورة: ليش.
مهرة: ماعرف المهم انا اليوم بتصل فيها وبعرف.

عند هند ف السيارة
هند: ياربي حاسه عمري مخنوقة ما اقدر اتنفس.
سكرت مكيف السيارة وفتحت الدريشة وشغلت قراان وعدلت نظارتها الشمسية ومسكت تيلفونها تدق ع حمدة.
هند بابتسامة: هلا والله هلا وغلا هلا باللي ساكنة بقلبي وعيني وشاغلة تفكيري.
حمدة : ههههههههه ياسلام كل هذا حقي.
هند: هههههه شو اسوي احبج.
حمدة : حبتج العافية حبيبتي .
هند: الله يعافيج وينج.
حمدة : ف الجامعة وانتي وين .
هند: ف الدرب اللحين بسير الجامعة .
حمدة: ليش انتي متاخرة.
هند بفخر : يب , بعدين بخبرج السالفة .
حمدة : انزيين ,ما اتوقع ....
هند تقاطعها: هههه لا عندي عذر بعدين بتعرفينه وعندي واسطة بعد.
حمدة: ومنو الواسطة حياتي.
هند: اخويه فهد فديتج لانه كان معاي وبطل السالفة.
حمدة : تراج تشوقيني.
هند: يلا بسكر اللحين بدخل وبعدين بدق لج وبنتفاهم.
حمدة : هههه حسستيني متضاربين.

الريم وهي تدخل كلاس فاطمة : السلام عليكم بنات.
البنات: وعليكم السلام.
الريم: وييييييييييين فطوم.
البنات: عند بنات عمتج.
الريم: اها ....شكرا.
البنات : العفو.
طلعت الريم وربيعتها مريم وع طول كلاس بنات عمتها.
الريم بفضووول الا بلقافة : شووو تسون.
مريم: يرقصوووون وانا اللحين بنظم معاهم.
الريم: لاوالله وانتي معاهن بعد.
مريم : هيه والله.
الريم : اذا السالفة جذي انا برقص.
عليا: نسخة من فطااامي.
فاطمة: قلتيها مني وهي اختي.
حمدة : الله يخس ابليسكن خربتن علينا الجو .
مريم: يلا يلا كملن 1 2 3 .

ترقبوا البارت التاسع

البارت التاسع
طلع حمد من البيت وسار الشركة وبعد ماخلص شغله يلس يسولف ف التيلفون وبعدين سار عند اخووه من الملل .
منصور: اللحين انت ملان وخلصت شغلك ياي عندي شو اتسوي .
حمد: متأكد يا اخوويه تبا تعرف.
منصور بشك: هيه.
حمد: اوكي انا ياي عندك عسب اعطلك عن شغلك والعوزك واغثك وو..
منصور: خيبة كل هذا بتسويه فيني اقول يا اخوييه الصغير تفضل فارج قبل لا احذف الملف ع ويهك.
حمد: شو هالادب تفضل وبعدين فارج بس لاتخاف بفارج مامنك فايدة.
منصور: هههه وسكر الباب وراك.

ف سيارة سيف
ام فهد وام خالد يسولفن وليلى يالسة تطالع برع وسيف كل دقيقة يطالعها من المنظرة اللي يدامه .
ليلى ف خاطرها: اووف ليش ما قمت وسرت المدرسة احسن من هالوضع ياربي يتحسب ما جوفه بتغشى احسن.
ام خالد: شو فيج امايه تغشيتي .
ليلى تبرر: ها ... هيه الشمس وايد قوية وساطعه ف عيني.
سيف ابتسم وف خاطره : ههههه شو هالتعبير ساطعه ف عينها اونه بعدين انا شو يخصني لا يكون حست بنظراتي .

نرجع لمدرسة البنات .
حصة :حمدلله ما بغوا يعطونا جداول الامتحانات .
الريم: هيه والله صدقج انا باجر بغيب وبذاكر ف البيت.
مريم: اوك انا بعد بغيب اذا السالفة فيها غياب .
حصة: هههه شو رايكم نسير كل اسبوع عند وحدة ونذاكر مع بعض.
مريم: خلاص هالاسبوع نبدأ من عندي .
حصة: والاسبوع الثاني من عندي أنا .
الريم : ما عليه أنا اخر وحدة .

اول ما وصلت ليلى البيت راحت غرفتها وكملت نومها لان الالم مازال موجود واذا ما ارتاحت بتتعب.
ف الصالة
ام فهد : انا بتصل ع فهد بجوفه وينه.
أم خالد: اخذي راحتج البيت بيتج انا بسير المطبخ شوي.
ام فهد: الو فهد ....انت وينك ......بغيت أقولك مر علي يوم بتخلص شغلك أنا ف بيت أم خالد .....ما وصيك ع الطريج لاتسرع .........يلا عيل ما بعطلك عن شغلك فمان الله.

الظهر بعد ما رجع كل واحد من الدوام حط راسه ونام .
ف بيت بو سعيد
بو سعيد : ناصر تعرف رقم بيت بومنصور.
ناصر: هيه ابويه ليييش.
بو سعيد: اتصل عليه واسئله متى يباني اجهز ورقة العقد انا بسير ارتاح شوي.
ناصر: الحين كلكم ترتاحون وانا اللي ادور فراشي تخلوني و ..
بو سعيد : لا تكثر من الرمسة وبعد ما تخبره سير نام محد ما سكك.
ناصر: ان شاء الله.
اتصل ناصر ع بيت بو منصور
نزلت الريم من فوق وتصارخ : منو المزعج اللي متصل في هالوقت.
الريم : الو منو شو اوك يلا باي.
ناصر: هههههههههههه شو فيج تخبلتي.
الريم: اووف شوووووو.
ناصر: بسم الله كلتيني منو انتي.
الريم: الحين انت متصل وتسأل منو انا انت اللي منو .
ناصر : انا ناصر .
الريم: هيه نصور.
ناصر: شو نصور بعد لاعب معاج ف السكه أنا تقولين لي نصور.
الريم وهي تناقز: هيه والله والله انك لاعب معاي ف السكه والفريج وبيتكم وبيتنا و..
ناصربابتسامة : انتي الريم.
الريم بفخر: هيه نعم أنا الريم شيخة الحريم .
ناصر: مبين عطيني أبووج.
الريم: ان شاء الله.
سارت الريم وزقرت ابوها .
بومنصور: هلا والله بناصر شخبارك ياولدي .
ناصر: بخير ربي يعافيك عمي شحالك انت .
بومنصور : يسرك حالي آمر يا ناصر شبغيت.
ناصر: ما يآمر عليك لاعدو ولا ظالم بس أبويه قالي اسألك متى تباه يجهز ورقة العقد .
بومنصور: هيه خله يجهزها متى ما يبي المهم تكون جاهزة ف نهاية الأسبوع .
ناصر: ان شاء الله يلا مع السلامة.
بو منصور : سلم ع أبوك .
ناصر: يوصل ان شااء الله.
سكر بومنصور عن ناصر.
الريم: اقوول ابويه شو يبا ناصر.
بومنصور: يسأل عن الشغل.
الريم : اها.
بومنصور: ليش.
الريم : بس ملانة يالسة اسأل يعني ما تعرفني أبويه.
بومنصور: هيه حبيبتي أعرفج وأعرف لقافتج وفضولج.
الريم : أنا ملقوفة الله يسامحك يا أبويه .
بومنصور: الله يسامح اليميع .
الريم : بوزت وسارت فوق .
بومنصور: هههههه.

ف المطار
منصور: هلاوالله بولد العم نورت البلاد.
ضاعن: هلا فيك والبلاد منورة بأهلها .
منصور: الا ما قلت لي ليش ما خليتني أقولهم انك ياي عسب يستقبلونك.
ضاعن: حبيت اسويها مفاجئة.
منصور: وين ربيعك فيصل .
ضاعن: هيه غربلاته خلاني وسار مع اخووه.
منصور: ههههه.

ف سيارة ماايد
مايد: يا سلام يا فيصل واخيرا رجعت لنا.
فيصل: هيه واخيرا هههه.
مايد: ع العموم الحمدلله ع السلاامة.
فيصل: الله يسلمك.
مايد: تعال البيت وجوف الحشرة اللي مسوتنها اماية شلو هذا وحطوا هذا ووو...
فيصل: ياحيها والله.
مايد: مادري منو عاد اللي رجع الا فصول .
فيصل: حدك عاد.
مايد: هههه.
فيصل وهو يدور بين الاشرطة: حط لي هالشريط يعبر عن شوقي وحبي لهذه البلاد الحبيبة.
مايد: يالله ع التعبير هههه.

الله يا دار زايد كيف محلاها
ياناس حلوة وقلبي مغرم فيها
كن القمر يوم يظهر من محياها
في غاية الحسن يرحم كف بانيها
هي جنة الأرض رب العرش سواها
من ضاق صدره تونس في أراضيها
تسبي النواظر من اولها لأقصاها
حلوة وزايد ياللي أكثر محليها
العمر بالي لكن نقول يفداها
نفدي الذي معتلي من فوق كرسيها
شوفوا زعيم حضنها كيف خلاها
أغلى وأحلى من الدنيا وما فيها
الله يا دار زايد كيف محلاها
يا ناس حلوة وقلبي مغرم فيها
كن القمر يوم يظهر من محياها
في غاية الحسن يرحم كف بانيها

ف بيت بوضاعن وف غرفة مهرة
مهرة : يلا حمدلله ع السلامة .
ليلى : الله يسلمج .
مهرة: انزييين بغيت اخبرج ان اليوم عطونآ جدآول الأمتحآنآت .
ليلى: اهآ يعني باجر بغييب.
مهرة: هههه يب.
وكملن سوالفهن وضحك.

ع الغدا ف بيت بو فهد
بو فهد : كل هذا استوى وانا ما ادري.
هند: خلاص مايحتاي كل هالموال.
بوفهد: والله انا ناوي اسوي عزيمة تكون بمناسبة سلامتج.
هند: مايحتاي أبويه فديتك.
فهد: هيه والله ما يحتاي ما فيها شيء هذهيها غاديه شراات الحصان يدامك . أم فهد باصرار: لا وبتكون باجر.
فهد: خيبة خلوها ف نهاية الاسبوع .
هند: لا اصلا مالها داعي هالعزيمة .
فهد: هيه.
بو فهد ابتسم بعد ماجهز الخطة الجهنمية اللي طلعت ف راسه عسب يقنع هند.

عند باب بيت بو ضاعن
منصور: يلا ضاعن انا مشغوول خلها مرة ثانية.
ضاعن : يلا انزيين آخر مرة .
سار منصور ودخل ضاعن داخل البيت وهو منشق من الوناسة تسحب لغرفته وحط اغراضه وقفل الباب ونااام ..

ف بيت بو هزااع
ف غرفة موزة كل البنات متيمعات
موزة: يلا حمدوه وعليو جابلو كتبكن شوي .
حمدة: لا بعد شوي .
موزة: لا الحين يلا .
حمدة: اف (وطلعت برع)
موزة لعليا : وانتي شو تتريين يلا وراها عطينا مقفاج .
عليا: مابا.
موزة: شو ماتبين يلا وراها.
اسما: يلا عليو جابلي كتابج شوي ولا بخبر ابوويه.
عليا: انزيين ملل .
اسما: شو ملل بعد يلا قومي .
عليا: ان شاء الله.
طلعت عليا وطلعت وراها سلامة بنت عمها : عليا..
عليا : هلا.
سلامة : بغيتج ف خدمة.
عليا: آآآآآمري انتي.
سلامة: مايآمر عليج عدو بغيتج تطلعين لذياب لأنه حاشرني من كثر مايدق مافيه وقولي له اني بلبس عباتي وبيي.
عليا: افا عليج .
سارت عليا ركض عند الباب عسب تجووف حبيب قلبها ذياب .
عليا: مابغيت اتيي ليش تأخرت.
ذياب: حبيبتي شو اسوي كله من زيود اخرني المهم اللحين اشتقت لج .
عليا: وانا أكثر .
يضيق الكون في عيني واشوفك في خيالي كـون
أشـوفـك كـلـمـا أغـفـى لأنـك حـلـمـيالسـاهـر
أحبك في تفاصيـلك أحـب أسـلـوبك الـمـجـنــون
أحـبـك في طـلـوعالشـمـس أحـبـك يا أمل باكر
أشوفك داخلي أطفال مع ريح الـفـرح يـمـشـون
أحبكفي أبتسـامـه طـفـل أذا ناديــت يا شـاطـر
أحبك ياصدى صوتن بحاسيس الهوىمشحـون
أحـبـك ياربـيـع أخـضـر أحـبــك ياشـتـا مـاطـر
أحـبـك لـذة الـسـكـرأحـبـك ريـحـة الـلـيـمـون
أحبك في قصيدة شوق كتبها في الهـوى شـاعر
أناصـادق بـحـبـي لك وقـلـبـي أول الـعـربـون
أنا لا جـيـتـك الاول بـلا ثانـي بـلاعـاشــر
حـقـيـقـه أسـمـك الفـاتـن حـقـيـقه قلبي المفتون
أنا مــن كــثــرمـا أحــبــك أردد دوم يـاســاتـر

نرجع لضاعن بعد ماقام من النومة سار خذ له شور وبعدين طلع من غرفته ونزل للمطبخ وجاف حارب يالس مع مهرة ويتهاوشون .
مهرة: لا والله شو ما يخصك انا اللي ما يخصني انت قلت ولازم توفي بكلمتك .
حارب : no way
مهرة : لا تستهبل حرووووووب , خلاص مابا شيء دوااك عندي.
وطلعت مهرة من المطبخ ولقت ضاعن يالس يطالع التيلفزون .
مهرة: ضآآآآعن شو تسوي هنيي.
ضاعن: ارقص .
وطلع حارب من المطبخ ووقف .
حارب : ضآآآعن ليش يالس هنيي.
ضاعن: شو فيكم تخبلتو و.........
ماكمل الا وحارب ومهرة ناقزيين عليه وسلموا عليه ويلسو يسولفون وبعدين سار سلّم ع ابوه وامه اللي غرقت البيت من دموع الفرحة وبعدين ع حمدان .

بيت بوفهد (ف الصالة )
بوفهد : هند حبيبتي تعالي شوي بغيتج ف سالفة .
هند: ان شاء الله ابويه خير آآمر الغالي .
بو فهد وهو يعرف طبع بنته تسوي كل شيء عسب تغايض اخوها: مايآآمر عليج عدو بس انا حاس انّ فهد غيران منج ووده ما نسوي لج عزيمه وانا اقول انا بسوي لج عسب ينقهر ويتنرفز شو رايج .(احلى ابو هههه)
هند وهي منشقه من الوناسة : اوكي اوكي .
بوفهد بابتسامة : خلاص آآخر الأسبوع .
هند: اوك .

بانتظار الردود وترقبوا البارت العاشر.

البارت 11

ف بيت بو منصور (ف الصالة)
منصور : ريوم ليش يالسة سيري نامي باجر بتروحين المدرسة .
الريم: ما بسيرعطونا الجداول ليش اسير.
حمد بنذالة: يلا ماشي بتسيرين يلا روحي نامي .
الريم تطالعه بطرف عينها وسارت غرفتها.
سيف: ههههههههههههه.
حمد : وانت شو تسوي هنيي يلا سير نام يلا .
سيف قام وسار عند فاطمة ف الغرفة
منصور: هههههه شو اللحين دوري .
حمد: لا يا حبيبي انت ايلس مكانك لا تتحرك انا اللي بروح .
وطلع بسرعة من الصالة وسكر الليت ع منصور .

عند سيف وفاطمة
دخل سيف: شو تسوين يا حلوة .
فاطمة ابتسمت : ما سوي شيء بس كنت ارمس مهرة.
سيف بلقافة:آهآآ شو تقولون .
فاطمة: هههههه عادتك ريوم ,قالت لي انّ ضاعن وصل من فرنسا.
سيف: والله.
فاطمة: ومنصور اللي يايبنه.
سيف: هههههه كنت ....حاس انّ منصور مسوي شيء محد يعرفه.
فاطمة: بس لا تخبر حد اوكي.
سيف: انّ شاء الله يلا تصبحين ع خير.
فاطمة: وانت من اهله.

ف بيت بو ضاعن
مهرة : لا تنسين والله بتستانس .
اسما: اوكي اوكي وخلي تجهيزاتها عليه .
مهرة: يلا جذي رتبنا واتفقنا قولي لبقية الاعضاء انا خبرت فطوم وهي اكيد بتخبر ريوم .
اسما: يلا باي.

عند اسما بعد ما سكرت عن مهرة
اسما: موزان.... موااز .....الموز.
موزة: شو فيج تصارخين انا هني .
اسما: ههههه انزيين سمعي ..........

ف بيت بو ضاعن
ضاعن وام ضاعن ف الصالة
ام ضاعن : جوف يا ضاعن ان شاء الله باجر معزوم الكل ع رجعتك بالسلامة وبعد العزيمه انا بدور لك ع وحده ان شاء الله تيوز لك ابا افرح فيك ابا اجوفك عيالك قبل لام اموت مايستوي عااد خلاص كبرت انت وكبرنا نحن .
ضاعن: يامي انا مابا اتزوج تعرفيني انا مااحب شيء اسمه زوااج انا الحين ابا اهتم ف مستقبلي.
ام ضاعن: والزواج هب مستقبل .
ضاعن: استغفر الله انا اقصد مستقبلي المهني .
ام ضاعن سكتت وبانت الدموع اللي ف عينها تطيح بغزارة.
ضاعن: الحين انتي ليش تصيحين انا مابا اتزوج زوجي حمدان اذا تبين تفرحين مافي فرق .
ام ضاعن : كيف مافي فرق وهو الاصغر عنك انا ابا افرح فيك لأنك الاكبر شرات فرحتي بولادتك.
ضاعن: الله كريم .........بفكر.

وف اليوم الثاني
ف بيت بو فهد
الظهر الساعة 2:30
مهرة وحمده وخواتها ف غرفة هند
ف الصالة
ام ضاعن: وانا اقول ليش يوم اتصلت عليج مارديتي .
ام فهد: نسيته ف البيت والله تعرفين بعد كل شيء بسرعة .
ام خالد: المهم الحمدلله ع السلامه.
فهد وهو داخل الصاله : ماشاء الله السالفه ماخلصت ترا السالفة بسيطه ماتسوى .
ام فهد تضحك .
ام ضاعن: بسم الله شو صابج .
ام فهد: ضحكني فهد هههه مايدري بالسوا اللي مسستوي من وراه.
فهد: شو مستوي .
ام فهد: تعرف ان هند كانت رافضه ابوك يسوي عزيمه , بس ماتعرف كيف اقتنعت بهالسرعه وغيرت رايها.
فهد: انزيين كيف .
يلست ام فهد تقول حق فهد السالفة وان بوفهد اقنع هند عسب تقهر فهد .
فهد: ماشاء الله اللحين لو انا ضحيت بعمري وساير انقذها وهي جذي تجازيني مسودة الويه هب احسن اذا خليتها عسب اجوف منو للي بينقذها .
ام ضاعن: ههههه السالفه ماتسوى بلاكم غديتو يهال .
فهد : ماعليه خالو اللحين براويها هندو .