|
الجزاء4 الظهر كان سالم قاعد في الصالة وهو يشرب كابتشينو ما لها نفس حتى يتكلم ....... أم محمد:سالم عني أفداك ...تروح تيب العيال من المدارس والبنات من الجامعة سالم :ومحي الدين وينه أم محمد: راح العزبة سالم:أن شاء الله .... راح سالم وياب سيف ونيرة ومنيرة وسلامة من مدارسهم وراحوا الجامعة علشان يبون الريم واليازية والعنود ردت عند راشد أخوها ..... الريم:اتصلي بسالم أمكن وصلوا اليازية:حشى غير زحمة اليوم .... واتصلت بسالم وقالهن انه هو برى .............. وركبن السيارة ..... الريم بضحك :ليش ما تأخرتوا أكثر ..... اليازية:ايه خليلي مكان يوم الحين مأخذه المكان كله ريموه سالم:والله يا الريم أنا ماني دريولج علشان تقولين لي.... ليش تأخرت الريم:والله ما..... سالم وهو يقطعها في الرمسة :سكتي.....لا الحين أنزلج في الشارع الريم وشكلها بتصيح :نزلني عادي عندي سالم:الريم لا تردين عليه في الرمسة الريم:ياي بغيضة اليازية وهي تشاور بالريم :سكتي عنه لا يضربج الريم تمت تبكي لان أول مرة سالم يكلمها جذي ....... وشوي يصيح تلفون سالم .... شوق :هلا سالم سالم:آهليين شوق:اشحالك حبيبي سالم :الحمد لله ...أخبارك انت ((يكلم شوق على انها ريال)) شوق: ما شي الحال ... سالم:...وين شوق:أنا في الفراش حيل تعبانة يا سالم ... سالم:افاااااا ليش شوق:ما دري أحس أن أمي وأبوي مخبين عليه شيء سالم:مثل شو شوق:ما أدري.....سالم متى بتي دبي ابا أشوفك سالم:الحين ما أفكر أني أشوفك شوق:ليش ...زعلان سالم :لا حشى ...بس أمر بشوية ظروف شوق: ظروف ...شو خبرني سالم: خلاص أكلمك بعدين ...شيء في الخاطر شوق:سلامتك ...يا قلبي سالم:الله يحفظك شوق:في أمان الله وسكر سالم من شوق وهو يسمع الريم تبكي وتحرطم .....وصار متلوم فيها وايد ........وصلوا البيت وراحت الريم فوق تبكي ولا سلمت على أمها وأبوها .....وسلامة واليازية دخلن حجرهن بعد ما سلمن على أبوهن و أمهن ........ وراحن ترقدن أما الصغار قاعدين تحت يتغدون .......... أم محمد:شو فيها الريم تبكي ؟؟؟ ما حد رد عليها ..... أم محمد: ليش ما ترمسون راحت منيرة وشاورت أمها في أذنها وخبرتها بالسالفة ....وسالم قعد يضحك عليها على حركة منيرة ....... أم محمد:حرم عليك يا سالم أنت تدري أن الريم تتحسس من كل شيء سالم:والله يا أمي غصبن عني أم محمد:روح راضيها اذا غصب عنك سالم:أن شاء الله وراح سالم فوق علشان يراضي الريم ....ولقي الريم قافلة الباب ومشغلة المسجل (( راشد الماجد))** ودي أبكي** أغنية حزينة ....كل ما تسمعها الريم وهي حزينة تصيح من خاطرها لانها ترحم حالها والأغنية تساعد على البكاء!!!!!! ودي أبكي لين ما يبقى دموع ودي أشكي لين ما يبقى كلام من جروح صارت في قلبي تلوع من هموم حرمت عيني المنام انطفت في دنيتي كل الشموع والهنا ما يوم في دنياي دام غربتي طالت متى وقت الرجوع كل عام أمني أحلامي بعام إن شكيت الحال ماحد لي سموع وان سكت الناس زاد وني ملام طال صبري والزمن عيا يطوع والرجا بالي عيونه ما تنام دق سالم الباب بس الريم ما رضت تفتح ........ سالم:ريموه فتحي الباب بخبرج شيء .....ريموه بطلي..... أنتي الخسرانة ... الريم ما رضت تفتح الباب .... وراح سالم عنها ...... العصر .... صاح تلفون البيت و ردت عليه نيرة...... نيرة:ألووووووووووووو سارة:أهليين نيرة:من أنتي سارة:وين سلامة نيرة:راقدة سارة :خلاص خبريه أني اتصلت عليها نيرة:من أقولها سارة :خبريها أني سارة وشوي يدخل مبارك الصالة ويشوف نيرة تتكلم في التلفون . ويسحب منها التلفون بقوا ...... في هذي اللحظة راحت نيرة تخبر سلامة ... مبارك:ألوووووووو سارة:هلا ....سلامة هنيه مبارك: هلا وغلا بشيخة الحلوات......أقول من يبيها سارة:قولها رفيجتها وراح تعرف مبارك:لا ياحبيبة أمج ....أنا لازم أعرف أسماء صديقاتها سارة:خلاص راح أدق بعدين مبارك:افاااااا عليج بروح أخبر سلامة ...لحظة....(((وحط على السبيكر وقعد يتسمع شو راحت تقول.... اللي كانت سارة قاعدة تكلم مع حد من خواتها)))... دخلت نيرة على سلامة وشافتها تمشط شعرها ..... نيرة وهي تفتح الباب:سلامة سارة تريدج على التلفون .... سلامة:على أي رقم سوت تلفون نيرة:رقم الصالة اللي تحت .....مبارك قاعد يكلمها رحلت سلامة تربع في الدري وشافت مبارك ماسك السماعة .... سلامة:يا الخبيث ...شو تسوي مبارك:سلامتج ....بس شفت التلفون مو مسكره سماعته .... وسكرتها (((مبارك سكر في ويه سارة)) سلامة:من متصل ... مبارك:والله ...ما أدري سلامة وهي تشوف الكاشف وتعيد الاتصال لسارة....... سلامة:أهليين ...سويرة سارة:هلا ....سلامة سلامة:كم مرة قايلتلج اتصلي على الصالة اللي فوق سارة:اتصلت بس ما حد يرد عليه سلامة:خلاص الحين سكري وبروح أدقلج من فوق .. سارة:أن شاء الله سلامة:في أمان الله قامت سلامة تبي تروح فوق .... مبارك:تعالي وين رايحة سلامة:بروح فوق أكلم ربيعتي مبارك:ليش ...ما تكلمينها هني سلامة:أنا حرة ما ابا أرمسها هني مبارك:لا يكون تسوين شيء من وراي سلامة:مثل شنو مبارك:تكلمين ريال سلامة وهي تمسح على ويها :استغفر الله العظيم مبارك:أحذرج يا سلاموة سلامة:أنزين..... فهمت وصايا أم سلمة حفظتهن وراحت سلامة تكلم سارة علشان تحددا معها المعلمين اللي راح تدرسن عندهم ..... |
الريم كانت تتمشى في الحوش وتغني ...ودخل راشد الحوش وشاف الريم اللي كانت معطيته ظهرها ....... راشد في خاطرة :عنلاتها ما حلى جسمها ....آآآآآآآآآآآه فديتج يالريم ....فهاللحظة قبلت الريم وراها وشافت راشد ... راشد:السلام عليكم الريم:وعليكم السلام راشد وهو مبتسم :أشحالج الريم الريم:بخير ...أنت اشحالك راشد:يسرج الحال يا لغالية الريم وهي مبتسمة :قرب في الخيمة راشد وقربت الريم براشد في الخيمة اللي كانت فيها القهوى والشاي والفوالة ...... وراشد والريم تموا ساكتين .....راشد يريد يرمسها الا يخاف حد من خوانها يظهر من بيتهم ..... راشد :أخبار الدوام الريم وهي منزلة رأسها :زين.....الحمد لله راشد :الريم أنا بقولج شيء ..........فهاللحظة دخل مبارك .... مبارك وهو مستغرب:السلام عليكم راشد:مرحبا الساع ...اشحالك مبارك مبارك وهو يطالع الريم بنظرة استحقا ر :الحمد لله ....أستريح راشد ... قعدوا الشباب وطلعت الريم من الخيمة وراحت فوق لقت سلامة حتى الحين تتكلم في التلفون ويلست عندها وهي تتحرطم ... سلامة وهي تسكر السماعة :شو بلاج تتحرطمين ... الريم:يعني على من سلامة:ما أدري عنج الريم:على هادم اللذات سلامة وهي تضحك على الريم :من هو هادم اللذات الريم:مبارك ...أقول ليش يا من البر بسرعة على بالي بيقعد 3أيام اليازية وهي طالعة من حجرتها :السلام عليكم الريم +سلامة :وعليكم السلام وقعدن البنات تسولفن وتضحكن.... ويات بعد صلاة المغرب العنود وهي متكشخة وحاطة ماكياج ...... مبارك وراشد وسالم في الخيمة يسولفون وشوي يصيح تلفون مبارك ................... مبارك:ألوووووووو منى:هلا حبيبي وينك أنت مبارك وهو يحط ميكرفون :موجود يا قلبي أنت وينج منى:تدري أني أمس سهرانة ..على بالي راح تتصل فيني مبارك:قسم بالله أني راحت أمس العزبة وما كان فيه أرسال ... منى :خلاص صدقتك ...الحين وين أنت يا عمري ؟؟ مبارك وهو يضحك :في البيت منى:راح تروح العين مول مبارك:ما فيني منى:ابا أشوفك ضروري مبارك:خير عسى ما شر منى:ما شيء شر بس ... اشتقتلك و ابي أقولك أني أحبك مووووت مبارك:خلاص سمعتج ...ما يحتاج أني أشوفج منى:تدري اليوم البنات يقولن أني أشبه شاكيرا يوم صبغت شعري ...(((تبي تقول لمبارك أنها صبغت شعرها)) مبارك:تخسي شاكيرا واللي يابتها...والله ما تسوى ظفر ولا ملمح من ملامحج يا حبيبتي أنت أحلى عنهن كلهن يا بعد قلبي التعبان ..... سالم :والله أنك تعرف تكذب مبارك وهو يضحك ويأشر لسالم علشان يسكت ............ منى: هههه ... يع شهالكلام ما تعرف تغازل ................ مبارك:افاااا الحين أنا ما أعرف أغازل ما عليه يا منى منى :أمزح يا حياتي .... مبارك :على فكرة أنا ملك المغازلة منى:يعني تعترف أنك كلمت قبلي مبارك:فوق ما تتصورين منى:أوكيه ....باجر الاربعاء أجازة مبارك:شو يعني منى:باجر تعال أخطبني من أبوي ... مبارك:هاه شنو منى:ما قلت شيء غلط ...خل علاقتنا رسمية مبارك:مع السلامة ....وسكر في ويه منى مبارك وهو يكلم سالم وراشد: بنات أخر زمن راشد :والله يا مبارك أنك عايش حياتك .........تم مبارك يضحك على سوالف منى ... مبارك:عرفت .. يا راشد تقولي تعال العين مول ليش راشد:لا حشى مبارك:علشان تروح بي كل ساعة محل ... وتقول (((مبارك يقلد منى ))) حبيبي ابا عطر ...خاطري في ساعة ....شو رأيك في هذا الروج والبودرة ..حلوة هذي العباية صح !!!! مبارك:والله أني أعلنت إفلاسي...أ دخل العين مول بوكي فيه 5ولا 6ألف أطلع مافيه الا العشور(10) والخموس(5) تموا سالم وراشد يضحكون على سوالف مبارك مع البنات .................. في بيت بو راشد ........ كان محمد و بو محمد .....بو راشد قاعدين في الصالة .....وعفراء وأم راشد وأم محمد قاعدات في الصالة الداخلية .... محمد:والله يا عمي أنا غلطان في حق عفراء ..... وأن شاء الله فاله طيب باللي تأمرني فيه أنا حاظر.... بو راشد:والله أنك يا محمد ما غلطت في شيء الا النسوان تبين كل أوامرهن منفذه بو محمد:الزمان تغير يا خوي وشوي يصيح بو راشد لعفراء علشان تي في الصالة .... سلمت عفراء وقعدت عدال أبوها ....... بو محمد:يا عفراء أن شاء الله محمد بيسوي اللي تبينه محمد:السموحة يا عفراء .............وأن شاء الله ما يستوي خاطرج الا طيب تعذر محمد لعفراء ووعدها أنه راح يسويلها قسم في الحوش .... أما أم محمد :أتصلت حق اليازية .... اليازية:مرحبا أمي أم محمد:مرحبين اليازية اليازية:علومج أمي أم محمد :اليازية روحي أنتي و خواتج ونظفي قسم محمد كله وعطريه ودخنيه.... اليازية:ليش أمي ...شو مستوي أم محمد:عفراء بتي البيت اليازية:شو فيها عفراء أم محمد خبرت اليازية بالسالفة ....وراحت اليازية وخبرت البنات بالموضوع كله ورحن وسوين اللي قالتلهن أم محمد عليه.... الريم :صدج حنا أغبياء كيف ما لاحظنا أن عفراء زعلانة من محمد العنود:كيف و أنا في نفس البيت ما لاحظت عليها أنها غضبانة..... واذا تكلمن عندي هي وأمي ما طرين السالفة عندي ...... اليازية:سلامة بس من العطر ...بيختنقون سلامة:أحسن خليهم يجددون الحب والغرام الريم:والله وصرنا نتكلم عن الحب لا يكون سلامة تحبين من ورانا سلامة وهي مستحية :يا ليت بس ما لقيت حد يحبني الريم وهي رافعة أيدينها فوق :الله يرزقج اللي في بالج ويرزقني اللي في بالي يا رب اليازية:و أنا والعنود ليش ما تدعيلنا الريم:يوم بتصلين أدعيلج وأدعي للعنود اليازية: أنزين ,,,أخر وحدة تبند الليتات نزلن البنات تحت في الخيمة عند سالم وراشد ومبارك ..... الريم :أنتي دخلي الاول أنا استحي سلامة وهي تغمز :يالله تستحين من منو ... الريم:ما راح أدخل سلامة: أنزين ....الله لا يوفقكن أنا بدخل .. ودخلن البنات عندهم في الخيمة وسلمن وقعدن ..... مبارك:لعبتن بعطور من العنود:حرام عليك حنا نلعب مبارك:ريحتكن عطر ...قولن لعبتن بعطر منو اليازية:عطرنا حجرة محمد وعفراء ....عندك مانع مبارك:ليش رضت عفراء سلامة:اها سالم:ريموه تعالي هني الريم:ما ريد سالم: تعالي ابا أقولج شيء ..... الريم:غصب .. راح سالم وقعد عدال الريم وحبها على خدها !!!! سالم:الريم سامحيني الريم:وخر عني ...ما راح أسامحك حتى يوم القيامة سالم: حرام عليج ...أطلبي وأتمني وأنا بنفذه..... راحت سلامة وشاورت بالريم ..... الريم:لا بايخ ابا شيء ثمين راحت اليازية وشاورت للريم علشان سالم يشتري لاب توب حقها .... الريم:أنتي اللي راح تستفيدين يا قلبي وبعد تفكير عميق ........ الريم :خلاص قررت سالم:شو الريم:لازم تنفذه علشان أسامحك سالم:قولي شو قررتي الريم:قول والله يا سويه سالم:والله يا سويه مبارك: حزن ....لا بارك الله فيج قولي شو تبين الريم:سالم ....قوله لا يدعي عليه سالم:مبارك لا تدعي على ريموه الريم:لا تقول ريموه مبارك:طلعي وشلي البقر عندج !!!! بــــــــــــــرع سلامة:وأنت ليش تحرق أعصابك على الفاضي راشد:خلاص سكتوا ...قولي الريم شو تبين الريم وهي منزلة رأسها :أخاف سالم ما راح توافق مبارك:اذا سالم وافق أنا ما راح أوافق سالم:خلصيني ولا ما راح أوافق الريم:صدج فهاللحظة وقف مبارك وقالهن تطلعن برع .... الريم:والله ما أطلع سالم:الريم قولي بيأذن العشاء الريم وهي مغمضة عيونها : نبي نروح .......... سالم:وين الريم:دبــــــــــــــــــــــــي غدوه ونقعد حتى يوم اليمعة سالم :من عيوني مبارك:لا ما شيء روحه الريم:أنت مالك خص سالم:خلاص باجر بروح كلنا ..................... الريم وسلامة واليازية ميتات من الفرحة يوم بتروحن دبي ... العنود:اه يالقهر وأنا ابا أروح عندكم اليازية:سألي أمج أمكن توافق راحت العنود البيت علشان تتخبر أمها اذا عادي تروح عند قوم سالم أو لا .... العنود:أمي حرام عليج خليني أروح أم راشد :أنا قلت لا يعني لا ما تستحين تروحين عند الريال العنود:قوم اليازية عندي ...عادي عفراء وهي تحط مكياج :فضيحة ...العرب شو راح يقولون .......اذا بيرحون ويرجعون في نفس اليوم عادي بس هم بينمون ليلتين في دبي ............ راحت العنود حجرتها وهي تصيح اللي ما قدرت تقنع أمها بأي طريقة ..... لان أمها ما خلتها تروح دبي عند بنات عمها.. بعد صلاة العشاء يت عفراء عند محمد البيت .......... وكانوا الكل قاعدين في الصالة .......... مبارك :يا مرحبا توه أنور البيت عفراء :منور با هله .............. وراحن البنات وسلمن على عفراء وعقبت راحت عفراء و سلمت على الصغار .... اليازية:و الله ما درينا الا اليوم أنج غضبانة الريم وهي تأشر على محمد: حد يزعل من هذا القمر ... راحت أم محمد وغمزت الريم واليازية علشان تسكتن ....................... صاح تلفون سالم ..........سالم من شاف الرقم طلع برى .. الريم:نفسي أسال سؤال ليش يا مبارك يوم تصيح تلفوناتكم تطلعون برع ........ مبارك:يا حبيبة قلبي ..اذا صاح تلفونه أي ريال و قام من مكانه....... فتأكدي مليون بالمئة أنها بنت .... الريم:يعني أنتم تغازلون مبارك:لا معلوماتج غلط .... تعتبر مجرد صديقة الريم:يعني نحنا لازم يكون عندناboy friends علشان نتعادل في هذي المسألة مبارك وهو يقوم من مكانه :عنلاتج يا الخايسة ...هذا اللي قاصر الريم من شافت مبارك قام راحت تربع صوب الدري ...... مبارك وهو يبطل الدريشة :محمدوه ...ما صار عشاء صار سحور محمدوه معصب :صبر شوي الحين خلاص مبارك:بصبر بشوف أخرتها عندك سالم يرد على شوق .......... سالم :أهليين شوق شوق:هلا قلبي ....أشلونك سالم:الحمد لله شوق:ليش ما اتصلت فيني سالم:مشغول كنت شوق:بشو سالم:شوق انا خبرت مبارك بعلاقتنا شوق:أحسن ...متى راح تي دبي سالم:أن شاء الله باجر ..عندي خواني شوق:ليش خوانك سالم:موعدهم أني أوديهم دبي شوق:مرحبا الساع مبارك وهو يشوف سالم يتكلم في التلفون :يا سالم ....سلم على حبيبة القلب ......سالم وهو يأشر لمبارك من عيوني ..... سالم:شوق مبارك يسلم عليج شوق :الله يسلمك ويسلمه من الشر سالم:أقول حبيبتي البطارية ضعيفة شوق:أوكية مع السلامة سالم:في أمان الله ...... محمد كان يعطي الريم نظرات على الرمسة اللي قالته لمبارك ......والريم كانت خايفة لا يعصب عليها محمد وبعدين يروح لسالم ويقوله ويكنسل الرحلة لدبي ((يسويها ابن اللذين )).... الريم حست أنها قالت كلام ما هو زين قدام خوانها :مبارك سامحني كنت أمزح عندك مبارك:خلاص سامحتج ....بس تعالي فصي ريولي دخل سالم الصالة وقعد يسولف عندهم..... أما الريم قعدت تفص ريول مبارك ............ مبارك:الله يغربلك يا سيف من زمان ما شفته وينه لا يكون مات ... بو محمد:صدقه مبارك هذا الصبي ما يقعد عندنا وايد ... سلامة روحي خبريه يي يتعشى عندنا.. ما شيء عشاء في حجرة التلفزيون من اليوم ورايح ... وراحت سلامة حجرة التلفزيون علشان تقول لسيف يي يتعشى عند قوم أبوة ............ سلامة:سيف يقولك أبوي تعال داخل الصالة ... سيف: ما ابا عشاء خليني ألعب سلامة:أبوي يقولك تعال سيف:برا خليني ألعب زين وراحت سلامة وخبرت أبوها أن سيف ما يريد عشاء ويريد يلعب ... مبارك:أنا بروح له الخايس ... راح مبارك لسيف في حجرة التلفزيون ........ مبارك:سيفوه سكر السوني لا أكسرها فوق رأسك سيف:بلعب هذا الدور وبسكرها راح مبارك وسكر السوني والتلفزيون وقاله يالله قدامي..... راح سيف عند مبارك للصالة وقعد وهو مبرطم ..... أم محمد: كل يوم أقوله ألعب ساعتين ولا ثلاث ساعات في اليوم ما يطيعني بو محمد:سيف دوم تلعب سوني يا ولدي ما هو زين ...قمت من كثر ما تلعب ما نشوفك مرة مبارك:بي ضربك الصرع من السوني أم محمد :بسم الله على ولدي بعد ما خلصوا عشاء تموا قاعدين في الصالة يضحكون ويسولفون ....... فهاللحظة قم محمد وقامت ورآه عفراء ..... مبارك وفيه ضحكه :وين رايحين تو الناس ............. محمد:والله اني تعبان ما نمت الظهر.... مبارك:خلاص عذرتك وراحو محمد وعفراء حجرتهم ...و بو محمد و أم محمد حجرتهم ..... أما الشباب كانت السهرة توها بادية عندهم ......على الساعة 11 نيرة ومنيرة وسيف ناموا ....أما الريم وسلامة ومبارك واليازية وسالم رحوا في الصالة الي فوق علشان ما يزعجون أمهم وأبوهم اللي نايمين ............. كانوا سالم ومبارك منسدحين تحت التلفزيون و يتابعون فلم انجليزي على ال mbc 2 ...... أما الريم واليازية وسلامة قاعدات صف على كرسي طويل ورآهم ...... فهاللحظة طلع في الفلم لقطات وايد جريئة... خلت البنات فتحات ثميهن.. بس مبارك اللي ماسك الريموت ما بدل القناة ,,,,, سلامة:الله يلعن ........ شوفي ريموه شو يسوون .... واليازية كانت ميتة من الضحك على تعليقات الريم .... الريم وهي تمثل أنها معصبة:ايه بدل مبارك ما تستحي تشوف هذا ((تأشر عل التلفزيون )) سالم وهو يضحك :قوية مبارك وهو يضحك :عادي شوفيها اليازية:و فيها ضحكه .... هذا خياس عيب نشوفه مبارك: سكتن مو أنا اللي أدخل صالة سالم وأشوف هذي الأفلام من تحت لتحت .... على بالكن ما أعرف شيء البنات سكتن ما تكلمن لأنهن حسين أن مبارك راح يحرجهن لو تكلمن أكثر في الموضوع .................. ^&^((الجزء الخامس))^&^ الساعة 2 ونص فالليل .... .... كانوا قاعدين يقلبون في القنوات ، بعد ما خلص الفلم اللي على ال mbc 2 ...... وشوي يصيح تلفون مبارك وكانت منى ...... منى :مرحـــــــبا ملايين مبارك:مرحبا الســـــاع .... منى :اشحالك يا حبيبي مبارك:بخير الحمد لله ... منى: وين أنت يا قلبي مبارك:الا في الدار .. منى : أخبارك مبارك: لحظة .....وشل سماعة التلفون بعيد عنه ........و يأشر لسلامة علشان تي عداله... سلامة:شو تبي ..... مبارك :سكتي .....ويوم أقولج تكلمي تكلمي سلامة:أنزين مبارك من بعد ما رجع السماعة : فديـــــــــــــــــــــت روووووحج أنا .... منى كانت مصدومة ....واليازية والريم وسالم كانوا ميتين من الضحك ... مبارك:لا لا لا لا لا ما أصبر عنج .....دخيييييييييييييلج هاتي ايدج ... وكانت سلامة تطالعه بنظرات نقمة ..... مبارك:فديتتتتتها أنا ... منى:مبارك من عندك .......... مبارك تقرب من سلامة وحبها على خدها وهو يسمع منى البوسة :فديت أنا هذا الخد الوردي .... منى :مبـــــــــــــــــارك مبارك:هلا والله منى:من عندك مبارك:شو خصج أنتي منى:تواعد من وراي يالسبــــــــــــــال مبارك:سبال في عينج يا بنت الفقر منى:أنا بنت فقر ما عليه ما شفت يا بروك ؟؟؟؟ مبارك:روحي دوري على غيري يصرف عليج يا بنت الفقر .... منى :الله لا يوفقك مبارك سكر في ويه منى ....وتموا الكل نافقعين من الضحك على سوالف مبارك على الساعة 3الفير راحوا الكل ينامون لانه باجر بيرحون دبي ................. ******************************* أشرقت الشمس على دولة الإمارات،،، و وزعت نورها على كل البلاد .................. مدينة العين ،،، الساعة 12 ونص الظهر ..... الريم:يالله .... الواحد ما يعرف ينام مرتاح حتى في الإجازة ..... سلامة: يا لبقرة ....قومي رتبي أغراضج أمكن بعد الغداء نروح دبي.... ما راح تلحقين .... الريم:طلعي برع لا أخليهم يكنسلون السيرة !!! سلامة: والله دنيا ..... واستولج رأس يا ريموه ..... سلامة سكرت الباب على الريم وراحت .......... ************* راحت سلامة من عند الريم ونزلت تحت عند أمها وعفراء واليازية اللي قاعدات في الصالة .... سلامة وهي تنزل من الدري :صباح الخير .... أم محمد:مرحبا الساع بسلامة اليازية:شو صباح الخير لازم تقولين مساء الخير سلامة:الحين قمت من النوم ....يعني عندي الصبح كيفي .... راحت سلامة وسلمت على أمها وحبتها على رأسها ..... سلامة:اشحالج أمي ....اشحالج عفراء عفراء :بخير الحمد لله .... أم محمد:الحمد لله ....وين ريموه عنج سلامة:نايمة .... أم محمد:حتى الحين ...متى أمس نمتن!!!! سلامة وهي تطالع اليازية :ما أدري أمكن الساعة 1 .... عفراء:قمت الساعة 2 و نص علشان أشرب ماي ... سمعت ضحك مبارك شال الدنيا ..... سلامة واليازية ما تكلمن ...أما أمهن عطتهن محاضرة ..... أم محمد:السهر دوم ما هو زين يا بناتي ..... اليازية:اليوم أجازة عادي لو نسهر حتى الصبح ....... أم محمد:قومي سلامة ..... خلي سالم ومبارك يقومون علشان يلحقون على صلاة الظهر ....... راحت سلامة غرفة مبارك .....................وفتحت باب الحجرة اللي كانت باردة ... وراحت صوب السرير ...... سلامة وهي تضرب بأيدها الفراش :مبارك قوم صلاة الظهر بتفوتك ..... مبارك في سابع نومه ^_^ ..... سلامة وهي تمط الفراش :مبارك أمي تقولك قوم .... انتبه مبارك أن حد فوق رأسه ويمط عنه الفراش ....يوم شاف أنها سلامة قعد يتحرطم ويدعي عليها ........ مبارك:والله يا سلامة اذا ما طلعتي الحين لا أضربج ضرب عمرج ما شفتيه ..... سلامة:الصلاة مبارك:خلاص صليت سلامة:يا لكذوب ...الحين أذن الظهر..... مبارك:طلعي بـــــــــــــــــــــــــــــــــرع ..... طلعت سلامة وهي متغيضة على مبارك(( و تقول في خاطرها يا ويلك الا أنت اذا ما صليت )) ..... راحت سلامة صوب حجرة سالم ,,,,فتحت الباب وراحت صوب السرير ولقت سالم قايم من النوم وهو في الحمام ويوم قدها بتطلع من الحجرة .....شافت تلفون سالم يصيح ........ سلامة راحت تشوف من متصل ....... شافت سلامة في شاشة التلفون {{حــــــــــــــبــــــــــــــــــيــــــــــــب ي يــــــــــــتصـــــــــــــــــــل بـــــــــــــــــــك }} يوم شافت المتصل .... حطت التلفون وطلعت من الحجرة وهي مصدومة ....... راحت سلامة حجرتها وهي تفكر من هي حبيبه سالم ......أمكن العنود .....لا العنود مستحيل تكلم سالم ...........وكان مليون سؤال يدور في رأس سلامة ................. ************************** بعد الغداء الكل محتشر لأنهم بيرحون دبي دار الحي ................. الريم:وين عباتي .......... سلامة:أنا بلابسها حرام عليج ..... الريم:فصلي عباءة حقج ...... فلوس أبوي وايد ..... دخل مبارك عليهن وكان شكله قايم من النوم ..... مبارك:السلام عليكم ما حد رد على سلام مبارك ........ مبارك:حوووووووووووووه ليش ما تردين على سلامي .... الريم انتبهت لمبارك :وعليكم السلام ورحمة الله وبركاته ..... مبارك: وين الغداء ... سلامة :شلوه المطبخ ..... مبارك:لا والله ..... سلامة: والله صدج تشوف قدامك مواعين وصحون ...... مبارك:الحين تروحين تخلين محمدوه يب الغداء في الصالة ..... سلامة :ما فيني توني متسبحة ... و اذا دخلت المطبخ بتصير ريحتي خايسة ..... مبارك:من راح يشم ريحتج ....يالله الحين تروحين .... سلامة مبوزه : أنزين ...................... راحت سلامة وخلت محمدوه يودي الغداء لمبارك في الصالة ......... سلامة وهي على باب المطبخ :محمدوه مبارك يريد غداء في الصالة ..... محمدوه وهو معصب :ليش ما فيه أكل أول سلامة:هو نوم أول .........الحين قوم محمدوه تم يتحرطم بالهندي .......... راحت سلامة ودخلت الصالة........ وهي تتحيال في الريم علشان تلبس عباتها ..................... سلامة: حرام عليج الريم بس اليوم .... الريم:غصب ما أريد .... مبارك وهو يسمع الحوار اللي يدور بين الريم وسلامة ..... مبارك :خليها تلبس عباتج ما بتموتين ...... الريم :كيفي ما أريد .... راحت الريم عنهم .....أما سلامة قعدت تتحرطم................ الساعة 2 ونص الكل في السيارة متوجهين لدبي ............ أم محمد كانت عند باب الصالة :سالم ما وصيك في خوانك ... سالم:لا توصين ...هم في عيوني .... مبارك :الريم ترى سالم بيوديكم حديقة الحيوانات عند خوانكم ..... الريم:أنت الحيوان مكانك في ((zoo)) مو نحنا تم مبارك يضحك عليهم لانهم متزاحمين في السيارة .... سالم وأخوانه(((اليازية والريم و سلامة وسيف ومنير ونيرة ....أما سعيد ما راح لانه صغير)).................................... {{* مسكوا خط من العين لدبي *}} سلامة:ما عندك سالم برق لمع .... سالم:لا والله .... سلامة: أوكية سالم عني أفداك شغل هذا الشريط (وعطته شريط برق مع ) اليازية:سلامة يايبه العدة كلها ...... سلامة:لازم يا حبيبتي .... وشغل سالم الشريط وكان((*&* حسين الجسمي*&*)) برق لمع ..... {{برق لمع في مقلتي والحشى نار ....وأشوف من بين المقادير حدفي .....جاني رسول أخبار من وادع وسار قاسي حروفه ضاقت أحزان وصفي ........ }} الريم :أحب هذا المقطع وهي تغنيه {{ودي بشوفك والزمن يهلك أعمار..... وأخاف عمري ينتهي قبل تلفي }} اليازية:سالم وين بتودينا في دبي سالم:أي مكان تريدونه منيرة:لازم نروح مدينة مدهش .... سالم :من عيوني ضحكت منيرة على رد سالم ....... وصلوا دبي أول شيء راحوا فندق أبراج الإمارات علشان يحجزون جناح لهم ............. سالم:لا تنزلون الإغراض حتى أ حجز .... راح سالم يحجز لهم وهم كانوا يالسين في السيارة ............. نزل سالم من السيارة وراح و دخل الفندق واتجه صوب الاستقبال ........... سالم:السلام عليكم .....:وعليكم السلام ورحمة الله وبركاته سالم:لو سمحتي ابا أحجز عندكم .....:تفضل سالم:ابا جناح ... ......:أوكية ..كم يوم سالم:حتى يوم الجمعة أن شاء الله ... ......:تكرم عينك وحجز سالم وخبر أخوانه علشان ينزلون وهو راح و حط السيارة في البركن ودخلوا الفندق ..... اليازية:هذي الحياة اللي أنا أبيها سفر ورحلات........ مو قعدة في البيت طول السنة ...... الريم وهي تشاور بسلامة:كان نفسي نقعد في برج العرب أحلى وأفخم ... سلامة:وين برج العرب ما يستقبل حملات مثلنا ...... تمن سلامة والريم تضحكن على عمرهن ....وراحوا صوب الجناح اللي حجزه سالم ...... كان الجناح يتألف من 3 غرف و3 حمامات (((الله يعزكم )) وصالة ومطبخ صغير ..... سيف:الله ما أحله ...أحلى من بيتنا نيرة:بالعكس أحلى بيتنا .... وقعدوا حتى بعد ما صلوا العصر .... سالم:هاه خلصتوا..... اليازية:ايوه وراحوا وركبوا السيارة ..... سالم:الحين بنروح مدينة مدهش .... نيرة:الله وناسة ... وراحوا صوب مدينة مدهش........ سيف قعد يلعب بألعاب الالكترونية..... أما نيرة ومنيرة كانن تلعبن عند الشخصيات الكرتونية مثل باربي و سند ريلا وغيرها ...... سلامة:الله محلها هذي المدينة .... الريم:ياليت سعيد عندنا كان لعب من خاطره .... اليازية:تعالن نأخذ أكواب وميدلايات ..... وتمن اليازية والريم وسلامة يأخذن أشياء تذكارية .... أما سالم كان يطالع أخوانه وهم مستا نسين ..... طلعوا من مدينة مدهش بعد ما صلوا المغرب ..... سالم:الحين وين أن شاء الله .... الريم:أنت تعرف أكثر ألاماكن الترفيهية سلامة:خلونا نروح القرية العالمية ...... سالم:أن شاء الله ............. راحوا القرية العالمية وكانوا في الجناح السوري .. وكانن اليازية والريم تأخذن أجبان(الشتورة) ولبنة بأنواعها وزيت الزيتون وغيرها من الأشياء السورية الحلوة .........وشوي يصيح تلفون اليازية ..... اليازية وهي تطلع التلفون من شنطتها ...هذي العنود .... اليازية:آلووووووووووو العنود:أهليين ...اشحالج اليازية:الحمد لله ...علومج العنود:العلوم عندج اليازية:يا ليتج عندنا يالعنود وايد حلوة القرية العالمية تغيرت عن أخر مرة زرنها ... العنود: صدج وين رحتوا بعد ..... اليازية:يوم بنوصل الفندق بتصلبج العنود:أن شاء الله ...مع السلامة اليازية :الله يحفظج يا قلبي وسكرت اليازية عن العنود .............. وبعدين راحوا الجناح الكويتي...... وأشترين الريم وسلامة ....و اليازية اللي أشترت حقها وحق العنود وعفراء ((جلابيات))...... أما سيف اشترى أشرطة وألعاب ........ونيرة ومنيرة اشترين ألعاب ...... طلعوا من القرية العالمية الساعة 9ونص .....وراحوا الفندق... وبعد ما صلوا اتجهوا صوب المطعم وتعشوا وقعدوا يسولفون حتى الساعة 11 فالليل .............. كان يوم 1 /2 يوم الاربعاء وهو نفس اليوم اللي شافت شوق سالم وتعرفت عليه......................... مر على تعرفهم ببعضهم 5 سنين والحين داخلين السنة السادسة .......... ما قدر سالم يمنع نفسه انه ما يتصل بشوق .....واتصل وكانت الساعة 12 وربع فالليل ........... سالم:ألوووووووو شوق:ألووووو سالم:فديييييت راعية هالصوت يا ناس ..... فديتج يا شوق شوق:هلا سالم....اشحالك ربك الا بخير؟؟؟؟؟ سالم:بخير يا قلبي شوق:سالم سالم:عووووووووووونج شوق:تتذكر هاليووووووم؟؟؟ سالم:أنتي تتذكرين !!!! شوق:عمري ما نسيته سالم:والله ؟ شوق:والله؟ سالم:آاااااااااااااااااااااااااااه ....ولهان ؟؟؟ شوق:ههههههههههههههههههههه سالم:فديييييت ظحكتج والله ......................شوق؟؟؟ شوق:لبيه سالم:قولي انج تحبيني .......... شوق:سالم.........أنا ما أحبك بس الا أمووووووووووووووووووووووووووووووووت فيك سالم:فديتج والله .... سالم حس أن شوق فيها شيء مب طبيعي .......... شوق:سالم .......ممكن أطلب منك طلب ...؟؟؟؟؟ سالم:عيوني لج الغالية أأأأأأأأمري ... شوق:سالم....أنا ما أريد تتصلبي مرة ثانية ......لأني مب دايما أكون بروحي عندي (أمي وأبوي)و عشان اقدر أرد عليك ...وبعدين أنا ما أريد أستمر وياااااك على هذا الوضع .... سكت سالم وما قلها شيء ........ سالم: من حقج يا قلبي ....بس يووم تقدرين ممكن ادقيلي..... شوق:من عيوني الغالي .... وين أنته حبيبي سالم:انا في دبي شوق:صدج تمت شوق تكلم سالم أكثر من ساعة وكل خمس دقايق تصيح كل ما تتذكر موقف حصالها او سالفة استوتلها هي وسالم ...... الريم وسلامة راح تنمن في غرفة وحدة .....كانت الريم مسدوحة في الفراش وسلامة تمشط شعرها ...... سلامة:الريم بقولج شيء ...بس قولي والله ما أخبر حد الريم وهي تقوم من الفراش : والله ما أخبر سلامة:ولا تخبرين اليازية ولا العنود الريم:من حبي للعنود علشان أخبارها بأسراري سلامة:اليوم الظهر أمي قالتلي روحي خلي سالم يقوم حق صلاة الظهر .... الريم:ايوه شو صار سلامة:دخلت حجرته ....شافته أنه قام من النوم قمت بطلع ... الريم:يالله حفزتيني أكثر سلامة وهي تضحك :سمعت التلفون يصيح الريم:ايوه سلامة:قمت أطالع الشاشة شفت الريم:شفتي شو سلامة:حبيبي يتصل بك يعني سالم يكلم بنت ويحبها .... الريم:قولي والله .. سلامة:والله العظيم ليش أكذب ... الريم:والله أني فرحانة على قطع العنود .... سلامة:حرام عليج العنود طيبة ... الريم:طيبتها حق نفسها سلامة:نفسي أعرف ليش ما تحبينها الريم:عطية من عند الله ما أدري ... سلامة:تصدقين أن العنود تحبج الريم:لا ما أصدق ...تلحفت الريم بالفراش وقعدت تفكر بكلام سلامة وتقول في خاطرة ليش أنا اكره العنود ..... اليازية نامت عند نيرة ومنيرة ..أما سيف نام عند سالم اللي نزل تحت لانه حس بضيق .............. ************************************************** *********** *&*((في الفندق))*&* الساعة 10 ونص الصبح .... كان الكل نايم ما عدا نيرة ومنيرة وسيف اللي قاموا الساعة 9 وتموا يطالعون التلفزيون ....... نيرة:سيف ....أنا يوعانة سيف:تبيني أنزل تحت يب ريوق .... منيرة:لا تنزل تحت ...سالم قال يلسوا حتى نروح كلنا مع بعض ........ سيف:روحي خلي اليازية تقوم عيل .... منيرة:خلنا نروح كلنا ...... راحت منيرة وسيف ونيرة صوب الغرفة اللي نايمة فيها اليازية ......... راحت منيرة ويلست تعافد وتناقز فوق السرير :اليازية قومي بسج نوم نحن يوعانين .....يوعانين ....يوعانين ..... اليازية بتعب : سالم قام من النوم ..... منيرة:لا بعده نايم اليازية:خلاص طلعوا برع و أول ما يقوم سالم من النوم ...... قوموني راحوا سيف ونيرة ومنيرة في الصالة ينتظرون سالم علشان يقوم من الرقاد .............. على الساعة 11ونص سالم قام من الرقاد تسبح وتعطر ولبس كندورة بيضاء وغترة حمراء وشل تلفونه وطلع من الغرفة..... أما اليازية قامت قبل سالم وراحت تتسبح............... الريم وسلامة نايمات حتى الحين ................ طلع سالم من الغرفة وكان التعب واضح عليه لانه ما نام طول الليل وهو يفكر في علاقته مع شوق ويحاول أنه يحصل على طريقة يقول الحقيقة حق أمه وأبوه{{ أنه هو متزوج }}................................................ .... سالم:السلام عليكم سيف+منيرة+نيرة:وعليكم السلام سالم:..... متى قمتوا من النوم سيف:من الساعة 9 سالم:خيبة حتى الحين ما أكلت ريوق ....... منيرة:لا .... سالم:وين الريم وسلامة واليازية عنكم ..... نيرة:راقدات حتى الحين ............... وراح سالم الغرفة اللي فيها الريم وسلامة ......شغل الليتات ....وراح صوب السرير ......... سالم:سلامة ...حبيبي قومي بسج نوم سلامة كانت تتقلب في السرير ما رضت تقوم من النوم ..... الريم عدالها اللي كانت في سابع نومه ......... سالم:ريموه قومي بنروح المراكز وبنخليج بروحج الريم وهي تفتح عيونه كأنها سمعت شيء :شــــــــــــــــــــــــــــــو !!!! سالم:قومن بسكن نوم الحين الساعة 11 ونص الظهر ...... الريم: أن شاء الله ..... راح سالم من عند قوم الريم.......ويوم كان عدال الغرفة اللي فيها اليازية..... أنفتح الباب....... وكانت اليازية توها طالعه من الحمام مأخذه شاور..... تبا تطلع في الصالة ........ سالم:صباح الخير ... اليازية:صباح النور والسرور ....وراحت وسلمت على سالم ........ اليازية:وين الريم وسلامة سالم:الحين قامن من النوم .... الساعة 12 وربع قعدوا في الصالة وطلبوا ريوق خفيف{{ اللي كان متأخر }} ................... ((ساندويشات جبن ومناقيش وكروسان))........ نسكافية و كابتشينو و عصيرات ........ويلسوا يتريقون......... الريم : سالم فديتك نبا نروح مول الامارات هذا اللي فتحوه قريب ....... سلامة: ربعي راحوا له بس ما أشتروا شيء لانه وايد غالي.... الريم: ما راح نشتري شيء بس نبا أنروح مدينة الثلج اللي صور فيها كاظم الساهر .............. سالم:افاااااااااا عليكن أنتن بس أشرن ويكون عندكن أن شاء الله ......... وكل الي في خاطركن فيه قولن ليه و أنا راح أشتريه راحت سلامة صوب سالم وحبته على خده : مشكور يأخوي ولله لا يحرمنا منك عسى........ قولوا آميـــــــــــــــــــــن الكل:آميـــــــــــــــــــــــــن اليازية: سالم شكلك تعبان ما نمت أمس .......... سالم: ....متغير عليه المكان.... راح سالم و وسيف يصلون صلاة الظهر في المسيد ......أما البنات صلين وتلبسن وقعدن تنتظرنا سالم وسيف ............. الساعة 1ونص الظهر ... راحوا صوب المول اليديد ...كان شكله عجيب وأغلب المحلات لها فروع رئيسية في لندن ..... اليازية:الله ......عجيب هذا المول ..... الريم:ياليتنا دوم نروح دبي .... سلامة:خلاص أنا بتزوج واحد من هل دبي علشان يوديني كل يوم مول وسنتر .... الريم: أنا عندج ان شاء الله .... قعدن البنات يسولفون عن المول ..... وبعدها راحوا صوب مدينة الثلج ولبسوا الملابس الشتوية ...... ودخلوا وكانت المدينة وايد باردة ما تقول في الامارات تقول في روسيا من شدة البرد ....يلسوا فيها حتى العصر. ...... العصر راح سالم علشان يصلي الا انه تأخر على أخوانه ............... الريم:والله أنا خايفة الحين كمل ساعة من راح ؟؟؟ وسالم ما وصل ..... سلامة:اتصلي عليه ممكن يرد ..... اليازية ووهي تتصل لسالم الا انه ما يرد.............. اليازية:ما يرد عليه شو أسوي الحين سلامة:اتصلي حق أمي وخبريها ..... الريم:لا يا غبية ....أن شاء الله الحين بايي... وقعدن بعد ربع ساعة دق سالم لليازية ..... اليازية وهي تشوف الرقم هذا سالم ........ اليازية:آلوووووووو سالم:أهليين ....اليازية اليازية:وين أنت ساعة صار لي.... و أنا تصل عليك ما ترد .... سالم:كنت شوي مشغول خلاص الحين أن شاء الله بكون عندكم ... اليازية:يالله ننتظرك .............. طلعوا من المول وراحو صوب مطعم علشان يتغدون لانه يحسون بجوع فظيع ............. *((في السيارة ))* سالم:حلو الغداء سيف:فنان أكلهم .. سالم:أكلهم وايد حلو كل ما أروح دبي لازم أكل عندهم ............. الريم:سالم ...أشوف كرتون هدية حق منو .... سالم:تتوقعين حق منو الريم: صدج قول حق منو والله قطعت قلبي .... سالم:حاولي أنج تعرفين .... سلامة:أكيد حقي سالم وهو يفكر :لا سلامة:خسارة عيل حق منو منيرة:حقي أنا سالم:لا يا قلبي نيرة:أكيد لي سالم وهو يضحك: لا الريم:لسيف سالم:لا الريم: هذي الهدية لي أو لليازية سالم :اختاري الريم وهي تفكر :حق اليازية متأكده مليون بالميه .............. سالم يضحك وهو يطالع اليازية من المنظرة :ايوه اليازية:قول ولله سالم:والله العظيم اليازية :لاب توب سالم:أهــــــــــــاه اليازية من سمعت أنه أشترى حقها لاب توب راحت وحبته على خده بقوا :مشكور الله لا يحرمني منك ..... سالم:خلاص فكيني تراني بدعم الريم و هي تمط اليازية: نحن ما نبا نموت............ اليازية كانت بتموت من الفرحة :سالم حبيبي ركبت فيه برامج ....... سالم :أكيد وبعد خليتهم يحطون فيه أغاني وايد حقج ................. اليازية:مشكور يا بعد عمري الريم بغيض :خلاص سكتي ... حشرتينا بالكمبيوتر ..... سالم يوم سمع الريم تتكلم بهذي الطريقة حس أنها مستغيرة من اليازية ............... سالم:الريم زعلانة الريم:لا ليش أزعل ... سالم:ريموه شوفي تحت السيت كيس فيها هدية حقج الريم من سمعت هدية نزلت رأسها وقعدت تدور عليها .... الريم:وأخيرا حصلت عليها ..... فتحت الريم الكيس وحصلت فيه تلفون نوكيا يديد وظرف فيه الرقم ...... |
الريم من شافت التلفون مثلت أنها مغمي عليها ...... الريم:عني أفداك يا شيخ الشباب ... و راحت الريم وحبت سالم على خده وفوق رأسه .... سالم:خلاص بتكسرين رقبتي .... الريم وهي تقعد مكانه عني أفداء رقبتك ............. سلامة تتنظر سالم يقوله هديتج تحت شيء الا أنه ما كلمها .......... سلامة:حوووووووووه وأنا وين هديتي سالم:تصدقين يا سلامة دورت حقج هدية ما لقيت .... سلامة نزلت رأسها وسكتت ..... نزلوا من السيارة وراحوا صوب أبراج الامارات اللي فيهن المحلات وأول ما دخلوا قال سالم لسلامة تي و عطها 3 ألف درهم (كريم) ... سلامة:والله ما أخذهن سالم:خذيهن ولا بزعل منج .... سلامة:حرام سالم وايد خسرناك .... سالم :أنا مواعدكم بهذا الشيء وخذت سلامة الفلوس وراحوا صوب محل *((ماي فر ليدي mf ))* وفصلن كل وحدة عباتين طقم مع شيلة...... وفصلت اليازية حق العنود ودفع سالم عربون وراحوا صوب محل الألعاب واشتروا منيرة ونيرة وايد ألعاب حقهن وحق سعيد أما سيف أشترى كل اللي نفسه فيه من شرايط وغيرها من الألعاب الالكترونية .............. *************************** عقب صلاة العشاء أتصل مبارك حق سالم ....... مبارك:ألووووووووو سالم:أهليين .......مبارك مبارك:مرحبا مليون .... سالم: اشحالك ....... مبارك:بخير الحمد لله .... سالم:علومك ... مبارك:العلوم و الأخبار عندك يا بو غنيم .... سالم:والله ما عندي أخبار من مول لمول ومن سنتر لسنتر .... مبارك:بطـــــــــــران أنت ..عندك الفلوس ورايح تعقهن في دبي .... سالم وهو يضحك :حرام عليك خلنا نحللهن شوي .... مبارك:حللهن عليه أنا مفلس على الاخر .... سالم:حللتهن على خواتي مو مثلك على بنات الناس مبارك:الله يسامحك ..... وتموا يسولفون ربع ساعة وبعدين كلم أمه شويه اللي قعدت توصيه على خواته وسيف وسكر عنهم ........راحوا كلهم للفندق .....وارتاحوا وبعدين نزلوا تحت علشان يتعشون ..... الساعة 10ونص تموا يالسين في الجناح ما لهم ...... وشوي صاح تلفون سالم وشاف أن المتصل شوق وراح صوب الحجرة الي هو ينام فيها مع سيف ........... ردت شوق وهي تصيح ما قدرت تتكلم ............ سالم:ألوووووووو.....شوق حبيبتي ليش تبكين .. شوق :وين أنت لازم أشوفك سالم وهو متروع :أنا في الفندق .... شوق :خلاص أنت تعال في فندق برج العرب في الطابق 23 جناح 2 بسرعة سالم ... سالم:أوكية ...دقايق وأكون عندج .. طلع سالم من الحجرة ولقي أخوانه يالسين في الصالة يطالعون التلفزيون ....أما اليازية وسلامة قاعدات على الكمبيوتر والريم تعابل تلفونها ........ سالم وهو مستعجل :اليازية أنا بطلع سكروا عليكم الباب زين....... وأن شاء الله بيننا التلفون اليازية:ليش وين رايح سالم:واحد من الربع تعبان وبروح أطمئن عليه اليازية:الله يحفظك وراح سالم مسرع بسيارته صوب الفندق .....دخل الفندق وخبر الاستقبال أنه طالع حق زوجته الطابق 23 جناح 2 ..... طلع سالم في الفت وراح صوب الجناح اللي قاعدة فيه شوق ............دق الباب ...فتحت له شوق و كان ويها أحمر وعيونها متورمات من كثر البكاء وحمر ................. دخل سالم وسكر وراءه الباب ....... سالم:بسم الله عليج حبيبتي شو بلاج ؟؟؟.... شوق أول ما شافت سالم راحت وطاحت في حضنه وهي تبكي من خاطرها .......سالم قعد يمسح على رأسها ويهديها ...... وبعدين راح خلاها تريح على السرير...... وراح يب حقها كوب ماء ...... سالم:مسكي حبيبي شربي الماء علشان تهدين .... و شوي هدت شوق وقعدت تمسح دموعها .... سالم:شو فيج حبيبتي ..... شوق:أنا خايفة سالم ... سالم:من منو .. شوق :من الكل ....من أبوي ..أمي الكل وتمت تصيح سالم:أنا عندج يا قلبي لا تخافين ....راح سالم وتم يحضن شوق علشان يحسسها أنه موجود معها ........ سالم وخر عن شوق علشان يفهم الموضوع ..... سالم:شوق تراج خوفتيني شو صاير ؟؟؟؟؟ شوق:أخاف أقولك وتعصب ... سالم:شو قولي خوفتيني و الله شوق :أنا سالم:شو أنتي شوق:أنا سالم:لا تقولين لي حامل ... شوق:لا سالم:عيل شو يا بنت الحلال .. شوق وهي تنسدح في الفراش وتبكي :ما أقدر أقولك ..... سالم:ما تقدرين تقولين شو ........... شوق ما كانت ترد على أساله سالم لانه كانت تحس بأنها راح تموت اذا قالتها ............................. وشوي يصيح تلفون سالم وكانت اليازية بتسأله متى راح يي ....بس سالم من شاف الرقم أغلق تلفونه ............ سالم قام من مكانه وتم يطالع البحر من الدريشة ويسأل شو مخبيه عليها شوق يا ترى .................... ************************************************** ** مرت ربع ساعة وكان السكون والصمت بين(( سالم وشوق)) ..... و كان منتشر في كل الغرفة الحزن والسكون و صوت بكاء شوق اللي يقطع قلب سالم ........ سالم كان يطالع البحر من الدريشة ويفكر في حال شوق شو وراء كل هذي الدموع ........ وشوق تبكي على الوضع اللي راح تنحط فيه قدام سالم ....... راح سالم وقعد على ركبه ..... قدام السرير وتم يمسح على شعر شوق ...... اللي كانت حتى الحين تبكي في الفراش ... قصد سالم لشوق .......... ما أنت رايق فيك شيء ومتضايق ما أنت في طبعك ولا هذا مزاجه التفت لي شوي محتاج لدقايق أنا ما صدقت أشوفك ونتواجه ودي أطفي بشوفتك نار الحرايق ودي أنسى بك ردى الحظ وعجاجه عش معي في فرحتي و أنسى الخلايق وأسمع لرعشة خفوقي واحتجاجه عل ما بينك وبين الما عوا يق من رحيق أزهار روضي وابتهاجه ليه تخفي يا بعد روحي الحقايق يسألك قلبي دخيلك بس ناجه وين عني شارد النظرة توايق ما أنت في حال الظلام ولا سراجه آه يا حلوك عليك الحزن لا يـــــــــق يا عسى ربي يعــــــــجل با نفراجه .................................................. .......... شوق رفعت رأسها يوم سمعت سالم يقصد لها... كان شكل شوق غير..... باين عليها التعب والحزن عيونها حمر ومنتفخة وكان سواد خفيف حول عيونها ........ أما سالم كان يطالع شوق ويقول في خاطره أكيد شوق تمر بمرحلة صعبة خلتها تسوي في نفسها جذي ..... فهاللحظة كانت عيون شوق وسالم هي اللي تتكلم ........... وشوي قام سالم من مكانه وراح صوب شوق وقعد عدالها .......... سالم:شوق خبريني بالموضوع أنا لازم أعرف شو فيج ..... شوق وتنزل الدمع من عينها :سالم أنت تحبني !!!! سالم:شو علاقة هذا السؤال بالموضوع ...؟؟؟؟ شوق بحزن:يعني ما تحبني سالم بعصبية :يا شوق تدرين أني اموووووت فيج ....وصابر على وضعنا لأني أحبج .... شوق: أنا خلاص يا سالم بموت ...ما أقدر أستحمل أكثر من جذي سالم:تستحملين على شو شوق:تعبت والله أني تعبت سالم:من شو ليش تتكلمين بالألغاز ... شوق:ليش ما حاولت أنك تكلم أبوي بعلاقتنا سالم :وأنت خليتيني أشوف أبوج علشان أكلمه ... شوق:أدري أني غلطانة ....بس سالم:بس ...شو شوق وهي تصيح :أبوي حدد مستقبلي مع ريال ثاني.....الاسبوع الجاي زواجي!!!!!!! .......... سالم كان معصب ..و قبض شوق من أيدينها بقوا :أنت شو تقولين شوق وهي تبكي :ابوي راح يزوجني الاسبوع الجاي سالم:و أنا وين رحت شوق:ما أدري سالم:أبوج أخذ رايج في الموضوع شوق:قال أنه مو مهم رأيي .....وقال أنه ريال يستهلني سالم:شو مو مهم أنت اللي راح تتزوجين مو أبوج... شوق كانت ساكتة أما سالم مصدوم مو عارف شو راح يقول لاهله اذا عرفوا بالموضوع ...أو كيف يتقبل فكرة أن شوق لإنسان ثاني مو أنا ...... سالم:من هو شوق:منو سالم:اللي راح تتزوجينه شوق:واحد من ربع أبوي رجل أعمال كبير سالم:قالج كم عمره شوق:ايوه سالم:كم شوق:29 سنة سالم: ريال كبير ....من وين هو شوق:من هل دبي .. سالم ماسك على رأسه :لا حول ولا قوة الا بالله .... شوق:الحل شو يا سالم سالم:قالتلج خليني أقابل أبوج بس أنتي اللي رفضتي شوق:بس أنا على ذمتك الحين سالم:أدري أنج على ذمتي ........ بس من راح يصدقج أني أنا ريلج .... أبوج وأهلي ما يدرون بالموضوع واذا دروا ما راح يصدقون ... شوق:بس عندنا ورقة الزواج ... وأنا بالشرع زوجتك سالم:أنا أدري أنج زوجتي بس أبوج اذا درى راح يذبحج تدرين .... قعدوا شوق وسالم يدورون على حل للمشكلة اللي ما توقعوا أنها راح تصير ........ الساعة 1ونص اليازية:والله أني خايفة عليه ليش مغلق تلفونه أمكن صار له شيء ..... الريم: لا أن شاء الله ما فيه شر .....أمكن تلفونه ما فيه بطارية سلامة:صح ممكن مافيه بطارية ليش تخوفينا عليه ..... قعدن اليازية والريم وسلامة يتصلن في سالم بس كان مغلق .............. وشوي صاح التلفون اضطر سالم يفتح تلفونه علشان ما يخوف خواته عليه .......... اليازية:ألووووووووو سالم:ألووووووووو اليازية:حرام عليك سالم ليش مغلق تلفونك والله خوفتنا عليك ..... سالم:لا مافيني شر ...بس ما شيء أرسل عندي وغلقت التلفون اليازية:الحمد لله ...متى راح تي .. سالم:والله ما أدري بس يمكن أتأخر أنتوا ناموا ........... اليازية:أن شاء الله بس لا تتأخر سالم:أن شاء الله اليازية :مع السلامة سالم:الله يحفظج......... سكر سالم عن اليازية وهو خايف و متلوم على خواته ....... ........................................... شوق كانت مضايقة على أبوها لانه جبرها أنها تتزوج من إنسان ما شفته في حياتها الا اليوم ....... إما سالم كان يدور على حل بس ما حصل................ طلع سالم من الحجرة وراح صوب الصالة وانسدح على الكرسي وهو يفكر شو الحل .......... سالم كان يقول في خاطره :أنا بتصل بمبارك بشاوره في الموضوع لانه هو الوحيد اللي يدري بسالفتي مع شوق .... صاح التلفون ورد مبارك :ألوووووووو سالم بتعب:ألووووو مبارك:أهليين سالم ....علومك سالم:مرحبا مبارك ....ما عندي علوم مبارك:توقعتك نايم سالم:وين نايم الله يسامحك مبارك:افاااااا شو في خاطرك يا بو غنيم سالم خبر مبارك بسالفة كلها ........ سالم:شو تقول يا مبارك مبارك:والله ما أدري يا سالم ..... سالم:أخاف أواجهه أبوها بعدين تطيح شوق في مشاكل وأكون أنا السبب مبارك:وأمي اذا درت راح تموت سالم:لا أن شاء الله مبارك :بس هذا هو الواقع أمي تباك للعنود ...واذا ما طعت شورها راح تزعل منك ......... سالم:استغفر الله والحل شو في خاطرك مبارك:تبي رأيي سالم:أكيد مبارك:بس لا تزعل من الحق سالم:شو مبارك:إنكم تفترقون سالم:شو يعني مبارك:أن كل واحد يشوف طريقه سالم:بس نحنا متزوجين مبارك:عادي المتزوجين يفترقون سالم:مبارك شو تقول أنا وشوق نحب بعض لازم نستمر مع بعض ..... مبارك:بس لازم تضحون سالم:على حساب أنفسنا مبارك:اذا تبي مشاكل ......كيفك سالم:لا مابي مشاكل مبارك: خلاص طلق شوق وخلها تتزوج من الشخص اللي تستحقه في رأي أهلها سالم:ما عندك حلول غير هذي مبارك:هذا للي عندي ....وين هي الحين سالم:في الغرفة قاعدة تصيح ..... مبارك:خلني أكلمها سالم:شو راح تقولها مبارك:ما راح أقولها غير صدج راح سالم وقعد عدال شوق ..... شوق:شو سالم:هذا مبارك يريد يكلمج ... خذت شوق السماعة من عند سالم ..... شوق:ألووووو مبارك:هلا وغلا بشوق شوق:أهليين مبارك اشحالك مبارك:يسرج الحال ...شوق ترى أنا الوحيد اللي أدري بعلاقتج مع سالم ..وأدري أنكم الحين أنتوا تمرون أصعب اللحظات .. شوق:شو الحل في رأيك يا مبارك .... مبارك:راح أقولج بالحقيقة و ما راح أكذب .. شوق :تفضل مبارك: أنتي أبوج أجبرج أنج راح تأخذين أنسان ما تحبينه .....وسالم أمي تريده يتزوج ببنت عمي العنود ......كلكم تحت سيطرة أهلكم .... شوق:ما فهمت شو قصدك مبارك:تبين الصراحة شوق:ايوه مبارك:كل واحد منكم يشوف طريقه شوق:لا حرام عليك مبارك .... مبارك:هذا هو الواقع ...... شوق وهي تصيح :بس أنا أحب سالم ما راح أقدر أنساه مبارك:بس أهلج اذا دروا بالسالفة انج متزوجة من ورآهم راح يتفاهمون عندج بطريقة ثانية ..... شوق:يعني شنو مبارك:الطلاق هو الحل شوق : وسالم راضي على موضوع الطلاق ...... مبارك:سالم راح يضحي بسعادته علشان يشو فج حية ولا تموتين على أيد أهلج ..... شوق:والله ظلم مبارك:سمعي نصيحتي راح تعيشون في قهر وظلم اذا أعلنتم زواجكم .......... ممكن أمي تزعل من سالم طول العمر وما راح ترضى عليه ....وأنتي أمج وأبوج راح يزعلون من بنتهم الوحيدة اللي عصتهم وتزوجت من ورآهم...... شوق :أوكية مع السلامة مبارك :فكروا في الموضوع زين قبل ما تأخذون قراركم ......الله يوفقكم شوق:مع السلامة ..... شوق كملت صياحها وسالم راح ورد يتصل لمبارك علشان يكلمه في الموضوع ......................... ************ وشوي صاح تلفون شوق وكان أبوها ............... شوق ترددت في أنها ترد أو لا بس هي ردت علشان ما يحس أبوها بشيء .....سالم من سمع تلفون شوق يصيح راح صوبها شوق وهي تمسح دموعها هذا أبوي ...... سالم :ردي عليه .... ويرد سالم يكلم مبارك :مبارك بخليك الحين و بكلمك بعدين .. مبارك:اوكية مع السلامة ردت شوق على اتصال أبوها :ألوووووووو بو شوق:أهليين بالعروس الحلوة ... شوق:أهليين أبوي بو شوق :وين حبيبتي شوق:عند ربعي .... بو شوق:حبيبتي أن شاء راح تسافرين باريس مع أمج بعد يومين علشان تأخذين أغراض العرس ... شوق:بس أبوي العرس بسرعة ما يقدر يأخره شوي ... ... بو شوق: لا يا حبيبتي .... تدرين هو ورآه سفر لأمريكا لازم يكون هناك بعد أسبوعين .... شوق:بس بو شوق يقاطعها :اذا تبين رضاي أنا وأمج عليج لازم تتزوجينه ...أما اذا رافضته فأنسي أني كنت أبوج في يوم من الأيام شوق وهي تصيح :أبوي ....حرام لا تقول جذي بو شوق:خلاص أستعدي للعرس ...أبي أشوفج أحلى عروس في العالم شوق وهي طالع سالم وتنزل دمعتها :أن شاء الله بو شوق:أمج تبا تكلمج .... شوق:أوكية أم شوق:هلا قلبي ....أشلونج شوق:الحمد لله أم شوق:ألف مبروك يا شوق ....... شوق ما ردت على أمها وكانت تحس بأنها راح تختنق لو فكرت أنها خلاص للريال ثاني غير سالم ..... أم شوق:يا حبيبتي ....هذا الانسان اللي أنتي تستحقينه.... ريال عنده الخير وطيب ومتفاهم ويعرف أبوج عدل فلا تخافين .... شوق:ليش يمه ما أخذتوا رأيي ..... أم شوق: الريال ما فيه عيب كامل والكمال لله يا بنتي ليش ترفضينه ............. شوق:خلاص يمه أنا تعبانة بكلمج باجر أم شوق:ما راح تنامين في البيت شوق:لا أم شوق:عيب يا بنتي منصور شو راح يقول اذا عرف انج تنامين برع البيت شوق:من الحين بيتحكم فيه أمي .... يالله مع السلامة أم شوق:في أمان الله ........ سكرت شوق عن أمها وكان قلبه يتقطع لانه حست خلاص .... سالم بيكون ذكرى في حياتها .....أما سالم كان يطالع شوق بنظرة حزن وخوف من اللي ياي .... راحت شوق وتمت تطالع من الدريشة على البحر وتقول أنه هذا أخر يوم تشوف فيه توأم روحها((سالم)) ... سالم كان يطالع شوق بنظرة حزن وانكسار .......... وشوي راح عدال شوق وحط أيده على كتفها ..................... سالم: خلاص يا شوق اللي بيننا بيصير ذكرى .... شوق وهي تلتفت لسالم وحطت أيدها على ثمه :لا تقول جذي يا سالم أنا أحبك وراح أظل طول عمري أحبك ..... راح سالم وحضن شوق اللي سكرت عيونها ودموعها سايله على خدها تحكي حزنها ومعانتها .............. قضوا سالم وشوق أمسية رومانسية غير عن كل الأمسيات كان فيها عتاب وحزن من الفراق ودموع وخيبة أمل .... ************************************************** **** *&*((الجزء الثامن ))*&* اليمعة الساعة 10 ونص .....سالم في الفراش نايم لانه له ليلتين ما نام زين ....أما شوق ما نامت طول الليل و كانت تطالع سالم يوم هو نايم ......... فهاللحظة صاح تلفون سالم وكانت سلامة ....... سلامة وهي تكلم الريم :والله خايفة عليه ما نام عند سيف أمس أمكن صار فيه شيء ... الريم:أن شاء الله ما فيه الا الخير .... اليازية:أن شاء الله ... أما شوق كانت تطالع الرقم في الشاشة التلفون وتقول ما لي حق أرد عليه ........ شوق :سالم ...حبيبي تلفونك يرن ... سالم وهو راقد :امممممممممممممم... شوق:حبيبي تلفونك يرن أكيد حد من خواتك خايفة عليك ... سالم مد أيده علشان يأخذ التلفون من شوق ورد على التلفون ........ سالم بتعب وحزن :ألووووو .. سلامة:ألووووو وأخيرا رديت علينا !!! سالم وهو يقوم من الفراش :هلا سلامة ..... سلامة: وين أنت سالم:عند واحد من الربع .... سلامة:وين نمت والله كنا خايفين عليك ... سالم:عند خويي سعيد كان وايد تعبان ويلست عنده ..... سلامة حست أن سالم يكذب عليها ..... سلامة:أوكية متى راح تي عندنا ...... سالم: أن شاء الله بعد شوي أنتوا رتبوا أغراضكم .... سلامة:أوكيه مع السلامة سالم:في أمان الله ..... سكر سالم عن سلامة وراح الحمام علشان يأخذ شاور .....أما شوق كانت يالسة في مكانه ما تحركت ......... ((في فندق أبراج الأمارات )) الريم :قسم بالله أن سالم فيه شيء ...... اليازية نيتها صافية :حرام قال واحد من ربعه تعبان ويلس عنده لا تشكين فيه .... سلامة:يعني الحين بنروح العين .....توها الساعة 10 ونص ...... الريم:صدج نبا نروح سيتي سنتر .... اليازية:والله اني متلومة في سالم ما أشترى لحقه شيء ... سلامة:الريم لا تشرطين على سالم ...(وتحكي الريم)نبي نروح سيتي سنتر الريم:أنا ما قلت شيء سلامة:خلاص اذا قال وين تريدون تروحون لا تتكلمين ... الريم:أنزين سالم توه طالع من الحمام وشاف شوق يالسة على الكرسي ......راح سالم ويلس على ركبه قدام شوق ....شوق من شافت سالم مقبل عليها حولت نظرتها للاتجاة الثاني ....... مسك سالم أيدين شوق:أممممممممممممم ما أشتقتيلي ... شوق حست أنها ما تقدر تتقبل فكرة أن سالم بيروح عنها ويظل ذكرى في حياتها ....الا انها كانت يوم تشوف سالم تحاول أنها تكابر على حزنها شوي ................ شوق:لا سالم :متأكدة شوق تهز رأسها وتقول بحزن :هيه سالم:أنزين ممكن ترفعين رأسج وأشوف عيونج الحلوة شوي ..... شوق:ليش سالم:لانه لسانج جذاب .....وعيونج ما تكذبن عليه .....صادقات شوق:شدراك سالم وهو يرفع رأسها :أعرف شوق وهي تطالعه برتباك وعيونه فيهن دموع :أنزين الحين شو تبي ........... طاحت الدموع من عيون شوق ... راح سالم مسح دموع شوق بأيده ..... شوق أطالع ويه سالم بتمعن و كأنها تحاول تشبع عيونها من ويهه حبيبها سالم ..........صدج راح أشتاق لهذا الإنسان....واشتاق لكل شيء فيه جماله.... قلبه الطيب وضحكته ...... ولا اراديا دمعت عيون شوق .............. سالم وهو يلوي عليها :ليش تصيحين حبيبتي .........كله ولا دموعج ((وضمها بقوا وحبها على شعرها ))..... شوق :ما أتصور أني بفقدك ....و انك بتختفي من حياتي ............ سالم:ما راح أنساج مدامني حي أنت الحب الأول والأخير في حياتي ..... شوق تحط رأسها على صدره :أحبك يا بعد عمري وهلي ..... سالم:القدر كان أقوى منا يا شوق .............. شوق وهي تصيح :كان حلمي أنه ..... أنا وانت نتوج حبنا بزواج الرسمي قدام العالم كله ..... سالم :شوق سامحيني بس لازم أنا أقولها شوق وهي تحط أيده على ثمها :لا بلــــــــــــــــيز لا تقولها !!! سالم:لازم أقولها يا شوق سامحيني ..... شوق تمت تصيح من الخاطر ما كنت تريد تنحط في هذا الموقف قدام سالم بالذات .... سالم و قلبه يتقطع : سامحيني يا شوق أنتي طالق ...... سالم :................ (( طالق )) سالم :............. ((طالق )) شوق ما استوعبت وتمت تصارخ وتبكي من خاطرها يلس سالم يهديها ويحاول يقنعها أنه سوا هذا الشيء علشان سعادة أهلها وأهلة وراضهم عليهم ..... سالم شل تلفونه وقام بيطلع من عند شوق.............. بيطلع من حياتها خلاص ماراح يكونون مثل الاول ... سالم :شوق أن شاء الله ورقة الطلاق بتكون عندج خلال اليومين المقبلة ....والله يسعدج ويهنيج عند منصور أن شاء الله ... راح سالم وحب شوق فوق رأسها :ألف ألف ألف مبــــــــــــــــــــــــــــروك .................. طلع سالم من الفندق وكان قلبه يتقطع لانه ترك شوق منهارة وتحت تأثير الصدمة من خبر الطلاق .......... كان شكل سالم تعبان وحالته نفسية ما تسر حد ....ركب السيارة وحط رأسه على سكان السيارة علشان يهدي عمره .... وشوي صاح تلفون سالم وكانت شوق ما رد على اتصاله كان يحاول أنه يكابر على حزنه ................... اسمع الهاتف ورناته.......... عارفنه من جدى خلي ......... بس ما جاوب ع أصواته ......... لين خلقه يظيج ويملي ........... عمد سكرت اتصالاته ............ قال قلبي خله يولي ............... يوم عنك ابعد مسافته ......... خل نفسك فوق متعلي ........ اتصل سالم حق اليازية علشان يسألها أنهم خلصوا ...... سالم:ألوووووووو اليازية:أهليين سالم .... سالم:مرحبا اليازية علومج اليازية:ما شيء علوم وين أنت ..... سالم:الحين الساعة 12 وربع بروح المسيد علشان ألحق على الصلاة ......وخلي سيف ينزل تحت اليازية:ان شاء الله سالم:مع السلامة اليازية:الله يحفظك ......... راح سالم صوب الفندق وخذ عنده سيف راحوا يصلون صلاة اليمعة ....... في الفندق ...... صاح تلفون اليازية وكانت أمها ........ اليازية:ألوووووو أم محمد:مرحبا اليازية اشحالج اليازية :الحمد لله واشحالكم أنتوا...... أم محمد: بخير ...علوم أخوانج عساهم بخير اليازية:الحمد لله بخير ومستأنسين.... أم محمد: وين سالم ما يرد على تلفونه من أمس اليازية:ما أدري عنه .....أمكن ما فيه بطارية أو ضعيف الإرسال أم محمد:هو الحين عندج اليازية:لا راح هو سيف يصلون في المسيد ..... أم محمد:لا يكون خلاكم بروحكم في الفندق اليازية مرتبكة :لا ما فرقنا .... أم محمد:يا حيه ...اليازية ما أوصيج على أخوانج.... اليازية:أن شاء الله أمي ..... أم محمد:خلي سالم يكلمني يوم يرد .... اليازية:أن شاء الله أم محمد: مع السلامة اليازية :في أمان الله سكرت اليازية من أمها .......... صلوا سالم وسيف صلاة اليمعة وراحوا صوب الفندق .............. سالم داخل الصالة ......... سالم:السلام عليكم سلامة:مرحبا مليون وراحت الريم واليازية وسلامة ونيرة ومنيرة سلمن على سالم ........ الريم:اشحالك سالم سالم:بخير الحمد لله اليازية:أمي اتصلت تسأل ليش مغلق تلفونك من أمس وهي تتصل عليك ....راح سالم وطلع تلفونه علشان يفتحه .......... منيرة: الحين بنروح العين ...... سالم: افاااا ...بنتغدى وبعدين بروح البحر أن شاء الله ...... سلامة:يا سلام بنروح البحر سالم:يالله نزلوا أغراضكم علشان نتغدى ....... نزلوا كلهم تحت عند الاستقبال ... وراح سالم ودفع حساب الفندق وراحوا صوب المطعم الهندي ويلسوا وتغدوا وطلعوا من المطعم الساعة 3 الظهر ..................... راحوا صوب البحر كان الجو رهيب وتموا سيف ونيرة ومنيرة يلعبون عدال البحر ويسوون بيوت بالرمل .......أما البنات قاعدات تشوفن البحر من بعيد لبعيد ............ وسالم كان يالس بروحه قدام البحر ويتأمله وهو قلبه وروحه عند شوق يسأل هل هي في الفندق أو راحت البيت ... ويقول في خاطرة: كيف بقدر أعيش من دون قلبي وعيني بس الله يصبرني على فراقج يا شوق والله يسعدج ..... راحت سلامة عند سالم وهي تفكر ليش شكله وايد تعبان أكيد صاير له شيء ....................... سلامة وهي توقف عدال سالم:ممكن أقعد معاك سالم:افاااا عليج ....تفضلي ... سلامة:شو فيك سالم ليش شكلك مضايق ... سالم وهو يضحك :سلامتج يا شيخة الحلوات ....تعبان لأني ما نمت أمس زين ..... سلامة:اهاه ....أن شاء الله بتعوض اليوم ..... سالم:أن شاء الله ...... يلسوا عند البحر حتى وقت الغروب ... فهاللحظة ......كان سالم يحس بحزن لانه أخر مرة كان عند شوق في هذا المكان وفي نفس الوقت ((وقت الغروب )).... سالم:يالله خلونا نروح ... الريم :حرام خلنا نشوف الغروب وايد حلو ..... سالم:ورانا خط ...ولازم نوصل من وقت لان عليكم دراسة ..... اليازية:يالله قومي الريم ... ركبوا السيارة ومسكوا خط من دبي للعين ....... وكان الكل ساكت............................ راح سالم وشغل الراديو وكانوا حاطين أغنية حمد العامري((أعذار)) ............. {{ليتني عرفتك بأول العمر بدري..... و شبعت عيني بنظر من محياك .... نادم على اللي راح من وقت عمري .... اللي قضيته دون صوتك ونجواك....... أشقيتني بمعانقة حب عذري ...... ليت الخيال اللي يلمك معي جاءك ....... الوقت يتحكم بعذرك وعذري ........ والشوق لي خذني بعشقتك وداك .......... أمسي وتفكيري مع الشوق يسري ........ يسري إلى جده متيم بروياك .................. أشغلتني و أشغلت قلبي وفكري............... ولا أشوف فوق الكون غيرك ولا ألقاك ....... أحيا وأعيش العمر.. والعمر يجري ........... وأن كان فوقه عمر عشته برجواك........... زاد الغرام وفاض في الحب نهري ......... أضما الضماير وأمدح الزين وأسقاك .......... تدري ولو ما تنظر الحال تدري ............. أن الهوى وأن طوال البعد هلاك ........... ليتني عرفتك بأول العمر بدري ...... وشبعت عيني بنظر من محياك ...... نادم على اللي راح من وقت عمري .... اللي قضيته دون صوتك ونجواك}}......... **************************** الريم:عجيبة هذي الأغنية ....... سلامة:اليازية يوم بتروحين الجامعة سويلها تحميل من موقع طرب ..... اليازية:من عيوني يا قلبي ....... وشوي صاح تلفون سالم وكان مبارك ...... سالم وهو يرد على التلفون :ألووووو مبارك:أهليين ....سالم .. سالم:مرحبا ...مبارك مبارك:علومك يا بو غنيم ... سالم:طيبة ....الحمد لله مبارك: علومك ..من الموضوع اللي كلمتني عنه أمس .... سالم:ما صار غير الخير ...... مبارك:شو أستوى ....اتفقتوا على شو ... سالم:مبارك دخيل ولديك ما لي نفس أتكلم في الموضوع ... مبارك:أوكية وين أنتوا الحين .... سالم:ماسكين الخط ... مبارك حس أن سالم مضايق بالفعل :أوكية سالم شوي شوي من السرعة ..... سالم:أن شاء الله .... مبارك:مع السلامة .... سالم:في أمان الله ..... سكر مبارك عن سالم وراح صوب الخيمة اللي كانوا الكل قاعدين فيه {{أم محمد و بو محمد ومحمد و عفراء والعنود }} مبارك:هـــــــــــــــــــاي .... بو محمد:أهليين مبارك قرب مبارك:مرحبا بو محمد خشمك،، خشمك ....وراح وسلم على أبوه وأمه وحبهم على روسهم ........ أم محمد:وين دارك يا ريال مبارك:الا في الدار يأمي العزيزة .....السلام عليج العنود ... العنود :وعليكم السلام اشحالك مبارك مبارك:الحمد لله ....أقول العنود ليش طايحة اليوم عندنا .... العنود: أنتظر قوم اليازية... مبارك: استريحي .....ما يأبوا حقج شيء .... العنود:أنا ما أريد منهم شيء شوفتهم تسدني ..... مبارك:كــــــــــــــــــــــلام....... وين لاب توب مالج العنود: في البيت .... مبارك:المرة الياية هاتيه عندج أوكية.... عندي شويت شغل عليه ...... العنود:من عيوني ... محمد:مبارك متى تخلص أجازتك ..... مبارك:مشكلة يوم تكون إنسان حاسد على غيرك ..... محمد:لا والله بس أشوفك ما قمت تروح لابوظبي مثل أول مبارك:عفتها أبوظبي بسبت الكلية ....وتراني مقدم إجازة شهرين يعني بتشوفني بعد شهر ونص أن شاء الله ...... وشوي يصيح تلفون مبارك .......... مبارك وهو يرد على التلفون :ألووووو.. هند:هلا وغلا بشيخ الشباب ....... مبارك: مرحبا مليون يا هند .....((ما يستحي دنياه فري free )) هند:أشلونك يا بعد عمري .... مبارك:بخير والحمد لله ... هند:وين ما تنشاف مثل أول .... مبارك:تعبت من كثر ما أحوط على بيتكم ....بترول السيارة خلص.....و في اليوم أشيك مرتين بس ما أشوفج ..... هند تضحك:هههههههه مبارك:قاعدة في قصرج ليش ما تتمشين و تطلعين مثل بنات الناس ...... هند:تدري أن أخوي شوي شديد وجدي ....... مبارك: قولي السالفة جذي ....... هند:ايوه ...تعال اليوم أنا وبنات عمي بنتمشى وراء بيتنا مبارك:الساعة كم .... هند: يـمكن الساعة 9 ونص ... مبارك:خلاص اليوم بحوط عند بيتكم بس لانج بتطلعين حقي ...... هند:مبارك مبارك:لبيه .... هند:لبيت حاي ....أقول أنا مبارك:أنتي شو هند:أنــــــــــــــا مبارك وهو يضحك على باله راح تقوله أحبك :أنتي شو هند بتردد:أنا أن شاء الله بشوفك مبارك :أن شاء الله هند:مع السلامة ....يا قلبي مبارك:الله يحفظج ...... سكر مبارك من هند وكان محمد يعطيه نظرات فيها استحقار واستهزاء ..... مبارك:علومك محمد أشوفك تعطيني الا نظرات ....... محمد:مبارك ...ما تستحي تغازل قدام أمي وأبوي مبارك:أمي وأبوي على رأسي ........بس هذي حرية شخصية محمد:فضيحة تلعب ببنات الناس ..... مبارك:والله أنا ما ربعت وراء حد ....هن تتصلن عليه محمد:لو حد سوى هذي السوالف عند حد من خواتك راح تموت.... مبارك:خواتي ولله الحمد ....... محترمات متسوين هذي السوالف ..... محمد:الله يهديك يأخوي .... أم محمد:صدجه محمد يا ولدي ..... مبارك:أنا أنسان حر ...أسوي على كيفي ....وللي في خاطري أم محمد:الله يهديك مبارك:أميــــــــــــــن ....عفراء صبيلي شاي ..... عفراء:أن شاء الله ... وتموا قاعدين على سوالف وضحك ..... وبعد ربع ساعة دخلت سيارة سالم (الرنج الذهبية ) وكانت الريم فاتحة الدريشة وتصارخ :عايلة آل مكتوم وصلت ............ ونزلوا كلهم من السيارة وراحوا يسلمون على هلهم أما سالم كان أخر واحد نزل من السيارة والتعب ظاهر عليه ........... الكل كانوا يالسين في الخيمة ودخل سالم .................... سالم:السلام عليكم ......راح وسلم على كل القاعدين ...... بو محمد:اشحالك يا بو غنيم ....... سالم:الحمد لله ..... بو محمد:علومكم من السيرة ....أن شاء الله حلوة ....... اليازية:غـــــــــــــــــرام الله يطول عمر سالم ما قصر فينا ....اشترلي لاب توب والريم تلفون ببطاقته وغير الأشياء الثانية ... أم محمد:الله يطول عمره....... والله لو ادريبه أنه بيشتري لكن الكمبيوتر والتلفون ما خليتكن ترحن عنده ..... سالم:افاااا عاد اشترينه الحين أمي ...... راحن العنود واليازية وسلامة فوق ....أما سيف راح صوب معلمه اللي ينتظره في الميلس ...ونيرة ومنيرة راحن صوب غرفتهن تلعبن بالألعاب اليديدة ...... راح سالم وحط رأسه على ريول أمه ...... أم محمد:شكلك تعبان يا سالم أكيد ما خلوك تنام ........ سالم ما رد على أمه ....أما مبارك كان يطالع سالم ويقول في خاطرة شو استوى بينك وبين شوق يا سالم ......... سالم:زحمة وايد دبي .... محمد: ناس من كل دار فيها .....أكيد زحمة ..... سالم:لا بعد في إجازة الخميس واليمعة تكون وايد زحمة ....................... بو محمد:قوم يا شباب توضوء علشان تلحقون على الصلاة ...... راح الريال كلهم صوب المسيد أما عفراء راحت تعابل العشاء ...وأم محمد راحت تصلي .....والبنات يالسات فوق . |
*((حجرة اليازية))* العنود:أنا بختار اللون الوردي ..... الريم كانت تصلي الركعة الأخيرة سلمت :لا يا حبيبه أمج اللون الوردي أنا اختارته قبلج .......... اليازية: يا الكذابة ....أنت قلتي اللون الأصفر ... الريم:شـــــــــــــــــو....أنا قلت يوم بنوصل البيت بختار اللي على ذوقي ... اليازية:لا والله ....... الريم:أسالي سلامة حتى ..... سلامة:أنا ما راح أكذب الريم قالت بختار في البيت ... اليازية:أنتي أخذي الجلابية الحمراء أحلى عليج والوردي لونه باهت ..... العنود:أوكية ما عندي مشكلة ......... راحت الريم وخذت جلابيتها وطلعت من حجرة اليازية وهي تدعي على اليازية والعنود ..... اليازية:مسكينة معقدة ... العنود:أنا بروح البيت .... اليازية:افاااااا ليش تو الناس ... العنود:حرام عليج من العصر وأنا هنيه اليازية:العنود لا تزعلين من الريم ..... العنود:عادي ....يالله مع السلامة اليازية:أشوفج باجر راحت العنود من عند اليازية .....أما الريم يالسه تكتب واجباته ما فيه على حشرة الاستاذ باجر .....وسلامة كانت تكلم سارة وتخبرها شو استوى في دبي ........ أم محمد سوت لليازية علشان تنزلن تحت تتعشين ....... الكل كان يتعشى ماعدا سلامة اللي توها كانت نازلة من الدري ........... سلامة:بسم الله ليش ما صبرتلي يا مجاعة الصومال ..... أم محمد:والله عطينج خبر أن بنتعشى ..... ويلست سلامة عند أمها وعفراء واليازية والريم ومنيرة ونيرة اللي تتعشين ...........دخلوا الصالة سالم ومحمد وتموا قاعدين يطالعون التلفزيون ........... الريم وهي تضحك على سلامة :كل شيء خلص شو راح تأكلين يا سلامة .... سلامة وهي تقوم :أصلا أنا مابي عشى لأني شبعانة ....و رأسي يعورني عفراء :من شو ..... أم محمد:لازم يعورها رأسها من المغرب قراض في المعلمات وحسج واصل تحت ........ومذاكرة ما شيء؟؟؟ سلامة وهي تلمح لامها تسكت علشان محمد ما يفتحلها محاضرة :أمااااااية..... محمد وهو كان يسمع الحوار:ليش ما ذاكرين سلامة أنتي عليج ثانوية... يوم يالسة طول الوقت على التلفون ..... فهاللحظة مبارك دخل ويلس عدال سالم .............. سلامة:أنزين بذاكر .............. وراحت سلامة بتيلس عند أخوانها علشان تطالع التلفزيون عندهم .......... مبارك وهو يطالع سلامة :نعم نعم أخت سلامة شو تبين ... سلامة:بيلس وياكم ....بعد هذا حرام ........... مبارك:أعتقد محمد من شوي قايل لج سيري ذاكري يا آنسة .....أنتي ثانــــــــــــــــوية عـــــــــــــــــامة ............... سلامة:أنزين أعرف ......بس حرام يعني أطالع التلفزيون شوي مبارك:هيه نعم حرام ياللا جلبي ويهج وسيري ذاكري سلامة:أففففففففففففف مبارك وهو يضحك: أنا يوم كنت في الثانوية العامة ما كنت أطالع التلفزيون طول الوقت مجابل الكتب ما شاء الله عليه ........ سلامة وهي تقوم رايح فوق :والعكس صحيح............... مبارك راح صوب المقام علشان يشوف هند ...........وتم يحوط عليهن ويعطي ويلات بالسيارة ومطول على المسجل عيضة المنهالي {{حكم القدر }}...... اذا حكم القدر أني أحبك أنا مالي على الأقدار حيله تولع قلبي العاشق بقلبك وقلبي الحي في الدنيا دليله مبارك:مساء الخير يالشيخات .....وينج هند ابا أشوفج ..... هند وهي تأشرله :هني قلبي مبارك:عاشوا قمر 14 تم مبارك يسير عدال البنات بشوي شوي وهو يكلمهن وبعد نص ساعة مشي راحن البنات صوب بيت هند أما مبارك راح صوب ربعه ........... ********************************** الساعة 12 ونص يا سالم من عند ربعه ما يلس عندهم وايد لانه يحس بأنه تعبان ولازم يرتاح نزل من السيارة وراح صوب الخيمة ويلس يقلب الرسائل اللي في تلفونه ........ راح وأرسل للشوق رسالة ............ *&*{{جروحي خمس }}*&* {{أول جروحي قلب ميت من الإهمال }} {{ثانيها صدمة حب مات برواقة بال}} {{الثالثة أحزان من رأسي لقدامي }} {{الرابعة هجران ماتت بها أحلامي}} {{{{{{الأخيرة }}}}} {{دمعن وقف بالعين جمر .......و ما وجف}} كانن اليازية والريم وسلامة تتابعن البرايم ((حفلة ستار أكاديمي على lbc)) سلامة سمعت صوت سيارة مبارك داخلة الحوش راحت وتمت تتشوف من البلكونة عليه يوم دخل الخيمة عند سالم ..... سلامة :اليازية اليازية:هلا سلامة:أحس سالم فيه شيء اليازية:مثل شنو سلامة:ما أدري ...ما يتكلم مثل أول ....وشكله حزين وتعبان ..... الريم:أصلا سالم طبع فيه أنه ما يتكلم وايد ....... سلامة:بس أكيد فيه شيء ....ليش تعبان الريم:أمكن ما نام زين ...... سلامة:شو فيه ابا أعرف الريم:ايه سكتي خلينا نتابع من زمان ما شفتهم والله أني مشتاقتلهم .... سلامة:تابعي أنا مسكتج اليازية:أنا بروح أنام الريم: كذوب رايح بتيلسين على لاب توب ... اليازية:لا والله وراحت اليازية تنام ....أما الريم وسلامة كملت عندهن السهرة لين الساعة 1ونص ....... **في الخيمة ** مبارك:السلام وعليكم سالم كان سرحان بس انتبه أن حد دخل عليه وشاف أنه مبارك :مرحبا ........... مبارك مبارك:ليش يالس بروحك سالم:خاطري أيلس بروحي .... مبارك:شو صار بينكم أنت وشوق سالم أنسدح وحط أيديه تحت رأسه :أأأأأخ يا مبارك شو أقول يا أخوي ...... مبارك:خبرني شو صار سالم :طلاقتها..... مبارك مصدوم :افاااااا سالم:هذا الحل المناسب .... مبارك:متى صار هذا الكلام سالم:اليوم الظهر ..... مبارك:شو قالت ..... سالم:راحت عنها وهي تحت تأثير الصدمة..... مبارك:أن شاء الله............. بيعوضك الله بغيرها ... سالم:غير شوق يا مبارك ....قلبها طيب...... والجمال وفيها ...وكل شيء زين لقيته فيها ....الله يوفقه أن شاء الله .... مبارك:من هلها اللي راح يتزوجها سالم:لا ...من ربع أبوها مبارك:عود سالم:يعني عمره ...29 سنة مبارك:بتخبر أمي أنك كنت متزوج سالم:لا وما أريد أسمعها عند حد يا مبارك مبارك:سرك في بير يا بو غنيم ....... وتموا يسولفون لين أذن الصبح راحوا توضوء .....وراحو صوب المسيد وبعدين كل منهم راح حجرته علشان ينام ......... *&*((الجزء التاسع))*&* في المدرسة الحصة السادسة سلامة وسارة و مريم شاردات من حصة الرياضيات .....وهن متعودات على الشردة وخاصة في حصة الرياضيات .....واذا ما شردن يتمن طول الحصة واقفات في أخر الصف ولا تهزبهن المعلمة ........ أول ما وصلن الحمام. ... وقفت سلامة على المنظرة وتطالع ويها :يأخي شو هذيلا كل شيء ممنوع ....أحس ويهي وايد شاحب خاصا أني أمس سهرانة ..... مريم:أونه شاحب .....تراج الا في المدرسة .....محد راح يبصبص فيج سلامة:غيااااااااارة ....أنا طال عمرج المعجبات الي في المدرسة بروحها ما ينعدن.... سارة فاجه شعرها وتعدله :ظنج المعلمة منى بتخبر علينا ... مريم:تخبر شو يعني ... سلامة:أنا بصراحة تخوفني .....سمعتيها أخر مرة قايلة لي أنا مو ويه نجاح ..... شكلها السنة هذي بترسبني في الشهري ... ومبارك مهددني يكسر العصى في ظهري اذا اتصلت عليه المشرفة مرة ثانية ........... سارة :حتى أنا أخوي أحمد مو مقصر بتهديداته .... مريم:فديت أماية أنا ....لو أرسب ميه مرة ما بتقول شيء ......... سلامة:منو قدج ..عكسي ...... مبارك ياويلي منه طفربي بالدراسة ... سارة واقفة عدال الباب وتوايج منه :الله يخسكن جب ..... المعلمة اعتدال في الممر عن تسمعكن ....... ربعن بسرعة ونخشن ورى الباب لين ما مرت... ...بعد مابتعدت ولا أنتبهتلهن ظهرن من الحمام وسارن يتمشن في الممرات لين ماسمعن جرس الحصة السابعة وتأكدن إنه المعلمة منى ظهرت من الصف...ربعن صوب الصف بسرعة... دشت سارة أول وحده الصف وبصوت عالي:السلام عليكم نحنو هنا ............ نص البنات ردن السلام والنص الثاني ما أنتبهن إنها سلمت أصلاً ....... ميثا :... وين كنتن تحوطن... المعلمة منى قالت بتخبر عليكن.... سلامة تخبر عااااااااادي...شو يعني... حصة : ياقويه أنتي... سلامة قويه غصباً عنج ياديايه......... حصة : برايني أبى أنجح...وأنتي تحوطي طول السنة...والطماطات مضمونه سلامة طماطات في عينج...بنشوف منوه بيب طماطات تذكرت سلامة شيء وربعت بسرعة صوب طاولتها وظهرت دفتر من الشنطة وهي تلتفت صوب سارة : سارة حليتي واجب الإنجليزي سارة بفخر: أكيد ... عيل شراتج يا لمهمله سلامة: دخيلج بسرعة ظهريه بنقل عنج...مول مايي على بالي وعطت سارة الدفتر لسلامة ........... حصة : سلامة أضمن لج سبع طماطات من الحينه سلامة يالسه تنقل الواجب: فال الله ولا فالج... .................................................. ............................ الساعة 2ونص الظهر ................ كانت اليازية والريم توهن وصلات من الجامعة ..... الريم وهي تركب الدري :أحس روحي بموت من التعب .... اليازية:من قلة النوم .... الريم:لا والله بس اليوم ما كان عندي بريك طول الوقت من مبنى للمبنى ................ اليازية:بتنامين الحين ............... الريم:أكيد وأنتي اليازية: لا عليه أمتحان ولازم أذاكر ............... الريم وهي تطلع لسانه : يا ويلج عليج أمتحان ......أنا ما عليه اليازية:أنتي اصلا لو عليج امتحان ما بذاكرين .... الريم:قلتيها ما راح أذاكر شيء حتى لو عندي امتحان .......... راحت الريم حجرتها وصلت ونامت ....أما اليازية صلت وتغدت وسارت صوب حجرتها علشان تذاكر ............. سلامة تحس بملل فضيع...وأمها محذرتنها ماتنزل تحت علشان تذاكر...وسلامة تعرف زين إنها مابتصك الكتب...لأنها مافي خاطرها تذاكر...نفسها تشوف سارة ...وتتصل بيتهم محد يرد على التلفون...مطنشينه...ومن الملل إلي فيها فجت البالكونه وطلعت كان الجو وايد حلو بعد المغرب...بعدين تذكرت شي ودشت داخل تربع وبندت الليت "الله يخسني أكيد الحينه حد شافني فضيحة" وردت مرة ثانية بس هالمرة بحذر أكثر وتمت أطالع يمين وشمال بس ما شافت حد...وحمدت ربها لأنها الشيلة أصلاً كانت على جتوفها ... وتساندت على الحديد وتمت تتأمل كل إلي حواليها والأفكار مزدحمه في رأسها...((هي أصلاً ما تفكر بالجامعة...بس لو مثلاً مادشت في الجامعة بتم في البيت مجابله أمها وإخوانها أربعه وعشرين ساعة...وهي ما تحب تيلس في البيت...حتى الحينه وهي في المدرسة مرة ما تغيب...لأنها تعتبر المدرسة مكان ترويح بالنسبة لها وتلتقي بربعاتها وسوالف...وإن خلصت ها لسنة يعني ماشي طلعه شرات قبل...فخطر على بالها تشتغل ليش لا...في شغلات بالثانوية العامة...في الشرطة أو الجيش مثلاً ...هههههههه مالت على ويهي منوه هذا إلي بيخليني أشتغل في الجيش ولا الشرطة..أسمني صدج مافيني عقل...أنذبح ولا أشتغل في هالأماكن...هلي زين إن وافقوا على فكرة الشغل أصلاً ...((( وهي تفكر وسرحانه مانتبهت إنه حد دش بيتهم من الباب العود...ولاحظها وتم يطالعها وهو عاقد حياته "ياسلام...شو موقفنها هذي في البالكونه...صدج ماتستحي" محمد وبصوت عالي: أيييييه أنتي شو واقفه تسوين هناك.... سلامة حطت أيدها بسرعة على صدرها وهي زايغة :محمد .... محمد: هيه محمد ....شو فاجأتج...ياللا أشوفج... دشي داخل بسرعة....... سلامة بسرعة بعد ماأداركت السالفة عدلة شيلتها زين: انزين داشه "دخلت داخل تربع وبندت باب...وهي تنافخ "عوذ بالله شو يابه هذا الحينه بعد...زيغني الله يخسه....... كان محمد معصب بعد ما شاف سلامة واقفه في البالكونه...ودش داخل البيت ...وشاف أمه (أم محمد) يالسه في الصالة بروحها... أم محمد:قرب محمد محمد وهو يدش الصالة :السلام عليكم أم محمد:وعليكم السلام ..... أم محمد لاحظت أن محمد معصب شوي: هااا ولدي شو فيك ... عسى ماشر..... محمد:سلامة وين .... أم محمد:فوق تذاكر ....قلتلها ما تنزل حتى صلاة المغرب محمد:أمحق مذاكره أم محمد عاقدة حياتها :ليــــــش... محمد: شفتها الحينه واقفه في البالكونه لاشيله ولاشي... أم محمد منصدمة : سلامة تسوي جيه محمد: هيه نعم...لو مازقرتها ولابتم واقفه أم محمد معصبه: ماعليها مسودت الويه...وبليا شيله بعد...يصير خير..... وبعد ربع ساعة نزلت سلامة تحت علشان تشوف الوضع وحصلت أمها ومحمد في الصالة اللي عطوها محاضرة عن تصرفاتها ............................ بعد صلاة المغرب راحت العنود صوب بيت عمه ودخلت الصالة وهي تغني ((مأخذه راحتها على الاخر)) ومن شافت سالم ومحمد يالسين في الصالة سكتت ...... العنود:السلام عليكم محمد+سالم :وعليكم السلام وسلمت عليهم وراحت فوق صوب حجرة اليازية ....... العنود وهي تدق على اليازية :اليازية فتحي الباب .... راحت اليازية وفتحت الباب وكان شكلها نايمة............ العنود:بسم الله ....شو نايمة اليازية وهي رايحة صوب الحمام :لا العنود:باين من كشتج أنج ما نمتي أمرة .... فهاللحظة سالم ومحمد يالسين في الصالة يتابعون المباراة ........ محمد:سالم سالم:لبيه....... محمد:لبيت حاي ....الا أقول ما قدمت شغل .... سالم:كيف أقدم و شهادة الجامعة ما وصلت لين الحين .... محمد:اهااااا .....ليش ما تتزوج عيل .......... سالم تغير لون ويهه : ..... لاحق على عوار الرأس ...... محمد وهو يضحك :الحين الزواج صار عوار رأس بالعكس .... سالم:يرحم أيام زمان أنت تقول هذا الكلام ما صدق ..... محمد:ليش أنا شو قلت ..... سالم:قلتلي لا تتزوج خلك عزابي ....... محمد: أسوي سوالف عندك .... سالم:الا وينه مبارك ما شفته اليوم ..... محمد:مبارك أنسان عايش حياته ما عليه من حد ...... سالم:أحلى شيء ...... ((في حجرة اليازية )) العنود:أحس نفسي ما راح أحل زين في امتحان باجر .... اليازية:ليش ما ذاكراتي ..... العنود :يعني ........ موب وايد ..... اليازية:أن شاء الله راح يكون سهل ... العنود:أن شاء الله .... اليازية وحست أن العنود فيها شيء مب طبيعي :شو في خاطرج العنود .... العنود منزلة رأسها :أحس بضيقة ...مادري فيه حزن ... اليازية:بسم الله عليج من شو ..... العنود والدموع في عينها :ما أدري .....وتمت تصيح ...........راحت اليازية وقفلت باب الحجرة ........ اليازية وهي تلوي على العنود: بسم الله عليج ....فيني ولا فيج أن شاء الله ..... العنود كانت تبكي .......أما اليازية كانت مستغربة من العنود ...... اليازية:لا يكون الريم قالت حقج شيء ..... العنود وهي تمسح دموعها بكفها :لا .... اليازية:عيل شو فيج ........ العنود:تعبت يا اليازية ما أقدر أستحمل أكثر من جذي .... اليازية مستغربة :تعبتي من شنو !!!!! العنود وهي مترددة : من اليازية:من شنو العنود:من جفا وصد سالم عني ...... اليازية:سالم .... العنود:ايوه اليازية :أنتي تدرين أن سالم ما هو مثل الشباب اللي يتكلمون وايد أو يطلعون اللي في خواطرهم ..... العنود:بس أنا تعبت ...... اليازية: خلاص فالج طيب أنا بكلمه الحين .... العنود:لا والله ما تقولين له .... اليازية:مو أنتي الحين تقولين تعبتي ... العنود:قلت بس عندج ....ما أبا حد يعرف .... اليازية وهي تعابل الكمبيوتر :على راحتج ....... *((في العين مول ))*.... كانن يتمشن بكل دلع ورقه وكل شوي يلتفتن وراهن...صدج إنه الشباب ماشايفين خير "علقت وحده منهن"......... مبارك:يا ويل حالي أنا ....على الرشاقة ....والجسم الحلو ..... أحمد:ملاك في صورة بشر .... البنات من سمع هذا الغزل قلوبهن طاحن في الأرض ..... منال :برايهم خليهم وش عليج منهم ... عالية:شفتي الطويل الأسمر غرام .... منال تبتسم وتلتفت وراها: يخبل.... وفاء: أيييييه أنتي وياها مافينا على الفضايح عاليه: أي فضايح أنتي الثانية...إلي يشوفج يقول أول مرة حد يرقمج........... وفاء: بس نحن اليوم ياين المول عسب شيء مهم ونظهر ماشي وقت......... وقفن عدال محل رمادا للشيل والعبا يا...وافترت عاليه أطالع مبارك وأحمد إلي يلاحقوهن.... أول ماقتربوا منهن تموا يمشوا شوي شوي ....... مبارك يغمز حق عاليه: الرقم مرة ثانية 677........ أحمد: يعاد للتأكيد 677........ وعالية أطالعهم بدلع وكل شوي تعدل قصتها النازلة على عيونها...بعدين شافتها وفاء من داخل المحل...وزختها من أيدها ويرتها داخل... وفاء بصوت واطي: حشمي عاليه تفج أيدها من أيد أختها بقوة: مايخصج زين منال تلتفت عليهن: شو عندكن الحينه وفاء: ماشفتي أختج جى تأخذ الرقم منهم عاليه: أنا ماخذت شيء...لا تمي تألفي من عندج وفاء: عيل شو تسميه واقفه مجابلتنهم وهم يرقموج عاليه بدلع وهي تعدل قصتها: هم حرين...وأنا بعد حره منال : انزين ممكن تأجلن هالجدال لين مانوصل البيت...فضحتنا وفاء: أوكى برع المحل كان مبارك وأحمد بعدهم يطالعون داخل... أحمد : هههههههه يأخي شو هالحركات...موب جنه كبرنا عليها... مبارك : ههههههههههههههه لا بصراحة...بعدنا صغار...وبعدين هالبنات شيء...يعني يستاهلن ................مبارك يغمز بعينه: هن أصلا مابيعطنك فيس إلا لأني أنا وياك.... أحمد : أونه عاد...تراك وايد مصدق عمرك..أنا بس أأشر وبين يربعن صوبي مبارك يمشي يبتعد عن المحل: أمش يا ريال...الفيلم بيبدأ أحمد: أوووهو صدج والله نسيته مبارك: يأبوي من يشوف هالغراشيب ينسى كل شيء أحمد: صدقت...لو ما الفيلم بيبدأ ولا تميت هنيه لين مايظهرن ................وهو يضحك : هيه وبعد يسولنا فضايح... مبارك : أي فضايح الله يهديك...ماشفتهن جى شالات البقعه بعطرهن ولا المشيه بروحها سالفه أحمد : هههههههههههههههههههههههه يعني جنهن يقولن تعالوا لحقونا مبارك : بنات ماوراهن ولي... أحمد : وايد منهن في هالزمن مبارك : خله على الله أنت بس أحمد : ههههههههههه شو أطوعت وتوك ترقمهن مبارك : ههههه تصدق عاد...لو الشور شوري أشتغلت في هالمولات إلي أشوفها جيه أكسر فيها عصى لين ماتقول بس أحمد : هههههههه ومنوه هذا إلي بيخليك تسوى جيه في بنات الناس مبارك : أقول ياريت...وأي بنات ناس الله يهديك إلي ترمس عنهن...هذيلا أصلا لو بنات عرب وناس مابيظهرن السوق جيه أحمد : صدقت والله مبارك : بنات أخر زمن .................................................. ............................ ((حجرة الريم )) الريم منسدحة فوق السرير على بطنها وطالع سلامة ....... الريم:وين اليازية عنج ... سلامة:في حجرتها عندها العنود..... الريم:غريبة ليش مانج يالسة عندهن ..... سلامة:ساعة وأدق الباب مو راضيات تفتحن ... الريم:أكيد تسوين شيء ... سلامة:مثل شنو .... الريم:أمكن قاعدات على الانترنت ما تبينا نقعد معهن ... سلامة:قومي خلينا نروح لهن ..... وراحن صوب حجرة اليازية .......... سلامة:اليازية فتحي الباب .... اليازية:خير شو تبين .... سلامة:سلامتج ....بس ابا أيلس عندكن .... اليازية:سوري ....يالسين نذاكر بعدين تعالي ..... سلامة:لا والله ...العنود فتحي الباب ولا راح أزعل عليج .... اليازية:العنود ما لها خص ...حجرتي هذي ..... سلامة:اليازية فتحي والله ضيق .... اليازية:لا تحاولين باجر علينا امتحان وما ذاكرنا زين سلامة:أوكية طلعي لاب توب .... اليازية:نذاكر عليه سلامة:طلعي مال العنود اليازية:مال العنود في البيت ..... سلامة :حزن ....أن شاء الله تسقطن في الامتحان .... الريم:آمـــــــــــــــــــــــين .... تغيضت سلامة عليهن ودقت الباب بقوا هي والريم وشردن تحت صوب الصالة ................... .................................................. .................................................. ..................... ((في الصالة )) كان سالم ومحمد قاعدين يطالعون المباراة ...... الريم:السلام عليكم محمد وسالم :وعليكم السلام .... محمد:علومج سلامة...أشوفج مطيحة هني ........... سلامة ببراءة :خلصت مذاكرة قلت انزل أقعد عندكم شوي .... محمد:أنتي ثانوية عامة لازم تذاكرين عدل علشان تحصلين ع نسبة حلوة .... سلامة:والله أني كرهت الثانوية بسبتكم حرام عليكم ....... سالم:حرام عليك محمد ....تعالي سلامة قعدي عدالي .....وراحت سلامة ويلست عدال سالم ..... محمد:بنشوف أخرتها ....هذي القعدة ....... سلامة:الريم يوم كانت في الثانوية العامة ما حد يكلمها ..... الريم بغرور :أنا غير ........أذاكر من دون ما حد يصارخ عليه ..... سلامة:كـــــــــــــــــــــلام ...أنتي ذاكرتي أخر شهر 5 ...... محمد: حوووووووه بس من هذي السيجارة ..... سالم تم يضحك على محمد :حرام عليك هذي الثالثة .... محمد:ما هو زين كل ربع ساعة خذيت وحدة بتموت ...... الريم:متوتر الحبيب .... سالم:لا والله ...منو قالج ..... الريم:إحساسي .... سالم: خاب احساسج يا قلبي .... الريم:محمد ...خلنا نروح المبزرة ... سلامة:الله من زمان ما رحتلها ودونا..... أمانة .... محمد:الكل بيروح الا أنتي ما راح تروحين .... سلامة:ليش أنا بذات ..... محمد:تذكري شو مسويه... سلامة:شو مسويه ...والله ما سويت غير الخير ... محمد:القعدة اللي في البلكونة .... سلامة نزلت رأسها وتمت تلعب بأظافرها ................. محمد:كنتي تتأملين اللي رايح والياي في الشارع .... سلامة:والله ما كان حد في الشارع .... محمد يطلعها بنص عين :وبلا شيلة .... سلامة: كنت لابسه شيله بس طاحت على جتوفي وماأنتبهت لها...... محمد:لا تبين أعذار ... سلامة:خلاص غلطنا و نطلب السموحة ..... محمد:مسموحة بس لا تعيدينها ....اذا عدتيها ياويلج ..... سلامة :من عيوني ..... محمد:وين اليازية والعنود عنكن ... الريم:يعني وين ...في حجرة اليازية ... محمد:ليش ما تنزلن .... الريم:تقلن عليهن مذاكرة .... سلامة :مذاكرة الكذب ....قاعدات على ألاغاني .... سالم:غيرانة منهن ... سلامة:لا والله ..... تموا يالسين يسولفون ...حتى أذان العشاء بعدين راحوا سالم ومحمد المسيد والريم وسلامة تمين يالسات في الصالة ...... ((الساعة 9ونص)) نزلن اليازية والعنود تحت وحصلن{{ بو محمد و أم محمد و سالم ومحمد والريم وسلامة وسيف ونيرة ومنيرة وسعيد ((الكل))ما عدا مبارك وعفراء اللي عند أهلها }}......... العنود:السلام عليكم .... بو محمد:مرحبا مليون .....بشيخة البنات ... العنود وهي تسلم على عمها :اشحالك عمي .... بو محمد:بخير الحمد لله .... راحت العنود وسلمت على أم محمد ..... اليازية:العنود وين رايحة ... العنود:بروح البيت ... اليازية:والله ما تروحين بتتعشين عندنا .. أم محمد:استريحي العنود ما حد غريب كلهم خوانج .... راحوا الريال وتعشوا في الصالة .....أما الحريم تعشين في حجرة الطعام ......... على الساعة 10 راح سالم وقعد في الخيمة وكان يدخن سيجارة وكل تفكيره في شوق ........... وشوي مبارك يا من العين مول ودخل سيارته في المظلة وراح صوب الخيمة .......... مبارك:السلام عليكم سالم:مرحبا وينك يا ريال من الصبح مالك شيفه .... مبارك: عندي أشغال ... سالم :صدقتك ... مبارك:علومك ... سالم:طيبة ...... وشوي يصيح تلفون سالم ......سالم تم يطالع الرقم ومستغرب .............. مبارك وهو رايح صوب المطبخ :حوووووه ليش ما ترد على التلفون ..... سالم كان متردد أنه يرد أو لا .....بعد تفكير بسيط قرر أنه ما يرد .....{{{{وتم يطالع الرقم وهو مصدوم ليش شوق تتصل فيني شو تريد ....أكيد صار شيء ...لا أمكن تبي تسلم علي ............. }}} تم التلفون يصيح وسالم متردد .......... راح سالم يرد على التلفون ...... سالم :ألووووووووو......... شوق:........... سالم:آلووووووووووو..... شوق بارتباك :شلونك سالم ..... سالم بحزن:بخير .....أنتي شخبارج ... شوق: بخير ....ما ادري ....شوي بخير ....(انهارت شوق)انا مو بخير سالم ....حيل مو بخير .... سالم:سلامتج ....ما تشوفين شر ... صمت بيانهم ....ما يدري شنو يقول لها ......ما توقع اتصالها أبدا .....بس فرح للاتصال ......معناته أن شوق للحين تحبني وتفكر فيني .... بس ليش متصلة ........وهي تدري أنها بعد أيام راح تكون لشخص ثاني ........ شوق واللوعة باوصالها :سالم اشتقتلك .... سالم:............. شوق:سالم والله العظيم أحبك .... وبدت شوق في نوبة من البجي ....تشهق والعبرة ما خذها أنفاسها ......وكان سالم مو مستحمل أبدا ...اهو يحب شوق مهما كان ....يحبها سالم:تكفين شوق ....لا تسوين في روحج جذي .... شوق:ما أقدر يا سالم .... سالم:أنزين علشان خاطري سكتي ... وظلت شوق تبكي ... سالم:علشان الحب اللي جمعنا .....سكتي ...اذا انا ما استحمل شيء بالدنيا فاهو دموعج الغالية ...... هدأت شوق نفسها شوي :سالم ........تعال الحين ..... سالم:شقاعدة تقولين .....أنتي ناسية انج بتتزوجين بعد 4 أيام ...... شوق:ابا أشوفك وكلمك .... سالم:الحين أنتي قاعدة تكلميني ... شوق:التلفون ما ينفع ...أنا لازم أشوفك ... سالم:مستحيل شوق ...انتي راح تكونين لشخص ثاني ... شوق:بلــــــــــــــــــيز سالم أنا باجر بسافر ولازم أشوفك ... سالم:الله يوفقج ... شوق:قسم بالله أني أحبك حتى لو تزوجت بظل أحبك يا بعد قلبي وعمري .... سالم:شو في خاطرج ..... شوق بحزن:سلامتك يالغالي ... سالم:الله يوفقج يا شوق ويسعدج أن شاء الله ... شوق:بس سعدتي عندك .... سالم:هذا حكم القدر ....... لازم نرضى بالمكتوب ..... شوق ما قدرت تستحمل أنها خلاص سالم راح من حياتها وبعد نص ساعة عتاب ولوم سكرت شوق من سالم ...... سالم خلاص ما قدر يستحمل أكثر من جذي ......... وشوي ان مبارك داخل الخيمة ورآه محمدوه اللي يايب الشاي والقهوة ....... مبارك وهو يأشر لمحمدوه :حطه مني ...... محمدوه:أن شاء الله بابا .... مبارك:بابا في عينك يا لثور .... راح محمدوه وهو يتحرطم على مبارك .............. مبارك:سالم شاي ولا قهوة .... سالم:مالي نفس ... مبارك:افاااااا عسى ما شر .... سالم:سلامتك .....بس شوق كلمتني الحين ... مبارك:شو تبي ... سالم:تبا تشوفني .... مبارك:لا تقول أنك بتروح لها ... سالم:لا ماني رايح ... مبارك:سالم حاول أنك تنسها هي الحين راح تتزوج بإنسان ثاني .......... سالم:الله يقدرني على فراقها .... مبارك:أن شاء الله ..... سالم:علومك أشوفك حاط الشاي والقهوة حق منو ... مبارك:الحين هزاع وأحمد بيون هني ....... سالم:السهرة هني اليوم .... مبارك:اها سالم:غريبة ما تحوطون ... مبارك:يا ريال ما فينا على مخالفات وشرطة ...أحسن نيلس هني ..... وشوي أن سلامة داخلة عليهم ومطلعة نص رأسها .......... سلامة:هــــــــــــــــــــــــــــــاي ...... مبارك:خير شو تبين ... سلامة:مالك خص ابا اقعد عند سالم ....... مبارك:سالم مفلس ما عنده شيء ..... سلامة:ما ابا فلوسه تسدني شوفته .... مبارك:روحي داخل سلامة ....... سلامة:ما با أريد أشرب شاي عندكم ... مبارك:والله ما تشربين .... سلامة:يا سلام من فلوسك ... مبارك:لا من فلوس محمدوه ...هههههههههههههههههههههههه ...... سلامة:عيل صبلي ... مبارك:مستحيل ,,,, سالم:حرام عليك صبلها كوب ....علشان خاطري .... مبارك:تعالي .... سلامة كانت ماسكة الكوب ومبارك ماسك الدالة بدل ما يصب في الكوب صب على أيد سلامة شوي .............. سلامة وهي تصارخ :.....أيييييييييييييييييييييييييي................. ...........ايدي.................... أنحرقت ياويلي...... راح سالم وحط أيد سلامة في الماي .............ومبارك ميت من الضحك على سلامة ........ سالم:ما استوى الا الخير .... سلامة وهي تبكي :يعلك الموت ...شوهت ايدي .... مبارك:أحسن ما حد قالج ..... سلامة وهي تصيح: ياويلي كيف بحل في الامتحان باجر ...... مبارك:عادي غيبي باجر ......امبونج تتسببين على الغياب ... سلامة:والله ما أغيب ..... والريم واليازية والعنود قاعدات في الصالة وكانت اليازية محتشرة على الريم وتتنجرن على لاب توب من سمعن صوت سلامة طلعن برع صوب الخيمة ..... الريم:بسم الله عليج شو فيج؟!؟!؟!؟ ...... سلامة وهي تحاول تنزل الدمعة :مبارك حرقني بالشاي ..... الريم وهي تطالع مبارك بنص عين : مجرم ...............الدمية القاتلة............. ........ مبارك:سكتي لا أحرقج وراها ... الريم:لا والله .... العنود قعدت عدال سلامة وكان مقابلها سالم اللي يعابل أيد سلامة ...... العنود: شوه جلدج مبارك ................ راحت تبا تمسك أيد سلامة بالصدفة لمست أيد سالم بسرعة شلت أيدها....... و اللي حست بحرارة في جسمها ...... العنود:سالم ما يحطون الحرق في الماي ...... سالم:وأنا شو دراني ما عندي خبرة ....... العنود:قومي ...خلينا نروح نحط على الحرق فازلين ........ الريم وهي تغمز بعينها :يا عيني على الاهتمام الزايد بسلامة مو علشان خاطر سلامة علشان خاطر عيون بالكندورة البيج ... اليازية:تعرفين أنج حقيرة .... الريم:لا ....نذلة ....ههههههههههه سالم:عيب الريم ....فشلتي البنت ..... مبارك:يالله برع ربعي الحين بيون ..... سلامة من سمعت أن ربع مبارك بيون قعدت عند باب الخيمة يونها ما تقدر تتحرك ............ العنود:شو فيج يلستي قومي .... سلامة:ما أقدر أتحرك ....ريلي تعورني ... مبارك:الحين ريلج ولا أيدج تعورج قوم يالله ..... سلامة:عطني فلوس لأنك حرقت أيدي ... مبارك :مفلس .....على الاخر سلامة:تصرفهن الا على بنات الناس ..... مبارك:لا ويحياتج على بنات الشوراع هههههههههههههه.... سلامة:بايخ ..... وشوي أن سيارة أحمد داخله الحوش وكان عنده هزاع ............ مبارك:يعلج الموت قومي يالله ......الريال بيون هني بيشوفونكن .... راحن البنات صوب الصالة .........الريم تمت تطالع التلفزيون واليازية راحت تيب الفازلين من حجره الخادمات ...... العنود:الحين ما عندكم فازلين .... سلامة:ما حد يستخدم الفازلين الا الخدمات ...... وشوي يت اليازية وحطت فازلين على حرق سلامة ........ سلامة:ما عليك يا مبارك ....أما طلعت من جبدك هذا الحرق ما أكون سلامة ...... الريم:بتكونين سبالة هههههههههههههه............... سلامة فرت الريم بالكلينكس :تستهبل ......... وتمن البنات يالسات حتى الساعة 11 وكان طول الوقت الريم تستخف بدمها عليهن ............... العنود:انا بروح البيت ....... اليازية:قعد شوي ... العنود:نعسانة ما بقدر أقوم باجر ...... اليازية:من بيوصلج ...... الريم وهي تركب الدري : أنا مالي خص ...تصبحن على خير......وراحت الريم حجرتها .....أما اليازية والعنود وسلامة تمين يالسات .... اليازية :من متى وأنتي توصلين حد ..... سلامة:خلاص اليازية أنتي روحي نامي وأنا بوصلها ... العنود:المشكلة اذا نبا نروح بنخطف قدام الخيمة بيشوفونا .... سلامة:بنروح من الممر الضيق اللي بين الخيمة والبيت ... اليازية:أنا عن نفسي ماني رايحة .... سلامة:خلاص ...أنا وأنت بنروح ... وراحنا العنود وسلامة من الممر ..... العنود وهي حامله لاب توب :أي ايدي تقطعت ...... سلامة:سكتي لا يسمعون ...ترى مبارك بيذبحنا ..... وراحت سلامة ووقفت للعنود في السكة وبعدين رجعت صوب بيتهم .....وسلامة تقول في خاطرها الا أشوفه اليوم .... وسارت صوب الممر وكانت موجودة فتحة متوسطة في الخيمة تمت توايق منها ....وكان مقابلها أحمد اللي كان يسولف ويضحك ...تمت ربع ساعة وهي تطالعه وتبتسم له .....وشوي طاحت عين أحمد على الفتحة وشاف سلامة اللي تتبسم .{{{{وتم يقول في خاطره هذي البنت الي شايفها أنا في الميلس عنلاتها محلاها...}}}}}......و ابتسم لها ...فهاللحظة انتبهت سلامة لحركة أحمد وطلعت من الممر وراحت تربع صوب البيت ........... دخلت حجرتها وقفلت الباب وراها ......... سلامة وهي تكلم عمرها :عنلالالالالالالالاته ما حلاه .... قعدت سلامة في فراشها وهي تفكر في أحمد وابتسامته لها وتقول يا ليتك تحس فيني ....وطلعت دفتر الخواطر وتمت تكتب ... عمري ما فكرت فيك وما خطر في البال حبك لين قلبي قال أبيك وقالت عيوني أحـــــــــــبك صرت عندي أغلى شيء وأغلى من نفسي علي مالك بقلـــــــــــبي شريك بعد ما فــــــكرت فيك ^.^.^.^.^.^.^.^.^.^.^.^.^.^.^.^.^. لا تتعجب من غلاي مثلك أحساسي تعجب وانت في يدك هواي مهتني ولا معذب يا عساني ما أنحرم ....أنت يا أجمل أسم لأترك الدنيا وأجيك .....بعد ما فكرت فيك قعدت سلامة تفكر في أحمد لين ما خذتها النومه .....أما العنود ما نامت كل تفكيره في سالم وتقول في خاطرة:عند هذا الانسان برود أعصاب ....ليش ما يحس فيني ...ممكن يحب أنسانة غيري ...لاما ظني..... وليش لا عايش في لندن 5 سنين أكيد شاف مليون بنت وكلمهن وممكن حبه وحدة فيهن ...ما أستبعد هشيء منه بس الغلط من أهلي وأهله ليش يقولون لنا من نحنا صغار سالم للعنود والعنود لسالم .......والله حرام ممكن سالم حب غيري وما يريدني ....وتمت العنود تفكر بسالم لين الساعة 1 وبعدين نامت ............... ************************************************** ** ((في الجامعة الساعة 10 ونص )) كانت الريم عندها بريك ويالسة في الرباعية عند ربيعتها (نوف ومها )...... الريم:والله اني تعبانة أمس ما نمت زين .... نوف:كذابة .....أنتي لو تنامين 20 ساعة ما تشبعين ..... الريم:حرام عليج ...والله أني صرت ما نام مثل أول .... مها وهي تغمز الريم:لا يكون قلبج يحب ونحنا ما ندري ... الريم وهي منزلة رأسها :شو دراج يا بنت الذين .... مها:أدري .... نوف:قولي من هو سعيد الحظ .... الريم:ما تقولون لحد ..... نوف:والله العظيم ما نخبر حد ..... الريم:استحي .... نوف:قولي خلصينا الريم:امممممممممممممم مها:عندج برود أعصاب .... الريم:أممممممممممممم نوف:قومي مها نروح المدرجات هذي ما عنده سالفة .... الريم:خلاص راح أقول أمري لله .... مها:قولي خلاصينا ... الريم:امممممممممممم... نوف:والله يا تقومين يا مها الريم:خلاص قعدي والله يا قول نوف وهي تقعد مكانها :قعدنا يالله تكلمي ... الريم:أحب ......... نوف ومها يطالعن في الريم ..... الريم:أحب أمي وأبوي عندكن مانع .... راحت نوف وضربت الريم بشنطتها :سخيفة صايرة هاليومين ..... وشوي يصيح تلفون الريم وكانت رسالة ...... نوف:منهو هذا الرايق اللي يرسلج رسالة فهالوقت.... الريم:منو غيره هذا حبيب قلبي ... مها:أمارات كول أو الاتصالات ...ماحد يرسلج غيرهم ..... نوف ومها نقعن من الضحك على الريم ........ الريم وتفتح الرسالة وتقرأها :هههههههههههههههههههههههههههههههههههههههههههه حلوة ...... مها:بسم الله عليج ضحكينا عندج ... نوف:أكيد الرسالة فيها نكتة ... الريم:شو دراج نوف:أدري الريم:سمعن ..... حمار قال لحمارة متى بنتزوج ردت عليه ....... مها:بشو الريم:قولي انتي نوف: لا ....أنتي قولي الريم:ما عرفتن نوف+مها :اهاااااا الريم: قالت له ...يوم بتحسن ألفاظك بتزوجك ههههههههههه ههههههههههههههه نوف:سخيفة صراحة اليوم أنتي مملة الريم:لا والله ..... مها:من مطرش لج هذي المسج البايخة ... الريم:مبارك أخوي مها:قولي والله الريم :والله ليش مستغربة مها:أحس به أنسان جدي الريم:لا حبيبتي حياته كلها ضحك وسوالف ... مها:عندج صورته ... |
الريم :يس مها: خلينا نشوفه ...أمانة الريم:لحظة .....راحت الريم وطلعت من شنطتها.... البوك وطلعت منه ....3 صور لمبارك كان شكله عجيب ......... مها وهي تطالع الصور :ويل حــــــــــــــــــــــالـــــــــــــــــــي أنــــــــــــــــــــــــــــا .... نوف وتمثل أنها مغمي عليها:هذا أخوج ما صدق ............. نوف:خاطب حد ... الريم:لا عزابي ... نوف:الغاية والمطلوب ... مها وهي تشوف الصور :عذاب يوم لابس النظارة .........شوفي نوف نوف بمزحه :كم رقمه ... الريم:ما توقعتج يا نوف من هذيلا البنات اللي يغازلن الشباب ... نوف وهي تعطي الريم الصورة:أمزح يا بنت الناس .... الريم : خلاص ....صدقتج حطت الريم الصور في شنطتها ..... مها:الريم كم خوانج الريم:ليش مها:أسأل حرام السؤال الريم:ايوه حرام مها:لا مش حرام هم أخواني في الإسلام .... الريم وهي تضحك : الحين أخوانج في الإسلام .....5 شباب مها:حد متزوج ... الريم:الا واحد العود اسمه محمد .... نوف:ممكن سؤال الريم:تفضلي نوف:ممكن تخبرينا عنهم الريم:أن شاء الله .....سالم وعمره 24 وكان يدرس في لندن ومن قريب خلص.... والثالث مبارك راعي الصورة وعمره 22 وهو في كلية زايد العسكرية في أبوظبي ...وبعدين سيف عمره 13 سنة وسعيد سنتين ونص عني أفداء روحه .....وبس .... نوف:الله يخليهم لج عسى .... مها:آمين وتمين نوف ومها دقتها سوالف وضحك عند الريم ........... .................................................. ........................ العصر الساعة 4ونص سلامة قاعدة في الصالة اللي تحت تكلم سارة ........... سلامة:متى راح تين بيتنا .... سارة:ما أدري ... سلامة:شو ما تدرين لازم تكونين هني بعد ربع ساعة .... سارة:أنزين .... سلامة:المعلم بيكون هني الساعة 5 ..... سارة:أمري لله بخبر امايه تدور لي حد ... سلامة :أوكية ....مع السلامة ... سارة:في أمان الله ..... اليازية:تكلمين منو ... سلامة:يعني منو ....الا سارة .... راحت اليازية صوب حجرتها ....والريم كنت نزله من فوق ........ الريم وهي تنزل من الدري :السلام عليكم .... سلامة:أهليين ريموه ... الريم وهي تقعد عدال سلامة :علومج ...... سلامة: طيبة .....ياحظج ريموه شبعانة نوم.... الريم:حرام عليج ....ما نمت وايد كلها ساعتين .... سلامة:... طالعي عيونج متنفخات من كثر النوم .... الريم:ايوه نمت عندج مانع ... سلامة:لا .... الريم:وين الشاي .... سلامة:برع .... الريم:ليش حاطينه برع حد قاعد هناك .... سلامة:لا الريم:وين هل البيت .... سلامة: كلهم رايحين العزبة ... الريم:حرام ليش ما خبروني ... سلامة: ما حد حلمج أنج تبين تروحين عندهم .... الريم:انزين قومي نروح برع ........ طلعن الريم وسلامة في الحوش ويلسن عدال الخيمة ترمسن ............... الريم وهي تصب لها شاي :ياويلي باجر عليه كوز .... سلامة:عادي ذاكري ما وراج شغله ...... الريم:حرام عليج الحين أنتي ذليتيني يوم قلتي ما عندج شغله ..... .... سلامة: بسألج أنتي شو من شغلة عندج .... الريم:البيت كله فوق رأسي .......وتقولين لي ما عندي شغله ... سلامة:خلاص عندج شغله عطيني تلفونج .... الريم:ليش ... سلامة:اباه لازم....... يعني اخبرج بالتفاصيل ... الريم:أندوج ..... خذت سلامة التلفون من عند الريم واتصلت بسلامة على بيتهم ..... سلامة:أهليين سارة ....... سارة:هلا وغلا بسلامي ...... سلامة: علومج .....لقيتي حد ...... سارة:أيوه دريول قوم عمي بيوصلني...... سلامة:خلاص أنتظرج ...باي سارة:باي ... وسكرت سلامة من سارة ولاحظت أن الريم تطالع عليها بنص عين .... الريم بغضب:ليش تتصلين من تلفوني على بيتهم ... سلامة:شو فيها ... الريم بنقمة :ما فيها...شيء .... بس أولا خسرتيني ....ثانيا طلع رقمي في الكاشف مالهم .... واذا شاف حد رقمي بيتصل على تلفوني بيقولي ليش متصلة فينا .....وثالثا تلفون البيت موجود الله يطول عمر بويه ..... سلامة وهي تقوم من مكانه :استريحي ما راح حد يتصل فيج ..... الريم:يعلج الموت يالخامة ..... سلامة وهي رايحة صوب المطبخ :جب روحي ذاكري لج كم من كلمة ..ممكن تنفعج في الكوز مالج .... سلامة وهي تدخل المطبخ :هاي شيف محمدوه .... محمدوه:أنت شو يريد مني ...... سلامة:قلتك هاي رد على الترحيب تراه ببلاش مو بفلوس .... محمدوه:هاي سلامي ... سلامة:سلامي في عينك ...وين الكيك اللي سوتها ليلى .... محمدوه:داخل ثلاجة ... سلامة:خلاص أنتا سوي شاي وقهوة للمعلم و هات معاك الكيكة والعصير وحط كوب جديد أنزين...... محمدوه:أنزين .... وصلت سارة لبيت سلامة وراحن صوب الميلس علشان يدرسن إنجليزي .....وتمين تدرسن لين الساعة 7 المغرب ..... سارة:روحي يبي تلفون ابا أروح البيت .... سلامة:لا والله بتتعشين عندنا .... سارة:ما أقدر ......أمي قالت من تخلصين أتصلي فيني ... سلامة:حرام عليج .... سارة:المرة الياية ...... سلامة:قعدي وبعدين بنوصلج مشي مو من بعد البيت ... سارة:ما فينا على حشرة الشباب ...... سلامة:الله يسامحج ........راحت سلامة ويابت تلفون الريم .....ودقت سارة لامها وخبرتها أنه راح يأخذها أخوها .... سارة:قومي نطلع عند دروازة الميلس حتى تي السيارة .... سلامة:أخاف يشوفنا مبارك ...يذبحنا ... سارة :ما راح يشوفنا .. سلامة :يالله .... وراحن سارة وسلامة وقعدن عند الرصيف اللي مقابل الدروازة .. ...... سلامة:أمس شفت أحمد يا سارة ....ما قدرت أنام ..كان جنان وشكله يخبل ... سارة:قولي والله ....ليش ما خبرتيني اليوم .... سلامة: كنا يالسين عند الشلة واستحيت أقولج تعالي .....بعدين بتفكرن بشيء مو بزين بيننا وتمت سلامة تخبر سارة بالموقف اللي صار لها أمس ..... سارة:عجيب نفسي أشوفه هذا أحمد ...شو قبيلته سلامة:حاولت أسال مبارك .... بس ما قدرت ......أخاف منه سارة رافعة أيدها للسماء :أن شاء الله يكون من نصيبج ....قولي أمين سلامة:آمــــــــــــــــــــــــين يا رب العــــــــــالمــــــــــــــــــــــــــــين فهاللحظة سمعن سيارة وقفت عدال الدروازة ويصيح هرن{{ بيب بيب بيب}}...................... ((وكان منزل دريشة السيارة و مطول للمسجل على الاخر على عيضة المنهالي ))....................... "ارفج انا بعيونك .. رفجة عرب يوفون .. لو كلهم ينسونك .. ما أنساك مهما يكون " طلعن سارة وسلامة صوب السيارة..... سارة:عني أفداج سلامة تدخلين أنا ماعليه السيارة هذي .... سلامة:افاااااا لازم أطمئن عليج .... فهاللحظة كانت سلامة تعدل قصتها النازلة على عيونها بس من شافت أحمد تمت تتشوف وفاتحة عيونها ...... حاولت سلامة انها تتحرك او انها تسوي أي شي بس ما قدرت .. كانت صدمتها عوده .....وأحمد من شاف سلامة تيبس ... هو تيبس من حلاتها ..تم يطالعها جنه يشوف ملاك من السماء.... آية من الجمال مرسومه في هيأة إنسان.............. و في هاللحظة نسى سارة ونسى الكون كله ......تم أحمد واقف وسلامة واقفة ....وسارة مستغربة من نظرات أحمد صوب سلامة ... أحمد :السلام عليكم سلامة وهي تتغشى :مرحبا ... أحمد:اشحالج الشيخة ؟... سلامة:يسرك الحال ....وراحت سلامة صوب الدروازة علشان تدخل .... أحمد:طويلة العمر ما شيء في خاطرج ... سلامة:سلامتك .... وراحت سلامة ودخلت الميلس وهي تناقز في الكراسي .......وتصارخ: طلع أخو سارة ..... سالم كان توه داخل البيت وشاف ليتات الميلس مولعة وقل في خاطرة أكيد مبارك هناك وعند ربعه ....راح صوب الميلس وحصل سلامة تصارخ من خاطرها ...... سالم وهو يدق الباب : حوووووووووووووه شو فيج ... سلامة وهي توقف مكانها :هاه ...مافيني شيء ... سالم:صراخج واصل لأخر السكة .....شو فيج سلامة :ما فيني شيء سالم:عيل ليش تصارخين ... سلامة:خلصت مذاكرة وقمت أصارخ من الفرحة .... سالم:بالله عليج اذا خلصتي امتحانات شو راح تسوين ... سلامة:ما أدري بفكر فيها ..... سالم يأخذله قطعة كيكة :من مسوي هذا الكيك .... سلامة:ليلوه من غيرها لمت سلامة كتبها وطلعت هي وسالم من الميلس وشافوا مبارك يالس في الخيمة .............. سالم:السلام عليكم مبارك:أهليين بو غنيم ... سالم:علومك وين راحت .... مبارك:العزبة ...أهليين سلامة ليش ما تسلمين .... سلامة وتمثل أنها زعلانة :ما راح أسلم على مجرم مثلك .... مبارك راح وسحب سلامة من أيدها :تعالي عدالي ... سلامة:أي فكي أيدي تراك عورتني ... مبارك يفك أيد سلامة :من عيوني يا قلبي .... سلامة:تبيني أرضى عليك ... مبارك:أكيد ....... سلامة:خلاص أقنع أمي تخليني أروح صوب ربيعتي سارة أدرس عنده .... مبارك:وين بيت سارة سلامة :عدلنا ......في الشارع اللي ورانا ... مبارك:خلاص أنا راح أقنعها يا سلامي .... سلامة:مشكور يأخي العزيز وشوي يصيح تلفون مبارك .............تم مبارك يطالع الرقم وكان غريب .... مبارك: ألو المتصل: ..... مبارك: ألو المتصل بعد تردد: هلا "كان صوت أنثوي فيه بحة" مبارك : هلا والله المتصل: شحالك مبارك: يسرج...منوه الأخت المتصل: وحده مبارك: ألحظ أنج وحده...بس منوه لو تكرمتي المتصل: وحده معجبه مبارك: فيه.....ياويلي حالي أنا على المعجبات المتصل: عيل منو مبارك: شفتيني من قبل المتصل: أكيد...وحفظت شكلك عن ظهر قلب مبارك يبتسم: أنزين ومن وين لج رقمي المتصل: أنت عطيتني مبارك مستغرب وعاقد حياته(( نسى الحبيب)): أنا...متى!!! بصراحة ماذكر المتصل: لازم مابتذكر من كثر إلي ترقمهن مبارك يضحك بصوت عالي: هههههههههههههه لا تقولي مالت العين مول"يلتفت صوب سالم ويغم له" المتصل: زين تذكرتنا مبارك: والله أنتي المتصل: والله...عيبني رقمك وقلت أيرب حظي وياك مبارك مسوي ببوزه حركة إشمزاز ويقول في خاطرة (لعبة الحظ): زين والله زين.. المتصل: شو أزقرك مبارك: مبارك يا شيخة الحلوات ...وأنتي المتصل: عاليه مبارك: الله...أسم على مسمى...تصدقي يناسبك المتصل: تسلم...مع إني ما أحبه وايد مبارك: لا صدج والله حلو وايد...من العلو والسمو...وأنتي عاليه شرات القمر في السماء المتصل: هههههههههه عيبني هالوصف مبارك: فديت الضحكه أنا المتصل: أوكى بخليك الحينه.. مبارك: بهالسرعة المتصل: بدق لك في الليل مبارك: أوكى...نتريا أتصالج يا الحلوة *&*((الجزء العاشر ))*&* تموا سالم وسلامة يعلقون على مبارك وسوالفه عند البنات ........... مبارك:معجبات شو أسوي .... سالم:...هذا التلفون لحق الشغل ...مو لحق المغازلة .... مبارك:والله أنا عندي تلفونين واحد للمغازلة والثاني للشغل والربع ..... سالم:عجيب .... مبارك:وين رايحة يالعيوز ... سلامة:بروح صوب قوم اليازية والعنود ..... ((في حجرة اليازية)) اليازية:خلي سالم يحس أن حد يحبه ..... العنود:أخاف يعرف أني أنا اللي أطرش المسجات .... اليازية:بنطرش من البطاقة المدفوعة ...واذا أتصل عليج بتكونين مغلقة التلفون....و استخدمي أنتي الخط .... العنود:أوكيه أمري لله ..... سالم كان قاعد في الخيمة بروحه ومبارك راح حجرته علشان يأخذ شاور ........... و في هاللحظه يه مسج ...... " لا تذكرني بحبك يا غناتي .. لا تذكرني بماظيك الجميل .. في صدى ذكراك باقزر حياتي .. مستحيل احب غيرك مستحيل " اول شي ما عرف سالم الرقم .. فطنشه .. قال يمكن حد مغلط................................ و رجع و يه هالمسج من نفس الرقم .. "الله مكبر غلاك ينبض بحبك فوادي ....من يشبهك يا ملاك من يشبهك يا ودادي .... أنت بشر غير عادي فيك الجمال العجيب " "رهيب" والله رهيب "" قراها سالم .. لا ما اعتقد .. انه مغلط .. راح سالم و اتصل عهالرقم ..بس محد شله .. استغرب سالم .. بس ما اهتم وايد .. بس تفاجأ ان راعي هالتيلفون رجع و طرشله مسج .. "ارفج انا بعيونك .. رفجة عرب يوفون .. لو كلهم ينسونك .. ما انساك مهما يكون " رجع سالم و اتصل .. و نفس الشي محد شله .. طرش سالم مسج ...... "السموحة .. الا تراني ما عرفتك .. منو الريال ؟؟.. " شوي و يه هالمسج .. " انا الشاكي ..انا الباكي ..انا الحساس .. انا الي في المحبه خاظع راسي " رد سالم .. "ياويل حالي .. ثرك متخشع يالغالي .." يه مسج .. " انا بنت .." رد عليها .. " اها .. السموحة منج ياختيه .. " ردت "مسموحة .. بس ممكن أسألك سؤال لو سمحت ؟؟.." رد عليها .. "تفضلي الشيخه .." ردت .. "شو فيك .. انت من اسبوع مب طبيعي " سكت سالم .. اللحين هذي شو أقولها .. ؟؟.. تأخر سالم عليها بالرد .. طرشتله .. "السموحة ان كنت ظايقتك بسؤالي .. او اني تدخلت في شي من خصوصياتك .. بس و الله مستهمه عليك و احاتيك " في هاللحظه اتصل سالم بالرقم ......بس العنود ما ردت عليه ............. العنود:حرام خلينا نرد عليه .... اليازية:مينونة أنتي بيقول أكيد تسوين عند الشباب مثل جذي....... العنود:خلاص ....وراحت العنود وأغلقت التلفون ...... سلامة كان لها 10 دقايق وتدق عليهن بس ما رضين تفتحن لها ....... سلامة :اليازية ....فتحي الباب .... اليازية:خير شو تبين .... سلامة:مشتاقة للعنود ... اليازية وهي تفتح الباب:يالله على الشوق اللي يا فجاءة .... سلامة:هــــــــــــــاي ... العنود وهي تسلم على سلامة :أهليين سلامي .....اشحالج سلامة:بالخير ....الحمد لله ....عطيني لاب توب ...... العنود:وين رحتي سلامة:توني يايه من الميلس ... سلامة وهي تشغل أغنية راشد الماجد ..((جاني حبيبي )) سلامة وهي طايرة من الفرحة : ااااه و ليتني ما ييت .. اليازية:افاااااا ليش الشيخة سلامة ..... سلامة:مالج خص .... و يلسن البنات يسولفن و يظحكن .. و كل شوي اتقوم سلامة وترقص على غنية ...... سلامة: اليازية حملت أغنية حمد العامري(( ليتني عرفتك )) اليازية:ايوه بتحصلينها في المستندات .... راحت سلامة و حطت غنية حمد العامري (ليتني عرفتك) و قامت و ترقص من خاطرها ...... سلامة ترقص بغنج .. اااااااااه .. كننا اليازية والعنود مستغربات من سلامة أكيد فيها شيء مب طبيعية اليوم .. و من يى هالمقطع((أشقيتني بمعانقة حب عذري ...... ليت الخيال اللي يلمك معي جاءك ....... الوقت يتحكم بعذرك وعذري ........ والشوق لي خذني بعشقتك وداك أمسي وتفكيري مع الشوق يسري ........ يسري إلى جده متيم بروياك ........... أشغلتني و أشغلت قلبي وفكري............... ولا أشوف فوق الكون غيرك ولا ألقاك ....... يلست سلامة تغني و هي ترقص و تسوي حركـــــــــات و تــــــــــــتمايل عذاااااااااااااااااااااااااااااااااااااااااب .. في السيارة كان أحمد يحوط في سيارتة الرنج السوداء...... أحمد كان متشقق من الفرحة .. عايش في عالم ثاني .. عالم سحرته سلامة بجمالها .. يالله عليج يا سلامة وين أنتي عني من زمان ......... ************************************************** *** سلامة سمعت التلفون يصيح طلعت من حجرة اليازية ربعت صوبه.......وكانت الريم تربع صوبه بس سبقتها سلامة وشلته......... الريم:بسم الله.........أكيد التلفون يصيح في قلبج ... سلامة وهي ماسكة السماعة : مو حقج .... هذي سارة .... الريم:24 ساعة تتكلمن مناية أعرف في شو ترمسن .... سلامة:مالج خص روحي خليني أكلمها ..... الريم راحت تحت عند قوم أمها ...... سلامة وهي ترد على سارة :هلا حبيبتي أشلونج .... سارة وهي تضحك :والله ما أصدق أن أحمد اللي تحبينه هو أحمد أخوي ..... سلامة:ما تتصورين اشكثر اليوم أنا فرحانة يوم سلم عليه .......أه يا قلبي ..... سارة:حشرني ..أحمد بج ... سلامة:بشو سارة:يسألني عنج ... سلامة:قولي والله سارة:والله العظيم .. سلامة:شو قلتي له ... سارة:سألني كم عمرج ...وأنا في صفج ولا لا ..قال عنلالالالالالالالالالالالالالالالالاته شكله يخبل ............. سلامة وتمثل أنه مغمى عليه :ياويل حالي أنا ماأقدر أستحمل أكثر من جذي ...... سارة:وقال لي كل ما تفكرين انج تبين تروحين لهم خبريني وأنا بوصلج ..... سلامة:خلاص الحين تعالينا .... سارة:حرام عليج ....الحين الساعة 8ونص ...... سلامة:أمكن أنا إياكم قريب .. سارة:قولي والله ... سلامة:والله ...قلت لمبارك يرضيني بأنه يقنع أمي تخليني أروح لبيتكم أدرس عندج وقالي من عيوني .... سارة:والله وناسة ... وقاعدت سلامة تكلم سارة نص ساعة وبعدين سكرت وراحت صوب حجرتها علشان تصلي العشاء ........... **************************** {{في الصالة الساعة 10 الكل قاعدين بعد ما خلصوا عشاء}}......... أم محمد:سالم ....أبيك توديني الهير باجر .... مبارك:ليييييش ؟؟؟؟ أم محمد :ودي أروووووح أسلم عهليه.... مبارك :حشى يا هالسلالالالالالالالام اللي ما يوقف .....كل يوم هو السلالالام؟؟؟؟ أم محمد:عدي بهم يوم العيد ...... سلامة:بروح وياج ... اليازية:وأنا بعد .... الريم:هم أنا بروح عندكم ... سالم: لا انتي استريحي .. ماشي رووحه .. الريم:ليش عاد ؟؟؟ سالم وفيه ضحكه :لا والله؟؟؟؟ سلامة: ابا أعرف شو مستوي بينكم انتم الاثنين ..؟؟؟؟ أم محمد: شعنه ما تبى ختك تخاوينا ...؟؟؟ سالم:هي تعرف!!! الريم و هي مستحية : اوكي خلاص ما برووح ... سالم: يا ويلي ع مستحى البنات ... أم محمد: ايه شو بينكم ..؟؟؟ الا تتغامزون ... سلامة: : امايه تراهم عها لحال من كم من يوم ... و لا طاعوو يقولولي شو بينهم .. مبارك:أنا أعرف سالم:تعرف شو ؟؟ مبارك:ما بقووول ... أم محمد:لا قول شعندهم ؟؟؟؟ سالم:... ههههههههههههههه .... العيوز ذابحنها الفضوول ..... أم محمد عطت سالم نظرة .... سالم :خييييييييييييييبه ...... أم محمد:تخيييييييبك ......مبارك رمس شعندهم ؟؟؟ سالم:ههههههههههههههههههه.....ما يعرف ......الا جذيه يرمس هو ؟؟؟ مبارك: انزين و ان كان الي بقوله صدق و شو الي من بينكم .. شو بتعطيني ؟؟؟.. سالم: هههههههههههههه ... علمنك خاواتك تعطيني و اعطيك ... مبارك: هههههههههههههههههههههه ... هذي هي الحياه يا صاحبي ... سالم: ههههه ... لك الي تباه .. مبارك:اريد سيارتك الرنج يوووووم كامل من الصبح اللين فليل... سالم: اريد اعرف شوو مشكلتكم .. الكل يباها هالسياره .. حشى حاس انها بتنعدم الا من عيونكم .. اليازية :انزين ...يالله قول مبارك:أمممممممممممم ....احم احم .. أم محمد: ما قلنالك غني .. تتحنحن احم احم .. سلامة:أمايه خليه ....يله بروك قوووووووول مبارك: اعتقد .. ترى هو مجرد اعتقاد .. ان السالفة سالفة عرس .. أم محمد: عرس ؟؟؟... منو بيعرس ؟؟؟.: سالم :و الله و ظويتها السالفه هههههههههههههه ... مبارك: و الله ..؟؟؟ خلا لاص عيل باجر سيارتك عندي طول اليوم .. سالم: لا باجر برووح عرس في سويحان .. ورى باجر انشالله .. سلامة:راشد بيخطب الريم صح ؟؟؟ استحت الريم ونشت عنهم .... سلامة:ياويلي على المستحى ليتكم كل يوم تتكلمون عن العرس عند الريم ..... مبارك: الله يرحم لسانــــــــــــــــــها هههههههههههههههههههههههه....... وقال سالم لامه عن السالفة ...... مبارك:لا ما صدق بتعرس ريموه ؟؟؟ أم محمد:والله ؟؟؟ سالم : يعني اونج ما تدرين ...؟؟؟ أم محمد:حليلي .....شدراني بك؟؟؟ سالم: : يعني الشيبه ما قالج ..؟؟؟ أم محمد: ليش ثرة بوك يدري ...؟؟؟ سالم: حرااام يا انه قايللج ... أم محمد:ههههههههههههههههه.... سلامة:ايه خلوني أستوعب ....اللحين راشد بيعرس والريم بتعرس ...وأن شاء الله سالم ومبارك واليازية بعد الله البيت بيفضى ليه ؟؟؟ مبارك :الفال لج انشالله .. و افتك من حشرتج ... سلامة: لا حبيبي .. انا يالسه عقلبك ... أم محمد : : و عمنوووه نويت انشالله ... ؟؟ سالم بمزحه :عرب.... أم محمد: دريتبهم عرب .. الا منو هالعرب ..؟؟؟ سالم بضحكه : امممم ... بعدني ما توثقت منهم .. انشالله بقولج يوم بتوثق من ردهم عليه ... أم محمد: يا ويلي يا سالم ... ربك بتظويلي وحده من هالخايسات الي مخاونهن . في لندن ....؟؟؟ سالم وهو يغمز مبارك : شو اسوي .. ما اصبر عنهن .. أم محمد: ياويلي من هالصبي .... هههههههههه .. سالم معصب: حشم .. ريال بلحيتيه و تقوليلي صبي ..؟!!!.. أم محمد: امحق ريال ... الريال يحشم من هله ... مبارك: يالغاليه .. ترى سالم دوومه حاشمنكم ... أم محمد: : لا لا لا ... يعله فدى محمد ... سالم:والله ... أم محمد: هيه ... فديته يوم بغى يعرس .. خطب بنت عمه .. ما ربع عالغرب ... اليازية:يالله عليج أماية ...ترى نورة بنت خالتي عايشة متزوجة بواحد من هل دبي ما نعرفه ...... أم محمد: مب منقود ع الريال يظوي بنت عمه و الا بنات خاواله .. الا منقود عليه يخليهن عشان وحده جبيليه ... سالم: يعني لو هالبنت الي اباها مب من هليه ما بتخطبينها لي ؟؟؟.. أم محمد: : لا ما طرالي ... جن الا في خاطرك هالعرب .. خلهم في خاطرك .. و جنك تبى تعرس بالعنود بنت عمك... شيخة البنات فالك طيب .. و الا مره لا تحط في بالك انك بتظوي جبيليه علينا ... سالم: ان بغيت وحده بظويها ... أم محمد: بتظويها ؟؟؟... سالم ((كان كل تفكيره انها مزاحه ...بس لو أني أريد أتزوج شوق أمي بترفضها ..... ليش عاد )): هيه بظويها ... و نش سالم و هو متغيض ... أم محمد وهي تكلم سالم بصوت عالي :ظوها الرقعة عيل ...... سالم معصب على الاخر :الا بظويها في هالبيت و لا عليه من حد ... ... أم محمد: عنلاتك مسود الويه ... عزات انك ما بيضت ويهنا بين العربان ..... سالم: لا خلي محمد يبيض ويهكم عند العربان ... سلامة: خلالالاص امايه ... أم محمد: هيه بيبيضه .. مب انت ما من وراك الا الفضايح ....... سالم: و الله ؟؟.. ما عليه .. و يطلع سالم عنهم و يركب سيارته .. و يظهر من زاخر ... الريم: شوو بلاكم ..؟؟؟... سلامة و هي تصيح :... ريمووووه .. يا ويلي سالم ظهر متغيض .. الريم: شوو مستوي ليش تصيحين ..؟؟.. مبارك: لا اله الا الله ... أتصلبه ما يشله تيلفونه ... أم محمد:خله .....بيروووح وبيرد ..... مبارك: حراام عليج ... سالم ما يستاهل منج هالشي ... سلامة: هي تصيح : حرااام عليج امايه ... و الله محد منا يحبج كثر سالم .. و انتي دوومج تغثينه بزواجه من العنود مصيره الا بيتزوجها...... وهو عناد فيج يقول جذي .. أم محمد: لا ما يحبنيه ... ما سمعتيه شو يقولي ؟؟؟.. مبارك: أمي .. سالم كان يسولف .. و الا انتي ما ادري شو بلالاج عليه ... الريم: ممكن حد يقولي شو مستوي ؟؟؟.. سلامة: اذا كنتي اتسوين كل هذا عشان سالم يأخذ العنود بنت عمي سالم ... تراج برمستج اليوم بتخلينه يعافها .... بس ما ظني انه بياخذها من عقب رمستج ... كانو مرتبشين في البيت .. سلامة عكل دقيقه تتصل بسالم خوها .. لانها واااايد متعلقه به .. و سالم يسووق سيارته صوب أبوظبي .. و هو حاز في خاطره رمست امه ... يالله لها لدرجه أمي ما تحبني .؟؟.. ليش انا شو سويت عشان الكل يعاملني بها لطريقه ... و الله..... نزلت دمعة سالم .. هو صح تزوج شوق بالسر .. الا عمره ما غلط عانسان و لا قد عصى ربه في شي .. و لا قد فاته فرض ... و هو يموت ع امه .. عمره محمد ما عامل امه مثل ما سالم يعاملها .. دومه محمد في حاله و لا له خص في حد من هله .. عمره ما ودى خاواته مكان او حتى قضى حايه لهم .. يالله يا هالدنيا ... ................ تموا هل سالم يتصلوبه بس هو ما رد عليهم و من عقب أغلق تيلفونه ... اتصل مبارك بمحمد ربيع سالم يشوفه .... اذا سالم عنده و الا أتصلبه …. ( اللي كان سالم يوم يضايق يسير صوب محمد الكعبي ربيعه اللي كان يدرس عنده في لندن ويخبره باللي يضايقه )..... محمد : لا و الله ..... مبارك : خلاص.. السموحة جني غثيتك ... محمد : لا افا عليك.….. انت شرات خويه .. مبارك : تسلم .... بس ان أتصلبك و الا ريته .. خله يتصلبي دخيلك .. محمد: رب ماشر شي مستوي ..؟؟؟ مبارك : ماشي..... تواجع هو و الوالده شوي و ظهر عنا من ساعة و اللين اللحين ما نعرف عنه شي ... محمد : في ذمتك ؟؟؟.. مبارك : و الله .. محمد : خلاص برايك عيل بتصلبه ... و تم محمد يتصل و تيلفون سالم مغلق ... كان سالم في هالوقت عالكورنيش في بوظبي ... هو برووحه ما درى بعمره شوو الي ساقه ل بوظبي ... ................................... بات سالم في فندق انتركونتال ... و تيلفونه بعده مغلق ... وسلامة ومبارك و هله مرتبشين كلهم يدورون سالم .... و محمد مب عارف وين ممكن يحصل سالم .... و سالم نسى تيلفونه و لا فتحه ... الساعة 12 فالليل .... أم محمد: ياويلي ولديه شي استوى عليه ... سلامة: فديتك مبارك دوره فديتك ... محمد: شو الي استوى من بينكم عشان يظهر متغيض من البيت ..؟؟؟ عمره سالم ما ظهر و هو متغيض ...... أم محمد و هي تصيح : يا نفاد الدار من عقب سالم ... و في هالوقت يتصل محمد بمبارك .. محمد : هاه بشر ياكم علم و الا خبر ..؟؟؟؟ مبارك : لا علم و لا خبر ... أم محمد : منو هذا ...؟؟؟ مبارك : هذا واحد من ربع سالم .. أم محمد : عطني اياه ... أم محمد : فديتك يا ولديه جنك أدل سالم .. خله يظوي .. محمد : و الله يا خالتيه ما أدله و لا عندي علم بداره ... و تمو عها لحال الين الساعة 1ونص ... سلامة و هي تصيح : حرااام عليج امايه ... ام محمد : يا لقعتيه .. سكتي عني .. انا بروحي مب في حاله ... .................................................. ... بالباجر مر اليوم كئييييييييييييييييييييب و بطييييييييييييييييييييييييء الكل يتريا يعرف شالحال ع سالم وين هو الحين ... وأم محمد متلومه في سالم وتقول في خاطرها ليتني ما قلتله هذا الكلام ......أما أبو محمد ما كان موجود كان رايح دبي علشان أشغله اللي هناك ......... ((العصر الساعة 5ونص)) توه سالم واصل العين ورايح صوب زاخر ......... دخل سيارته في الحوش .. توه بيدخل البيت ... و الا يشوووف سلامة خته اللي طالعة من الخيمة يايتنه تربع و هي تصيح ... سلامة: فدييييييييييييييييييييييييييييييييييييتك سالم .. و تلوي عليه و هي ميته من الصايح .. سلامة : حرام عليك و الله استهمينا عليك .... سالم : ليييييييييييش ؟؟؟... سلامة و هي اونها تظرب سالم عجتفه : سبال و الله خفت عليك حراام اني من أمس و انا احاتيك ... من ظهرت عنا الين اللحين ... و الله ما قدرت انام و لا قدرت اذو ووق شي بسببك .. وحتى أني ما رحت المدرسة اليوم . سالم : فدييييييييييييييييييتج ... و يلوي ع سلامة ... السمووووووووووحه ان هميتج ... انزين جان اتصلتيبي ... سلامة : لا و الله ؟؟؟؟... كيف و حظرتك مغلق تيلفونك ؟؟؟.. سالم : اووووه .. انا أغلقت التيلفون و فريته في السده ... مره نسيته ... و ان مبارك و الريم ظاهرين صوبهم((( بعد ما سمعوا حس سالم في الحوش))) ... مبارك : و اخيرا ... سالم : ههههه ههههههههههههههههههههه ... و ليش اخيرا .. الريم : و الله هميتنا ... سالم : السمووووووووووووووووووووحه .... مبارك : حشى حرااام اننا من امس و احنا مب في حاله ... الله يهديك و الله ... سالم : هههههههههههه ... اول مره اكتشف اني غالي لهالدرجه ... مبارك : الا كلنا كوووم و سلامة كوووم ... حشى فظحتنا .. من امس و الونان شغال عندها ... تصيح سالم سالم ... و تلوي سلامة ع سالم : فدييييييييييييته ما عندي حد أغلا منه ... الريم : لا عندج .... بطنج يا لدبه ..........هههههههه و يضحكووووون .... و يطلع محمد هو وسيف ... محمد : الحمد لله عالسلالالامه يالمزيون ... سالم و مب من خاطره الرمسه : الله يسلمك .... سمحولي .. بروووح أتسبح .. مبارك بتخويني عرس خويي مطر ..؟؟؟ مبارك : وين عرسهم ؟؟؟.. سالم : سويحان ... مبارك : غايته .. من متى اعديبهم شبيبة سويحان ... سالم : خلاص .. رووح و تزهب هبابنا .. و يدخل سالم البيت ... كانت امه يالسه هي اليازية والعنود وعفراء .. دخلن خاوات سالم وراه ... سالم : السلام عليكم ... و خطف سيييييده صوب حجرته .. و لا ستنا حتى ان امه تقول شي و الا ترد عليه ... كان مبارك بيدخل .. جان يمسكه محمد من جتفه .. محمد : شو بلاه سالم ..؟؟؟ مبارك : ما بلاه شي ... محمد : لا .. شي فيه ... مبارك : مافيه الا كل خير انشالله ... بس بعده متضايج من سالفته مع امي ... محمد : لا و الله ؟؟؟... تراه كان يسولف و يضحك و من يييت جلب ... شووو السالفه ؟؟؟.. مبارك : ما ادري و الله ... تم الجو وايد متكهرب في بيت حمد الكتبي ... سالم ماتم ييلس في البيت و لا حتى يسولف مع حد الا مع مبارك . ******************************* المغرب سلامة تتصل لسارة علشان تسألها باجر عليهم أمتحان أو لا ..... تم يصيح التلفون ....وكان أحمد خاطف يبي يطلع من البيت وكان كاشخ على الاخر بيروح عند مبارك وسالم للعرس اللي في سويحان ........ راح أحمد ورد على التلفون ........ أحمد:ألوووووووو سلامة من سمعت صوت أحمد تشنجت :..................... أحمد:ألووووووووو سلامة:أهليين ... أحمد:مرحبا مليون بالغالية اشحالج .... سلامة:بخير يسرك الحال ....وين سارة ... أحمد:من أنتي ... سلامة:ربيعتها ... أحمد :أدريبج ربيعتها شو أسمج .. سلامة:يهمك تعرف ... أحمد بجدية :فوق ما تتصورين .... سلامة:سلامة بنت حمد .... أحمد:مرحبا ملالالالالالالايين ....أسميني من سمعت هالصوت بيطول عمري .... سلامة تمت تضحك على أحمد ........ أحمد:ويل حالي أنا.....ليش ما ترمسين .... سلامة:السموحة الشيخ بس أنا سويت علشان أكلم سارة مو أكلمك ... أحمد:تبين سارة من عيوني دقايق ......وتم أحمد يصارخ على سارة علشان تي تكلم سلامة ....وشوي أن سارة مقبلة صوب أحمد ... أحمد:أوكية الغالية شيء في خاطرج .... سلامة:سلامتك ... أحمد:الله يحفظج ....وعطى سارة التلفون وطلع من البيت .......... سارة:اهليين بالغايبة ... سلامة:مرحبا سارة ...أحس أني راح أموت ..... سارة:افاااااا ليش عاد ..... سلامة:من أحمد أخوج تراه يعذبني ... سارة:شو قالج ؟... سلامة:كلامة ينقط عسل ... سارة:حفزتيني شو قال ... سلامة:سألني من أنا ...فخبرته ...فقال اسميه بيطول عمري .... سارة:ياويلي من أحمد ...يعرف يتغزل بعد سلامة: يحقوله أنه يتغزل فيه ...جمال وأخلاق وبنت ناس ..... سارة:والله وتكبرتوا علينا ......... سلامة: أمزح ...................... أخوج هذا عذااااااااااااااااااااااااااااااااااااااب ........ سارة:أنزين خلينا من أحمد ليش كنتي غايبة اليوم ... سلامة خبرت سارة بالسالفة كلها .....وسلامة تخبرت اذا عليهم باجر امتحان فقالت لها سارة ما عليهم ..... بعدين سكرت من سارة وراحت للريم في حجرته اللي كانت مطوله للمسجل على الاخر... عبد المجيد عبدالله (أحبك ليه أنا مادري )...... سلامة:عاشــــــــــــــــــــــــــــــوا ..... الريم وهي تقصر على صوت المسجل :بسم الله دقي الباب قبل ما تدخلين ... سلامة:خلينا من الباب علومج فرحانة .... الريم:على شو ... سلامة وهي تأشر با يدينها: علينا علينا .... الريم:شو تقولين أنتي ... سلامة:فرحانة يوم خطبج راشد ..... الريم:من قال أنه خطبني .... سلامة:سالم قال وأمي قالت أنها تدري بالموضوع .... الريم:بس ما حد شاورني .... سلامة:أن شاء الله خلال هاليومين ... الريم اتجهت لصوب الثاني وهي تغير الشريط .... سلامة:يالله وينك يا راشد من زمان ... الريم وهي تفر سلامة بالمخدة:ليش عاد ... سلامة:أشوفج هادية ....وصايرة ما تتكلمين وايد ... الريم:طلعي برع .... سلامة:مبا .... الريم:أقولج طلعي ....وشوي يدق سيف ..... سيف:ريموه أبوي يريدج تحت .... سلامة وهي تزغرظ :كلوووووووووووووووووووووووووووش ...ألف ألف ألف مبروك يا ريموه ....الفال ليه أن شاء الله .. الريم تمت تربع وراء سلامة علشان تظربها .....بس الريم ما لحقت عليها ........ونزلت تحت صوب أبوها ...... وتمت الريم تنزل من الدري وهي تطالع من في الصالة وكان موجود بو محمد اللي يا من دبي وأم محمد ومحمد يالسين في الصالة ..........راحت الريم وسلمت على أبوها ويلست عداله .......... بو محمد:ممممم ......الريم ....راشد ولد أخوي رمسني عنج ؟؟؟ الريم :كانت منزلة رأسها ........... بو محمد: هو يبى يخطبج ... الا بغى رايج قبل لا يخطب رسمي ... الريم: شووو ...؟؟؟؟؟؟؟؟؟؟؟؟؟؟؟؟... محمد: راشد يريد يخطبج ... شووو رايج ؟؟؟... الريم:....................... بو محمد: شوفي اذا تبينه قولي و اذا ما تبينه بعد قولي عشان اقول لريال ماله نصيب عندنا ... محمد:ريمووووه مانج محصله ريال شرات راشد ..... الريم: انتم شو رأيك ؟؟؟.. محمد: و الله مب انا الي بجابل ويه طول حياتي .. انتي الي بتعيشين معاه .. و الرأي رايج ... بو محمد:فضيحة في ولد عمك ...... الريم:وأنتي امايه شو رأيج ؟؟؟ أم محمد:اذا تبين رأيي وافقي عليه ...... بو محمد:أنتي فكري في الموضوع.....وخبر أمج بقرارج ....... الريم وهي تقوم تبا تروح فوق: أن شاء الله ........ كانت سلامة تتسمع من فوق.... رمستهم هلها للريم ....... الريم كانت تركب الدري وتتبسم من الخاطر .......وشوي شافت سلامة تضحك عليها ............. الريم:أنت شو تسوين هني .... سلامة:أسمع شو راح يقولون لج .... الريم:سمعتي شيء .... سلامة: ايوه .....من راحتي مني وأنا قاعدة أسمع شو قالوا لج .......... الريم:التنصت حرام .... سلامة:على كيفي ليش أنتي محترة ..... |
| الساعة الآن 09:10 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir