|
:yaw::yaw: الرواييييييه روووووعه والبارتات احلللللللى ^^ طررررطرييييشن انتضرالتكمله على احر من الجمر تقبلي مروري ~~dior fashion~~ :yaw::yaw: |
[ الباااارت الخامـــس] سعود والحريم ومحمد جاافووها وهي تصييح والكل استغرب.. خطف سعوود يركض صوبهاا.. سعود وهو يصارخ:عفااااااري عفااااااااري.. عفاري تمت تربع صوب بيتهم وهي تصيييح..ودخلت وحمدت ربها انه محد ف بيتهم ودخلت حجرتها وقفلت الباب وتمت تصييييح.. سعود دخل البيت وهوو مصعب زقر ميثوه وظهر خاري يرمسها..:شوووفييها عفاااري...؟ ميثوه وهي متروعه:ماعرف ماعرف.. سعود (معصب):والله ان مارمستي ياويلج.. ميثوه: يوم ييتوا انتوا تسلمون ع خالتيه وقالت ريم تعالي سلمي قبل لا تروح ريموه تسلم قالت :""ياويل حالييييييييه ماااتخييل بجوووف سعييدان""ومن سمعتها عفاري تمت تصيح وظهرت وهي تتحسبك تحب ريموه... ضرب سعود ايده ع اليدار وقال:الله يااخذها هالريم الله يااخذها.. ميثوه:سعوود حرام عليك هب زين تدعي عليها.. سعود(معصب ويناغق):عيييل زيين تزعل عفااااري زيييين؟؟؟؟ ميثوه:...... سعود:الحين ترووحين داخل وتقوليلهم انه مافيها شي وقولي حق امها تذكرت شي وراحت تييبه لان امها توها يايه وخلي هالريم تنثبر ولا تطلع .. ميثوه:ان شاءالله..ويوم قدها بتروح.. سعود:وهيه بعدين ظهري اباااج..لآ تبطيين.. ميثوه:انزيين.. دخلت وقالتلهم وطبعا ماصدقوها بس سكتوا عشان ام راشد.. ردت ظهرت لسعود وقالها:الحقيينيه.. ميثوه:انزين.. وداهاا بيت عمه ويوم وصلوا قال:دخلي وخليها تطلعليه والا تعرفين قوليلها تعالي معايه براا وانا برمسها.. ميثوه:واذا ماطاعت.. سعود بأصرار:لا بتطيييع والا والله اروحلها فووق.. ميثوه:سعود عن الينان عيب.. سعود:يالله روحي ميثوووه.. راحت ميثوه ودخلت البيت وسيده راحت حجرة عفاري ودقت الباب.. دق دق دق عفاري:........ ميثوه:عفاااري فجي الباب.. عفاري:........... ميثوه:عفاري فديتج والله حرام جيه فجي وانا بقولج شي.. عفاري وهي تصييح :مابا مابا اسمع اكثر عن الي قالته هاااي ماابا... ميثوه:انزين فجي حراااااام اتم برا والا اهون عليج.. نشت عفاري وفجت الباب ودخلت ميثوه وولووت عفاري عليها ميثوه .. ميثوه:بس فديتج بس.. عفاري وهي تصييح:مـــ ــ ـب حرااااام... ميثوه:تعالي غسلي ويهج وانا بقولج شي.. راحت غسلت ويههاا..وردن يقعدن ع الشبريه.. ميثوه:عفاري انا كنت ادري بس قلت ماباا اقولج عشان ماتضاايقين.. عفاري منصدمه:.............. ميثوه:سوري بس بقولج شي ترا سعوود ماايطييقها وهو يوم درا انها بتي صووبنا قال انا بروح مابا اقعد ف البيت.. عفاري:مبين ووااضح ميثوه مافي داعي تدافعين عن اخوج.. ميثوه عصبت:لا تستتتتتهبلين><.. عفاري:......لفت الصوب الثاني ودمعت عينها.. ميثوه:قومي بنمشي برا دخيلج.. عفاري:مابا.. ميثوه:دخيلج لا تردينيه.. عفاري:........ ظهرن يمشن وقعدن ف الحديقة الي ورا ف البيت ..وكان ظلالام وماايبين شي.. عفاري:ميثوه انا شو ذنبي؟؟وصاحت ميثوه اتي وتيلس عدالها ع الحشيش.. ميثوه:اوووووش عفاري خلاص لا تصيحين.. عفاري:قسسسم بالله حراام الي يستوي.. ميثوه:بس انا قلتلج سعود ماايحبها و يطييقها.. عفاري:ماتغيير الحال تراه مايحبنيه ولا يطقني.. ميثوه:منو قالج؟ عفاري:تصرفااته تبيين كلامه يبيين ,,عيل انا بغاام ع قولته,,وليش كل ماايجوفنيه يغلس,, ف ذمتتتج ميثوه شو تفسرين هالكلالام؟؟؟ ميثوه:.......... عفاري:ميثوه تعرفين شو مشكلتيه؟؟ ميثوه:شو؟ عفاري بصوت مبحوح:احــ ـ ـبه.. ف هاللحظه سعود كان منخش ويسمع كل شي ومن قالت عفاري احبه انقبض قلبه وقال ف خاطره "ااااااه فديتج".. عفاري:قومي ميثوه ردي بيتكم انا بروح ارقد.. ميثوه:لا دخيلج بتم عندج.. عفاري:لا ميثوه لا تقعدين لاني اعرفج بتقعدين تقولين رمسه عن سعود هو نفسه ماايسويهاا.. ميثوه:........ عفاري:مايحتاي تدافعين وتبررين موااقف لان كل شي واضح.. ميثوه:انزين شكرا..بروح انا فداعة الله.. ويوم قدها مرووحه.. عفاري:ميثووووووووووووه.. وقفت ميثوه ولفت صوبها..:نعم؟؟ عفاري:سوري.. وتربع تلوي عليها.. عفاري:اسفه والله بس قسم بالله من الضيقه الي فيه مااعرف شو اقول.. ميثوه:مسموحه فديتج.. عفاري:يالله برايج واذا قالت اميه وين عفاري قوليلها ردت البيت لانها تعبانه.. ميثوه:اوقي..وماتبين اوصل شي حق...توها بتكمل بس تذكرت ان عفاري زعلانه ع سعود .. ميثوه:سوري بالغلط زلت لسان.. عفاري:لالا عادي.. ميثوه:يالله فداعة الله.. عفاري:فمان الله.. روحت عفاري داخل البيت وظهرت ميثوه ولحقها سعود وقالها:شكرا.. ورووح عنها وميثوه تمت صااخه وتقول ف خاطرها حليهم عصاافير الحب..=) ------ تعشوووا كلهم وراحوا يرقدون بعد يوم ملئ بالمغامرات هع ×××××××××××× [ البارت الساااادس] **يوم الجمعه** فبيت بو مبارك.. نشت عفاري الصبح ونزلت تحت ولقت مبارك وامها.. عفاري:السلام عليكم.. مبارك+ام مبارك:وعليكم السلام.. مبارك:ياحاافظ ع العفر نااشه من الصبح..بعدي والله^^ عفاري:هيهيهي يعلك تفدانيه.. مبارك:عند بن عروه.. ام مبارك:عفروووه,,امس شعنه روحتي عننا؟ تذكرت عفاري امس وقالت بملل:افف..بس لانيه كنت تعبانه.. مبارك:انزين نشي نشي تريقي.. عفاري:مب مشتهيه.. ام مبارك:بتسيرين معايه بيت عمج ؟ عفاري:منو عمي؟؟ مبارك:سرحان.. عفاري:سرحان ابو حرمتك يالسبال هذا عميه.. مبارك وهو معصب:منوو السبال؟؟؟؟انا اخوج مسودة الويه.. عفاري:اسفه.. مبارك:هيه استوي حرمه.. ام مبارك:يالله شو تجوفها قدامك..! عفاري:برايه اميه لا تردين عليه.. نشت عفاري تبا تروح.. مبارك:العفر..! عفاري:نعم؟ مبارك:تعالي تعالي والله ماتهوونين.. عفاري:لالا خلك توك معصب .. مبارك:عاد انا اخوج العود ولازم تحترمينيه.. عفاري:انزين ماقلت شي والله اسولف.. مبارك:هههه فديتج والله ياعفاري.. عفاري(تبتسم):افدااك يا خويه.. حمدوه وهي تصفق:حلوووووه المسسرحيه.. عفاري:ههههههههههه.. مبارك:وانتي مسودة الويه ماتعرفين تسلمين؟؟ حمدوه:السسلام عليكم يا عرب سويحان ومن يسكن من حولها من عربان.. عفاري:صح لسانج.. حمدوه:صح بدنج ..=) ام مبارك:وعليكم السلام.. حمدوه:شصبحتي اميه؟ ام مبارك:بخير يعلنيه اسد عوقج.. حمدوه وهيي تجوف مبارك وعفاري بنص عين:احم..فديت روحج.. مبارك:وانا؟؟ ام مبارك:فديتكم كلكم يا عياليه.. عفاري:هيهيهي فديتج يااميه.. حمدوه:عيل ابويه وينه؟ ام مبارك:راح مع عمج وبو راشد صوب العزبة.. عفاري:اللله والله ف خاطريه ابا اروح.. مبارك:صه صه..اميه ع طاري العزبة شو رايكم اليوم انرووح البر الي عدال عزبتنا ونقييل هناك ونسوي الغدا..^^ ام مبارك:والله الشووور عند الريايل..واليوم الجمعه مبارك:انا برمسهم..وماعليه ترانا بنرد من الصلاه وبنروح عفاري:فديييت اخويه انا.. مبارك (شاق الحلج):احــــــم.. حمدوه:يالله يا اميه متى بتروحين بيت عميه؟ ام مبارك:اصبري عليه .. عفاري:اففف شو نسوي هناك يعني؟ ام مبارك:بننننت ابويه..شو بعد تسوين!!قعدي مع البنات وسولفي.. عفاري وهي تلعب بطربوشة الكلينكس:خلصن السوالف.. مبارك:اميه انا بروح عند حمود.. ام مبارك:ربيه يحفظك.. ظهر مبارك ويلسن عفاري وحمدوه يهذربن ويتهندقن ع بعض.. ))ف بيت بو محمد))-الصاله- ام محمد:محمد فديتك قم وقض سعيد اليوم الجمعه.. محمد:اميه هذا مابيطيع ينش ادريبه.. ام محمد:ماعليه روحله وقوله امك تباك.. محمد:ان شاءالله.. ام محمد:وعلى طريقك دق ع حجر البنات.. محمد:وانا خويي شما..كيف ادق عليهن اميه.. ام محمد:شو بعد كيف تدق..عادي دق الباب وهن بينشن.. محمد:محد بيخربنا غيرج.. راح محمد ودق ع البنات ووعى سعود اخوه.. محمد:افف منه هب رقاد><.. ام محمد:من استوى جيه سعود.. محمد:اميه انا بروح اتسبح ماشي باقي غير ساعه عن الصلاه وان يااا بروك خليه يروح الميلس.. ام محمد:ان شاءالله.. راح حجرته يتسبح ويتكشخ.. --- بو محمد:السلام عليكم.. ام محمد:وعليكم السلام..مرحبا مرحبا.. بو محمد:شصبحتي؟ ام محمد:بخير الحمدالله.. بو محمد:الحمدالله..اخخخ يا ظهريه تعبت من سيرة العزبة.. ام محمد:ياعوووينك..غناتيه قوم تسبح وتجهز حق الصلاه.. بو محمد:ياحلاة الكلمة منج.. ام محمد وهي مستحيه:قم قم يالله وخل عنك هالرمسه .. بو محمد:ههههه ماقلنا شي.. ام محمد:عيل وين بوراشد عنك؟ بو محمد:دخل من الباب الوراني.. ام محمد:هييييه..وام راشد بعد ترخصت وراحت تقرا قران وتتسبح.. بو محمد:يالله عيل بروح عنج .. راح يتسبح وبعد ثواني نزلن البنات وكل وحده لافه شعرها.. ام محمد:توكن واعيات.. ميثوه:يب يب مام.. ام محمد:اوووه تم عنج من رمسه.. ميروه:وين عيل ام راشد عنج؟ ام محمد:ف حجرتهو.. ميروه:اهاا.. ام محمد:عيل وين الريم؟ ميثوه:تتسبح.. ام محمد:زين عيل قومن حطن ضوو حق ابوكن ووحده تدخن الميلس ووحده تدخن البيت.. ميثوه+ميروه:ان شاءالله.. راحن يدخنن ونزل ممحمد وراح عند بروك وسعود بعده راقد.. بو محمد:مرحبا محمد.. محمد:شحالك ابويه؟ بو محمد:بخيير يعلك الخير.. محمد:مدييم الحال عليكو.. بو محمد:اميين..عيل وينه سعيدان؟ محمد:راقد.. بو محمد:شووووه؟؟قم قم وقضه.. محمد:ان شاءالله.. (حجرة سعود وحمود فوق والشواب تحت وحجر البنات بعد فوق بس الشباب ف قسم والبنات ف قسم) ركب حمود الدري وهو يسكر عقم كندورته ويوم قده ع اخر الدري ظهرت ريم ف ويهه .. ريم:السلام عليكم.. محمد:وعليكم السلام.. ريم:شحالك..؟ محمد:بخير وانتي؟؟ ريم(بدلع):بخيييير.. محمد(مااحب يطول معاها):عيل برايج.. وخطف عنهاا,, ريم فخاطرها(شبلالاه هذا!!,,أووه شو اباه انا)ونزلت تحت.. دخل حمود حجرة سعود.. حمود:عوووذ بالله ثلاجة سمج..ولا جنا ف الشتا نحن.. بطل الستاره وبند المكييف وفج الدريشه وسحب اللحاف.. سعود:همممممممممم....!>< حمود:قم قم قم قم قم قم قم قم قم.. سعود:يعلك القذااا عن الحشره>< حمود:قووووووووووووووووم اليوم الجمعه.. سعود:سلم عليه.. حمود وهو مستغرب:منو هو؟ سعود:انته تقول يمعه يانا.. حمود:هههه فقتك يالخبل قم قم.. سعود:اففففففف ..انزين انزين.. حمود:يالله ابويه يرقبك تحت.. نش سعود ورااح الحمام(عزكم الله)وتسبح وتكشخ .. تسبح بالعطر وظهر من الحجرة... نزل تحت ولقااهم كلهم يالسين.. سعود:السلالام عليكو.. الكل:وعليكم السلام.. سعود:ربكو الا بخيير؟ الكل:الحمدالله.. سعود:يالله خلونا نروح الصلاه.. ميثوه:تبانيه ادخنك؟ سعود:هيه تعالي.. دخنت ميثوه سعود وظهروا الريايل وتلاقوا ف المسيد مع بو مبارك وعياله.. خلوف:شحالكوو؟ سعود:اووه خلوف ..بخير وانته؟ خلوف:يسرك حاليه.. احمدووه:شحالهوو شباب بدع زايد؟ خلوف:يسرك حالهم..ويردون السلام.. ودخلوا المسيد.. |
[ الباااارت السسابع ] --- بيت بو مبارك(1:10 ) ام مبارك:دخنتوا الميلس؟ عفاري:هيه اميه.. حمدوه:اميه شو الغدا؟ ام مبارك:ابوج ذابح ذبيحه حق بو راشد .. حمدوه:اهاا..انزين وين بنتغدا؟ عفاري:اكيد هنيه.. ام مبارك:هيه هنيه .. قرن البنات قرآن وصلن وردوا الريايل من المسيد ودخلوا الميلس .. ام مبارك:عفروه عطيني التلفون.. عفاري:البيت والا تفلونج؟ ام مبارك:لالا البيت.. دقت ع ام محمد وقالتلها انهم يايين.. دخلت ام راشد وام محمد والبنات.. ام مبارك:مرحبا مرحبا.. ام راشد:الله يرحبج ع فظله.. ام محمد:المرحب باجي.. وسلمن ع بعض.. الريم:شحالج عفاري؟ عفاري:بخير..-.- حمدوه:ميروه.. ميروه:هلا.. حمدوه:وين ميسوه؟ ميروه:ههه سعود مسكها عند الباب.. حمدوه:اهاا.. ودخلت ميثووه.. ميثوه:السلام عليكم.. الكل:وعليكم السلام.. سلمت ع البنات والحريم.. عفاري:وين كنتي يالمقوي؟؟ ميثوه وهي تبتسم:عندد سعود.. الريم:شو كان يبا..؟ عفاري وهي معصبه:وشو يخصج..؟ استغرب الريم وقالت فخاطرها(خيبه شو فيها هاي><) حمدوه:شبلاكم خلاص قوموا بنروح المطبخ نجوف الغدا.. ام مبارك:بنات قومن روحن المطبخ.. ميروه:ان شاءالله..وتلف صوب البنات:يالله قومن.. نشن البنات وتمت الريم.. عفاري:وانسه ريم مابتي؟؟ حمدوه:عفاري خلاص برايها شو تبينها؟ عفاري:تولي..-.- نشت الريم وراحت عند البنات.. الريم وهي متسانده ع باب المطبخ:تبون مساعده؟ عفاري:لا شكرا.. الريم:عفاري ليش ترمسينيه جيه؟؟ عفاري:اووهووو><.. الريم:والله اسلوبج مب حلوو.. وراحت عند ميروه تعدل السلطه معاها.. عفاري ترمس ميثوه بصوت خفيف:فقتها.. ميثوه:عفاري تراج زودتيها.. عفاري:مالومج تراها بنت خالتج لازم بتدافعين عنها..وراحت عنها.. ميثوه:اففف شفيها هاي>< حطن الغدا جدام باب المطبخ الي يظهر ع برا..واتصلت ام مبارك حق سعود واحمد عشان ايون يشلون الغدا.. يلسن البنات ف المطبخ يسولفن لين ماييون الشباب.. سعود وهي يدخل المطبخ..(لابس كندوره بيج وسفره حمرا ولابس نظاره راي بان(خقاق) وشكله يجنن^^) سعود:خيييييبه منو بيشل ها كله؟؟ احمد(لابس كندوره بييج وسفره حمرا):هههه اكيد نحن.. سعود:اووه انتن هنيه.. ميروه:شحالك احمد؟ احمد:منو عاد انتي الحين وين اعرفج يوم الشمس ضاربه ع عيونيه.. ميروه:هههه انا ميروه.. احمد:هييه.بخير يعلج الخير يالعيووز.. ميروه:حرمتك.. احمد:خليها توصل اول.. ميروه:ههههه.. ميثوه:يالله شلوا الغدا فكونا من الصدعه.. حمدوه:والله بسكم من الهذربان.. سعود:احمدوه اكفخهن؟ احمد:ههههه عندك اياهن.. عفاري:عشاان اخبر ابويه.. فز قلب سعود من سمع حسها.. سعود:يالله احمدوه شل انته الصينيه العوده.. احمدوه:لا والله.. سعود:فدييييت خشمك والله انك ريال كفوو.. احمدوه:هه روح العب ع هندي.. سعود:احمدوه عااااد.. احمدوه:خلاص تعال بنشلها مع بعض.. دخلن البنات البيت ويلسن عند الحريم..وراحوا الشباب الميلس وتغدواا.. "بعد الغدا ف الميلس" بو راشد:هاا شو الراي وين بتودوونا اليوم؟ بو مبارك:والله مادري الشوور عند بو محمد.. بو محمد:والله انا اقول انرووح نقييل ف البر والجووو ماشاءالله حلوو هالايام.. مبارك:ابويه شو رايكم انرووح العزبة هناك البيت ويرومن لحريم يقعدن رواحهن.. بو مبارك:يابويه بيت العزبة كله غبار.. بو محمد:والله انا راايييه من راايي ابوك وبعد من زمان مارحنا وماشي هناك قشار البيت لا قهوه ولا شي.. مبارك:عيل انروح البر.. بو راشد:هييه انا معاكوو,خلونا انروح البر ونقيل تحت هاذييك السمره.. بو مبارك:خلالاص غايته..سعيد ولديه قم انته واحمد روحوا خبروا الحريم وخلوهم يتجهزوون وقولهم ع العصر بنتحرك والحين بنقييللنا شوي.. سعود:ان شاءالله.. Oooo ظهر سعود واحمدوه من الميلس .. سعود:اللله ينرووووووووووووح البر.. احمدوه:...... سعود:شو رايك نستأجر دراجات؟؟ احمدوه:.......قاعد يلعب بتلفونه ومايسمع سعود.. سعود:والا اقولك بنلعب بالكلوزر.. احمدوه:......... ويوقف سعود... سعود وهو يباغم:احمدوووووووووووووووووووووه.. احمدوه:هاه هاه.. سعود:من اصبحت ارمسك وانته تلعب بتلفونك.. احمد:اسف ماسمعتك.. سعود:شو تسوي ؟؟ احمد:هاا؟؟لالا ماشي.. سعود:تغااازل مسود الويه.. احمد:هههه حوه شو اغاازل.. سعود:اوووف امش امش خلنا انروح عند قوم اميه.. دخلوا البيت.. سعود:السلالام عليكو.. الحريم:وعليكم السلام.. سعود:شحالكن يالعيايز؟؟ ام مبارك:مسود الويه حشششم.. سعود:شبلاكو اسولف عليكم.. احمد:اميييه ترا الشواب خططوا لسيره.. ام محمد:وين بيروحون؟ احمد:بنروح البر العصر ويقوولولكم جهزوا القشاار.. سعود يطالعه بنص عين:خلصت؟ احمد:يس يس^^ سعود:قال سعيد انته الي قولهم وانته ماشاءالله توليت المهمه.. احمد:ماحب اتعبك .. ام راشد:سعيد الحين كم عمرك؟؟ سعود مستغرب:انا الله يسلمج خالتيه 20 .. ام راشد:هييه العمر كله ولديه.. نزلن البنات وهن يتمشن ع الدري يتحسبن محد ف الصاله.. عفاري:عاااااااااشت ميثوه هي والصروال الحمر.. ميروه:هههههههههههههه.. الريم:عفاااااااري عاااشت والله صروالج مكسسر.. عفاري:هههههه وياويهج<<هيه صح ترااهن تراضن بس عفاري بعدها ماخذه موقف منها.. حمدوه:ههههههه فقتكن.. عفاري:سمعواا بشللكم شله.. احم احم.. تزعل وانا الي منك زعلان.. تقسى وتجرح قلب مغليك.. غالي معي لو كان لي كان.. متعوووودن(طولتها)تزعل واراضيك.. وسلالامتكو^^.. حمدوه:اووووب اوووووووب عاشت اول مره اعرف انه صوتج حلو.. ميثوه:يالبيييييه وهااا اكيد اهداء.. عفاري:ههه هيه اهدااء لعرب فديت شوفهووو.. الريم:ماشاءالله ع صوتج.. ابتسمت عفاري.. الحريم الي يالسات يسولفن مع احمد وسعود الي من سمع حس البنات وهو صااخ يتريااا حسها حس الي اشغلت باله..ومن سمعها تشل وقف قلبه وتفدها الف مره.. عفاري:اييه جوفن.. صخن البنات.. ام مبارك:يالله كم تهذربن.. ميروه:هههههههههههه شو نسوي من زمان ماجفنا بعض.. حمدوه:هههه يالجذب الا امس رايحين عنكم.. ميثوه:اووه هنيه احمد.. سعود:وانا مب تارس عينج؟ ميثوه:لا تارس عين عرب.. سعود تم يجووف عفاري وعفاري مسويه طاااف.. نشت عفاري وراحت المطبخ..ونش سعود اونه يبا ماااي.. وقف سعود عند باب المطبخ ويلس يجوفها وهي معطيتنه ظهرها.. سعود:لين متى الزعل؟ تروعت عفاري وتمت واقفه محلها ولا لفت.. سعود:عفاااري.. (فديته والله انيه حقييره ليش مارمسه><بس احسن يستاااهل...مابرمسه وبجووف شو بيسوي) سعود:والله ان مارمستينيه ....وسكت.. عفاري:شو بتسوي..؟ سعود:بغييب عن عينج.. لفت عفاري صوبه وعيونها يغرغرن.. سعود تجدم شوي .. سعود:عفااااري اسف.. عفاري:تحبها؟ سعود وهو مستغرب:منووو هي؟ عفاري:الريم.. سعود:اوووف منها ماادااانيييييييها..اكرههها.. عفاري:جذاااب ودمعت عينها.. تجدم سعود ومااشي كاان من بينهم.. عفاري:رووح سعود ماابا اجووفك.. سعود:هذا اخر كلامج؟؟ عفاري:هيييه.. غمض عيونه ..وهوو متضااااااااااااايق من رمستها.. سعود:تم ..بسوي الي تبينه .. لف يبا يروووح بس انصدم من الي جداامه.. منوو جدامه؟؟؟ ميثوه؟والا ام مبارك؟والا ام محمد ...منووو؟؟؟ لف يبا يروووح بس انصدم من الي جداامه.. منوو جدامه؟؟؟ ميثوه؟والا ام مبارك؟والا ام محمد ...منووو؟؟؟ [ البااارت الثـــامن ] الريم الريم الريم الريم الي كانت قدامه.. سعود:شو تسوين هنيه؟؟ ريم وهي تدمع وتبتسم بستهزاء:هه شو اسوي؟؟تكرهني يا سعووود؟؟ليش شو سويت لك؟؟والا عشان هاي الي وراك....ويقاطعهاا... سعود:الي وراااااااااااااايه احسن عنج بمليوون مره.. الريم:ليش؟؟لانها ترمسك بالدس ف المطابخ وف الحجر و.....ويقطعها وهوو خلالالاص معصب.. سعود:جبببببب يالخااايسه...وانا الي لحقتها مب هي.. الريم:شي طييب.. سعود:رووحي لا ارتكب فيج جريمة والله يالريم مابتججووفين خيير.. عفاري:لا مايحتاي انا الي بروح وخلها هي الي اتم.. الريم وهي تبتسم بنصر.. خطفت عفاري من عدال سعود بس مسكها من ايدهاااا وارتعععش قلبه.. عفاري صخت ومارامت ترمس (هاي اول مره يمسكنيه..احبه والله احبه بس ماروم اجووفه مع هاي) عفاري:فجنيه.. سعود:وغلالالاة الغاالين اتمين .. عفاري:...... ونزلت راسها.. الريم:حلوووو..وين ام محمد وام مبارك عنكم؟؟ سعود خلاص عصب:الريييم والله ان مااظهرتي ياويييلج والله.. ال ريم:اووف بظهر وظهرت.. لف سعود صوب عفاري وهو يجوف ايده.. عفاري:هدنيه.. سعود:دخيييل الي تحبينهم ترضيين وانا بسوي الي تبينه وببعد ومابخليج تجوفينيه بس ارضي عليه.. عفاري:راضيه و.....قاطعها.. سعود:مشكووره..فج يدها ورووح عنها وهوووو متضاااايق.. (لييش سويت جيه ليش؟ويلست ع الكرسي تصيح بهدوء والله انيه احبه ..الحين مابجوووفه><ليش قلتله جيه لييييييييييييش؟سو الي تباه يا سعوود بس لا تروووح عنيه لا ترووح) دخلت ميثوه لانها جافت سعود وهو يظهر عنهم ولحقه احمد.. ميثوه:عفاااري...!!! عفاري:........ ميثوه:شو فييج؟؟شو استوى بينج وبين سعود؟؟ عفاري:قومي بنروح الحجره.. راحن الحجره وخبرتها عفاري بالسالفه.. ميثوه:ليش قلتيله جيه؟ عفاري:كان قاهرنيه>< ميثوه:وهاي الريم ماتوقعتها تسوي جيه.. عفاري:سباله والله اكرهها.. ميثوه:ويت بييج.. راحت وزقرت الريييم وييت الحجره ودخلتها وقفلت الباب.. الريم:افففففففففف>< عفاري:اكرهج يالريم اكرهج.. الريم:يعني انا الي احبج.. ميثوه منصدمه من الريم.. ميثوه:الريييم والله ماتوقعتج جيه.. الريم:انا ماكنت جييه والله العظيم قلبيه ابيض بس حركات واسلوب عفاري خلانيه استوي جيه والا انا مااحب سعود بس معجبه فيه ويوم جفت عفاري تعاملني بهالاسلوب عاندتها وقلت واللله لحرق قلبها.. عفاري وهي تصيح:ليش تسوين جيييه ليش حرام والله.. الريم وهي تقعد عدالها.. الريم:اسفه واللله اسفه .. ميثوه:الحين سعود ماابيروح معانا البر.. الريم وعفاري:البر؟؟؟ ميثوه:هييه انتن ماكنت موجودات المهم قالوا الشواب بنروح العصر البر.. عفاري:الله بس .... الريم:مااعليج اانا برمسه... عفاري:لا مابا.. الريم:امم ع راحتج بس والله اسفه.. عفاري:مسموحه بس بعدني اكرهج.. انصدمت ميثوه والريم اكثر.. ظهرت الريم وهي تلوم عمرهاا (انا ماكنت جييه ليش اخليهم يكرهوني ليش؟) ooo احمد:سعود قولليه شو فيك؟ليش مابتروح البر؟ (احمد مايعرف ان سعود يحب عفاري) سعود:اففففف بس ياخي ماليه بارض لسيره.. احمد:فديتك سعود عشانيه والله حرام عليك بعدين بيين الدوامات وماابنظهر.. سعود:احمد عااد.. احمد:انزين برايك.. ونش يبا يروح.. سعود:احمد.. احمد:ها؟ سعود:بس عشان خاطرك.. احمد وهو مستاانس:فديتك والله يا طبجتيه.. سعود:ههههه.. "عند الحريم والبنات" حمدوه:عفاري شلي الجدر ووديه السياره.. عفاري:خييبه ثقييل حد ايي معايه.. ميثوه:انا بيي معاج.. ظهرن وكانت عفاري رافعه كندورتها ومبين الصروال.. بو محمد:ياحااافظ ع الصروال الحمر.. عفاري وميثوه:هههههههههه.. بو مبارك:هههه فديت العفر انا.. عفاري:فديت روحك يابويه.. ويظهر سعود من الميلس ومن جاف عفاري نزل عيونه وعفاري حز ف خاطرهاا.. يلس عند الشواب وصبله قهوه.. بو مبارك:تعالن بنات يلسن عندنا.. ميثوه:ابووويه بااقي وايد قشاار بعدنا بنحطهن.. بو محمد:تعععالن هم بيحطونهن.. يلست ميثوه عدال ابوها وسعود وعدال سعود بو مبارك وبعده يلست عفاري.. بو محمد:علوم الدراسه؟ عفاري:اعجبك انا.. ميثوه:حتى انا.. بو مبارك:يالله الي بتقلب بنيبلها ناقه.. سعود:هههههه نااقه مره وحد يا عميه.. بو مبارك:ههههه بنقص عليهن عشان يقلبن.. سعود:اصلن محد بيظهر شراتيه.. عفاري:ههههههه الله يخلي البرااشيم.. سعود:......مارد عليها.. حز ف خاطر عفاري..ويلست تطالعه والشواب يسولفون وميثوه تجوف عفاري.. رفع سعود عيونه وجافها(ماتدري انيه بس هالسيره بروح معاهم وبعدين ربيه يحفظنيه).. يلس يطالعها وغمض عيونه ولف ..نشت عفاري ولحقتها ميثوه.. وترخص سعود وراح صوب سيارته.. حطوا القشار ف السياره وتوزعووا ف السياير كالتالي:: -ف الكلوزر(سيارة سعود):سعود+احمد+بو راشد+القشار ف الكريل.. -ف الجمس:محمد يسوق وعداله ابوه وورا الحريم .. -ف الجمس الثانيه:مبارك يسوق وابوه عداله والبنات ورا.. وتحركواا وتجدمهم سعود وهو مطوول ع ميحد ويسووق 180..وبو راشد مسكيين متوهق قاعد والا يتهندق عليهم ههه وهم يتضاحكون.. وصلوا البر وقعدوا ينزلون القشار.. ميثوه:عفاري روحي ييبي الجدر.. كان سعود ف السياره وراحت صوب الكريل تبا تييب الجدر العووود..(بيسون العشا ف البر) عفاري:اففف انا دوميه مع هالجدر يعلني بلالاه.. سعود قعد يطالعها من منظرة الكلوزر.. عفاري وهي تباغم:ميثوه يالسباله تعااااالي والله ماروم اشله.. ميثوه وهي تباغم:ترومين ترومين يالله بسرعه.. حركت عفاري الجدر وكان قدامه حطبه عوده وماجافتها ويوم سحبت الجدر طاحت الحطبه ع ريلها.. عفاري وهي تباغم بس محد سمعها غير سعود عفاري:اخخخخخخخخخخخ.. نزل سعود بسرعه وراح صوبها.. عفاري:دخييييييييييييييييلك شلها ريليه انكسرت وتمت ادمع عيونها.. شل سعود الحطبة وفرها ف السياره ويلس عند ريلها.. سعود وهو معصب:وين عيونج مااتجوفيييينها يعني ؟؟؟ عفاري وهي تدمع من الويع:ماادريتبها.. سعود:انتي اصلن تدرين عن شي.. عفاري عصبت:خووز عنيه خلني ارووح.. سعود:رووحي مب قابضنج.. تمت تمشي عفاري وكل شوي يزيد الويييع(الحطبة عوده كانت)وفجأأأأأأأأأأااه يلست ع الترااااب.. ربع سعود صوبها(هم موقفين السياير بعيد شوي عن المكان الي بييلسون عنده) سعود بعفويه:تعووورج؟؟؟ عفاري:ماايخصك.. سعود عصب:تعوورج والا لالالا؟؟؟ عفاري:هييه..ودمعت.. مسك ريلها سعود وهووس .. عفاري:اييييييييييييييييييييييييييييييييييييييييييي ييييي يعووووووور سعوووود... سعود:يمكن منكسره.. عفاري شهقت:شوووو؟كيف تنكسر.. سعود:ههههه شو بعد كيف تنكسر غبيه انتي.. عفاري:جب انته الغبي.. سعود:ظاهر عليج.. عفاري:روح ازقر ميثوه .. سعود:ليش؟؟ عفاري:اباها تشلنيه.. سعود:انا بشلج.. عفاري:بتبطي.. سعود:ههههه تتحدين.. عفاري:سعود مب زعلان؟ سعود وهو متضايق:وايد بعد.. عفاري:اسفه.. سعود:خلاص مايهم.. عفاري:لا يهم وبصوت خفيف:ووايد بعد.. سعود تشقق:عفاري.. عفاري وهي ترفع عيونها:عيون عفاري.. سعود ذااااب(مسكين حاله الريال):اغلييج يابنت عميه.. عفاري استحت:......... سعود:بتزعلينيه مره ثانيه؟ عفاري:اممم بفكر.. سعود:سباله.. عفاري:وانته بتروح عنيه؟ سعود:اممم بفكر.. عفاري:سبال.. سعود:ههههههه وحده بوحده.. عفاري:هههه.. سعود:والله انج جذااابه.. عفاري منصدمه:شوو؟ سعود:اونه ريلج تعورج.. عفاري:هييه و الله تعورنيه.. سعود:انزين يالله قومي.. عفاري:ماروم انش والله ... سعود:اشلج؟؟ عفاري بمستحا:لا شو تشلنيه.. سعود:عادي محد بيجووفنا.. عفاري:سعوود جب احسن لك.. سعود:بقصه لسانج.. عفاري:هههه ماتروم والله لخبر ابويه عليك.. سعود:اروووم.. عفاري:سعود يالله قوم ازقرها.. سعود:من عيونيه.. عفاري استحت:تسلم عيونك.. سعود:اخخخخخ منج يالسباله وشرد.. عفاري:ههههه أحبه ..فديته.. [ البااارت التـــاسع ] يت ميثوه وخبرتها عفاري بالسالفه ويلست تضحك ع هالمينن..ونزلوا القشاار ويلسوا فوق العرقوووب.. الريم:اووني عفاري شو هالرومانسيه.. عفاري بمستحا:اييه عااد لا تستهبلن.. ميروه:هههههه ياويل عليج..متى بنحب نحن..؟ حمدوه:ايهااااااا عيب شو تحبن بعد.. ميثوه:لا والله حلال ع عفاري وسعود وحرام علينا.. الريم:هيه صدقها.. عفاري:نحن غيير..^^ حمدوه:اففف ليش مايبولنا دراجات.. عفاري:ابويه ماطااع.. ميروه:والله الحيين لو جفتونيه ع الدرااجه واشل تايرين.. الريم:ههههههههه عاشت ميروه.. ميروه:هههههههه .. ميثوه:ههههههههههههههههههه جوووفوا احمدووووووه... احمد كان راكب ف كريل الكلوزر وسعود يسووق.. البنات:ههههههههههههههههههههههههههههههههههههههههههه ههههههههههههه.. احمدوه:حبتييييييييييييييييييييين لعيووون اميه... ام مبارك: انزل انزل ياولديه لا تتكسر.. احمدوه:ههههه فديت روحج والله.. وقف سعود وراح صوب ابوه.. سعود: ها ابويه شو رايكم نركب كلنا ونتحوط؟؟ بو محمد:لالا مافينا يلسوا بنسولف.. قعدوا يسولفون وصلوا المغرب ووروا الضوو.. وحده حق الحريم ووحده حق الريايل.. يلسن البنات ورا السياير وقعدن يسولفن.. احمد:عفاري.. عفاري:لبيه احمد.. احمد:تعالي اباج.. عفاري:ان شاءالله.. ييت صوبه.. احمد:تعالي بنسولف فوق العرقوب انا وانتي.. عفاري:ليش ان شاءالله ؟؟.. احمد:بس ختيه وابا اسولف معاها.. عفاري:روح عند الشباب وسولف.. احمد:مابا ابا اسولف معاج .. عفاري :انزين يالله.. راحوا ويلسوا فوق العرقوب.. عفاري:وين عيل خلوف؟؟مره ماجفته.. احمد:محد راح عند ربعه .. عفاري:هذا مره مانجووفه كله عند ربعه.. احمد:هيه دومه ف العين والا ليوا والا بدع زايد والا بوظبي.. عفاري:ماشاءالله عليه.. احمد:عفاري ليش كنتي تصيحين؟ عفاري:هاا؟متى؟ احمد:يوم كنا ف البيت جفتج بس قلت مابروح لان ميثوه كانت عندج.. عفاري:ماشي بس كنت متضايقه.. احمد:اااهاا.. وياا صوبهم حد يمشي بشوي شوي.. عفاري:بسم الله شو ها الي يمشي...وتقبضت ف ايد احمد.. احمد:هههههه يمكن يني..عادي عادي.. عفاري تبااغم:شوووووو؟ودني عند اميه.. سعود:ههههه انا سعود وياهالويه .. عفاري:سبال والله روعتنيه.. سعود:ديايه اسميج.. احمد:ههههه توك تدري.. سعود:عادي ايلس معاكم؟والا ممنوع.. احمد:افففف شو تبا تيلس رووح روح مانباك.. عفاري صدقت:لالا عادي ايلس,, احمدوه انته شو تقول حرام عليك.. سعود(ياااويليه,,فديت رووحج انا):هيهيهي وييييو احمدووه ويييييو.. احمدوه:جب جب.. عفاري:اييه مارضا ع اخويه.. احمدوه:وييييييو سعود ويييييييييييو.. سعود:احم لالا عادي.. عفاري:ههههههه.. احمد:عفاري تراني ماجوف ويهج من الظلام.. عفاري:حتى انا ما اجوف ولا واحد منكم.. عفاري يالسه عدال احمد وسعود منسدح وحاط راسه ف ثبان احمد..يت تبا تنش عفاري وكانت تبا تمسك ريل احمد عشان توقف وبالغلط مسكت جتف سعود.. وقف قلب سعوود وماتحرك من مكانه وعفاري ماشلت يدها واحمد يالس يهذرب وهو مب حاس بالي يستوي.. احمد:يالله فكينا قومي روحي.. عفاري:هاا؟ اوكيه.. نشت وهي نازله.. عفاري:احمد تعال والله اتروع.. احمد يرمس سعود:يوم اقولك انها ديايه.. سعود:ههههههه(فديتها) نزل احمد ووراه سعود.. احمد:شو الي يروعج عنبوه كم كبرج وتتروعين..؟ عفاري:يالله ماتروع اصلن بس مابا اروح بروحي.. سعود وهو يزاعج:عفااااااااااااااااااااااااارررررررري جووووووووووفي شووووووووووو تحتج.. عفاري تمت تناقز وهي شوي وبتصيح..واحمد وسعود ميتين من الضحك.. احمد:هههههههههههههههههه حرام عليك ياخي بتستلبس البنت.. عفاري:سخيييييييف تعرف.. سعود وهو يضحك:ههههههههههههههه عــ ـ ــفـ ـ ـاري هههه والله اسولف لا تزعلين.. عفاري:مازعلت بس والله انك سخيييييييييف.. روحت عند البنات وردوا الشباب عند الشواااب .. عند الشواب.. بو راشد:ياااا زين البر .. بو مبارك:هيه ,والله انه يرد الرووح.. بو محمد:محمد فديتك قم قول للحريم يحطن الجدور ع الضوو.. محمد:ان شاءالله .. احمد:ابويه انا وسعود عندنا شوور.. بو مبارك:قول.. احمد وهو يطالع سعود ومتردد.. احمد:ابويه انا وسعود بنكمل دراستنا برا.. انصدموا بو مبارك وبو محمد.. بو محمد:شوووووه؟؟ بو مبارك:وشعنه؟شو السبب؟؟ بو محمد:لالالالالالالا ماشي سيره دراسة البلالاد الا شرا دراسة برا.. سعود:بس ....ويقاطعه بو محمد.. بو محمد:لا بس ولا شياته ماشي سيره.. احمد:ابووويه عميه دخيلكم ..دراسة برا زينه كلها انقليزي وبنردلكم بشهاده ترفع روسكم.. بو مبارك:مانبا العنقليزي خله لهله.. بو محمد:صدقه ابوك..الحمدالله شيوخنا ماقصروا سولكم الجمعات والكليات وكل شي الحمدالله .. احمد وسعود فقدوا الامل وبيينت خيبة الامل ع ويهم.. محمد:ابويه دراسة برا زينه وماعليك هم ريايل ويعرفون مصلحتهم.. بو راشد:كلام ولدك صحيح.. احمد وسعود استاانسووو .. بو مبارك:انا قلت كلمتيه ومابرد عنها لا يعني لا.. احمد طالع سعود ورد يطالع بو راشد يباه يساعده.. بو راشد:يا ريال طيع الشور هكوه ولد ناصر المنصوري ماشاءالله عليه درس ورد بالشهاده .. بو مبارك:عيالنا بييبون الشهاده من هنيه مب من برا .. بو محمد:هكوه محمد ومبارك درسوا هنيه ونجحوا.. بو مبارك:صدقه ابوك..شلوا هالشوور عن روسكم.. احمد:ان شاءالله.. سعود:ان شاءالله.. ؛؛؛؛؛؛؛؛؛؛؛؛؛؛ حطوا العشا واحمد وسعود كل واحد منهم متظايق.. مبارك:يالله تعالوا عشا.. احمد:انا مابا.. سعود:انا بعد.. مبارك:قم قم انته وياه يالله.. احمد:اففف قلنالك مانبا.. مبارك-عصب من اسلوب احمد-:والله ماترزا عليكم هالدراسه يعلها النفاد ..ويروح عنهم.. احمد:شو بلاه هذا بعد..! سعود:اووه خله يولي.. احمد:افف والله حرام عليهم..>< سعود:خلاص شو بنسوي يوم راس كل واحد ايبس عن الثاني.. احمد:انا باجر برمس الشباب وبقولهم انه ابويه وابوك ماطاعم.. سعود:يصير خير..قم ماتبا عشا؟ احمد:صايم.. سعود:ههههه فقتك قوم يالله.. احمد:يالله.. وبعد العشا شلوا قشارهم وردوا البيت.. |
[ البـــارت العـــاشر ] (السبت الصبح-ف الصاله-) ام راشد:اسمينا استانسنا بسيرة البر.. ام محمد:هيه والله اسمينا تونسنا.. ام مبارك:الا يام راشد متى بتردون انشاءالله ليوا؟ ام راشد:والله مادري ,يمكن الظهر.. ام محمد:شو عايلنكم تغدوا عندنا وقيلوا العصر ترخصوا.. ام مبارك:صدقها عوشه ,, ام راشد:ماعليه بجوف بو راشد شو بيقول.. ..وشوي يدخلون الشباب.. سعود+احمد:السلام عليكم.. الحريم:وعليكم السلام.. ام محمد:فدييييييييت ويهك يا بويه.. سعود:اووه الوالده هنيه ..فديت شوفتج غناتيه..ويلس عدالها ولوا عليها.. احمد:اميه سويليه شراتهم.. سعود:هههههه مشكله الي يغارون.. ام راشد:ههههههه فديتك يا احمد... شل راسه سعود عن جتف امه.. سعود:خالتيه..متى بتروحون ليوا؟ ام راشد:والله يمكن العصر.. سعود:هيييه ياحيكو.. احمد:قم يالله خلنا نروح.. ام مبارك:وين بتسيرون؟ احمد:بنروح نتحوط وبنرد.. ام محمد:برايكم..بس وين محمد ومبارك؟؟ سعود:هه هاذيل مادري وينهم اكيد مع قوم ابويه .. احمد:لالا مبارك قالليه انه بيسير مع ربيعه عندهم شغل واضنيه معاه محمد.. ام محمد:هييه عيل برايهم.. سعود:يالله احمدوووه قم.. ام مبارك:وين ابها؟ احمد:بنروح نحن بعد بنتحوط وبنردلكم خلاف.. ام محمد:انزين برايكم.. ××× [ ف سيارة سعود] احمد:اقولك رمست الشباب؟ سعود:عشان السفره؟ احمد:هيه.. سعود:هيه وقال خلود باجر بيروحون مدام اننا كنسلنا السفره.. احمد:اها.. سعود:اقولك تبا شي من الدكان؟ احمد:هيه ابا دبة ماي بااااااااااااااااارد.. سعود:يعني ليش ماشربت من البيت..>< احمد:يالززززطي.. سعود:جب جبب.. احمد:انا جب ..اوكيه.. ..بعد دقيقتين.. سعود:احمدوووه.. احمد:........[لاف صوب الدريشه] سعود:احمدوووه ياخي لا تستهبل .. احمد:لآلا انا جب .. سعود:ههههههههههههه فارقت ويهك والله اسولف.. احمد[بطل عيونه]:وبععععععد فارقت ويهك.. سعود:هههههههه ياخي اسولف.. احمد:زين برضى بس بشرط! سعود:قول.. احمد:تشتريليه 3 ديو و6 جلكسي ودبتين مااا من الكبااار.. سعود:من عيونيه.. احمد[شاق الحلج]:فقت عيونك.. سعود:شووووه!!!! احمد:شو بلاك ! قلت فديييييييت عيونك ^^ سعود:هيييه تحرييت شي ثاني.. وصل سعود الدكان وطلبولهم الي يبونه .. ف نص الطريق سعود يسوووق ع سرعة 90 واحمد كل شوي فج ديوو ويشرب منه لين مااخلص كل القواطي ودباب الماااا.. وبعد ثوووواني.. احمد[مااسك بطنه]:سعووووود.. سعود[مب منتبه له]:هممم.. احمد[يصارخ]:وووووووووووقققققققققققف.. سعود[تروع]:شووووو فيييك بسم الله!!! احمد:بطني بطني بطنننننننننننننننننيه.. وقف سعووود ع طرف الشاارع ونزل احمد وتم ينااقز.. سعود:بسسسم الله شوو فيك.. احمد[يبااغم]:الحماااااااااااااااااااااااااااااااااام.. سعود[يقبض راسه]:ياااا هييي بلششششه>< احمد:بسسسرعه ردنيه البيت والا بنفجر.. سعود:اركب اركب انزين .. دعسسسسس سعووود وف ثواني وصل البيت.. نزل احمدوه يركض ودخل الصاله .. ف الصاله كانن البنات بليا شيل وكل وحده منسدحه ف صوووب والحريم راحن يصلن الظهر دخل احمد يربع وااارح الحمام.. نقزن البنات الا عفاري وميثوه و ميروه تمن منسدحااات وياكلن حب.. سعوووود وهو يدخل البيت:فااارقت ويهك خييست سييت الكلوزر..,,لف صوب الصاله وجاااف البنات.. سعود:هبن هبن بسسم الله شبلاكن تقول بقر جايفات حريقه.. لبسن شيلهن واعتدلن ف يلستهن.. ميروه:الناس يوم يدخلون يقولون هود مب هنيه والدرب يدخلوون.. سعود:جب جب يالله..وين راح احمدوه؟ ميثوه[وهي تاكل حب]:الحمام(عزكم الله).. جاف سعود عفاري وارتعد قلبه ..مششى صوبها ويلسع دال ميثوه بحييث عفاري كانت ع يمين ميثوه وسعود ع اليسار.. سعود:شحالج عفاري؟ عفاري[ف ثمها حب ومن المستحى سرطته]:كححح كحححح كحححححح.. سعود:بسسسم اللله شو ياااج!!! عفاري:احم لالا ماشي بس غصيت بالحب.. سعود:اييبلج ماي؟ عفاري[مستحيه]:لا .. البنات : [ فاجااات ثمهن] نزلت الريم ويت صوبهم.. الريم:السلام عليكم.. البنات:وعليكم السلام.. سعود:صح النوووم.. الريم:[اابتسمت].. عصبت عفاري من سعود ,,عفاري ف خاطرها(ماعليه يالسبال والله لرااويك) نشت الريم ولفت صوب البنات:تبوون جاهي؟ ميثوه:هيه انا ابا.. حمدوه:انا بعد صبيليه.. سعود:وانا بعد الشيخه.. عفاري ف خاطرها(شاااخت عظامها ياربيه<<ههه ع كيفيه قلت من عنديه هالدعاء,طووفوا طووفوا) احمد وهو يظهر من الحمام .. احمد:يالله قم بنروح.. لفت الريم وتغشت ونشت بتسلم.. الريم:شحالك احمد؟ احمد[تبريد محله]:هاا..بخير .. سعود:يالله يالله اظهر.. ظهرووا احمد وسعود وف السياره.. سعود:احمدوووه شو فيك؟ احمد:والله ماشي بس ضربنيه وييع ف بطنيه.. سعود[تروع]:اخااااف فيك شي.. احمد:لالا ماشي ..امش امش.. سعود:برووح بوظبي ترانيه.. احمد:خبرت امك! سعود:لا مابخبرها لانيه برد اليوم الفليل.. احمد:تبانيه اخاويك! سعود:تستهبل والا تستهبل اكيد انته بتخاوينيه.. شق الحلج احمد.. سعود:شوي شوي عن ينطر ثمك.. [ البــارت الحادي عشــر ] +عند البنات+ حمدوه:اوووف شو هالملل.. عفاري:قوم اميه وين؟ الريم:الحريم ف المطبخ.. عفاري:انا بروحلهن.. وقبل لا تدخل المطبخ ام مبارك:والله البنت بعدها صغيره.. ام راشد:نحن بس رمسنا لاننا نجووفها زينه حق ولدنا.. عفاري ف خاطرها(منوووو يقصدوون!!) ام محمد:والله انا برمس ابوها وبجووف.. ام راشد:نحن هوب مستعيلين بس انا اجوفها حرمه زينه حق ولديه.. ام مبارك:بس هوب جنه ولدج بعده ! ام راشد:لا ولديه خلص الكلية ويشتغل .. ام محمد:خلاص يام راشد ان كان شي نصيب بنهم ان شاءالله الله بيقربه.. عفاري(منووووو ام راشد قصدها!! انا والا حمدووووه!!!!!!!!!!) دخلت عفاري المطبخ:امييه! ام محمد:هاا فديتج! عفاري:تبوون مساعده! ام محمد:لا برايج روحي عند البنات واصلن خلص الغدا بس نرقب الريايل ايون من الصلاه.. عفاري:خلاص زين برايكم.. +عند الشباب+ قبضووا خط بوظبي وسعود يسولف ع احمد واحمد بااله بعيييد.. احمد ف خاطره(منو هاي الي كانت تسلم عليه! يااازيييين عوودها..ياوييل حالك يا احمدووه ..اووه ان شو اباها تكون الي تكون تنقلع) سعود:انزين اقولك عاد يوم قدني عندهو.....سكت سعود:يالجلب احمد:ها.. سعود:سلامتك من اصبحت ارطن بروحيه وانته سرحان.. احمد:اسموحه فديت خشمك.. سعود:مسموح مسموح بس تراك بترد تخبرنيه عن الي ف بالك.. احمد:يصير خير.. +عند الريايل+ بو مبارك:مبااارك وين احمد وسعيد؟ مبارك:والله يا ابويه مادريبهو انا ومحمد كنا معاكم.. بو محمد:اكيد انهم هنيه ماعليه بييون.. وشوي يرن تلفون محمد.. محمد:الوووه.. سعود:هلا..أقولك انا واحمد رحنا بوظبي عندنا شغله وان شاءالله ع الليل نحن عندكو ترانيه ماخبرت قوم ابويه انته قولهم يالله باي.. طووووط طوووط طوووط محمد:!!!!!! بو مبارك:منو؟ محمد:اااا...هذا سعود يقولكم انه هو واحمد راحوا بوظبي وع الليل بييون.. بو محمد:وشعنه ماخبرووونا والا بعد مالنا شور علهم.. بو راشد:ماعليه تراهم خلاص راحوا وع المساا انته رمسهم. بو محمد:زين..قربوا قربوا.. +عند سعود احمد+ احمد:سعود امش شبلاك صاك الامبير ع 90 سعود:تبا تنفدنا .. احمد:اوووب اوووب جوفوا منوي رمس.. سعود:هههههه انزين الحين جووف كم بخليه يصك.. احمد:ههههه ياللله راونيه.. دعسسسس سعوود ليين خل الامبير يضرب 200 احمد:سعووووووووووود يالسبال خف خفف سعود وهو يخلي السرعه ع 100 .. سعود:ههههههه ها اجوفك تروعت.. احمد:هيه اكيد بتروع اخاف عليك والله.. سعود:تتروع لا يصيبنيه شي! احمد:والله ان استوى فيك شي انا ماليه حايه ف هالدنيا.. سعود[شاق الحلج]:هيهيهي يعني انا انسان مهم.. احمد:لا يالغبي انا اقولك هالشي لان ان استوى شي فيك محد بيشتريليه من الدكان.. سعود:فارقت ويهك يالحيوان وانا اقول فديته يحبنيه.. احمد:هههههه فديتك والله انيه احبك يا طبجتيه.. سعود:هههههه فديت روحك يا خويييه.. ويسلمون ع بعض خشم.. احمد:هههههه عن ندعم.. سعود:ماعليك..^^ +ع العصر ف بيت بو مبارك+ بو راشد وام راشد ردوووا ليوا وتمن البنات والحريم يالسات ف الصاله يتقهون ويسولفن.. ميروه:اووف اميه نبا نروح مكان.. ام محمد:وين تبن بعد! حمدوه:اي مكان المهم تودوونا نبا نظهر من هالبيت.. عفاري تصاصر ميثوه:اقولج سعود وينه! ميثوه:مادري.. عفاري:سألي امج.. ميثوه:مافيه.. عفاري:اوووف..وتلف صوب امها.. عفاري:اميه وين احمد وسعود؟ ام محمد:مادريبهم اكيد عند الريايل.. عفاري:لا انا جفت مبارك وحمود بس ماجفت احمد وسعود.. ام محمد:مادري يا بنتيه اكيد راحوا يتحوطون.. نشن البنات وراحن فوق يجوفن فلم هندي.. ميثوه وهي تصيح:حرااام ياخي.. عفاري:جب خلينا نجوف.. نشت ميثوه وراحت الحجرة تصيح.. دخل محمد ومبارك عليهم.. مبارك:شو فيها هاي تصيح..! عفاري:نجوف فلم هندي.. مبارك يجوف محمد:بقر.. ورااحوا عنهم.. ++نرووح شوي عن هالاجواء عند خلوف جانكم تذكرونه اخوو سعود وحمود ++ ع المغرب ف المارينا(بوظبي) خلوف:ندخل السينما! ناصر(ربيعه):لالا بنروح نقنصلنا وحده.. خلوف:ههههه لالا يابويه انته بروحك روح انا مابا.. ناصر:ياخي خلك عن الادب الزااايد وتعاااال خلنا نقنصلنا غرشوبه.. خلوف:اووووف منك.. خطفووا عدال zara وجاافوا بنات يمشن.. خلووف:اوووف يعني من زينهن .. نصور:جب جب.. خطف ناصر عدالهن:فديييت هالويه انا.. البنت (1)ترمس الي عدالها:من زينه عاد يغازل جوفي الي عداله محلاه.. البنت (2):وااااو والله الي عداله كيوووت.. خطفت البنت (1) عدال خلوف .. البنت(1):انته كيوت.. خلوف:!!!!!!! ناصر:ررقمهن رقمهن.. خلوف:انقلع ياخي ..ومشى عنهم.. يااا ناصر عداله:اييه انته شو فيك.. خلوف:خلنا نظهر.. ناصر:انزين لا تعصب بنظهر بنظهر.. وظهروا من المول.. +عند احمد وسعود+ راحوا عند ربيعهم خلود .. ف ميلس الشباب احمد:خلود متى بتسافرون! خالد:والله اخرنا السفره لين الخميس الياي.. سعود:اوووف والله ليت ابويه خلانيه اروح>< خلود:مااعليه خيرها ف غيرها.. ويلسوووا لين الساعه 9 الفليل.. [ البــارت الثاني عشــر ] +عند الحريم والبنات[ الساعه 10]+ ام محمد:يا خويتيه ماادري وينهم الشباب.. ام مبارك:دقي لسعود جوفيه.. عفاري[ ع اعصابها ]:خالوه ايبلج تلفونج.. ام محمد:هيه فديتج .. نشت عفاري وعطتها التلفون وهي تنتفض.. اتصلت ام محمد ع سعود ومارد عليها وردت اتصلت ومارد..طااح قلب عفاري والحريم استهمن.. ام مبارك:بتصل لاحمدووه بجوفه.. اتصلت ام مبارك ع احمدووه وبعد مايرد..تروعن الحريم.. عفاري:اميييه هاتي التلفوون.. عطتها ام محمد التلفون.. عفاري:الووووه.. محمد:هااا عفاري! عفاري:حموود اتصل لسعوووود والا احمد من اصبحنا نتصللهو ومايردون.. محمد:انزين يمكن مشغولين.. عفاري:شو مشششغولييين من متى نتصل وكله مغلق.. محمد:زين زين لا تصارخين الحين بجوفهم..باي.. عفاري:باي.. وبعد دقايق.. ترن ترن ترن عفاري[بلهفه]:الووووووه.. محمد:مايردون.. عفاري[بنبرة صياح]:حموووووود رد اتصل والا اتصل لربعهم.. محمد:زين باي.. ام محمد: لا حووول الله وينهم.. ام مبارك:والله يا انيييه مستهمه وايد.. نزلت ميروه وحمدوه وميثوه.. ميروه:بسم الله شفيك! ميثوه:اميه شفيج؟؟ عفاري:نتصل ع سعود واحمد ومايردوون علينا كله يعطينا مغلق.. حمدوه وهي تيلس:انزين يمكن مسكرين تلفوناتهم.. عفاري[تصيح]:لا عنبووه من متى نتصللهم.. ام محمد:عفاري شعنه تصيحين العيال مافيهم شي بسج عن هالمصااخه.. ام مبارك:ياووييلي عليكم ياعياليه.. شلت عفاري التلفون وهي تنتفض ودقت ع حمود.. محمد:ألوووه ..صبري عفاري حد يتصل ع تلفونيه الثاني ويت.. وعفاري تسمع حمود وهو يرمس.. محمد:الوه.. شووووه!...كيف صار جيه!..هم مرمسينيه اليوم الصبح وكانوا عنديه..لا حول الله ..خلاص خلاص الحين ياي انا.. شو الي استوووووى لسعووود واحمد؟؟؟ حااادث ؟ماتواا؟ |
تسلمين اختي على البارتات الحلوه ننتضر البارت ال11 |
| الساعة الآن 12:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir