|
البارت السادس .. وشوي والا اتحس عليا انه شي ياكل عباتها يومصدت ورا وانها اتشوف صخلة وتصارخ من قمة راسها: اااااااااااااه .. اميه الحقيعلية ركضت ومسكت جتف محمد ووقفت وراه... وشكلها يذبح من الضحك محمد وشويخ يومشافوا شكلها جذيه ماراموا يمسكون عمارهم ضحكوا وفنفس الوقت محمد مستانس لانها مسكتجتفه وحس برجفة مرة ثانية علياء: ما عليه تضحكون علية... خلاص ردوني البيت ماطاعت اتم في العزبة خذاها محمد ويا شويخ وفي الموتر محمد يطالعها من المنظرة وهومرتاح ومستانس.. وحط شريط فاضل المزروعي اغنية حط عينك يالغلا فعيني وهي طافاتسوي عمرها تقرا المسجات اللي فتيلفونها ويصيح تيلفونها فجأة: الوو... مرحبا... هلا ... اشحالك.. الله يسلمك.. هيه والله في البر ... بعد شو اسوي أشجح وانطح.. برديوم السبت ليش في شي؟... عيل اقولك .. يوم بوصل البلاد بدق لك... عزيز وغالي يابوعسكور ومحمد وشويخ يطالعونها مستغربين محمد وهو معصب: ماشاء اللهمنوه؟ علياء: مالك خص سكت لكن فخاطره يمط شعرها شويخ تصاصر علياء: منوها؟ علياء وبصوت خفيف: هذا خالي وتضحك شويخ شيخة: تحبين اتغايظين بهحرام!! علياء: عيل ليش يدخل عصه فشي ما يخصه؟ شيخة: حرام يبين انه يدانيجقصدي كان واحين متغايظ منج علياء: يحلم!! شيخة: بقولج.. باجر تراج بتسيرينويانا الصالون علياء: لا ما اروم.. يدوه ماتطيع وحتى امي مابتطيع شيخة: ياللهعاد انا فرحانة اني شفتج واباج ويايه علياء: بفكر شيخة: انزين شو رايجاتباتين عندنا علياء: لا يابويه.. اليوم فبيت ام عبدالله شيخة:عيل باجرالصالون من القايلة بييج علياء: الرحمة ماروم من القايلة...امي العودة موعتني منالساعة 6 شيخة: لا قصدي القايلة الساعة 11 علياء: اهاا ومحمد يتدخل: انابوديكم شيخة: استريح ابويه بيودينا محمد: انا برمسه علياء: بخبرك انته شوسالفتك ... مالك خص !!! ابويه!! عمي!!! خالي!!! محمد: شوفي انا حاشمنج... يوزياحسلج علياء: وييه من حشمة شيخة: ياجماعة استهدوا بالله علياء: مااتشوفينه من يشوفنا نتكلم ادخل محمد وقف الموتر محمد: شو رايكم تنزلونواتردون البيت مشي ( وهو يدري انهم مايسوونها) علياءوهي معصبة: وع من موتربتذلنا عليه نزلت وهي معصبة علياء: وبقولك شي رد انته وشيخوه انامابركب شيخة متفاجأة: عليوه اركبي الريال يتمصخر وياج!! علياء: والرفجة الليبيننا ماركبت هالموتر ايهبي ومحمد يطالعها ويلعن اليوم اللي شافهاوحباها محمد: علياء اركبي الموتر علياء: هب راكبة هي تمشي وهم يمشون وراهابالموتر ومحمد يتأسفلهاوشويخ اترمسها وهي طاف علياء وقفت وصدت صوب شويخ: دواجعندي ومشت لين ما وصلوا البيت هي دخلت البيت متسبحة من العرق ودخلتالغرفة وشويخ اتدق عليها الباب وهي ماترد ومحمد دخل البيت ويلس في الصالةعسب يسمع شو يقولون علياء: لا اتعبين عمرج ما بفتح شيخة: افتحي... قولي ليانزين شو سويت؟ شيخة: محمد كان اللي يغايظ بج!! علياء: اقولج باجر رادة البلاد وعقب ما اتسبح باتصل حق امي عسب اخبرها اني رادة شيخة: والله اسفة ... كان فخاطري تين عرس اختيه علياء دشت الحمام ورضت الباب رض حتى محمد وشويخ سمعوه وهي في الحمام تتحرطم : ما عليه شو يتحراني من هذيلا.... والله لو يموت ما يحصل علية انا براويه اتسبحت وصلت وبعدين يلست عند طاولة المكياج تسحي شعرها بعدين لفته ولبست شيلة وطلعت برع لقت محمد راقد في الصالة وشويخ اتطالع التلفزيون يلست على ينب اتأمل ويه محمد واتقول فخاطرها: هالانسان شكله احلى مثل الصغارية وهو راقد شويخ بعدين صدت لقت علياء وقالت لها: علياء تعالي الغرفة ساروا الغرفة وعليا يلست عالكرسي عسب تسمعها شويخ والدموع فويهها : انا شو سويت عسب تزعلين جيه؟ علياء: غناتي ليش اتصيحين السالفة ما تسوى!! شويخ: والله حطيت فخاطري علياء: لا اتحطين فخاطرج ولا شياته... انا كنت متغايظة لانج ما وقفتيه عند حده شويخ: انزين يوم خلاص عيل... تمي لا اتروحين علياء: بفكر شويخ: الله يخليخ!! علياء: خلاص بتم بس على شرط... ما يضايق بي محمد محمد وهو قافز من بينهم: والله ما بضايق بج شويخ وعلياء فنفس الوقت: بسم الله الرحمن الرحيم ... من وين طلعت!!! وضحكوا... بس هذي اول مرة محمد ايشوف علياء تضحك وعليها هالابتسامة اللي اتخلي الانسان ينسى همومه وعلياء فهذيج اللحظة حست ابغلطتها علياء: والله انا اسفة يا محمد وانا حسيت بغلطتي ولا بعيدها محمد: والله اخاف لمصلحتج والسموحة اذا زعلتج علياء: لا عادي... الصراحة الحين .. الحين يوعانة شويخ: اصلا كلنا يوعانين محمد: شو رايكم انا عازمنكم عالعشاء علياء: انا ابا من ماكدونالد وانتي؟ شويخ: وجلعة!! بنسير مكان بعيد؟ محمد: ما عليه انتوا اجهزوا لين ما اخبر يدوه )في العزبة( محمد يتصل لليدة اليدة: الو.. محمد: مرحبا ملايين ولا يسدن فذمتيه اليدة: يا مرحبتين محمد: منو الغالية؟ اليدة: وابويه عليك انته اللي داق!! شو تبا يا ولدي محمد: اونج اتسوين عمرج معرسة!! اعرف انج هب معرسة يا عفاري اليدة مستغربة: بسم الله الرحمن الرحيم!! من وين يايب اسمي؟ محمد: يدوه انا محمد اليدة: اخ عليك يا محمد... جيه اتسوي فية؟؟ محمد: ههههههه.. يدوه كنت اتمصخر وياج اليدة: جيه اتحراني واحد من ربعك؟! محمد: والله السموحة منج يدوه ولا تزعلين... اوه نسيت... يدوه تراني بودي البنات وبنتعشا برع اليدة: ليش؟ محمد: بس انا عازمنهم اليدة: جيه ما تتعشون عندنا مسوين مشوي محمد: يالله بيفوتنا بس انا عازمنهم اليدة: خلاص ماعليه.. وهالله هالله فالطريج هب اتطير بهم محمد: ان شاء الله تامرين بشي؟ اليدة: سلامتك... ولا تتأخرون محمد: على امرج بند عن يدوته التيلفون وسار اتلبس واتكشخ ويلس يترياهم في الموتر وشويخ سارت اتلبس |
البارت السابع .. علياء سارت دقت ع تيلفون شويخ علياء: ها خلصتي؟ شيخة: هي خلصت بس محمد ما ادري به؟ علياء: اتصلي له!! شويخ: ماعندي رصيد.. بعطيج رقمه اتصلي علياء: اخاف شويخ:شو اتخافين!! ... انتياتخوفين!! علياء:ماعليه براويج فالموتر علياء خذت الرقم من شويخ ودقت ... ومحمد ايشوف تيلفونه ايرن محمد: يا ربي .. يا ربي..اتصلت.. ارد ولا لاء؟ بردطبعا برد محمد وبفرحة: مرحبا!! علياء:هلا محمد ويستهبل: يا هلا منوبغيتي؟ علياء: بغيت محمد محمد فخاطره: يعل بغيتج محمد طول عمرج ... فديتروحج محمد وايرد باستهبال: انا محمد ...انتي منوه؟ علياء: انا علاية محمد: هلا والله .. وين انتوا؟ انا يالس اترياكم في الموتر وفخاطره: اكيد يايبه الرقممن شيخوه علياء: غريبة ما سألتني من وين يايبه الرقم؟ محمد: اكيد منشيخوه علياء: وواثق من نفسك محمد: هي واثق... عيل من وين بتيبينه؟... وطبعامتصلة عشان متولهة علية علياء: ضحكتني يا اسمك ايه محمد: وبعد اتعرفينايطالي!! علياء: انزين ... انا يايه الموتر وشيخوه بتلحقني محمد : اوكي وبندوا ومحمد دق ع شيخوه عسب تظهر علياء تركب الموتر علياء: السلامعليكم محمد: عليكم السلام... انزين اركبي جدام!! علياء: هذا الليناقص محمد:ههههههههه صد ورا عسب ايطالعها انصدم بجمالها تم يطالعها وهيتضحك عليه وفخاطرها: بقرة شايفة حريجة!!! شكله يضحك شيخة ركبت جدام وهو بعدهحاط عينه عليها علياء: اوووه ... اوووه يالله ولا ماشي سيرة محمد: اووهسرحت شيخة: عنبوه ارمسك ولا مسوي سالفة؟ محمد: رزة!! اتحركوا ويوم وصلوانزلوا كلهم... وهو عيونه عليها دخلوا ماكدونالد و كل العيون عليهم كانوا فيشلة تتكون من اربع بنات كل وحدة احلى عن الثانية يطالعون محمد علياء واقفة ويامحمد وشيخة سارت اتيب كالعادة شنطة علياء لانها نستها وفخاطره ايقول: فديتهالعطر ولاحظت انه البنات يطالعون محمد وعلياء تصاصر محمد: محمد ترا البناتيطالعونك... كأنهم يبون شي من بعض الناس محمد: طاف علياء: طالع في وحدة يايهصوبنا محمد: خليها اتولي علياء:ههههههههههه ومحمد احمر ويهه منالاحراج وشويخ يوم وصلت حست بالتوتر اللي صاير والبنية واقفة وراهم وتنتظرنظرة منه وشويخ فاجأتهم باللي قالته شيخة ماسكة يد محمد : حبيبي انا بيلستعبانة من المشي ومحمد مثل الاطرش في الزفة وكمل: عيوني سيري يلسيهناك علياء: بسير وياج محمد:لا!! انتي تمي فازعيني والبنية من سمعت كلامشويخ ومحمد حست بغصة وردت مكانها اتخبر البنات محمد: شو رايج فيالمسرحية؟ علياء: بتاخذون الاوسكار.. بس حرام ما خليتوا امي العودة اتشارككمبتزعل وهو يسمع كلامها سرح وهو يطالع عيونها ومتخبل ع جمالها وهي تقطع حبلافكاره: الناس شروا وخلصوا وكاننا بنبات هني ولا شوه؟ محمد: ياريت.... قصديياريت نطلب وطلبوا اللي يبونهوماطاع محمد انه ييلسون لانه كله شباب يطالعونحبيبة القلب علياء وهم يتحركون بالموتر: شوي شوي ليش جيه طاير بنا محمد: انايوعان.. واليوع لازم ايسوي جذيه علياء: شويخ خذي فايدج غفة شيبس وفريهن داخلحلجه محمد: جيه تيس جدامكم علياء: هههههههههههههه لا اكرم ووصلوا البيت كلوا وشبعوا ونظفوا الصالة محمد: شو رايكم نلعب بلاي ستيشت؟ علياء:شو رايك ورا باجر لاننا اليوم تعبانين وباجر ورانا عرس محمد فخاطره: انتي تعبانه من المشي اللي مشيتيه... اكيد متكسرة.. ومب طايعة اتقولين وكل واحد سار غرفته علياء محد وياها في الغرفة: اه يا ريلي... ويه ويه ويه ويه ويرن تيلفونها وتشوف منوه لقت شويخ: هلا شويخ شويخ: هلا.. اقولج باجر من الساعة 11 لانه عندها وايد زحمة علياء: شوفي انا بتمكيج روحي لكن شهري هم بيسوونه شويخ:اقولج طالبة وحدة تسوييلي مكياج خاص حقي... والعروس وحدة ثانية علياء: يا سلام عليج... باجر العين كلها على بعض الناس.. امج لازم تقرا عليج شويخ:هي والله صدقج .. انا جيه مب مقصرة اشوف الشباب يتحاذفون علية من كل صوب علياء: يالله عاد انتي روحج حلوة بدون مكياج شويخ:عن الهذرة الزايدة ياللله ورانا دوام باجر علياء: متى خذتي رصيد؟ وانا طول الوقت وياج؟ شويخ: هاه!!! لا!! سويت حق راع الدكان اييبلي |
البارت الثامن .. (عند محمد) محمدويفكر فعلياء: هالبنية خذت عقلي .. ويا ريتها اتحس فية... صح عليها لسان يشل بلادبس انا راضي واخر شي ناموا كلهم والصبح الساعة 10ونص نشت علياء سارتاتسبحت وصلت شلت مكياجها وحطتهن فشنطة ودقت على امها علياء: الو السلام عليجيالغالية الام: عليكم السلام ... ما بغيتي تتصلين عيبتج الدار؟ علياء: هيوالله عيبتني الام: عيل يوم عيبتج يعلج بريل بدوي علياء: اميه عاد!! الام: جيه ماتتصلين؟ علياء واتخبر امها كل شي استوا يوم اتضاربت ويا محمد الام ترد : دواج تستاهلين ... لو انا بداله جان حشيت ريلج حش... شو رايج اتردينالبلاد؟ علياء: لا امي اخر مرة والله ما بطول لساني وفخاطرها: الا في الحاجةبستعمله الام: شوفي يا عليوه... هذا ولد خالتج ويبا مصلحتج... لو هو ما قالهالكلاممعناته انه مايدانيج.. بس شكله يباج... علياء: ايهبي!! والله لو باقي اخرواحد في العالم ما خذته الام: حشا كره... بتشردينه!!!علياء:اميه تراني بسيرالصالون ويا شويخ الحين يالله فمان الله الام: فمان اللخ بشوفج اليوم علياء: لن شاء الله بندت عن امها ودقت ع شويخ علياء: الو.؟ شويخ: صباح الخير مبكانج متأخرة.؟ احين الساعة 11 وربع علياء: ماشي كنت اتكلم ويا امي شويخ: اها.. عيل شلي قشج وتعالي عند بيتنا بتشوفين كروزر سوداء بمخفي علياء: خلاص انايايه سارت لبست الشيلة والعباةواتعطرت بس هالمرة ملحفة ويهها عسب الشمس.. وظهرتشافت كروزر سوداء وبطلت الباب علياء وهي تركب الموتر: السلام عليكم ردعليها صوتين: صوت شخص اتعرفه وصوت شخص مااتعرفه: عليكم السلام شويخ: هذا اخويهسالم... ابويه مارام ايي لانه مشغول علياء كانها اتشوفه لاول مرة وهو يطالعها بسالغشوة ماكانت مبينة شي سالم: اشحالج علياء؟ (ويتذكر يوم كانوا صغار... وكيفكانت خسفة فنظره... لانها كفخته فويهه عسب لعبة) علياء ومنصدمة: اللهيسلمك وفخاطرها: يا شكله يا صوته كتكوت ... فحياتي ما شفت انسان خذعقلي وسالم يكلم اخته بصوت خفيف: هذا الصوت الحلو اكيد وراه شكل اللهمعافنا شويخ وهي معصبة: الله ياخذك ان شاء الله سالم وببرودة اعصاب:ياخذنيوياخذج ان شاء الله علياء فخاطرها: هذيلا شو يقولون؟ الفضول جاتلني وفيالطريج تيلفون علياء يرن واتشوف اليدة داقة اليدة: عليوه؟ غربالله مذهبجوينج انتي؟ وبالغلط دقت عالمايكرفون وكلهم سمعواوبعدين ردته علياء وبصوتخفيف:انا موجودة... وليش اتغربليني؟؟!! وكلهم اذنيهم وياها اليدة: ماغربلتج... غربلت مذهبج علياء: ياهالمذهب!! اميه تراني سايرة الصالون ويقاطعهاسالم: سلمي على يدوه سمعته اليدة وقالت: تيددت رقبتك ان شاء الله... جيه اتقولييدوه؟ بعدني شباب علياء تضحك واتقوله هالكلام وهو معصب: هاتي التيلفونيالجذابة هو عج الكلمة وهي صدق عصبت وشيخة اتطالعه منصدمة فرت التيلفون عليهونزلن دموعها بدون ما يدرون سالم: الو مرحبا يدوه اليدة: جيه اتقول عن بنتيجذابة والله ما جذبت... ومرة ثانية لا اتزعلها لانها الغالية سالم فخاطره:مايبين... اظني غالية بس كلام وايرد عاليدة: ان شاء الله اميه اليدة: ياللهاتاسفلها سالم: بعدين اليدة: صدق انه راسك يابس... احين اقولك جدامي سالم: يوم ببند اليدة: تراني بسألها عقب سالم: ان شاء الله اليدة: يالله فمانالله سالم بند عنها وقال: انا اسف وفخاطره: جيه انا يهمني رضاج؟! ولا افكرفيه وعلياء ماردت عليه شويخ: الكلمة مثل الرصاص وتباها اترد مالتعليك سالم: اقولج طبيها السالفة... يالله وصلنا نزلوا شويخ: تعال الساعة 3سالم: عنبوكم بتتغدون عندهم وبعده ما كمل كلامه علياء نزلت من الموتر ورضتالباب رض سالم نزل الجامة: ايه انتي وين اتحرين عمرج !!!!... هذا مب موترابوج علياء سمعت هالكلام والغيظ موصل عندها لمرحلة فظيعة لو درجة الحرارة 45هي وصلت 99 عليا: اقول ابويه بيشتري موترك و70 موتر من هالمواتر سالم: هههههههههه ضحكتيني يالله انفدي عن ويهي علياء اتحرطم ودعت عليه دعا من الخاطروهي تدخل الصالون عليا اتقول حق شويخ: اميه اتغربل مذهبي خلها اتغربل مذهبه... هذا اللي ما عنده مذهب شويخ: صدقج والله علياء: والله انه محمد ذرب واهون عنهبمليون مرة دخلتورمست راعية الصالون سارت شويخ ودفعتلهاقبل ما يسوون لها عطتها 500 للمكياج بس والشعربعدين وعليا سلرت يلست عالكرسي لين ما يا دورها وهي طول الوقت اتفكر : اناشو سويت له؟ ونادوها عسب يسوون شعرها وشيخة سارت اتحط لهاالحرمة المكياج وسشوروا شعر عليا طلع روعة عليها ( شعر اسود وطويللتحت الركب .. صدق يلفت) وهي قايمة من على الكرسي تيها شويخاتصيح شويخ: الله يغربلها ان شاء الله خربت المكياج مااتعرف وتصيح علياء: شوي شوي علي فهميني وخليني اشوفويهج علياء رفعت ويه شويخ عسباتطالعها علياء: خلينياشوفج شافت ويهها وقالت: شوفي امسحي المكياج اللي فويهجوتعالي داخل وعليا اتطالع الحرمة اللي مسوية المكياجواتقوللها: انجلعي وتعالي ويانا شويخ: يعلج بريلأعور عليا : استهدي بالله .... يالله طوفي تعاليداخل ساروا غرفة المكياج.... يلست عليا اتمكيجها وهذيجاتطالع.. |
البارت التاسع .. رسمت لها العين رسم وبرزت ويهها وطلعت شويخ ملكةجمال ويوم خلصت قالت لشويخ: هاطالعي بنت دبي شوعاملة شويخ: قولي والله هذيانا!! عليا: والله انج شيخةالشيخات شويخ: حبيبتي تسلمين عالمكياجيجنن!! جانيت (اللي مخربة المكياج): انتي دارسة فنونالتجميل؟ شويخ:نطقت ست الحسن عليا: اناهاوية جانيت: فرجيني كيف رح تعمليمكياجك عليا: اوكي وهم يطالعونها برزت جمالها بصدق وطلعتغاوية سارت شويخ يسوولها التسريحة وعليا تمت في الغرفة اتعدل شنطتها... يومشويخ سارت كانت لافته الانظار في الصالون وكلهم حاطين عينهم عليها وهيالابتسامة ما فارقت ويهها ووحدة من اليالسين سارت عند راعية الصالون وطلبتنفس مكياج شيخة بس اتأسفت لها راعية الصالونوقالت لها ان الليمسوتنه مب من الصالون وبعد نص ساعة طلعتعليا وخلصوا تسريحة شويخ وقالت لعلياء: دخيلج صورينيبتيلفوني علياء: اوكي بس تصورينيبتيلفوني شويخ: جيه مب من تيلفوني؟ علياء: انتي ما منج امانياللوتية شويخ:هههههههههههههه يلسوا يتصورون... وبعدين دقت علىسالم عسب اييي ياخذهم...ويوم وصل دق شويخ: يالله عليا اخويوصل عليا: الله يعينا على لسانه شويخ: بس اشوفج مااتردين عليه مثل ماسويتي فمحمد؟ عليا فخاطرها: مايهون علية ركبوا الموتر وكلهممتغشيات سالم ويطالع علياء باستهزاء: ها؟ عدلوجالخسيفة؟؟!!! وهي ببرودة اعصاب: هيه عدلوني يااشحفان ووصلها مسج... فتحت تيلفونها عسب اتشوفالمسج من محمد: صبرت وطالت المدة...وطول الصبر يشقيني... على اللي مايسّنقده... حشيم ما وطى شيني طالعت المسج وحطت التيلفونحذالها يوم وصلوا البيت شلت شنطتها ونست موبايلها فيالموتر )حزت العرس( كانوا البنات الملفتات للنظر عليا وشويخوخواتها علياء: شوفي اللي كان يفكر انه بيخطبج تفكير بس... اليومبيحجزونج شويخ: بس عاد والله احمرويهي وعليا شافت امها ويدتها واهلهم فيالعرس الام تحضن بنتها: ها ما شاء اللهعرايس!! شويخ: اشحالج خالوه؟ الام: يسرج الحال.. شو هالزين شوهالزين!! الله يحفظج لاهلج شويخ: الله يخليج خالوه ... تسلمين الام تصاصر عليا: كل العين ع شويخ ... ما شاء الله عليها... عينيعليها باردة وبعدين قالوا الرياييلبيدخلون شويخ كانت واقفة ويا عليا علىينب دخلوا الرياييل وقفوا يسلمونعالكوشة ونزلوا سالم ياي صوبهم عليا فخاطرها: ياللهماغلاك!! شويخ: سالم ... سالم!!! سالم يطالعشويخ وفجأة يطالع وحدة حذالها: عليها عيون تذبح العاشق.. وخشم سليل... وشفايف... شويخ: سالم تعال هني سالم: شوتبين؟ وحاط عينه على عليا شويخ عن قصد نادته عسب ايطالع علياعدل ويرفع من مقدارها شويخ: اه .. لا ماشي... نسيت سالم: يالله فمان الله ركب الموتر وهو راد البيت يفكرفهالبنية الساحرة اللي كانت حذال اخته وقطع حبل افكاره صوت اغنية: متكبرعلينا... صد يمين ويسار وايقول: رنة تيلفون غير!! ... اكيد حد ناسيتيلفونه صد ورا حصل موبايل في السيت اللي ورا ...مطرشينمسج سالم: اكيد هذا تيلفون السبالة...خلنا انشوف مسجاتها...ماشيشغل وبعدين دخل الاستوديو شاف فولدر كاتبين علية )عليونة) والصدمة : لا!!... مستحيل!!... معقولة؟... مايستوي!! البنية اللي داشة خاطري اللي هزأتها تهزيء البلا ؟ ليش يا ربيليش؟ كلهم ناموا هذيج الليلة الا محمد وسالم وعليا عليا: والله انه داش خاطري ... بس مادري اليوم في العرس كأنه ايطالعني لاول مرة محمد: والله احبها واموت فيها سالم: لازم اتسامحني هالانسانة قامت الظهر ومحمد يترياها في الصالة وكانت عيونها فيها دواوير سود من قلة النوم محمد: صح النوم عليا: يالله انا متنعوشة... خلنا نلعب بلاي ستيشن محمد: كلي شي عليا: لا مابا يالله عاد محمد: اوكي تموا ساعة ونص وهم يلعبون ويدخل سالم الصالة ويشوفها تلعب ويا محمد عليا: انته غشاش ما يستوي محمد: ههههههههههه ... انتي اصلا اتعرفين تلعبين بس الجو غيرج سالم محمر وفخاطره : جيه يالسة حذاله؟.... اخوج؟... عمج؟... ابوج؟ صد محمد ورا وحصل سالم يطالعهم محمد: هلا سالم... شو اتسوي ورانا تعال ايلس ويانا عليا وهي تقوم: السموحة منكم انا سايرة داخل سالم وهو يسمع صوتها اللي رن فباله ويقول: لا تمي علياء: اليوم بروح وبتفتك مني سالم حس بغصة ع قلبه وفخاطره: انتي عسل ع قلبي وروحي سالم: هذا موبايلج نسيتيه في الموتر ومحمد يطالعهم عليا تاخذ عنه وعن قصد سالم لمس ايدها حسوا انينتهم برعشة عليا خذت موبايلها ودخلت داخل وفخاطرها تصارخ من شدة الفرحة بس لازم تمسك عمرها واتكون ثقيلة وفي الصالة كان محمد يطالع سالم محمد: شو بلاك وياها؟ سالم: ما بلاي شي محمد: عيل ليش هالكلام( بتفتك مني) سالم: انته مالك خص محمد: عجيب!! انا مالي خص؟ شوف انا عليا اباها وبتكون حقي سالم ومعصب: حامض على بوزك محمد: يعني تباها!! سالم: مالك خص... فمان الله محمد: اقولك لا اتقرب صوبها ... هذي مب وحدة من هذيلاك سالم: سلام |
البارت العاشر .. رتبت عليا ملابسها وسلمت على اهلها وهي تسلم كانفخاطرها اتشوف سالم قبل ما اتروح بس ما شافته قبل ما تركب الموتر اذكرتشي عليا: والله ماركبت فيالموتر!! اليدة: اشبلاج؟ استلبستي؟ ليش؟ عليا: والله ما اركبويالمغازلجي اليدة: خسك ابليس ... بتتكنسل ماعليه وفجأة اييهم سالم سالم: اقولج اميه شورايجاوصلكم؟ اليدة: يالله مشينا وعلياء متفججة فرحانة والابتسامةفويهها وسالم حس بفرحتها واتقول فخاطرها: يالله ما يخرب علية فهالسيرةويقول شي يجرحني لاني ما بسامحه اليدة: بس الموتر؟والدريول؟ سالم: خله محمد يودي الدريول المكتب وياخذ الموتر ويوصلهبيتكم ومحمد ميت من الغياظ سالم ياب الموتر ووقفه عندالباب سالم: يالله يدوه اركبي اليدة: باركبجدام سالم: مااترومين... احسلج ورا اليدة: عليوه مااتداني تركب جدام... وانا عكسها سالم فخاطرها: انتي دومج عكسالناس علياء فهذيج اللحظة احمر واصفر ويهها منالاحراج سالم: انزين يالله اركبي جدام اليدة: صبروا.. صبروا.. حزموني عليا ما رامت تمسك عمرها وضحكت منالخاطر هو بعد طالعها وضحك سالم: والله يدوه انجسوالف اليدة: يالله عليوه حوليوحزميني عليا: ههههههههههه ان شاء الله عليا نزلت وحزمتها وردت ركبتالموتر اليدة: ها .. شوي شوي ... هاللههالله سالم: ان شاء الله وهم يتحركون مسجات ورا بعض لعلياءوهي طاف اليدة: بخبرج عاد... شلي التيلفون جيه مااتردين؟ علياء: انزين واتطالعمنوه اليدة: منو؟ وسالم يطالعها منالمنظرة عليا: محمد ولد خالي مطرش مسج اليدة: وابوية عليه .... شو يبابعد؟ مطرش لها: يعني ماودك تجينا ...يعني متكبر علينا... صدق متغيروقاسي عليا: ماشي ... بس يقول اذا وصلتوا ولالا؟ اليدة: عنبوا تونا ظاهرين سالم: من وين يايبرقمج؟ عليا وبفرحة:انا دقيت له هذيج المرة لانه شويخ ماكان عندها رصيد يومكنا سايرين نتعشا برع سالم وبعصبية: ماشاء الله متعشينبرع؟ عليا: هي والله حست انه متغير واليدة يالسةتسمعهم وتقاطعهم اليدة: سالم سالم: عونج اليدة: حط لنا ميحد سالم: عامرج حط لها ميحد وهم في الطريج... يطالعها ويبتسم الها وهي يحمرويهها فخاطرها: فديت ربي اللي خلقك سالم: اميه عندجرقمية اليدة: اشدراني؟ سالم: هاتي هاتي موبايلج بساييفرقمي اليدة: ها يوّد وسالم يقول الرقم بصوت عالي ويسايفهفتيلفونها اليدة: عنبوك نحنا صمخان مانسمع؟ عليا عرفت التلميح وحفظت رقمهوتضحك سالم: لا يدوه ... تراني ما اعرف احفظه غيرجيه شافها تضحك وضحك ووقفوا عند المحطة يصب بترول سالم: بنزل الشيشة تبون شي؟ اليدة: وبتشيش في المحطة؟ اخ عليك!! سالم: انتي!! الغالية ماروم اقول شي علياء: انا بنزل سالم: شونزلتج؟.... كله شباب رفعت حواجبها بتكبر وقالت: بنزل ونزلت من الموتر ولحقها وهي دخلت وواقفة عند الة الكابيتشينو وهو وراها سالم: انا اسف ع تصرفي فاول مرة وهي مب راضية اتشوفه عليا: لا ماعليه سالم: صدق ماكان قصدي عليا: لا ماعليه سالم: جيه مااتشوفيني يوم اكلمج؟ عليا: إإإإإ ماشي.... اتريا الكابتشينو خذت كوبها وصدت صوبه هو انسحر في عيونها وهي اتخبلت عليه عليا: اقول الناس يطالعونا خلنا انرد الموتر قبل كلام الناس مع انه فخاطرها اتم فهالمكان دوم عليا فخاطرها: فديت كل كلمة اتقولها هي راحت تدفع وواحد من الشباب وقف حذالها ورقمها وترد عليه: جلعة تجلعك!!!! وسالم يطالعها.... كان معصب .... ويقدر ايرد عليه ويلعن والدين والديه بس يبا يشوف ردة فعلها وفخاطره: أسميج حرمة وردت الموتر بس هو بعده داخل اليدة: شو استوا داخل ؟ علميني!! عليا: يتأسف لي.... بس لا اتقولين له شي اليدة: هيه.... اظني متعلق فيج عليا: اميه!!! احلفي... صدق؟؟!!! اليدة: اشبلاج عاجة عمرج عليه؟ .... اثقلي يا بنية ... الثقل زين شافوه رد .... سكتوا ما قالوا شي ورداهم دبي شافته لاخر مرة وهو حس انه بيفارق قطعة من قلبه نزلت من الموتر وخذت اغراضها وما رضت اتشوفه مرة ثانية لانها كانت بتصيح ووصلت البيت سلمت على اهلها وراحت غرفتها .... يلست اتفكر فيه.... فشكله.... فكلامه... فنظرته.... فابتسامته... فضحكته.... فكل كلمة يقولها ..... |
| الساعة الآن 06:57 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir